 |
(عندما يعشق الرعد)
البارت 31_32_33_34_35-36
مدونة #موسوعة_القصص_والروايات
#رحم_للإيجار
#الفصل_الواحد_والثلاثون_والفصل_الثانى_والثلاثون
👇👇👇👇👇
رعد. كان مصدوم ومش مصدق معقول همس وفي الوضع ده. ومع مين ابراهيم اللي هي كانت مفهماه انها كرهاه ومش عايزة تجوزه. رعد كان في حالة دمار حاسس بوجع وجرح واهانة اكن اتغرز في قلبه الف طعنه. كان حاسس انه مشلول بيحاول يستوعب للدرجة دي هو ميتحبش علشان يتخان مرتين من اللي محبهاش واللي حبها. ليه.
اما همس. فكان حالها اصعب لما لقت نفسها بالشكل ده وابراهيم واقف وكمان رعد ونظراته ليها وضياعه كانت كفيلة انها تهرب الدم من جسمها. همس كانت من كتر الخوف والرعب. لسانها مش قادر ينطق ولا تتكلم كان عياطها وشهقاتها هي اللي بتطلع من غير كلام وراسها بتتحرك لا ارادي بالنفي للتهمة اللي هي متاكدة انها لابساها ومحدش هيقدر يبرأها منها.
ابراهيم. استغل صدمتهم ونظراتهم لبعض. وخصوصا رعد وحاول يهرب. رعد فاق ولمحه ومسكه
رعد: بغضب ووجع. انت كنت مع مراتي انت كنت في سريري
ابرهيم: كان في خوف ورعب من رعد. ااانا مليش دعوة هي هي. اللي قالتلي اجيلها هي اللي عايزاني
رعد: بص لهمس بغضب وغل ونفسه كان عالي اكنه اسد وبيستعد علشان ينقض علي فريسته.
همس:بدموع وصوت متقطع. هزت راسها. لا.. وا والله ك. ك. كداب
رعد: التفت لإبراهيم وضربه ضربة قوية وطلع مسدسه.
ابراهيم: بلع ريقه برعب. ااانت هتعمل ايه لا اانا مليش دعوة. هي السبب
رعد: شد الاجزاء. وضربه بالرصاص.والرصاصة كانت في قلبه
ولف لهمس
همس: كانت حاسة ان مصيرها زي ابراهيم. شاورتلوا بإيديها. لا . ا .. ارج. ارجوك.. ااانا .. مم.. مع. معملتش حح. حاجة
رعد: شال المسدس. وقرب منها وجرها من شعرها. وبصوت يرعب. هو انتي فاكرة اني هقتلك بالسهولة دي تبقي غلطانة انا هخليكي تتمني الموت يا همس. وضربها قلم ورا قلم ورا قلم. معدهومش من كترهم ومن قوتهم. رعد كان
مجروح ومصدوم ومش في وعيه كان بيحاول يطلع كل الغل والالم اللي جواه.
همس مكنتش متحملة الضرب حتي مش قادرة تتكلم. ورجلها مبقتش متحملة توقف. وقعت في الارض.
رعد: نزل جنبها علي الارض وبانفاس عالية وغاضبة. مسك شعرها وشدها بقوة ورفعها قريب منه. وهو بيصرخ ليه ليه خنتيني ليه يا زبالة ده انا اخدتك من الشارع وعملتك بني أدمه. لا ده انا خليتك ملكة. ده انا حبيتك انا رعد الحديدي. وحدة رخيصة زيك تضحك عليا. بتخونيني معاه من امتي. انطقي من امتي
همس: مش قادرة تتكلم. ومسكت بطنها وحاست انها بتنزف. ر. رر. رعد ااانا بنزف
رعد: بقوة ولا مبالاه. ايه خايفة تسقطي. فاكرة اني هخاف عليهم. لا تبقي غلطانة. انا مش عايزهم ميشرفنيش اكون اب من واحدة خاينة وحقيرة زيك.وشدها من شعرها وجرها علشان تقف. بس هي اصلا مش قادرة.
رعد: اقفي وكلميني قوليلي خنتيني ليه كدبتي عليا ليه.
همس: م. مخنتش. وو. والله مم. مظلومة
رعد: جز علي سنانه. ومسك راسها وضربها في الحائط. اكتر من مرة. وبوجع. كدابة. كدابة. وخاينة
همس مكنتش متحملة اكتر من كدة وقعت تاني وهو سابها تقع وبصلها بإحتقار.
رعد: كان لازم اعرفك علي حقيقتك من الاول. بس كنت اعمي ومش شايف. الاول ناجي وبعدين منصور وبص لجثة ابراهيم. وضربه برجله. والكلب ده. كنتي وعدة كل واحد شوية مطمعة الكل فيكي. ورسمه دور البريئة والضحية وانتي حية وسمك طال الكل. ضحكتي عليا بضعفك ووشك الكداب. حتي مارتن افتكرته بيعاكسك. وكنت حضيع ثفقة بملايين علشان كلبة ولا تسوي. واتاريكي انتي اللي كنتي بتشاغليه. اكيد انتي اللي خاليتيه يروح وراكي ما انتي متعودة علي الوساخة. كلبة. وضربها برجله في بطنها. حقيرة . وضربها تاني
همس: كانت بتنزف من كل مكان. وشها وراسها اللي اضربت في الحائط. وشها تقريبا مكنش باين ملامحة من الضرب. وكمان بتنزف حملها بقي في خطر. حضنت بطنها بضعف. والم ووجع.
رعد: بعد عنها وطلع تليفونه..... ايوة يا مروان. عايزك تاخد راجل معاك وتطلع علي المكان بتاعنا اللي في الصحراء. وتحفرلي قبر.
مروان: تحت امرك. بس لمين
رعد: بصوت غاضب. انت مالك اعمل اللي قولت عليه. واول لما تخلص كلمني. علشان هتجيني البيت وتاخد جثة ابراهيم وتوديه في داهية
مروان: بإستفهام. اومال القبر لمين؟
رعد: ملكش دعوة. اعمل اللي انا طلبته وبسرعة
همس: كانت بتموت من الالم والوجع وكمان من الرعب. قبر؟معقول هيقتلني معقول مش ممكن وولادي. وبصوت ضعيف. ررعد ااانت ه. ههتقتلني
رعد: نزل لمستواها ومسك شعرها وضغط عليه. وبنظرة ترعب. قولتلك هتتمني الموت يا همس. انا هدفنك حية. ورماها تاني علي الارض. وبص لنفسه وهدومه وايده لقاها غرقانة دم منها. دخل الحمام. وقلع الهدوم ورماها. وكأنه حتي مش طايق دمها علي هدومه. ووقف قصاد المرايا وبص لنفسه واتنهد بألم.
همس:بصت حاوليها لقته دخل الحمام. فقررت تهرب منه قبل ما يعمل اللي قال عليه. زحفت بجسمها وهي مش قادرة تقف. واخدت تليفونها. ودورت علي حاجة تلبسها وتداري نفسها. لقت اسدال الصلاة بتاعها. شدته ولبسته بصعوبة. وتحاملت علي نفسها واتسندت علي الحيطة ومشيت ومع كل خطوة كانت بتسيب وراها اثر لدمها اللي غرق المكان والارض وراها. همس اللي كان بيخليها تتحمل الالم. خوفها علي ولادها من غضب ابوهم. وخرجت من الباب وركبت الاسانسير.
رعد: باصص لنفسه في المرايا. وغصب عنه مقدرش يمنع دمعة هربت من عنيه. ليه ليه عملتي فيا كدة ليه. ده انا محبتش حد زيك مفيش ست دخلت قلبي الا انتي. معقول يوم ما احب تكون دي النهاية. للدرجة دي انا مش راجل علشان مها تخوني وكمان همس. لكن همس حاجة تانية همس حبيتها ومحبتش غيرها. هتعمل ايه يا رعد. معقول هتقتلها هتهون عليك همس. وبقوة اتعدل في وقفته. ايوة هتهون ما انا هونت عليها وخانتني وباعتني. غبية وحقيرة. وضرب المرايا بإيده بقوة وغيظ. والمرايا اتكسرت وايده انجرحت. فتح المياه ونزل الدم اللي اتخلط مع دم همس اللي كان في ايده اصلا. وافتكر انه سابها غرقانة في دمها. حس بغصة وعصرة في قلبه. هو بيحبها غضبان. مجروح. موجع. لكن بيحبها. ضرب قلبه بإيده بقوة. خاين خاين زيها لسة بتحبها بعد اللي عملته لسة. خرج من الحمام. واتصدم لما ملقهاش وشاف اثر الدم علي الارض. اخد تيشيرت وبنطلون بسرعة ولبسهم علشان ينزل يدور عليها
همس:بعد ما خرجت من الاسانسير. سندت علي الحوائط. ومشيت بصعوبة وخرجت من العمارة. وشافها الولد بتاع الامن. استغرب وجري عليها.
الامن. محمود: مالك يا مدام. يا نهار اسود. مين عمل فيكي كدة. انا هتصل برعد بيه
همس: مسكت ايده. وبضعف. اارجوك. لا لا ر. ر. رعد ل. لا
محمود: صعبانة عليه. طيب اساعدك ازاي.
همس: ع. ع. عايزة ا. استخبي لحد مما. ما رعد ي. ينزل
محمود: فهم ان رعد هو اللي عمل فيها كدة. طيب تعالي معايا سندها ودخلها. الاوضة بتاعته.
همس: بدموع. ابوس ايدك م. متقولش لرعد اني هنا. لاحد ما اتصل بحد يجي يخدني
محمود: متخفيش. مش هيعرف انا خارج بسرعة.
وخرج محمود ومسح الارض مكان الدم اللي بينزف منها علشان ميبنش انها دخلت عنده
رعد: نزل بسرعة وسأل محمود بعصبية. مشوفتش مدام همس هي لسة نازلة من شويه
محمود: بإرتبك. ايوة هي نزلت وكان شكلها تعبان وخرجت وحتي كلمتها مردتش عليا.
رعد: جز علي سنانه وخرج بسرعة واخد عربيته وساق بجنون علشان يدور عليها ويلحقها.
محمود: لما اتاكد ان رعد مشي. دخل لهمس. لقاها حالتها بتسوء. مدام همس انتي لازم تروحي مستشفي انتي بتنزفي جامد. وبأسف الله يجازي المفتري
همس: بضعف. خ. خد الت. ليفون. و. وط. لع. رقم هنا
محمود: اخد منها التليفون. وطلع رقم هنا واتصل وادلها التليفون
هنا كانت بتتغدا مع عدي في المطعم وتليفونها رن...دي همس... ايوة يا هموسة �� مالك يا همس صوتك ماله
عدي: بقلق. مالها همس
هنا: شاورتله يسكت وسمعت همس
همس: بضعف ودموع. ه هنا ا. ال.ح قيني. اانا ب. موت
هنا: اتخضت وقامت وقفت. همس همس ردي عليا مالك يا همس
همس: اغمي عليها
محمود: اخد التليفون منها. وبخوف. يا هانم انا الامن بتاع عمارة مدام همس. ابوس ايدك الحقيها دي بتموت.
بس امانة عليكي اوعي تكلمي رعد بيه. تعالي عند العمارة بسرعة وكلميني وانا هقولك هي فين بس بسرعة.
هنا: قفلت التليفون. وبدموع. عدي همس حالتها صعب لازم نلحقها
عدي: قام بلهفة. طيب ورعد فين
هنا: لا الولد بتاع الامن بيقول منكلمش رعد انا مش فاهمة في ايه. تعالي بسرعة. نروحلها يا عدي
عدي: طيب طيب اهدي يالا بينا
وراح عدي عند العمارة. ونزل هو وهنا وسالوا محمود.
محمود: تعالوا معايا. واخدهم علي أوضته. ودخل عدي وهنا واتصدمه من شكل همس.
هنا: حطت ايديها علي بقها. وصرخت. همس. مين اللي عمل فيها كدة انطق
عدي: مسكه من هدومه. مين يا بن ال..
محمود: اهدو ابوس ايديكم انا هفهمكم.......
عدي: انت اكيد بتخرف. مش ممكن رعد يعمل كدة انت كداب
هنا: بدوع. عدي لو سامحت همس لازم تروح المستشفي بسرعة
عدي: عندك حق. وقرب من همس وشالها وهو خارج. بص لمحمود بتحزير. لو طلعت بتكدب هقتلك. وهجيبك فاهم
محمود: والله ابدا وهي لما تفوق هتقولكم بنفسها بس المهم رعد بيه ميعرفش حاجة الله يكرمك
عدي: هز راسها وخرج وحط همس في الكنبة اللي ورا وركب هو وهنا وطلع بالعربية.
هنا: بتعيط. ده متوحش غول. مش بني ادم ازاي يعمل فيها كدة ازاي
عدي: بعصبية. اهدي يا هنا انا مصدوم ومش عارف افكر. هعمل ايه بس انا مش فاهم ايه اللي يخلي رعد يعمل في همس كدة. ده بيعشقها.
هنا: ده جبروت. مبيحبش غير نفسه. دي اكنها جارية عنده
عدي: بغضب. اسكتي يا هنا انتي مش فاهمة حاجة. انا عارف رعد مش ممكن يعمل كدة في همس الا لو ..
هنا: لو ايه انطق.
عدي: استغفر الله العظيم. مفيش.
هنا: طيب اطلع علي المستشفي بسرعة
عدي:ما انا بفكر اهو هوديها فين. رعد ممكن يلاقيها بسهولة....
هنا: ليه وهو عارف كل مستشفيات البلد
عدي: ياذكية. رعد معروف جدا. ولو هو اللي عمل فيها كدة. يبقي اول مكان هيدور عليها فيه المستشفيات. ولو بس سال الف مين يجري علشان يخدمه. وطبعا انا معروف ومعاها يعني هنلبس كلنا. فهمتي
هنا: ايوة طيب وبعدين. دي اتصفت من كتر النزيف
عدي:بس استني .... وطلع تليفونه.. الو ايوة يا سليم
سليم: الوة. عدي حبيب قلبي فينك يا راجل
عدي: مش وقت سلامات يا سليم. بقولك مش انت شاركت في مستشفي جديدة.
سليم: ايوة يا ندل وعزمتك علي الافتتاح من شهر وانت ماجتش
عدي: طيب انا عايزك في خدمه.معايا واحدة حالتها صعبة جدا حامل. وبتنزف ومضروبة وبتموت
سليم: نهارك منيل. دي مصيبة
عدي: ما انا هجبلك المصيبة دي عندك وعايزك تظبط الدنيا تحت علشان اعدي بيها من غير قلق ولا اسئلة.
سليم: الله يحرقك. متعرفنيش غير في المصايب. تعالي يا خويا
عدي: طيب قولي العنوان
سليم: عارف.........
عدي: تمام مش هتاخر.
وقفل عدي مع سليم.وطلع علي المستشفي
هنا: مين سليم ده
عدي: ده دكتور صاحبي. لسة واخد مستشفي هو وواحد زميله من قريب. سليم جدع ومش هيقول لحد
هنا: ربنا يستر انا خايفة علي همس جدا
عدي: اتنهد... ربنا يستر
ووصل عدي المستشفي ودخل همس وطبعا دخلت عمليات بسرعة. وبرا هنا وعدي منتظرين. وبعد شوية خرج سليم
عدي: خير يا سليم طمني
سليم: بحدة. انت مجنون. مين اللي عمل فيها كدة. ده لو مقطورة داست عليها مش هتكون بالحالة دي
عدي: سليم مش وقته المهم نطمن عليها
سليم: ما انا عايز حد من اهلها يمضي علي الاقرار
عدي: بفزع. اقرار ايه
سليم: المدام بتنزف. وحالتها خطر وفي جنين من الاتنين مات ولازم نخرجه والتاني حالته خطر. وهي كمان وانا مقدرش اتحمل المسؤلية
هنا:انهارت من العياط. وقعدت علي الارض. همس همس هتموت يا عدي. منك لله يا رعد منك لله
عدي: مسح وشه وشعره بضيق. وفكر شوية. سليم انا اللي همضي الاقرار
سليم: بس..
عدي: مفيش بس. هي اصلا ملهاش حد غيرنا وغير جوزها.وهو اللي عمل فيها كدة ومش ممكن هنقوله
سليم: طيب امضي.
عدي: مضي. سليم ارجوك خلي بالك منها. دي زي اختي
سليم: متقلقش خليها علي الله. الدكتورة نهي محترفة هتعمل اللي تقدر عليه. بس هي نزفت كتير ومحتاجين دم كتير و فصيلة دمها مش موجودة عندنا بالكمية الكافية هنحتاج تاني
عدي: انا فصيلة دميoسالب. بتدي اي فصيلة تانية ممكن اتبرعلها
سليم: طيب هبعتلك الممرضة وتروح معاها
عدي: راح لهنا. ونزل علي ركبته جنبها وحضنها. اهدي يا حبيبتي ان شاء الله هتبقي كويسة ادعيلها
هنا: بدموع. بدعيلها والله همس دي اختي. هي زي ملهاش حد ملهاش اهل
عدي: ضمها بحنيه وملس علي شعرها. وانا روحت فين مش انا حبيبك وجوزك وكل اهلك
هنا: حضنته بقوة وعيطت اكتر.اوعي تعمل فيا كدة اوعي تعمل زيه
عدي: متخفيش انا مستحيل اازيكي. مع اني متاكد ان رعد بيحب همس واكيد في شئ قوي هو اللي خلاه يعمل كدة
رعد لف علي همس في كل الشوارع اللي حاوليه مش لاقيها. كان هيتجنن. فكرة انها ممكن يكون جرالها حاجة كانت بتقطع فيه. هو فعلا ضربها وازاها لكن لسة خايف عليها. ومش عارف هي راحت فين. افتكر هنا.
رعد: ممكن تكون راحت لهنا.وطلع تليفونه واتصل بعدي.....
عدي: تليفونه بيرن... رعد. ده رعد
هنا: اوعي تقوله حاجة انت فاهم
عدي: هز راسه. ورد.. ايوة يا رعد
رعد: بعصبية. عدي همس كلمت هنا او جاتلها
عدي: لا هنا معايا برا اصلا. وبعدين همس ايه اللي هيجيبها لوحدها
رعد: ضرب. الدريكسيون بإيده بغضب. هتكون راحت فين يعني الارض انشقت وبالعتها
عدي: في ايه ممكن تفهمني
رعد:بصوت عالي كله وجع. افهمك ايه افهمك انها خانتني في بيتي وفي سريري
عدي:���� انت بتقول ايه مستحيل همس تعمل كدة. ارجوك احكيلي بالظبط ايه اللي حصل
رعد:......
عدي: مسك راسه. يا نهار اسود انا مش مصدق
رعد: عدي. لو اتصلت بيكم في اي وقت تكلمني انا هقتلها والله لقتلها
عدي: قفل مع رعد وقعد علي الكرسي. ومسك راسه بإيده وهو مش مستوعب اللي سمعه من رعد
هنا: قعدت جنبه.في ايه قالك ايه
عدي: مصدوم. مصيبة. كارثة يا هنا
😭😭😭😭
خليكو شغالين معايا بقا
#متابعة_واضافة_لصفحتى_الشخصية
❤️❤️❤️❤️❤️❤️💜💜💜
#رحم_للايجار
#الفصل_الثاني_والثلاثون
👇👇👇👇👇👇
عدي لسة مصدوم ومش مصدق اللي سمعه من رعد ومش عارف يعمل ايه
هنا: عدي مالك رعد قالك ايه مصيبة ايه اللي بتتكلم عنها. انا قلقت
عدي: مش هتصدقي رعد قالي ايه.........
هنا: لا لا همس متعملش كدة مستحيل انا متاكدة ان في حاجة غلط.
عدي: بعصبية. غلط ايه بقولك شفهم بعنيه في اوضة النوم وفي السرير. يبقي فين الغلط
هنا: بس همس بتحب رعد. وكانت حكيالي عن ابن عمها ده وانه كان بيحبها وعايز يتجوزها وهي رفضت. يبقي ازاي بعد ما اتجوزت هتعمل معاه علاقة. صدقني يا عدي انا متأكدة ان همس مظلومة
عدي: مسح شعره بغيظ. معقول همس الهادية اللي زي الملاك تعمل كدة. حبيي يا رعد. ازاي هيتحمل اللي حصل في خلال شهر يشوف الاتنين اللي اتجوزهم وشالوا اسمه. بيخونوه وياريته سمع ولا شك ده شاف بعينه نفس المشهد. مرتين وخبط الحيطة بإيده بغضب
هنا: مسكت ايده. حبيبي اهدي ارجوك. احنا لسة مسمعناش من همس وانا متاكدة ان همس هتفهمنا اللي حصل. قولي هو رعد عمل ايه في إبراهيم ده
عدي: بصلها بضيق. وداري وشه. قتله
هنا: يانهار مش فايت. هو رعد ده ايه. فاكر نفسه فين في شيكاغو. كل لما يغضب علي حد يقتله في قانون لكن ده مش بني ادم ايه الجبروت ده.
عدي: بغضب. جز علي سنانه. واحد شاف راجل غريب مع مراته عايزاه يعمل ايه يسمي عليه ولا يخده بالحضن. طبعا كان لازم يقتله. واي واحد مكانه كان عمل كدة. وبعدين احنا لينا قانون خاص بينا. مبنتهاونش مع اللي يغلط معانا فاهمة
هنا: بلعت ريقها بخوف. عدي هو انت ممكن في يوم تعمل زيه
عدي: بغضب . ليه وهو انتي ناوية تخوني
هنا: لا طبعا مقصدش كدة. اقصد علي التوحش والهمجية اللي ضرب بيهم همس
عدي: تحمد ربنا انه مقتلهاش. ولعلمك انا لو اتأكدت انها فعلا خاينة. انا اللي هسلمها لرعد بإيدي
في عربية رعد
رعد سايق زي اللي تايه. مش عارف هو رايح فين. ولا هيعمل ايه. خصوصا بعد ما راح لهبة اخت همس. وملقاش همس وهبة متعرفش عنها حاجة. راح مكان بعيد وهادي ووقف العربيه. رعد كان مجروح ومصدوم. لكن في نفس الوقت كان حاسس في قلبه بنفس الغصة اللي حس بيها لما شاف همس بعد ما ضربها وكانت بتنزف من كل حته. غمض عنيه بألم. ليه. ليه لسة بتوجع علشانها ليه لسة يا قلبي بتحن. حتي بعد ما باعت وخانت. وسند راسه علي كرسي العربية وهو مغمض عنيه. وقدارا لقي شابين وقفوا بعربيتهم قريب منه وكانو مشغلين الكاست. ويا للحظ اللي يسمعه اللي يوجع قلبه اكتر. ويزود ناروا اكتر. كانوا مشغلين اغنية اسمها(ولسة بتحبه)
رعد: شغل العربية وساق بسرعة عايز يبعد وميسمعش اكتر من كدة. رجع البيت. لقي مروان اخد جثة إبراهيم. ومشي. قعد وبص للارض والدم اللي عليها ودخل الاوضة وشاف اللي فيها حتي الحيطة عليها اثار دمها. اتجنن اكتر. مبقاش عارف هو غضبان منها ولا من نفسه. كسر التسريحة وكل اللي عليها. كان كل مايمسك ازازه برفان من بتاعة همس. يكسرها وهو مغلول وبيصرخ. كنتي بتحوطيلوا دي. ويكسرها. ولا دي ويكسرها. ولا دي ولا دي. كسرهم كلهم. و فتح الدولاب. وطلع هدومها. رماها في الارض. كنتي بتلبيسيلوا. ايه ده ولا ده. وراماهم وداس عليهم. كان زي الاسد المجروح اللي بينازع من كتر الالم. والوجع. هو ميعرفش انها مظلومه ومجروحة زيه. ويمكن اكتر منه. وميعرفش ان في ناس استكتروا. حبهم وسعادتهم. وعملوا لعبة قذرة. علشان يبعدوهم عن بعض. هو ليه اللي شافه بعنيه ووجع قلبه. وجرح كرامته ورجلولته. وفضل قاعد علي الكنبه. مهموم ومش عارف همس ممكن تكون راحت فين رعد: طيب لو لاقتها يا رعد هتعمل فيها ايه. هتقتلها ولا هتطلقها ولا.. وكور قبضة ايده وغمض عنيه. لا لا مستحيل اسامحها مستحيل. دي خاينة. اااااه ليه. ليه يا همس ليه
في المستشفي
همس خرجت من العمليات ودخلت اوضة عادية بس لسة في البنج وهنا دخلت وقعدت جنبها مستنياها تفوق.
عدي: هاه يا سليم. طمني هي عاملة ايه دلوقتي
سليم: اتنهد. الحمد لله دكتورة نهي. قدرت توقف النزيف. لكن في طفل مات والتاني بنحاول نثبته وربنا معانا.
عدي: وهمس عاملة ايه
سليم: هي اسمها همس
عدي: ايوة مش مكتوب عندك في الاقرار
سليم: ايه احمم. معلش مكنتش مركز
عدي: طيب المهم هي حالتها ايه
سليم: هي طبعا احسن كتير. هي كانت مضروبة بوحشية. انا مش متخيل ازاي في راجل في الدنيا يكون متجوز واحدة زي دي وقلبه يطاوعه يعمل فيها كدة. دي قمر
عدي: اتعصب. سليم. احترم نفسك انت لو تعرف هي متجوزة مين مش هتتنفس
سليم: بسخرية. ليه ياعني اكيد واحد معندوش دم وغبي
عدي: طيب إتلم بدل ما اقولك هو مين وساعتها هتتكتم
سليم: ايه هتكون متجوزة ابو لهب
عدي: العن. رعد
سليم: بلع ريقه بصعوبة. رعد مين رعد الحديدي صاحبك
عدي: هز راسه. هو بعينه
سليم: الله يحرقك يا عدي الزفت. بقي جايبلي مرات رعد الحديدي. اللي ضربها وكان هيموتها. ده لو عرف انها هنا هيطربق المستشفي علي دماغنا كلنا
عدي: ماهي دي شطارتك بقي. انك تنبه عليهم محدش ينطق.اي حد يسأل عن دخول حالة. مشابهة لحالة همس ينكروا وجودها نهائي
سليم: حك شعره بحيرة وقلق. واتنهد بس تعرف. بردوا خسارة فيه
عدي: امشي من قدامي يا سليم بدل ما انفخك. استني. هي همس هتفوق امتي
سليم: لا الموزة دي مش هتفوق قبل الفجر. دي واخدة علقة موت غير البنج.
عدي: انا داخلها. ولو قولت موزة دي تاني. انا اللي هكلم رعد بنفسي. وهو ماشي زغده. آل دكتور آل ده انت سباك
سليم: مشي وراح مكتبه. ولف وبص علي عدي. بردوا موزة.
في اوضة همس
عدي: دخل لهنا لقاها قاعدة جنب همس وبتعيط. راح ومسك ايديها واخدها وقعدها جنبه. ممكن تبطلي عياط كفايه يا روحي انتي مبطلتيش عياط من الصبح
هنا: مش قادرة يا عدي. وبصت علي همس. شايف ايه اللي جرالها دي اتبهدلت خالص
عدي: اتنهد. معلش كلها جروح وكدمات وان شاء الله هتخف وتبقي كويسة.
هنا: يارب
عدي: ملس علي شعرها. حبيبتي تحبي اروحك وابقي ارجع لهمس. شكلك تعبان انتي محتاجة تنامي
هنا: لا طبعا مقدرش اسيبها لوحدها. انا هفضل معاها لحد لما تفوق وتخرج من هنا كمان
عدي: يا حبيبتي. سليم بيقول انها مش هتفوق قبل الفجر
هنا: مش مهم. انا هفضل هنا
عدي: طيب ايه رأيك ننام انا وانتي هنا علي السرير ده انا كمان ضهري واجعني جدا محتاج افردوا شوية
هنا: بقلق. سلامتك يا حبيبي
عدي: ابتسم. يا ايه
هنا: احمم. وبعدين هو احنا في ايه ولا في ايه
عدي: حضنها وقرب منها. وحياتي لتقوليها تاني
هنا: ابتسمت عدي
عدي: عيونه
هنا: انت مفيش فايدة فيك. تعالي ننام
عدي: بس خلي بالك السرير ده صغير يعني هتفضلي في حضني طول الوقت حتي مش هتتقلبي
هنا:زغدته في كتفه. تقصد ايه احترم نفسك احنا في مستشفي
عدي: هههههه وانا قولت ايه بس انا بس بنبهك. لحسن عقلك يوزك علي حاجة كدة ولا كدة. اه اصل انا بخاف علي نفسي من الفتنه
هنا: هههه مش بقولك فايق ورايق. خلاص روح انت نام لوحظك علي السرير وانا هنام هنا علي الكنبة دي
عدي: قام وشدها معاه لا يا حلوة ده انا مصدقت تقوليلي لوحدي. تعالي
في ڤيلا الحديدي.
توفيق: يعني ايه مش لاقينها ازاي انت شكلك كبرت وخرفت يا امين
امين: يا باشا. حضرتك اصلا مقولتش نراقبها. واول ما طلبت كدة اتحركنا بسرعة. ده حتي رعد نفسه بيدور عليها ومش لاقيها
مها: بخنقة. يا ريته كان قتلها مع ابراهيم
زينب: بتعيط
مها: ما تسكتي بقي كاتك الارف
زينب: اسكت ازاي بس يا هانم. احنا متفقناش علي كدة. انتي مقولتيش ان الحكاية فيها دم. ده قتل ابراهيم. ولو همس قالتله الحقيقة هيقتلني انا كمان انا خايفة اوي
مها: بقولك ايه انتي لازم تختفي اليومين اللي جاين دول في اي حته. لحد لما نشوف رعد هيعمل ايه وكمان نلاقي ست زفته همس دي
زينب: استخبي فين بس
مها: ايه ملكيش اهل اقارب اي حته بعيد عن رعد اليومين دول
زينب: اه انا ممكن اخد امي ونروح عند خالي في كفر الشيخ ونستخبي هناك شوية
مها: طيب روحي بسرعة
زينب: حاضر يا هانم
توفيق: استني عندك. عارفة لو مخلوق عرف اللي حصل انا اللي هقتلك فاهمة
زينب: فاهمة يا باشا ربنا يستر ويعمي عين رعد بيه عني
وفي الصباح. في المستشفي في اوضة همس
همس فاقت ولقت عدي وهنا قاعدين معاها
هنا: ابتسمت. حمد لله علي سلامتك يا هموسة
همس: بوهن. الله يسلمك
عدي: حمد لله علي السلامة
همس: الله يسلمك. انا بجد يا عدي مش عارفة اشكرك ازاي لولاك انت وهنا كنت موت انا وولادي الاتنين. وعيطت. بس الحمد لله علي كل حال واحد راح والتاني لسة معايا
عدي: همس انا عارف انك لسة تعبانة واللي حصل مكنش سهل. بس انا لازم اعرف الحقيقة
همس: بدموع. والله مظلومة والله ما خنته والله ما خنته.
عدي: طيب ايه اللي حصل وازاي ابراهيم كان معاكي في الاوضة
همس: انا هقولك اللي حصل. زينب صاحبتي. الله يجازيها بقي. كانت عندي قالت انها عايزاني في موضوع مهم. وطلبت مني امشي سميرة علشان متشوفهاش عندي. وكمان تتكلم براحتها. وانا سمعت كلامها. ومشيت سميرة وهي جات وقعدنا اتكلمنا وشربت معاها العصير. وبعد شوية حسيت بدوخة وتقل في دماغي وبعدها مدريتش بحاجة. غير وانا... وعيطت وشهقت بوجع.
هنا: اهدي يا همس. متعمليش في نفسك كدة
همس: اخدت نفسها. فوقت لقيت نفسي في السرير. وابراهيم جنبي. ورعد واقف قصادي. مبقتش فاهمة حاجة ولا عارفة اتكلم. ولا افكر حتي. والله هو ده اللي حصل اقسم بالله انا شريفة وعمري ماكنت خاينة. واخون مين رعد ده انا روحي فيه اخونه ازاي بس.
عدي: خبط الحيطة بعصبية. يعني زينب هي اللي ورا كل ده. تمام والله ما ابقاش عدي لو ماجبتها وخليتها تقول حقي برقبتي. بس انا قلبي بيقولي ان اللعبة دي. كبيرة علي زينب. اكيد وراها حد تاني
همس: بدموع. يعني مصدقني يا عدي
عدي: قرب منها. وقعد قصادها. طبعا مصدقك. ولو كنتي بتكدبي كنت هعرف. المهم دلوقتي نثبت برائتك لرعد
همس: غمضت عنيها بوجع ومرارة. وعيطت. رعد كان هيقتلني يا عدي كان عايز يدفني حية
عدي: مسك ايديها وطبطب عليها. اعذريه يا همس. اللي شافه مش سهل. تخيلي انتي نفسك تدخلي وتشوفيه في نفس الموقف. كنتي عملتي ايه
همس: هزت راسها. عندك حق انا كمان مع كل اللي عمله فيا صعبان عليا وقلبي وجعني عليه. يا تري عامل ايه وحالته ايه
عدي: اهدي يا همس علشان خاطري. انتي تعبانة. ومتقلقيش انا مش هسيبك. وهفضل جنبك انا وهنا. احنا اخواتك مش كدة ولا ايه. ولا انتي بقي مش بتعتبريني اخوكي
همس: ازاي بس. انت اخويا طبعا. وهنا اختي ربنا يخليكوا ليا. انا مش عارفة من غيركم كنت حصلي ايه
هنا: حاطت ايديها علي كتف عدي ومالت علي همس. مفيش الكلام ده بين الاخوات. احنا معاكي لحد ما رعد يعرف الحقيقة
عدي: باسها من خدها علشان كانت قريبة منه. وابتسم. صح كدة يا مزتي
هنا: ضربته في كتفه. انت علي طول بتستغل المواقف كدة
عدي: هههههههه. طيب بذمتك يا همس مش لازم استغل الموقف
همس: ابتسمت بوهن. طبعا والا متبقاش عدي
عدي: كدة حتي انتي ماشي. وقام اسيبكم انا بقي علشان اروح البيت اغير واروح الشركة. اكيد طبعا رعد مش هيروح. وكمان اشوف هعمل ايه في موضوع. الزفتة زينب دي
همس: عدي. ارجوك خلي بالك من رعد
عدي: ابتسم. متقلقيش ان شاء الله خير. رعد شديد. مش سهل ينكسر. ولف لهنا. هتيجي معايا يا هنون
هنا: لا مقدرش اسيب همس
عدي: طيب حتي تعالي خدي حمام وغيري هدومك. وكمان تجيبي حاجات ليكي ولهمس همس معهاش اي هدوم
هنا: اه صحيح. طيب بصي يا هموسة انا هروح مع عدي وهجبلك كل حاجة ممكن تحتاجيها ومش هتأخر
همس: روحي متشليش همي. انا هبقي كويسة
وخرج عدي وهنا وسليم شافهم وراح لهمس اوضتها
سليم: بإبتسمة كلها اعجاب واضح. حمد لله علي سلامة القمر بتاعنا
همس: عقدت حاجبها. مين حضرتك
سليم: قرب الكرسي من سرير همس وقعد قصادها. ليكي حق متعرفنيش. انتي امبارح كنتي في دنيا تانية خالص. انا يا سيتي ابقي دكتور سليم صاحب المستشفي. وكمان صاحب عدي. وانا كنت معاكي في العمليات مسيبتكيش لحظة لحد لما جيتي هنا
همس: هو حضرتك اللي عملتلي العملية.
سليم: لا انا مش تخصص نساء. دكتورة نهي هي اللي عملتلك العمليه.
همس: اومال حضرتك تخصصك ايه
سليم: وهو بيبص في عنيها بهيام. قلب انا تخصص قلب. بداوي القلوب
بس يا خسارة قلبي تعبان ومش لاقي اللي يداويه
همس: قلقت من طريقته. احمم. الف سلامة عليك
سليم: في نفسه. يخربيت حلاوة عنيكي يا شيخة هو في كدة. احمم قوليلي انتي ايه اللي عمل فيكي كدة
همس: اتضايقت. لو سامحت مش عايزة اتكلم في الموضوع ده
سليم: امممم. علي فكرة عدي قالي ان جوزك هو. اللي عمل فيكي كدة. ولو عايزة تقرير بحالتك اللي وصلتي بيها انا ممكن اعملهولك
همس: وانا هعمل بيه ايه
سليم: يعني لو انتي عايزة تطلقي منه ومحتاجة التقرير يثبت انه غير مؤتمن عليكي
همس: اتنفضت. لا لا انت بتقول ايه لا طبعا انا مش هعمل كدة
سليم: اتنهد. هو انتي لسة باقية عليه بعد اللي عمله فيكي. انتي كنتي هتموتي.
همس: لو سمحت انت متعرفش حاجة فاياريت متتكلمش
سليم: تمام براحتك. بس قوليلي هما كل اللي بيضربوا بيبقوا حلوين كدة
همس: اتكسفت. وبصت في الارض
سليم: يا لهوي دي بتتكسف. الله يخربيتك يا رعد حد يعمل كدة في حته الشيكولاتة دي دي عسل وعليها رقة
همس: احمم. هو حضرتك بتبصلي كدة ليه
سليم: هاه. لا ابدا. اصلك سبحان الله مع كل الكدمات اللي في وشك. انما جميلة جميلة جدا. هو شعرك ده طبيعي ولا تركيب
همس: حطت ايديها علي شعرها افتكرت انها من غير حجاب. لفت شعرها للجنب. احمم انا اصلا محجبة بس هنا هتجبلي هدوم وحجاب وهي جاية
سليم: احمم اسف. مكنتش اقصد اضايقك معلش انا كدة عيشري وباخد علي المرضي بتوعي بسرعة. وبصراحة شعرك تعبنا جدا امبارح في العمليات علشان نغطيه. اصله طويل جدا. علشان كدة سألتك هو طبيعي ولا لا
همس: بخجل. لا طبيعي.
سليم: كمان. منك لله يا رعد. اااه وربنا هو بس يطلقها والله ما انا عتقها
همس: هو انا ممكن اعرف حاجة
سليم: اؤمري
همس: احمم. كنت يعني عايزة اعرف انا لما جيت امبارح كنت اا. كنت...
سليم: مالك قلقانة من ايه. اتكلمي
همس: لا خلاص هسأل الدكتورة اللي عملتلي العملية
والباب اتفتح ودخلت دكتورة نهي
نهي: بإبتسامة صباح الخير. عاملة ايه النهاردة
همس: ابتسمت. الحمد لله احسن. هو حضرتك اللي عملتيلي العملية
نهي: ايوة يا سيتي. انا اللي وقعتي قلبها في رجليها. من الرعب. انتي حالتك كانت صعب جدا
سليم: اهي يا سيتي دكتورة نهي بنفسها جاتلك. اسأليها بقي علي اللي انتي عايزاه. اسيبكم انا. هجيلك تاني يا همس علشان اطمن عليكي وخرج سليم.
نهي: هاه يا سيتي عايزة تسألي علي ايه
همس: هو انا ممكن اعرف. احمم يعني اذا كنت يعني حد لمسني ولاحاجة فاهمة حضرتك
نهي: ايوة. تقصدي حصل علاقة ولا لا
همس: ايوة بالظبط كدة
نهي: تمام دي سهلة انا هعمل اللازم واطمنك
وفعلا نهي اخدت همس وعملتلها
الكشف المطلوب واخدت عينة منها واتحللت. وكانت النتيجة. ان الحمد لله ماكنش في اي اثر لإقامة علاقة
همس: الحمد لله يا هنا ده انا كنت هموت لو إبراهيم كان عمل فيا حاجة.
هنا: الحمد لله. ربنا كريم وان شاء الله قريب الحقيقة تبان.
همس: يارب يارب. انت عالم اني مغلطتش. يارب. ريح قلبه ده تلاقيه مجروح قوي
في شركة رعد وفي مكتب رعد
عدي: دخل لرعد واستغرب. انا مصدقتش لما قالولي انك هنا انت جيت ليه النهاردة
رعد: بجمود. اومال عايزني اكون فين اقعد اعيط واندب حظي اللي وقعني في واحدة متستهلش انها تكون خدامة عندي. انسي انا همحيها من حياتي نهائي. ووعد اول لما الاقيها. همحيها من الدنيا بحالها
عدي: رعد. متبقاش قاسي همس اكيد مظلومة. انا شاكك ان الحكاية وراها لعبة كبيرة
رعد: ولا لعبة ولا زفت. هي خاينة وحقيرة. كنت منتظر ايه من واحدة. كانت جاية تأجر حتة منها. بس للأسف حبي ليها وقتها مخلنيش اشوف حقيقتها. وانخدعت فيها
عدي:رعد متخليش غضبك يخليك تقول حاجة تندم عليها بعدين
رعد: قعد علي كرسيه. وبحزم. عدي خلينا نشوف شغلنا. ويا ريت متتكلمش معايا في الموضوع ده تاني. مش عايز اسمع اسمها مفهوم
عدي: اتنهد بألم علي صاحبه وحاله. مفهوم. عن اذنك. وخرج عدي
رعد: كان مخنوق. وفك الكراڤات بتاعته. ورماها ومسح وشه وشعره بغضب. ليه ليه مش عارف اكرهك ليه. ليه لسة.... لسة بتوحشيني ليه عايز اشوفك ليه. وخبط المكتب بإيده بغضب.
في مكتب عدي
عدي: فهمت يا مروان. رعد ميعرفش حاجة
مروان: تحت امرك هدور عليها واجيبها. لو في بطن امها هجيبها. ومتخفش رعد بيه مش هيعرف حاجة
انا كمان عايز ابرأ مدام همس. انا متأكد انها مش ممكن تعمل كدة. انا كنت خايف يقتلها لما قالي احفر قبر. كنت متأكد انه ليها.
عدي: الحمد لله ربنا ستر. المهم انا عايز زينب في اقرب وقت
مروان: تمام. اعتمد عليا.
.................
#يتبع_بعد_عمل 👇👇👇👇👇
#متابعة_واضافة_لصفحتى_الشخصية
#رحم_للايجار
#الفصل_الثالث_والثلاثون_والفصل_الرابع_والثلاثون
👇👇👇👇👇👇👇👇
وعدي اسبوع علي وجود همس في المستشفي. وهنا معاها بإستمرار. وعدي كان بيخلص شغله ويروحلهم. كل يوم. وطبعا رعد سأل عدي عن غياب هنا. وعدي قالوا انها تعبانة وزعلانة علي غياب همس ومش قادرة تنزل الشغل.وعدي ومروان كانوا لسة مستمرين في رحلة البحث عن زينب وقالبين عليها مصر كلها. وكمان سليم كان طول الوقت يدخل لهمس ويتكلم معاها. ويحاول يضحكها. لانها كانت دايما حزينة و بتعيط. سليم مع انه عارف انها متجوزة. ومش متجوزة اي حد ده رعد الحديدي. بس هو افتكر ان حزنها وعياطها ده. سببه زعلها وانها عايزة تسيب رعد بس خايفة منه. وبسبب اعجابه الزايد بيها كان بيحاول يقرب منها. ظنا منه انها تتعلق بيه وهو يقدر يساعدها تطلق من رعد. وسليم مكنش عنده اي غضاضة او مانع يخليه يرتبط بواحدة كانت متجوزة. مع ان هو لسة متجوزش هو اينعم كان ليه علاقات كتير.و بيحب الستات جدا. بس همس كانت مختلفة شغلت تفكيره بشكل غريب. واعجب بيها من اول ما عنيه وقعت عليها لما اخدها من عدي ودخلها العمليات. علشان كدة. كان ماشي ورا احساسه ومبيحاولش يفكر انها لسة بتحب رعد. كانت فكرة مستبعدة خصوصا بعد اللي عمله فيها. وفي يوم هنا راحت البيت تجيب حاجات. وعدي في الشركة. وسليم دخل لهمس اوضتها
في اوضة همس
سليم: دخل وكالعادة مبتسم وبيضحك. مساء الخير علي اجمل مريضة عندنا
همس: ابتسمت بحزن. والله انا مش عارفة ازي حضرتك دايما بتضحك ومتفائل كدة
سليم: قرب كرسي وقعد قصادها. يا سيتي تفائلوا بالخير تجدوه.تفائلي واضحكي محدش واخد منها حاجة. يعني فرضا انا مت دلوقتي اموت وانا مكشر ده حتي يبقي فال وحش
همس: ضحكت غصب عنها. هههههه. بعد الشر عليك ربنا يبارك في عمرك.
سليم: ابتسم. ايه بس الدعوة الحلوة دي. تصدقي انا محدش دعالي كدة من يوم امي ما ماتت. كلهم بيدعوا عليا. ليه معرفش مع اني ابن حلال والله وطيب
همس: هههههه. انا دلوقتي عرفت انت وعدي ليه صحاب اوي كدة. اصلكم فيكم من بعض كتير طول الوقت بتهزروا
سليم: ابتسم طيب ممكن تقبلي مني الهدية البسيطة دي. وقرب منها بوكس احمر وملفوف بشريطة ستان
همس: ارتبكت. هدية ليا انا وايه المناسبة
سليم: ايوة ليكي انتي. ويا سيتي اعتبريها بمناسبة انك اتحسنتي والبيبي بقي كويس وانتي كمان صحتك بقت احسن. ممكن تفتحيها
همس: كانت مترددة تفتحها ومش عارفة ايه اخرة قرب سليم منها. هي عايزة تفهمه انها بتحب رعد ومش ممكن تفكر في غيره. بس مش قادرة تتكلم لانه لحد دلوقتي متجاوزش معاها في اي حاجة بخلاف اهتمامه بيها وهزاره وضحكه اللي لاحظت. انه مش معاها بس مع اي حد حتي الممرضات والدكاترة بيحبوه وبيحبه خفة دمه وتواضعه معاهم. وماكنتش عايزة تحرجه ولا تكسفه.
سليم: عقد حاجبه. علي فكرة دي هدية والله مش متفجرات. مالك مش عايزة تفتحيها ليه
همس: احمم. لا ابدا بس اصل حضرتك تعبت نفسك مكنلوش لزوم
سليم: مين قالك اني تعبان. انا مبسوط جدا. بس ابوس ايدك افتحيها
همس: ففكت الشيريطة الستان علي استحياء. وكانت صدمتها لما لقت البوكس جواه شيكولاتة من نوع غالي جدا واللي كانت عارفاه لان رعد كان بيجبلها منه. وسرحت
فلااااااش بااااااك
همس قاعدة في التراس علي مرجيحة من الاتنين اللي موجودين. في التراس واللي كل واحدة فيهم لشخص واحد هي زي الكرسي في الشكل لكن هي مرجيحة. وقاعدة تتمرجح وسرحانة. وبعد شوية لقت رعد بيغمي عنيها بإيده. وقرب من ودنها وبصوت هادي
رعد: وحششتييني
همس: مسكت ايده وباستها. هههههه وانت كمان وحشتني اوي
رعد: كان مخبي حاجة ورا ظهره. امم بس غريبة متخضتيش يعني
همس: هههههههه. علشان يا حبيبي كنت عارفة انك جيت من قبل ما تغمي عنيا
رعد: عقد حاجبه ازاي بقي بتعرفي الغيب
همس: ابتسمت بدلع. تؤتؤ. بس عرفت انك وصلت من ريحتك ريحة برفانك قوية جدا بتوصلي قبلك وانا من عشيقي ليها بقيت مدمنه وحفظاها
رعد: قعد علي ركبته قصادها وابتسم. وبصلها بعشق للدرجة دي بتحبي ريحة برفاني
همس: جدا اصلها مختلفة جدا حاسة انها بتاعتك لوحدك عمري ما شميت حاجة قريبة منها
رعد: تعرفي ان دي حقيقة. اصل هي فعلا مش موجود منها في مصر الا قليل لاني بجيبها انا وعدي لما بنسافر باريس. مش هتلاقي كتير بيستخدمها
همس: ابتسمت. شوفت كان عندي حق. ممكن بقي توريني مخبي ايه ورا ظهرك
رعد: ابتسم بمكر. مفيش حاجة
همس: وحياتي وريني بقي جايب ايه
رعد: جايب حاجة حلوة
همس: ههههههه. ده علي اساس اني بيبي صغير
رعد: طيب ماانتي فعلا بيبي صغير. مش انتي اميرتي الحلوة الصغيرة. لازم اجبلك حاجة حلوة
همس: بحماس. طيب وريني بقي
رعد: ادالها بوكس اسود مربوط بشريطة ستان ذهبي.
همس: ابتسمت. مش ممكن حتي زوقك في لون الهدية يجنن الاسود ملك الالوان زيك بالظبط ملك.
رعد: باسها من خدها. انا ملك بيكي انتي يا اميرتي. يالا افتحيها
همس: شدت الشريطة وفتحت البوكس. ولقت فيها شيكولاتة وشكلها حلو جدا وكمان واضح انها غالية
همس: بفرحة. شيكولاتة ده انا بحبها جدا. بس انت جبتها كدة صدفة ولا انت عرفت اني بحب الشيكولاتة
رعد: اصل بصراحة امبارح وانتي بتاكلي ايس كريم الشيكولاتة. لاحظت انك بتاكليه بشكل فظيع وبحب فتأكدت انك بتحبي الشيكولاتة. واول حاجة عملتها النهاردة. اني خليت وليد يسألي عن احسن مكان لأفخم نوع شيكولاتة في مصر. ولقيت ان المحل ده. الافضل لان صاحبه اصلا فرنساوي الاصل. وجبتلك منها.
همس: بسعادة. معقول كل ده علشاني. كان اي نوع وخلاص
رعد: اولا انا مش اي حد ولا انتي اي واحدة. انتي حبيبتي وعشيقتي. يعني لما تحبي حاجة لازم يكون عندك منها الاحسن والافضل. مش اي حاجة وخلاص.
همس: حضنته جامد جدا. انا بحبك اوي اوي يا رعد
رعد: حضنها اكتر وابتسم. وانا بحبك وبعشقك يا احلي شيكولاتة في الدنيا. وخرجها من حضنه بهدوء. ممكن بقي تدوقيها
همس: فتحت واحدة وكلت منها بإستمتاع. امم تحفة جميلة اوووي. خد دوق واحدة
رعد: تؤتؤ انا مش عايز ادوق من هنا
همس: اومال منين
رعد: بخبث. من هنا وشاورلها علي شفايفها. وقرب منها وباسها. اممم فعلا تحفة واللي محليها انك انتي
اللي بتكليها يا روحي
همس: تعرف انا بحبك قد ايه
رعد: قد ايه
همس: اكتر من الشيكولاتة
رعد: هههههههههه. ياه وجاية علي نفسك ليه.
همس: ههههههه شوفت بقي انا كمان مش حرماك من حاجة
رعد: بمكر. طيب بقول ايه ما تيجي ندوق باقي الشيكولاتة جوا.
همس: بدلع. امممم هو انت ناوي تكلها كلها النهاردة
رعد: بلؤم. تؤتؤتؤ. انتي هتكليها وانا هكلك انتي
باااااااك
همس: غمضت عنيها بحصرة. وبتعيط
سليم: استغرب وقلق. ايه للدرجة دي مبتحبيش الشيكولاتة. انا اسف بس والله دي اغلي نوع شيكولاتة في مصر
همس : بدموع. عارفة وصاحب المحل فرنسي
سليم: طيب ما انتي عارفة اهو. اه ليكي حق ما انتي متجوزة رعد الحديدي
همس: قلقت. هو انت تعرف انه جوزي
سليم: متخافيش انا عارف من اول يوم جيتي فيه هنا. وعدي مفهمني انك مش عايزة رعد يعرف مكانك ومتقلقيش مش هيعرف
همس: ارتاحت وسكتت
سليم: طيب هي الشيكولاتة عجبتك ولا لا لو مش حباها عادي اجبلك غيرها
همس: لا لا. حلوة متشكرة ليك اوي. بس ممكن لو سامحت تسيبني لوحدي شوية
سليم: حاضر هسيبك. ولو احتجتيني انا عرفتك رقم مكتبي كلميني هتلقيني عندك هوا
همس: بحزن. ان شاء الله.
وخرج سليم. وقعدت همس تبص للشيكولاتة وتفتكر رعد وتعيط. وتدعي ربنا انه يكشف الحقيقة ورعد يعرف انها مش خاينة
ودخلت هنا لهمس
هنا: الجميل بيعيط ليه
همس: مسحت دموعها. مفيش
هنا: ايه البوكس ده؟ شيكولاتة! من مين
همس: دكتور سليم هو اللي جابها
هنا: اممم مش ملاحظة انه مهتم بيكي بزيادة
همس: اتنهدت. طبعا ملاحظة وعلشان كدة عايزة عدي يخرجني من هنا بسرعة. انا تعبت. انا في كل مكان لازم يتطلعي عفريت
هنا: ههههههه. ماهو من حلاتك يا ست. وبصراحة هو مسهوك وموز كدة
همس: والله انتي فايقة ورايقة. هو انا في راجل في الدنيا يملي عيني ولا قلبي غير رعد. ده برجالة الدنيا بحالها
هنا: حبيبتي انا بهزر معاكي. بس معقول لسة بتحبية حتي بعد اللي عمله فيكي.
همس: اتنهدت. انا منكرش اني مجروحة منه وموجوعة من كلامه اللي قالهولي اكتر من ضربه ليا. بس هتصدقيني لو قولتك وهو بيضربني كنت موجوعة عليه اكتر من نفسي. وعيطت. رعد انجرح قوي يا هنا قوي. والله انا نفسي ربنا يظهر الحقيقة مش علشان ابرأ نفسي لا علشان هو يرتاح وميحسش انه إتهان واتجرحت رجولته
هنا: يااااه معقول. حبيبتي ربنا كريم وان شاء الله كل حاجة هتبان وترجعوا لبعض.
همس: بحصرة بتدعي برجاء. يارب يارب
في شركة رعد وفي مكتب رعد
رعد باين عليه الارهاق وقلة النوم والتعب. وقاعد وساند راسه لورا علي كرسيه ومغمض عنيه
عدي: رعد انت شكلك تعبان روح انت وانا موجود
رعد: وهو لسة علي وضعه. لا انا مفيش حاجة بتريحني غير الشغل.
عدي: بمكر. الشغل بس ماكنش فيه حاجة تانية
رعد: بغضب جز علي سنانه وفتح عنيه. وبتحزير عدي
عدي: حاس انه مش وقته يهزر معاه وهو عارف انه مش طايق حد يجيب سيرتها قصاده. احمم اسف متزعلش. المهم هنعمل ايه في المناقصة اللي جاية
رعد: بحزم لازم اخدها من توفيق طبعا
عدي: امم هو احنا طبعا هنقدم عرض احسن منهم بس عايزين شركة تانية تدخل معانا علشان نعمل كماشة علي توفيق بيه علشان لو احنا مأخدنهاش هو مايخدهاش
رعد: ومين بقي اللي هيوافق انه يعمل كدة كله هيبقي طمعان لنفسه
عدي: بعد تفكير اممم. طيب ايه رايك في شركة اكمل
رعد: اكمل التهامي
عدي: ايوة. انت عارف اكمل ومراته شركتهم من اكبر الشركات واكيد داخلين المناقصة. واحنا صحاب من زمان من ايام الكلية واكيد مش هيرفض
رعد: بس انا مشوفتوش تقريبا من وقت حادثة مراته. ولا حتي كلمته
عدي: ولا يهمك أكمل جدع وهيفهم. ومش هيزعل
رعد: طيب ماهو ممكن يكون عايز المناقصة
عدي: سيبها عليا انا بس وانا هظبط الدنيا واكلمه واتفق معاه. اوك
رعد: هز راسه. اعمل اللي يعجبك. المهم المناقصة دي متروحش لتوفيق
عدي: ولا يكون عندك فكر. يالا عن اذنك
رعد: عدي. احمم وبتردد هي ههي..
عدي: ضيق عنيه بخبث. هي مين
رعد: ايه لا ولا حاجة. هي هنا عاملة ايه
عدي: بمكر. هنا كويسة. ولعلمك همس مكلمتهاش
رعد: بعصبية. وهو انا كنت سألتك. ما تغور في داهية انا اصلا مش عايز اعرف عنها حاجة يا ريتها تكون ماتت وريحتنا من عارها
عدي: ليه كدة بس يا رعد. بكرة الايام تثبتلك انها مظلومة وانها كانت ضحية
رعد: بسخرية ضحية. ضحية الخيانة مش كدة. اسكت يا عدي واياك تجيب سيرتها قصادي تاني انا بلعن نفسي كل دقيقة اني مقتلتهاش وقتها.
عدي: اتنهد بنفاذ صبر. حاضر هسكت عن اذنك.
في ڤيلا الحديدي
توفيق: هاه يا امين خلصت كل حاجة بخصوص المناقصة الجديدة
أمين: ايوة يا باشا. بس اا
توفيق: بس ايه انطق
أمين: اصل رعد بيه داخل المناقصة دي واحنا بصراحة السيولة مقصرة معانا شوية
توفيق: اممم. طيب بيع اي حاجة من الاصول
امين: طيب بدل ما نبيع. ما تحول سيادتك اي مبلغ من برا
توفيق: لا انا مش عايز اسحب من الفلوس اللي برا تاني. محدش عارف الظروف. بيع من الاصول زي ما قولتلك
امين: تمام تحت امرك. عن اذنك
مها: دخلت لتوفيق. هاه يا جدو. خلصت كلام في الشغل
توفيق: ايوة يا سيتي. تعالي كنتي عايزة حاجة
مها: ايوة. كنت عايزة اعرف عملتلي ايه بخصوص السنتر اللي طلبته منك
توفيق: والله يا مها. انا الفترة دي في نقص في السيولة وعندي شوية لخبطة. اخلصها وافوق وافتحلك اكبر وافخم سنتر تجميل في مصر
مها: ايوة يا جدو انا لازم احرق دم البيه اللي اخد مني السنتر بتاعي وقفل حسابي. لازم يعرف اني مها الحديدي ومش محتاجة لفلوسه
توفيق: عندك حق. ولسة لما الاقي همس. وتولد ويعرف اني اخدت ولاده يبقي يوريني هيعمل ايه.
مها: تفتكر يا جدو تكون راحت فين
توفيق: مش عارف بس امين قالب عليها الدنيا. ومش هرتاح غير لما الاقيها
مها: طيب عن اذنك انا خارجة شوية
توفيق: علي فين رايحة النادي
مها: بحقارة. لا رايحة لرعد
في شركة رعد
رعد قاعد في مكتبه وبتابع اوراق مهمة والباب خبط.
رعد: ادخل
وليد: رعد بيه مها هانم برا وعايزة تقابل سيادتك
رعد: اتعصب. ودي جاية ليه
مها: دخلت من غير ما تستني وليد يأذنلها. وبإستفزاز. جاية اسلم عليك اصلك وحشتني
رعد: بصلها بغضب. وشاور لوليد بعنيه انه يخرج. وخرج.
رعد: قام من علي كرسيه وحط ايده في جيبه. وبحدة. نعم خير جاية ليه يا بنت الحديدي
مها: قعدت وحطت رجل علي رجل. اممم كنت جاية اواسيك مش بردوا مراتك مختفيه ومش لاقيها
رعد: جز علي سنانه. وانتي مالك خليكي في حالك.
مها: اممم ماهو ده حالي. مش شايف انها غربية. ان احنا الاتنين منحبكش. واحنا الاتنين نخونك. عارف ليه. علشان انت ماتتعاشرش. انسان مفتري وحش مفيش ست ممكن تحبك.
رعد: شدها من دراعها بغضب. انتي شكلك مكفكيش علقة واحدة عايزة علقة تانية علشان تتربي
مها: اي ايدي اوعي. روح اتشطر علي اللي خانتك مع واحد معفن وفضلته عليك
رعد: شدها من شعرها انا عايز اعرف انتي عرفتي منين
مها: اي سيب شعري. وبعدت عنه. انا مها الحديدي ولازم اعرف. انا كنت جاية اقولك مبروك عليك خيانة الهانم. اللي مش ركلام فاكر يا رعد بيه. عن اذنك
رعد: كان في قمة غضبه. زي ما يكون ناقص شماته واحدة حقيرة زي مها. وخرج ومشي واخد عربيته وراح الفندق اللي قاعد فيه من يوم اللي حصل. لانه مكنش عايز يدخل البيت اللي فاكر ان همس خانته فيه. ودخل جناحه وهو في حالة حزن ووجع كبير ومايتوصفش. رمي جاكت البدلة وفك قميصة وقعد في الارض وسند ظهره للسرير. وطلع صورة امه.
رعد: دمع غصب عنه. شوفتي يا امي ابنك حب وعشق. بعد ما كان قلبه حجر. بس للاسف حب اللي جرحته وخانته. عشق اللي وجعته. اااااه يا امي فينك فين حضنك. مش لاقي حضن يلمني يا امي انا كنت فاكر اني اكتر وقت كنت محتاجلك فيه زمان وانا صغير. لكن النهاردة اكتشفت اني محتاجلك اكتر من اي وقت فات. نفسي ارمي نفسي في حضنك وابكي. انا متماسك قدام الكل وجامد قدام الكل. لكن الحقيقة ان انا بنهار بموت يا امي بموت. انا حبيتها اوي يا امي اوي. بس هي محبتنيش وكدبت عليا خانتني يا امي باعتني وانا اللي اشتريتها بالدنيا كلها. مكنتش اعرف ان الحب وجع كدة. يا ريتني ماحبيت يا ريني فضلت رعد . لكن للاسف رعد عشق عشق يا امي.
وفضل رعد علي حاله وحزنه ووجعه. وعدي كمان اسبوع وهمس خرجت من المستشفي وراحت قعدت مع هنا في شقتها وعدي قعد لوحده في شقته. وفي يوم مروان راح لعدي في مكتبه
مروان : بفرحة. لقتها يا عدي بيه لقيت زينب
عدي: ابتسم. بجد هي فين
مروان: كانت مستخبية في كفر الشيخ عند خالها هي وامها.
عدي: طيب مجبتهاش ليه
مروان: زمان الرجالة بيجبوها واحنا هنسبقهم علي المخزن
عدي: طيب بينا بسرعة.
👏👏👏👏
#يتبع...... بعد المتابعة والإضافة لصفحتى
❤️❤️❤️❤️❤️❤️❤️💜💜💜💜💜💜💜💜
#رحم_للايجار
#الفصل_الرابع_والثلاثون
👇👇👇👇👇👇👇👇
في شقة هنا
هنا رجعت من برا لقت همس في المطبخ بتجهز الاكل
هنا: ايه يا همس اللي بتعمليه ده. انتي ليه بتتعبي نفسك بس. ما انا موجودة
همس: ابتسمت. ده علي اساس انك بتعرفي تطبخي يا فلحوصة
هنا: هههههههه. لا طبعا بس يعني كنت بحاول. هي اينعم كلها محاولات فاشلة بس اهو اديني بجرب.
همس: لا يا هنا لازم تتعلمي. عدي مينفعش طول الوقت لما يحب ياكل هو اللي يعمل الاكل او يطلب جاهز. لازم يحس انك بتعمليله حاجة خاصة بيه لازم يكون ليكي علامة في حياته
هنا: يا سلام. والاكل بقي هو العلامة
همس: مش قصدي الاكل علشان الاكل يعني. انا اقصد انه يحس بإهتمامك بيه انك بتحاولي علشانه وكمان مع الوقت هتلاقيه مبيعرفش ياكل من ايد حد غيرك. كمان لازم تهتمي بحاجاته الشخصية. هدومه ترتيبها نضافتها. مينفعش التطنيش اللي انتي فيه ده. والله الراجل ده ليه الجنة مستحمل تقلك عليه. لا وكمان هو اللي بيخدمك يا ظالمة
هنا: انا شامة ريحة قرايا معتبرة
همس: ههههههه ايوة . بقر عليكي بس يا رب يجيب نتيجة
هنا: ههههههه. ماشي ححاول اسمع كلامك. قوليلي بتعملي اكل ايه
همس: اللي انتي شايفاه
هنا: طيب اساعدك في ايه
همس: بصي اغسلي ايدك. واحشي السمبوسك دي
هنا: حكت شعرها بحيرة. اممم انا بشوفها مثلث كدة. هما بيلفوها ازاي
همس: اتنهدت بنفاذ صبر. عوض عليا عوض الصابرين يا رب. امشي يا هنا انا هعملها. بس قوليلي عدي راجع امتي
هنا: اممم. مش عارفة هو عدي عليا في مكتبي واخدني علشان يوصلني. وقالي عنده مشوار مهم وممكن يتأخر. شكلنا هنتعشي مش هنتغدا.
همس: تمام انا هجهز الاكل ولما يرجع نبقي نسخنه. وبتردد. هنا هو انتي شوفتي رعد النهاردة
هنا: بلؤم. اه شوفته ليه بتسألي
همس: ابدا بطمن عليه هو عامل ايه صحته كويسة
هنا: بمكر. شكله تعبان. انا قابلته وهو خارج من الشركة وكان لابس نظارته الشمس. الفترة دي طول الوقت لابسها علشان يداري عنيه المجهدة من قلة النوم.
همس: دمعت. انا عارفة هو اكيد مش بينام ولا بياكل. يا تري عامل ايه لوحده. مين يبخلي باله منه. رعد عنيد ومبيسمعش كلام حد. انا الوحيدة اللي كنت بخليه يسمع كلامي
هنا: صعبت عليها. معلش والله ماقصدش اضايقك انا بس كنت عايزة انكشك.
همس: اتنهدت. من غير ما تقولي انا كنت عارفة ان حالته صعبة.
هنا: وحشك؟
همس: عيطت وحضنت هنا. وحشني اوي يا هنا اوي
في ڤيلا الحديدي.
امين: مصيبة يا توفيق باشا
توفيق: خير يا امين مصيبة ايه انطق
امين: رجالة رعد وصلوا لزينب واخدوها
مها: اتصدمت. مشم ممكن. زينب غبية يا جدو. دي اكيد هتقول لرعد كل حاجة. جدو انا خايفة من رعد ده مجنون.
توفيق: عندك حق رعد وهو غضبان محدش يضمن نتيجة تصرفاته. مها. جهزي شنطتك بسرعة احنا هنغيب فترة كدة لحد الامور ما تهدي.
في جناح رعد في الفندق.
رعد واقف في بلكونة الجناح وحاطت ايده في جيبه وسرحان وبيفكر في همس. اللي غصب عنه بيحنلها وبتوحشه. كان بيتنفس الهوا ونفسه يدخل جواه ويخرج معاه الهم اللي علي صدره ويريحه. وكان غرقان في ذكرياته معاها وكلامهم وهزارهم. ودلعها عليه و ضحكتها اللي افتقدها. كان عقله رافض التفكير فيها. لكن قلبه لا قلبه كان بيصرخ تعبان من بعدها مش متحمل غيابها. وفضل هيمان علي انغام اغنية (لحماقي اسمها. كان مالي
واتنهد رعد بغصة ومرارة والم وتليفونه رن مكنش مهتم يرد ولا حتي يعرف مين لكن التليفون فضل يرن كتير اتنهد بضيق ودخل شافه
لقي عدي هو اللي بيتصل. رد
رعد: بتعب. ايوة يا عدي في ايه
عدي: بجدية. رعد عايزك تجيني المخزن حالا
رعد: بقلق. ليه في ايه
عدي: لما تيجي هتعرف
رعد: بضيق. عدي لو في حاجة خلصها انا تعبان ومش فايق لاي حاجة
عدي: بصرامة. رعد بقولك تعالي بسرعة الموضوع يخص همس
رعد: فتح عنيه بقوة واتخض. همس جارالها ايه عرفت مكانها
عدي: قولتلك لما تيجي هتعرف تعالي بس انت ومتتأخرش
رعد: طيب طيب. انا جاي حالا. ولبس رعد بسرعة وراح لعدي
عند المخزن رعد وصل بعربيته لقي عدي ومروان منتظرينه نزل من عربيته بسرعة
رعد: بلهفة. خير يا عدي ايه اللي حصل مالها همس
عدي: ابتسم لانه شاف لهفته علي همس اللي كان بيحاول يداريها الفترة اللي فاتت. تعالي جوا وانت تعرف
دخل رعد مع عدي ومروان لقي زينب مربوطة وبتعيط عقد حاحبه بإستغراب
رعد: البت دي بتعمل ايه هنا
عدي: بص لزينب بشراسة. اتكلمي يا روح امك قولي لرعد بيه كل اللي قولتيه من شوية
رعد: انا مش فاهم حاجة حد يفهمني
عدي: قرب منها ومسكها من شعرها ما تنطقي يا بنت ال...
زينب: بتعيط. هقول هقول كل حاجة. الحكاية بدأت لما مها هانم طلبت مني اساعدها انها تسقط همس وانا سمعت كلامها وعملنا حكاية ان هبة تعبانة علشان تروح عندها ومنصور يضربها ويسقطها وانت تغضب عليها وتطلقها. بس الخطة دي فشلت لما انت اخدتها واسعفتها وكمان سامحتها علي اللي حصل.
رعد: بغضب اندفع ناحيتها ومسكها من شعرها. كنتوا عايزين تسقطوها يا ولاد الكلب انا كنت متأكد انك ورا اللي حصل علشان كدة بعدتها عنك يا واطية. كنتي عايزة تسقطي صاحبتك دي ما كنتش بتجيب سيرتك الا بالخير يا زبالة
عدي: اتقل واسمع اللي جاي دي هتشجيك بكمية قرف ووساخة عجيبة. كملي يا زبالة
زينب: مها هانم بعدها. طلبت مني اجيب خط جديد واسجله بإسم إبراهيم ابن عم همس واكلمها منه كل يوم
رعد: كان بيقرب منها تاني بعصبيه. لكن عدي منعه بإيده وشاورله يستني ويسمع. وشاور لزينب تكمل
زينب: بلعت ريقها بصعوبة من اللي جاي وهي مرعوبة من رعد. وعملت كدة علشان انت تشك في همس. لحد اليوم اللي انت شوفتها فيه مع ابراهيم. انا كنت عندها وطلبت منها تمشي الشغالة علشان متشوفيش عندها وتقولك. ولما رحتلها قدمتلي عصير وانا صممت انها تشرب معايا وطلبت منها مياه. ولما قامت حطتلها نقطتين من المنوم علشان يادوب تنام لحد ما افتح لإبراهيم وانت توصل علشان تلاقيها فايقة وتشوفها معاه. وتطلقها
رعد: كان زي البركان هينفجر. ومسك راسه بإيده وهو بيلف حاولين نفسه بصدمة. وهو بيفتكرها لما شافها اول ما دخل عليها كانت مدروخة ومش مركزة. وكانت زي ما تكون تايهة. وافتكر وهو بيجرها وبيضربها كانت ضعيفة ومش قادرة تقف. افتكر كلامها اللي خرج منها بصعوبة. انها مظلومة ومعملتش حاجة. غمض عنيه بألم وافتكر ضربه ليها وقسوته عليها. افتكر وشها اللي كان غرقان دم من ضرباته ليها افتكر كل قلم. ضربهولها كل ضربة ضربها في بطنها. افتكر ولاده اللي كان بيموتهم بإيده. افتكر ضعفها وهي مرمية قصاد عنيه علي الارض وغرقانة في دمها وهو سابها ومسألش فيها. كان حاسس برركان غضب جواه ممكن يفتك بكل اللي عمله فيه وفيها كدة. وجري علي زينب وجرها من شعرها وفضل يضربها بالقلم. كنت هموتها يا ولاد الكلب كنت هموتها بإيدي وانتوا السبب. ليه ليه. انتوا ايه شياطين. عملتلكم ايه علشان تعمله فيها كدة
زينب: بتخاد نفسها من العيط. ابوس ايدك ارحمني انا مليش دعوة مها هانم وتوفيق بيه هما اللي جبروني اعمل كدة. مش بإيدي والله غصب عني
رعد: بغضب. توفيق هو كمان مشترك في العملة الوسخة دي. ورحمة امي. وحيات كل نقطة دم نزلت منها لدفعكم تمنها وما هرحم حد وهتشوفوا البركان اللي فتحتوه هيحرقكم كلكم. انطقي ابراهيم عمل ايه في همس بعد ما اخدت المنوم
زينب: معرفش. انا بعد ما قلعتها هدومها سيبته معاها ونزلت من باب المطبخ بس متهيألي ملحقش علشان انا بعد ما نزلت بشوية صغيرة شوفتك جيت ونزلت من عربيتك
رعد: مروان. مش محتاج اقولك هتعمل فيها ايه
مروان: بص لزينب بغضب وتوعد. من غير ما تقول يا باشا هتتربي وتندم علي اليوم اللي امها ولدتها فيه
زينب: لا لا ابوس ايدك متخليهمش يعملوا فيا حاجة ابوس ايدك.
رعد: اخرسي يا كلبة انا مليش في الوساخة اللي انت غرقانة فيها. ولا رجالتي ليهم في الرمرمة. انتي هتتعاقبي بطريقتي انا علي طريقة رعد الحديدي. وشدها من شعرها وبغل. ده انا هسلخ جلدك يا بنت الكلب
وخرج رعد بسرعة وعدي وراه
عدي: رعد استني بس قولي انت رايح فين
رعد: بغضب وغيظ. رايح للي عروا مراتي قصاد راجل غريب رايح للي كانوا عايزين اموتها بإيدي. رايح للي ضحكوا عليا ولعبوا من ورايا بس وديني لقتلهم. وركب عربيته وطلع بسرعة جنونيه
عدي: ركب عربيته وراح وراه علي ڤيلا توفيق الحديدي
في ڤيلا توفيق الحديدي.
رعد وصل ووراه عدي رعد دخل بسرعة و غضب جامح كان فعلا مستعد يقتل اي حد فيهم لو شافه قصاده.دخل رعد الڤيلا وبصوت جاهوري ويرعب
رعد: توفيق انت فين تعالي هنا انزلي
الشغالة: بخوف. تتوفيق بيه مش موجود
رعد: بعصبية مش موجود راح فين. وفين مها الكلبة دي كمان
الشغالة: ممممها هانم هي كمان مش موجودة. هما سافروا
رعد: سافروا راحوا فين انطقي
الشغالة معرفش والله معرفش
رعد طلع ودور عليهم في الڤيلا كلها وملقاش حد.
رعد: شوفت يا عدي هربوا كانوا عارفين اني جاي بس والله لجيبهم وهنتقم منهم
عدي: اهدي يا رعد اهدي. اهم حاجة انك اتأكدت ان همس مظلومة ومش خاينة
رعد: بمراره. خبط العربية بإيده. ااااااه يا عدي همس. همس اللي كنت هقتلها بإيدي همس. اللي مكنتش بتحمل ضفرها ينجرح انا ضربتها وكنت هموتها هي واللي في بطنها انا اهنتها اوي يا عدي اوي
عدي: معلش ان شاء الله كل حاجة ترجع زي ما كانت
رعد: بحصرة. ازاي بس انا حتي مش لاقيها زي ما تكون الارض انشقت وبلاعتها. يا تري هي فين. عاملة ايه. جارالها ايه. حصلها ايه بعد اللي عملته فيها
عدي: كان عايز يقوله الحقيقة. بس فضل انه يستني شوية علشان يندم علي اللي عمله فيها وانه حتي ما سمعهاش ولا حاول يتفهم.
رعد: عدي احنا لازم نلاقيها لازم. همس لازم ترجع انت فاهم
عدي: ان شاء الله هترجع.
رعد رجع علي شقته وشقة همس. ودخل بعد ما اتأكد انها بريئة ومش خاينة وانه ظلمها.
دخل اوضتها. وسميرة الشغالة كانت نضفت البيت بعد اللي حصل ورجعت كل حاجة مكانها بس طبعا اللي انكسر خلاص انكسر ومش بيرجع. قعد علي الكنبة بهم ووجع. وبص لكل حته وافتكر اللي عمله فيها غمض عنيه بألم ومسك راسه بإيده. ظلمتك يا قلبي ظلمتك يا روحي. حقك عليا والله اسف. يا تري انتي فين. وطلع تليفونه وقلب في صورها وشاف ضحكتها اللي كانت طالعة من قلبها. ووشها الصافي الهادي الجميل وافتكر انه بإيده. شوه الوش ده وضربه بقسوة ووحشية. اتنهد. ااااااه يا حبيبتي يا تري هتسمحيني. حتسمحي حبيبك علي غبائه. اااااااه ارجعيلي بس وانا والله هنسيكي انا مش هرتاح غير لما الاقيكي وارجعك لحضني. وقام وفتح دولابها وطلع هدومها وقربها منه واتنفس ريحتها فيهم. ودمع غصب عنه. وبوجع وحششتتيني. وحششتتينني اوي يا روحي اوي. حبيبتي ارجعي ارجعي وانا اوعدك عمري ما هزعلك عمري ما هشك فيكي. عمري بس ارجعيلي انا تعبان اوي يا همس في بعدك اوي.
عدي رجع شقته واخد حمام وغير هدومه. وراح علي شقة هنا
في شقة هنا الباب بيخبط
هنا: فتحت وبغضب. اهلا ما لسة بدري
عدي: ابتسم بإستفزاز. بدري من عمرك يا روحي
هنا: رزعت الباب بعصبيه. ممكن تقولي كنت فين وايه المشوار ده اللي رجعتني ورمتني وجريت عليه بسرعة.وكمان اخرك بالشكل ده انطق بسرعة
عدي: كان هيطير من السعادة وهو شايفها قلقانة عليه وكمان غيرانة. يا شيخة حرام عليكي طيب اخد نفسي الاول واكل اي حاجة انا عاصفير بطني بتهوهو. انتي ايه معندكيش عيال
هنا: مفيش اكل الا لما تقول كنت فين
عدي: بص لهمس اللي كانت بتكتم ضحكتها. عجبك كدة يا همس الذل ده. طيب عندا فيكي مش قايل غير لما اكل
هنا: بعند. مفيش اكل
عدي: بص لهمس بحزن مصتنع. ينفع كدة يا همس ما تقولي حاجة
همس: ههههههه. معلش الحكومة بقي لازم تسمع الكلام. طيب معلش يا هنا خليها عليكي واكليه حرام ده تلاقيه مأكلش حاجة من الصبح
عدي: ابتسم. وزغد هنا. شايفة الحنية والقلب الطيب. اتعلمي بقي
هنا: اوفففف. خلاص بس تاكل وتقول والا..
عدي: ابوس ايدك جعان. اكليني الاول وبعدين ارغي
علي السفرة عدي وهنا وهمس
عدي: مبتسم من شكل الاكل وريحته. الله ايه الجمال ده. قلبي بيقولي ان همس اللي عاملة الاكل
هنا: بغضب. قصدك ايه ان انا اكلي وحش
عدي: هههههه وهو انا اقدر بردوا يا روحي. بس مش لما تعملي اكل الاول ابقي احكم.
هنا: مبوزة. وانت عرفت منين ان همس اللي طبخت
عدي: هههههه. مش محتاجة ذكاء. ماهو يا قلبي انتي مش بتدخلي المطبخ ولا بتعملي اكل. والاكل شكله بيتي مش ديلڤري. واضحة اوي
هنا: حكت شعرها. اه صحيح. طيب كل وانت ساكت
عدي: اكل وهو بيغظها. لازم اسكت الاكل ده يخلي الواحد ينسي الدنيا
هنا: بعصبية. عدي اتلم
عدي: ابتسم. شايفة يا همس صاحبتك وهي غيرانة شكلها عسل
همس: طيب ما تلم الدور بقي بدل ما تحرمك من الاكل
عدي: لا كله الا كدة. هاكل من سكات.
وخلصوا اكل وقعدوا التلاتة. وهنا عملت كابتشينو.
عدي: مسك ايدين هنا وباسها. تسلم ايدك يا قمر
هنا: ابتسمت اضحك عليا بقي. علشان انسي بردوا هتقول كنت فين
عدي: ابتسم. هقولك يا قمر
همس: احمم. طيب عن اذنكم انا داخلة
هنا: ما تقعدي يا همس. هو احنا هنقول اسرار
همس: غمزت هنا وجزت علي سنانها. معلش علشان تخدوا راحتكم. وكمان انا تعبت النهاردة وعايزة
عدي: ابتسم. لان همس عايزة تسيبهم لوحدهم وفاكرة انه هيقولها حاجة خاصة بيهم. اقعدي يا همس انا عايزك
همس: بس انا...
عدي: اقعدي يا بنتي عايزك اصلا الموضوع يخصك
همس: قعدت بقلق. خير في ايه
عدي: اتنهد براحة. رعد عرف الحقيقة وانك مظلومة
همس: دموعها نزلت بسرعة من فرحتها. بتتكلم جد يا عدي ازاي
عدي: هقولك.........
هنا: بفرحة. شوفتي مش قولتلك ربنا معاكي ومش هيسيبك
همس: بدموع. الحمد لله الحمد لله ورعد عامل ايه. اكيد ارتاح من اللي كان فيه
عدي: اتنهد بأسف. للاسف. ده حالته بقت اصعب الاول كان غضبان لكن دلوقتي ندمان وتعبان. انتي مشوفتيهوش لما سمع كلام زينب. كان برج من دماغه هيطير.
همس: انا عارفة هو اكيد بيأنب نفسه
عدي: همس. انتي مستعدة ترجعي لرعد دلوقتي
همس: سكتت ومش بترد
هنا: طبعا لا لازم تربيه شوية علشان يعرف قيمتها
عدي: بحدة. هنا خالي بالك من كلامك. وبعدين هي حرة ده قرارها هي. هاه يا همس هتعملي ايه
همس: اتنهدت. مش عارفة هو واحشني ونفسي اشوفه. بس لسة موجوعة من اللي عمله واللي قاله. ده قالي كلام وحش قوي يا عدي قوي. ده افتكر ان انا اللي كنت بعاكس مارتن وخليته يروح ورايا تخيل
عدي: خلاص بقي يا همس انسي. رعد كان مجروح ومكنش في وعيه. بصي انتي هتفضلي مختفية شوية تكوني هديتي وكمان يكون هو داخ شوية علشان ميزعلكيش تاني.
همس: هزت راسها. عن اذنكم عايزة انام وقامت دخلت اوضتها.
هنا: قامت وراها.
عدي: مسك ايديها. وشدها وقعدها علي رجله تعالي هنا رايحة فين
هنا: عدي ايه اللي بتعمله ده. همس موجودة
عدي: وفيها ايه. ما هي عارفة اني بحبك وبتجنن عليكي. وكمان هي دخلت الاوضة خلاص مش هتشوف حاجة
هنا: عدي اتلم. بلاش فضايح
عدي: بمكر. طيب ما تيجي نروح شقتنا ونتكلم براحتنا
هنا: بدلع. تؤتؤ انا مرتاحة هنا.
عدي: بلؤم. كدة تطيب متزعليش بقي
وقربها ليه اكتر وباسها
هنا: بتحاول تبعد. عدي
عدي: عيون عدي. وقلب عدي
هنا: ابتسمت. بطل غلاسة
عدي: غمزها بخبث. تؤتؤ مش هبطل. وشالها ودخل بيها اوضتها.
في اوضة همس قاعدة وماسكة تليفونها وبتقلب في صور رعد وبتعيط. ااااه وحشتني يا حبيبي. صدقني مش عارفة ازعل منك مش عارفة اكرهك. بحبك اوي اوي. نفسي اشوفك يا حبيبي نفسي. بس غصب عني صعبان عليا من اللي عملته فيا. انت قتلت ابني وابنك حته مني ومنك. مش قادرة انسي تعبانة من غيرك اوي. اوي محدش بيعرف يطبطب عليا غيرك. انت الجرح والدوا يا رعد انت. وفضلت تعيط. وهي شايفة صوره. وحطت راسها علي المخدة وهو بتسمع اغنيه بدموعها وهي مغمضة عنيها من الوجع
☹☹☹☹☹☹☹☹
#يتبع...
#بعد_اضافة_وطلب_صداقة_لصفحتى_الشخصية_علشان
_
#نكمل_الرواية
#رحم_للايجار
#الفصل_الخامس_والثلاثون_والفصل_السادس_والثلاثون
👇👇👇👇👇
ومر شهر علي نفس الحال رعد طول الوقت بيدور علي همس في كل مكان ومروان كمان لأن مروان ميعرفش ان همس موجودة عند عدي. رعد كل يوم حالتوا بتسوء عن اليوم اللي قبله. تقريبا مش بيروح الشركة اصلا وسايب كل الشغل لعدي وهو اما بيدور علي همس او قاعد بيفكر فيها واحساسه بالذنب بيقتله كل يوم. كل ما يفتكر انه ظلمها وازاها. وفي يوم في شقة عدي الباب خبط. عدي فتح الباب واتفاجأ
عدي: سليم؟
سليم: مبتسم. اه سليم مالك شوفت عفريت
عدي: لا ابدا. بس مش عاويدك تجيني البيت. خير
سليم: ده انت انسان بارد وقليل الزوق. طيب قولي ادخل الاول
عدي: هههههه. معلش اثر المفاجاة. ادخل يا خويا
سليم: دخل وقعد. وحط الحاجات اللي معاه علي الترابيزة
عدي: والله ما لوش لزوم اللي انت جايبه ده. ورد وشيكولاتة. كتير والله
سليم: مش ليك يا خفيف
هدي: عقد حاجبه! اومال لمين
سليم: مبتسم بهيام. للقمر الغزال اللي خطف قلبي
عدي: اتعصب وجز علي سنانه. ما تحترم نفسك.وبتحزير. سليم انا حزرتك انك تنسي همس وتشيلها من دماغك. انت فاهم دي ست متجوزة ومتجوزة رعد صاحب عمري. وهي عندي امانة انت فاهم.
سليم: بحزن. يا عدي والله غصب عني انا فعلا حبيتها. مش عارف اشيلها من دماغي افهم
عدي: حبيتها ده ايه ما تفوق. انت يادوب معرفتهاش غير هما اسبوعين بس. وخرجت من المستشفي
سليم: واهي بقالها شهر سايبه المستشفي. ومع ذالك كل يوم بفكر فيها مش عارف انساها. اعمل ايه بس هو الحب بإيدينا ما انت مجرب
عدي: مسح وشه بغضب علشان يهدي. يا بني ادم افهم دي واحدة متجوزة. وبتحب جوزها وهو روحه فيها. واللي بينهم ده مجرد سوء تفاهم مشكلة بتحصل بين اي اتنين. وميسيرهم يرجعوا لبعض. انت ليه مش عايز تفهم كدة
سليم: افهم ايه هو في واحدة تحب واحد همجي ومتوحش. ضربها بالشكل الوحشي ده ده كان هموتها هي واللي في بطنها. وتقولي بتحبه دي تبقي غبية
وبرجاء. عدي ارجوك خليني اقابلها واتكلم معاها. هي ممكن تكون خايفة منك علشان انت صاحب رعد وانا فهمت منك انها ملهاش حد غيركم. علشان كدة مش عايزة تقولك انها عايزة تسيب رعد يمكن تقولي انا ارجوك يا عدي
عدي: بنفاذ صبر. هو انت البعيد حمار. بقولك بتحبه بتحبه يا اخي افهم. دي هتموت عليه وهو كمان هيتجنن ويرجعها. احنا بس مستنين حالتها تتحسن وهنرجعهم لبعض. وبعدين انت ترضي علي نفسك ان مراتك تقعد مع راجل غريب علشان يصارحها بحبه وكمان اللي يقعدها معاه صاحبك اللي هي امانة عنده. ده حتي انا ابقي حاجة كدة استغفر الله العظيم** بلاش اقول احسن
سليم: اتنهد بحزن وقعد. انا تعبان يا عدي صدقني مش عايزة تروح من بالي.
عدي: اتنهد وقعد جنبه. انا بجد مش عارف انت ازاي حبيتها بسرعة كدة وبالشكل ده. بس انا عازرك رعد نفسه حبها من مرة واحدة شفها فيها.
سليم: قام وقف عند الشباك وحط ايده في جيبه واتنهد. تعرف يا عدي انا اول لما اخدتها منك لما جبتها وهي مغمي عليها. اول لما شيلتها حسيت بقلبي بيدق بشكل غريب. حتي لما دخلت العمليات كنت غيران عليها ان اي حد من الممرضين يشوفها. خليت الممرضات ودكتورة نهي هما اللي يجهزوها ويشيلوا الهدوم اللي كانت لابساها. خرجت الممرضين كلهم برا. وانا بنفسي اللي كنت بشيل الدم اللي علي وشها كنت كل ما اخد قطن وأنضف الدم اللي مخبي ملامحها وملامحها تظهر ليا. قلبي يدق حسيت إن عايز أخدها في حضني وأخبيها من الناس كلها.تعرف اثناء العملية. همس قلبها وقف
عدي: انت بتقول ايه وليه مقولتليش.
سليم: فاكر لما خرجت وقولتلك ان لازم حد يمضي علي الاقرار. هو ساعتها. المشكلة وقتها نهي كانت خايفة علي الجنين التاني هو كمان يموت من نقص الاكسچين. انا كنت هتجنن كانت همي كله همس عايزها ترجع بسرعة كنت ماسك ايديها وضاغط عليها بقوة. وقتها قلبها رجع يدق. حاسيت ان قلبي ودقاته هي اللي رجعتها تاني. وقتها اخت نفسي. وفرحت. انا بجد حبيتها من اول ما عيني وقعت عليها يا عدي. وكنت فاكر انها مش ممكن تعيش مع رعد بعد اللي حصل. لكن يظهر اني كنت غلطان.
عدي: انا حقيقي مش مصدق. معقول اللي بتقوله ده. هو في حد بيحب حد بالسرعة والشكل ده. سليم انت صاحبي وغالي عليا. بس رعد كمان صاحب عمري ولو بس شم خبر باللي بتقوله ده ممكن يقتلك ولا يرمش حتي. ده بيعشق همس بيحبها بجنون
سليم: بإنفعال. ولما هو بيحبها وبيعشقها ضربها ليه كان عايز يقتلها ليه. انا حاسس انها مش اكتر من حاجة بيمتلكها زيها زي عربية ولا ڤيلا مش اكتر من كدة
عدي: بعصبية. سليم حافظ علي كلامك. رعد مش من النوع ده ولا كان متجوز همس علشان مزاجه. هو فعلا بيحبها. بس الموقف اللي إتحط فيه. لو أعقل راجل في الدنيا كان مكانه كان اتجنن
سليم: ليه هتكون عملت ايه. خانته مثلا. دي انسانة رقيقة وهادية. دي بتكسف من خيالها ده اناكنت كل ما اقولها حاجة وشها يحمر وتكسف هتكون عملت ايه قولي يا عدي عمل فيها كدة ليه
عدي: بغضب وصوت عالي. سليم ارجوك. متتدخلش في اللي ميخصكش. وهي كلمة انسي همس وابعد عنها. ولو يا سليم سمعت ولا عرفت انك حاولت تتصل بيها او تكلمها. هتكون نهاية صدقاتنا وانا حزرتك
في الوقت ده الجرس ضرب
عدي فتح لقي هنا
هنا: في ايه. مالك كان صوتك عالي ليه
عدي: بص لسليم. لا ابدا مفيش انتي جاية ليه
هنا: شافت سليم. اهلا دكتور سليم ازيك
سليم: بحزن. اهلا مدام هنا عاملة ايه
هنا: الحمد لله. خير حضرتك شكلك متضايق
عدي: اصلا متعصب. هنا كنتي جاية ليه
هنا: ابدا كنت جاية اقولك تيجي تشرب معانا الشاي انا وهمس. وكمان همس عاملة كيك يجنن.
سليم: سمع اسم همس قلبه دق ابتسم. هي مدام همس عاملة ايه وصحتها عاملة ايه
هنا: الحمد لله احسن كتير. ما تتفضل معانا
سليم: بص لعدي.
عدي: مسح شعره ووشه بإيده من الغيظ. وجز علي سنانه. هنا ارجعي لهمس لو سامحتي حالا
هنا: حاست ان عدي متعصب. بلعت ريقها بقلق. طيب مش جاين ولا تحبه اجبلكم الكيك هنا
سليم: قرب من عدي وشده بعيد عن هنا. عدي ارجوك اشوفها بس اطمن عليها ووالله اوعدك مش هاجي هنا تاني بس اشوفها
عدي: بيعض علي شفايفه من الغيظ. يا سليم ارجوك.
يا سليم بلاش تخليني اخسرك افهم اللي بتتطلبه ده مستحيل
في الوقت ده همس فتحت الباب علشان تشوف هنا وعدي. ولقت باب شقة عدي مفتوح وهنا واقفة .
همس: خير يا هنا في ايه
سليم: سمع صوت همس. راح بسرعة ناحية الباب وابتسم وبلهفة. ازيك يا همس عاملة ايه
همس: اتفاجأة من وجوده. اااهلا دكتور سليم ازي حضرتك
عدي: بعصبية. همس ادخلي جوا. وانتي يا هنا معاها
سليم: لا ثانية واحدة. همس انا كنت عايزك في موضوع
عدي: بغضب شديد. سليم
سليم: لا هكلمها يا عدي واللي يحصل يحصل. انت مش واصي عليها
عدي: مسك سليم. من هدومه كدة انت عايز تخسرني
همس وهنا: اهدوا يا جماعة بس في ايه.
همس: في ايه يا عدي
عدي: ده انسان مجنون
سليم: همس ممكن نقعد نتكلم لوحدنا.
عدي: ايه لوحدكم دي. شفاف انا ولا ايه
سليم: بعصبية. ما تسكت بقي خنقتني.
عدي: ما هي مش هتقعد معاك لوحدها انسي
سليم: همس. اتكلمي
همس: يا جماعة انا مش فاهمة حاجة هو في ايه.
هنا: انا بقول الاول ندخل ونقفل الباب. علشان كدة شكلنا وحش مش فاهمة بصراحة ايه الوقفة دي. وانت يا عدي مالك مش طايق نفسك ليه
همس: قفلت باب شقة هنا. وقربت من عدي. ممكن نقعد علشان افهم في ايه
عدي: مسح وشه بخنقة وغيظ. ادخلوا
دخلوا كلهم وقعدوا.
سليم: همس ممكن نقعد بعيد شوية
همس: بصت لعدي وهنا. دكتور سليم اظن انا مفيش بيني وبين حضرتك اسرار. وعدي وهنا زي اخواتي ممكن تتكلم لو سامحت
عدي: بص لسليم بنصر. يارب نفهم
سليم: اتنهد. ماشي يا همس. بصراحة كدة هو انتي ناوية ترجعي لرعد بعد اللي عمله فيكي
همس: وحضرتك بتسأل ليه
عدي: بزهق. حيشري بعيد عنك
سليم: همس بصراحة كدة. انا بحبك وعايز ارتبط بيكي. ولو انتي عايزة تسيبي رعد بس خايفة منه قوليلي وانا هساعدك ومش هسيبك. ولو خايفة من عدي ماتخفيش. انا معاكي
عدي: قام واندفع ناحية سليم. همس وقفت ومنعته. اهدي يا عدي
عدي: قعد وهو متعصب
همس: بهدوء. اولا يا دكتور حضرتك انسان محترم وابن ناس واظن ميصحش انك تروح لواحدة متجوزة وتقولها الكلام ده. لا وكمان حامل. ثانيا. انا مش ممكن افكر في راجل غير رعد. ولو علي اللي عمله فده شئ خاص بينا لوحدنا مش من حق حد يدخل فيه. ثالثا انا بحترم مشاعرك دي بس للاسف انا منفعلكش. مش بس لاني متجوزة. لا لاني بحب جوزي جدا. وعمري ما ححب غيره. حتي لو عمل قد اللي عمله 10 مرات. لان انا كمان عمري ما هلاقي حد يحبني زيه. انا اسفة . ربنا ان شاء الله يرزقك بواحدة تكون تستاهل حبك لكن انا لا عن اذنك. وقامت
سليم: همس.
همس: لفت ليه. نعم
سليم: اتمني ان رعد يكون يستاهل حبك ده. ويستاهل ان جوهرة زيك بتحبه بالشكل ده. انتي ملاك
همس: اتكسفت. هو يستاهل لكن انا اللي مستهلوش رعد مفيش زيه ابدا. ومشيت راحت شقة هنا وهنا راحت وراها
عدي: ربع ايده. هاه فهمت ولا نقول كمان
سليم: جز علي سنانه. ياريتك ماجبتهالي. يا ريتني ما شوفتها. ده انا طول عمري مدوخ البنات والستات. اخرتها اتعب واتوجع كدة.
عدي: صعب عليه.قرب منه. سليم انا عارف ان الموضوع مش سهل. انك تحب حد وهو مشغول بغيرك بس ده قدر ونصيب. انساها ارجوك. واياك في يوم رعد يلمح في عنيك حبها. ده مجنون
سليم: عدي لو سألتك عنها متجوابنيش لو طلبت اشوفها امنعني. انا عايز انساها. انا تعبان يا عدي تعبان . عمر ما واحدة عملت فيا كدة. اشمعنا هي ليه هي بالذات. ليه
عدي: اهدي يا سليم. انا متأكد انك لما تبعد وتهدي هتنسي
سليم: اتنهد بحزن. ياريت ياريت
في شقة هنا. همس دخلت اوضتها وقعدت تعيط. ومسكت صورة رعد
همس: بيلومني علي حبك وبيقولوا قاسي. ميعرفوش انك احن راجل في الدنيا. انا زعلانة منك لكن مقبلش حد يقول عنك حاجة وحشة ابدا ابدا. انت حبيبي اللي عمري ما ححب زيه ولا ححب غيره. وباست صورته. اوعدك هرجعلك في اقرب وقت بس لما اخف خالص. انا مش عايزة يكون فيا اثر للي عملته فيا. مش عايزاك لما تشوفني تتألم وتلوم نفسك. عايزة اخف علشانك. بس اوعدك قريب قريب اوي
وقعدت سرحانة فيه
همس: بدموع. والله عمرك ما غبت عني لحظة انت الوحيد اللي في قلبي. لو قدامي الدنيا دي كلها انا مش عايزة غيرك انت. انت وبس
وبعد مرور اسبوع.
في شركة رعد.
رعد: متوتر وعصبي
عدي: وبعدين يا رعد اهدي مش كدة
رعد: بعصبية. اهدي ازاي. اهدي ازاي ومراتي بقالها شهرين معرفش عنها حاجة. من يوم اللي حصل وهمس اختفت. انا مش متخيل ان ممكن يكون جرالها حاجة.
عدي: بلوم. تفتكر ايه ممكن يحصلها اكتر من اللي انت عملته فيها
رعد: بغضب. يا اخي ارحمني حرام عليك. انت كل لما تشوفني تفكرني وتحرق دمي. غصب عني اللي عملته كان غصب عني افهم بقي. انت لو كنت مكاني كنت هتعمل كدة واكتر. انا كنت هعرف منين اللعبة دي كلها.
وقعد رعد ومسك راسه بإيده. بس هي قالتهالي قبل كدة. انها خايفة توفيق ومها يفرقونا زي ما توفيق فرق بين امي وابويا زمان. كانت حاسة. بس اللي عمله توفيق معايا العن واشر من اللي عمله مع ابويا.
وقام وقف وبغضب وشر. بس والله وحياة غيبتها ووجع قلبي عليها ما هرحمك يا توفيق انت ومها. اقسم بالله لقتلك بس تطلع من جحرك. انا هعرف ازاي ادفعك تمن اللي عملته فيا وفي ابويا وامي. وبحزن وفي حبيبتي اللي كنت هموتها بإيدي هي وولادي. اللي يا عالم عايشين ولا ماتوا.
عدي: كان هيقول لرعد كل حاجة. بس اتراجع لان مش من الصح انه يقوله في الحالة اللي هو فيها دي اكيد
رعد مش هيتقبل الموضوع بسهولة.
رعد: اتنهد. قولي يا عدي اعمل ايه ادور عليها فين
عدي: ان شاء الله هتظهر. متقلقش
رعد: تلاقيها خايفة مني خايفة اموتها. هي هتعرف منين ان انا عرفت الحقيقة. ومسح شعره بغضب. اعمل ايه افهمها ازاي اعرفها ازاي. انا هموت يا عدي. حتي من وقت ما عرفت الحقيقة وانا بحاول اتصل بيها الخط مقفول. لاني لاحظت ان تليفونها اختفي يوم الحادثة.
وبحيرة. بس في حاجة غريبة بتحصل من فترة مش عارف ليها علاقة بهمس ولا لا
عدي: بإستفهام. حاجة ايه
رعد: بقالي قترة بلاقي رقم غريب. بيتصل بيا. وارد بس محدش بيرد عليا. بس بسمع صوت نفس وقتها قلبي بيدق بحس انها همس بس بخاف متكونش هيا واغلط واتكلم. بس اكن اللي بيتصل بيبقي عايز يسمع صوتي وبيقفل
عدي: جز علي سنانه. اه يا ولاد ال. ماشي بتلعبوا من ورايا صبرك عليا يا هنا انتي وهمس. احمم طيب وعرفت رقم مين
رعد: اتنهد وقعد. طبعا بس مروان قالي الخط مش مسجل من الخطوط اللي بتتباع كدة دي
عدي: اخد نفسه. تمام استني انت شوية وان شاء الله. قريب كل حاجة تنتهي.
في شقة هنا
عدي: بغيظ. والله انتوا بتستهبلوا. احنا متفقين محدش يتصرف من نفسه ليه عملتوا كدة
هنا: اهدي بس يا عدي محصلش حاجةلده كله
عدي: مسك هنا من ودنها. تعالي هنا يا سوسة. اكيد انتي اللي جيبتلها الخط صح
هنا: بتتوجع. اي اي. طيب سيب وانا هقولك
عدي: سابها. قولي يا شر
هنا: بتدلك ودنها. اصل همس كانت هتتجنن وتسمع صوته وماكنش ينفع نشغل خطها ولا اكلمه انا علشان كدة جبنا الخط ده. هي بس كانت بتتصل تسمع صوته وتقفل
همس: عيطت. انا اسفة لو عملت كدة من غير ما نقولك. بس انا كنت محرجة منك
عدي: ابتسم. ومحرجة ليه ده جوزك وحقك تسمعي صوته. انا مش معترض انا بس كنت عايز ابقي في الصورة مش اكتر.
هنا: بتردد وخجل. عدي هو انا ممكن اطلب منك طلب
عدي: اؤمري
همس: بلعت ريقها بكسوف. مممكن تديني ازازة برفان من بتاعتك
عدي: ابتسم. حاضر يا همس ثواني. ودخل شقته يجيب لهمس البرفان
هنا: كانت متغاظة ومش فاهمة.
عدي: رجع. اتفضلي يا همس
همس: اخدتها ودخلت اوضتها بسرعة وهي محرجة
هنا: حطت ايديها في وسطها. ممكن اعرف ده معناه ايه
عدي: ابتسم. معناه الحب الشوق. حاجة كدة بعيد عنك متعرفيهاش
هنا: بعصبية. انت قصدك ايه
عدي: شدها لحضنه. انتي بتغيري يا قطة
هنا: مسكته من رقبته. ده انا هخنقك انطق
عدي: هههههه. خلاص يا مجنونة هفهمك. بصي انا ورعد بنستخدم نفس نوع البرفان ده وهو اصلا مش موجود في مصر. وهمس اكيد رعد وحشها وعايزة تحس بوجوده. وريحة برفانه اكيد هتحسسها انه قريب منها. علشان كدة طلبتها. ماهو مش معقول هتقعد تشم فيا يعني
هنا: اتكسفت. اه هي الحكاية كدة
عدي: بعتاب. اه هي كدة.
هنا: انا اسفة
عدي: مش مقبول الاسف الحاف ده
هنا: اومال عايز بإيه
عدي: بمكر. هاتي بوسة
هنا: ابتسمت. وباسته وبعدت
عدي: شدها تاني. تعالي هنا. مش عيب واحدة تبوس خاطبها كدة.
هنا: هههههههه. اومال ابوسه ازاي
عدي: بلؤم. كدة وباسها هو. هنا هنتجوز امتي بقي حرام عليكي
هنا: اممممم. بعد لما همس ورعد يتصالحه
عدي: يا مرارك الطافح يا عدي. وانا مالي انا برعد
هنا: حب لاخيك ما تحب لنفسك
عدي: لا والله. طيب وسعي يا ست الشيخة خليني اروح . تصبحي علي خير
هنا: ههههههه. وانت ومن اهله يا اخي
عدي: كان هيديها بوكس. جز علي سنانه. اخي اوريكي اخي ده هيعمل فيكي ايه
هنا: هههههه. خلاص خلاص تصبح علي خير يا حبيبي
عدي: ابتسم. ماتيجي في شقتنا اقولك كلمتين
هنا: تؤتؤ. تصبح علي خير
عدي: ماشي اتقل يا جميل براحتك بس اوعدك. لما تيجي تحت ايدي هفرمك. تصبحي علي خير.
في اوضة همس. بعد ما اخدت البرفان من عدي رشته في الاوضة كلها وعلي السرير والمخدة. وابتسمت وحضنت المخدة وغمضت. وهي حاسة بأولفة وراحة لمجرد انها شامة ريحته قريبة منها
في شقة رعد نايم. واول ما فتح عنيه لقي همس قاعدة قصاده وبتبستم. رعد فتح عنيه وقفلها كتير مش مصدق وقام بلهفة وحضنها
رعد: بفرحة. همس حبيبتي وحشتيني يا روحي وحشتييني اوي
همس: حضنته وابتسمت. وانت كمان وحشتني اوي يا حبيبي
رعد: ضمها بقوة من شوقه ليها. كدة هونت عليكي تسبيني لوحدي انا كنت هتجنن يا همس
همس: غصب عني. اللي انت عملته مكنش سهل
رعد: اسف والله اسف. سامحيني
همس: خرجت من حضنه. وبعدت. لا مش هسامحك. انا ماشية ومش جاية تاني انت خسرتني يا رعد ظلمتني انا هبعد انا بكرهك بكرهك.
رعد: نايم وعرقان وبيعافر. وبصرخ لا يا همس متمشيش متسبنيش تاني. همس همس.
وقام مفزوع وبينهج. لقي نفسه كان بيحلم. مسح وشه وشعره بحزن
رعد: كنت بتحلم يا رعد كان حلم.
وقام وخرج البلكونة ووقف في الهوا وقعد يفكر في همس.
رعد: يا تري ممكن ترجعي يا همس ممكن تحني لحبيبك ولحبك وترجعي ليا تاني ولا انا بحلم. اااااه يا همس وحششتييني اوووي. واتنهد.
رعد: تليفونه رن. نفس الرقم. رد بصوت هادي وخافت
الو. سمع صوت نفس
رعد: بحنين. همس لو انتي يا حبيبتي. ردي عليا. علشان خاطري ردي
همس: بتعيط. بحرقة
رعد: ابتسم وفرح. همس ده صوت عياطك. ابوس ايدك ردي عليا انا اسف يا همس حبيبتي ارجعي. وحيات حبنا ارجعي
همس: مش بترد وبتعيط.
رعد: غمض عنيه بندم. انا اسف يا قلبي ظلمتك والله انا خلاص عرفت الحقيقة ارجعي يا همس. طيب قوليلي انتي فين وانا اجيلك. همس انت وحشاني اوي. ارجوكي طمنيني عليكي يا حبيبتي. ردي يا همس
همس: بصوت خافت هو مسمعهوش. وحششتني اوي. وقفلت الفون والخط
رعد: همس. همس . ورجع اتصل بيها. بس الخط مقفول
رعد: حدف التليفون بغضب. ليه بس كفاية بقي ارجعي ليه بتعملي فيا كدة ليه.
######
#يتبع.....بعد ما تعملوا 👇👇👇
#اضافة_ومتابعة_لصفحتى_الشخصية
❤️❤️❤️❤️❤️❤️❤️❤️❤️❤️❤️❤️❤️
#رحم_للايجار
#الفصل_السادس_والثلاثون
👇👇👇👇👇👇👇
في شركة رعد. وفي مكتبه. رعد ثائر ومتعصب.
رعد: واخرتها يا مروان. ازاي ملهاش اثر. واخرتها
مروان: اتنهد. والله يا رعد باشا احنا مش ساكتين. وبندور عليها في كل حته. بس مش عارف هي راحت فين.
عدي: يا رعد اهدي ان شاء الله هتظهر هتروح فين يعني
رعد: بحزن. همس مجروحة يا عدي ولوحدها. انا متأكد انها هي اللي بتتصل بيا ومش بترد. بحس بنفسها. حتي وهي ساكتة. يا تري هي فين وبتعمل ايه وحصلها ايه بعد اللي عملته فيها.
مروان: علي فكرة. رجلتنا قربوا يوصله لمكان توفيق بيه ومدام مها في فرنسا
رعد: جز علي سنانه. لولا ان انا عايز افضل هنا علشان ادور علي همس. كنت سافرت بنفسي ودورت عليهم وجبتهم بإيدي
عدي: بس اكيد هيظهر لان معاد المناقصة قرب.
رعد: وقف وحط ايده في جيبه. لا ممكن يدخلها من غير ما يظهر. أمين معاه توكيل ويقدر يدخلها من غيره.
مروان : طيب سيادتك تؤمرني بحاجة دلوقتي
رعد: لا يا مروان. بس في اي وقت تعرف حاجة تكلمني فورا. فاهم
مروان: تمام حضرتك. عن اذنك
عدي: وبعدين. اقول لرعد علي كل حاجة ولا ايه. انا قلقان من رد فعله.
رعد: مالك ياعدي ساكت ليه عايز تقول حاجة
عدي: مين انا. احمم لا عادي بقولك ايه. هو انت لما تلاقي همس هتعمل ايه. هتعاقبها انها هربت منك ولا خلاص عقلت ومش هتزعلها تاني
رعد: بنظرات. عدي نفسه مفهمهاش. هي نظرات غضب ولا توعد ولا لهفة ولا حب مزيج من احاسيس كتير كنت متلخبطة. كانت ظاهرة في عنين رعد وفي كلامه.
رعد: بشجن وحزن. هضمها لحضني لحد ما كسر عضمها. علشان بعدت عني وحرمتني منها. وخصوصا اني اتأكدت انها هي اللي بتكلمني وكل مرة بتتصل بتأسفلها وانا اللي عمري ما اتسفت لحد. وبترجاها ترجع ومبترجعش. حتي حرماني من صوتها مستكترة تسمعني صوتها اللي بعشقه. انا هموتها يا عدي لما ترجع لحضني من شوقي ليها. وغمض عنيه بألم. وحشتني اوي اوي. همس دي النفس اللي بتنفسه. وخلاص النفس والهوا سابني وهجرني. قولي انت اعيش ازاي
عدي: اوعدك انها هترجع في اقرب وقت
رعد: بصله بإستغراب. توعدني وهو احنا نعرف هي هترجع امتي
عدي: ايه احمم. لا مقصدش انا اقصد ان شاء الله يعني
رعد:هز راسه. ان شاء الله. تفتكر الولاد يكون جرالهم حاجة لما ضربتها. ممكن تكون سقطت مثلا
عدي: بلع ريقه بصعوبة. هو عارف ان همس خسرت جنين من الاتنين. بس مش عارف رعد هيتقبل الموضوع ازاي. مش بس لانه خسر ابنه وحته منه. لا لانه هو كمان اللي قتله بإيده لما ضرب همس.
رعد: انت سكت ليه. احتمال وارد مش كدة
عدي: بصراحة يا رعد ايوة خصوصا انها مشيت بالوصف اللي انت وصفته ده. اكيد واحدة في الحالة دي صعب تعيش مش بس متسقطش
رعد: خبط المكتب بغضب. انا السبب انا اللي عملت فيها كدة. يا تري راحت فين بحالتها دي. ومين بيخلي باله منها مين بيرعاها. تفتكر توفيق يكون ليه يد في اختفائها. يكون خاطفها مثلا
عدي: لا مفتكرش. وبعدين انت بتقول انها بتتصل بيك هو في واحدة مخطوفة. بتعرف تجيب خط وتتصل
رعد: مش عارف انا متلخبط يا عدي. وتعبان . ومسح شعره بضيق. انا ماشي مخنوق ومش قادر اقعد.
عدي: ماشي احسن بردوا. انت محتاج ترتاح
في عربية رعد. اتصل علي الرقم اللي همس بتتصل منه. بس لقاه مقفول تاني. اتخنق. بس بعتلها اغنيه عليه علشان لما تفتح تسمعها. هو عارف ان اللي عمله ميتدواش بأغاني الدنيا بس كان بيحاول يحننها علشان حتي ترد عليه وتكلمه. هو عايزها تعاتبه تزعق تغضب. تعمل اي حاجة بس يسمع صوتها. وكمان هو كان بيسمعها
رعد: اتنهد. معقول تكوني كرهتيني يا همس معقول تقدري تنسي الحب اللي حبتهولك. مسك شعره بغيظ وهو نفسه يعرف مكانها. ااااه يا همس بس لما اشوفك لازم اعاقبك علي حيرتي وعذابي دي. بس مش عقاب عادي لا هعقبك بطريقتي هعقبك بحبي وشوقي وعشقي ليكي. بس انتي ترجعي ارجعي بقي تعبت والله تعبت.
في شقة فاخمة جدا في باريس.
مها: لا يا جدوا انا مقدرش اسيبك تنزل مصر لوحدك لازم انزل معاك
توفيق: يا مها افهمي رعد لو شافك بعد اللي عملتيه في همس. مش هيرحمك. لكن انا مهما حصل جده ومش هيقدر يأذيني انا متأكد
مها: بسخرية. رعد ده ممكن يقتلك ولا يفرق معاه. ده مش بني أدم ده حجر. وحش كاسر مبيرحمش. وانت وهو طول عمركم مش بتحبه بعض. وبعد اللي حصل اكيد مش هايسامحك
توفيق: ملكيش دعوة. انا هعرف ازاي اتعامل معاه. المهم انتي تكوني في امان. واطمن عليكي. كمان لازم ارجع واشوف موضوع البنت همس دي بنفسي. لازم الاقيها قبل ما رعد يوصلها. لازم اخد اللي فى بطنها لانهم ملكي انا مش ملك رعد
مها: وتفتكر رعد هيسيبك تاخدها. ده قالب عليها الدنيا. وبغضب انا بس نفسي اعرف هو ليه بيحبها كدة اشمعنا هي
توفيق: علشان غبي زي فادي الله يرحمه. هو كمان حب مشيرة واتجاوزها وهي شحاتة ولا تسوي. اكنهم بيحنوا.للستات الزبالة اللي ملهاش اصل. بس انا لازم اخد اللي في بطنها وبعد كدة هعرف ازاي احرق قلبه عليها وادفنها قصاده
مها: يا ريت يا جدو يا ريت انا نفسي اخلص منها. انا بكرها بكرها.
في شقة هنا.
عدي وهنا وهمس قاعدين يتفرجوا علي Tv.
عدي : بزهق. اوفففف. يارب توب عليا هو انتوا يا اما تركي يا اما هندي. ده ايه الشلل ده. انا اتخنقت. ده واقف متنحلها بقالوا ساعة نص الحلقة خلص وهو بيبصلها علي بال ما يبوسها يكون عدي حلقتين. ده مرار وربنا
هنا: هههههه. مش عاجبك روح شقتك وسيبنا احنا نتفرج برحتنا
عدي: طيب وحياة ولادك يا شيخة.
اقلبي العته ده. انا هموت ناقص عمر من الهندي ده. طيب هاتي تركي ماشي الحال. مش مهم
هنا: لا مسماحلكش. ده كله الا المسلسل ده انا بموت فيه. وحتي اسمه رومانسي. حبيبي دائما. وخصوصا ان البطل رودرا ده عسل حاجة كدة ملوش حل.
عدي: مسك ايديها ولاواها ورا ظهرها. انتي بتقولي ايه سمعيني كدة تاني. مين ده اللي عسل وملوش حل
هنا: ههههه. اي والله ايدي بتوجعني.
عدي: مش هسيبك الا لما تعتزري
هنا: خلاص طيب. قصدي انت انت اللي عسل وجميل خلاص بقي
عدي: سابها وزقها. والله تقولي كدة تاني علي اي راجل انتي حرة
هنا: طيب بزمتك مش قمر
عدي: شدها وكتفها. وجز علي سنانه. تاني شكلك عايزة تموتي النهاردة. وبعدين انا احلي منه 100 مرة
هنا: بسخرية. اه ما انا عارفة.
عدي: كدة. طيب نشهد همس. بذمتك يا همس مين احلي انا ولا الي اسمه رودرا. ده
همس: مكنتش مركزة معاهم وسرحانة
واتكلمت غصب عنها من غيرما تاخد بالها انهم بيكلموها. رعد احلي منه كتير واوسم وكمان جذاب اكتر. وكمان ابتسامته اجمل وابتسمت
عدي وهنا : بصوا لبعض وابتسموا
هنا: احم احم نحن هنا.
همس: فاقت واتكسفت. احمم اااانا داخلة . وقامت بسرعة ودخلت اوضتها
عدي: اتنهد. همس صعبانة عليا اوي. بس مش عارف اعمل ايه تفتكري امتي الوقت المناسب اللي نقول فيه لرعد انها هنا
هنا: مش عارفة. بصراحة انا خايفة من رد فعله تفكر هيعمل ايه
عدي: شبك ايده ورا راسه واتنهد بقلق. مش عارف. بس الاكيد انه مش هيعديها صاحبي وانا عارفه. ده مش بعيد يقاطعني فيها
هنا: للدرجة دي
عدي: طبعا. لما يعرف انها كانت عندي. وانا شايفه قصادي بيموت كل يوم ومش بقوله حاجة. اكيد هيتجنن. بس انا كنت اعمل ايه. هي اللي كانت خايفة منه وكمان كانت مستنية لما تخف وتبقي كويسة
هنا: انا هدخلها اطمن عليها
عدي: ماشي انا كمان هروح شقتنا . عايزة حاجة يا حبيبتي
هنا: ابتسمت. يا ايه
عدي: هههههه. يا حبيبتي وياروحي
هنا: ابتسمت زيادة. تؤتؤ مش عايزة
عدي:طيب مفيش حتي تسلم يا حبيبي
هنا: اممم. تسلم يا .. حبيبي
عدي: عض علي شفايفه من الغيظ. اااه يارب يهون بقي انا خلاص قربت انفجر من الغيظ
هنا: ببرأة مصتنعة. ليه بس سلامتك
عدي: مش عارفة منك. في واحد في الدنيا يخطب مراته ويفضل متحرم عليه يلمسها لحد لما هي تتكرم وتحدد معاد الدخلة
هنا: تصبح علي خير يا عدي
عدي: بنفاذ صبر. وانتي من اهله. وقرب منها وباسها من جبينها خلي بالك من همس.
هنا: متقلقش. تصبح علي خير انت
في اوضة همس
همس: بتعيط.
هنا: دخلت وقعدت جنبها. وبعدين يا همس اخرتها ايه. ناوية ترجعي امتي
همس: مش عارفة. انا خايفة ومحتارة. بس تعرفي صعب عليا اوي النهاردة. لما فتحت الفون لقيته بعتلي الاغنية. دي
هنا: ابتسمت. ده علي كدة هيموت من الاحساس بالذنب.
همس: عارفة. حتي هو اعتزر ليا كتير في التليفون. كل مرة بكلمه ببقي نفسي اتكلم واحكي معاه. بس بتراجع واخاف
هنا: همس انتي لازم تتحكمي في خوفك ده. لازم لما ترجعي لرعد تكوني. همس تانية واثقة في نفسك. متخليش حبك ليه وخوفك منه يهزك ويهز شخصيتك. انا مش بقول متحبيهوش ولا متسمعيش كلامه. لا طبعا. بس علي الاقل لازم يحس انك اتغيرتي بعد اللي حصل علشان ميفكرش يعدها. رعد لازم يتحكم في غضبه وغيرته. انا عارفة انه صعب بس لازم تحاولي.
همس: يا هنا ده انا بشوفه متعصب ببقي هموت في جلدي. عايزاني اقف قصاده واعنده ازي بس
هنا: يا سيتي حاولي. ولو لقيتي الموضوع هيقلب بغم. اتصرفي واتدلعي عليه وغيري الموضوع. المهم تحاولي
همس: اتنهدت. ان شاء الله ربنا يحلها
في شقة رعد مروان بيتصل
رعد: ايوة يا مروان خير في اخبار عن همس
مروان: للاسف لا. بس حبيت ابلغ سيادتك ان توفيق بيه رجع من فرنسا. دلوقتي وهو في الڤيلا.
رعد: قام منفوض بسرعة. وبغضب جامح. جيت لقضاك يا توفيق. مروان حضر الرجالة وحصلني علي ڤيلا توفيق
مراون: تمام سيادتك مع السلامة
ودخل رعد لبس بسرعة ورح ڤيلا توفيق.
في ڤيلا الحديدي
دخل وهو في قمة غضبه.
رعد: انت فين يا توفيق
توفيق: نزل من فوق بعجرفة. انت جاي ليه مش قولت اخر مرة انك مش عايز تعرفنا تاني
رعد: بقوة اندفع ناحيته. وبغضب. انا مش هسيبك غير لما احاسبك علي اللي عملته في امي زمان. وجيت النهاردة تعيدوا معايا ومع مراتي. انت ايه شيطان
توفيق: بقرف. مراتك. بذمتك مش مكسوف لما تقول علي واحدة من الشارع مراتك
رعد: بجدية.لا انا بتكسف لما اقول ان حفيدتك الخاينة هي اللي كانت في يوم مراتي
توفيق: اتعصب. الزم ادبك احس ما اربيك
رعد: انت اللي هتربيني. طيب كنت ربيتها هي بدل ما راحت تعرف راجل في الحرام
توفيق: طلع مسدسه. رعد امشي من هنا بدل ما اقتلك
رعد: ابتسم بتهكم. لا والله خوفت انا كدة. انا مبخفش وانت عارف.
توفيق: كدة. ماشي يا رعد انا هقتلك واورثك وكمان اخد عيالك من همس وارميها في الشارع. زي ما عملت في امك زمان. اخدتك منها ورميتها في الشارع اللي جات منه
رعد: عقد حاجبه. انت بتقول ايه. امي . امي ماتت
توفيق:بشماته. هههههههعههه. ده اللي انت فاكره لكن الحقيقة غير كدة. امك عايشة
رعد: بلع ريقه بصدمة. ومش مصدق. اااامي عايشة. وفي لحظة ملامحه اتعصبت وبغضب. انت كداب. عايز تغير الموضوع وتضحك عليا
توفيق: بتسلية. لا بتكلم جد. امك عايشة. تقدر تقولي هي مدفونة فين
رعد: انت مرديتدش تقولي
توفيق: علشان. هي مش ميته اصلا
رعد: بضياع. يعني امي عايشة كل السنين دي وانا محروم منها. وانت واقف تتفرج عليا
توفيق: بسخرية. اومال كنت عايزني اسيبها تعيش هنا. ده مش مكانها هي واللي زيها زي همس بالظبط. دول مكانهم الشارع. وكمان مكنتش هتحمل اسيبها معاك. ومها تبقي يتيمة. وتحس بالغيرة. كان لازم انتوا الاتنين تكونوا ايتام
رعد: لا انت كداب. امي ماتت قصاد عيني
توفيق: امك وقتها كان مغمي عليها. ونفسها كان ضعيف علشان كدة انت افتكرتها ماتت. وانا وقتها خليت الرجالة شالوها ورموها في الشارع
رعد: محسش بنفسه. الا وهو مندفع ناحية توفيق. ومسكه من هدومه. وبيصرخ هقتلك يا توفيق هقتلك
بس في اللحظة دي رعد انضرب عليه رصاص من رجالة توفيق
ومروان ورجالة رعد. هما كمان ضربه نار. بس رعد كان انصاب. اكتر من رصاصة. ومروان. شده بعيد عن ضرب النار. ورعد كان لسة فايق. سحب مسدسه وضرب ناحية توفيق. وجات الرصاصة في كتفه
مروان: اخد رعد اللي ابتدي يهمد ويفقد الوعي. وراح علي المستشفي. واتصل بعدي. علشان يرحولوا. علي المستشفي
في المستشفي
عدي: ايوة يا هنا. زي ما بقولك كدة
المهم اوعي تقولي لهمس حاجة. لحد لما نطمن عليه الاول.
هنا: بتعيط. ربنا يستر. دي ممكن يجرالها حاجة لو عرفت
عدي: ربنا معاهم الاتنين. المهم دلوقتي نطمن علي رعد
هنا: ان شاء الله هيكون بخير ادعيلوا انت بس
عدي: بدموع. يارب يا هنا ده مش بس صحبي ده اخويا وابويا. رعد. ده سندي يا هنا انا من غيره اضيع
هنا: بتعيط. لا متقولش كدة. وانا روحت فين انا معاك يا حبيبي ومش هسيبك.
عدي: مسح دموعه. طيب انا هقفل معاكي واروح اشوفه هيخرج من العمليات امتي
هنا: طيب يا حبيبي. بس ابقي طمني
عدي: اتنهد. ان شاء الله اطمن واطمنك.
☹😔😔☹☹☹
#فين_الاضافة_والمتابعة_لصفحتى_الشخصية علشان نكمل نشر الرواية
 البارت 31_32_33_34_35-36 مدونة #موسوعة_القصص_والروايات #رحم_للإيجار #الفصل_الواحد_والثلاثون_والفصل_الثانى_والثلاثون 👇?…){kind=link}
تعليقات
إرسال تعليق