 |
الجزء الاول
- مش شايف ان فرق السن بينا كبير يا آسر؟
- كبير ازاي؟
- انا عندي 20 سنة وانت 32
- ايوا يعني عايزة تقولي ايه يا مريم
- عايزة اقول اننا مش هينفع نتجوز.
- مش هينفع نتجوز عشان الفرق بينا 12 سنة؟
- ايوا انا طول عمري شايفة ان الفرق المناسب بين اي اتنين متجوزين من 3 ل7 سنين مش اكتر من كده
- بس.. بس انتي عارفة اني بحبك يا مريم وكنت فاكر ان انتي كمان بتحبيني
- اسفة يا آسر... بس انا بحبك زي اخويا مش اكتر
* سيبتها ومشيت وانا حاسس ان قلبي اتكسر... مكنتش ابدا اتوقع ان دي تكون ردت فعلها... احنا جيران من زمان جدا... لسه فاكر اول يوم جم فيه المنطقة وسكنوا في البيت اللي قصادنا.. كانت لسه عندها 10 سنين وانا كنت 22 سنة... كانت بتحبني اوي وعلطول كانت بتخليني اجيبلها شيكولاته والعب معاها... كنت بسيب كل حاجه ورايا واقعد معاها عشان متزعلش... مكنتش بحبها الحب ده بس كانت مهمة جدا بالنسبالي.. كنت شايفها اختي ساعتها ومن كتر ما كنا بنتعزم عندهم كنت معتبر بيتهم هو بيتي وهي هكذا.... مع مرور الوقت وكنت بشوفها وهي بتكبر قدامي...وخصوصا وهي في 3 ثانوي... كنت علطول بذاكرلها وبشجعها ووقفت جنبها جامد... وهي كانت بتبقى مبسوطة بوجودي لدرجة اني حسيت ان جواها مشاعر ليا.... ويوم ظهور النتيجة لما جابت 98٪ كنت حاسس ان انا اللي نجحت مش هي واتفقت من اهلها وعملتلها حفلة كبيرة... في اليوم ده قالتلي بالنص " آسر انا بحبك اوي" كان احلى يوم في حياتي وكنت طاير من الفرحة.... بس دلوقتي... دلوقتي انا مصدوم... طلعت كل ده بتعتبرني زي اخوها! بتحبني حب اخوة مش زي حبي ليها...
________________
سعاد :ازاي ترفضيه يا مريم؟! ده حد يترفض يا بنتي
- يا ماما آسر زي اخويا بالضبط... منكرش اني بحب اهتمامه بيا ووجوده معايا بس انا علطول شايفاه صديق واخ مش اكتر
- بس هو بيحبك جدا... ده عمل حاجات كتير اوي عشانك وبعدين ده محترم وابن ناس اوي وانا بتمنالك واحد زيه
- يا ماما خلاص انا قلتله ان مينفعش نتجوز وهو ده الصح
* دخلت اوضتي وانا مخنوقة... ايوا آسر انسان كويس جدا ومهم اوي بالنسبالي بس مش هعرف احبه... انا شايفاه زي اخويا ازاي يعني هتجوزه؟!.... مسكت فوني وفتحت واتس ملقتوش باعت حاجه زي كل يوم ولا حتى سأل عليا... انا عارفة انه زعلان مني بس المواضيع دي مفيهاش مجاملات!
_______________
آسر..
قررت اني ابعد عنها... معدتش هفرض نفسي عليها... طول الفترة اللي فاتت دي كنت عايش في وهم وكنت فاكرها بتحبني... قمت لبست ورحت الشركة واشغل نفسي ومعدتش افكر فيها...
نيرة : آسر.. ازيك
- الحمدلله ازيك يا نيرة
- الحمدلله... نورت الشركة والله.. بقالك كتير مجتش
- كنت تعبان شوية الفترة اللي فاتت... هاتيلي كل الملفات اللي عندك واي شغل ناقص قوليلي عليه
- من عينيا
* نيرة تبقى زميلتي من ايام المدرسة... ايوا بتحبني.. وعلطول بتحاول تقرب مني بس انا مش شايف غير مريم... كنت بحكي لمريم عنها وكانت بتتعصب اوي لما بجيب سيرتها.. هه وانا كنت ببقى فرحان اوي ومفكرها بتغير عليا!
- ده كل الشغل اللي ناقص
- تمام شكرا يا نيرة
- العفو... بقولك يا آسر.. ايه رأيك بعد الشغل نطلب اكل ونقعد نتكلم شوية
- معلش يا نيرة انا هخلص شغل واروح لاني تعبان جدا
نيرة بحزن : تمام
* خلصت شغل وروحت... طلعت اوضتي وقلت اقف شوية في البلكونة... لاقيت مريم واقفة وبتشرب قهوة... كل يوم في الوقت ده كنت بعمل قهوة واخليها تعمل هي كمان ونقف نتكلم في الفون وكل واحد يحكي للتاني ايه اللي حصل في يومه.. بس خلاص.. ده معدش بيحصل.
دخلت جوا وقفلت البلكونة... وبعد شوية لاقيت ماسدج جيالي ع الواتس.. فتحت لاقتيها من مريم
- آسر... هتفضل زعلان مني كده كتير
شفت الرسالة ومردتش... مش هرجع عن قراري مهما حصل.
_____________
مريم...
لما شاف الماسدج ومردش اتعصبت اوي.. عمره ما عمل معايا كده... بقاله اسبوع مبيكلمنيش ولا بيسأل عليا... بعده عني مضايقني جدا... حاسه بالوحدة وحاسه اني ناقصة حاجه...قمت ذاكرت شوية عشان محاضرات بكرا وبعدين نمت.
* تاني يوم...
صحيت ورحت الجامعة وخلصت محاضراتي واتمشيت شوية لحد ما لاقيت نفسي واقفة قدام الشركة اللي آسر بيشتغل فيها... معرفش ايه اللي جابني هنا بس حاسه اني نفسي اشوفه... طلعت ووقفت قدام مكتبه وكان الباب مفتوح.. مشيت شوية ووقفت في مكان ميشوفنيش فيه... ببص لاقيت واحدة واقفه معاه وبتضحك وهو بيضحكلها!... بيضحكلها زي ما كان بيضحكلي... معقول يكون بيحبها؟... ثواني ده بيقولها يا نيرة...دي نيرة اللي كان بيحكيلي عنها وبيقول انها بتحبه! معرفش ليه حاسه بحريق جوايا... حاسه اني عايزة اعيط... مشيت من الشركة ووقفت تاكسي.... ليه حسيت بالاحساس ده لما شفته مع واحدة تانيه... مش انا مش بحبه؟ ليه غيرانة بقى.
روحت البيت وطلعت اوضتي وفضلت اعيط كتير اوي... انا خسرت آسر.. خسرت اكتر انسان وقف جنبي وحبني بجد... انا غبية لاني قلتله ان مينفعش نتجوز... ايه المشكلة يعني أكبر مني ب 12 سنة... ايوا انا عمري ما حسيت بمشاعر حب ليه بس لما بعد عني حسيت قد ايه هو حاجة كبيرة بالنسبالي... لما شفته مع واحدة وحسيت انه ممكن يكون بيحب حد غيري اتجننت... ممكن كنت محتاجه انه يبعد عشان احس اني... اني بحبه.
_______________
سعاد : مريم... قومي يا مريم
- ايوا يا ماما في ايه
- ام آسر كانت هنا دلوقتي وقالتلي ان آسر مسافر بكرا
- اييه.. مسافر! مسافر فين
- بتقول ان مزاجه وحش اوي الفتره دي وقرر انه يسافر أمريكا يزور باباه ويقعد هناك شويه
من غير ما احس لاقيت دموعي نزلت... آسر مسافر.. يعني معدتش هشوفه.. ازاي؟ لاء وكمان مش هعرف اكلمه اطمن عليه ولا اسمع صوته! انا لازم اتصرف
قمت لبست بسرعه ونزلت رحت الشركة... خبط ع الباب
- اتفضل
-....
- مريم!
- ازيك يا آسر
- تمام... خير في حاجه
- بما انك مبتردش ع مكالماتي ولا رسايلي فقررت اجيلك هنا
- ليه
- عشان اقولك متمشيش
- دلوقتي مش عايزاني امشي؟
- آسر انا عمري ما قلتلك امشي.. انت عارف كويس انت بالنسبالي ايه
- زي اخوكي... عارف
- لاء مش زي اخويا
- اومال ايه
- اا... انا...
يتبع
تكمله بعد التفاعل
الجزء الثاني والاخير
- مريم حسبييي
فجأه لاقيت حد زقني ووقعت ع الارض والناس كلها اتلمت علينا ونيرة بتعيط... آسر!... آسر واقع و.... وفي دم كتير... انهارت ونزلت جنبه ع الارض..
- آسر... آسر قوم يا آسر عشان خاطري... مش هيحصلك حاجة بسببي لاء.. قوم يا آسر
اخدناه المستشفى وطول الطريق بدعي ربنا ان ميحصلوش حاجه ويبقى كويس... وصلنا والدكاتره اخدوه اوضة العمليات... كان في اصابة كبيرة في راسه... مكنتش مستوعبه
القصة موجوده في جروب اجمل القصص وروايات مع شهاب
اللي حصل.. مش مستوعبه فكرة انه ممكن ميبقاش موجود في حياتي او يحصله حاجه بسببي... كنت واقفة قدام اوضة العمليات ومش في ايدي حاجة اعملها... لاقيتني بقول للممرضة اني عايزة اصلي... دخلت اوضة وفضلت اصلي كتير وادعيله انه يبقى كويس... عيطت جامد وانا ساجدة ولما خلصت كان عندي يقين تام انه هيطلع من العمليات كويس.
طلعت برا تاني لاقيت نيرة بتعيط وبتقول " انا السبب.. انا السبب"
مريم : انتِ السبب ازاي؟
لاقيتها سكتت وبصتلي وعيطت اكتر
- في ايه يا نيرة انتِ السبب ازاي
- ااا... انا... انا كذبت ع آسر لما قلتله ان بابا تعبان وعايز يروح المستشفى.... عملت كده عشان مكنتش عايزاكي تقفي ولا تتكلمي معاه... انا شفت صورتك قبل كده خلفيه ع موبايله وساعتها عرفت انك حبيبته... ولما جيتي النهاردة مقدرتش اسيبك معاه فقلتله ع بابا عشان عارفة انه مستحيل هيرفض انه ييجي معايا ويوديه المستشفى وكنت عارفة انه لما يسيبك وييجي معايا هيحصل مشكلة بينكم... انا... انا غبيه.. انا اسفة بجد انا اسفه.
مردتش عليها... مكنتش عارفه ارد عليها... كل اللي كان في
القصة موجوده في جروب اجمل القصص وروايات مع شهاب
بالي وقتها اني عايزة آسر يبقى كويس وبس.. مش هنكر اني اتضايقت منها جامد ولو كان وقت تاني كنت بهدلتها... بس دلوقتي انا مش عايزة حاجة غير اني اطمن ع آسر وبس.
عدى ساعات وانا واقفة بدعي... مبطلتش دعاء طول منا واقفة... وماما ومامته واقفين وكلنا مستنيينه يطلع كويس.... الدكتور طلع... جريت عليه اسأل عن آسر وقال انه الحمدلله كويس ومفيش اي خطر ع حياته... فرحت جدا وحسيت ان روحي رجعتلي... بعد شوية دخلتله وكان لسه مصحاش.. قعدت جنبه وفضلت اتكلم معاه وانا بعيط..
- آسر... تعرف ان عمري ما حسيت بالخوف زي ما حسيت النهاردة كده... حسيت اني هفقد حياتي وروحي... انت بالنسبالي كل حاجة يا آسر.. انت صاحبي واخويا وابويا و... وحبيبي.
لاقيته بدأ يفتح عينه ومسك ايدي وقال..
- يعني كان لازم اموت عشان تعترفي بحبك ليا
اول ما قال كده فضلت اضحك جامد ومكنتش مصدقه انه صحى وكلمني وخلاص بقى كويس
- انا اسفه يا آسر... انا كنت انانية اوي لما رفضت حبك ليا عشان سبب تافه... انا بحبك من زمان بس مكنتش حاسه بده... مجرد ما حسيت انك ممكن تبعد عني حسيت ان روحي هي اللي هتسيبني...لما فضلت فترة متكلمنيش حسيت اني وحيدة واني حياتي بقت كئيبة ومفيش فيها روح... سامحني يا آسر.. سامحني.
- انا عمري ما زعلت منك يا مريم... من وانتِ صغيرة وانا شايفك مسؤوليتي... كنتي ومازلتي مهمة جدا في حياتي... مش هنكر انك لما رفضتيني وقولتي اني زي اخوكي اتجرحت جامد... كانت اصعب ايام عدت عليا وفضلت فترة مروحش
القصة موجوده في جروب اجمل القصص وروايات مع شهاب
الشغل وكنت حاسس ان حياتي واقفة... كنت متضايق منك بس مكنتش عارف ابطل تفكير فيكي... لما كنت بطنش رسايلك ومكالماتك مش متخيلة كنت ببقى حاسس بإيه...بس دلوقتي صدقيني برغم حالتي دي بس انا اسعد انسان في الدنيا.
- ضحكت... وانا بعد كلامك ده وبعد ما شفتك بخير وكويس.. بقيت اسعد انسانة في الدنيا.
* آسر طلع من المستشفى وروحنا البيت... عدت الايام وبقى كويس وبدأ يخرج تاني... وفي يوم لاقيته بيتصل عليا.
- ايوا يا بطلي
- حلوة اوي بطلي دي
- حسيت ده اكتر لقب لايق عليك
- طب انا باعتلك فستان مع جنى اختي اطلعي قابليها والبسيه وانزلي مستنيكي تحت
- ليه؟
- انزلي بس وهتعرفي ليه
لبست بسرعه.. كان فستان حلو اوي.. نزلت وكنت متشوقة جدا اعرف في ايه... لاقيته واقف بالعربية وبيشاورلي عشان اسرع
- جيت اهو... رايحين فين بقى
- يا ستي عاملك مفاجأه اسكتي بقى
- ضحكت.. ماشي يا سيدي
وصلنا مكان حلو اوي... كانت حديقة كبيرة وفيها ناس كتير... كنت مستغربه... ايه ده دول قرايبي!... ماما ومامته هناك اهم!
- ايه ده... دول كل قرايبنا واصحابنا هنا يا آسر
- ايوا اومال لو مش قرايبنا واصحابنا هما اللي هيحضروا خطوبتنا اومال مين اللي هيحضر؟
- خطو ايه..
-ابتسم.. خطوبتنا
- خطوبتنا ازاي
لاقيته بيطلع خاتم من جيبه ومسك ايدي ولبسهوني
- يعني انتِ دلوقتي بقيتي خطيبتي وكمان اسبوعين هتبقي مراتي ان شاء الله
كنت مصدومة... مكنتش مصدقة نفسي... عيطت من كتر
القصة موجوده في جروب اجمل القصص وروايات مع شهاب
الفرحة والناس كلها حوالينا بيسقفوا وكأننا في فيلم او اخر حلقة من مسلسل رومانسي!
- آسر... انا مبسوطة اوي... انت اجمل رزق من ربنا ليا بجد
- وانتِ كل الرزق اللي ربنا رزقني بيه
- جيب الخاتم بتاعك عشان البسهولك يلا
جاب الخاتم واعطهوني... لبستهوله وبصيتله بكل ما فيا من حب
- انا بحبك اوي يا آسر..
" كنتُ طفلة تعلمت الشعور بالسعادة برفقتك... فأصبحت عاشقة تخطت كل درجات الحب بالنظر الى عينيك"✨❤️
شكرا جدا على التفاعل القمر ده بجد فرحتوني جدا وفوق ما تتخيلوا والله💖💖💖💖💖
تعليقات
إرسال تعليق