 |
#رحم_للايجار
البارت 21_22_23_24
👇👇👇👇👇👇
في الاسكندرية في شقة فوزي والد هنا
فوزي: بغضب. مسك تامر من هدومه. انت اتهبلت كلام ايه ده اللي انت بتقوله. هنا بنتي متربية متعملش كدة ابدا
ماجدة: بتخلص تامر من ايد فوزي. اوعي كدة سيب الواد هو انت مقدرتش علي بنتك جاي تتشتر علي الواد. وهو ماله الناس اللي بتقول
تامر: ايوة احمد وهيثم شافوها مع الراجل ده وكمان بيقوله ساكنة معاه في نفس الشقة
فوزي: قعد علي الكرسي بصدمة. لا هنا متعملش كدة. دي تربية مرڤت الله يرحمها. هنا بنتي متعملش كدة لا
ماجدة: بسخرية. انت محسسني . انها رابعة العدوية. دي بنت بجحة طول عمرها مدلعة ولسانها اطول منها. وانا بقي بصراحة اصدق انها تعمل كدة
فوزي: بس كفاية مش عايز اسمع حاجة كفاية. تامر هو هيثم واحمد معاهم العنوان بتاع الزفت اللي هي معاها ده
تامر: ايوة وكمان ممكن يجوا معانا علشان منلفش علي العنوان
فوزي: كلمهم حالا لحد ما البس هدومي. انا لازم انزل القاهرة حالا ومش راجع غير وهنا في ايدي وانا بقي هعرف ازاي اربيها من اول وجديد.
في سنتر التجميل الخاص بمها
مها:تليفونها بيرن... معتز.... الو ايوة يا حبيبي عامل ايه
معتز: انا تعبان طول ما انتي بعيد عني انزلي بقي وحشتيني
مها:هههههه مفيش فايدة فيك.هو مش انا كنت لسة معاك من ساعة واحدة بس. لحقت اوحشك
معتز: اعمل ايه بس بحبك يا حبيبتي. بسرعة بقي متتأخريش
مها: حاضر يا حبيبي مش هتأخر. سلام
مها: ااه يا معتز لو كنت انت جوزي بس رعد حاجة تانية. انا بصراحة متلخبطة ومش عارفة انا عايزة مين. معتز بيوحشني ومبقدرش استغني عنه. وفي نفس الوقت رعد كمان بيوحشني وببقي نفسي ابقي معاه. وكمان بغير عليه جدا. اعمل ايه بس. اطلق من رعد واتجوز معتز. تؤتؤ لا لا رعد ميتسبش. ده عنده فلوس متتعدش لكن معتز انا اللي بصرف عليه. خلاص انا هوجع دماغي ليه. رعد جوزي واتمتع بفلوسه. ومعتز حبيبي اللي بيدلعني. انا هنزلوا بقي قبل ما يزعل.
في شقة معتز
معتز: ايوة يا باشا. هي جاية دلوقتي. وبتردد. باشا هو انا ينفع اطلب منك طلب
المتصل: اطلب. خير
معتز: هو مينفعش تبعد مها عن حساباتك مع رعد الحديدي. مها ملهاش ذنب تتفضح
المتصل: هههههه انت حبيتها ولا ايه
معتز: بصراحة اه. وعايزها تتطلق واتجوزها.
المتصل: لا بقولك ايه متنساش نفسك يا روح امك انا مش خاطبة انا بعتك ليها علشان تنفذ اللي انا عايزه. مش تحب وتتجوز
معتز: بس طيب اسمعني
المتصل: لا مش هسمع واخر كلام. استعد علشان قريب اوي رعد هيعرف المفاجاة ويشوف ڤيديوهات المدام وهي بتدلع
معتز: جز علي سنانه. تحت امرك. مع السلامة.
مها: فتحت الباب ودخلت. ميزو حبيبي
معتز: ابتسم بحزن. اهلا يا حبيبتي
مها: ايه يا ميزو مالك انت تعبان
معتز :لا يا حبيبتي. انا كويس انتي بس كنتي واحشاني
مها:هههههه لا بجد مالك
معتز: قولتلك مفيش. تعالي معايا جوا انتي وحشتيني اوي الساعتين اللي فاتو.......
في شقة رعد وهمس
رعد: دخل...
سميرة: اهلا رعد بيه حمد علي سلامتك تحب احضر الغدا.
رعد: لا استني شوية.اومال فين مدام. همس
سميرة: في اوضة النوم نايمة
رعد: بقلق ليه هي تعبانة
سميرة: بصراحة هي رجعت كتير اوي وكمان بطنها كانت وجعاها النهاردة جدا
رعد: طيب روحي حضري الاكل وانا هشوفها. ودخل رعد لهمس وقعد جنبها. وملس علي شعرها.
همس: حست بيه. صحيت وابتسمت. حبيبي وحشتني اوي. وقامت قعدت
رعد: بلهفة. مالك يا قلبي سميرة بتقول انك تعبانة ايه اللي بيوجعك
همس: ابدا. شوية تعب هو الحمل كدة
رعد: طيب انتي لسة بطنك بتوجعك
همس: لا الحمد لله احسن دلوقتي. لما اخدت العلاج بتاعي
رعد: والله يا روحي انتي متعرفيش انا بتعب ازاي لما بتكوني تعبانة.
همس: ابتسمت. وانا اول لما بشوفك بنسي التعب.
رعد: ابتسم. طيب يالا تعالي علشان نتغدي. انا مرديتش اتغدا مع عدي علشان اتغدي مع حبيبة قلبي
همس: حاضر يا روحي يالا بينا.
في شركة حازم رشدي
غرام: وبعدين يا حازم انت كدة بتلعب بالنار. رعد الحديدي مش سهل ومش هيعديهالك.
حازم: هههههه. لا متقلقش. ده هيتكسر وتبقي راسه في الارض. لما فضيحة مراته تبقي علي كل لسان ومغرقة النت. دي عاملة ڤيديوهات مع معتز نار
غرام: تبقي متعرفش رعد. ده ممكن يقلب الدنيا عليك. ومش بعيد يقتلك
حازم: ملكيش دعوة انتي. المهم تحضري الڤيدوهات اللي عندك علشان ساعة الصفر قربت.
غرام:اوففف غبي يا حازم. هعمل ايه انا دلوقتي لو الڤيديوهات دي نزلت. رعد هينزل الڤيديو بتاعي اللي عنده. اعمل ايه. بس لاقتها انا همسح الڤيديوهات دي وهخلي واحد بس علشان حازم يبعتوا لرعد. وانا قبلها هنبهه. اه علشان اتقي شره. وبعد كدة اقول لحازم ان في حد مسحهم ويدور هو علي اللي عمل كدة. ايوة انا لازم احرص منهم. دول حيتان وانا ممكن اتاكل في وسطيهم.
في المساء في شقة هنا.
هنا محضرة. تورتة صغيرة. ومجهزة ورد وشموع وبلالين. ولابسة فستان ازرق شيك جدا. وحاطة ميكب هادي وكانت جميلة. والجرس رن.
هنا: ظبطت نفسها في المرايا وفتحت لقت عدي. ابتسمت
عدي: عقد حاجبه وبصلها بإستغراب. هو في ايه
هنا: ادخل الاول وبعدين ابقي انبهر براحتك. ودخل وقفلت هنا الباب. ومسكت ايده. تعالي يا سيدي اصل النهاردة في مناسبة حلوة ولازم احتفل بيها معاك.
عدي: دخل لقي البلالين والشموع. و التورتة فيها شمعة عليها رقم 26. عدي انصدم ��. مش ممكن انا ازاي نسيت النهاردة عيد ميلاد حلا��. ولف لهنا. انتي عرفتي ازاي انا مقولتلكيش
هنا: ابتلعت ريقها بصعوبة. ااابدا عرفت وخلاص. المهم انها مناسبة مهمة بالنسبة ليك
عدي: بحزن. انا ازاي نسيت دي عمرها ما حصلت معقول انسي عيد ميلادها.
هنا: كان قلبها بيتطقع. معلش حصل خير
عدي: بعصبية. لا محصلش خير. انتي السبب
هنا: انصدمت ودمعت. ااانا ازاي
عدي: ايوة دخلتي حياتي قلبتيها. وعلقتيني بيكي علشان انساها بقيت بفكر فيكي مش فيها بشوفك مش بشوفها بتوحشيني مش هي. انتي عايزة تمحيها من حياتي وتاخدي مكانها
هنا: دموعها كانت مغرقة وشها وهي بتسمعه. انا يا عدي هو ده ذنبي اني حبيتك. انا كنت راضية بيك وانت كدة راضية
تحبها وانا معاك راضية تفتكرها في كل لحظة راضية تشوفها فيا. المهم انك تكون جنبي. بقيت دلوقتي عايزة اخد مكانها. انا بجد ندمانة علي حبي ليك انا للاسف خسرت مقدرتش اخليك تحبني زيها.
عدي: كان بيتوجع علشان هو كان قاصد يعمل كدة علشان تنساه وتبعد عنه. انا ماشي. وخرج وراح شقته.
هنا: كانت قاعدة بتعيط. ومنهارة
وبعد شوية عدي سمع صوت صريخ. من شقة هنا جري بسرعة وخبط جامد لقي هنا بتصرخ وبتنده عليه وفي اصوات تانية مش مفسرها. راح شقته وجاب المفاتيح لانه كان معاه مفتاح احتياطي لشقة هنا. وفتح لقي واحد بيضرب هنا. وفي 3شباب واقفين. دخل بسرعة وزق الرجل ده وده كان فوزي ابو هنا.
عدي: انت مين وازاي تضربها كدة انا هوديكوا في داهية
فوزي: مسكه من هدومه. وانت مين بقي انت اللي هي ماشية معاه. ومقرطساني
عدي: زق ايده. انت اللي مين ودخلت هنا ازاي. وقرب من هنا مين ده يا هنا وازي يضربك كدة
فوزي: كلمني انا يا فالح انا ابقي ابوها. وجاي علشان اكسر دماغها واربيها
عدي: ابوها ولسة فاكر دلوقتي انك ابوها. كنت فين ومراتك بتبهدلها. كنت فين وهي بتجبرها تتجوز ابنها. كنت فين وبنتك كانت هتتخطف والله اعلم كان حصلها ايه
فوزي: مسك هنا من شعرها. ده انتي حكايله علي كل حاجة بقي يا بنت الكلب
عدي: شد ايده. ووقف قصاده. لو مديت ايدك عليها تاني. انا اللي هقفلك
فوزي: انت كمان ليك عين تتكلم. مش كفاية الفضيحة اللي عملتهالنا
عدي: فضيحة ايه. انت فاهم غلط. انا قابلت هنا في اسكندرية وكان فيه شباب عايزة تخدرها وتخطفها. وانا انقذتها منهم. وجبتها معايا هنا وقاعدة في شقة لوحدها. وبتشتغل. فين الفضيحة اللي بتتكلم عنها
فوزي: يعني تهرب من فرحها. وتكسر رقبتي وتفضحني. وتيجي تعيش مع راجل غريب. ومفيهاش فضيحة. عموما هي هترجع معايا اسكندرية وبكرة كتب كتابها علي تامر
هنا: قامت وصرخت. لا لا مش هتجوز تامر اقتلني احسن
فوزي: رفع ايده يضربها بالقلم.
عدي: مسك ايده. وجز علي سنانه قولتلك متمدش ايدك عليها.
فوزي: زق عدي. هتتجوزيه غصب عنك
هنا: قولتلك لا وانت مش من حقك تجبرني
فوزي: لا من حقي انا ابوكي. وكلامي يمشي عليكي غصب عنك
هنا: ابويا بأمارة ايه تحب اقول واتكلم ولا اسكت احسن
فوزي: انت قليلة الرباية وانا هعرف ازاي اربيكي من اول وجديد
عدي: وقف قصاده تاني. وبغضب. انت عايز ايه دلوقتي
فوزي: عايزها ترجع وتتجوز تامر
عدي: هي مشكلتك انها تتجوز.
فوزي: طبعا دي جابت راسي الارض لازم اجوزها واخلص من فضيحتها
عدي: بس هنا مش هتتجوز تامر لو هتتجوز. يبقي تتجوزني انا.
هنا: عدي انت بتقول ايه. وكلامك اللي قولته من شوية
عدي: انسي كل حاجة انا مش هسيبهم يا خدوكي.
هنا: بس
فوزي: وانا مش موافق. وهتتجوز تامر
تامر: ايوة كدة يا عمو. هاتها بقي علشان تسافر بسرعة
عدي: بقرف. انت مين يالا
فوزي: ده تامر عريسها
عدي: بسخرية. انتي بقي توتي. طيب اسمع يا حيلة ماما. انسي انك تتجوز هنا
فوزي: وانت مش هتتجوزها.
عدي: كدة ماشي. وراح قفل الباب بالمفتاح. وطلع مسدسة وشد الاجزاء. ولا تامر هيتجوزها وانا وانتوا يا قاتل يا مقتول.
فوزي وتامر واحمد وهيثم. تنحوا.
احمد وهيثم: لو سمحت اعقل احنا ملناش في الليلة دي كلها
عدي: محدش هيخرج من هنا . وطلع تليفونه.... الو ايوة يارعد هات مروان والرجالة وتعالي علي شقة هنا وهات معاك مأذون ومتتأخرش. وقفل
وقعد علي الكنبة جنب هنا. لما اشوف انا ولا انتوا
👏👏👏👏👏👏👏 ايوه بقا
#يتبع..... لو عاوزين فصلين كمااان نعمل 👇
#متابعة_واضافة_لصفحتى_الشخصية
❤️❤️❤️❤️❤️❤️❤️❤️
#رحم_للايجار
#الفصل_الثاني_والعشرون
👇👇👇👇👇👇👇👇
في شقة همس ورعد
رعد: بيلبس هدومه. ومستعجل
همس: طيب فهمني يا حبيبي ايه اللي حصل بس
رعد: مش عارف يا همس. عدي شكله عامل مصيبة. طلب مروان والرجالة والمأذون. انا خايف يكون اتهور وعمل حاجة في هنا.
همس: قصدك ايه يكون ... لا لا عدي ميعملش كدة. وكمان هنا غلبانة متستهلش البهدلة ارجوك يا رعد طمني عليها.
رعد: كان خلص لبس. قرب من همس وحضنها وطبطب عليها. اهدي يا حبيبتي اهدي انا هعرف كل حاجة وهطمنك. متقلقيش. وباسها من جبينها. بس ارجوكي ارتاحي انتي لحد ما ارجع.
همس: حاضر بس انت جاي تاني ولا هترجع الڤيلا.
رعد: ابتسم لا يا روحي هرجع اطمن عليكي وبعدين ابقي اروح الڤيلا. يالا خلي بالك من نفسك.
في شقة هنا.
عدي: مسك فوزي من هدومه. وبعصبية.الكلام اللي هنا بتقوله ده صح
فوزي: بغيظ من هنا وعدي. ابعد عني يا جدع انت ده انت شكلك مجنون رسمي. وبعدين ايوة صح واللي عندك اعمله.
عدي: بتحدي. هعمل وهتشوف وهتجوزها وانت مش هتكون موجود في حياتها تاني ابدا.
هنا :لسة مش فاهمة عدي عايز يتجوزها ليه علشان ينقذها من الموقف اللي هيا فيه وبس ولا علشان هو عايزها بجد. وابتدت تستوعب. عدي انت هتتجوزني ليه
عدي: بصلها. علشان انتي لو هتتجوزي يبقي انا مش تامر
هنا: بس انا مش موافقة انا مش هتجوزك ولا انت ولا تامر
فوزي: ده انتي بقيتي بجحة قوي. كمان اللي انتي هربانة معاه وسارحة معاه علي حل شعرك مش عايزة تتجوزيه اومال ايه عايزة تفضلي كدة. عجبتك الحكاية عايزة تجربي تاني.
عدي: بغضب جامح. هنا مهربتش معايا قلتهالك 100 مرة. واظن بعد الكلام اللي هنا قالتهولك من شوية انت المفروض متكونش هنا اصلا. ولا ليك لزمة في الجوازة دي. بس للاسف انت محسوب عليها اب واسمع انت هتبقي الولي بتاعها. واول ما كتب الكتاب يخلص مشوفش حد منكم هنا. واياك حد فيكم يفكر يقرب من هنا
عدي: لف لهنا. وبحزم مسمعش صوتك لحد المأذون مايجي. مفهوم
هنا: بس انا مش هتجوز بالطريقة دي. لو عايز تساعدني كتر خيرك مش عايزة مساعدة. انت مش مجبر تتجوز واحدة علشان الشهامة
عدي: اتعصب. هنا مش عايز كلام كتير. خلاص
وبعد شوية رعد وصل ومعاه مروان والمأذون. وعدي قال لرعد كل حاجة حصلت.
رعد: تمام يالا يا عم الشيخ اكتب الكتاب.
فوزي: انا مش موافق علي الجوازة دي.
رعد: حط ايده في جيبه ووقف قدام فوزي. وبحدة. والله توافق ما توافقش. مش هتفرق. هنا كدة كدة هتتجوز عدي. يبقي تمضي من سكات احسنلك
فوزي: كان خايف من شخصية رعد وهيبته وكمان مروان والرجالة اللي معاه. وهي بقي هتتجوز سكيتي كدة ولا فرح ولا ناس. ولا حتي مهر وشبكة
رعد: ابتسم بسخرية. اااه قول كدة بقي. اولا الفرح والشبكة دول حاجة بينهم. وعدي مش هيقصر في حاجة. لكن بالنسبة للمهر انت عايز كام
هنا: انا مش عايزة حاجة
عدي: لا طبعا ازاي. انتي لازم تحفظي حقك. انا هكتبلك شيك بإسمك واعتبريه بدل الشبكة والفرح. لاني صعب اعمل فرح
هنا: دمعت.صح هو فيه واحد مغصوب بيعمل فرح
عدي: هنا قولت كفاية انا مش ناقص
هنا: انت بتزعقلي ليه انا مش عايزة حاجة مش عايزة حاجة . ولا عايزاك انت كمان
وانهارت من العياط
رعد: قرب منها وطبطب عليها. هنا انتي بتثقي فيا ولا لا
هنا: هزت راسها وهي بتعيط. طبعا يا رعد بيه
رعد: يبقي تسمعي الكلام وتتجوزي عدي. وصدقيني مش هتندمي
هنا: بس
رعد: من غير بس. اسمعي الكلام
هنا: هزت راسها بحزن. موافقة
رعد: لف لفوزي وبجدية. وانت عايز مهر كام
هنا : لسة هتتكلم. رعد بصلها بغضب وشاورلها بإيده تسكت. سكتت
رعد: بنفس الجدية. هاه مردتش ليه
فوزي: والله مادم البية مرتاح قوي كدة. يدفع انا عايز مليون جنيه
هنا: انت بتقول ايه. لا طبعا
عدي: وانا موافق.
فوزي: ده انت واقع بقي
رعد: بغضب. ملكش فيه اللي انت عايزه هتاخده. بس بشرط رجلك انت و الكائن اللي ملوش ملامح ده متعتبش هنا تاني وتنسوا هنا خالص.
تامر: هو يقصد مين بالكلام ده انا
هيثم: هو انت لسة واخد بالك من الكلام دلوقتي. انت كنت نايم ولا ايه
احمد: والله دي كانت تدبيسة زفت. كان مالنا احنا بجو الاكشن ده.
فوزي: وانا موافق. علي الجواز. بس مش هاخد حاجة خلي هنا هي اللي تاخدهم. انا مش هبيعها انا بس كنت عايز اشوف هو شاريها ولا لا
رعد: تمام يالا يا شيخ ابتدي اكتب الكتاب
واتكتب كتب كتاب هنا وعدي. وبعدها
فوزي: قرب من هنا. وبحنية مبروك يا هنا مبروك يا بنتي
هنا: بصتله بعتاب ودموع. بنتك لسة فاكر
فوزي: ايوة بنتي وهتفضلي بنتي لحد ما اموت. انا منكرش اني كنت قاسي معاكي في اوقات كتير. وكمان ظلمتك وجيت عليكي كتير من وقت ما اتجوزت ماجدة. بس والله بحبك ارجوكي سامحينيي يا بنتي
هنا: بعياط. اسامحك علي ايه علي انك سيبتها تبهدلني ولا لانك مكنتش حتي بدافع عني. اسامحك ان بسبب ضعفك معاها انا سيبت البيت في نص الليل وكنت هتخطف ويا عالم كان حالي ايه دلوقتي. اسامحك انك بسببك انا دلوقتي بتجوز علشان الفضيحة مش اكتر اسامحك علشان خليت واحد يتجوزني وهو مغصوب
عدي: محدش قالك اني مغصوب انا اتجوزتك بمزاجي
هنا: بسخرية. لا ما هو باين الصراحة. اسمع يا بابا. انا مسمحاك علشان خاطر ماما مرڤت الله يرحمها. وكمان انت ربتني وعلمتني ومتشكرة ليك قوي لحد كدة
فوزي: حضنها انا هفضل ابوكي وبيتي مفتوحلك في اي وقت
هنا: بإنكسار. متشكرة خالي البيت لصحابه.
فوزي: عدي بيه. خلي بالك منها
عدي: انت مش هتوصيني علي هنا. كنت واصي نفسك عليها
فوزي: عندك حق. بس انا لما كنت عايز اجوزها تامر كنت عايز استرها واطمن عليها مش غباوة. وبعدين خلاص اديني اتطمنت عليها. اشوفكم علي خير. يالا يا ولاد
تامر: ايه ده هو كدة خلاص هنا مش هتكون ليا تاني
احمد: انت يا بني ليه فهمك متأخر كدة. ما خلاص اتجوزت انت مكنتش معانا من الاول ولا ايه حكايتك. يالا يا خويا خلينا نرجع اسكندرية
ومشي فوزي وتامر وهيثم واحمد.
رعد : مبروك يا هنا مبروك يا عدي.
هنا: متشكرة
عدي: الله يبارك فيك يا رعد. معلش قلقتك وجبتك علي مالا وشك
رعد: ابتسم. عيب عليك احنا اخوات وبعدين انت كنت عايز حد غيري
يشهد علي العقد ولا ايه. ده كان ممكن اموتك فيها
عدي: ابتسم وحضنه ربنا يخليك ليا.
رعد: ويخليك ليا انت اخويا. يالا اسيبكم انا بقي علشان سايب همس قلقانة عايز اطمنها. وهي اكيد هتتصل تباركلكم. سلام. ومشي رعد
عدي: قرب من هنا. واتنهد بحزن. ممكن اعرف انتي بتعيطي ليه
هنا: بضعف. بعيط علي حالي واللي وصلتله.
عدي: ماله حالك. انتي خلاص محدش له عندك حاجة اتجوزتي ومحدش يقدر يتكلم عنك
هنا: بصتله. عدي ارجوك رد عليا بإجابة واضحة. انت اتجوزتني ليه
عدي: ساكت مش بيرد
هنا: بعصبية رد عليا اتجوزتني ليه
عدي: بصوت عالي. علشان كان لازم اتجوزك.بعد ما كل الشركة اتكلمت عليكي بسببي كان لازم اتجوزك بعد ماكنتي هتضيعي علي ايد هاني بسببي كان لازم اتجوزك. بعد ما ابوكي كان عايز يجوزك غصب عنك كان لازم اتجوزك. عرفتي ليه
هنا:عيطت زيادة. وانت
عدي:؟ انا ايه
هنا: انت مكنتش عايز تتجوزني مش كدة. انت محبتنيش يا عدي
عدي: هنا ارجوكي كفاية انا اصلا بتقطع
هنا:اكيد علشان خنت حلا واتجوزت غيرها. مش كدة
عدي: ايوة يا هنا انا مكنتش عايز اتجوز غير حلا ولا ادخل حياتي ست غيرها وانجبرت اعمل كدة ارتاحتي
هنا: اه اه ارتحت ارتحت قوي.. وجريت علي اوضتها وقفلت الباب
عدي: خبط الحيطة بإيده. وجز علي سنانه غبي غبي ليه قولت كدة ليه. وخرج راح شقته واخد حمام وقعد محتار هو اللي عمله ده صح ولا غلط. وصعبت عليه هنا وقام يروح يشوفها. ودخل الشقة وراح عند اوضتها لقاها قاعدة علي السرير وضامة رجليها ليها وبتعيط. وكانت مشغلة اغنية وموطيه صوتها بس هو سمعها وكانت بتعيط بحرقة وهو كمان عيونه دمعت لما سمعها وقلبه وجعه عليها وعلي نفسه.
عدي لما سمعها وشاف هنا كدة عرف انه غلط معاها قوي وانها مش سهل تسامحه بعد اللي قاله.دخلها وراح وقعد قصادها علي السرير
عدي: هنا ممكن تبطلي عياط وتقومي تاخدي حمام علشان نتعشي مع بعض
هنا: حتي مبصتلوش. وكانت شاردة وسرحانه.
عدي: هنا ردي عليا لو سامحتي
هنا: بجمود وثبات. امشي يا عدي ارجع شقتك وملكش دعوة بيا
عدي: يعني ايه انتي مراتي دلوقتي ولازم تيجي تقعدي معايا هناك او انا هقعد معاكي هنا
هنا: لا مش هينفع. لاننا هنتطلق
عدي: انتي بتقولي ايه مين اللي هيتطلقوا
هنا: انا وانت. انت خلاص عملت اللي عليك وانقذت سمعتي ليك لحد كدة كفاية قوي. بعد شهر بالكتير تطلقني وانا هبعد عنك وعنهم وعن الشركة وعن كل حاجة
عدي: بعصبية. بس انا مش هطلقك
هنا: لا هتطلقني. انا مش ممكن اعيش معاك بعد اللي قولته
عدي: هنا افهميني ارجوكي. انا مضغوط وتعبان انا مش عارف انا عايز ايه. انتي مش وعدتيني قبل كدة هتقفي جنبي وتستحمليني
هنا:ايوة ده لما كنت بحس انك بتحاول وعايزني. مش مجبر يا عدي
عدي: مسك شعره بقوة. انا اسف مكنتش اقصد اقول كدة بس
هزا: شاورتله يسكت. من غير بس لو سامحت. انا قولت اللي عندي ومش هغيره. واتفضل سيبني انا عايزة انام
عدي: طيب اسمعي بقي طلاق مش هطلق فاهمة. وانتي مراتي بمزاجنا غصب عننا بقينا متجوزين. انا هسيبك تنامي هنا الليلة ومن بكرة هنشوف هنقعد في انهي شقة. تصبحي علي خير. وخرج عدي راح شقته.
هنا: فضلت تعيط وطلعت صورة مرڤت امها. شوفتي يا ماما ايه اللي جرالي من بعدك شوفتي ليلة العمر اللي بيقولوا عليها عاملة ازاي. شوفتي بنتك بتقضي ليلة فرحها ازاي. يوم ما اتجوز الانسان الوحيد اللي حبيته واتمنيت اكون ليه. يبقي مش عايزني ومتجوزني علشان الناس. وحتي لو خلاني علي زمته هيبقي علشان اناني وعايز يشوف فيا مراته مش علشان بيحبني. للدرجة دي انا مليش وجود في الدنيا للدرجة دي انا مهمش حد. انتي فين يا ماما فين انا تعبانة قوي يا امي تعبانة.وعيطها زاد وعلي. تفتكري انا لو موت زي حلا هيزعل عليا هيفتكرني اصلا.. مفتكرش علشان هو عمره ما حبني عمره.
وفضلت هنا تعيط لحد لما نامت. في مكانها. وهي قاعدة.
في شقة رعد وهمس.
همس: يعني اتجوزه خلاص
رعد: اه يا حبيبتي اتجوزه.
همس: ابتسمت بفرحة. انا مبسوطة قوي علشان هنا دي بتحب عدي جدا وكان نفسها تتجوزه. بس ياتري هو كمان بيحبها
رعد:اتنهد. والله يا حبيبتي انا حاسس انه بيحبها بس هو اللي غبي ومش عايز يصدق. عايش علي ذكري حلا. مش قادر يقتنع انها خلاص مش موجودة وان هنا هي اللي قصاده وانه لازم ينسي ويبتدي من جديد. المشكلة انه كل ما ياخد خطوة لقدام يرجع عشرة لورا. ربنا يستر بس وهنا تتحمله
همس: هتتحمله انا متاكدة. علشان هي بتحبه
رعد: ياريت يا همس انا نفسي اشوف عدي مبسوط.
همس: كانت سرحانه
رعد: مالك يا قلبي سرحتي في ايه
همس: بصتله بحزن. رعد هو انا لو موت هتحب من بعدي وتنساني
رعد: بخوف وقلق. قرب منها ومسك وشها بإيده. بعد الشر عليكي يا روحي اوعي تقولي كدة تاني
همس: رد عليا هتنساني
رعد: حضنها وضمها قوي. مش ممكن ده انا مصدقت لقيتك وحبيتك انساكي ازاي بس. بس علشان خاطري متجبيش سيرة الموت دي تاني. كفاية اللي اخده مني زمان امي وابويا. لكن انتي لا مش هتحمل بعدك يا همس
همس: ولا انا اقدر اتحمل بعدك يا حبيبي.
رعد: خرجها من حضنه بهدوء. حبيبي اتعشي ولا لسة
همس: تؤتؤ لسة
رعد: ابتسم. تمام يبقي نتعشا سوا. تعالي
همس: انت هتمشي بعد العشا
رعد: ابتسم. اممم مش عارف بس شكلي كدة بايت هنا النهاردة.
همس: ابتسمت بجد
رعد: حبيبي مبسوط اني هبات
همس: مبسوطة بس ده انا هموت من الانبساط. انا لو عليا مش اخليك تبعد عن عيني لحظة واحدة. وبصراحة انا مبقتش اعرف انام من غير ما اكون في حضنك. وبدلع. وكمان تحكيلي حدوتة
رعد: ههههههههه روح قلبي من عنيا نتعشي وانا اوعدك بأحلي حدوته النهاردة.
همس: اممم طيب حدوتة مين
رعد: غمزها حدوتة الشاطر رعد
في الصباح
في شقة عدي صحي وقام واخد حمام ولبس وجهز نفسه. وراح شقة هنا علشان يطمن عليها قبل ما يروح الشركة. ودخل عدي شقة هنا. بس ملقهاش قعد يدور عليها في كل ركن في البيت مش لاقيها. قلبه انقبض وخاف عليها حاول يتصل بيها تليفونها مقفول. نزل وراح الشركة وسال عليها ملقهاش. اتصل برعد. لقي تلوفونه مقفول. راح علي شقة رعد.
في شقة رعد وهمس.
رعد: يعني ايه مش لاقيها
عدي: بقلق وعصبية. مش لاقيها يارعد مش لاقيها اعمل ايه بس انا مش عارف
همس: انا خايفة عليها قوي يارعد.
رعد: متخفيش يا حبيبتي ان شاء الله هتظهر. ادخلي انتي بس ارتاحي وحاولي تهدي ارجوكي
همس: هزت راسها حاضر ودخلت جوا
رعد: انت عملتلها ايه خلاها تمشي كدة من غير ما تقول لحد. اوعي تكون زودت العيار امبارح والبت خافت وطفشت منك
عدي: تصدق انت فايق ورايق. هو انا لمستها اصلا ده كل واحد كان بايت في شقة لوحده.
رعد: نعم يا خويا. ليه بقي انتوا مش اتجوزته.
عدي: ايوة بس حصل كلام بينا ومتهيالي هو ده اللي خالاها تمشي وتهرب
رعد: كلام ايه ده.
عدي:........
رعد: الله يخربيتك. انت ازاي تقول كدة. كسرت قلبها وفرحتها يا اخي بغبائك
عدي: كفاية يارعد ارجوك انا مش ناقص
رعد: ماشي هسكت. انا هكلم مروان علشان نشوف عمل ايه لاقاها ولا لسة
وعدي اسبوع وهنا مختفية. ومحدش عارف هي راحت فين وعدي قلب عليها الدنيا. بس لسة ملهاش أثر
............
#يتبع.....بعد عمل 👇👇👇
#اضافة_ومتابعة_لصفحتى_الشخصية_علشان
نكمل النشر ونكمل الرواية
#رحم_للايجار
#الفصل_الثالث_والعشرون و #الفصل_الرابع_والعشرون
في مكتب رعد.
عدي: انا قلقان عليها قوي يا رعد وخايف يكون جرالها حاجة اسبوع لحد دلوقتي وانا قالب الدنيا وبردوا مش لاقيها. مسبتش فندق ولا أوتيل الا لما سالت فيه حتي المستشفيات اعمل ايه بس انا هتجنن
رعد: سند ظهره علي الكرسي وبحدة. احسن علشان تعرف قيمتها
عدي: بنرفزة. انت فرحان فيا يارعد يعني انا ناقصك
رعد: بصراحة اه فرحان فيك. علشان اللي حصل ده هو اللي هيفوقك ويخليك تعرف. انك ظلمت نفسك قبل ما تظلم هنا.
عدي: قعد علي الكرسي بتعب ومسح وشه وشعره بحيرة. انت معاك حق. انا طول الاسبوع ده وانا هموت من غيرها مش عارف اعمل اي حاجة في حياتي. هنا فعلا فارقة معايا اوي يا رعد. يظهر اني فعلا حبيتها. مش بيتهيألي
رعد: اخيرا. اعترفت ده انت طلعت روحنا معاك
عدي: انت اصلك محاولتش تحط نفسك مكاني. علشان مجربتش الحب قبل كدة. لكن دلوقتي متهيالي ممكن تفهمني شوف انت بتحب همس ازاي. لو لقدر الله جرالها حاجة هيكون سهل عليك تنسي وتعيش مع اي واحدة لمجرد انها شبه همس. اكيد الموضوع صعب
رعد: اتنهد. عندك حق بس خلاص انت بقالك 3 سنين علي الحال ده. وهنا دخلت حياتك وخلاص اللي كان كان. وكمان بقت مراتك. وبصراحة انت زودتها. في واحد يقول لواحدة بتحبه وبتموت فيه يوم فرحهم. انا كنت مجبر اتجوزك علشان كلام الناس. ما ليها حق تطفش وتبعد عنك
عدي: طيب ايه الحل اعمل ايه بس انا تعبان من غيرها يارعد والله تعبان دي وحشيتني فوق ما تتخيل
رعد: طيب انت لسة مصر متكلمش اللي اسمه فوزي ده وتساله يمكن راحتله
عدي: فوزي ايه بس يعني هي كانت هربانة منه هو ومراته وابنها تقوم لما تتجوز تروحلهم دي حتي تبقي غبية.
رعد: امممم. بس علي فكرة انا متأكد ان هنا في اسكندرية مش في القاهرة
عدي: وليه متأكد
رعد: هنا اسكندرانية. وانت كمان شوف انت لما كنت بتضايق كنت بتروح فين
عدي:كنت بروح اسكندرية واقعد قصاد البحر. لحد ما اهدي وارتاح
رعد: بس اديك قولتها. وخصوصا انها مابقتش خايفة حد يشوفها هناك لانها اتجوزت خلاص
عدي: عندك حق انا هطير علي اسكندرية وهقلب عليها الدنيا. لحد لما الاقيها. معلش يا رعد انا سايب الشغل علي دماغك لوحدك بقالي اسبوع كملهم بقي لحد لما الاقيها
رعد: ولا يهمك يا معلم المهم تلاقي هنا ونطمن عليها كلنا. سافر انت بس ربنا معاك.
خرج عدي ورعد كلم همس.
رعد: ابتسم روح قلبي وحشتيني. عاملة ايه
همس: ابتسمت انت كمان وحشتني يا روحي. الحمد لله انا كويسة وبخير
رعد: طيب بقولك ايه انا هبعتلك التسجيل وتبعتيه لهنا.
همس: ايه اعترف خلاص
رعد: هههههه اعترف بالثلاثة. لازم نبعتهولها علشان تتاكد اننا مش بنضحك عليها وان عدي فعلا بيحبها. وكمان قوليلها انه رايحلها اسكندرية يدور عليها. خليها تدوخه شوية
همس: ههههههه. بقيت شرير يا قلبي
رعد: ههههههه. اعمل ايه مش حبيبتي مشغلاني قاضي الغرام. لازم اسبك الدور بقي
همس: هههههههه. حبيبي انا اسفة اني دوشتك بالحكاية دي. بس هنا بجد صعبانة عليا عدي جرحها واهنها اوي
رعد: ولا يهمك يا روحي. انا اصلا مبسوط اني عملت كدة انا كمان كنت عايز اطمن علي عدي عايزه يعيش حياته وينسي بقي اللي فات
همس: طيب يا حبيبي انا هستني التسجيل علشان ابعته لهنا.
رعد: حالا هبعتهولك. بس معلش يا همس هضطر اقفل تليفوني لاني جايلي الوفد الايطالي. وعندي اجتماع مهم مش هعرف اكلمك لحد لما اخلص
همس: ولا يهمك يا حبيبي اول لما تفضي كلمني. سلام
رعد: استني هنا. ايه هتقفلي كدة من غير ما اخد حاجة
همس: ههههههه. لا طبعا ودي تيجي. اممممموووووا
رعد: هههههه احلي اموووا يا قلبي سلام يا همسة قلبي
همس: سلام يا حبيبي
في سنتر التجميل الخاص بمها
مها: انا لازم اخلص من اللي بطن الزفته همس دي
زينب: هو حضرتك عايزة تسقطيها
مها: مش محتاجة ذكاء. ايوة طبعا عايز اجهضها. وانتي اللي هتعملي كدة
زينب: بس افرضي اتكشفت ده رعد بيه ممكن يقتلني
مها: لا متخفيش ما احنا هنعمل خطة تخليه يقلب عليها كمان وميعبرهاش
زينب :خلاص اللي تشوفيه. حضرتك بس قوليلي اعمل ايه وانا اعمله
مها:بخبث. اسمعي هقولك ايه........
في بيت هبة اخت همس
هبة: تليفونها بيرن .... زينب... ايوة يا زينب خير في حاجة
زينب: لا ابدا كل خير. بقولك ايه انتي مش نفسك تشوفي همس وتقعدي معاها
هبة: الا نفسي دي وحشتني اوي. بس جوزها مناعها عننا ومنعنا نروحلها
زينب: طيب لو خليتها تجيلك. وتشوفيها
هبة: بفرحة. والنبي صحيح. ازاي
زينب: اعملي بس اللي هقولك عليه. ماشي
هبة: حاضر بس قولي
زينب: ..............
هبة: بس هو احنا كدة مش هنعملها مشكلة مع جوزها
زينب: ولا مشكلة ولا حاجة دي هي ساعة زمن تيجي تشوفك وتمشي علي طول.
هبة: طيب خلاص هعمل اللي قولتي عليه ولو اتصلت بيا مش هرد عليها
زينب: ايوة كدة صحصحي معايا. يالا سلام
في شقة همس.
همس: ايوة يا هنون سمعتي التسجيل
هنا: بحزن. اه سمعته يا همس. بس بعد ايه بعد ما كسرني ووجعني
همس: مش مهم المهم انه بيحبك بجد. وانتي لازم تسامحيه وترجعيلوا ده حالو بقي صعب ولما يوصلك اسكندرية هتشوفي بقي عامل ازاي ده مش بينام من خوفه عليكي.
هنا: بدموع. ولا انا ده وحشني قوي يا همس قوي. بس اعمل ايه مش قادرة اظهرله ده لازم يندم علي اللي عمله.
همس: براحتك ارجعيله وندميه براحتك. بس قوليلي انتي هتخليه يلاقيكي ازاي
هنا: والله انا معظم الوقت قاعدة في المكان اللي بحبه. لو هو افتكر المكان ده يبقي هنتقابل.
همس: اتنهدت. ربنا معاكي ويرجعكم لبعض يارب انا نفسي اشوفك مبسوطة يا هنا وربنا يعلم
هنا: ابتسمت. وانا كمان بحبك وبتمنالك الخير يا همس انا بعتبرك اختي والله لاني طول عمري وحيدة مليش اخوات. ربنا يخليكي ليا
همس: وانتي كمان زي هبة اختي والله. يالا اسيبك بقي تستعدي لحبيبك.
هنا: ابتسمت. وبعشق. هو فعلا حبيبي وروحي كمان. ده وحشني قوي يا همس وخايفة اول لما اشوفه اضعف وارمي نفسي في حضنه
همس: ههههه لا اجمدي. رعد بيقولك ربيه شوية
هنا: هههههه رعد فرحان فيه قوي
همس: بالعكس والله. ده بيحبه جدا بس هو عايزه يفوق. ويعرف قيمتك.
هنا: ادعيلي بس انتي وربنا يسهل
همس: بدعيلك يا حبيبتي يالا سلام.
همس قفلت مع هنا وتليفونها رن... زينب
همس: الو ايوة يا زينب ازيك
زينب: بحزن مصتنع. ازيك انتي يا همس عاملة ايه
همس: قلقت مالك يا زينب ايه اللي حصل صوتك مشى عاجبني
زينب: والله مش عارفة اقولك ايه.
همس: في ايه يا زينب قلقتيني
زينب: هبة اختك
همس: بقلق. مالها هبة جرالها حاجة
زينب: ابدا اصلها تعبانة قوي داخت ووقعت والدكتور بيقول السكر عالي عليها وشكلها كدة هتدخل في غيبوبة سكر.
همس: حبيبتي يا هبة اكيد الزفت اللي اسمه منصور ده زعلها وكمان تلاقيها معهاش فلوس تجيب الانسولين انا عارفة
زينب: ولما انتي عارفة سايبة اختك كدة مش تروحي تشوفيها وتديها قرشين تجيب العلاج
همس: ايوة عندك حق بس اصل رعد مبيخلنيش اخرج لوحدي
زينب: بمكر. رعد كدة حاف
همس: اتلخبطت. هاه. اااقصدي. رعد بيه. اصله مانعني من الخروج علشان الحمل
زينب: براحتك خلي هبة تموت وذنبها يبقي في رقبتك.
همس: لا لا انا جايلها حالا هي في مستشفي ايه
زينب: يا همس بقولك معهاش حق الدواء ولا كشف الدكتور تقوليلي مستشفي. دي مرمية في البيت ومحدش سائل فيها
همس: عيطت. يا حبيبتي يا هبة خلي بالك منها يا زينب لحد ما اجي انا مش هتأخر.
زينب: بخبث. دي في عنيا.
همس: لبست بسرعة وكل لما تكلم رعد تليفونه مقفول علشان الميتنج اللي عنده. لقت مفيش وقت. بعتتله رسالة علشان لما يفتح الفون يشوفها وكتبتله اللي حصل والعنوان كمان و اخدت فلوس ونزلت بسرعة ومن استعجالها. نسيت تليفونها.
في بيت هبة اخت همس
زينب: ازيك يا منصور
منصور : اهلا يا زينب خير ايه اللي جابك مش صاحبتك خلاص مشيت من هنا
زينب: بمكر. ايه وحشتك
منصور: هي وحشتتي وبس. ده انا هتجنن عليها. بس هقول ايه الراجل ده اللي اتجوزته تقوليش خفاها مش عارف مقعدها فين
زينب: وبخبث. ولو قولتلك انها زمانها جاية دلوقتي.
منصور: فرح وعنيه لمعت. صحيح ولا اشتغالة
زينب: لا والله صحيح. بس قولي هي هبة فين
منصور: اهي متلقحة جوا.
زينب: طيب اسمع انا هدخل لهبة وانت تروح تجيب عصير وتحط الحباية دي لهبة هتشرب العصير وهتنام وانت بقي تقعد مع همس براحتك
منصور: هههههه اه يا بنت الشياطين. بس ايه اللي قلبك عليها مش كنته حبايب
زينب: كنا قبل ما تطمع وتلهف العز والنغنغة اللي بقت فيه لوحدها. وكمان تخبي وتداري عليا. تبقي تستاهل اللي يجرالها
منصور: تمام ادخلي انتي لهبة ..
في مكتب رعد
رعد: خلص الميتنج. وفتح فونه لقي مكالمات من همس كتير قلق. ولقي رسالة فتحها وشاف اللي همس كتبته. واخد مفاتيحه ونزل بسرعة علشان يروحلها.. وهو في العربية بيحاول يكلمها....
سميرة: الو
رعد: عقد حاجبه. سميرة اومال فين همس
سميرة: مدام همس سابت تليفونها هنا ونزلت
رعد: طيب سابته ليه
سميرة: معرفش حضرتك
رعد: طيب اقفلي انتي دلوقتي.. وخبط. الديركسيون بإيده بغضب. غبيه ازاي تنزل لوحدها وكمان من غير تليفون. ماشي يا همس لما اشوفك يظهر اني فعلا دلعتك زيادة.
في شقة هبة
هبة: بتشرب العصير وداخت. ونامت
زينب: بس كدة. اهي نامت وريني بقي شطارتك مع همس. لو عرفت تعمل اللي قولت عليه هتاخد اللي اتفقنا عليه. بس حسك عينك همس ولا اي مخلوق يعرف بالاتفاق اللي بينا
منصور: عيب يا زوز ده احنا بقينا حبايب. زوقي عجلك انتي بقي.
ومشيت زينب وبعد شوية وصلت همس. ومنصور فتحلها. همس اول لما شافته خافت
همس: ههي هبة فين
منصور: وهو بيبصلها بخبث ورغبة وقحة. جوا تعبانة ادخلي.
همس: دخلت وهي مترددة. اومال فين زينب
منصور: نزلت ادخلي شوفي اختك ولا احنا خلاص مبقناش قد المقام.
همس: بصتله بغضب. ودخلت لقت هبة نايمة. خافت عليها. هي مالها اوعي خليني اطلبلها الاسعاف
منصور: حاوطها بإيده. علي فين يا موزة ده انا مصدقت تيجي برجليكي. بس انتي مالك احلويتي كدة ليه. وايه الريحة الحلوة دي ده انتي بقيتي ولا ممثلات السنيما
همس: بتحاول تبعده
ابعد يا حيوان انت والله لقول لرعد واخليه يخرب بيتك
منصور: ههههه. ده هو اللي هيرميكي في الشارع وهترجعيلي هنا.
همس: اوعي بقي حرام عليك. انا حامل ومش حمل قرفك ده
منصور: وده المطلوب. وقعد يضربها. في بطنها.
زينب: علي الباب سمعت صوت صريخ همس. ضحكت بوقاحة. ونزلت ودلقت علي السلم زيت علشان لما همس تخرج تتكعبل وتقع . وفعلا همس حاولت تفلت من منصور. وخرجت تجري واول لما فتحت الباب وخرجت وحطت رجلها علي السلم اتكعبلت ووقعت في الوقت ده. كان رعد وصل وشاف همس واقعة علي السلم وبتنزف.
رعد: اتخض وخاف عليها. وشالها وجري بيها علي العربية. وطلع بيها علي مستشفي دكتورة. ليليان.
رعد كان طول الطريق هينفجر من الغضب والقلق والخوف علي همس. ومنها لانها عملت كدة في نفسها.
رعد: ليه كدة يا همس ليه ده مبتحملش عليكي الهوا. تعملي فيا كدة ليه بس حرام عليكي.
😭😭😭😭😭😭
#يتبع....بعد اضافة ومتابعة لصفحتى الشخصية
❤️❤️❤️❤️❤️💜💜💜💜💜
(عندما يعشق الرعد)
#رحم_للإيجار
#الفصل_الرابع_والعشرون
👇👇👇👇👇
في مستشفي الدكتورة ليليان.
رعد متوتر وقلقان وهيتجنن من خوفه وقلقه علي همس ومنتظر خروج الدكتورة ليليان. وبعد شوية خرجت ليليان
رعد: بخوف وترقب. خير يا دكتور ليليان. كيف حال زوجتي
ليليان: بإبتسامة هادئة. لا تقلق سيد رعد. هي كانت تعاني من نزيف نتيجة السقوط القوي. ولكن نحن سيطرنا علي الوضع ووقفنا النزيف. وهي حاليا تحت المراقبة.
رعد: اخد نفسه. ومسح وشه بإيده. الحمد لله.
ليليان: لكني اريد ان احزرك. الخطر مازال قائما. السيدة همس. فقدت الكثير من الدم. نحن نقلنا لها دم. ولكن احتمالية نزول جنين من الجنينين واردة. ولهذا سوف تظل معنا لمدة اسبوع علي الاقل حتي تستقر حالتها. ونطمئن عليها.
رعد: حسنا. كما تريدين اهم شئ انها تكون بخير. انا اريد منك اذا رأيتي في اي وقت ان هناك خطر عليها ان تضحي بالاجنة. انا اريد زوجتي هي الاهم عندي فهمتي
ليليان: ابتسمت فهمت. يبدوا انك تحبها كثيرا.
رعد: ابتسم. نعم انا احبها اكثر من اي شئ. هل استطيع ان اراها
ليليان: نعم هي الان فاقت وتستطيع الدخول لها. ولكن اهم شئ لا تجهدها فهي تحتاج الي الراحة والهدوء
رعد: حسنا لا تقلقي. استأذن منك.
ودخل رعد لهمس لقاها بتعيط. بس هو زعلان منها
رعد: بجدية مصتنعة. عاملة ايه دلوقتي
همس: بخوف منه ودموع. مش كويسة
رعد: ايه اللي تعبك
همس: قلبي هو الي تعبني علشان انت زعلان مني
رعد: انتي مش شايفة ان من حقي ازعل
همس: لا من حقك. وانا غلطانة اني نزلت من غير ما استأذن منك. بس والله هبة كانت تعبانة زي ما كتبتلك في الرسالة. وانت تليفونك كان مقفول. انا اسفة علشان خاطري سامحني
رعد: مش قادر يتحمل دموعها وخوفها. قعد جنبها وخدها في حضنه. خلاص يا حبيبتي كفاية عياط. كدة غلط علي صحتك
همس: بدموع لا مش مهم صحتي المهم انك تسامحني
رعد: ابتسم وباسها من جبينها. مسامحك يا روحي والله. انا بس كنت خايف عليكي وقلقان ليجرالك حاجة. بس انا عايز اعرف ايه اللي حصل. وايه اللي وقعك كدة
همس: مترددة وخايفة تتكلم.
رعد: بصلها وفهم انها خايفة تتكلم. ايه اللي حصل يا همس. اتكلمي
همس: بخوف. هقولك بس بالله عليك ماتزعل مني انا مليش ذنب
رعد: بحدة. اتكلمي يا همس ماتنرفزنيش.
همس: بلعت ريقها بصعوبة. اصل اللي حصل ..........
رعد: وشهة اتقلب وعنيه بقت جمرة نار. ابن .... وربي لربيه ابن الكلب واعرفه ازاي يتهجم عليكي وكمان يضربك. ماشي يا منصور الكلب
همس: بتعيط. انا بس خايفة علي هبة انا سيبتها مغمي عليها ومعرفش حصلها ايه
رعد: طبطب عليها. اهدي طيب انا هبعت حد يجبها وتطمني عليها. بس انتي غلطانة لو عايزة تساعديها وتطمني عليها ليه مقولتليش.
همس: كنت مكسوفة منك. وخايفة تقول عليا طماعة وعايزة اصرف علي اختي من فلوسك
رعد: وهو بيمسح دموعها. وفلوسي وفلوسك ايه مش واحد. خلاص يا حبيبتي من هنا ورايح هبة هيوصلها مصروف كل شهر. علشان علاجها وتعبها متقلقيش
همس: حبيبي ربنا يخليك ليا وميحرمنيش منك ابدا.
رعد: ابتسم. ولا يحرمني منك يا حبيبتي. ممكن بقي تبطلي عياط
همس: ابتسمت. ومسحت دموعها حاضر هسكت.
رعد: طلع تليفونه..... ايوة يا مروان انت فاكر الحيوان اللي اسمه منصور
مروان: ايوة سعادتك فاكروا
رعد: عايزه متكتف في المخزن في اقل من ساعة
مروان: تمام يا باشا. تحت امرك
رعد: تمام . وكمان ابعت حد يجيب هبة اخت مدام همس وهاتها علي مستشفي دكتورة ليليان.
مروان: حاضر اوامر تاني
رعد: لا خلاص كدة سلام
همس: انا اسفة اني حطيتك وحطيت نفسي في الموقف ده
رعد: وهو بيملس علي شعرها. ولا يهمك يا حبيبتي. المهم انك دلوقتي في حضني. بس بعد كدة اياك تتصرفي من نفسك. انا مقدرش علي القلق ده تاني انا روحي كانت بتروح مني وانا شايلك وانتي مغمي عليكي وبتنزفي.
همس: حاضر والله مش هخطي برا البيت لوحدي تاني ابدا.
رعد: انتي قولتيلي مين اللي كلمك وقالك ان هبة تعبانة
همس: زينب صاحبتي اللي بتشتغل عند دكتور هادي
رعد: بشك. اه زينب. وهي مش ممرضة ليه ما اسعفتش هبة
همس: مش عارفة انا كنت متلخبطة ومفكرتش
رعد: امممم. هي زينب تعرف اللي بينا
همس: لا طبعا انا مقولتلهاش حاجة بس ااه
رعد: بس ايه اتكلمي متخفيش
همس: هي يعني كانت من الاول عارفة اني بحبك وكدة
رعد: ابتسم بخبث. اممم ده انتي واقعة من زمان بقي
همس: وبعدين معاك الله
رعد: ههههههه ماشي خلاص. وقرب من عنيها بس ما انا كمان كنت واقع ودايب علي الاخر
همس: سلامتك من الوقعة يا حبيبي
رعد: والله ما ينفع كدة. ده وقت تعب ومستشفي مش كان زمانا دلوقتي في بيتنا و بنلعب عريس وعروسة
همس:ههههههههههه. انت مفيش فايدة فيك
رعد: تؤتؤتؤ مفيش. بس بقولك ايه انا عايزك تقطعي علاقتك بزينب دي. متنسيش انها بتشتغل عند هادي
همس: حاضر. بس والله زينب غلبانة وبنت حلال. دي كمان كانت عايزة تساعدني علشان اقرب منك
رعد: ابتسم علي برائتها. بصي يا همس انا مش عايزك تثقي في حد اوي كدة. انتي متعرفيش الفلوس ممكن تخلي الواحد يعمل ايه
همس: مش فاهمة تقصد ايه
رعد: لا مفيش بس انا في حاجة في دماغي كدة ولو اتأكدت انها صح. هيكون يومهم ازرق
همس: هما مين
رعد: انتي بتشغلي نفسك ليه. انتي ملكيش دعوة بحاجة كل اللي مطلوب منك انك تخلي بالك من صحتك ومن اللي فى بطنك. وسيبيني بقي انا اربي الكلاب اللي عايزة تأذيكي
همس: مع اني مش فاهمة حاجة بس خلاص اللي تشوفه.
في مستشفي الدكتور هادي
مها: يعني ايه ماجبهاش هنا اومال واداها فين.
هادي: معرفش انا لسة عارف اللي حصلها من حضرتك ومن زينب دلوقتي
مها: وانتي ماسمعتيهوش بيقول اي حاجة
زينب: والله ابدا يا هانم. هو اول لما شافها واقعة علي السلم شالها ونزل زي البرق وركب عربيته ومشي
مها: معقول يكون وداها البيت. انا هتصل بيه واشوف حصلها ايه سقطت وارتاحنا ولا ايه
هادي: نعم. هو انتي عايزة تسقطيها. اومال احنا عملنا كل ده من الاول ليه
مها:ملكش دعوة. واياك جدو او رعد يعرفوا حاجة. انت فاهم
هادي: وانا مالي حضرتك حرة. عن اذنك
مها: اتصلت برعد....
رعد: بشك مها ودي عايزة ايه دلوقتي... ايوة يا مها
مها: ايوة يا رعد انت فين وفين همس هي عاملة ايه دلوقتي
رعد: بشك جز علي سنانه. وانتي عرفتي اللي حصل لهمس ازاي
مها: بلخبطة. ايه اااصل هادي كلمني وسالني علشان زينب قالتله اللي حصل
رعد: اه قولتيلي. عموما همس كويسة والبيبهات كمان كويسين. متقلقيش
مها: بتجز علي سنانها من الغيظ. يعني ماسقتطش هادي كان خايف تسقط
رعد: بيعض علي شفايفه بغيظ. لا ماسقتطش. وان شاء الله هتولد بالسلامة يا مها اوعدك
مها: طيب هي فين وليه ماجبتهاش عند هادي
رعد: انا حر اوديها للي اوديهالوا. وهمس مش هتابع مع هادي تاني. وياريت متشغليش بالك بيها انا هعرف ازاي احافظ علي ولادي
مها: ماشي يا رعد سلام.
زينب: خير عرفتي وداها فين
مها: بغضب. لا مرضيش يقولي. بس والله ما انا سايباهم في حالهم. واخدت شنطيتها ومشيت.
في مكتب توفيق
توفيق: انت بتقول ايه يا امين
امين: اللي سمعته يا باشا. في بلاغ اتقدم للنائب العام ضد المجموعة وبيتهمنا اننا بنغش في الاساسات وان المباني اللي بنناها كلها غير مطابقة للمواصفات. واتشكلت لجنة من الوزارة وهتيجي تتأكد من صحة البلاغ
توفيق: بغضب. ومين اللي قدم البلاغ ده
امين: محامي مغمور كدة ملوش اسم
توفيق: عايزك تجبهولي من تحت الارض
امين: تحت امرك يا باشا. بس المهم دلوقتي هنعمل ايه مع اللجنة
توفيق: حاول تلاقيلهم سكة.
امين: بس اللي سمعته. ان اللجنة فيها راجل غيتت. ومش من النوع اللي بنعرف نتعامل معاه
توفيق:كله بيجي. بالشدة واو باللين. خيره وهو حر يختار ايه
امين: تمام سيادتك. بس انا حاسس. ان رعد بيه ليه يد في الموضوع ده
توفيق: خبط المكتب بإيده. رعد اللي مصبرني عليه الخلفة البنت دي تولد بس وانا وقتها هعرف اربيه من اول وجديد.
في مستشفي دكتورة ليليان
في اوضة همس.
رعد: بيأكل همس. يالا يا روحي كلي بقي
همس: والله شبعت مش قادرة.
رعد: طيب مش هغصب عليكي. بس شوية كدة وتكملي اتفقنا
همس: ابتسمت اتفقنا.
والباب خبط
رعد: ادخل
هبة: فتحت ودخلت. وبلهفة همس حبيبتي سلامتك. وراحت حضنتها
همس: بفرحة. الحمد لله طمنيني انتي عاملة ايه انا جيتلك وكنت قلقانة
بس اللي حصل خلاني امشي من غير ما اطمن عليكي.
هبة:حقك عليا انا اسفة كل ده بسببي . انا اسفة يا رعد بيه علي اللي حصل منصور ده شيطان.
رعد: بس انا بقي هربي الشيطان ده واعلمه الادب. علشان مايتجرأش تاني ويقرب من مراتي
همس: انتي عرفتي هو عمل ايه. انا بسببه كنت هخسر ولادي
هبة: بتعيط. لما فوقت حكالي بكل بجاحة. انا والله تعبت منه ربنا يخلصني منه بقي وارتاح
رعد: انتي عايزة تطلقي
هبة: ياريت. بس ازاي ده مفتري ولا هيطلقني. وهيبهدلني اكتر
رعد: لا متقلقيش. انوي انتي بس وانا اطلقك منه
هبة: ياريت النهاردة قبل بكره. انا لو عليا كنت سيبته من زمان. بس زي ما انت عارف انا وهمس ملناش حد. ومحدش كان هيقف معانا قصاده. حتي ابراهيم ابن عمنا صاحبه وهيدافع عنه
رعد:تمام انتي كدة ريحتي ضميري من ناحيتك. علشان اللي ناوي اعمله فيه. ميزعلكيش
همس: بقلق. وانت ناوي علي ايه. رعد ابوس ايدك ماتوديش نفسك في داهية علشان واحد زي ده
رعد: قعد جمبها ومسك ايديها وابتسم. حبيبتي ما تخفيش. انا عارف انا بعمل ايه. المهم دلوقتي انا هسيبك مع هبة تتكلموا شوية وانا هروح مشوار. ساعة بالكتير وراجع
همس: مسكت في ايده. لا وحياتي خليك معايا
رعد: ههههههه. احنا هنقلب عيال ولا ايه. والله مش هتأخر. وقرب منها وباسها من خدها. وشوشها. هتوحشيني يا قلبي ومتقلقيش مش هتاخر. وقام وكلم هبة. بصي يا هبة همس هتقعد هنا اسبوع. انا هبعت السواق يجيبك كل يوم وتجي تقعدي معاها بالنهار وانا في الشركة. وتروحي لما انا ارجع علشان مانسيبهاش لوحدها. اوك
هبة: بفرحة. يا سلام وانا تحت امرك. وامرها انا اخدمها بعنية
همس: ابتسمت. ربنا مايحرمنيش منك ابدا يا هبة
هبة: ولا يحرمني منك ويارب تقومي بالسلامة ان شاء الله.
رعد: طيب اسيبكم انا بقي. ومش هتاخر. وغمز همس سلام يا روحي
همس: ابتسمت. سلام يا حبيبي. وخرج رعد.
هبة: ربنا يسعدك يا همس. رعد بيه ده راجل ولا كل الرجالة. حاجة كدة مفيش منها في الزمان اللي احنا فيه ده
همس: اتنهدت. اه يا هبة. انا لو كنت عشت عمري كله احلم براجل احبه واتجوزه. عمري ما كنت هحلم براجل زي رعد. ربنا يخليه ليا ويحفظه. بقولك ايه يا هبة لو في اي وقت. جات مها مرات رعد او جده بلاش. تبيني قدامهم اننا بنحب بعض وكدة.
هبة: هو متجوز غيرك.
همس: بصي هي قصة طويلة انا هحكيهالك. بس اوعي حد يعرف اللي بيني وبين رعد. هما فاكرين انه جواز علشان الخلفة وبس........
في مخزن رعد
منصور متعلق من رجليه ومضروب
رعد: دخل بهيبته ووقاره المعتاد ووقف قصاده وحط ايده في جيبه. اهلا بمنصور الكلب. اللي مصر يلعب في عداد عمره
منصور: هو انت كل مرة تاخدني علي خوانه. انت عايز مني ايه مش كفاية اشتريت البت. وختها مننا
رعد: ضربه بالقلم. البت دي يا بن الكلب تبقي مراتي. مرات رعد الحديدي. وانت اتجاوزت حدودك علي الاخر. انا عدتلك اول مرة لما عرفت انك اتهجمت عليها قبل ما اتجوزها. والتانية لما حاولت تخدها من الفندق. ودي الثالثة وزي ما بيقولوا. الثالثة تابتة. وانا بقي هعرفك ازاي متفتحش عينك في جنس ست.
منصور: بخوف. ليه انت ناوي علي ايه
رعد: هههههه. لا ده انا ناوي علي كل خير. اصل اللي يفكر يضرب مراتي وكمان يعتدي عليها. يبقي جني علي نفسه. وبصوت عالي مروان فين دكتور حسين
مروان: موجود يا باشا. تعالي يا دكتور حسين.
منصور: دكتور ايه انا مش عيان
دكتور حسين: تحت امرك يا رعد باشا
رعد: انا عايزك تشوف شغلك. بس اهم حاجة متنساش المضاد الحيوي والمسكن. علشان الجرح
مروان: هههههه. طول عمرك قلبك كبير. يا رعد باشا
حسين: متقلقش سيادتك.انا هظبته علي الاخر.وقرب من منصور
منصور: لا لا انت هتعمل ايه ابعد عني
مروان: رجالة امسكوه كويس
رعد: ما تخافش يا منصور. دي عملية صغيرة. هتنسي بعدها انك كنت راجل علشان تتلم وتبعد عن بنات الناس. وخرج رعد ووراه مروان
منصور: لاااااااااااااا
عند عربية رعد.
مروان: كان في حاجة يا باشا عايز ابلغهالك
رعد: خير في ايه.
مروان: جاتلي اخبار. ان توفيق باشا قالب الدنيا علي محمود. المحامي اللي خلناه يقدم البلاغ.
رعد: حط ايده في جيبه وسند علي العربية. امممم. ومحمود فين دلوقتي
مروان: مستاخبي زي ما سيادتك امرت
رعد: تمام خليه كدة ومايظهرش الا لما اطلبه. واهم حاجة الحراسة توفيق لو عرف طريقه مش هيرحمه. انا ماشي ولو حصل اي جديد تبلغني بيه فورا
مروان: تمام يا باشا. مع الف سلامة.
وعدي كام يوم وهمس اتحسنت. والدكتورة سامحتلها تخرج من المستشفي. ورجعت البيت. وهبة كانت بتروحلها تقعد معاها من وقت للتاني. ورعد فعلا طلقها من منصور وهو بعد اللي حصله طلقها ومحدش يعرف هو راح فين.
اما عدي فقلب اسكندرية علي هنا ومش لاقيها. وراح عند شغلها القديم وسأل اصحابها عليها. وبردوا مفيش فايدة. وفي يوم بالليل. عدي وهو ماشي بعربيته. افتكر المكان اللي شافها في اول مرة لما كانت قاعدة سارحانة. وهو وقتها افتكرها سراب وانه اتهيألوا انه شاف حلا. راح علي المكان ده وقعد يبص علي البحر ويفتكر هنا. وفاجأة. بص بعيد لقي هنا قاعدة علي صخرة وبتعيط. عدي فرح وابتسم وجري عليها وندهلها.
عدي: هنا هنا
هنا: اول لما سمعت صوته. مسحت دموعها ووقفت وشافته جاي بيجري عليها. هنا قلبها رقص من الفرحة كان واحشها وهتموت وتشوفه. بس حاولت تتماسك. ومتبينش
عدي: قرب منها وحضنها وضمها لي بقوة. وبنبرة عاشق وحششتيني وححشششتيني اوي اوي
هنا: كانت روحها بتروح وهي كانت بتتمني انها تحضنه هي كمان. وتقوله انت اللي وحشتني اوي يا حبيبي فوق ما تتخيل بس فضلت جامدة وثابته وبتحاول تظهر عكس اللي جواها
عدي: حس انها مبتبدلوش نفس الحضن. وانها لسة زعلانه. بعد عنها بهدوء. لقاها دموعها بتنزل منغير صوت. قلبه وجعه عليها مسح دموعها بإيده كفاية بعد لحد كدة انا تعبان من غيرك والله كنت هموت يا هنا ليه عملتي فيا كدة
هنا: بإنكسار ليه؟ بتسأل ليه ده حتي انت الوحيد اللي عنده اجابت كل الاسئلة وخصوصا السؤال ده
عدي: بندم. انا عارف اني جرحتك. ووجعتك بس حاولي تعزريني. انا كنت ملخبط ومش عارف احدد اي حاجة. كنت خايف اكون بظلمك وبضيع حياتك معايا.
هنا ارجوكي سامحيني انا اسف. انا بجد عرفت اني بحبك لما سيبتيني.وقتها اتأكدت اني حبيتك من اول يوم شوفتك فيه. ارجعيلي يا هنا ارجوكي. انا بحبك والله بحبك
هنا: 😍ما كنتش مصدقة نفسها وعايزة ترمي نفسها في حضنه وتقوله اخيرا قولتها وريحت قلبي. بس كانت خايفة تتسرع وتصدق. ويكون ده نتيحة بعدها عنه بس وتعوده عليها ولما ترجع ليه يرجع يحتار تاني فقررت انها تكون ذكية ومتتسرعش وتسيبه موهوم انها مش مسمحاه لحد لما تتأكد انه بيحبها بجد.
عدي: هنا .. هنا انتي مبتروديش ليه.
هنا: بتحاول تستجمع شجاعتها. بص يا عدي اللي انت عملته معايا كان منتهي الانانية قربت مني وانت كنت لسة بتحب مراتك وخلتني اقرب منك واحبك. وبعد ما اتعلقت بيك جيت انت بكل قسوة وفوقتني من حلم جميل كنت عايشاه. وجرحتني ووجعتني. وجاي دلوقتي بتقولي انك مبقتش محتار ولا متردد. وانك بتحبني. منتظر مني ايه. طبعا اترمي في حضنك وانسي كل حاجة. لكن لا انا لسة منستش جرحك ليا وزي ما انت اخدت وقت تفكر وتستقر علي قرارك. انا كمان لازم اخد وقتي لحد لما اشوف اذا كنت هقدر انسي وارجع زي الاول ولا هبعد عنك ونتطلق زي ما اتفقنا
عدي: لا يا هنا احنا مااتفقناش. انتي اللي قولتي عايزة تتطلقي. وانا رفضت وهفضل ارفض. ومش ممكن هخليكي تضيعي من ايدي. بس هسيبك تاخدي وقتك وهداوي جرحك اللي انا السبب فيه. بس انتي اديني فرصة.
هنا: بصتله وسكتت
عدي: قوليلي انتي كنتي قاعدة فين الفترة دي
هنا: قاعدة في فندق.
عدي: مسك ايديها طيب تعالي نجيب حاجاتك من الفندق. علشان نروح شقتنا
هنا: شقتنا؟
عدي: ايوة نسيتيها ولا ايه. الشقة اللي بيتي فيها معايا اول مرة اتقابلنا فيه.
هنا: بس دي مكنتش اول مرة
عدي: هو انتي اختي بالك مني المرة اللي قبلها لما شوفتك هنا
هنا: هزت راسها. ايوة يومها لقيتك بتبصلي بإهتمام فقلقت واول لما انت جالك تليفون. قمت ومشيت بسرعة. ولما شوفتك.بعد لما فوقت مصدقتش نفسي وافتكرت انك خطفتني
عدي: ابتسم وبخبث. هو بصراحة انتي تتخطفي. ده الشيطان يومها كان عايزني اعمل عمايل وانتي متخدرة.
هنا: بغضب مصتنع. عدي
عدي: احمم. خلاص متبقبش حمقيه كدة. يالا تعالي نروح نجيب حاجاتك من الفندق. وراحت معاه العربية وهما ماشين.
عدي: شايف هنا سراحانة ولسة زعلانه.احمم قوليلي عملتي ايه لوحدك الفترة دي. وليه شكلك تعبان كدة انتي مكنتيش بتكلي كويس
هنا: بصتله بعتاب من غير كلام. وسكتت.
عدي: حس انه سؤال سخيف. لانها حالها وشكلها التعبان ووشها الشاحب من قلة الاكل والنوم. كافلين انهم يجاوبوا عليه انها كانت ضايعة بسببه
هنا: مسكت السي دي وشغلت انيه ردت بيها علي سؤاله بس بطريقة توجعه زي ما اتوجعت.
عدي: غمض عنيه بألم وندم علي انه جرحها كدة. واتمني انه مكنش يعمل كدة ولا يقولها الكلام اللي قاله. بس قرر انه يتحمل نتيجة اللي عمله. ويتحملها لحد ما جرحها يلم وتنسي اهانته ليها.
ووصله الفندق. وهنا جابت حاجاتها وراحوا علي شقة عدي. ولما دخلوا الشقة. عدي اخد شنتيطها. ودخلها اوضته.
هنا: انت ليه دخلت الشنطة في أوضتك
عدي: يعني ايه ليه علشان تدخلي تغيري هدومك وننام
هنا: نإيه ننام ليه هو احنا هنام في اوضة واحدة
عدي: اه طبعا انتي مش مراتي ولا ايه.
هنا: بلخبة لا لا انا هنام في اوضة لوحدي
عدي: قرب منها وحضنها من ظهرها. وبصوت هادي. مش معني اننا زعلانين. انك تنامي في اوضة لوحدك. وبخبث. ممكن عادي ننام في نفس الاوضة ونفس السرير. واوعدك مش هقربلك. وهسيبك لحد لما تهدي وترجعي تحبيني زي الاول. وابتدي يبوسها برقة وهدوء من خدها ورقبتها
هنا: كانت بتنهار بين ايديه وعارفة ان لو ده حصل هتضعف. ومش هتعرف تنفذ خطيتها انها تعاقبه علي اللي عمله. بعدت عنه بسرعة. احممم لا لو مش هنام في اوضة لوحدي هرجع الفندق.
عدي: ابتسم بنصر. لانه حس انها خايفة تضعف. بس حب انه يسيبها تكمل لعبتها. اممم خلاص موافق. بس الكلام ده مؤقتا وبعد كدة هتنامي معايا في اوضتي وفي سريري وفي حضني
هنا: احممم. يا عالم ماتتفائلش قوي كدة. انا لسة مقررتش اذا كنت هكمل معاك ولا لا
عدي: قرب منها وحاوطها بإيده من خصرها. وهو بيلعب في شعرها بخبث. تؤتؤتؤ. انا خلاص قررت انتي هتفضلي مراتي حبيبتي وروح قلبي ومش ممكن هتطلقك ابدا. انا سايبك بس تهدي وبعد كدة مفيش حاجة في الكون مهما كانت هتمنعني عنك. وقرب اكتر وباسها بشغف وقوة ولهفة ودي اول مرة يبوسها من وقت ما بقت مراته. وبعد شويه بعد عنها وهو ساند جبينه علي جبينها وبصوت متقطع. بحبك يا هنا والله بحبك
ورجع باسها تاني وهنا كانت من حبها ولهفتها عليه مكنتش بتقاوم. لانها كمان محتجاله. بس خايفة تضعف اكتر من كدة. بعدت عنه وهي متلخبطة ومتوترة
هنا:احمم ااااانا داخلة الاوضة التانية لو سامحت هاتلي شنطيتي من اوضتك. وجريت علي اوضتها
عدي: ابتسم علي خوفها . ماشي يا هنا اتقلي براحتك. بس والله يوم ما توقعي مش هرحمك. ااااه كنت غبي لما ضيعتك من ايدي. بس معلش هانت مش هسيبك غير لما ترجعي تدوبي فيا من تاني.
😉😉😉😉
#يتبع........بعد👇👇👇👇👇👇
#اضافة_ومتابعة_لصفحتى_الشخصية
تعليقات
إرسال تعليق