مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

قصة عشق الزين للكاتبة زينب محمد الجزء الثاني 

الحلقة 19:✌✌

مراد : اممم ...انا خنتها فعلا .

كاميليا : ارجوك قولي الحقيقة .

مراد : مش هاقول ..مش انتي سمعتي من امك واقتنعتي وفهمتي يبقا خلاص ...مالوش لزمة الكلام .

كاميليا : مش حكاية اقتنعت او لأ بس كل الحكاية عاوزة ابينلها انك كنت مظلوم .

مراد : وانتي هاترضي أمك تتعذب ... هاترضي يحصلها حاجة بسبب ان كنت مظلوم ....انا مرضاش ليها كدا ابدا ...خلي في بالك يا كاميليا عمر ما حب امك قل جوايا حتى بعدت اللي عملته بالعكس حبها رجع اقوى لاني كنت بتمنى اشوفها ... من اول يوم شوفتها فيه لغاية انهاردة هيا اللي في حياتي وبس ...هاموت وهيا على ذمتي ... هاموت وانا بحبها ...بس مش هارجعلها لان لازم يكون في رد فعل على كرامتي ووجعي اللي اتسببت فيه .

كاميليا : طب زهرة ذنبها ايه في الموضوع دا كله ...هاتتجوزها ليه ؟.

مراد : مش هاتجوزها ولا هاخطبها وانا اصلا مفتحتهاش بحاجة... هيا خلاص عرفت انكوا طلعتوا عايشين ....لو كان زمان عندها أمل فهو اتبخر كدا .

كاميليا : مظنش يا بابا .

****************************

( في مكان عالي وتحديدا على البحر ...زين بعيلته قاعدين مستمتعين بالجو ).

ميرا همست لمراد : شوفت باللي عملته امبارح ...عطيت فرصة لريهام دي تسألني احنا متجوزين بجد ولا لأ.

مراد : مش فاكر الصراحة انا عملت ايه امبارح .

ميرا بدموع : انت ليه كدا ؟.... ليه بتعاملني المعاملة دي....مش عجبك جوازي منك طلقني وريحيني .

زين اخد باله ان في حاجة بين ميرا ومراد : ايه دا في ايه ؟.

ميرا بدموع : مفيش عن اذنكوا .

( ميرا قامت ودموعها سابقها وليليان قامت وراها تشوف مالها وليان ... وريهام ضحكت باستفزاز ).

زين : انا بجد مش عارف لو قعدنا حلوين ومرتاحين شوية هايحصل حاجة .

مراد بضيق : هو انا اتكلمت في حاجة .

****************************

ليليان : يا ميرا اهدي بقى .. خدي هنا .

ميرا وقفت مرة واحدة : نعم يا عمتو ..؟.

ليليان : بتعيطي ليه يا قلب عمتك .

ليليان : مش حاجة ..بس مخنوقة شوية .

ليان : طيب يالا نقعد في الكافيه ... ونتكلم ...وهاتتكلمي يا ميرا ..انا اختك ..وماما قبل ما تكون عمتك فهي فمقام مامتك.

************************

( كاميليا قاعدة في الكافيه لوحدها ...وبتكلم جدتها على النت ).

كاميليا : وحشتيني اوي يا تيته .

سعاد : حبيبتي يا كوكو ...عاملة ايه ؟.

كاميليا : كويسة ...بس ادعي لبابا وماما انهم يتصالحوا ...الامور بتتأزم ما بينهم اكتر من الاول .

سعاد : وانتي فاكرة انه هايسامحكوا بسهولة ....دا انا بأنب في ضميري على الايام اللي كنت فاكركوا فيها ميتين واتصل عليه واقعد اكلمه واحسسه بالذنب انا مسمحتش نفسي لغاية دلوقتي ...حتى لو كان خاين ..اللي امك عملته شئ صعب لا يطاق ....انا زعلت منها على تفكيرها وقسوة قلبها .

كاميليا : طيب مش عرفتتيه ليه يا تيته اننا عايشين .

سعاد : ماليش الحق ان اعمل كدا .. ماليش الحق ان اصدمه صدمة عمره ..تعرفي عمري ما سامحت مهاب على اللي عمله لولا هو سارة مكنتش قدرت تنفذ اللي في دماغها ...انا قطعت مكالمات معاه ... امك غلطت وتتحمل بقى نتيجة اخطأها ...هيا متهورة اصلا وتهورها دا اخدها في سكة صعبة .

كاميليا : تفتكري خانها ولا لأ .

سعاد : خانها ...مخانهاش ....دا مش يدلها الحق انها تنتقم منه كدا ... اصعب حاجة عملتها ...انا سمحتها علشان بنتي ومبقاش في العمر حاجة ...بس هو لأ ..هو عاش الكل بيأنب فيه .

كاميليا بدموع : ادعيلنا بالله عليكي يا تيته ..نفسي اعيش في وسطهم اوي ...نفسي اوي .

سعاد : حاضر يابنتي .

كاميليا : مش هاتيجي مصر بقى ... ولا القعدة مع خالو سامر عجبتك .

سعاد : لا في مصر عندكوا وجع قلب لكن هنا في راحة ....هافضل هنا واللي في ايدي اعمله ان ادعي ربنا يهديكوا ويريح بالكوا ...قولي لابوكي يسامحني على مكالمتي له ...انا كل يوم بتمنى انه يسامحني .ويارب ما اموت وهو مش مسامحني .

كاميليا : تعرفي انا لغاية دلوقتي مفتكرش انه مسامحني ....حسيته غامض وناوي على حاجة .

سعاد : حقه ...حقه كل حاجة يعملها ولو بتحبيه استحمليه .

كاميليا : حاضر..... سلميلي على خالو كتير .

سعاد : الله يسلمك .

( كاميليا لاحظت وجود ميرا وليليان وليان ...راحتلهم وقعدت معاهم والقعدة كلها حزن ).

ليان بتنهيدة: فينك يا هنا تفرفشينا شوية ...احنا جاين نزعل ولا نغير جو .

ليليان : والله ما عارفة دا كان اقتراح اسود يوم ما جينا .

ليان : بصوا هنا في الكافيه في فقرة كاريوكي ..هاقوم اقولهم يشغلوها ونغني ..احنا في مصيف بلاش جو نكد .

( الفقرة اشتغلت وبدؤا يتحمسوا والاجواء اتبدلت وزادت حماسة مع حضور هنا وماهي ....ميرا غنت وأصرت ان ليليان تشاركها الغنا والاتنين كان صوتهم جميل ولفتوا انظار الكل ).

*************************

عز : بابا .... ماما فين ؟.

زين بضيق : راحت مع ليان اختك وميرا .. الكافيه اللي تحت .

عز : وانت رضيت تروح كدا وانت مش معاها الدنيا اتغيرت والله .

اسر: ههه‍هه اه والله الدنيا اتغيرت زمان ابوك هايجراله حاجة دلوقتي انها مشيت من غيره .

ادهم : روق يابابا معاهم الحراسة ههههه بس الصراحة ليك حق تخاف ماما حلوة بردوا ممكن تتعاكس .

زين بغضب : ماتبطل هري منك له علشان مقمش ليكوا واعرفكوا معنى هريكوا دا ايه .

مراد : عيال فاضية للهري والكلام الفارغ .

زين : انت تسكت خالص ... انا اصلا مش طايقك انت السبب في كل دا .

( جت عليهم بنوتة قمر مبتسمة ).

: انكل زين ازيك ؟

زين ابتسم : بوسي ازيك يا حبيبتي وبابكي عامل ايه ؟.

بوسي : الحمد لله كويس ... وحشتني على فكرة جدا .

زين : وانتي كمان وحشتيني جدا ماشاء الله كبرتي وبقيتي قمر يا بوسي .

بوسي : ههه كبرت لدرجة ان فرحي كمان شهر يا انكل .

زين : بجد بابكي مقاليش ليه ؟...

بوسي : تلاقيه مستني قرب الفرح يقولك .. اصلا مفيش حد بقا يشوفك .

عز : ماتعرفنا يابابا .

زين : بوسي دا عز الدين ابني الصغير في ثانوي ... ودا مراد ابني الكبير ودا ادهم الوسطاني ودا اسر ... دي بقا بوسي بنت واحد صاحبي .

بوسي : ماشاء الله يا انكل خلفت كتير ولسه طنط ليليان معرفاني على ليان بنت حضرتك تحت في الكافيه .

ادهم بهمس لمراد : هيا بوسي بتنق علينا ولا ايه ؟!.

مراد بنفس همسه : بوسي تنق زي ماهيا عاوزة بوسي مزة... بس للاسف هاتتجوز .

اسر: ياخي اتلم دا انت متجوز ...ايه مش عاتق حد من وقت ما جينا .

مراد : اهو قرك دا جايبني لورا على طول .

اسر : وياريته بيأثر فيك حاجة .

مراد لسه هايتكلم لكن سمع حاجة خلاه قام وقف مرة واحدة : قولي كدا ... عيدي كدا اللي انتي كنتي بتقوليه .

زين عرف ان ابنه هايولع الدنيا : اهدى في ايه لدا كله .

مراد زعق : بقولك قولي .

بوسى بخوف : البنت اللي مع طنط ليليان صوتها حلو اوي وهى بتغني .

(مراد جري بسرعة ونزل الكافيه وكلهم راحو وراه .. لقي مراته واقفة بتغني والمفاجأة ان ليليان امه واقفة بتغني معاها .... الصدمة لجمت الكل ... وليليان شافت زين رمت الميكرفون من ايدها ... وميرا اتجاهلته وكملت الاغنية في وسط تصفير المعجبين في الكافيه ).

عز : اسر دي شكلها هاتولع ولا ايه ؟

اسر : دي هاتبقا مجزرة .. ربنا يستر مراد اخوك بيتحول يلا .

ادهم وطى على بوسي وهمس في ودانها وكان قاصد يضايق كاميليا : عارفة انتي عكيتي الدنيا بلسانك دا بس عارفة ايه اللي يغفرلك.

بوسي بصتله واتوترت : ايه ؟.

ادهم غمزلها وبعتلها بوسة في الهوا : انك مزة .

بوسي : احترم نفسك .

ادهم : منا محترم والله ... هو انا قليت ادبي فين .

بوسي رفعت حاجبها : والله !

ادهم لسه هايرد انتبه على صوت مراد اللي هز اركان الكافيه كله.

مراد زعق بصوته كله : ميررررررررررررررررررا .

عند فريد وسارة .

( فريد وسارة قاعدين فى احد الكافيهات وزياد بيلعب في المنطقة المخصصة لاطفال ).

فريد : وشك منور يا سارة .

سارة بكسوف : ليه بتقول كدا .

فريد : شكلك فرحانة علشان شوفتيه .

سارة : مين؟.

فريد : مراد .

سارة : عادي .

فريد : لأ مش عادي يا سارة .

سارة باستغراب : هو في ايه يا فريد ..انا مش فاهمة ..انت مالك .

فريد : لأ مستغرب بس ....انك ممكن ترجعيله بعد اللي عمله فيكي .

سارة : عمله فيا !!! دا يخصني انا محدش تاني ..لما حكتلك كنت في وقت ضعف ..محتاجة اللي يسمعني مش اكتر .

فريد : اممم ...طب وانا ..هاكون ايه بالنسبالك ؟.

سارة : مش فاهمة .

فريد : انا بحبك .

سارة اتصدمت: دا اسمه جنان ...انك تقول لواحدة انك بتحبها وهيا على ذمة واحد تاني دا اسمه جنان ...انا عمري ما حسستك بحاجة ..عمري ما عاملتك الا اخ وصديق ....اوعى تكون فاكر ان ممكن احبك ولا افكر فيك ..لأ ..دا عمره مايحصل ابدا .

فريد : غريبة ...بتتكلمي وكانك بتحبيه وبتموتي فيه .

سارة : انا بحبه فعلا مين انت علشان تحكم على حبي ...مين انت علشان تقول بحبه ولا لأ .

فريد : لو كنتي بتحبيه لذرة ... مكنتيش وجعتيه ابدا ..ولا عاقبتيه العقاب السخيف دا .

سارة : انت اكتر واحد عارف اني كنت بندم وان القرار دا اخدته في وقت غضب ..بس خيانته ليا شئ صعب ..صعب اوي ...مراد دا حب حياتي ..انا محبتش الا هو ...يخوني ليه وعلشان خاطر ايه ؟

فريد : و هو عمره ما يسامحك ابدا على اللي عملتيه فيه .

سارة : مالكش دعوة ....دي حاجة تخصه .

فريد : طيب ..اهدي ..دا مجرد شعور جوايا وممكن اكون حاسس غلط

سارة : طيب ...ياريت متفتحش الموضوع دا تاني ..انت اخ عزيز عليا .

فريد : طيب هاقوم اروح الحمام واجاي .

( فريد قام وسارة نفخت بعصبية ....زياد جة عليها ).

زياد بخوف : ع...عا..عاوز اقولك حاجة .

سارة حست بخوفه: قول يا حبيبي .

زياد ببراءة : بابا بيضربني...لما انتي بتزعلي منه .وكمان بيحرقنى بالنار انا بخاف منه اوي ..خديني عند ماما .

سارة بصدمة : بابك بيضربك وبيعذبك ...دا اتجنن ..اوعى كدا

( سارة رفعت تيشرت زياد وشافت علامات الحرق ...اتصدمت ).

سارة بدموع : يا حبيبي متخافش والله هاجبلك حقك .

زياد : لأ ..مش تقوليله ...خديني عند ماما بس .

سارة : اخدك ازاي ..مامتك عند ربنا .

زياد ببراءة : لا والله مش عند ربنا ...والله ماما بتكلمني كل يوم من ورا بابا .

( سارة حست انها مش فاهمة حاجة ...فريد مفهمها ان مراته ماتت في حادثة ...فريد جه عليهم ).

فريد : ايه جابك هنا ...ماكنت بتلعب .

سارة : عادي انا قولتله يجي ...ممكن نمشي يا فريد .

فريد بضيق : اوك يالا .

***************************

في شاليه الجارحي

(الكل واقف بيتفرج على الاتنين اللي واقفين قصاد بعض من بداية زين اللي ماسك ايد ليليان والغضب بدء يتحكم فيه ... وادهم واسر اللي واقفين مش عارفين يدخلوا بين اخوهم ومراته وعز الدين وليان اللي واقفين ورا مراد الالفي خايفين من منظر ابوهم واخوهم الكبير ... ومراد الالفي اللي خايف ان زين يفقد اعصابه على مراد ابنه وتبقى ليلة حزينة على الكل ).

ميرا زعقت : بقولك سيب ايدي ... انا مش جاموسة بتجرني وراك كدا وخلاص .

مراد الجارحي بحدة : اخرسي خالص لغاية ما ندخل اوضتنا ولينا كلام تاني .

ميرا بغضب : ولا كلام ولا زفت .. سيب ايدي .

مراد زعق : لمي لسانك .. اصل وحياة امي هاطربقها فوق دماغك .

ميرا زعقت وبتحاول تشد ايدها : طربقها فوق دماغك انت .... متقدرش تطربقها فوق دماغي .

مراد بغضب : دماغ مين .... ماتلمي نفسك .... اه اقول لمين تلم نفسها لواحدة مش مظبوطة واقفة تترقص وسط الرجالة وتغني وهما يصفروا معجبة بنفسك اوي ... دا من كتر حقارتك خليتي امي الست المحترمة تغني معاكي وهي طول عمرها محدش بيسمع صوتها .

ميرا قدرت تشد ايدها : انت واحد حيوان وانت اللي مش مظبوط نسيت نفسك امبارح وانت عمال ترقص وتحسس على جسم الرقاصة .. مين فينا مش محترم بقا .

(مراد فقد اعصابه وضربها بالقلم على وشها وقعها في الارض ).

مراد عيونه احمرت من كتر الغضب اللي جواه : قولتلك لمي نفسك ... اذا كان ابوكي معرفش يربكي انا اربيكي واعلمك الادب .

زين زعق بصوته كله لدرجه ان كل اللي موجود اتخض وليليان اللي ماسكة في ايده اتنفضت من مكانها : مررررررررررررررراد اظاهر ان انا اللي معرفتش اربيك كويس .

ميرا قامت من مكانها : احنا جوزانا كان غلط ..نار يوسف ولا جنتك ...لو سمحت يا عمو زي ما جوزتني له ...تطلقني منه .

( قالت كلامها وخرجت من الشاليه كله ...الكل بعد خروجها بدء ينسحب بهدوء ويسيب المجال لمراد وزين ... حتى ليليان. اتعلمت من الدرس وسكتت وراحت اووضتها بس جواها حزن من اللي حصل مكنتش تتمنى دا كله يحصل ).

زين اتحرك ووقف قدام مراد : انت في ايه مالك ...لا قولي في ايه ...انا مش فاهمك ...مالك طايح فيها كدا ليه ..انت واعي اللي انت عملته ... واعي ومدرك ولا لأ ...انت ضربت مراتك قدام اخواتك ..ضربت مراتك ومديت ايدك عليها ....ايدك اللي هاقطعهالك لو اتمدت تاني يا مراد ...موتي وسمي اللي بيضرب مراته ...عارف ليه لانه ميبقاش راجل ..عارف دا بسميه ايه دا ضعف ياباشا اقولك انت هاتطلقها فعلا .. انا لايمكن اهينها معاك تاني ابدا .

( زين قال كلامه وسابه ومشي ....).

مراد الالفي : انت عكيت جامد .

مراد الجارحي بعصبية : انا مش عيل علشان كل شوية بابا يوجهني ...مش كفاية جوزني لواحدة علشان بيحميها .

مراد الالفي : مكنش ينفع تضربها كدا ....مكنش ينفع ..انتوا الاتنين غلطتوا ..زمان ابوك عطاني درس محترم علشان مديت ايدي على سارة ومن يومها وانا عهدت نفسي متحصلش تاني ...مش معنى انك غيران عليها تتصرف بالهمجية دي .

***********************

سارة بهدوء : فريد ممكن اخلي زياد يبات معايا .

فريد بشك : ليه ؟.

سارة : علشان هو كان واحشني الفترة اللي فاتت دي كلها .

فريد : طيب ....متتعبش طنط سارة يا زياد .

زياد : ح...حاضر .

( فريد وصلهم الشاليه وسارة وزياد دخلوا واتفاجئت بمراد مع ماهي ).

ماهي : كنتي فين ؟

سارة : كنت مع زياد بيشتري هدوم .

مراد : عاوزك .

سارة : انا ليه ؟.

مراد : سيبي الولد مع ماهي وتعالي معايا .

سارة : حاضر.

( مراد اخد سارة وراحو على الشط ).

مراد : اقعدي .

سارة : فين ؟.

مراد : على الرملة .

( سارة استغربته وقعدت وهو قعد قدامها ).

مراد : مش عاوزة تعرفي خنتك ولا لأ .

سارة : هاتقولي ليه ؟.

مراد : علشان تبطلي دوامة التفكير اللي فيكي ...وعلشان تقتنعي ان الحياة ما بينا مستحيلة بعد اللي هاقوله .

سارة : وياترى ايه اللي هاتقوله .

مراد : لارا بنت اللواء عدلي العمري ....ابوها متورط في قضية تهريب اثار ...فاتح شركة وهمية باسمها شركة استيراد وتصدير ومعاهم رجال اعمال كبار في الدولة متورطين ...حاجة كدا زي الخلية .. اللواء عدلي له مكانة رفيعة في جهاز الشرطة لازم لما يمسكو عليه حاجة تكون بالادلة ....مسكت القضية دي وبدات اتقرب منها ... ساعدتهم في كام حاجة للتهريب بعلم قيادتى في الشغل علشان يطمنوا ليا ... كنت بحكيلها عنك و وكنت بوهمها ان طلقتك بس سبتك عايشة في بيتي...كنت متاجر بيت تاني علشان اللي بيراقبني يتأكد اني مطلقك .... كنت بخرج معاها وبسهر ...روحت بيتها كام مرة بس كانت كلهم مقابلات عادية وسهرات عادية .. عرفت تقريبا كل المعلومات والادلة منها ...اخر مرة روحت شقتها في اليوم اللي انتي شفتيني فيه ...كانت اخر مرة ..سجلت ليها صوت وصورة ... و ابوها ومعظم اللي معاهم في الخليه دي اتقبض عليهم ... انا منكرش ان اتفاجئت لما لاقيتها لابسة كدة كانت كل مرة تبقى عادي بلبسها ..بس كان لازم اخاد منها اخر دليل اتسايرت معاها وسبتها تتصرف زي ما هيا عاوزة ... الباب لما خبط كنت بحسب انهم هايعجلوا معاد القبض عليها وخصوصا ان انا مش ادتهم اشارة القبض ...بس اتفاجئت بيكي .... انتي نزلتي من هنا وقبضنا عليها ... روحت وراكي البيت مش لاقيتك ..دورت فى كل مكان اختفيتي ..كنت زي التايه ..وندمت ان رجعت شغلي تاني ...بعدها بلغوني انك كنتي متأجرة عربية .. الشركة اللي مأجرة العربية بلغت انك مش سلمتيها في نفس المعاد المحدد في العقد لما بحثوا بارقام العربية لقوكي عاملة حادثة والعربية مولعة وجثث مولعة ومش ليها ملامح ... اخدو عينة وعرفوا ان البنوتة اللي ماتت بنتي والطب الشرعي اثبت ان الجثة التانية انها انتي ..مهاب لعبها صح وانا صدقت ...عمري ما كنت اتخيل للحظة ان دا كله كدب ... عمري ما كنت اتخيل ان دماغك تجيبك للشر والانتقام دا مني ...كنت في حالة وقتها زي الطفل اللي لسه بيبلغوه ان امه ماتت وابوه مات ومالكش حد في الدنيا دي ...ضعفت وصدقت وعشت سنين في وهم وطلعت اكبر مغفل ...مكنتش اتوقع ان الوجع يجي منك ...مكنتش اتوقع ان الانتقام دا يجي من اقرب حد ليا .

سارة : ...

&&&&&&&&&&&&&&&&&

الحلقة 20:✌✌

( سارة كانت بتسمع كل كلمة من مراد ومش مصدقة ..مراد خلص كلامه وسكت وباصلها ..سارة مسكت راسها بتحاول تستوعب كمية الصدمات ).

سارة بدموع : انا ..حسيت شهور انك بتخوني ...انت كنت متغير معايا .. عاوزني افكر ازاي ...كنت بتسهر كتير وبتغيب كتير وكنت غامض اتصرف ازاي ...شكيت وشعور الشك اتولد فيا وزاد ...فعلا أجرت العربية بس كنت كل مرة اتراجع ومش اراقبك واقول لأ مش معقول بعد الحب دا كله تعمل كدا وتخون ...كل اللي كان في مخيلتي وقتها انك بتخوني انك حبيت واحدة عليا واخرك ديسكو ولا مطعم ... يومها مستحملتش وقررت انزل وراك واراقبك ..كاميليا وقفتلي تيجي معايا ...خفت اسيبها لوحدها اخدتها وروحت وراك مفاجئتي انك وقفت عند عمارة وطلعت كانت كبيرة ... سألت البواب قالي انك طالع الدور ١٥ ..اتجننت معنى كدا انك بتروح كل مرة هناك ...سبت كاميليا معاه وطلعت وانا بتمنى من ربنا انك متكونش عندها ...لما قال اسم لارا افتكرتها على طول ...البنت اللي عزمتك في عيد ميلادها وكانت بتكلمك واتفقت معاك متكلمهاش تاني ...مية سيناريو جه في بالي ...رنيت الجرس وانا جوايا حرب ...لما شفتها لابسة كدا اتصدمت ...حسيت بسكاكين بتقطع في قلبي ... لما دخلت وشفتك قالع هدومك ..الصدمة كانت اكبر ...مراد انت كنت بتخني ...مراد انت بتلومني على ردة فعلي اني وجعتك سنين .... طيب وانا فين وجعي ان اشوفك بتخوني ...الخيانة شئ صعب .. اقولك لا هيا مش صعبة ..هى قذرة ...انا مكنتش اتمنى اشوفك كدا ...عاوزني اعمل ايه اخدك بالاحضان يا مراد ...ولا اعيط وبعدها اجاي اقعد معاك ونتكلم وخلاص الموضوع ..انا مقدرتش اتعدى الخطوة دي ..عارف انا لما نزلت اخدت كاميليا وكنت سايقة ومش مركزة العربية انحرفت مني واتخبطنا في شجرة ...كاميليا اغمى عليها نتيجة خبطة في دماغها وانا بعدها فوقت ملقتش غير مهاب كلمته وجالي ...وحكتله على كل حاجة .. حتى على حرمانك ليا على الخلفة ... وهو ساعدني وهربني برة مصر ..انا كنت في نظر امي ميتة ونظر الكل .. انا حكمت على نفسي قبل ما احكم عليك ... انا عاقبت نفسي قبل ما اعاقبك ... كنت في الفترة دي بمنع مهاب وبمنع نفسي يقولي اي خبر عنك .... كنت عاوزة انساك بس مع مرور السنين مقدرتش وحاولت اتابع اي خبر عنك .. منكرش ان كنت بتبسط انك عايش على ذكرى ليا .. بس شعوري كان متلخبط وجع وفرح ... زي مانت بتبرر لنفسك الخيانة انه بسبب شغلك ..برر ليا ان لما وجعتك كان بسبب حبك .

مراد : تمام قولتي كل اللي جواكي .

سارة : قولت وانت قولت وبعدين .

مراد : اول ما نرجع القاهرة هانطلق .

( سارة اتصدمت ...الكلمة مراد قالها وكأنه مجهزها من زمان...حتى بعد لما سمع مبرراتها ...سابته وقامت تجري ..معنى كلمته انه خلاص مفيش اي رجوع ...سارة ومراد خلاص ..حبهم اتحكم عليه بالفشل وهيا كانت السبب)

************************

( ميرا بتبص للبحر وبتتمنى الموت ... الحياة صعبة عليها وقاسية والدنيا بتيجي عليها بزيادة .. مراد هانها وعاملها اسوء معاملة مشافتش يوم حلو معاه ...كل مرة كانت اهانته سابقة كل حاجة ...بس خلاص فاض بيها ...لازم تمشي ...لازم تبعد ) .

مراد : مش كفاية عياط .

ميرا لفت بسرعة لقته واقف بشموخ زي عادته : ايه اللي جابك ورايا .

مراد قعد جنبها ومسك ايديها وباسها : متزعليش مني ..غلطت معاكي غلط كبير .

ميرا : بسهوله كدة.

مراد : انا عارف ان غلطت غلط كبيرر بس انتى يا .....

ميرا عيطت وطلعت كل اللي جواها :انا ايه...عملت ايه ..معملتش حاجة ...بالعكس كنت بحاول امشي اموري معاك علشان متعندش معايا وتسمعني في اهانات وكلام زي الدبش في حقي .. زعلان ان اونكل زين غصبك على جوازك مني ..طب مانا كمان اتغصبت .

مراد : محدش غصبني على حاجة .. انا لو مش عاوز اتجوزك مكنتش اتجوزتك .

ميرا: امال ليه بتعاملني كدا ؟.

مراد : ميرا كل لما اكلمك تقولى جواز على الورق حسيت انك رفضاني ..لما رقصت مع الزفته دى كنت عاوز اخليكى تحسى بيا ... انتي مبتشوفيش نفسك وانتي بتعامليني ...انتي واخدة الموضوع كأنه عند ..وتنفذي اللي في دماغك ..وانا ماليش اي رأي مثلا موضوع الشغل ...حضرتك عارفة ان خايف عليكي بسبب موضوع يوسف الزفت ...وتقوليلي اشتغل طب مستنية مني ايه ؟...اقولك ماشي لا طبعا ...افرض حصلك حاجة وانا مش معاكي يا ميرا

ميرا : وانت بتخاف عليا ليه ؟.

مراد : علشان ...اممم علشان بحبك .

ميرا : بتحبني !.

مراد : بحبك ومش عارف ليه وامتى وازاي ..بس حاسس ان انا وانتي مخلوقين لبعض .

ميرا كشرت وضحكت في نفس الوقت : انت طبيعي يا مراد .

مراد قرب منها واخدها في حضنه وباس جبينها : متزعليش مني .. اتحديتني قدام اهلي ودا كان شئ صعب جدا ..طول عمري قدام اخواتي ليا مكانتي .... معنى انك تقفي وتتحديني هزيتي صورتي ... وبعدين انا عفاريت الدنيا كانت بتلعب قدام وشي لما شفتك بتغني وكل اللي في الكافيه موجودين بيصفروا ومعجبين بيكي ...انا مستحملش حد يبص عليكى .

ميرا : انا مكنتش اقصد اتحداك انا بس مكنتش متحملة اهانة تاني .

مراد :بصي تيجي نتفق اتفاق

ميرا : قول .

مراد : .اولا عاوزك تعطينى فرصه تانيه .. ونعتبر نفسنا اننا في مرحلة خطوبة .

ميرا ابتسمت : خطوبة !.

مراد : اه ...نسيب نفسنا للدنيا ومنقفش ونعاند .

ميرا : اوك ..شيل ايدك من عليا بقى .

مراد : اشيل ايدي ليه ؟.

ميرا : مش احنا مخطوبين ومفيش اتنين مخطوبين بيحضنوا بعض .

مراد : لأ...دا اهم بند في الاتفاقية دي ...البوس والاحضان عادي .

ميرا بعدت عنه بكسوف : عيب يا مراد كدا ... ايه اللي انت بتقوله دا .

مراد : خدي هنا ...متبوظيش الجو الرومانسي دا .

ميرا : هو فين الجو الرومانسي ..دا انا حتى لسه ايدك معلمة على خدي .

(مراد قرب منها مرة واحدة واخدها في حضنه...وباس خدها ...باسه برقة بعد عنها وهيا اتكسفت )

مراد : قلبك ابيض ...ادينى الفرصه وانا هاوريكى مراد الجارحى هايعمل ايه .

ميرا : ياخوفى .

مراد : صدفينى عمرى ما اخذلك .

*************************

عند سارة .

هنا : عمتو ممكن اتكلم معاكي ؟.

سارة مسحت دموعها بسرعة : تعالي يا هنا .

هنا : كان في حاجة حصلت وانا مش عارفة اقولك ولا لأ ..بس حقيقي مش قادرة اسكت .

سارة : حاجة ايه ؟.

هنا : وقت الحفلة دكتور فريد دا نسي تليفونه على الترابيزة ووقتها كاميليا طلبت مني اني اروح وادهوله وروحت وشوفت حاجة غريبة .

سارة : حاجة ايه ؟.

هنا : انا شوفته من شباك الشاليه وكان مكسر الشاليه كله ...وكمان حرق ابنه وبيعامله اسوء معاملة .... انا وقتها خفت واترعبت لانه بجد مش طبيعي .

سارة اتأكدت من كلام زياد : طيب ومش عطيته التليفون .

هنا : لأ .

سارة : طيب يا هنا ..متخافيش ممكن يكون زياد عمل حاجة غلط وهو اتصرف باندفاع .

هنا : ممكن .

*************************

عند زين وليليان .

زين : مالك يا لي لي مبتتكلميش .

ليليان : ساكتة ... هاقول ايه .

زين قعد جنبها واخدها في حضنه : انا عارف انك زعلانة من اللي حصل .. بس هما شباب ومتهورين شوية في حياتهم.

ليليان : بيعقدوا حياتهم بشكل لا يطاق ...انا تعبت منهم ...احنا مش هانعشيلهم العمر كله ..يعقلوا ويكبروا بقى .

زين : هدي نفسك انتي ...وكل حاجة هاتتحل .

ليليان بتعب : امتى ..امتى ...انا تعبت جدا ..المواضيع بقت معقدة ... كلهم معقدين .. مكلكعين .. حتى مراد وسارة بقى ايه في العمر علشان نعيش في غم وحزن وقرف .

زين : ولادنا ونقدر نساعدهم ..لكن مراد وسارة هما حرين ملناش دعوة .

ليليان : لا لينا ...خلاص بقى هو خان في وجهة نظرها وزين متجيش عليها اوي انت متعرفش احساس الست لما تشوف جوزها بيخونها .

زين : كانت تستنى وتسمع وتفهم احسن ما تقرر وتنفذ وترجع تندم وتعيط .

ليليان : مش كلنا ردة فعلنا واحدة .. وهيا حبته جدا ...ارجوك بلاش نحكم ..واحنا مش عشنا الموقف دا .. ارجوك حاول تهدي مراد ... خلينا بقى نرجع زي الاول .

زين : طيب ...المهم تهدي نفسك ..انا مش هاتبسط لو حصلك حاجة ... اهدي كدا دي كانت اجازة نكد .

( مراد وميرا خبطوا على الباب وزين اذن انهم يدخلوا... ودخلوا فعلا مبتسمين وليليان وزين استغربوا وبصوا لبعض ).

مراد بضحك : مالكوا .

زين. : مفيش ...بس انتو كويسين صح ؟.

مراد بضحك : الحمد لله ...معلش بقى على جو الاكشن اللي عشتوه انهاردة ..بس اهو اليوم عدى في ثانية من غير ملل .

ليليان : انتي كويسة يا ميرا .

ميرا : اه ..كويسة .

( ليليان وزين بصوا لبعض وسكتوا ).

مراد : يالا تصبحوا على خير .

ليليان وزين : وانت من اهل الخير .

***********************

في الشرقية .

شوكت : يوسف بيه ..السواق جهز العربية وممكن نتحرك دلوقتي .

يوسف : ماشي ..روح انت .

( شوكت خرج ويوسف مسك الورقة وكتب اسم زين وتحته اسم من كل واحد من اولاده ).

يوسف : جايلك يا ميرا ..جايلك .

***************************

عند سارة .

سارة : زياد حبيبي ...قولي هيا ماما عايشة ؟.

زياد : ايوة انا بكلمها ومعايا رقمها .

سارة : طيب حافظه ولا لأ .

زياد : اهو ٠١٢*********.

سارة : اسمها ايه ؟.

زياد : عائشة .

( سارة اتصلت على الرقم )

سارة : الو ...السلام عليكم .

: وعليكم السلام ...حضرتك مين ؟.

سارة : احم حضرتك مدام عائشة .

عائشة والدة زياد : ايوة انا .

سارة : انا جارة الدكتور فريد وعرفت من زياد انك عايشة .

عائشة : انتي مدام سارة ...زياد بيحكلي عنك ..هو ابني حصله حاجة .

سارة : لأ ..ابنك بخير ...بس يعني كنت عاوزة افهم ليه سيبتي زياد مع والده ...وليه فريد مفهمني انك ميتة .

عائشة : انا هافهم حضرتك ....انا بنت ناس على قدنا شوية ...في فرق في المستوى الاجتماعي والعمري بيني وبين فريد ...وهو اتجوزني برغبة من والدته الله يرحمها ... اتجوزته وعمره ما حبني وعلى طول كان بيضربني وبيهيني كنت عايشة اسود سنين عمري..كان بيسيبني في مصر ويسافر لندن ...ما صدقت اطلق منه ...كان زياد معايا...لكن من سنة اخده مني غصب عني وانا ضعيفة ولا عارفة اقف قدامه ولا احارب ..اخده مني وكل شوية يعذب فيه ويحرقه انا بشتغل ليل نهار علشان اجيب فلوس المحاماة وارفع عليه قضية واخده منه .

سارة بصدمة : فريد يعمل كل دا ... فريد دا محترم ...دا ...انا حقيقي مصدومة .

عائشه : فريد بوشين بيتلون .... حسبي الله ونعم الوكيل فيه ...انا عمري ما كرهت حد ...قد ما كرهته ولا عمري اتحسبنت على حد قد ما انا بتحسبن عليه ليل نهار .

سارة : طيب انا هاكلمه واخليه يجبلك ابنك ..انتي امه من حقك تربيه ...وخصوصا ان زياد عاوزك .

عائشة : اوعي يا مدام ...علشان خاطري ..اللي بحاول اعمل فيه سنين هايتهد انا تعبت والله علشان اقدر احوش مصروف المحاماة .

سارة : طيب انا عاوزة اساعدك ؟

عائشه : ممكن بس تخلي زياد معاكي اطول فترة ممكنة ...علشان فريد يبطل يعذب فيه ...واول ما تيجو القاهرة .. هاكون عرفت هاتصرف ازاي .

سارة : متخفيش انا معاكي في اي حاجة .

عائشه : متشكرة ...كنت نفسي اكلمك ...بس كنت بخاف منك لتكوني معاه ويعرف ويضرب زياد .

سارة : اخر حاجة كنت اتوقعها فريد يعمل كدا ...بس انا اتاكدت لما شفت جسم زياد ...ابنك في عيني متقلقيش .

عائشه : متشكرة جدا يا مدام .

( سارة قفلت واتنهدت بصعوبة على كم الاحداث اللي بيحصلها ..بصت على زياد لقته نايم في مكانه وتعبان رفعت تيشرته وشافت حرقه ..)

سارة : يا حبيبي يابني ...دا انت صغير على كدا ..ازاي مستحمل كل دا ...فريد دا قلبه قاسي ..ازاي قدر يعمل فيك كدا ...

( سارة سكتت وعيطت وبدات تلوم نفسها ).

: طيب ما انتي كمان قلبك قاسي ... حرمتى بنت من ابوها ... وشوهتي صورته قدامها ..وكسرتي قلب حبيبك ... وعاقبتيه اسوء عقاب في الدنيا ... يااااارب ....انا بس كنت هاموت من خيانته ليا ...انا عارفة غلطت واستاهل الحرق ...بس كان غصب عني ...جرحي كان صعب .

( اخدت زياد في حضنها ونامت ... نامت ودموع الندم على خدها ).

عند فريد.

( قاعدة بيبص على صور سارة وهايموت من الغيظ والغل ).

: بقى انا قاعد طول السنين دي كلها بحبك وتيجي في الاخر انتي عاوزة ترجعيله ... يا هموتك يا هموته ... بس مش هاسيبك تتهني لحظة معاه .

( الباب خبط وفريد خبى البوم صور سارة وفتح واتفاجئ بمراد ).

فريد : خير .

( مراد زقه ودخل وقعد بهدوء وبعدها رماله على الترابيزة تليفونه ).

فريد : نعم ...فهمنا انك جاي علشان تليفوني طيب وبعدين .

مراد : عاوز ايه من سارة ؟.

فريد : انت اللي عاوز ايه منها ...انت مش خنتها زمان ...عاوز ايه بقى .

مراد : خلي في بالك اللي بتتكلم عليها دي تبقى مراتي ...انا ممكن اقوم اطربق المكان دة كله عليك .

فريد : انت بتهددني وفاكرني هاخاف منك ولا يهمني .

مراد : اممممم ...طيب يا حلو انا بحذرك تبعد عنها .

فريد : ابدا ...بقى انا اعيش سنين احبها وانت في الاخر تيجي ترجعلها .

مراد : امممممم ...انت راجل مش مظبوط وعاوز تتربى علشان تتكلم على واحدة متجوزة كدا .

فريد : اللي متجوزة دي هربت منك زمان علشان انت خنتها .

مراد : خنت مختتش ..مالكش فيه ...انا هاكتفي بس بتحذيرك .. المرة الجاية هاتصرف تصرف هايزعلك مني.

( مراد ساب فريد وراح الشاليه بتاعه لقي زهرة مستنياه وجنبها شنطة هدومها ).

مراد : ايه دا انتي رايحة فين يا زهرة .

زهرة : مروحة .

مراد : ليه ؟... في حاجة حصلت ضايقتك .

زهرة : لأ ...بس انا عرفت انت جايبني ليه هنا يا مراد ...انت جايبني هنا علشان تعاقب بيا سارة ...وانا الصراحة مقبلش على نفسي كدا ...لما قولتلك انا بحبك ومعجبة بيك انت رفضتني وهيا ميتة وقلبك كله متعلق بيها ...بس دلوقتي الوضع اختلف هيا ظهرت وانا عرفت وفهمت كل حاجة ..مراد انت بتحبها بالعكس انت بتموت فيها ...وانا هاقدر حبك دا وهاحتفظ باعجابي بيك بالعكس عمري ما هنساك في يوم من الايام ..انت راجل عظيم ...بس نصيحة مني هيا غلطت غلط كبير ...بس حاول تقف معاها الخيانة عند الست مننا حاجة صعبة .. زي ماهيا عند الرجالة حاجة اصعب ...انتوا ممكن تقتلوا الواحدة لو خانت بس هيا اللي في ايديها كان ايه غير انها تبعد عنك وتكسرك كدا ...نصيحة مني هيا ضيعت عمركوا في حاجة غلط متعملش زيها يا مراد ..اشبع منها وخليها تشبع منك العمر بيروح في ثواني ... الصدمات والوجع موجود بس خلي حبكم يتغلب عليهم .

مراد : انتي مين حكالك كل دا ؟.

زهرة : كاميليا بنتك هيا اللي حكتلي ....انا احترمتها انها بتحاول تجمع ما بينكوا ...ارجعوا لبعض علشان خاطر بنتكوا ...هيا ملامة حرام ..بلاش اللي حصل زمان يأثر فيها دلوقتي ويعقدها .

مراد : انت احترامك زاد في نظري اكتر .

زهرة : وانت شخص محترم وهيا كمان بتحبك اوي انا حاسة انها بتموت لما بتشوفك معايا وانا مقبلش ابدا الاحساس دا .

مراد : طيب اقعدي لنهاية الاسبوع .

زهرة : لأ ...خلاص كدا ...مبقاش ينفع افضل واستنى .

مراد : هتسافري لوحدك بليل .

زهرة : ليا صديقة هنا هيا وجوزها هاسافر معاهم ...اسمع كلامي يا مراد بلاش تضيع عمرك في الهوا كفاية اللي راح حتى لو هيا كانت السبب .

مراد : هاحاول .

زهرة : سلام يا مراد .

( زهرة مشيت وحاولت تعطي نصيحه لمراد ...ومراد قعد مكانه وسرح بافكاره يسامحها ولا لأ ...هايقدر يعيش معاها تاني؟؟؟ ).

**********************************

تاني يوم ...

( كاميليا قاعدة بتفطر لوحدها حزينة على اللي هيا بتعيشه ولا عارفة تفرح ..ادهم لاحظ حزنها وراحلها ).

ادهم : مالك .

كاميليا بحزن :مخنوقة .

ادهم : من مين بابكي ومامتك ولا نزار حبيبك .

كاميليا بدموع : من كل حاجة يا ادهم .

ادهم : لو عاوزة تتكلمي ..اتكلمي هاسمعلك .

كاميليا : بابا وماما قصتهم صعبة وانا تعبت منهم ...انا مش عارفة اعمل ايه ..انا عارفة اني في نظرك وحشة علشان لما كبرت وعرفت ابويا .. مجتش وحكتله.. بس كان هايصدقني؟ .... طيب كنت هاقدر اعافر لوحدي؟ ...انا مش عارفة ..انا تايهة حاسة اني وحيدة بابا وعنده اصرار يعاقبني قبل ما يعاقب ماما ....وماما عايشة في دوامة .. وانا فين معرفش المفروض اعمل ايه معرفش ..انا تعبت ...كنت صغيرة وقالتلي بابكي مات ....مكنتش فاهمة ... كنت بسأل عليك تقولي بعيد عننا ....فضلت لابسة السلسلة واهو اي ذكرى منكوا ...كبرت شوية وبدات امور توضحلي ....بدات اسال وهيا بتتهرب مني في الرد لغاية ما قالتلي كل حاجة ...قالتلي انه خانها وهيا حبت تعاقبه وتوهمه بموتنا ... الدنيا وقفت بيا هاقف معاه ولا معاها ...قالتلي هاتسيبني وانا وحيدة؟؟ هو حواليه صاحبه والعيلة كلها ...انا وحيدة ...قلبي وجعني عليها زي ما وجعني على ابويا فضلت معاها وبدات اتابعكوا ...شوفتك وقتها ...كبرت ..شوفت ادهم اللي عطالي السلسلة اللي في رقبتي انجذبتلك كنت بتمنى ارجعلكوا ... مكنتش بتكلم مع حد كنت بتكلم مع نفسي ... واقعد اتخيل اللحظة اللي هارجع فيها .

ادهم مسك ايديها وباسها ،: استحملي وخليكي قوية ...قصة مراد وسارة مش قصة سهلة ...فيها الظالم والمظلوم بس انا واثق ان الحب اللي بينهم هايتغلب على دا كله صدقيني .

كاميليا : امتى يا ادهم والله تعبت .. انا كل ما اقول خلاص هاتتعدل تظهر حاجة جديدة ...مرة زهرة واهو ظهر دكتور فريد .

ادهم : خلي نفسك طويل يا كاميليا وكل حاجة هاتتعدل ..وحاولي تجمعي ما بينهم ...انتي تستاهلي يرجعوا لبعض علشانك .

كاميليا : هاحاول ..بس خايفة اتصدم في الاخر .

ادهم : لأ متخفيش ...ونزار مزعلك في حاجة .

كاميليا : يعني بعد كل اللي قولتهولك تقولي نزار .

ادهم بضحك : ليه عملتي كدا .

كاميليا : علشان مش عاوزة اعيش اللي انا عشتوا .

ادهم : صوابعك مش زي بعضها ... وبعدين ربنا يسامحها امك كان زماني متجوزك ومعانا ليليان الصغيرة .

كاميليا بكسوف : واشمعنا ميكونش معانا سارة الصغيرة .

ادهم : لا امك قاسية ..انا امي طيبة .

كاميليا : قست لانها عشقت وحبت يا ادهم .

ادهم : طب ايه والجميل وضعه من ناحيتي ايه ؟.

كاميليا بكسوف : اخويا .

ادهم : والله !!!...تيجي اخطفك ... نروح نتمشى ونتفسح بدل النكد اللي الواحد فيه دا .

كاميليا : اوك .

****************************

عند سارة .

ماهي : سارة ...دكتور فريد عاوزك ؟.

سارة : اوك ...زياد فين ؟.

ماهى : هنا وليان اخدوه معاهم يلعبوا .

سارة : اوك ...هاروح اشوف فريد .

ماهي وقفتها : هو انتي وفريد مش بينكوا حاجة صح .

سارة : لأ طبعا ....دة مجرد صديق وبس كدا ...وبعدين ازاى تقوليلي كدا وانتي عارفاني كويس .

ماهي : اسفة ...بس نظراته ليكي مش مريحاني ..

سارة : متخافيش ...هو مجرد صديق وبس .بس قوليلي يا ماهي انا عاوزة اسألك سؤال نفسي اسأله من زمان ؟.

ماهى : اتفضلي .

سارة : اشمعنا دلوقتي جمعتيني مع مراد .

ماهى : لما مهاب قال انك موتي زمان كنت لسه مخلفتش ولا جميلة ولا هنا ...اتقهرت اوي عليكي ...كنت بناغش فيكي وبحبك وانتي عارفة كدا كويس .. بعدها لاحظت انه بيسافر كتير وبسمعه يتكلم في تليفون ويقفل بسرعة شكيت انه على علاقة بواحدة كنت هاموت فيها ... واجهته وهو قالي الحقيقة ... زعلت منك اوي ازاي تعملي في مراد كدا وتعملي فينا كلنا ...وبعدها اكتشفت انك بتعاقبي نفسك قبلنا وانتي حقيقي تستاهلي الوحدة والعقاب والعذاب متزعليش مني ...بس دا وقتها اللي حسيته لقيت السنين بتمر وانا بتابع مراد من بعيد واعرف انه حزين عليكي وانتي وحيدة هناك وبنتك المظلومة ما بينكوا ..جت مشكلة هنا مع ليان واسر لقيت انها احسن فرصة انكوا ترجعوا وكفاية بقى وجع وحزن .

سارة بدموع : مراد مش خاني هو قالي كدا امبارح وهايطلقني وكاميليا هتختاره وانا هارجع وحيدة يا ماهي .. هارجع بحزن اقوى والم اصعب .... انا تعبانة اوي وكلكوا جايين عليا حتى انا جايية على نفسي ...نهايته هاطلع اشوف فريد .

( سارة مسحت دموعها ...وطلعت لفريد ).

سارة بضيق منه بتحاول تخبيه : ازيك يا فريد .

فريد : كويس ..انتي اخبارك ايه انهاردة ...حاسك حزينة .

سارة : لا عادي ...خير.

فريد : زياد فين ؟.

سارة : مع هنا بنت اخويا ...بيلعبوا معاه.

فريد : اممم طيب كنت عاوزه .

سارة : لأ ...سيبه معانا ...الولد محتاج الجو دا هو مفتقده من زمان من وقت موت مامته .

فريد : الله يرحمها .

سارة في سرها : اه يا بجح ... ماشي .

**********************************

عند مراد .

(ميرا قاعدة بتقرا في كتاب ومراد قاعد على السرير بيبصلها ).

ميرا بكسوف : وبعدين بقى ...انت هاتفضل تبصلي كدا كتير.

مراد : مستني الفقرة التعليمية تخلص .

ميرا بضحك : عاوز ايه ؟.

مراد : عاوز مراتي افسحها .

ميرا : خطيبتك لو سمحت .

مراد : خطيبتي ...مراتي ...اي حاجة يا قلبي .

ميرا : اقولك حاجة و متزعلش .

مراد : ايه ؟

ميرا بضحك : مش حاسك في الرومانسية .

مراد اتصدم منها : تصدقي بالله انا غلطان ...ابعدي كدا انا هاقوم اشوفلي واحدة اتفسح واتشهيص معاها .

ميرا قامت بسرعة تمسكه : ايه بلاش اقول رأيي .

مراد : ينفع تقوليلي كدا ..بقى انا مقبل على الحياة ...ينفع تسدي نفسي؟؟ .

ميرا : هههههه اسفة...خلاص .

مراد : هو انتي عندك حق ...انا حاسس اصلا اني معوق في حبي ليكي .

ميرا ضحكت من قلبها : ههههههههه .

مراد اخدها في حضنه : ضحكتك حلوة اوي .

ميرا : اممم عارفة .

مراد بهمس : دا غرور ولا ايه ؟.

ميرا : لأ ...عارفة انها حلوة علشان هي طالعة بسببك طالعة من قلبي .

مراد سند جبينه على جبينها : والله بحبك ...بس اسف مكنتش عارف اعبر عن حبي وانتي كنتي واخدني تحدي ..خلينا ولاد انهاردة ..واوعدك عمرك ماتبطلي ضحك .

ميرا : هاتفسحني فين ؟.

مراد : ايه رايك نبعد عنهم ونروح نقضي اليوم كله برا واللي انتي عاوزاه هايتنفذ .

ميرا : بجد ...طيب انا نفسي ادخل سينما ...ونتغدى في مطعم لوحدنا ونتمشى وناكل ايس كريم ونقعد على البحر بليل .

مراد : انتى تأمري وانا عليا التنفيذ ... يالا .

**********************************

عند زين وليليان .

ليليان بضحك : يا زين يالا نطلع للولاد هانفضل محبوسين يعني في الاوضة .

زين : والله مانا طالع ..انا مش ناقص نكد .

ليليان : ان شاء الله اليوم يبقى كويس ... وبعدين مراد وميرا اتصالحوا خلاص .

زين : لأ ..قلبي مش حاسسني .

( عز خبط على الباب .).

عز : بابا افتح .

زين : اهي بدأت تندع ...افتحي لابو المشاكل كلها .

ليليان ضحكت وفتحت لعز : في ايه يا عز .

عز : صباح الخير يا بابا يا حلو يا عسل انت .

زين : لأ .

عز : هو ايه اللي لأ .

زين : الحاجة اللي انت هاتطلبها لأ .

عز : اه ماهو عز هو اللي واقع ..اي حاجة يطلبها لأ ...لكن ست ليان ماشي ...البهوات التانين ماشي ..انا بقا بقولك يا بابا لأ والف لأ ...لأ لأ تبقى معدية لأ لأ تبص عليا .

( ليليان ضحكت بصوت عالي على جنان ابنها ...عز نط مرة واحدة على السرير ).

عز : بص بقى احنا عاوزين نروح عشق الزين .

زين : انتو مين ؟.

عز : انا وليان وهنا واسر والواد عمر قاعد مخنوق من خطيبة اسر .

زين : اه ...تعملوا ايه بقى فيه ؟.

عز : اخدهم ونخمس بقى ونقضي يوم .

ليليان : اه وحياتى يا زين ونجيب مراد وسارة وماهي .

زين : انتي مجنونة لأ طبعا .

ليليان بتكشيرة : دا يختي يا زين .

زين : محدش هايطب رجله فيه .

ليليان : كدا يا زين مكنتش متوقعة انك تزعلني كدا .

عز : اه يا ماما ليكي حق تزعلي مينفعش يرفضلك طلب .

زين : ما تخليك محضر خير علشان مضربكش .

عز : طب وافق بقى خلينا نتفسح .

زين بضيق : انتي عاوزة كدا .

ليليان ابتسمت : اه .

زين : طيب ..يالا هانتغدى فيه ...بس مش هانطلع بيه ...هاكلمهم يجهزوا اكلة سمك .

عز بتكشيرة : لا انا عاوز اسوق بيه ...ماليش فيه ..عاوز انزلها على انستجرام واعاند في صحابي .

ليليان همست لعز : يالا ...اصله ممكن يحلف ماحنا رايحين خالص .

زين : اهي قالتلك .

عز بضيق : طيب يلا .

*************************

( الكل اتجمع في اليخت واتغدوا .. والجو كان مليان ضحك من عز وليان وهنا ..سارة كانت بتتجنب نظرات مراد ليها ..مكنتش عاوزة تيجي لكن مع اصرار ليليان وماهي وافقت .).

ليليان بهمس : مالك ؟.

سارة : مفيش .

ليليان : في حاجة حصلت .

سارة : مراد قالي الحقيقة واتفق معايا على الطلاق وخلاص كدا انا لما نرجع هاحجز واسافر تاني .

ليليان : سارة بصي نصيحة مني انتي غلطتي وغلط كبير وجواكي معترفة بكدا ...حاولي علشان خاطره واعتذري مرة واتنين وتلاتة ومتمليش ابدا منه ... له حق عليكي .. على فكرة محدش قادر يلومه الكل بيلومك انتي .

سارة وقفت وراحت اخر اليخت وقعدت وليليان راحت وراها .

ليليان : زعلتي من كلامي .

سارة : بالعكس كلامك كله صح. .. بس انا نفسي حد يحس بيا ..انا لو مراد كان فعلا خاني وسمعته وقعدت كنت هاتعذب وهاضعف ..انا لما فكرت كدا مكنتش عاوزة اضعف .

ليليان : الهروب ضعف ...وانتي بتهربي تاني .

سارة : اعمل ايه مفيش حد قابلني كاميليا بتلومني بعنيها وزين نظراته ليا بتقتلني وانتي كل كلامك ليا عتاب وولادك محدش طايقني ... الوحدة ارحم من عذاب نظراتكوا ليا .

ليليان : انا بعاتبك وعاوزاكي تفضلي موجودة .

زين : ليليان لو سمحتي سيبني مع سارة شوية .

( سارة وليليان اتصدموا من وجود زين اللي كان سامع كلامهم ...ليليان سابتهم وقبل ما تمشي همست لزين ).

ليليان : بالراحة عليها شوية ...هيا خلاص سمعت كتير .

&&&&&&&&&&&&&

قصة عشق الزين للكاتبة زينب محمد الجزء الثاني

الحلقة 21:✌✌

زين : عاوزة ايه يا سارة؟

سارة : مش عاوزة حاجة .

زين : بصي اوعي تكوني فاكرة ان هاعاتبك وكلام من دا ...كفاية اوي عليكي اللي بتسمعيه وحاسة بيه ...ظهرتي وكلنا اخدنا الصدمة . وحقيقي كانت صعبة علينا كلنا ... عرفتي الحقيقة وخلاص ..ايه بقى اخرة اللعبة دي ؟؟...هاتفضلي تقولي هاسافر علشان حد يمسك فيكي ؟؟.. لأ متستنيش كدا محدش هايمسك فيكي ... عاوزة مراد ارجعي كدا بذاكرتك لورا شوية وشوفي هو عافر ازاي علشان يتجوزك شوفي قعد كام سنة خاطبك ..شوفي استحمل ازاي علشان خاطرك....هو مش يستاهل عشان تنولي مسامحته .. الهروب عمره ما كان حل .

سارة بضعف : مش هايسامحني يا زين .

زين : حاولي وجربي واضعفي وارجعي تاني وحاولي تاني لغاية ما يرضى .

سارة بتعب : اللي عملته فيه مش قليل ...الدنيا بضيق بيا ...بضيق بيا وتعبت .

( زين لاحظ تعبها ...ووشها اللي بدء يبقا لونه احمر ...سارة قعدت بتعب ومسكت دماغها ).

زين : اهدي يا سارة علشان متتعبيش تاني .

سارة : الحرب جوايا بتزيد والالم بقا الضعف ...ايه اللي عملته بنفسي دا ؟؟.

زين : خلاص اللي حصل حصل وكل واحد فينا غلط ..غلط كبير ...بفرق درجات الغلط وحجمه واثر ازاي في اللي قدامنا ...بس عمرنا مهنقدر نرجع الماضي ... احنا في الحاضر ... متزوديش غلط بغلط ..حاولي تحكمي عقلك وبلاش عواطفك اللي في لحظة ضيعتي كل حاجة بسببها

سارة بتعب : حاضر .

************************

عمر : واقسم بالله هاخنقك ..دي عاشر صورة اصورها .

عز : ياعم صور احنا بنتفسح كل يوم ...خليني اغيظ العيال صحابي .

عمر : انا مال اهلي يا سيدي ...خليني اروق بالي توقفني اصور في حضرتك علشان تغيظ في صحابك .

عز : اخر صورة بالله عليك كأني بسوق اليخت .

عمر : الله يخربيتك يا مراد ....انت اللي وكستني الوكسة دي .

ليان : عز خد صورني علشان هنا مش راضية بترخم عليا .

عمر : وانتي هاتنزليها انتي كمان على انستجرام؟؟ .

ليان : وانت مالك يا ابيه .

عز : مترديش كدا على عمر ...دا اخوكي الكبير .

عمر بغيظ : استغفر الله العظيم .

ليان : صح انا اسفة يا ابيه .

عز : يالا نتصور يا جماعة كلنا .

( عز مسك التليفون واخد صورة ليهم سلفي ).

عمر : خد تليفوني بقى صورني صورة مع اختي الصغيرة لوحدنا .

عز : اشطا هات .

( ليان ارتبكت وعمر جنبها وعز اخد صور ليهم كتير).

عز : خد يالا نروح نشغل اغاني ونرقص .

( عز غير مودهم كلهم والضحكة طلعت من قلبهم وشغل اغاني شعبي وزين مسك راسه من الصداع وليان وهنا اتفاعلوا معاه ...ريهام اللي مش طايقه هنا ولا هزراهم وهاتموت وتعرف مراد وميرا فين واسر اللي بيلعب في تليفونه وكان متابع هنا وحركاتها وضحكتها حب جنونها واتمنى لو للحظة يقوم يتجنن معاها ).

زين : مراد بتتصل على مين ؟.

مراد : كاميليا ...مبتردش ...ادهم ابنك فين ؟.

زين : خرج من الصبح مش عارف فين ..تلاقيها معاه .

مراد بضيق : ولو معاه مش تستأذن ابوها ولا ايه ...ولا هيا اتعودت اني مش موجود .

زين : اهدى ..في ايه ..دول شباب مع بعض تلاقيهم خرجوا ...اتصل بادهم طيب .

مراد : حضرته مبيردش عليا .

( مراد اضايق وقام نادى سارة .. وقالها تحصله وهيا راحت وراه بتعب ).

سارة : خير يا مراد .

مراد : ممكن افهم بنتك فين ؟.

سارة : معرفش ...خرجت من الصبح ...ممكن تكون مع ادهم .

مراد : ممكن!!! دا اللي هو ازاي ... مش المفروض تستأذن الاول ولا خلاص اتعودت ان مفيش اب .... والام طبعا مش في دماغها حد .. فاضية تخرج مع صاحبها وابنه .. مش فاضية لبنتها .

سارة : قصدك ان معرفتش اربي .

مراد : اه ...مش عاجبني لبسها ... لبسها مكشوف ..المفروض تتحجب وتحترم نفسها في اللبس شوية ...انا بقولك ليه اصلا ..بصي اسمعي من هنا ورايح كاميليا هاتقعد معايا ...انا في حاجات كتير فيها مش عجباني وانا لازم اربيها من جديد وابقى رادع ليها .

سارة بتعب : قصدك تاخدها مني .

مراد : سميها زي ما تسميها ... زي ما انتي اخدتيها مني زمان ...واسمعي زي ما فهمتيها ان ابوها خاين وراجل قذر وبتاع ستات انتي المسؤولة قدامي تغيري وجهة نظرها دي .

سارة بضعف : طيب .

( مراد لاحظ تعبها بس اتجاهلها وسابها ...هو خلاص اكتفى منها ومن قسوتها ومش علشان شافها تعبانة هايضعف ويحنلها ).

*********************

عند مراد وميرا .

( مراد وميرا قاعدين في مطعم على البحر وهما الاتنين قاعدين في كرسى كبير واخدهم ).

ميرا : بردوا طلبت سمك مبحبوش .

مراد : هاتحبيه علشان هاكلهولك بايدي ..

ميرا : انت هتاكلهولي ....ليه ؟.

مراد : مش عارف بشوف كدا في الافلام البطل يأكل البطلة والبطلة تبقى مبسوطة ...وبما ان حضرتك قولتيلي ان ماليش في الرومانسية فانا هاقلدهم .

ميرا : بس انا عاوزاها طالعة من جواك مش تقليد .

(مراد بدء يقطع في الأكل ويأكلها ..وهيا كانت مبسوطة باهتمامه ... اتكسفت من نظرات الناس ...بس فضلت مستمتعة بيه وبحنيته عليها ).

مراد : شبعتي .

ميرا : اه جدا .

مراد : طيب يالا نتمشى شوية لغاية معاد السينما .

( مراد اخدها وطلعوا واتمشوا وفضلوا يحكوا ويتكلموا وكل واحد بدء يكتشف في تاني حاجة جديدة .. مراد فاجأة شاف ورد مزروع وكان لونه اصفر جميل .. راح قطف واحدة ).

مراد : اقبلي الوردة دي مني .

ميرا : عارف الوردة دي عندي احسن من مليون بوكيه او هدية ...عارف ليه علشان هيا طالعة من جواك .

مراد : كل حاجة بعملها معاكي طالعة من جوايا ...عشان مكذبش عليكي انا عرفت بنات كتير بس ولا واحدة حبتها ولا واحدة شدتني زي مانتي شدتيني ولا واحدة خلتني عاوز انول راضاها ..انتي حاجة مختلفة كدا .

ميرا : وانا عمري ما كنت اتخيل ان احب حد من اول لحظة واول نظرة ...زي ما حبيتك .

مراد : بتحبيني زي مانا بحبك .

ميرا بكسوف : انا بحبك قبل ما انت تحبني .

مراد : طيب وانتي جاية تعترفي بحبك دا في الشارع ... ارزعك بوسة في الشارع علشان تتبسطي .

ميرا بضحك : مش بقولك انت غريب ... بقولك انا عاوزة اطلب طلب .

مراد : اطلبي اللي نفسك فيه ..انتي انهاردة اعملي اللي انتي عاوزاه .

ميرا : عاوزة آكل ايس كريم من المحل دا .

مراد : عاوزة تاكلي ايس كريم طب ودا ينفع وانا افتكرت هاتطلبي مني حاجة رومانسية ..انتي ليه يا حبيبتي دماغك في الأكل .

ميرا : ماهو الايس كريم رومانسية بردوا نأكل ونوقع على هدومنا وكدا .

مراد : دي رومانسية !!! ...دي رومانسية معوقة ..متفكريش تاني ...خليكي هنا لغاية ما اجبلك واجاي .

ميرا بضحك : وانا هاقطع الوردة واقعد اقول بيحبني ولا لأ .

مراد : لأ انا بحبك مش مستاهلة تبوظي الوردة.

( مراد سابها وهيا قعدت تحت شجرة وبصت للوردة وابتسمت ..بس فيه صوت خلها ترميها من ايديها من الخوف )

يوسف : حلوة الوردة صح .

ميرا رفعت راسها بسرعة واتصدمت من وجود يوسف : ع..عمو...يو .

يوسف :صدمة صح .. اوعي تكوني فاكرة اني سايبك معاه او مع زين الجارحي ضعف بالعكس ...انا سايبك تحبيهم ويحبوكي علشان لما اخدك واخفيكي من على الارض يزعلوا وينكسروا وراكي وخصوصا ليليان .

ميرا بخوف : اااا ...انت عاوز ايه انت في مقام ابويا .

يوسف : علشان اكسرها بيكي .. واشفي غليلي منها ومنه ...انا شفيت غليلي من ابوكي لما لعبت في فرمال العربية ومات هو وامك ...يا حرام زمانهم كانوا مرعوبين من الخوف وهما بيموتوا

ميرا بصدمة : انت!!! ..انت موتهم ؟؟.

يوسف : امممم وهاموتك وهانتقم من كل واحد فيكوا ...جوزك جاي وراكي اهو ...ودا اول واحد هانتقم منه .

( ميرا لفت بسرعة ملقتش حد رجعت بصت تاني لقت يوسف اختفى ... قعدت مكانها من الخوف والصدمة ... مراد جاب الايس كريم وجه عليها ).

مراد بضيق : كان لازم البتاع دا ؟؟.

ميرا رفعت وشها ودموعها على وشها : مراد.

مراد اتفاجئ بدموعها : في ايه يا ميرا؟؟ .

ميرا حضنته بخوف : انا خايفة ... عرف يجيلي ..كلمني .

مراد : هو مين دا اللي عرف يجيلك ؟؟.

ميرا : عمو يوسف جالي وكلمني ..قالي انه موتهم ..قالي هاموتك .

مراد : بالراحة واحكيلي اللي حصل بالظبط .

عند اسر .

اسر : ريهام هو انتي بتحبيني .

ريهام : اه بحبك اوي .

اسر: انتي كدابة ...عارفة ليه ؟.

ريهام بتوتر : ليه؟

اسر: علشان قولتيها على طول ... قولتيها وانتي مش حاسها قولتيها وكانك بتسمعيها ..قولتيها ومش وصلتلي ..قولتيلي ومش حاستها .

ريهام : دا كله فهمته ...طيب انا هاسألك انت بتحبني .

اسر : انتي مش ملاحظة ان عمري ما قولتلك بحبك حتى لما خطبتك قولتلك ان معجب بيكي ..حتى انتي مش ساعتيي انك تسمعيها مني ... ولو عاوزة تسمعي مني بحبك ولا لأ ....فا لأ .

( اسر ساب ريهام مع صدمتها ومشي من اليخت كله هو في اللحظة دي عاوز يبقى لوحده ..بقاله فترة بيضغط على اعصابه ولازم ياخد قرار صح ).

************************

كاميليا وادهم .

( قضوا اليوم كله مع بعض يفتكروا ذكرياتهم البسيطة وكل واحد اتكلم عن اللي التاني فاته ).

ادهم : كاميليا تيجي ننزل البحر ؟؟.

كاميليا : دلوقتي !

ادهم : وفيها ايه الجو حلو ..تعالي ننزل هيا حركة مجنونة بس حلوة .

كاميليا : طب وهدومنا .

ادهم : ياستي هدوم ايه بس تعالس نعيش اللحظة .

( ادهم اخدها ونزلوا ..واتسابقوا وهزروا كتير ..ورجعوا اطفال وعاشوا طفولتهم ...وخرجوا من البحر ..بهدوهم المبلولة وروحوا .. كاميليا لقت مراد وسارة في وشها .. مراد باين عليه الغضب وسارة قاعدة بتعب واضح حاطة ايديها على راسها ).

مراد بحدة : كنتي فين ؟.

كاميليا بصت على هدومها المبلولة : كنت مع ادهم .

مراد : فين ؟.

كاميليا : كنت مخنوقة وهو اخدني وغيرنا جو وبعدها نزلنا البحر .

مراد : نزلتي البحر !!! مع ولد .. اممم .. ماهو شايفك واحدة سهلة علشان كدة نزل معاكي البحر ... مفيش واحدة محترمة تعمل اللي انتي عملتيه ..مفيش واحدة محترمة تخرج مع واحد من غير اذن ابوها او امها ...اظاهر ان العيشة في الغرب نسيتك نفسك .

كاميليا : ادهم مش واحد غريب .

مراد بحدة : قوليلي كدا ادهم دا ايه ... في مقام اخوكي مثلا ؟... لأ .. انتي عارفة شعوره من ناحيتك وشعورك من ناحيته ... يبقى ايه ؟؟.

كاميليا : ايه؟.

مراد بغضب : يبقى انتي عاوزة تتربي من جديد علشان تيجلي بالمنظر دا .....امك ربتك على عيني وراسي بس لأ ..انتي كلك على بعضك كدة مش عاجبني واعملي في حسابك هانرجع من هنا على بيتك .. اللي هو بيتي ..مفيش قعدة عند مهاب ...ان الاوان ان اربيكي واحكمك حلو يا كاميليا .

( مراد سابها وخرج ...سارة منطقتش بكلمة ..وكاميليا وقفت مصدومة من الهجوم اللي حصل عليها ).

كاميليا : هو في ايه يا ماما هو بابا شايفني مش محترمة؟؟ .

سارة بعتاب : في واحدة متربية ومحترمة تعمل اللي انتي عملتيه ... ينفع تخرجي من غير ما تقوليلي خلتيه يسمعني كلام زي السم على تربيتي ليكي ....خلتيني اقف زي العيلة الصغيرة مش عارفة ارد ولا حتى ادافع ..وبعدين جاية هدومك مبلولة ... لأ ويسألك كنتي فين .. تقولي في البحر مع ادهم ...انا امتى ربيتك على كدا ...مش معنى ان سايبكي براحتك في لبسك يبقى انا كدا ماليش حكم عليكي ..بس كل الحكاية مش عاوزة اغصبك على حاجة ..عاوزكي تقتنعي وتاخدي خطوة صح ..اللي انتي عملتيه غلط ولازم تعتذري لابوكي وياريت ميتكررش تاني .

كاميليا بإحراج : اوك ...بس ايه حكاية ان هانرجع على البيت دا .. انتو اتصالحتوا .

سارة قامت بتعب : لأ ...احنا الحياة بنا انتهت ..ابوكي هايطلقني ...وانا هارجع لندن تاني ... وانتي هاتعيشي معاه ..هو عاوزك تبقي معاه وانا حرمته سنين ومن حقه .

كاميليا قعدت مكانها بصدمة : يعني ايه ..يعني هاضطر اختار ما بينكوا تاني .

سارة : المرادي الاختيار هايكون سهل لعدة اسباب ..اول سبب انه ابوكي مش خاني كان في مهمة لشغله .. تاني سبب انا ظلمت ابوكي وعاقبته وعاقبت نفسي وانتى تعاقبتي قبلنا ...وتالت سبب جو العيلة اللي انتي محرومة منه سنين .. وجودك مع ابوكي هاتعيشها ..وكمان بسبب وجود ادهم اللي انا شايفة ما بينكوا بداية قصة حلوة ...كلها اسباب تخليكي تختاري ابوكي ...تصبحي على خير .

( سارة تعبت ومكملتش خطوتين وواغمى عليها ..كاميليا جريت عليها من الخوف ...كان مع دخول ماهي وهنا ).

ماهي : يالهوي مالها سارة .

كاميليا بدموع : مش عارفة ..اغمى عليها .

****************************

ميرا : مراد لو سمحت مش تحكيلهم حاجة ..كفاية انهم مبسوطين مش تخوفهم ...وخصوصا عمتو هاتوتر اوي .

مراد : حاضر ...المهم متخافيش ...انا جنبك لو اخر نفس ليا محدش هايقربلك ..وهاخاد حق مامتك وبابكي .

ميرا بخوف : لأ ...بلاش هايعمل فيك حاجة.

مراد : متخافيش يا حبيبتي ... متخافيش .

( ميرا ومراد دخلوا وعز وليان بيجروا ورا بعض ... عز خبط في مراد ووقع عليه عصير المانجه ).

عز : اوووبا ..معلش جت فيك .

مراد : انا نفسي اعرف امتى هاتعقل .

عز : ربنا يبعدنا عن العقل يا عم ... خلينا مجانين احسن .

ليليان : معلش يا مراد ...اعذره اهبل .

عز : عارفة مش هارد ليه ؟.

ليليان : ليه بقى ؟.

عز : علشان الحج قاعد جنبك .

ادهم بضحك : جدع ياله .

( هنا...دخلت باندفاع وكلهم اتخضوا من دخولها دا )

هنا : ميرا لو سمحتي تعالي بسرعة.

زين : في ايه يا هنا ؟.

هنا : عمتو اغمى عليها وتعبانة جدا .

ميرا بصت لمراد : هاروح .

مراد : روحي وانا هاغير هدومي واجاي .

( زين وليليان وكلهم اتحركوا مع هنا وميرا ..ومراد دخل اوضته يغير هدومه ..قلع التيشرت ولسه بيكمل ..فاجأة دخلت ريهام .. لبس التيشرت تاني بسرعة ).

مراد : انتي مجنونة انتي ايه دخلك عليا ؟.

ريهام : لازم اتكلم معاك ..خلاص فاض بيا .

مراد : تتكلمي معايا في ايه ...هو انا بيني وبينك كلام .

ريهام : اه ...انت ليه كدا ليه مش حاسس بيا ..انا شوفتك قبلها وحبيتك قبلها وجت هيا وفي يوم وليلة واخدتك مني ... انا قعدت اخطط واتخطبت لاسر علشان خاطرك ، علشان اوصلك .

مراد : انتي واعية على اللي انتي بتقوليه يا حيوانة انتي ..انتي واعية .

ريهام : واعية لكل كلمة ..انا بحبك يا مراد ..انا عمري ما حبيت اسر ... عمري .

مراد قرب منها ومسك ايديها بعنف : انا اخويا ميستهلكيش ...انا اخويا انضف مليون مرة من واحدة زيك .. اول مرة شوفتك شكيت فيكي وفي نظراتك القذرة ...انتي مين علشان ابصلك اصلا ...انتي بتقارني نفسك بيها ...دي انضف منك مليون مرة يا قذرة ..امشي اطلعي برا ..اياكي ثم اياكي تكسري قلب اخويا والله اقتلك ..كله الا ابويا وامي واخواتي ومراتي ...اقتلك لو فكرتي بس تمسي حد فيهم بشر .. هاتشوفي اللي عمرك ما شوفتيه .

( ريهام خرجت مغلولة منه ومضايقة ..فيها ايه ينقص عن ميرا ...لدرجاتي بيحبها اتفاجئت باسر في وشها ).

اسر : كنتي بتعملي ايه في اوضة مراد اخويا .

ريهام اتوترت وبعدها عيطت بدموع مزيفة : كنت بقوله يبعد عني يا اسر ... انا بجد تعبت منه ومن نظراته ليا ... كل شوية يحاربني في مكان ...كلهم مشيوا وهو قالي بحبك واخدني اوضته غصب ..وانا بهدلته وعرفته ان بحبك موت وان هو مجرد اخ ليا واخو حبيبي .

اسر بصدمة : مراد اخويا!!.

**********************

يوسف : شوكت خلي السواق يجهز العربية ..علشان نسافر ..

شوكت : هنسافر دلوقتي ..طيب ما كنا ريحينا في اي مكان يا باشا .

يوسف بغضب : ما تخلص يا زفت .. انت هاتحكي وتتحاكى معايا ....انا اللي اقوله تنفذه .

شوكت بضيق : طيب

( شوكت سابه وراح للسواق لقي نايم في العربية ).

شوكت : اصحى.. فوزي .

فوزي بتعب : في ايه ؟.

شوكت : يالا علشان نمشي .

فوزي : نمشي فين!.

شوكت : بطل توهان ...يالا علشان نسافر تاني .

فوزي : انا ملحقتش اريح ..مش هاقدر اسوق .

شوكت : يالا يا خويا فوق كدا وكب على وشك شوية مية ..اصل يوسف بيه جاي علينا ودا راجل شراني .

فوزي بضيق : طيب .

( يوسف ركب العربية وشوكت قدام والسواق بيسوق ... شوكت نام من التعب وفوزي كل شوية ينام ويصحى تاني ...ويوسف سرح بخياله لليوم اللي هاينتقم من زين وليليان زي ما انتقم من ابوه وعبد الرحمن وايمان وشاكر ...ابتسم بشر عليهم ... وابتسم لنفسه انه قادر يمشي خيوط اللعبة زي ماهو عاوز ....فاق على نور جامد بص جامد لقي عربية نقل كبيرة بتزمر وبتنور ..).

يوسف برعب : حااااسب يا فوو..

( يوسف مكملش كلمته والعربية اتقلبت بيهم كذا مرة ودخلت في عربيه نقل اللي كانت ناقلة اسياخ حديد ...العربية ادمرت ..العربيات اللي على الطريق ركنوا والناس نزلت ...حاولوا يطلعوا شوكت اللي كان متوفي وفوزي اللي كان بيلتقط انفااسه الاخيرة .. شافوا منظر يوسف الي داخل في بطنه سيخ حديد ).

: لا حول ولا قوة الا بالله ..دا مات .

‏: ياربي على المنظر ...لا حول ولا قوة الا بالله ... اتصلوا على النجدة ... والاسعاف .

‏( يوسف مات ..يوسف مات وهو بيفكر يكمل انتقامه ..يوسف مات ومفكرش للحظة انه يراجع نفسه ..يوسف مات وهو فرحان بنفسه انه موت ابرياء ..موتهم وهو بيستمتع بلحظات موتتهم ورعبهم وبيفتخر بنفسه ...يوسف مات وانتهى ).

&&&&&&&&&&&&&&&&&

الحلقة 22:✌✌

( ريهام خرجت مغلولة منه ومضايقة ..فيها ايه ينقص عن ميرا ...لدرجاتي بيحبها اتفاجئت باسر في وشها ).

اسر : كنتي بتعملي ايه في اوضة مراد اخويا .

ريهام اتوترت وبعدها عيطت بدموع مزيفة : كنت بقوله يبعد عني يا اسر ...انا بجد تعبت منه ومن نظراته ليا. ...كل شوية يحاربني في مكان ...كلهم مشيوا وهو قالي بحبك واخدني اوضته غصب ..وانا بهدلته وعرفته ان بحبك موت وان هو مجرد اخ ليا واخو حبيبي .

اسر بصدمة : مراد اخويا!!.

ريهام : ايوة هو .

( اسر اتحرك بالراحة ومرة واحدة ضربها بالقلم على وشها ).

ريهام : ايه اللي انت عملته دا .

اسر بغضب : اوعي تفكري ..انك تلعبي لعبتك القذرة دي وانا هاصدقك واثور على اخويا ..اخويا الكبير المحترم ..اخويا اللي بيحبني ... اخويا اللي كان رافض ان اخطبك علشان عرف نيتك ...اللي انا كنت وللاسف غبي ومش شايفك ...اوعي تكوني فاكرة ان بدموعك دي هاصدقك ..انا كنت بشوف نظراتك له ...كنت بحس وبكدب نفسي ..كنت بقول لأ يا اسر انت اكيد موقعتش في المستنقع دا ...بس الحقيقة ان انا وحلت نفسي مع واحدة زيك .

اسر خلع دبلته ورماها في وشها : لمي هدومك ومش عاوز اشوف وشك ابدا...واياكي تفكري تقربي مني تاني .

( ريهام كانت مصدومة بكل كلمة وجريت على الاوضة لمت هدومها ...واسر قعد مكانه بضيق لقي ايد بترتب على كتفه ... مراد اللي سامعها وهيا بتقول لاسر واستنى يسمع رد اخوه ).

مراد : انا اسف .

اسر قام من مكانه : متعتذرش ..انا اللي المفروض اعتذر ..انا اللي المفروض كنت اسمع كلامك وكلام امي .

مراد حضن اخوه : انت تستاهل احسن واحدة في الدنيا .

اسر: وانت احسن اخ وصديق في الدنيا .

( ريهام خرجت بشنطة هدومها وبصتلهم بغل ومشيت ).

اسر : ايه اللي كنت عامله في نفسي دا .

مراد : متزعلش ...الواحد لازم يغلط علشان يفرق بين الصح والغلط .

ميرا : متقلقوش هيا ضغطها عالي بس ..ممنوع الانفعالات والاجهاد .

كاميليا بدموع : ينفع ادخل اطمن عليها .

ميرا : هيا نامت واضح انها تعبانة ... سيبوها ترتاح .

( كلوا بدء ينسحب بعد ما طمنوا على سارة ).

زين : ليليان ...روحي على الشاليه مع الاولاد لغاية ما اروح لمراد .. وخليهم يجهزوا شنطهم ...هانرجع كفايه كدا .

ليليان : انا بقول كدا بردوا .

( زين راح لمراد ).

مراد : انت كنت فين كدا ؟.

زين : كنت عند سارة ..ضغطها ارتفع تاني واغمى عليها.

مراد بقلق : وهيا كويسة .

زين : اه ..بقولك انا بقول نرجع بقى كفاية كدا ..انا حاسس لو فضلت يوم كمان الساحل كلها هاتولع بينا .

مراد بضحك : تصدق صح ..اجازة غم .

( زين سكت وقام يمشي بس رجع تاني ولف لمراد ).

زين : بالراحة شوية عليها يا مراد ... انت بطبعك قوي علشان كدا قدرت تستحمل فكرة موتهم ...على فكرة هيا جبانة وضعيفة .

مراد : كلمة علشان ننهي الحوار دا ..رجوع انا وسارة لأ ..ومش هاطلقها هاسيبها كدة متعلقة .

زين بضيق : دا اخر كلامك .

مراد : اه ...اخر كلامي وكاميليا هاتعيش معايا غصب عنها...وهيا تدوق اللي عملته فيا .

زين بضيق : طيب .

مراد : زين لو ليليان اللي عملت فيك كدا ..كان ردة فعلك ايه ؟.

زين بتفكير : مش عارف ..انا اصلا مش متخيل انها ممكن تعمل كدا .

( تاني يوم ..الكل بدء يرجع لحياته من تاني ...كلو رجع بيته ..زين وعيلته ..ومراد وكاميليا اللي أصر انه ياخدها معاه .وسارة اللي رجعت مع ماهي وهنا بيت ماهي وأصرت تاخد زياد من فريد بحجة يعوضها عن كاميليا ..وفريد اللي فرحان انه اخيرا لقي حجة يقابل سارة ويشوفها ).

في بيت الجارحي .

زين بصدمة : مات!!

مراد : ايووة كلموني وبلغوني ...انه مات في حادثة عربية دخلت فيهم عربية نقل محملة اسياخ حديد وسيخ دخل بطنه .

زين : سبحانك يارب ...وله في ذلك حكمة ..يعني كان عمال ينتقم وموت ناس وفي الاخر يموت في لحظة .

مراد : ربنا يرحمه ...مع اني معرفش الرحمة تجوز عليه ولا لأ .

زين : لأ ...بلاش شماتة في الموت ربنا يرحمه ويغفرله على كل اللي عمله في حياته ...هو اندفن ولا لسه .

مراد : في المشرحة .

زين : عجل بدفنهم يا مراد هو والسواق والراجل اللي كان معاه ..عجل بدفنهم .

مراد : طيب انا مقولتش لماما حاجة ...هاتقولها انت .

زين : اه ...لاحول ولا قوة الا بالله ..الدنيا في لحظة بتروح مننا ...ربنا يغفر له .

مراد : دا كان لسه قبلها بساعات بيهدد في ميرا ..وفرحان انه موت ابوها وامها.

زين : اهو دا الغيب يابني ...ربنا يرحمه ويكفينا شر انفسنا .

في مبنى مكافحة المخدرات .

( مهاب بيكلم ماهي في التليفون ).

مهاب : يعني انتوا كلكوا كويسين .

ماهي : الى حد ما ...الامور متأزمة اوي .

مهاب : امال انتي فاكرة ايه يا ماهي لما تجمعيهم هاياخدووا بعض بالاحضان .

ماهي : مش احسن ما اكون السبب في تفريقتهم .

مهاب بعصبية : اقفلي يا ماهي ... اقفلي اصلها مش ناقصة .

( مهاب قفل مع ماهي واتعصب.. الباب خبط ).

العسكري : في واحد عاوز يقابلك يا باشا.

مهاب : مين يابني .

العسكري : اسمه مراد الالفي .

مهاب : يادي الزفت ...دخله .

( مراد دخل بهدوء ومهاب حاول يتحكم في نفسه ).

مراد : فينك مجتش اتفسحت مع مراتك ليه ؟.

مهاب بضيق : ضغط الشغل غصب عني ...اظن انت عارف شغلنا .

مراد : امممممم ..انت بتتهرب مني ليه يا مهاب ؟.

مهاب : وانا هاتهرب منك ليه يا مراد .

مراد : لا انا بسألك وانت تجاوب .. متتكلمش معايا سؤال بسؤال .

مهاب : مبتهربش ...قولتلك ضغط شغل .

مراد : زمان لما عاتبتني على موتها ... قولت تمام اخوها وله الحق انه يعاتبني حتى وهو عارف اني مظلوم ومخنتش ....بس انك تبقى عارف وتساعدها في تكملة لعبتها اهو دا اللي انا مستغربه....لو ماكنتش اختك في الرضاعة كنت شكيت انك بتحبها .

مهاب قام اتحرك وقعد قدام مراد : كان لازم اعمل كدا كنت مغصوب .

مراد : ازاي وضح ؟.

مهاب : انا مكنتش اعرف حاجة عن المهمة ...بس سارة كلمتني وهيا منهارة وبتعيط انها عملت حادثة روحت الحقها لقتها مدمرة وبتحكلي انك خنتها ..وشافتك بعينها انا وقتها اتصدمت معقولة انت تخنها .. طلبت مني اخبيها وتختفي عنك وتعاقبك على اللي عملته فيها..ساعدتها وخبتها في شقة وقولت تاخد فترة تكون هديت وترجع وبعدها قيادتك كلموني وبلغوني بالمهمة اللي انت كنت فيها وطلبوا مني ان اوهمك ان سارة ماتت هيا و بنتها لان بسبب ظهورها في الصورة خافوا عليها وعليك وخصوصا ان كان في اتنين من رجال اعمال متقبضش عليهم لسه ... رسمولي الخطة وانا نفذتها بالحرف وكان شرط من شروط الخطة انك تتاكد من موتهم وتتوهم بكدة علشان يبان كدا للكل ومحدش يفكر ينتقم منهم الصراحة خفت عليها ...روحتلها وقولتلها ان فكرتلها في انتقام وهيا وقتها تاهت ووافقت ..كان شعورها بالغضب اتملك منها ودا اللي كنت عاوز اوصله ..عملت كدا يامراد ولعبت في تقرير الطب الشرعي والجثث والحقيقة هما رسموا الخطة بحرفية شديدة علشان متشكش للحظة .

مراد : طب وبعد كدا ماهو اتقبض على كل الخلية ...مروحتش ليه وقولتلها الحقيقه ليه سبتني في عيونها خاين .

مهاب : لما قيادات كلمتنى تانى وقالتلى ان القضيه اتقفلت ووكلونى ان ابلغك انهم عايشين وخصوصا انك سبت الشغل مقدرتش حسيت نفسى قذ ياعنى اوهمك انهم ماتوا واجاى بعد دة كله اقولك دة خطه ومقدرتش حتى اقولها هاتكرهنى ...حط نفسك مكاني ..يعني كنت عارف من اول انك مش خاين ....اجي بعد دا كله اقولها جوزك مش خاين وانا عملت كدا علشان كنت خايف عليكي ... هتكرهني يا مراد .

مراد بصدمة : تكرهك!!! بس تكرهني انا عادي مش مشكلة ...انت عارف انت عملت ايه ؟.

مهاب : مراد انا كان غصب عنى والله .. كنت بحافظ على اختي وبحميها .

مراد بصوت عالى : انت دمرت حياتي يا مهاب .

مهاب : مفيش تدمير ولا حاجة .. هيا رجعت واللي فات مات وابدؤا من جديد.

مراد بغضب: بسهولة كدا ....لا طبعا انا عمري ما انسالها اللي عملته فيا حتى لو كانت مظلومة زي .. بس هيا قدرت على البعد وظلمت وقست وانا لازم اخد اعتباري ...اما انت حسبي الله ونعم الوكيل فيك انا مش مسامحك يا مهاب .

( مهاب سكت وحط وشه فى الارض هو الظالم الوحيد...سنين عايش مش قادر يسامح نفسه ..سنين عايش بيتمنى الموت قبل المواجهه دى ...مراد راح فتح الباب وبعدين رجعله تانى ) .

مراد بحدة : مهاب .

مهاب قام وقف : نعم .

مراد : فى كلمه اخيرة نفسى اقولهالك .

مهاي اتنهد بحزن : ايه ؟.

مراد ضرب مهاب بالبوكس فى وشه : انت واحد *******.

( مراد ضرب مهاي ومشى هايتجنن اول مرة يكون بالغباء دة ...كان نفسه يهد المبنى كله على مهاب من شدة غضبه ...ومهاب حط ايدة على وشه واتالم ...بس الم وشه مش قد الم اللى جواة والندم اللى بيحسه )

( ليليان قاعدة بتقرا في كتاب ومندمجة ).

زين : ليليان ممكن اتكلم معاكي شوية .

ليليان قفلت الكتاب : اه طبعا ..انا بقالي ساعة بحاول اقرا وافهم مش فاهمة حاجة ... الكتب اللي انت بتقرا فيها دي معقدة .

(زين ابتسم بحزن وسكت).

ليليان قربت من زين ومسكت وشه : مالك يا حبيبي ...شكلك مهموم .

زين : هاقولك خبر انا عارف انه هايزعلك بس اوعديني انك تتقبلي الموضوع ومتتعبيش .

ليليان بقلق : في ايه يا زين ؟.

زين : يوسف ابن عمك اتوفى في حادثة على طريق الساحل .

ليليان بصدمة : لا حول ولا قوة الا بالله ... مااات .

زين : ايوة ...دا قدره ونصيبه .

ليليان بدموع : الساحل ...ايه جابه هناك .

زين : كان جاي يهدد ميرا ...بس بعدها مات .

ليليان عيطت : ربنا يرحمه يارب ... كان ضحية طمع عمي .

زين : ربنا يرحمه ويغفرله كل اللي عمله .

ليليان حضنت زين : عيلتي كلها ماتت يا زين .

زين :ربنا يرحمهم يا قلبي .... متعيطيش يا حبيبتي انا معاكي اهو وربنا يخلي الولاد ويبارك فيهم .

( عدى اسبوع على خبر موت يوسف ..اللي اثر في ليليان وميرا وزين ....الامور كانت مستقرة على ابطالنا ...اسر اللي حس براحة رهيبة لما نهى مع ريهام ...ومراد اللي اخد كاميليا ومضيق عليها مقابلتها مع ادهم ..وسارة اللي بقت حزينة ووحيدة حتى في وجود ماهي ومهاب وهنا وزياد ...وفريد اللي بدء يخطط علشان سارة تحبه ..وميرا اللي قلقانة وخايفة ومراد مش عارف مالها ).

مراد قعد جنب ميرا على السرير : مالك يا حبيبتي بقالك يومين متغيرة .

ميرا : مفيش ..انا كويسة .

مراد اتنهد واخد ايديها وباسها : قوليلي في ايه ..خلينا نبقى صريحين مع بعض .

ميرا بقلق : يعني عمو يوسف مات وانا يعني ....انا وانت حكايتنا ...

مراد : انتي فاكرة اني ممكن اسيبك بعد موت يوسف ..هو كلمة بحبك مأثرتش فيكي يا ميرا .

ميرا بدموع : مش عارفة يمكن عاوز تنهيها .

مراد قرب منها ومسح دموعها : والله بحبك اوي ...يمكن مش كل يوم بسمعهالك بس انا بحسها في كل لحظة ...عارفة لما رجعت الشغل اضايقت اوي انك بعدتي عني .

ميرا : يعني انت عمرك ماتزهق مني يا مراد وهاتفضل تحبني على طول .

مراد قرب منها اكتر : عمري ماابطل احبك ..حتى اسمعي قلبي اهو بيقول ميرا .

ميرا ضحكت : يا سلام .

مراد غنى بصوت واطى : ضحكت يعني قلبها مال .

ميرا : انا قولتلك ان حبيتك قبل ما تحبني .

مراد : طيب بمناسبة الاعترافات دي .... ننهي بقا فترة الخطوبة علشان انا اتخنقت منها .

ميرا بكسوف : ننهيها ازاي مش فاهمة .

مراد : هاقولك يا روح قلبي ازاي .

( مراد قرب منها وباسها برقة ... واخدها في حضنه وكان حضنه متملك ليها وميرا استسلمت له ... وبقيت ميرا ملك لمراد الجارحي قولا وفعلا ...بعد فترة ).

مراد واخد ميرا فى حضنه : تعبانه .

ميرا خبت وشها فى حضنه وبهمس : لأ .

وتابعت كلامها : مراد انت ممكن تند..

مراد حط ايدة على بوقها : عمرك ما تنطقيها ابدا ...انا اللى بسالك هاتندمى يا ميرتى .

ميرا: عمرى بردوا ما انطقها ...انت خلاص يا مراد بقيت حياتي كلها .

مراد ضمها له بقوة : من اول مرة شوفتك فيها لفتى انتباهى بجمالك ...اول مرة ما شوفتك بشعرك فرحت وبعدها اتغاظت اوى ان ممكن حد من اخواتي شافك ..كنت بتعصب لما شعرايه تبان منك ...انا حبيتك اوى وبغير عليكى من اى حد حتى من اخواتى ...انتى ملكتى مراد الجارحى للابد ياميرا حياتى .

ميرا : وانت كمان ملكت قلبى ومن اول لحظه ..طب اعترفلك بسرر.

مراد : قولى .

ميرا : كنت بغير عليك من ريهام كنت بحس انها بتحبك نظراتها وحركاتها بس اللى خالاك تكبرر فى نظرى هو ان انت مكنتش بتعطيها فرصه .

مراد اتنهد بحزن : كنت بحس بيها وبحركاتها وكنت بحاول ابعد على قد ما اقدر ..هى اصلا مش مناسبه لاسر اخويا ...اسر نضيف اوى من جواة وعاوز حد شبه .

ميرا : ربنا يسعدة ويعوضه عنها خير .

مراد باسها من شفايفها : بقولك انا هانقضى الليله عن اسر ولا ايه .

ميرا بضحك : صح احنا نام بقا .

مراد كشر : ننام ..انت فهمتينى غلط ...تعالى اقولك حدوته .

ميرا ببراءة : بجد بتعرف تحكى حواديت

مراد : بعرف!!!...طب دة انا اشطر واحد فيكى يا جمهوريه يحكى حواديت .

في بيت مراد الالفي .

كاميليا : حضرتك انا اعتذرتلك كتير ...انا اسفة بجد اللي حصل في الساحل عمره ما يحصل تاني .

مراد : اوعي تهيني نفسك مع واحد ولا انه يفكر انك سهلة خليكي دايما صعبة المراد ...انا اتمرمطت بمعنى الكلمة علشان بس اتجوز امك.

كاميليا : هو انا ممكن اروح اشوفها ... بقالي فترة مشوفتهاش .

مراد : وهيا متجيش تشوفك هنا ليه ؟.

كاميليا : علشان قاعدة مع زياد ابن دكتور فريد .

مراد بضيق : اممم طيب قومي ...

( قطع كلام مراد رن الجرس ..كاميليا قامت تفتح ..وكان ادهم ).

ادهم بهمس : وحشتيني .

كاميليا : هشششش قاعد في الصالة .

ادهم بصوت عالي : احم احم ...امال مراد فين يا كاميليا.

كاميليا ضحكت : جوا اتفضل يا ادهم .

( ادهم دخل وقعد وكاميليا انسحبت ودخلت اوضتها ).

مراد : خير.

ادهم : مش طايقني ليه ؟.

مراد : انت عارف مش طايقك ليه ...ينفع تاخدها من ورانا ..ينفع تنزلوا البحر بليل وانتوا اتنين شباب ...ينفع ..ايه ياادهم قولت متربية في بلاد الخواجات فعادي ...لا ابوها عايش ..حسك عينك تفكر كدا .

ادهم : ايه كمية الهجوم دا ...افكر ايه ...كاميليا دي حاجة كبيرة.... كاميليا دي كانت حلم بعيد اوي .. اكيد هاتصرف بطيش لما الحلم دا يبقا بين ايديا .

مراد : جاي ليه ؟..

ادهم : جاي اشوفك بتبعدها عني ليه ؟.

مراد : مببعدش بس انت لو عاوزها ادخل البيت من بابه ..الاصول بتقول كدا .

ادهم بفرحة : اشطا يعني اجيب بابا ونيجي بليل نتقدم .

مراد : بليل ايه يا اهبل ....خليها يوم جمعة اكون عرفت والدتها .

ادهم باس مراد : عليا النعمة بحبك ... بموت فيك يا ميرو انت يا سكر .

مراد زقه : اوعى يا اهبل بعيد ... والله مجنون .

في بيت مهاب .

عائشة : انا حقيقي مش عارفة اشكرك ازاي جميلك دة فوق دماغي .

سارة : ولا جميل ولا حاجة ..دا حقك حرام انتي تتحرمي من ابنك .

عائشة : انا خلاص رفعت القضية عليه الحمد لله وهاخد ابني منه .

سارة : انا قولتلك لو عاوزة تاخديه من دلوقتي ..خديه انا اقدر احميكي انا اخويا لواء في الشرطة وكمان جوزي بعلاقاته يقدر يحميكي ومحدش هايرضى يتأخر عن مساعدتك ابدا .

عائشة : مش عارفة خايفة ....خايفة اعمل مشاكل ليكي وخايفة اخده يعمل حاجة فينا فريد دا مجنون انا رفعت القضية والمحامي اكدلي ان هاخد حضانته .

( فريد جه من غير معاد والخدم فتحوله ودخل عليهم واتفاجئ بوجود عائشة ).

فريد بصدمة : عائشة .

سارة قامت باندفاع وخلت عائشة وراها : ايه يا فريد مصدوم ان عائشة عايشة بتكدب عليا وبترسم خطة .. وبتحرق طفل وبتضربه وبتحرم ام من ابنها ..دا انت مجنون رسمي .

فريد بعصبية وبصوت عالي : اه مجنون بيكي ...مجنون بحبك ...من يوم ما اتجوزتها وانا مش بطقيها وخلفت مني غصب عني وجابتلي الزفت اللي اسمه زياد...شوفتك وحبيتك واتمنيتك ليا في كل لحظة ...اتمنيتك وانتي بتحلمي باليوم اللي تشوفي فيها جوزك .... كنت بتوجع وانتي بتحكيلي عنه .. بس لأ يا سارة انا مش هاسيبك يا تكوني ليا ...يا تموتي

(سارة وقفت مصدومة منه ومن كلامه ومن جنونه ).

سارة : ااا...انت مجنون صح ...انت ازاي تتخيل ان ممكن اكون ليك ...انا بحب مراد وهافضل احبه لغاية اخر نفس فيا ....واقسم بالله لو ماطلعت برا البيت ونسيتني ونسيت عائشة وزياد نهائيا ليكون ليك تصرف تاني خالص .

( فريد اتجنن وطلع مسدسه وماهي جت على الصوت وفريد صوب مسدسه ناحية سارة ...سارة رجعت من الخوف والكل حبس انفاسه من حالة جنون فريد ).

فريد : قولتلك يا سارة انت ليا ...يا اما انا ياالموت ..اختاري .

سارة بدموع : الموت .

سارة غمضت عيونها ومستنية الطلقة تيجي فيها وفي سرها : خلاص هاتموتي يا سارة ..تستاهلي العقاب دا ..زمان اوهمتي الكل انك موتي ودلوقتي انتي هاتموتي قدام الكل ...الموت اكرملك من العذاب اللي انتي فيه ..يارب يا مراد تسامحني يارب .

في شركة الجارحي .

هنا : انتي متاكدة ان بابكي قال نيجي نتدرب .

ليان : اه طبعا يابنتي هو قالي بنفسه كدا امبارح ..قالي هاتي هنا وتعالي الشركة بكرة ندرب .

هنا : طيب يالا ..نطلع .

( ليان وهنا طلعوا على مكتب زين وانبهروا بتصميم الشركة وكمية الموظفين ...)

زين : اهلا بالقمرات .

ليان : اهو يابابا جينا هانشتغل .

زين : لا شغل مرة واحدة مينفعش... اسمها نتدرب الاول .

هنا : اكيد هناخد خبرات كبيرة لما ندرب في الشركة هنا .

زين : ان شاء الله تعالوا يالا علشان اعرف كل واحدة فيكوا هتتدرب مع مين ..علشان حضراتكوا لازم تنفصلوا عن بعض ...علشان تدربوا صح .

( زين اخد ليان وهنا يعرف كل واحدة هاتدرب مع مين ).

زين : بشمهندس حازم .

حازم : اهلا يا بشمهندس ..نورتني في مكتبي .

زين : متشكر...ليان الجارحي بنتي هتدرب تحت ايدك ...انا عاوزها بشمهندسة شاطرة واي تقصير هيحصل هارجعلك انت لانك مسؤول قدامي عن تدربيها .

حازم : طبعا يا فندم ..تأكد انها هتدرب صح وهتشرفك وتشرفنا .

زين : متاكد من قدراتك .. يالا يا ليان اقعدي مع بشمهندس حازم واسمعي كلامه في كل حاجة .

ليان بقلق : اوك .

زين ميل على وادنها وهمس : حبيبتي يا لينو عقبال ما اشوفك احسن مهندسة في الدنيا .

(ليان بصتله وابتسمت ...زين عطالها دفعة لقدام ..زين اخد هنا وراح على مكتب اسر ودخل وهنا اتوترت من فكرة انها تدرب مع اسر ..اسر لما شافهم وقف مش فاهم في ايه زين فاجئه بدخوله وكمان معاه هنا مش كفاية بيحارب نفسه بقاله فترة علشان ميفكرش فيها ....يقوم يلايقها قدامه).

زين : اسر ... معلش هاعطلك .

اسر : عادي يا بابا ..اتفضل .

زين : هنا ...طبعا انت عارفها كويس ...هتدرب معاك ..عاوزها تقعد في مكتبك ليل نهار تدرب وتفهم كويس انا مش جايبها هنا للهزار .

اسر بصدمة : نعم!!!

&&&&&&&&&&&&&&&&&

قصة عشق الزين للكاتبة زينب محمد الجزء الثاني

الحلقة 23:✌✌

( سارة نايمة على السرير تعبانة ومتعلق ليها محاليل وكاميليا جنبها تليفونها رن ...لقت مراد ).

كاميليا بحزن : ايوا يابابا .

مراد : ايه يا كاميليا انا تحت في العربية انزلي يالا .

كاميليا : بابا ممكن تسيبني مع ماما انهاردة .

مراد بقلق : مال صوتك يا كاميليا .. هيا مامتك حصلها حاجة .

كاميليا : دكتور فريد كان هايموت ماما رفع عليها المسدس بس لولا دخول خالو مهاب في اخر لحظة وانقذها .

مراد بقلق : ايه ....طب وهيا كويسة وكان هايموتها ليه؟.

كاميليا : طنط ماهي بتقول ان ماما سلمت زياد لمامته وهو اتجنن وقال كلام كتير انه بيحب ماما وخيرها ما بين انها تحبه او تختار الموت وهيا اختارت الموت وكان هايموتها بس خالو مهاب دخل وراه من غير ما يحس وضربه واخد المسدس وسلموه في قسم الشرطة وزياد روح مع مامته ...وهيا اغمى عليها وضغطها ارتفع تاني واتعلق ليها محاليل ...شكلها تعبانة اوي .

مراد بيحاول يسيطر على مشاعره : طيب خليكي معاها لغاية ما تقوم بالسلامة ...الحمد لله انها بخير.. وبلغيها ان ادهم واهله جاين يخطوبكي يوم الجمعة والمقابلة هاتكون في البيت عندي .

كاميليا : اوك يا بابا ...المهم بس تقوملي بالسلامة .

مراد : ان شاء الله خير ....متخافيش والدتك ست قوية .

في قسم الشرطة .

مهاب : من انهاردة ابنك هايبات في حضنك ...متخافيش من اي حاجة ..ودا كرتي فيه كل ارقامي لو حصل حاجة بلغيني .

عائشة : شكرا جدا يا باشا ..وبلغ شكري لمدام سارة بسببي اتأذت كتير .

مهاب : متحطيش اللوم عليكي ...دا واحد مجنون ولازم يتربى وهايتربى على اللي عمله فيكي وف ابنه وفي سارة كمان البلد مش سايبة لشوية حيوانات فاكرين بفلوسهم هايقدروا يجيو على الغلبان والضعيف .

عائشة : الحمد لله انا ربنا بيحبني علشان وقعني في ناس محترمة زيكوا .

مهاب : هابعت حد معاكي يوصلك انتي وزياد .

مهاب نزل لمستوى زياد : انت بطل علشان تستحمل كل دا ...اوعى تضعف بالعكس انا عاوزك قوي وكمان من وهنا رايح انت اللي هاتحمي والدتك ..اللي غلط في حقك هايتعاقب .

زياد : ش..شكرا ...بوس طنط سارة ...وقولها زياد بيقولك شكرا يا طنط ...هيا اللي جابتلي ماما .

مهاب بابتسامة : حاضر .

في بيت الجارحي .

اسر : حضرتك انا مش ناقشتك في موضوع ان هنا تيجي تدرب في الشركة بس تتدرب تحت ايدي ليه...ليه مثلا ليان مش معايا وهنا مع حازم ؟.

زين : علشان هنا شخصيتها قوية ..ولازم حد اقوى منها يتحكم في انفاعلاتها وتهورها وليان تتدرب مع حازم لان ليان اختك عايشة في جو العيلة وصاحبتها واخواتها ومبتعرفش تتصرف كويس لازم تبعد عنك وتختلط بناس جديدة وتتعلم صح .

اسر : يابابا كل كلامك صح ...بس انا وهنا مبنتفقش مع بعض ...احنا انهاردة اتخانقنا مية خناقة ... بتعترض على اي حاجة وخلاص محسساني كاننا في مجلس الشعب .

زين بضحك : تعال قرب اقولك كلمة ومحدش يسمعنا .

اسر استغرب زين وقرب : قربت اهو في ايه .

زين : بتناغشك يا اسر ...بتخلق معاك حوار وكلام وياترى ليه هي بتعمل كدا المفروض تسأل نفسك .

( ادهم دخل لقاهم مقربين مع بعض )

ادهم : ايه دا هو في سر ولا ايه ؟.

زين : يابني هو انت على طول بتدخل زي القضا المستعجل كدا .

ادهم : والله انت فهماني غلط ... بس حظك بيجي معايا كدا .. المهم عاوزك في موضوع .

زين : خير ؟.

ادهم : انا انهاردة اخدت خطوة واتكلمت مع مراد وهو قالي اجيبكوا يوم الجمعة علشان نروح نخطب كاميليا.

( ليليان كانت جاية عليهم سمعت كلام ادهم ...زغرطت من الفرحة ).

زين : طب والله اتفزعت يا ليليان ... دي زغروطة دي ولا صويت .

ليليان : لا زغروطة الفرحة ... مبروك يا دودو يا حبيبي .

ادهم : الله يبارك فيكي يا حبيبتي ... بس بلاش دودو دي بالله عليكي اصل كدا هيبتي بتضيع .

( اسر بارك لادهم وانسحب بهدوء من القعدة ودخل اوضته وليليان راحت وراه ).

ليليان : اسر ممكن اتكلم معاك .

اسر : اتفضلي يا ست الكل .

ليليان دخلت وقعدت قدامه على السرير : انا عارفة ان متكلمتش معاك في موضوع انك فركشت الخطوبة بس مراد اخوك طلب مننا كدا .. و عارفة ان قصرت معاك وطول عمري بحسسك اني بكرهها انا اسفة يابني ... رجعها تاني وانا هاتعامل معاها كويس .

اسر : متعتذريش يا ماما .. انتي كان كل كلامك صح .... ريهام متنفعنيش ... انتي عارفة مراد طلب منكوا محدش يتكلم معايا ليه في الموضوع لان الهانم كانت بتحب مراد ومخطوبالي علشان تقرب منه .. مراد خايف على مشاعرى يا امي ... انا بس حزنت على غبائي يعني اول ما ادهم قال هايخطب كاميليا كلكوا فرحتوا ... وانا لما قولت هاخطب ريهام محدش فرح وكلكوا شايفنها متنفعش وانا الوحيد اللي كنت مكمل ... لغاية ما شوفت عيوبها .

ليليان : اسر مش عيب الانسان يغلط ويتعلم ويفوق ... انا كنت هاحزن بجد لو حسيت انك حزين على فراقها بس اكتر حاجة مفرحاني انك ندمان على خطوبتك منها ... الحزن حاجة والندم حاجة .. المهم انت متتسرعش وتفتح قلبك دا وربنا هايبعتلك بنت الحلال اللي تستاهلك .

اسر : اللي انا حبيتها يا امي بجد ومن قلبي متنفعش... عكسي في كل حاجة انا طبعي هادي وهيا مهيبرة .... اخاف اخد خطوة تاني وارجع اندم تاني ... انا وهيا حياتنا مستحيلة .

ليليان : يا حبيبي صوابعك مش زي بعضها ... عندك انا مثلا وباباك زين طبعه صعب جدا ومفيش اي حد يقدر يستحمله بس انا قدرت اغير فيه شوية وهو الصراحة غير فيا كتير كتير جدا ... انت كمان سيب نفسك لحبك وانتوا الاتنين هاتغيروا بعض للاحسن .

اسر: ماهيا ممكن متكونش بتحبني .

ليليان : خلاص جرب وقرب منها وانت هاتحس وتعرف .. واول ما تحس انها مايلة ليك ..اوعديني انك تاخد خطوة وتعترف بحبك ليها .

اسر : حاضر يا امي اوعدك .

في بيت عمر .

( عمر بيلعب في تليفونه وبيبص على صورها وبيكبر في ملامحها ..جرس الباب رن ..قام بكسل يفتح ).

عمر : ايه دا مراد باشا ..خير دا انا لسه سايبك من ساعتين .

مراد : ياعم وسع انا جاي لابوك اصلا ...مشوفتوش من زمان .

عمر : مش هنا ... نزل القهوة يقعد مع صحابه .

مراد : يا خسارة .... روح اعملنا اتنين قهوة بقى ونقعد نلعب دور بلاي ستيشن لغاية ما يجي .

عمر : طايب .

( عمر دخل المطبخ يعمل قهوة ومراد طلع تليفونه ).

مراد بصوت عالي : عمر ماتجيب رقم سيف اللي في المرور ... عاوزه في حوار .

عمر من المطبخ : افتح التليفون هاتلاقيه متسجل بسيف وجنبه رقم ١ .

مراد : الباس ورد بعيد ميلاد مامتك صح .

عمر : اه وبطل دوشة ... علشان القهوة متفورش .

( مراد مسك تليفون عمر واول ما فتحه ظهرله صور ليان اخته .. مراد اتصدم واتفرج على صورها في الساحل مع عمر ... جاب رقمها لقي رسايل مبعوته ليها ..بس اتفاجئ ان عمر بيبعتلها من رقم غير رقمه ..ضغط على رقمه واتصل ظهرله على تليفونه رقم غريب ياعنى عمر جايب رقم بيكلم اخته منه ... مراد شاف الرسايل الدم غلي في عروقه واتعصب ... عمر كان بيصب القهوة وشال الصينية ولسه بيلف اتفاجئ بمراد بيضربه في وشه بالبوكس عمر وقع بالصينية على الارض ).

مراد بغضب : انت واحد ****** .... صور اختي بتعمل ايه في تليفونك يا وقح وبتبعت رسايل ليها .. بتخون صاحبك ... بدخلك بيتي وانت بتبص على اهل بيتي ... العيب مش عليك .. العيب عليا انا .

عمر : انا بحبها يا مراد ... انا مش خاين ليك .. انا بس مكنتش قادر اجاي واقولك لاسباب كتير واولهم انتوا هاتقولوا عليا خاين وهاتفكروا فيا تفكير غلط ... وانت بالذات اول ما تعرف هاترفض وهاتقول كلامك ليا دلوقتي اني خاين وببص على اهل بيتك .. يعلم الله انا بحاول ازاي ابعد عنها يعلم الله ازاي انا بحاول وبجاهد اشيل حبها من قلبي .

مراد بحدة : ورسايلك ليها وكلام الحب .

عمر : هاطق هاموت شايفها بتكبر قدامي وممكن في لحظة تتخطب وتروح مني ...فكرت اريح نفسي وابعتلها واقولها .

مراد بضيق : انت صح شيلها من قلبك .... لانها عمرها ماتكون ليك يا عمر ... عمرها .

( مراد ساب عمر ومشي متعصب ).

في بيت الجارحي .

ميرا نايمة فى حضن مراد : ممكن اقول راي ولا هتتنرفز .

مراد اتعدل من نومته : قولي .

ميرا : حبيبي انت جيت عليه .. ماشي انا معاك اللي عمله غلط ويبعتلها رسايل .. بس هو بيحبها .

مراد : يحبها يجي ويتقدملها ... مش يبعتلها رسايل ... دا شغل عيال صغيرة .

ميرا : اللي بيحب يبقا كانه في مرحلة المراهقة .. ممكن تطلع منه افعال تبقى غصب عنه .

مراد : انا عارف وحاسس بيه يا ميرا وفاهم نظراته كويس .. وكنت بقول بكرة هايجي ويتقدم .. بس عمر غريب وتفكيره اغرب .. تتخيلي من كتر حبه في والدته ولما ماتت اتأزم نفسيا .. لدرجة انه كره فكرة الجواز لمجرد انه لما يموت مراته او ابنه مش يحزنو عليه.

ميرا : طيب اهو انت عارف اسبابه اللي خلته يتأخر وميجيش يتقدم ... يبقى تعذر يا مراد .

مراد : اصلا فكرة ان صور ليان على تليفونه ... والرسايل جننتني .

ميرا : طب اقولك حاجة وتوعدني متتعصبش .

مراد : قولي .

ميرا : انا كمان حاسة ان ليان مايلة له ...مراد هما الاتنين مغلطوش ..هو احتفظ بحبها في قلبه وسكت لاسبابه .. وهيا احتفظت باعجابها بيه وسكتت الاتنين معملوش حاجة غلط ..وبعدين الحب دا شئ سامي وغصب عننا بيجلنا ومبنقدرش نتحكم في نفسنا .. فاهمني يا حبيبي .

مراد : فاهمك ... بس هو لو بيحبها بجد هايشيل الاسباب دي من مخه ويجي يتقدملها .. اقولك دي مش اسباب دي اوهام .

ميرا ابتسمت : بس انا مبسوطة اوي .

مراد قرب منها وباسها برقة : اممم وياترى الجميل مبسوط ليه ؟.

ميرا : علشان انت بتتكلم معايا وبتحكيلي وقربنا من بعض اكتر .

مراد : تعرفي انا كل يوم حبك في قلبي بيزيد ...مبتغبيش عن بالي ابدا ..بفكر فيكي في كل لحظة .. عارفة يمكن المواقف الحلوة ما بينا قليلة ...بس عمرها ما بتروح من بالي ...انتي عارفة بتمنى ايه ؟.

ميرا : ايه ؟.

مراد : بتمنى حبك يزيد في قلبي اكتر واكتر ..بتمنى اجيب منك بنوتة حلوة كدة تكون شبهك .

ميرا حضنته : انا بحبك اوي يا مراد ...ربنا يخليك ليا ...من يوم موت بابا وماما وانا محستش بالامان لما شفتك واتجوزتك وانا كنت حاسة ان مفيش حاجة هاتبعدني عنك رغم خناقتنا الكتيرة .

مراد غمزلها : تيجي احكيلك حدوتة .

ميرا ضحكت بكسوف : لا انا هانام .

تاني يوم في شركة الجارحي.

هنا : هو مفيش راحة .

اسر : لسه ساعة على معاد الراحة .. ركزي في الورق اللي في ايدك .

هنا : طيب هو انا عاوزة اقول حاجة .

اسر رفع وشه من على الورق اللي بيقراه : خير....احنا جايين نتكلم ولا جايين نشتغل .

هنا : خلاص مش عاوزة حاجة .

( هنا بصت على الورق بضيق و اسر كمل شغله ولا كأن حصل حاجة ).

هنا : لا منا مش قادرة ..انا جعانة .

اسر باصلها : والله قولتله ...قولتله يابابا دي متنفعش تشتغل جايبها ليه معرفش بقى أصر عليكي ليه ؟.

هنا : لا انا جادة جدا ..بس لما بجوع مبعرفش اركز .

اسر : والمطلوب مني .

هنا : اروح اتغدى .

اسر : روحي .

هنا : انشالله يخليك للغلابة .

( هنا قامت تمشي وبعدها رجعت تاني وقعدت ).

اسر : لا انا مش فاضيلك ...في ايه تاني .

هنا : هو انت كدا على طول مكشر ولابس بدل وخانق نفسك ومن البيت للشركة ومن الشركة للبيت او الجامعة .

اسر : اه دا ليان اختي مدياكي تقرير مفصل عني .

هنا بتوتر: لا دا اللي لاحظته .

اسر : اه انا كدا... عاوزة ايه مني يا هنا .

( هنا سرحت في اسمها اللي نطقه اول مرة ينطقه كدا ...سرحت وابتسمت ..اسر حرك ايده قدام وشها ).

اسر : ششش...روحتي فين .

هنا : روحت في هنا .

اسر : نعم!! .

هنا انتبهت لنفسها : اااا...اقصد تيجي اعزمك على غدا .

اسر : هنا فوقي لنفسك انا رئيسك في الشغل وكمان دكتورك في الجامعة .

هنا : بالله عليك بطل تقولي هنا دي .

اسر : انتي مجنونة يابنتي ولا ايه ...امال اناديكي ايه ؟.

هنا بضحك : بشمهندسة هنا .

( اسر ضحك عليها ...ضحك من قلبه وهيا سكتت وقامت ).

هنا : هاتيجي .

اسر بتفكير: فين!!.

هنا : نتغدا .

اسر قام من مكانه : لأ ..مش هاتغدا بس ...انا عاوز اغير جو ...تعرفي تغيرلي مودي .

هنا : اه ...انا اجدع واحدة تغير مود اي حد .

اسر : طيب يالا .

( هنا اخدت اسر وخرجوا من الشركة كلها والحراسة جت وراهم ).

هنا : قولهم ميجوش ...علشان تبقى براحتك ..ومتحسش عليك رقابة .

اسر : اوك ...خليني معاكي لغاية اخر الطريق .

( اسر وهنا ...خرجوا اتغدوا كشري ودي كانت فكرة هنا المجنونة واتمشوا على النيل وهنا قدرت تغير مود اسر ضحكته كتير )..

هنا : الله ...تيجي نركب مركب .

اسر: مركب!!.

هنا : اه بيشغلوا اغاني ويبقا جو حلو اوي .

اسر : طيب هاجيب اتنين حمص الشام علشان نفسي فيه ونركب .

( ركبوا المركب وشغلوا اغنية لعمرو دياب واسر حس نفسه مرتاح لاول مرة بلا قيود ...وجودها جنبه فرحه جدا ...غيرتله موده وروتينه المتعود عليه ..لغاية ما فاجئته بسؤالها ).

هنا بفضول : انت ليه فركشت مع ريهام .

اسر : دا فضول ولا ايه ؟

هنا : اعتبره كدا ..اصلها كانت بنت حلال وانا بعزها .

اسر ضحك : اه انتي بتعزيها معزة خاصة ..بامارة الكورة اللي رزعتيها في وشها .

هنا : مين انا!!...وحياة غلاوتها عندي ما كنت اقصد .

اسر بضحك: لا صادقة .

هنا : اه .. بردوا فركشت ليه ؟.

اسر: مبحبهاش .

هنا بفرحة : بجد .

اسر : فرحتي ليه كدا ؟.

هنا بتوتر :اصل كنت بكرهها...لزجة كدا ورخمة .

( اسر هز راسه وسكت والاتنين كملوا اكل في حمص الشام ).

اسر: حلو حمص الشام .

هنا : اه جدا .

اسر: هنا .

هنا بصتله : اممم .

اسر: انا بحبك .

( هنا جابت اللي في بوقها كله على اسر).

اسر : الله يقرفك .

هنا بصدمة : اانت قولت ايه ؟.

اسر : خلاص امسحيها ....وربنا منا قايلها ..انتي مقرفة .

هنا بدموع : مش هاتقولها.

اسر بصلها : ايه دا انتي هاتعيطي .

هنا عيطت :قولها كدا .

اسر مسح وشه وهدومه ومسك ايديها باسهم : بحبك .

(هنا عيطت واسر استغرب دموعها ).

اسر : هو انتي بتعيطي ليه ؟.

هنا : مش عارفة مكنتش اتوقع انك تقولها ...انت بتحبني بجد .

اسر : اه ...من اول ما قولت اسمك في الجامعة وشوفتك خطفتي قلبي ... وبعدها كنت بفكر فيكي بس يعني دا بخلاف الكام موقف الزفت اللي انتي عملتيهم.

هنا : كنت بعمل كدا علشان ببقى غيرانة عليك من ريهام ...كنت بكرهك اوي وانت خاطبها بس كنت بحبك من جوايا انت فهماني .

اسر ابتسم ومسح دموعها : فاهمك ....عارفة اول ما حسيت ان بحبك وبفكر فيكي ليل نهار ... مقدرتش اكمل معاها وفركشت .

هنا : انا مش مصدقة نفسي ...انا حاسة اني بحلم .

اسر : لا دي حقيقة يا هنا قلبي .

هنا : لا واحدة واحدة ...انا لغاية دلوقتي مش مستوعبة كلمة بحبك .

اسر : لا استوعبي ...انا ضيعت حياتي في لحظات غلط واوهام .. بس انتي حقيقة يا هنا وانا عاوز اكمل بقية حياتي معاكي ... تتجوزيني .

(هنا مسكت كوباية الحمص وبصت فيها باستغراب) .

اسر بضحك : بتعملي ايه يا مجنونة .

هنا : بتاكد من الكوباية هو الراجل دا حاططلك فيها ايه ...انت كويس .

اسر : بحبك يا هنون ونفسي اكمل بقية حياتي معاكي ..موافقة اجاي اخطبك .

هنا بفرحة : موافقة .

( اسر روح بلغ الكل بخبر خطوبته لهنا والكل اتبسطله وهو شاف الفرحة في عيونهم على عكس خطوبته بريهام كله كان تعيس ).

زين : يعني انتوا تحبوا مع بعض وعاوزين تخطبوا مع بعض ..نخطب لمين الاول بقى .

ادهم باندفاع : لأ ...انا يوم الجمعة ..ماليش فيه يا اسر .

اسر بضحك : ياعم مش مشكلة .. لغاية ما ماما تكلم طنط ماهي وتاخد منها معاد لسه يعني .

مراد همس لميرا : حرام لسه بيخطبوا .. اما انا كنت مختلف اتجوزت على طول .

ميرا همستله : متنساش يومين الخطوبة لو سمحت.

مراد : انا اقدر انسى ..يوم ما قولتلي بحبك في الشارع .

ميرا كتمت ضحكتها : بحبك يا ميرو .

مراد كشر : لأ بالله عليكي انتي قاصدها انتي بتقوليها قدامهم علشان تضايقني .

ميرا : اه ايه رايك فيا .

مراد : هاقولك جوا .

( مراد قام مرة واحدة ومسك ميرا في ايده ).

مراد : طيب تصبحوا على خير ... هنقوم ننام احنا .

ليليان : لسه بدري يا حبيبي ...احنا بقالنا كتير متجمعناش .

مراد : تعبان يا امي وورايا شغل الصبح ..تصبحوا على خير .

ليليان همست لزين : انا فرحانة اوي يا زيني ...الولاد كل واحد بدء يشوف حياته .

زين : روح زين انتي ...والله انا مش مبسوط ليهم قد ما مبسوط لفرحتك دي .

هنا بفرحة : بس يا ماما هو دا اللي حصل

ماهى : اوك ..وانا هاستنى مكالمة ليليان ليا .. بس مفيش مرواح الشركة تاني يا هنا .

هنا : ليه ؟.

ماهي : علشان خلاص مبقاش ينفع وجودك معاه ..كنتوا الاول بتشتغلوا ... بس بعد كدا هاتحبوا في بعض ودا مينفعش من غير اي رابط ما بينكوا .

مهاب دخل فاجأة : وخروجها كان عادي يعني يا ماهي .

مايى : مهاب .

هنا : بابا .

الحلقة 24:✌✌

هنا بفرحة : بس يا ماما هو دا اللي حصل .

ماهي : اوك ..وانا هاستنى مكالمة ليليان ليا .. بس مفيش مرواح الشركة تاني يا هنا .

هنا : ليه ؟.

ماهي : علشان خلاص مبقاش ينفع وجودك معاه ..كنتوا الاول بتشتغلوا ... بس بعد كدا هاتحبوا في بعض ودا مينفعش من غير اي رابط ما بينكوا .

مهاب دخل فاجأة: وخروجها كان عادي يعني يا ماهي .

ماهي : مهاب .

هنا : بابا.

مهاب : اه ابوكي اللي واثق فيكي ومعطيكي الحرية اللي انتي عاوزاها والمفروض انك رايحة تتدربي في الشركة ..مش تخرجي مع رئيسك في وسط همسات زمايلك وتتفسحي معاه وتقضي يوم .

هنا : بابا انا حضرتك عمري ما خنت ثقتك لو خرجت مع اسر انا مخبتش وحكيت لماما .. ولما خرجت معاه معملتش حاجة غلط.

مهاب : الغلط انك تكوني عاملة الغلط ومش مقتنعة انه غلط .

سارة جت على صوتهم : أسفه.. معلش يا ماهي انتي وهنا ممكن تسيبوني مع مهاب شوية .

( هنا وماهي مشيوا .. هنا دخلت اوضتها عيطت لأنه واضح من كلام مهاب انه رافض فكرة ارتباطها بآسر ..لقت تليفون من آسر ..ردت وحاولت تخلي صوتها طبيعي)

هنا : الو.

آسر لاحظ صوتها الحزين : مالك يا هنا .

هنا : مفيش .

آسر : قوليلي في ايه ؟.

هنا بحزن : بابا سمعني وانا بتكلم مع ماما عليك .. زعل مني جدا عشان خرجنا سوا انا وانت .

آسر: امممم هو ده بس اللي مزعلك يعني .

هنا : بابا شكله ها يعارض خطوبتنا .

آسر: هنا اوعي تخافي او تزعلي من حاجة ... انا خلاص لقيت حب حياتي ومش بعد ما لقيتك وخلاص اعترفتلك بحبي هاسيبك مثلا ..انا لو وصلت ان اخطفك واتجوزك هاعملها .

هنا : كنت عازوة نتخطب من غير اي مشاكل .

آسر : مشاكل ايه بس يا روحي ..بس هو تلاقي والدك زعلان عشان فكرة خروجك معايا بس .

هنا : يعني انت عندك استعداد تعافر عشاني .

آسر : اعافر بس ...انا ممكن اعمل اي حاجة في الدنيا عشان تبقي معايا .

هنا : عمتو سارة قعدت معاه تتكلم مش عارفة هاتقوله ايه ؟.

آسر : اكيد ها تقوله اسر بيحب هنا اوي ومستعد يعمل اي حاجة عشانها .

هنا : انا حاسة اني بحلم والله .

آسر بضحك : ليه يا هنون .

هنا : بين يوم وليلة تقولي بحبك وتقولي كلام حلو ...اكيد في لغز في حمص الشام اللي شربته .

آسر بضحك : و مش هابطل اقولها ابدا .

هنا : آسر ايه اللي غيرك كدا من ناحيتي.

آسر : امي طلبت مني طلب ...لما احس ان البنت اللي بحبها هيا كمان بتحبني .. اعترفلها باني بحبها ومضيعش وقت .. وكلامها صح انا كنت بحبك وكنت بحس ان الاختلاف ما بينا هايكون سبب مشاكل كتير وبعدها فهمت ان اي اتنين بيحبوا بعض حياتهم فيها مشاكل ..بس حبهم هايتغلب على مشاكلهم ...وانا وانتي هانقدر نتغلب على اي حاجة .

هنا : يعني انت حسيت ان في حاجة من ناحيتي ليك.

آسر : اه ...طيب ايه انا قولتلك بحبك وانتي مفيش اي رد .

هنا : هتسمعوا مني اول ما دبلتك تبقى في ايدي .

اسر : اتقلي براحتك يا هنا ..انا وراكي والزمن طويل .

( مهاب قاعد سرحان مش مركز مع سارة وكلامها ..من يوم مقابلته مع مراد وهو بيتهرب من سارة خايف يكون مراد قالها على خطته ...اسئلة كتير في دماغه ..ومخاوف كتير جواه ...مهاب مالوش اخوات سارة الوحيدة اللي اخته مش هايستحمل تكرهه ..طيب يعمل ايه كانت ممكن تموت كانت هاتبقى ضحية شغل مراد ..انتبه اخيرا لكلامها ) .

سارة : ياريت تفهم وجهة نظري..هنا مش غلطت يا مهاب .

مهاب بضيق : انا فاهم وعارف ان هنا عمرها ماتعمل غلط ابدا دي بنتي وانا مربيها كويس ..بس الفكرة انها تسمح لحد انه يتكلم عليها ..وخصوصا ان ده رئيسها في الشغل .

ساره : محدش يقدر يتكلم على آسر وهنا ..وبعدين زين مربي عياله كويس اوي ..وآسر محترم جدا وكفاية انه لما اعترفلها بحبه ...قالها انه هايتجوزها على طول متعقدش انت الامور .

مهاب : طيب يا سارة .. انا هاعديها المرادي لغاية ما نشوف هايتقدم امتى !.

سارة بتنهيدة : على فكرة قراية فاتحة كاميليا يوم الجمعة .

مهاب : على مين ؟.

سارة بابتسامة : على ادهم ..اخو آسر ...هاتبقى في بيت مراد .

مهاب بتوتر: هو اللي قالك .

سارة بحزن : لأ...هو مبيكلمنيش .. كاميليا اللي حكتلي وكتر خيره قالها تخليني احضر .

مهاب : معلش يا سارة ...كلها فترة وهاتعدي وترجعوا لبعض.

سارة : لا هي مش فترة..انا هافضل كدة يا مهاب ..انا اللي حكمت على نفسي زمان واهو اديني بحصد نتيجة عمايلي ...بقولك انا هارجع بيت ابويا .

مهاب قام من مكانه قعد جنبها : تمشي تروحي فين ...انتي مش هاتتحركي من هنا ..دا بيتك قبل ما يكون بيت اخوكي .

سارة : تسلم يا مهاب ..بس حقيقي انا نفسي ارجع بيت بابا هاحس فيه بالراحة وكمان عاوزة أقلم نفسي على الوحدة ..بكرة كاميليا تتجوز وتسيبني .

مهاب : وانا فين ... انتى ناسية ان حضرتك اختي ...ومفيش اخ بيسيب اخته .

سارة بدموع: ربنا يخليك ليا يا مهاب .

مهاب اخدها في حضنه : انا اتحرمت ان يكون ليا اخ او اخت بس حقيقي ربنا عوضني بيكي .

( سارة عيطت ...كان نفسها حد ياخدها في حضنه ويطبطب عليها محدش حاسس بالضغط النفسي الرهيب اللي هيا بتعيشه محدش حاسس بيها محدش قادر يقف جنبها ... مهاب سأل نفسه ليه مراد مقالش لسارة انه السبب في اللي حصل وسارة ومراد هايفضلوا كدا.. اخته هاتفضل بالحزن دا .. وياترى لو عرفت انه السبب هاتعمل فيه ايه ).

تاني يوم .

في شركة الجارحي .

حازم : ليان جهزي نفسك ..هانطلع نعاين ارض هانعمل عليها ملجأ .

ليان : اوك يا بشمهندس .

( حازم اخد ليان وراحو الارض اللي هايتعمل عليها الملجأ وبدا حازم يشرح لليان الشغل بحرفية شديدة وهيا كانت منتبهة لكل كلمة لدرجة انها مشافتش الطوب المتكسر واتكعبلت لولا ايد حازم اللي انقذتها بسرعة ).

ليان حست بالاحراج : اسفه يا بشمهندس ماخدتش بالي .

حازم بابتسامة : عادي يا ليان ..على فكرة انتي متحفظة جدا معايا ..انتي زي اختي والله ... دا من كتر حبي في اسمك هاسمي بنتي اللي جاية على اسمك .

ليان : ههههه اسم ليان حلو انا بحب اسمي جدا بحسه محدش ..

( ليان كانت بتتكلم ولفت انتباها عربية عمر ...).

ليان : ثواني يا بشمهندس بس .. هاروح اشوف قريبي واجاي .

حازم: اوك .

( ليان راحت لعمر عند عربيته وخبطت على الازاز لغاية ما فتح وكان لابس نضارة شمس يداري بيها العلامة الزرقة اللي جنب عينه ).

ليان : انت بتعمل ايه هنا يا ع..احم يا ابيه .

عمر : مبعملش ...آسر قالي انه بعت اتنين مهندسين يشوفوا الارض اللي هايتعمل عليها الملجأ .

ليان : طب وانت مالك بالملجأ .

عمر : انا اللي هابنيه ... دا هايبقا اسمه الفيروز .

ليان بحزن : على اسم طنط فيروز ... الله يرحمها .

عمر : مين دا ؟.

ليان : دا حازم ...انا بدرب معاه .

عمر بضيق : طب قوليله انك هاتروحي وتعالي يالا اروحك .

ليان كانت هاتوافق بس رجعت في كلامها وقررت تضايقه : لأ يا ابيه روح انت ..انا هاروح انا بالعربيه بتاعتي . عن اذنك .

( ليان مشيت ...وعمر اضايق منها ..فكر انه يتكلم مع مراد ..بس مراد تقريبا مبيكلموش من اخر موقف ملقاش حد غير زين ..قرر انه يروحله ويتكلم معاه ...وصل الشركة واخد نفس طويل ودخل الشركة ).

كاميليا بتتكلم في التليفون مع ادهم بهمس : وانت فين دلوقتي .

ادهم بضيق : في الشغل ...هو احنا هانفضل كدا كتير ..انا خلاص جاي اخطبك يوم الجمعة ..ابوكي دا رخم .. انا مش فاهم وجهة نظره اصلا اننا منتكلمش قبل قراية الفاتحة .

كاميليا : متقولش عليه كدا ... بس كل الحكاية انه اتحرم انه يعيش دور الاب سنين وانا لازم اكون مستوعبة اي حاجة بيعملها .

ادهم : اه فبيطلعه عليا انا ... انا ناقص .. منا محروم سنين زيه .

كاميليا بدلع : بجد يا ادهم انت كنت بتتمنى انك تشوفني .

ادهم : يالهوي انتي جاية تتدلعي عليا في التليفون .. اهدي شوية .

كاميليا بضحك : مااش..

مراد فتح باب الاوضة فاجأة : بتكلمي مين يا كاميليا .

كاميليا قفلت في وش ادهم : م..ماما .

مراد : ماما!!! ..طيب لو سمعتكوا بتتكلموا تاني في التليفون ومحترمتيش كلامي يا كاميليا اعملي في حسابك مفيش خطوبة .

كاميليا : حضرتك بتعمل معايا ليه كدا .

مراد : بعمل ايه ...انا ابوكي ...اعمل اللي انا عاوزه ..لما كنتي في الساحل تصرفتي وكأن مفيش رادع ليكي .. تصرفتي وخرجتي ومعرفتيش ولا ابوكي وامك.

كاميليا : بابا انا اعتذرت وقولتلك مش هاتتكرر تاني .

مراد : طيب ..واللي اقوله بعد كدا يتنفذ.

في شركة الجارحي .

زين : ايه ياعمر بقالك ساعة قاعد وبتشرب في القهوة وساكت .

عمر بتوتر : احم ..انا اسف لو كنت عطلت حضرتك .

زين : يابني مفيش عطلة ولا حاجة ....مالك.

عمر : حضرتك انا في خلاف بيني وبين مراد الايام دي بسبب غلطة انا غلطتها .

زين : خلاف!!.

عمر اخد نفس طويل : اتمنى انك تتفهمني ومتحكمش عليا بسرعة زي مراد .

زين : انا مش هاقعد كتير في الغاز يا عمر.

عمر : انا بحب ليان ..بحبها من صغرها بس لما دخلت بيتكو وشوفتكو بتعاملوني كاني ابنكو استغبيت نفسي جدا وحاولت ابطل احبها .. بس حقيقي مش قادر كل يوم بتكبر قدام عيني .. كل يوم بتعذب في حبها .. كنت خايف تعرفوا ان بحبها تقولوا عليا خاين العشرة بدخل بيتكو وببص على اهله مع اني والله عمري ما كنت كدا انا بس حبيتها غصب والله كله غصب .. لما والدتي ماتت واتاثرت بسبب فقدانها فكرت انه لأ انا مش هاتجوز ولا اعلق واحدة بيا ويجي الموت يفرقنا... خفت احبها ويجي الموت يفرقنا زي مراد كدا ومراته وكمان امي .. ابويا بيتعذب في بعدها .. وكمان انا كبير عنها وهي صغيرة اسباب كتيرة خلتني محتفظ بحبها في قلبي انا بعترف ان عملت حاجة غلط لما قررت ان ابعتلها رسايل من رقم غريب .. بس كنت حاسس ان لو مقولتش ان بحبها هاموت .. مراد شاف الرسايل على تليفوني والصراحة سمعني كل الكلام اللي كنت خايف اسمعه في يوم من الايام .

زين بهدوء : طيب وانت جاي تقولي الكلام دا ليه .

عمر : انا مخنوق مش مستحمل صاحبي يفكر فيا كدة وفي نفس الوقت والله بحبها بس غصب عني .

زين : لو على مراد ف دا رد فعل طبيعي له .. انت لو كنت جتله وقولتله انا بحب اختك وعاوز اتجوزها كان هايفرح لانك اعز صاحب له ... متزعلش مني يا عمر انت كنت خايف اننا نقول عليك خاين العشرة او بتبص على اهل البيت بس بتصرفك دا خلتنا نقول كدا ... وبعدين يابني الموت علينا حق انا ممكن في اللحظة اللي انا قاعد معاك فيها اموت .. دي كلها اوهام وهواجس شيلها من دماغك علشان ترتاح .

عمر بتفكير : يعني لو قولتلك انا طالب ايد ليان حضرتك هاتوافق .

زين قام من مكانه وراحله : ومش اوافق ليه ؟. انت راجل يعتمد عليك وانا بحبك زي ولادي وانا متاكد انك هتحافظ عليها .

عمر من فرحته اخد زين بالحضن : متشكر اوي .. بجد متشكر .

زين : خليك جرئ في حبك ..وزي ما قولت لمراد هاقولك يا عمر بطلو تسيطرو على مشاعركو .

عمر : اجيب والدي واجاي اتقدم امتى .

زين : لا دي نرتبها لان ادهم هايخطب يوم الجمعة وكمان بعده آسر ... منا كنت قاعد قدامكو جاين تخطبو مع بعض

عمر : انا بقى خليني بين ادهم وآسر .

زين بابتسامة : مستعجل انت.

عمر : انا عايش سنين بحلم بالخطوة دي.

زين بضحك : خلاص هاستناك يوم السبت .

مساءا في بيت الجارحي

زين : بتعيطي ليه يا ليليان ؟.

ليليان بدموع : يعني خلاص ليان كبرت وهاتتجوز وتسيبني .

زين : انا مش فاهم حاجة بردو بتعيطي ليه يا حبيبتي .

ليليان : دي دموع الفرح .

زين : دموع فرح !!! ... ياحبيبتي في حد يفرح يعيط .

ليليان : مش عارفة يا زين حسيت قلبي اتخطف كدا لما قولت ان عمر متقدم ليها .

زين بضحك : سلامة قلبك من الخطف يا روحي .. قوليلي في اي اعتراض على عمر .

ليليان مسحت دموعها : لأ طبعا .. بعد كل اللي حكتهولي انا اتاكدت انه بيحبها ... انا متاكدة انه هايقدر يحافظ عليها.

زين : طيب كويس بما ان مفيش اعتراض منك .. روحي بقى قوليلها وخدي رايها ...وتعالي بسرعة علشان انتي واحشاني موت .

ليليان ابتسمت : عمرك ما تتغير .

( ليليان راحت لليان لقاتها بتلعب في تليفونها وليان اول ما شافتها اتوترت وقفلت التليفون ).

ليليان بشك : في ايه يا ليان ... قفلتي تليفونك ليه ؟.

ليان بارتباك : م..مفيش .

ليليان : افتحي التليفون دا يا ليان .

( ليان اتوترت وفتحت تليفون وعطته لليليان وليليان بصت فيه لقتها فاتحة اكونت عمر على الفيس بتابع المنشور الي نزله انه اسعد انسان في الدنيا ... ليليان ابتسمت ).

ليليان : انتي عارفة ليه بيقول كدا ؟.

ليان : ليه ؟.

ليليان : لان عمر اتقدم لبابكي انهاردة .

ليان : مش فاهمة .

ليليان : عمر عاوز يتجوزك .

ليان بصدمة : انا .

ليليان : اه انتي ...اوع كدا قعديني جنبك احكيلك قال لبابكي ايه ؟.

عند مراد وميرا .

مراد بيتكلم مع عمر في التليفون : والله لابهدلك يوم السبت وهاطلع عينك يا عمر.

عمر بضحك : قلبك ابيض بقا .

مراد : ماشي ياعم ..انا سامحتك علشان خاطر ابويا بس .

عمر : والله ابوك صدق اللي سماه زين الرجال .

مراد بفخر : طبعا يابني دا زين الجارحي مش اي حد بردو .

عمر : ربنا يخليهولك ...هاروح اقول لابويا بقا لسه مش عرفته .

مراد : ماشي ..سلام .

( مراد قفل مع عمر لقي ميرا قاعدة بتبصله و مبتسمة ).

مراد : في ايه .

ميرا قامت من مكانها وقعدت جنبه : اللي يشوفك من برا يقول عليك قلبك قاسى ... بس انت اطيب خلق الله .

مراد بضحك : طبعا يابنتي انا قلبي قلب خساية .

ميرا : بتكلم جد .

مراد : عارفة انتي شايفني كدا ليه؟.. علشان قلبك اللي شافني وحس بيا .

ميرا : وياترى قلبك بيقولك انا قد ايه بحبك .

مراد اخدها في حضنه : انا كل يوم بضرب نفسي على الايام اللي ضيعتها معاكي في خناق.

ميرا : ابقى قولي وانا اضرب ..بلاش انت اصل ايدك تقيلة .

مراد بضحك : اه الصراحة الواد عمر بيشتكي مني في كدا .

ميرا : تدوم الضحكة يا حبيبي .

مراد قرب همس : طيب وربنا انتي اللي حبيبي ... بحبك .

( يوم الجمعة جه والكل بيستعد ...)

ليليان بتعدل كرافته ادهم : بس كدا اتظبطت .

ادهم : انا مخنوق من البتاعة دي .. لازم البس بدلة ما كنت البس لبس كاجول وخلاص .

ليليان : لا ... دي الاوصول يا حبيبي .. الف مبروك انا فرحانة لفرحتك .

عز : اخدت مني البت يا ادهم ماشي .

ادهم بص لزين : ارجوك بلاش يجي معانا ..والله مش عاوزه يحضر .

زين بضحك : يابني بطل غلبة بقى بتشاكس في الكل .

مراد : انا زهقت وربنا ما خلاص يا ماما تظبيط فيه .

ليليان : يالا انا خلصت .

في بيت مراد الالفي .

( كاميليا بتلبس ..ومراد وسارة قاعدين مستنين عيلة زين ... والسكوت كان هو سيد الموقف ... مراد قاعد باصص على التلفزيون وساكت وسارة نفسها تتكلم ومش قادرة ... اخدت نفس طويل وقررت تتكلم مش هاتخسر حاجة ).

سارة : مراد .

مراد من غير ما يبصلها : نعم .

سارة قامت قعدت جنبه وبدموع سالته : هو احنا مفيش امل نرجع ... ربنا بيغفر الذنوب وانا غلطت سامحني .

مراد بصلها وشاف دموعها المحبوسة في عينها : لأ مفيش امل ومش هاسامحك .

سارة دموعها نزلت بغزارة: ليه ؟.

مراد : علشان انتي مش عاقبتيني سنة ولا اتنين ولا تلاتة لا انتي ازيد من عشرين سنة وانا بتعاقب ولولا خطة ماهي كنتي كملتي وفضلت انا حزين عليكي .

سارة : كنت خايفة من ردة فعلك .

مراد : سارة انتي مش متخيلة انك بتتكلمي في سنين انتي عارفة سنة دي فيها كام شهر وعارفة الشهر دا فيه كام يوم وعارفة الساعات والثواني .. انتي عارفة انا كنت بأكل وبشرب وبصحى وبنام ازاي ...انتي ليه مش حاسة بحجم اللي انتي هببتيه .

سارة بصوت مبحوح : والله حسيت والله حسيت وكنت بحس وانا بعيدة عنك .

مراد : ايه دا انتي بتحسي زينا ... فين احساسك دا وانتي بتعملي فيا كدا ... ربنا يسامحك على سنين عمرنا اللي ضاعت لو كنتي استنيني وسمعتي بس يا سارة كان زمانا غير دلوقتي .

سارة : مرا...

( قطع كلام سارة جرس الباب سكتت ومسحت دموعها ومراد قام فتح ... استقبلو عيلة زين كلها وقعدو وكاميليا خرجت وقعدو كلهم وزين بدا الكلام ).

زين بجدية : مراد احنا جايين نطلب ايد كا..

عز : هه‍ههههههههه هههه‍ههههههههههه .

( الكل بصله ومستغرب منه ).

عز : اسف والله يا جماعة ... بس مش متخيلنا قاعدين قعدة جد .

ادهم : والله قولتلك يابابا بلاش هو يجي مسمعتش كلامي .

زين بحدة : عز ...تقعد زي الكرسي مسعمش حسك لغاية ما نروح .

عز هز راسه وزين بصله بحدة وبدا يتكلم تاني : مراد احنا جاييين...

( ميرا عطست غصب عنها )

ميرا بإحراج : اسفة .

مراد الجارحي بخوف عليها : انتي اخدتي برد .

( زين غمض عينيه بعصبية وسكت وليليان كتمت ضحكتها وبصت لادهم ).

ادهم بزهق : انت عارف احنا جاين ليه ...نقرى الفاتحة ونخلص بقا .

مراد الالفي : عندي شروط .

زين : شروط!!.

مراد الالفي : ايوة يا زين شروط .

زين : اه بقى ايه هى شروطك .

مراد الالفي : مفيش جواز الا بعد ٣سنين .

زين : نعم!!... ليه ان شاء الله هو ادهم لسه هايكون نفسه .. وبعدين انت بطلع عقدك على ابني يا مراد .

مراد : عقد!!.

زين : ايوة اللي حماتك عملته فيك زمان عاوز تعمله في ابني .

مراد : بتفضحني قدام عيالك يا زين .

زين : لا حول ولا قوة الا بالله ... الاتنين بيحبو بعض وادهم جاهز فين التأخير .

مراد : التاخير في ان عاوز اشبع من بنتي .. انا لسه شايفها تقوم تتجوز ومشبعش منها .

زين بتفكير : طيب ايه رايك عندي فكرة ... خليهم يتجوزو في البيت هنا عندك واهو تشبع براحتك منها ومن ناحية تانية يملو عليك البيت عيال .

ادهم : بس انا عاوز اسك...

زين : اسكت علشان ميقولش مفيش جواز خالص انا عارفه كويس .

مراد : اذا كان كدا ماشي ..يتجوزو هنا في البيت .

زين : ام العروسة في اي اعتراض .

مراد : ملهاش رأي اصلا .

سارة بصتله بصدمة : مش معنى اني سايباك تتكلم وتعمل اللي انت عاوزه ابقى انا كدا ضعيفة الشخصية يا مراد .. لأ .. انا سايبك تتكلم علشان انت ابوها وليك حق انك تتكلم بلسان بنتك .

ادهم همس لمراد : هاتولع يا مراد ومش هاتجوز البت يالهوي عليا ..انا حاسس ان انا نحس .

مراد الجارحي : حاسس مش متاكد .

ادهم : اتصرف .

مراد الجارحي : نقرى الفاتحة ومنبوظش فرحة العرسان يا جماعه .

( الكل سكت وقرى الفاتحة وبعدها ادهم طلع من جيبه علبتين فيها دبلتين وراح ناحية كاميليا )

مراد الالفي : دي قراية فاتحة مش خطوبة .

ادهم : لا انا قررت خليها اتنين في بعض وبما ان هاتجوز هنا يبقا الجواز بعد شهرين من دلوقتي .

مراد : نعم !.

زين : عين العقل والله يا ادهم ... وافق علشان يخلفو ليك احفاد كتير .

مراد الالفي : انت واخد القعدة لحسابك يا زين انا ابو العروسة .

زين بضحك : وانا ابو العريس ... يالا يابني لبس العروسة دبلتها خلينا نخلص .

ادهم لبس كاميليا الدبلة همسلها : والله بحبك .

&&&&&&&&&&&&&&&&

قصة عشق الزين للكاتبة زينب محمد الجزء الثاني

الحلقة 25:✌✌

في بيت الجارحي .

(عمر ووالده قاعدين وزين ومراد ومراد الجارحي وادهم وآسر وعز قاعدين قصادهم ..عمر ييشرب في القهوة وساكت وشريف بيبتسم لزين وساكت ) .

آسر: لا على فكرة احنا بنام بدري .

مراد الالفي : هو في ايه يا شريف .. طيب هو اهبل ومش بيتكلم ...اتكلم انت .

شريف : والله خيرته اتكلم انا ولا انت قالي لا انا اللي هاتكلم .

عمر : براحة عليا ...في ايه الموضوع مش سهل .. انا كنت حافظ الكلام ونسيت .

زين : طيب يابني انت نسيت سيب والدك يتكلم ... اهو احسن من القعدة دي .

عمر : لا خلاص .. بص ياعمي انا عاوز ليان .

مراد الجارحي : عاوز ليان!!!!.

عز : عاوز ليان ... مش عيب عليك .. انا حفظتك كدا امبارح .

زين بصدمة : هو انت كنت بتشور عز تقول ايه.

عمر بإحراج : والله هو عرض المساعدة وانا قولت اخد برايه .

شريف بجدية : نتكلم جد بقى ..زين احنا طالبين ايد ليان بنتك .

عمر : اه .

شريف : طبعا احنا يشرفنا نسبك ... وليان ماتخفش عليها دي بنتي وفي عنيا .

عمر : اه.

شريف : عمر بيحبها من زمان .. هاتبقى في عنيه .

عمر : اه .

مراد الجارحي : انت شارب ايه ياعمر قبل ما تيجي .

شريف : اهو في الحالة دي يابني من اول ما عرف ان والدك موافق يجوزه ليان .

زين : انا عارف ومتأكد ان عمر هايحافظ عليها ..

عمر بجدية : طيب بما ان ادهم هايتجوز بعد شهرين ف يعني ممكن اتجوز مع ادهم .

زين : ليان لسه صغيرة وكمان الدراسة .

عمر : متخفش والله ياعمي انا معاها وهاساعدها .

زين : الحاجة دي ترجعلها ..هاتقدر تشيل مسؤولية والا لأ .

عمر : خلاص هاسألها .

ادهم : اسألها!!! ... هو انت هاتكلمها ليه ؟.

اسر : احنا نسألها .

عمر : شوفت اهو انا قولت جواز على طول لاني عارفهم هايرخمو عليا.

زين بضحك : سيبك منهم ...خلينا نقرى الفاتحة وخدها اتعشو برة واتكلمو .

مراد الجارحي بضيق : دا اللي هو ازاي يعني يابابا .

زين : مررراد في ايه ..انت عاوز تراجعيني في كلمتي .

مراد بضيق : بس ...

زين : مبسش ..نقرى الفاتحة .

( قرو الفاتحة وليان طلعت بفستان رقيق وقعدت معاهم ... عمر مكنش مصدق فرحته بيها ودا كان باين على وشه )

مراد الالفي همس لزين : هو الواد عمر دا اهبل .

زين : ليه ؟.

مراد الالفي بضحك : شوف انت اتفرج بقى ... بيبص على ليان ازاي ... وعيالك بيبصولو ازاي .

زين : انا لو كنت قعدتهم يتكلمو هنا كانوا البشوات بوظو القعدة .

زين : ليان قومي غيري هدومك علشان عمر ياخدك تتعشو برا .

( ليان قامت والبشوات اخدو عمر في التراس )

عمر : في ايه يا جدعان .

ادهم : انتو هاتتكلمو في ايه ؟.

عمر : مش فاهم .

مراد : متستعبطش .... عارف لو فكرت تمسك ايديها ياعمر هاموتك .

عمر بصدمة : انت مجنون يا مراد دي خطيبتي .

آسر بضيق : لسه ...لما تبقو تتجوزو.

عمر : والله انتو مجانين .

مراد : والله يا عمر لو فكرت تعمل في اختي حاجة انت حر .

ادهم : اه واعمل في حسابك...احنا وراكو .. هانراقبكو لو حسينا بحركة غدر هانمسكك متلبس .

عمر : لا بقى انا مش طالع ... هي فيها كدا انا بقى مش هاطلع.

عز : بس ياعم انت وهو .. بطلو كلامكو دا ... عمر محترم ومش هايعمل حاجة وبعدين انا هابقا معاهم متخافوش.

عمر : معانا فين لامؤاخذة ؟؟.

عز : بتعشى معاكو .

عمر بصوت عالي : بااااااس ولا كلمة ... انا بقالي سنين بحبها وتيجو في الاخر تقولو الكلام الاهبل دا ... دا انا هاموت واقولها بحبك .

مراد مسكه زقه في الحيطة : ما تلم ام لسانك دا .... دي اختي ياعم .

عمر : والله حظي اسود ان فكرت اخطبها بسببكو .

(زين دخل عليهم لقاهم مقعدين عمر وهما حواليه ) .

زين : بتعملوا ايه في عمر .

عمر : انا بتهدد يا زين باشا .

زين بضحك : معلش بقا الله يكون في عونك يابني والله ..خطيبتك جاهزة .. ساعة بالكتير وتكونو هنا .

عمر بصدمة : ساعة !!! .

زين : اه ساعة انتو هاتتكلمو في ايه يعني؟؟ .. ساعة حلوة عليكو .

عمر : لأ كدا كتير اوي عليا ...وعلى فكرة احنا هانتجوز مع ادهم .

زين : لو هي موافقة انا موافق .. مش انا اللي هاتجوز واشيل مسؤولية .

عمر : هاتوافق ان شاء الله .

( عمر اخد ليان وطول الطريق ساكتين وليان شكت في كلام ليليان ليها ان عمر بيحبها ).

**********************

عند ميرا ومراد .

ميرا بتعب : مالك يا حبيبي ... رايح جاي ليه كدا ؟.

مراد : مضايق .

ميرا : من ايه ؟.

مراد بعصبية : من بابا .. ازاي يسمح لعمر انه ياخدها كدا .

ميرا ضحكت بتعب : طب وماله يا مراد ماهو خطيبها ومحتاجين يتكلمو ويفهمو بعض ... وبعدين متزعلش مني هما لو فضلو هنا كنتو رخمتو جامد .

مراد : انتي مش شوفتيه كان بيبصلها ازاي برا دا كان ناق ...

مراد لاحظ تعب ميرا : مالك يا ميرتي .

ميرا بتعب : البرد هايموتني يا مراد .

مراد اخدها في حضنه بخوف : تيجي اوديكي لدكتورة تتطمن عليكي .

ميرا : منا دكتورة.. وباخد العلاج اهو .

مراد : لا دا مش برد انتي بقالك يومين تعبانة ومش بتاكلي كويس .

ميرا : لا متهئيلك انا مباكلش كتير اصلا .

(مراد اخدها ونايمها على السرير ونام جنبها واخدها في حضنه ).

مراد بقلق : طيب نامي شوية .. يمكن ترتاحي .

ميرا : والله كويسة متقلقش كدا .

(مراد اخدها في حضنه بقوة .. ميرا بقت حياته كلها مبقاش قادر يعيش من غيرها لحظه ... ضحكتها بقت بتسعدو ... ميرا نامت في حضنه بسلام .. احساس الامان والدفى اللي افتقدته من وقت موت عبدالرحمن وايمان مع مراد بقت تحسهم ).

***************************

عند ليان وعمر.

عمر : اشربي العصير .

ليان بكسوف : بشرب .

عمر : طيب ايه .. انا عاوز اتكلم معاكي قبل الساعة ما تخلص .

ليان : اتكلم .

عمر قرب الكرسي اللي قاعد عليه من ليان ومسك ايديها : انا عاوز اقول كل حاجة جوايا ... انتي عارفة ان انا بحبك من وانتي صغيرة معرفش ازاي .. بس شدتيني اوي ملامحك هدوئك كل حاجة فيكي ... كنتي بتكبري قدام عنيا والحب جوايا بيكبر اكتر ...انا اسف على لحظات اللي كنت بحرجك فيها .. بس انتي مكنتيش تعرفي الحرب اللي كانت جوايا .. فكرة ان مراد اخوكي يعرف ان انا بحبك ويقولي انت خاين كانت مسيطرة عليا جدا ... وكمان انا اكبر منك بكتير خفت تكوني نفسك تحبي حد قدك في السن وابقى انا ابيه عمر بالنسبالك ... كانت كلها مخاوف كنت اقدر اتخطاها بس بعد موت امي والدنيا اتقفلت في وشي .. امي دي كانت بالنسبالي كل حاجة .. انا تعبت من غيرها .. عارفة لما ماتت وشوفت حزن ابويا وحزن قلبي عليها قولت طب وانا ايه اللي يخلاني اتجوزها واحبها وتحبني ويجي الموت يفرقنا ... بس فضلت ارفض فكرة ان بحبك او بمعنى اصح فضلت احبك بيني وبين نفسي لغاية ما مراد اكتشف ان انا اللي ببعتلك رسايل الحب .

ليان بابتسامة : انا مكنتش اتوقع انك انت اللي بتبعتها من كتر ما انت بترفضني وبتقولي كلام وحش كتير اتاكدت انك بتكرهني .

عمر : انا بكرهك!!... طيب ازاي دا انا كنت حاسس اني مقفوس اوي في حبك .

ليان : عمري ما حستها منك على طول مكشر ومبوز في وشي .

عمر : غصب عني والله يا حبيبتي ... غصب عني صدقيني ... انا بحبك اوي .. عارفة لا انا مش بحبك انا بموت فيكي انا بعشقك ... اصلا دا كله قليل على اللي انا حاسه من ناحيتك .

(ليان وشها اتحول للون الاحمر واتكسفت وبصت في الارض ).

عمر : طب وربنا بحبك وانتي مكسوفة كدا .

ليان : اصلا ااا ...انا مكسوفة اوي .. انا مكنتش احلم في يوم من الايام انك تقولي كدا يا عمر .

عمر : ضيعت سنين في افكار غلط... ضيعت اجمل سنين عمري في حاجات غلط .

(ليان سكتت ومردتش وبعدت بعيونها بعيد عنه ).

عمر : لأ بصيلي انا لسه جوايا كلام كتير .

ليان : قول .

عمر : انا عاوز نتجوز مع ادهم بعد شهرين .

ليان : شهرين !!! لأ ...الدراسة .

عمر : ياستي كمليها عندي وانا معاكي وبابا معاكي كمان بابا شاطر اوي في اكله .

ليان بحيرة : مش عارفة .. خايفة اقصر فيها .

عمر : لا احنا نتجوز في الاجازة وكدا انا اصلا في الشغل وانتي هاتبقي الدراسة مالية عليكي حياتك .

ليان : طب انت ليه عاوزنا نتجوز بسرعة .

عمر : انتي مش شوفتي اخواتك عملو فيا ايه .. ليان انا لو فكرت امسك ايدك حاسس ان ادهم هاينط علينا من اي مكان ومراد هايطلعلي من طبق الشوربة دا .

ليان بضحك : ههههه‍ه‍هههه ..اخواتي طيبين .

عمر بتكشيرة : اوي ياختي ..لا وانا قولت ان ابوكي دا ايه مفيش منه اتنين الاقيه يقولي قدامك ساعة لا كتر خيره .

ليان : يعني انت عاوزنا نتجوز علشان نكون براحتنا .

عمر : اه ...وافقي .

ليان بتفكير : م..ماشي.

عمر : حبيبي يا ناس وربنا بموت فيكي ... يالا نرجع بقى اصل الاقيهم في وشي دلوقتى .

ليان :اوك .

( عمر اخد ليان وروحو وقبل ما يوصلو البيت ركن في شارع ضلمة وقرب منها بسرعة وباسها على خدها وهي اتوترت ).

ليان : عمر متعملش كدا تاني .

عمر : عملت ايه ؟.

ليان : اللي انت عملته .

عمر : ايوة ايه بقا .

ليان : عمر .

عمر : عيونه وقلبه والله .

 

عند زين وليليان .

زين : اه بقى انت مبوزة في وشي ليه ؟.

ليليان بتكشيرة : قولتلك مخصماك .. اوعى تكلمني تاني .

زين : اوعى!!!!... ايه اوعى دي ...من امتى وانتي بتكلميني بالصيغة دي .

ليليان بدموع : حضرتك مش فاضي الا لاولادك لكن انا فين مش شايفني بعمل ايه كاني مش موجودة .. انت اخر مرة قولتلي بحبك يا زين كان امتى؟.

زين : من تلات ايام بالظبط .

ليليان بصتله بذهول : انت فاكر امتى قولتها .

زين : اه يا ليليان فاكر لاني مفيش مرة قولتها كدا من غير ما احسها .انا امتى قصرت فيكي .. انا امتى نمت وانتي مكنتيش في حضني .. انا امتى نمت قبل ما اتكلم معاكي .. انا امتى اهملت في حبك .

ليليان بكت : بس انت يا زين مشغول اوي بالاولاد ومشاكلهم.

زين : قولي انك غيرانة من اهتمامي بيهم.

ليليان : اه.

زين ضحك واخدها في حضنه : متزعليش يا روح قلب زين ...انا فعلا مشغول بيهم بس انا عاوز اطمن عليهم علشان افضالك ... انا عاوز اخدك في عشق الزين اسبوع لوحدنا من غير حد.

ليليان بفرحة : بجد هاتوديني عشق الزين انا وانت وبس .

زين : اممم. ..وهانقضى اسبوع بحاله بعيد عنهم .. بس لازم اطمن عليهم الاول .

ليليان : انا كمان والله نفسي اطمن عليهم اوي ... بس مش عارفة احساس انك بعيد عني دا خلاني ضعيفة اوي .. انت طول عمرك بتقويني .

زين : انا قريب اهو بس انتي اللي مصرة تطلعني بعيد مع ان انتي اللي بعيدة مش انا .

ليليان :والله !!.

زين : عاوز اسالك سؤال .. لسه بتحبيني حتى بعد ما كبرنا .

ليليان قربت منه وهمست : ودا سؤال يا زين الرجال .... انا لسه بحبك كأني لسه متجوزين جداد.

زين : انا بقى حبك كل يوم بيزيد عندي شوية لغاية ما وصلت لدرجة ان مبقتش اتنفس الهوا زي الناس الطبيعية .. لا انا بقيت اتنفس حبك انتي .

ليليان : ايوا بقى زين الرجال كان واخد اجازة باين .

زين باس جبينها : سامحينى قصرت فيكى ...بس مشاكلهم الواحد مش لاحق يرتاح .

ليليان : مسامحك يا حبيبى ...بس بدلع عليك علشان متبعدش عنى تانى .

زين : تعرفى يا ليليان انتى طيبه اوى .

ليليان : طيبه علشان انت طيب والطيبون للطيبات .

زين : لا انتى قلبك دا صافي ... عارفة يا ليليان انا استغربتك اوي لما سامحتي سارة بالسرعة الرهيبة دي .. بس بعدها فهمت .

ليليان : فهمت ايه ؟.

زين : فهمت انه قلبك صافي جدا .. لدرجة انك سامحتيها وكنتي بتساعديها تطفشو زهرة .

ليليان بذهول : انت كنت عارف؟؟ .

زين : ههههه كلنا كنا عارفين .. باين عليكو اوي يا حبيبتي .

ليليان : انت مش ممكن يا زين .

زين بتنهيدة : المهم ..عاوزك في موضوع مهم .

ليليان : اممم خير .

زين : محامي يوسف كلمني واعلان الوارثة طلع وبما ان يوسف مالوش حد الا انتي وميرا ... ف فلوسه واملاكه بقت ملكك انتي وميرا .

ليليان : لأ مش عاوزة حاجة ... اعمل بيهم مدرسة ومستشفى في الشرقية او حطهم في دار ايتام .. المهم اني مش عاوزة حاجة منه .

زين : حاضر ...المهم تعالي في حضني كدا احكيلي انتي زعلانة مني قد ايه ؟.

ليليان بدلع : هاتصالحني .

زين : هاتشوفي هاصالحك ازاي .

*****************************

(ليان قاعدة في اوضتها بتفتكر كلام عمر ليها وبتبص على الرسايل مش مصدقة ان كل كلام الحب دا كان ليها ومن مين ... من حبيبها .. مراد وادهم وآسر وعز دخلو عليها فاجأة وهي اتخضت ).

ليان : في ايه ؟.

مراد : عملتو ايه ؟.

ليان بارتباك : عملنا ايه في ايه ؟.

ادهم : قولتو ايه ... اوعي يكون مسك ايدك يا ليان .

ليان : ل...لا.

آسر : انتو اه مخطوبين بس مش معنى كدا تسيبله ايدك يمسكها .

ليان : ااا...اه صح.

مراد : طيب يالا سيبوها علشان شكلها تعبانه .. خليها تنام .

ليان : اه انا تعبانة .

( مراد وآسر وادهم خرجو ماعدا عز ).

ليان : في ايه ياعز.

عز : ليان المغص بيجلي تاني وبرجع تاني .

ليان : عز انت كدا لازم تكشف .

عز : مش عارف ليه خايف .

ليان قامت من مكانها : خايف من ايه؟.

عز : مش عارف ...المهم هابقى اسأل ميرا .. بس مش هاسألها دلوقتي لغاية ما آسر يخطب .

ليان : طيب ...خلي بالك من نفسك .. انت لولا محلفني اقول لبابا كنت قولتله .

عز : مش عاوز ابقى عيل وكل حاجة اروح اشتكي ممكن يكون شوية برد في معدتي .

ليان : ان شاء الله خير.

****************************

عدى اسبوع على ابطالنا في سلام .

ميرا ومراد عايشين اجمل قصة حب .. فهمو بعض اكتر وحبو بعض اكتر ..

ادهم وكاميليا ... مراد الالفي مش معطيهم فرصة يتقابلو او يتكلمو .

هنا واسر ... بيتكلمو كل يوم في التليفون وكل واحد يحكي للتاني يومه ... وآسر اخيرا لقي نصه التاني اللي بيكمله .

عمر وليان .. عمر اللي خلاص مبقاش يعدي ثانية الا ويكلم ليان وليان اكتشفت فيه جانب جديد وهو غيرته الشديدة وعصبيته لدرجة انه مانعها تروح الشركة .

زين وليليان .. الحب ما بينهم بيزيد اكتر واكتر... زين اعترف فعلا انه اهمالها .. بس خلاص رجع لمعشقوته وحبيبته الاولى والاخيرة ..

سارة .. رجعت بيت والدها وقعدت فيه لوحدها .. الوحدة بتزيد وشعور بالندم بقى اقوى ... ذكرياتها مع مراد بتحاصرها في كل مكان .

مراد ... مستمر بعاقبه لسارة واللي هو شايفه انه رد لكرامته ولسنين عمره اللي ضاعت .

**************************

في بيت مهاب .

ماهي : يالا يا هنا .. قرو الفاتحة وبابا بيستعجلك .

هنا بفرحة : طب انا حلوة .

ماهي بدموع : اه طبعا جميلة جدا ... كان نفسي اطمن عليكي يا روح قلبي .

هنا قربت منها ومسحت دموعها : ليه الدموع دي يا ماما بس .

ماهي : مش عارفة .. قلبي بيوجعني من الصبح .. يمكن علشان شايفكي صغيرة على الجواز .

هنا : منا هاتجوز بعد ما اخلص دراستي يعني لسه بدري .. لسه قاعدة على قلبك.

ماهي : طيب يالا يا غلباوية ... الناس تقول علينا ايه .

هنا : من حق عمتو جت.

ماهي : والله ما عارفة اتاخرت اوي .

هنا : تلاقيها جاية في الطريق .

( هنا نزلت قابلتهم وآسر لبسها الدبلة ..).

آسر: مبروك يا هنايا .

هنا : الله يبارك فيك .

اسر: طيب ايه مش هاسمعها .

هنا : لما نكون لوحدنا .

اسر : وانا اللي كنت فاكرك مؤدبة .

هنا بصدمة : ايه دا يا آسر انت بتألش زي الناس العادية .

آسر بضحك : اه بس على خفيف كدا .

*******.

ادهم : مالك يا كوكو .. ايه اللي شاغلك عني .

كاميليا بقلق : ماما من نص ساعة كلمتني وقالت خلصت لبس وهاتنزل.

ادهم : عادي يا حبيبتي تلاقي بس الطريق زحمة .. وواقفين في اشارة .

كاميليا بدموع : لا يا ادهم ..انا بتصل بيها مبتردش ... حتى شوف اتصلت فوق الستين مرة مبتردش .

ادهم مسك ايديها : اهدي طيب ربع ساعة كمان لو مردتش هانتصرف .

كاميليا : يارب .

**********

ميرا : مراد هو الجاتوه دا حادق .

مراد باستغراب : حادق!!... دا اللي هو ازاي يعني .

ميرا : معرفش طعمه في بوقي حادق .

مراد داق الجاتوه لقيه كويس : لا هو كويس .

ميرا بتعب : لا انا فيا حاجة غلط انا كل ما ادوق حاجة الاقيها مرة ووحشة .

مراد غمزلها : طيب ما تجيبي بوسة وكل حاجة هاتبقى تمام.

ميرا اتكسفت : هو انت مش هاتبطل تكسفني .

مراد : تؤتؤ ...بعشق الورد الاحمر اللي بيبقى في خدودك وبيظهر بسببي .

ميرا بكسوف : انت عليك كلام .

مراد : ايه ؟.

ميرا : يودي في ستين داهية .

مراد : ههههه عارف.

******************

ليليان همست لزين : حبيبي ...فك معاملتك مع مهاب شوية .. انت ناقص تقوم تاخده قلمين .

زين : والله نفسب بجد .

ليليان : كله علشان خاطر آسر .

زين : ماهو اللي قعدني القعدة دي هو آسر .

*******************"

عمر بضيق : يعني كل واحد من اخواتك قاعد بيحب في حبيبته وانا قاعد مش قادر اعدي سنتي كمان جنبك .

ليان بضحك : معلش يا عمر ..خلاص هانت هانتجوز اهو بعد شهرين .

عمر : شهرين الا اسبوع لو سمحتي .

ليان : لدرجاتي يا عمر بتعد الايام .

عمر : وحياتك عندي بعد الثواني كمان .

ليان : طيب اسكت اصل ابيه مراد بيبص ناحيتنا .

*******************

زين : مالك يا عز .

عز بتعب : مفيش شوية برد في معدتي .

زين بقلق : انت متأكد ؟؟

عز : متخافش يا بابا... انا وحش .

زين : بكرة هاخدك المستشفى اطمن عليك .

عز : ط...طيب .

***********

ماهي : سارة اتاخرت اوي .

مهاب طلع تليفونه واتصل على الشخص اللي مكلفه بمراقبة سارة ..: ايه دا .. حتى الواد اللي مكلفه يحميها مش بيرد .

ماهي : انا قلبي مقبوض يا مهاب ... ربنا يستر.

( مهاب رن تاني على تلفون الشخص اللي مكلفه يراقب سارة ورد ).

مهاب : الو يابني ..انت فين ؟...مدام سارة فين ؟.

: حضرتك انا مش الشخص صاحب التليفون .

مهاب : انت مين ؟.

: انا جار مدام سارة في الشقة اللي جنبها ودلوقتي انا ماشي وراها وفي واحد طلع اخدها من شقتها واخدها في عربيته وخدرها وخدر الاستاذ اللي كان قاعد تحت بيتها.

مهاب بذعر : ايه ؟؟...

ماهي : في ايه يا مهاب .

( الكل انتبه على مهاب وماهي ).

زين : في ايه يا مهاب .

مهاب : بقولك ... خليك معايا .. بلغني بالشوارع اللي بيمشي فيها ... اوعى تسيبه .

: متخافش انا ماشي وراهم بعربيتي وهو مش واخد باله .

كاميليا بقلق : في ايه يا خالو .

مهاب : امك في حد خطفها.

الحلقة 26:✌✌

مراد الالفي : مش عاوز حد معايا الا مراد وادهم وعمر .

مهاب بغيظ : دا اللي هو ازاي يعني؟؟ ... دي اختي يا مراد.

مراد الالفي : انت تسكت خالص مسمعش صووتك يا مهاب ... انت السبب في كل دا .. تقدر تقولي الزفت دا هرب ازاي من السجن .

مهاب : بردو هاتجيب اللوم عليا .. بقولك انا سلمته للقسم وهو كلم رتبة كبيرة اوي في الداخلية وطلعو وانا معرفش .

مراد الالفي بسخرية : باين عليك مش مسيطر يا مهاب .

مهاب : استغفر الله العظيم .

زين بحدة : كويس اوي اللي انتو فيه ... اتفضلو اتكلمو واتخانقو وسييبوها مرمية فوق مع الحيوان دا .

مراد الالفي : اللي عندي قولته مهاب ميطلعش معانا.... وبعدين ماهو زين اهو هايفضل هو وآسر تحت .

زين : خلاص يا مهاب سيبه يطلع خلينا نخلص من ام الموضوع دا .

مهاب بضيق : طيب .

و كمل في سره : مش عارف كاميليا اتصلت عليه ليه ؟.

( مراد الالفي طلع هو و مراد وادهم وعمر ووصلو عند باب الشقة ).

مراد الالفي بهمس : هي دي ياض الشقة .

: اه والله يابيه هي دي ... والله يابيه انا مظلوم انا حيالله بواب على باب الله بأجر شقق مكنتش اعرف انه هايستخدمها انه يخطف واحدة .

مراد الجارحي : طب انزل انت .

( البواب نزل ومراد الالفي شاور لمراد يفتح الباب .. مراد فتح الباب بحرفية شديدة ودخلو بالراحة .. الشقة عبارة عن صالة كبيرة واوضة مقفولة .. الاربعة وقفو عند الباب وسمعو ).

فريد : قد ايه وحشتيني الفترة اللي فاتت دي .. كنت بحلم بيكي وبحلم باليوم اللي اخدك منه .. انتي عارفة يا حبيبتي انا عملت ايه علشان اخدك ... انا كلمت واحد صاحب خالي كبير في الدخلية وخرجني .. عارفة اول ما خرجني جريت اتأجر الشقة دي علشان نقعد فيها قبل ما نسافر انا وانتي ... انا فضلت اخطط في الحبس ليل ونهار علشان اجاي واخطفك ... طلعت من الحبس واتوقعت انك مع الزفت مراد بس عارفة انا اتبسطت اوي لما عرفت انك قعدتي هنا لوحدك ولسه مش رجعتيله ... فضلت اراقبك لغاية ما عرفت ان فيه راجل تحت بيتك بيراقبك .. خططتله هو كمان وخدرته علشان اخطفك بسرعة ومحدش يقف في طريقي ... انا خلاص نجحت وجبتك هنا وهاتبقي ملكي .. بكرة لما تفوقي هاقولك قد ايه انا بحبك .

( مراد الالفي دخل في اللحظة دي مرة واحدة ).

مراد : دة انا اللي هاقولك قد ايه انت راجل ******.

(فريد اتخض من هجوم مراد عليه ... مراد مكنش معطيله فرصة .. ضربه بغل وغيظ .. اول ما سمع من كاميليا ان سارة اتخطفت روحه اتسحبت .. هو بيعاقبها بيعلمها الادب بس يحس انها ممكن تتأذى لأ ..سارة روح مراد ... مراد وادهم وعمر وقفو على جنب وسكتو).

مراد الجارحي : دي مش حماتك .

ادهم : اه .

مراد الجارحي : طب شيلها نزلها تحت .

ادهم : بلاش هايتعصب انت مش شايف حالته .

عمر : شيلها يا ادهم انا ومراد مش عارفين نيشلها .

( ادهم شال سارة بالراحة ونزلها لزين تحت ... وزين ومهاب جريو عليها ).

زين بقلق : هي مالها .

ادهم : باين واخدة مخدر ونايمة .

مهاب : طيب حطها في عربيتي خليني اروحها البيت .

زين : لأ ..لما مراد ينزل الاول ونشوف هانعمل ايه ؟.

( مراد نزل .. ومراد الجارحي وعمر مربطين فريد وشايلنه ومش باينله ملامح ).

مهاب : هاته ... نوديه القسم .

مراد الالفي : لا اطلع انت من الموضوع دا ..وديه المخزن هايتربى الاول علشان يبقى يعرف يخطف مرات مراد الالفي حلو ... وبعد كدا انا هاسجنه بطريقتي .

مهاب : احنا مش في غابة يا مراد .. في قانون في البلد .

( الكل انسحب بهدوء من حواليهم وسابوهم لوحدهم ... ومراد قرب من مهاب ).

مراد : لأ ....احنا في غابة ..وانت عارف كويس ليه ؟.

مهاب :انت كل شوية هاتذليني يا مراد لو عاوز قولها ... قولها خلاص كدا كدا هاتعرف الحقيقة .

مراد : انا لو عاوز اقولها ... كنت روحت وقولتلها يا مهاب .. بس انا مش هاكسب حاجة لما اعرفها انها غبية علشان وثقت في واحد زيك .. وقتها هاكسب ايه لما اقولها وتتعب ويجرالها حاجة ... عارف يا مهاب اكبر عقاب ليك ايه ... ان اسيبك كدا خايف منها انها تعرف ... تتهرب من نظراتها ..اسيبك في عذاب الضمير دا اذا كان عندك ضمير اصلا .

مهاب بضيق : طيب انا هاخدها لانها مش هاتقعد لوحدها تاني .

مراد : حتى دي فشلت في حمايتها وانا لايمكن اسيبها معاك تاني .

( مراد الالفي اخد سارة وروح بيته... كاميليا كانت في انتظاره .. شافت امها نايمة مش حاسة بحد جريت وراها ... مراد حطها في سريرها وطلب من كاميليا تغيرلها هدومها وهو طلع برا ).

********************

في بيت الجارحي .

ليليان : بردو يا زين كنت سيبني اروح اطمن عليها .

زين : مراد معاها وهي نايمة هاتفوق بكرة .

ليليان : طيب هو ازاي خطفها ... انا مفهمتش حاجة من مراد ابنك .

زين : ياقلبي مهاب مكلف حد يحمي سارة وقاعد تحت بيتها...فريد دا كلم حد وهو في الحبس وطلعه من السجن لما طلع اتاجر شقة بعيدة عن بيت سارة ... جارة سارة في العمارة شافت فريد وهو بيخدر الولد اللي مكلف بحماية سارة صورته وشافته داخل العمارة ... وبعدها اتصلت على جوزها كان تقريبا جاي في الطريق .. حكتله .. قالها اقفلي باب الشقة عليكي كويس بتقفل باب شقتها بصت في العين السحرية لقت فريد بيخبط على باب شقة سارة ... طبعا سارة فتحتله وهو رش حاجة في وشها واغمى عليها... هو طبعا اخد سارة ونزل بيها على السلم الراجل كان بيركن عربيته وكان مع مراته على التليفون ... راح على عربية الولد اللي بيحمي سارة ولقي تليفونه في ايده اخده وبعدها مراته قالتله انه فريد معاه مسدس باين من تحت التيشرت بتاعه وواخدها ونازل ... الراجل ركب عربيته وطلع ورا فريد ... كان مهاب في الوقت دا بيتصل على الولد اللي بيحميها جار سارة رد على مهاب وبلغه بكل اللي حصل وبلغنا بالمكان اللي فريد وقف عنده واستننا لغاية ما جينا ومراته بعتتله صورة فريد وهو بيخدر الولد وهو داخل العمارة وورانا صورته وبس مراد طلع وانقذها .

ليليان بذهول : دا كله حصل وسارة نايمة ؟؟.

زين : ايوة.

ليليان بدموع وخوف : ط...طب افرض الراجل دا ومراته مكنوش موجودين كان ايه هايحصلها ... فريد دة مريض نفسي .

زين : مريض نفسي بس!!!.... دا اخد علقة محترمة ومغمى عليه من كتر الضرب وبيهلوس باسم سارة .. مراد يسمع كدا يتجنن اكتر .

ليليان : هو اكيد لسه بيحبها .

زين : مش سهل يا لي لي الحب يروح في ثواني.. ومراد بيحبها وهي بتحبه .

ليليان بصوت مبحوح : طيب ما تقوله انت يا زين يخف شوية في عاقبه دا .. اصل انا حاسة ان سارة خلاص مبقتش قادرة تستحمل .

زين : قولتلك دي حاجة ترجعله براحته ماليش فيه ... انا واجب عليا النصيحة وبس .

ليليان بضيق : طيب .

زين قرب منها ومسح دموعها : انتي عارفة يا لي لي انا نفسي مراد وسارة يرجعو لبعض علشان انتي ترتاحي ... انا واجعني وجع قلبك دا.

ليليان بضحك : مش معقول انت يا زين الدنيا في وداي وانت في وادي تاني خالص .

زين بهمس : طيب وياترى الوادي بتاعي اسمه ايه ؟.

ليليان بهمس : ليليان .

زين : غلط.

ليليان : عشق الزين .

زين قرب منها بالراحة : تصدقي تستاهلي مكافأة كبيرة علشان عرفتيها لوحدك .

ليليان بضحك : ياربي منك ....عمرك ما تتغير .

*************************"

في بيت مراد الالفي .

( مراد قاعد جنب سارة بيتحقق في ملامحها اللي وحشته.... متغيرتش كتير عن اخر مرة شافها .. قرب منها بالراحة وحضنها وباسها في كل مكان في وشها ... اخدها في حضنه ودفن وشه في رقبتها باسها برقة وبعدها ابتسم بمكر وعضها بالراحة فيها ... كاميليا خبطت وهو بعد عنها ).

مراد : ادخل .

كاميليا دخلت : مامي عاملة ايه ؟.

مراد : نايمة ..قولتلك هاتفوق بكرة .

كاميليا : طيب انام انا جنبها .

(مراد كان هايوافق وبعدها حس انها فرصة يشبع منها على قد ما يقدر ).

مراد : لا روحي انتي نامي ... انا هافضل جنبها .

كاميليا : لسه بتحبها .

مراد : وانا امتى قولتلك ان مبحبهاش .. بالعكس انا مش بحبها انا بعشقها.

كاميليا : اهو يابابا انت قولت بلسانك بعشقها ... يبقى نرجع لبعض بقى .

مراد : لأ .

كاميليا : ليه يابابا لأ ليه ؟.

مراد : لان الحياة بعد اللي امك عملته بقت مستحيلة يا كاميليا... وزي ما انا قدرت اعيش سنين بحبها وهي مش موجودة .. هاقدر اعيش اللي ربنا كتبهولي وهي بعيدة بردو وقفلي على الموضوع دا ..

كاميليا : اوك .

( كاميليا خرجت وقفلت الباب ومراد اخد سارة في حضنه ).

مراد : اسف يا حبيبتي اللي عملتيه مش قليل ... المفروض اكرهك بس مش قادر اكرهك .

**********************

في بيت الجارحي .

(زين كان بيحاول ينام ... وفاجأة جه على باله عز ابنه وهو تعبان قلبه وجعه ازاي نسي عز وتعبه .. نزل يطمن عليه دخل اوضته لقاه خارج من الحمام ماسكك بطنه وبيتالم ).

زين بقلق : مالك ياعز .

عز بتعب : بابا ..حضرتك صاحي لغاية دلوقتي ليه ؟

زين : سيبك مني ... انت مالك ماسكك بطنك ليه كدا .

عز : مش عارف مغص مبيروحش وبرجع على طول .. تعبان اوي .

ادهم دخل عليهم وفي ايده كوباية ينسون : خد ياعم اول مرة ادخل مطبخ ...بابا!!.

زين بحدة : انت ازاي متقوليش ان اخوك تعبان يا ادهم .

ادهم : انا كنت عاوز اقولك بس هو رفض واتفقنا بكرة نروح لدكتور .

زين: انت مش عاوز تقولي ليه ؟.

عز بتعب : علشان مبقاش عيل يابابا وكل شوية اشتكي .

زين بعصبية : انت مجنون ...كلكو في نظري عيال ... انت ازاي ساكت كدا عينك صفرا... البس ويالا خلينا نروح المستشفى .

( زين اخد عز وادهم وراح المستشفى والدكتور طمنه انها المرارة ولازم تتشال .. بعدها جت ليليان وليان ومراد وآسر وميرا ).

ليليان ببكاء : كدا يا زين ... كدا متقوليش ابني في العمليات ومش عاوزني اجاي .

زين بص لمراد بعتاب : ينفع كدا .

مراد : اعمل ايه يا بابا شبطت فيا وعيطت وكلهم اصرو يجو .

زين : ياحبيبتي .. العملية بسيطة ان شاء الله الدكتور يطمنا ... اهدي بقى .

ليليان : يا حبيبي يابني كنت تعبان ومبتتكلمش .. انا قصرت فيه اوي .

ادهم : اهدي يا ماما .. ولا قصرتي ولا حاجة .

ليليان : لا انا زعلانة اوي من نفسي ... يارب طلعوهولي بالسلامة .

مراد : يا امي اهدي علشان متتعبيش .

( بعد فترة عز طلع من العملية والبنج كان لسه بيطلع منه .. كلهم حواليه قاعدين وليليان ماسكة ايده بتبوس ايده ).

ميرا همست لمراد : عمتو قلبها طيب اوي .

مراد : امي دي رهيبة ... اهدي بس لما عز يفوق هاتقعد تعتذر خمسين يوم لقدام .

عز بيخرف : .ااا....اخدت الب..ت...مني ا...دهم .

‏ادهم بصدمة : يخربيتك يا عز .

‏زين : متاخدش على كلامه ..دا عقله الباطن.

‏عز : ب..بحبها ..مي.را.

‏مراد : صلاة النبي احسن ...قول يا معلم ..طلع اللي جواك .

‏زين : كلو بررا ..محدش يفضل موجود .

‏آسر : استنى يا بابا اشوف هيجيب سيرة هنا والا ايه .

‏زين بحدة : هي كلمة كله برا .

‏( كله طلع برا وفضل زين وليليان موجودين جنبه ).

‏ليليان بتبوس عز : حبيبي يا ابني .

‏زين : خلاص يا ليليان اهو بيفوق .. وهايبقى ان شاءالله كويس .

صباحا في بيت مراد الالفي .

(سارة فاقت وبتمسك راسها من الالم.. حاولت تركز في ملامح الاوضة حست انها عارفة الاوضة وكمان ريحتها .. ريحتها ريحة مراد حبيبها .. بصت حواليها لقته قاعد قدمها وساكت ).

سارة : مراد .

مراد : حمد لله على سلامتك .

سارة : الله يسلمك ... هو ايه اللي حصل انا اخر حاجة شوفتها فريد .

مراد : اممم كان عاوز يخطفك .

سارة : وايه اللي حصل .

مراد : قوليلي الاول ليه قاعدة في بيت مامتك مش قاعدة مع مهاب ؟.

سارة بحزن : عادي علشان متقلش على حد ... وبعدين علشان اتعود على الوحدة علشان لما اسافر مزعلش .

مراد : اممم ..طيب اعملي في حسابك هاتقعدي هنا مع بنتك لغاية ما تتجوز وبعدها سافري .

سارة بدموع : انت بردو عاوزني اسافر .

مراد : سافري علشان الحياة ما بينا مستحيلة ... سافري علشان انتي ترتاحي وانا ارتاح .. وكل الموجودين يرتاحو .

سارة ببكاء : ليه يا مراد هو انا بسبب الاذى للكل .

مراد بعصبية : ايوة ...انتي مسببة الاذى للكل يا سارة .. امبارح كان خطوبة آسر قفلت على حاجة غم وهي ايه ان حضرتك اتخطفتي ... ومين السبب بردو انتي .انتي اللي روحتي اتعرفتي على واحد مريض نفسي ... انتي اللي بردو كنتي هاتحطي بنتك في موقف صعب لو حصلك حاجة ... انتي اللي كنتي هاتبوظي فرحتها ... كله بسببك .

سارة : ياااه يا مراد انا طلعت ....

مراد بعصبية : ولا كلمة ماشي مبقتش عاوز اسمع صوتك ... واسمعي انتي مش هاتخرجي برا البيت دا فاهمة والا لأ ... مش هاتطلعي الا لما تسافري وتجوزي بنتك .. زمان انتي كسرتيها وبعدتيها عني مش هاسمحلك تكرري عملتك وتسافري قبل جوزاها وتزعليها ... اعقلي بقى واكبري .

سارة مسحت الدموع : ماشي يا مراد... انا هافضل علشان خاطر بنتي ... هاطمن عليها واسافر .

مراد وهو خارج من الاوضه : يبقى احسن بردو .

( سارة قامت بتعب دخلت الحمام غسلت وشها وبصت لنفسها في المرايه ..لفت انتباها علامه زرقه فى رقبتها ..اتخضت حاولت تفكر ممكن يكون فريد ..ولا مراد ..طلعت بسرعه لمراد ).

سارة :مراد مين اللى عمل العلامه اللى في رقبتى دى .

مراد : مش عارف .

سارة بصدمه : ياعنى ايه ...ياعنى دة فريد ....فريد لمسنى .

مراد : لأ ...فريد مش لمسك ومحدش يقدر يلمسك .

سارة : ياعنى دة انت .

مراد : لا بردوا ....روحى لبنتك طمنيها عليكى .

***************************

في بيت الجارحي .

عز : ياماما انا كويس والله كفاية عياط بقى .

ليليان : قصرت فيك يا روحي .

مراد : يا امي والله انتي خلصتي دموعك لشهر قدام .

ليليان : مالكش دعوة.

زين : ليليان قومي غيري هدومك .. وانت يا مراد روح نام شوية انت منمتش من امبارح .

ليليان : لا هافضل مع عز .

زين : ياحبيبتي هو تعبان وهاياخد مسكن وينام ... روحي انتي ارتاحي .

ليليان بتنهيدة : حاضر .

( ليليان ومراد خرجو .. وزين فضل مع عز ).

زين : ينفع اللي انت عملته دا .

عز : والله يابابا كنت شايفكو مشغولين وماشاء الله المشاكل نازلة ترف علينا ... قولت بلاش ازعجكو يعني .

زين : ازعاج!!... يغور كل حاجة .. المهم انت وسلامتك عندي .

عز : اللي يشوفك وانت كدا يابابا ميشوفكش وانت كل شوية بتهزقني .

زين : انت عارف كويس انك اقرب حد لقلبي .

عز : حبيبي يا احلى بابا في الدنيا ... ربنا يخليك ليا .. دا انا من الألم كنت بموت .

زين حضنه بسرعة : بعد الشر عليك من الموت يا عز .... متجبش سيرته تاني .

عز : حاضر يا زين الرجال .

*****************************

بعد مرور شهر .

ليان : الفستان تحفة عليكي يا ميرا ... البسيه في الحنة .

ميرا : هاتكسف انتي مش شايفة قصير ازاي .

ليان : ماهي كلها بنات متخافيش ... وبعدين هو ابيه مراد مشوفش .

ميرا بكسوف : لأ .. من وقت ما اشتريته معاكي انتي و هنا خبيته .

ليان : خلاص البسيه في حنتي انا وكاميليا .. المهم بقى علميني الرقص .

ميرا : اه صح يالا .. هاعلمك .

( مراد فتح الباب بالراحة ولقاها بترقص بفستان قصير وكان جميل عليها .. ابتسم بمكر وقفل الباب تاني ).

**********************

في بيت مراد الالفي .

سارة : كنتي اعملي فرح يا قلبي .

كاميليا : ماهو احنا هانتجوز مع ليان وعمر ....وعمر رافض يعمل فرح علشان والدته الله يرحمها .

سارة : الله يرحمها .

كاميليا : وانا يا ماما مش هايبقى ليا نفس طول ما انتي وبابا متخاصمين.

سارة : متخاصمين فين انا وابوكي كويسين .

كاميليا بضيق : انتو مبتشوفوش نفسكو ... تقريبا مبتكلموش بعض ... كل واحد بياكل لوحده ومهما حاولت اجمعكو بردو بفشل في الاخر.

سارة : خلاص يا كاميليا .. مش تجمعينا تاني مع بعض انا قاعدة معاكو علشان مسبكيش في اهم فترة في حياة اي بنت بس بعد كدا انا هاسافر .

كاميليا بدموع : هاتسافري عند تيته سعاد وخالو سامر .

سارة : لأ .. مش هاستحمل عتاب ولوم منهم تاني ... انا هاسافر لندن .. هناك هارتاح اكتر .

كاميليا : ارجوكي خليكي معايا يا ماما .

سارة : انا معاكي اهو يا قلبي ... وبعدين هتحتاجيني في ايه ..ادهم هايبقى مالي عليكي حياتك وكمان بابكي.

كاميليا : بس انتي غيرهم .. انتي امي .

سارة : ارجوكي سيبني براحتي يا كاميليا .

كاميليا : حاضر يا ماما.

سارة: سألتي بابكي عمل ايه في فريد ؟.

كاميليا : لأ سالت ادهم... وقالي ان بابا بهدله وهو دلوقتي محبوس ومش هايخرج من السجن دلوقتي .

سارة بتنهيدة كلها راحة : الحمد لله .

************************

في شركة الجارحي .

هنا: لو سمحتي عاوزة ادخل لآسىر .

: تدخلي كدا مرة واحدة لرئيس مجموعة الجارحي وايه آسر دي اسمها بشمهندس آسر .

هنا رفعت حاجبها دليل على اعتراضها : انتي مالك يا عسل ... انا اصلا مبخادش رايك ... انا بعرف الحمارة اللي قاعدة على الباب .

شاهي سكرتيرة آسر : انتي بتشتميني ... طيب انا هاطلبك الامن وهاخرجك برا المجموعة كلها .

(هنا اتجاهلتها ودخلت لآسر اللي اول ما شافها ابتسم وبعدها اختفت ابتسامته تدريجا لما لقي دموعها ).

اسر : مالك يا حبيبتي .

هنا بدموع : عاوزة تطردني برا يا آسر علشان عاوزة ادخلك .

اسر بص بحدة لسكرتيرته : انتي عاوزة تطرديها انتي اتجننتي دي خطيبتي .

: اسفة يا افندم مكنتش اعرف انك خطبت .. بس حضرتها شتمتني وقالتلي حمارة .

اسر كتم ضحكته بصعوبة : طيب روحي شوفي شغلك يالا .

( السكرتيرة خرجت وهنا كشرت ).

هنا : مين البت دي .

اسر : انتي مش هاتبطلي لسانك الطويل دا .

هنا : مين اللي جاب الملزقة دي هنا.

آسر : العلاقات العامة اختروها علشان شاطرة في شغلها .

هنا : لا اطردها واجاي انا مكانها .

آسر بضحك : علشان مشتغلش صح .

هنا : قصدك ايه ان انا هاشغلك .

آسر : اه الصراحة .. كل شوية هاعاكسك وهاضيع الشغل اللي ابويا بنى فيه سنين .

هنا : لا انا وقت الجد جد انت متعرفنيش .

آسر قرب منها : عرفيني .

هنا بعدت : اعرفك ايه ؟.

آسر قرب اكتر : عرفيني الجد .

هنا بعدت شوية ولزقت في الحيطة وحطت ايديها على صدره تمنعه يقرب : اهدى يا آسر ..ابعد كدا مينفعش.

آسر : انتي اللي جايلي برجليكي .. والصراحة انتي وحشتيني .

هنا بدلع : بجد وحشتك ؟؟.

اسر قرب اكتر ومفيش مسافات ما بينهم : اه اوي .

( آسر لسه هايبوسها الباب فتح مرة واحدة والاتنين انتفضو من مكانهم ).

زين : بتعملو ايه ؟.

آسر بارتباك : ولا حاجة .

زين : فين المشروع اللي قولتلك عليه .

(آسر راح على مكتبه واخد اوراق وعطاها لزين .. في الوقت دا هنا كانت بتهرب بعيونها من نظرات زين ... زين اخد الورق وميل على آسر وهمسله ).

: ابقى اقفل الباب طيب ... كويس انها جت فيا انا ستر وغطا عليك ... بس اعمل في حسابك كتب كتابكو مع ادهم وعمر وابقو اتجوزو بعدين .

آسر باحراج : احم ..ماشي .

هنا : عمو بيقولك ايه ؟.

اسر : مبيقلش يا هنا قلبي ...يالا علشان اروحك .

هنا : اوك .

***************************

مساءا في جناح في احد الفنادق

ميرا : انت جايبنا هنا ليه يا مراد .

مراد : علشان نبقى براحتنا يا روحي .

ميرا : براحتنا ازاي مش فاهمة .

مراد قرب منها : غمضي عينك .

ميرا غمضت ومراد قرب منها وحط قدام عينها حاجة : افتحي عيونك يا ميرتي .

(ميرا فتحت واتصدمت لما شافت فستانها في ايد مراد وعلى وشه ابتسامة خبيثة ).

ميرا :ااا...ايه دا ...جبته ازاي .

مراد شدها ناحيته وهمس في ودانها : هاترقصيلي بيه زي ما رقصتي في اوضه ليان الصبح .

ميرا : بس انت بتقول ايه ..عيب .

مراد : العيب انك تخبي الفستان دا مني يا ميرتي .

ميرا : بتفتش في هدومي .

مراد بمكر : لا وسرقته كمان .

ميرا بكسوف : مش هارقص واعمل كدا .

مراد : قولي والله .

ميرا بضحك : يوووه يا مراد .

**************************

في بيت الجارحي .

عمر : اه يعني انا لما اعوز اجيلك ... اجاي هنا وادهم اخوكي قاعدلي وآسر ناقص والله مراد علشان القعدة تحلو .

ليان بضحك : هانت ياعمر خلاص.

عمر : عمر ايه بس ... اقعدي انتي قولي عمر وانا اتجنن بعد كدا .

ليان : عمو شريف عامل ايه ؟.

عمر : عامل فرح علشان هاتجوز .

ليان : تعرف انا مبسوطة علشان هاقعد معاه انا مبحبش اقعد لوحدي اتعودت هنا على اللمة وكدا .

عمر : انتي مين قالك اصلا ان هاسيبك لحظة انا هابقى زي ضلك يا ليان.

ليان : يعني الحب اللي جواك من ناحيتي مش هايقل بعد الجواز؟؟ .

عمر : لا طبعا ...بالعكس هايزيد ... ليان انتي مش عارفة ان فيه مية حاجة ربطاني مخلياني مقولش كل اللي جوايا .

ليان : مش فاهمة .

عمر : مش مشكلة يا روحي هافهمك بعد ما نتجوز .

ادهم : لا فهمني معاكو .

عمر : لا وربنا كدا كتير يا جدعان الرحمة مش عارف اقولها كلمتين على بعض .

***********************

في بيت مهاب .

مهاب : ايوة بردو ليه الاستعجال يا ماهي .

ماهي : ولا استعجال ولا حاجة .. الولد كلامه صح عاوز يخرج معاها ويبقى براحته وهي على ذمته .. وهو قال ان الجواز بعد ما تخلص .

مهاب : افرض متفقوش تتحسب عليها جوازة يا ماهي .

ماهي : انت شايف يا مهاب ان هما مش هايتفقوا دول بيحبو بعض ... وآسر هايتجنن عليها لولا بنتك منشفة دماغها عاوزة الجواز بعد ما تخلص .

مهاب بضيق : طيب ..يا ماهي بلغيه اني موافق .

ماهي : مالك يا مهاب .

مهاب : سارة مصرة تسافر لندن تاني ... طب زمان كان معاها كاميليا دلوقتي ممعهاش حد هاتقعد ازاي لوحدها .

ماهى : متخافش ان شاء الله مراد مش هايخليها تسافر ... امال هو مقعدها عنده ليه .

مهاب بضيق : مقعدها علشان يضايقها ويغيظها ويحسسها كانها مش موجودة يا ماهي ... مراد مش هايرجعلها .

ماهي بهدوء : اللي عملته فيه مش قليل .

مهاب : اللي بيحب بيسامح يا ماهي .

ماهي : وهي مش سامحت ليه السنين دي كلها .

مهاب بغيظ : انتي معاها والا معاه .

ماهي : انا مع الحق يا مهاب .

****************************

عند ميرا ومراد .

(ميرا نايمة في حضن مراد .. التعب بيزيد عليها والمغص بيزيد حاولت تقوم من حضن مراد معرفتش فضلت في محاولات انها تقوم مراد حضنها كانها هاتهرب منه... اخيرا نجحت انها تقوم ... فضلت رايحة جاية على الحمام من المغص ).

ميرا في سرها : طيب ايه .. ممكن اكون حامل .. طيب ايه الألم دا ... انا احسن حاجة اكلمهم يبعتولي اختبار حمل .. لا مش واحد هاخليهم اتنين .

( ميرا كلمت الريسبشن وطلبت منهم اختبار حمل وجابوه .. دخلت الحمام وعملته وفضلت الثواني في قلق مستنية النتيجة وفي الاخر طلعت شرطتين في الاختبارين .. ضحكت ودمعت في نفس الوقت .. شعور جميل .. باب الحمام خبط .. عرفت انه مراد صحي ... مسحت دموعها وخبت الاختبارين ورا ضهرها .. وفتحت ).

مراد بنوم : قومتي من جنبي ليه يا حبيبتي .

ميرا : قومت علشان تعبت .

مراد بقلق : تعبتي من ايه ؟.

ميرا : مش عارفة ألم في بطني كدا.

مراد : كريزة القولون تاني .

ميرا طلعت الاختبارين وحطتهم في ايد مراد : لا تعبت علشان دا .

مراد : ايه دا ؟.

ميرا : انا حامل يا مراد .

&&&&&&&&&&&&&&&&&&&

قصة عشق الزين للكاتبة زينب محمد الجزء الثاني

الحلقة 27:✌✌

في مستشفى الجارحي .

مراد : انتي ليه اصريتي ان احنا نيجي نتاكد هنا يا ميرا.

ميرا : علشان اوقات اختبار الحمل دا يبقى فيه نسبة خطأ .. علشان لما اقول اني حامل نبقى متأكدين .

مراد : هو ممكن الرقص اللي رقصتيه دة يأثر عليكي .

ميرا : لا ان شاء الله .. احنا هنعمل اختبار الحمل وبعدها ادخل اعمل سونار .

مراد بفرحة : هنشوفه .

ميرا : لا طبعا دا بييقى نطفة في كيس الحمل .

مراد : اممم هما طولو كدا ليه ؟.

ميرا : مراد انت مبسوط اوي كدا ان انا حامل.

مراد : مبسوط بس ...انا هاطير من الفرحة ربنا هايرزقني باطفال منك يا حبيبتي .

( الدكتورة دخلت وفي ايديها تحاليل ميرا اللي اكدت انها حامل ... وطلبت من ميرا تنام على السرير تعمل سونار ومراد واقف ماسك ايديها وببص على الشاشة مش فاهم حاجة ).

الدكتورة : شفت حضرتك يا فندم .. اللي انا بشاور عليهم .

مراد : اه .

الدكتورة : مبروك ..مدام ميرا حامل في تؤام .

مراد بفرحة : احلفي .

الدكتورة بضحك : والله تؤام كل واحد في كيس لوحده .

مراد : طيب هما نوعهم ايه ؟.

الدكتورة : لا لسه بدري شوية لغاية ما نعرف .

ميرا غمضت عينها وحبست دموع الفرح والسعادة وفي سرها : الحمد لله .

( الدكتورة كتبت لميرا على فيتامنيات ووصتها بالراحة والاكل وبعدها مراد اخدها وخرج ).

مراد : اشيلك .

ميرا بضحك : لا لسى بدري على الشيل .

مراد بيفتحلها باب العربية : عاوزهم ايه .

ميرا : كل اللي يجيبه ربنا كويس .. انا راضية .. المهم انهم منك .

مراد : انا نفسي في بنتين ويكونو شبهك كدا وحنيين وقمرات زي امهم .

(ميرا لسه هاتتكلم بس لاحظت راجل واقف دموعه نازلة وحاضن ابنه .. شاورت لمراد عليه .. مراد ركبها العربيه وراحله )

مراد : مساء الخير.

الراجل مسح دموعه بسرعة : مساء النور ..

مراد : معلش لو فيها تطفل مني .. حضرتك مالك .

: مفيش ... انا هامشي حالا .

مراد مسك ايده :اعتبريني زي ابنك في ايه ... ماله ابن حضرتك .

: ابني تعبان اوي ولازم اعمله عملية الزايدة ... والمستشفيات الحكومي لازم اخد فيها دور .. يكون جراله حاجة ..وجيت هنا المستشفى بعد ما بعت دهب مراتي بس بردو مش مغطي مصاريفها .

مراد : يعني انت دخلت للاستقبال وقالك مصاريفها كبيرة ومشيت على كدا صح .

: ايوا يابني .

مراد : طيب تعال معايا يا....هو حضرتك اسمك ايه ؟.

: محمد .

مراد : تعال معايا ياعم محمد .

محمد : لا يابني ... هاتدخل تعمل ايه .

مراد : مالكش دعوة تعال بس .

( مراد دخل للاستقبال وهما اول ما شافوه وقفو احتراما له ).

مراد : انت ازاي تمشي الراجل وابنه علشان مصاريف زفت مستشفى .

موظف الاستقبال : حضرتك دا النظام .

مراد بعصبية : نظام ايه وزفت ايه .... عمرك ما تمشي حد تعبان علشان زفت مصاريف مستشفى .

موظف الاستقبال : حضرتك ما يروح يودي ابنه مستشفى حكومي ولا مستشفى على قد فلوسه .

مراد بغضب : انت مال اهلك انت هي كانت مستشفى ابوك ... على فكرة انت هاتتربى على كلامك دا وهاتتعاقب .

موظف الاستقبال: حضرتك انا اسف بس يعني نظام .

مراد : ولما صاحب المستشفى بيقولك على حاجة تسمع كلامه ... دخل عم محمد وابنه ... وابنه يتعمله العملية .. واي تقصير هاعاقبك انت .

محمد : متشكر اوي يابني... خليه بس يقسط المصاريف .

مراد : خلاص بقا يا راجل يا طيب... يقسط ايه بس .. يالا روح انت مع ابنك علشان الدكتور يكشف عليه ويحدد معاد العملية .

( مراد لف لقى ميرا واقفة بتتفرج عليه ومبتسمة ... قرب منها ).

مراد : خرجتي ليه يا حبيبتي من العربية .

ميرا : مش قولتلك تبان قاسي من برا .. لكن قلبك من جوا طيب .

مراد : مش حكاية قلب .. حكاية ان دا ظلم وحرام ... الراجل ابنه يموت علشان مصاريف مستشفى ... انا هاكلم بابا يشدهم في المستشفى هو اكيد ميعرفش .

*****************************

بعد مرور شهر .

عز : اهو ياستي دا كل الاغاني.. ايه رأيك؟.

ليان : حبييي يا زيزو .

عز : قعديني انا بقا معاكو ... نفسي احضر اوي .

ليليان ضربته بخفة على راسه : عيب يا ولد .. دي حنة بنات .

عز : يووووه طيب البت آية جاية تحضر خلي بالك منها اصل دي هبلة ممكن تعملكو شقلبظات ولا حاجة.

ليليان بصوت عالي : يا زين .

زين جه عليهم : في ايه يا روحي .

عز: الا قولي يابابا هو انت مبتقولش الا روحي حبيبتي قلبي كليتي .

زين : اه وفي ايدي اللي هاتديك قلم يوديك لعمك مراد في ثانية .

عز : عنيف انت يا بابا .

زين بحدة : لم لسانك ... الله يسامحك يا مراد .

وبص لليليان وتابع : انتي عارفة ولاد ادهم وكاميليا ان شاء الله هاخدهم انا اربيهم ... مراد هايعلمهم تربيته السودة .

ليليان : صح يا زين .

عز : انتي على طول صح كدا يا ماما ... مفيش غلط ابدا .

ليليان : اعمل ايه مبقدرش اقول غير كدا مهو كلامه صح .

زين غمزلها : انتي اللي فيهم وربنا .

***************************

مراد : لأ ...قولت لأ يعني لأ .

ميرا بضيق : ليه بقى انا ليا رأي بردو .

مراد : مش عاوز حد يشوفك بجسمك دا بغير .

ميرا : من بنات .... حفلة الحنة كلها بنات .

مراد : ان شالله تكون امي واختي بس ... وعلى فكرة انا زعلت منك جدا انك لبستيه قدام ليان وفي اوضتها كان ممكن حد من اخواتي يفتح الباب ويشوفك .

ميرا : اولا اخواتك محترمين وبيخبطو ولما بيجو بيتحركو بيعملو صوت علشان انتبه ليهم لو كنت قالعة الطرحة .

مراد : عارف وفاهم كل دا يا ميرا وانا مفتحتش الباب عليكو الا لما ماما قلتلي قاعدة مع ليان .. بس بردو الفستان دا مش هايتلبس قدام حد .

ميرا : امال البس ايه يا مراد .

مراد : عندك حاجات كتير في دولابك بس دا بالذات لا ... وبعدين بطنك انتي مش شايفها .

ميرا : على فكرة بقا انا سألت البيت كله وقالو مظهرش حاجة انت بس اللي بتضحك عليا بتعقدني من الفستان .

مراد : اه فعلا ... وبعدين تعالي هنا والله لو سمعت انك بس رقصتي ولا وقفتي من مكانك هاعلقك من رجليكي .

ميرا : طيب انا رقصت قبل كدا وانا حامل ومحصلش حاجة على فكرة دي كلها مفاهيم غلط عن الحامل .

مراد : يالهوي عليا بقولها بغير تقولي مفاهيم غلط عن الحامل .

ميرا بتفكير : طيب ماشي هاسمع كلامك بس انا ليا طلب .

مراد : شرط ايه دا ؟.

ميرا : على فكرة انا قولت طلب مش شرط .

مراد شدها قعدها على رجله : ماهو لما تقولي ماشي مش هالبس بس ليا طلب ... يبقى مش طلب دا شرط.

ميرا : لا هو طلب وانا عارفة انك طيب وهتوافق .

مراد : قولي يا روحي .

ميرا : انا من وقت ما شوفت الولد اللي كان في المستشفى وانا اعصابي تعبانة اوي يا مراد .

مراد : ليه يا روح قلبي مانا دخلته العمليات قدامك وكلمت بابا وبابا بهدلهم وغير طقم العمل كله ومدير المستشفى .

ميرا : بردو انا عاوزة اعمل خير .

مراد : مش فاهم .

ميرا : ايه رأيك لو نزلت يومين في المستشفى انت هاتحددهم واكشف ببلاش على الناس المحتاجة للي مش قادرين يدفعو حق الكشف واكتر حالة عاوزة عمليات وظروفهم صعبة هاحولها لدكاترة يعملو ليها عملية.

مراد : فكرة حلوة وممكن نعملها من غير ما تنزلي المستشفى ...وعلى فكرة المستشفى اللى بتتعمل فى الشرقيه بفلوس يوسف هاتبقى مجانى وللمحتاح .

ميرا : لا انا عاوزة اعمل كدا ... انا عاوزة الثواب و بحب اشتغل .. وبعدين هاسلي وقتي .

مراد : ميرا انتي حامل وكمان في بطنك تؤام يعني مع الشعور هاتتعبي ... انا كنت عاوز انتقل في شقة لوحدي مرضتش يا ميرتي علشان خايف عليكي تتعبي وانا مش موجود .

ميرا : ليه ننقل لوحدنا على فكرة انا حبيت القعدة مع عمتو واخواتك .. لا مش هاقعد لوحدي ... المهم وافق علشان خاطري .

مراد : وان تعبتي بقى هاعمل ايه .

ميرا : هاقعد وحد مكاني يكمل .

مراد باسها في خدها : ماشي .. انا تحت امر ميرا وطلبات ميرا .

ميرا : روح ميرا انت .

*******************************

مساءا في بيت الجارحي .

( الحنة كانت جميلة وهنا بجنانها كانت مولعة الجو ... والفرحة كانت على وشوشهم ).

ماهي شدت هنا : اقعدي بقا .. بطلي زغرطة .

هنا : ليه يا ماما دا احنا حتى في فرح .

ماهي : يابنتي بطلي جنان وهبل .

هنا : اسكتي دا انا هاعمل مصايب في فرحي ... دا انا هاطلع من العربية ارقص .. وهاعمل فرح مصر كلها تحكي عنه .

ماهي : الله يكون في عونك يا آسر ... والله صعبان عليا .

هنا : اسر قالي اعملي اللي نفسك يا هنون .

ماهى : ياحبيبي خايف على نفسه منك ومن جنانك .

هنا وهي بتقوم : مفيش احلى من كدا ..

******

ليليان : افرحي يا سارة ..دا فرح كاميليا بكرة .

سارة بدموع بتمسحها بسرعة : فرحانة اهو .

ليليان : معلش يا قلبي .. معلش .. انا مش عارفة اقولك ايه ؟.

سارة : متقوليش خلاص اللي عملته اخدت جزاءه .

ليليان : يا حبيبتي بالراحة على نفسك شوية .. بردو دا كان غصب عنك .

سارة : مش مقدر ... بيعاملني معاملة وحشة اوي يا ليليان لو قاعد هو وكاميليا وجيت قعدت معاهم يقوم ويسيبني ومبياكلش معايا .. بياكل لوحده .. حتى الصباح بيصبحه على كاميليا بس ... نظراته ليا كلها قسوة .

ليليان : طيب انتي ايه اللي غصبك على كدا ... مكنتيش تقعدي معاه كنتي اقعدي مع مهاب .

سارة : اتهمني ان زي ما زمان عاقبت كاميليا وحرمتها من ابوها ... هاحرمها من وجودي معاها في اكتر وقت هي محتاجني فيه .

ليليان : بس انتي مش هتستحملي ضغط الاعصاب دا .

سارة : اهو خلاص كاميليا هاتتجوز بكرة وانا هاسافر.

ليليان : وتسيبني ... دا انا ما صدقت انك رجعتيلي .

سارة : غصب والله بس مش هاقدر اقعد في مكان كله رافضني فيه .

كاميليا جت عليهم : ماما تعالي ارقصي معايا يا حبيبتي .

( سارة مسحت دموعها بسرعة وقامت معاها ... بتحاول تظهر الفرحة وهي جواها نار بتقيد ).

****************************

في احد النوادي .

ياسمين : ريهام!!!!

ريهام بتبص في تليفونها : ايه ؟.

ياسمين : مش دا زين الجارحي .. بيشاور عاوزك .

(ريهام رفعت وشها مرة واحدة لقت زين في وشها بيشاورلها ...قامت راحتتله )..

ريهام : ازيك يا انكل .

زين : كويس .

ريهام : حضرتك عاوزني .

زين : اه عاوزك ... انا جايلك علشان حاجة واحدة بس... لو خايفة على مستقبلك ونفسك ومستقبل ابوكي وعيلتك كلها ابعدي عن عيلتي احسنلك .

ريهام بارتباك : ااا...عملت ايه ياعمو .

زين بحدة : هاقولك ... مثلا الواد التافه اللي مكلفاه يراقب ميرا مرات مراد علشان يخطفها .. رجالتي مسكوه واعترف عليكي .. انا كنت عارف ان واحدة زيك مش هتسكت .. بس والله لو فكرتي بس تمسي حد من ولادي لاقتلك وانا مش بحلف كدا ... كله الا ولادي .. لو مش عارفة مين زين الجارحي ... اسالي عني .. او اسالي والدك عني .

ريهام : الواد دا كداب انا معملتش حاجة وانا هاخطف ميرا دي ليه ؟.

زين بمكر : علشان خطفت قلب مراد اللي انتي كنتي بتحاولي تجذبي نظره ليكي .. اوعي تكوني فاكرة اني مش عارفك وفاهمك تؤتؤ يبقى متعرفنيش .. انا بس كنت سايب آسر يعرفك بنفسه ويكشف وشك الحقيقي .

ريهام : ااا....

زين : نهاية الكلام ... ابعدي عننا علشان انا زعلي وحش وبلاش تجربيه .

(زين مشي وساب ريهام جت ياسمين عليها ).

ياسمين : كان عاوز ايه ؟.

ريهام بضيق : مفيش ... ماتيجي نسهر في اي مكان .... انا اتخنقت .

********************************

تاني يوم

في احد المساجد .

( تم عقد قران ادهم وعمر وآسر ... واجواء الفرح كانت باينة على وشوش الموجودين ).

مراد الالفي : خلي بالك منها يا ادهم .

ادهم بفرحة : في عنيا متقلقش ... يالا يا كاميليا .

كاميليا حضنت ابوها : هاتوحشني اوي يابابا... اتعودت على وجودك في حياتي .

مراد : حبيبتي هاتروحي مني فين .. هاترجعو على البيت .. وهتفضلي جنبى على طول .

سارة بدموع: هاتوحشيني يا كاميليا اول مرة تبعدي عن حضني .

كاميليا بعدت عن مراد وحضنت سارة : ماما ..اوعي تسافري الا لما ارجع من السفر .

سارة بصوت مبحوح : حاضر .

ادهم : يالا يا كوكو معاد الطيارة جه .

كاميليا : اوك يالا .

( ادهم اخد كاميليا وسلم على اهله ومشي .. سارة قعدت على الكرسي ودموعها نازلة في صمت ).

مراد : يالا علشان نروح .

سارة رفعت وشها وعيونها بتسأله بأمل : نروح؟.

مراد : علشان لما تيجي من اسبوع الاجازة تلاقيكي .. وبعدها تسافري .

سارة : مفيش امل .

مراد : لا .. يالا .

******

زين : يا حبيبتي سيبي ايدها بقى .

ليليان بدموع : والله ياعمر لو فكرت تزعلها ... هازعل منك .

عمر : وانا ازعلها ليه بس .. دي حبيبتي وحياتي .

زين : احترم ابوها اللي واقف .

عمر : طيب يالا بقى الواد ادهم خلع وانا هافضل كدا متحاصر منكو .

مراد الجارحي : ايه ياعم اختي .. اول مرة تبعد عننا .

زين : خلاص بقى يا لي لي سيبها خليها تروح مع جوزها .

ليان بعدت عن ليليان وحضنت زين : هاوحشك يابابا؟؟ .

زين : روح ابوكي انتي ..

وتابع بهمس : انا اصلا مكنتش عاوز اجوزك لحد .. بس حرام الواد عمر صعبان عليا .

ليان : هههه صح حرام .

عمر شد ليان : مع السلامة بقى يا جدعان هنشوفكو على خير .

عز : ايوا بقى انت كدا اطمنت على عيالك ... اطمن عليا انا كمان .

زين واخد ليليان في حضنه بيمسح دموعها : وانت عاوز ايه يا اخرة صبري .

عز : اتجوز .

مراد : ياخي خلص تعليمك الاول .

ميرا : من حق يا عز انت نفسك تطلع ايه .

عز : دكتور ان شاء الله ... دكتور عز زين عز الدين الجارحي .

ميرا : احلى دكتور دا ولا ايه .

عز : احلى ميرا دي ولا ايه .

مراد ضربه على قفاه : احلى قفى دا ولا ايه .

عز : اه ياعم ايدك صعبة اوي .

ميرا بضحك : انت هاتقولي ...ايده تقيلة بشكل .

مراد : والله قلبك اسود .. انتي عمرك ما تنسي .

ليليان : انت عاوز تتجوز ياعز وتبعد عني مش كفاية البيت فضي عليا .

زين : احسن والله نفسي يفضى مش واخد راحتي .

مراد : على قلبك يابابا ... وبعدين يا ماما ميرا اهي كلها كام شهر وتجبلك البيبهات ربيهم انتي يا حبيبتي ... احنا مش فاضين نربي .

عز : امال فاضين لايه .

مراد غمزله : نجيب غيرهم .

عز : ياشقي .

آسر بصدمة : ملاهي يا هنا... يوم ما اكتب كتابي .. تجيبني ملاهي ! .

هنا : كنت بحلم باليوم اللي هاطلع فيه مع جوزي ونروح فيه ملاهي ونلعب مع بعض .

آسر: العب! ... يابنتي والله انتي فهماني غلط .

هنا بتكشيرة : يالا بقى يا اسورة .

آسر : اسورة ايه بس... بقا انا بقالي ساعة بتحايل على ابوكي اخرج معاكي وانتي توديني ملاهي .... ليه ؟.

هنا : انا من حقي اروح المكان اللي نفسي فيه .

آسر : طيب هاتلعبي ازاي بالكعب العالي دا .

هنا : لا احنا هنروح المول نجيب لبس ونغير ونلعب بقى.

آسر : اه وابوكي يشوفنا مغيرين لبسنا ... ويشك فينا على طول .

هنا : دماغك وحشة ... انا معرفاهم اصلا هنعمل ايه .

آسر : مكنش يومك يا آسر .

( هنا اخدت آسر ونفذت الخطة زي ماهي عاوزة . ولعبو في الملاهي واتجننت وهو استحمل جنانها ... وفي اخر اليوم وقف قدام بيتها ).

هنا بتعب : بس الله يكرمك .. الواحد تعب اوي .

آسر شدها ناحيته : ايه هو مفيش كلمة تبسطني في اليوم دا .

هنا : انت مفرحتش انهاردة؟؟ .

اسر : الحقيقة هو انتي اللي فرحتي مش انا .

هنا بدلع : طيب ايه يفرح حضرتك .

آسر قرب منها اكتر : انتي وزوقك .

هنا : بحبك يا آسر ... بحبك اوي .. بحبك من اول مرة شوفتك فيها في الجامعة وكنت بموت كل ليلة وانت خاطبها .

(آسر بصلها بحب وشوق وشدها ناحيته اكتر وباسها ... وهي نسيت نفسها وبادلته بوسته ليها ).

آسر بعد عنها ويبعد شعرها وبهمس : بحبك اوي يا هنايا .

*****************************

في بيت مراد الالفي .

(مراد واقف بيعمل قهوة وسارة جت عليه ).

سارة : انا ممكن اعمالهالك .

مراد : مش عاوز منك حاجة .

سارة مسكت ايده : ابعد انت... كنت طول عمرك بتحبها من ايدي .

مراد : كان زمان قبل ما تموتي .

سارة : وطلعت عايشة .

مراد : بس ميتة من جوايا.

سارة دموعها نزلت بسرعة : هو انا ممكن اطلب منك طلب .

مراد : لو هنرجع لبعض لا .

سارة : متخفش عارفة انه لا ... بس انا عاوزة طلب اخير ... او اعمل حاجة ومتبعدنيش .

مراد قلبه دق بعنف : ايه ...عاوزة ايه .

سارة : موافق الاول .

مراد : على ايه .

( سارة قربت منه ورفعت نفسها وشدته ناحيتها وباسته برقة ... هو متمالكش نفسه مراته وحبيبته بين ايديه ... حضنها له واتجاوب معاها .. بعدها جه في باله اللي عملته فيه .. بعدها عنه بالراحة ).

سارة : مراد انا بحبك والله ... حتى لما عملت كدا فيك كنت بحبك بردو .

مراد بتنهيدة : عارف وانا بحبك.. بس حقيقي مش قادر يا سارة مش قادر انسى اللي عملتيه فيا .. سامحيني مش هاقدر اكمل معاكي تاني .

(مراد سابها ودخل اوضته ونام على السرير بيحاول يتحكم في انفعالاته ).

************************

بعد مرور يومين .

(ليان قاعدة على البحر وعمر قاعد جنبها ماسك ايدها ).

ليان : لما كنا في الساحل ... اتمنيت اقعد هنا على البحر وانت معايا .

عمر : كنت براقبك .... مغبتيش لحظة عيني .

ليان : كنت بحس ان عيونك بتراقبني .

عمر : انا امتى عيوني بعدت عنك يا ليان من صغرك وعيوني بتراقبك .

ليان : مكنتش اعرف انك بتحبني الحب دا كله .

عمر : والله الحب دا كلمة صغيرة على اللي انا حاسه من ناحيتك.... انا اصلا مش مصدق انك معايا وملكي .. انا اليومين اللي فاتو وانتي نايمة في حضني كنت بصحى في عز النوم اتأكد انك معايا .

ليان مسكت وشه : انا حقيقة وانت حقيقة وحبنا حقيقة يا عمر ... انا عمري ما ابعد عنك ابدا ..وانت كمان اوعدني انك عمرك ماتبعد عني .

عمر : الحاجة الوحيدة اللي هتقدر تفرقني عنك هي الموت يا ليان .

ليان حضنته بسرعة : بعد الشر عنك يا حبيبي .

عمر : بحبك .

*********

في تركيا .

كاميليا واقفة بتضحك قدام الراجل اللي بيبع ايس كريم .

ادهم : مايخلص بروح امه ... مش كان ايس كريم دا .

كاميليا : هههه براحته انا مبسوطة .

ادهم شدها مرة واحدة ومشي بيها وهي وقفته

كاميليا قربت منه : مالك يا دومي .

ادهم : بتضحكي مع الزفت دا ليه ؟.

كاميليا : بذمتك حركاته متضحكش .

ادهم : لا بارد ودمه تقيل .

كاميليا بدلع : بتغير يا دومي؟؟ .

ادهم : انتي بتدلعي عليا في اوقات غلط .

كاميليا : طيب بحبك .

ادهم : عادي على فكرة انا ممكن ارزعك بوسة دلوقتي قدام الناس دي كلها .

كاميليا بهمس : عيب .

ادهم : لا مش عيب .

ادهم لسه بيقرب كاميليا جريت منه وضحكت وطلعت لسانها .

ادهم : اهو عيب الواحد يتجوز واحدة معشتش طفولتها .. اوووووف خدي يابنتي هنا ... مبقتش قادر اجري وراكي .

*************************

في المطار .

( كلو واقف بيودع سارة ماعدا مراد .. ليليان دموعها نازلة ومش عارفة تتحكم فيها وسارة بتحضنها وبتهديها).

سارة : خلاص بقا يا ليليان ... خلاص الدنيا اتقدمت وهافتح نت واشوفك .

ليليان : هتوحشيني اوي .

سارة : وانتي كمان والله .

زين : دا قرارك يا سارة خلاص .

سارة : ايوا ... خلي بالك منها يا زين .

زين : خلي بالك من نفسك .

سارة بصت لمهاب وحضنته وهمستله : خلاص يا مهاب اللي فات مات ... انسى وبلاش تعذيب الضمير دا .

مهاب : حاضر .

سارة بصت لماهي : هتوحشيني ياللي على طول حاطة نقرك من نقري .

ماهي بدموع : والله غصب عني يا سارة كنت عاوزكي في احسن حال .

سارة : مش زعلانة يا ماهي ... وانتي يا ست هنا بطلب تشاكسي في الكل .

هنا : حاضر هابقى مؤدبة .

كاميليا : ماما .... مع اول اجازة لادهم هاجيلك .

سارة : ان شاء الله ... خلي بالك منها يا ادهم اوعى تزعلها .

ادهم : يعني هو مراد هايسيبلي فرصة اني ازعلها .

عز : هتوحشيني يا طنط سارة .

سارة اخدته في حضنها : والله انت الوحيد اللي هتوحشني بجد ... كان نفسي يبقى ليا ابن زيك كدا ..

عز همسلها : انا هاجاي اكمل تعليمي برا وهاقعد معاكي متقلقيش .

سارة بضحك : مستنياك .

سارة بصت لميرا : مكنتيش تيجي وانتي تعبانة كدة يا حبيبتي .

ميرا : ازاي يا طنط لازم اجاي اسلم عليكي انا حبيتك اوي .

مراد الجارحي : يالا تعالي علشان .. اخلصلك اجراءات المطار .

( سارة خلصت اجراءاتها وطلعت الطيارة وقعدت مكانها وغمضت عينها ودموعها نزلت غصب عنها ... ليليان الوحيدة اللي عيطت من قلبها .. كله كان بيسلم عليها سلام عادي حتى كاميليا كان سلامها عادي ... حست بايد بتمسح دموعها فتحت عينها ).

مراد بابتسامة : ممكن القمر تدخل جوا علشان اقعد مكانك .

سارة قلبها دق بعنف : م..مراد .

مراد : اممم مراد يا روح مراد .

سارة : انت هنا بتعمل ايه .

مراد : انا هنا علشان حبيبتي مسافرة وسايبني .

سارة : انت هتسافر معايا .

مراد : اممممم رايح اقضي سنة عسل مع مراتي .

سارة بابتسامة : انت سامحتني .

مراد قعد جنبها ومسك ايديها وباسهم : سامحتك ... وخلاص ما بقاش في العمر كتير علشان نفضل زعلانين ... عاوز اعيش اللي بقيلي من عمري معاكي .

سارة بدموع : مش هاتقعد كل شوية تزليني باللي عملته فيك .

مراد مسح دموعها : خلاص يا عمري انسي .

سارة : ليه خلتيني احجز واسافر .

مراد : من حقي اقضي سنة عسل كدا .

سارة : سنة؟؟ .

مراد : مش عاوز اشوف حد فيها ... عاوزك انتي وبس .

سارة : وحشتيني اوي يا مرادي .

مراد : وانتي وحشتيني اوي يا حبيبتي ... لما نوصل مش عاوز اسمع صوتك .

سارة بهمس : ليه ؟.

مراد : علشان نركز واحنا بنجيب اخوات كاميليا .

سارة بكسوف : يالهوي عليك .... انت بتفكر ازاي ... خلاص احنا كبرنا .

مراد : دا انتي مش انا .

سارة بضحك : اخوات كاميليا هههههههههههه.

***************************

بعد مرور يوم .

(في يخت عشق الزين ..ليليان واقفة باصة للمية وسرحانة زين جه من وراها وحضنها ).

زين : مبسوطة؟؟ .

ليليان : اوي .. اخيرا اطمنا على كله .. اخيرا كل واحد لقي نصه التاني .

زين : انا عملت دا كله علشان اشوف الفرحة دي في عيونك .

ليليان : ياسلام زي ما خبيت عني ان مراد مستني سارة على الطيارة كلكو كنتو عارفين وخبيتو عليا .

زين لفها ليه : بذمتك انتي لو كنتي عارفة مكنتيش هتروحي وتقوليلها .

ليليان : ايوا طبعا انا اشوف دموعها ليه ما افرحها .

زين بضحك : اهو عز قالنا كدا .. قال بلاش ماما تعرف .

ليليان بتمثيل : لا انا زعلانة .

زين باسها من خدها : متزعليش يا قلبي .

ليليان : انت لسى ندمان على جوازتك مني يا زين .

زين كشر : هو انتي ليه يا ليليان بتحبي تفصيلني كدا .

ليليان بضحك : خلاص فك تكشيرتك دي .. انا بطمن بس .

زين قرب منها وسند جبينه على جبينها :تطمني على ايه ... على حبك اللي بيزيد في قلبي ... تطمني ان انا مبقتش قادر اتخيل حياتي من غيرك.... تطمني على ايه يا ليليان على ان كل يوم بحمد ربنا عليكي وعلى حبك ... انتي رزق حلو اوي من عند ربنا ... انتى حاجة كبيرة اوي جوايا .. بقيتى جزء مني ... مينفعش زين يعيش من غير ليليان .

ليليان قربت منه وباسته في خده : ومينفعش ليليان تعيش من غير زين ...من غير زين الرجال .

زين : بحبك ..ياعشقي الاول والاخيرة .

***************************

بعد مرور ثلاث الشهور .

في لندن .

سارة واقفة بتظبط طرحتها ومراد كل شوية بيوظها .

سارة : انت مش هاتبطل بقى حركاتك دي .

مراد : لأ .

سارة : على فكرة هما على وصول ... وعيب يجو ومش يلاقوني في استقبالهم .

مراد بضيق : انا مش عارف ليه اصلا عزمتيهم يا سارة ... انا مش قايلك مش عاوز اشوف حد سنة .

سارة بدلع : يعني مزهقتش مني يا مراد .

مراد : زهقت ودي كلمة تقوليها ... بقى انا محروم منك بقالي ٢٠ سنة ولما تبقي بين ايديا ازهق منك .

سارة : ظلمتك اوي .. وظلمت نفسي معاك .. بس خلاص اتعلمت الدرس حلو اوي .

مراد : معلش يا حبيبتي اوقات لما بناخد قرارت غلط في حياتنا لازم نتعاقب علشان نعرف الصح والغلط وعواقبهم ايه .

سارة : انت راجل عظيم ... ظلمتك وبتبررلي اللي عملته فيك .

مراد بتنهيدة : انا قولتلك خلاص يا سارة .. انسي مش هانقضي اللي فاضل لينا في عتاب وزعل وغم .

سارة مسحت دموعها : نفسي اطلب منك طلب يا مرادي .

مراد باسها برقة : اطلبي يا روح مراد .

سارة : نفسي لما ننزل مصر نتبنى طفل بيبي ونربيه ونكبره ... اهو نعيش اللي انا وانت اتحرمنا منه .

مراد : طيب ماهي كاميليا اهي ماشاء الله حامل ... نربي عيالها احنا .

سارة : لأ... مهما كان هانبقى جدو وتيتة ... انا عاوزة بيبي اربيه واكبره ويقولي ماما ويقولك بابا .

مراد : كاميليا ممكن تزعل تحس ان اهتمامنا اتنقل لحد تاني .

سارة : كلمتها وهي وافقت .

مراد : انا شايف قرارات بتتاخد من غيري .

سارة : لا هو انا اقدر يا مراد ... انت ليك القرار الاخير .

مراد : مش انتي عاوزة كدة انا موافق .

سارة حضنته : انا كنت غبية اوي لما ضيعتك من ايدي .. ربنا يخليك ليا والله متعرفش انا بحبك قد ايه .. بحبك اوي يا روح قلبي .

مراد بحنية : وانا بحبك اوي ... انسي بقى يا حياتي خلينا نعيش حياتنا .

( بعدو عن بعض لما سمعو صوت جرس الباب ).

سارة بفرحة : ليليان وزين جم .

مراد شدها : استني اوعي تعزمي حد يقعد هنا .. انا لسى عريس .

سارة بضحك : يعني هو زين هايرضى يقعد معانا .. دا مبيسبش فرصة الا هو وليليان لوحدهم .

( مراد فتح ليهم الباب لقي زين واقف بيبصله بضيق ).

مراد : في ايه ؟

زين : ساعة علشان تفتح .

مراد : ايه عريس ياعم .

زين : عريس الغفلة ... وسع كدا

وتابع كلامه : ادخلي يا لي لي زمانك بردانة .

ليليان همستله : عمرك ما تتغير ابدا .

زين بنفس همسها : ينفع اتغير على عشق الزين .

الحلقة 28  والاخيرة:✌✌

بعد مرور خمس سنوات .

ميرا : بتعمل ايه يا مراد .

مراد : لي لي جابتلي كراسة الرسم وطلبت مني ارسملها حرب اكتوبر وبرسملها اهو .

ميرا قعدت جنبه : يا سلام على لي لي ... كله الا دي عندك.

مراد : طبعا لانها شبهك وشبه امي اغلى اتنين على قلبي .. ومعرفش بحبها اوي وطبعا بحب ادم بردو زيها اوي .. بس مش عارف قلبي متعلق بيها زيادة .

ميرا : دايما اسمع من عمتو ان البنت حبيبة ابوها .

مراد بضحك : اه والواد ابن امه .

ميرا خبطته بخفة : ايه ابن امه دي ... هو فيه زي دومي اصلا .

مراد حط الكراسة على جنب وقرب منها : طيب ايه ... الجميل مش ناوي على بيبي كمان .

ميرا بصدمة : بيبي كمان انت بتهزر هو انا قادرة على الاتنين دول ... لولا مساعدة عمتو ليا في تربيتهم كنت انتحرت .

مراد بضحك : انتحرتي مرة واحدة .

ميرا : اه والله .

مراد شدها ناحيته مرة واحدة : طب هو ينفع مراد حبيبك يسييب ميرا قلبه تنتحر .

ميرا بكسوف : بس علشان علشان لو الولاد دخلو مرة واحدة .

مراد : متخافيش عند جدتهم بيلعبو مستنين عز يجي من السفر .

ميرا : طيب بردو اوعى يا مراد .

مراد : لأ مش هانطلع من الاوضة دي الا واحنا جايبين نونة صغيرة لادم ولي لي .

ميرا : على فكرة بقى دا قرارنا احنا الاتنين .. مينفعش تاخد قرار كدا من غير رأي .

مراد بمكر : منا قولتلك اهو حتى انتي وافقتي .

ميرا : انا وافقت فين ..

مراد : قولتي من شوية ماشي يا مراد انا موافقة .

ميرا : اوعى انت نصاب كبير .

مراد اخدها في حضنه : خلاص مراد الجارحي قرر وهانفذ مفيش خروج من الاوضة .

******************************

كاميليا : طيب بصي الفستان دا جميل .

سيلا بتكشيرة : لأ.... مس عاوزة .

كاميليا : يابنتي يا حبيبتي ارحميني انتي غير يحيى .. يحيى ولد انت بنت جميلة لازم تلبسي فستان .

سيلا : لأ .

كاميليا : على فكرة لي لي هاتبقى لابسة فستان جميل و عمو عز لما يشوفها هايحبها لكن انتي هايقول عليكي وحشة .

سيلا : لأ .

كاميليا اتنرفزت : على فكرة كدا عييييب ... لما تقوليلي لأ .

ادهم دخل على صوتهم : في ايه يا كوكو بتزعقي لسيلا ليه.

كاميليا : ينفع يا ادهم اقولها تلبس زفت فستان تقولي عاوزة تلبس زي يحيى .

ادهم : لا يا سيلا يحيى ولد انتي بنت يا حبيبتي .

سيلا : جدو قالي سيلا براحتها تعمل اللي هي عاوزاه.

ادهم ميل بهمس على كاميليا : شوفتي ابوكي وتربيته .

كاميليا : اوك خلاص البسي اللي انتي عاوزاه بس انا زعلانة منك .

(سيلا وقف والدموع اتملت في عنيها وبعدها انفجرت من العياط وادهم جري عليها ).

ادهم : ايه يا روح قلبي متعيطيش ..

سيلا : مامي زعلانة مني .

ادهم : كاميليا صالحيها .

كاميليا : لأ لما تسمع كلامي الاول .

سيلا : خلاص اسمعه كله .

كاميليا قربت منها وباستها : انا عاوزكي تكوني اجمل واحدة انتي بنوتة رقيقة تلبس فساتين حلوة .

سيلا : حاضر .

كاميليا : يالا روحي سرحي شعرك .

( سيلا خرجت ..وادهم بص لكاميليا وسكت ).

كاميليا : انت لسه زعلان مني يا دومي .

ادهم مبيردش وساكت بيلعب في تليفونه .

كاميليا : خلاص بقى وحياتي .

ادهم : ينفع كدا من امتى واحنا مشاكلنا بنحكيها لحد ... غلطت انا في ايه يا كاميليا علشان تحكي لامك وابوكي يدخلو في حياتنا .

كاميليا : يا ادهم انا مستغربة بس فكرة انك رافض تخلف تاني .

ادهم بنرفزة : ايوة وليا الحق على فكرة ومن وقت ما خلفتي سيلا وانتي اهتمامك وتركيزك كله عليها امال لو فكرنا نجيب طفل كمان هاتعملي ايه .

كاميليا بدموع : انا اهملتك؟؟ .

ادهم حن لدموعها : مبحبش اشوفك بتعيطي ... وقولتلك كدا كتير .

كاميليا : انا بس كل الحكاية اننا لازم نهتم بيها اللي زمان حسيته مش عاوزاها تحسه يا ادهم ..احساس الوحدة ، ماما كانت معايا بس بعيدة ... ابويا محرومة منه ولا ليا اخ ولا اخت دي كل الحكاية مش عاوزة سيلا تتحرم من دا كله .

ادهم : يا حبيبتي اللي حصل زمان انسيه حصل غصب عن ارداتنا ... ومش لازم اللي حصلك يحصل لبنتك .. انا معاكي ان نجبلها اخ واخت تلعب معاهم بس بردو انا يا كاميليا فين من دا كله ... انا حاسس انك مش معايا .. عايشة في اوهام الماضي .

كاميليا بصوت مبحوح : خايفة والله .... خايفة اوي السنين تعدي ما بيني وبينك وتفرقنا .

ادهم : وتفرقنا ليه بدام انا وانتي بنحب بعضنا .... مش انتي بتحبيني .

كاميليا : اه بحبك اوي .. انا كل يوم بحمد ربنا ان انا لسى معاك .

ادهم اخدها في حضنه : انا معاكي وعمري ما هاسيبك ابدا .. انتي اصلا الاكسجين اللي بتنفسه .

كاميليا بابتسامة من بين دموعها : اكسجين!! ... عليك كلام .

ادهم : اممم شفتي رومانسيتي غريبة .

كاميليا : دومي .... اوعدني ان عمرك ما تسيبني .

ادهم : في حد يقدر يبعد عن قلبه ... يعرف يعيش من غير قلبه .

كاميليا بدلع : انا قلبك .

ادهم : وروحي وعقلي وكل حاجة في دنيتي .

*********************************

في شركة الجارحي .

هنا حطت الاوراق بنرفزة قدام آسر : اتفضل.

آسر بفزع : بسم الله الرحمن الرحيم .

هنا : خضتيك ليه يا آسر؟؟ انا بخض في ايه ان شاء الله .

اسر : مش من حاجة ياحبيبتي .

وفي سره :بدأنا موال كل يوم.. ارحمني يارب .

هنا : بتقول ايه يا آسر ... بتقول ايه في سرك .

آسر قام من مكانه وراحلها : بقول هنوني مقموصة ليه ...كفاية زعل علشان اللي في بطنك .. اصل وربنا حاسس انه هايطلع نكدي .

هنا : قصدك نكدي ليا ... قصدك كدا صح .. قول اعترف .

آسر : لا كدا كتير عليا ... مالك يا هنا .

هنا : مش عارف مالي ... تخرج تتعشى مع البت اللبنانية امبارح ومترضاش تاخدني معاك .

آسر : ياحبيبتي هو انا رايح اهزر معاها ... انا رايح في شغل ... وبعدين اخدك ازاي انتي بتبقي تعبانة من الشركة وبطنك المنفوخة دي ... وبعدين انا متأكد انك كنتي هاتبوظي الاجتماع .

هنا : تعبانة ايه ؟... وشركة ايه؟ ... انت بتخليني اشتغل؟؟ انت بتخليني ادخلك الورق اللي باخدو من السكرتيرة بوصل اوراق يعني .

آسر : طب والله بفكر ادخل مكتبك هنا وتبقي تحت عيني... وبلاش حوار توصيل الاوراق علشان بقلق عليكي من مكتبي لمكتبك .

هنا : اه كل بعقلي حلاوة .... بتقلق قال .

آسر : نرفوزة اوي انتي يا هنايا.

هنا بدلع : اوعى كدا انا زعلانة منك .... انا مبقتش هناك خلاص .

آسر : لا انتي هنايا وهتفضلي طول عمرى هنايا... بس وحياتي بلاش غيرتك دي ... انتي مطفشة نص العملا بتوع الشركة .

هنا : بغير وهما بيدلعو عليك يا آسر وانا بتجنن مبشوفش قدامي .

آسر باسها في خدها : يسلملي الغيران .

هنا : هتروح تتعشى مع البت اللبنانية تاني ؟.

اسر : لا خلاص هاكلف حد بالمهمة دي... المهم هنايا تبطل نكد عليا .

هنا :لا خلاص مفيش نكد ... يالا نروح بقا نغير هدومنا علشان عز .

آسر : واحشني الواد دا .

هنا بهمس : وانت كمان وحشتيني .

اسر : لا انا بقول نروح بسرعة علشان بس الحق اصالح هنايا حلو قبل ما نروح لعز .

هنا : صح .. يالا.

*****************************

ليان شايلة بنتها وبتغني بصوت هادي : حبيبة امها ياخواتي بحبها ياخواتي ... ياخواتي .. ياخواتي بحبها دي حبيبة امها .

( عمر دخل عليها وابتسم لغناها الحلو ... ليان هادية وجميلة ومن وقت ما دخلت البيت غيرته وملته سعادة وفرح وكملته باجمل هدية فيروز الصغيرة ... راحلها واخد فيروز نايمها في سريرها ).

عمر : حبيبتي عاملة ايه لسى تعبانة ؟

ليان بتعب : اه تعبانة اوي ... وكمان فيروز تعباني اوي الفترة دي .

عمر : مش عارف كانت هادية .. اتغيرت وبقت متعلقة بيكي اوي .

ليان : ماما بتقولي غيرانة علشان حملتي .

عمر بضحك : معقولة !!!..

ليان : معرفش بتقولي الاطفال بيحسو .

عمر : ممكن بس انا شايفك مش مقصرة بالعكس بتزودي اهتمامك .

ليان بدموع : اعمل ايه ... تعلقها بيا زاد وحسيت ان انا قصرت ... بس غصب عني الحمل دا غلطة .

عمر مسح دموعها : غلطة؟ ... لا قولي الحمد لله نعمة من عند ربنا .

ليان مسحت دموعها : الحمد لله ... يالا نغير علشان عز جاي .

عمر : بس قبل ما نروح .. هنروح لدكتورة .. شكلك مش عاجبني خاسة اوي .

ليان : يا حبيبي متقلقش دي كلها اعراض حمل .

عمر اخدها في حضنه : لما تحسي بألم قوليلي ... متكتميش جواكي يا ليان ... انا عاوز اشاركك كل حاجة حتى ألمك .

ليان : ربنا يخليك ليا عمر .... اتمنيتك جوزي وابو اولادي وربنا حققلي امنيتي .. انا عمري ما كنت اتمنى زوج ليا الا انت .

عمر : ولا انا عمري ما كنت اتمنى حبيبة واخت وام وصاحبة وزوجة الا انتي يا ليان .

روايه عشق الزين الجزء الثانى البارت الاخير  

( سارة نايمة ومراد جنبها بيبصلها ... فتحت عيونها لقته قدامها ).

سارة بنوم: في ايه يا مراد .

مراد : مفيش .

سارة : لا فيه ... بتبصلي ليه ؟.

مراد : كل يوم وانتي نايمة اجاي اتحقق من ملامحك.... اشوفك هاتسيبني والا لأ .

سارة : كل مرة تقولي انسي يا سارة علشان نعيش ... والحقيقه انك انت اللي منستش .

مراد : في فرق يا حبيبتي ... فرق تأنيب الضمير اللي انتي بتحسيه وفرق اني بتأكد من وجودك معايا .

سارة : طيب يا مراد انا اهو معاك وخلاص مش هايبعدني عنك الا الموت .

مراد حضنها : بعد الشر عنك يا روح قلبي ... ربنا يخليكي ويبارك فيكي ويباركلنا في يحيى ونعيش ونجوزه .

سارة : هو فين صحيح.

مراد : بيشرب عصير برا وبيتفرج على الكرتون .

سارة : يحيى دا احلى نعمة من عند ربنا ... مالي علينا دنيتنا .

مراد : من اول يوم شوفته فيه وانا حسيته ابني من صلبي .

سارة : عارف ليه علشان انا وانت اخترناه بقلبنا .... انا وانت جبناه وهو شهور وربناه وكبرناه سوا لغاية ما بقى عنده ٥ سنين .

مراد : ربنا يخليه لينا ويبارك فيكي ويكون هو وكاميليا سند لبعض .

سارة : كاميليا فاجئتني بحبها له .

مراد بمشاكسة : كاميليا طيبة وقلبها طيب زي ابوها .

سارة : وامها لا قلبها مش طيب .

مراد : هو اللي جايبني ورا غير قلبك ..

*****************************

زين قاعد وفي حضنه ادم ولي لي بيوريهم البوم صوره مع ليليان وصورة بابهم واعمامهم .

ادم : ايه دا يا جدو انت شعرك كان طويل .

زين بابتسامة : اممممم .

لي لي : بس انت حلو يا جدو .

زين باسها : انتي احلى يا روح جدو .

ادم : لا بس تيتة احلى .

زين : طبعا تيتة احلى واحدة في الدنيا دي كلها .

لي لي : بتحبها قد ايه ؟.

زين : قد كل حاجة كبيرة في دنيا دي .

ادم : انا بحب بابا وماما قد البحر .

لي لي : انا بحب بابا وماما قد السما .

ليليان جت عليهم مبتسمة : وانا بحبكو قد البحر والسما .

زين : كله وصل تحت يا ليليان .

ليليان : اه ... يالا يا لي لي انتي وادم انزلو وانا جدو هانيجي وراكو .

لي لي وادم : حاضر .

ليليان : مش يالا يا زين ... زمان عز على وصول .

زين : واحشني اوي .

ليليان : وحشك !! مش انت اللي وافقت انه يسافر يكمل تعليمه في امريكا .... ما كنت تسيبه يكمل هنا ويقعد في حضني .

زين : دا حلمه يا ليليان وانا مقدرش ارفض له طلب .. وبعدين خلاص مبقاش ينفع يقعد في حضنك ابنك بقى الدكتور عز الدين الجارحي .

ليليان : بحبك اوي لما بتفتخر بالاولاد كدا .

زين : ومش افتخر ليه الحمد لله ربيتهم احسن تربية وكانو ذرية صالحة ... والحمد الله كل واحد ناجح في حياته سواء في شغله او في بيته .... لازم اكون فخور بيهم .

ليليان : بعد فضل ربنا ... دا كله مكنش هايحصل الا وانت جنبنا يا زين ... انا بحمد ربنا كل يوم ان اتجوزتك... طول السنين دي كلها كنت ليا السند والحماية والاخ والصديق والحبيب والزوج عمرك ما قصرت في حقي .

زين : مقدرش اقصر في حب حياتي .

ليليان لسى هاتتكلم سمعت جرس الباب : عز جه يالا يا زين .

( زين وليليان نزلو لقو مراد بيدخل الشنط وبعدها دخل ).

عز : وحشتوني يا اجمل عيلة في الدنيا دي .

روايه عشق الزين الجزء الثانى انتهت

الجزء الثالث من قصة عشق الزين حلو جدا جدا 

عندما يقع عز في الغرام

لو حابين أنزله قولوا

قصة عشق الزين للكاتبة زينب محمد الجزء الثاني

حلقة هدية بعنوان فقدان الحفيد:

بابا انا مش عاوز اروح المدرسه زهقت والله.

(ابتسم مراد الالفي على غضب ابنه يحيى وحوار كل يوم وعياطه علشان ميروحش المدرسه، سرحله شعره وحطله السندوتشاات في شنطته...)

مراد بابتسامه : ايه يا يحيى مزهقتش من بوزك دا.

يحيى باسلوب طفولي : يابابا مش عاوز اروح المدرسه زهقت كل يوم اصحى واروح المدرسه وفي الاخر مبفهمش حاجه وبنام طول اليوم .

التفت مراد وراة بسرعه واتكلم بهمس : هششش اسكت انت عاوز ماما تعرف انك بتنام في المدرسه.

يحيى ضحك بصوت واطي : لو عرفت بقا يابابا ان انت اللي بتقولي مثل انك تعبان وقول للمس والمس بدخلني اوضه وتنيمني والمس تشتكيلك وانت بتخبي على ماما .

شهقت بصدمه : يالهوي يا مراد انت بتعلم الواد ايه .

مراد لف بسرعه واتصدم من وجودها : والله مانا...اهدي متتعصبيش.

سارة برقت بصدمه : انت بتعلم يحيى ينام في المدرسه، اخص عليك بجد.

مراد بص ليحيى وغمزله بخفه : انا يا يحيى بقولك روح نام والكلام دا.

يحيي هز راسه وبص لسارة : اه يا ماما والمس بتتصل بيه بيضحك معاها والمس بتسكت ومبتقوليش حاجه .

سارة عيونها اتملت دموع : انت بتخوني يا مراد .

مراد اتصدم من دموعها : انا بخونك فين دا والله ما حصل .

سارة قربت منه بغيظ : انت هاتمثل ماهو يحيى فتن عليك وقال انك كنت بتضحك مع المس ، ماشي يامراد انا بقا هاروح للمس دي وهاضربها في وسط المدرسه وهافضحها خطافه الرجاله دي .

مراد غمزلها وضحك بشقاوة : كبرتي بس لسه شرسه زي مانتي.

اتكسفت واتوترت من كلامه : مراد عيب كدا في ايه يحيى واقف .

يحيى غمزلها : عادي يا ماما كاني مش واقف .

(سارة وشها كله بقا احمر من كسوفها راحتله وباسته وبعدها حضنته واخدته وصلته للاساسنير وبعد ما اطمنت انه نزل ...رجعت تاني لمراد لقته واقف حاطط ايدة في جيبه ويبصلها بشقاوة، قربت منه وعاتبته بضيق).

_: هو انت عمرك ما تتغير ابدا، هاتفضل كدا على طول تاعب قلبي.

مراد : انا عملت حاجه يا سارة دا انا برئ والله.

سارة : انت برئ انا سمعتكوا وانتوا بتتكلموا وبتقول بتضحك مع المس مش عيب عليك المفروض تبقا قدوة لابنك، الواد بقا نسخه منك في ردودة وكلامه وحركاته وطوله لسانه دا حتى زين مضايق منه ومن تربيته ..

مراد : زين دا يولع والدنيا كلها تولع كله الا يحيى يا سارة يعمل اللي هو عاوزو وبراحته .

سارة نفخت بضيق منه ومن تربيته ليحيى اللي كل طلباته مجابه : ياحبيبي انا مبقولش غير تغير شويه في تربيتك له بجد انا تعبت وانا كبيرة كدا وبسمع اصول التربيه من زين وولادة .

مراد ضحك بصوته كله : على كدا عيال زين دول مش متربين دا انا اللي مربيهم، طب والله عياله بيمثلوا قدامه الادب يابنتي بيخافوا منه ، لكن انا اب فرفوش.

ضحكت على طريقته وكلامه : والله انت في دنيا غير ادنيا...عمرك ما تتغير.

شدها لحضنه وباسها في خدها برقه : وانا ايه يغيرني سارة جنبي ،حبيبتي جنبي ،وكمان يحيي جنبي وكاميليا وعيالها حواليها انا معشتش سنين عمري يا سارة ربنا عوضني بيكي وبعدين بيهم اخيرا خليني استمتع بقا بحياتي واربي ابني على مزاجي .

سارة والدموع اتجمعت في عينيها : انت لسه منستش يا مراد .

مراد باسها من عينها واتكلم بهمس قدام شفايفها: ابقا كداب لو قولت اني نسيت بس رغم كدا انتي بتحاولي تعوضيني والصراحه انا فرحان ومبسوط من تعويضك ليا .

(نهى كلامه ببوسه رقيقه على شفايفها ، وهي حضنته بكل قوتها واتكلمت بحب ...

سارة : وهافضل اعوضك لغايه اخر نفس فيا، وهافضل احبك عمري كله، وهافضل اغير عليك واتجنن لما اسمع اسم واحدة غيري على لسانك.

بعد عنها وضحك بصوت عالي : ايوة بالذات اخر جمله دي يعني يا سارة اللي حصلك المفروض تحرمي منه لا بالعكس زي مانتي هبله عمرك ما تغيرتي بقا ينفع اجيبك من عند مدام سلوي جارتنا سنك يسمح لكدا انا معرفتش اكلمك يومها مكناش عارفين نلمك الست يعني ادمرت .

جزت على اسنانها بغيظ : وربنا كنت هاموتها الوليه المبقعه السافله الحيوانه بتعاكسك قدامي اه يا ناري والله شلتوني من عليها بالعافيه.

ابتسم على جنانها : بس غريبه يعني دخلتي ولاقتيني في شقتها وهدومي مبلوله وعادي مزعلتيش مني ولا سيبتني ومشيتي .

قربت منه اكتر واتكلمت : انا غلطت زمان وقبل ما اعاقبك اتعاقبت مش هاكرر نفس غلطي تاني وبعدين انت مش قولتيلي هي اللي ندهت عليك وقالتلك الحنفيه اتكسرت ويحيى شهد بكدا وانا مصدقاك بس هي ست بجحه وبتلمسك قدامي وبتدلع عليك يبقا تتربا.

كملت كلامها وهي بتبوسه برقه في كل وشه : مراد الالفي ملك لسارة وبس ومفيش حد يقدر يبعدك عني واللي زمان حصل مش هايحصل تاني والي باقي من عمرنا هانعيشه في هنا وسعادة و....

(مراد مستحملش رقتها وحبها وهمساتها اللي بتهمس بيها له وقاطعها في كلامها ببوسته الطويله اللي بتعبر عن حبه ليها واللي بيعيشه معاها واللي عاشه من غيرها).

******************************

في بيت الجارحي.

ادم ولي لي واقفين قدام مراد ابوهم موطين راسهم باسف ومراد الجارحي بيبصلهم بغضب ...

: هافضل مستني كتير علشان تقولولي مين الغلطان .

لي لي رفعت راسها براحه واتكلمت بحزن : ادم يا بابي كل مايشوفني مع يحيى في المدرسه يزعقلي ويضربني وانا شكيت لمامي قبل كدا وهي كلمته بس بردوا بيزعقلي مش عارفه بيكرة يحيى ليه.

ادم بصلها بغضب طفولي ,: علشان هو واد رخم وقليل الادب ومبيسمعش كلام المس وعلى طول عامل مشاكل وانا مبحبش اصاحب العياال القليله الادب .

مراد زعق بصوت عالي : جرى ايه يا ادم احترم نفسك شويه يحيى ابن جدو مراد عيب كدا.

ادم نزل راسه بسرعه واتكلم باسف : اسف يابابا مش قصدي.

نفخ مراد بضيق وهمس لنفسه : ابو العياال على اللي بيفكر يخلف ايه وجع الدماغ دا.

حس بحاجه صغيرة بتلعب في رجله وبتضحك بصلها وضحك ولقاه دنيا (دنيته) بنته اللي خلفوها هي وتوامها زين (دنيا وزين ) عمرهم سنتين ودنيا او دنيتي زي ماهو متعود يناديها متعلق بيها لكن زين تقريبا محدش بيشوفه او يلمحه لان زين الجارحي فارض سيطرته عليه..ودا مزعل ميرا جدا بس بامر من مراد مبتتكلمش..

مراد شالها وباسها : حبيبه بابا ايه اللي جابك هنا .

دنيا : بباه..بباه.انا حبك..كتيل(كتير).

مراد ابتسم :انا اللي بحبك كتير اوي.

لي لي قربت عليهم بغيرة : وانا يابابا بتحبني زيها.

مراد باصلها بحنيه واخدها في حضنه : انتي حبي الاول اصلا يا لي لي انتي حبيبتي .

(ادم فضل واقف منزل راسه وعيونه اتملت دموع طول عمره بيحس ابوة ميال للي لي ودنيا وجده ميال لزين اخوه ومفيش حد الا ميرا وليليان بتحاول تعوضه الحب اللي مفتقده رفع وشه لقى مراد واقف مستمر في دلعه لاخواته البنات، دموعه نزلت مسحها بسرعه وخرج من جناحهم... )

ميرا دخلت عليهم ولقت مراد بيهزر مع لي لي و دنيا قربت منهم واتكلمت بغيرة : كفايه بقا يا لي لي روحي يالا خلي الدادة تخلصلك حاجاتك علشان باص المدرسه .

لي لي هزت راسها بطاعة وباستهم وبعدها خرجت مراد اتجاهل وجودها ووجه كلامه لدنيا :

_ انا حاسس بريحه غيرة يا دنيتي.

ميرا اتغاظت وشدت دنيا منه ونزلتها على الارض وكلمتها بهدوء : روحي لننه علشان تحطلك عصير فراوله بسرعه .

دنيا بسعادة وفرحه : فلاوله ...هيييه.

دنيا خرجت بسرعه ومراد ضحك عليها ولسه بيلف وشه لقاه ميرا بتبصله بضيق : ينفع كدا تخاصمني يومين، هو انا لدرجاتي مش فارقه معاك.

مراد اتكلم ببرود : بدام بتعصي اوامري يبقا دا عقابي ليكي.

نفخت بضيق : انا عصيت اوامرك في ايه الحاله كانت خطيرة يا مراد لازم انزل واروح وانا استأذنت عمو زين وهو وافق .

مراد بعصبيه : هو ابويا دا جوزك علشان تاخدي اذنه انا منبه كام مرة وقولت مفيش شغل،، المستشفى فيها مية دكتور بس بتسمعي كلامي شهر اتنين تلاته بالكتير وتعملي حجه وتنزلي يوم وتعمليلي حجج فارغه انا مش اهبل ولا عيل انا فاهمك كويس، ميرا انتي عارفه موتي وسمي حد ميسمعش كلامي وبردوا ولا في دماغك.

ميرا قربت منه وقعدت على رجله تستعطفه لانها غلطت لما مسمعتش كلامه ولاول مرا يخاصمها يومين كانت هاتتجن وتسمعه بيناديها تاني اتنهدت براحه اتكلمت بندم :

متزعلش مني والله مكنتش اقصد انا غلطت بس بردوا يا مراد متخاصمنيش باليومين كتير عليا كدا والله.

مراد حاول يكتم ابتسامته ولكنه فشل وظهرت ابتسامته اللي زدات من وسامته : طيب ياريت حضرتك تاخدي بالك من ابنك شويه انا معرفش هو عدواني ليه وبيكره يحيى ولا يحيى اللي قليل الادب اصلا وابني اللي بقا نسخه من اسر اخويا والله مش عارف.

ميرا اتكلمت برقتها : لا ادم بجد مفتقد الحنان يا مراد انت متعلق بدنيا ولي لي واونكل زين عنده زين بالدنيا وما فيها وهو حاسس انه عادي مفيش الا عمتو ليليان اللي بتلعب معاه و بتسمعله الولد بقا منطوي ولوحده وبقا بيكره يحيى لانه شايف انه يحيى مدلع اوي بقا يحس بغيرة يا مراد.

مراد قلبه وجعه على ابنه اتكلم بلهفة وبسرعة : لا انا مقصدش كدا واكيد بابا ميقصدش كدا انا بعامل ادم انه شخص كبير مسؤول عن اخواته اكيد ابني فاهمني ولا يمكن يكون زعلان مني وحاطط الكلام دا في دماغه.

ميرا اتنهدت : اتمنى بس حاول تتكلم معاه وتحسسه بحنانك شويه .

مراد غمزلها : طب وانا مين يحسيني بحنان..

ميرا قربت منه بجرأة وهمست : مين ياترى..

سمعو صوت صغير واقف على باب بيقول : انااااا.

ميرا اتكلمت بغضب : انت لحقتي تشربي فلاوله يا دنيا.

هزت راسها بطفوله وبوقها كله فراوله ، مراد بمجرد مايشوفها عيونه بتلمع بسعادة .

*********

زين قاعد في مكتبه وبيراجع اوراق مهمه وزين الصغير بيلعب حواليه، من يوم ما تولد وهو مبيفرقش زين الا على النوم متعلقش بحد من عياله قد ما اتعلق بيه...ليليان خبطت ودخلت مكشرة زين رفع وشه وابتسم على تكيشرتها السنين بتمر وليليان الجارحي زي ماهي برونقها ورقتها وجمالها.

زين : تعالي يا حبيبتي..

ليليان ضحكت بتهكم : حبيبتك ايه بقا يازين ماهو حبيبك قاعد معاك والدنيا حلوة اهي وليليان فين مش مشكله.....

زين ابتسم اكتر : انا بتبسط جدا لما بتغيري من زين الصغير معرفش بحس بمتعه.

زين الصغير شافها فضل يشب علشان يوصلها : نانا...ننانا.

ليليان ابتسمتله وشالته وهو كل شويه يبوسها، زين رفع حاجبه واتكلم بغيظ مصطنع : شفتي الواد بيعمل ايه...

ليليان ضحكتله بسخريه : بيعمل ايه مايعمل دا بردوا

زين مراد زين الجارحي.

زين قام وراحلها وداعب خدودها واتكلم بحنان : مالك يا قلب زين قالبه بوزك على الصبح ليه؟.

ليليان الدموع اتجمعت في عنيها بسرعه : زعلانه منكوا، اهملتوا ادم جدا الولد بقا حزين ومطفي سواء انت او ابوه .

زين : انا!!!، انا اهملته فين دا انا ادم له معزة خاصه في قلبي دا اول حفيد واول فرحه.

ليليان : مش باين على فكرة الولد بقا انطوائي ومع نفسه انا مبشوفش يضحك ويهزر،مراد بيحمله اخطاء لي لي ودنيا والحجه انه الكبير انا زهقت منكوا وتعبت كله الا ادم يازين لو زعلته اكتر من كدة يبقا انا اللي زعلت بالظبط.

زين بجديه : اولا انا زعلك عندي بالدنيا ومافيها واللي انتي تقولي هايتنفذ وعلى رقبه الكل ثانيا انا مبشوفش معاملتنا مع ادم بالقسوة دي يا ليليان انا شايف ان طلباته مجابه وانه اخد اكبر دلع فبالتالي لو جه حفيد تاني هايدلع هو وكمان ابوة بيربيه على انه يبقا راجل.

ليليان : براحتكوا بس انا بقولكوا اهو لو ادم زعل ولا حصله حاجه من اهمالكوا يبقا انا اللي زعلت وهاقلب عليكوا كلكوا وبما فيهم انت..

زين رفع حاجبه : والله انا!....ناناه يازين سنت سكاكينها على جدو.

ليليان ادتله زين بضيق وخرجت من الاوضه من غير ماترد زين بص لزين الصغير:

_ كله منك انت ،مش عارف ييغيروا منك ليه كدا.

_ دودو بيبي.

_ والله انت اللي حبيبي ومالك قلبي، تيجي نلعب .

*************

بمنزل عمر الشريف.

ليان : يالا تعالوا بوسو بابي قبل ما تروحوا المدرسه.

فيروز ولارا دخلوا على عمر وفي نفس واحد : بابي.

عمر : حبايب بابا، انتوا رايحين المدرسه.

فيروز :اه هو بليل هانروح عند جدو زين.

عمر رفع وشه لليان بيستفهم وليان اتكلمت بابتسامه:

ماما اتصلت بيا الصبح وعازمينا على العشا كلنا بليل .

فيروز: هانروح يابابي.

لارا ابتسمت : اه طبعا هانروح يا فريوز..

عمر رفع حاجبه باعتراض : طب قولي اسمها الاول صح هو انتي يابنتي ليه لاغيني كدا كاني مش موجود .

ليان : لارا حبيبتي اختك اسمها فيروز مش فريوز ابوس ايدك قوليها مرا صح.

لارا : مش اعرف اقوله، انت عارف يحيى بيقول دي اسمها فريوز اللي بنشربها .

فيروز بدموع : شفت يابابا يحيى الوحش بيقول ايه عليا انا بكرهه ومش بكلمه.

عمر اخدها في حضنه : معلش ياروح ابوكي انتي اسمك على اسم الغاليه سيبك انتي من يحيى الزفت دا والله لما اشوفه لازعقله، وبعدين انتي يابنت انتي ماشيه وراة زي ضله كدا ليه؟.

لارا رفعت وشها تفهم اللي قاله عمر من ليان ولياان ضحكتلها : بابا قصدو مش كل حاجه يحيى يقولها تكرريها وراة يحيى ولد انتي بنت .

لارا : حاضر .

ليان فونها رن وكانت مشرفه الباص والبنات نزلوا على المدرسه، لفت لعمر لقته مبوز ..

ليان : مالك ياعمر زعلان ليه؟.

عمر: من البنت دي ماشيه وراة يحيى تردد انا بقولهالك اهو من دلوقتي لو كبرت وحبته انا استحاله اجوزهاله.

ليان : انت بتقول ايه !!، دول اطفال وبعدين انت بتعامل يحيى كدا ليه ولا اكمنه متبني يعني .

عمر : انا هاعامل يحيى وحش علشان متبني يا ليان انا كدا ؟؟..

ليان : امال ايه سبب ضيقك منه.

عمر : انا يعلم ربنا من اليوم للي مراد وسارة جابوا وهو عمرة خمس شهور وانا حاسه ابن مراد من صلبه بس بضايق من تربيته بجد مراد مأفورها اوي مدلعه والي بيقول عليه بيتنفذ ومفيش عيب ولا غلط ولسانه طويل اوي، ومن شب على شئ شاب عليه.

ليان قربت منه واتكلمت برقتها اللي بالرغم من ضغط المسؤوليه مفقدتهاش : حبيبي دا ولد صغير واكيد لما يكبر هايتغير عندك اهو عز اخويا اكتر واحد ادلع بس وقت الجد ولما كبر بقا الدكتور عز انا متهايلي بابا مبيفتخرش بحد الا بيه.

عمر : انتي هاتجيبي تربيه زين الجارحي لمراد الالفي.

ليان : عمو مراد تعب في حياته اوي ولما ربنا كرمه يتبطر بقا ويتعقد وكمان طنط سارة حرمته من تربيته بنته.

عمر بضيق : بس مش كدا المهم بنتك تبعديها عنه انا مش هاستحمل حد يقول عليها قليله الادب دي بنت مش ولد يا ليان.

ليان : حاضر المهم كفايه بقا بوز ابوس ايدك انا مبحبش كدا .

عمر ابتسم بحب : شوفي انا اتجوزتك قد ايه ولسه زي مانتي ولا بتحبي تعيشي في خناق ولا ضغط نفسي .

ليان حطت راسها على صدره واتكلمت بحب : هاضيع عمري في كلام فاضي .

عمر حضنها جامد : ربنا يخليك ليا ياحبيبتي من يوم ما دخلتي عليا وانتي نورتي حياتي عمري ما زعلت منك حتى يوم موت ابويا هونتي عليا كتير انا مش عارف من غيرك يحصلي ايه.

ليان غمضت عينها بسعادة : ربنا يخليكوا ليا ياحبيبي انت والبنات اجمل هديه من ربنا رزقني بيها.

 

بمنزل اسر الجارحي.

رجع من شغله تعبان وجسمه متكسر من ضغط الشغل بقاله يومين مطبق مبينمش واخيرا رجع لبيته ينام قابل في وشه كارما بنته...

كارما : بابا انت جيت .

اسر شالها : اه يا زقردة جيت.

كارما : تعال اقولك سر بسرعه ماما عماله تقول ماشي يا اسر ماشي من امبارح .

اسر : ياساتر يارب الا قوليلي هي بتقول....

اسر قلدها : ماشششششي يا اسر .

كارما ضحكت وصقفت : اه صح شاطر قالتها كدا .

اسر : طيب هي فين.

كارما : فوق بتاكل بطيخ وبتعيط .

اسر : طب اتفرجي على كرتون لما اطلع اشوفها.

( اسر طلع فوق وقبل ما يدخل اتنهد على المعركه الي هايخوضها، هنا متغيرتش مجنونه زي ماهي وزاد جنانها وغيرتها لما بقت حامل تاني..فتح الباب لقاها قاعدة على الارض بتاكل بطيخ بشراهه وبتعيط ووشها متبهدل ..دخل بالراحه وهمسلها ..

اسر : هنايا.

هنا رفعت وشها وبصتله بشراسه : انت جيت يا خاين.

اسر بضحك : وانا خنتك في ايه وامتي ومع مين المرادي.

هنا عيطت : مع البت الروسيه اللي شوفتك معاها المرة اللي فاتت انا حلمت بيكوا وانت بتخوني وقاعد في بيتها وقالع هدومك واستغفر الله العظيم بتعمل حاجات وحشه ياخاين وتقولي شغل وبنام في المكتب .

اسر : وشوفتيني وانا بعمل كدا معاها انتي بقيتي قليله الادب اوي .

هنا : ااااااه ياخسارة حبي ليك،انا قلبي موجوع .

اسر : انتي قلبك موجوع علشان البطيخ خلص اعترفي .

هنا قامت وراحتله وقعدت تشم فيه و سابها وقعد يضحك على جنانها ولما خلصت كانت هاتمشي بس مسك ايديها بسرعه واخدها في حضنه: اتاكدتي ان مفيش ريحه واحدة في هدومي .

هنا عيطت : انا زعلانه منك ازاي قدرت تبعد عني وتقعد في الشركه وتنام .

اسر بجديه: ياحبيبتي انا لو اشتغلت هنا انتي مبتخلنيش اركز وبتطلب منك حاجات غريبه بليل ولو اهملتك تفتحيلي مناحه وانا بجد محتاج التركيز اليومين دول بابا قعد في البيت وشغل الشركات فوق دماغي والغلطه مع زين الجارحي بفورة ..

هنا : طب وانا، حقي فين انا محتاجك بجد جنبي شهور الحمل الاخيرة صعبة وبحس بخنقة لما بتبقي بعيد عني.

اسر باسها من خدودها : حقك عليا ياستي انا هاقوله ان هاخد اجازة واخدك انتي وكارما ونسافر ونقضي يومين قبل الولادة.

هنا : بقالك كتير بتوعدني بكدة وانا اتخنقت من القعدة لوحدي .

اسر حضنها وباسها: تصدقي انا غلطان ازاي قدرت ابعد عنك وانام بعيد عن حضنك انا اسف يا قلب اسر عمرها ما تتكرر ابدا وبعدين ياستي بجد مش هزار انا هاخد يومين ونسافر انتي مش عاجبني بتاكلي اربع واحدت بطيخه بس في اليوم انتي كنتي في اول الحمل بتضربي بالعشرة .

هنا كشرت : بتتريق عليا يا اسر ..

اسر دفن وشه في رقبتها : اسر وحشو اوي مناغشتك وجنانك قعدت يومين برا البيت وكانهم كانوا سنه عمرها ماتتكرر تاني.

***********************""

عند كاميليا وادهم...

كاميليا وقفت قدام المرايه تهندم نفسها بسعادة بعد ما نزلت سيلا لمدرستها واقناعها انها تروح المدرسه ولما تيجي هاتشوف بابا ، بصت لنفسها بسعادة ورضا وهمست :

_ اخيرا يا ادهم غياب شهر بحاله وحشتيني جدا.

طلعت بصت على البيت واتاكدت كل حاجه في مكانها،تليفونها رن وكانت سارة ردت بسعادة :

_ الو.

سارة : لا شكلك مبسوطه وصوتك فرحان.

كاميليا : طبعا مش ادهم جاي، فرحانه اوي .

سارة : ربنا يخلهولك المهم الولاد الدادة جابتهم اهم متقلقيش عليهم.

كاميليا : معلش يا ماما هاتعبك انتي وبابا انا عارفه مازن ومالك اشقيه .

سارة : دول حبايب قلبي متخافيش عليهم.

( جرس الباب رن وكاميليا قفلت بسرعة مع سارة وبعدها فتحت الباب بسرعه لقت ادهم واقف بطوله وهيبته ولابس الميري اول ما شافها حضنها وشالها بسرعه ودخل وقفل باب الشقه برجله و دفن وشه في شعرها وهمسلها بحب :

_ وحشتيني اوي يا قلبي .

كاميليا باسته في خدة بشوق : وانت كمان وحشتيني جدا انا كنت هاموت من قلقي وخوفي عليك .

ادهم رفع وشه وغمزلها : متخافيش جوزك سبع.

كاميليا حضنته جامد : ربنا يخليك ليا ومتحرمش من وجودك في حياتي .

ادهم نزلها براحه وبص في البيت لاقاه هادي : امال سيلا ومازن ومالك فين؟!.

كاميليا : سيلا اقنعتها بالعافيه تروح المدرسه كانت عاوزة تستقبلك معايا ومازن ومالك بعدتهم عند بابا وماما مش معقوله يعني غايب عني بقالك شهور ونص وترجع تلاقيهم موجودين.

ادهم بصلها من فوق لتحت : اه صح وارجع الاقيهم موجودين ولبسالي الفستان دا، انا كنت انتحرت.

كاميليا بدلع : بعد الشر عليك ياقلبي.

ادهم : صلاه النبي احسن اهدي كدا علشان انا مش مستحمل اصلا.

كاميليا ضحكت : هههههه‍هه براحتك يا دومي.

ادهم : طب يالا تعالي الحق اشبع منك اصلهم عازمينا بليل وعيالك هايجوا بليل ومش هاعرف التم عليكي.

كاميليا بدلع : شيلني.

ادهم بشقاوة : استعنا على الشقا بالله .

******************

بمستشفي الجارحي.

_ دكتور عز الدكتورة اللي جايه تتدرب جديد وصلت.

عز بجديه : دخليها ...

(دخلت بنوته رقيقه وجميله عيونها عسلي وملامحها رقيقه جدا قصيرة وبتحاول تظبط طرحتها وتدخل شعرها اللي بيتمد منها واللي لونه كان غريب .... عز رفع وشه وشافها عجبته شاورلها تقعد وهي قعدت بخجل ).

عز : اسمك ايه.

_ احم اقول وحضرتك تتريق عليا .

عز : واتريق عليكي ليه؟!.

_ اصل اسمي غريب شويه.

عز بفضول : ايه بقا؟!.

_ اسمي نانا .

عز : الله اكبر نانا ، نانا وانتي نانا فعلا والله .

نانا ارتبكت منه : ها!!، مش فاهمه .

عز غمزلها : انتي ازاي دكتورة جراحه!!.

نانا بعد فهم : مش فاهمه ازاي يعني.

عز : مين ضحك عليكي ودخلك طب انتي ازاي بتقطعي في جثث انتي رقيق....

قاطعته بحدة : لو سمحت انا جايه هنا اشتغل وحقيقي انا كنت خايفه منك من اللي سمعته عنك.

(عز قام مرة واحدة وراح عندها وميل على كرسيها وشه في وشها، وقتها قدرت تشوفه وتشوف ملامحه وقد ايه هو وسيم بمعني الكلمه ارتبكت جدا ونفسها قل )

عز : سمعتي ايه عني بقا .

نانا بتوتر : مسمعتش حاجه.

عز وطي اكتر عليها لدرجه انها نزلت في الكرسي من الخوف : انا ممكن افضل اوطي كدا لغايه ما الزق فيكي ولا يهمني على فكرة قوليلي بالذوق سمعتي ايه عني.

نانا : س..سمعت انك قليل الادب و مبتسبش واحدة الا لما تعاكسها .

عز بتمثيل : انا!!! فين دا دول بيتلزقوا فيا والله علشان انا اكمني حلو حبتين .

نانا : ولا حلو ولا حاجه انت شايف نفسك على ايه.

عز : مش عارف اساليهم يا نوني.

نانا زقته بعيد ووقفت تظبط طرحتها من الارتباك : انا لايمكن اشتغل معاك.

عز : في ظرف خمس دقايق ان ملقتكيش في العمليات انتي حرة .

نانا طلعت تجري بسرعه بارتباك ومقررة تهرب من المستشفى كلها

عز همس لنفسه : دا باينلها هاتبقا ايام زي الفل، نانا دخلتي وعششتي والله يا نانا .

****************************

بليل كله بدا يتجمع والاجواء كانت سعيدة لحد ما زين لاحظ ان ادم مش موجود سال كل الموجودين محدش شافه ،مراد قلب البيت كله عليه ملاقوش الكل ارتبك ...

زين مسك التليفون وكلم الحراسه : ايوا يابني ادم بيه خرج من البرج .

_ لا يا فندم مخرجش.

زين بصرامه : انت متاكد انه مخرجش واقسم بالله لو عرفت انه سهاكوا وطلع لاموتكوا كلكوا .

_ يافندم مخرجش والله .

زين قفل معاه واتعصب والكل بدا يتوتر ويدور : يعني هايكون راح فين دوروا تاني دا..

ميرا قعدت تعيط : ابني راح فين.....

الكل بدا يدور في الببيت كله وادم مالوش اثر

ليليان بخوف : يعني ايه الواد اتخطف.

زين : اهدي علشان متتعبيش هو اكيد هنا يمكن مستخبي تحت سرير او في اي حته.

ادهم : لا قلبت الدنيا مش موجود.

مراد كان واقف تايه وحس انه غلط مع ابنه وانه كان بعيد عنه قلبه وجعه عليه لغايه ما يحيى نطق :

يحيى : انا عرفت هو فين كنت شوفته مره في الروف اللي فوق بيطلع على السلم الصغير الحديد ويطلع يقعد لوحده.

مراد قلبه وقع في رجله من الخوف كلهم جريوا على الروف وطلع السلم بسرعه لقاه قاعد لوحده على سطح البرج بيرسم ودموعه نازلة بصمت مراد هتف باسمه بنبرة كلها خوف وقلق.

مراد : ادم .

ادم لف بسرعة لقى ابوه واقف وزين .

طبعا زين امر الكل يرجع مكانه ويطلع هو ومراد بس .

زين قرب منه بحنان : كدا توقع قلبنا يا ادم انت قاعد هنا وكنت ثانيه هانزل ندور عليك في الشارع .

ادم : انا فاكركوا عارفين ان على طول بقعد هنا.

مراد اتعصب : لا مش عارفين، هانعرف منين وبعدين ازاي تطلع السلم دا وتقعد على سطح البرج انت اتجننت .

ادم انفجر عياط : بحب اقعد هنا.

زين بص لمراد بعتاب وبعدها اتكلم لادم : حبيبي بابا خايف عليك يا ادم انت مش عارف انت ايه بالنسبالنا حبيبي انت اغلى حاجه دنيتي ودنيا ابوك.

ادم : يعني انتوا بتحبوني بجد .

مراد اخده في حضنه بسرعة : انت ابني البكري، انت اول فرحة ليا صحيح انت ولي لي تؤام بس كل واحد له معزة في قلبي لوحدة انا مش بدلعك علشان عاوزك راجل زي ما ابويا كان بيربيني ابقا راجل وحامي لاخواتي ، انت اول فرحه لعيله الجارحي .

ادم : كل شويه قولي انك بتحبني .

زين غمض عينيه بالم على وجع حفيده وان كلام ليليان كله صح وحس انه غلط في حقه اخده من مراد وحضنه بحب وهمسله في ودانه : انا اللي كل شويه هاقولك بحبك ومش هابطل اقولهالك حتى لو كنت راجل وبشنبات.

( ادم ابتسم بسعادة ومراد شاله ونزل وكله قعد يبوس فيه ويحضنه وحس انهم فعلا بيحبوه ومش شرط يقولو له كلمه بحبك ... قضوا سهره حلوة مع بعض وعز اقترح انه يثبت الكاميرا ويتصوروا كلهم مع بعض صورة لذكرى ..كل واحد وقف جنب حبيبته واولاده مراد شال ادم في حضنه ولي لي وقفت قدامه وميرا شالت دنيا وجنبه ادهم شايل مازن ومالك وسيلا واقفه قدام كاميليا واسر واخد هنا في حضنه وكارما واقفه بطلع لسانها،عمر واخد ليان في حضنه بتملك وفيروز واقفه قدام وطبعا لارا جنب يحيى اللي واقف قدام مراد وسارة وزين شايل زين الصغير وبايدة تانيه محاوط بيها ليليان وعز ظبط وضع الكاميرا وقعد قدامهم والكاميرا لقطت اجمل صورة لاجمل عيله..وهمس زين لليليان بكلمه : بحبك.

&&&&&&&&&&&&&&&&&&

فضلا ضعوا تعليق لو عاوزين الجزء الثالث اكتبوا في التعليقات في آخر المدونه وهنزله على طول