 |
دواء وحدتي
الفصل الاول
_يلا يا دكتورة على الحالة إلى جوا ف العمليات
=عمليات اى دا أول يوم ليا .. لاء لاء مفيش كلام من دا
_يعنى إيه !!
=يعنى مش لاعبة
_أحنا ف ماتش كورة ؟ اتفضلى يا دكتورة
=أنت بتزعقلى لى .. أنا فضلت 7 سنين ف طب يجى واحد قمر زيك يزعقلى
_نعم ؟؟
=خلاص يعم داخلة .. حافظ الفاتحة !!
_اشمعنا
=على روح الغلبان الى مش هلحق أنقذه دا
_أنا قولت لأبويا بلاش طب قالى لاء مفيش غيرها ..
=لي كد يعم هو حد كلمك؟؟
_عم !! تمم هنشوف الموضوع دا بعدين اتفضلى بق جوا
=اشهد ان لا اله الا الله ..
_صبرنى يرب
..
_مبروك نجحتى ف اول عمليه ليكى
=إحلف .. لا يراجل بجد نجحت!!
_ف اى يبنتى !! ادخلى واسي أهل المريض طيب وطمنيهم
..
_أنتى بتعيطى لى يا طنط كلنا هنموت هو حد هيعيش فيا يعنى.. كله رايح
=نعم يختييي!! أنا بقولك وسيها مش حزنيها
_لا انا مكذبش أنا .. كله رايح يا ..
=دكتور محمود إسمى محمود
_اه كله رايح يا عم محمود
=عم !! أنتى متأكدة انك دكتورة
_يعم والله دكتورة وست الدكاترة كمان ..بلا فخر الى قدامك دى الاولى على دفعتها
=أولى على دفعتها ومش عارفه تعملى عمليه ؟
=لا حاسب حاسب
_اى ف حاجة ورايا
=لاء دى عشان تاخد بالك من كلامى بس .. انا ف النظرى بربنط ف العملى بحتاج حد يغششنى اول كلمة
_نعم !!
=متخدش ف بالك ..
_طب استنى .. انتى اسمك اى !
=فاطمة اسمى فاطمة
_ماشي يا دكتورة ..
...
_دكتورة فاطمة دكتورة فاطمة
=اى يا دكتور إترفد !!
_ نعم !!
=يبقي هتترفد
_يبنتى اسكتى بق
=اوعا تكون مخبي عليا أحنا عشرة عمر يجدع
_عمر اى انا لسه شايفك النهاردة
=بجد امال حاسه أنهم كتير لى .. متخدش ف بالك .. عاوز اى يعنى !!
_ف عمليه وعاوز دكتورة معايا
=لاء انتوا موركوش غيري بق .. إييييييه يا جدع أرحم أمى العيانة بق!!
_لازم تدخلى معايا الحالة ف خطر
=كله راي...
_لو كملتى هخنفك .. قدامى يلا
=أنت بتعمل فيا كد لى !! أكمنى مليش حبيب ولا غريب
_يا بنتى يلا مفيش وقت
=حاضر يعم متزقش ..
..
_أول يوم وعمليتين اصل انا ناقصه
=بس ما شاء الله نحجتى ف الاتنين
_ايوة منا كفاءة
=انتى شغلك كويس اوى بس عيبك انك هبلة شويه
_أنا يبنى !!!
=بعد اذنك هروح مكتبي
_طب وانا ليا مكتب!!
=اكيد طبعا
_بجد يعنى مكتب عليه إسمى .. خلاص بقيت شخصيه
=نعم !!
_متخدش ف بالك .. ممكن توصلنى لمكتبي
=إتفضلي
_يعنى حلو وكمان زوق
=بتقولى حاجة !!
_متخدش ف بالك يعم ..
..
_فونك بيرن
=أيوة منا هرد
_ايوة رد يلا
=منتى مش عطيالى فرصه ارد
=طب رد
..
_أيوة يحبيبتى .. تمم .. ماشي أن شاء الله .. حاضر النهاردة الساعة 6 اه ومتنسيش عزومة الغدا عندنا .. سلام
=قولها سلام يبيبي
_سلام يبيبي
=أيوة كد اصلهم بيقفشوا لما مبيسمعوش كلمة بيبي
_اه فعلا .. اي دا انتى سمعتى المكالمة
=يعم ما انا ماشيه معاك ..
_اه صحيح .. دى خطيبيتى
=هتتجوزوا أمتى
_مخطوبين بقالنا خمس ايام
=خمس ايام ياااه انتوا طولتوا اوى الصراحة .. هتتجوزوا أمتى
_لا حول ولا قوه الا بالله .. احنا مش مستعجلين
=خمس ايام .. مكفايه خمس دجايج
_دا لو عن حب بق .. دى خطوبه صالونات
=اه ربنا يتمم بخير
_شكرا يا فاطمة .. وانتى مخطوبه!!
=بص مبدأيا كد أنا بتقدملى ناس كتير اوى بس النفس بق
_لى مش حلوين !!
=اه .. قصدى لاء .. يعنى لسه مجاش المناسب
_ربنا يرزقك احسن الناس
=شكرا يا محمود ..
..
*روحت البيت وبصراحة كان يوم صعب بس حلو ..
تان يوم
_دكتور محمود
اي دا اسفه مكنتش عارفه أن فيه حد عندك
=ادخلى يا فاطمة .. دى ندا خطيبتى .. ودى يا ندا فاطمة زميلتى
_تشرفنا .. دكتور عاوزينك ف معمل التحاليل
=حاضر .. انا اسف يا ندا معلش مضر أنزل ..
..
_خطيبتك حلوة اوى
=شكرا يفاطمة ..
_بتحبها !!
=ها
_بقولك بتحبها
=لسه الحب هيجى بعد الجواز اكيد
_اه أكيد .. بعد اذنك هفوت على المرضي
=اتفضلى ..
*أنا مالى بيحبها ولا لا .. يمكن عشان محمود يستاهل واحدة يحبها وتحبه
..
_أخبارك يا ...
=علاء ..
_أخبارك يا علاء
=الحمد لله .. شكرا عشان عملتيلى العمليه
_العفو دا واجبي
=كانت عمليه صعبه .. بس ما شاء الله شكلك دكتورة شاطرة
_شكرا يعلاء ..
*ف اللحظة دى محمود دخل الاوضه
_دكتورة فاطمة عاوزك برا لو سمحتى
=حاضر ..
..
_أنتى اى الى مقعدك معاه !!
=أفندم
يتبع ....
دواء وحدتي 🚶💛
رأيكم ف الكومنتس 🚶💛
بقلم مريم سمير 💛🌍"))
يتبع
دواء وحدتي
البارت الثانى
_أنتى ايه الى مقعدك معاه
=أفندم !!
_قصدى يعنى أنه مينفعش تضحكى مع المرضي وكد و ...
=لو سمحت يا دكتور الكلام دا تقوله لخطيبتك مش ليا
_أنا انا اسف .. بعد اذنك
*يوووه انا قولت كد لى هو اكيد خايف عليا لا حد يقول عليا كلمة مش كويسه ..
*مر أسبوع ومحمود بيتعامل ف نطاق الشغل بس ..
..
_ممكن ادخل
=اتفضلى
_أنا اسفه متزعلش منى
=لى انتى عملتى حاجة تزعل!!
_بطل بواخة بق ..
=انا والله كنت خايف حد يتكلم عليكى بكلمة مش حلوة .. وانتى نيتك كويسه
_عارفه .. متزعلش بق
=مش زعلان
_خلصانة هتعزمنى على قهوة
=يعنى انتى الى غلطانة وانا الى اعزم!
_ايوة اهو كيفى كد ..
=كيفك اى احنا بنحشش!! قدامى يلا
_ربنا يخليك والله ..
..
_محمود عاوزة اقولك على حاجه بس متزعلش منى
=اى القهوة وحشه !
_ههه .. لا مش قصدى .. قصدى هو انت ملكش أصحاب ف المستشفى!!
=لاء
_لى مع أن فيه دكاترة كتيرة يعنى
=مش عارف يمكن مش أنا الى اتصاحب
_متقولش كد .. أنا متأكدة انك هتبقي صاحب جدع اوى .. وطيب ومحترم
=تقبلى!!
_أقبل اى ؟
=نبقي صحاب
*سكتت وبصيت ف الارض لقيت الابتسامه الى على وشه اختفت ..
_انا اسف اعتبرينى مقولتش حاجة
=لاء لاء استنى .. موافقه طبعا ..
_بجد !!
=اه والله
_تعرفى انك أول أصحابي
=احسن عشان تقولى كل حاجة بق
_هه .. طب يلا نطلع المستشفى
=يلا
..
*طلعنا مكتبه واحنا بنهزر فتحنا الباب لقينا ندا ..
_ندا !! أزيك عاملة اى
=مفاجأة مش كد !
_اه .. وحلوة بق يحبيبي!!
*بدأت تقرب منه وتمسك شعره وانا كنت محروجة اوى وانا واقفة جمبه كد ..
_طب بعد اذنكم
*خرجت بسرعة ..
..
_يا دكتورة المريض إلى انتى ماسكة حالته .. حالته اتدهورت
=إييه!! تعالى معايا بسرعة
*روحت لقيت المريض (علاء) ف حالة تشنجات وكان لازم يتنقل على العنايه المركزه بسرعة ..
_نادى دكتور محمود من غرفته
=حاضر
..
_دكتور محمود الدكتورة فاطمة عاوزاك دلوقتى ف العنايه المركزة ..
=حصل اى
_المريض الى الدكتورة مشرفه عليه حالته متدهورة
=إيييه !! طب بسرعة يلا ..
*مشي بسرعة وساب ندا ..
_ف اى يدكتورة فاطمة
=الحمد لله نبضات القلب منتظمة دلوقتى
_الحمد لله .. استنى لازم يتعلقله محلول دلوقتى
*فضلنا نشتغل انا ومحمود والحمد لله الحالة بقت كويسه ..
..
_عاملة اى يفاطمة
=منا كنت لسه معاك من شويه
_اه صحيح ..
=انت خطيبتك عاملة اى
_الحمد ايهه دا انا سبتها ف مكتبي من ساعتها .. بعد اذنك
=إتفضل ..
..
*انا ومحمود بقينا صحاب أوى لدرجة أنى بقيت عارفه كل حاجة عنه .. هو الوحيد لأهله معندوش أخوات ..
..
_إيه رأيك يفاطمة .. تيجى عندنا عزومة غدا النهاردة عشان حابب اعرف ماما عليكى
=مش عارفه والله يمحمود ..
_متخافيش مش هتتأخرى
=ماش يعم .. يدوم
_ربنا يخليكى .. النهاردة الساعة 3 والعنوان اهو
=أن شاء الله هكون هناك
_تنورينا والله
..
روحت بيت محمود ومعايا شيكولاتة .. فتحتلى الباب ندا ..
_أزيك يا ...
=فاطمة اسمى فاطمة
_اه ازيك يا فاطمة
=الحمد لله انتى عاملة اى
*ازيك يفاطمة ادخلى اى الى موقفك كد .. ادخلى يلا يستى
=ماش يمحمود
..
_دى فاطمة يماما
=الله دى حلوة اوى
*ربنا يخليكى يطنط .. اتفضلى
=الله شوكولاتة
°مينفعش تاكلى منها يا حماتى عشان السكر
*أنا جيباها من غير سكر عشان عارفه أن طنط عيانة
°والله ومين قالك بق؟
*محمود
°اه محمود
..
*جه معاد الغدا وقومت انا وندا نجيب الاكل من المطبخ ..
_بقولك اى معتش ليكى دعوة ب محمود اتفقنا !
=إيييه!!!
رأيكم ف كومنت يفرحنى
بقلم مريم سمير 💛🌍"))
يتبع
دواء وحدتى
البارت الثالث والاخير
_بقولك اى معتش ليكى دعوة بمحمود اتفقنا !!
=إيه!!
_لو انتى مكانى تقبلى بكد !!
=عندك حق .. أنا أسفه .. بعد اذنك ..
_إستنى مش عوزاه يحس ان انا السبب ممكن انتى الى تقوليله يبعد عنك!!
=اه .. ممكن (بصوت وجع)
_شكرا جدا يفاطمة
=العفو
..
_مبتكليش لى يفاطمة !!
=أنا خلصت لازم اروح
_استنى اوصلك
=لا يمحمود شكرا انا عارفه طريقي كويس
..
*مشيت وانا زعلانة .. بس عندها حق .. انا لو مكانها مكنتش ارضي ب كد .. أن جيتى للحق يندا انا اتمنى اكون مكانك .. اي دا !! دا واحد خاطب مستحيل ابقي السبب ف الخراب بينهم فوقى يفاطمة فوقى ..
..
تان يوم
_مامتى كانت مبسوطة اوى عشان كنتى عندنا
=طيب
_طيب !! مالك
=ممكن يمحمود نبقي زمايل بس .. يعنى انت خاطب ومينفعش إلى انا بعمله دا .. خطيبتك يعنى حبيبتك وصاحبتك وكله .. ربنا يخليكم لبعض.. بعض اذنك
_استنى
=انت بتمسك ايدى انت اتجننت !!
_مش قصدى يفاطمة
=معتش ليك دعوة بيا فاهم !!
_ح حاضر .. بعد اذنك
*سابني مشي كنت عاوزة اعيط بس كتمت العياط عشان ميحسش بحاجة ..
..
_ها يعلاء عامل اى ؟
=الحمد لله يا دكتورة
_يا رب دايما بخير.. دا احنا بقينا عال اوى
=الفضل ل ربنا .. ثم ليكى
_متقولش كد دا واجبي ..
=ربنا يخليكى ..
..
*ف بيت محمود
_محمود عاوزة اقولك حاجة
=انا مش طايق نفسي يندا سبينى لو سمحتى
_بس دى حاجة ضرورية ويرب تفهمها
=قولى .. مالك !!
_انا اسفه يمحمود .. مش هقدر اكمل معاك
=ايه بجد!! حصل اى يعنى قصدى
_بصراحة انا كنت بحب واحد لكن جتله فرصه عمل برا وكان لازم يروح وانا إفتكرت أنه اتخلى عنى وسابنى عشان كد وافقت على الخطوبه .. هو رجع وعاوز يتقدملى
=لسه بتحبيه!!
_بصراحة .. أيوة .. بس عمرى مخونتك صدقنى .. انا عرفت من ماما أنه متقدم وكد وهو ميعرفش انى مخطوبه اصلا
=هيسعدك !!
_بيتهيقلى لو مكنش بيحبنى مكنش رجع ليا
=هتبقى مبسوطة معاه !!
_انا اسفه يمحمود بس الحب دا زى الموت بيحصل مرة واحدة بس
=عندك حق .. مرة واحدة بس
_سرحت فيها !!
=ف مين !!
_فاطمة
=عرفتى منين ! بس شكله حب من طرف واحد
_انا الى قولتلها تبعد عنك .. قالت إنه حقي بس حسيت انها مش عاوزة تبعد مش عاوزة عشان بتحبك
=ايه !! انتوا بنات زى بعض تفتكرى بتحبنى !!
_ايوة طبعا .. يعم صدقنى كفايه عيونها الى فضحاها دى .. يمكن ربنا عمل كل دا عشان تفضل مع الى قلبك دق ليها وافضل انا مع الى بحبه
=عندك حق.. اتمنالك السعادة من كل قلبي
_انت انسان محترم وشهم وجدع .. انا متأكدة انت وخالد هتبقوا صحاب
=اكيد أن شاء الله
_طب استأذن انا بق .. محمود .. قولها .. قولها انك بتحبها
=هربيها الاول
_هه .. ربنا معاها
=استنى عاوز أطلب منك حاجة
_قول ..
..
*تان يوم
_ممكن تنادى على الدكتورة فاطمة
=حاضر يدكتور
..
_عاوز اى يدكتور !!
=عاوز اقولك انى فرحى الخميس الجاى وطبعا لازم تكونى انتى اول المعازيم
_ألف مبروك
=هما دلوقتى بقوا بيعيطوا لما يسمعوا سيرة الجواز!!
_بعد اذنك
*شدها ليه ومسح دموعها ..
_الله الله بتخونى يمحمود
=ندا .. انتى فاهمة غلط .. هى الى اغرتنى .. حد يمسك نفسه قدام العيون دى !!
_بصراحة عندك حق والله
*فضلت متنحة لما لقيتهم هما الاتنين بيضحكوا
_بحبك
=إيه!!
_بحبك وعمرى مهحب غيرك
=مينفعش كد يدكتور .. ندا انا والله . ....
*ندا اى ردى عليه قوليله انك بتحبيه ..
=أفندم !! انا مش فاهمة حاجة
*الحكايه ان انا ومحمود معدناش مخطوبين أنا بحب واحد تان وهو بيحبك
=بق كد !!
_ايوة كد .. بقولك
=قول
_أنا هجيب الحجة النهاردة وعلبه جاتوه استنينى انتى وعيلتك
=يلا يحبيبتى على الشغل متنحيش
..
"كنت أعرف أنك لى من البدايه لأنني احببتك بقلب طاهر"💛
رايكم ف كومنت يفرحنى 🚶💜
بقلم مريم سمير 💛🌍"))
علق 20 ملصق ومتابعة صفحتي ليصلكم كل جديد
تعليقات
إرسال تعليق