 |
البارت السادس 💥 بقلم سلطان زماني
من ساعة ابن خالتها ما خطب وهي علاقتها بيا اتحسنت
شوية معايا
بس انا مش واثق فيها وحاسس بقلق من ناحيتها بس
الغريب اني لسه بحبها ومتعلق بيها ومش قادر ابعد عنها
رغم اني تعبان جدا معها واتغيرت كتير لدرجة اني بكره اقف
قدام المرايا علشان مشفش نفسي او اتصور علشان مشفش
صوري واستحقرني مكسوف اوي من نفسي وليه اقبل الوضع
الزبالة ده ليه مش شايف غيرها ازاي بتوه وتحس انك
متغرب في بعدها ومش بتكون طايق حد في الدنيا المهم
فجأة لقيت نفسي بشرب سجاير بعد طبعا ما اخوها عزم عليا
كام مره
بقيت بشرب حشيش مع اخوها وابن خالتها ده عندهم في
البيت أو عندي ووبقيت كمان بشتري حشيش ونشرب أنا
وهويدا مع بعض وعرفت منها أنها جربته قبل كده مع وحده
صحبتها وفي يوم شربنا كتير أنا وهي وفضلت تحكيلي عن
ابن خالتها أنه كان عايز يتجوزها بس حمايا مرضيش وقال
إنه صايع ومش حمل مسؤولية وأنه كان بيحبها وبيموت
فيها ..هنا أنا فوقت وقولتلها انتي مش قولتي أنه زاي
اخوكي بصتلي اوووي وقالتلي اه الكلام ده كان
زمان .دماغي اتقلبت والفكر جنني وبقيت بخاف اضغط
واسالها واستفسر اكتر علشان منتخانقش وتغضب كلعادة
طبعا صلاتي مبقتش منتظمه حتي كنت متعود اني كل شهر
اختم القرآن بقيت انسي واكسل حتي صلاة الجمعه مبقتش
اصليها اتعودت علي عوايدهم حفظتهم بقيت منهم علشان
اعجبها وأفضل معها وتكون مبسوطة ..بقيت اعمل شغل
شمال في شغلي علشان اكسب اكتر بقيت بقبل الحرام علشان
اجبلها دهب وأخرجها في أرقي الاماكن وابن خالتها وخطبته
كنت براقب نظرات هويدا لخطيبته هي هي نفس النظرات
الي كانت بتبصها ليها يوم الخطوبة وبستغرب مع انها احلي
منها بكتير
ولما سالتها قالت انها هي الي بتبصلها وهي الي
بتغير منها ومودها اتغير وغيرت الموضوع ووشها اتقلب
لحد ما في مره كلمتني خطبته وقالتلي ممكن اتكلم معاك
شوية
خوفت قولت يمكن يكون كمين هويدا عملاه فيا
وتروح تقولها سكت شوية
قالتلي اي ياعم هو أنا هخطفك قولتلها لا وضحكت
قالتلي ضحكتك حلوه اوي ياحسن
قولتلها انتي الاحلي يا مي
قالتلي أنا مخنوقه اوي ومحتاج حد اتكلم معه وانت جيت
علي بالي ورقمك جبته من صفحتك الي علي الفيس
قولتلها تحت امرك طبعا يامي خير
مي ..أنا حسه اني علاء مش بيحبني وبفكر افركش الخطوبة دي
_ ليه بس بتقولي كده
مي ..حسه اني قلبه مشغول بوحده غيري وأنه مش بيحبني
هو أنا متحبش يا حسن 🥺
_ لا متقوليش كده انتي انسانه جميلة وتتحبي طبعا طب
متكلمتيش معه ليه مش يمكن في سبب تاني
مي .. هو انت لو هويدا قلبها متعلق بحد تاني ومش بتحبك
انت مش هتحس
_ سكت شوية وقولتلها بصوت واطي اه طبعا هحس
مي ..أنا بقا احساسي متاكده منه وهبقا بظلم نفسي لو كملت
صح ولا
_ اه طبعا فعلا معاكي حق بس حاولي تاني معه لو فعلا
بتحبيه يامي
مي ..أنا لحد دلوقتي اهلي ميعرفوش حاجه ولا حكيت لحد
حاجه ومش عارفه أنا كلمتك انت ليه وارتحتلك وفتحتلك
قلبي
_ تحت امرك والله في أي وقت يا مي بس رجاء فكري تاني وحاولي تاني
مي ..أنا بصراحه محتاره اوي وتعبت اوي ومفيش وحده
تقبل ده اني حبيبها قلبه متعلق بغيرها احساس صعب اوي
صعب اوي ياحسن 🥺
_ ممكن طيب تهدي ومتبكيش وانا لما هروح اكلم هويدا واخليها تكلمه وتعقله
مي ..لا لا متخلنيش اندم اني كلمتك ياحسن وفتحتلك قلبي
محدش يعرف الكلام ده غيري انا وانت
_ حاضر مش هقولها بس علشان خاطري اهدي متعمليش في نفسك كده
مي ..هو أنا ممكن اقابلك نقعد في أي مكان أنا حسه اني بتخنق
_ اه ممكن طبعا بس خايف علاء او حد يشوفنا ويفهم غلط
مي ..لا متخفش انت بس عرفني فاضي امتي ونرتبها مع بعض تمام
_ تمام بس توعديني انك تبطلي عياط وتهدي
مي ..والله هحاول حاضر علشان خاطرك
يتبع 💥
البارت السابع من هنا هنا
تعليقات
إرسال تعليق