انا اتجوزت في بيت في أربع سلايف وانا السلفه الأخيرة والحمد لله .
اصل حماتي خلفتها كلها صبيان جابت اربع جدعان بس
احمد . ومحمد وحسن وحسين
سلفي الكبير احمد خلف تلات صبيان
والتاني خلف بنتين
والتالت خلف بنت وولد
وانا الوحيدة الي بقالي خمس سنين مجوزة ومخلفتش حتي
حنفسه كميه العذاب والقهر الي شفته من حماتي وسلايفي ميتوصفش .
اصل حماتي شديدة وصحتها حلوة برغم كبر سنها بس ايه ماشاء الله عليها جبل .
وسلايفي كلها عقارب والحمد لله . كانوا معيشيني في هم وكل شغل البيت علي دماغي من كنس لطبخ لمسح لحد غسيل هدومها انا كنت بغسله بحجه أن كل واحدة الي تعبانه من جريها وراء عيالها والي تقوله سهرانه بالليل مع جوزي .
يعني أنا مرمطه البيت وكنت ساكته وراضيه علشان يمكن ربنا يجازيني بطفل علشان افرح بيه بدل حرماني من الضنا الي عايشه فيه وقلت يمكن حماتي وسلايفي يتهدوا شويه عن مضايقتي .
وفي يوم وانا في عز الغسيل والشغل وقعت دايخه علي الارض . حماتي فؤقتني بجردل ميه علي دماغي وقالت حتستهبلي قومي كملي غسيل
دعيت ربنا في سري ودموعي علي خدي من قهري ووسط شماته سلايفي فيا .
دخلت غيرت هدومي وكملت غسيل هدوم . وخلصت الي ورايا وعدا اليوم وانا تعبانه وحاموت من المغص والدوخه
جاه جوزي بالليل حكيتله وانا مقهورة وتعبانه استنيته ينصفني لكن ولا همه قالي عيشي وسبيني في حالي كفايه قرفك وعقمك وانك حارماني اني اشوف حته عيل يشيل اسمي ياشيخه روحي
نمت وعزمت امري اني اروح عند امي اغضب علشان مبقتش
قادرة استحمل العذاب دة .
والصبح لميت هدومي وخرجت من اوضتي لقيت حماتي
بتقولي قومي جهزي فطار ليا وبعدها شوفي شغل البيت
مردتش عليها ومشيت وطلعت روحت .
وانا خارجه قالت
يلا في داهيه ولاهي لجوزة واحدة انضف منك وتملي البيت عيال عنك ياعاقر .
خدت كلامها الي زي السم ومشيت بسرعه واول ما وصلت عند امي اترميت في حضنها وعيطت وحكيت لها علي الي حصل قالت اصبري عليا انا حاعرف اربيهم اطمن عليكي الاول الصبح وبعدها اشوف شغلي معاهم قومي كلي لقمه ونامي شويه وارتاحي
روحنا. الصبح للدكتورة ووصفت لها الأعراض . عملت تحليل حمل وكشفت بالاشعه التلفزيونيه .
وقالت مبروك انتي حامل وفي شهرك التاني بس في انيميا حادة وضعف خلي بالك علي نفسك واتغذي كويس
ووصفت لي علاج ومقويات .
روحنا البيت انا وامي
اظن كدة تقدري تحطي عينك في عينهم وتفرحي يابنتي
وخليكي عندي هنا بس لازم الاول ارد كرامتك وواكلم جوزك ويعرف كل حاجه عن حملك
من فرحتي بالخبر واني حاكون ام مسمعتهاش اصلا ولا خدت بالي بس كنت سعيدة قوي بابني الي جاي .
ماما اتصلت بجوزي الي طار من الفرحه وراح قال لامه وأهله
ولقيتهم بالليل جايين ياخدوني مكنتش عاوزة اروح للبهدله بس مقدرتش اكسر فرحه جوزي وخصوصا أنه وعد امي أنه حياخد باله مني .
روحت معاهم البيت وسط نظرات حماتي الناريه
واول ما وصلت البيت فضلوا سلايفي يرحبوا بيا قدام جوزي ترحيب جامد وكأنهم فرحانين وبعد مادخل جوة قالوا
اوعي تفتكري انك فاكرة كدة أن حنسيبك في حالك لا حتخدمينا احنا وعيالنا برضه ولو علي الي في بطنك فهو سهل ولا ايييه ياحلوة .
يتبع ...
التاني من صراع السلايف
بعد ماروحت البيت مع جوزي وطبعا وسط ترحيب سلايفي الي سم بدني وخوفني علي الحمل الي اتمنيته ومفرحتش بيه .
دخلت اوضتي جري وراء جوزي خوفا من سلايفي وحماتي ليعملوا فيا حاجه وقلت عدي الليله لحد ما اتصل بماما واعرفها ايه الي حصل بالظبط وهيا تقولي اعمل ايه معاهم واتصرف ازاي .
اول ما دخلت اوضتي جوزي رحب بيا وكان مبسوط مني قوي لدرجه انه مكنش مصدق فرحته .
من النهاردة مفيش شغل في البيت اول كام شهر دة ياهيام اه نسيت اقولكم اسمي هيام وجوزي احمد .
حاضر ياسي احمد الي تشوفه بس ماما حتزعل مني كدة .
احمد . ولا يهمك انا حتكلم معاها وافهمها وهيا مش حنتكلم
كمان انتي ياما شيلتيهم وشيلتي ولادهم يبقا لازم سلايفك يشلوكي في تعبك علي الاقل الكام شهر دول لحد ما الجنين يثبت .
هيام . الي تشوفه يااحمد يلا ننام علشان تعبانه قوي وعاوزة اريح ضهري .
احمد . حاضر بس نوم حاف كدة ياهيومه ..
التزم شويه الدكتورة قالت ممنوع اي حاجه لغايه تلات شهور علشان الحمل يثبت نام بقا
احمد . امري لله وادي نومه نام ياابو ياسر
تاني يوم الصبح صحيت من النوم روقت سريري وقمت علشان اعمل فطار معاهم مع اني تعبانه بس قلت اقوم وأخزي الشيطان وأرمي حمولي علي الله يمكن يتقوا الله فيا لما يشوفوني ساكته ومش متكبرة زي ماهما فاكرين
صباح الخير ياماما . اروح احضرلك الفطار مع سلايفي .
الحمام . خدي هنا ياهيام احمد ابني قالي انك لازم ترتاحي في السرير التلات شهور دول انتي فاكرة انك حتاخدي مني ابني لا دا بعينك حتفضلي خدامه تحت رجلي هنا ورجل سلايفك الي بضفرك غوري جهزي الاكل واعمليلي ميه سخنه وتعالي انقعي رجليا فيها اصل وارمه من ساعه ماصحيت
هيام . ميه سخنه ياماما ممنوع اشيل تقيل وانا لسه في اول الحمل . بس حاضر من عنيا حاروح اعملك
في الطبخ .
اهي جت السنيورة اهي .
علي رجلك نقش الحنه يختي ادخلي جهزي معانا الاكل علشان العيال والرجاله يفطروا قبل مايروحوا شغلهم يلا انجزي
هيام . ماما عاوزة ميه سخنه ممكن حد يملالي ميه وانا حاوديها ليها برة واعمل لها رجلها لما تخلصوا الفطار
سلفتها. لا اعملي لنفسك عندك الحلل اهو احنا مش فاضين لك .
هيام . طيب ملت الحله ميه وحطيتها علي البوتجاز وسخنتها
واول ماسخنت نزلتها ووديتها لحماتي وفجاءة
حسيت بايد بتزقني علي الارض فوقعت اتزحلقت والحله السخنه فوقي . ..ويتبع برجاء التفاعل للتكمله
الثالث من صراع السلايف
بقلمي زينه سعيد ...
بعد لما سخنت الميه لحماتي وشيلتها من علي البوتجاز علشان اوديها ليها بعد ماسلايفي رفضوا أنهم يشيلوا عني وبرغم أنهم لما كانوا بيتعبوا كنت بشيلهم واخدم ولادهم كمان بس مطمرش فيهم اي حاجه من دي .
شيلت الحله مع انها سخنه وتقيله وقلت ربنا يعين
لاقيت حاجه بتزقني وانا ماشيه . فجاءة وقعت وحله الميه فوق مني .
انهارت في العياط وقعدت اصوت عزت عليا نفسي قوي انا عملت ايه لدى كله علشان طيبه وغلبانه وعايزة اعيش ولا علشان سبت حقي
فضلت اصوت واصرخ بعلو صوتي .
احمممممد . الحقني يااحمد
وبقيت ابص علي سلايفي واقولهم ضهري انكسر بموت حد يلحقني .
ولكن ملقتش منهم غير أنهم بيبصوا لبعض ويضحكوا ويتغامزوا بالكلام لبعض .
صوت باعلي صوت ياناس ياظلمه ياكفرة ابني بيموت بنزف حد ينجدني الحقني يااحمد بعياط وبقهرة
حماتي . مالك ياختي عامله دوشه ليه مش شويه ميه دول عامله عليهم حوار كمان مش عارفه تشيلي حله ميه ياموكوسه قومي قامت قيامتك .
هيام . الحقيني ياماما بدكتور بجهض نادي احمد يلحقني
احمد . في ايه هيام ايه الي حصل ووقعتي ازاي انا مش قلتلك بلاش تقومي الكام شهر دة ليه كدة ياهيام .
دم كمان ابني مات ياامه فرحه السنين ضاع ليه كدة ياهيام
حماتي . ولاهي يابني من الصبح بقولها اقعدي ارتاحي وهيا ابدا مش كدة حتي اسال مرتات اخوك ريقي نشف منها ربنا يجازيها حته العيل ضيعته ربنا يعوض عليك يابني يلا بقا ملكمش نصيب
هيام . ربنا ينتقم منكم انا عملت لكم ايه انا عاوزة امي اتصلوا بيها ياماما الحقي بنتك .
رحت المستشفي وللاسف الجنين أجهض بسبب الوقعه الجامدة وقله الراحه .
وأحمد جوزي كأنه فص ملح ودأب اختفي من ساعه ماركت المستشفي وأهله كمان وفضلت راقدة يومين بموت من التعب والزعل ومكنش جنبي غير امي .
خرجت من المستشفي وحكيت لماما علي الي حصل وحلفت اني اخد حقي منهم تالت ومتلت ولازم يدفعوا تمن قتلهم لابني وخراب بيتي وظلمهم ليا خمس سنين وبدأت معركتي معاهم من اليوم دة بس مكنتش عارفه اعمل ايه ولا ايه الطريقه الي حانتقم منهم بيها .
وبعدين ياماما حاعمل ايه اروح لمين واخد حقي ازاي منهم
امي . مفيش غير حل واحد بس هوة صعب بس مش مستحيل
ايه هوة ياماما .
حاقولك . يتبع ..
الرابع
بعد مااجهضت ورموني اهل جوزي زي الكلبه في المستشفي
مع انهم هما السبب باني فقدت ابني الي لسه مشفتوش بعد ماصبرت عليهم السنين دي كلها واستحملتهم يعملوا فيا كدة
فقررت اني انتقم واخد حقي منهم واطلع العفاريت الزرق عليهم لازم يعرفوا أن الله حق اتق شر الحليم إذا غضب
في منزل حماتي .
اخيرا خلصنا منها ياااااه دي كانت لزقه بقالنا سنين بنزهق فيها علشان تطفش ومفيش فايدة عامله زي الي لزقت بغرا
جتها هم في هبلها دة .
االحما . بس انتوا زودتوها مكنش في داعي انكم تسقطوها كدة فرحه الواد احمد ابني انكسرت مهما كان دا ضناه وكان لسه مفرحش بيه انتوا اتسرعتوا قوي كان ممكن تصبروا لما تولد وبعدين نطفشها مش تعملوا كدة
احد زوجات ابنها وتدعي نعيمه .
متقلقيش ياماما احمد وحاجوزة اختي وحتملي البيت عيال مش زي العاقر دي الي بقالها خمس سنين وفي الاخر جايه تتنطط علينا كان لازم نوضع لها حد علشان تعرف مقامها
مشفيش احمد كان حيجنن اول ماعرف أنها حامل ده كان ممكن يعادينا بسببها
الحما . ابدا ولادي ميطلعوش من داري ولا ولادهم وكلهم تحت طوعي انا وبس فاهمين وهيا تغور في داهيه اجوزة من الصبح .
في منزل هيام .
ها ياماما حنعمل ايه عدا كام يوم وانا حاجنن النار بتاكل فيا اروح اقتلهم كلهم واخلص واروح فيهم في داهيه انا خلاص
حياتي كدة كدة باظت بيتي واتخرب وجوزي وحيطلقني بعد
ماامه سممت دماغه وابني قتلوة اعمل ايه ياماما انا ضعت قتلوني ياماماااا
الام . بنظرة حنونه متعيطيش وحياه دموعك ليدفعوا التمن غالي قوي قوي بس اصبري عليا انا خلاص لقيتها
هيام . هيا اي هيا دي الي لقيتها ياماما انا بقولك عاوزة اموتهم احرقهم
الام . اهدي بس علشان تاخدي حقك في اصول وحكمه لازم تتبعيها فاهمه وأولهم اهدي عندنا مشوار بكرة للصعيد
حنروح لجدتك هناك .
جدتي ايه بس انا لازم اخد حقي واطلب الطلاق .
الام . الصباح له عيون ياقلبي نامي يلا
في الصباح الباكر ترتدي هيام والام ملابسهم ويستعدوا للسفر
في القطار . مكنش وقته السفر ياماما
الام . مشكلتك انك طيبه ومندفعه لو تهدي بس حتفرحي قوي
هيام . افرح طيب
في منزل قديم يبدوا عليه التراث ولكنه مهتريء
دخلت هيام وولدتها المنزل وسط ترحيب الجدة ونساء العائله
الام . عاوزاكي ياماما في موضوع مهم
بعد أن قصت هيام وامها علي جدتها ماحدث معها
دبت بعكازها علي الارض وقالت
العصا لمن عصا
دلوقت ناكل لقمه ونرجع بعد شوي علي مصر وانا ليا تصرف تاني معاهم
بعد تناول الغداء عزمت الجدة أمرها وأخذت اشياءها وقررت السفر مع ابنتها وحفيدتها
وصلنا البيت اول مادخلنا البيت
الجدة . هيام لمي هدومك حنروح بيت جوزك
الخامس اهو
هيام . نروح فين ياجدتي بقولك خمس سنين عيشوني في عذاب وقهر وزل علشان الخلفه ويوم ماربنا أراد سقطوني وقتلوا فرحتي
عاوزاني اروح لهم برجليا تاني بعد الي عملوة لا ابدا انا حاطلق منه وارفع عليهم قضيه أنهم سبب في قتل ابني
الجدة . بصوت غاضب عندك دليل علي كلامك دة اي حاجه تثبت كدة
هيام . الصراحه لا بس انا مش حاسكت هيام الضعيفه ماتت لما قتلوا كل حاجه حلوة فيها لازم انتقم منهم
الجدة . تعالي في حضني يابنتي متعيطيش الحق صنعه ياهيام لازم تاخدي حقك من غير خسارة تاني ضيعتي من عمرك وكرامتك كتير وجه الوقت ناخذ بتارنا منهم
لازم يعرفوا أن البنات رزق مش للبهدله وان البنت تقدر تكون احسن من الراجل والمال والبنون هبه من ربنا سبحانه وتعالي
يهب لمن يشاء أناسا ويهب لمن يشاء ذكورا ويجعل من يشاء عقيم . صدق الله العظيم
هيام عندك حق ياجدتي الي تشوفيه انا حاعمله بس اعرف ناويه علي ايه .
الجدة ناويه ارد الصاع ليهم صاعين
لمي هدومك وتعالي معايا نوقف تاكس ونروح لهم
الام . يامنجي يارب ماما لو حصل حاجه هاتي هيام وتعالي دي ست شر وقويه
الجدة . بنظرة ثاقبة . انا ربيت اجيال اقوي واشرس منها حتيجي اي دي فيهم سببها علي الله
في منزل الحما وتدعي هانم
قومي ياحلوة منك ليها مش فتحتها تكيه ليكوا قوموا شوفوا شغل البيت الخدامه الي كنت جايبهالكوا مشيت قوموا فزوا يلا
فوزيه زوجه ابنها الأوسط . يووة ياماما محنا لسه مخلصين شغل كمان ولاهي حنموت من الوجع اتاري المخفيه هيام كانت شايله كتير عننا يلا عقبال مانجيب خدامه تانيه
الحما . طب يلا قوموا بقا وبطلوا رغي لما اقعد ااتفرج علي الفيلم الاجنبي دة أصله حلو يلا غوروا من وشي وهاني طبق الترمس دة انقنق فيه وانا قاعدة شويه
الجدة . السلام عليكم دخلت انا وجدتي من باب البيت الكبير
اول ماشافت حماتي جدتي وكانت بتاكل ترمس بصقت الاكل بقوة من فمها
الحما . احممم وعليكم السلام انتي ايه الي جابك قصدي يامرحب بالجده يامرحب جيتي امتا
الجدة . اهلاياهانم حتفضلي نايمه ورافعه رجلك قدامي كدة ومش حتسلمي عليا ولا ايه
ابدا ياجدة اتفضلي اقعدي جنبي تعالي ياهيام ياحبيبتي ولاهي قلبي أتوجع عليكي وعلي الي حصلك انتي ازاي تسيبي بيت جوزك وتروحي تقعدي عند امك ولا يهمك بكرة
تحملي تاني وعشرة كمان يامرات ابني ياغاليه اقعدي ارتاحي
جهزوا الضيافه يابنات علشان الجدة ضيفتنا النهاردة
الجدة . لا مش ضيفه دا بيت حفيدتي يعني بيتي ولا ايه ياهانم امال احمد فين ابعتي اندهيله عاوزة اتكلم معاه
حاضر ولو أنه غايب الزيارة الجايه تشوفيه لما تبقي تيجي تزورينا مش كدة
فوزيه سلفه هيام . مين دي يااختي الي حماتي مبلوله منها كدة دي شكلها مرعوبه منها قوي
السلفه الكبري وتدعي محاسن . دي جدة هيام بيقولوا كبيرة العيله حاجه كدة ليها مقام عالي كبار البلد بيحترموها بعقلها
وحكمتها وكلمتها مسموعه علي الكل بس ام هيام طول عمرها بعيدة عنها علشان اجوزت واحد مش من عائلتها وحبته وامها كانت معارضه جوازهم فبعدت عن أمها بس ايه الي جابها ياوقعه سودة تكون حترجع هيام احنا ماصدقنا زقيناها برة البيت
فوزيه . اسكتي خليني اتنصت واسمع بيقولوا ايه
الجدة . والله ليكي وحشه ياهانم لينا كلام كتير مع بعض
هانم . المرة الجايه ياجدة ابعت حد من الولاد يوصلك لتاكس
الجدة . لا انا حاقعد مع حفيدتي كام يوم لحد ماتتحسن واشبع منها ومنك ياهااانم مش كدة
يتبع.....
السادس من صراع السلايف
بقلمي. زينه سعيد ...
هانم . تقعدي فين ياجدة قصدي طبعا تنوري دا بيتك ومطرحك طبعا طبعا امال
فوزيه سلفه هيام . ياليله سودة ودخلت المطبخ علي السلايف . الحقوا يامنيله منك ليها دي جدة هيام حتقعد معانا كام يوم احنا زقينا هيام بالعافيه رجعت ومعاها جدتها
تعرفوا أن الأيام السودة جايه جايه .
السلفه الأخري وتدعي حنان . وايه يعني حتعمل ايه دي ست كبيرة وخرفانه مش حتاخد في أيدينا غلوة الي اصغر منها وقدرنا عليها يبقا حنخاف من العجوزة دي .
فوزيه . طيب يلا نخش نسلم عليها ونلبسها طقم الحنيه
الجدة . انا حادخل ارتاح شويه في اوضه هيام تعالي ياهيام معايا شويه
فوزيه . يا اهلا وسهلا يامرحب يامرحب بجدة سلفتنا الغاليه ولاهي ياجدة البيت نور وزاد نورة نور وانتي ياهيام وحشتينا قوي قوي ولاهي كنا زعلانين علشانك قوي دا حتي مكناش بنام ولا بناكل طول النهار بنفكر فيكي وبالي حصلك
ياحبيبتي وحشاني تعالي لما ابوسك اموووة امووة
هيام . شكرا يافوزيه ربنا يقدرني وارد جمايلك دي انتي وسلايفي الباقين مش كدة ياحنان وانتي ياامينه ازيك
امينه بتوتر . بخير ياهيام عن اذنكم اروح اجهز الاكل
الجدة . شكرا ياجماعه بعد اذنكم حاروح ارتاح ولما أصحا من النوم لينا قاعدة
في غرفه هيام . شايفه ياجدتي ولا كأنهم عملو حاجه وعملين دور الطيبين اه ياناري عاوزة اموتهم كلهم
الجدة . انقلي شويه بس عاوزاكي تعملي حاجه
هيام . ايه ياجدتي .
اطلعي حضري معاهم الاكل ولا كان في حاجه خالص وعاوزاكي تقربي من كل واحدة علي حدة يعني تاخدي كل واحدة في جنب وتكسبيها لصفك وتعرفي كل كل صغيرة وكبيرة عنهم وعن البيت بقالك خمس سنين عايشه خدامه معاهم دلوقتي عاوزاكي تعملي نفسك صديقه لكل واحدة
وخدي البودرة حطيها في هدوم فوزيه من غير ماتاخد بالها
رشيها علي هدومها الي في الدولاب فاهمه فوزيه بس
هيام . حاضر ياجدتي ربنا يستر
في المطبخ . علي اخر الزمن نطبخ ونحمر ونشمر لهيام بعد ماكانت خدامه عندنا ومطلعين عينها جتنا نيله في حظنا الزفت
حنان . اسكتي لتسمعنا خلي اليومين يعدوا علي خير احسن لينا كلنا ولما جدتها تمشي حنطفشها تاني . .
هيام . ازيكم ياسلايفي ياحبايبي وحشتوني قوي قوي .
فوزيه . اهلا ياختي انتي رجعتي ليه دنا لو مكانك مرجعش
ابدا نسيتي الي عملناه فيكي بس ملحوقه جيتي لقضاكي
هيام . فوزيه اخص عليكي وانا الي كنت معتبراكي اختي دنا طول الوقت بشكر فيكي وانا قاعدة مع جدتي انادي علي جدتي تساليها ياجدة ياجدة
فوزيه . لالا خلاص خلاص عرفت وفهمت اقعدي ارتاحي واحنا حنخلص كل حاجه في سرها ربنا ياخدك ولاهي لوريكي
هيام فوزيه كنت عاوزة اقولك علي حاجه سر تعالي معايا عاوزاكي في اوضتك
طيب. يلا
في غرفه فوزيه . ولاهي يافوزيه جيبالك الهديه دي لوحدك عبايه حرير جميله دي غاليه قوي ادخلي قسيها في الحمام ووريهالي
فوزيه الله جميله قوي قوي حاروح ألبسها
هيام بعد أن دخلت فوزيه الحمام فتحت الدولاب ورشيت علي الهدوم البودرة ونفضتها كويس علشان متبانش في الهدوم .
وقعدت علي السرير ولا كاني في حاجه
خرجت فوزيه وارتدت العبايه وهيا مبسوطه وفرحانه من دلوقتي انتي حبيبتي ياهيام وصحبتي تعالي أما احكيلك ايه الي حصل في غيابك هاتي ودنك ياختي لحد يسمعنا ........
الحما هانم . الاكل يابنات يلا خلصوا وانتي ياهيام صحي جدتك من النوم يلا خلينا نخلص من اليومين دول .
فوزيه بصراخخخخخ اااااااه يالهووووي ....
يتبع
بعتذر عن التاخير
السابع من صراع السلايف
لزينه سعيد
فوزيه . اااااه الحقوني حاموت الحقيني ياحماتي الحقوني يالي هنا وطلعت تجري في الصاله تقطع في جلدها من الهرش .
هانم الحما . في ايه يافوزيه صرعتينا صويت ليه مالك اجننتي فرجتي علينا الناس انتي ايييه
فوزيه . حاموت ياماما جتتي حتموتني من الهرش مش عارفه مالي الحقوني باي حاجه .
الجدة طلعت علي صوت الصراخ . في ايه ياجماعه ايه الي حصل مالك يافوزيه
السلايف خرجوا من المطبخ جري . في ايه يافوزيه
فوزيه . زفت فوزيه محدش يسألني مالي شوفولي حل بدل التحقيق الي انتوا عملينه
هيام . يلهووي يافوزيه دنتي جسمك كله احمر من كتر الهرش
لا دا ايه طلع بقع كمان ابعدي لتكوني جربانه
حماتي احنا كلنا لازم نبعد عنها ونعزلها في اوضه لوحدها واه سمعت أن دي حاله جرب معديه لازم تستحمي بالملح علشان تقتل البكتيريا دي . وكلنا نبعد
السلايف . طب يافوزيه من بعيد كدة الف سلامه ونشوفك لما تخفي وتقومي كدة يلا حبيبتي يلا يابنات نخرج من المكان دة لحد مافوزيه تقوم تدخل أوضتها
الحما. . انا حادخل اوضتي اقفل عليا الباب والأكل هاتوة في اوضتي يابنات يلا .
هيام . شفتي ياجدتي عالم واطيه سبوها ازاي في عز مرضها
الجدة . انتي جبتي منين موضوع الجرب دة يابنت العفاريت
لا وايه تستحمي بملح ياظالمه كمان مكنتش اتوقع منك كدة انا قلت انك حتلحقيها بالمرهم وخصوصا انك عارفه أنه مجرد تحسس جلدي مش جرب زي ما قلتي ليهم
هيام . هما الي بداو والبادي اظلم كمان ميجيش حاجه في ظلمهم ليا ولا قتل ابني هما لسه شافوا حاجه اصبري .
فوزيه . اه ياغجر كله سابني وطفش مني بس لو اعرف ايه الي جرالي بس اما ادخل اوضتي استحمي واغير هدومي يمكن ارتاح .
في المساء
احمد زوج هيام . السلام عليكم
االجميع في الصاله ردوا السلام وعليكم السلام ورحمه الله وبركاته .
احمد . ازيك ياجدة يامرحب بيكي نورتي
الجدة . الله يباركلك يابني اخبارك عامل ايه
احمد . اخباري ونظر لهيام وتنهد اهو عايش والحمد لله
هيام ممكن اتكلم معاك يااحمد شويه
احمد . بعدين عاوز انام بعد اذنك ياجدة حاروح اغير هدومي واربح شويه .
اتفضل يابني روحي وراء جوزك ياهيام دوبي التلج دة واتفاهمي معاه لازم تتكلموا
هيام . حاضر
السلايف . بنظرة حقد وغيرة . شفتي ياختي كهن النسوان طلعت تجري ورأة ازاي حكم
الجدة . احممممم
هيام . احمد استني عاوزة اتكلم معاك .
احمد . مفيش كلام بينا الي كان بيربطنا ضاع وبايدك ضيعتي فرحتي كسرتي روحي خمس سنين وانا حاسس بالنقص والعجز وساكت ويوم ماربنا يفرحني بالعيل تقتليه حضرتك
هيام . حد يقول كدة انا حاقتل ابني انا كنت اكتر منك مستنيه هديه ربنا ليا بس ربنا ينتقم منهم هما السبب
احمد . هما مين ياهيام قصدك امي ولا مرتات اخويا لا هيام مش هما الي قتلوا ابنك انتي يلي قتلتيه
هيام . انا
احمد . ايوة انتي بخوفك وضعفك مقدرتيش تحافظي علي كرامتك ولا قيمتك ولا ابنك انتي تستحقي كدة انتي السبب
تقدري تقوليلي فوزيه ولا حنان ولا غيرها من نسوان اخويا احسن منك في ايه عارفين يعملوا ليهم كرامه وقيمه
انا كنت ساكت طول الوقت علي امل انك تفؤقي وتحسي بس يظهر انك حبيتي دور الهبله العبيطه يلا استمتعي بيه
هيام . بعياط . لا يااحمد انا غلطت ودفعت تمن غلطتي جامد
بس كنت عاوزة اعيش في امان الله مش اكتر .
سامحني سامحني يااحمد .
في غرفه فوزيه وهيا ترتدي ملابسها بعد أن استحممت لساعات ايه دة دي بودرة ايه جابها علي الهدوم .
اه ياهيام لو كان الي في بالي دة صح ولاهي اطلع عينك علي العموم الصباح له عنين لازم اخد شويه من البودرة واروح لصيدلي يشوف اي دي واتاكد باين اخرتك جات يا هيام هههههه .
يتبع .......
الثامن
صراع السلايف
فوزيه . والنبي لو سمحت يادكتور تشوفلي ايه البودرة دي اصل الواد ابني لقيته بيلعب بيها وخايفه تكون مخدرات والا بودرة حشرات عاوزة اعرف اي دي .
دكتور الصيدليه . ريحتها غريبه بس مظنش بودرة مخدرات سببها ليا وانا ححللها في المعمل واعرف لك نوعها ايه تعالي بعد ساعتين كدة
فوزيه . حاضر ساعتين واكون عندك يلا بعد اذنك
يسلام لو كان ليكي يد في الموضوع دة ياهيام ولاهي ساعتها يبقا جبتيه لنفسك .
هيام . انا مقهورة ياجدتي احمد ازاي يكلمني كدة انا عملت ايه دا جزاتي اني كنت طيبه وفي حالي هوة آخرة الطيب كدة ياربي .
الجدة . يابنتي مش كدة الطيبه الزائدة غباء ومضيعه حق والساكت عن الحق شيطان اخرس .
جوزك مغلطش انتي الي غلطتي سبتي نفسك ملطشه للكل
وهوة ملوش زنب في حاجه سبيه مع الوقت حيهدا وانتي لازم تحاولي تقربي منه شويه وتراضيه
هيام . حاضر ياجدة اشوف بس حسابي مع الي دمروا حياتي الاول وبعدها تروق .
الحما . ماتقومي ياهيام تشوفي شغلك حتفضلي قاعدة كدة كتير
هيام . مش قادرة ولاهي ياماما تعبانه انتي نسيتي اني مسقطه والدكتور مانع عليا الحركه الكتير علشان المضاعفات
الحما. كان مستخبيلي فين دة بس لو مش جدتك هنا كنت طيرتك من مكانك بس اصبري عليا بصوت واطي
الجدة . بتقولي حاجه ياهانم
هانم . لا ابدا ابدا اقوم انا بقا اشوف نسوان ابني خلصوا شغل ولا لسه .
الجدة . الله يعينك
هيام . هاه ياجدة الدور علي مين
الجدة السلايف الباقيين عاوزاكي تخليهم يتخانقوا مع بعض
وهيام . ودة ازاي يعني
الجدة . نسيتي كلام فوزيه ليكي مش حكت ليكي عن كل حاجه في غيابك وفتحت لك قدامك أسرارهم استغلي الوضع
كل واحدة احكي لتانيه عن مصائب التانيه وكانك عرفتي بالصدفه وقعيهم في بعض وسيبي حماتك في الاخر خالص
هيام .. حاضر ياجدة يلا اقوم انا
في المطبخ . هيام انا جايه اساعدكم ياحبايبي ياسلايفي فوزيه تعبانه وانا حاقف معاكم
روحي انتي ياماما ارتاحي مع جدتي
هيام بجانب حنان سلفتها شفتي الي حصل مش فوزيه وباقي سلايفك بيقولوا كذا كذا عليكي
حنان . اسكتي ياشيخه
هيام . اه ولاهي وكمان دمتي لو عرفتي الباقي ووووو
اسيبك واروح اشوف حماتي بقا سلام ..
هيام . واحد اتنين تلاته بوووم
الحقي ياحماتي سلايفي بيتخانقوا مع بعض
الحما . يلهوووي ازاي لما الحقهم
ايه يا وليه انتي وهيا بتتخانقوا ليه
هيا ياماما لا هيا ياماما وكله ضرب في بعضه وانا واقفه اتفرج عليهم واضحك من بعيد انا وجدتي
هيام . اي رايك ياجدة
الجدة تمام يستاهلوا خليهم يولعوا شويه
فوزيه . بصوت عالي دخلت البيت الحقي ياحماتي الحقي
يااهل البيت أجمعوا شوفوا الست هيام عامله ايه في البيت
اتلمووا حالا
الحما . في ايه يافوزيه بس خليكي بعيد ايه المصائب دي ياربي مش كفايه سلايفك مقطعين بعض جوة في المطبخ انا خلاص ضغطي علي
فوزيه أجمعوا يااهل البيت وشوفوا
تعالي ياجدة تعالي ياست هيام ...
يتبع .......
التاسع ياحبايبي
من صراع السلايف
بقلمي زينه سعيد
الحما هانم . في ايه يافوزيه عامله زعابيب امشير علينا ليه ومالها هيام عملت ايه تاني ياغلبي دة ايه المصائب دي
فوزيه . اتلمووا وشوفوا الست هيام حاطالي في هدومي بودرة للهرش علشان اقطع جسمي يرضيكوا كدة يااهل البيت
هيا فين هاتوهالي لازم اقطع من جلدها هيا فين فين
الجدة . اوعي تقربي من حفيدتي احسن اخلي وقعتك سودة اجننتي يافوزيه عاوزه تضربيها مش كفايه كنتوا السبب في موت ابنها وايه دليلك علي انها الي حطتلك البودرة مايمكن حد غيرها قبل ماترمي الناس بالتهم هاتي دليل .
فوزيه معايا الدليل دي ورقه تحليل المادة الي كانت موجودة في دولابي تثبت أنها مادة بتتفاعل مع الجسم وتخليه يحمر ويتحسس
الحما. خلاص يافوزيه عندك دليل أنها هيا الي حطتها
فوزيه . لا ياماما بس
الحما. مفيش بس عندك ولا لا
فوزيه لا
يبقا تتكتمي وتحطي لسانك جوة بؤقك وتخرسي خالص وروحي شوفي سلايفك الي بيتخانقوا دول حاجه تقرف عيشه تقصر العمر .
هيام .الحقي ياجدتي اعمل ايه دول شكلهم استوا ياتري حيعملوا فيا ايه انا خايفه قوي ربنا يستر مكنش لازم ارجع البيت دة تاني ولا اعمل كدة
الجدة . بطلي عبط وغباء هما لازم يعرفوا أن الله حق وأن بنات الناس مش لعبه والجزاء من جنس العمل .
المهم احمد جوزك عامل معاكي ايه لسه زعلان برضه
هيام . ايوة ياجدة ربنا يهدي
الجدة يارب المهم الدور علي حماتك لازم تاخد نصيبها هيا كمان
هيام . انتي متأكدة ياجدة دي مش سهله ولا هيا عبيطه زي سلايفي دي راس الحيه وهما يدوبك الديل لازم ناخد بالنا منها كويس
في المطبخ . حنان . ايه يافوزيه شفتي الي حصل فينا احنا اتبهدلنا قوي واتمرمطنا بنت الحربايه خلتنا نولع في بعض
فوزيه . دي خلتني اهرش زي الجربانه يومين بحالهم كنت حاقطع جلدي من الهرش وانتوا ياواطين ولا سالتوا فيا وسبتوني لوحدي اندال بجد .
حنان . احنا لازم نتصرف بس ازاي جدتها معاها وحماتي كمان بتعمل حساب لجدتها وشكلها مش ناويه تمشي قريب ممكن قعدتها تطول
فوزيه تتحل بس اصبروا لازم اخطط لها الاول وتخطيط تمام كمان مش اي كلام .
هيام . ها ياجدة فكرتي حنعمل ايه مع حماتي
الجدة . ايوة دي الغاليه ليها حاجه حلوة قوي قوي
هيام. ايه ياجدة تعالي اقولك في ودنك علشان مفيش حد يسمع ....
الحما هانم . اه يانا ياضهري يابا تعبت قوي النهاردة لما ارتاح شويه .
الحقوووني ياعالم .
يتبع .. ..
العاشر
من صراع السلايف
الحما . الحقوني ياناس ياهووووة ياعالم
هيام . الحقي ياجدة حماتي بتصوت معرفش فيها ايه
الجدة . تعالي نشوف
فوزيه والسلايف في المطبخ . ايه الصوت دة مش صوت حماتي برضه
حنان . اه تصدقي هوة صوتها مش كانت عاوزة تنام ياتري بتصوت ليه تعالي نشوف في ايه
في الصاله الجميع . في ايه مالها حماتي تعالوا نخبط علي باب أوضتها ونشوف مالها .
هيام . افتحي ياماما مالك فيكي ايه ردي علينا
حنان . افتحي ياماما اوعي كدة يااختي لما اخبط انا الاول عليها
فوزيه . اوعي منك ليها كدة جتكم الهم . افتحي ياماما ليا انا
الحما . مش عارفه افتح الباب مقفول عليا الحقوني في عفريت في الاوضه وعاوز يموتني افتحوا الباب بسرعه افتحوا
هيام بتزق في الباب . مش عارفه افتحه ياماما معلق
فوزيه . اوعي كدة انا حافتح . الله الباب معلق بجد في ايه
حنان . يلا نكسر الباب احسن
هيام . يلا
فوزيه بس بتقول في عفريت افرض فتحنا الباب وطلع العفريت في وشنا لا انا خايفه اكسروة انتوا
الجدة . افتحوا الباب وبطلوا جنان عفريت ايه ياهبل انتوا ماعفريت الابناءدم
الحما . زقوا جامد حاتخنق حاموت
هيام . بنحاول اهو يلا ياجماعه أيديكم معانا هاها
فتحنا خلاص ياماما اهوه
الحما . عفريت عفريت انا خايفه مرعوبه
الجدة . متخافيش ياهانم مفيش حاجه اهو قدامك الاوضه فاضيه ومفيهاش حاجه اهي
الحما . انا شفت حاجه سودة مرت من قدام عنيا وشفت خيالات علي الحيط كمان مستحيل اكون بتخيل كل دة طب ازاي يعني وكمان سمعت صوت مخيف ومرعب دة كان تخيل برضه
فوزيه . انا مش عارفه في ايه بس من ساعه ماهيام رجعت والمشاكل شغاله الله ينور مكنا في حالنا ايه الي جرالنا ياربي
دي عين وحشه ولاهي .
الجدة . اتلمي يافوزيه هيام زيها زيك في البيت مش غريبه كمان احترمي وجودي انتي مفيش اي احترام عندك لحد ولا ايه
فوزيه . يوة يقطعني ولاهي مكنتش اقصد انا قصدي أن البيت محسود ولاهي مش اكتر
الحما . انا في ايه ولا ايه العفريت حيرجعلي تاني لازم تشوفوا حل
هيام . متخافيش ياماما حنشغل قران في البيت متقلقيش
وانا لو عاوزة حنام جنبك طول الليل .
حنان . عنك انتي ياهيام انا ولا فوزيه ولاحد مننا حينام معاها خليكي مع جدتك
هيام . طيب انا كنت بقول علشان العفريت لو طلع انا بعرف اقرا قران كويس واعرف ايه الآيات الي يخاف منها الجن والعفاريت
فوزيه . عفاريت لالالا. انا بخاف حاروح انام في اوضتي احسنلي
الحما . انا حنام لوحدي وحاشغل القران اطلعوا انتوا وسبوني ارتاح شويه وسيبوا الباب مفتوح محدش يقفله تاني
يلا ياجماعه كله علي اوضه ينام
هيام . ايه ياجدة ايه الي حصل مع حماتي صحيح في عفريت
الجدة . عفريت ايه يا هبله دا شغل جنان اقولك ايه الي حصل مع حماتك بالظبط . بصي يا ستي وحماتك كانت مشغوله بفض المشكله مع سلايفك انا دخلت وحطيت لها موبايل ورنته رنه اصوات مرعبه وكل شوي ارن رنه صغيرة علي التليفون يدي الصوت المرعب
أما بقا الاشكال وألمخيفه دي فهيا انعكاس مش اكتر عيال خالك في البلد شياطين كانوا ديما بيعملوا فيا المقالب دي ولما جيتي وحكتيلي علي الي حصل معاكي جبت الحجات بتاعتهم دي قلت ممكن يفديوني وهم جم بفائدة والحمد لله
هيام . ولاهي ياجدة انتي ماليكي حل دماغك دي صعبه خالص بس انا مش عارفه اشكرك ازاي علي وقفتك معايا دي مش حنساها ربنا يخليكي ليا يارب ياجدتي الغاليه
الجدة . عيب متقوليش كدة دنتي حفيدتي واعز الولد ولد الولد واحنا صعايدة ومنسبش طارنا ابدا لحد
تررراااخ
هيام ايه الصوت دة ياجدتي شكل في حد كان بيسمع كلامنا
ربنا يستر شكلنا حنتفضح ياجدة ...
يتبع ...
الحادي عشر من
صراع السلايف
هيام . ايه الصوت دة ياجدتي نهار اسود ليكون حد سمع كلامنا ربنا يستر .
الجدة . روحي شوفي مين بسرعه ومتخافيش كدة اجمدي
هيام . حاضر
حنان . الحقوا يانسوان سمعتوا الي انا سمعته ولا شفتوا الي انا شفته دي حتبقا مدعكه وفضائح شكل هيام وجدتها وقعوا ولا حد سما عليهم
فوزيه . في ايه ياست حنان بتبرطمي ليه ايه الي حصل
حنان . تعالوا اقولكم .......
هيام . طلعت ياجدتي ملقتش حد بس أنا متأكدة أن حد سمعنا
الجدة . متخافيش ولو سمعوا انا اقدر اتصرف معاهم كويس
هيام . ازاي بس ياجدتي دة لو عرفت حماتي الي احنا عملناه فيها حتخلي احمد يطلقني ويرميني في الشارع رميه الكلاب
الجدة . ليه يعني وهما الي عملوة معاكي قليل اصبري عليا بس دنا حاوريهم العذاب لسه .
الحما . اه ياني مش عارفه انام من الخوف اروح فين بس ياربي استخبي فين العفاريت محدش بيهرب منهم دول قضا
اسود علي دماغي يارب سامحني وانا مش حاظلم حد تاني ولاهي وحاعمل خير كتير وعمري ماحاجي علي هيام تاني ابدا .
فوزيه . اهدي ياحماتي متخافيش اساسا البلاوي دي من وراء هيام وجدتها هما السبب في كل حاجه وهما الي دبروا موضوع العفاريت دة وهما الي حطولي بودرة الهرش
الحما. انتي متأكدة من كلامك دة يافوزيه .
فوزيه . اسالي حنان وهيا تاكدلك هيا الي سمعت كلامهم بالحرف
حنان . حصل ياحماتي وانا سمعتهم بوداني ولاهي وجيت هواء علشان اقولك وافطنك علي اللعبه الي بتتعمل علينا
الحما. بقا كدة ياجدة وانا الي كنت فاكراكي اعقل من كدة
طيب اصبري عليا
اسمعي منك ليها ولا كان حاجه حصلت عاوزاهم يفضلوا مفكرين اني خايفه منهم ومرعوبه .
وانا حاروح مشوار ساعه كدة وراجعه ليهم تاني
فوزيه . رايحه فين ياماما
الحما . شوفوا عاوزاكم تلهوهم عني شويه لغايه ما اوصل
للمرعب الجزار .
حنان . نهار اسود دة الدجال الي بيعمل اعمال سفليه رايحه له ليه ياماما ولاهي احنا تحت طوعك وبنحبك ومش حنزعلك ابدا
الحما . أخرسي ياغبيه دا مش ليكم دا لهيام وجدتها مش هما بيحبوا العفاريت انا حاوريهم شغل العفاريت بجد ...
فوزيه . بت ياحنان يظهر أن الي جاي اسوا بس احنا مالنا تعالي ننفذ كلام حماتي ونعمل الي طلبته يلا نشوف هيام وجدتها ونساهيهم عن حماتي لحسن تعاقبنا بدالها.....
مكان يبدو عليه الرعب عبارة عن بيت قديم مهتريء جنب المقابر كله جماجم وعضم وريحته كريهه ومليان حشرات
المرعب الجزار رجل خمسيني بشع المنظر سليط اللسان
قبيح جدا . .....
يتبع
صراع السلايف
الجزء الثاني عشر
بقلمي زينه سعيد. بعتذر لللتاخير جدا لو سمحت ممنوع السرقه الي عاوز ينشرها يسيب اسمي انا عملت حفظ لحقوق الملكيه فياريت نحترم بعض .
المرعب الجزار . تعالي ياهانم مالك بتتلفتي يمينك وشمالك ليه علي أساس أن دي اول مرة تيجي هنا فيها منتي ياما جيتي ولا انتي ناسيه
هانم . ابدا هوة انا اقدر انساك ولا انسي جمايلك عليا الي مغرقاني دنتي سيدي وتاج راسي يامرعب انتا
الجزار . شاطرة ياهانم بتعرفي تتكلمي كويس وتعرفي انك مش سهله ولا قليله عاوزة ايه المرادي بقا
بقلمي زينه سعيد
هانم . سلامتك ولاهي انا مكسوفه منك قوي قوي مش عارفه ارد جمايلك عليا ازاي يلا مردودة اطلب انتا بس وانا تحت امرك ياغالي
الجزار . طلباتي كتير قوي وانتي كل مرة بتوفي بوعدك معايا
وياريت المرادي تكون حاجه حلوة علي زوقك اصلي خرمان قوي .
الحما . عنيا يامرعب انتا تؤمر بس ريح قلبي واعملي الي انا عاوزاة انا مغلوله قوي .
بقلمي زينه سعيد
الجزار . اعملك وماله عاوزة ايه يا هانم تاني جوزك وخلصتك منه بالعمل الي خليتك تشربيه ليه وفضل بتصفي ويرجع دم لحد مامات والبيت وخليتك تمسكيه وتدوسي علي رقبه الكل
وولادك وتحت طوعك .
عاوزة ايه تاني دنتي مفيش حد غير لما بيخاف منك يا هانم
بقلمي زينه سعيد .
الحما . الا واحدة بس هيا الي غلبتني وعملت فيا البدع دخلت بيتي وعمت فيه الفوضي والخراب من ساعتها ماشوفتها وانا مش عارفه أمسك لجام الأمور
لا وايه جايه تعمل عليا شغل عفاريت كمان
هيام . هيا حماتي فين يافوزيه
فوزيه . نايمه ياعيني دي طول الليل سهرانه وتعبانه
هيام . اقوم اطمن عليها
فوزيه . لالالا سيبها نايمه خليها ترتاح شويه من السهر
حنان . تعالي يافوزيه عاوزاكي شويه
فوزيه . في ايه مالك حتخليهم ياخدوا بالهم مننا اتهدي شويه .
بقلمي زينه سعيد
حنان . انا خايفه قوي حماتك لما بتنوي علي الشر بتنفذة انا قلقانه قوي ربنا يستر
فوزيه . ملناش فيه خلينا في حالنا احسن يطولنا شرها
نتفرج من بعيد احسن لنا احنا مش قد ظلمها ولا قدها
حنان . علي رايك
بقلمي زينه سعيد
الجزار . حتقدري علي طلباتي المرادي ياهانم المرادي صعب خصوصا انها متحصنه بالقران كويس
انا عاوز منك تجيبلي مرات ابنك هيام هنا تلزمني ضروري دة شرطي علشان اعملك الي انتا عاوزاة في جدتها
الحما .....
يتبع ..
احلي مسا عليكم حبايبي وحشتوني قوووي قووي اجمل متابعين في الدنيا واجمل وأجمد جروب .
صراع السلايف
بقلمي زينه سعيد ممنوع السرقه ياجماعه مشاركه فقط
الثالث عشر. .
الجزار . فهمتي ياهانم عاوز ايه ولا افهمك تاني
هانم. ها الي انتا بتقول عليه دة صعب قووي عليا كمان متنساش أنها مرات ابني برضه يامرعب يعني تمس شرف ابني لو واحدة غريبه كنت قلت ماشي وانا عمري قصرت معاك ياما جبتلك ناس وبنات بحجه العمولات والزار وكنت بتعمل الي انتا عاوزة معاهم . بقلمي زينه سعيد
الجزار . اسمعي الكلام وفضلك ياهانم لحسن اقلب التربيزة علي دماغك واهد عليكي البيت ومتنسيش أن كل الي انتي فيه دا بسببي بفضلي انا مش منك ياحلوة
الجزار. لما يشاور علي حد تركع تحت رجليه
هانم . اطلب اي حاجه غير كدة ابني لو عرف ممكن تحصل مصيبه طب استنا لم يطلقها حتي علشان ابني
الجزار . لا عاوزاها علي زمه راجل انا بستمتع كدة اكتر اني اخدت حاجه محرمه أو غصب دي بتقويني اكتر انا والي معايا . زينه سعيد
تحبي اسلط علي ابنك واحد يخليه يلف جوالين نفسه أو يخليه راقد في السرير طول عمرة إذا فضل فيه عمر يعني بعد الي حاعمله فيه
هانم . لاابوس ايدك كله الا ولادي انا حاعملك كل حاجه بس متاذيش ابني في حاجه
الجزار . شاطرة ياهانم بقيتي عاقله اهوةةة
قدامك يومين تجيبهالي وبعدها اقولك علي موضوع جدتها دة وازاي حاتصرف معاها . بقلمي زينه سعيد
هانم . حاضر بس متاذيش ابني وانا حانفذ كل طلباتك اوامر
الجزار . طيب يلا امشي دلوقت عندي جلسه مع الاسياد
هانم . ياختتاي انا ماشيه سلام
في المنزل . هيام . ايه ياجدة حماتي دة كله نوم انا خايفه يكون حصل لها حاجه شكلنا زودناها عليها مكنش يصح اعمل كدة
الجدة . طب تعالي نطمن عليها ونشوفها في سريرها ونقومها تاكل لقمه
هيام . داخل غرفه حماتها . ياماما اصحي ياماما الله دي مبتردش وكمان حاطه الغطاء علي وشها دي حماتي بتتخنق من أقلها حاجه
لما أنفس عنها شوي
ايه دة مخدة الحقي ياجدتي دي مخدة مش حماتي ياتري راحت فين دة كله ربنا يستر ومتكنش سابت البيت بس
الجدة . حتفضلي هبله وعبيطه كدة علطول حتسيب البيت ليه ولو سأبته حتحط مخدة مكانها لا دي بتخطط لمصيبه
الموضوع في أن
هيام . تعالي نشوفها برة ...بقلمي زينه سعيد
الجدة . يلا
في الصاله يافوزيه ياحنان ياايمان
فوزيه . في ايه ياهيام مالك عامله زيطه ليه عاوزة ايه
هيام . ماما فين مش في أوضتها وليه في مخدة مكانها
فوزيه بخوف وارتباك . مخدة ايه انا سايباها نايمه يمكن خرجت تشم هواء ولا حاجه
هانم . في ايه ايه الزيطه دي هوة انا عيله حتوة يعني منا قدامكم اهو منورة ياجدة وحشتيني في الشويه الي نمتهم دول .
الجدة . مالك ياهانم منا معاكي طول الوقت اهو دنا دخلت اطمن عليكي ملقتكيش فقلقنا عليكي المهم حمد لله علي سلامتك يلا نتعشا
هانم . لا حتعشا في اوضتي احسن هيام هاتيلي الاكل وتعالي عاوزاكي ... زينه سعيد
هانم . حاضر ياماما
فوزيه . اجيبلك انا ياحماتي ياحبيبتي واجي ادلكلك رجلك باين عليكي تعبانه
الحما . غوري يافوزيه شوفي عيالك انا عاوزة هيام
اسبقيني بالاكل ياهيام وتعالي عاوزاكي .
هيام . حاضر في سرها ربنا يستر
يتبع ... لو لقيت تفاعل حنزل جزء كمان النهاردة
بعتذر جدا عن التاخير كل سنه وانتم طيبين حبايبي بحبكم جدا يااجمل متابعين واحلي جروب
الجزء الرابع عشر
هانم . اسبقيني ياهيام بالاكل بسرعه ورايا علي اوضتي
هيام . حاضر ياماما
الجدة . حماتك مالها كدة متغيرة عن امبارح أنا متأكدة أن في دماغها حاجه ربنا يسترها منها روحي وديلها الاكل وشوفي عاوزة ايه منك وتعالي قوليلي واوعي تخافي جدتك معاكي . بقلمي زينه سعيد
هيام . حاضر ياجدتي ربنا يستر
هيام بداخل غرفه الحما . الاكل اهو ياماما اجيبلك حاجه تانيه .
الحما . اقعدي ياهيام ياحبيبتي عاوزاكي في موضوع ضروري .
هيام . خير ياماما في ايه بارتباك
الحما . متخافيش ياحبيبتي انا زي امك وانتي مرات ابني واحب ليكي الخير دنتي الغاليه .
هيام . باستغراب طبعا ياماما بس
الحما . بس ايه ياهيام
هيام . ابدا مفيش ربنا يديم المحبه علينا كلنا انا اسفه بجد ياماما لو كنت زعلتك مني وانا اوعدك حاعيش تحت طوعك ربنا يخليكي لينا يارب . بقلمي زينه سعيد
الحما بنظرة انتصار . ياحبيبتي انتي الوحيدة في مراتتات اولادي الي بحبها ويعلم ربنا ياهيام ولاهي .
المهم كنت عاوزة منك حاجه ضروري
هيام خير ياماما . عاوزاكي تيجي معايا مشوار بكرة بس مش عاوزة حد يعرف حاجه خالص والاخص جدتك فاهمه .
هيام . لكن .
الحما . ها ياهيام حازعل منك بجد وارجع اغضب عليكي ولا ايه .
هيام . لا خلاص مقدرش ازعلك انا مصدقت الأمور انحلت بينا
الحما . شطورة جدعه ياهيام روحي بقا وسبيني انام شويه
هيام . حاضر ياماما .
فوزيه . شفتي البت عاوزة تبلف دماغ حماتي لا ولاهي ماحخليها تتهني ابدا لازم ابوظ فرحتها
الجدة . في ايه ياهيام حماتك مالها . بقلمي زينه سعيد
هيام . لا لا ابدا ياجدة مفيش حاجه
الجدة . مخبيه ايه ياهيام عني ربنا يستر
فوزيه تتابع وتراقب من بعيد .
ها بقا كدة ياهيام عاوزة تاخدي حماتي صفك واحنا نبقا خدامين ليكي زي ماكنا بنعمل معاكي كدة لافشرتي .
حتبوظ خططك اكيد
هيام . بعد اذنك ياجدة حاقوم انام علشان تعبانه شوي
الجدة . بدري كدة خليكي قاعدة
هيام . محتاجه ارتاح شوي
الجدة . طيب
الصبح .
الحما . يلا ياهيام قبل ماجدتك تصحا علشان نيجي بدري
هيام . حاضر ياماما حاضر جايه اهو يلا بينا
فوزيه من وراء باب اوضتها رايحين فين بدري كدة دول وكمان قبل ماجدتها تصحا لا دا في أن في الموضوع لازم اطربقها . بقلمي زينه سعيد
الحما . بقولك ايه ياهيام اشربي العصير دة علشان انتي علي لحم بطنك وحرام كدة تدوخي مني في الطريق
هيام . حاضر ياماما بس اشربي معايا منه انتي كمان مفطرتيش ..بقلمي زينه سعيد
الحما .. لا لا انا فطرت بدري قبل مااصحيكي اشربي انتي اشربي ياحبيبتي
فوزيه . ياجدة ياجدة هيام فين
الجدة . ها هيام حفيدتي هيا فين
فوزيه راحت مع حماتي ركبوا توكتوك من قدام الباب ومشيوا
الجدة . يادي النيله هانم خدت حفيدتي وراحت فين ربنا يستر وانتي يافوزيه مصحتنيش ليه من ساعتها الحقهم ازاي بقا .
فوزيه . اصبري بس هما ركبوا توكتوك واحد جارنا تعالي نجيب رقمه من مراته ونعرف هوة فين
الجدة . يلا بسرعه يافوزيه يارب استرها يامنجي
يتبع ....التفاعل وحش قوي علفكرة ياجماعه حاولوا معايا علشان انزل كمان جزء بالليل تاني
كل سنه وانتوا طيبين رمضان كريم...
الجزء الخامس عشر
بقلمي زينه سعيد
حبايبي اهو زي ماقلتوا كل يوم جزء يارب يعجبكم بس ..
الجدة . اطلعي قدامي يافوزيه ووريني فين بيت صاحب التوكتوك دة ضروري . بقلمي زينه سعيد
فوزيه . الله في ايه ياجدة هيا حماتي حتعمل ايه يعني بهيام تلاقيهم رايحين يجيبوا حاجه كدة ولا كدة من وسط البلد اهدي امال مينفعش كدة
الجدة. .. اتمني كدة يارب استرها وميكنش جرالك حاجه ياهيام يابنت بنتي اقول لامك ايه يارتني مارجعتك للبيت دة تاني ....بقلمي زينه سعيد
الحما . اقف هنا يامصيلحي هيام ياهيام
هيام .. ايييوة اي اي اي بدوخان
الحما. .مالك كدة انتي دوختي كدة ليه متفؤقي امال قلت لك افطري قبل ماتيجي .
مصيلحي . هيا مالها الست هيام ياخالتي ام احمد هيا تعبانه ولا ايه دي دايخه خالص ومش واعيه لحاجه
الحما .. متدخلش. يامصيلحي وشوف حالك انتا واوعي تبرطم بحاجه قدام حد عيش وربي عيالك افضلك سامع
مصيلحي . مفهوم مفهوم . ربنا علي القوي
بقلمي زينه سعيد
الحما . صحصحي ياهيام ياهيام خلينا ندخل جوة مش قادرة اشيلك اتسندي عليا يابت انتي تقيله كدة ليه يلهووي حتقطمي ضهري .
فوزيه . ياشاديه بت ياشاديه
شاديه . خير يافوزيه علي الصبح مالك
فوزيه . جوزك فين
شاديه . منتي عارفه راح شغله طلع يلقط رزقه علي التوكتوك
فوزيه . طب ادينا رقمه عاوزينه في حاجه ضروري جدة هيام عاوزاة
شاديه . خير ياجدة عاوزاه في ايه
الجدة . مفيش يابنتي عاوزاة يوديني مشوار ضروري فوزيه قالت أنه شخص محترم وانا ست كبيرة يعني ومش عاوزة اركب مع اي حد
فوزيه . ربنا يخليكي كلك زوق خدي الرقم اهو اكتبي علي التليفون . ...
الجدة . الو السلام عليكم
مصيلحي ... وعليكم السلام مين معايا
الجدة . انا جدة هيام مرات ابن هانم جارتكم كانت فوزيه قالت إنها شافتك واخد هيام وحماتها مشوار ممكن اعرف هما فين بقلمي زينه سعيد
مصيلحي . انا معرفش هما نزلوا وسابوني
الجدة . الله يخليك انا قلقانه عليها قوي واوعدك مش حاقول لحد انك قولت ليا
مصيلحي . بصراحه هما نزلوا في مكان غريب بس انا عارفه وعارف البيت الي نزلوا عندوا لأن عليه علامات ومترقم الجدة . ... طيب يابني ربنا يخليك
مصيلحي . اركبي ياجدة اي توكتوك من عند البيت وانا حتابعك في الطريق
الجدة . طيب
فوزيه ... يلهوووي لو حماتي عرفت اني قلت للجدة حتموتني ربنا يستر ومتعرفش اني انا
الجدة . يارب استر وقف يابني والنبي عندك وخدني معاك
احمد زوج هيام . رايحه فين ياجدة
الجدة . احمد الحقني يااحمد والدتك خدت هيام وانا خايفه قوي عليها ...بقلمي زينه سعيد..
احمد . ايه ياجدة الكلام دة هيا امي حتاكلها يعني
الجدة . تعالي بس معايا نطمن علي هيام لو حصلها حاجه حاموت بحسرتي عليها ...بقلمي زينه سعيد
احمد . انا كدة قلقت ياجدة تعالي نروح
في الطريق مصيلحي وصف لهم المكان ووصلوا
الجدة . هوة دة البيت يااحمد الي وصفه مصيلحي تعالي ندخل ونشوف هيام
داخل منزل الجزار ...
الجدة ... لو سمحت يابنتي شوفتي هيام وحماتها
المرأة الغريبه . لا ابدا مفيش حد هنا بارتباك
الجدة . انا حادور عليها بنفسي قلبي حاسس انها هنا هيام ياهيام وتفتح أبواب الغرف
احمد . عيب ياجدة دي بيوت ناس
الجدة . اصبر يااحمد هيام انتي فين اه في باب اهو لسه مفتحتوش
المرأة . لا دة لا دا باب خصوصي اظن كدة ميصحش اخرجي برة بقا
احمد . يلا ياجدة عيب كدة
الجدة .باندفاع اوعووو هيام وتري منظر ..
يتبع ... اظن انا سمعت كلامكم وكل يوم جزء اهو ايديكم معايا نخلصها بالتفاعل بقا
مساء الخير عليكم جميعا رمضان مبارك علي الجميع يارب
بعتذر منكم علي التأخير ياحلوين
الجزء السادس عشر
من صراع السلايف
بقلمي زينه سعيد
الجدة . اوعي يااحمد حفيدتي جوة في الاوضه دي انا قلبي حاسس ياهيام ياهيام
احمد ... بلاش فضايح بقا ياجدة دي حرمات بيوت برضه مش عاوزين مشاكل ايه الي حيجيب هيام ولا امي هنا يلا نطلع
الجدة . اوعي بقي يااحمد وفتحت الباب بعنف
المرعب الجزار . انتي مين وازاي تدخلي البيت كدة هيا زريبه ولا وكاله من غير بواب اطلعي برة ..
الجدة . انتا بتعمل ايه يادجال انتا وفين حفيدتي
الجزار . حفيدة مين وانتي مين اصلا اخرجي احسن مااذيكي ...بقلمي زينه سعيد
الجدة . مش خارجه غير لما اعرف فين حفيدتي دلوقت ناس شافوها داخله البيت هيا وحماتها هنا
الجزار . امشي من هنا ياوليه ياخرفانه انتي
احمد . يلا ياجدة بلاش فضايح بقا هيام مش هنا تعالي زمانها روحت هيا وامي
الجدة .حاضر يااحمد بباس ..بقلمي زينه سعيد
فلاش باااك ..
فوزيه .. الووو انتي فين ياحماتي
الحما . في بيت الجزار اي دة فوزيه بتتصل علي الصبح ليه كدة داهيه لتكون شافتني وانا واخدة هيام من البيت
الجزار . مش فاضي ياهانم لكدة سبيني اشوف شغلي معاها
واطلعي برة انتي ...بقلمي زينه سعيد
الحما . استني بس ارد واشوفها عاوزة ايه
الحما . في ايه يافوزيه عاوزة ايه خير
فوزيه . انتي فين ياحماتي دي جدة هيام قالبه عليكي الدنيا انتي وهياام يظهر شافتك وانتي خارجه الصبح مع هيام
الحما . بتوتر انا خرجت مع هيام امتا دة دنا مشفتهاش من امبارح بالليل هيا طفشت ولا ايه انا في مشوار يافوزيه بزور واحدة صحبتي وجايه بعد شويه سلام
فوزيه . سلام ياحماتي توصلي بالسلامه.
فوزيه . هيا ليه بتكدب وبتقول أنها مشفتهاش انا شايفاها وهيا خارجه معاها الصبح بدري وبتتسحب ياتري ناويه علي ايه ياحماتي مع هيام ولا حتعملي فيها ايه ربنا يسترها
وانا مالي ياختي ولا كاني سمعت ولا شفت.
الحما. حنعمل ايه ياجزار فوزيه زمانها قالت لجدة هيام علي المكان دي مش سهله وممكن في اي لحظه تلاقيها ناطه لينا دلوقت .
الجزار . انا اقولك حنعمل ايه
بااااك
الحما. .داخل منزلها يعيني عليك يابني وعلي بختك النيله مراتك طفشت وسابت البيت والله اعلم طفشت مع مين وليه
احمد . الفاجرة بس لما أمسكها بس
الجدة . انتوا اجننتوا انتوا تقتلوا القتيل وتمشوا في جنازته وديتوا حفيدتي فين .
عملتي ايه في حفيدتي ياهانم خافي ربنا وقولي
هانم . انتي بتداري فضيحه بنت بنتك فيا روحي شوفي هربت مع مين بعيد عنا
احمد . كفايه انا حاروح ادور عليها واشرب من دمها واقتلها
فوزيه .. عندك حق ولاهي يااحمد الست الي تعر جوزها وأهلها تستاهل القتل . بقلمي زينه سعيد
وانتي ياجدة زعلانه ليه مش المفروض انتوا صعايدة وعندكم أن الواحدة لو طفشت من جوزها حلال قتلها
الجدة . انتي مين علشان تحللي وتحرمي انتي انتوا لا تعرفوا دين ولا ضمير مش انتي يافوزيه الي شفتي حماتك وهيا واخدة هيام من بدري وماشيه وجيتي قولتيلي . .
فوزيه . انا اااا محصلش امتا دة ولا اعرف حاجه
الجدة . انا استاهل اني دخلتها وكر الأفاعي دة تاني. .
اه ياهيام سامحيني ياضنايا ياتري فينك دلوقت ولا عملوا فيكي اي..أاااه
احمد . انا النار بتاكل فيا عاوزة الاقيها مش حاقعد زي الولايا كدة انا خارج
الجدة . خدني معاك يااحمد ادور عليها يلا بينا
أمام المنزل صوت رجل يرتدي زي عسكري . .
انتا أستاذا احمد .
احمد. ايوة انا
العسكري . اتفضل معايا انتا مطلوب في القسم لان لقينا جثه ومشتبه تكون هيام زوجتك لان لقينا بطاقتها ومطلوب منك تتعرف علي الجثه. ..
يتبع ... وأشوف التفاعل بحبكم جدا جدا
الجزء السابع عشر
صراع السلايف
بقلمي زينه سعيد ..
احمد .. جثه . جثه ايه ياافندم انتا بتقول ايييييه
الجدة . ..لا لا واه ياحرجه جلبي عليكي يابت بنتي هيااااام
انا السبب انا الي رميتها في النار برجليا جبتها وكر الأفاعي دة تاني ليه
الحما. بتمثيل ياعيني عليكي يامرات ابني ياحبيبتي ماتت وهيا في عز شبابها مكنش يومك ياحبببتيييي
بقلمي زينه سعيد
فوزيه . اي والله ياحماتي كانت طيبه وغلبانه وماتت اتخطفت مننا يانااااس يالهووووي
الجدة . بطلوا تمثيل بقا انتوا السبب انتوا الي خطفتوها وياعالم عملتوا فيها ايه ادعي ربنا أن متكنش الي في المشرحه دي هيام لاني انا مش حاسيب حقها ابدا الدم بالدم
ومش حيكفيني دم عيلتك كلياتها ياهانم فاهمه .
احمد . اسكتوا شويه لما نروح نشوف الاول
العسكري . اتفضل معايا يااستاذا احمد .
الجدة . انا جايه معاكوا
الحما . وانا كمان
في المشرحه . ..
احمد . خليكي انتي هنا ياجدة علشان متتعبيش
الجدة . لازم اشوف لو هيا هيام ولا لا
الحما . وماله ياحبيبتي بنت بنتك برضه لازم تودعيها.
الجدة .بغضب حسابك تقل قوي ياهانم قوي ..
احمد . ادخلي ياجدة يلا
يرفع الغطاء من وجه الجثه
الجدة . ااااه لاحول الله الجثه وشها متشوة قوي مش قادرة احدد ملامحها
احمد . بتفحص . استني ياجدة هيام كان عندها وحمه في رجلها من فوق هيا الي حتبين إذا كانت دي هيام ولا لا
احمد . بتفحص الجثه مش هيا ياجدة الوحمه مش موجودة
دي مش هيام
الجدة . الحمد لله الف الحمد لله انها مش هيام ياتري ياهيام انتي فين وايه جرالك
خارج المشرحه . ....بقلمي زينه سعيد
احمد . بفرحه مش هيام ياامي الي جوة مش هيام
الحما. بغضب . اه الحمد لله انها مش هيا فرحت قوي يا حبيبي .امال هيام فين في سرها
طب مش يلا نروح بقا يااحمد ونسيب الشرطه هيا تدور عليها وتعرفنا هما ادري بشغلهم
احمد . لا ياماما انا لازم اعرف مراتي فين واجيبها .
الحما . طب انا حاروح انا بقا لاني تعبت بجد وانتوا روحوا دوروا عليها . يلا فوتكم بعافيه
احمد . انا خارج ادور عليها ياجدة روحي ارتاحي انتي
بقلمي زينه سعيد
في مكان مهجور
الجزار .يتلمس شعر فتاه مغطاه وجهها بشعرها
اي ياحلوة مش ناويه تفؤقي بقا انا كنت عاوز استمتع بيكي وانتي مخدرة بس بصراحه بعد ماشفتك خطرلي اني اغتصبك وانتي صاحيه وشايفه كل حاجه ولا ايييه ياقمر
في منزل الحما .
الجدة . انطقي ياهانم فين حفيدتي احسن اهد البيت علي دماغك انطقي احسنلك
الحما . سيبي هدومي بقولك انتي اجننتي بتتهجمي عليا في بيتي شوفي حفيدتك الصايعه هربت مع مين ولا راحت فين
مهي أمها هربت زمان برضه مع واحد والله اعلم كان بينهم ايه وعلشان تداري فضيحتها اجوزته .
الجدة .. أخرسي قطع لسانك ياحربايه بنتي اشرف من بلدك
انطقي وقولي احسنلك هيام فين
فوزيه . سببها ياجدة وصلو علي النبي امال مينفعش كدة
بلاش فضايح .
الجدة .. انا عملت الي عليا وانتوا الي ابتديتوا مش عاوزة تنطقي انا حاخليكي تنطقي ...
هيام . أبعد عني حرام عليك انتا مين وعاوز مني ايييه الحقوني احمدددد ...
الجزء الاخير حينزل النهاردة متابعه لصفحتي الشخصيه ليصلك الجزء
كل سنه وانتم طيبين
طبعا دة الاخير علشان كدة. مش حتعلقوا بس انتوا حبايب قلبي برضه
صراع السلايف
بقلمي زينه سعيد
الاخير....
الجدة ...يعني مش حتعترفي ياهانم بالزوق وتقولي هيام فين
الحما . حكم ياخواتي انتي مجنونه ياوليه انتي ياخرفانه
جن يلخبطك ياحرمه اتحشمي امال واعرفي بتتكلمي مع مين عاد ياك اتخبلتي تكلمي كبيرة العيله اكدة ..
الجدة . عواد ولدي حبيبي جيت ميته ياولدي انتا كنت مسافر .
عواد . حديتنا بعدين ياامايا مش جدام الاغراب عاد
هانم . انتوا عاملين عليا عصابه وجابن تتهجموا عليا في بيتي لا فؤقوا انا عندي رجاله تاكل الظلط .
عواد . اتحشمي يامرة انتي
هانم .. يلهوووي الحقوني ياناس جاييين يضربوني في بيتي
ياعالم يابوليس
الجدة . ولا خديهم بالصوت يغلبوكي ياهانم انا خلفت رجاله بجد وعوايدنا مفيش راجل يمد يده علي حرمه .
بس عادي حرمه تضرب حرمه .
ادخلوا يانسوان العيله احب اعرفك ياهانم دول نسوان ولادي نسوان الصعيد فخر البلد حتنطقي تقولي هيام فين ولا اخليهم يعجنوكي زي عجينه العيش كدة
هانم... فشر محدش يقدر يقربلي دنا اكلهم كلهم قطمه واحدة
وانا كمان عندي نسوان ابني ياكلوهم اطلعي يافوزيه ياحنان
اطلعوا كلكم يانسوان
فوزيه .... في المطبخ .هيا ليله سودة من اولها دي شكلها مدعكه لا انا مليش في ضرب النسوان دول انتي مش شايفه
الواحدة فيهم عامله ازاي دي تحطني في رغيف وتفطر بيا
اخرجي ياحنان اخرجي ياحبيبتي وانا في ضهرك اهوةةة
حنان ... حزني انا ركبي مكسرة وتعبانه حادخل اريح
فوزيه... اطلعي ياحنان انتي ايمان احسن حماتي تعلقنا كلنا
طيب يلا بينا
الجدة . انتي الي جنيتي علي نفسك ياهانم يلا يانسوان
اهجموا عليها خدولي حق بنت بنتي من الوليه دي ونسوان ابنها . .... بقلمي زينه سعيد
في مكان مهجور
أبعد عني حرام عليك
الجزار . ايه ياقطه دنا حادلعك بس اهدي انتي بس
هيام . اوعي تقرب مني احمددد الحقني يااحمد
الجزار . شكلك كدة بتحبي العنف وانا كمان بعشقه تعالي ياحلوة .
هيام .. اااه سبني ياحيوان اوعي .. احمد الحقني يااحمد
خبطه علي رأسه فوقع من فوقها أرضا
انتي كويسه ياهيام وديني لقتلك بتقرب من مراتي ياكلب
هيام .. اععع اااه كنت فين يااحمد انا خفت قوي كنت حموت من رعبي .
احمد . ايه الي جابك هنا ياهيام مع الراجل دة مش دة الدجال .
هيام . مش فاكرة غير أن ماما هانم خدتني وراحت مشوار بعدها مش. فاكرة حاجه والله يااحمد .
انا صحيت لقيت نفسي هنا والكلب دة كان عاوز عاوز اااااه
احمد ...هشششش خلاص مفيش حاجه انا حاعرف اتعامل معاه واخد حقي منه انا بلغت البوليس وزمانه جاي ورايا
في منزل الحما.. ااااه ياني حرام عليكم موتونا ياظلمه
الجدة قاعدة رجل علي رجل هااا حلو كدة افتكرني ظلمك لهيام ولما سقطوها وحرمتوها الحمل وهوة في أوله انطقي هيام فين لاموتك انطقي البندقيه اهي والله افرغها في دماغك .
هيام .. استني ياجدة انا هنا اهووو
الجدة. هيام حبيبتي وحشتي جدتك قووي تعالي في حضني تعالي كنتي فين
هيام . مش فاكرة حاجه ياجدة مش فاكرة
احمد . حنعرف كل حاجه لما البوليس يستجوب الكلب الجزار دة
الجدة . عمل فيكي ايه الراجل دة ياهيام اذاكي
هيام . ملحقش ياجدة احمد انقذني منه
الجدة . براوة عليك ياولدي ..
الحما...اهاهاهاها الحقني يااحمد امك انضربت واتهانت في بيتها
الجدة . حقك عليا يااحمد خوفي علي حفيدتي عماني وخلاني اتخانق مع امك ونسوان اخواتك.
السيدة هانم محمود هنا
احمد . خير ياحضرة الظابط . في أمر بالنيابه باحضارها مشتبه فيها في عمليات قتل واغتصاب هيا والجدال اعترف عليها بكل حاجه أنها شريكته .
الحما. ابدا مش انا دا كداب الحقني يااحمد
احمد . انتي ياامي كنت عاوزة تلوثي شرفي طب ازاي دنا ابنك حرام عليكي
وكمان شريكه في قتل بنات الناس طب ليه ليه ياامي
الحما هانم . سامحني يابني غصب عني شيطاني عماني
الجدة .الي زرعتيه حصدتيه ياهانم روحي لنصيبك وربنا هوة المنتقم العزيز الجبار
هيام . انا مش حاقدر اعيش هنا تأتي يااحمد الأفضل أن احنا نتطلق انا تعبت
احمد . لا ياهيام انتي مراتي وإذا كنت سبتك في الماضي وقصرت معاك فغلطت وسامحيني انا حاخرج من البيت ومشاكله وابدا حياتي معاكي لوحدنا
الجدة . بينا علي الصعيد ياولادي وانتي ياهيام وجوزك كمان
تسكني جار جدتك حبيبتك وامك كمان حاخدها معاي
يلا بينا .. بقلمي زينه سعيد
بعد فترة
واة ياولد حتعورني اياك حوشي ولدك ياهيام عني عم يحدفني بالطوب
هيام . بيحبك ياجدة بس ياعلي سيب الجدة وتعالي نودي لابوك الغداء في الغيط يلا ياوله
في الغيط
احمد . ام علي الغاليه ماتجيبي بوسه كدة وانتي قمر
هيام . عيب يااحمد اتلم لينا بيت الله مش كدة
احمد . هو انا عارف اتلم عليكي من علي ابنك
هيام .. مهو ابنك كمان تعالي ياعلي ناكل مع ابوك يلا ياابو علي مد ايدك بسم الله ....
خلصت قصتنا بس لسه في حكايات مذهله وكتيرة اتمني تشجيع منكم حبايب
قصص وروايات حصريه فقط عندنا وبس عمل متابعه للمدونه واترك تعليقك او اي قصه تحب انزلها
تعليقات
إرسال تعليق