 |
(6)
#الاسطى_حور
كان واقف مصدوم مش عارف يعمل ايه
الكل جرى عليها وام كارما حاولت تسندها بس هى مغمى عليها ومش متجاوبة مع حد ......
عم كمال جرى عليها بسرعه وهو بيزعق وبيقول: حد يروح يجيب الدكتور بسرعه.. بسرعه
شليها معايا يا كارما
تامر قرب منهم وفى وسط الدوشه ديه كلها شالها قدام الكل وحطها على الكنبه والكل حاول يفوقها ...
ام كارما كانت بتضربها براحه على وشها وهى بتنده عليها علشان تفوق وكارما ماسكه ايديها وبتحاول تدفيها لان ايديها ساقعه ..
عم كمال بغضب: شوفت مجيتك عملت ايه يا معلم احمد انا مش عارف ايه اللى جابك
المعلم احمد بحزن: ابنى محبوس من امبارح يا عم كمال لان الاسطى عطيه مقدمه بلاغ فيه
عم كمال بزعيق: وهتقدم بلاغ فيه ليه .. الاسطى عطيه بياخد حقه بايده مش بيقدم بلاغ فى حد
تامر اتدخل وقال بسرعه: انت ابنك اللى خطف حور إمبارح
الكل انتبه ليه ولكلامه وهو بص للكل بخوف وتوتر وقال: هو.. ابنى...
عم كمال بغضب: اخرس .. بئا ابنك يخطف الاسطى امبارح وجاي عايزها تتنازل عن المحضر النهارده.. خليه فى السجن يمكن يتربى
المعلم احمد حس بالاحراج من كلام عم كمال بص للكل وبص لتامر. انه ازاى عرف ان الاسطى عطيه كانت مخطوفه امبارح .... خرج من الشقه والدكتور دخل مع الصبى
كشف على حور وهو بيقول: انزل بسرعه لاقرب صيدليه وهات محلول علشان نعلقلها ومتتاخرش
خرج الصبى بسرعه وراح للصيدليه
كارما حطت ايديها على جبينها لقيتها سخنه فقالت بتوتر: دكتور ديه حرارتها سخنه وايدها ساقعه ...
الدكتور: حرارتها سخنه ده برد او كورونا بس معتقدش انها كورونا لان الموجه الجديده درجة حرارة الانسان مش بتترفع وللاحتياط لازم تعمل تحليل فى اقرب وقت ... لكن ايدها ساقعه يبقى عندها انيميا ولازم تتغذى كويس
عم كمال بحزن: طب والعمل يا دكتور؟؟
الدكتور:هنعلقلها محلول .. وربنا يعديها على خير .. وتاخد الدواء بتاعها ولو بكرا متحسنتش هتروح المستشفى وهما هيعملوا اللازم
الصبى جه واداه المحلول
علق المحلول ل حور وهو بيحط فيه حقنة خافض للحرارة وبيقول: اول ما المحلول يخلص تتشال من ايدها .. وخلوا بالكم منها كويس ..
عم كمال: شكرا يا دكتور
وصله لحد الباب وحسبه وبعدين دخل وقرب لحور وقال بحزن: ربنا يشفيكى يا بنتى .. خلى بالك منها يا ام كارما ديه زى بنتك
ام كارما: انت بتوصينى على مين يا عم كمال .. ديه زى كارما بنتى بالظبط
عم كمال: ربنا يكرم اصلك يا ام كارما .. هستئأذن انا مينفعش اسيب الورشه لوحدها وكمان الفتره الجايه هنحتاج فلوس كتير علشان علاج الاسطى عطيه
يالا يا رجاله ...
تامر كان واقف فى وسطهم بصتله كارما وهو بصلها علشان متتكلمش وتوضح انه موجود .. محدش واخد باله منه والكل مهتم بحور ..
ام كارما: ربنا يبارك فى رزقكم يارب .
خرج مع الرجاله كلهم وما بينهم تامر اللى حاول انه ميخليش حد ياخد باله منه علشان محدش يقعد يسأله وقفل الباب وراه وفضلت كارما وامها قاعدين مع حور
بعد ساعه حور فاقت ولقت الكانيولا فى ايدها وكارما قاعده جمبها وماسكه كتاب بتقرائه ..
حور اتكلمت بتعب وقالت: كارما ممكن مايه
كارما سابت الكتاب بسرعه وقامت وهى بتقول: حاضر .. ثوانى...
جابتلها المايه بسرعه وشربتها وقالتلها بقلق: حاسه ب أيه؟؟
حور بتعب: دماغى مصدعة من النوم .. هو ايه اللى حصل
كارما:، انتى تعبانه دلوقتى .. خدى دواء البرد ونامى
حور: ااه.. ايه اللى فى ايدى ده
كارما: ديه علشان عندك انيميا ... ارتاحى بس
حور: عايزه انام فى اوضة بابا وماما يا كارما برتاح فيها اكتر
كارما: انتى بقالك شهر مفتحتيهاش يا حور .. انتى مش بتدخليها الا لما تكونى تعبانه او متضايقه
حور: اه .. ساندينى ليها بس
كارما سندت حور لحد الاوضه وفتحتها دخلت وبصت على صور ابوها وامها ونامت على السرير بتعب وهى بتقول: اااه... ايه الوجع ده
كارما: معلش استحملى .. عارفه انك مش بتحبى الحقن بس باقى حبه صغيرين وهشيلها
حور سكتت ومددت على السرير بتعب وقالت: ايه اللى حصل
كارما: اغمى عليكى لما زعقتى بصوت عالى
حور بتفتكر اللى حصل: اه.. وايه اللى حصل بعدها ..
كارما: انتى تعبانه دلوقتى
حور: احكى يا كارما .. انا هتعب لو معرفتش ايه اللى حصل
كارما: بعد ما وقعتى على الارض
فضلت تفكر قالت انها مش لازم تقولها ان تامر هو اللى شلها وحطها على الكنبه علشان متضايقش..
حور: كملى يا كارما حصل ايه
كارما: سندتك انا وماما ونيمناكى على الكنبه والدكتور جيه وعلق الكانيولا .. وعم كمال هزق المعلم احمد واتكسف على دمه ومشي
حور: كل ده.. طب وطنط فين دلوقتى ؟؟
كارما:فى البيت فوق .. هتنزل الصبح
حور: ربنا يباركلها .. مش عارفه اقولك ايه يا كارما تعبتك معايا انتى وطنط
كارما قربتلها وهى بتقول: قولى انك هبله .. بصيلى يا حور ...
حور بصتلها وهى مش مدياها خوانه باستغراب
كارما شدت الكانيولا من ايد حور
حور بالم:ااااااه.. ليه كدا يا كارما
كارما :معلش .. انا عارفه انى لو طلبت منك اشيلها هقعد ساعه علشان ترضي
حور: انتى ازاى تخليه يركبلى حقنه فى ايدى يا كارما
كارما بصتلها وقالت: وانتى ازاى متكليش كويس ومتهتميش بصحتك يا قلب كارما .. شكلك فوقتى وهتطلعيهم عليا .. خدى الدواء ونامى الساعه ٢ بليل
حور: هاتى ايدك اقوم اتوضأ اقرا قران لحد الفجر .. مش عايزه انام دلوقتى
كارما: اوامرك يا ستى يالا
كارما سندت حور علشان تتوضأ وبعد كدا وصلتها للسرير
كارما:، اتفضلى المصحف اهو
حور: هتروحى الجامعه بكرا ؟؟
كارما: تؤ تؤ.. هقعد معاكى ..
حور: روحى .. هيبقى انا وانتى على الاقل يكون حد فينا فاهم المنهج
كارما: هو كلام يحترم وكل حاجه يس مش هسيبك واروح الجامعه بردو .. هدخل اجيب المصحف من الاوضه التانيه علشان اشاركك فى الحسنات
وبدأو الاتنين يقرأو قران .. لحد ما الفجر أذن .....
حور صلت. وهى قاعده لانها مش قادره تقف وكارما صلت. .. وبعد كدا ناموا
__________________
الباب خبط الساعه ١٠ الصبح قامت كارما وهى بتقول من ورا الباب بنعاس: مين على الباب؟؟
_ عم كمال بيقولك تجهزى الاسطى عطيه علشان تروح المستشفى تكشف
كارما من ورا الباب: حاضر .. ساعه بالظبط اكون صحيتها علشان تجهز
راحت لحور. وكانت نايمه
غسلت وشها. واتوضت صات الضحى .. وبعد كدا راحت تصحى حور
حطت ايدها على راسها وهى بتقول: الحمد لله حرارتك نزلت
نادتها براحه وهى بتقول: حور .. يا حور. اصحى ...
حور بنعاس: ايه يا كارما .. مس هنزل الجامعه النهارده
كارما: هتروحى المستشفى علشان يكشفوا عليكى تانى
حور بصتلها بانتباه وقالت: يكشفوا عليا تانى ليه ؟؟
كارما محبتش توترها ف قالت: الدكتور قال كدا .. يالا بس قومى علشان تجهزى وتنزلى .. عم كمال هيجيبلك عربيه تحت البيت توديكى للمستشفى ...
حور: حاضر يا كارما .. سبينى بس انام نص ساعه كمان
كارما:، عم كمال مستنيكى تحت ... مينفعش .. يالا قومى
حور: امرى لله
ساعدتها كارما وقامت لبست ونزلت .. لقت عم كمال راكب عربيه من قدام جنب السواق .. نزل بسرعه وهو بيقول: صحتك عامله ايه دلوقتى يا بنتى
حور بابتسامه: الحمد لله يا عم كمال
عم كمال للرجاله فى الورشه: خدوا بالكم من الورشه لحد ما اجى. يا رجاله ..
الكل هز راسه ب تمام وهو ركب العربيه وطلع على المستشفى
______________
طلعوا اوضة الكشف وخذوا عينة من حور علشان يكشفوا عليها ...
كارما: نتيحة التحليل هتطلع امتى ؟؟
الدكتور:تقدروا تستنوا ساعه برا. والنتيجة هتتطلع
كارما: ساعه
الدكتور خرج وكارما بصت. ل حور
حور: هنستنى يا كارما .. علشان مش عايزه اروح واجى تانى
عم كمال:تقدرى تروحى وهبعت اى حد من الورشه يجيب التحليل ويجى
كارما: انا شايفه انه حل كويس .. احسن ما تقعدى ساعه كامله
حور: تمام حل كويس .. يالا يا كارما
...........
خرجت من اوضة الكشف و وفضلت ماشيه هى وكارما وعم كمال سبقهم تحت للعربيه
وقفت عند صوت حد وهو بيقول: براحه يا دكتور
التفاعل قليل اوى .. ممكن رايكم فى الرواية بصراحه🥺💜🌸
(7)
#الاسطى_حور
وقفت على صوت حد وهو بيقول:براحه يا دكتور
رجعت خطوتين ل ورا وبصت على الاوضه تشوف مين اللى جوا كان الولد اللى ضربته فى الجامعه و واقف معاه ابوه
الدكتور وهو بيشتغل اتكلم وقال: ايه اللى عمل فى وشه كدا
ابوه بصله بغيظ وقال:اعماله السوده .. وشه هيخف امتى يا دكتور ؟؟
الدكتور:قريب ان شاء الله
حور مشيت قبل ما حد ياخد باله
كارما بضحك: الواد اللى حاول يحط ايده على وشك .. وشه بقى شوارع
حور: مش هشمت فيه .. بس هو يستاهل بصراحه
كارما ضحكت. وهى خارجه من المستشفى مع حور .. كان تامر داخل ..
كارما شافته وقالت: ازاى حضرتك يا دكتور تامر
تامر بص ل كارما وحور وقال: الحمد لله .. اخبار صحتك ايه يا حور
حور. بصتله وقالت: الحمد لله ..
كارما: حضرتك جاي المستشفى ليه ؟؟
تامر بص على ايده وقال: كنت جاى افك السلك النهارده
حور بصت لايده بتريقه وقالت: ربنا يشفيك يا دكتور
تامر بصلها ورسم ابتسامه بسيطه وقال:واياكم يا اسطى حور
كان قاصد يغيظها لما قالها الجمله ديه ونجح فعلا .. كارما حست ان المشحنات ممكن تزيد ف قالت: طب .. نستأذن احنا يا دكتور....
حور بصتله بغيظ وخرجت مع كارما من المستشفى ....
ركبوا العربيه وعم كمال قال:اتاخرتوا ليه ؟؟
حور: مفيش يا عم كمال .. اكلع على البيت الله يباركلك
عم كمال: حاضر يا بنتى .. اطلع يسطا ...
__________________
وصلوا البيت وكانت حور تعبانه ف دخلت تنام ... كارما طلعت لمامتها تشوفها
كارما: ماما اعملى ل حور بانيه علشان بتحبه .. والسلطه لان الدكتور وصى انها تاكل سلطه كتير
ام كارما: السلطه فى الثلاجه .. والبانيه جاهز .. انا عارفه انها بتحبه .. وفيه لحمه على النار بردو ...
كارما بابتسامه: تسلمى يا ست الكل .. ربنا يباركلك ...
ام كارما: انزلى خليكى معاها علشان لو صحيت ..
كارما: حاضر يا ماما .. سلام
نزلت كارما وفضلت قاعده مع حور شويه .. حور كانت نايمه وهى قاعده بتذاكر
_____فى الورشه______
كان بيقرب وهو متوتر خايف حد يحرجه او يكلمه .. قرب وكان عم كمال بيقول للرجاله : انجزوا يا رجاله ..عندنا عربيات كتير
لف وشه ولاقاه فى وشه .. بصله بقرف وهو بيقول: يا رزاق يا كريم يا فتاح يا عليم .. جاى ليه يا معلم احمد
معلم احمد: جايلك واسطه بينى وبين الاسطى عطيه
عم كمال: خير
معلم احمد: كل خير ان شاء الله .. القضيه لسه متقفلتش يا عم كمال وابنى لسه عيل وقدامه مستقبل طويل .. و
عم كمال وقف بغصب وقال: و ايه يا معلم احمد .. ابنك يخطف الاسطى وقبل كدا يقل ادبه عليها .. خلى السجن يربيه طالما انت معرفتش تربيها
المنطقه كلها اتلمت حوالين الورشه وزعيق عم كمال كان عالى لدرجة ان. كارما خرجت من شباك اوضة حور .. تبص على مصدر الزعيق
حور صحيت وبصت ل كارما اللى واقفه منتبهه للزعيق : ايه اللى بيحصل برا يا كارما
كارما : متشغليش بالك .. كويس انك صحيتى .. هتصل ب ماما تنزل الاكل على ما تكونى اخدتى الدواء
صوت الزعيق. زاد برا لما المعلم احمد قال: يا عم كمال انا جايلك وسطة خير
عم كمال صوته على اكتر وقال: بلا واسطة خير بلا واسطة شر .. هدى شويه وهو بيقول .. بص يا معلم احمد انت راجل كبير والكلام ده عمره ما حصل فى المنطقه ابنك اتعدى حدوده جامد سيبه يتربى شويه
حور كانت سامعه الكلام لان بيتها قريب من الورشه .. قامت وقفت وقربت من البلكونه وبصت شافت معلم احمد بص ل عم كمال بحزن وحسره على ابنه ومشي ...
بصتله بشفقة على حاله
كارما حطت ايدها على كتف حور وقالت: ايه اللى قومك من على السرير بس
حور :كنت بشوف الزعيق ده جاي منين طلع من الورشه ...
كارما: اه .. المعلم احمد كان بيكلم عم كمال .. سيبك اهم حاجه صحتك .. ماما عملتلك البانيه اللى بتحبيه .. و السلطه ديه اوامر الدكتور علشان الانيميا ..
__________
عم كمال: هو. الواد ابراهيم اتاخر ليه .. حد يتصل عليه يا رجاله
_ اهو هناك اهو يا عم كمال
بص. عم كمال شافه جاى عليهم
عم كمال مسك التحليل بخوف وقال: التحليل طلع فيها حاجه
ابراهيم بتوهان: هو قالى حاجه بالانجليزى يا معلم كدا بس مفهمتش
عم كمال: طب وديها لبيت الاسطى هى متعلمه وهتعرف ....
ابراهيم: اوامرك يا عم كمال
_________________
تامر روح بيته بعد ما فك السلك قعد يحرك فيها بارتياح وهو بيقول: ياااه .. خلاص فكيتك .. ده انت كنت سلك رخم ..
افتكر شكلها وهى تعبانه وصوتها. اللى. مش طالع حتى وهى بتغيظه بكلامها وهو بيقول فى نفسه بضحك: حتى وانتى تعبانه مش بتسكتى عن حقك يا حور
رسم ضحكه على وشه غصبن عنه منتبهش ليها
اتفتح الباب ودخل شخص وهو بيقول: ايه الابتسامة العريضه ديه يا استاذ تامر
__^^________^^___
حور بضحك: هاتو التلاجه بتاعتكوا هنا احسن يا كارما ..
كارما: انتى بتتريقى يا ست حور على العموم هتاكلى كل الاكل ده لو اعترضتى هجبلك ماما
حور: وعلى ايه .. حاضر هاكل .. بس البانيه والسلطه اللى انتى بتقولى عليهم بس
كارما: احم .. استنى ماما هتنزل بالاكل وتعرفى هى طابخه ايه
حور بتبريقه: يبقى مش هنخلص
الباب خبط
حور: روحى افتحى لطنط لما نشوف موضوع الاكل ده
كارما فتحت وكان ابراهيم
ابراهيم: التحليل اهو يا انسه كارما .. ابقى اديه للاسطى
كارما اخدت التحليل وفتحته
جريت على حور وهى بتقولها : الحمد لله Negative سلبى
حور :الحمد لله .. هاتى الدواء علشان اخده
دخلت ام كارما وهى ماسكه صنية الاكل وبتقول: عملالك اكل يا بت يا حور هتاكلى صوابعك وراه ..
حور: الريحه سابقه يا طنط ..
ام كارما: هيخلص كله يالا كلى
_________________
_عجبك اللى عملته ده
بندم: والله انا كنت متغاظ بس ..خرجنى من هنا يا بابا .. قولها تخرحنى ومش هعمل كدا تانى والله
_ انت غبى ومتسرع واخرة تسرعك ده. شوف انت فين دلوقتى ..
مسك ايده وهو بيبوسها وبيقول: قولها تيجى تزورنى وانا هبوس على ايدها بس خليها تتنازل على المحضر ... العيشه هنا وحشه اوى
بصله بحسره هو حاول يخليها تتنازل لكن هي رافضة ربط على كتفه وهو بيقول: خليك راجل وانا هتصرف .. هكلمها تانى ويارب توافق
بصلوا وقالوا: قولها. وخليها تيحى مره واحده بس
بصله بحزن على حاله وسابه ومشي
__________________
حور: كفاية يا طنط مش قادره
ام كارما:وانا عامله الاكل ده لامى .. انتى عندك انيميا كلى يالا
حور بضحك : انا خلصت نص الاكل مفيش مكان فى المعده خلاص
الباب خبط وكارما فتحت
كارما بترحيب: ازيك يا عم كمال
عم كمال: الحمد لله .. اومال الاسطى عطية فين؟؟
كارما: بتاكل جوا .. قوانى اقولها انك جيت
دخلت كارما وبلغتهم
دخل وهو بيقول: احم . يا ستار
رفع راسه وقال: احم.. اخبارك صحتك ايه
ابتسمت وقالت: الحمد لله بخير
عم كمال: كنت عايزك فى كلمتين يا بنتى
ام كارما: طب هستئاذن انا يا حور يا بنتى .. البيت بيتك يا عم كمال .. اتفضل
قعد على الكرسي اللى جنب حور وقال: بصى يا بنتى .. المواضيع الكتير اللى حصلت ديه ممكن تتكرر تانى ولازم نحط حد ليها
حور: وايه الحل يا عم كمال .. هو انا كنت جيت ناحية حد او جريت شكله
عم كمال: مش القصد يا بنتى .. خلق ربنا فيه منهم الوحش وفيه منهم الطيب .. وانتى لو قدرتى عليهم دلوقتى الله اعلم اللى هيحصل بكرا
حور: الخلاصه يا عم كمال
عم كمال : يكون فيه راجل فى حياتك يقف معاكى
حور بصتله باستغراب كمل كلامه وقال : تتجوزى
رايكم فى البارت. التفاعل قل اوى يا جماعه ممكن رايكم وتفاعلكم علشان اقدر اكمل ... البارت هينزل كل يوم الساعه ٤
(8)
#الاسطى_حور
_ ايه الابتسامة العريضه ديه يا استاذ تامر
قام وقف بسرعه وهو بيقول: بابا ... انت هنا من امتى؟؟
قفل الباب وهو بيرفع حاجبه وبيقول: مش شايفنى لسه داخل
تامر بتوتر:اه.. منور .. اتفضل
ابو تامر: مقولتليش ايه سر الابتسامه ديه ؟؟
تامر:مفيش افتكرت موقف ضحكنى مش اكتر
ابو تامر: لسه بتعامل حور بطريقة مش كويسه؟؟
تامر ضحك وقال: هى بتدى فرصه لحد يعاملها بطريقه وحشه .. ديه فظيعه يا بابا
ابو تامر:قصدك بمية راجل .. انا بشوف طريقة تعاملها فى الجامعه قبل ما حضرتك تكون معيد يا دكتور .. بتفرق فى المعامله بين الولاد والبنات .. بس مش بالطريقه اللى انت بتتعامل بتقول عليها .. هى بس بتحط حدود لاى حد يتعامل معاها مش اكتر
تامر: فعلا .. بس حدودها صارمه اوى .. ديه لما ساعدتها لما اتختطفت هزأتنى وركبت مع الظابط وسابتنى
ابو تامر بضحك:علشان متتعودش عليها بس .. او تخليك فاكر انك عملت فيها جميله وانت رخم وهتقعد فى الريحه والجايه تذلها
تامر :وانا من امتى وانا بعمل كدا
ابو تامر: انا هدخل استريح شويه .... مش هنخلص من الكلام على حور .. اه وحاول فى الجامعه تناديها ب عطيه علشان متضايقش .. مع انى معرفش هى بتحب الاسم الغريب ده ليه
تامر فى نفسه: هى مش بتحب غير نفسها اصلا
________________
كارما: حور.. حور..حور... يا حووووور
حور بفزع: ايه يا كارما .. مالك؟؟
كارما: سرحانه فى ايه بقالى ساعه بنادى عليكى
حور بتوهان:مفيش .. مفيش .. بس عايزه ارتاح شويه
كارما: طيب انا هقعد برا مع ماما شويه ..لو احتاجتى حاجه نادى عليا
حور:تسلمى يا كارما
خرجت كارما وحور حطا راسها على المخده وفضلت باصه للسقف وهى بتفتكر كل اللى حصل
فلاش باك
عم كمال: تتجوزى
حور بصدمه:اتجوز .. ضحكت وقالت وبعدين مين هيرضى باسطى يا عم كمال
عم كمال:متقليش من نفسك يا بنتى انتى الف واحد يتمناكى .. هو هيطول انه يناسب الاسطى عطيه
حور: مفيش حد هيرضى يا عم كمال
عم كمال: طب وايه رايك فى عمر ابنى .. هو متخرج وشغال محاسب فى شركة ...
حور: يا عم كمال انت عايز تدبس الواد فيا ما تصلى على النبى
عم كمال: عليه افضل الصلاة والسلام .. وبعدين هو يطول عموماً هسيبك تفكرى يا بنتى انتى امانه فى رقبتى .. ربنا يشفيكى هسيبك دلوقتى علشان ورايا شغل فى الورشه ..
خرج فى من الاوضه وسابها فى حيرتها
باك
نامت على جنبها اليمين وفضلت باصه لصورة ابوها اللى محطوطه على الكومدينو بصتله وهى بتفتكر ايام طفولتها معاه وقد ايه كان حنين عليها. مدت ايدها وهى بتمسك الصوره وبتحطها فى حضنها وتنام
_________________
الايام عدت وحور خفت نسبياً وبقت تقدر تمشي وتروح الجامعه ...
عم كمال فتحها فى موضوع الجواز ده مره تانيه وهى قالتله سبنى افكر شويه كمان
نزلت الجامعه مع كارما رغم ان كارما كانت مصره انها تقعد كمان يومين فى البيت لكنها رفضت واصرت انها تنزل لان ديه سنة الفاينل
نزلت الجامعه ودخلت كالمعتاد مع كارما .. وقت المحاضره كان فاضل عليه نص ساعه قاموا واتمشوا لحد المدرج دخلوا وقعدوا وحضروا المحاضره .. خرجوا بس وهما خارجين
حد نده على كارما
كارما لفت تشوف مين بينده كان واحد زميلها فى الجامعه
قرب منهم وهو بيقول بتوتر: لو سمحتى يا انسه كارما كنت عايز حضرتك فى موضوع مهم
كارما: اتفضل
بص. ل حور اللى واقفه جمب كارما
حور لاحظت فقالت: طب هستناكى برا يا كارما
خرجت حور وقفت على باب الجامعه مستنية كارما
واحده جت وقفت معاه وهى بتقول: ازيك عامله ايه
حور بلامبالاه:الحمد لله
البنت:، احم.. انا سمعت عنك فى الجامعه وكنت عايزه اتعرف عليكى
حور ابتسمت : اسمى عطيه فى سنه رابعه
البنت: انا مريم معاكى فى نفس السنه .... معلش هو عطيه ده اسمك الحقيقى ولا nick name؟؟
حور:nickname بس لو حبيتى تنادينى قوليلى عطيه بس
البنت:تمام .. ممكن رقمك
حور: اسفه.. بس مش حفظاه والتليفون مع صحبتى
قالت الكلمه ديه و التليفون رن
فضلت تبص للبنت والتليفون. وهى بتحاول تخفى ابتسامتها اللى بتدل على الاحراج وقالت:احم.. طلع معايا ...
مسكته وردت وهى بتقول: ايوا يا كارما .. انتى فين؟؟
كارما:مستنايكى عند البوابه التانيه .. انتى فين ؟
حور: عند البوابه الاولى .. انا جيالك
بصت للبنت وقالت: عن اذنك يا مريم .. تشرفت بمعرفتك ..
ومشيت بخطوات سريعه. لحد ما وصلت للبوابه الثانيه
وهى بتنهج
كارما: بتجرى ليه يا عطيه ؟؟
حور بصتلها وهى بتاخد نفسها وحكت الموقف
كارما بضحك:شكلك قطونيل خالص .. يا بنتى كنتى اديها رقمك
حور:وانا ايش ضمنى انها مش عايزه توزعه على الجامعه زى ما حصل قبل كدا .. يالا نروح سيبك منها ... اه صحيح كان عايز منك ايه الواد ده؟؟
كارما بفرحه: مفاجاه
حور بتريقه: مفاجاه ايه!! هيكون طالب ايدك
كارما : عرفتى منين
حور: يعنى بجد طالب ايدك
كارما: اخد رقم ماما وعايز يجى بكرا الساعه٦
حور:طب يالا نروح علشان تستعدى ل بكرا
ركبوا الاتوبيس وروحوا
حور:انا هشتغل فى الورشه النهارده .....
كارما: يا بنتى انتى لسه تعبانه ارتاحى وانزلى لما تخفى والرجاله قايمين بالواجب وزياده
حور: انا لو قعدت فى البيت اعيا ... لازم اروح .. سلام .. سلميلى على طنط
كارما بصتله بخيبة انها تسمع كلامها وطلعت البيت .. حور دخلت بيتها ولبست لبس الشغل ونزلت
______________
حور : اخباركم يا رجاله
_ بخير يا اسطى عطيه .. اخبار الصحه
حور بضحك:بتسلم عليك
الورشه كلها ضحكت
حور بصت بعينها وقالت: اخبار الورشه ايه وفين عم كمال !!
_ جاتله مكالمه ان بنته بتولد فراح يشوفها
= فل يا اسطى .. وكل يوم يجيلنا عربيات تانيه
حور: طب يالا حد يجيب العده ويجى معايا .. يورينى عربيه ويقولى الزبون اشتكى منها ليه
₩اوامرك ياسطى عطيه
حور بدات فى الشغل لحد ما سمعت صوت حد بينادى عليها وهو بيقول: يا اسطى عطيه
طلعت من تحت العربيه وهى بتقول:مين بينادى
بصت وكان المعلم احمد
بصتله وقالت:نعم يا معلم احمد
معلم احمد :تعالى اقعدى معايا على القهوه عايز اكلمك كلمتين يا بنتى
حور بصت لعينه اللى مليانه رجا .. سابت العده وقامت مشيت معاه
المعلم احمد:كوبيتين شاى يا بنى
ساد الصمت لفتره وقطعته حور وهى بتقول: انتومسيبنى شغلى علشان تسكت يا معلم .. ما تقول فيه ايه ؟
معلم احمد : بصى يا بنتى . . انتى عارفه انى راجل كبير ومعنديش غير ابنى على اللى فى السجن وبنتى ومسافره برا مع جوزها .. ابنى غلط وغلطه كبير .. بس بالله عليكى ابوس ايدك .. وجيه يمسك ايدها سحبتها بسرعه بصلها. وقال: انا عندى ٦٠ سنه ومعنديش غيره دلوقتى .. هو مستعد لاى حاجه غير انه يتسجن لو رحتى زرتيه حالته وحشه يا بنتى .. علشان خاطرى يا بنتى لو ليا عندك خاطر
واحلفلك بالله مش هيتعرضلك ولا يضايقك تانى
حور. بحزن على حاله: انت فى مقام ابويا وانا مش هرفض لابويا طلب .. وعمرى ما هنسي وقفتك معايا يوم موت ابويا .. انا هنتازل عن المحضر بس بعد فتره علشان يكون اتربى .. ومش كتير اسبوع بس .. علشان اضمن ميعملش كدا مع حد تانى مش معايا بس
معلم احمد:ربنا يكثر من امثالك يا بنتى .. ربنا يباركلك
حور:تسلم يا معلم احمد استاذنك انا
قامت وسابته وبدات شغل تانى
حور: اللى تعب وعايز يروح يا رجاله يروح .. احنا خلصنا كتير .. ونقدر نكمل بكرا
جت عربيه وقفت قدام الورشه ونزل منها شخص وهو بيقول : هى ديه ورشة الاسطى جمال
لفتله حور وهى بتقول:ايوا مين حضرتك
اللى واقف بصلها وهى بيدقق فى ملامحها وقال:انتى حور بنت الاسطى جمال؟؟
بصت حواليها وهى بتنفخ وبتقول: ايوا انا .. هنقضيها اساله ما تقول انت مين
ابتسملها وهو بيقول: مش فكرانى يا حور
بصت لملامحه وقالت بصوت عالى:مش فكراك .. ويا تتفضل من هنا وتمشي يا مش هيحصل كويس
ضحك على عفويتها فى الكلام وهو بيقول:والله و كبرتى يا حور
حور:، اسمى الاسطى عطيه .. وكلمه كمان هفرج عليك المنطقه .. ويالا من غير مطرود
طلع. جواز السفر وهو بيقول: وحشتينى والله .. وقبل ما تزعقى
افتحى ده وهتعرفى انا مين
شدته منه بحزم وفتحته وهي بتقرء الاسم وتبص على الاسم والصوره
بصتله بصدمه وهى بتقول بتهته: انت .. انت ..
نفسى بارت واحد يكمل.١٠٠٠ كومنت رايكم فى بارت النهارده. لو جاب ١٠٠٠ كومنت هنزل التاسع توقعاتكم بئا وكومنتات طويله علشان احطها على الغلاف💃💃💃💃💃💜🌸
طولت عليكم .. انى اسف😂😂😂😂💃
(9)
#الاسطى_حور
جت عربيه وقفت قدام الورشه ونزل منها شخص وهو بيقول : هى ديه ورشة الاسطى جمال
لفتله حور وهى بتقول:ايوا مين حضرتك؟؟
اللى واقف بصلها وهى بيدقق فى ملامحها وقال:انتى حور بنت الاسطى جمال؟؟
بصت حواليها وهى بتنفخ وبتقول: ايوا انا .. هنقضيها اساله ما تقول انت مين
ابتسملها وهو بيقول: مش فكرانى يا حور
بصت لملامحه وقالت بصوت عالى:مش فكراك .. ويا تتفضل من هنا وتمشي يا مش هيحصل كويس
ضحك على عفويتها فى الكلام وهو بيقول:والله و كبرتى يا حور
حور:، اسمى الاسطى عطيه .. وكلمه كمان هفرج عليك المنطقه .. ويالا من غير مطرود
طلع. جواز السفر وهو بيقول: وحشتينى والله .. وقبل ما تزعقى
افتحى ده وهتعرفى انا مين
شدته منه بحزم وفتحته وهي بتقرء الاسم وتبص على الاسم والصوره
بصتله بصدمه وهى بتقول بتهته: انت .. انت .. اياد ... مسكت دراعه علشان تتاكد انه واقف فعلا. وقالت: انت فعلا موجود .. قصدى هنا
انت بجد
اياد ضحك وقال: جد الجد يا حور
فى لحظه كانت متشعلقه فى رقبته واللى فى الورشه كلهم مستغربين تصرفها .. عمرها ما كانت كدا مع حد .. حضنها وهو بيقول: وحشتينى جدا ....
خرجت من حضنه وهى بتبتسم وتضحك من قلبها وقالت للى واقفين بيبصولها باستغراب وقالت: يا رجاله مش فاكرين اياد ..
اه صحيح هتعرفوه ازاى .. عم كمال هو اللى هيعرفك .. وزع حاجه ساقعه على المنطقه كلها ابن الاسطى جمال وصل النهارده بالسلامه بعد غيبة طويله
مسكته من ايده وهى بتقول:تعالى هنطلع وتحكيلى كل حاجه ... ماما معاك ؟؟ هى فين .. مجتش معاك ليه؟؟
اياد : لما اطلع هحكيلك كل حاجه .. كل حاجه يا حور
______________
الناس بدات تتكلم ان اياد ابن الاسطى جمال الله يرحمه جيه .. فيه اللى كان يعرفه واللى كان مش فاكره
__________
حور طلعت و قعدت هى واياد
حور: احكيلى ايه اللى حصل بعد ما سافرتوا .. ماما مجتش معاك ليه
اياد بحزن: ماما ... ماتت من زمان يا حور
حور بصدمه: ماتت.. من امتى يا اياد ؟؟
اياد: بعد شهر من سغرنا يا حور
غمضت عينها ونزلت منها دمعة هى كانت حاسه انها ميته .. من وقت ما الاتصال بينهم اتقطع
حور: احكى بالتفصيل يا اياد
اياد: بعد ما سافرنا فلسطين .. قعدنا شهر فى بيت جدى ..وكان خالو محمد ساكن هناك لان بيته اتدمر ... قعدنا شهر وفى يوم خرجت مع خالى علشان نجيب طلبات للبيت رجعنا كان البيت مولع بأمى ومرات خالى ..
ساعتها بص للنار وحضنى... وطفى النار مع الناس واتدفنت امى فى بلدها يا حور
حور ببكاء: كان نفسي اشوفها يا اياد .. كان نفسي تاخدنى فى حضنها اللى اتحرمت منه وانا عندى ٥سنين
اياد قعد جمبها وحضنها وباس راسها وقال: هى عند ربنا دلوقتى .. انا بقالى اسبوع فى مصر وبحاول اوصلك عمرى ما نسيتك انتى وبابا
حور بعياط: هو خالو فين؟؟
اياد: سافر امريكا وخدنى معاه وانا صغير .... بس مقدرش ينزل مصر
حور: حمد الله على سلامتك ... انت اكيد جعان .. ادخل استريح فى اوضة بابا
اياد: هو بابا
حور بحزن:الله يرحمه يا اياد .. كان حاسس قبل ما يموت انه رايح لماما .. كان بيقولى انه بيحلم بيها كتير واخر مره قالتله انا مستنياك .. وبعدها ب شهر مات
اياد بحزن: الله يرحمهم ..
الباب خبط ... واياد فتح
كارما بخضه: انت مين؟؟ مش ده بيت الاسطى عطيه
اياد : قصدك حور
نادى عليها وجات
حور : كارما .. عامله ايه ذاكرتى ؟؟
كارما: اه .. مين ده يا حور؟؟
حور:ده اياد اخويا .. سافر قبل ما تيجى العماره ولسه راجع ..
كارما: ماما بعتالك الاكل ده ومسكتها من ودنها وقالت: وبتقولك خدى بالك من صحتك وخدى الدواء
حور بالم: اااه.. هى مسكت ودانك كدا
كارما: لا ديه تركايه منى انا .. سلام مستنايكى بكرا يا حور اوعى تنسي
حور: مش هنسي .. سلام
___________
قفلت الباب بتبص على اياد ملقتهوش
نادت عليه وسمعت صوته فى اوضة ابوها
دخلت شافته واقف بيتفرج على الصور وماسك فى ايده البوم. وبيقلب فيه
حور: مامت كارما باعته اكل تعالى كل معايا
اياد ابتسملها وقال: حاضر ..
حط الالبوم على الكومدينو ومشي مع حور للسفره
قعدوا ياكلوا
اياد قال: احكيلى عن بابا شويه يا حور
حور: مش هوفيه حقه بالكلام يا اياد .. صحابى فى المدرسه كان بيحسدونى عليه... مات بعد ما احتفل معايا بنتيحة الثانويه العامه يعنى من حوالى ٣ سنين ومن ساعتها وانا ماسكه الورشه وهى مصدر دخلى من ساعتها
اياد: انتى شبه ماما اوى يا حور
حور بضحك: قصدك علشان عينى يعنى .. بس ماما اجمل منى طبعا قامت وقف وكملت كلامها:كمل اكلك .. انا شبعت هقوم اذاكر شويه قبل ما انام وانت تقدر تاخد اوصة بابا تنام فيها عالطول
___________
تامر: كان نفسي اشوفها اوى يا بابا
ابو تامر:، وقعت ومحدش سما عليك
تامر:لا مش قصدى انا عايز اشوفها علشان اعرف عملت ايه فى القضيه مش اكتر
ابو تامر: يا سلام .. وعايزنى اصدقك يا كداب
________________
حور كانت قاعده بتذاكر خبط اياد واذنتله بالدخول
اياد: انتى بتدرسي ايه ؟؟
حور: انا فى السن المانى
اياد: اخر سنه صح؟؟
حور: اه .. الحمد لله
انت درست برا يا عم محدش قدك
اياد ضحك وقال: مش عارف لولا خالى كنت عملت ايه .. ليه فضل كبير عليا اوى
حور: اشمعنا جيت دلوقتى. قصدى يعنى .. خلاص
اياد ضحك: من زمان وانا بفكر اجى مصر .. بس خالو كان تعبان .. لما صحته اتحسنت قررت انزل
حور: هتفضل قاعد معايا ولا هتسافر
اياد: تصبحى على خير يا حور
_________________
حور وكارما مرحوش الجامعه وطلعت حور تساعد كارما للعريس اللى جاى ...
نزلت عدت على الورشه تطمن على العمال وطلعت بيتها
حور: اياد .. يا اياد ...
اياد خرج من المطبخ وهو بيقول: ايه .. اتاخرتى ليه كل ده عند صحبتك
حور: تعالى اقعد جبتلك غدا .. علشان مش هعرف النهارده اعمل اكل
اياد: طب اركنى الغدا ده وتعالى شوفى اكل اخوكى
حور بضحك: الله الله .. بتعرف تطبخ كمان .. لا ده انا محظوظه بئا ...
دخلت المطبخ وشافت الاكل
حور: امممم .. الريحه حلوه يا ترى الطعم هيبقى ايه !!
اياد: دوقى واحكمى
حور مسكت المعلقه وداقت الشوربة
بصتله وقالت: طباخ بريمو .. اطلع بئا على ما اغرف واحط الاكل .. واطلع شويه ل كارما
______________
العريس جه هو واهله وشافوا كارما واتفقوا على كل حاجه ... الكل كان فرحان وكارما كانت مبسوطه .. وحور كذلك ...
حور نزلت للورشه وقالت: تعالوا .. حاجه ساقعه وجاتوه بمناسبة قراية فاتحة كارما .. يالا
جم وكل واحد اخد نصيبه وكانوا فرحانين
لمحت من بعيد عم كمال جاى
قربت منه وهى بتقول:، مبارك يا عم كمال على المولود يتربى فى عزك
عم كمال بفرحه: ربنا يكرمك يا بنتى .. بس ايه صوت الزغاريط ديه كلها
حور: كارما اتقرء فتحتها على واحد زميلها فى الجامعه
عم كمال: ربنا يكرمها يا بنتى .. عقبالك
حور: احم.. طب انا هطلع اشوف اياد يا عم كمال اتفضل حلاوة قراءة فاتحة كارما
عم كمال: اياد مين
حور ضحكت: اياد اخويا يا عم كمال .. مش فاكره اللى سافر مع ماما لما كان عنده ١٠ سنين
عم كمال:هو رجع؟؟
حور: لسه راجع امبارح
عم كمال: ومامتك رجعت معاه
حور: احم .. ماما .. ربنا يرحمها يا عم كمال ... استاذنك انا
طلعت لاياد علشان تديه زيهم
كان قاعد بيتكلم فيديو كول مع خاله
اياد: اكيد هرجع امريكا .. مش هقضي باقية حياتى هنا يا خالو
خالو: حور .. كيف اخبارها .. بدى اشوفها
اياد: ثوانى هشوفها فين
فتح الباب كانت حور واقفه قالها: تعالى خالو عايز يشوفك
رسمت ابتسامه بعد الكلام اللى سمعته وقالت: ازيك يا خالو .. عامل ايه
الخال بفرحه: حور .. كيف حالك بنتى .. الله يباركلك بتشبهى امك كتير
حور بصت لأياد وبعد كده بصت ل خالها فى التليفون وقالت: الله يرحمها يا خالو .. مش ناوى تزور مصر
الخال: قريب ان شاء الله .. لما حالتي الصحيه تتحسن شوى
حور: ربنا يشفيك يا خالو ..
اياد:، متنساس تاخد الدواء بتاعك معاده كمان ساعه
الخال: ما راح انسي ابنى ..
اياد: هقفل معاك دلوقتى علشان ترتاح .. سلام
الخال: سلام
______________
اياد:، حاسك مش مبسوطه .. مع انك من شويه كنتى طايره من الفرحه
حور : انت هتسافر يا اياد
اياد بتوتر: ها .. اه يا حور بس
حور: وهتسبنى!!
اياد: تقدرى تروحى معايا امريكا .. ونبقى نيجى مصر زيارة من كل فتره والتانيه
حور: لا شكرا .. انا نازله الورشه .. سلام
اه .. اتفضل ... كارما قراءت الفاتحه
نزلت حور وسابت اياد وبدات تشتغل معاهم كانت بتطلع حزنها فى الشغل.. جيه امبارح وبيفكر يمشي النهارده
نزل تامر من عربيته قدام ورشة حور كانت حور تحت عربيه بتصلحها ...
قرب عليه واحد من اللى شغالين وقال: تؤمر بحاجه؟؟
تامر: الاسطى عطيه موجوده
_ اه .. بس فى ايدها عربيه زى ما انت شايف
خرجت من العربيه وكان وشها متبهدل من الفحم ... مسكت منديل وهى بتسمح وشها وقالت: يا مرحب يا دكتور
تامر: اهلا
حور: العربيه حصلها حاجه تانى ؟؟
تامر: بصراحه
فى الوقت ده جيه عم كمال وهو بيقول: هو المعلم احمد كلمك علشان تتنازلى عن القضيه ؟؟
حور وهى بتمسح وشها: اه
عم كمال: وانتى قولتى ايه ؟؟
حور رمت المنديل وقالت: هتنازل عن القضيه بس مش دلوقتى
تامر : ولا بعدين
حور: وانت مالك؟؟
عم كمال: ليه يا بنتى .. انتى ايش ضمنك انه مش هيتعرضلك تانى
حور: انا اقدر ادافع عن نفسى كويس يا عم كمال
تامر: بامارة ما خطفوكى وكان ماسكلك شومه وعايز يضربك بيها
حور: قولتلك ملكش دعوه
عم كمال: اللى يريحك يا بنتى
تامر: مش هتتنازلى يا حور
عم كمال بتذكر: هو انت ؟؟
تامر بصله وقال:ايوا انا .. ومش هتتنازلى يا حور
حور وهى ماشيه من قدامه قالت: ملكش دعوه بيا
مسك ايدها وهو بيقول: هو ايه اللى ملكش دعوه بيا ... بعد ما خطفك تتنازلى بسهوله كدا
حور: نبهتك قبل كدا متمسكش ايدى بالطريقه ديه صح
نفضت ايدها منه وهى بتديله ظهرها وتمشي
رجع شدها مره تانيه بقوه اكبر
وهو بيعمل كدا حور اديته بالقلم ...
بصلها بصدمه
وهى بصت ل عم كمال اللى بص ل تامر بشفقة وقالت: انا موافقة اتجوز ابنك يا عم كمال
اسفه جدا انى اتاخرت فى تنزيل البارت .. البارت النهارده كويل قولولى رايكم 💜🌸
(10)
#الاسطى_حور
نفضت ايدها منه وهى بتديله ظهرها وتمشي
رجع شدها مره تانيه بقوه اكبر
وهو بيعمل كدا حور اديته بالقلم ...
بصلها بصدمه
وهى بصت ل عم كمال اللى بص ل تامر بشفقة وقالت: انا موافقة اتجوز ابنك يا عم كمال
______________
عم كمال: متاكده يا بنتى
حور بغضب: ايوا يا عم كمال
تامر: انتى بتقولى ايه يا حور
حور بغضب: اسمى الاسطى عطيه .. واياك تقرب منى او ايدك تمسك تانى ولو بالغلط فاهم
تامر: حور.. انا مش قصدى
حور: ولو قصدك .. ملكش دعوه بيا فاهم
بصلها وهى متعصبه .. عينها لونها بئا احمر من غضبها اشبه بالدم
عم كمال: هدى نفسك يا بنتى .. محصلش حاجه لده كله
حور كانت هتفقد اخر ذرة تماسك ليها .. بصت ل تامر وعم كمال وقبل ما اول دمعه منها تنزل .. طلعت تجرى على فوق
فتحت الباب ورزعته جامد ودخلت اوضتها قفلت على نفسها بالمفتاح
اياد طلع على رزعة الباب وسمع صوت شهقات فى اوضة حور
خبط وهو بيقول: حور .. انتى جيتى
حور بتماسك: عايز تسافر سافر يا اياد انا مش همنعك .. كويس انها جت بدرى .. علشان متعودش عليك
اياد بحزن:افتحى يا حور نتفاهم ... هتسافرى معايا مش هسيبك
حور بغضب وصوت عالى: وانا مش هسيب البلد اللى اتربيت فيها وامشي معاك .. شكراً يا اخويا ..
اياد سكت صوتها كان عالى جداً بسبب غضبها .. دخل الاوضة وقفل الباب جامد
حور سمعت صوت الباب وهو بيتقفل غمصت عينها بالم ونامت
______________
عم كمال بص ل تامر اللى لسه باصص للعماره اللى دخلتها حور
اتنهد وهو بيفتح باب عربيته ودخل ساق العربيه ومشي
عم كمال لسه واقف مكانه مش عارف يعمل ايه .. بص وراه يشوف العمال .. لقاهم مركزين مع اللى حصل من شويه
عم كمال: اقفلوا الورشه وكل واحد يروح بيته
ساب الورشه وطلع على بيت حور .. خبط الباب وفضل مستنى حد يفتح
محدش فتح
خبط تانى وفتح اياد
اياد باستغراب: مين حضرتك؟؟
عم كمال:انت اياد ابن الاسطى جمال
اياد: ايوا
عم كمال: انا عمك كمال .. مش فكرنى
اياد بابتسامه: طبعاً فاكرك يا عم كمال .. اتفضل
عم كمال دخل وقعد مع اياد فى الصاله
عم كمال: انت شوفت الاسطى عطيه لما طلعت
اياد: انا حاولت اتكلم معاها .. لكن هى مفتحتش الباب
عم كمال:طيب يا بنى .. انت هتفضل فى مصر ولا مسافر تانى
اياد بحرج:احم .. لا هسافر تانى
عم كمال: وحور عارفه
اياد: للاسف اه .. عرفت النهارده وانا بكلم خالو
عم كمال:علشان كدا
اياد:علشان كدا ايه
عم كمال: متضايقه ومتعصبه ... تعرف انها كانت مستنياك كانت بتقعد تتفرج على البوم الصور كل يوم على امل انك فى يوم هتيجى وهتشوف امها.... بس
اياد بصله علشان يكمل
فكمل وهو بيقول: صدمتها فيك .. تعرف انا كنت عارض عليها تتجوز ابنى .. بس هى فى الاول كانت بتفكر .. وشالت الفكره من دماغها لما انت جيت .. ودلوقتى وافقت تحت لما عرفت انك ماشي تانى ..
اياد بصله بحزن وقال: غصب عنى يا عم كمال .. بس لازم اسافر
عم كمال طبطب عليه وقال وهو قايم: انت وراحتك يابنى .. انا مش هضغط عليك فى حاجه
_______________
وصل البيت وكان متضايق من رد فعلها العنيف او الغريب عمرها ما اتكلمت بالعصبيه ديه ...
قفل الباب وقعد على اقرب كنبه قبلته واتنهد وهو بيفتكر شكل عيونها اللى بيدل انها وصلت لاكبر مراحل الغضب
خرج ابوه وهو بيقوله: انت جيت .. مالك قاعد كدا
تامر كان حاطط ايده على دماغه ومنزلها للارض بص لابوه وهو بيقول: اتعصبت اتخنقت مش هى حور اللى أعرفها ضربتنى بالقلم لما مسكت ايدها ..
ابوه رفع حاجبه: اتعصبت واتخنقت معاك علشان مسكت ايدها ..
تامر: قولتلها متتنازلش عن القضيه .. ليه تتنازل عنها .. لو اتعرضلها تانى
ابوه قعد قدامه وقال: وانت خايف عليها
تامر رفع راسه وهو بيقول: خايف ايه .. انا بس مشفق عليها وعلى تصرفاتها وعلى اللى بتعمله فى نفسها .. بحاول اساعدها مش اكتر
ابو تامر:لا ما هو باين.. عموما لو بتحبها.. ممكن تروح تتقدملها
تامر: ديه هتتجوز يا بابا ..
ابو تامر: عمرها ما فكرت فى الجواز ... اكيد حاجه حصلت .. انا عارف حور كويس ..
تامر:مش عارف اعمل ايه .. اتغيرت اوى النهارده .. عمرى ما شفتها كدا
______________الساعه ١٠ الصبح
خبطت كارما على شقة حور
فتح اياد
كارما: احم... حور موجوده
اياد: فى اوضتها من امبارح مخرجتش
كارما: ممكن تنديها طيب
اياد: حاضر
خبط اياد الباب .. فردت حور وقالت: ايوا يا اياد
اياد: كارما برا وعايزاكى
حور: خليها تدخل
خرج اياد وبلغ كارما
دهلت كارما الاوضه ل حور
كارما: مالك يا حور .. ايه اللى حصل
حور:مفيش يا كارما
كارما: شكلك تعبانه.. متروحيش الجامعه النهارده اقعدى فى البيت وانا هجبلك المحاضرات
حور : لا.. هروح الجامعه انا مش تعبانه
كارما: يا حور اقعدى النهارده وانزلى بكرا
حور قامت تحيب الهدوم وهى بتقولها: انا مش عايزه اقعد معاه .. وهروح الجامعه
كارما: اللى يريحك .. هستناكى تحت
خرجت من اوضتها فوقفها اياد وهو بيسالها: احم انسه كارما
كارما: نعم
اياد: عايز اعرف حور هتخرج من الجامعه امتى النهارده
كارما: هنخلص بعد العصر .. ليه فيه حاجه
اياد: لا بس هى مضايقه شويه وانا عايز اصالحها
كارما بابتسامه: اخر محاضره بتخلص ٣ونص وعلى ما نخرج بتكون الساعه ٤
اياد: تمام.. شكراً
دخل اوضته وقفل الباب وهى نزلت استنتها تحت
بعد ربع ساعه نزلت حور وراحت مع كارما الجامعه
_______________
كان عليهم النهارده ٣ محاضرات .. اخر محاضره كانت دكتور تامر
حضروا المحاضرات كلها وفى محاضرة دكتور تامر
اول ما دخل بص ل حور اللى مدتلوش انتباه ..... شرح المحاضره وهى خارجه قال : انسه حور .. تعالى ورايا على المكتب
حور بصتله ونزلت عينها وخرجت مع كارما راحو الكافتيريا
كارما مش هتروحى ل دكتور تامر
حور: لا
كارما: ليه
حور: هو كدا .. مش هروح ..
كارما: طب قومى نروح . الساعه ٤الاربع
_________________
فضل قاعد فى مكتبه ربع ساعه مستنيها
مجتش .. بص فى ساعته واستنى ٥دقايق كمان بس مجتش
خرج من المكتب و راح على البوابه يروح وهو متضايق انها مجتش .. لمحها واقفه هى وكارما
حور:، مش هنروح يا كارما
كارما: استنى شويه
حور: طيب .. انجزى
كان ماشي ناحيتها شاف عربيه وقفت قدام حور وكارما
نزل منها اياد
اياد: قولت مينفعش اسيبك زعلانه .. هفسحك احلى فسحه
حور:مش عايزه
كارما: يلا يا حور بلاش رخامه .. روحى معاه... وانا هروح
حور: وانا مش عايزه .. عايزه اروح تعبانه
كارما: يلا بئا .. علشان خاطرى
اياد: من زمان يا حور وانا مخرجتش معاكى يلا
حور بصتله وسكتت
اياد: طب ماشي
مسك ايدها وفتح العربيه
اياد: هتركبى ولا اشيلك واركبك
حور برقت وحاولت تشد ايدها منه
اياد: انا ماسك ايدك علشان متهربيش .. يالا
تامر كان كل مره بيقرب خطوه علشان يسمع كلامهم
اياد: صدقينى هشيلك
حور بتحدى :متقدرش
اياد كان خلاص هيشيل حور .. ضحكت وهى داخله العربيه وبتقول: بطل جنان .. احنا فى الجامعه
كارما: شطورة.. صحبتى طول عمرها شطوره
حور: تعالى نوصلك البيت
كارما: تؤتؤ .. هستنى خالد
حور: طب يا ست الرومانسية .. سلام
دخل اياد العربيه وهو بيقول ل حور: هفسحك بس قوليلى الطريق .. انا توهت علشان اجيلك الجامعه اصلا
حور: طب ما تروح بينا على البيت اسهل .. انا تعبانه وعايزه انام
اياد:، ده فى احلامك
وساق العربيه
وسط استغراب تامر .. وغضبه .. انها ازاى سمحت لحد انه يعمل معاها كدا
رايكم وتوقعاتكم فى البارت الجاى 💜🌸🤔
 #الاسطى_حور كان واقف مصدوم مش عارف يعمل ايه الكل جرى عليها وام كارما حاولت تسندها بس هى مغمى عليها ومش متجاوبة مع حد ...... عم…){kind=link}
تعليقات
إرسال تعليق