💥البارت الثامن 💥بقلم ✍️ سلطان زماني
فضلت قاعدة معاهم واكبر دماغي منهم علي قد ما اقدر
وطول ما رحمه وسيف موجودين محدش منهم بيتكلم معايا
ولو حد منهم اتكلم هما بيدفعو ويردو مكاني
بابا كل ما رحمه تكمله علشان يسافر يجبلي ورقي من هناك
حاضر ويكسل وينسي لحد ما قرب معاد فرح اختي رحمه
بابا راح اشتري. بدله وعبايه لماما وسيف اشتري بدالة
نورهان وعبير اجرو فساتين وعملو شعرهم وانا ام رحمة
ادتني طقم بنتها الي جبتهولها في العيد الي فات كان واسع
اوي عليا ورحمه كانت مشغولة عند الكوافير ومخدتش بالها
من لبسي غير في القاعة اخدتني قعدتني جنبها وفضلت
تبوس فيا وتقولي عقبالك وقامت رقصت معايا وانا عماله
اعيط من فرحتي بيها وزعلي أنها هتسبني خلص الفرح
ورحمه روحت بيتها وسيف بعدها سافر الغردقة وبقا يجي
اجازات كل شهرين أو ثلاثة وقعدت في الاوضة الي كان فيها
جهاز رحمة واخدت سريرها
عبير اتقدملها ابن عمها عمرو
وامها رفضت وقالت إنه كحيان وأهله
مش لاقين ياكلو
ورفضته من قبل ما يجي وقالت لباابا يقوله
لا وزعلو مع بعض وبطلو يجو عندنا كنت بسمع عبير وهي
بتقول ل اختها أنها كانت بتسعبطو وبيخليها يجبلها طلبات
وحاجات وبتستغل أنه بيحبها عمرو ده بقا كان بنسبالي
العوض عن سيف اخويا الوحيد الي كان يحسسني اني منهم
وعلي طول يقولي يابنت عمي ومكنش يفرق بنا في المعاملة
الايام عددت ورحنا الغردقة مصيف قولت بالمره اشوف
سيف اخويا واتعرف علي عمي الي هناك جهزنا الشنط وكل
حاجه ولقيت بابا قالي فين شنطتك قولتله اهي قالي طب يلا
حطي فيها هدومك قولتله حاضر وحطيتهم وادتهاله دخل
بيها اوضته وطلع شيلها هي
والباقي مراته وبنتها شيلينه
ونزلنا استنينا الاتوبيس وجيه وركبنا كل كمين نقف يطلعو
يشوفو البطاقة ويكشفو عليها ولو مشتبهين في حد بيخدوه
يفتشو الشنط بتاعته اخر كمين اخدو بطاقة بابا ولسه هينزل
علشان يفتشوه قالهم أنه جاي بعياله ومراته ورابح عند عمهم
يقعدو معه كام يوم الظابط قاله رحلة سعيدة وخد البطاقة
وكملنا ووصلنا لما نزلنا من الاوتوبيس بابا نزل تحت اخد
شنطتي برضو كنت هموت واعرف في ايه لحد ما وصلنا عند
عمي وشفت سيف اخويا حضنته وهو شالني وفضلت ابوس
فيه زاي المجنونه ونسيت الشنطة وبابا وكل حاجه وقعدنا
نحكي وخدني عرفني علي ولاد عمي وقعدو يعاكسوني وهو
يزعقلهم ويقلهم اتلم ياض منك ليه سبتهم وطلعت لقيت
بابا وعمو دخلو أوضة الضيوف وقعدو شوية وطلعو بابا معه
شنطتي وعمي معه كيس اسود كبير كده معرفش فيه ايه
ورمالي شنطتي علي الارض اخدتها علي جنب وفتحتها
لقيت هدومي مكرمشه ومش زاي ما كنت حطاهم فضلت
قاعدة افكر هو ايه وقلقت كله دخل نام وفضلت انا قعده مع
مرات ابويا ومرات عمي قاعدين بيحكو عن ايام زمان
والذكريات زهقت رحت قعدت مع سيف وولاد عمي اول ما
شافوني قالولي اعمليلنا شاي وهاتي مية ساقعة رحت عملت
الشاي ورجعت فضلت اتفرج عليهم وهما بيهزرو وبيشتمو
بعض
قولت لسيف أنا عايزة اروح البحر
رد محمود ابن عمي
قالي البحر الصبح بدري بكرا كلنا هنروح وهو مكشر وقالي
روحي نامي
سيف رد وقاله هي بتقولك انتي يابارد روحي يابت البسي
هنروح بس مش هننزل نورهان وعبير فين قولتله نايمين
قالي خلاص سيبك منهم رحنا أنا وسيف ومروان ابن عمي
بعربيته ونزلنا شاطئ جميل والبحر شكله جميل ومروان
عارف صحاب الشاطئ ده قعد معاهم وفضلنا أنا وسيف
نتمشي وقعد يحكيلي عن البلد والجو وأنه اتعرف علي بنت
هنا بس هي لسه بتدرس قولتله أنا حصلت معايا حاجه غريب
ومش فهماها
قالي حاجة ايه دي ياريم
قولتله بابا واحنا في القاهرة اخد شنطتي ودخل بيها الاوضه
وطلع فضل شيلها لحد ركبنا الاتوبيس ولما وصلنا اخدها
ودخل بيها مع عمك في اوضتهم وخرج واداني الشنطة
فتحتها لقيتها مش زاي ما كنت حطه الهدوم فيها
فضل ساكت شوية
وقالي لو طلع الي في دماغي صح أنا هخرب الدنيا
يتبع رايكم في القصة مش عايز ملصقات 👌رايكم بس
تعليقات
إرسال تعليق