مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

#رحم_للايجار 25_26_27_28_29_30

#الفصل_الخامس_والعشرون_والفصل_السادس_والعشرون

👇👇👇👇

في صباح يوم جديد علي ابطالنا. في الإسكندرية. في شقة عدي

عدي: نايم وصحي علي تليفون رعد.. الو ايوة يا بني في ايه علي الصبح

رعد: بعصبية. تصدق انك بارد ايه مستهبل حضرتك وسايبني طالع عيني في الشغل والمقابلات مع العملاء وان نايم في العسل. اومال لو كنت عريس بجد كنت عملت ايه. كاتك الارف وانت فاضحنا

عدي: اوفففف. خلصت وصلت التهزيئ. وقام وقعد. اعمل ايه بس. انا قولت اقعد انا وهي يومين كدة يمكن تحن وتلين. لكن دماغها جزمة بنت اللذينا. منشفة ريقي معاها. ومصممة كل واحد ينام في أوضة

رعد: بخبث. خدها بالحنية. متستعجلش

عدي: بغيظ. ده انت بتردهالي بقي

رعد: ههههههه. بصراحة اه تستاهل ده انا بسببك عشت ايام وانا هموت علي همس. بسبب نصايحك الزفت وفي الاخر طلعت بتحبني. منك لله ضيعت عليا شهر بحالوا وانا بعيد عنها. جرب بقي يا فلحوص. انها تبقي قدامك ومش طايلها

عدي: تصدق انك غلس. وانا غلطان اني رديت عليك

رعد: لا بقولك ايه نتكلم جد بقي احنا عندنا شغل كتير وانت وهنا لازم ترجعوا النهاردة بالليل او بكرة الصبح بالكتير. ومتنساش اننا أخر الاسبوع في عشاء مع الوفد الايطالي

عدي: اااه ده كنت ناسي

رعد: لا والله ليك حق. عدي متتأخرش انا تعبت من متابعة الشغل وكمان همس كانت تعبانة ما انت عارف

عدي: اه صحيح هي عاملة ايه دلوقت

رعد: اتنهد. الحمد لله احسن كتير

عدي: بخبث. انت كنت بايت عندها

رعد: هههههه. اه اصلا مبقتش اعرف  من غيرها

عدي: يخربيتك. انت تقريبا عندها علي طول طيب وجدك ومها

رعد: لا عادي انا بروح كل يوم بالليل وبعد ما يناموا بنزل واجي لهموسة وابات معاها

عدي: هههههههه. يخربيت المراهقة المتأخرة اللي انت فيها

رعد: ههههههههه. اعمل ايه بس تصدق. والله مش بغمض غير وهي في حضني

عدي: انت بتغظني ولا ايه ما تتلم

رعد:هههههههه بصراحة اه

عدي: بيجز علي سنانه. اقفل يا رعد اقفل

رعد: هههههههههه. طيب والله فرحان فيك. سلام. وقفل رعد

رعد: بص علي باب الاوضة. هي همس اتاخرت ليه بتعمل ايه برا. وقام من السرير. وخرج لقاها في المطبخ. ابتسم وحضنها. ممكن اعرف اميرتي سيباني لوحدي و بتعمل ايه

همس: ابتسمت ولفت ليه واتعلقت في رقابته. هكون بعمل ايه بحضرلك الفطار

رعد:وهو لسة مبتسم و بعتاب. طيب وهو ده ينفع حبيبة قلبي انتي تعبانة والدكتورة عايزاكي ترتاحي

همس: بحب. انا لو بموت هعملك اي حاجة تخصك وانا مبسوطة

رعد: ملس علي خدها. اااااه يا همس كان نفسي اقبلك من 10او 15 سنة كدة

همس: ههههه. ده انا كنت ساعتها صغيرة اوي

رعد: بعشق. انا كان نفسي اتجوزك وانتي يادوب كدة 17 سنة. كان نفسي اكون اول راجل في حياتك.

همس: بإحراج. هو انت زعلان اني كنت متجوزة قبلك

رعد: اتنهد بغيظ وغمض عنيه. بصراحة انا بحاول انسي الحكاية دي. مجرد اني اتخيلك في حضن راجل غيري حتي لو كان جوزك وميت. بتجنن

همس: بتملس علي خده بحنية. اسفة بس انا متأكدة اني لو كنت قابلتك الاول عمري ما كنت هتجوز غيرك

رعد: حضن ايديها اللي علي خده. وباسها. وانا كمان اكيد لو كنت قابلتك مكنتش هتجوز مها

همس:بغيرة. هو انت عمرك ما حبيت مها

رعد: فهم انها غيرانا. امممم بتسألي ليه

همس: حطت ايدها في وسطها. وبغضبب.نعم هو مش انت قولت انك عمرك ما حبيتها

رعد: ضحك علي حركتها. هههههههه طيب لما انتي عارفة بتسألي ليه

همس: ابتسمت. بشوف لتكون غيرت رايك

رعد: شدها لحضنه. انا محبتش ولا بحب ولا هحب غير همسة قلبي اللي ملكت دنيتي كلها. مش بس قلبي

همس: ابتسمت. بحبك

رعد: بحبك. وبموت فيكي. وشالها

همس: انت بتعمل ايه

رعد: ابدا عايزك في كلمة قبل ما نزل الشركة

همس: هههههه. بطل جنان. انت ناسي كلام الدكتورة

رعد: غمزها. هو ده وقت دكتورة. سامحيني يا دكتورة ليليان. اصل مراتي حلوة اوي. واخدها ودخلوا اوضتهم

في شقة عدي.

عدي قام ودخل الحمام واخد حمام وخرج وهو لافف الفوطة علي وسطه. وبيدندن وبينشف راسه بالفوطة. وخرج راح المطبخ علشان يعمل قهوة. لقي هنا وافقة بظهرها بتعمل القهوة

عدي: مبتسم. صباح الخير

هنا: بعفوية بتلف. صباح ال. واتصدمت من شكله. وخبت وشها بإيديها. ولفت بعيد عنه. يا نهارك اسود. ايه ده انت ازاي تخرج كدة

عدي: هههههههههه. كدة ازاي يعني.

هنا: وهي لسة لافة ظهرها ليه. انت بتسأل . امشي روح البس هدومك وما تنساش اني في حد عايش معاك.

عدي: قرب منها وبخبث. حد. تؤتؤ انا عايش مع مراتي. متنسيش انتي الكلام ده

هنا: خايفة يتهور ويعمل اي حاجة . احمم لو سمحت ابعد وروح البس هدومك.

عدي: امممم. ده تحزير ولا طلب

هنا: بتجز علي سنانها. لا يا خفيف ده امر

عدي: بخبث. امر يا سلام ده انا بموت في الاوامر خصوصا لما تكون من واحدة حلوة وزي القمر زيك كدة

وقرب وراها وحاوطها بإيده

هنا: اتنفضت. عدي انت بتعمل ايه

عدي: ابتسم بمكر. ومد ايده اخد تفاحة من الطبق. ابدا ده باخد تفاحة وماشي. مبعملش حاجة. الا اذا انتي عايزة حاجة فأنا معنديش مانع

هنا: زقته وبغضب.انا مش عايزة حاجة و امشي بقي

عدي:ابتسم بإستفزاز. خلاص ماشي اهو. ومال عليها ووشوشها. بس تعرفي بتبقي حلوة اوي وانتي متنرفزة. وسابها وبعد ودخل الاوضة يلبس

هنا: حطت ايدها علي قلبها وابتسمت. الله يخربيتك. هتموتني ناقصة عمر بحلاوتك وسهوكتك دي. قمر يخرب عقلك

دي: مكنش مشي. ورجعلها تاني .  . والله كتير قالولي كدة.

هنا: اتغاظت منه. وحدفته بالمعلقة

عدي: اتفادي الضربة. ههههههه يا مجنونة هتعوريتي. انا كنت راجع اقولك تعمليلي قهوة معاكي

هنا: ليه كنت الخدامة بتاعتك

عدي: خلاص انا جاي اعمل لنفسي بس يا رب الفوطة ما توقعش. وسعي كدة

هنا: اتخضت. فوطة ايه لا لا روح البس وانا هعملك القهوة.

عدي: ابتسم بإستفزاز. اوك ناس متجيش غير

هنا: بغضب. بإيه

عدي: غمزها بالفوطة. وبعتلها بوسة في الهوا. سلام يا موزة اروح البس بقي احسن اخد برد. ومشي

هنا: اتغاظت وبعدين في المصيبة ده اناهعمل معاه ايه بس انا بجد خايفة انهار في ايده. وابتسمت يا لههوي. عليه فظيع يتقاوم ازاي ده بس وخبطت راسها بإيديها اخ يا رب الصبر من عندك

وعملت هنا القهوة. ودخلت خبطت علي عدي في أوضته.

عدي:بيلبس التيشرت. ادخلي يا هنا

هنا: فتحت الباب.وهي برا الاوضة.انا عملتلك القهوة

عدي: مبتسم. طيب ما تدخلي مالك مكسوفة ليه

هنا: لا انا مش مكسوفة. بس ملوش لزوم انا هستناك برا

عدي: بحزم. هنا قولتلك ادخلي

هنا: بغضب. اوففف. ودخلت اديني دخلت نعم

عدي: ابتسم ومسك ايديها. وقعادها علي السرير وقعد جنبها. ممكن اعرف انتي ليه من ساعة ما جينا هنا وانتي بتتعمدي تبعدي عن الاوضة دي ومش بترضي تدخليها نهائي.

هنا: بصت في الارض بحزن وسكتت

عدي: رفع وشها بإيده وبهدوء. هنا انتي خايفة مني

هنا:بصت في عنيه ودمعت. كان نفسها تقولو انا لو خوفت من الدنيا كلها عمري ما اخاف منك الا انت انا مع جرحك ليا مش بحس بالامان غير معاك

عدي: مسح دموعها. وبحب مالك يا حبيبتي بتعيطي ليه. هنا انا يمكن بهزر معاكي واجر شكلك. لكن لازم تكوني متأكدة اني عمري ما اخدك غصب مش انا مش عدي اللي يجبرك علي حاجة زي دي حتي لو كنتي مراتي. لازم يوم ده ما يحصل يكون برضاكي وبسعادة من غير الحزن اللي في عنيكي ده.

هنا: عيطت اكتر وصوت عياطها كان عالي

عدي: اخدها في حضنه بحنان. وكان بيهدهدها زي الاطفال. بس علشان خاطري كفاية انا اسف والله اسف اني جرحتك في يوم او قولت كلمة زعلتك. ووجعتك.بس اوعدك اننا ننسي كل حاجة انا هنسي الماضي وهنسيكي كل حاجة وجعتك اوعدك

هنا: كانت نفسها تقوله. انت عمرك ما هتنساها طول ما انت فاكر كل تفاصيل حياتكم مع بعض عمرك ما هتنساها طول ما صورها ماليه البيت هنا وفي القاهرة عمرك ما هتنساها. حتي الاوضة دي انا مش بحب ادخلها علشان حلا كانت بتشاركك فيها. مش لاني خايفة منك. بس كل ده خافت تقوله علشان ميجرحهاش تاني ويقولها انها عايزة تمحي حلا من حياته. فضلت تبكي من سكات

عدي: خرجها من حضنه بهدوء. ومسح دموعها. وبص في عنيها. هنا انتي كرهتيني ولا لسة بتحبيني

هنا: بصت في عنيه. وكبريأها منعها ترد

عدي: ملس علي شفايفها اكنه بيرسمها. ليه مسمعتهاش منك. يعني يوم ما اتأكد منها واقولهالك انتي تحرميني منها. قوليها يا هنا ريحي قلبي

هنا:متحملتش. بصتله وسرحت في ملامحه ولمسته ليها اللي غيبتها في دنيا تانية.بحبك

عدي: ابتسم وقرب منها ومال بيها علي السرير. وبسها بهدوء من خدها وشفايفها ورقبتها وكل بوسة معاها كلمة بحبك. بحبك

هنا:حاوطيته بإيديها.وسلمت للحظة اللي انتظرتها من وقت ما شافته انه يعترفلها بحبه باللهفة دي. وحاولت تصدقه للحظة. حتي لو من جواها عارفة انه لسة بيحب حلا. فعلي الاقل بقي ليها مكان ووجود مهم في حياته. وقررت انها تدخل العالم بتاعه واحدة واحدة. لحد ما تتملكه وتكون هي اللي في قلبه وعقله.

وفضل الوضع كدة لقترة هما محسوبهاش. وفاقه علي جرس الباب

هنا: زقت عدي وقامت تجري. برا الاوضة

عدي: جز علي سنانه. ومسح وشه بإيده. مين ابن ال.... اللي بيخبط دلوقتي ده وقته دي كانت خلاص. ابتدت تحن.

وخرج عدي لهنا يشوف مين اللي بيخبط.

عدي: مين يا هنا

هنا: ده السوبر ماركت اصلي كنت طالبة حاجات.

عدي: قرب منها وابتسم بمكر. طيب بقولك ايه ما تيجي نكمل كلامنا اللي كنا بنقوله جوا قبل الجرس

هنا: بإستفزاز. تؤتؤتؤ مليش مزاج. ونصيحة متخدش علي كدة

عدي: رفع حاجبة. كدة ماشي يا قطة ابقي اتحملي بقي اللي جاي

هنا: ههههههه مبخافش. اتفضل القهوة

عدي: بسخرية هاتي يا سوبر مان

هنا: هو احنا هنرجع القاهرة امتي.

عدي: بالليل او بكرة الصبح

هنا: لا بالليل لا. بلاش تسوق بالليل

عدي:ليه بقي. و بخبث. ايوة صح انا نسيت انك بتحبيني وبتخافي عليا

هنا: اتغاظت. انت هتسوق فيها مكنتش ذلة لسان دي اللي هتمسكهالي

عدي: هههههههه. ذلة لسان. لا انا متأكد انها طلعت من قلبك. وتقصديها بس هسيبك تأوحي مع نفسك.

هنا:قامت ودبدبت في الارض برجليها ودخلت اوضتها

عدي: ههههههه. وضرب كف علي كف. لا اله الا الله بقي يارب اخرتها اقع في طفلة والله العظيم طفلة ومجنونة كمان. واتنهد بنفاذ صبر. الصبر من عندك يا رب

في سنتر التجميل الخاص بمها. وفي مكتب مها.

مها: ها فهمتي

زينب: انا بس عايزة اعرف . اللي هعمله ده فايدته ايه

مها: وانتي مالك انتي هتنسي نفسك ولا ايه اللي اقولك عليه يتسمع. تجيبي خط تليفون وتسجليه بإسم إبراهيم ابن عم همس. وتكلميها منه كل يوم فاهمة

زينب: فاهمة من عنيا

مها: وكمان عايزاكي تتعمدي تكلميها لما رعد يكون عندها. يعني لما تكلميها تسأليها لو عندها ولا لا. كمان عايزاكي تتعمدي تتكلمي معاها في حاجات تخليها تتكسف ترد عليكي قدامه. وتتلخبط ويبان عليها القلق. فاهمة

زينب: فاهمة. انا كدة ابتديت افهم حضرتك ناوية علي ايه.

مها: حلو اوي. يالا روحي اعملي اللي قولتلك عليه.

في شركة رعد وفي مكتبه.

رعد: هاه يا مروان في اخبار جديدة.

مروان: ايوة سيادتك. بالنسبة لتوفيق بيه اللجنة اللي عاينت المباني والمشروع كله. كتبت تقرير ان فعلا المباني غير مطابقة للمواصفات والنائب العام امر بضبط واحضار توفيق بيه. بس لاسف توفيق بيه. لحق نفسه

رعد: عقد حجبه بغضب ازاي

مروان: واضح انه كان عامل حسابه. وشيل الليلة كلها للمهندس المختص. وان هو اللي اتلاعب في المواد والاساسات من غير علم توفيق بيه وكل الورق والمستندات بتقول كدة

رعد: بعصبية. انت بتقول ايه والمستندات اللي كانت معانا كانت بتقول غير كدة

مروان: فعلا. بس هو والمحامي بتاعه عمله اوراق جديه بنفس التواريخ بس بإمضة المهندس.

رعد: خبط المكتب بإيده اااه منك يا توفيق. ممكن تدوس علي اي حد علشان مصلحتك ذنبه ايه المهندس ده يشلها مكانك

مروان: اللي عرفته انه هدد المهندس. بمراته وولاده. وعلشان كدة وافق. وكمان اداله مبلغ كبير. لانه لما يخرج من السجن مش ممكن هيشتغل تاني

رعد: جز علي سنانه. الله يلعنك يا توفيق. شيطان

مروان: بس متنساش سيادتك ان اللي حصل ده هز صورتهم في السوق وهياخدوا وقت علي ما اللي حصل ده يتنسي. كمان مبيعات الكومباوند اللي بيبنوه تراجعت كتير اليومين اللي فاته. ده غير ان في ناس كتير طلبت انها تلغي التعاقد بتاعها معاهم يعني كمان خسره من ناحية تانية

رعد: تمام. عموما انا وراه ومش هسيبه. طيب عملت ايه في موضوع البنت زينب

مروان: زي ما سيادتك توقعت. زينب علي اتصال بمدام مها. وبتروحلها السنتر بتاعها. وكمان مدام مها بتروحلها المستشفي عند هادي. وبتقابلها هي مش هادي

رعد: قعد علي كرسيه. واتنهد. كنت عارف من يوم اللي حصل لهمس وانا حاسس ان زينب دي ورا اللي جرالها. طيب اسمع عايزها متغبش عن عينك وكل ما تقابل مها تبلغني سامع.

مروان: حاضر سيادتك اوامر تانيه

رعد: ايوة انا عايزك تراقب مها وتعرف هي بتتهرب من السواق بتروح فين. لانها اوقات كتير مابتكنش في السنتر. وكمان مبتنزلش للسواق عايز اعرف بتروح فين

مروان: تمام يا باشا عن اذنك.

في شقة همس

همس: قاعدة في اوضتها. ودخلتلها سميرة

سميرة: مدام همس مدام مها الحديدي برا وعايزة تقابلك

همس: اتلخبطت وخافت. طيب روحي قوليلها نايمة

سميرة: حاضر

همس: اتصلت برعد...

رعد: ابتسم. حبيبتي وحشتيني

همس: ررعد مها هنا وانا خايفة يبان عليا حاجة

رعد: قام واخد مافاتيحه وتليفونه. وخرج. همس ماتقبليهاش وانا جايلك حالا 10 دقائق واكون عاندك.

همس: طيب انا قولت لسميرة تقولها نايمة.

رعد: كان نزل في الاسانسير. وراح للعربية. طيب يا حبيبتي اهدي كدة وماتخفيش. هي متقدرش تعملك حاجة انا انسفها لو قربتلك

مها:فتحت باب الاوضة ودخلت علي همس وبعصبية وصوت عالي. عاملة فيها هانم يا زبالة يا رباية الشوارع. انا مها الحديدي مترضيش تقابليني والله لربيكي يا كلبة

همس: خافت منها. والتليفون وقع منها. ااااانا لا والله ابدا انا بس كنت تعبانة

رعد: كان سامع مها واللي قالته. همس همس . انتي معايا ردي عليا. ولقي صوت مها لسة بتزعق. اه يا مها الكلب وديني لربيكي انتي وجدك يا حيوانة. وزاد من سرعة العربية علشان يروح لهمس

مها: مسكة همس من شعرها. بقي واحدة شوارعية زيك. تضحك علي رعد الحديدي وتلحس عقله كدة

همس:بتعيط. وتحاول تفك ايد مها مش شعرها. ايه بس اللي بتقوليه ده. مفيش الكلام ده رعد بيه بيعطف عليا مش اكتر

مها: بغيظ. لا والله ومجيه عندك كل يوم والتاني وبياته هنا. تلاقيكي بتتمايصي عليه وعايزة توقعيه ما انتي واحدة رخيصة هنتظر من واحدة باعت حته منها.

همس: بدموع الله يسامحك.

مها: مسكتها من دراعها وهزتها. انتي ايه التمثيل ده عايزة تعملي فيها غلبانة وانتي زبالة. بس والله مبقاش مها الحديدي لو ما خليته يرميكي في الشارع اللي جابك منه ويدوس عليكي بجزمته. وزقتها بقوة

همس: كانت هتقع بس لقت نفسها خبطت في حضن رعد.

رعد: كان داخل والشر والغضب في عنيه من كلام مها وزقها لهمس. بس كان عايز يطمن علي همس الاول. بصلها بحنيه وملس علي شعرها. همس انتي كويسة عاملتلك حاجة قولي

همس: وهي بتحاول بمنع شهقات وجعها واهناتها ودموعها. هزت راسها لا مفيش حاجة

رعد: طيب تعالي اقعدي واخدها وقعدها علي الكنبة.

مها: واقفة متغاظة من اللي شايفاه. ده مش رعد اللي يعمل كدة. ربعت ايديها وبسخرية. ايه الحنية دي مكانتش واحدة ريكلام دي اللي انت خايف عليها

رعد:كان خلاص غضبه وصل للقمة من مها وسافلتها. ولفلها وضربها قلم هز ثباتها ووقعت علي الارض

رعد: مش رعد الحديدي اللي يتجوز ريكلام يا مها. وهمس اشرف من ستات كتير عاملين فيها ولاد ناس ومتربين وهما اوسخ خلق الله. واسألي صحاباتك اللي كل يوم والتاني واحدة فيهم تيجي وترمي بلاها عليا.

مها: مسكة خدها ومش مستوعبة ان رعد ضربها بالقلم. وكمان معقولة صحابها بيشاغله جوزها وهي مش دريانة

رعد: شدها مها من دراعها. وقومها. مش عايز اشوفك هنا تاني برا.

مها: انت بتطردني علشان دي

رعد: دي اللي مش عجباكي تبقي مراتي زيك وكمان حامل في ولادي اللي انت معرتفيش تجبيهم ولو شوفتك هنا تاني يا مها هوريكي ايام اسود من الهباب. يالا امشي

مها: ماشي يا رعد. بكرة تعرف ان اللي بتحاملها دي متستهلش انها تكون مراتك ولا ام ولادك. وبكرة تشوف. ومشيت مها

همس: كانت منهارة من العياط من كلام مها.

رعد: قعد جنبها وخدها في حضنه. حقك عليا يا روحي اوعي تزعلي والله لو قربتلك تاني لطلقها

همس: بتعيط هي ليه شايفاني رخيصة كدة ليه بتجرحني كدة ليه

رعد: كفاية يا قلبي متعيطيش انتي

مش رخيصة انتي اغلي ست في الدنيا انتي مراتي وحبيبتي وامي واختي وكل اللي ليا متخليش كلام واحدة غلاوية ومتغاظة زي مها يأثر فيكي اهدي يا روحي

همس: رفعت وشها ليه. هو انت فعلا ممكن تندم انك اتجوزتني وتسيبني زي ماهي قالت

رعد: ابتسم. ومسح دموعها. مش ممكن يا قلبي اسيبك انتي روحي انتي دقات قلبي اسيبك ازاي. وانتي حبيبتي

همس: ربنا ميحرمنيش منك

رعد: ولا يحرمني منك يا اغلي من عنيا. ممكن تبطلي عياط بقي

همس: هزت راسها ممكن. ومسحت دموعها

رعد: ابتسم بخبث. لسه في دمعه ممسحتيهاش

همس: فين

رعد: اهي. وقرب منها وباسها بوسة طويلة

همس: ابتسمت. والله انت فايق ورايق

رعد: ههههههه وما فوقش ليه وبعدين اللي حصل ده جه مصلحة علشان ارجعلك بدري تعالي بقي انا هنسيكي مها واللي خلفه مها

همس: ههههههههه لا مش هاجي

رعد: غمزها بمكر. ماشي اجي انا.......

😉😉😉😉

#يتبع.....بعد متابعة حسابي وصفحتى الشخصية

💜💜💜💜💜❤️❤️❤️❤️❤️❤️

#رحم_للايجار 

#الفصل_السادس_والعشرون 

👇👇👇👇👇👇👇👇👇👇

في ڤيلا الحديدي

توفيق: غضبان.طيب اهدي بس يا مها يا حبيبتي. وانا اوعدك اجبلك حقك. منه ومنها. بس اصبري شوية

مها: بتعيط. لا يا جدو ده ضربني. عارف يعني ايه ضربني وكمان قدام مين البنت الزبالة اللي ماتحلمش تكون خدامة عندي. انا يعمل فيا كدة انا مها الحديدي. وبقوة مسحت دموعها. جدو انت لازم تنتقم منه رعد بقي غول واستقوي ومحدش بقي قادر عليه وانت لازم توقفه عند حده

توفيق: بغل وهو بيكور قبضة ايده. رعد حسابه معايا تقل اوي.بس لازم اخد البنت دي منه علشان اللي في بطنها. بس لازم افكر هخدها منه ازي

مها: بمكر. انا اقولك يا جدو. انا اصلا كنت بدبرلها مصيبة علي مزاجك. علشان رعد يطلقها. ولو ده حصل ناخدها احنا ونخبيها عنه لحد لما تولد

توفيق: مصيبة ايه. قولي وانتي طالعة لجدك. دماغك كبيرة.

مها:...........

توفيق: ههههههههه. لا والله وكبرتي يا مها وبقيتي تخططي. وانا موافق. نفذي. بس عايزين نحرق قلبه علي الهادي. قبل الضربة الكبيرة اللي متأكد انها هتكسره وتجيبه الارض

في شقة رعد وهمس.

همس: نايمة وابتدت تصحي ملقتش رعد جنبها. قامت وقعدت. وبحزن.اكيد مشي علشان يروح يصالح الهانم مها ماهي كمان مراتوا. وبغضب. بس انا عايزاه ليا لوحدي انا وبس. انا كمان كان نفسي  في حضنه للصبح. اكيد دلوقتي مها هي اللي نايمة في حضنه. يتري بيعمله ايه تاني. وخبطت السرير بإيديها. اوفففف. بس انتبهت علي صوته الرجولي الجذاب. وهو ساند بظهر علي باب الاوضة ولابس بنطلون البيجامه. وصدره عاري زي لما كان نايم جنبها.وشعره متلخبط من اثر النوم. وكان جذاب بكل معني الكلمة

رعد: بخبث. تؤتؤتؤ ما كنتش اعرف انك بتحبيني اوي كدة. ايه كمية الغيرة دي

همس: اتكسفت. وعضت علي شفايفها وابتسمت. وهي فرحانه لوجوده. وكمان كانت معجبة بهيأته اللي تخطف العين

رعد: قرب منها وقعد قصادها. ومسك ايديها وباسها. وهو بيبص في عنيها. كنتي فاكراني مشيت

همس: هزت راسها. ايوة وكنت زعلانة

رعد. بمكر وهو بيملس علي خدها. طيب حتي لو مشيت وزي ما بتقولي كنت مع مها ايه اللي زعلك

همس: بغضب ضربته بإيديها في صدره. يا غلس انت بتغظني

رعد: اي كدة بتضربيني. ماشي انا همشي واروح لمها. علي الاقل متجرؤش تقولي يا غلس ولا تمد ايديها عليا

همس: بدلع. اتعلقت في رقبته. وبصت في عنيه بس انا همس همسة قلبك واعمل اللي يعجبني

رعد: حاوطها بإيده من خصرها. وابتسم. من امتي قطيتي الصغيرة بقت بتعرف تلعب بأنوثتها. ده انتي كنتي بتموتي من الكسوف لما كنت بقرب منك وابوسك. فاكرة

همس: فاكرة. وفاكرة كمان ان من يوم ما اعترفتلي بحبك. وانت بقيت جوزي وحبيبي اللي عمري ما اتكسف منه ابدا

رعد: هههههههه. لا بقي الكلام ده محتاج لإثبات. وقرب منها

همس: وقفته بإيديها. عندك

رعد: بحزن مصتنع. ايه بس وانا عملت ايه علشان تبعديني عنك كدة

همس: قولي الاول. انت ازاي كنت برا بشكلك ده وسميرة برا

رعد: ههههههه. لا بجد مجنونة. انت بتغيري عليا من سميرة كمان هو من شوية مها ودلوقتي الشغالة

همس: ايوة بغير. انت عايزني اسيبها تشوفك كدة وانت حلو وزي القمر

رعد: ابتسم. اولا انا مبسوط ان حبيبتي بتغير عليا وبتحبني كدة. ثانيا متخفيش انا متفق مع سميرة لما انا اجي هي تمشي بسرعة علشان اقعد انا وانتي براحتنا. يعني تلاقيها مشيت بعد مها علي طول.

همس: يعني احنا لوحدنا.

رعد: بمكر. اه لوحدنا زي لما كنا من شوية قبل لما ننام. فاكرة

همس: ابتسمت فاكرة. بس قولي انت هتبات معايا ولا ماشي

رعد: وهو بيحضنها وينيمها جنبه. والله ده يتوقف عليكي

همس: ازاي

رعد: وهو بيضمها بقوة.وبصوت خافت. يعني لو عايزاني ابات في حضنك هبات. ولو قولتلي امشي همشي. تختاري ايه

همس: بحنيه. تؤتؤ طبعا عايزاك تبات مش محتاجة كلام

رعد: وهو بتنفس في خصل شعرها. يبقي تدفعي

همس: ابتسمت علشان فهمته. ادفع وماله

رعد: ابتسم. وقرب من عنيها. بحبك. ومد ايده وقفل الابجورة

في الفجر عدي كان لسة صاحي ما نمش. وواقف في البلكونة لقي هنا خارجة ولابسة هدوم صيفي خفيفة بتتلبس علي البحر ورايحة ناحية الباب. استغرب وخرج لها

عدي: ممكن اعرف الهانم نازلة فين في وقت زي ده ومن غير ما تقولي لجوزك

هنا: اتخضت منه. انت ايه يا اخي في ايه كيف عندك تخضني

عدي: وهو انتي لسة شوفتي حاجة ده انا هفرمك. ومسكها من هدومها نازلة رايحة فين دلوقتي يا هنا انطقي

هنا: اهدي بس هفهمك. ونزلت ايديه اللي ماسكة هدومها. كنت نازلة البحر قبل ما نمشي علشان هيوحشني

عدي: حس ان الدنيا بتلف بيه ومش متحمل وصرخ فيها. لا لا بحر لا مش هتنزلي البحر يا هنا مستحيل اسيبك تروحي مني مستحيل

هنا: استغربت من رد فعله. ليه يا عدي ما انا طول عمري بنزل البحر. ايه اللي اتغير 

عدي كان في حالة وجع وذكريات مؤلمة فكرته بماضي صعب هو بيحاول ينساه. وكمان خوفه وقلقة علي هنا اللي نورت ايامه بعد ما كان وحيد وبائس. بس كلامه كان بعصبية وغضب.

عدي: اللي اتغير انك مبقتيش ملك نفسك انتي بقيتي ليا بتاعتي ملكي ومش هسيبك تضيعي مني. البحر ده غدار خطفها مني زمان ومش هخليه يخطفك مني انتي كمان. انسي بحر لا يا هنا تشوفيه من بعيد لكن نزول لا لا مش هيحصل. وقرب منها ومسكها من ذراعتها الاثنين. وضغط عليها وبصوت عالي سامعة مفيش نزول بحر يا هنا مستحيل.

هنا كانت موجوعة وحاسة بألم في قلبها وحاسة ان سر غضبه وثورته دي ذكري حلا مش خوف عليها خوف علي شبيهة حلا مش لشخص هنا. وحاولت تستجمع هدوئها.

هنا: عدي انت لحد النهاردة مقولتليش حلا ماتت ازاي.

عدي: بصلها بغضب. ويفرق معاكي في ايه ماتت زي ما ماتت النتيجة واحدة. انها ماتت وبعدت عني

هنا بلعت ريقها بصعوبة ومعاه جرحه ليها بحزنه الظاهر علي حلا. وبنفس تصنع الهدوء

هنا: لا يفرق. لما تمنعني عن حاجة بحبها بسبب حلا يبقي من حقي اعرف

عدي اتنهد بحزن ووجع ومسح شعره بضيق بسبب تذكره لليوم ده اللي كان يا ما سبب في كوابيسه وقلقه لايام وسنين وما انتهتش الا بظهور هنا في حياته.

عدي: حلا كانت بتعشق البحر وبتحبه. بس كانت بتخاف من المياه بتخاف تعوم بس انا بعد جوازنا جرأتها وبقيت اخليها تنزل معايا. هي كان عندها عقدة من وهي صغيرة من البحر. وفي يوم كنا هنا اجازة وكنا مسافرين الصبح وهي في الفجر صممت تنزل البحر زي ما انتي عملتي دلوقتي.

فلاااااش باااك

حلا: وحياتي يا دودي عايزة انزل البحر قبل ما نرجع القاهرة احنا لسة مش هنيجي هنا تاني الا بعد شهور

عدي: شدها وقعدها علي رجله. حبيبة قلبي انتي اصلا كنتي بتنزلي معايا بالعافية. ولحد امبارح بس كنتي خايفة واحنا في المياه. اشمعني دلوقتي بس

هنا: مش عارفة حاسة اني عايزة انزل البحر وحياتي يا دودي. ومسكته من خدوده. وافقي بقي يا دودي

عدي: ابتسم. اعمل ايه في قلبي الحنين ده مبقدرش ارفضلك طلب. روحي اجهزي يا قلب وعقل دودي

حلا: باسته من خده. وبفرحة كبيرة. تسلملي يا قلبي

وقامت حلا لبست وجهزت وكمان عدي وعدي مكنش يعرف انه بيوديها لنهايتها بإيده. ونزلو البحر سوا وقضوا وقت جميل كعادتهم لما بيكونوا مع بعض. وقت كله هزار وضحك ولعب بالمياه. بس فجأة عدي جالوا شد في رجله. وتعب

حلا: مالك يا حبيبي انت تعبان

عدي: لا يا روحي ده شد بسيط. كدة انا هطلع ارتاح شوية. وابقي انزلك تاني

حلا: لا يا حبيبي انا هطلع معاك. علشان اطمن عليك

عدي: ابتسم بلؤم. يا جبانة تطمني عليا ولا خايفة تعومي لوحدك.

حلا: بغضب. انا مش جبانة انا خلاص مبقتش اخاف وعندا فيك مش طالعة وهعوم لوحدي

عدي: ههههههه. ايوة ما انا عارف انتي بقيتي سباحة عالمية. اسيبك انا بقي لوحدك ولما اشوف هتعملي ايه هتعومي علي الشط انا عارف

حلا: خبطته في كتفه بغضب. غلس غلس والله لعوم بعيد كمان وهتشوف

عدي: خرج من المياه وهو بيغظها. طيب وريني

وفعلا عدي خرج وابتدي يفك رجله شوية وحلا بعدت بعيد جوا المياه وهي بتعمل كدة عند في عدي علشان ميقولش عليها جبانة بس ده مكانش في مصلحتها. وفجأة لقت نفسها عدت والمياه بقت غويطة وهي ابتدت. تاخد نفسها بصعوبة وابتدت تنزل وتطلع وهي بتحاول ترجع بس مش قادرة. وعدي شافها قلق وقرب من الشط لقاها بتطلع لفوق وتنزل وهي بتحاول تعوم ومش عارفة. قلبه دق وخاف ودخلها المياه وهو بينده عليها. بس حلا كانت خلاص شربت ميه كتير والمياه قفلت مجري الهواء. ومبقتش بتاخد نفاسها. ونزلت لتحت قدام عينيه وهو بيحاول يوصلها بسرعة. وفجأة لقاها طفت علي ظهر المياه من غير حركة ولا نفس. وصلها ومسكها وهزها علشان تفوق بس ما فاقتش.

عدي: بدموع. حلا حلا ردي يا روحي. حلا ردي عليا يا قلبي لا متسيبنيش يا حلا لا ده انا حبيبك. انا هخرجك بسرعة.

وخرجها عدي من المياه بسرعة وضغط علي صدرها علشان يخرج المياه بس ما فقتش. عملها تنفس صناعي بس مفيش فايدة. عدي حضنها بدموع ووجع وتأنيب لانه هو اللي سابها لوحدها.

عدي: لا لا يا حلا حبيبتي متسبنيش علشان خاطري قومي. والله مش هنزلك المياه تاني. والله مفيش بحر تاني خليكي جبانة انتي صح انتي مينفعش تنزلي المياه. بس قومي قومي يا حلا انا هموت من غيرك. وماتت حلا

بااااااك

عدي كان بيحكي وهو مش قادر يسيطر علي دموعه. دموعه كانت بتنزل غصب عنه.

عدي: انا السبب انا اللي قتلتها يا هنا انا اللي قتلتها انا

هنا كانت بتسمع ودموعها هي كمان بتنزل من الحزن والالم من كلامه واحساسه بالذنب وكمان من زعلها عليه ومنه. لانه لسة حاسس بنفس الوجع اكن اللي حصل ده حصل دلوقتي. يعني هو لسة منسيش حلا ولا هينساها. وحاولت تتماسك وتلاقي صوتها اللي اتخنق من الوجع والدموع

هنا: طبطبت عليه. كفاية يا عدي انت ملكش ذنب. ده عمرها وقدرها

عدي: بصلها بحزن. هنا انا عارف انك زعلانه بس والله غصب عني بس انا مش قادر اخسرك انتي كمان ارجوكي افهميني

هنا: بدموع. فهماك فهماك قوي صدقني.

عدي: شدها لحضنه وضمها جامد. هنا ارجوكي خليكي جنبي انا محتاجلك. متسبينيش

هنا كانت موجوعة ومجروحة. وهدوء عكس البركان اللي جواها.

هنا: عدي انت لازم تطلقني. اول لما نرجع القاهرة

عدي اتصدم. وخرجها من حضنه وهو في قمة غضبه.

عدي: انتي بتقولي ايه. انتي ليه مصرة توجعيني كدة. ليه كل لما قربلك تبعدي. ليه عايزة ايه جواز واتجوزتك حب وحبيتك قرب وبقرب منك عايزة ايه. قوليلي عايزة ايه بقي حرام عليكي

هنا كانت فقدت هدوئها اللي مبقتش قادرة تتظاهر بيه اكتر من كدة وبعصبية

هنا: جواز جواز ايه ده اللي بتتكلم عنه اللي اتجوزتهولي وانت مغصوب. وحب ايه انت بتضحك علي نفسك. انت بتحاول تقنع نفسك انك حبيتني. علشان تبرر لنفسك انانيتك. والقرب ده رغبة وغريزة مش اكتر. انا بالنسبة ليك جسم ووش شبه مراتك. لكن لا اسفة انا مقدرش العب دور الدوبلير ده اكتر من كدة.

انا جيت علي كرامتي كتير علشانك علشان حبيتك. لكن انت عمرك ما حبيتني. انت لحد النهاردة فاكر حلا حلا بتحب ده. حلا بتكره ده. ده عيد ميلاد حلا. دي ذكري حلا. حلا حلا انا خلاص تعبت. انا بقيت مش حاسة بنفسي مش حاسة بوجودي. حلا في كل حاجة في عقلك وقلبك وبيتك. صورها في كل مكان حتي عربيتك فيها صورة حلا. السلسلة اللي انت لابسها وبتحاول تداريها بعيد عني والي فيها صورة حلا. انا شوفتها النهاردة وانت خارج من الحمام وكنت ناسي نفسك. انا تعبت حس بيا حرام عليك. انا انسانة بني أدمه من حقي احس ان الانسان الوحيد اللي حبيته. ليا لوحدي مش بتشاركني في واحدة تانية انا اوقات بحس ان حلا عايشة ماماتتش. من كتر ماهي موجودة في حياتك.

ومسحت دموعها وهي بتحاول تهدي. انا عايزة اطلق وانت خليك مع حلا.

عدي: قرب منها وبهدوء وعتاب. حاضر يا هنا هطلقك بس مش دلوقتي. انا مرضاش ليكي انك تطلقي بعد 3اسابيع من جوازك. احنا هنتحمل بعض شهرين وبعد كدة هطلقك. واسيبك تعيشي حياتك. انا اسف اسف اني جرحتك قبل كدة. بس انتي جرحتيني دلوقتي اوي اوي يا هنا انا بحاول اثبتلك حبي وانك بقيتي حياتي وانتي بتلوميني علي ماضي انا بجاهد نفسي علشان انساه. بس انتي مش عايزة تساعديني. انتي لو كنتي حبتيني كنتي حاربتي معايا علشان الحب ده يستمر ويكبر. بس للاسف انتي عايزاني انا لوحدي اللي اعمل كدة.

ومشي خطوتين ولف بجنب وشه ليها ياريت تلبسي علشان هننزل القاهرة دلوقتي.

هنا: عدي استني.

عدي: لفلها بأمل ولهفة. انها تكون اتراجعت عن قرارها. وبصلها علشان تتكلم

هنا: انا لما نرجع هفضل في شقتي وانت في شقتك. وعلاقتنا هتفضل زي ما هي لحد لما نطلق.

عدي: غمض عنيه وهو بيجز علي اسنانه وبيكور قبضة ايده من غضبه منها ومن عندها وغبائها . وهز راسه بضيق ودخل أوضته

في اوضة عدي

عدي: رايح جاي وهو في قمة غضبه. ليه ليه يا هنا غبية غبية. ليه مش حاسة بحبي ليه ليه. وبعند وتحدي. لكن لا يا هنا مش عدي اللي يخسر. واقسملك انك في خلال الشهرين دول انتي بنفسك هتتمني اني مطلقيش. واوعدك يا هنا. وطلع تليفونه..... ايوة يا رعد معلش اقلقتك من النوم. بس عايز منك خدمه اسمع...........

هنا في أوضتها بتلبس وهي بتعيط.

هنا: انا بجد محتارة هو انا صح ولا غلط. هو بيحبني ولا لا ماهو انا مش هقدر اهين نفسي اكتر من كدة هو لازم ينسي حلا لازم. أوعدك يا عدي اني في خلال الشهرين دول لو مقدرتش انسيك حلا هتطلق. لكن لو حسيت انك فعلا بتحبني ونسيتها هعيش معاك عمري كله انا بحبك والله العظيم بحبك.

وخرج عدي ونده لهنا واخد الشنط ونزلها وركبوا الاثنين العربية من غير ولا كلمه وكل واحد جواه كلام ولوم وعتاب. بس احتفظ بيه لنفسه.

في القاهرة في شقة رعد وهمس.

رعد بعد لما صحي علي تليفون عدي وكلمه وقفل معاه. التفت لهمس حبيبته وملاكه اللي بيعشقها وابتسم. لانها كانت لسة نايمة في حضنه وماسكة فيه. اكنها خايفة يسيبها ويمشي وهي نايمة. مرر ايده في شعرها وباسها من جبينها. وخرجها من حضنه براحة وبهدوء. ودخل اخد حمام. وخرج لقاها لسة نايمة. ابتسم علي شكلها وهي نايمة رعد بيعشق همس بيحب كل تفصيلة فيها حتي في نومها بيحب يشوف برائتها وحراكتها العفوية. جاب تليفونه وصورها اكتر من صوره وهي نايمة. ودي كانت عادته من اول يوم بقت فيه مراته بجد. كل لما يصحي وهي في حضنه يصورها علشان لما يبعد عنها يطلع صورها ويتأملها. وبعد كدة دخل المطبخ. علشان يحضرلها الفطار. همس ابتدت تصحي وهي بتتثاوب واتمطعت. وبصت جنبها ملقتش رعد بس لقت تليفونه جنبها علي الكومود. عرفت انه لسة موجود. قامت ولبسة الروب وخرجت لقته في المطبخ. ابتسمت.

همس: بقي رعد بيه الحديدي بجبروته وشدته دي واقف في المطبخ

رعد. لفلها وابتسم. وقرب منها وشالها من خصرها وقعدها علي رخامة المطبخ. وحاوطها بإيده.

رعد: ايوة يا سيتي عندك مانع. بحضر الفطار لأميرتي وملكة قلبي

همس: اممم بس دي معجزة. انت بنفسك تعمل كدة

رعد: باس ايديها. طول ما انا موجود انا اللي اخدمك واعملك كل حاجة وانا مبسوط. واعملي حسابك من هنا ورايح انا اللي ححضر الفطار مش انتي

همس: حاوطته من رقبته. تؤتؤ النهاردة استثناء. وبعد كدة مينفعش. الملك بتاعي يعمل حاجة وانا موجودة

رعد: ابتسم. وهو بيشيل خصل شعرها من علي عنيها. الملك بيعشق الملكة ومش عايز يتعبها.

همس: بحزن. رعد هو انت فعلا مش ممكن تندم انك اتجوزتني لاني

رعد: حط ايده علي شفايفها. شششش متكمليش. انتي حبيبتي ومراتي والملكة بتاعتي كمان. وانسي بقي اي كلام اتقال. انا من امبارح بحاول انسيكي اللي الغبية مها دي قالته. انسي يا روحي

همس:دمعت. انا بحبك اوي ومقدرش اعيش من غيرك. ارجوك اوعي في يوم تسيبني وتبعد عني

رعد: مسح دموعها وهو قلبه بيتعصر علي وجعها وجرحها اللي عارف انه من كلام مها. وخدها في حضنه اكنها بنته اميرته الصغيرة الجميلة اللي مش بيتحمل يشوفها زعلانه.

رعد: بس يا روحي بس مش عايزك تزعلي. طيب لو انا شايفك زي ماهي بتقول كنت سيبت الدنيا كلها وفضلت معاكي اصالحك. وخرجها من حضنه بهدوء. وحاوط وشها بإيده. وهو مبتسم. وبعدين ده رعد الحديدي بنفسه واقف يحضرلك الفطار ده ميخلكيش ملكة علي كل الستات

همس: ابتسمت. وباست ايده اللي حاضنه وشها. طبعا ده انا اخدت اكبر جايزة في الدنيا ان الراجل اللي ستات كتير بتجري وراه وتشاغله بيحبني انا وبيدلعني انا.

رعد: بمكر. هو من جهة انهم كتير فهما كتير.

همس: زغته في كتفه. غلس ما انا عارفة

رعد: هههههه. ايدك تقلت اوي يا هموسة

همس: هههههههه. مش انت اللي كل شوية تزغطني زي البطة

رعد: مسكها من خدودها وباسها احلي واجمل بطة. تعالي يا بطة بقي لما ازغطك.

عدي وقف علي الطريق عند بنزينة علشان يمول العربية.

عدي. التفت لهنا اللي كانت سكتة من اول ما ركبو وباصة من الشباك ومبصتلوش ولا مرة.

عدي: تحبي اجيبلك حاجة معينة علشان تفطري انتي ماكلتيش حاجة من الصبح

هنا: وهي ساندة راسها علي الشباك تؤتؤ. مليش نفس

عدي: اتنهد بنفاذ صبر. حجبلك زي

ونزل وشاور لعامل البنزينة يمول العربية ودخل يجيب قهوة وأكل ليه ولهنا.

ولما خرج لقي هنا سرحانة وباصة علي اتنين واقفين قصاد عربيتهم وشكلهم مخطوبين او متجوزين. وكانوا بيضحكوا وباين عليهم الحب. وشاف عنيها مدمعة. اتنهد بألم وركب العربية

عدي: اتفضلي يا هنا افطري.

اخدتهم منه وهي ساكته.

عدي: طلع بالعربية. وبعد شوية شغل السي دي. علي أغنيه بيعاتبها بيها عايز يقولها ارجعي وانسي. انا مش عايز اسيبك انتي اللي بتبعدي مش انا

هنا عياطها زاد. وعدي كمان حزين نفسه ينسيها ويرجعها تضحك زي زمان. مسك ايديها وضغط عليها بحب.

عدي: بحبك يا هنا والله بحبك. وباس ايديها. وسابها

هنا: فضلت تعيط. وهي محتارة ومش عارفة تعمل ايه. بس كل اللي كانت محتجاه وقتها حضنه عايزة حضنه. قربت منه وهو فهم. وفرد دراعه. وهي نامت في حضنه.

عدي: ابتسم. وحضنها بإيده جامد. وباس شعرها وهو مبسوط هو لو مش هيطول منها حاجة غير انها تفضل في حضنه كفاية عليه هو عايزها تفضل كدة عايز يحس بقربها وكمان يحسسها بالامان. وفضل حاضنها لحد ما نامت في حضنه وهو سايق ووصل القاهرة.

........

#يتبع..... .بعد ،👇👇👇👇👇👇

#متابعة_واضافة_لصفحتى_علشان_نكمل_نشر_الرواية

#رحم_للايجار

#الفصل_السابع_والعشرون_والفصل_الثامن_والعشرون

👇👇👇👇👇👇👇

ووصل عدي عند العمارة. وهنا كانت لسة نايمة في حضنه من وقت ماكانوا علي الطريق. بس هو كان مبسوط خصوصا انها من ساعت ما شافها وحتي لما اتجوزوا مافضلتش في حضنه كل الفترة دي. كان نفسه الطريق يطول اكتر علشان تفضل بين ضلوعه ويحس بقربها من قلبه.رفع وشها ليه وابتسم وشال شعرها من علي خدها ومال عليها وباسها بحب وحنان. قبل ما تصحي وتبعده عنها. وبعد عنها بهدوء وملس علي خدها. ااااه يا هنا انا لو عليا كنت لفيت ورجعت اسكندرية تاني علشان استمتع بحضنك لاطول وقت ممكن بس اعمل ايه لازم نرجع. وابتدي يصحيها وهو بيملس علي خدها بحنية. هنا..هنا..حبيبتي اصحي احنا وصلنا

هنا: كانت اصلا صاحية من وقت كبير بس هي كمان كانت مستمتعة بحضنه ومش عايزة تبعد ولا تحسسه انها صحيت علشان متبعدش عن حضنه. كانت عايزة تشبع من حضنه وريحة عطره اللي بتحبه وبتعشقه.ابتديت تفتح عنيها

عدي: ابتسم. ايه يا روحي كل ده نوم. ده انتي كنتي جعانة نوم

هنا: قامت من حضنه وعدلت شعرها وهدومها. احمم اسفة لو كنت تعبتك. اكيد دراعك وجعك من نومي عليه الفترة دي كلها

عدي: ابتسم. يا نهار ابيض. يوجعني وانتي في حضني مستحيل. ده كان نفسي الطريق يطول اكتر من كدة علشان تفضلي في حضني واشبع من حضنك اللي حرماني منه. ربنا يسامحك. بس تعرفي مكنتش اعرف ان حضني حلو اوي كدة

هنا: بتحاول تداري ضحكتها. احم هوانا نمت من وقتها علي دراعك ليه ما رجعتنيش علي الكرسي.

عدي: قرب منها بلؤم. اولا مكنتيش علي دراعي كنتي في حضني. ثانيا ازاي اسيبك للكرسي يعني ما انا اولي . مش كفاية كنتي حرماني منك حتي مش عايزة تنامي معايا في اوضتي وبتنامي لوحدك. وكمان عايزة تقعدي هنا في شقتك مش معايا. يا ظالمة

هنا: عدي احنا اتفقنا. هما شهرين وكل واحد يروح لحاله ونطلق.

عدي: حب يلاعبها ويخوفها. اممم وانا مقولتش حاجة بس احب اقولك اني مش هطلق الا لما خد حقي الشرعي منك.

هنا: حطت ايديها في وسطها. نعم يا عنيا

عدي:ههههههه. اهدي هتفضحينا هو العرق الاسكندراني طفح ليه كدة

هنا:بتجز علي سنانها. هو انت لسة شوفت حاجة. ده انا هخنقك ايه اللي انت بتقوله ده انت مجنون.

عدي: وانا قولت ايه غريب مراتي وانا جوزك وده حقي.

هنا: عدي متخلنيش اكرهك

عدي: بغيظ قرب منها. بالعكس ده انتي هتحبيني اوي اوي. اوعدك

هنا: اتنرفزت. ده بعدك مش هيحصل

عدي: والله هنشوف واعملي حسابك. انا هسيبك الشهرين دول براحتك خالص. بس اليوم ال59. هيكون اليوم المنشود. يا حلوة يعني قبل طلاقك بيوم. احسبيها بقي من النهاردة واعرفي يوم دخلتك يا عروسة. غمزها وسبها ونزل وينزل الشنط من العربية

هنا: كانت متغاظة منه. وخبطت التابلوه بتاع العربية بإيديها. ماشي يا عدي بتتحداني ده بعدك والله ما هخليك تطول مني حاجة وهتشوف. الله يخربيتك فصلتني. من شوية كنت عاملي فيها عبد الحليم. ودلوقتي قلبت علي زكي رستم. بس علي مين مبقاش هنا بنت ام هنا ان ما ربيتك. ووريتك النجوم في عز الظهر انا بقي هوريك الشهرين دول هعمل فيك ايه. استني عليا

عدي: فتحلها باب العربية. هاه مش هنطلع بقي ولا ايه. وغمزها ومال عليها. ولا تحبي اجي جنبك ونكمل نوم هنا في العربية.

هنا: زقته وابتسمت بإستفزاز. هاهاها خفيف الظل اوي

عدي: ههههههه. ماشي مسيرك تقعي تحت ايدي يا قطة

هنا: طلعت لسانها وغاظته.ده بعينك وطلعت العمارة

عدي: عض علي شفايفه. أل اطلقها قال ده بعيد عن شنبها. حد يطلق العسسل ده. بس صاروخ بنت اللذينا. وحياتك عندي لالعبك صح ووريكي مين هو عدي.ونبتدي بأول لعبه لما تطلعي شقتك يا موزة. وطلع وراها وركبوا الاسانسير ووصله عند شققهم

هنا:اتفضل علي شقتك 

عدي: بمكر. ودي تيجي بردوا لازم ادخلك واطمن عليكي. افتحي الباب

هنا: فتحت الباب واتصدمت من اللي شافته������يا نهار مش فايت ايه ده

هنا لقت الشقة مقلوبة عاليها واطيها.العفش متجمع والسجاد والتحف وكل حاجة.

عدي: بتصنع المفاجأة. ايه ده هو في ايه

هنا: مش عارفة مين اللي هيكون عمل كدة. تفتكر صاحب الشقة

عدي: مش عارف بس ازاي مش من حقه يدخل وانتي مش موجودة. تعالي لما ندخل جوا ونشوف في ايه

ودخله لقوا الحمام الكبير متكسر ومتبهدل وكمان الحمام الخاص بأوضة هنا.

هنا : انا مش فاهمة في ايه

في الوقت ده تليفون عدي رن ...رعد

عدي: ايوة يا رعد......... ايه ازاي ده حصل وانت ليه مقولتليش من بدري...... وبص لهنا اه قولت ده عريس ومش لازم اشغله ماشي حصل خير ..... لا لا متقلقش ساعة بالكتير وهكون عندك سلام

هنا:في ايه ايه اللي حصل

عدي: ابدا. رعد بيقولي واحنا مسافرين. الدكتور اللي في الشقة اللي تحتك. اشتكي من الحمامات بيقول في مشكلة ورعد جه وجاب عمال علشان يشوفه في ايه وبيصلحوا

هنا: وهو رعد معاه مفتاح الشقة

عدي: كل واحد فينا سايب للتاني نسخة من مفاتيحه كاملة علشان الطوارئ.

هنا: بغضب. طيب والعمل اعمل ايه افرض صاحب الشقة زعل ولا اتكلم وكمان انا هصلح الحاجات دي ازاي

عدي: ده علي اساس انك متجوزة توتي. انتي ملكيش دعوة انا اللي هتصرف.

هنا: طيب هقعد فين

عدي: مش محتاجة ذكاء في شقتي طبعا

هنا: بعند لا طبعا انا هشوف شقة تانية اقعد فيها او اجحز في فندق

عدي: مسكها من دراعها. بقولك ايه لمي الدور احسنلك. انا في الاول وافقت انك تقعدي هنا علشان قولت جنبي وتحت عيني. لكن تقوليلي شقة تانية وفندق. اصحي يا ماما انتي مش متجوزة سوسن

هنا: بس اصل بعد الكلام اللي قولته في العربية مش مطمنالك

عدي: حاوطها بإيده من خصرها وقربها ليه. لا يا روحي اطمني. انا قولتلك مش انا اللي اغصبك. وكمان حددتلك يوم الدخلة واوعدك هيكون بمزاجك وعلي هواكي

هنا: زقته بغضب. انت بتتحداني يا عدي ماشي لما نشوف كلمة مين اللي هتمشي.

عدي: كلمتي انا يا روحي يالا قدامي علي شقتنا يا حلوة..

ودخلوا شقة عدي. وهنا مكنتش عايزة تقعد في الشقة علشان صور حلا اللي موجودة في كل مكان. اتنهدت واخدت نفس ودخلت

عدي: طيب دلوقتي مؤقتا هتنامي معايا في اوضتي لحد ما احضرلك اوضة علشان مفيش غير اوضتي والاوضة الصغيرة. والليڤينج والمكتب بتاعي.

هنا: بغيظ. عدي مش هنبتديها غلاسة. انا هنام لوحدي

عدي:بتصنع البرائة. والله مش غلاسة بس فعلا مفيش اوضة تانية

هنا: طيب وريني الاوضة الصغيرة دي الاول

عدي: بان عليه الضيق. هنا الاوضة دي مش هتنفعك

هنا: اشوفها الاول وبعدين ابقي احدد هتنفع ولا لا

عدي: وهو اصلا ماكنش عايزها تدخلها. طيب اتفضلي

دخلت هنا واتفاجأت لانها كانت اوضة بيبي فيها سرير بيبي ودولاب وكل احتياجات البيبي ولعب ودباديب. وكمان لقت عي الترابيزة اللي جنب السيرير اربع براويز في كل واحد صورة سونار لبيبي.

هنا: ابتلعت ريقها بصعوبة. انا مش فاهمة هو انت كنت مخلف من حلا

عدي: مسح وشه بضيق ووجع. وبلع ريقة بغصة. حلا كانت حامل في الشهر الرابع

هنا: دمعت. يعني هي ماتت وهي حامل

عدي: هز راسه. ايوة

هنا: وانت ازاي تنزلها البحر وهي حامل

عدي: هنا دي حاجة عدت وخلصت لو سمحتي متفتحيش معايا اي موضوع يخص حلا. حلا خلاص ماضي وانتهي. وانا عايز انساه. ومن بكرة هبعت حد يشيل الاوضة دي واجبلك اوضة جديدة ليكي هنا وهو خارج

هنا: عدي. استني

عدي: من غير ما يلف. اتنهد بنفاذ صبر. نعم

هنا: الاوضة دي محدش هيلمسها هتفضل زي ماهي. انا هقعد في الليڤينج

عدي: لفلها وهو مستغرب. مبقتش فاهمك ياهنا حقيقي مبقتش فاهمك. انا حروح اغير هدومي علشان اروح لرعد الشركة

هنا: بس انت منمتش طول الليل. وكمان سايق فترة طويلة ما ترتاح النهاردة

عدي: قرب منها وملس علي شعرها. انا راحتي في حاجة واحدة بس انتي. وباسها من جبينها. وخرج راح اوضته

وهنا فضلت تبص علي الاوضة وهي متألمة.

هنا: ليك حق يا عدي تفضل موجوع. اللي حصل مكانش سهل ده انت جبل علشان تتحمل ده كله. بس معلش استحملني شوية اللي انا بعمله ده زي كوي الجرح لازم اعمل كدة وابعد شوية واتعبك علشان تنشغل بيا وتنسي اللي حصلك.

وخرجت ودخلت الليڤنج. وقعدت تفكر .

وبعد شوية عدي خرج من اوضته بعد ما اخد حمام ولبس بس كان لسة مقفلش زراير قميصه. ودخل لهنا

عدي: ماشوفتيش تليفوني مش لاقيه

هنا: احمم. ثواني هقوم اشوفهولك.

عدي: لا لا خليكي انا حروح اشوفوا برا. وقرب منها.

عدي: قوليلي تحبي اجبلك غداء ايه معايا

هنا: اي حاجة مش هتفرق

عدي: تمام هشوف واكلمك قبل ما ارجع

هنا: اوك

عدي. كان متعمد يخرج كدة علشان هنا تعرف انه قلع سلسلة حلا اللي كان لابسها وهي زعلت. وهنا فعلا اخدت بالها انه قلعها

هنا: لما خرج ابتسمت. ده قلع السلسلة. معقول علشاني ولا يكون نسيها وهيرجع يلبسها تاني.

عدي: لبس هدومه كلها وهو خارج هنا ابقي شوفي الورقة اللي سايبهالك في اوضة البيبي. سلام

هنا: عقدت حاجبها. وجريت علي اوضة البيبي لقت ورقة وعليها السلسلة. فتحت الورقة.

عدي: انا فعلا قلعتها منستهاش ولا هرجع البسها تاني. وهتفضل في الاوضة دي ودي هتكون اوضة الماضي كل شئ يخص حلا او الماضي هحطه في الاوضة دي. انا عايزك انتي عايز هنا حبيبتي ومراتي. بحبببك

هنا:���� باست الجواب. وحضنته حبيبي يا ديدو. وعضت علي شفايفها. وبمكر بس بردوا لازم ادوخك لحد ما تفقد الذاكرة هههههه. بس بحببك والله بحبك

في شركة رعد. وفي مكتب رعد

رعد: هههههههه. والله البيت دي جدعة خليها تربيك

عدي: هههههه. والله ساعات بحس انها مجنونة كل ساعة بحال. بس مش مهم انا وراها والزمن طويل ده انا عدي يا حبيبي

رعد: طيب يا دونجوان. نرجع لشغلنا بقي

مروان: خبط ودخل. رعد بيه

رعد: تعالي يا مروان. مالك في ايه

مروان: متلخبط وخايف من رد فعل رعد لما يعرف اللي هيقوله

رعد: بقلق. مالك يا مروان انطق حصل ايه

مروان: بص لعدي. معلش ده موضوع يخص مدام مها ولازم نكون لوحدنا

رعد: بص لعدي. بس عدي مش غريب وعارف كل حاجة عني اتكلم

مروان: صدقني مينفعش

عدي: طيب يا رعد انا هستناك عند وليد برا. علشان نكمل كلامنا. عن اذنكم

رعد: بغضب هز راسه. وبص لمروان اتكلم مالها مها

مروان: بيبلع ريقه بصعوبة. حضرتك كنت عايز تعرف هي بتختفي فين

رعد: وعنيه بتطق شرار. انطق يا مروان

مروان: كانت بتنزل شقة تحت السنتر بتاعها. بتاعة واحد اسمه معتز

رعد: هجم علي مروان ومسكه من هدومه. انت بتقول ايه مها مراتي بتنزل شقة معتز ده ليه

مروان: سيادتك انا مليش ذنب ده اللي انا عرفته. هما علي علاقة مع بعض. وهي عنده دلوقتي

رعد: كان في حالة غضب وغل لا توصف اخد مسدسه ونزل زي المجنون

عدي: شافه خارج وهو مش شايف قدامه. رعد رعد. ماله يا مروان انت قولتله ايه

مروان: لازم نلحقه يا عدي بيه ليرتكب جناية

ونزلوا ورا رعد وعدي لحق رعد قبل مايطلع بعربيته وركب جنبه. ومروان ركب عربيته وطلع وراهم. ووصل رعد للعمارة اللي فيها سنتر مها وطلع عند شقة معتز. وضرب الكالون بالمسدس. ودخل يدور عليها لقاها مع معتز في اوضة النوم.

رعد كان مش مصدق اللي شافه كان ينتظر من مها اي حاجة غير الخيانة بالشكل ده. رعد رفع المسدس وضرب علي معتز اللي حاول يتفاداها ونط من علي السرير بس الرصاصة جرحت دراعه لكن مااصابتهوش. وحاول يجري ورعد مسكه وضربه ضرب قاتل . لحد لما وشه كله مش باين من الدم. ولف لمها اللي نصيبها من الغضب والضرب ميقلش عن معتز ويمكن كان اكتر بكتير. معتز جري وخرج من الشقة ومروان حاول يمنعه. لكن عدي منع مروان وخلي معتز يهرب

مروان: رعد بيه ممكن يقتلني لاني سيبته

عدي: انت مجنون انت مش شايف عمل فيه ايه لو خرج ولقاه هيقتله هنا وتبقي فضيحة. سيبه واحنا هنعرف نجيبه بطريقتنا ونخلص عليه في المخزن مش هنا

رعد: كان لسة في الاوضة بيضرب مها. واللي كسرلها دراعها كمان. وهي كانت هتموت من الالم والصريخ

رعد: ماسكها من شعرها. بقي يا كلبه ياحقيرة تخونيني انا انا رعد الحديدي تخونيني مع الكلب ده. ده انا اتجوزتك وانا مش طايقك يا سافله ومع ذالك كنت بديكي حقك وانا مش عايز ابص في وشك. وفي الاخر تخونيني ليه يا زبالة يا رخيصة. بس هقول ايه ما انتي تربية توفيق والله يا كلبة لرجعك لجدك بمنظرك ده علشان ازلك وجرها من شعرها وخرج بيها

مها: بتعيط ومش قادرة من كتر الضرب وماسكة دراعها وبتتألم. وبتتكلم بصعوبة. لا.. لا ب. لاش فضايح علشان خاطري

رعد: وانتي لسة شوفتي فضايح.

عدي: رعد مينفعش تنزلها كدة لابسها

اي حاجة كدة بجد هتبقي فضيخة ولو حد شافها وصورها بكرة هتلاقي الصور مغرقة النت كله انت هتتفضح معاها. اسمع كلامي وتعالي علي نفسك

رعد: سابها وزقها بعيد عنه وهي وقعت في الارض.

عدي: دخل جوا جابلها روب ولبسهولها. وشالها مروان هات العربية قصاد العمارة بسرعة.

رعد: نزلها اللي زي دي تتجر مش شعرها متتشالش

عدي: معلش ما انت شايف عملت فيها ايه وكمان عايزين الموضوع يبان انها تعبانة مش كتر.

ونزلوا العربية وعدي قعد مها علي الكنبة اللي ورا. وركب هو جنب رعد

ورعد طلع علي ڤيلة توفيق الحديدي. واول لما وصل. نزل وجر مها من شعرها ورفض ان عدي يشيلها تاني دخل بيها علي توفيق ورماها قصاده علي الارض

رعد: بأرف وغضب. حفيدتك عندك انا ميشرفنيش اني اخلي واحدة سافلة زيها علي زمتي. انتي طالق

توفيق: مصدوم. من شكل مها ولبسها وكمان الضرب اللي مضروباه. انت ازاي تعمل فيها كدة وليه طلقتها. ده انت جبت اخرك معايا يا رعد

رعد: بسخرية. اخري اخري انت لسة ما شوفتوش يا حديدي. اما ليه عملت فيها كدة فإسأل الهانم انا جبتها منين. جايبها من شقة واحد ومن حضنه وفي سريره.

توفيق: بص لمها. معقول يا مها نمتي عملتي كدة

مها: بتعيط. اشمعنا هو ماهو كمان مقضيها مع الزبالة همس

رعد: ضربها برجله بأرف. همس اشرف منك يا كلبة وبعدين دي مراتي مش مصاحبها يا واطية. ولعملكم انتم الاتنين همس مراتي وبجد واللي في بطنها ليا وليها ومن هنا ورايح مش عايز اعرفكم ولا يكون ليا بيكم اي صلة.

توفيق: يعني بجد طلعت بتحبها

رعد:ايوة بحبها واتجوزتها علشان بحبها مش علشان العملية.

توفيق: بغضب. كدة يبقي ترجعلي كل حاجة كتبتهالك

رعد: بسخرية هه. انت بتحلم انسي ولسة كمان انا هفضل وراك لحد لما اخليك تفلس وتسف التراب وادفعك تمن اللي عملته في امي زمان

توفيق: رعد انت مش قد اللعب معايا

رعد: هنشوف. مين اللي مش قد مين.

وخرج رعد وركب عربيته ومشي وهو مش طايق توفيق ولا مها.

في شركة حازم رشدي

حازم: انت اتجننت يا معتز جايلي علي هنا بالشكل ده

معتز:وهو بيتالم. اعمل ايه كنت هروح فين انا خايف يقتلني ده مجنون. انا كنت بسمع عن جبروته وخوف الناس منه. لكن مكنتش اتخيل انه بالشكل ده

حازم:بس هو عرف منين انا لسة كنت بحضرله الفضيحة. انا حتجنن

في عربية رعد.. تليفونه بيرن

رعد: عدي شوف مين انا مش فايق ارد علي حد.

عدي: دي غرام ... الو ايوة يا غرام لا انا عدي مش رعد خير في ايه

غرام: انا لازم اكلم رعد بيه بسرعة بخصوص موضوع مها مراته

عدي: بص لرعد. مها وانتي تعرفي موضوع مها منين

رعد: بصله بغضب واخد منه التليفون. ايوة يا غرام في ايه

غرام: في واحد اسمه معتز جه دلوقتي لحازم وشكله مضروب جامد. وعرفت ان حازم هو اللي كان زقه علي مها مراتك علشان يصورها معها وحازم يفضحك.

رعد: فرمل العربية بقوة. وهو بيجز علي سنانه. حازم ابن الكلب وديني لاقتله

غرام: بس حب اطمنك الڤيديوهات اللي ادهالي كلها انا مسحتها علشان تعرف اني علي وعدي معاك. المهم انت تمسح الڤيديو بتاعي

رعد: خلاص يا غرام مش وقتك. هنبقي نتكلم بعدين.

رعد: شوفت الكلب حازم هو اللي وراها وبعت معتز يشاغل مها ويصورها معاه كمان انا هروحله وهقتله

عدي: مسك ايده. اهدي واتقل. اللي زي حازم ده يتلعب معاه بنفس طريقته الوسخة. سيبهولي وانا هلبسه في الحيط ملكش دعوة انت

رعد: مسح وشه وشعره بغيظ.

عدي: بقولك ايه اطلع علي شقتك وروح لهمس. هي اللي هتخرجك من اللي انت فيه انت مبترتحش غير معاها

رعد: هز راسه عندك حق انا هروح علي هناك. وانت ابقي خد العربية. وارجع الشركة وابقي ابعتهالي مع مروان

عدي: تمام المهم حاول تهدي شوية

رعد: ان شاء الله اكيد ههدي لما اروح لهمس

.........................................

#يتبع....بعد اضافة ومتابعة لصفحتى الشخصية

❤️❤️❤️❤️❤️❤️❤️💜💜💜💜💜💜💜💜

#رحم_للايجار 

#الفصل_الثامن_والعشرون 

👇👇👇👇👇👇👇👇

في شقة همس.

همس بتكلم هنا في التليفون

همس: طيب والله حرام عليكي يا هنا صدقيني عدي بيحبك وكان باين عليه جدا.ده لما كان بيجي هنا وانتي مختفية كان زي المجنون من قلقه عليكي. ارحميه بقي

هنا: اتنهدت. وانا يا همس والله بحبه وانتي عارفة. بس صدقيني اللي انا بعمله ده هو الصح. عدي مش بسهولة ينسي الماضي واللي حصله مكنش سهل. لازم انسيه واحدة واحدة. لو انا سيبت نفسي وخلاص بقيت مراته. هيرجع يشوف فيا حلا. انا عايزاه يشوفني انا يعرفني انا يعرف بحب ايه بكره ايه. وقتها يتعلق بيا انا فاهمة ياهمس.

همس: اتنهدت. فاهمة يا اختي. ربنا يقويه عليكي انتي شكلك هتتعبيه اوي

هنا: والله انا بتعب نفسي معاه. تعرفي يا همس انا ببقي هموت وارمي نفسي في حضنه. وانسي كل حاجة بس بمنع نفسي علي اخر لحظة.

همس: بس انتي مش هتطلقي زي ما قولتي بعد شهرين مش كدة.

هنا:ههههههه. اطلق مين انا لازقة لامه مش هسيبه انا بس بقوله كدة. علشان اغيظه

همس:هههههه. بس هو اللي غاظك وحددلك معاد الدخلة

هنا: اسكتي ده وقع قلبي. تفتكري بيتكلم جد

همس: اممم. لا متهيألي اللي زي عدي ده ميعملش كدة. هو بس بيخوفك. وبعدين انا متأكدة. قبل الشهرين دول هتكوني سلمتي الرايا يا سكر

هنا: اممم. والله يتوقف عليه كل ما ينسي بسرعة. كل ما انا اقرب منه اكتر

همس: طيب ما تقوليلوا يشيل الصور اللي مضيقاكي دي

هنا: لا طبعا. زي ما قلع السلسلة لوحده. هو اللي لازم يشيل الصور لوحده. علشان هو عايز كدة مش علشان انا طلبت.

همس: هقولك ايه ربنا معاكي انا بس نفسي اشوفك مبسوطة

هنا: سيبك مني انا وقوليلي. عاملة ايه مع وحش الشاشة

همس: هههههههه. تعرفي انك بايخة. بقي رعد وحش . طيب ده مفيش احلي ولا اجمل ولا ارق من رعد حبيبي

هنا: تيرررا رار رارا. ايه يا عم الحب ده

همس: بهيام. حب ايه بس ده انا بعشقه. رعد حاجة كدة مفيش منه. اوقات مابصدقش ان هو رعد الحديدي اللي الناس بتترعب منه. هو هو اللي بيحبني ويدلعني. ااااه يا هنا رعد وراني دنيا تانية جديدة عليا. احلي واجمل من اللي اتمنيت اعيشها. بيعاملني اكني ملكة. عمره في يوم ما حسسني اني اقل منه. بالعكس مبيتحملش حد يقولي كلمة تزعلني انا مصدقتش اللي عمله في مها امبارح

هنا: اه يا همس ده اناهموت وكنت اشوفها بتاكل الالم ده وافرح فيها ام مناخير في السما دي محسساني انها من طينة غير البشر.

همس: عيطت. بس سمعتني كلام وحش اوي يا هنا واكتر حاجة وجعتني في كلامها. لما قالتلي اني رخيصة وبعت حته مني وانا والله يا هنا زي ما حكتلك. انا ايه اللي خلاني افكر في العملية من الاول

هنا: اهدي يا حبيبتي. متزعليش نفسك. هي غبية زي ماقال رعد وكفاية عليكي دفاع رعد عنك واللي عمله فيها علشانك

همس: مسحت دموعها. عندك حق رعد فعلا صالحني وبزيادة. مش قادرة اقولك من امبارح لحد لما نزل الصبح وهو بيدلعني جدا علشان انسي اللي حصل

هنا:بنبرة خبث. ويا تري نساكي اللي حصل

همس: ههههه. بس يا بايخة

هنا: ههههه خلاص خلاص هسكت اسيبك انا بقي وادخل اخد شاور

همس: ماشي يا جميل سلام

وقفلت همس مع هنا. وتليفونها رن برقم غريب.

همس: .... مين الرقم ده. وردت. الو

زينب: ايوة يا همس انا زينب

همس: زينب. ازيك بس ده مش رقمك

زينب: ابدا ده رقم جديد جبته وهكلمك منه

همس: بتردد. اه اه وماله. ان شاء الله

همس اصلا خايفة من رعد لانه حذرها من زينب وقالها متكلمهاش تاني وفي نفس الوقت مش عايزة تجرح زينب وتصدها.

زينب: مالك يا همس هو انا كلمتك في وقت مش مناسب ولا حاجة.

همس: ايه لا لا ابدا قوليلي مامتك عاملة ايه

زينب: الحمد لله. قوليلي انتي مبتسأليش عليا ليه

همس: عادي معلش انتي عارفة الحمل وتعبه

زينب: هو رعد بيه بيخليكي تتابعي الحمل مع مين

همس: ايه مع دكتورة

زينب: اسمها ايه وفين

في الوقت ده دخل رعد وشكله يغني عن السؤال عن حالته.

رعد:بتكلمي مين يا همس

همس: اتخضت واتفاجأت من دخول رعد وهي بتكلم زينب. اتلخبطت والتليفون وقع من ايديها من خوفها من رعد.

رعد: عقد حاجبه واستغرب من رد فعل همس. مالك يا همس

همس: ابتعلت ريقها بصعوبة. ايه ابدا مفيش.

رعد: اومال اتخضيتي ليه لما شوفتيني وكنتي بتكلمي مين

همس: خافت تقولوا زينب يزعقلها. كنت بكلم هبة اختي. وانا بس اتفاجأت بيك مش اكتر.

رعد: طيب سلميلي عليها.

همس: هزت راسها. حاضر. واخدت التليفون من الارض. ايوة يا هبة انا هبقي اكلمك تاني

زينب: هبة ده ايه. هو ده صوت رعد بيه مش كدة

همس: اه هو

زينب: طيب انا هقفل دلوقتي وهبقي اكلمك تاني

همس: ماشي مع السلامة

همس. قفلت مع زينب. وقربت من رعد. وهو كان ابتدا يقلع هدومه. وشكله متغير.

همس: مالك يا حبيبي. انت تعبان

رعد: بحدة. لا مفيش انا داخل اخد حمام

همس: طيب تحب احضرلك الغدا

رعد:لا مليش نفس. ودخل الحمام

همس: حطت ايديها علي قلبها. واخدت نفسها. يا رب. رعد شكله متعصب. معقول. يكون اخد باله اني متلخبطة

وفضلت قاعدة متوترة وخايفة لحد لما رعد خرج من الحمام

رعد: اخد باله انها خايفة منه من شكله وهو متعصب. قعد وبصلها ومدلها ايده

همس: ابتسمت ومدت ايديها.

رعد: اخدها وقعدها علي رجله ودفن راسه في حضنها. وغمض عنيه واتنهد

همس: حضنت راسه بحنية. وملست علي شعره. مالك يا حبيبي هو انا زعلتك في حاجة

رعد: لا يا روحي انا اسف مكنتش احب تشوفيني كدة بس اللي حصل النهاردة. كان صعب

همس: رفعت وشه ليها وحضته بإيديها. مالك ايه اللي حصل انا كدة قلقت عليك

رعد: باس ايديها و بحزن. مها خانتي يا همس عارفة يا عني ايه رعد الحديدي مراته تخونه.

همس: حطت ايديها علي بقها من الصدمة. مش ممكن مها تعمل كدة. وانت اتأكدت مايمكن تكون ظالمها.

رعد: ظالمها ازاي بس ده انا جبتها من شقته ومن حضنه يا همس

همس: بضيق. معلش اكيد الموضوع صعب عليك. مش سهل تشوف مراتك في وضع زي ده

رعد:فهمها. وبنفاذ صبر. همس غضبي دي مش حب لمها. فوقي

همس: بزعل. ليه هي مش مراتك. اومال زعلان ليه

رعد: ضمها ليه اكتر وابتسم. انا بحبك انتي. ولو كنت حبيت مها عمر ما كان هيكون ده رد فعلي وبس

اني اضربها علقة واكسر دراعها وخلاص كان هيبقي اكتر من كدة بكتير

همس: بفزع. ههههو انت ضربتها وكسرت دراعها

رعد: بسخرية. دي علقة بسيطة يا دوب تنيمها في السرير. شهر مش اكتر. انا موتي وسمي الكدب و الخيانة والغدر مبتهاونش فيهم. خصوصا لو حد بحبه وخاني

همس: برعب. هو انت لو كنت بتحبها وعملت كدة كنت هتعمل ايه.

رعد: ابتسم بشر. وبصوت هادي لكن يرعب. كنت دفنتها حية

همس: ابتلعت ريقها بصعوبة. انت بتتكلم جد

رعد: بجدية. طبعا بتكلم جد. وبصلها بتمعن. وبعدين ملس علي خدها. تعرفي لو انتي مكانها كان زمانك في قبرك دلوقتي

همس: قلبها دق من الخوف من كلامه. اااانا مممستحيل طبعا

رعد: ابتسم وحضنها. طيب اهدي انتي بتترعشي ليه كدة

همس: عيطت. اصلك شكلك وكلامك يخوف

رعد. ضمها اكتر وقام وشالها معاه. وراح بيها للسرير. واخدها في حضنه.

رعد: ودفن راسه في رقبتها وباسها بهدوء. وبصوت خافت. لازم تخافي علشان متغلطيش. لاني مش هتهاون معاكي يا همس لو خنتي. علي قد حبي ليكي علي قد العذاب اللي هتشوفيه لو ده حصل

همس: من الخوف اللي في كلامه جسمها بيترعش. وحاست بألم في معدتها وقامت تجري علي الحمام. ورجعت كتير

رعد: اتخض عليها وراح وراها. وساندها. مالك يا همس في ايه

همس: بوهن وضعف. لا ابدا بس تعبت شوية

رعد: اخدها في حضنه. طيب تعالي انتي شكلك محتاجة ترتاحي.

همس: وهي خارجة. حاست انها هتقع

رعد: لحقها وشالها. بقلق. مالك يا روحي فيكي ايه تحبي اوديكي للدكتورة

همس: لا انا كويسة متقلقش

همس معملتش حاجة تخليها تخاف من رعد. لكن هي اصلا كانت بتخاف منه ومن قسوته وجبروته اللي كانت شايفاهم من اول ما عرفته. هو اينعم حبها وغرقها حنيه وحب ودلع. لكن لسة لما بتشوف قسوته بتخاف حتي لو القسوة دي مش عليها. مجرد شكله وغضبه بيخوفها. كمان كلامه انه مش هيرحمها لو كذبت او خانت. هي مش هتخون بس ممكن تكدب لاي سبب. وده اللي كان رعبها منه.

رعد: حاس انها خافت منه. اتضايق هو مش عايز يخوفها ومش عارف ليه قالها كدة. هي ملهاش ذنب في خيانة مها علشان يرعبها بالشكل ده. فاحب يغير الكلام ويهديها.

رعد: وهي في حضنه وبيملس علي شعرها بحنان. علي فكرة يا هموسة. انا عايز اقولك خبر هيفرحك

همس: خبر ايه

رعد: انا خلاص قولت لتوفيق انك مراتي بجد وانه ملوش حق في ولادنا. واني مش هطلقك. يعني خلاص عرف كل حاجة. وهلعب معاه علي المكشوف. وانتي هتبعدي عن اللعبة دي نهائي. وكمان هعلن جوازنا و هتكوني مراتي قدام الناس كلها

همس: رفعت راسها من حضنه بفرحة. وابتسمت بسعادة. بتتكلم جد معقول

رعد: ابتسم. لانه رجعها تبتسم. اه يا قلبي بتكلم جد. كل ده غير المفاجاة اللي بحضرلهالك

همس: اللي كانت فعلا نسيت خوفها وفرحت زي الاطفال. لانها فعلا بريئة وقلبها ابيض ومبتعرفش تتلون. بيبان عليها فرحها زي مابيبان عليها خوفها

همس: مفاجأة ايه

رعد:بخبث. تؤتؤ مش هقول.

همس: وحياتي يا رودي لتقول

رعد: نعم يا اختي مين رودي ده

همس: بمكر. انت يا حبيبي

رعد: بسخرية. بقي رعد الحديدي بقي رودي. عجايب

همس: بغضب طفولي. ايه بدلعك مش من حقي

رعد: لا يا حبيبتي من حقك بس تدلعيني ترقصيلي تغنيلي. لكن مش تقوليلي رودي. انسي يا ماما

همس: بس هو عجبني باس هاه

رعد:طيب لو قولتيه تاني هحدفك من الشباك ده

همس: طلعت لسنها بتغيظه. هقوله

رعد: شدها لحضنه وهو بيضحك. ههههههه. والله انتي هتجننيني. بس اعمل ايه بحبك يا مجنونة

همس: طيب قول للمجنونة بقي علي المفاجأة

رعد: اممم. مصممة

همس: هزت راسها. اه مصممة

رعد: اتنهد. انا يا سيتي بجهزلك قصرك اللي هنعيش فيه سوا

همس: فتحت عنيها بعدم استيعاب. قصر قصر ايه

رعد: وهو بيلمس علي خدها وبرقة. هو مش انتي قولتي انك شبه سندريلا واتجوزتي الامير

همس: اه قولت كدة

رعد: طيب الامير بقي كان عايش مع سندريلا فين مش في القصر بتاعه انا بقي بجهزلك القصر بتاعك يا سندريلا

همس: قامت من السرير وقعدت علي ركبتها. حقيقي اللي بتقوله ده. انا همس هعيش في قصر ده انا بتوه في الشقة دي. تقوم تقولي قصر. ده انت وقتها. ممكن تقعد تدور عليا يوم بحالو

رعد: ضحك لما عنيه دمعت. ههههههههه يخرب عقلك ضحكتيني . ليه يا حبيبتي بس . عموما متقلقيش انا معاكي وهحفظك الطريق

همس: بتفكير. امممم. انت وقتها. تعملي خريطة زي بتاعة الكنز كدة علشان لما اتوه اعرف ارجع

رعد: ههههههههه. يا بنتي انتي محسساني اني هعيشك في جزيرة ده قصر عادي.

همس:عادي بالنسبة ليك مش ليا. واتعلقت في رقبته. انا بحبك اوي اوي

رعد: ابتسم. وانا بحبك اوي اوي اوي. تعرفي عدي كان عنده حق لما قالي اجيلك علشان انتي اللي بتنسيني الدنيا بحالها وانا معاكي

همس: ابتسمت. هو قالك كدة. والله عدي ده عسل

رعد: وشه اتقلب. وبصلها وعنيه اكنها سوادها زاد لدرجة تخوف. ومسك دراعها وضغط عليه. هو مين ده اللي عسل

همس: خافت وبلعت ريقها بصعوبة. ااانا اسفة والله مش اقصد اهدي متزعلش

رعد: اياك تتكرر وتقولي كدة تاني علي اي راجل فاهمة

همس: بألم من وجع دراعها. حاضر حاضر اسفة والله وعنيها دمعت

رعد: اتنهد بعصبية لما شافها دمعت وكمان شاف ايده وهي ضاغطة علي دراعها ساب ايده

همس: مسكت دراعها وفضلت تدلكه من اثار قبضته عليه

رعد: بصلها وقرب منها

همس: خافت ورجعت بجسمها لورا

رعد: غمض عنيه بضيق لانه كل شوية يخوفها من ساعة ما رجع وهي اللي بتاخد صدمه غضبه وهي ملهاش ذنب

رعد: مسك دراعها. ودلكه وقرب من العلامة اللي مكان ايده وباسها. اسف يا همس مكنتش اقصد

همس: بدموع. انت رجعت تخوفني منك ليه.

رعد: ضمها لصدره بقوة وغمض عنيه. علشان بحبك بحبك يا همس. ومش متخيل انك تعجبي براجل غيري او انك تكوني بدل مها انا ممكن انتهي لو ده حصل

همس: بس انا مش مها. انا همس انا مش ممكن اخونك والله مش ممكن

رعد: اخدها وهي في حضنه ونام. معلش انا اسف اني انفعلت بس اوعي تمدحي راجل غيري قصادي ولا حتي بينك وبين نفسك. فاهمة

همس: فاهمة.

رعد: رفع وشها ليه وبص في عنيها بحب. زعلانة

همس: بصتله بحب وعشق. هي اه بتخاف منه لكن بتحبه وبتعشقه وبتنسي اي خوف لحظة لما بتشوف في عنيه الحب والشوق ليها

همس: تؤتؤ مش زعلانة علشان بحبك

وبموت فيك.

رعد: ملس علي شفايفها برغبة. انتي ليا ليا انا وبس ومش عايز شفايفك دي تقول كلمة حلوة في حق اي راجل غيري. ومال عليها وباسها بقوة وهو اكنه بيمحي اثر كلمتها علي عدي

همس: بتاخد نفسها. انت بجد مجنون

رعد: ابتسم. لسة الجنان جاي. تعالي بقي وانا هوريكي الجنان شكله ايه.......

في ڤيلا الحديدي

في اوضة مها. مها نايمة في السرير وجنبها الدكتور والممرضة والدكتور جبسلها دراعها. و لفلها الجروح اللي في جسمها ووشها.

الدكتور: يا ريت يا توفيق باشا الهانم ترتاح وتاكل كويس علشان الكسر يلم بسرعة.

توفيق: هز راسه وبص للشغالة. وصلي الدكتور.

وخرج الدكتور والممرضة وتوفيق قرب من مها وبغضب.

توفيق: انا حقيقي مش مصدق. اللي انتي عملتيه.

مها: دارت وشها وببجاحة مستفزة. انا كنت باخد حقي مش اكتر

توفيق: بصدمه. حقك حق ايه كان ناقصك ايه علشان تعملي كدة. ده انتي كنتي متجوزة راجل ستات مصر كلها بتحسدك عليه

مها: بسخرية. انت بتشكر فيه وبتدافع عنه

توفيق: انا بقولك الحقيقة اللي انتي مكنيش شايفاها. وللاسف بغبائك وجريك ورا شهوتك ضيعتي كل حاجة. رعد كان بيلعب من تحت الترابيزة. لكن بعملتك دي هيلاعبني في وشي. ورعد بقي غول وقوي ومنافس مش سهل. وعارف عني كل صغيرة وكبيرة. وانا لسة هشوف هعمل معاه ايه

مها: بقوة. انا اول لما اخف وعدتي تخلص هتجوز معتز

توفيق: انتي اكيد مجنونة. وعموما متحلميش. رعد خلص عليه

مها: شهقت من صدمتها. وانهارت. قتله قتله ليه. المفتري والله لقتله واخلص منه ربنا ياخده ليه قتله ده كان بيحبني

توفيق: لو كان بيحبك ماكنش خلاكي تخوني جوزك. وكمان يصورك معاه

مها: انت بتقول ايه

توفيق: ده اللي عرفته. انسي وفوقي لنفسك. انا هسيبك ترتاحي

ونزل توفيق وساب مها بتعيط

في مكتب توفيق في الڤيلا

توفيق: هاه يا امين خلصت عليه

امين: تمام يا باشا. احنا عرفنا كمان مين اللي كان وراه. حازم رشدي

توفيق: بغيظ. حازم يعني كان عايز يضرب رعد. يقوم يفضح حفيدتي ماشي. ورعد بقي عرف

امين: ايوة

توفيق: تمام سيبه لرعد هو هيخلص منه. المهم الكلب اللي اتجرأ ولمس مها وصورها مات. دلوقتي بقي عايزين نجهز القلم اللي هيوجع رعد. همس

في المساء في شقة عدي.

عدي وهنا في الليڤنج

هنا: عادي اللي زي مها دي ممكن تعمل اي حاجة. بس رعد زعلان ليه هو اصلا مش بيحبها واهي غارت في داهية

عدي: رجع بظهره علي الكنبة وشبك ايده ورا راسه واتنهد. الموضوع مش حب. ده غضب رجولي اي راجل مهما كان مش بيحب مراتوا وتخونه لازم رجولته تنجرح. بس انا متاكد ان همس هتنسيه كل حاجة

هنا: بغيرة. اشمعنا يعني ليه متأكد

عدي: حاس بغيرتها وحب يجننها. اصل بصراحة همس دي تنطق الحجر. جمالها يجنن والا رقتها ودلعها دي لما بتتكلم بتخلي الواحد ينسي اسمه

هنا: وشها احمر واتغاظت. بقي كدة طيب وربنا لقول لرعد واخليه يفرغ مسدسه كله في دماغك

عدي: رفع كتفه ببرائة. وانا قولت حاجة غلط. دي حقيقه. همس انثي ذات انوثة متفجرة. مش زي ناس. راسمه دور اللمبي

هنا: بعصبيه. لمبي انا لمبي

عدي: متحملش شكلها. هههههههههه. بصراحة اه

هنا: جريت عليه وزقته علي الكنبة وضربته.

عدي: ضحك ووقع علي ظهره واخدها معاه. وفجأة بطل ضحك لما لاقاها في الوضع ده وقريبة منه ومع انها كانت متنرفزة. وعمالة تعافر وتضربه وتزعق . بس هو مكنش مركز غير في جمالها وخصل شعرها البني اللي لون الشيكولاته نازلة علي عنيها. شالها بإيده.

هنا: انتبهدت لتوهانه في عنيها لما عمل كدة. وهي كمان سرحت في عنيه واتمنت اللحظة دي متنتهيش

عدي:قرب رقبتها منه بحركة مفاجأة. وباسها بشغف وشوق قوي جدا.

هنا: اتجاوبت معاه ونسيت اي كلام وتحذير كانت بتحذر بيه نفسها من قربها منه.

عدي: زاد من قربه منها وحضنها وخلاها هي اللي في مكانه ونسي هو كمان اي وعد وعده ليها. وكان بيحاول يشبع من قربها منه في لحظة جنون

هنا: لقت انه ممكن كل حاجة تنتهي في لحظة وتسلم ليه. حاولت تبعده

هنا: عدي كفاية. ابعد ارجوك

عدي: بصوت مجهد. لا مش قادر هنا انا محتاجلك قوي بجد كفاية بقي

هنا: عدي لو سامحت متخلنيش اكرهك. مش بالغصب

عدي: بعد عنها بغضب. غصب يا هنا تاني غصب. ماشي انا هبعد ومش هقرب منك تاني ولا حتي بعد شهرين. وسابها وراح أوضته وهو متعصب

هنا: قامت وقعدت.اوففف هو انا ليه الدنيا كل شوية تبوظ مني. بس انا مش هقدر اسيبه ينام زعلان.

وراحت لعدي في اوضته ولقته بيشرب سجاير بشراهة. قربت منه واخدت منه السيجارة وطافتها

عدي: بعصبيه. ايه اللي عملتيه ده. وايه اللي جابك هنا اتفضلي روحي نامي ودالها ظهره

هنا: قربت وحضنته من ظهره

عدي: استغرب. وبسخرية ايه مش خايفة اغتصبك وانتي جايالي اوضتي

هنا: لفت وبقت في وشه وحضنة وشه بإيديها. انا عمري ماخوفت منك.

عدي: ملامحه لانت. اومال ليه بتعملي كدة

هنا: هو مش كل عروسة من حقها فترة خطوبة. وانا لا اتخطبت ولا حتي اتعملي فرح

عدي: حاوطها بإيده. وبحنيه. انتي عايزة فرح

هنا: هزت راسها بلأ. انا عايزة بس اقرب منك براحتي وتحبني وتقرب مني واحدة واحدة. كتير عليا

عدي: ملس علي خدها بحب. لا يا حبيبتي مش كتير. يعني نعتبر نفسنا مخطوبين لحين تحديد معاد للجواز

هنا: هههههه. بالظبط كدة

عدي: اتنهد وابتسم. وانا موافق. بس عندي طلب صغير ممكن

هنا: طلب ايه

عدي: عايز انام  النهاردة وانتي في حضني ووالله مش هتهور

هنا: شاورت بصباعها بتحذير. حضن بس

عدي: ببرأة هز راسه. حضن بس

هنا: بس انا مش هنام هنا في اوضتك ومتسألنيش عن السبب

عدي: خلاص ننام مع بعض في الليڤنج. الكنب هناك اصلا كبير تعالي

وفعلا راحوا الليڤينج. وقربه كنبتين قصاد بعض وعدي اخد هنا في حضنه واتنهد براحة. ودفن راسه في شعرها ونام براحة وسعادة

وهنا كمان ابتسمت واخدت نفسها في حضنه ونامت مبسوطة.

............................

#يتبع.......بعد 👇👇👇👇👇

#اضافة_ومتابعة_لصفحتى_الشخصية_علشان_نكمل_النشر

رحم للايجار 

#الفصل_التاسع_والعشرون_والفصل_الثلاثون

👇👇👇👇👇👇

وعدي اسبوع و رعد كان بيحاول ينسي اللي حصل ويجهز لهمس القصر بتاعهم وكمان كان بيحاول ينسيها نرفزته وغضبه في اليوم اياه.

اما عدي فكان علي وعده لهنا وجابلها اوضة نوم جديدة ليها. وهو بينام في أوضته ونزلت كمان معاه الشركة الاسبوع اللي فات كله. وابتدت الحدة اللي كانت في تعامل هنا مع عدي تقل ورجعت تتعامل معاه عادي ورجعوا يهزروا ويضحكو زي زمان. واوقات عدي بالليل كان مش بيعرف ينام مشتاق لحضن هنا. كان يتسحب براحة ويدخل اوضتها وهي نايمة. ويدخل وراها ويحضنها وينام. واول لما يصحي الصبح يقوم ويرجع اوضته قبل ما هنا تصحي. بس اللي ميعرفوش انها كانت بتكون صاحية وحاسة بيه بس مكنتش بتبين.

وفي يوم في شركة رعد. وفي مكتب رعد

رعد وعدي بيتكلمه في الشغل

رعد: تمام بس المناقسة اللي جاية دي لازم ناخدها من توفيق.

عدي: اكيد هناخدها متقلقش

رعد: قولي لسة مروان ملقاش الكلب اللي اسمه معتز

عدي: لا لقناه بس خلاص. مات توفيق موته. بعت رجالتوا وقتلوه

رعد: بسخرية. هه قال يعني عنده نخوة.

عدي: متنساش انها حفيدته بردوا

رعد: بغضب. يتحرقه الاتنين. انا خلاص مش طايقهم ولا عايز اجيب سيرتهم. قولي المحامي عمل ايه في اللي طلبته منه

عدي: تمام خلص كل حاجة. وبعتنا الرجالة وقفله السنتر بتاع مها. ووقفنا الفيزا بتاعتها

رعد: رجع ظهره علي الكرسي وبكبرياء. خلي بقي جدها يصرف عليها. ويفتحلها سنتر علي حسابه. قولي هو الراجل بتاع بنك لندن كلمك

عدي: ايوة. وبيقول ان توفيق حول من حسابه اللي هناك مبلغ كبير. علشان نقص السيولة هنا

رعد: ابتسم بمكر. ولسة لما اولعله في المخازن بتاعته. هيقول حقي برقبتي

عدي: انت شادد السلخ عليه وده مش صح يا واش يا واش

رعد: مين قالك كدة. احسن حاجة تضرب علي الحديد وهو سخن

عدي: اتنهد. ماشي كلامك. ماشي كلامك. قولي بقي همس عاملة ايه

رعد: بصله بغضب. وانت بتسأل علي همس ليه

عدي: عادي ما انا دايما بسأل عليها مالك

رعد: احمم. لا ابدا هي كويسة

عدي: طيب مش ناوي تعزمني علي الغدا بصراحة همس نفسها في الاكل يجنن

رعد: اتنفض بعصبية. ما تتلم ياعدي احسنلك

عدي: استغرب وبعتاب. في ايه يا رعد انت بتغير علي همس مني

رعد: بحدة. انت عارف الا همس لو ابويا هغير عليها منه

عدي: مين امتي. ما انت من وقت ما عرفتها وانا بتكلم عنها عادي. انت اللي بقالك اسبوع من يوم حادثة مها وانت بقيت شكاك بزيادة. بس مش انا يا رعد مش عدي. وهمس دي اختي. وعموما انا اسف عن اذنك

رعد: حس انه فعلا مزودها مع همس ومش متحمل كلام عدي عليها وخايف تخونه هي كمان. وكمان حس انه زعل صاحبه. عدي استني. وقرب منه وطبطب علي كتفه. متزعلش حقك عليا انت شايف اللي حصل مش سهل

عدي: اتنهد. عارف وعذرك. بس حاول تهدي انت. بطريقتك دي هتخسر همس.

رعد: مسح وشه وشعره بضيق. عندك حق. المهم جهزت للعشاء بتاع الوفد الايطالي

عدي: ايوة بعد بكرة ان شاء الله. همس جاية معاك

رعد: ايوة طبعا جاية. وانت هنا هتيجي مش كدة

عدي: ايوة جاية. طيب اسيبك انا بقي

رعد: عدي

عدي: نعم

رعد: حط ايده في جيبه. ابقي تعالي اتعشا معانا الليلة. وكمل بحزم. انت وهنا مفهوم

عدي: فهمه. هههههههه ماشي يا غيار هاجي بالعند فيك. ولعلمك همس اكلها تحفة

رعد: جز علي سنانه. عدي

عدي: خرج بسرعة من قدامه. وراح مكتب هنا ودخلها

هنا: اهلا خير

عدي: ابتسم. وقرب من المكتب وحشتيني

هنا: زقته. اتلم احنا في الشغل

عدي: شدها لحضنه. وهو في احلي من الشغل

هنا: زقته تاني. ابعد يا مجنون

عدي: ههههههه خلاص هسيبك بس علشان ننزل بسرعة

هنا: علي فين

عدي: بزهق. يا مرارك يا عدي. بقالك اسبوع كل يوم تسألي نفس السؤال واجاوبك نفس الاجاية هنتغدا يا هنا

هنا: ههههههه طيب ما انا عارفة بس بغلس عليك

عدي: ها ها خفة. قدامي يا ختي

في مطعم قريب من الشركة.

عدي: هاه يا روحي تاخدي ايه

هنا: اممم بيكاته ورز وسلطة

عدي: ابتسم. وانا زيك.

وطلب ليهم الغدا وهما بيتغدوا

عدي:قوليلي هننزل نجيب فستانك امتي

هنا: تقصد علشان العشاء بتاع الوڤد الايطالي

عدي: ايوة. مفيش وقت انا حجزت بعد بكرة. الناس خلصه شغلهم ومسافرين اخر الاسبوع ولازم نعزمهم قبل ما يسافروا وكمان نخلص باقي الاتفاقات

هنا: بتردد. بس انا عايزة انزل لوحدي من غيرك

عدي: نعم ليه بقي

هنا: ابدا عايزة اختار والف براحتي

عدي: يا بنتي انا هخدك لاكبر ديزاين في البلد تختاري من عنده اللي يعجبك

هنا: ممكن تسيبني علي راحتي

عدي: اتنهد بزهق. هو مش عايز يخنقها. خلاص براحتك بس تنجزي علشان مفيش وقت.

هنا: ابتسمت. حاضر متقلقش

عدي: طلع محفظته. وخرج الڤيزا بتاعته. وقربها من هنا. اتفضلي خليها معاكي

هنا:لاانا معايا فلوس

عدي: بحزم. هنا اخلصي

هنا: انت خلقك بقي ضيق ليه كدة. واخدتها. بس انت ممكن تحتاجها

عدي: لا متقلقيش انا معايا غيرها. تجيبي اللي يعجبك وملكيش دعوة بالفلوس مفهوم

هنا: حاضر وابتسمت. وبصتله بإعجاب واتنهدت وكلمت نفسها. اااااه بحبك ياابن اللذينا اوي

عدي: بصلها بمكر وابتسم. وانا كمان بحبك يا روحي

هنا: تنحت. وانت عرفت منين اني

عدي: مسك ايديها وباسها وبص في عنيها. عنيكي قالت بحبك

هنا: ابتسمت واتكسفت.هو انا علي طول عنيا فضحاني كدة

عدي: يالا خلصي اكل علشان نرجع الشركة.

هنا: خلاص انا خلصت. يالا بينا

عدي: يالا يا روحي

واخدها عدي ورجعوا الشركة.

في ڤيلا توفيق الحديدي

مها: هاه يا زينب عملتي ايه مع همس

زينب: زي ما حضرتك قولتي تمام كل يوم بكلمها واقعد ارغي معاها في اي كلام. انا كمان حسيت انها مخبية علي رعد بيه انها بتكلمني. ولما بيدخل وانا بكلمها بتقولي يا هبة

مها: ابتسمت بخبث. دي كدة هتحلو اوي. خليكي علي كدة انا لازم اخليه يفتكر انها بتخونه. خصوصا لما يعرف ان الرقم ده بتاع ابراهيم. قوليلي عرفتي ابراهيم. ان انا عايزاه

زينب: ايوة بس اا

مها: بس ايه

زينب: بصراحة خايف من رعد بيه

مها: لا طمنيه وقوليله ان توفيق باشا الحديدي هو. اللي هيحميه بنفسه المهم خليه كل يوم يروح العنوان بتاع همس ويتعمد يخلي رعد يشوفه وهو راجع علشان .

لما يحصل اللي انا عايزاه. رعد يتأكد انها كانت بتخونه.

زينب: بخبث. بس هو ايه اللي عمل في حضرتك كدة. هو انتي عاملتي حادثة.

مها: بعصبية. وانتي مال اهلك انتي تنفذي اللي اقوله وبس ومتسأليش عن اللي ميخصكيش مفهوم.

زينب: بطمع. بس زي ما حضرتك وعتيني انا 200 الف وإبراهيم 200 الف

مها: بغل وحقد. يحصل بس اللي انا عايزاه وانا كمان ادفعلك اكتر. يالا قومي دلوقتي وابقي بلغيني بكل حاجة اول بأول

زينب: من عنيا سلام. ومشيت زينب

مها: ماشي يا رعد مش ضربتني وطلقتني وكمان اخدت مني السنتر. وبسخرية وفاكر ان همس اشرف مني. مبقاش انا مها لو مخليتك تشوف نفس المشهد تاني لكن هتكون همس هي اللي مكاني ولما اشوف هتعمل ايه وقتها. انا لازم اقهرك واكسرك

في المساء في شقة رعد وهمس

رعد وهمس وعدي وهنا قاعدين علي السفرة.

عدي: بجد تسلم ايدك يا همس الاكل جنان انتي نفسك في الاكل فظيع

همس: بخوف من رعد وهو باصة في طبقها. احمم متشكرة اوي

رعد: بص لعدي بغضب وداس علي رجله

عدي: اي

هنا: مالك في ايه

عدي: احمم ابدا شرقت بس. وبص لرعد بغيظ ومال عليه. ما تهدي البنت هموت من الرعب منك حرام عليك

رعد: بيجز علي سنانه. وانت مالك مراتي وانا حر فيها واتلم وبطل تشكر فيها بدل ما تروح علي نقالة النهاردة

عدي: لا وعلي ايه انا لسة عريس ومحتاج صحتي يا اخويا. المهم خف عليها شوية

وبعد العشاء همس وهنا جابوا كيك بردوا همس اللي عمالاه

رعد: مسك ايديها وباسها وابتسم. تسلم ايدك يا روحي تعبناكي اوي النهاردة

همس: ابتسمت. ولا تعب ولا حاجة انت تؤمر يا حبيبي

هنا: قوليلي يا همس جبيتي فستانك ولا لسة

همس: لا رعد هو اللي بيجيب الحاجات دي انا مش بنقي حاجة

عدي: مال علي هنا. شايفة الرقة

هنا: ذغدته في كتفه. احمم يعني انتي مش هتنقي حتي فستانك

همس: ابتسمت ومسكت ايد رعد. انا بثق في زوق رعد من وقت ما عرفته وهو اللي بيختارلي كل حاجة

رعد: ابتسم وحاوطها بإيده وباسها من خدها. حبيبة قلب رعد. وانا اوعدك بأحلي فستان هتكوني ملكة

همس: وانا متأكدة من كدة

عدي: وشوش هنا. ادي الستات مش تقوليلي عايزة انزل لوحدي. اهي بتسمع كلامه وهي مبسوطة

هنا:بغيظ. همس كنت عايزاكي جوا شوية

همس: حاضر تعالي. عن اذنك يا حبيبي

رعد: وشوشها. متتأخريش عليا بتوحشيني

همس: ابتسمت وهي مكسوفة. ودخلت مع هنا الاوضة

هنا: ممكن اعرف انتي ليه بتخافي من رعد كدة

همس: انا بحبه ومش بحب ازعله

هنا: بس ده لاغي شخصيتك هو اللي بيتحكم فيكي وفي كل شئ يخصك.

همس: بخوف. انا مقدرش ازعله ولا اقوله لا انتي اصلك متعرفيش رعد. ده كان هيكسر دراعي لمجرد اني شكرت في عدي قصاده

هنا: بس كدة مش هينفع. انتي كدة اكنك ملك ليه مش زوجة

همس: مش مهم المهم اني طول ما انا بسمع كلامه بيبقي حنين ورقيق. لكن لما بيتعصب. بيكون واحد تاني يرعب يا هنا. المهم. سيبك من كل ده انا فيه موضوع كنت عايزة اخد رايك فيه علشان محتارة وخايفة من رعد لو عرف

هنا: تاني خايفة. قولي موضوع ايه

همس: فاكرة زينب صاحبتي اللي كلمتك عنها قبل كدة

هنا: ايوة مش دي الممرضة

همس: ايوة هي. رعد مانعني اكلمها. وهي بتتصل بيا وانا بصراحة مش عايزة اصدها دي مهما كانت صاحبتي من زمان وياما وقفت معايا هي ومامتها وفتحولي بيتهم. لما كان منصور بيضايقني.

هنا: وهو رعد ليه مانعك تكلميها

همس: مش عارفة مقليش ليه. بس والله دي بنت غلبانة وبتحبني

هنا: بقولك ايه كلميها دي صاحبتك انتي مبتعمليش حاجة غلط. ولو علي رعد. متقوليلوش حاجة ولما تحبي تكلميها كلميها وهو مش موجود

همس: طيب تفتكري لو عرف ممكن يعمل ايه هيعديها ولا ايه

هنا: يا بنتي انتي مكبرة الموضوع ليه دي حاجة عادية جدا

همس: طيب تعالي نخرجلهم احسن يقلقوا

وكملوا سهرتهم وعدي وهنا رجعوا بيتهم.

رعد: قاعد في السرير مستني همس تخرج من الحمام

همس: اخدت حمام وخرجت وقعدت قصاد المرايا تسرح شعرها

رعد: ابتسم وقام ووقف وراها واخد الفرشة وابتدا يسرح لهمس شعرها

همس: ابتسمت. هو انت هتسرحلي كمان

رعد: وهو بيسرحلها وبيبصلها بحنية. همس انا مش عايزك تكوني زعلانة مني بسبب غيرتي عليكي. صدقيني انا مش بتحكم فيكي انا بحبك والله بحبك

همس: قامت وحضنته. لا يا حبيبي مش زعلانة انا عارفة انك بتحبني. بس كل اللي بطلبه انك تهدي شوية وتثق فيا مش اكتر

رعد: ضمها اكتر واتنهد. تعرفي انا لو عليا اخبيكي بين ضلوعي ومخليش حد يشوفك انا عايز جمالك ورقتك دي ليا انا وبس

همس: انا عايزة انام

رعد: حاضر تعالي يا روحي. وشالها واخدها في حضنه ونام

في شقة عدي

عدي: عمال يتقلب مش عارف ينام. قام وفتح أوضة هنا واتسحب وراح نام جنبها. وحضنها وابتسم وغمض عينيه

هنا: فتحت عنيها وابتسمت. ونامت لانها هي كمان اتعودت تنام في حضنه

وعدي يومين وجه يوم العشاء بتاع الوڤد الايطالي.

في شقة رعد. همس لبست الفستان اللي رعد جابهولها. وكان فستان باللون الجولد و عليه حجاب ستان وجابلها ميكب ارتسيت وجهزتها وكانت جميلة وزي الاميرات

رعد: اول لما شافها ابتسم ابتسامة واسعة وكلها اعجاب.  تحفة ايه الجمال ده بس

همس: بتبص لنفسها وبتدور حاولين نفسها ومبتسمه. بجد حلوة

رعد: قرب منها وباس ايديها. حلوة بس ده انتي ملكة جمال. وبخبث. انا بقول خلينا هنا احسن وكفاية عدي وهنا يحضروا العشاء

همس: لا حرام عليك انت وعدتني وانا عايزة اغير جو انا مش بخرج من البيت خالص

رعد: هههههه. هي قطتيتي زعلت ولا ايه لا انا مقدرش علي زعلك. ياللا بينا يا ملكتي

في بيت عدي

عدي: لبس وقاعد مستني هنا. وبصوت عالي. يا هنا حرام عليكي هنتاخر خلصي بقي

هنا: خرجت متعصبة. خلاص خلصت ده انت زنان اتفضل خلينا نمشي

عدي: قام وقف وابتسم بإستفزاز. ايه يا قبلي قميص النوم التحفة ده. بس هو احنا مش اتفقنا نأجل الدخلة مالك مستعجلة ليه خليها حتي لما نرجع

هنا: اتعصبت واتغاظت. انت بتقول ايه. ده الفستان اللي هنزل بيه

هنا كانت لابسة فستان احمر قصير ومقفول من الامام ومفتوح من الظهر. وكانت رافعة شعرها هي كانت جميلة بس عدي كان مستحيل ينزلها بالشكل ده

عدي: حط ايده في جيبه. اممم وهو انتي متخيلة اني ممكن انزلك كدة. تبقي

بتحلمي يا حلوة. وبحدة. روحي غيري اللي انتي لابساه ده

هنا: لا طبعا انا خلاص لبست ومش هغيره

عدي: خلاص خليكي انا هروح لوحدي

هنا:عدي بطل غلاسة

عدي: دي مش غلاسة. دي رجولة انا لو مشيت جنبك كدة. مبقاش راجل

هنا: دبدبت برجلها في الارض بغضب. طيب وبعدين اعمل ايه انا معنديش حاجة تانية تنفع اروح بيها. وكمان خسارة الفستان ده ده غالي

عدي: قرب منها وحوطها بإيده وابتسم. لا مش خسارة البسيهولي انا يا روحي انا اولي بيه. وبعدين انا كنت عامل حسابي وعارف انك مجنونة وهطينيها. تعالي معايا

اخدها عدي الاوضة وطلع كڤر فيه فستان سهرة شيك جدا ولونه ازرق

عدي: اتفضلي يا سيتي فستانك اجهزي بسرعة

هنا: انت جبته امتي

عدي: اخترتهولك وانا مع رعد وهو بيختار فستان همس.علي فكرة كنت عارف انك بتحبي اللون الازرق. وباسها من خدها. البسي بسرعة هنتأخر

هنا: عدي

عدي: لفلها. نعم يا حبيبتي

هنا: حضنته جدا. ربنا يخليك ليا

عدي: ضمها لي وابتسم. ويخليكي ليا يا روحي يالا هستناكي برا.

........

#يتبع......

انا فقدت الامل فيكم ان يكون في متابعة  اكتر من كده بجد زعلتوني مكنش العشم ☹

❤️❤️❤️❤️❤️💜💜💜💜💜💜💜💜❤️❤️❤️

#رحم_للايجار 

#_االفصل_الثلاثون 

👇👇👇👇👇

وصل رعد لفندق شهير جدا علشان يقابل الايطالين. رعد وقف العربية وهو مسهم وساكت

همس: بقلق. مالك يا حبيبي من وقت ما ركبنا العربية وانت متضايق ومش مظبوط في ايه احنا كنا نازلين من البيت وكويسين ايه اللي حصل

رعد: كان سرحان في إبراهيم اللي شافوا قريب من البيت وهو بيركب العربية. واستغرب لما شافه. هو ايه اللي جابوا المكان ده وعرف عنوان همس منين. معقول تكون همس.. لا لا هو تلاقيه مشي ورا هبة ولا حاجة وعرف العنوان.ايوة بلاش اظلمها

همس: مسكت ايده. مالك يا رعد انا عملت حاجة زعلتك

رعد: بصلها وابتسم. لا يا روحي مفيش. ثواني هنزل وافتحلك الباب... نزل رعد وفتح لهمس. ومسك ايديها يالا يا حبيتي

همس: ابتسمت ومسكت ايده ونزلت ودخلوا مع بعض.

رعد :وشوش همس. انا متأكد انك هتكوني احلي واجمل ست النهاردة

همس: ابتسمت. النهاردة بس

رعد: ههههههه. لا يا قمر كل يوم. انتي اصلا مفيش في جمالك

ووصل رعد وهمس للترابيزة الخاصة بيهم. وقابلوا الايطالين وكانوا

مارتن: شاب تقريبا في أخر الثلاثين وسيم جدا. ببشرة بيضاء وشعر اسود وعيون زرقاء. ولكن بيحب النساء جدا وزي ما بيقولوا عنيه زايغة ومفيش ست بتسلم منه.

جون: ايضا شاب في نفس سن مارتن. وملامح مشابهة بشرة بيضاء و شعره اسود وعيون خضراء. لكن مش زي مارتن بيركز في الشغل اكتر من الستات والعلاقات

جاكلين: شابة جميلة جدا.جسم ممشوق وشعر احمر طويل وعيون رمادي وبشرة بيضاء.معجبة جدا بشخصية رعد وحاولت انها تقرب منه لما كانوا في شرم الشيخ لكن رعد طبعا مش من النوع ده وصدها بعنف. لكن عدي بالنسبة ليها كان البديل معجبة بوسامته وخفة دمه وحاولت تتقرب منه. عدي مش عنيف زي رعد فكان بيمنعها بزوق فهي كانت متخيلة انه معجب بيها

و وصل عدي وهنا. وهنا لما لبست الفستان اللي اشتراه عدي كانت اجمل واحلي من ما كانت لما لبست الفستان اللي هي جابته. طبعا الكل قعد. ورعد وعدي رحبوا بيهم جدا واتكلموا شوية في الشغل. لكن المشكلة ان مارتن منزلش عنيه من علي همس وهنا وخصوصا همس. ورعد اخد باله وكان متعصب جدا. وهمس كمان

مارتن: حقيقي اهنأك سينيور رعد علي زوقك في اختيار زوجتك. انها حقا جميلة جمالها مزيج بين الجمال الشرقي والغربي. تعرف للوهلة الاولي الذي يراها يظنها ايطالية لو انها لم ترتدي هذا الحجاب لظننتها حقا ايطالية

عدي: بيبرطم. يومك اسود ده رعد هيعلقك من.. قفاك

رعد: بغضب. ارجوا منك عدم المدح في زوجتي نحن هنا في الشرق وبمصر تحديدا. وغير مسموح بهذا هنا

مارتن: وانا ماذا قولت لقد ابديت اعجابي بجمال زوجتك ليس اكثر

رعد: اتنرفز وخبط بقبضة ايده الترابيزة.

جون :فهم ان رعد غيران. احمم عذرا سينيور رعد. مارتن لم يقصد ازعاجك. ولكني سوف اشرح له ان الوضع هنا ليس كما هو معتاد

رعد: اتمني ان لا يكررها مرة اخري والا ردي لن يروق له علي الاطلاق

همس: وشوشت. هنا. هو في ايه انا مش فاهمة حاجة هما عاملين يرطونوا بالايطالي واحنا عاملين زي الاطرش في الزفة

هنا: هقولك. مارتن معجب بيكي. وبيقول لرعد انك شبه الايطالين

همس: حطت ايديها علي بقها. واترعبت. يا ليلة سودا وهو كان بيقول كدة لرعد

هنا: هههههههه. اه ورعد كان عايز يموته. بس جون لطف الجو

همس: وانتي بتعرفي ايطالي يا اروبة

هنا: ايوة اخدت كورسات ايطالي والماني علشان شغلي. المشكلة في الزفتة اللي اسمها جاكلين دي لازقة لعدي والبيه هاتك يا ضحك والله لما اروح لروقه

همس: بخوف. والله ما حد هيتروق الليلة غيري انا.رعد هيفش غله فيا انا عارفة.

رعد: مال علي همس وبيمسك ايديها.

همس: اتنفضت وخافت

رعد: مالك يا حبيبتي في ايه

همس: بخوف. ابدا ااصل هنا قالتلي اللي اسمه مارتن ده قالوا خوفت تتنرفز عليا

رعد: ابتسم وحاوطها يإيده. لا يا روحي وانتي مالك هو اللي ابن... عنيه زايغة وبتاع ستات. بس مش معايا لو كررها هجيب اجله.

جاكلين. بنعومة. تسمح لي عزيزي عدي بالرقص معك.

عدي: بلع ريقه وبص لهنا. ورفع كتفه وحاجبه بإستسلام. لانه مينفعش يرفض. احمم بالطبع تفضلي.

واخد عدي جاكلين للرقص. وهنا كانت بتنفخ وهتنفجر من الغيرة

رعد: روح قلبي تحب ترقص

همس: بكسوف. لا لا انا ارقص وسط الناس دي كلها اتكسف.

رعد: ابتسم. فاكرة لما رقصنا سوا لما عملنا فرحنا

همس: ههههههه. اه فاكرة بس وقتها كنا لوحدنا مش قدام امه لا اله الا الله

رعد: هههههههه. والله انتي عسل وانتي مكسوفة

همس: طيب بس بقي متكسفنيش قصاد الاجانب

مارتن: بيوشوش جون. هل تصدق جون ان هذان الاحمقان رعد وعدي متزوجان من هاتان الجميلتان. حقا انه الحظ

جون: لا لست متعجب. رعد هذا وعدي من اكبر رجال المال والاعمال في الشرق الاوسط. واتمني منك ان تتروي ولا تتهور ثانية لان هذا رعد. من النوع الغاضب ولن يتهاون معك في المرة القادمة. لقد حزرتك

مارتن: لا تخف. اني احب ان اتسلي بنظرات الغيرة في عينه هو وصديقه.

مارتن: احممم. هل تسمح لي سيد رعد بالرقص مع زوجتك الجميلة

رعد: كور قبضة ايده وجز علي سنانه. لا زوجتي لا ترقص مع رجل غيري

مارتن: حقا انت غريب نحن نعيش زمن غير هذا الذي تعيشه انت لما كل هذا التزمت.

رعد: انا رجل شرقي ولست مثلك. ويا ليتك تفهم معني. كلمة رجل جيدا حسنا مارتن

مارتن: حسنا. ولكن تعرف. انت محق في غيرتك علي هذه الجميلة. وبص لهنا. اخد باله من غيرتها ونظراتها لعدي وجاكلين وهما بيرقصه. احمم. تسمحي ليه بالرقص سينيورة هنا

هنا: اصلا متغاظة من عدي. ورفعت حاجبها بنصر. نعم بالطبع سينيور مارتن. وراحت ترقص معاه

رعد: اتعصب. غبية هنا بتعاند عدي هتيجي علي دماغها

همس: ربنا يستر ومايتخانقوش. ده عدي هيتنطط لما يشوفها

مارتن ابتدا يرقص مع هنا وهنا مكسوفة وندمت انها وافقت بس كانت عايزة تغيظ عدي.

مارتن: بيص لهنا بتفرس. انتي جميلة جدا سينيورة هنا.

هنا: وشها احمر ومحرجة من قرب مارتن منها وكلامه ونظراته. احمم.  سينيور مارتن

وابتدا مارتن يتغزل في هنا ويتكلم معاها

عدي: كان بيرقص مع جاكلين ويتكلمه. ومكنش لسة اخد باله من هنا ومارتن.

جاكلين: شافت هنا وابتسمت بخبث.

تعرف عدي زوجتك جميلة وايضا بارعة في الرقص.

عدي: عقد حاجبه. وكيف عرفتي ان زوجتي بارعة في الرقص

جاكلين: لانها ترقص مع مارتن ببراعة ومتعة

عدي: اتصدم. ولف وشه وشاف هنا ومارتن ماحاوطها بإيده. ومقربها وبيرقص معاها وبيضحكوا

عدي اتجنن وجز علي سنانه وعروقه انتفضت من الغضب والغيرة. وهجم علي هنا بسرعة وشدها من مارتن

مارتن: بإستغراب. ماذا تفعل سينيور عدي

عدي: بغضب. ماذا تفعل انت كيف تجرأ علي احتضان زوجتي بهذا الشكل المخجل

هنا: بعصبية. عدي ما اسمحلكش. انت اتجننت

عدي: بغيظ. انتي تخرسي خالص ولسة حسابك معايا لما نروح انا اصلي واضح اني دلعتك زيادة

مارتن: عذرا انسحب انا واترككم تتناقشون.

همس: رعد ممكن اقوم اروح الحمام حاسة اني معدتي تعبت وخايفة اتعب قصاد الناس

رعد: بقلق. لو تحبي نمشي ووديكي لليليان

همس: لا انا هروح الحمام بس وان شاء الله هبقي كويسة

رعد:طيب تعالي اوديكي

همس: لا خليك مع الناس خصوصا عدي مش قاعد وشكله هو وهنا مش ناوين يجبوها لبر. انا هعرف اروح لوحدي

رعد: طيب خلي بالك من نفسك ولو تعبتي كلميني في الفون وانا اجيلك

همس: متقلقش هو انا راحة فين يعني

وقامت همس وتابعها مارتن بعنيه

هنا: انت اكيد مجنون ايه الكلام اللي قولته ده

عدي: بعصبية. قولت ايه هو مش انتي فعلا كنتي في حضنه ولا انا غلطان

هنا: لا طبعا كنا بنرقص عادي زي ما انت كنت بترقص مع جاكلين هانم

عدي: مسكها من دراعها بعنف وغضب. انتي مجنونة. بتساوي نفسك بجاكلين يا غبية. دي واحدة سهلة ومتعودة علي كدة لكن انتي مراتي يا متخلفة مينفعش ترقصي معاه بالمنظر ده. والله يا هنا لو اتكررت لهتشوفي عدي غير اللي تعرفيه. وانا حزرتك. قدامي نرجع لرعد

مارتن: احمم استاذنكم للذهاب الي الحمام. وقام مارتن ورعد قلق

عند الحمام همس اول لما خرجت لقت مارتن. خافت من نظراته وكمان هو ليه واقف في المكان ده. حاولت تتجاهلوا وتمشي. بس هو منعها ووقف قصادها.

همس: ابتلعت ريقها بخوف. قرب اي راجل غريب منها بيفكرها بمنصور واللي كان بيعمله. وكمان خايفة رعد يشوفه ويغضب. عرقت وارتعشت وكل لما تحاول تمشي يقف قصادها وهو مبتسم بسماجة وقحة وسعيد بخجلها وخوفها اللي واضح عليها واللي هو مش معتاد عليه

مارتن: انا اتكلم اربك شوية صغيرة

همس: تنحت. هههو انت بتعرف عربي

مارتن: ايوة شوية شوية. انتي جميلة كتير ومثيرة

همس: برعب. يا ليلة مهببة شكلك ناوي علي طلاقي الله يحرقك.

مارتن: انتي قولي ايه موش فاهمك

همس: لو سامحت عديني رعد ممكن يقتلك ابعد عني

مارتن: قرب من همس زيادة.انا ابعد لو انتي وعدتيني تجيني جناح بتاعي

همس: حطت ايديها علي بقها من وقاحته. وجسمها اترعش من خوفها. وخصوصا لما قرب منها اكتر همس صرخت. وندهت علي رعد. واللي كان فعلا من قلقه راح يطمن عليها. وشاف مارتن وهو بيقرب منها. شده بقوة. ولكمه بعنف

رعد: انت حقا وقح تتطاول علي زوجتي ايها السافل انا سوف اجعلك تعود لبلادك جثة

مارتن: انت لا تعرف نتائج تصرفك هذا

رعد: مسكه من هدومه. ولكمه في وشه تاني.انا رعد الحديدي. لا تنسي انا لا اهدد فهمت ايها الوقح. ولف لهمس لقاها بتعيط ومرعوبة منه وبترعش. قرب منها واخدها في حضنه

همس: بصوت متقطع من العياط. وواالله ه هو اللي . جا ااانا اانا

رعد: ضمها بقوة. ششششش متتكلميش انا عارف هو اكيد خوفك. اهدي اهدي يا روحي. انا هعرف ازاي اربيه علشان يتعلم اني مش زي اي حد. وان مراتي خط احمر.

همس: اخدت نفسها. انا والله معملتش حاجة

رعد: عارف يا قلبي اهدي علشان خاطري. انتي جسمك كله بيترعش. وخوفك ده غلط انتي حامل اهدي انا اسف انه خوفك للدرجة دي

همس: هديت لما لقته هادي معاها ومزعقلهاش. يعني مش زعلان مني

رعد:ابتسم لا يا روحي مش زعلان منك. اهدي يا همس انا حبيبك مش ممكن اأزيكي ابدا. تعالي نرجع

ورجعوا ليهم. بس مارتن مكنش موجود.

عدي: خير مالها همس

رعد: بعصبية. الكلب اللي اسمه مارتن. اتعرضلها وهي خارجة من الحمام

عدي: وبعدين مع ابن ال.... ده ده عايز يتروق صح هو ماله عمره ماشاف ستات.

جون: خيرا سينيور رعد. هل حدث شئ

رعد: سينيور جون. صديقك وشريكك مارتن. سيكون السبب في عدم اتمام هذه الثفقة.

جون: بقلق. لماذا ماذا فعل

عدي: لانه يتطاول علي نسائنا.ويغازلهم بواقاحة بالغة. ووصلت به الوقاحة للتعرض لزوجة رعد

جون: انا حقا اعتذر لكم عن ما صدر من مارتن. واوعدكم انه لن يتعامل معكم بعد الان. وسأقوم انا بإتمام باقي الاتفقات.

رعد: من الافضل له ان لا اراه مرة اخري حتي يغادر والا سوف اقتله. استاذنك. لابد ان اخد زوجتي للطبيبة.

جون: خيرا. هل اصابها مكروه

رعد: زوجتي حامل وهذا الغبي مارتن.اخافها وارعبها. وانا اريد الاطمئنان عليها.

ومشي رعد وهمس وعدي وهنا كمان. وطلع جون وجاكلين لمارتن وحصل بينهم جدال وجون قرر انهم يسافروا في الصباح.

في شقة عدي

عدي من وقت ما رجعوا وهو مبيكلمش هنا ومتعصب. وزعلان منها. وهنا في اوضتها متضايقة من نفسها جدا مش عارفة تنام. راحت اوضة عدي ودخلت لقته قاعد غضبان جدا

هنا: احمم. عدي انا اسفة

عدي: ساكت ومش بيرد

هنا: عدي انا بقولك اسفة

عدي: قام ودخل السرير ونام واتغطي. وبحدة. اطفي النور واخرجي انا عايز انام

هنا: اتنهدت بحزن. علشان عارفة انه مش هيصالحها بسهولة. طفت النور لكن مخرجتش. راحت ودخلت السرير وراه ونامت جنبه وحضنته. وعيطت انا اسفة بجد انا كنت غيرانا

عدي: اتنهد بخنقة. غيرانا تقومي تسمحي لنفسك ترقصي في حضن واحد سافل زي ده. وتسبيه يحط ايده عليكي بالشكل ده. انا دماغي بتغلي لحد دلوقتي

هنا: حضنته اكتر. وبرجاء اسفة والله اسفة

عدي: قلبه حن ورق ليها. بس لسة زعلان وعايز يعاقبها.بس مش قادر. حضنها بقوة. غبية غبية. اوعي تاني مرة تختبري غيرتي عليكي. علشان انا ممكن اذيكي وقتها فاهمة

هنا: هزت راسها. فاهمة. انا حروح  بقي

عدي: شدها لحضنه تاني. عقابا ليكي هتنامي هنا معايا

هنا: وبعدين هو انت مصدقت

عدي: هتنامي وانتي ساكته ولا اوريكي العقاب شكله ايه بجد

هنا: لا لا خلاص هنام.وحضنته وابتسمت ونامت. وهو كمان ابتسم ونام

وعدي حوالي شهر وكانت همس بقت في الشهر الرابع.

وكانت زينب بتكلمها بإستمرار. ورعد اخد باله من انها كل لما تكون بتتكلم في الفون وتشوفه تتلخبط وتخاف. شك وقلق. واخد فونها وشاف الرقم لقاها مسجلاه بإسم هبة. بس ده غير رقم هبة اللي هو يعرفه. شك اكتر. واخد الرقم وخصوصا لانه بيكلمها كتير. ورعد كان كل يوم يكدب نفسه لما يرجع ويشوف ابراهيم قريب من البيت. هيتجنن مش عارف ابراهيم بيروح هناك ليه.

وفي يوم في مكتب رعد قاعد متعصب وبيفكر. وبعت لمروان وجاله

رعد: مروان. عايزك تشوفلي الرقم ده بتاع مين وعايز كشف بكل الارقام اللي همس اتكلمت معاها الشهر اللي فات كله.

مروان: تحت امرك

رعد: مروان حالا متتاخرش.

مروان: حاضر في اسرع وقت.

مها بتكلم زينب في الفون

مها: يلا التنفيذ النهاردة تروحي لهمس دلوقتي. وقبل ما تروحي كلميها وقوليلها تمشي الشغالة علشان تاخدوا راحتكم في الكلام

زينب: حاضر هعمل كل اللي اتفقنا عليه.

مها: اسمعي تكلميني اول لما تنفذي علشان اكلم رعد مفهوم

زينب: مفهوم. سلام

مها: متنسيش تقولي للغبي ابراهيم مايمشيش الا لما رعد يشوفه فاهمة

زينب: فاهمة من عنيا متقلقيش.

توفيق: هاه كل حاجة تمام

مها: تمام يا جدو. واخيرا هنتقم من رعد وهمس انا هطلع الدلع والحب اللي حبهولها علي عنيه وعنيها.

زينب: يا همس انتي هتقوليلها تروح بدري النهاردة بس علشان لما اجيلك نتكلم براحتنا

همس: بقلق. طيب هو الموضوع مهم قوي كدة

زينب: بلؤم فوق ما تتخيلي

همس: امري لله همشيها. بس تيجي وتتكلمي بسرعة قبل لما رعد يرجع. هو مش بيحب حد يدخل البيت وهو مش موجود

زينب: متخفيش مش هقعد كتير سلام

وقفلت زينب وفعلا همس مشت سميرة. وقالتلها ان رعد راجع بدري وهي تمشي. وزينب راحت لهمس لوحدها طبعا وقعدت تتكلم معاها وهمس قدمتلها عصير وشربت معاها

في مكتب رعد

رعد: قام منفوض. وبغضب. انت بتقول الرقم بإسم مين

مروان: إبراهيم. ابن عم مدام همس. والكشف اهو مع حضرتك. ودي كل المكلمات والرسايل اللي اتبعتت من رقمه لمدام همس

رعد: الدم غلي في دماغه وقلب المكتب وهو زي الثور الهائج.و اللي كمل عليه. الرسالة اللي جاتله علي تليفونه من رقم غريب. ودي طبعا كانت مها. والرسالة

تعيش وتاخد غيرها يا رعد باشا. الاتنين اللي اتجوزتهم. ماملتش عنيهم وخانوك. لو عايز تعرف همس مراتك بتعمل ايه. روح شقتك وانت تشوفها مع ابراهيم. ابن عمها دلوقتي. وعلي فكرة هي مشت الشغالة علشان يخللها الجو مع حبيب القلب.. فاعل خير

رعد: كان زي المجنون. ونزل بسرعة وركب عربيته وساق بسرعة جنونيه. وكلم سميرة ولما سألها قالتلوا ان فعلا همس مشتها بدري علشان هو راجع. اتجنن اكتر وساق بسرعة اكبر

في شقة همس. همس شربت العصير ونامت بعد ما زينب حاطتلها فيه المنوم. واللي يا دوب ينيمها وقت قليل علشان لما رعد يرجع تكون صاحية ويصدق انها بتخونه.

زينب فتحت لأبراهيم ودخلته

إبراهيم: دخل هاه نامت خلاص

زينب: ايوة. تعالي شيلها معايا علشان ندخلها اوضة النوم ونقلعها هدومها قبل مارعد بيه يرجع

وفعلا شالوا همس وقلعوها هدومها ونيموها في السرير. وزينب مشيت من باب المطبخ. وابراهيم. قلع قميصه ونام جنب همس. ورعد رجع ودخل الشقة وكانت صدمته لما دخل الاوضة وشاف همس اللي كانت ابتدت تفوق من المنوم بس الرؤية مكنتش واضحة بالنسبة ليها. ومعاها ابراهيم في السرير.

تفتكروا رعد هيعمل ايه في همس وياترا هتكون دي النهاية ويقتلها ولا ايه اللي ممكن يحصل ������

😳😳😳😳😳😳😳😳

#يتبع....

#بعد_عمل_إضافة_ومتابعة_لصفحتى_الشخصية عشان نكمل الرواية

تكملة الروايه من هنا