 |
#رحم_للايجار
البارت 17_18_19_20
👇👇👇👇👇👇👇👇
في صباح اجمل ليلة عدت علي رعد وهمس. واللي كانت اول ليلة ليهم كزوج وزوجة بجد. رعد صحي وفتح عنيه. لقي همس نايمة جنبه. ابتسم وقرب منها وهو بيشيل خصل شعرها اللي مغطيه وشها.
رعد:بحبك وبحب ملامحك. حتي وانتي نايمة بحب ابصلك.كنتي فين ياهمس من زمان. يمكن لو كنت قابلتك من زمان كانت حاجات كتير في حياتي اتغيرت.
وفي اللحظة دي رعد تليفونه رن...
رعد: ايوة يا مزعج عايز ايه علي الصبح
عدي: ههههههه. اقول صباحية مباركة يا عريس
رعد: بصوت واطي. اتلم يا غبي وبعدين وانت عرفت منين يا بارد
عدي: هههههه. ابدا اصل هنا قالتلي امبارح انها ظبطتلك المسائل. وكمان سيادتك مجتش الشركة فقلت اكيد. الخلبوص كسر الدنيا امبارح
رعد: هههههههههه. يخربيت قرك
عدي: يا عم مش بقر. بس شكلها كانت ليلة جامدة
رعد: جامدة ايه بس. دي ولا الف ليلة وليلة.
عدي: يا عيني علي رعد باشا لما يحب. ايه الجمال ده بس
رعد: طيب ممكن تقفل بقي. عايز اشوف حبيبتي اهم من الرغي معاك
عدي: شوف الندالة تبيع صاحب عمرك في ثانية كدة. ماشي بس قولي توفيق باشا ومها لو سألوا عليك اقولهم ايه
رعد: قولهم لسة في شرم
عدي: امممم طيب افرض عرفه انك نزلت القاهرة
رعد: بقولك ايه انا مبحبش الصداع وانت عارف. لو كلموك قولهم يكلموني وانا قافل التليفون ولما افتحه هبقي اتصرف معاهم.
عدي: اوك. براحتك سلام يا عريس
رعد: هههههه سلام يا خويا.
قفل رعد وقرب من همس وابتسم.
رعد: كل ده نوم لا انتي وحشتيني ولازم اصحيكي. وقرب اكتر وباسها بهدوء في عنيها وخدها وشفايفها. لحد ما صحيت
همس: فتحت عنيها. ولما شافت رعد ابتسمت. صباح الخير
رعد: يا حبيبة قلبي.
همس: ده طلع بجد بقي
رعد: هو ايه يا قلبي
همس: انك معايا وجنبي من امبارح. انا كنت فاكرة اني لسة بحلم زي كل يوم
رعد: ابتسم ابتسامة واسعة. حبيبي. لا مش حلم انا معاكي ومش هسيبك تاني ابدا. من النهاردة مفيش احلام كل اللي بتتمنيه هيكون حقيقة
همس: قامت وقعدت.وعدلت شعرها. وبقلق. هو انت هتمشي دلوقتي
رعد: بخبث. اممم انتي عايزاني امشي
همس: هزت راسها. تؤتؤ مش عايزك تمشي عايزة اقعد معاك انت كنت واحشني اوي
رعد: حضنها اوي. وانا قاعد معاكي يا روحي مش همشي. لحد لما تزهقي مني
همس: هههههه يبقي كدة هتفضل جنبي لحد ما اموت علشان انا عمري ما هزهق منك ابدا ابدا ابدا
رعد: ههههههه. ولا انا يا عمري مش ممكن ازهق منك ابدا ابدا ابدا.
همس: طيب انا هقوم احضرلك الفطار
رعد: وهو بيحك شعره بحيرة. هو لازم فطار. مش ممكن قهوة وخلاص
همس: اتعلقت في رقبته. لا مينفعش لازم تفطر الاول وبعدين القهوة.
رعد: حاوطها بإيده وابتسم. اعتبر ده امر
همس: بحنية. لا اعتبره حب وخوف عليك.
رعد: مبلاش. الحنية دي علشان انا ممكن اتهور والغي الفطار والقهوة اسلم علي العيال
همس: ههههههه. لا بعينك. وسابته وقامت من السرير. وراحت المطبخ
رعد: عض علي شفايفه. ااااااه يا هموسة كان فين الدلع ده من زمان.ده انا مكنتش عايش من غيرك.
رعد خرج لهمس المطبخ. وراح وراها وحضنها وباسها من خدها. حبيبي بيعمل ايه
همس: بحضر الفطار لحد ما اخد حمام وارجع نفطر.
رعد: تحبي اساعدك
همس: لا يا حبيبي. روح انت خد حمام لحد ما انا اخلص.
رعد: اوك بس وحياتي متنسيش القهوة. احسن اصدع واقلب رعد المجنون
همس: هههههه لا يا حبيبي مش هنسي
رعد: باسها من خدها تاني اوك وانا مش هتأخر . وراح رعد يا خد حمام. وهمس كمان راحت الحمام التاني وخلصوا وقعدوا وفطروا. وبعد الفطار همس عملت القهوة لرعد.ودخلت بيها
رعد. كان قاعد بيتفرج علي Tv. ولما همس دخلت. ابتسم. ومدلها ايده. واخدها وقعدها علي رجله
رعد: وحشتيني الشوية دول. يا روحي
همس: رعد انا كدة ممكن يغمي عليا من دلعك ليا بجد
رعد: وهو بيلعب في شعرها. وهو انتي يا روحي لسة شوفتي دلع. الدلع لسة جاي
همس: اكتر من كدة. لا انا مستهلش كل ده
رعد: لا تستاهلي. واكتر كمان.
همس: طيب ممكن تسيبني بقي اقعد علي الكنبة علشان تشرب القهوة
رعد: بمكر بس انا مبسوط كدة
همس:امممم طيب ما انا هقعد جنبك. اوعي بس.
رعد: امري لله تعالي يا حبيبتي قعدها جنبه ونام وحط راسه علي رجلها
همس: ابتسمت وقعدت تلعب في شعره.
رعد: اتنهد بحزن. يااااه يا همس فكرتيني بماما الله يرحمها. كانت وانا صغير تنيمني علي رجلها وتلعب في شعري لحد ما . كنت بحس بحنية الدنيا وانا في حضنها
همس: الله يرحمها
رعد: الله يرحمها.
همس: حبيبي القهوة هتبرد
رعد: قام وقعد. اوك هشرب اهو. بس عايزك علي بال ما انا اشرب القهوة. عايزك تلبسي.
همس: ليه هو احنا خارجين
رعد: ايوة خارجين.
همس: هنروح فين
رعد: لا دي مفاجأة. هتعرفيها بعدين يالا بسرعة بس اجهزي انتي.
همس. راحت لبست ورعد كمان ونزلزا العربية. ورعد طلع بالعربية. وشغل السي دي علي اغنية جنان وكان بيبتسم وهو بيغني معها وبيبص لهمس. اللي كانت مكسوفة علشان حاسة انه يقصد الليلة اللي عدت دي عدت عليهم ازاي.
وبعد الاغنية ما خلصت رعد مسك ايد همس وباسها.
رعد: ابتسم. احلي واجمل ليلة في عمري كله يا همس. اللي قضتها معاكي
همس: واحلي ليلة عدت عليا انا كمان انت متعرفش انا بحبك قد ايه يا رعد
رعد: وانا كمان بحبك يا روح رعد.
همس: مش هتقولي رايحين فين بردوا
رعد: ما احنا لما نوصل هتعرفي. متستعجليش.
ووصل رعد لفندق 7 ستار من اشهر فنادق مصر. وطلع مع همس الجناح واول ما همس دخلت الجناح تنحت ومش مصدقة اللي شافته.
كان في انتظار همس اشهر واكبر خبيرة تجميل والمساعدين ليها. وكمان اجمل وارق فستان فرح ابيض. شافته همس.
همس: بصت لرعد ايه ده انا مش فاهمة حاجة
رعد: حاوطها بإيده. وابتسم. حبيبتي انا كان نفسي اعملك اكبر واحلي فرح في الدنيا. بس مؤقتا هنعمل فرح صغير علي قدي انا وانتي
همس: حضنته. حبيبي يارعد بجد انا مش مصدقة.
رعد: لا يا روحي صدقي. انا عايز اشوفك بالفستان الابيض. ومتأكد انك هتكوني اجمل عروسة في الدنيا. يالا اسيبك تجهزي واروح اجهز انا سلام يا روحي. وباسها من خدها وخرج.
وابتدوا يجهزوا همس ولبست الفستان. وفعلا كانت عروسة جميلة ورعد كمان لبس وراح لهمس الجناح
رعد: اول لما شافها. ابتسم ابتسامة كلها اعجاب وفرحة. مش ممكن ايه الجمال ده انتي عروسة بجد من الدنيا ولا حورية من الجنة
همس: ابتسمت بكسوف.وبعدين بطل كلامك اللي بيدوخ ده
رعد: هههههههه. طيب تعالي يا روحي قبل ما تدوخي لسة عندنا فرح هنحضره.
ومسك ايديها ونزلوا القاعة وكانت مفيهاش غيرهم وابتدت الاغنية اللي هيرقصو عليها. وهمس ماكنش فارق معاها وجود حد ولا عايزة حد غير رعد وبس كان هو كفاية عليها
رعد: اوعي تكوني زعلانة ان مفيش معازيم
همس: هههههه. تؤتؤ انت عندي بالمعازيم وبالدنيا بحالها
رعد: بنظرة حبيب وعاشق. بحبك
همس: بنفس النظرة. بحبك
وابتدوا يرقصوا علي الاغنية الجميلة اللي رعد اختارها. وكانت
(وماله لعمرو دياب)
رعد كان حاضن همس طول الاغنيه مش عايزها تبعد عن حضنه ثانيه وبعدها شالها ولف بيها وهمس كانت فعلا بتضحك من قلبها من السعادة اللي هي فيها واللي كانت بالنسبة ليها حلم صعب يتحقق.
رعد: نزلها ومسك وشها بإيده. وابتسم مبروك يا همسة قلبي
همس: ابتسمت بفرحة. مبروك يا اجمل واحلي راجل في الدنيا بحالها
رعد: قرب منها وباسها بحب وفرحة لانها خلاص بقت حبيبته ومراتوا اللي اتمناها من زمان ومصدق لقاها.
رعد: حبيبتي تسمحلي نقطع التورتة
همس: ههههههه اسمح يا حبيبي
وفعلا قطعوا التورتة مع بعض. ورقصو تاني وكان الوقت ده من اجمل الاوقات اللي عدت علي همس ورعد . وبعدها طلعوا الجناح بتاعهم ورعد بعد خروجهم من الاسانسير شالها ودخل بيها الجناح. وطبعا الجناح كان جاهز زي ما رعد طلب. المكان كله ورد وشموع. ومزيكا هادية
همس: يااااااه يا رعد والله حاسة اني بحلم . اصل مش ممكن تكون حقيقة
رعد: حضنها. ليه بس يا حبيبتي. مش انا قولتلك خلاص مفيش احلام.انا وانتي حقيقة وهنعيش ونحب بعض لحد اخر نفس جوانا
همس: رعد اوعي تسيبني بعد كل ده ارجوك.
رعد: اسيبك ازاي وانتي روحي. حد بيسيب روحه. تعالي في حضني وانسي اي حاجة انا مش عايزك تخافي من حاجة ابدا ولا تفكري في حاجة طول ما انا جنبك.
همس: حضنته اوي. ربنا يخليك ليا انت كل اللي ليا يا رعد انا ماليش غيرك. انا بحبك اوي اوي والله
رعد: وانا يا روحي بحبك اوي اوي . وعمري ما حبيت غيرك انتي.
ونسيبهم بقي يقضوا ليلتهم مع بعض مالناش دعوة احنا. علشان الرقابة��������
في شقة هنا. الجرس بيضرب
هنا : فتحت وابتسمت اهلا عدي خير في حاجة
عدي: اول ما شافها مقدرش يمسك نفسه من الضحك. علي شكلها
هنا كانت لابسة بيجامة عليها سبونش بوب. ولونها اصفر. وعاملة قطتين. وكانت شبه البيبيهات
هنا: بنرفزة. ممكن اعرف حضرتك بتضحك علي ايه
عدي: بيحاول يوقف ضحك. اسف بجد بس اصل شكلك يموت من الضحك
هنا: ليه بقي شايف ارجوز قدامك
عدي: حاجة زي كدة. هو انتي مش هتكبري ايه اللي انتي لابساه ده. سبونش بوب يا عيلة
هنا: ماله سبونش بوب ماهو حلو اهو ده حتي اصفر كموني
عدي: هههههههه. طيب يا مصيبة ممكن اعزمك علي العشاء
هنا: ابتسمت. بس انا مش قادرة انزل تعبانة
عدي: ومين قالك هننزل انا عازمك عندي انا اللي عامل العشاء بنفسي
هنا: اوعي الشيف شيربيني. عامل ايه النهاردة.
عدي: بثقة. طبعا يا بنتي انا احسن كمان من الشيف شيربيني. بس مش هقولك خليها مفاجأة. يالا تعالي بسرعة الاكل هيبرد
هنا: طيب هغير هدومي واجيلك.
عدي:هههههه ليه ما كدة حلو
هنا: هاهاها ظريف وطلعتله لسانها
عدي: طيب امشي بقي غيري بسرعة بدل ما اقطعلك لسانك ده واكسب ثواب في البشرية كلها
هنا: هههههههه اوك مش هتأخر
هنا غيرت هدومها وراحت لعدي وخبطت. ودخلت
هنا: بتشم الريحة. اممم انت عامل ايه انا بشبه علي الريحة دي
عدي: لو شاطرة قولي
هنا: حوواشي اسكنداني
عدي: ههههههه يا بنت اللذين عرفتي ازاي
هنا: عيب عليك يا معلم. ده متربية عليه. بس قولي انت بجد اللي عامله
عدي: اه انا تعالي نحضر الاكل
هنا: بتساعده. بس انت شاطر بحد شكله تحفة
عدي: بإبتسامة مكسورة. حلا هي اللي علمتهولي. كانت بتحبه اوي وبتعمله دايما وانا اتعلمته منها علشان اعملهولها. لما تكون زعلانة واحب اصالحها
هنا: راحت منها الابتسامة. اه حلا الله يرحمها
عدي:اتنهد بحزن. الله يرحمها وحشتني اوي يا هنا بجد وحشتني
هنا:كانت حاسة بوجع في قلبها. معقول مش قادر ينساها للدرجة
دي لسة بيحبها هو في كدة في الدنيا معقول في حد بيحب كدة. يا بختك يا حلا موتي ولسة جوزك بيحبك
عدي: شافها ساكته. حس انه ضايقها بكلامه عن حلا. احممم ايه يا هنون مش هناكل سرحتي في ايه
هنا: ايه لا ابدا. يالا تعالي
عدي: بقولك ايه دخلي الاطباق البلكونة ناكل هناك احسن من السفرة
هنا: ههههه ماشي انا كمان بحب اكل في البلكونة مش علي السفرة
عدي: هههههه بصرة يا معلم هنون. انا هجيب الكاتشب والمايونيز ثواني
وجابهم عدي وابتدوا يا كلوا ويتكلموا ويضحكوا. وبعدها شالوا الاطباق ودخلوا المطبخ.
هنا: هات بقي انا اللي هغسل الاطباق
عدي: لا انا علشان انا اللي عازمك ومينفعش اشغلك.
هنا: يا سيدي انا راضية هات بس
عدي: بيشد منها الاطباق. وفي اللحظة دي هنا خبطت فيه وبقت في حضنه. عدي بص في عنيها بحنية
هنا: كانت بتبصله بعتاب.عايزة تقوله فكر فيا انا انت شايفني انا مش شايف حلا
عدي: ااه يا هنا انا مشدودلك اوي بس خايف اظلمك. بس بجد انا مبقتش اقدر استغني عنك
وعدي: قرب اكتر من هنا علشان يبوسها. بس اتراجع في اخر ثانية.
عدي: احمممم. تشربي شاي ولا نسكفايه
هنا: احممم اي حاجة
عدي: طيب روحي استني في البلكونة وانا هجيب النسكافيه وجاي مش هتاخر.
هنا: اوك هستناك هناك. ومشيت هنا البلكونة
عدي: خبط بإيده علي رخامة المطبخ. وبعدين يا عدي وبعدين حرام عليك البنت اللي بتتعلق بيك دي. وانت متردد وخايف وقلقان. بس انا بجد محتار والله محتار مش عارف اذا كنت بحبها ولا لا. يارب ريحني بقي انا تعبت.
وعمل عدي النسكافية. وخرج لهنا لقاها واقفه في البلكونة وسرحانه وبتسمع اغنية حاس انها بتعاتبه بيها علي خوفه من قربه منها.
عدي كان بيتألم وهو شايف حيرتها وقلقها منه. بس مكنش عارف ياخد قرار
عدي: حاول مايبينش حاجة. ودخل لهنا.احممم ايه يا عم الاغاني الجامدة دي
هنا: ابتسمت. هههههه لا عادي دي اقل حاجة عندي
عدي: طيب تعالي بقي اشربي النسكافيه.
هنا: هات يا سيدي. والله انت مكسب للست اللي هتتجوزها. اكيد هتدلعها
عدي: اتنهد وسند ظهره علي الكرسي.والله لو ده حصل واتجوزت مش عارف اذا كنت هدلعها ولا هعذبها معايا
هنا: ليه بتقول كدة
عدي: تفتكري في واحدة ممكن تقبل انها تعيش معايا وانا لسة محتفظ بذكرياتي مع حلا ومش هنساها مهما حصل
هنا:ابتلعت ريقها بصعوبة. لو بتحبك هتقبل
عدي: استغرب من ردها. بجد يعني مش هتزعل وتقولي انساها دي ماتت خلاص. وانا عايشة معاك وتقلب حياتي حجيم
هنا: لو اديت نفسك فرصة وادتلها هي كمان فرصة يمكن مع الوقت انت اللي تنسي لوحدك من غير ماهي تطلب منك. وهي لو بتحبك هتصبر عليك.
عدي: ابتسم. تعرفي اوقات بحس انك عاقلة كدة وكبيرة واوقات بحس انك مجنونة
هنا: هههههه بس المفروض ان انت اتعودت بقي
عدي: اتعودت. ولسة هتعود وهاخد فرصتي بس انتي خليكي معايا
هنا: سهمت ومش فاهمة. احممم تقصد ايه
عدي: ابتسم لا متاخديش في بالك اشربي يالا علشان ترجعي شقتك ومتتاخريش اكتر من كدة
وفعلا شربوا مع بعض وهنا قامت تروح شقتها. وهي خارجة.
عدي: مسك ايديها وباسها. وبرجاء. هنا ممكن تفضلي جنبي وتستحمليني شوية
هنا: ابتسمت. ممكن متقلقش هستحمل
عدي: ابتسم. تصبحي علي خير
هنا: وانت من اهل الخير
وكل واحد دخل شقته وقرر من جواه قرار.
هنا. قررت انها تستني عدي يتأقلم معاها ويحاول ينسي حلا
وعدي. قرر انه يحاول ينسي الماضي ويعيش الحاضر والمستقبل مع هنا
😻😻😻
#يتبع.... ....
#وانت_بتابع_الرواية_متنساش_متابعة_صفحتى_الشخصية
❤️❤️❤️❤️❤️❤️
#رحم_للايجار
#الفصل_الثامن_عشر
👇👇👇👇👇👇👇👇👇👇👇
وعدي يومين ورعد وهمس بيقضوا اجمل وقت في الجناح الخاص بيهم ورعد حتي مش بيروح الشركة. كان مش عايز يفوت لحظة من غير ما يكون فيها مع همس. وفي يوم همس كانت لسة واخدة حمام وبتسرح شعرها. ورعد قاعد بيراقبها بسعادة وهو مبتسم.
همس: هتفضل تبصلي كدة كتير. انا بتكسف
رعد:اعمل ايه بس بتوحشيني
همس: حتي وانا معاك.
رعد: مدلها ايده وراحت مسكت ايده وقعدت جنبه. وبنظرة حب. انا لما بتغمضي عنيكي وتنامي بتوحشيني.لما بتبعدي عني لحظة بتوحشيني. انتي عمرك ما هتتخيلي انا بحبك قد ايه يا همس
همس: بنظرة حنية وحب. معقول انت بتحبني للدرجة دي
رعد:الحب ده درجة من درجات الحب. انا اتعدتها بمراحل انا بعشقك. وبعشق كل حاجة فيكي. انا نفسي متغبيش عن عيني ثانية واحدة. انا ربنا عوضني بيكي يا همس عن السنين اللي عشتها من غيرك . انا معرفتش معني السعادة الا لما عرفتك.
همس: حضنته. حبييبي لما انت تقول كدة انا. اقول ايه. انا اللي ربنا عوضني بيك عن كل اللي عشته قبلك. انا بلاقي فيك حنيه الدنيا. وحب عمري ما قبلت زيه. وبتمني اني اكون استاهل الحب ده
رعد: تستهليه يا روحي. انتي حبيبتي اللي خطفت قلبي من اول نظرة.
همس: ابتسمت. وخرجت من حضنه بهدوء. يعني لما شوفتني اول مرة كنت عجباك
رعد: ابتسم وهو بيلعب في شعرها. اه كنتي عجباني. وخصوصا اول لما فتحتي عنيكي. في اللحظة دي حسيت اني في دنيا تانية تهت في عنيكي وجمالها
همس: بس مكنش باين عليك. فاكر ساعتها قولتلي ايه. قولتلي هو من قلة الستات انتي ولا تسوي.
رعد:قطع لساني انتي احلي واجمل الستات. بس ده كان طبعي مش سهل اظهر اعجابي ولا مشاعري. وكنت متعمد مبينش اعجابي بيكي. بس مكنتش اعرف انك اول ما تغيبي عن عيني. قلبي هيعذبني كدة. ده انا كنت هتجنن. والاقيكي ياهمس. لما لاقيتك كنت حاسس ان روحي رجعتلي تاني. اول ما خبطي فيا وانتي بتجري من ناجي كان نفسى اضمك لحضني واقولك وحشتيني.
همس:ابتسمت بكسوف.
رعد: ايه ده احنا لسة بنتكسف. خلاص بقي هو انا مش بقيت جوزك حبيبك
همس: انت بقيت دنيتي كلها. يا حبيبي
رعد: تعرفي يا همس انا نفسي اخدك واسافر واعيش انا وانتي لوحدنا وابعد عن كل حاجة وانسي الدنيا واللي فيها
همس: حبيبي. يا ريت انا لو عليا نفسي اعيش معاك العمر كله ومتبعدش عني ابدا. وبحزن بس لازم تبعد وترجع لحياتك. علشان محدش يحس بحاجة
رعد:انا اسف يا قلبي لو انا بسبب اللي بيني بين توفيق. خليتك طرف في اللعبة دي وكمان مش قادر اديكي حقوقك. زي اي زوجة.
همس: لا يا حبيبي انا مقصدتش كدة. انا ولا يفرق معايا حاجة في الدنيا. غير انك بس تبعد عني وتغيب علشان بتوحشني. انا بحبك اوي يارعد اوي
رعد: حبيبتي وانا كمان بحبك. اخلص بس اللي بيني وبينه. واوعدك كل الناس هتعرف انك مراتي ونربي ولادنا سوا.
همس: ان شاء الله انا اهم حاجة عندي انك تكون مرتاح
رعد: كان بيتأملها وهو مبتسم. تعرفي يا همس انك فيكي كتير من امي
همس: ابتسمت بسعادة. معقول ده شرف ليا كبير انك تشبهني بأغلي واحدة علي قلبك.بس انت كدة بتظلم امك هي كانت وحشة كدة
رعد:ههههههههه. يا قلبي انتي اجمل ست في الدنيا. بس انا ما اقصدتش شبه الملامح انا اقصد الروح الحنية الطيبة قلبها الابيض. الهدوء. فهمتيني
همس: هزت راسها فهمتك يا روحي. وبتردد. رعد هو انا ممكن اسألك علي حاجة بس توعدني متضايقش
رعد: اسألي يا روحي. و متخفيش انا عمري ما اتضايق منك
همس: ممكن تحكيلي عن مامتك واضح انك كنت متعلق بيها اوي وكمان شكلها اتعذبت كتير. انا عارفة انك لما بتفتكرها بتضايق بس انا عايزة اشاركك حزنك والمك. بس لو هتضايق بلاش
رعد: ابتسم بحزن. وباس ايديها انا فعلا بحزن لما بفتكر اللي حصلها بس انا كمان عايز احكيلك وافضفض. لاني مكنتش بتكلم عنها الا مع عدي. وانتي دلوقتي اقرب حد لقلبي وعايز احكيلك.
همس: ابتسمت ومسكت ايده ونيمته علي الكنبة واخدت راسه علي رجلها وابتدت تلعب في شعره. كدة بقي تقدر تحكي
رعد: هههههههه. بس انا كدة ممكن انام مش هكمل
همس:ههههههه يا حبيبي نام ولا يهمك. بس انا عايزك تحكي من الاول.
رعد:حضن ايديها وباسها. بصي يا روحي. انا بابا الله يرحمه كان اسمه فادي. وكان ليه اخ وحيد. عمي خالد. وكان ليهم بنتين ولاد عمهم محسن اخو توفيق. محسن ده مات وساب بناته لتوفيق هو اللي كان بيربيهم. عمي كان بيحب بنت عمه الفت. وكان عايز يتجوزها. لكن بابا عمره ماحب نيفين. بنت عمه وكان بيتحجج بالدراسة علشان يتهرب من خطوبتهم وجوازهم . علشان توفيق بجبروته المعهود. كان مصر ان الاخين يتجوزو الاختين. بابا كان تملي ايام الجامعة بيروح مطعم هو واصحابه يأكلوا فيه. وماما كانت بتشتغل في المطعم ده لانها بعد ما خلصت الثانوية العامة مدخلتش الجامعة لظروف اهلها جدي كان عامل بسيط في مصنع وجدتي كانت ست طيبة وكمان مريضة. وماما كانت بتشتغل وبتساعد جدي. واول لما بابا شافها اعجب بيها وهي كمان وكان بيروح كل يوم المطعم سواء لوحده او مع اصحابه علشان بس يشوفها او يتكلم معاها ويسمع صوتها. وفضلوا كدة فترة بينهم نظرات وهمسات وحركات ههههههه
همس: ههههههه. واضح ان باباك كان شقي زي حالاتك
رعد: انا ياروحي معرفتش الشقاوة غير علي ايدك.
همس: هاه وبعدين.
رعد: بعد كدة بابا حس انه بيحبها ومش قادر يخبي اكتر من كدة. استناها في يوم وهي خارجة من شغلها وكلمها وقعدوا مع بعض وكل واحد اعترف للتاني بحبه. وفضله فترة يتاقبلوا ويحبوا بعض. لحد لما توفيق عرف.وطبعا قلب الدنيا. وهدد بابا انه لو مبعدتش عن امي هيطردوا ويحرموا من كل ثروته. بس اتغاظ لما لقي بابا مش فارق معاه وقالوا هتجوزها واشتغل ومش عايز منك حاجة. توفيق ملاقاش قدامه غير امي علشان يهددها. بعت الحرس وجابها وهددها انها لو مبعدتش عن بابا هيطردوا ويبهدلوا وهي هتكون السبب. وكمان هي هتتطرد من شغلها وباباها من شغله وكمان من بيتهم وهيرميهم في الشارع. ماما خافت وسمعت كلامه وسفرها هي واهلها بور سعيد وشغلها هناك في مطعم. وحذرها انها تقابل بابا او تحاول تحكيلوا حاجة. بابا كان هيتجنن
عليها وقلب عليها الدنيا . وتوفيق قال لصاحبت امي اللي كانت بتشتغل معاها. تقول لبابا ان امي اتجوزت واحد قريبها وسافرت معاه بلدهم. وانها مش عايزة تشوف بابا تاني . بابا كان مصدوم وتعبان ومش مصدق ان امي تعمل فيه كدة. وخلص اخر سنة ليه في الجامعة واشتغل مع توفيق في شركته. وبعد ضغط من توفيق بابا اتجوز نڤين بنت عمه. وعملو فرحهم مع عمي خالد والفت مراته. وعدي سنتين ولا الفت ولا نڤين خلفو الاتنين كان عندهم مشاكل. متعرفيش سبحان الله ستات العيلة دي مبتخلفش ليه. اكن ربنا بيعاقبهم بظلم توفيق وجبروته. كان بيحرموا من الحاجة اللي بيتمناها العيلة والعزوة. بس المشكلة كمان انهم اكتشفوا ان نڤين عندها كانسر في الرحم. ووقتها مكنش في العلاج زي دلوقتي. سافرت برا وعملت اكتر من عملية وبعدين ماتت.وبعدها بفترة بابا كان قابل واحد صاحبه من ايام الجامعة وعزمه عنده في بور سعيد. وبابا هناك قابل ماما قدرا في المطعم اللي كانت بتشتغل فيه. بابا اول ما شافها نسي كل حاجة نسي الناس والمكان وجري عليها وخدها في حضنه مكنش نسيها ولا غابت عنه كل السنين دي. وعرف منها بعد كدة اللي حصل. وقرر انه يتجوزها. وفعلا اخدها هي واهلها ورجع القاهرة واتجوزها واخدلها شقة هي واهلها بعيد عن توفيق وكان بيروحلها كل يوم شويه كان خايف لو توفيق عرف يأذيها. وعدي سنة وجدي مات. وكانت ماما حامل فيا. وبعد ما ولدتني بكام شهر جدتي كمان ماتت.بابا كان بيخاف علي ماما يسيبها لو حدها كتير فبقي بيروحلها اكتر. واوقات بيبات معاها. توفيق لاحظ غيبته وبعده. بعت الحرس تراقبه وعرف انه اتجوز امي وخلفني وقتها انا كان عندي سنه. توفيق كان عايز يخلص من امي ومني. بس لقي انه ملهوش احفاد وعمي ومراته مخلفوش. فرضي بالامر الواقع ووافق علي جوازهم. وجاب امي تعيش في الڤيلا معاهم. بس طبعا كان بيعاملها معاملة زفت هو والفت بنت اخوه. وماما بتستحمل وتسكت علشاني انا وبابا. وبعد خمس سنين الفت عملت عمليه وحملت في مها. وولدت. كانت هي ست البيت طبعا. وكل المعاملة الهباب دي كانت من ورا بابا وماما مش بتقول ولا بتتكلم. وعدي خمس سنين تاني وبقي عندي 10 سنين. وفي يوم بابا وعمي كانوا مسافرين لشغل والفت مرات عمي صممت تسافر معاهم تعمل شوبنج. وسابت مها مع امي لان ماما رفضت تسافر مع بابا علشان كان وقت امتحانات ومكنتش عايزة تسيبني. وهما برا عملوا حادثة الثلاثة وماتوا. امي حزنت علي بابا حزن كبير وكانت هتموت من الالم. وبعد كام يوم من العزا توفيق جه لامي واخدها من حضني وضربها. قالها ولادي وبنت اخويا يموتوا وانتي تعيشي. وشدها علي المطبخ. قالها من النهاردة انتي هنا خدامة. ولو مش عاجبك اطلعي برا ومش هتشوفي ابنك تاني. امي كانت مكسورة وملهاش حد. ومكنتش تقدر تسيبني. وكمان هي مش قد توفيق علشان تقف قصاده. رضيت وعاشت معايا في بيت جوزها خدامه. فضلت كدة 5 سنين كان كل يوم يتفنن في اذلالها وضربها كان بينيمها علي الارض ده حتي كان بيتعامل مع الخدم احسن منها وكان ليهم اوض وسراير. لكن امي لا. تعبت واتبهدلت. وفي يوم سخنت وكانت بتترعش انا خوفت عليها وبكيت كتير واتحايلت علي توفيق علشان يجبلها دكتور. رفض. حاولت اتصل بالاسعاف. ضربني ومنعني. وفضلت كدة لحد ماماتت قصاد عيني. وبعت الحرس شالوها واخدوها يدفونها. حتي مرضيش يقولي هي اتدفنت فين.
رعد: كان بيحكي ودموعه كتير.
همس:كانت متأثرة من كلامه و عيطت. وطبطبت عليه ومسحت دموعه. معلش يا حبيبي الله يرحمها. ربنا ريحها من اللي كانت فيه
رعد: بغضب وهو بيجز علي سنانه. من يومها وانا اخدت عهد علي نفسي اني. لازم ابقي اقوي منه وانتقم منه علي اللي عمله فيها. واول ما اتخرجت اخد نصيب بابا وعملت شركتي انا وعدي. وكنت كل يوم بكبر فيه كنت بوقعله شركة من شركاته. واخسره. لحد لما في يوم طلب مني اتجوز مها وانا رفضت. اتحايل عليا.مكنش قادر يهددني لاني غير ابويا هو كان بيحبه لانه ابوه. لكن انا هو عارف اني بكرهوا وقتها شرطت عليه اوافق بس يكتبلي املاكه كلها. قالي موافق بس اول لما تخلف من مها هكتب كل حاجة بإسم المولود. وافقت واتجوزتها ومن يومها مش عارفين نخلف. بس والباقي انتي عارفاه
همس: تعرف انا كنت اتمني انك تنسي وترجع عن انتقامك منه. بس بعد اللي سمعته مقدرش الومك ولا امنعك. بس عايزة اقولك حاجة.ربنا غفور رحيم واكيد لو انت سامحته ربنا هيخودلك حقك منه. وينتقم منه لكن انت حاول تبعد عنه انا خايفة عليك جدك شكله مش سهل
رعد: بس انا بقيت اقوي منه. واقدر اقف قصاده. تعرفي انا فكرت اقتله اكتر من مرة واللي كان بيمنعني انه مكنتش عايز اريحه بالموت. لا انا عايز ازله وادوقه من نفس الكاس اللي امي شربت منه.
همس: خلاص يا حبيبي كفاية كلام كدة وتعالي ننام.
رعد: قام وشالها. نسيتي حاجة مهمه.وبخبث.نسيتي تقولي تنامي في حضني
همس: ابتسمت. اجمل حضن في الدنيا.
رعد: قرب منها وباسها واخدها للعالم بتاعه عالم حب وعشق الرعد اللي مفيش واحدة غيرها دخلته قبلها
تاني يوم في شركة رعد في مكتب عدي
عدي قاعد مع إيلين وبيتكلمه. بس إيلين كالعادة بتحاول تتقرب من عدي وهو بيتهرب منها.
عدي: هاه ايه رايك في العرض ده نكمل كدة
إيلين: ايه بنكمل شو عليه. والله يقبرني هالعرض اللي يجنن
عدي:احممم. طيب تمام نكمل بقي التفاصيل
ايلين: بنظرات دلع. والله ما افي احلي من هيك تفاصيل. وقامت وقربت من مكتب عدي وقعدت علي حرف المكتب قصاده
عدي: احممم. مدام ايلين ميصحش كدة احنا في شركة وممكن اي حد يدخل
ايلين: وهي بتلعب في ياقة قميصه. وبدلع. شو اعمل انا طلبت منك كتير نتقابل برات الشغل وانت عم ترفض وانا والله ما عاد فيني اتحمل عم تقتنلي بتقلك علي
عدي: وهو بيشيل ايديها. يا ايلين انا فهمتك انا منفعش والله انسي دوري علي حد تاني
ايلين: بس انا ما عم شوف غيرك. وماراح ارتاح الا لما تحن وتجي لعندي
عدي: بيبرطم. يادي اليوم المهبب. ابوس ايدك اقعدي مكانك ممكن هنا تدخل في اي وقت وشكلي هيبقي وحش
ايلين: وشو هاي اللي انت عاملها حساب. خلينا فيك انت دخيل الله شو مهضوم والله عم اشتقالك اكتير. وقربت من عدي علشان تبوسه.
هنا: دخلت واول ما شافت المنظر ده. وشها قلب وبقي جمرة نار. اقدر اعرف حضرتك بتعملي ايه
ايلين: وهي لسة قريبة من عدي. ابدا كنت عم قول لعدي اديش هو مهضوم وحبوب
هنا:اه كويس انت كمان شكلك هتتدغدغي قريب وتضهضمي
ايلين: مافهمت شو بتقصدي
هنا: قصدي ان ده مكان شغل والحركات بتاعتك دي. تعمليها برا مش هنا. فاهمة يا نافتلين
ايلين: قلتلك اسمي ايلين مو هاي نافتلين اللي عم تقوليها.ثم انتي شو دخلك فينا انا وعدي احنا بتنفاهم.
هنا: بصت لعدي. والله بتتفاهموا وياتري بتتفهموا ازاى بالاحضان ولا بحاجة تانية
عدي: عيب يا هنا. اتفضلي دلوقتي علي مكتبك.
هنا: كدة ماشي بس العيب مش اللي قولته العيب اللي نافتلين هانم بتعمله وعاجب سيادتك وعلي هواك. عن اذنك. وخرجت
عدي: بعصبية. عجبك كدة ممكن بقي لو سامحتي نتعامل في حدود الشغل وبلاش طريقتك دي
ايلين: بنظرة انتصار. شو عليه موافقة
بالاذن منك بنكمل بعدين سلام . وخرجت
عدي: اوفففف. ربنا يهدك. بس صاروخ بنت الجزمة.
وبعد شوية عدي سمع صريخ
عدي: خرج من مكتبه ولقي الموظفين ملمومين عند مكتب هنا. في ايه مالكم ايه الصريخ ده
هاني: بمكر. ابدا اصل مدام ايلين وهنا بيضربوا بعض شكلهم بيتخانقوا علي حاجة مهمة
عدي: بصله بغضب وزقه. ودخل مكتب هنا واتصدم. لقي هنا منيمه ايلين. في الارض وقاعدة فوقيها وبتضربها وتعضها وناكشالها شعرها
عدي: وهو بيشيل هنا من فوقها. بخربيتك قومي هتموتيها.
هنا: قامت معاه بعد ماعضت ايلين اخر عضة. وهي بتاخد نفسها. احسن تستاهلي علشان تحرمي تجري شكل القطة يا معزة
عدي: في ايه انا عايز افهم انتوا ايه اللي عملتوه ده
ايلين: بتعيط. والله هاي المخلوقة مو انسانة هاي حيوانة وحش مفترس
هنا: لمي لسانك بدل ما اقطعهولك
عدي: بس بقي. هنا ايه اللي حصل
هنا: الهانم. جات مكتبي تجر شكلي. وابتدت هنا تقلد ايلين وهي بتتكلم. وتقولي. يا قطة لا تتعبي حالك عدي لاإلي انا وماراح خليه يروح من ايدي. هو مارح يتركني من شان واحدة مثلك. فمسكتها من شعرها وورتها امثالي بيعملوا ايه
عدي: بيحاول يداري ابتسامته. احممم ايه التخربف ده. وانتي يا ايلين اتفضلي ظبطي نفسك وامش وليا كلام تاني معاكي بعدين
ايلين: طيب فيك تقومني انا اتكسرت من الضرب علي ايد هاي الموحشة
هنا: قسما عظما ايدك تتمد عليها ولا تشيلها هصورلك قتيل هنا
عدي: قرب من هنا ووشوشها. اهدي والله ما في حاجة بيني وبينها.وابتسم انا بحب البلدي المخربش. يا قطة
هنا: ابتسمت. والله
عدي: والله يا عسل. اهدي بقي وروقي ولينا كلام تاني لما نروح. وغمزها وليكي عليا اعملك حواوشي اسكندراني علشان اصالحك.
هنا: ابتسمت ابتسامة واسعة. معني كدة انه بيصالحها زي ماكان بيعمل مع حلا
عدي: اتفقنا
هنا: هزت راسها اتفقنا
واخد عدي ايلين وماشاها. بس يا تري ايه اللي هيحصل بعد كدة مع عدي وهنا. محدش عارف
🤔🤔🤔🤔🤔🤔🤔
#يتبع........بعد عمل 👇👇👇👇
#متابعة_لصفحتى_الشخصية_علشان_نكمل_الرواية
#رحم_للايجار
#الفصل_التاسع_عشر و #الفصل_العشرون
👇👇👇👇👇👇👇👇👇
في ڤيلا الحديدي
مها: انا هتجنن يا جدو البيه بقالو اكتر من اسبوعين مختفي ومحدش عارف هو فين. وكل ما اسأل عدي يقولي مسافر ومقلش راح فين بس
توفيق: وانتي قلقانة ليه. ماهو ياما سافر فاجأة ورجع فاجأة. ومبيقولش هو كان فين
مها: بس انا مش مطمنة. كمان الزفتة دي مش موجودة في الشقة اللي رعد مقعدها فيها. كل لما روح ملقيش حد
توفيق: بشك. انتي قصدك ايه
مها: بغيظ. قصدي اللي فهمتوا يا جدو البيه شكله مع الهانم
توفيق: مستحيل. لا رعد ميعملش كدة
مها: اومال تسمي ده بإيه لا هو ولا هي ليهم أثر
توفيق: طيب انتي كلمتيه اخر مرة امتي
مها: لسة من شوية وبردوا تليفونه مقفول. والله يا جدو لو كانت معاه لقتلها ولا هيهمني حامل ولا هباب
توفيق: اهدي يا مها. ولو اللي بتقوليه ده طلع صحيح. تبقي البنت دي جانت علي نفسها.
مها:انا هجرب اكلمه تاني..... جدو جرس
توفيق:طيب شوفي هيقولك ايه
مها:... الو ايوة يا رعد انت فين قلقتني عليك.
رعد:وهو نايم علي رجل همس وبيبصلها ومبتسم. انا بريح اعصابي يومين عندك مانع
مها: طيب ليه ما اختنيش معاك
رعد:وهو بيملس علي خد همس.بقولك بريح اعاصبي عايزاني اخدك. انا كدة مرتاح علي الاخر
مها: بعصبية. وياتري بقي لوحدك ولا معاك حد
رعد:باس ايد همس. وانتي مالك. ياريت متتجاوزيش حدودك. انا رديت عليكي بس علشان لقيت رسايل ليكي كتير.
مها: طيب انت في مصر ولا برا مصر
رعد: مها. اظن انتي واخدة بالك اني بكلمك من شبكة مصر. مش محتاجة زكاء
مها: طيب انا عايزة اشوفك
رعد: يومين كدة وراجع.
مها: طيب هي همس فين
رعد: بص لهمس. وانتي بتسألي عن همس ليه
همس: ارتبكت. وخافت
رعد: شاورلها تهدي ومسك ايديها.
مها:ابدا اصلي روحتلها كتير مش موجودة
رعد: بتحذير. لو يامها اتكررت تاني وروحتي لهمس هتشوفي مني اللي عمرك ما شوفتيه. انا عايز ولادي يجوا علي خير. وانتي بتهدي كل حاجة بغباء. وانا قولتلك ومش هكرر كلامي تاني
مها: انا بس عايزة اطمن عليها. كمان هادي عايزها علشان يعملها سونار
رعد: لما ارجع انا هوديها وانتي ملكيش علاقة بالموضوع ده نهائي. مفهوم
مها: طيب هي فين
رعد: عند اختها لحد ما ارجع. ولا عايزاني اسيبهالك علشان تروحلها تاني وتبهدليها
مها: هي الهانم اشتكتلك
رعد: لا هنا اللي حكتلي. وانا حذرتك لو ده حصل تاني انتي حرة استحملي اللي هعمله فيكي. سلام بقي انا مش فاضي دلوقتي. وقفل رعد
بس همس كانت شكلها خايف ومتوترة. وبتفرك في ايديها.
رعد: قام من علي رجلها. وقعد قصادها ومسك ايديها لقاها ساقعة. مالك يا قلبي في ايه ليه خايفة كدة
همس: بقلق. اااصل انا بتوتر من مها اوي وبخاف منها
رعد: شدها لحضنه. وطبطب عليها اوعي تخافي يا روحي انتي مراتي وحبيبتي. ومش ممكن اخلي حد يأذيكي وانت بتشوفي بنفسك انا مش بسمح لحد يزعلك
همس: عيطت. ورفعت وشها ليه. بس انا خايفة يفرقوا بينا زي ما فرقوا بين باباك ومامتك.
رعد: ابتسم. ومسح دموعها. مستحيل انا عمري ما هسمح لحد يبعدك عني يا همس. ولو انتي عايزة تبعدي عن اللعبة دي انا مش هلومك وهعلن جوازنا واخلي انتقامي من توفيق بعيد عنك وعن ولادنا
همس: لا يا حبيبي انا مقصدتش كدة. انا معاك في اي حاجة وتحت امرك. وعمري ما هعترض علي حاجة حتي لو هتأذي ده مش مهم. انا كل اللي يهمني اني مبعدتش عنك. وتفضل معايا
رعد: ابتسم وباس ايديها. وانا اوعدك هتفضلي معايا وتحت عيني ومش هسيبك. ممكن نهدي بقي.
همس: ابتسمت وهزت راسها.
رعد: طيب حبيبة قلبي ممكن تجهز بقي علشان عندي ليها مفاجاة حلوة
همس: بفرحة. مفاجاة ايه تاني
رعد: هعزمك النهاردة علي الغداء. في مكان جنان مش هنتغدا في الفندق. يالا قومي البسي بسرعة.
همس: حاضر.....
في مطعم شيك جدا وهادي ورقيق. دخل رعد وهمس
رعد: ماسك ايديها ومبتسم. تعالي يا روحي ايه رايك
همس: بإنبهار. الله جميل اوي ورقيق جدا. وبعدين تنحت. ايه ده مش الصور اللي موجودة هناك دول صور مامتك وباباك اللي انت وارتهوملي واحنا في الجناح
رعد: هههههه. اه هما تعالي اقعدي وانا هفهمك.
واخدها وشدلها كرسي وقعدت. وقعد هو كمان قصادها.
رعد: ده يا قلبي المكان اللي بابا وماما اتقابلوا فيه. وحبوا بعض فيه. اول لما اتخرجت وشركتي كبرت وبقت شركات. اشتاريتوا. وجددته وحطيت صور بابا وماما فيه.
همس: ابتسمت. علشان كدة سميتوا العاشقان
رعد: ههههههه انتي اختي بالك من الاسم.
همس: ايوة هو انا اه. مش قوي في الانجلش. بس اهو بخبط
رعد: مس ايديها وبص في عنيها. انا مش عايزك تكوني شاطرة في اي حاجة غير انك تحبيني وتكوني جنبي وبس
همس: ابتسمت. وانا هفضل احبك لحد اخر يوم في عمري
رعد: بحبك يا همس وبعشقك . يمكن اكتر من اي عاشق حب وعشق في الدنيا دي. انتي معاكي كل حاجة مختلفة النهار مختلف الليل مختلف. الهوا اللي بستنشقه. مختلف. كل دنيتي بقت حاجة تانية. انتي اكبر هدية من القدر ليا
همس: يا حبيبي انت اللي اكبر واحلي نعمة ربنا انعم بيها عليا. لما دخلت حياتي اتأكدت. ان كل اللي ربنا ابتلاني بيه في حياتي قبلك.كان ربنا يختبرني علشان اصبر. وبعدين يكافئني بيك يا احلي حاجة في عمري كله
رعد: حبيبتي انا كل ده. كتير عليا
همس: ابتسمت. انت اللي كتير عليا انت المفروض تتجوز اميرة
رعد: ابتسم. طيب ما انتي اميرة قلبي
همس: ههههههههه. والله انت مفيش منك. انا اكني بعيش مع واحد تاني غير اللي عرفته قبل الجواز.
رعد: بخبث. وياتري مين احلي الاولاني ولا التاني
همس: بحب. الاتنين احلي من بعض
رعد: بجد بتحبيني يا همس
همس: طبعا بحبك وبموت فيك كمان
رعد: كنت خايف اكون انا اللي فرضت حبي عليكي. ومدتكيش فرصة تحبيني زي ما انا بحبك
همس:رعد انا اول مرة شوفتك حسيت بحاجة غريبة حسيت ان نفسي اخبي نفسي في حضنك. مكنتش عايزة امشي واسيبك وده كان احساسي في المرة اللي بعدها. بس كان طبيعي اني الوم نفسي وابعدك عن تفكيري. لان كان صعب اتخيل انك تحبني وكمان تتجوزني
رعد:بحبك
همس: بحبك.
رعد:ابتسم. بس قوليلي المكان حلو مش كدة
همس: ده تحفة بس نفسي اعرف انت عرفت كل تفاصيل علاقة مامتك وباباك ازاي
رعد:اتنهد بألم. من مذكرات ماما الله يرحمها. كنت وانا صغير بشوفها بتكتب فيها وتخبيها. وكمان بعد موت بابا كانت بتكتب فيها كل اللي بيحصلها علي ايد توفيق. كل كلمة بوجع وجرح واهانة. ولما ماتت. روحت جبت المذكرات من مكانها وابتديت اقرأها وكنت كل يوم بكره توفيق اكتر واتمني ازله واهينه زي ما أهنها وزلها. وكنت بخبيها علشان توفيق ما يشوفهاش.
همس: ابتسمت. ومسكت ايده وطبطبت عليها. متزعلش الحمد لله ان امك عندها ابن بيحبها ومش ناسيها. ومصمم يجبلها حقها. انت احسن ابن في الدنيا
رعد:همس اوعي تسيبني انتي كمان انا مقدرش اعيش من غيرك. كفاية امي اللي راحت
همس: اسيبك بس ازاي. متقلقش انا قاعدة علي قلبك بس يا رب انت متزهقش مني
رعد: ههههههه. حبيبتي انا نفسي اخبيكي في عيوني واغمض عليكي.
همس: عقدت حاجبها وبان عليها الالم.
رعد: بقلق. مالك يا روحي انتي تعبانة
همس:لا ابدا متقلقش. انا بس جعانة. انت مش ناوي تأكلني ولا ايه. ولادك جاعوا
رعد: حبيبتي حالا. بس متأكدة انك كويسة
همس: بتحاول تداري الالم. اه اه كويسة بس جعانة
رعد: طيب تحبي تاكلي ايه.
همس: اممم. سمك
رعد:ههههههه. مش انتي مش بتحبيه
همس: كنت بس لما اكلته معاك حبيته
رعد: بخبث. هو ايه ده
همس: ابتسمت السمك
رعد: السمك ولا اللي اكلتي معاه السمك
همس: ابتسمت.طبعا اللي اكلت معاه السمك
رعد: ههههههه.حبيبة قلبي تمام ناكل سمك بس انتي اللي تتحملي النتيجة. علشان لما نرجع الفندق. تكوني مستعدة
همس: بخبث. لأيه بالظبط
رعد: قرب منها تؤتؤ مينفعش هنا. لما نرجع هقولك
همس: اخ منك انت بقيت شقي
رعد: باس ايديها. انا ببقي شقي معاكي انتي وبس.
في شركة رعد في مكتب هنا. عدي دخلها
هنا: بخنقة. اهلا
عدي: ايه اهلا دي
هنا: وعايزني اقولك ايه
عدي: مالك يا هنون في ايه
هنا: بغيظ. مش الست نافتلين كانت عندك في المكتب وبقالكم اكتر من ساعة. كل ده بتعمل ايه. ودارت ظهرها.
عدي: ابتسم. وقرب منها وحاوطها من ظهرها. ودفن راسه في شعرها. وبهمس دي غيرة بقي
هنا: كانت حاسة ان روحها بتروح من قربه. وحتي الكلام مش قادرة تتكلمه
عدي: باسها من خدها بهدوء. مالك مش بتردي ليه
هنا: حاولت تلاقي صوتها. وبصوت ضعيف. عدي انت بتعمل ايه ابعد لو سامحت
عدي: تؤتؤتؤ. مش هبعد. ولعلمك المرة دي مش هعتذر
هنا: تعتذر عن ايه
عدي: عن دي. ولفها ليه وباسها بعنف ولهفة
هنا:حاولت تبعده. بس مقدرتش
عدي: بعد شوبة بعد عنها. وهو ساند جبينه علي جبينها. وبصوت هادي. هنا انا عايزك جنبي ارجوكي متبعديش.
هنا: بنظرة حيرة. بتحبني ولا لسة بتحب حلا
عدي: غمض عنيه. مش عارف صدقيني مش عارف. هنا ارجوكي خليكي جنبي عايز افهم احساسي بيكي ايه. انا كل اللي اعرفه اني مش عارف اعيش من غيرك. مبعرفش اكل من غيرك. مبعرفش اضحك من غيرك. حتي النوم مش بنام غير علي صورتك. بس خايف
هنا: خايف من ايه
عدي: اكون متعلق بيكي بس. واظلمك معايا. هنا اتحمليني بس لحد ما افوق انا بجد متلخبط.
هنا: مسكت وشه بإيديها وبدموع. حاضر هتحمل
عدي: مسح دموعها. بتحبيني
هنا: هزت راسها.
عدي: اخدها في حضنه وضمها جامد
هنا: كانت حاسة بحنان في حضنه افتقدته من يوم موت مرڤت امها. محستش بحنية حد ولا خوف حد عليها غير عدي. فأتعلقت في رقبته وحضنته اكتر.
عدي: اوعدك في اقرب وقت هنهي كل حاجة اوعدك يا هنا
هنا: مش مهم الوقت المهم انك تحبني زي ما بحبك
في الوقت ده هاني دخل من غيرما يخبط. وشافهم في حضن بعض.
هنا: بعدت عن حضن عدي واتكسفت
عدي: بعصبية. انت ازاي تدخل كدة من غير ما تخبط.
هاني: بسخرية. اسف يا عدي بيه قطعت عليكم خلوتكم
عدي: مسكه من هدومه.هاني لو ما احترمتش نفسك هتشوف مني ايام سودة. احسنلك ابعد عن هنا
هاني:بمكر. حاضر من عنيا. عن اذنك
عدي: قفل الباب. ولف لهنا لقاها بتعيط. قرب منها ومسح دموعها. بتعيطي ليه
هنا: خايفة يقول لحد. ويبقي شكلي وحش
عدي: ملس علي شعرها بحنية. متخفيش. طول ما انا موجود محدش يقدر يتكلم معاكي ووالله لو فكر يفتح بقه لرفده.بس القمر بتاعي ميزعلش
هنا: ابتسمت.
عدي: ابتسم. ايوة كدة انا مقدرش اعيش من غير الابتسامة اللي تجنن دي
هنا: طيب ممكن تسيبني اخلص شغلي
عدي: ههههه ممكن. وباسها من خدها. انا رايح مكتبي خلصي وتعالي علشان نروح اوك
هنا: اوك.
وبعد ما خرج عدي بشوية. دخل هاني لهنا وقفل الباب.
هنا:انت ايه اللي دخلك هنا مش عدي قالك تبعد عني ولا انت فهمك تقيل
هاني: لا انا بس جاي اقولك اني فهمتك صح
هنا:؟نعم مش فاهمة
هاني: وهو بيقرب منها. اصل انا اتقدمتلك علشان اخطبك رفضتي. وبعدها لقيتك علي علاقة بعدي بيه. ففهمت انك بتحبي الشمال ملكيش في الحلال. فقولت اجيلك واعمل زيه
هنا: انت اتجننت ايه اللي بتقوله ده.
هاني: ايه هو مش كان حاضنك من شوية ويا عالم عمل ايه تاني. انا بقي عايز اعمل زيه. وقرب من هنا وبيحاول يعتدي عليها
هنا:زقته وصرخت. بس هو اقوي منها بس كانت بتحاول بأقصي ما عندها
عدي: خلص شغله. وبص في ساعته. هي هنا اتاخرت ليه لما اروحلها كفاية شغل كدة كل الموظفين مشيوا. وراح عدي واول ما خرج لقي صوت صريخ هنا. دخلها بسرعة لقي هاني موقعها علي الارض ومقطع هدومها. شده من فوقها وضربه اكتر من ضربة.
هاني: بياخد نفسه من الضرب. انت زعلان ليه ماهي شمال اصلا وكل الشركة عارفة انك ماشي معاها. جات عليا انا
عدي: لكمه في وشه بغضب. اخرس يا حيوان يا بن الكلب. دي اشرف منك ومن اهلك اسمع يا زبالة مشوفش وشك اهلك هنا تاني انت مرفود وقسما بالله لو فتحت بوقك علي هنا
بكلمة واحدة لاي مخلوق لخليك تكره نفسك وعمرك ما هتشتغل ولا هخلي حد يدخلك شركته انت فاهم غور من وشي يا حيوان.
ولف عدي لهنا اللي كانت ابتدت تقف. بس كانت منهارة من العياط
عدي: قرب منها وحضنها اسف يا هنا انا السبب اسف.
هنا: بدموع وانهيار. هو انا ليه حظي كدة ليه محدش عايز يسبني في حالي ليه كل ما احب حد الناس تستكتره عليا ليه
عدي: غمض عنيه وهو بيأنب نفسه. كفاية يا حلا كفاية يا حبيبتي
هنا: بعدت عنه. وبصدمة حلا هو انا حلا لا يا عدي انا هنا.
عدي: جز علي سنانه وهو متغاظ من نفسه. اسف يا هنا مكنتش اقصد.
هنا: بصريخ لا تقصد انت عمرك ماحبتني انت بتحب حلا ومش هتنساها. انا بالنسبة ليك زي ما هاني قال. علاقة مش اكتر بتضيع وقت وتتسلي مع واحدة شبه مراتك. انت اناني.اناني.لكن انا اللي رخصت نفسي انا اللي عملت كدة انا .. وهنا مقدرتش تتحمل واغمي عليها
عدي: اتخض عليها وقرب وشالها. هنا ردي عليا مالك يا هنا. وخرج بسرعة وهو شايلها ودخلها العربية.
هاني كان لسة واقف مستني عدي كان عايز يتخانق معاه علشان ضربه
وفي نفس الوقت كان فيه شابين واقفين مع بعض بيسألوا عن عنوان. واول لما شافه عدي شايل هنا
الاول هيثم: مش دي هنا بنت عمو فوزي وخطيبة تامر
احمد: اه هي. دول كانوا بيقولوا انها هربت علشان متتجوزش تامر
هيثم:ومين ده اللي كان شايلها. تفتكر يكون خاطفها
احمد: تصدق ممكن. بقولك ايه تعالي نسال اي حد
وللحظ ملقيوش غير هاني يسألوه
هيثم: لو سامحت.هو الاخ اللي كان لسة شايل بنت ده انت تعرفه ساكن هنا
هاني: وانتوا بتسألوا ليه
احمد: اصل البنت دي قرببتنا واحنا خايفين يكون خاطفها.
هاني: ابتسم بخبث. قريبتكم. وسايبنها ماشية علي حل شعرها. لا هو مش خاطفها دي ماشية معاه وعاملة معاه علاقة
احمد: انت بتقول ايه انت متأكد
هاني: الا متاكد. انا شغال معاهم في الشركة وشوفتهم بعيني وهما بيبوسوا بعض وكانت نايمة في حضنه
هيثم: انت تعرف هي ساكنة فين
هاني: اه طبعا دي ساكنه معاه
احمد: كمان. طيب ادينا العنوان
هاني: انا ممكن اوصلكم بنفسي.
هيثم : ياريت
واخدهم هاني ووصلهم وعرفهم العمارة. ومشي
احمد: هاه هنعمل ايه هنقول لتامر
هيثم: بقولك ايه احنا كدة عرفنا كل حاجة. نخلص مشوار الشغل بتاعنا. ولما نرجع اسكندرية نبقي نشوف هنقول لتامر ازاي ده فهمه بطئ. وممكن كمان يجي هنا ويضيعلنا الوقت نخلص مصلحتنا الاول. وبعدين نبقي نقوله
احمد: معاك حق. يالا بينا. بس سجل العنوان عندك..
في شقة هنا
عدي واقف برا مستني الدكتور يخلص
الدكتور: خرج.
عدي: بلهفة مالها يا دكتور. فاقت ولا لسة
الدكتور: متقلقش. شوية ضغط نفسي وتعب وكمان هي اتعرضت للتحرش او حاجة
عدي: جز علي سنانه بغيظ. ايوة
الدكتور: علشان كدة منهارة عموما انا ادتلها مهدئ. وياريت تهتم بيها وتحاول تخفف عنها. والمهم انها تاكل واضح انها ضعيفة
عدي: حاضر متشكر اوي لحضرتك
ومشي الدكتور. وعدي دخل لهنا. اللي كانت نايمة. اسف يا هنا انا اللي وصلتك لكدة انا اناني زي ما قولتي. بس اوعدك تفوقي واطمن عليكي وانا هخرج من حياتك واسيبك تعيشي يمكن تلاقي حد احسن مني ويحبك بجد انا اسف.
في عربية رعد
رعد: حبيبتي امسكي نفسك بس لحد ما نوصل للدكتورة.
همس: بتتألم. مش قادرة تعبانة اوي.
رعد: خلاص يا روحي قربنا
همس: هو انت مش رايح للدكتور هادي
رعد: لا انتي هتابعي مع دكتورة تانية هي مش مصرية المانية. بس عندها مستشفي خاص كبير واختلك معاها معاد وهي اللي هتابع حملك.
همس: ليه
رعد: بعدين ياهمس انتي تعبانة دلوقتي
في مستشفي الدكتورة ليليان.
ليليان بتكشف علي همس وبتعمل سونار.
رعد:خير يا دكتورة هل اصاب زوجتي مكروه
ليليان: لا تقلق سيد رعد. زوجتك بخير. ولكن هي متعبة من الواضح انها بذلت مجهود كبير
رعد: مسح شعره بضيق. لكن هي بخير اليس كذالك
ليليان: الي الان نعم. ولكن لو لم تأخد بالتعليمات والادوية من الممكن ان تخسر جنين من الاجنة
رعد: بص لهمس. حاضر سوف ننفذ التعليمات
ليليان :اولا الابتعاد عن المجهود والحركة والانفعال وايضا العلاقة الزوجية. وهذا حتي تستقر حالتها. وارجوا ان اراها بعد اسبوعين واذا حدث نزيف تبلغني علي الفور
رعد: حسنا. سوف نقوم بكل ما قولتي المهم ان زوجتي تكون بخير
ليليان: ابتسمت اراكم بعد اسبوعين
في عربية رعد
همس: هي قالت ايه انا مفهمتش انا معرفش الماني
رعد: متقلقيش يا روحي هي بس عايزاكي ترتاحي وتخلي بالك من نفسك. وانا معاكي متقلقيش هخلي بالي منك.
همس: ابتسمت ربنا يخليك ليا
رعد: ابتسم وباس ايديها. ويخليكي ليا ياروحي.
😉😉😉😉😉😉😉
#يتبع_
لو حابين نكمل الرواية نعمل متابعة وإضافة لصفحتى الشخصية
❤️❤️❤️❤️❤️❤️
#رحم_للايجار
#الفصل_العشرون
👇👇👇👇👇👇👇👇
في جناح رعد وهمس. همس نايمة في السرير ورعد بيديها الدوا.
همس: تسلم ايدك يا حبيبي.
رعد:تسلمي يا روحي المهم انتي دلوقتي احسن الالم راح
همس: اه الحمد لله انا اسفة بجد اني بوظتلك اليوم حتي ملحقتش تاكل
رعد: قعد جنبها وحاوطها بإيده. حبيبتي يوم ايه اللي باظ بس انا اهم حاجة اني اطمن عليكي وبعدين المطعم موجود في اي وقت اول ما تبقي كويسة هخدك هناك تاني اتفقنا
همس: ابتسمت اتفقنا. ربنا يخليك ليا وتفضل حنين عليا كدة.
رعد: ابتسم. انا هفضل احبك. فاهمة. ممكن بقي اميرتي الحلوة تنام الدكتورة قالت لازم ترتاحي وتنامي كويس
همس: اه صحيح. هو احنا ليه مروحناش للدكتور هادي
رعد: اولا هادي ده جاسوس توفيق ومها. وانا مش عايزهم يعرفوا عنك حاجة. ثانيا انا بغير عليكي منه. كويس اصلا انه عملك العملية انا يومها كنت عايز اخنقه.
همس: ههههههه للدرجة دي
رعد: واكتر كمان هو اصلا راجل عينه زايغة. وبعدين الدكتورة ليليان دي ممتازة مش بتبقبل تتابع اي حد
همس: نامت في حضنه واتنهدت. ااااه يا رعد. انا مش عارفة من غيرك كنت هكمل ازاي. بس هو ممكن اسالك سؤال
رعد: طبعا يا قلبي اسألي
همس: هما سموك رعد ليه ومين اللي سماك
رعد: هههههه مش عجبك صح
همس: لا والله بالعكس. ده اسم جميل دليل علي القوة والشموخ والعظمة بس بسأل مش اكتر
رعد: هقولك يا ستي. انا لما اتولدت كنا في الشتاء. والليلة اللي ماما ولدتني فيها كانت برد ومطر ورعد وماما كانت تعبانة جدا. ولما بابا سمع صوت الرعد. دعي ربنا ان ماما تولد من غير ماتتعب ولا انا كمان ونبقي كويسين. وبعد شوية ماما ولدت وانا جيت الدنيا. بابا فرح. وسماني رعد.
همس: ابتسمت. ليك حق تسمي المطعم العاشقان. هما فعلا كانوا عشاق ملهمش مثيل
رعد: تؤتؤتؤ. في وبص في عنيها. انا وانتي.
همس: بصت في عنيه بحب. وده كان اكبر رد عليه
رعد: ابتسم. ممكن انيمك بقي وكفاية كلام
همس: هزت راسها ممكن بس هتعمل ايه علشان انام
رعد: اممممم. هحكيلك حدوتة
همس: هههههه والله بتعرف حواديت
رعد: مسح شعره بحيرة. اممم هو انا زمان كنت بسمع عن حدوتة سندريلا ممكن احكيهالك
همس: ههههه زمان ماشي. بس انا كمان بحب سندريلا قوي. احكيلي
رعد: اشمعنا بتحبيها قوي كدة
همس : بصراحة حبتها اكتر لما اتجوزتك. حاسيت ان حكايتي زيها. واني اتجوزت الامير
رعد: هههههه. وحضنها قوي. روح قلبي انتي احلي سندريلا في الدنيا.
همس: طيب احكي بقي
رعد: طيب ساعديني علشان انا مليش في الحاجات دي انا كنت بخنق القطط وانا صغير
همس: هههههههههههههه. مش ممكن بجد
رعد: هههههه اه والله كنت كل ما توفيق يجيب قط اخنقه معرفش كنت عدواني ليه كدة. المهم نكمل حكاية القطط دي بعدين. اسمعي يا سيتي . كان في بنت جميلة اسمها همس....
همس: كانت بتسمع حكايتها منه وهي بتام ومبتسمه. لحد ما نامت وهو كمان نام.
في شقة هنا
عدي: عمل قهوة ودخل قعد علي الكرسي قصاد هنا واللي كانت لسة نايمة من المهدئ. عدي كان بيبصلها وبيعاتب نفسه.
عدي: انا ايه اللي عملته فيا وفيها ده. هي ايه اللي يجبرها تربط حياتها بواحد. اناني عايز منها من غير ما يديها. عايزها حلا عايز اعيد ذكرياتي مع حلا فيها. طيب هي فين حياتها احلامها. انا كنت هغلط اكبر غلطة لو كنت كملت معاها. انا لازم اول لما اتطمن عليها اتكلم معاها. وانهي كل حاجة لازم علاقتي بيها تفضل صداقة . واللي حصل بينا النهاردة. مش لازم يتكرر وهي لازم تنسي ايوة انا لازم اخليها تنسي وتبعد عني. هي تستاهل تحب وتتحب كمان. مش تحب وبس. وانا لحد النهاردة. مش عارف اذا كنت حبيتها ولا حبيت وجودها في حياتي وبس.
وفضل عدي يكلم نفسه. ويعاتبها بألم ووجع. لحد ما نام علي الكرسي مكانه.
في الصباح . هنا صحيت لقت عدي نايم علي الكرسي مكانه. وهي بهدومها. وافتكرت اللي حصل وعيطت. عدي صحي علي صوتها.
عدي: قام بلهفة. هنا انتي صحيتي طمنيني انتي عاملة ايه دلوقتي
هنا: بحزن ودموع. كويسة
عدي: كان بيتقطع وهو شايفها كدة لان. هو السبب في حصلها. طيب ممكن تقومي تاخدي حمام وتفوقي وكمان تغيري هدومك انتي من امبارح بالهدوم دي. وانا هحضرلك الفطار.
هنا: لا متشكرة. انا مليش نفس
عدي: لا مفيش الكلام ده. الدكتور قال لازم تكلي كويس.
هنا: هزت راسها وقامت دخلت الحمام.
وبعد شوية هنا خرجت من الحمام ولبست هدومها. وعدي خبط علي اوضتها.
عدي: ممكن ادخل
هنا: اتفضل
عدي: دخل وجبلها الفطار والعصير. افطري كويس علشان في دواء لازم تاخديه.
هنا: بس انا كنت مصدعة وعايزة اعمل قهوة
عدي: لا مفيش قهوة غير لما تفطري وتشربي العصير
هنا: وانت مش هتفطر
عدي: لا انا لازم ارجع شقتي اخد حمام والبس علشان اروح الشركة انتي عارفة رعد مشغول اليومين دول. ومقدرش ما روحش. انتي خلي بالك من نفسك ولو عايزة حاجة كلميني هجيلك بسرعة. اتفقنا.
هنا: هزت راسها.اتفقنا
عدي: بنظرة اسف. انا ماشي
هنا:عدي
عدي: لفلها. نعم
هنا: جريت عليه وحضنته.وبدموع انا اسفة انا ضيقتك امبارح بس مكنتش في وعي
عدي: غمض عنيه واتنهد بألم. وحضنها اكتر. متتأسفيش انا اللي اسف. سامحيني كل اللي حصلك ده بسببي. علشان انا فعلا اناني زي ما قولتي.
هنا: لا انا مكنتش اقصد ااانا
عدي: حط ايده علي شفايفها. شششش. انتي مش محتاجة تبرري كلامك لانه حقيقي انا مش زعلان منك انا زعلان من نفسي. بس خلاص اوعدك اني هريحك مني خالص
هنا: بقلق. انت تقصد ايه
عدي: بحزن. ارتاحي دلوقتي ولما ارجع نبقي نتكلم. وباسها من جبينها. خالي بالك من نفسك واوعي تخرجي فاهمة
هنا: فاهمة.
في عربية رعد
رعد: حبيبة قلبي انا اسف اننا راجعين البيت كان نفسي نقضي وقت اكتر مع بعض. بس الدكتورة عايزاكي ترتاحي وانا كمان عندي شغل كتير. وسايب كل حاجة علي عدي
همس:ابتسمت. ولا يهمك يا حبيبي نقعد في الفندق في البيت المهم اني اشوفك واطمن عليك .
رعد:ابتسم. وانا اوعدك اول ما حالتك تستقر والدكتورة تسمع بسفرك هخدك واسافر وافسحك زي ما يعجبك
همس: ربنا ميحرمنيش منك.
رعد: ابتسم ولا يحرمني منك يا قلبي.
في شقة همس ورعد
همس: بحزن. حبيبي هو انت هتيجي تاني امتي
رعد:ابتسم وقعد قصادها. كل يوم هعدي عليكي متقلقيش
همس: بس مش هتبات معايا صح
رعد:لا ممكن ابات بس مش كل يوم. وبعدين انا مش عايز اشوف التكشيرة دي. انا اتعودت علي الضحكة الحلوة اللي بتنور ايامي كلها
همس: بصتله.و ابتسمت.
رعد: ابتسم. ايوة كدة يا روحي انا عايزك تريحي نفسك وتخلي بالك من صحتك مش عايز مجهود. واوعي تدخلي المطبخ
همس: بس انا كنت بحب اعمل انا الاكل وسميرة بتخلي بالها من البيت
رعد: لا يا همس انتي تعبانة والدكتورة محزرة من المجهود. بس الاسبوعين اللي جاين لحد ما نروحلها ونطمن وبعد كدة ابقي اعملي اللي يعجبك
همس: حاضر اللي يريحك هعمله.
رعد: طيب انا ماشي دلوقتي عايزة حاجة
همس: عايزة اشوفك بخير بس
رعد: ابتسم وحضنها وطبطب عليها. انتي بجد بتخلي بعدك صعب عليا اكني بسيب روحي وماشي
همس: سلامة روحك ياحبيبي.متقلقش عليا انا هبقي كويسة روح شوف شغلك انت
رعد: حاضر. بس عايزك لو مها جاتلك في اي وقت. اقعدي هنا واقفلي علي نفسك وكلميني واعي تقابليها فاهمة
همس: فاهمة.
في شركة رعد في مكتب رعد
رعد: مش ممكن ايه اللي بتقوله ده هاني
عدي: بيجز علي سنانه. ابن ال... والله لندمه. وماهخلي رجله تعتب اي شركة. الصايع ابن ..
رعد: وهنا كويسة دلوقتي
عدي: لسة تعبانة انا زعلان من نفسي اوي يا رعد انا السبب في كل ده. لو مكنتش قريب منها وشاغلها بيا مكنش هاني الكلب ده طمع فيها. ولا حد من الشركة اتكلم عليها
رعد: وانتي ناوي علي ايه
عدي: اتنهد. هبعد عنها واسيبها تعيش حياتها. انا لو فضلت معاها هدمرها
رعد: ليه يا عدي انت بتحبها
عدي: بإنفعال. لا مش بحبها انت بس اللي شايف كدة. انا بعوض بيها فراغ في حياتي مش اكتر.انا حتي غلط وندهتلها بإسم حلا. انا مش عارف انسي حلا يارعد مش عارف
رعد: اهدي بس يا عدي وحاول تفكر بهدوء
عدي: مفهاش تفكير. انا النهاردة لازم ابلغها انها تنساني خالص. وتشوف حد تاني يستاهل تحبه. سيبك مني و قولي انت همس عاملة ايه
رعد: بقلق. والله خايف عليها الدكتورة امبارح قلقتني. بتقول همس ممكن تفقد جنين من الاتنين وانا خايف عليها
عدي: طيب ليه مخلتهاش في المستشفى عندها احسن
رعد: هي مقلتش. كمان هي هتشوفها كمان اسبوعين. وهنشوف الوضع ايه.
عدي: رعد خلي بالك مها شاكة فيك
رعد: اوففففف. مها وتوفيق دول كابوس حياتي نفسي افوق منه بقي زهقت
عدي: معلش هانت. صحيح عندي ليك خبر هيعجبك. بخصوص توفيق
رعد: بجد خير
عدي: المشروع اللي واخداه شركته من الوزارة. فيه مخلفات للركب. وكمان المبني كله غير مطابق للمواصفات وانا بجبلك المستندات اللي تثبت الكلام ده.
رعد: ابتسم. براڤوا عليك ايوة كدة
خليني اجهزلو الضربة اللي جاية
في مستشفي الدكتور هادي
في مكتب الدكتور هادي
زينب: تخبط وتدخل
هادي: تعالي يا زينب مها هانم كانت عايزاكي. عن اذنك يا مها هانم عندي حالة لازم اتطمن عليها
مها: اتفضل يا هادي . تعالي يا زينب قربي
زينب: بخوف. خير يا مدام مها انا تحت امرك
مها: قوليلي هو انتي وهمس صحاب وانتي اللي جبتيها هنا علشان العملية مش كدة
زينب: ابتلعت ريقها بصعوبة. اااه يا هانم ليه هي عملت حاجة غلط
مها: للاسف دي بتلعب في عداد عمرها. وطلعت مها دفتر شيكاتها. قوليلي بتحبي صاحبتك اكتر ولا الفلوس
زينب: عنيها لمعت. وابتسمت بمكر. هو في حد يا هانم مبيحبش الفلوس
مها: ابتسمت بسخرية. تعجبيني . وكتبت شيك لزينب. خدي الشيك ده ليكي. وعايزة منك خدمة قصاده
زينب: اخدت الشيك بفرحة. وانا تحت امرك اللي تؤمري بيه هنفذه
مها: انا عايزاكي تنقليلي كل اخبار همس. واي حاجة تحكيهالك عن رعد بيه تقوليلي بسرعة اي وقت تقولك انها معاه او هو عندها تكلميني فورا
زينب: بس كدة من عنيا. خلاص كل اخبار همس هتكون عندك اول بأول
مها: تمام اوي كدة. قوليلي صحيح. انتي تعرفي اختها ساكنة فين
زينب: قصدك هبة اه طبعا ساكنة معايا في نفس البيت دي في الشقة اللي فوقي علي طول
مها: اممم. وهمس اخر مرة راحتلها امتي.
زينب: يوووه. من اليوم اللي حضرتك شوفتيها فيه هنا علشان تعمل العملية مدخلتش البيت عندها
مها: انتي بتقولي ايه اومال هي مكنتش عندها الاسبوع اللي فات
زينب: لا ابدا. اصل كمان رعد بيه محذرها تروح هناك. وكمان مانع اختها تروحلها علشان جوزها كان بيعاكس همس. ورعد بيه زي ما تقولي كدة بيغير عليها
مها: انتي اتجننتي هو مين ده اللي بيغير ويغير علي مين علي همس
زينب: اه والله حضرتك ده حتي بعد ما اتجوز همس. بعت جاب منصور جوز هبة اختها وابراهيم ابن عمها ورجلتوا ضربوهم وكسروا عضمهم. كل ده علشان الاتنين كانوا طامعنين في همس
زينب: بقي كدة. ده واضح ان الموضوع كبير بقي هاه وايه كمان تعرفي عنهم ايه تاني
زينب: ابدا هو ده اللي اعرفه. واول ما اعرف حاجة هقول لحضرتك.
مها: تمام وانا هستني منك تليفزن في اقرب وقت
في شقة هنا.
هنا: راحة جاية بقلق. وبعدين انا شكلي زوتها امبارح وضايقته اوي. مكنش لازم اقوله كدة. وبعدين ما انا من الاول عارفة حبه لحلا وتعلقه بيها. وكمان انا وعدته اني اتحمله واساعده.طيب اعمل ايه دلوقتي علشان اصالحه.
هنا: بس كانت تايهة عني فين الفكرة دي. انا لازم اجهز كل حاجة واستناه ونحتفل انا وهو مع بعض.
😉😉😉😉😉😉😉
#يتبع.....بعد 👇👇👇👇👇
#عمل_اضافة_ومتابعة_لصفحتى_الشخصية_علشان👇👇
تعليقات
إرسال تعليق