 |
-اطلعى برا
بصت عليه وبعدين بصت حواليها وهى بتقوله: بتكلمنى انا يا دكتور
-ايوا انتى واتفضلى اطلعى برا
الطلاب كلهم بدأو يبصوا لبعض بخوف ملحوظ والدكتور مصمم على كلامه
بصتله بحذر وهى بتقول بتهديد: ده اخر كلام؟؟
زعق وهو بيقول: اخر كلام واتفضلى برا .. واعتبرى نفسك شايله الماده
بصتله وهى بتقول : طيب
وبعدين خرجت
الدكتور كمل وهو بيقول بعصبيه: اشكال زباله .. ازاى الاشكال ديه تدخل كلية محترمه
اغلب الطلاب بصوا للدكتور بشفقه وهو ملحظش نظراتهم .. كمل شرحه وهو مش مهتم باللى حصل
___________
خرجت وهى مش مهمته بكلام الدكتور او بتحاول تظهر كدا قدام الطلاب
قعدت فى الكافتيريا وهى مستنية المحاضره اللى بعد كدا
وبعد نص ساعه صحبتها خرجت من المحاضره اللى اتطردت فيها ..
قعدت معاها وهى بتبصلها وبتقول: معلش يا حور متزعليش
حور بصتلها بغضب وهى بتقول: متنادنيش بالاسم ده هنا .. قولتلك اسمى عطية ايه...
بصتلها وهى بتقول: اعتذرى منه علشان متشليش الماده .. ديه اخر سنه
بصتله بغضب وهى بتقول باستهتار: ها او اعتذر .. وده من امتى بيحصل يا ست كرمه .. هو هيشوف انا هعمل ايه مكونش عطيه الا اما خليته يتمنى رضايا ..
كرمه بزعل على صحبتها: حرام عليكى اللى بتعمليه فى نفسك ده .. استهدى بالله وروحى اعتذر انتى بقالك ٣ سنين بتخرجى من السنه بتقدير كويس يطلعك معيده .. مش علشان دكتور زعقلك تتنزلى بالسهوله ديه .. والدكتور ده شرانى ومش بيسكت
_ يعنى انا اللى هسكت .. ورحمة ابويا لاوريه
=طب ورحمة ابوكى يا حور ..لتروحى وتعتذرى .. انا عايزه مصلحتك
حور بصتله وكانت الدموع هتنزل من عنيها بس داريتها بسرعه وهى بتقوم وبتقول بعصبيه وصوت عالى: انتى بتقولى ايه يا كارما .. ده على جثتى .. متحلفنيش برحمة ابويا تانى .. انا حذرتك كتير
اغلب اللى كانوا فى الكافتيريا بصوا لزعيق عطية وفيه منهم اللى من خوفه خرج بسرعه
كرمه اتضايقت من زعيق حور ليها وقامت مشيت من غير ما تتكلم
حور اتضايقت من اللى عملته مع كرمه خبطت الكرسي برجلها وهى بتتنفس بغضب وبصت على اللى واقفين يتفرجوا حواليها على الموقف بشر .. وخرجت من الكافيه
______________
كارما خرجت من الكافيه ناحية البوابه بتاعت الجامعه وعطية بتجرى وراها لكن ملاحقتهاش .. كانت كارما ركبت عربيه ومشيت
ضربت عطية رجلها فى الارض بغضب ودخلت تانى قعدت فى الكافيه والكل بيبصلها
لاحظت نظراتهم ليها فقالت بصوت عالى اشبه بصوت رجولى:، فيه ايه .. باصين كدا ليه ما كل واحد يخلى عينه فى دماغه.. ده ايه الهم ده
مسكت شنطتها و راحت حضرت المحاضره التانيه .. وخلصت وروحت البيت
____________
عند الدكتور
نادى على واحد من المحاضره وهو بيقوله: متعرفش البت اللى طردتها ديه إسمها ايه!!
الولد بخوف: ابعد عنها يا دكتور .. ديه بت شرانيه .. ومحدش قادر عليها فى الجامعه
الدكتور بغضب: هو ايه اللى محدش قادر عليها فى الجامعه .. ما تقول اسمها ايه ولا عايز تشيل الماده انت كمان
الولد بخوف: لا وعلى ايه يا دكتور .. البنات صاحبها فى الجامعه بينادوها عطية
باستغراب: عطية.. متاكد؟؟
الولد قاله: كلهم بيقولها كدا
_طب اسمها عطية ايه؟
=معتقدش انك هتلاقى حد فى الجامعه بالاسم ده غيرها يا دكتور .. سلام عليكم بئا
خرج الولد وهو بيبص يمين وشمال لتكون عطية ديه شافته ..
_________________
روحت البيت وقعدت على السرير وهى بتقول: إما وريتك يا دكتور البهايم .. ازاى تزعق وتطردنى قدام المحاضره كلها
دخلت المطبخ وعملت كيكه بالشيكولاته من اللى بتحبها كارما .. ونزلتلها
" كارما ساكنه فى نفس العماره اللى ساكنه فيها حور بس فى الدور اللى تحت"
خبطت على الباب ففتحت مامت كارماوقالتلها بابتسامة: اخبارك يا حور .. عامله ايه يا حبيبتى ...
حور بابتسامه: طنط العسل عامله ايه يا حلوه .. اومال فين البت بنتك
ام كارما: حابسه نفسها فى الاوضه من ساعة ما جت من الجامعه .. انت اتخنقتوا يا بنتى ولا حاجه؟؟
حور: لا يا طنط مفيش حاجه .. ينفع ادخلها
ام كارما: ادخليلها .. وسبيلى حته من كيكة الشيكولاته ديه .. متبقيش طفسه انتى وهى
حور: من عنيا يا قمر
خبطت حور على الباب وهى بتقول :ممكن ادخل
كارما: لا
فتحت حور الباب وبصت على كارما اللى بصت عليها بعتاب و سكتت
دخلت حور وقعدت على السرير جمب كارما وهى بتقولها: الزعلان ملوش نصيب علفكره
كارما فضلت ساكته وبعد كدا حور قالت: حقك على قلبى يا ست كارما .. بس متحلفنيش برحمة ابويا تانى .. وانا مش هقدر اعتذر منه حتى لو هعيد السنه .. كدا كدا مش هيعرف اسمى.. ففكى
كارما متكلمتش وفضلت ساكته
قامت حور وهى بتاخد الكيكه وبتقول: شكلك ملكيش نصيب .. هاروح اكلها انا وطنط
كارما: استنى
بصتلها حور
كارما: بصوص
حور:متغرقة شيكولاته علشانك
كارما: يبقى تجيبى حضن وشوكه
حور بضحك: خش فى حضن اخوك يا فواز
ضحكت كارما وحضنت حور
وبعد كدا قعدوا ياكلوا الكيك مع بعض
كارما: ده انا كل مره بحاول اقاوم فيها الكيكه ديه بفشل
حور: بالهنا والشفا .. بس سيبى حته لطنط
كارما: بقولك مش قادره اقاوم .. بصى الشيكولاته نازله ازاى .. يا وعدى يا وعدى
حور: طنط الحقى بنتك .. بتاكل نصيبك
ام كارما دخلت وهى بتقول: البت ديه لو لاقيها على باب جامع مش هتبقى طفسه بالشكل ده
كارما وهى مش قادره تتكلم من الكيكه: حوه اوى*حلوة اوى*
الكل قعد يضحك وحور قعدت معاهم شويه وطلعت شقتها ونامت
__________
اليوم اللى بعده راحت مع كارما الكليه وحضرت المحاضرات كلها بما فيهم محاضرة الدكتور اللى طردها
وفضل يبصلها بقرف طول المحاضره
الكل روح بما فيهم الدكتور
لكن وهو مروح طلع عليه شويه عيال بلطجية ولفوا حواليه وهما بيضحكوا ويقولوا: منور يا دكتره
_ عايزين ايه
=ولا حاجه يا دكتره .. طلع اللى فى جيبك
_ببرود،: ولو مطلعش
*هنزعل الحكومه عليك .. لو ده يرضيك قول
_ مش معايا حاجه وامشوا من سكات بدل ما اطلبلكوا البوليس
₩والله احنا كنا عايزين مصلحتك .. بس انت مش عيزها
دخلوا عليه وبدأو يضربوا فيه .. لكن هو كان بيقاومهم ضرب واحد الاتنين التانين هجموا عليه مع بعض .. حاول يضربهم لكن مسكوه واحد ضربه بونيه فى وشه .. والتانى عوره فى ايده بموس
اتعصب لدرجة انه مبقاش شايف قدامه .. زق اللى على يمينه بدراعه ومسك التانى ضربه بونيات فى وشه
جيه يدافع عن صاحبه ضربه برجله جامد لكن اللى كان واقع على الارض ضربه بطوبه جت فى ظهره وقال: يالا يا رجاله.. سيبوه
كلهم جريوا وركبوا الموتسيكل وهربوا .. وهو واقف اصابته بسيطه .. لكن اصابة ايده هى اللى جامده بص على اصابة ايده بالم و......
رايكم لو جابت تفاعل هكملها انا بقالى فتره محتار انزلها ولا لا 🥺💜🌸
البارت التانى
_ مشغله نسوان معايا ولا رجاله ..
=يسطا ده عفى اوى... بس احنا علمنا عليه بردو
_هأو .. يا فرحتى.. علمتو عليه وهو علم عليكم انتم الثلاثه ..
بصت للاثنين اللى واقفين وقالت:باين على وشكم انكم ضربتوه جامد اوى .. ولا يا سيد
₩نعم يا معلمه
ادته فلوس وهى بتقول: روح للصيدليه خليهم يشوفوا الكدمات اللى فى وشهم .. روحوا معاه
نفخت بضيق وهى بتقول بصوت عالى: رجاله ورق صحيح ...
___________
راح المستشفى .. ودخل علشان يخيط جرح ايده .. كان كل همه انه يعرف مين اللى بعتله العيال ديه ... الدكتور اداله البنج وخيط الجرح وهو مش حاسس بأى حاجه ...
الدكتور: احم.. استاذ تامر.. انا خلصت ..
مسك القلم وكتب ادويه وادهاله .. وقاله: لازم تلتزم بالادويه ديه علشان الجرح يلم ..
اداله الروشته وهو قام جاب الادويه وروح البيت ..
بص لايده المجروحه .. والادويه واتنهد بالم لان اثر البنج راح وغير هدومه. ونام
_______________
الساعه ١٠ الصبح. حور كانت نايمه والباب بيتطبل عليه: اصحى يا نايم صحى النوم .. ديه الساعه ١٠ ما يلا قوم .. بت يا عطيه.. قومى هنتطرد من المحاضره
فتحتلها حور وهى بتدعك عينيها وبتقولها: يخربيت زنك يا شيخه.. انا مشوفتش كدا فى حياتى
كارما: تؤتؤ تؤ.. الجميل زعلان ليه .. يالا عندنا محاضره الساعه ١١ يا حلوه ..
حور: حاضر هلبس واجى .
كارما: ايه البيجامه القمر ديه .. ما تديهانى
حور: اتفضليها .. ممكن ادخل اغير بئا
كارما:هو انا منعتك .. ما البيت بيتك
حور بصتلها ودخلت غيرت هدومها
كارما : صباح الفل يشبح.. نورت المنطقه
حور ضحكت وهى بتقول: يخربيت هبلك بجد .. يالا يا بنتى هنتاخر
راحوا الجامعه وحضروا اول محاضره
كارما: انا تعبت.. وهو بيشرح بقاله ٣ساعات فى نفس المسأله
حور:معلش
كارما لاحظت ان حور. مش مركزه فقالت: بتفكرى فى حاجه
حور انتبهت وقالت بتوتر ملحوظ: ها .. لا
كارما بعدم تصديق: طيب .. المحاضره الجايه عندنا دكتور تامر هتحضرى؟؟
حور: لا مش هحضرها .. احضريها انتى وانا هستناكى هنا
كارما:طيب
سبتها كارما وغابت ٣ ساعات وبعدين جت وقالت: الدكتور تامر غايب .. وادانا بداله دكتور سامح
حور: غايب ..
ابتسمت وهى بتقول: كويس .. طب يالا نمشي
مشيوا من الجامعه وكل واحد روح بيته بدون اى أحداث تذكر
اليوم اللى بعده راحوا الجامعه
كارما: اظن هتيجى معايا المحاضره .. دكتور سامح هو اللى هيدينا النهارده
حور بتفكير: طيب .. يالا ...
دخلت حور وكارما واستنوا دكتور سامح... دخل دكتور سامح وشرح وبعد ساعه استاذن من الطلاب .. ان دكتور تامر هيدخل يكمل معاهم
حور : اوف .. كان لازم يجى . ايه الحظ النحس ده
كارما:معلش استحملى ساعتين وخلاص واهدى خالص
حور: حاضر .. هنصبر
دخل دكتور تامر و ابتدى يشرح الدرس.. والطلاب لاحظوا ايده
وبصوا لبعضهم بفهم .. وكارما بصت ل حور .. اللى كانت بتحاول تدارى ابتسامتها خلصت المحاضره وخرج الدكتور.
وحور وكارما خرجوا وقعدوا فى الكافتيريا
كارما بشك:حور .. انتى ليكى ايد فى اللى حصل لدكتور تامر
حور بثقه: وانا مالى .. هو اى حد يتعور فى الجامعه ابقى انا اللى عورته .
كارما بشك: مش مرتاحه لكلامك ..
حور:لا ارتاحى .. انا مليش دعوه .. انا لو عايزه اضره .. هيكون الجرح فى بطنه او رقبته مش ايده
كارما: يا ستار يارب .. ايه يا بنتى .. ده طردك هو علقلك حبل المشنقه ..
حور بصتلها ورفعت حاجبها وقالت: لو لسبب ماشي.. لكن ده بصلى وبعد كدا طردنى من غير سبب ...
كارما اتنهدت وقامت هى وحور يمشوا .. اعترض طريقهم ولدين
_ اول مره اشوف. واد قمر ..
=سيبك من ديه .. ديه مسترجله .. اللى معاها ديه ....
_ ديه عيونك ولا لينسيز
حور بصتلهم بعينها وهى بتقول بتهديد: امشوا...
_ لا يا شيخه
كارما عرفت ان حور مش هتسكت وقالتلهم برجا: امشوا انتوا الاتنين وانفدوا بجلدكم وحافظوا على الباقى من حياتكم ..
= خاف يالا ..
جيه يحط ايده على وش حور وهو بيقول: حد يخاف من القمر ديه
لكن حور بصتله وقالت وهى بتمسك ايده: لازم تخاف
مسكت الواد من ايده وبصت فى عينه وهى بتقوله: مش قلتلك خاف
وفى ثانيه واحده كانت ايده ورا ظهره ..
حاول انه يستقوى ويضرب لكن هى همست فى ودنه وقالت: تؤتؤ .. متحاولش. . وزقت الولد برجلها وقع على الارض
كل ده والطلاب كلها عامله دايره محاوطه بيها حور .. ومحدش بيقرب منها
الولد التانى جى يشوف صاحبه راحت برجلها ضربته على ايده وهى بتقول: علشان ايدك تتجرأ وتلمسنى تانى يا حيوان
فجاءة سمعوا صوت دكتور تامر وهو بيقول: فيه ايه .. ايه اللمه ديه
بص شاف حور واقفه. و ولدين واقعين على الارض ..
زعق وهو بيقول: مين عمل كدا
مفيش رد
قال تانى بصوت اعلى: مين عمل كدا؟
حور ردت وهى بتقول: انا
بصلها بقرف وقال: ورايا على مكتب العميد .. انتى والاتنين دول
مشيت حور على المكتب وشوية طلاب سندوا الولدين و ودوهم على مكتب العميد
حور وكارما والولدين ودكتور تامر وبعض الطلاب واقفين فى مكتب العميد
دكتور تامر: الطلاب دول مش جايين يدرسوا .. جايين يبلطجوا على بعض .. واولهم البت ديه اللى مش معروف هى بت ولا واد من لبسها ده
العميد بصلهم وبعدين قال: حور .. ديه ما شاء الله عليها بتطلع من الاوائل كل سنه
دكتور تامر: حور مين يا دكتور .. انا بتكلم على البت ديه اللى اسمها عطيه
العميد ضحك وقال: ههه.. هى اسمها حور وعطيه .. الاتنين .. هى بتحب ينادوها عطيه .. لكن اسمها الحقيقى حور
دكتور تامر فى نفسه: الاسم ده خسارة فيكى وبص للولدين وقال:ايه اللى حصلكم
واحد اتكلم: مشيين يا دكتور فى امان الله .. لقيناها جايه بتكلمنا وبتطلب كشكول للمحاضرات .. ولما رفضنا زعقت. وكانت عايزه تتخانق معانا
حور اتكلمت بصوت عالى وقالت: كداب .. والله كداب .. واسال اى حد من الجامعه .. واسال كارما
دكتور تامر بتريقه: صاحبتك
وبعدين كمل: من ساعة ما شوفتها وهى عامله مشاكل ..
حور بصتله بغيظ وعينها مليانه دموع وهى بتقول بوجع : والله اللى مش هحلف بيه كدب .. هما اللى اعترضوا طريقنا واحنا خارجين ونبهتم بس فضلوا واقفين ..
ولد من اللى ضربوا: هيا اللى بدات .. الظاهر ان ابوها معرفش يربيها
خلص جملته من هنا وكانت حور نازله عليه بالبونيات
تامر شدها والعميد معاه من على الولد وهى قامت بصعوبه من عليه وقالت: انا ابويا ربانى كويس .. وعرفنى ازاى اتعامل مع الاشكال اللى زيك
العميد بغضب: حور .. كفاية مش عايز كلام كتير علشان متترفديش
حور بصت للعميد ولدكتور تامر. وهى بتحاول تتظاهر بالقوه
كارما بصتلها وعرفت ان حور جابت اخرها وممكن تعيط فقالت : جم عاكسونا وقولتلهم امشوا مرضوش .. وحضرتك ممكن تسال باقى الجامعه
تامر : ها .. هيعكسوا ديه!!
حور بصتله وحاولت تستقوى وهى بتقول: ومالها ديه يا دكتور .. بطل تقل من الناس... لان الدنيا دواره
العميد سال بعض الطلاب اللى واقفين واللى اكدوا على كلام كارما وحور
العميد: رفد شهر ليكم .. علشان تتعلموا بعد كدا لما تيجوا الجامعه انها مكان للعلم مش لقلة الادب بتاعتكم
تامر فضل ساكت والطلاب كلهم مشيوا ما عدا كارما وحور
العميد: معلش يا حور على اللى حصل .. اوعدك مش هيتكرر تانى .. وبعتذر عن كلامى ارجو انه ده ميتكررش تانى وبص لتامر وقال: واسف على كلام دكتور تامر عارف انه كلامه جرحك ..
حور بصتله وقالت: ولا يهمك يا دكتور .. وشكرا ليك .. يالا يا كارما
خرجت كارما مع حور
العميد: مينفعش الطريقه اللى اتكلمت بيها مع الطالبة يا دكتور .. ديه مهما كان انسانه
تامر:وانا قولتلها حاجه انت مش شايف شكلها وطريقتها فى الكلام عامله ازاى
العميد:احنا مش بناخد بالشكل يا دكتور .. ياريت تعامل الطالبه احسن من كدا ... علشان متضرش اخد منك موقف قانونى
الدكتور بص للعميد بغضب وخرج من المكتب ....
_________________
حور وصلت وقبل ما تطلع بيتها فكرت تطمن على الورشة .. واول ما دخلت لقت الرجاله قاعدين بيشربوا شاى .. زعقت وهى بتقول: جايباكم علشان كلكوا تشربوا شاى وتسيبوا الشغل يا نطع منك ليه
_كنا بناخد استراحه يسطا ..
حور:استراحة لما تلهفك انت وهو .. الشغل كتير .. قوموا هبدا فيه معاكم
=اطلع ارتاح يسطا.. ده انت حتى تعبان
حور بغضب: ملكش دعوه منك ليه .. يالا كل واحد على شغله..
الكل بدأ يشتغل وحور بتساعدهم وترتاح شويه ..
_________
تامر خرج وركب عربيته وهو مروح على البيت ....
العربيه بتاعته فجاءة حصلها حاجه
نزل وفتح العربيه ولقى دخان كتير طالع منها
خبط رجله فى كوتش العربيه ... وقعد يدور على تاكسي لكن للاسف ملقاش
تامر:هو يوم اسود من اوله
شاف واحد ماشي فى الشارع فساله: لو سمحت فيه ميكانيكى قريب هنا
_ ايوا يباشا الاسطى جمال..
تامر:طب اروحله منين؟؟
_ حضرتك هتاخد الطريق ده وتحود يمين هتلاقى ورشة الاسطى جمال ..
تامر شكر الرجال و ساب العربيه ومشي لحد الورشه ..
بص للرجاله الشغاله وقال: لو سمحت عربيتى كانت عطلانه على الطريق وعايز حد معايا يصلحها
= يسطا فيه واحد عايز حد معاه يشوف عربيته على الطريق
خرجت من تحت العربيه وهى بتزعق وبتقول: مش شيفنى شغال يالا .. ما تشوف حد معاه .. بصت لملامح اللى واقف مع الواد وقامت وقفت
#الاسطى_حور
ده. اسم النوفيلا ..... رايكم ويارب تعجبكم ... وشكرا على تفاعلكم💜💜💜💜🌸
البارت الثالث
#الاسطى_حور
ابتسمت ابتسامه صفرا وهى بتقول:منور يا دكتور ... اتفضل
واد يا على
_ نعم يسطا ..
بصت لتامر وقالت: وصى على كوبيتين شاى وابعتهم على الشارع لحد ما اشوف عربيه الدكتور
رد واحد من اللى شغلين: اجى معاك يا معلم
حور :هات الشنطه وتعالى ورايا
مشيت حور مع تامر والصبى معاه شايل الشنطه لحد ما وقفت عند عربية تامر وقالت: حصلها ايه قبل ما تركن الركنه ديه
تامر باستغراب: كنت ماشي ولقتها بتفوت
حور: تمام ..
هات العده يا بنى ..
مسكت حور العده وبدات تصلح فى العربيه وسط استغراب تامر ...
بصت للصبى وقالت: روح هاتلى*** .... من الورشه يا بنى
راح الولد الورشه وفضلت واقفه حور مع تامر .. مسكت كوباية الشاى بتعتها وهى بتقول لتامر بتريقه: اتفضل يا دكتور .. متخفش الشاى بتاعنا نضيف وبنغسل الكوبايه كويس ..
مسك منها الكوبايه وهى بدات تشرب فى الشاى بتاعها
تامر باستغراب: مدخلتيش هندسه ليه وانتى بتفهمى فى العربيات!!
فضلت حور بصه قدامها وقالت وهى بتشرب من الشاى وقالت: انا بحب اتعلم اللغات .. شغلتى ديه حرفة ورثتها من ابويا الله يرحمه.. انا دخلت السن بمزاجى واشتغلت شغلانة ابويا علشان متحوجش لحد
تامر بصلها وقال:برافو.. بس لما تتخرجى هتكملى فى الشغلانه ديه .. رفع حاجبه وقال .. معتقدش انك لو بقيتى معيدة او دكتورة فى الجامعه او لو حتى اشتغلتى فى شركة محترمه هينفع تكملى فى الشغلانه ديه
ضحكت باستهزاء من كلامه وقالت: الشغل مش عيب وحتى لو بقيت دكتورة
فى الجامعه او شغاله فى شركه هكمل لان انا مش بستعر من شغلانه فلوسها حلال .... الواحد لو نسي اصله الناس هتنسى هو مين انا ابويا لما كان عايش الله يرحمه كان بيصرف عليا من الشغلانه ديه وكنت بمشي بثقه واقول انا ابويا شغال كذا الشغل مش عيب ولا حاجه الواحد يستعر منها مادام بالحلال
فضل واقف بيفكر فى كلامها اللى باين انه منطقى جداً
الصبى جاب اللى هى طلبته ... صلحت العربيه واخدت المفتاح ودخلت تجربها
واشتغلت
نزلت من العربيه وهى بتقول:عربيتك سليمه يا دكتور .. اتفضل
تامر: كام؟؟
الصبى كان هيرد لكن حور بصتله انه يسكت وبصت لتامر باستهزاء وقالت: عيب يا دكتور .. من غير فلوس .. يالا يا فتحى
هات العده وتعالى ورايا ..
تامر مسك ايدها قبل ما تمشي وقال: ماتعودتش اصلح حاجه من حجاتى من غير مقابل
بصت لايده فسابها قربت منه وقالت فى ودنه بهمس: اعتبر المقابل انك متحاولش بعد كدا تقل منى قدام حد يا دكتور .. تمام
وسابته ومشيت قبل ما يتكلم
وصلت الورشه وبدات تشتغل تانى ... لحد الساعه ما جت ٦ بليل .. ومشيت
الصبح كان فيه محاضرات حضرتها هى وكارما ومكنش عليهم النهارده دكتور تامر وهى خارجه شافت الولدين اللى اخدوا رفد شهر وداخلين وكل واحد معاه ابوه .. بصوا عليها بغضب وسمعت همسات مش مفهومه بين الاب وابنه وطلعوا للعميد ....
مهتمش وراحت لكارما وروحوا .. كارما طلعت ارتاحت وحور كذلك وبعدين قالوا هيذاكروا مع بعض علشان الامتحانان قربت
كارما بغضب: يوووووه .. ايه الماده ديه
حور بهدوء: هنفهم براحه . قولنا ايه .. هنفهم براحه براحه يا كارما
كارما :ده على اساس انك فاهمه
حور: نحاول .. هنحاول براحه بردو
كارما: طيب .. اتفضلى اشرحى
بصت حور فى الكتاب بتمعن وبعدين بصت لكارما وابتسمت وقالت: مش قلت براحه ...
مسكت كارما المخده وضربت بيها حور
وهى بتقول: لا براحه بلا بتاع هنسقط فى الماده
حور: بت .. اتهدى .. امسكى الكتاب واقراى وانا همسك واقرا ولو لاقينا ثغره ولو بسيطه علشان نفهم الماده المعقده ديه . وبعدين سكتت وقالت: اكيد هنعمل حاجه يعنى
كارما:صبرنى يارب
حور: طب ايه رأيك نحاول
كارما: انا عندى راى احسن
حور: ايه
كارما: نعمل كيكة الشيكولاته القمر بتاعتك وبعدين نذاكر او ننام ايهما اقرب
حور بتفكير: بس بكرا نذاكر جامد اوى
كارما: اوى اوى
حور بغضب: هنسقط السنه ديه بسبب تفكيرك .. اتفضلى امسكى الكتاب وشوفى هنعمل ايه
كارما بصتلها وقالت: هنعمل كحك .. هاتى الكتاب
فضلوا نص ساعه يقرأو فى المنهج على امل انهم يفهموا حاجه
حور: الحمد لله فهمت الجزئيه ديه
وبدات تشرح ل كارما
كارما: انا صحبتى شطوره اوى اوى
حور: وانتى فهمتى ايه
كارما: فهمت اللى شرحتيه
حور: بت .. بت .. والله .. هعمل منك كفته .. بقالك نص ساعه بتقرأى عقلك مستوعبش حاجه خالص
كارما ببراءة: خالص مالص بالص فالص
حور : ايه السهوكه ديه يا ماما .. وبعدين بزعيق ما تتعدلى يا بت
كارما اتنفضت وقالت: اوامرك يا فندم ..
حور بتحاول تدارى ابتسامتها قالت: ناس متجيش غير بالعين الحمرا
كارما: انتى عينك رمادي يا فندم
________________
روح بيته ودخل وقعد على الكنبه وهو بيفكر فى كلامها ..... ازاى كان بيعاملها كدا هى عملت ايه علشان يطردها من المحاضره ..شكلها كان غريب. . وانت مالك .. كل ديه افكار كانت بتدور فى راسه وهو بيفكر فيها لحد ما زهق وزعق وهو بيقول:يووووه .. ايه ده وانا شاغل نفسي ليه .. الصوت كان عالى ومسموع لدرجة انه افتكر نفسه مجنون .. غير هدومه وحاول يهرب من التفكير فيها ونام
___________
حور مسكت الكتاب وهى بتحدفه فى وش كارما وقالت: عينى رمادى .. تصدقى يبت .. ولا اقولك .. قومى اطلعى .. غورى.. انا عايزه اعرف. انتى ازاى بتطلعى من الاوائل .. انتى بتذاكرى من ورايا
كارما: انا اصلا مش بفهم دول بيدونى درجات شفقه يا بنتى صدقينى
حور: احنا ننام واكيد ربنا هيحلها علشان احنا غلابه
كارما:عين العقل يا حب .. تصبحى على خير
حور: بس ده سريرى
كارما:معلش بئا سيبالك حته صغيره اهو ..
حور:صبرنى يارب
________________
كارما صحيت وكانت نايمه جنب حور .. فتحت عينها وهى بتهز فى حور وبتقولها بنعاس: اصحى يا حور .. علينا محاضرات الساعه ١٢ النهارده
حور بنعاس: سبينى انام يا كارما ....
كارما: اخلصى وقومى
حور مردتش
كارما قامت غسلت وشها وجابت كوباية مايه وراحت لحور
كارما:استعنى على الشقا بالله
ورمت على حور المايه
حور اتنفضت وقامت وهى بتقول: اعوذ بالله من الشيطان الرجيم .. فيه ايه
كارما:صحيتى .. شطوره.. يالا قومى البسي. .. انا هطلع البس .. لو نزلت وملقتكيش مخلصه .. هيبقى يومك زى ايام الكليه كدا ماشي
حور: اعوذ بالله من الشيطان الرجيم انا اكيد بحلم .. انت ابليس صح
كارما بزعيق: حوووور.. اصحى وفوقى
حور اتنفضت وقامت دخلت الحمام
كارما من ورا الباب:نص ساعه والاقيكى جاهزه ماشي
وخرجت طلعت بيتها
حور جهزت وكارما كمان وراحوا الجامعه وكانت اول محاضره دكتور تامر
_____________
دخل والكل سكت وهو بيقول: النهارده فيه امتحان
كل الطلاب بصوا لبعض وفيه منهم اللى اعترض
تامر بغضب وصوت عالى: اللى عايز يشيل الماده يتكلم تانى او يعترض
________________
فى الكافتيريا
كارما: يا مستقبلك اللى ضاع يانى
حور: بلاش صياح واهدى
كارما: اهدى .. هسقط وتقولى اهدا ..
حور: بس يا بنتى .. هننجح شفقه مش انتى قولتى بتنجحى شفقه
كارما: انا حسدت نفسي .. انا حسدت نفسي
حور:يالا نروح مش هحضر محاضرات تانى المحاضره ديه سدت نفسي
كارما باعتراض:لا ياختى .. انا هكمل .. مش عايزه اسقط فى ديه وباقى المواد كمان .. روحى انتى لو عايزه
حور:براحتك .. انا هاروح الورشه .. سلام
خرجت حور فى نفس الوقت اللى خرج فيه تامر .. عدت الشارع علشان تركب وهو ركب عربيته وفضل باصصلها .. لقى عربيه نزل منها اتنين بيشدوها لجوا بالغصب فضات تقاوم نزل واحد ثالت وزقها جامد كان ساعتها هو خرج من العربيه بتاعته ولما لقى العربيه اتحركت .. رجع تانى وركب عربيته ومشي وراهم
لما وصل ودخل اتفاجأ ب 😳
يا ترى ايه اللى شافه. تامر؟؟
رايكم فى البا رت وتوقعاتكم الفصل الجاى ... التفاعل قل اوى يا جماعه ... ممكن رايكم فيها فضلاً💜💜🌸
البارت الرابع
#الاسطى_حور
خرجت حور من الجامعه وعدت الطريق لكن اتفاجئت ب شخصين بيزقوها للعربيه ... حاولت تقاومهم لكن معرفتش ..
خرج دكتور تامر من عربيته وهو بيحاول يتعدى العربيات علشان يوصلها .. كان واحد ثالث خرج من العربيه وزقها بالقوه .. وركبوا العربيه ومشيوا ومعاهم حور
رجع تامر عربيته وركبها ومشي وراهم .... كان فى مخزن صغير.... دخلوا حور نزل تامر بسرعه واتصل بالبوليس .... ودخل المخزن بس اتفاجى ب .. حور وقاعده تضرب فى واحد بونيات
وثلاثه بيحاولوا يمسكوها
وبتقول: بتخطفنى يا *** .. والله لاوريك
تامر بصلها وراح ضرب واحد من اللى كانوا مسكينها .. وهى بصتله وكملت ضرب فى التانى .. واحد من اللى ماسكين حور استغل الفرصه وجابها من شعرها
اتالمت وبصتله ومسكت ايده اللى ماسكه شعرها وقالت: انت قد الحركه ديه
مفهمش كلامها او قصدها ايه . بس لقى نفسه فى ثوانى مرمى على الارض....
تامر بصلها باستغراب .. انها ازاى قدرت تعمل كدا ..
حاول واحد تانى يتهجم عليها ضربته فى وشه .... وتامر مسكه زقه على الارض .. ساعتها البوليس جه .. وقبض عليهم كلهم
الظابط سالها:انتى تعرفى حد فيهم
حور بصت للواد بقرف: الواد ده ساكن عندى فى المنطقه وحاول قبل كدا انه يقل ادبه عليا بس اتربى
وبعدين قربت عليه ومسكته من هدومه وقالت
.. ...
حور بغضب: مش هسيبه .. ده كان ماسك شومه بحيلة اهله..
تامر : خلاص يا حور البوليس هيتصرف
حور بغضب: اسمى عطيه قولت .. وبعدين انت ايه اللى جابك هنا..
تامر: شوفت عربيه بتخطفك فمشيت وراها وبلغت البوليس
حور بغضب: انا بعرف ادافع عن نفسي كويس .. مش محتاجه مساعدة حد
تامر: هى ديه شكرا الى بتقوليها
حور: شكرا تتقال لشخص عاملى حاجه مكنتش اقدر اعملها .. لكن انا بقدر ادافع عن نفسي كويس وكمان اقدر اخد حقى من اللى بيقل منى وبطريقتى .. وبصت على ايده وقالت: يا دكتور
تامر مفهمش قصدها وقال: طيب .. انا ماشي .. خليكى هنا ودافعى عن نفسك وروحى لحد بيتك وانتى فى مكان متعرفيهوش
حور : اتفضل امشي انت فاكر انى مش هقدر اروح ... تبقى نسيت انا مين. . انا عطيه
تامر بصلها بغضب ومشي ركب عربيته ...
حور خرجت من المكان وفضلت تبص مكنش فيه ولا عربيه
تامر بستفزاز:مش محتاجه مساعده
عطيه راحت للظابط وقالت: لو سمحت ممكن تاخدنى لاقرب مكان فى عربيات
الظابط بصلها وقال: اه طبعا اتفضلى ..
تامر بصلها باستغراب .. طريقة كلامها اتغيرت فى دقيقه .. ايه البت ديه!!
ركبت العربيه واختلست نظره على تامر اللى واقف مصدوم من تصرفها ورجعت تانى ... ركب عربيته بغضب وساق بأقصى سرعة لحد ما وصل البيت
____________
قاعده متوتره ورايحه جايه فى الشقه
_ يا بنتى اقعدى تلاقيها بتجيب حاجه
كارما: اقعد ازاى يا ماما .. ديه خرجت قبلى من الجامعه بساعه كامله .. ولسه مرجعتش .. وتليفونها مقفول. ومعرفش عنها حاجه
_ خير ان شاءالله يا بنتى .. شوفتيها فى الورشه
كارما:وسالت عليها عمال الورشه كلهم.. محدش شافها ..
_ ان شاء الله هتكون راحت مشوار ورجعت .. اهدى بس واقعدى
_________________
روح البيت وفضل قاعد بيفكر فى كلامها ونظراتها الغامضه اللى مش بيفهم منها حاجه .. قام يغير على جرح ايده وهو بيفتكر كلامها
"وكمان اقدر اخد حقى من اللى بيقل منى وبطريقتى .. وبصت على ايده "
كلم نفسه وهو بيقول: نفس اليوم اللى هزقتها فيه طلع عليا بلطجيه وضربونى .. ممكن تكون هى ورا الحوار ده
لا لا لا اكيد لا .. مهما كان متعملش كدا
ديه النهارده انا ساعدتها وعاملتنى بقرف
مش يمكن علشان انت كنت بتتعامل معاها وحش من البدايه
اصلا ديه خلقه تتعامل عدل .. استغفر الله العظيم يارب
طب ما اسألها!!
علشان تبقى اهبل فى نظرها اكتر من انت
يوووووه .. ما تغير على الجرح وانت ساكت ...
__________________
الظابط: محتاجينك معانا فى القسم ...
حور بتعب:دلوقتى!!
الظابط: عارف انك تعبانه بس لازم
حور: تمام.. اتفضل
راحوا القسم وكان ابو الولد واقف والواد واقف ووشه منفوخ من بونيات حور
الظابط: ابن حضرتك اختطف الانسه حور
الولد: يا باشا هى اللى ركبت معايا العربيه بمزاجها
حور: انت كداب.. يا باشا ده ساكن معايا فى نفس المنطقه ومره حب يقل أدبه عليا علمته الادب زى ما قولتلك قبل كدا .. ومن ساعتها وهو شايل منى
ابو الولد:اخرس .. ديه اخرة تربيتى فيك .. طب وايه المطلوب منى علشان يخرج من هنا
الظابط: تنازل عن المحضر
حور:انا مش هتنازل ولو حصل ايه .. ولو سمحت انا تعبانه وعايزه اروح ..
الظابط: خدوا على الحجز يا بنى
خرجت حور. ورجلها مش قادره تشلها وركبت تاكسي وصلها لحد باب البيت
الساعه كانت ١٠ بليل ... طلعت وكانت كارما واقفه على السلم مستنياها اول ما شافتها نزلت بسرعه ليها
كارما بخوف: حور مالك
حور بتعب: ساندينى عايزه اطلع البيت
كارما سندت حور وطلعوا السلم براحة
حور: طلعى المفتاح من الشنطه
كارما: حاضر
مسكت شنطتها وطلعت مفتاح الشقه وفتحت
دخلت كارما وحور
كارما: هطلع اجبلك اكل
حور بصوت ضعيف: لا .. مش عايزه اكل .. خليكى قاعده بس لحد ما نام
كارما: ايه اللى حصل انتى خارجه قبلى
حور: موضوع طويل اوى .. هحكيهولك بعدين
كارما: استنى هجبلك هدوم علشان تغيرى ..
حور هزت راسها ومددت على الكنبه وكارما دخلت جابت لبس ليها ....
ولما طلعت كانت حور نامت ... كان شكلها مرهق وصعب على كارما انها تصحيها .. قلعتها الجاكت علشان تعرف تنام براحتها .. وطلعت قالت لمامتها انها هتبات النهارده مع حور ونزلت تانى ونامت على الكنبه اللى قصدها
__________________
رايكم فى البارت التفاعل قل اوى .. لو البارت
جاب 2k Comments
هنزل الفصل الخامس فى نفس اليوم بس رايكم فى البارت اهم حاجه علشان تعبت جدا فى كتابته
(5)
#الاسطى_حور
_مشفتش الاسطى النهارده ياض
=لا يا اسطى.. ديه حتى معدتش علينا النهارده قبل ما تروح الجامعه بتاعتها
_ طب صاحبتها شفتها النهارده؟؟
=بردو لا
_ طب ابعت حد البيت يطمن عليها ..
=هاروح وارجع فوريره يا معلمى
______________________
كارما صحيت وكانت حور لسه نايمه .. حطت ايدها على راسها لقت انها سخنه ...
الباب خبط راحت تفتح
= الاسطى موجوده
كارما: اه بس نايمه وتعبانه
=تعبانه .. طب محتاجه حاجه اجبهالها ...
كارما: روح للصيدليه هات دواء خافض للحراره .. وابعت دكتور يكشف عليها علشان سخنه اوى ... استنى
راحت جابت فلوس وبتقوله: خد علشان تجيب الدواء
رجع بصلها وقال: الاسطى عطيه خيرها علينا كلنا .. انا رايح اجيب الدواء والدكتور واجى
كارما ابتسمت وقالت:بسرعه متتاخرش علشان هى تعبانه اوى
=فوريره
جرى بسرعه وراح للورشه قالهم
______________
كان بيشرح المحاضره وهو بيدور عليها فى وش كل طالب قاعد قدامه .. مش موجوده لا هى ولا صاحبتها ... قال فى نفسه: يمكن تعبانه بس ومش قادره تيجى
بس فى نفس الوقت بيقول صاحبتها مجتش ليه ..
كان بيشرح وعقله فى مكان تانى .. خلص المحاضره وراح مكتبه وفضل يفكر فيها بص لايده وقال: حاسس انك اللى بعتى العيال ديه .. وانا هتاكد بنفسي
___________
حور فاقت وفتحت عينها بالعافيه وكانت كارما اقعد جنبها على الارض بتعملها كمادات علشان حرارتها تنزل
حور بتعب وصوت ضعيف: كارما
كارما: صحيتى .. الدكتور جاى يكشف عليكى .. ايه اللى حصلك بس!
حور غمضت عينها وقالت: هبقى اقولك بعدين مش قادره اتكلم دلوقتى
الباب خبط كارما فتحت .. كان الولد اللى بعتته ومعاه الاسطى كمال .. اللى فى مقام والد حور والدكتور
دخلوا وكانت كارما بتعملها كمادات ومغطياها
الدكتور حط ايده على جبين حور وقال: حرارتها عليا .. كويس انك بتعمليلها كمادات
كشف عليها وكتبلها موسع للشعب الهوائيه وخافض للحراره
ناول الورقه لعم كمال ..
عم كمال: انزل بسرعه هات الدوا من الصيدليه اللى تحت
=اوامرك يا معلم
الدكتور مشي
حور بتعب: تعبتك معايا يا عم كمال
عم كمال:تعبك راحه يا بنتى .. ده انتى بنت الغالى
حور:تسلم يا عم كمال
ام كارما دخلت وهى بتقول: عملالك شوية شوربة خضار يا بت يا عطيه .. بس ايه جنان.. يالا
حور: مش قادره يا طنط تسلمى
ام كارما: مش قادره ايه .. سانديها معايا يا كارما
عم كمال: لازم تاكلى علشان ترجعى الاسطى عطيه على سن ورمح .. ده الورشه متقدرش تستغنى عنك
حور: والله ولا انا اقدر استغنى عنها يا عم كمال
دخل الواد اللى راح يجيب الدوا وقال: الدواء ياسطى عطيه .. ومكتوب عليه تاخديه امتى
حور:تسلم يا فتحى .. تعبتك معايا
=تعبك راحه ياسطى
عم كمال: هسيبك بئا يا بنتى ترتاحى يالا يا فتحى .. خليها ترتاح
خرجوا كلهم وسابوا حور مع كارما وامها
ام كارما: يالا الاكل رايح فين
حور: اغير الاول بس وبعد كدا ابقى اكل
كارما:طب قومى انا مجهزالك هدوم من امبارح
كارما سندت حور وقاومتها ....
كارما: الف سلامه عليكى ..
حور ابتسمتلها ودخلت الاوضه
غيرت هدومها وخرجت وكانت كارما واقفه عند باب الاوضه قالتلها: تعالى اغسلى وشك علشان تفوقى
حور: حاضر
راحت غسلت وشها وهى بتنهج من التعب
كارما: حاولى تتوضي بس .. وانا هساعدك يالا
بدات حور تتوضأ براحه وخلصت
وراحت على السرير
مامت كارما: هاكلك على السرير ايه اللى فيها يعنى
حور ضحكت : ماشي يا طنط
بدات تأكلها وحور بصتلها بشكر وفرحه ان حد قعد معاها وقت تعبها
حور: كفاية يا طنط مش قادره
مامت حور: حتة اللحمة ديه وبس
حور: لا انا كلت اتنين كفايه .. صدقينى مش قادره
كارما: حصل ايه إمبارح يا حور
حور : فاكره الواد اللى قل أدبه عليا وقعد فى الرايحه والجايه يرخم وكان فى مره هيمد ايده عليا فى المنطقه ابن المعلم احمد ...
كارما: اه .. ماله . ساعتها انتى خليتى المنطقه كلها تتفرج عليه وانتى بتضربيه انتى والصبيان بتوعك
حور: بعتلى حيلة اهله رجاله خطفونى وانا خارجه من الجامعه علشان ياخد حقه ..
كارما بخضه: وانتى عملتى ايه!!
حور: حاولت انى اضربهم وقدرت بس تعبت بسببهم و لقيت دكتور تامر داخل وبيساعدنى وطلب البوليس ودلوقتى الواد محبوس وعلشان يخرج لازم تنازل عن القضيه
كارما: يا اعوذ بالله هى فيه ناس كدا .. اوعى تتنازلى عن القضيه يا عطيه
حور: وانا هبله مش هتنازل طبعا
مامت حور: ربنا منتقم جبار يا بنتى .. خدى الدوا يا بنتى وارتاحى ..
حور: ربنا يباركلك يا طنط مش عارفه من غيرك كنت هعمل ايه
كارما:الله الله يست حور بتعاكسي امى قدامى
حور بضحكه: هو انا اقدر
مامت كارما:بس يا بت انتى خليكى فى حالك .. خدى الدوا يا بنتى
حور اخدت الدوا ونامت وكارما فضلت قاعده مع حور ومامت حور طلعت بيتها
-----------------
كارما نامت فى الاوضه التانيه علشان لو حور احتاجت حاجه
صحيت الصبح وراحت لحور علشان تديها الدوا وهى بتقولها: ماما هتنزل تقعد معاكى وانا هاروح الجامعه اشوف المحاضرات اللى فاتتنا امبارح .. علشان نبقى نذاكرها سوا
حور: ماشي .. تعبتك معايا يا كارما
كارما:بطلى هبل بس وقومى خدى شاور ..
وسابتها وفتحت الباب لمامتها
كارما: انا ماشيه يا ماما خلى بالك من حور
___________
راحت الجامعه وحضرت المحاضرات بتاعتها وهى خارجه من المحاضره دكتور تامر وقفها وقال: تعاليلى على المكتب
ومشي
راحت على المكتب وخبطت واذنلها بالدخول
كارما: حضرتك طلبتنى فيه حاجه
تامر بتوتر: هو .. احم .. صحبتك حصلها حاجه
كارما فهمت قصده:لا هى بس تعبانه ومش هتقدر تيجى الجامعه لفتره بسيطه ..
تامر بتوتر:اه .. تمام ... تقدرى تتفضلى
خرجت كارما وروحت البيت وطلعت لحور قعدت معاها شويه .... فضلوا قاعدين مع بعض لحد ما الباب خبط
____________
تامر كان عايز يتاكد هى اللى بعتت العيال دول ولا لا ..... بعد ما خلص المحاضرات ركب عربيته وراح ل ورشة حور
اول ما دخل واحد قاله
_ أومر يا باشا
رد بتوتر: لو سمحت انا كنت عايز...
قبل ما يكمل كلامه واحد من الولاد جيه وقال: الحق يا معلم كمال.. المعلم احمد رايح للاسطى عطيه وشكله ميبشرش بخير
المعلم كمال قام بخضه وهو بيقول: استر يارب .. هات كام واد وتعالى معايا. ....
المعلم مشي بسرعه ناحية بيت حور ومعاه كام صبى ومخدش باله ان تامر ماشي وراهم
المعلم احمد خبط على الباب .. فتحت كارما واول ما شافته بصتله بقرف وقالت: فيه حاجه
المعلم احمد: كنت عايز اتكلم مع الاسطى عطيه شويه
كارما: الاسطى عطيه تعبانه ... ومش هتقدر تتكلم
فى اللحظه ديه دخل المعلم كمال وهو بيقول:فيه حاجه يا معلم احمد .. مش قولتلك لو فيه حاجه بخصوص الاسطى عطيه قبل كدا تتكلم معايا انا
الكل كان واقف العماره كلها بتتفرج على اللى بيحصل
خرجت حور وهى لبسه اسدال الصلاه ومامت حور بتسندها وقالت بصوت ضعيف وتعب:فيه ايه يا رجاله ميصحش كدا
معلم احمد:كنت عايزك فى كلمتين يا اسطى عطيه
معلم كمال: الكلام معايا انا يا معلم ....
حور مش مستحمله كلامهم والصوت العالى قالت بصوت عالى نسبياً: فيه ايه يا رجاله ما تخفوا صوتكم شويه .. والكلام يكون فى البيت او على القهوه لكن على الباب واللى رايح واللى جاى يتفرج علينا لا ...
قالت كلامها ده و وقعت على الارض..
تعليقات
إرسال تعليق