 |
💥تكملة البارت الثامن 💥بقلم سلطان زماني
مروان جيه قعد معانا وانا متابعة سيف
سرحان ومش معانا مروان جبلي عصير مانجه وقعد يلعب
بلياردو مع سيف وشوية وروحنا البيت قالي متقوليش لحد
انك عرفتيني
قولتله بس علشان خاطري ابقي قولي أنا قلقانه
من ساعتها قالي خلاص متحطيش الموضوع في دماغك
وراح قعد مع أمه ونورهان وعبير وانا فضلت وقفه بره جيه
اتكلم معايا مروان
مروان .. انتي قاعده لوحدك ليه يا بنت عمي
_ أنا اتخنقت من القاعدة جوه قولت اطلع برا شوية
مروان ..أنا كنت بسمع عنك بس أول مره اشوفك بس مش
زاي ما كانو بيحكو خالص
_ كانو بيحكو ايه
مروان ..كانو بيقولو انك رخمه وموقعه الكل في بعض كلام
يخوف الصراحه
_ سيف الي قال كده
مروان ..لا سيف الوحيد الي بيشكر فيكي وبيقول فيكي اشعار
_ هو ده ورحمة الغالين عندي وبحبهم اوي
مروان ..الله. طب وانا يابنت عمي مش غالي
_ هههه لا طبعا غالي يا ابن عمي
نورهان جات وقالت لا ده احنا نجيب شجرة واتنين عصير
ليمون بقا اتكسفت وهو قالها اجبلك ايس كريم معنا يالمضه
قالتله لا أنا عايزة زبادوو فروله وشيبسي عائلي راح مروان
وهي قالتلي كنتي بتتكلمو في ايه قولتلها وانتي مالك قالتلي
بعصبيه يعني ايه انتي مالك ما تتكلمي عدل قولتلها اهو جاي
عندك ابقي اساليه وسبتهم ودخلت جوه لقيت مرات عمي
بتروق الصالة جيت اساعدها قالتلي لا ياحبيبتي متتعبيش
نفسك وحلفت عليا اني معملش حاجه سبتها ودخلت المطبخ
لقيت اطباق كتير والمطبخ مكركب ولسه هغسل لقيت مروان
جي بيقولي انتي هنا وانا عمال ادور عليكي انتي سبتينا
ودخلتي ليه مش قولتي زهقانه قولتله هخلص المطبخ ع
السريع واطلع قالي الايس كريم هيسيح ياسطا
ضحكت قولتله حطه في الفريزر يامعلم وراح جابه وحطه
في الفريزر وفضل واقف معايا يتكلم لحد ما خلصت وأمه
دخلت شافت المطبخ اتوهمت اتصدمت قالتلي بردو ياريم
كده دماغك ناشفه زاي ابوكي بس ماشاء الله
تسلم ايدك ياحبيبتي
طلعت برا لقيت مرات ابويا وشها جايب ميت لون وسيف
كل ما تيجي عينه في عين أمه يبصلها بقرف وهي لولا أننا
عند عمي وفي ناس كانت قامت قتلتني
سيف قالهم أنه داخل ينام ودخل وانا دخلت وراه سالته في
ايه قالي مفيش ياريم
قولتله علشان خاطري احكيلي ايه الي حصل قالي الشنطة كان فيها حشيش جيبه لعمي
قولتله يانهار اسود قالي مفيش اخبار عن امك قولتله ليه
قالي أنا
عايز اخدك تعيشي معها احسن قولتله هي جت من شهرين
وابوك وامك بهدلوها وطردوها وقالولي عايزه تشوفيها انزلي
معها في الشارع ولما تخلصي تعالي وياريت تروحي معها
ونزلت معها وقعدنا في جنينة ولقتها مبسوطة وسعيدة
مردتش اشيلها همي وخلصنا كلامنا ووصلتني تحت البيت
ومشيت قالي أنا ليا كلام مع ابويا بس اما انزل القاهرة
قولتله بلله عليك أنا مش عايزة مشاكل أنا ما صدقت أنهم
اتعدلو معايا شوية قالي كده اتعادلو بصي يابت لما تروحي
هتدخلي الاوضة عندي هتلاقي في الدرج موبيل بتاعي
القديم هجبلك شريحة تخليه فيه علشان ابقي اكلمك ولو في
حاجه حصلت تكلميني قولتله امك هتاخده مني ..رحمه كانت
جيبالي موبيل برضو وامك لما لقتني بلعب عليه اخدته مني
قالي لا أنا هخلي امي تدهولك
.............. .............
خلصنا الإجازة ونزلنا ومرات ابويا ادتني الموبيل الي كانت
وخداه مني وبقيت اكلم سيف كتير ويحكيلي عن حبيبته
ومروان كمان وعمرو ابن عمي وام مروان وعلاقتي بيهم
كويسة لحد ما حسيت ب اهتمام مروان بيا وجيه مره القاهرة
وقعد عندنا يومين وحسيت من نظرة عينه أنه معجب بيا
بس مكسوف يقولي
سافر وفضلت صاحيه احكي معه لحد ما وصل
واطمنت عليه أنه وصل بالسلامة ونمت
وانا كمان هنام علشان فصلت يالي تنشكو بكرا نكمل 😘
البارت التاسع من هنا هنا هنا هنا
تعليقات
إرسال تعليق