مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

ج. 1... #المسمومه 

اليوم ده صحيت على صوت

صريح نزلت جرى وعرفت ان حمايا

مات بسكته قلبيه

حسيت احساس غريب رغم

انه عمره ما حبنى بس

قلبى وجعنى عليه

وفجأه جسمى تلج وحسيت برعشه برد

غريبه دخلت جسمى

قولت معدتى ما انا كنت

 

بتعالج منها ومن ارتجاع المريئ

وفى وسط زحام وصريخ الموجودين

محدش حس بيه للأسف

الكل مشغول بموت حمايا

حتى صالح كان واقف بيعيط

زى الأطفال هو واخواته

وبعد مراسم دفن حمايا حصل اللى

مكنتش اتوقعه....!؟ 

الكاتبه // كوكى سامح 

انا رحمه 26 سنه ليسانس آداب 

جميله والحمد لله على خلق

تبدأ حكايتى من يوم ما خبط بالعربيه 

دكتور الباطنه المعروف صالح عبد الرؤوف 

كانت سمعته سبقاه ومعروف

بأخلاقه العاليه وتواضعه الشديد

حبيته وكمان هو وقع فى حبى 

واتخطبنا ولأنه كان 

جاهز اتجوزنا فى 6 شهور 

وكان طلبه انى اتجوز معاهم فى الڤيلا 

مع اخواته 

صالح عنده 3 اخوات رجاله 

خالد وسلمى مراته وعندهم ياسين 3 سنين

وده الكبير وكان الابن الجاحد 

اما الأخ التانى مصطفى ومراته مروه

وعندهم ايسل وايلين تؤم سنه ونص

اما ده بقى بتاع مصلحته وبس 

اما الاخ التالت وائل بس 

كان مسافر بره بيكمل تعليمه

وسمعت انه كان مدلع على الأخر 

ما هو أصغر اخواته 

اخر العنقود زى ما بيقولوا 

الكاتبه // كوكى سامح 

الكارثه بقى فى اخته 

الوحيده سالى قصدى العقربه 

عايشه معانا هى وجوزها مصطفى 

انا عمرى ما اختلط بيه وخصوصا 

لما حسيت ان عينه منى

 فى يوم الكل كانوا مسافرين 

الغردقه مصيف وصالح 

كان عنده شغل كتير 

وقال مش هنسافر 

وفعلا قعدنا لوحدنا بعد ما سافروا 

وفى يوم كان فى العياده 

وانا قاعده لوحدى مع الداده مؤمنه

حسيت بصداع غريب

طلبت منها نسكافيه وطلعت اوضتى

استناها وانا قاعده على السرير

وفرده جسمى حسيت بحد بيفتح 

الباب بس قولت اكيد الداده 

قولتلها تتدخل وفجأه 

لاقيته واقف قصادى وعينه 

على جسمى وكان شكله شارب حاجه 

كان باين عليه اوى 

خوفت منه ومسكت جسمى 

ولابست روب بسرعه 

وكنت زى المجنونه 

وسألته انت رجعت امتى 

وازاى تتدخل عليه اوضتى 

من غير استأذان 

انا فاكره كويس لما سألته 

عينه ونظراتها على جسمى 

كنت مرعوبه وخايفه 

كانت هتحصل مصيبه 

بس لقيت الداده دخلت علينا 

وسابنا ومشى وحتى مردش عليه 

وانا محبتش اعمل مشاكل 

واحكى لصالح لانه خلقه ضيق

وعصبى جدا 

وبعدين اخته سالى لو عرفت 

هتبقى مصيبه دى عقربه 

وبتحب الشر زى عينيها 

وبصراحه انا كنت خايفه على صالح 

يمكن غلط بس

 

من الخوف على جوزى 

من واحد قاعد عواله على مراته 

ومالوش شغلانه غير 

ياخد منها فلوس وبس

اما حماتى بقى ست الكل 

كانت اطيب خلق الله 

بجد عمرى ما حسيت انها حماتى 

بس للأسف كانت مطلقه 

وعايشه فى بيت لوحدها

ولما سألت صالح 

الكاتبه // كوكى سامح 

ليه اتطلقت رغم طيبتها

رد وقالى ان باباه كان راجل 

طبعه وحش وهى اتعذبت 

معاه كتير لدرجه انه كان بيضربها

والسبب كانت غيرته الزايده

اتطلقت ومستحملتش تعيش معاه 

بس صالح واخواته 

كانوا على طول عندها 

وبيسألوه عليها 

لحد ما حمايا مات 

وبعد موت حمايا بكام يوم 

صالح واخواته طلبوا منها تقعد معانا

وفعلا وافقت بسرعه 

وبصراحه الڤيلا نورت بيها 

كانت ست صالحه وطبعها 

من طبع صالح فى حالها

وبتحب الخير للناس 

وفى يوم وانا فى اوضتى قاعده مستنيه 

صالح يرجع من العياده 

الباب خبط وكانت حماتى 

.. ماما اتفضلى 

الكاتبه // كوكى سامح 

¬ ازيك يا رحمه عامله ايه 

مع صالح يا بنتى 

.. انا كويسه والحمد لله 

وبصراحه صالح مش مخلينى 

محتاجه حاجه 

¬ كنت عاوزه اتكلم معاكى 

فى موضوع يا بنتى 

.. اؤمرى يا ماما 

¬ الأمر لله وحده يا حبيبتى 

هو انتى وصالح ليه لحد 

دلوقتى مخلفتوش

نفسى اشوف ولادكم 

قبل ما اموت 

.. بعد الشر عليكى 

يا ماما بسسسس 

¬ فى ايه مالك يا رحمه 

.. مفيش بس انا كشفت 

والحمد لله انا كويسه 

والدكتور طلب منى يقابل 

صالح وبصراحه خد الموضوع 

بحساسيه وقال بعدين 

¬ قصدك ان صالح عنده مشكله 

.. لأ يا ماما انا مقولتش كده 

بس انا كويسه 

وكل التحاليل والأشعة بتقول 

انى سليمه 

إنما صالح لسه معملش

لا تحاليل ولا اشعه

¬ خلاص يا رحمه 

انا هتكلم معاااه واتصرف 

.. يا ماما انا خايفه يزعل 

ونبى بلاش 

¬ فى ايه يا بنتى 

ده ابنى مش هيزعل 

متقلقيش وبعدين 

انا هتكلم معاااه ومش هقولوا 

انى اتكلمت معاكى فى حاجه 

كويس كده يا بنتى 

.. حاضر يا ماما 

وفجأه حسيت برعشه وانا بتكلم 

مع حماتى نفس الاحساس 

اللى حسيته يوم موت حمايا 

ولقيت حماتى اتخضت وبان على وشها 

الذعر وقالت : 

¬ مالك يا بنتى فيكى ايه 

.. اه اه جسمى كله متلج يا ماما 

وحاسه ان مش مالكه نفسى 

وجسمى كله بيرتعش 

اكيد معدتى كالعاده 

باين كده الالتهابات رجعت تانى 

اه اه بس المشكله ان فى ألم 

غريب فى كل جسمى 

¬ يا حبيبتى يا بنتى شكلك خدتى برد

ولقيت حماتى قامت وفتحت الدولاب 

وجابت بطانيه وابتدت تدفينى 

بس انا مع الرعشه دى حسيت 

بمغص غريب وكأن مصارينى 

بتتقطع بس حاولت اتماسك 

وقامت حماتى ونزلت وبعد دقايق 

لقيتها طالعه ومعاها الداده مؤمنه 

وعامله ليه نعناع 

خدته منها وانا حاسه انى بموت 

والغريبه لما شربته المغص ذاد اكتر 

وطلبت منهم ينزلوا وقولت انى هنام 

كنت نايمه فى السرير وانا بتنفض

كأنى نايمه على قالب تلج 

كنت حاسه انى مش طبيعيه 

وفجأه الألم ابتدى يروح 

وانا ابتديت اتحسن 

وقومت من السرير 

ودخلت الحمام ولسه هاخد شاور 

الفون رن وكان صالح 

وطلب منى نتعشا 

انا وهو لوحدنا 

فى اوضتنا 

وبصراحه انا فرحت جدا 

ولما قفل معايا خرجت من الحمام 

ولابست حاجه على جسمى 

ونزلت على المطبخ 

علشان اطلب من داده مؤمنه 

تعمل لنا عشا لوحدنا ولما 

صالح يرجع تطلعه اوضتنا 

وانا نازله الكل كان موجود 

اخوات صالح كلهم قاعدين 

وتقريبا كانوا بيتكلموا 

فى حاجه تخص الميراث 

رميت السلام عليهم بس 

سالى العقربه قالت :

الكاتبه // كوكى سامح 

.. رايحه فين يا رحمه هانم 

¬ المطبخ يا سالى 

.. خير فى حاجه؟ 

¬ كنت هقول لداده مؤمنه تعمل عشا 

وتطلعه فوق لما صالح يرجع

.. ليه مش عاوزين تقعدوا معانا ولا ايه 

.ده طلب صالح مش انا خالص 

يا سالى عن اذنك 

وسبتها ودخلت المطبخ 

والغريبه ان الداده مش موجوده 

دورت عليها فى اوضتها بس بردوا 

مش موجودة 

اتعصبت وضربت برجلى دولاب المطبخ 

وفجأه الحلل اللى فى الرف 

تحت كلها وقعت 

نزلت على الأرض علشان اشيلها

وارجعها مكانها شوفت ملاحه 

صينى وسط الحلل 

وقولت انها فيها ملح 

ولما فتحتها كان فيها 

حاجه شكل الملح 

وملهاش ريحه خالص 

وبصراحه استغربت شكلها غريب 

وبعدين دى حد مخبيها وسط الحلل

والمفروض ان مكانها التوابل 

خدتها وخبيتها وقولت لازم اعرف 

فيها ايه بس لازم اسأل العطار

ممكن يكون نوع توابل جديده 

وانا معرفوش جايز بردوا؟ 

 وطلعت اوضه النوم 

وفتحت الدولاب وخبيت 

الملاحه الصينى فى شنطتى 

ولابست أجمل ما عندى وعملت ميك اب 

واستنيت صالح وفجأه الفون رن 

وكان حبيب قلبى صالح 

وقالى انه عنده حاله طوارئ فى المستشفى 

وطلبوه فيها واحتمال كبير 

يرجع الصبح قفلت معاااه وانا مضايقه 

وقولت ضاعت السهره 

مسكت الفون وكلمت مها صاحبتى 

وعشره عمرى.. 

رحمه.. ايوه يا مها اخبارك 

مها.. الحمد لله فى ايه 

رحمه.. نعم انتى هبله يا بنتى 

مها.. والله بجد فى حاجه 

رحمه.. لا مفيش بس صالح 

عنده طوارئ فى المستشفى 

وقاعده لوحدى فقولت اكلمك 

وشكله كده هيرجع الصبح 

مها.. اممم علشان كده بتكلمينى 

رحمه.. هههههه بتهزرى صح 

مها.. اه طبعا وانتى تقدرى 

تستغنى عنى يا رحومه 

رحمه.. ما بلاش رحومه دى 

قولى رحمه وخلاص 

مها.. مالك يا رحمه 

رحمه.. افتحى الكاميرا 

مها.. تمام فتحت انتى رايحه فين!؟ 

رحمه.. اصبرى ثوانى بس 

شايفه دى! 

مها.. دى ملاحه 

رحمه.. ايوه ملاحه بس اللى فيها مش ملح 

مها.. اومال ايه! 

رحمه.. ده اللى عاوزه اعرفه 

مها.. خلاص ممكن نعرف فيها ايه 

رحمه.. انا قولت اروح الصبح للعطار واعرف

مها.. نعم عطار ايه؟ 

رحمه.. ايوه مش يمكن نوع توابل جديده 

مها.. هى الملاحه دى كانت فين يا رحمه 

رحمه.. والله انا شوفتها صدفه 

فى دولاب المطبخ وسط الحلل 

اللى محدش بيستعملها اصلا 

لقيتها وقعت منه ولما فتحتها

قولت انها ملح بس ريحتها

مش ملح خالص والماده 

اللى فيها غريبه عامله 

زى التراب الأبيض 

قولت انزل الصبح العطار اسأله يمكن 

نوع توابل جديده 

مها.. ممكن بردوا 

خلاص انا بكره ان شاء الله هعدى 

عليكى الصبح واروح معاكى قبل الشغل 

واهو اشوفك واطمن عليكى 

رحمه.. ماشى وانا هستناكى 

يلا تصبحى على خير 

= وقفلت مع مها وحسيت ان 

عاوزه انام فردت جسمى على السرير

ونمت ومحستش بحاجه 

ولما قومت الصبح كانت الساعه 

11 ولقيت مها بتتصل بيه 

رديت عليها وقولتلها تستنى 

على أول الشارع 

ولابست بسررعه 

وقولت قبل ما صالح يرجع

ونزلت جرى  وانا خارجه من باب الڤيلا 

 اتخبط فى خالد اخوه 

.. رايحه فين يا رحمه 

¬ الصيدليه علشان عندى مغص من امبارح 

 ومش قادره حتى اسأل ماما 

.. لا الف سلامه عليكى 

طيب محتاجه حاجه 

¬ شكرا يا خالد 

وخرجت من الڤيلا وانا بكلم نفسى 

وبقول خالد ده مش راجل 

ده انا بقولوا انى تعبانه 

على الاقل كان قالى اروح مكانك 

يمكن مكنتش هرضى بس 

كان قال علشان حتى أخوه 

مش علشانى 

الكاتبه // كوكى سامح 

المهم انا لازم اعرف الملاحه 

دى فيها ايه وخرجت على 

اول الشارع وكانت مها واقفه 

وخدتها وروحنا على اققرب عطار

 وفجأه المغص رجع تانى بس المره دى حسيت انى عاوزه ارجع بس مقدرتش

مها.. مالك يا رحمه 

رحمه.. باين كده التهابات المعده رجعت تانى 

بس اليومين دول زايده شويه 

مها.. خلاص ابقى خودى علاجعها

رحمه.. انا حاسه انى تعبانه اوى 

وعاوزه ارجع ومش قادره 

حاسه وكأنى بموت ايه ده 

مش عارفه فى ايه! 

مع انى والله نازله وحتى مفطرتش

مها.. مالك يا رحمه شفايفك ازرقت 

ليه كده وكلك عرق 

لازم نروح على اققرب مستشفى 

وفعلا ركبت مع مها وروحنا على اققرب 

مستشفى ودخلت اكشف 

ولما كشفت الدكتوره قالت انها حاله تسمم 

ولازم غسيل معده بسررعه 

انا استغربت وجن جنونى تسمم ايه 

وعملت غسيل المعده وكنت مجهده جدا 

وهنا بقى طلعت الملاحه من الشنطه 

وسألت الدكتوره هو ده ايه ملح 

خدت منى الملاحه وقعدت 

على المكتب وفضتها قصادها وقالت : 

لا ده مش ملح ده سم يا مدام..

مها.. نعم سم... 

يتبع..

ج. 2...المسمومه

لما سمعت الدكتوره بتقول سم انهارت

ومكنتش حاسه بنفسى

وخطر فى بالى 100 سؤال

مين اللى مش حابب وجودى

ومين ده اللى بيكرهنى

وعاوز يموتنى

لقيت مها قربت من الدكتوره

وسألتها : حضرتك متأكده انه سم

الدكتوره.. ايوه ده سم حضرتك

بس من نوع نادر جدا وصعب تلاقيه

مها.. واعراضه ايه يا دكتوره

الدكتوره.. وجع فى المعده

وبتحسى بارتجاع بس مش بيحصل

ورعشه فى الجسم كله 

وممكن يؤدى لدوخه واغماء

ومع الوقت ضربات القلب بتزيد 

 إنما كل ده بيظهر

الكاتبه // كوكى سامح 

بعد اسبوعين من وجوده فى الجسم

لانه مفعوله بطيئ جدا بس قاتل 

لما يتمكن من الجسم 

مها.. يعنى يا دكتوره رحمه كويسه 

الدكتوره.. رحمه من حسن حظها

ان جسمها فى كميه سكريات عاليه 

وده اللى نقذها ومن الواضح 

ان النسبه فى جسمها مش كتيره 

رحمه.. 😭😭😭😭😭😭

الدكتوره.. ممكن نعمل محضر ونثبت في حاله 

رحمه.. لا يا دكتوره ارجوكى بلاش

انا مش عاوزه شوشره 

الدكتوره.. ده حقك!! 

رحمه.. حقى عند ربنا 

الدكتوره.. اوك يا مدام ممكن تتفضلى 

دلوقتى حضرتك كويسه 

رحمه.. حاضر بس قبل ما أمشى 

انا بشكر حضرتك 

الدكتوره.. الشكر لله وحده 

= رحمه خرجت من المستشفى ومعاها

مها بس وهى خارجه الدكتوره 

قالت.. يا مدام 

رحمه بصت وراها وقالت : نعم 

الدكتوره.. خلى بالك من نفسك 

ولو محتاجه اى مساعده كلمينى 

وده الكارت بتاعى انا الدكتوره أمينه 

رحمه.. حاضر اشكرك جدا 

مها.. يلا يا رحمه 

الكاتبه // كوكى سامح 

رحمه.. انا تعبانه وحاسه ان بموت 

من اللى سمعته 

مها.. تعالى نتكلم فى العربيه 

.. وخرجوا وركبوا العربيه 

ولما رحمه ركبت سندت 

دماغها على الكرسى وحطت ايدها

على راسها وقالت : اطلعى على الڤيلا

انا عاوزه ارجع قبل ما صالح يرجع 

.. مها قالت بعصبيه.. نعم يا اختى 

انتى بتقولى ايه 

ناويه ترجعى الڤيلا دى تانى 

لأ والف لأ 

فى عدو ليكى فيها وعاوز يموتك 

انتى فى خطر يا رحمه 

ولا مش مدركه الكارثة اللى انتى فيها 

الأكل فى سم ولا الشاى ولا العصير 

ولا القهوه ولا ايه بالظبط انا هتجنن 

مين ده اللى عاوز يموتك 

مش كفايه صابره ومستحمله 

سنه ونص متجوزه ومفيش 

خلفه والدكتور صالح المشهور 

المتعلم مش، عاوز يكشف 

لمجرد انه عرف انك كويسه 

اه العرق الصعيدى طق فى دماغه 

ومش عاوز يكشف 

والله العظيم انا حاسه ان صالح 

هو اللى عاوز يسممك يا رحمه 

علشان يتخلص منك ومن كلامك 

عن الخلفه اكيد هو اه هو 

¬¬ رحمه رفعت ايدها وبالقلم على وشها 

اوباااااااا وضربتها بالقلم وانهارت 

لا صالح لا اوعى تقولى كده يا مها 

وفتحت باب العربيه وجت تنزل 

.. مها شدت ايدها وبصت لها وعينها 

كلها دموع وقالت : انتى بتضربينى

علشان خايفه عليكى 

¬¬ رحمه حضنتها وبقت تعيط 

ومنهاره فى حضنها وقالت : 

غصب عنى انا بموت بموت يا مها 

انا شاكه فى كل اللى حواليه الا صالح 

انتى دوستى على نقطه ضعفى 

يا عشره عمرى اسفه اسفه اسفه اسفه 

متزعليش منى بجد غصب عنى 

حطى نفسك مكانى لما اتهم صالح 

انه هو اللى بيحاول يقتلنى 

هعيش معااه ازاى 

تانى بعد كده 

الكاتبه // كوكى سامح 

.. انا خايفه عليكى يا رحمه 

انتى كنتى هتموتى لا لا كنتى بالفعل

بتموتى وانتى لو حصلك حاجه 

انا مش هعيش بعدك انتى فاهمه 😭

¬ انا هرجع الڤيلا واعيش فيها 

علشان لازم ارجع 

عارفه ليه؟ 

علشان اخد حقى واعرف مين 

ده اللى عاوز يقتلنى 

ورحمه الغالين مش هسيبوا 

بس اعرف مين وانا هوريه العذاب الوان 

اذا كان راجل ولا ست 

بس إلا صالح يا عشره عمرى 

.. يعنى انتى دلوقتى هتروحى 

الڤيلا خلاص 

وهتعيشى معاهم ازاى معلش 

خودينى على قد عقلى وفهمينى 

¬¬ ايوه ده بيتى ومش هسيبه بالساهل

انا ربنا نجدنى النهارده واتكتب ليه 

عمر جديد ونور بصيرتى 

ان فى حد بيإذينى وانا معرفش

انا هرجع وهراقب كل الموجودين 

وهعرف مع الوقت مين 

اللى بيحط السم ليه وانا معرفش

مش هسيبه انا أسمى رحمه 

بس وحيات الغالين مش هرحمه 

يلا اطلعى 

.. حاضر بس فى حاجه 

¬¬ قولى يا مها 

.. بالنسبه للأكل هتعملى ايه 

¬¬ مش عارفه لسه 

انا حاسه ان تفكيرى اتشل 

.. خلاص انا جاتلى فكره 

¬¬ ايه هى قولى بسرعه يا مها 

.. اعملى انتى الأكل وكل حاجه فى المطبخ 

¬¬ نعم انتى بتقولى ايه 

مينفعش طبعا اولا العدد كبير

وبعدين الداده مؤمنه والطباخ

هما اللى مسؤلين عن المطبخ كله

وبعدين انا هخدم كل دول

لا طبعا كتير كتير بجد

وبعدين انتى عاوزه العقربه سالى

تتحكم فيه

الكاتبه // كوكى سامح 

.. وهنا بقى مها قالت :

اكيد هى اللى بتحط السم

وعاوزه تموتك اه ما هى بتغير

منك على صالح

واكيد عارفه ان مصطفى جوزها

عينه منك اكيد هى

¬¬ لا مش سالى انا عارفه

لسبب بسيط جدا

انها واضحه ومتصالحه معايا ومع نفسها

بتكرهنى وش

لو عاوزه تموتنى مش هتبين كرهها ليه

عموما خلاص انا عرفت هعمل ايه

.. طمنينى هتعملى ايه؟

¬¬ هعمل ليه الاكل انا وصالح

واى مشروب هعمله بإيدى

لحد ما اعرف مين

.. فكره بردوا بس انا خايفه عليكى

¬¬ متخافيش سبيها على الله

اطلعى يا مها

= وفعلا مها طلعت بالعربيه لحد الڤيلا 

ولما وصلوا كان خالد قاعد مع مراته وابنه 

فى الجنينه بيفطروا

مها ووشوشت رحمه وقالت:

انا مش بقبل خالد ده خالص

وحتى مراته تنكه كده

ورافعه مناخيرها لفوق

فعلا ما وفق الا ما جمع

¬¬ اسكتى بقى لا ياخد باله

انا مش عاوزه احتك بيه خالص

كفايه الا انا فيه

.. بقولك ايه انا مش قادره

اسيبك لوحدك معاهم

ايه رأيك استأذن بابا واجى اقعد معاكى

كام يووم

¬¬ يا بنتى لا بلاش تتعبى نفسك

انا هطمنك عليه اول بأول

متقلقيش عليه خالص

.. خلاص ماشى بس خلى بالك من نفسك

= خالد قام من مكانه وقرب منهم وقال :

عامله ايه دلوقتى يا رحمه

¬¬ الحمد لله اخدت حقنه وبقيت كويسه

.. ازيك يا مها بس ايه الحلاوه دى

** الحمد لله يا خالد

انت اخبارك ايه وسلمى وياسين

أخبارهم ايه

.. والله سلمى قاعده اهى وياسين

معاها ممكن تروحى تسلمى

عليهم بنفسك

** هههههه ابقى سلم عليهم

معلش انا متأخره وعندى شغل

.. ربنا معاكى

** انا همشى بقى يا رحمه

خلى بالك من نفسك

¬¬ حاضر يا حبيبتى

مع السلامه

** فى رعايه الله

=وفعلا مها مشيت وكانت عينها

كلها خوف وقلق على رحمه

من مصيرها المجهووول والموت اللى مستنيها

وسؤال واحد بس فى ذهن مها ورحمه 

مين هو اللى عاوز يتخلص من رحمه 

مين هو او هى اللى بيحط السم 

فى الاكل او العصير ل رحمه

سؤال صعب بس الحل موجود بين 

عائله صالح يا ترى مين؟؟؟ 

=رحمه واقفه فى الجنينه وخالد رجع مكانه 

وقعد مع سلمى وياسين 

وبتقول فى سرها : 

ممكن يكون خالد أو مراته سلمى 

لا لا طيب وليه لأ 

ايوه لا ما انا مفيش بينى وبينهم اى عداوه

يمكن هو جاحد بس عمره 

ما قالى كلمه ضايقتنى 

ده حتى عمره ما قالى مخلفتوش ليه 

عكس مصطفى اخوه ومراته 

اه هما فى حالهم بس فى موضوع 

الخلفه ده على طول بيسألوا 

وبيحرجونى 

انا حاسه انى هتجنن 

لما ادخل قبل ما صالح يرجع 

ولما دخلت الڤيلا من جوه قالت بعصبيه 

يا داده يا داده 

مؤمنه جت جرى.. 

الكاتبه // كوكى سامح 

.. نعم يا بنتى 

¬¬ انا من النهاردة هدخل المطبخ 

وهعمل الأكل ليه ولصالح 

.. ليه حصل حاجه 

¬¬ محصلش بس نفسى اتسأل عن جوزى 

سالى.. فى ايه مالكم عالصبح 

الداده.. صبح ايه يا ست الستات 

العصر هيأذن اهو 

سالى.. ههههه معلش بقى اصل كنت 

سهرانه طول الليل 

انتى عارفه مصطفى بيحبنى ازاى 

وامبارح بقى كنا سهرانين 

الداده مؤمنه.. ربنا يهنيكى ويرزقك 

الذريه الصالحه يا بنتى 

سالى بصت ل رحمه وقالت : 

.. ايه يا رحمه انا مسمعتش صوتك طول الليل 

وكان نور الاوضه مطفى 

شكلك كده صالح اداكى بومبه 

ونمتى لوحدك ههههه 

¬¬ اه كان عنده شغل

واستأذن ده حتى لسه مجاش

.. مممم ربنا معاااه 

بقولك يا رحومه وقربت منها 

وقالت بهمس معندكيش بدله رقص 

علشان مصطفى هيموت ويشوفنى بيها

رددت رحمه بغيظ وقالت :

لا معنديش عن اذنك انا طالعه 

وفعلا طلعت وسابتهم 

الداده مؤمنه.. براحه عليها شويه 

يا ست سالى رحمه طيبه ومش 

اللى فى بالك خالص صدقينى 

يا بنتى 

سالى.. والله انتى اللى طيبه 

دى عقربه ويتلف ليها بلاد 

اصلك على نياتك يا داده 

فكك بقى من السيره الزفت دى 

حضرى النسكافيه وكورواسون بسرعه 

الداده مؤمنه.. حاضر يا بنتى 

= صالح وصل من المستشفى 

وسلم على خالد ومراته وشاف سالى 

وسلم عليها وطلع على اوضته 

ولما دخل وفتح الباب كانت الاوضه فاضيه 

راح الحمام وخبط بس محدش فتح 

وقال : انتى جووه يا رحمه 

بس مش بترد 

فتح الباب وافتكر انها مش جوه 

ولقاها واقفه تحت الدوش بس بملابسها 

كامله قرب منها وقال : فى ايه مالك 

رحمه : انت جيت يا حبيبى 

صالح بص لها اوى وشالها ودخل بيها

على الاوضه ونزلها على السرير

وفتح الدولاب وطلع منه قميص وروب 

وقرب منها وابتدى يقلعها هدومها 

رحمه قالت بذهول : انت بتعمل ايه 

صالح.. ايه مراتى وخايف عليكى من البرد 

انتى مش حاسه بنفسك ولا ايه 

رحمه ضحكت بصوت عالى جدا 

سالى معديه من قدام الاوضه وسمعت ضحكتها

وقالت : اه يا نارى الظاهر كده ان الحب

مولع فى الدره وانا اللى 

حظى زى الزفت 

اخويا الدكتور العاقل بيضحك 

وكمان بيقلعها هدومها 

اه رحمه دى مش سيباه 

وواكله بعقله حلاوه 

اما انا موكوسه وقال ايه 

بكذب على نفسى وبقول 

عاوزه بدله رقص بلا نيله 

منك لله يا مصطفى يا ابو عين 

زايغه 

رحمه بتضحك وبتقول انت بتستعبط 

صح لا انا هلبس لوحدى 

صالح.. توء توء انا هلبسك 

تعالى بقى 

سالى من ورا الباب.. 

واكله دماغ اخويا العاقل 

يا عقربه 

الداده مؤمنه.. يو واقفه كده ليه 

يا ست سالى عيب كده 

سالى.. شايفه اللى بيحصل يا داده 

ودلوقتى فى عز النهار 

الداده مؤمنه.. بيحصل ايه

يا بنتى خضتينى

سالى.. اوف بقى انا داخله اوضتى 

فين النسكافيه 

داده مؤمنه.. سلامه الشوف فى 

ايدى اهو يا بنتى 

سالى.. تعالى ورايا 

ودخلت اوضتها ومعاها الداده 

¬ وبعد ما رحمه وصالح قضوا وقت لطيف 

مع بعض

رحمه.. انا هنزل اعمل أكل 

صالح.. ليه ما الطباخ موجود والداده 

رحمه بتلعب فى شعره وقالت : 

لا يا حبيبى من هنا ورايح انا اللى هعمل 

كل حاجه ليه وليك 

صالح.. طيب وليه التعب 

ده شغلهم 

رحمه.. علشان بحبك 

صالح.. طيب يا ستى 

بس انا مش جعان انا جعان نوم 

ممكن انام شويه 

وفرد نفسه على السرير 

ورحمه دخلت فى حضنه وقالت فى 

سرها : انا مش هيهدالى بال 

غير لما اعرف مين اللى عاوز يموتنى 

مش هرحمه 

الكاتبه // كوكى سامح 

وراحت عليها نومه فى حضن صالح 

وقلقت من النوم وبصت فى الساعه 

وكانت الساعه واحده بالليل 

واستغربت جدا أن راح عليهم نومه 

حسست بإيدها جمبها بس صالح مش موجود 

اتخضت وقامت من مكانها وفجأه 

باب الاوضه اتفتح ودخلوا عليها اتنين 

ستات لابسين حاجه شبهه النقاب 

مغطيه وشهم بس 

رحمه بصت بخوف واتفزعت وقالت ايه 

ده انتوا مين وعاوزين ايه 

واحده قربت منها وقالت : ايه 

مش عاوزه تموتى ليه يا شيخه 

حتى السم مش محوء فيكى 

والاتنين قربوا منها وكتموا نفسها 

وهى بتفرفر فى ايدهم

وكانوا فيهم قوة غريبه وشالوها 

وخرجوا بيها بره الاوضه 

و الڤيلا فاضيه وصالح مش موجود 

الكل نايم ورحمه نفسها مكتوم

وبتصوت ومش مسموعه 

وقربوا من داربزين السلم وبضربه واحده رموها

تحت ووقعت 😭... 

يتبع

ج. 3.....#المسمومه

وقربوا من داربزين السلم وبضربه واحده رموها

تحت ووقعت😭

=ووقعت رحمه من الدور التانى

على الارض غرقانه فى دمها

قامت الداده مؤمنه وقلقت من النوم 

وخرجت بره وقالت: ايه ده فى حاجه

غريبه نور الڤيلا كله مطفى 

هو النور مقطوع ولا ايه غريبه!؟ 

وفتحت الكبس ولقت نور 

وشافت رحمه واقعه على الأرض 

وغرقانه فى دمها 

وبقت على صرخه واحده 

الحقونى الحقونى ست رحمه 

وقربت منها وحاولت تفوقها بس 

ايدها بقت كلها دم 

** صالح نازل يجرى زى المجنون 

وقال : فى ايه يا داده 

مالك بتصرخى ليه؟؟ 

ولسه بيتكلم شاف رحمه واقعه غرقانه 

فى دمها وقف مكانه ومش مصدق عينه 

وجرى على رحمه

الكاتبه // كوكى سامح 

** فى ايه يا داده مالها رحمه 

وايه اللى حصل لها ده؟ 

.. معرفش يا د. صالح 

انا قومت من النوم قلقانه علشان 

اشرب خرجت لقيتها واقعه على الأرض 

بالمنظر ده

** صالح قرب منها ومسك ايدها

وقال : الحمد لله فى نبض

وشالها واتجه ناحيه باب الڤيلا

الداده مؤمنه.. يا د. صالح رايح فين؟

صالح قال بعصبيه المستشفى

انا مراتى بتموت يا داده

رددت وقالت : اخواتك اخواتك اخواتك

استنى لازم حد منهم يروح معااك

صالح.. انا مراتى بتموت

وخد رحمه وخرج جرى

والدم كان مغرق الأرض كلها

= مؤمنه طلعت على فوق

وخبطت على خالد وبلغته

ولما سمع الخبر استغرب وقال :

رحمه وقعت طيب ازاى!؟ 

الداده مؤمنه.. يا خالد بيه

المهم حد فيكم يروح لصالح اخوك

 ده لوحده يا ابنى

خالد.. حاضر هلبس بسرعه

وهروحلوا

وساب الداده ودخل يغير هدومه

سلمى.. فى ايه يا خالد

ايه الدوشه دى

خالد.. فى مصيبه

سلمى.. مصيبه ايه

خالد.. رحمه وقعت من على سور السلم

سلمى.. لا حول ولا قوة الا بالله

معقول دى مصيبه فعلا

انت رايح فين دلوقتى؟

خالد.. هروح لصالح المستشفى

سلمى.. استنى هروح معااك

خالد.. خليكى انتى

سلمى.. المفروض كلنا نكون جمبه

وقامت من السرير ولابست

الباب بيخبط وكان اخوات صالح كلهم.. 

** خالد فتح الباب.. 

الكاتبه // كوكى سامح 

مصطفى.. ايه اللى سمعته ده 

خالد.. مرات اخوك وقعت من على السور 

مصطفى.. سور ايه؟ 

خالد.. سور السلم وبعدين يلا يا جماعه

صالح لوحده 

مصطفى.. هو فى اى مستشفى 

خالد.. اكيد المستشفى بتاعته 

يلا يا جماعه مش وقته كلام دلوقتى

مروه.. انا جايه معاكم

مصطفى.. محدش هيروح معانا

انا وخالد نطمن بس وهتصل بيكم

على طول وهطمنكم

سلمى.. ان شاءالله خير

** خالد خد مصطفى اخوه وخرجوا

وركبوا العربيه وفى الطريق لمستشفى صالح

الام قامت من النوم وقالت :

فى ايه يا ولاد مالكم واقفين كده ليه 

وفين صالح!؟ 

الداده مؤمنه.. فى مصيبه يا ست هانم

الام.. خير مصيبه ايه دلوقتى

سلمى.. ايه يا مؤمنه فى ايه

كده بردوا تخضى ماما

الام.. فى ايه يا مؤمنه ردى عليه

مؤمنه.. الست رحمه وقعت من سور الڤيلا

الام.. معقول رحمه

يا حبيبتى يا بنتى

طيب هى كويسه ولا ايه

مؤمنه.. دى قاطعه النفس يا هانم

وكانت غرقانه كلها دم 

انا خايفه عليها اوى

والله يا هانم وشها مكانش باين

من الدم

الام.. يا عينى يا بنتى

طيب ازاى وقعت

مؤمنه.. معرفش ؟

سلمى.. ماما حضرتك اتفضلى كملى

نوم وخالد قالى انه هيطمنا

وان شاء الله خير

الام.. انام ايه يا بنتى

مؤمنه بتقول رحمه قاطعه النفس

انا هدخل اوضتى اصلى وادعيلها

عن اذنكم

وسابتهم ودخلت اوضتها

سلمى.. عقربه ربنا ياخدك

مؤمنه.. بتقولى حاجه يا بنتى

سلمى.. ههه لا يا داده بقول

ربنا يبارك فى عمر ماما

مروه.. انزلى انتى يا داده

واحنا هننزل وراكى

الداده.. حاضر يا ست مروه

وخرجت سالى وقالت :

فى ايه متجمعين عند النبى

مروه.. مرات اخوكى صالح

وقعت من السور وقاطعه النفس

سالى.. ماتت الله يرحمها

مروه.. يا شيخه حرام عليكى

سالى.. وهى فين دلوقتى؟

مروه.. صالح خدها على المستشفى

سالى.. طيب ربنا يريحها علشان نرتاح

مروه.. انا داخله اقعد مع سلمى

تعالى اقعدى معانا عقبال ما خالد يكلمنا

ويطمنا عليها

سالى شاورت بإيدها وقالت :

انا داخله انام ولو ماتت ابقوا بلغونى

علشان اللبس اسود

وسابتها ودخلت اوضتها

الداده مؤمنه.. لا حول ولا قوة الا بالله

سالى عمرها ما هتتغير

ونزلت تنضف مكان الدم..

الكاتبه // كوكى سامح 

= فى المستشفى..

صالح وصل ودخل بيها المستشفى

ولما الدكتور شاف رحمه وكشف عليها

دخلها غرفه الاشعه 

وقام بالازم كله ولما خرج قال 

 كسور فى ايدها ورجليها

وكدمات مكان الواقعه

صالح قال بلهفه وخوف :

والدم ده يا دكتور

انا خايف ياريت حضرتك تتأكد

لا يكون نزيف

وبعدين دى مغمى عليها ومش بتنطق

الدكتور.. يا صالح دى كلها كدمات

وفى جروح مفتوحه

متقلقش من اللى فى بالك

انا عملت اشعه على المخ وجسها كله

والمدام سليمه شويه كسور وكدمات

وبيتم اجراء الازم جوه

صالح.. بتتجبس

الدكتور.. ايوه والجبس هيقعد شهر كامل

وان شاء الله انا هتابع معاها

متقلقش يا صالح

صالح.. يارب

الدكتور.. ايه يا دكتور صالح

قلقان كده ليه

بس المدام مالها باين كده الواقعه جامده

صالح.. والله ما عارف حاجه

بس وقعت من سور الڤيلا

الدكتور.. ازاى طيب مش تاخد  بالها

ولا فى حاجه ووقعت قصد

صالح.. حاجه ايه بس يا دكتور

اكيد كانت نازله وقعت غصب عنها

ربنا يسترها وتقوم بالسلامه

** خالد ومعاه مصطفى داخلين جرى

والخوف والفزع باين فى عيونهم

خالد.. خير يا صالح

رحمه عامله ايه دلوقتى

وايه اللى سمعته ده

مصطفى.. مالها رحمه يا صالح

صالح.. الحمد لله هى كويسه

بتتجبس جوووه

خالد.. اللى قالته الداده ده صح

صالح.. ايوة رحمه وقعت

خالد.. طيب ازاى؟

صالح.. والله انا زي زيكم مش عارف حاجه

رحمه تفوق وتخرج بالسلامه

وان شاء الله هفهم منها كل حاجه

وازاى وقعت!

انا عارف حركتها سريعه

وكذا مره اقولها تخلى بالها

خالد.. قدر الله وما شاء فعل

صالح.. الحمد لله

مصطفى.. ان شاء الله تقوم بخير يا صالح

= صالح واقف مكانه وقلقان على رحمه

وخالد قعد ومعاه مصطفى

مصطفى.. مش المفروض مصطفى

جوز اختك سالى كان يجى معانا

خالد.. الواد ده معندوش دم

وانا قولتلك كذا مره انه مش مننا

انا من الاول مكنتش موافق على الجوازه دى

مصطفى.. هو حد فينا بيقدر على سالى

خالد.. كله من بابا الله يرحمه

هو اللى دلعها وخلينا صغيرين فى عينها

مصطفى.. عندك حق كله منه

خالد.. مش كفايه قاعد فى وسطنا

وبتصرف عليه

انا كان نفسى يثبت انه راجل

ومش طمعان فيها إنما طلع طمعان

فيها فيها وفى فلوسها

مصطفى.. يا ترى رحمه وقعت ازاى؟

خالد.. قصدك ايه؟ 

مصطفى.. انا حاسس ان الواقعه

دى مش طبيعيه

هى مش عيله علشان تقع من على السور

خالد.. اومال ايه

قصدك تقول قصد

مصطفى.. الله اعلم

الكاتبه // كوكى سامح 

فى الڤيلا.. 

= سلمى قاعده مع سلفتها مروه 

وبيتكلموا.... 

.. يا ترى وقعت ازاى يا سلمى 

¬¬ والله علم علمك يا مروه بس

 انا فعلا استغربت ازاى تقع 

.. ربنا يسترها وتقوم بالسلامه 

¬¬ يارب شوفتى حماتك يا مروه 

كانت عامله ازاى 

.. ايوه ما هى مرات الحيله 

حبيب ماما وقلبها كمان 

غريبه اوى الست دى بتعامل صالح 

غير اخواته والكارثه ان محدش فيهم حاسس 

ده بالعكس شايفين امهم الام الطيبه 

الحنينه مع انها بتفرق فى المعامله بين ولادها 

¬¬ عارفه يا مروه انا مش بحبها

خالص ولا بطيق وشها 

إنما بقى ست رحمه نفخاها علينا 

ماما ست الكل 

.. عندها حق بتعامل جوزها احسن معامله 

بس بصراحه صالح حنين 

¬¬ طيب ما خالد ومصطفى 

كويسين معاها وجدا كمان إنما بقى 

التفرقه بجد اسوء حاجه

التفرقه بين الأخوات حقيقى مع الوقت 

بيكتشفوا ده وبيكرهوا بعض 

زى ما حصل مع اخواتى 

بابا كان على طول بيفرق 

ما بينا لحد ما كرهنا بعض 

وسبحان الله بعد ما مات اهو بنحاول 

نتغير ونرجع زى الأول 

.. الله يرحمه يا حبيبتى 

¬¬ الله يرحمه يا ترى خالد متصلش ليه 

الباب خبط وكانت الداده وقالت : 

الست رحمه كويسه يا مدام 

سلمى.. خالد لسه متصلش

الداده قالت فى سرها : 

يا عيب الشوم عليكم مش هاين 

عليكى انتى وهى تتصلوا وتتطمنوا عليها

لا حول ولا قوة الا بالله 

سلمى.. واقفه كده ليه يا داده 

الداده.. انا نازله بس ياريت لو عرفتى 

حاجه عن رحمه طمنينى 

سلمى.. اوف حاضر حاضر 

=الام فى الاوضه بتصلى وتدعى ل رحمه

فى المستشفى.. 

الدكتور خرج وقال :

دكتور صالح تعالى بسرعه 

صالح قام من مكانه وقال خير 

رحمه فيها حاجه

ودخل جرى على الغرفه 

وشافها وهى منهاره وبتقول 

انا عاوزه مها بسرعه حد يكلم مها 

صالح قرب منها وقال حاضر يا حبيبتى 

بس اهدى شويه

حطت ايدها على عينها وقالت وهى منهاره.. 

انا مش شايفه انا بقيت عميا يا صالح.. 

صالح.. عميا ازاى لا لا... 

يتبع...

رحمه قالت انا مش شايفه يا صالح

صالح قام من مكانه وقال :

مش شايفه ازاى انتى بتقولى ايه!؟ 

يا رحمه لا لا ومد ايده قصاد عينيها

وابتدى يحرك ايده 

ولما حس انها مش شايفه 

ضرب بإيده على السرير

وخرج جرى للدكتور المتابع 

لحاله رحمه وقال : 

يا دكتور محمود مراتى مالها

خالد ومصطفى قاموا من مكانهم 

خالد.. فى ايه يا صالح 

حصل حاجه؟ 

للكاتبه // كوكى سامح 

مصطفى.. مالك شكلك مخطوف كده 

الدكتور.. مراتك زى الفل يا دكتور صالح 

صالح اتعصب وعينه دمعت وقال :

رحمه مش شايفه حاجه 

مراتى عميت يا دكتور 

خالد.. ايه! 

مصطفى.. ازاى ؟

الدكتور.. ازاى ده؟ طيب تعالى معايا بسررعه 

ودخل مع الدكتور غرفه رحمه 

وكانت حالتها سيئه جدا 

ومنهاره وبتعيط 

الدكتور قرب منها ولسه بيكشف عليها 

رحمه قالت مين مين انا مش شايفه 

حاجه. 

صالح بقى يبعد عنها ومش مصدق نفسه 

وقال بصوت مش مسموع 

رحمه عميت انا حاسس انى هموت 

الدكتور.. مدام رحمه ممكن اكشف 

بس ياريت تهدى 

رحمه قالت بعصبيه : انا مش شايفه 

حاجه خالص بقولكم انا عميت خلاص

فين صالح يا صالح يا صالح 

صالح قرب منها وقال : انا جمبك 

يا حبيبتى

رحمه مدت ايدها وبتحسس 

صالح خدها فى حضنه والاتنين 

منهارين تماماً

خالد ومصطفى اخواته دخلوا 

الغرفه عليهم 

خالد.. خير بس يا جماعه فى ايه 

فى ايه يا رحمه 

يا صالح مش هينفع كده 

لكل داء دواء وان شاء الله 

رحمه هتبقى كويسه 

الدكتور.. يا دكتور صالح 

انت عارف ان كل اللى بيحصل 

ده غلط على المدام 

وبعدين انا هقوم حالا اكلم 

دكتور حسام تخصص العيون 

وهيطمنا بإذن الله 

والدكتور خرج من الغرفه.. 

مصطفى.. لا حول ولا قوة الا بالله 

رحمه كده عميت 

خالد : شششش ايه اللى بتقولوا ده 

اسكت خالص 

رحمه.. انا بقيت عميا يا صالح 

خلاص مش هشوفك تانى 

ليه يارب كده 

صالح بيحضنها اكتر وقال 

والله هتبقى كويسه

الدكتور حسام دخل عليهم 

وقال : خير يا دكتور صالح 

صالح قام من جمب رحمه وقال : 

رحمه مراتى وقعت من على سور سلم 

الڤيلا وطبعا زى ما حضرتك شايف

كسور وكدمات فى جسمها كله 

إنما اللى اكبر من كده 

انها مش شايفه 

د. حسام.. ان شاء الله خير 

طيب لو سمحت ممكن تخرجوا 

بره انا عاوز المريضه لوحدها 

ممكن 

الكاتبه // كوكى سامح 

صالح.. حاضر يلا يا خالد 

يلا يا مصطفى 

= وفعلا خرجوا وصالح قرب 

من دكتور حسام وقال : 

ارجوك بعد الكشف ياريت 

لو فى اى حاجه خطيره 

رحمه متعرفش بلغنى انا وبس 

علشان خايف عليها اوى 

ولما خرج 

الدكتور قرب من رحمه

وكشف عليها 

الدكتور.. انتى شايفه ايه بالظبط 

رحمه.. ضلمه 😭 شايفه ضلمه 

انا بخاف من الضلمه اوى 

الدكتور.. طيب مفيش اى رؤيه حتى ولو 

مشوشه 

رحمه.. ضلمه ضلمه انا شايفه 

ضلمه وبس 😭

الدكتور.. حادثه صح 

رحمه قالت فى سرها 

انا مش لازم اقول ان حد عمل فيه كده 

انا لازم اكذب علشان انقذ نفسى 

واعرف مين بيحاول يسممنى 

وقالت : انا وقعت من على سور 

سلم الڤيلا 

الدكتور.. ازاى 

رحمه.. من على الداربزين السلم 

كنت نازله الدور الأرضي 

وفجأه حسيت بدوخه ومحستش

بنفسى وغير وانا وهنا 

الدكتور : طيب يا مدام مدام؟ 

رحمه.. انا رحمه يا دكتور

الدكتور.. مدام رحمه اللى عند حضرتك 

ده عمى مؤقت ومع الوقت والعلاج 

نظرك هيرجع 

بس طبعاً بياخد وقت 

رحمه.. وانا هفضل عميا كده مش شايفه

حاجه يا دكتور

وبقت تلطم على وشها بعزم ما فيها

الدكتور.. يا مدام رحمه

كل ده غلط

عاوزه تخفى وتبقى كويسه

حالتك محتاجه هدوء مش هينفع العصبيه دى

خالص

رحمه.. لو سمحت فين صالح

انا عاوزه صالح يا صالح يا صالح

والدكتور خرج وكلم صالح

وقاله على حاله رحمه وكتب شويه

ادويه وطلب منه أن رحمه ترتاح

ولازم تتابع معاه كل اسبوع

فى عيادته الخاصه

صالح.. يعنى حاله رحمه مش محتاجه

عمليه ولا حاجه

انا ممكن اسافرها بره

خالد.. ايوه يا دكتوره تسافر بره

من بكره لو حالتها محتاجه

الدكتور.. لا لا ان شاء الله مع المتابعه

والعلاج والراحه التامه هتبقى كويسه

وطبعا الهدوء حالتها مش محتاجه

اى توتر خالص

صالح.. تمام يا دكتور 

وسأله هتخرج امتى بس رد عليه وقاله 

ان ده من تخصص الدكتور المسؤل 

عن حالتها

الكاتبه // كوكى سامح 

وهو دكتور محمود

وراح لمكتب دكتور محمود وسأله

رحمه هتخرج امتى 

الدكتور.. المدام تخرج فى اى وقت 

حالتها كسور وكدمات 

وطلب منه تتابع حاله عينها

مع الدكتور حسام فى عيادته 

صالح.. تمام ما انا اتكلمت مع الدكتور

حسام وفهمت منه كل حاجه عن 

حاله رحمه 

د. محمود.. ربنا يطمنك عليها

صالح.. يارب 

وسابه وراح على غرفه رحمه 

صالح.. خالد ياريت تطلب كرسى متحرك 

علشان رحمه تخرج معانا 

خالد.. حاضر حالا تعالى معايا يا مصطفى 

وخرج خالد وبعد دقايق كان معاه 

كرسى متحرك واتنين ممرضين 

وشالوا رحمه وخرجوا بيها لحد باب العربيه 

وركبوا العربيه وطلعوا على الڤيلا 

وفى نفس الوقت خالد خد مصطفى معاه 

فى عربيته على الڤيلا 

فى العربيه.. 

صالح.. متقلقيش يا حبيبتى 

ان شاء الله هتبقى كويسه 

بس انا مش عارف حصل كده ازاى 

رحمه قالت فى سرها 

مش لازم يعرف حاجه 

رددت وقالت : دوخت ووقعت

ومحستش بنفسى ومسكت دماغها

وقالت : اه اه 😭

اه يا ايدى اه يا رجلى انا هلاقيها 

منين ولا منين يا ربى 

صالح.. حبيبتى الدكتور قال 

بلاش عصبيه علشان نظرك يرجع بسرعه 

لازم تساعدى نفسك 

رحمه.. انا بقيت عميا يا صالح 

وقالت فى سرها مش هرحمك 

يلا عاوز تقتلنى بس يا ترى 

مين الستات دول انا معرفهمش خالص 

والعربية وقفت... 

صالح نزل وشال رحمه ودخل بيها الڤيلا 

وكان مصطفى وخالد وصلوا 

خالد قفل بوابه الڤيلا ودخل ورا صالح ورحمه

الداده مؤمنه لما شافتهم جريت عليهم

.. الف حمدلله ع سلامتك يا ست الستات

وقربت منها وبتمد ايدها 

وقالت : ايه ده فى ايه 

رحمه.. انا عميت يا داده 

الداده مؤمنه.. يا نهار اسود 

لا حول ولا قوة الا بالله يا عينى 

عليكى يا بنتى 😭😭

صالح.. داده داده ارجوكى وغمز لها 

رحمه هتبقى كويسه المسأله وقت مش اكتر 

الداده قالت وهى منهاره وكاتمه جواها 

والدموع نازله من عينها 

ربنا يشفيها يا بنى ويعوض عليها 

يارب يارب اشفى ست رحمه يارب 

رحمه.. طلعنى اوضتى يا صالح انا عاوزه 

انام وتعبانه انا كل جسمى بيتألم 

صالح.. لو سمحت يا خالد 

دى الروشته ياريت تروح اققرب 

صيدليه وتشترى العلاج ده 

علشان فى مسكن لازم تاخده 

رحمه.. طلعنى اوضتى بسرعه 

صالح شالها ودخل بيها على اوضه 

الضيوف فى الدور الأرضي وقالها

هنقعد هنا علشان تبقى الحركه سهله 

عليكى 

الكاتبه // كوكى سامح 

رحمه.. هنا فين 

صالح.. فى اوضه الضيوف 

رحمه.. انا عاوزه مها ممكن 

صالح.. هى الداده موجودة 

بس فعلا لازم حد يقعد معاكى 

ويخلى باله منك ومن أكلك وشربك 

رحمه قالت فى سرها 

الا أكلى اللى بيتحط فيه السم 

يارب هعمل اية انا اتعميت خلاص

صالح.. فى فكرة 

ومسك الفون واتصل بممرضه معاه 

يعرفها كويس وطلب منها ترافق رحمه 

خلال فترة علاجها ولحد ما تقوم بالسلامه 

ولما قفل معاها قال : 

الممرضه نور هتكون جمبك ومعاكى 

رحمه.. نور انا اول مره اسمع الاسم ده 

صالح.. دى اشطر ممرضه عندى 

عموما من الصبح هتكون موجودة 

معاكى هنا وهتبات معاكى كمان وحتى 

تنام معاكى هنا وانا اطلع فوق 

لحد ما تبقى كويسه او تنام فى اوضه وائل 

ايه رأيك 

رحمه.. ماشى صالح انا تعبانة 

وجسمى كله ألم 

صالح.. خالد يرجع وتاخدى المسكن وهتبقى 

كويسه 

الباب بيخبط وكانوا سلايف مروه وحماتها 

الام.. حمدالله على سلامتك 

يا بنتى وشد حيلك يا صالح

بكره مراتك تبقى زى الفل

الحمد لله انها عاشت يا ابنى 

مروه.. حمدالله على السلامه يا رحمه 

سلمى.. حمدالله على السلامه 

رحمه.. الله يسلمكم

وشكرا اوى ليكم صالح انا عاوزة انام 

صالح رد وكان محروج وقال 

حاضر 

الكاتبه // كوكى سامح 

انا اسف يا ماما اسف يا جماعه

هى تعبانة زى ما انتم شايفين 

سلمى.. انتى بجد بقيتى عميا 

رحمه.. بره بره اخرجى بره 

صالح.. ايه ده يا سلمى 

ميصحش كده اتفضلى اطلعى دلوقتى 

وزقت مروة وخرجوا مع بعض 

الام.. عميا 😭😭😭

صالح.. ده مؤقت يا ماما 

الام.. لا حول ولا قوة الا بالله وخرجت 

وهى بتعيط وحزينه على رحمه 

خالد.. العلاج اهو 

صالح.. شكرا يا خالد 

خالد.. على ايه بس دى رحمة زى اختى بالظبط 

صالح قال بوشوشه بمناسبة اختك فين سالى 

خالد.. والله ما عارف انا طالع انام 

تصبح على خير 

صالح قدم العلاج ل رحمه وكان مسكن

ونامت بعده على طول 

** وفى صباح اليوم التالى 

وكانت الساعه 12 الضهر وصلت الممرضه 

نور واتفقت مع صالح على كل حاجه 

ودخلت ل رحمه واتعرفت عليها 

رحمه.. صالح كلمت مها 

صالح.. ايوه ولما عرفت انهارت 

وفى الطريق 

مؤمنه داخله ومعاها فطار لرحمه 

زى ما صالح طلب 

رحمه.. انا مش هاكل انا شبعانه

صالح.. مينفعش

قربت نور وقالت انا هأكلها بإيدى

من النهارده انا المسؤله 

عن أكل مدام رحمه 

وخدت الصينيه من الداده 

وقعدت جمب رحمه وابتدت تأكلها بس رحمه

رافضه الاكل من خوفها 

نور.. يااه انتى هدوخينى ولا ايه 

لازم تشدى حيلك كده 

وتاكلى كويس علشان العلاج 

مها وصلت ودخلت وهى منهاره 

وقربت من رحمه وحضنتها وبقت تعيط 

والاتنين منهارين 

.. ايه ده كده يا صالح انت مش امين 

على مراتك 

الكاتبه // كوكى سامح 

ازاى يحصل لها كدة! 

صالح.. هى داخت ووقعت 

يا مها بلاش كلامك ده لو سمحت 

نور.. يلا يا مدام علشان تفطرى ميعاد العلاج

رحمه.. فين المسكن انا مش قادره 

صالح.. لازم تفطرى الاول

نور بصت لصالح وقالت 

انا هشجعها وهفطر معاها 

ومسكت توست فيه مربى 

وأكلت منه

مها.. انا مش مصدقه اللى حصلك 

رحمه.. انا كنت هموت 

نور.. انا أكلت اهو اتفضلى يا مدام 

ومدت ايديها فى فم رحمه علشان تاكل 

وفجأه مسكت بطنها وصرخت 

وقالت : اه مغص انا حاسه انى بموت 

وفجأه رجعت دم.... 

يتبع.. 

ج. 5.... #المسمومه

وفجأه نور رجعت دم قدام الكل ووقعت

على الارض وبقت بتفرفر زى الفرخه

مها.. ايه ده فى ايه

صالح قرب منها ونزل

على الارض وقال : نور مالك

رحمه.. فى ايه حد يفهمنى

الداده.. الممرضه بترجع دم ووقعت على الأرض

يا ست رحمه

رحمه.. يا خبر!؟

مها قربت منها وقالت بصوت واطى

رجعت بعد ما أكلت التوست

الظاهر كده ان الفطار فى سم 

يعنى فعلا كلامك صح ان فى حد فى البيت 

ده عاوز يموتك واقطع ايدى 

ان كان وقوعك من على السلم 

بالقصد 

رحمه ابتدت ترتعش وخافت

وقالت : مها خليكى جمبى

انا محتاجه ليكى اكتر من اى وقت

اوعى تسبينى

مها مسكت ايدها وقالت :

متخافيش انا جمبك

صالح شال نور وخرج بيها على العربيه

وراح المستشفى..

سلمى.. فى ايه على الصبح

مين دى كمان اللى صالح خارج بيها

الداده.. الممرضه يا ست سلمى

تعبت وخدها على المستشفى

دى كانت يا عين امها

 

بتفرفر ورجعت دم والله زى المدبوحه

 

سلمى.. ممرضه مين انا معرفهاش

الداده.. ممرضه الست رحمه

سلمى.. مممممم طيب

ست رحمه والممرضه بتاعتها غرقوا الڤيلا دم 

ايه القرف ده 

وبعدين هى فين دلوقتى

الداده.. فى اوضتها يا ست سلمى

سلمى.. انا خارجه ولما ارجع

ابقى ادخل اسلم عليها

الداده قالت فى سرها

قاسيه مع ان رحمه طيبه

ومتستاهلش كل ده

= وخرجت سلمى ومعاها ابنها ياسين

ولا كأن فى مصيبه فى البيت

فى المستشفى..

الكاتبه // كوكى سامح 

=صالح وصل ومعاه نور

ودخلت كشف وعرف انها

حاله تسمم وبعد عمليه غسيل المعده

اخده عينه من الاكل وطلع فيه

سم من نوع نادر

وكانت مفجأه بالنسبه لصالح

بعد ما نور راحت فى غيبوبه

وبين الحياه والموت

** الدكتور طلب الشرطه

وتم التحقيق مع صالح بتهمه تسمم نور

وخصوصا ان اخر أكل اكلته هو اللى فيه سم

وكانت المربى

وصالح اعترف وقال إن المربى

كان فطار مراته ونور اكلت قبلها

علشان تشجعها لأنها تعبانه

ومحتاجه رعايه

وهو طلب نور الممرضه بتاعته

علشان ترافق مراته خلال مرضها

وبسؤال صالح

عنده شك فى مين اللى

أضاف السم فى الاكل

رد وقال : ان كلهم عيله واحده

وهو مش مصدق نفسه ان فطار 

مراته فيه سم

**وبعد التحقيق ما خلص 

صالح اتهم؟؟؟؟؟؟؟....... 

فى الڤيلا.. 

فى اوضه رحمه 

= مها قاعده معاها لوحدها 

** رحمه قالت فى حد موجود معانا 

.. لا مفيش 

** انا خايفه اوى يا مها 

شوفتى اللى حصل 

نور الممرضه اتسممت مكانى 

والله اعلم ماتت ولا لأ

ده حتى صالح ما اتصلش

يطمنا وبردوا لما انتى كلمتيه 

مردش عليكى زى ما قولتى 

.. ان شاءالله خير 

اكيد مشغول يا رحمه 

اللى هو فيه مش سهل 

بس بقولك انتى وقعتى ازاى 

** انا فى كارثه يا مها 

انا موقعتش غصب عنى زى ما قولت 

انا قومت من النوم 

وصالح مكانش جمبى 

اتخضيت عليه قومت اشوفه

ولسه بقوم

من مكانى

لقيت الباب اتفتح واتنين ستات

لابسين حاجه زى النقاب

شالونى وكتموا صوتى

ورمونى من على داربزين السلم

انا كنت حاسه بكل حاجه

ومكنتش قادره اتكلم

ومحستش بنفسى وغير

وانا فى المستشفى

ومتكسره زى ما انتى شايفه

وغير مش شايفه

انا خلاص عميت يا مها

والله اعلم

هشوف تانى ولا لأ 😭

.. يا نهار اسود كل ده حصل

طيب وصالح كان فين

اصلا لما قام من جمبك

ازاى محسش بيكى

** والله مش عارفه

انا لسه متكلمتش معاه

فى اى حاجه

خالص

انا تعبانه وجسمى كله وجعنى

ألم ووجع

ده انا ما صدقت نمت

الباب خبط وكانت الام.. 

ولما دخلت قعدت جمب رحمه 

وسألت على 

موضوع الممرضه 

ومروه سلفتها دخلت وقعدت معاهم

رحمه.. انا معرفش حاجه 

خالص 

غير أن البنت أكلت من الفطار

ووقعت على الارض

مها بصت ل مروه وقالت : 

يعنى 

لو رحمه كانت أكلت 

كانت ماتت 😭 

الام.. ليه يا بنتى 

مش يمكن الممرضه تعبانه 

مروه.. الحمد لله ان ربنا 

سترها 

بس يا ترى فى ايه 

بالظبط 

وبصت لحماتها وقالت : 

اكيد اتحسدنا يا طنط 

ما هو مش معقول اللى بيحصل 

بيحصل كده 

اكيد فى سبب 

وهو الحسد 

الام.. يمكن يا بنتى 

ولو على كده يبقى 

 ان شاء الله هكلم 

الشيخ عبد المنعم 

يجى ويبخر الڤيلا 

وحتى يقرأ الرقيه الشرعيه 

على رحمه 

يمكن تبقى كويسه 

عن تجربه 

عارفين يا بنات 

زمان كان شعرى طويل 

طول ضهرى 

وناعم حرير 

كان ملفت جدا 

فى يوم وانا قاعده وامى 

الله يرحمها وكانت بتسرحنى 

دخلت علينا واحده 

صاحبتها 

من اعز اصحابها 

وقالت ايه ده كل ده 

شعر 

ده طويل وناعم وجميل 

دى صغيره على طوله ده 

بعد ما مشيت 

بعيد عنكم على اللى حصل 

ليه شعرى باظ 

واتملى قشر وبقى يقع بطوله 

وفضلت على كده فتره 

وحزنت على شعرى 

وامى كانت بتعيط عليه 

لحد بقى ما حد وصف لأمى

شيخ كان اسمه احمد 

ولما شافنى 

قال انى محسوده

وقرأ عليه الرقيه الشرعيه 

وبعدها رجعت كويسه 

الله يرحمه بقى 

كان شيخ كويس جدا 

فعلا الحسد موجود 

ربنا يبعد عنا عيون الحاقدين والحاسدين 

مروه.. ايوه يا طنط فعلا الحسد 

وحش اوى 

مها.. ياريت يا طنط تكلمى الشيخ 

ده يمكن لما يقرأ الرقيه 

الشرعيه على رحمه 

تبقى كويسه 

الام.. ان شاء الله 

فى المطبخ.. 

الداده واقفه وبتعيط 

الطباخ حسن قرب منها وقال 

.. مالك يا مؤمنه فيكى ايه 

¬¬ زعلانه على الست رحمه 

وخايفه عليها 

اوى 

.. والله عندك حق 

انا مش عارف 

اللى حصل لها كانت زى الفل

الحال اتشقلب فى ثانيه

بس انا سمعت 

انها مع العلاج 

هتشوف مع الوقت 

¬¬مؤمنه قربت منه وبصت 

شمال ويمين وقالت 

بصوت واطى 

وبتوشوشه 

اللى حصل حصل 

الخوف من اللى جاى 

.. هو انتى تعرفى حاجه 

يا مؤمنه 

=وفجأه سمعوا صوت دوشه بره فى الڤيلا 

مؤمنه خرجت ووراها حسن الطباخ 

وكانت الشرطه ومعاها 

صالح وقرب من حسن 

وقال: 

ده الطباخ حسن 

اللى بيجهز الاكل للكل اللى فى 

الڤيلا وانا بتهمه 

حسن.. انا يا دكتور

حرام عليك انا بشتغل هنا من 

من خمس سنين 

والحمد لله عمر ما حد اشتكى 

منى 

انا معروف بسمعتى 

مؤمنه قربت من صالح 

وقالت : 

ليه كده يا ابنى 

ده حسن 

غلبان وميعملش كده

صالح قال بعصبيه : 

ملقتش قدامى غيره 

يا داده

بس نفسى اعرف هو ليه عمل كده 

حسن.. انا معملتش حاجه

يا دكتور صالح 

والعسكرى قرب منه وتم القبض

على حسن وخرج من الڤيلا 

وهو بيقول 

انا مظلوم يا دكتور 

الحقينى يا مؤمنه 

انا هروح فى داهيه 

انا بريئ والله بريئ

خرجت مها ومعاها مروه والام 

الام جريت على صالح وقالت 

فى ايه 

يا ابنى 

صالح.. الممرضه اتسممت من بيتنا 

يعنى فى سم فى الاكل 

عارفه لو كانت رحمه اكلته 

كان زمانها مرميه فى المستشفى 

مكان نور الممرضه 

الام.. سم يا مصيبتى 

طيب ازاى 

صالح.. معرفش 

مؤمنه قربت منه وقالت : 

حرام عليك حسن مظلوم 

انا متأكده من برائته 

صالح.. من الاخر كده يا داده 

لو متهمتش حسن 

كنت هتهمك انتى 

ما انا مقدرش اعمل غير كده 

مؤمنه.. كتر خيرك يا ابنى 

الام..مين يعنى اللى

هيحط السم فى الاكل 

وكمان ل رحمه 

بجد انا مش فاهمه حاجه 

خالد نزل على صوتهم 

ولما عرف اللى حصل 

كان رأيه من رأي صالح 

ان حسن هو الجانى 

سلمى رجعت من بره 

وطلعت اوضتها 

من غير 

ما تعدى على رحمه تسلم عليها

وعرفت من خالد اللى حصل 

وان حسن اتقبض

عليه بتهمه تسمم الممرضه 

سلمى.. صالح غلطان 

ازاى يتهم الطباخ 

خالد بص بإستغراب وقال : 

سامعه سالى بتصوت 

خرجوا جرى وكان مصطفى بيضربها

سالى.. ما انت مش راجل 

يا بتاع الكبريهات 

مصطفى.. انا هوريكى يا بنت الكلب 

خرج خالد وصالح 

وقرب خالد منه وقال : 

انت ايه يا اخى معندكش 

دم مش كفايه 

قاعد فى بيتنا 

وكمان ليك عين 

تمد ايدك عليها 

وضربوا بالقلم 

مصطفى اتجنن وقال : 

انا هوريك انت تضربنى انا وحيات ربنا لا اندمك

وخرج وسابهم 

سالى.. ليه يا خالد بتعمل كده 

خالد.. نعم انا بدافع عنك 

سالى.. ده مشى يعنى مش 

هيرجع تانى 😭😭

صالح.. انتى بتتكلمى 

جد يا سالى 

سالى.. ده جوزى يا صالح 

مليش غيره 

كل واحد فيكم مشغول بمراته 

وانا لوحدى 

صالح.. بس مش ده الراجل المناسب 

ليكى يا بنت عبد الرؤوف

سالى.. اه اكيد رحمه اللى بتقول كده

صالح.. شيلى رحمه من دماغك

مش كفايه

اللى حصل لها

سالى.. انا هغور على اوضتى

منكم لله كلكم

انا بكرهكم وبكرهه نفسى كمان 

خالد.. البت دى لازم تتلم 

صالح.. خلاص خلاص 

يلا كل واحد على اوضته 

وصالح نزل على اوضه رحمه 

وعرف منها ان مها استأذنت 

من باباها وهتبات مع رحمه 

وكان مبسوط جدا لأن مها 

صاحبتها المقربه ليها

وهى بترتاح 

لها 

وكمان رحمه عايشه معاه 

وكل أهلها 

بره مصر 

وحماته واخو رحمه الوحيد 

عايشين ومستقرين فى أمريكا 

ومينفعش يعرفوا ان رحمه وقعت 

وكمان كان ممكن تتسمم 

ويبقى السؤال المحير 

فى ذهن صالح مين اللى كان عاوز يسمم رحمه 

يا ترى 

قاصد ولا لأ 

ويا ترى حسن الطباخ لى يد 

ولا لأ 

ولا حد من الڤيلا وحسن مظلوم زى ما قال؟ 

اسئله كتير فى ذهن صالح 

بس بيهرب ومش مصدق نفسه 

ان ممكن يكون حد من عيلته مجرم؟؟ 

صالح خرج على المطبخ وعمل عشا 

بإيده لرحمه ومها 

وقدمه وبعد ما اتعشوا 

واطمن انها اخدت العلاج 

وسابهم وطلع على اوضته... 

رحمه.. حسن مظلوم وانا واثقه من ده 

مها.. عارفه انه مظلوم 

وصعبان عليه 

بس يا ترى مين 

على فكره انتى فى خطر 

بس انا مش هسيبك لحد ما تقفى على رجلك 

ومها بتتكلم مع رحمه 

رحمه نامت منها بعد المسكن 

مها قامت وغطتها كويس 

ودخلت الداده واطنمت عليها 

ولما خرجت الداده 

مها نامت جمب رحمه 

وقفلت الباب كويس عليهم 

بعد ما اتأكدت ان الكل ناام 

واطفت انوار الڤيلا كلها... 

مها قاعده مع نفسها وبتعيط 

على مامتها وبتقول ياه وحشتينى يا ماما 

كده اهون عليكى تسبينى لوحدى 

ومتسأليش عليه ده انا بنتك الوحيده 

وفتحت الفون على اليوتيوب 

وبتسمع اغنية وبتعيط 

وفضلت قاعده مكانها 

وفجأه حست بعطش وقامت المطبخ تشرب 

وهى خارجه شافت حاجه غريبه 

راجل بيجرى بره الڤيلا 

خرجت جرى وراه 

وهو مش حاسس بيها 

وشافته ماسك طفل فى ايده 

وبيجرى وفتح البوابه 

وقالت : ايه ده 

ده مصطفى جوز سالى 

واللى فى ايده ياسين ابن خالد 

هو رايح بيه فين؟! 

ومشيت وراهم وشافته ساب الولد نايم 

فى وسط الطريق اتجننت 

لما شافته ركب عربيته ومشى 

جريت زى المجنونه علشان تلحق الولد 

وفجأه شافت عربيه جايه عليه.. 

وهى زى المجنونه 

اوبااا العربيه....... 

يتبع

ج. 6.....#المسمومه

مها شافت العربيه جايه على ياسين

جريت زى المجنونه

والعربيه جايه بسرعه اوباا خبطت مها

وجريت

وقعت على الارض بس

كانت الخبطه سطحيه

قامت وخدت ياسين فى حضنها

وهى بتعرج وقالت :

الحمد لله المهم ان ياسين كويس

رجعت الڤيلا وهو معاها

وفى حضنها

ودخلت ومحدش حس بيها

وبقت تكلم نفسها وتقول

طيب هعمل ايه فى ياسين

دلوقت وهقول ايه

لو حد شافنى مينفعش

اقول مصطفى جوز سالى

ولا حتى اجيب سيرته

اخاف منه ومن مراته

دول شر وبصت ل ياسين وقالت

الحمد لله يا حبيبى

انت اتكتبلك عمر جديد

انا مش عارفه ايه الغل ده

بس مفيش غير حل واحد 

=وخدت بعضها وراحت على 

اوضه الداده وخبطت 

ولما الداده صحيت 

قامت فتحت وقالت 

وهى مخضوضه 

** ايه ده ست رحمه جرالها 

حاااجه

¬¬ لا يا داده بس فى حاجه 

والداده لمحت ياسين فى ايدها

وقالت: 

** ماله ياسين وبعدين هو معاكى ليه 

دلوقتى؟! وفين سلمى 

¬¬ يا داده وطى صوتك 

لو سمحت انا فى مصيبه 

ومش عارفه اتصرف 

** يا بنتى خضتينى ما تقولى 

فى ايه؟ 

¬¬ مصطفى جوز سالى 

** ماله مصطفى خراب البيوت ده 

عملك حاجه يا مها يا بنتى 

¬¬ انا هقولك 

ووطت صوتها وابتدت تتكلم 

وقالت : 

انا عطشت وقومت اشرب 

شوفته فى ايده ياسين 

انا فى الاول قولت انه راجل غريب 

وبصراحه بحسبه حرامى 

ولما اتأكدت منه جريت وراه 

وكان ياسين على ايده

وفجأه سابه فى وسط الطريق 

وركب عربيته ومشى 

وانا لحقت الولد والعربيه 

خبطتنى بس الحمد لله 

بسيطه المهم ان الولد كويس 

ومصطفى كان عاوز يموته 

انا خايفه اوى يا داده 

** انا عمرى ما استريحت للبنى 

آدم ده 

وكذا مره قولت ل سالى 

بلاش يا بنتى الجوازه دى 

بس بتقول انها بتحبه 

¬¬ المهم يا داده انا مش عارفه 

اعمل ايه 

الولد معايا ومش عارفه اتصرف 

وبعدين اخاف اقول على اللى 

حصل انتى اكيد عارفه 

انى مقدرش انا مش 

عاوزه مشاكل 

وملقتش حد غيرك 

يتصرف 

الداده مدت ايدها وقالت : 

** انا هتصرف هاتى ياسين

بس اوعى تقولى لحد يا بنتى 

علشان لو حد عرف باللى 

حصل هتبقى مصيبه 

والاخوات هيقعوا فى بعض 

سالى مش قد خالد 

ولا سلمى 

ومصطفى مش سهل 

يلا روحى خليكى جمب رحمه 

¬¬ شكرا يا داده 

** على ايه يا بنتى 

يلا حبيبتى تصبحى على خير 

¬¬ وانتى من اهله 

ومها راحت على اوضه رحمه

ونامت جمبها 

وكانت خايفه ومش مستوعبه اللى حصل 

والداده دخلت اوضه الأطفال 

وكانت المربيه نايمه جمب السرير

وحطت ياسين فى 

السرير ونزلت اوضتها

وهى بتتسحب وخايفه 

اى حد يحس بيها

او يشوفها 

=وفى صباح اليوم التالى 

العيله كلها متجمعه على الفطار

ومها مع رحمه

وصالح عمل ليهم فطار

وكان مضايق جدا 

لانه أصبح عنده شك فى 

كل الموجودين 

وقدم الفطار ل رحمه ومها

وطلب من مها 

ان تخلى بالها كويس 

من رحمه لان 

جاله شغل مفاجئ وهيسافر 

شهر خارج مصر 

رحمه اتجننت وطلبت منه 

يعتذر 

بس رفض وقال 

الشغل مهم جدا ومش هينفع يعتذر 

وهو مطمن عليها

علشان مها موجوده

معاها وهتكون عينه فى الڤيلا

بس رحمه وشها بان عليه القلق

والخوف 

واضايقت منه جدا 

واتهمته بعدم حبه ليها 

ولو كان بيحبها

مش هيسبها فى تعبها 

شاور ل مها وطلب منها تخرج ورااه

ولما خرج الجنينه 

مها استأذنت رحمه وقالت : انها رايحه الحمام

وفعلا خرجت الجنينه 

وكان صالح مستنيها

قالت بعصبيه

خير يا صالح فى ايه 

نعم 

مش كفايه هتسافر 

وهتبعد عن مراتك فى الظروف 

دى انا قولتلك من الاول 

انت مش امين عليها 

** مها بلاش غلط لو 

سمحت 

رحمه عندى بالدنيا 

انا مسافر ااه 

بس مش شغل 

انا مسافر بره علشان أعرض 

حاله رحمه 

على اكبر دكاتره هناك 

لازم رحمه ترجع تشوف 

وان شاء الله هتشوف 

احسن 

من الاول 

انا مش هسيبها 

بس مش هقدر اقولها 

انتى اكيد عارفه دماغها

¬¬ كل اللى بتقولوا كويس اوى 

يا دكتور 

بس خلى بالك 

مراتك كانت هتموت بالسم 

بس ربنا نقذها

وكفايه اللى حصل لها 

وقربت منه وقالت بصوت واطى 

انا عاوزه اقولك حاجه 

انا هاخد رحمه معايا 

لحد ما ترجع 

او بقى تأجر لينا شقه 

بس المهم نطلع من الڤيلا دى 

لان بجد مش هينفع نقعد من غيرك 

** ماما موجوده والداده 

متخافيش خالص

وبالنسبه للأكل الداده هى اللى هتكون مسؤله عنه

¬¬ ولو حصل حاجه يا صالح! ؟؟. 

** ان شاء الله مش هيحصل 

اى حاجه وعموما 

انا هكون معاكم على طول 

مكالمات وفيديو كمان 

¬¬ خلاص يا صالح 

بس والله لو حصل اى حاجه

هاخد رحمه وامشى من البيت ده 

** قولتلك متخافيش 

بس المهم دكتور حسام 

المفروض يتابع مع رحمه 

لحد ما ارجع على الاققل 

¬¬ حسام مين؟ 

** دكتور العيون 

ما ده اللى هيتابع مع رحمه

¬¬ بس هى لسه تعبانه 

مش هينفع 

زى ما انت شايف 

** فى حل انا ممكن اتكلم معاه 

ويجى البيت هنا ويتابع معاها

ايه رأيك 

¬¬ خلاص يا صالح 

لو ينفع ياريت 

ومها استأذنت ودخلت ل رحمه 

وقعدت معاها وحكت لها

على حصل ل ياسين 

بس رد فعل رحمه

كان خوف وقلق من مصطفى 

وقالت انها 

تتوقع منه اكتر من كده 

فى الجنينه 

صالح قعد ومسك الفون وكلم حسام 

وسأله لو ينفع يتابع رحمه 

فى البيت 

وكان طلبه مقبول 

واتفق معاااه 

يكون عند رحمه من اول الاسبوع 

علشان تكون اتحسنت 

شويه 

ولما قفل معااه 

خالد خرج وبيشرب سيجاره 

ومضايق جدا وصوته 

عالى 

ولما صالح سأله 

قاله ان مضايق من موضوع

سالى ومصطفى

وقعدوا يتكلموا مع بعض

فى مكتب مصطفى.. 

قاعد وبيكلم نفسه وبيقول :

غريبه لا حس ولا خبر 

وفتح الفيس ودور فى كل صفحاتهم

وشافها فاضيه 

مفيش اى اخبار

وقال : هو ايه اللى جرى 

المفروض الواد يكون مات 

انا بإيدى رميته فى وسط الطريق 

واتصل ب سالى بحجه انه 

عاوز هدوم ورددت عليه 

بكل حب ولا كأن حصل بينهم حاجه 

وعرف منها ان كلهم كويسين 

قفل معاها وهو مستغرب

.. وبعد مرور اسبوع... 

والدنيا فى الڤيلا ماشيه كالعاده 

ومصطفى رجع ومكانش عارف ان مها شافته

بس الجديد ان صالح سافر وودع 

مراته وطلب من مها 

تخلى بالها منها كويس 

وكان النهارده اليوم الأول 

فى علاج رحمه 

الدكتور حسام وصل الڤيلا 

زى ما اتفق مع صالح 

مها استقبلته واليوم ده 

كان عيد ميلاد بنات مصطفى ومروه

ايسل وايلين وعلشان

ظروف رحمه

اتأجل بس رحمه طلبت من مروه

يعملوا العيد ميلاد وهى مش هتزعل

بس المهم البنات تفرح

وفعلا مروه عملت ترتيبات

بسيطه ومكانش يقتصر

غير على العيله وبس

وتورته تفرح بيها البنات وخلاص

الدكتور استأذن ودخل اوضه رحمه 

علشان يكشف عليها 

ويشوف حالتها 

ولما دخل الدكتور وابتدى يكشف عليها 

رحمه طلبت من مها تخرج 

تجيب واجب الضيافه 

للدكتور وفعلا مها استأذنت 

وخرجت 

الدكتور قرب من رحمه وحط ايده 

على عينها 

وسألها شويه اسألها 

وقرب منها واستغل انها مش شايفه 

ولمس جسمها 

رحمه : ايه ده 

وفجأه سمعت صوت صريخ واتلهت

ودخلت مها وقالت : الحقى 

رحمه.. فى ايه 

مها.. فى مصيبه البنات أكلوا من طبق التورته 

اللى فى ايدى ده 

والله ما اعرف حاجه 

انا سبته على الترابيزه 

وخرجت الجنينه كنت بعمل تليفون 

ورجعت لقيته فى ايد الداده 

وبتأكل منه البنات 

رحمه.. بنات مين؟ 

مها.. بنات مروه يا رحمه 

حسام بعد عن رحمه

وصوت مروه كان عالى جدا وهى بتصوت 

رحمه قالت وهى منهاره 

فى ايه يا مها 

ما تقولى انا اعصابى سابت 

مها جريت على الشباك ورمت الطبق 

فى الجنينه من الخوف وقالت 

البنات اتسمموا وماتوا.... 

يتبع.. لجزء السابع

روايه المسمومه

الجزء السابع

الكاتبه // كوكى سامح

مها قالت البنات اتسمموا وماتوا..

رحمه.. انتى بتقولى ايه ازاى

ده حصل

لا لا

مش معقول دول لسه اطفال

الدكتور حسام ارتبك وقال:

انا ماشى وبعدين نكمل متابعه

يا مدام رحمه

عن اذنكم واعتذر وخرج ومشى

رحمه قاعده لا حول ليها ولا قوة

مها قربت منها وقالت :

عارفه السم ده كان اكيد ليكى

مين عاوز يموتك هنا

نفسى اعرفه

مروه صوتها عالى وبتصرخ

وبتقول بناتى راحوا

منى

=رحمه قالت وهى منهاره

ومدت ايديها

وبتحسس

**مها انا عاوزه اطلع بره

لازم اعرف حصل ايه؟

¬¬ لا يا رحمه مش

هينفع

انتى متجبسه وتعبانه

ومش هتقدرى

انا هخرج وهرجعلك

بسرعه

= وخرجت مها وشافت الكل متجمع

والعيد ميلاد اتقلب

ميتم

مروه قاعده وماسكه البنات

ومنهاره

مها.. حد ياخد البنات على المستشفى

خالد.. انا طلبت الاسعاف

واكيد فى الطريق

بس للأسف البنات ماتوا

مها عيطت وقالت :

ماتوا لا اله الا الله

وقربت من مروه وقالت

ربنا يصبرك يا حبيبتى

الداده.. انا مش عارفه

ايه اللى حصل

دول كانوا كويسين

وبيلعبوا دلوقتى يدوب

أكلوا من التورته وبقوا فى دنيا تانيه 😭

= مروه منهاره ومفيش على لسانها

غير اه يا بناتى

مصطفى قعد جمبها

وحضن البنات

ومش مصدق نفسه

انه فقد بناته التؤام

وقال :

يوم عيد ميلادهم يتكتب شهاده وفاتهم

ليه يارب كده

الام قربت منه وقالت

اوعى تكفر ده عمرهم

رد وقال :

البنات يموتوا كده

طيب ازاى

اكيد فى حاجه

البواب دخل وقال :

الدكتور أحمد جارنا بره

خالد.. دخله بسرعة

بس عرف منين

سلمى.. انا كلمته

الدكتور أحمد دخل عليهم

خالد جرى عليه وقال:

يا دكتور ممكن تكشف

على البنات

عاوزين نعرف فى ايه

مصطفى.. بناتى ماتوا

قلبهم وقف ومفيش نفس خالص

سالى.. سيبه يكشف يا مصطفى

الدكتور أحمد قرب من البنات

والكل واقف حواليه

مستنى كلمه واحده

منه

يكون فيها امل انهم عايشين

وابتدى يكشف

وبعد ما خلص كشف قال بكل حزن

البقاء لله

الكل صرخ وحتى سالى

رغم قلبها الحجر

بس وقعت اغمى عليها

ومروه مش حاسه بنفسها

مصطفى كان بيبكى زى الأطفال

خالد.. شكرا يا دكتور

وهنا بقى الدكتور أحمد قال

الموته دى مش طبيعيه

انا اشك ان فى شبهه جنائية

خالد استغرب من كلامه وقال :

ده قدر يا دكتور

هما تؤام وماتوا مع بعض

عمرهم كده الله يرحمهم

الدكتور رد وقال : انا اشك انها حاله تسمم

خالد.. نعم تسمم

الإسعاف وصلت وخدوا

البنات جثث من الڤيلا

عل صراخ الكل

ومروه فى اللحظه دى

فاقت وبقت تصرخ

وتصوت

على بناتها فلذه كبدها

يااه مفيش أغلى من الضنا

وخرجوا كلهم ورا عربيه الإسعاف

بس خالد قال : انا مش عاوز اى ست فيكم

تيجى معانا

مروه قالت وهى منهاره

انا هروح ورا بناتى ووطت

على رجل خالد وقالت

ابوس ايدك سبنى اودعهم

خالد.. تعالى يا مروه معانا

بس ارجوكى تماسكى

مروه.. حاضر حاضر 😭😭😭

هو فين مصطفى!

خالد.. خرج بره ورا

عربيه الاسعاف

=خالد خد مروه ومصطفى زوج اخته

وركب عربيته

وقعد يدور على مصطفى اخوه

بس عرف انه ركب مع بناته

فى عربيه الإسعاف

وطلع بعربيته وراهم على المستشفى..

ولما وصولوا المستشفى

وبعد الكشف عليهم

وضحت الرؤيه للكل

انها حاله تسمم

وكان السم من النوع القاتل فى الحال

مصطفى اتجنن وانهار

وقال : تسمم ازاى

يعنى فى حد عاوز يقتل بناتى

خالد.. ايه حكايه السم ده

بردوا الممرضه اتسممت فى بيتنا

هو مين المقصود بالظبط

بالسم ده

انا مبقتش فاهم حاجه

فينك يا صالح

انا لازم اكلمه واقولوا على اللى حصل

مصطفى قعد على الأرض

وبيعيط زى الأطفال

وقال : ليه يارب

ده انا مليش غيرهم

خالد.. استهدى بالله

لان الموضوع مش سهل

ده سم يعنى قتل

مصطفى.. اه يا بناتى

خالد قرب منه وقال :

بقولك ايه الموضوع كده هيكون

فى س و ج وحوارات

احنا مش قدها

المره اللى فاتت صالح قال

حسن الطباخ

المره دى حسن الطباخ محبوس

يعنى مش هو

ومعنى كده اننا هنتمرمط

لازم نلم الموضوع

مصطفى بص وعينه كلها دموع

وقال : تقصد ايه

خالد.. المستشفى دى بتاعه

خال سلمى مراتى

انا هتكلم معااه

وهقولوا مش عاوزين شوشره

احنا لينا وضعنا

فى السوق

وغير دكتور صالح لى اسمه بردوا

يرضيك اننا نتبهدل

وامك تتبهدل معانا

وغير بناتك هيتبهدلوا

تشريح وحلنى بقى لما يطلع تصريح دفن

وخال سلمى يتمنى

يخدمنا

وحط ايده ع كتف مصطفى

وقال :

يرضيك يا اخويا

مصطفى : انت عاوز ايه يا خالد

خالد.. انت فاهم

انا عاوز ايه

متبصليش كده وكأنى جانى

والله زعلك عليهم

مش اكتر منى دول

اتولدوا على ايدى

مصطفى…اه علشان كده

عاوز نلم الموضوع

خالد.. انا مش عاوز نتمرمط

بس اوعدك ورحمه

بابا انا هجيب حقهم

بس بلاش نتمرمط

مروه.. اوعى تسمع كلامه

انا عاوزه حق بناتى

لو ابنك حصله كده

هتلم الموضوع

انت طول جاحد وبتكرهنا

خالد.. بقولك انا هعذرك

علشان عارف

انك مش فى وعيك

وبص ل مصطفى وقال :

انا داخل لخال سلمى

ومش عاوز حد فيكم يفتح بوقه بكلمه

ماشى

وسابهم ومشى

مروه.. يا حسره قلبى على بناتى

انت هتسيبه يلم

الموضوع وحق بناتى يضيع

اه ما انت مش راجل

مصطفى رفع ايده عليها

مروه.. ما تضرب

منك لله انت واخوك

يا ظالما منكم لله

مصطفى زوج سالى

قرب منهم وقال :

هو خالد ده طول عمره

كده مفترى

ومسك خده وافتكر القلم اللى خده منه

وبعد نص ساعه

خرج وقال : خلاص

مفيش غير تصريح الدفن

هيطلع الصبح

والبنات تدفن وربنا يعوض عليك

بس ورحمه ابويا مش هيعدى اسبوع

ويكون اللى عمل كده

مرمى فى السجن

وقرب من مصطفى وعينه

فى عين مروه وقال :

ارتاح يا مصطفى

حق بناتك فى رقبتى

فى الڤيلا..

الكل منهار

سالى.. معقول ده خالد بيقول

سم ازاى بس

سلمى.. الله يرحمهم

مروه تلاقيها هتتجنن

الام قربت من صوره جوزها

وقالت فى سرها

يااه الزمن بيخلص يا رؤوف

احفادك ماتوا

بالسم

مها دخلت جرى على اوضه رحمه وقالت :

البنات ماتوا

خلاص

بجد صعبوا عليه ملهمش ذنب

رحمه.. 😭😭😭😭😭

انا حزينه عليهم

مها.. انا بردوا زعلانه عليهم

بس انتى اللى كنتى

مقصوده

وربنا نجاكى

احنا لازم نمشى من البيت

ده وخصوصا

فى تحقيقات وبوليس وشغلانه

رحمه.. اسكتى يا مها

انا مش مستحمله اى كلمه

دلوقتى

مها.. حاضر هسكت

بس انا حاسه ان اعصابى سايبه

رحمه.. فينك يا صالح

بقولك اتصلى ب صالح دلوقتى

وادهونى لازم يعرف اللى حصل

ان البنات ماتوا بالسم

مها.. حاضر

ومسكت الفون وقالت : يااه الشبكه قاطعه

رحمه.. طيب كلميه نت

مها.. مفيش نت شغال خالص

الظاهر كده ان الفون

فيه حاجه

رحمه.. طيب المهم لازم تكلميه

النهارده

صالح لازم يعرف

ويقف جمب اخووه

مها.. انا خرجه اشوف الدنيا

فيها ايه بره وهرجعلك

رحمه.. متتأخريش عليه

انا خايفه اقعد لوحدى

= وفعلا مها سابتها وخرجت

وكانت سلمى بتكلم

خالد وفهمت من كلامها

ان البنات هيدفنوا

الصبح ومفيش ستات هتحضر

الجنازه

غير مروه وبسسسسس

ودخلت تبلغ رحمه..

الكل حزين على فراق البنات

وحتى أركان الڤيلا..

وبعد موت البنات بيوم

خالد نفذ كلامه

وخال سلمى ساعده

وكتموا على موضوع تسمم بنات اخوه

ايسل وايلين

وبعد دفنهم رجعوا الڤيلا

ومروة منهاره تماما

وقعدت مكان ما بناتها بيلعبوا

تبكى ومنهاره

ولما طلبوا منها تلبس اسود رفضت

وقالت لما اخد تار بناتى

ووقفت وقالت :

خالد كتم على قتل بناتى

والله اعلم مين اللى عاوز يسممهم

بس والله ما هسيبه

مهمها كان هو مين

بس اعرفه

سلمى.. اهدى بس خالد

مش قصده والله

هو خاف علينا

مروه.. ابعدى عنى

سالى.. خلاص بقى

انا تعبت

الداده.. الكلام ده مش هينفع

فى عزا بالليل

خالد.. مفيش عزا

يا داده النهارده

من بكره

الداده.. ازاى يا ابنى

دى الأصول

خالد.. هو انا قولت مش هعمل عزا

بقول من بكره

كلنا منهارين وتعبانين

مروه.. حتى العزا

منك لله

وطلعت اوضتها

مصطفى قاعد يعيط وبيفتكر

البنات

خالد قرب منه وقال :

اطلع سكت مراتك دى

وان شاء الله من بكره

هنعمل اكبر عزا

انا نزلت بوست على الفيس

وقولت ان البنات ماتت فى حادثه

مصطفى.. انا طالع عن اذنك

وسابه وطلع

سالى.. يلا يا مصطفى انا تعبانه

ومنمتش من امبارح

وكل واحد فيهم طلع على اوضته

فى اوضه رحمه..

مها.. الدنيا والعه بره

رحمه.. خالد غلطان

اه اه يا رجلى

مها.. مالك

رحمه.. فين المسكن

وبعدين انتى كلمتى صالح

مها.. لأ بس هكلمه حاضر

رحمه.. عاوزه اقولك حاجه

دكتور حسام ده مش كويس

مها.. ليه عمل حاجه

رحمه.. ايوه بس انا اتلهيت

فى اللى حصل

مها.. عمل ايه

رحمه.. طيب الأول عاوزه اخد العلاج

والمسكن الألم رجع وبزيادة

مها.. حاضر بس هطلع اعملك اى حاجه

تاكليها

وفعلا خرجت المطبخ تعمل أكل ل رحمه

ورحمه قاعده بتكلم نفسها وبتقول

انا المقصوده بالسم

أطفال ملايكه ماتوا بسببى

ويا ترى الدور على مين

انا المسمومه

اتسممت قبل كده

وجسمى لسه فيه سم وانا متأكده

والقاصد غالب

يعنى كده كده هموت

انا لازم اموت واريح الكل

وقامت من السرير وهى مش قادره

وداست على الرجل السليمه

والرجل التانيه تقيله

من الجبس وبتتألم

وبتحسس على الحيطان

لحد ما وصلت البلكونه

وقالت لازم ارمى نفسى واموت

وقربت من السور…

فى المطبخ..

مها واقفه بتعمل اكل ل رحمه

الداده دخلت عليها

مها.. مين

الداده.. انا يا مها انتى بتعملى ايه

وناويه مين يموت تانى

مها.. انتى بتقولى ايه يا داده

الداده مسكتها من ايدها وقالت :

انا شوفتك وانتى بتحطى السم فى التورته

مها.. طيب ما انتى اكلتى البنات منها..

فى الجنينه..

وائل الأخ الاصغر رجع من السفر

ولما دخل الڤيلا

شاف فى الجنينه كارثه…..

يتبع لجزء الثامن

الجزء الثامن

الكاتبه // كوكى سامح

وائل رجع من السفر ودخل الڤيلا

وشاف رحمه

وبتحاول ترمى نفسها من البلكونه

رمى الشنطه

وطلع يجرى على اوضتها

وهو بيقول

رحمه رحمه مالك

فى ايه

يا داده، يا صالح

فى المطبخ..

الداده.. ايه ده وائل رجع

ده صوته

انا عرفاه كويس

ومسكت مها من ايدها وقالت :

افوق بس وارجعلك

وسابت مها وجريت على بره

**مها بتكلم نفسها وبتقول :

يا ترى فى ايه؟

بس وانا مالى

انا هاخد الصينيه وهروح ع رحمه

ومليش دعوه

بحد

= وخرجت مها وفى ايدها

صينيه الاكل

وطلعت على اوضه رحمه

وشافت وائل ماسك ايدها

والداده واقفه جمبه

رحمه.. انا عاوزه اموت

كله بسببى

وائل.. فى ايه رحمه؟

مالك

انتى مجنونه

انتى عاوزه تموتى

نفسك

الداده.. مين اللى طلع رحمه

هنا

مش كانت قاعده فى

الدور الأرضي

هو ده الخوف نفسه

ما صالح نقلها تحت

علشان اللى بيحصل ده

مها قالت ب ارتباك : والله هى

اللى طلبت منى

بعد موت البنات

نفسيتها اتأثرت

وطلبت منى اطلعها

اوضتها

وخصوصا ان صالح مش

موجود

وائل.. هو فى ايه انا

مش فاهم

حاجه

مالها رحمه دى شكلها تعبان اوى

وليه متجبسه!؟

وعاوزه تموت نفسها

فى ايه

بالظبط

الداده قربت من رحمه

وسندتها هى و وائل

لحد السرير

وائل عينه فى عين رحمه

وبيقول :

انتى متخانقه مع صالح

رحمه ساكته ومش بترد

وائل.. ما تردى

انتى يا داده

فى ايه يا جماعه

وشاور على مها وقال :

.. مين حضرتك

¬¬ انا مها

صاحبت رحمه

وقاعده معاها لحد ما تقوم بالسلامه

.. اهلا بيكى

يا انسه

الداده.. حمدالله على السلامه

يا ابنى

طولت الغيبه المره دى

وائل.. انا مش بتفسح

يا داده انا بتعلم

والحمد لله خلصت وارتحت

رحمه.. حمد الله على السلامه

وشكرا انك

نقذتنى

وائل مستغرب من

نظرات رحمه

وقرب كف ايده من

عينيها

وقال : ايه ده

الداده مسكت ايده

بقولك رحمه

كويسه

قوم يلا طمن الجماعه

انك وصلت

وماما كمان

ده انت وحشتها اوى

وائل الدموع فى عينه

وقام من مكانه

والداده خرجت بره

الاوضه وشاورت

بإيدها ان يطلع لها

خرج وراها وقال :

.. مالها رحمه يا داده

دى مش بتشوف معقول 😢

¬¬ قدر ومكتوب

حادثه يا ابنى

بس الدكتور قال انها

مع العلاج هتبقى

كويسه

.. لا حول ولا قوة

بالله

صعبت عليه

اوى

اكيد صالح هيموت

نفسه

عليها

¬¬ صالح يا عين امه

مسافر بره

يشوف حل

علشان يرجع

نظرها تانى

وفى حاجه عاوزه

اقولك عليها

قرب منها وقال :

.. خير يا داده

¬¬ بلاش تعزى

مصطفى ومروه

حالتهم زفت

.. وائل قال باستغراب

اعزى

ليه وفى مين؟

¬¬ اومال انت رجعت

ليه

انا بحسب انك

عارف ان بنات

اخوك

التؤام ماتوا

.. بنات اخويا

ماتوا

طيب ازاى

لا حول ولا قوة الا بالله

لا اله الا الله

ربنا يصبرك

يا مصطفى

يا حبيبى يا اخويا

لا اله الا الله

¬¬ معلش يا ابنى

نصيب بقى

وقالت فى سرها :

انا عارفه

ان ملهمش ذنب

بس كان لازم يموتوا؟؟؟؟

فى اوضه رحمه..

مها.. معقول تموتى

نفسك

انتى هبله صح

** لازم اموت علشان

الكل يرتاح

وضربت بإيدها

على السرير

انا فيه حاجه

غلط

وخايفه من اللى جاى

خخخخايفه حد يموت

بالسم تانى

القاصد غالب

وانا كده او كده هموت

مها حضنتها وقالت :

لا محدش يقدر يموتك

انا قولتلك انى فى ضهرك

انا عمرى مرتبط بعمرك

لو جرالك حاجه انا

كمان

هموت وراكى

= رحمه منهاره فى

حضن مها

وفجأه قالت بضحك

بس ايه الواد المز ده

رحمه.. مين؟

مها.. وائل يخربيت جماله

رحمه.. ههه انا فى ايه

ولا إيه؟

بس عموما وائل محترم

جدا

ومن أحسن الموجودين

هنا

ياريت يكون من

نصيبك

ويتجوزك

مها.. ياريت

بس وضع البيت هنا

ميسمحش حتى

بكلمه حلوه

تقومى انتى

تقولى يتجوزنى

وقامت من جمبها وقالت :

يلا علشان تاكلى

وتاخدى الدوا والمسكن

رحمه.. انا خايفه

يكون فيه سم

مها.. عيب عليكى

انا عاملة

الاكل بإيدى

وقربت منها

وابتدت تأكلها

= وائل دخل على اوضه

مامته وخدها

فى حضنه

وهو بيعيط

على اللى بيحصل لهم

الام.. اتحسدنا يا ابنى

ولا الزمن بيخلص

الله اعلم

وائل.. الزمن بيخلص

معناه ايه

الكلام ده يا ماما

الام.. مفيش يا ابنى

قوم ارتاح

علشان شويه

كده وهيكون فى عزا

وائل.. حاضر

والله يا ماما انا

مش مصدق اللى بيحصل

ده

الام.. قدرنا كده

اللهم لا اعتراض

= وائل قام وخرج

ونزل على تحت

خالد خرج من اوضته ووراه

سلمى ونزل

وشاف وائل وقال :

حمدالله على السلامه

وخده بالحضن

سلمى.. حمدالله ع سلامتك

يا وائل

وائل.. الله يسلمكم

خالد.. اخيرا خلصت

مبروك يا سيدى

وائل.. نعم

هو انت مالك بارد ليه

كده

مبروك ايه

دلوقتى

فى وسط اللى بيحصل لنا

سلمى.. فى ايه يا وائل

انت بتكلم

اخوك الكبير

ازاى كذه

خالد.. سبيه يا سلمى

الراجل عنده

حق

انا فرحان علشانه

وهو مضايق

علشان مصطفى

أصله طول عمره

بيحب مصطفى اكتر منى

وائل.. مش مسأله بحبه

فى ظروف ولازم نقدرها

وبعدين

انتم الاتنين اخواتى

خالد.. تنكر انك بتحبه

اكتر منى

وائل.. علشان حنين

ربنا يعينه على

اللى هو فيه

يا ساتر بتحقد على زعلى

على حزن اخوك

عمرك ما هتتغير

وائل.. عن اذنكم

وسابهم وهو مضايق

ومشى

سلمى.. انسان قليل

الذوق فعلا

خالد.. وائل ده

بتاع ماما

الحيله

سلمى قربت منه زى الشيطان

وقالت :

طول عمرى بقولك

نمشى من البيت ده

محدش بيحبك فيه

حتى امك

بتعامل اخواتك

احسن منك

شوف بتعامل صالح

ازاى

هو مراته

ويا حرام هتموت عليهم

ولسه كمان سى وائل

انا خايفه عليك

من القهره يا حبيبى

انا حاسه انهم ولاد البطه البيضه

وانت ابن البطه السوده

دى بتعاملك گأنك مش ابنها

خالد.. يعنى اعمل ايه

سلمى.. مش التوكيل معاك

وانت اللى بدير

الشركه كلها

ومفيش ورقه بتخرج

من الشركه

وغير وامضتك عليها

خالد.. ايوه

سلمى قالت فى سرها :

انا لازم اضرب على

الحديد وهو سخن

وقالت :

خلاص يا حبيبى

اتصرف ب التوكيل

وبيع لنفسك

كل حاجه

مش علشانى

وبصت بخباثه

وكملت

كلامها وقالت :

علشان ابننا ياسين

وكمان حماتى

مش مضمونه

انا سمعتها بتقول

انها هتكتب

كل حاجه لصالح

ووائل

ومصطفى

ما هى مش قادره

تنسى

فاكر ولا افكرك

خالد حط ايده

على وشه وقال

بس بس مش عاوزه

افتكر

سلمى.. شوفت بقى

هى كمان

مش ناسيه

بتكرهك

الحق نفسك والحقنا

وحطت ايدها ع كتفه

زى الشيطان

وقالت :

انجز

والحق الباقى

علشان نمشى

من هنا

وسابته وطلعت اوضتها

= خالد بيفكر

فى كلام سلمى

وقال :

كل كلامها صح

لازم الحق نفسى

علشان خاطر ابنى ومراتى

بس عزا البنات يخلص

فى اوضه سالى

الباب بيخبط وكان وائل

الداده.. تعالى يا ابنى

دى نايمه

اختك فى دنيا تانيه

وائل.. اكيد مش،متجوزه

مصطفى

لازم تكون فى دنيا تانيه

وائل نزل اوضته

وشاف خالد لسه واقف مكانه

خالد.. انت كنت عند سالى

وائل.. نايمه

الداده فتحت الباب بعد ما خبطت

وشافت سالى فى

حضن جوزها مصطفى

ارتبكت وقالت : اسفه اسفه

وقفلت الباب وخرجت

وقالت.. هو ده وقته

مصطفى.. عجبك كده

شافتنا

سالى.. انا مراتك

ما اللى يشوف يشوف

مصطفى.. يا سالى مش

وقته

فى بنتين ماتوا

بالسم

سالى قربت ولعبت

فى شعره وقالت :

ده عمرهم

تعالى فى حضنى بسسس

احنا ملناش دعوه باللى بيحصل

بره

مصطفى.. نعم يا اختى

والله انتى بارده

سالى.. انا بحبك

وخدته فى حضنها

=الساعه دقت 7 بالليل

وابتدت مراسم العزاء

الكل موجود والعيله

كلها موجوده

واصحابهم

وكل أعضاء الشركه

ومصطفى عبد الرؤف

واقف بياخد عزا بناته

فى غرفه رحمه..

كان نفسى اطلع معاهم

بس مش قادره

مها.. ما هو غصب عنك

معلش انا هنزل اقعد معاهم

واعمل الواجب

وع فكره

انا كلمت صالح

وقال انه راجع بكره

رحمه.. مش قولتلك عاوزاه

مها.. ده هو كلمنى

وانتى نايمه

وواخده المسكن

محبتش اصحيكى

ما انا عارفه

انك ما بتصدقى تنامى

رحمه.. خليكى جمبى

بلاش تنزلى

مها.. حاضر

وبعد مرور ساعتين

العزا خلص

والكل مشى

مروة.. خلاص

كدة حق بناتى راح

خالد.. مصطفى يا ابن عبد رؤوف

سكت مراتك

اللى فينا مكفينا

وائل.. حق ايه يا مروه

الام قربت من خالد وقالت

اعذرها دى موجوعه

يا ابنى

مروه.. انا عاوزه حق بناتى

يا ظالم

خالد.. سامعين بتقول يا ظالم

ما تتكلم يا مصطفى

وتلم مراتك

الام.. مالكش دعوه

بيهم خالص

انت فاهم

خالد.. عاوزه ايه

منى

اشمعنى انا

اللى كلمتى بتقف فى زورك

وقرب منها

الام.. ايه هتعملها تانى يا ابن بطنى

يا عاق

خالد زقها وطلع ع اوضته

سلمى طلعت وراه

الام.. ربنا يهديك

قلبى مش

قادر يدعى عليك

مها خرجت من الاوضه

على صوت المشكله

وشافت سلمى

بتتكلم مع الداده

وخرجت ولما سلمى

دخلت اوضتها

الداده.. تعالى عاوزاكى يا مها

مها.. نعم يا ست الكل

الداده.. هو سؤال واحد

ايه مصلحتك فى موت

بنات مصطفى

مها.. زى مصلحتك بالظبط

الداده قربت منها وقالت

اوعى يا بت انتى

تكونى فاكره

انك هتمسكينى من ايدى

اللى بتوجعنى

ولا عقلك يضحك عليكى

ويقولك انى بحط السم لست رحمه

إنما أنا شوفتك

بعينى وانتى بتحطى السم للبنات

ليه عاوزه اعرف

مها.. معلش وحقى انا

كمان اعرف

انتى سكتى عليه ليه

كان ممكن تقولى ان انا

اللى موتهم

ايه السر

فى سكوتك عليه

الداده سكتت وبعد كده اتكلمت

وكأن مها داست

ع وجعها

وقالت بحزن والدموع

فى عينها

حرمونى من ابنى الوحيد

مها.. هو انتى عندك اولاد

اول مره اعرف

الداده.. عندى ولد واحد

مها.. طيب هو فين

ومين اللى حرمك منه

الداده شاورت بإيدها ع اوضته

رحمه

وقالت : دى اوضته

ورحمه مراته

مها.. الدكتور صالح ابنك…

يتبع.. لجزء التاسع

مها.. معقول الدكتور صالح ابنك

لا لا

انتى اكيد

كذابه

الداده.. صالح ابنى والله ابنى

مها قالت فى سرها :

معقول د. صالح

ابن الخدامه

دى كانت تبقى

مصيبه

ووقعت على دماغ

رحمه

ودماغ الكل. 

الداده مسكتها من ايدها وقالت :

بت انتى

حسك عينك حد

يعرف

ان صالح يبقى

ابنى

ولا حتى رحمه

ورجعت بضهرها

على الحيطه وقالت :

اذا كان هو ميعرفش انه ابن

بطنى

مها.. معلش انتى 

عاوزه انى اصدقك 

ان صالح ابنك 

طيب حصل ازاى 

انا حاسه ان دماغى لفت 

الداده.. ده موضوع طويل 

وحصل من 

سنين 

مها.. ممكن اعرفه 

= سلمى خرجت من الاوضه 

وقالت :

بصوت عالى وكانت 

بتزعق

يا داده انتى يا مؤمنه 

الداده.. سلمى بتنادى

انا هستناكى

الساعه 2 بالليل 

فى الجنينه 

يا مها 

وسابتها وراحت تكلم سلمى 

=مها واقفه مع نفسها

وعندها حاله 

ذهول 

من اللى سمعته 

وقالت : معقول

صالح ابن مؤمنه 

الخدامه 

انا لازم انزل الجنينه 

بالليل زى 

ما قالت 

على الاققل اعرف

حصل 

ازاى ده 

قال ايه! 

الدكتور صالح 

ابن الخدامه؟؟؟؟

وخدت بعضها ودخلت

عند رحمه 

الكاتبه // كوكى سامح

سلمى.. انا تعبانه 

يا داده 

.. مالك يا ست سلمى

** برجع من الصبح

واضح كده 

انى حامل 

ومدت ايدها 

بفلوس وقالت :

معلش انا عاوزاكى 

تروحى الصيدليه وتشترى 

تيست حمل 

ممكن 

وياريت يكون 

من النوع الكويس 

.. والله بركه 

يا بنتى 

الف مبروك 

واللهى الود ودى اظغرط

بس انتى عارفه 

بقى ظروف 

البيت 

رددت بعصبيه وقالت :

** ظروف البيت 

ظروف البيت كل لما اكلم 

حد يقولى البيت واللى بيجرى 

فى البيت 

ياكش يولع البيت 

باللى فيه 

والله انا زهقتتتتتت 

بقى 

من البيت 

ده وظروفه 

.. عن اذنك 

يا ست سلمى 

** متتأخريش 

يا داده 

بسرعه 

= وفعلا الداده نزلت 

وسلمى بصت عليها 

من داربزين السلم 

الام.. على فين 

يا مؤمنه 

الداده.. الصيدليه 

يا هانم 

سلمى قالت فى سرها :

كتك القرف 

قاعده 

زى العقربه 

للسقطه واللقطه 

ربنا ياخدك ونرتاح من قرفك 

الام.. خير 

فيكى حاجه 

مؤمنه.. لا يا ست 

هانم 

انا بس هشترى طلب 

لست سلمى 

الام.. طيب

انا طالعه انام 

ومتتأخريش يا مؤمنه 

مؤمنه.. نوم الهنا😁 

وفعلا الام طلعت 

وسلمى اول لما شافتها 

طالعه 

جريت على اوضتها

ودخلت على خالد

وقالت :

شوفت اللى بيجرى

تحت

خالد.. فى ايه بس

انا مش

ناقص

سلمى.. الست امك

سمعتها

بودانى بتقول

لازم اعوض مصطفى

ومروه

عن بناتهم

واكتب لهم نص

الشركه

ووووكمان ووووكمان

تكتب لهم

شاليه العجمى

شوفت بقى

وسى وائل كمان

واقف متحمس اوى

وقعدت على كرسى

قصاد المرايا

وكملت كلامها وقالت :

لسه راجع من السفر 

بقى 

وبيتمحلس زى القطط

حيله الست الوالده

على رأيك 

بتاع ماما 

خالد.. ماما مش هتقدر

تكتب الشركه 

او تتصرف 

فى حاجه 

لان انا خلاص

كلمت المحامى 

وطلبت منه ينقل الملكيه 

ليه 

فى كل حاجه 

الشركه 

والڤيلا 

وكل إللى تتخيليه 

بس ابن الكلب 

هياخد مبلغ وقدره 

وطبعا مقابل ان 

الموضوع يبقى سر بنا 

واطى 

سلمى.. بجد يا حبيبى 

فرحت قلبى 

ايوه كده ضمنت 

حقى انا وياسين 

ووواكيد انت طبعا 

** خالد فرد جسمه على السرير

ومد ايده 

وقالها تعالى 

سلمى.. طيب هدخل الحمام 

وارجعلك 

وجريت على الحمام 

ورجعت كل اللى فى بطنها

وقالت :  

انا حاسه انه حمل 

وخصوصا ان البريود 

اتأخرت الشهر ده 

وخرجت من الحمام 

وشافت خالد نايم 

قالت : نمت يا حبيبى 

وقعدت جمبه 

مستنيه مؤمنه

فى اوضه رحمه.. 

مها.. صالح بيتصل يا رحمه

قربت منها وادتها الفون 

واتكلمت معااه

وقالت على موت البنات 

صالح اتفزع من الخبر

وقال إن 

كلها يومين ونازل 

ولما قفلت معاه 

قالت : فى حاجه 

غريبه 

الكاتبه // كوكى سامح 

مها.. خير يا رحمه 

رحمه.. انا حاسه ان 

صالح

عاوز يقول حاجه

بس مقالش 

انا عارفاه كويس

لأول مره 

احس انه مخبى عنى 

حاجه

مها.. يمكن فى 

حاجه 

فى شغله

حبيبتى انا عاوزه 

انك تفكرى فى نفسك 

وبس 

رحمه.. اه لو شايفه

كنت عرفت 

مين اللى عاوز 

يسممنى 

وحاول يقتلنى 

انا عاجزه ومش بإيدى 

حاجه 

مها.. قولتلك 

انا فى ضهرك 

بس خلى بالك 

كله من 

صالح 

معرفش يحافظ عليكى 

رحمه.. انتى ليه 

بتكرهيه يا مها 

مع ان صالح 

كويس معايا 

وبيحبنى 

ليه دايما بطلعيه 

غلطان 

ومش ده الراجل 

اللى بيحافظ 

عليه 

مع انه راجل بجد 

وبيحبنى 

من قلبه

مها.. اه اه 

بأماره ايه 

انه مش عاوز يعمل 

تحاليل 

علشان الخلفه 

وسيبك كده 

من غير عيال 

ده انانى ومش كويس 

وتلاقيه 

عارف انه عقيم 

بس خايف منك 

لا تسبيه 

فى اكتر من كده 

انانيه 

رحمه.. انتى 

جايه عليه اوى 

بس 

عموما 

بكره اثبتلك 

ان الصالح

بيخاف 

عليه 

وبيحبنى اكتر 

من نفسه 

مها.. طيب يا رحمه 

انا قولت اللى حساه

وعن اذنك علشان 

عاوزه انام 

شويه 

رحمه.. هى الساعه كام 

مها.. الساعه11

رحمه.. فين المسكن

لانى حاسه بألم 

وقامت مها وادتها المسكن 

وبعد ربع ساعه 

رحمه نامت وهى بتتكلم 

مع مها 

مها قالت فى سرها : 

انا مش هنام

لازم انزل للداده 

الساعه 2

علشان اعرف 

موضوع صالح 

ده كمان 

** فى اوضه سلمى 

الباب بيخبط وكانت 

الداده ومعاها

تيست الحمل 

سلمى خدته والداده نزلت 

على اوضتها

 وشافت سالى فى وشها 

وطلبت منها عشا 

وفعلا جهزت عشا وطلعته

على اوضه سالى 

وقالت فى سرها :

دى بقى مريحه دماغها

مش فى الدنيا 

اصلا 

ونزلت على اوضتها 

فى اوضه مصطفى ومروه 

مروه بتحضر هدومها 

مصطفى.. ايه 

اللى بتعمليه ده 

مروة.. انا هروح بيت أهلى 

ولما تبقى راجل 

وتجيب حق بناتك 

انا هرجع 

مصطفى خد منها الشنطه 

وخدها 

فى حضنه 

وقال : 

انا عارف انك تعبانه 

وموجوعه 

قالت وهى منهاره 

انا مش عاوزه اقعد 

فى البيت ده

ياريت تسبنى 

ولا اقولك طلقنى 

وريحنى 

مصطفى.. خلاص 

يا مروه 

انا هقتل كل اللى 

فى البيت علشان ترتاحى 

مروه.. انا تعبانه تعبانه بناتى

وحشونى 😭

واترمت فى حضنه

= والكل نااام 

والڤيلا انوارها اطفت 

والساعه دقت 2 بالليل 

فى الجنينه.. 

مها نزلت وهى بتتسحب

وكانت الداده 

قاعده مستنياها

وقالت : داده مؤمنه 

انا جايه 

وعاوزه اعرف حكايتك 

مؤمنه.. بس اعرف

الأول انتى سممتى 

البنات ليه؟ 

مها.. اسمعك الأول 

وانا هقولك 

على كل حاجه

مؤمنه.. هقولك 

بس مش عاوزه اى حد يعرف

حتى صالح 

نفسه 

وطبعا لو قولتى 

هقول انتى عملتى ايه 

وطبعاً هتروحى فى داهيه 

مها.. انا مش بحب 

التهديد 

قولى اللى عندك 

وخلصينى 

صالح ابنك ازاى؟ 

مؤمنه.. كنت عايشه

مع خالتى 

اصلى انا يتيمه

ومقطوعه

من شجره 

مكانش ليه غير خالتى 

معرفش غيرها 

وجوزها كان راجل 

ابن حرام يقول 

للشر انا هو 

كان شيطان 

فى يوم خالتى طلبت منى 

انى اشتغل واساعدها

قولتلها : اشتغل ايه 

انا لسه صغار

قالت جوزى بيقول 

كده 

يأما تمشى 

طيب أمشى اروح 

فين لكلاب السكك 

قالت.. غصب عنى 

دى أوامر جوزى 

لازم تشتغلى

انا وافقت 

انا كنت حلوه ولسه صغيره 

وفى يوم دخلت عليه 

وقالت 

من بكره 

هتستلمى الشغل

فى ڤيلا عبد الرؤوف

رجل الأعمال 

المشهور

انا مكنتش اعرفه 

بس روحت 

واستلمت الشغل

شوفت ناس تانيه 

وعالم انا معرفوش

ڤيلا ايه

وأكل أشكال وألوان 

كانت وقتها الست مراته 

معاها خالد 

كان ابن 4 سنين 

كانت بتحبه اوى 

وبدلعه

بس عبد الرؤوف 

مكانش مرتاح 

كان راجل بتاع ستات 

وعينه زايغه 

مها.. اه يعنى هو اللى ضحك عليكى 

مؤمنه.. لأ مش هو 

انا عرفت واد سباك 

كان بيحبنى 

وانا كمان حبيته 

غلطت معاه 

ولما عرفت انى 

حامل طلبت الجواز 

قالى ان ظروفه

وحشه

ومش معاه فلوس

وقتها انا مكانش 

قدامى غير انى اروح 

لعبد الرؤوف واحكيله 

يمكن يساعدنا

وفعلا روحت لعبد الرؤوف 

ولما قولتلوا 

كل الحكايه وانى حامل 

قالى انا هتصرف 

اعتمدت عليه 

ويوم والتانى 

ولقيته بيقولى 

الواد السباك اللى 

ضحك عليكى 

طفش 

اليوم ده كان اسود

بقيت الطم واصرخ 

هعمل ايه 

انا حامل 

وبطنى هتبان وهتفضح 

وكنت خايفه

من خالتى وجوزها

لقيت رؤوف بيقولى 

متخافيش انا هحل 

المشكله 

انتى عاوزه تخلصى من الطفل

قولتلوا ااه 

ما ابوه طفش 

رد وقالى 

مراتى خلاص 

كل الدكاتره قالوا 

مش هتخلف بعد خالد 

الرحم عندها ضعيف

انا هاخد الولد وهكتبه 

بأسمى

انا وهى 

وهيتربى قدام عينك 

هنا 

انا وافقت وقولت 

ربنا حلها من عنده 

بس كان قلبى بيقولى 

ان ابو صالح 

فيه حاجه

ده كان بيحبنى 

ويستحيل يهرب 

بس ده اللى حصل

مها.. ومراته عارفه 

مؤمنه.. اه عارفه

كل حاجه 

منها لله 

مها.. كملى 

مؤمنه.. لقيت الست هانم 

اتكلمت معايا

وقالت انى هعيش هنا 

مع صالح 

وانا اطمنت 

وفى نفس الوقت 

كان لازم أوافق 

علشان الفضيحه 

وفعلا 9 شهور عدوا 

واتعاملت احسن معامله 

لحد يوم الولاده 

اول لما ولدت وفوقت 

ملقتش صالح جمبى 

بس لقيت الست هانم 

وطلبت منى اختار

اسمه 

انا سميته صالح 

على اسم ابوه 

مها.. وهى وافقت

مؤمنه.. ابوه كان اسمه سيد 

إنما الحقيقى صالح 

محدش يعرف اسمه 

غيرى 

وبعد كده خدوا الولد 

وربوه وكانت الدنيا ماشيه كويسه 

وانا قاعده جمبه

وبعد سنتين 

لقيت ابوه راجع 

وباعت ليه 

اخته فى السر

وطلب يقابلنى 

فرحت وقولت هيعترف 

بابنه ونعيش مع بعض

وفعلا روحت وقابلته 

وبهدلته 

بس قالى ان رؤوف كلمه 

وطردوا وقاله ميقربش منى 

والا يموته

اصل ايده طايله 

وكل ده لما عرف 

ان مراته مش هتخلف تانى 

علشان مصلحتهم 

منهم لله 

انا زى الهبله جريت عليه 

لما اتأكدت ان سيد هيعترف 

بابنه وهنتجوز 

ساعتها ضربنى 

وبهدلنى 

وحبسونى 

فى الڤيلا.. 

وبعد اسبوعين فكوا حبسى 

وخرجت وانا منهاره

على بيت سيد 

وعرفت من الناس جيرانهم

ان هو واخته ماتوا بالسم 

فى الأكل 

رجعت الڤيلا 

وكنت عارفه ان رؤوف هو اللى سممهم 

ولما سألته اعترف 

وقال كلب وراح 

حتى الست هانم 

كانت زيه 

قعدت معاهم وانا زى الكلبه 

اخدم وبس 

ولما صالح تم 4 سنين 

الهانم حست بتعب 

ولقت نفسها حامل 

سبحانه 

مع انها كانت فاقده الأمل 

وخلفت مصطفى 

ومن بعدها سالى ووائل 

وانا عشت خدامه ليهم 

بس افعال رؤوف زادت 

وبقى يعرف ستات كتير 

وبقى يغير على الست هانم

كتير لانه مبقاش

عنده ثقه فى 

اى ست 

لحد ما زهقت واطلقت 

مها.. وانتى عملتى ايه 

مؤمنه.. هعمل ايه 

صالح بقى 

4 سنين 

وعارف انى خدامته وبس

مكنتش اقدر اعمل حاجه

يمكن فكرت اهرب واخده

بس ازاى رؤوف كان راجل

ايده طايله

وكان مش هيسبنى

سكت وفضلت خدامه

زى ما انتى شايفه

نفسى اخد حق

ابو صالح

علشان كده شوفتك بتحطى السم وسكت

ما هى دين تدان 

وقربت من مها وقالت : 

دى كل حكايتى 

إنما انتى حطيتى السم للبنات ليه 

مها.. عاوزه تعرفى. 

الداده.. ايوه عاوزه اعرف 

مها.. هقولك 

الداده مسكت ايدها بقوه وقالت :

قولى وريحينى ليه؟؟؟ 

مها.. علشان سلمى هى اللى بتحط 

السم ل رحمه 

الداده.. سلمى يا مصيبتى!!...... لجزء العاشر للحصول على القصه بخطوتين

روايه المسمومه

الجزء العاشر

الكاتبه // كوكى سامح

اسفه يا جماعه على خطأ امبارح المقصوده كانت مروه

مش سلمى

ونبدأ الجزء العاشر..

ولما الداده سمعت ان مروه هى اللى بتحط

السم اتخضت

وقالت : يا مصيبتى

معقول ست مروه لا لا لا اكيد فى حاجه

غلط

فى الوقت ده مها بصت لها بنظرات

غريبه وقالت :

** هو انتى مش مصدقه ان مروه

عاوزه تموت رحمه

وبصت شمال ويمين ونظرات عينيها

غريبه وقربت منها وكملت

كلامها وقالت بوشوشه :

** انا سمعتها بتكلم حد فى الفون

وبتقولوا انها بتحط سم ل رحمه

وبعدين ما انتى

سكتى على قتل بناتها

بالسم

ليه مش مصدقه كلامى

يا داده؟

مؤمنه ارتبكت وقالت :

.. انا ليه ظروفى وقولتلك انا عاوزه اخد حقى

ولو بإيدى اسم الكل

إنما معرفش أن مروه هى اللى بتحاول

تقتل رحمه

** انا قولتلك مروه صدقينى

يا داده

وقولت لازم احافظ على رحمه

واحميها منها

رددت الداده وقالت :

.. بس انا شايفه ان الخطر لسه

موجود وخصوصا ان مروه نفسها

عايشه معانا

يعنى رحمه لسه فى خطر

وقتل البنات كانت غلطه

مها.. لما هو غلطه

انتى سكتى ليه! ؟

الداده.. انا شوفتك بتحطى السم

وفى وزة شيطان

أكلت البنات

وابن الحرام لعب فى دماغى

وقالى ان بكده

هاخد حق ابو صالح واخته

والداده سمعت صوت فى الجنينه

وقالت.. نبقى نكمل كلامنا

بعدين

انا حاسه ان حد سمعنا

وسابتها وجريت

مها.. ايه الجنان ده

دى مشيت وبتقول ان حد سمعنا

الوليه دى شكلها مجنونه وبتخرف

بس المفاجأه بقى اللى عرفته

منها

ان صالح ابنها

يااه دى مصيبه كبيرة

وهتحط على دماغ الكل

وخدت بعضها وطلعت وهى بتتسحب

على اوضه رحمه

ولما دخلت وفتحت الباب

شافت رحمه قاعده على السرير

رحمه.. مين مين

مها.. انا يا حبيبتى

ايه بس اللى صحاكى

رحمه.. ايه ده مها

انتى كنتى فين

مها.. فى الحمام

رحمه.. انا عطشانه

مها قربت من الكومود وخدت كوبايه المياه

وشربتها

وقالت :

يااه انا ميته نوم 😴

ونامت جمبها..

رحمه.. بقولك يا مها

مها.. نعم قولى

رحمه.. انا عاوزه صالح يرجع بسرعه

مها.. ممممم وحشك اكيد

رحمه.. انا عاوزاه جمبى بجد انا تعبانه

والنفسيه زفت فى البيت ده

وخايفه اوى

مها حضنتها وقالت : انا جمبك يا حبيبتى

متفكريش كتير

يلا بقى نام

علشان انا مش قادره

وبعدين انا عندى مشوار الصبح

مهم جدا

رحمه.. فين وهتمشى وتسبينى لوحدى

مها.. هروح اشوف بابا واطمن عليه

مش كفايه ماما سيباه لوحده

رحمه.. هى لسه بعيد عنكم بردوا

مها.. ايوه

رحمه.. خلاص يا حبيبتى

روحى والسلام امانه

مها.. حاضر يوصل يا نور عينى

ونامت جمب رحمه…

مها نايمه وبتفكر فى سرها وبتقول :

مؤمنه دى لغبطت الدنيا

كلها انا مش عارفه اعمل ايه

لازم اتخلص منها

لأنها عرفت سرى وبقت خطر عليه

بس بقى اتخلص منها ازاى

لازم حل بسرعه..

ازاى ازاى ازاى.؟؟؟؟

وبعد تفكير طويل من غير حل

نامت من التعب

= وفى صباح اليوم التالى

مها قامت من النوم وكانت الساعه

9 الصبح ونزلت المطبخ جهزت فطار

وطلعت بيه ل رحمه وفطرتها قبل

ما تنزل

وبعد ما فطرت عملت فون ولابست

وخرجت..

فى اوضه خالد وسلمى..

**سلمى قاعده على السرير

بعد ما عرفت من تيست الحمل

انه ايجابى وفيه حمل

وبتكلم نفسها وبتقول:

انا حامل وهكيدك

يا رحمه وهبقى ست البيت ده

بعد ما خالد ياخد كل حاجه

كلكم هتعيشوا معانا غصب عنكم

زى الكلاب

هتبقوا خادمين ليه وانا ستكم

خالد.. هى مين دى اللى حامل

سلمى.. ايه ده انت صاحى

خالد قام قعد وبيحاول يفوق وقال:

صحيت على صوتك

انت حامل يا سلمى

= سلمى هزت راسها وقالت :

ايوة انا حامل

خالد قال بصوت عالى وحضنها

مبروك مبروك

سلمى.. ايه ايه ايه وطى صوتك

حد يسمعنا

خالد.. نعم انتى مراتى!

سلمى.. فى حاله وفاه انت ناسى ولا ايه

خالد.. اه اه والله نسيت

وخدها فى حضنها

وسلمى بتدلع عليه وبتقول

انت عاوز ولد ولا بنت

بس بقول احنا معانا ياسين

يبقى اللى جايه بنت

خالد.. انا عاوز ولد

عاوز عزوه والله نفسى فى 5 ولاد

الولاد عزوه وهيبه

سلمى.. ان شاء الله

يا حبيبى بس شد حيلك مع المحامى

علشان ننجز بس

خالد حط ايده على وشه وقال بحزن :

يا ترى لما اكبر واعجز

ياسين هيعمل فيه كده

زى اللى هعمله فى امى واخواتى

سلمى.. لا طبعا ياسين

ده هيشيلك على راسه

وبعدين انا هربيه احسن تربيه

خالد.. قصدك انى مش متربي

سلمى.. لا يا حبيبى مقصدش طبعا

انا كل قصدى انى هربيه يحب اخواته

وكمان هعدل ما بينهم

مش اعامل واحد كويس والباقى لأ

خالد.. ااه اه انا تعبان

سلمى.. انا هقوم احضر فطار

خالد..خليكى يا حبيبتى

انا هنزل اخلى مؤمنه

تجبلك الفطار على السرير

وانا ليه غير سلمى واللى فى بطن سلمى

خالد قام ونزل..

وقف يكلم الداده وبيطلب منها الفطار

صالح دخل عليهم..

مؤمنه.. الدكتور صالح

حمدالله على السلامه

خالد.. ايه ده انت جيت

حمدالله على السلامه

صالح سلم على الداده وقرب من خالد

وحضنه وقال :

معقول بنات مصطفى ماتوا

خالد.. اه الله يرحمهم ويعوضه خير

صالح. لا حول ولا قوة الا بالله

ماتوا بالسم والمقصود مراتى

انا مش عارف مين عاوز يقتل رحمه

وليه؟

الداده واقفه وبان على وشها الذعر

وقالت.. هيكون مين يا ابنى

دى حتى رحمه محترمه وكلنا بنحبها

وقالت فى سرها :

اه لو تعرف اللى البت مها قالته

ان مروه هى اللى عاوزه تقتل رحمه

صالح دخل يجرى على اوضه وائل

الداده.. دكتور صالح رحمه فوق

وبالمناسبه وائل رجع

بس لسه خارج من شويه

صالح طلع يجرى على فوق

ولما فتح الباب شاف رحمه

قاعده وجرى عليها وحضنها

رحمه.. صالح حبيبى عرفتك من ريحتك

حمدالله على السلامه

صالح.. الله يسلمك

رحمه بتحسس ع وشه وحست بدموع

نازله من عينه وقالت :

انت بتعيط

صالح.. بنات مصطفى ماتوا 😭

ما كنا عايشين كويس انا مش

عارف ايه اللى بيحصل لنا

رحمه.. مش عارفه يا صالح

المهم انك جمبى انا خايفه اوى

اوعى تسبنى

يا حبيبى

صالح خدها فى حضنه

رحمه.. حبيبى روح سلم على مامتك

علشان متزعلش

وياريت تشوف مصطفى وتعزيه

صالح قام من جمبها وخرج

على اوضه مامته

**فون خالد رن ولما رد

الفون اتقفل فى وشه

وجاتله رساله ع الواتس

فتح الرساله وكان مكتوب فيها..

صالح مش من دمكم

صالح ابن مؤمنه الداده..

وشه اصفر وارتبك واتصل بالرقم

وكان خارج نطاق الخدمه

وقال : معقول صالح ابن مؤمنه

اكيد كذب

لا لا ايه اللى بقولوا ده

صالح اخويا

اكيد حد بيوقع ما بنا

انا مش لازم اتكلم

فى اوضه مصطفى ومروه..

الباب بيخبط وكان صالح

ولما شافه

سلم عليه وخده فى حضنه

مروة.. انا لازم أمشى

مصطفى.. تانى يا مروه

صالح.. فى ايه يا جماعه وحدوا الله

مروة.. انا ولادى راحوا هدر

ودم ولادى فى رقبه اخوك خالد

صالح.. ماله خالد

مروه.. سى خالد لم الموضوع

وبناتى حقهم راح 😭😭

انا عاوزه حق بناتى

وفضلت تصرخ

صالح.. معقول خالد يعمل كده

طول عمره بيحب الطريق السهل

منه لله لو كان ابنه مكانش سكت

وجرى على اوضته وقعد يخبط ويرزع

خرجت سلمى وقالت : ايه ده

دكتور صالح فى ايه

.. خالد فين

** تحت بيعمل فطار ليه

سابها ونزل يجرى على تحت

سلمى.. فى ايه

ونزلت وراه

خالد واقف ولما شافه قال :

مالك يا صالح.

صالح قال بزعيق :

هو انت كده على طول بتحب الشمال

يا شيخ حرام عليك

دول بنات اخوك

الام نزلت ومؤمنه خرجت من المطبخ

ومها وصلت والكل واقف

وصالح وخالد ماسكين فى بعض

صالح.. طول عمرك كده مبتحبش

غير مصلحتك وبس

خالد.. انا خوفت علينا وعلى اسمك يا صالح

صالح.. خوفت علينا

تقوم تسيب حق بنات اخوك

مصطفى نزل وقال :

خلاص انا مش عاوز حاجه

انا هاخد مراتى وامشى

انا عاوز حقى فى ميراث بابا

خالد.. نعم

مصطفى.. ايه قولت جريمه

بقولك عاوز حقى

سالى نزلت ومعاها جوزها مصطفى

وقالت.. وانا كمان عاوزه حقى

خالد.. اه انتوا اتجمعتوا بالصلاه على النبى

وعينه فى عين سلمى

سالى.. وخلى بالك كمان

وائل عاوز حقه

كلنا عاوزين حقنا فى الشركه

صالح.. فى ايه يا خالد حقهم

وحقنا كلنااا

وهنا خالد قال فى سره :

المحامى لسه مخلصش الإجراءات القانونية

علشان ابيع كل حاجه لنفسى

لا انا مش هسيبهم يضيعونى

ويضيعوا شقايا

انا اللى اتعبت وسلمى كان عندها حق

فاللى قالته

انا لازم اخليهم يتلهوا فى اى حاجه

وهنا الشيطان لعب فى عقله وقال :

انا لازم افجر القنبله فى وش الكل وقال :

وقرب من صالح وقال :

انت بالذات ملكش حقوق عندنا

صالح.. نعم انت بتقول ايه

خالد قرب من أمه وقال :

ماما صالح ابن مين

الام.. بتقول ايه يا خالد

وضربته بالقلم

خالد انهار وقال :

ايوه صالح مش اخونا

صالح ابن مؤمنه الداده

مؤمنه ارتبكت وقالت : بتقول ايه

يا خالد بيه

الام أخرس يا كلب

صالح.. انا مش اخوك

انت اكيد بتخرف

خالد مسك الفون وفتح الواتس

والكل شاف الرساله

الام قربت من صالح وقالت : انت ابنى يا حبيبى

صاحب الرساله

ده كذاب حد بيوقع ما بينا

مؤمنه.. 😭😭😭😭

خالد مسك ايد صالح وبيحاول يطرده

مصطفى وسالى والكل واقف مذهول

مؤمنه : ايوه صالح ابنى

الام قربت منها وقالت :

انتى رجعتى تخرفى

يا وليه انتى

مين ده اللى ابنك

مؤمنه قربت من صالح وبتحضنه

وقالت : ابنى حبيبى

الام.. ده ابنى انا

الست دى مجنونه وانا مش بتوب منها

ومسكت دراعها وبتطردها

وقالت : يلا بره

خالد.. صالح ابن مؤمنه

يلا اطلع غور مع امك

الام.. اسكت انت يا حيوان

صالح اخوكم

ابن بطنى

مؤمنه.. كذابه صالح ابنى انا

فاكره زمان

الام.. يا مجنونه

دى مجنونه يا صالح

مها قالت فى سرها :

اشطا دى احلوت اوى

خالد قرب من صالح وقال :

الحل الوحيد تحليل Dna

ولا ايه يا دكتور

صالح قرب من أمه وقال :

انا عارف ان انا ابنك بس هعمل التحليل

علشان الكلب ده يعرف انى اخوه

وبص لمؤمنه وقال: وانتى لو بتكذبى

ليكى حساب تانى معايا

وطلع على اوضته ولما رحمه عرفت انهارت

وقالت انه لازم يعمل التحليل

لان خالد طبعه وحش ومش هيسكت

= وبعد يومين من الموضوع

صالح عمل التحليل ورجع بالنتيجه

وكان وشه باين عليه الذعر

وطلب الكل وقال انه هيفتح التحليل

قصادهم كلهم

وفعلا خالد واخواته حضروا كلهم

مؤمنه.. انت ابنى انا 😭😭

الام.. كذابه صالح ابنى يا مجنونه 😭

صالح واقف قصادهم والدموع فى عينه

وفتح التحليل وقال ماما…..

يتبع

روايه المسمومه

الجزء الحادى عشر

الكاتبه // كوكى سامح

صالح فتح التحاليل قدام الكل وقرب من أمه

وحضنها وقال : ماما روح قلبى انا عارف

انك امى.

¬¬مها قالت فى سرها : يانهار اسود

يعنى الوليه مؤمنه

طلعت كذابه وبتلعب بيه

بس ليه قالت إن صالح ابنها!!؟؟

**ونزلت الدموع من عينه ووطى على رجلها

وباسها وكمل كلامه

انا عملت التحاليل دى علشان الكلب ده

وعينه فى عين خالد

خالد قال ب ارتباك : والله يا صالح انا كنت متأكد

بس الشيطان بقى الله يجزيه

وووكماان الرساله اللى جاتلى؟! انا اتلغبط

والله غصب عنى يا اخويا

سامحنى

انت لو مكانى هتعمل كده واكتر

وقرب منه وحضنه

صالح زقه وقال :

** ابعد عنى انا مش طايقك

وقرب من الداده..

** مؤمنه انا ابنك ازاى عاوز افهم؟

الام.. دى مجنونه ومش طبيعيه

والظاهر كده كبرت وخرفت

وقربت منها وهى منهاره وبتحاول

تطردها

صالح.. استنى يا ماما انا من حقى اعرف

هى ليه قالت كده!.

ومش انا بس اظن كلنا عاوزين نعرف

وقرب من الداده..

.. اتكلمى ليه عملتى كده؟

مها قالت فى سرها :

دى ولعت وانا خايفه تجيب سيرتى

بس اكيد لأ

هى مش هتأذى نفسها

صالح.. مؤمنه ليه قولتى ان انا ابنك

الام.. خلاص يا صالح

سيبها تغور من هنا

خالد.. لا يا ماما لازم نعرف

ليه قالت كده

وبعدين مين اللى بعت الرساله

وقرب منها ومسك دراعها بقوه وقال :

انتى يا وليه انتى ليه

كذبتى وقولتى ان صالح ابنك

ها ما تردى عليه

مؤمنه..😭😭😭😭😭😭

خالد..اه يا اختى عيطى

تلاقيكى طمعانه فى قرشين

مؤمنه.. انا 😭

الام.. خلاص يا خالد

خالد.. لا يا ماما مش خلاص

الوليه دى عاشت وسطنا

وخيرنا عليها

= مؤمنه مسكت دماغها ووقعت على الأرض

صالح جرى عليها وقال:

داده داداه

وكل الموجودين قربوا منها

سلمى.. ايه ماتت؟

صالح.. دى جلطه ولازم تروح المستشفى حالا.

الام.. جلطه؟

مها قالت فى سرها :

الحمد لله انا فى السليم

مؤمنه جلطه وممكن تموت

بسرها واخلص منها

= صالح خد مؤمنه على المستشفى..

وعرف ان حالتها لا تسمح بالكلام

ودخلت فى غيبوبه..

** فى سر وراء مؤمنه

ما هو يا ترى؟؟

ليه قالت إن صالح ابنها وكذبت

وايه السر انها تساعد مها

فى تسمم البنات

هل مؤمنه هى الجانى

ام لا..

هل مؤمنه هى من تريد قتل رحمه؟

وليه؟

ما مصلحتها فى سم رحمه وسم بنات مروه

وتبقى الاسرار والخبايا وراء مؤمنه الداده

متعلقه لحين شفاءها

= وخرج صالح من المستشفى

يضرب كف بكف

على اللى جرى ل مؤمنه وركب عربيته

فى الڤيلا..

خالد.. انا حاسس ان فى سر ورا مؤمنه

سلمى.. سر ايه يعنى

تلاقيها حبت تظيط وسطكم وتقول ان صالح

ابنها وتاخد قرشين

الام قالت بعصبيه.. خلاص بقى انا مش عاوزه

حد يفتح الموضوع ده تانى ممكن

سالى.. والله انا مش مصدقه اللى بيحصل ده

كله

بس الحمد لله كابوس وانزاح

ده لو كان صالح طلع ابنها

كانت تبقى مصيبه

مروه نغزت بإيدها فى جمب مصطفى

مصطفى قال بارتباك :

يا خالد لو سمحت انا عاوز حقى فى ميراث بابا

وياريت بسرعه

مروه.. ايوه انا تعبانه هنا وعاوزه أمشى

انا محدش حاسس بيه

بناتى ماتوا قدام عينى وحقهم ضااع

وكل ركن فى الڤيلا بيفكرنى بيهم

لازم نمشى

خالد.. بعدين بعدين

حوار الميراث ده كبير اوى يا جماعه

كده الشركه تضيع مننا

انا تعبت وشقيت علشان اسم الشركه

يكبر وفى الاخر يقع بسهوله

سالى.. ويقع ليه كمل فيها من غيرنا

خالد..بقولك يا سالى انتى واحده دماغك فاضيه

ومش بتفكرى غير فى نفسك وبس

سالى قربت منه وحطت ايدها على كتفه وقالت:

والله علشان بطلب حقى

تبقى دماغى فاضيه

بقولك عاوزه حقى

خالد رد عليها بسرعه وتهور وقال :

اه عاوزاه علشان المحروس جوزك يلهفه منك

الام.. خلاص خلاص يا ولاد عبد الرؤوف

هتاكلوا بعض علشان الفلوس

سالى.. يعنى عجبك اللى بيقولوا ده يا ماما

الحمد لله ان مصطفى خرج

ومسمعش اللى قالوا

كانت تبقى مصيبه..

خالد.. اه اصلا انا بكذب

مصطفى.. معلش يا خالد

انت شايف ان كلنا محتاجين

ياريت تكلم المحامى وكل واحد فينا

ياخد حقه ويعيش حياته بالطريقه اللى تعجبه.

خالد.. حاضر يا مصطفى بس انت عارف

ان المواضيع دى بتاخد وقت

مصطفى.. تمام بس ياريت على قد ما تقدر تهتم

وتنجز..

خالد.. ان شاءالله

سلمى.. انا عارفه ان الظروف متسمحش

بس لازم اقولكم

انا حامل

الام.. مبروك

سالى.. مبروك انا طالعه اوضتى عن اذنكم

مصطفى خد مراته مروه وخرج بره الجنينه

مها.. الف مبروك

سلمى.. الله يبارك فيكى عقبال ما نفرح بيكى

يا حبيبتى

الام.. فين الفون عاوزه اكلم صالح

واشوف عمل ايه مع مؤمنه

خالد.. انا هكلمه يا ماما

ومسك الفون وكلمه وعرف منه أن الداده فى غيبوبه

ولما قفل معاه الام سمعت الخبر

وطلعت اوضتها

سلمى قالت فى سرها : ربنا يهدك يا عقربه

دى حتى مبروك طالعه منك من غير نفس

لو كانت رحمه كنتى فرحتى

إنما أنا لا

مش عارفه ليه.

= الام طلعت اوضتها ومسكت صوره

جوزها وقالت : عجبك كده كله بسببك

منك لله استغفر الله العظيم يارب

والله الرحمه لا تجوز عليك ولا تستاهلها

انت تغلط وانا وولادى ندفع التمن

طول عمرك راجل مبيهمكش

غير مصلحتك

وكله بسبب الفلوس

وعينك الزايغه

واديك موت نفسى اعرف خدت ايه معاك

الكفن مالوش جيوب يا عبد الرؤوف 😭

وقامت فتحت شباك الاوضه

وبصت للسما وقالت : يارب

اعمل ايه بس فى اللى انا فيه

انا فى نار 🔥

انا خايفه يارب ده لو عرف يموت فيها 😭😭😭

سلمى سمعتها وقالت : هى بتقول ايه

ومين ده اللى هى تقصده

الڤيلا دى بقت كلها الغاز

ومشيت ناحيه اوضه رحمه

وخبطت عليها ولما دخلت قالت :

عامله ايه دلوقتي يا رحمه

رحمه.. مين سلمى

سلمى.. ايه ده انتى عرفتى صوتى

رحمه.. ايوه عرفته بس كنت بحسبك

صالح

ايه اللى حصل طمنينى

سلمى.. مؤمنه طلعت كذابه

رحمه.. اومال فين صالح راح فين؟

ده كان قايلى انه هيطلع يطمنى

سلمى.. اه ما انتى متعرفيش اللى حصل

لما التحليل أكد ان مؤمنه كذابه

اتصدمت يا عينى ووقعت من طولها

وصالح قال جلطه وخدها المستشفى

وفى غيبوبه

رحمه.. لا حول ولا قوة الا بالله

انا مش عارفه هى عملت ليه كده

سلمى.. الفلوس وطمع الدنيا يا حبيبتى

رحمه.. هى فين مها يا سلمى

سلمى.. هى كانت تحت معانا بس خرجت

رحمه.. خرجت

من غير ما تقولى؟

سلمى.. معرفش بقى المهم انا

كنت جايه افرحك انا حامل

رحمه.. مبروك

سلمى.. مالك كده وشك اتخطف

رحمه.. يا ستى انا واحده عينى ضاعت

وحد بيحاول يقتلنى

وايدى ورجلى متجبسين

عاوزانى افرح على ايه

وبعدين انا قولتلك مبروك

فى حاجة تانى

سلمى.. عن اذنك علشان تعبانه

رحمه.. اتفضلى

وخرجت سلمى على اوضتها

فى اوضه سالى..

قاعده على السرير بتندب حظها وبتقول

اشمعنى انا مخلفش

انا حظى اسود ومنيل

وكلهم بيعايرونى

وكفايه العقربه اللى اسمها سلمى

دى كانت بتقولى انها حامل

وكل عينيها شماته

علشان مخلفتش لحد دلوقتى

اعمل ايه بس

وسى مصطفى ولا فى باله

بس عنده حق ما العيب فيه انا 😭

ونامت والدموع فى عينها..

= وبعد مرور اسبوعين جو الڤيلا زى ما هو

كله توتر وقلق

فى اوضه سلمى وخالد..

فون خالد رن وسلمى رددت

وكانت المستشفى بس استغربت وقالت مين

سمعت صوت بنت وقالت إنها الممرضه

ومؤمنه فاقت وعاوزه خالد

=قفلت معاها ومسحت الرقم بسرعه

وقالت فى سرها :

**مش لازم خالد يعرف انا هروح اشوف

مؤمنه عاوزه ايه

الفتره دى انا مش عاوزه خالد حاجه توقفه عن

اللى بنعمله لازم كل تبقى تحت ايده

وباوراق وعقود رسميه.

خالد.. مين يا سلمى

سلمى.. رقم بالغلط يا حبيبى

وقالت انا هلبس ونازله الماركت اشترى حاجات

لياسين ماشى يا حبيبى

رد خالد وقال : اوعى تنسى النسكافيه

= سلمى قامت بسرعه ولابست ونزلت

وخدت عربيتها على المستشفى عند الداده مؤمنه

** وفى نفس الوقت الدكتور عند رحمه

وبيفك لها الجبس ولما خلص

صالح نزل معااه يوصلو بالعربيه

فى المستشفى..

سلمى وصلت وسألت على غرفه مؤمنه

ولما دخلت لها شافتها وكانت حالتها

نوعا ما كويسه

وقالت : نعم يا داده خير

مؤمنه رددت وهى مش قادره تتنفس وقالت :

انتى!! ؟

.انا عاوزه خالد وبس

سلمى.. عاوزاه ليه قوليلى انا

فى ايه يا داده

مؤمنه.. بقولك عاوزه خالد بسرعه قبل ما اموت

سلمى قربت منها ومسكت رقبتها وقالت :

انا كنت حاسه ان خالد ابنك

مؤمنه بصت لها وعينها كلها دموع وخوف وقالت:

نفسى اودعه

سلمى اتكت على رقبتها وبصت شمال ويمين زى المجنونه

وقالت : انتى مش لازم تعيشى

موتك راحه لينا

بس اللى مجننى ليه قولتى ان صالح ابنك

بس بردوا مش مهم

ده خالد لو عرف ان ابن الخدامه يروح فيها

ده غير كل حاجه هتروح مننا

لازم تموتى وابتدت تخنقها

مؤمنه.. اه حرام عليكى يا بنتى

سلمى.. لازم تموتى

** صالح بيوصل الدكتور وفى الطريق

وقف فى اشاره ولمح بعينه مصطفى جوز اخته سالى وقال :

ايه ده مصطفى داخل العماره دى ليه؟؟؟؟

**ونزل ركن العربيه وسأل البواب وقاله ان

الشقق كلها مفروشه وميعرفش حد فيهم

لانه لسه ماسك العماره بدل ابن عمه

من يومين بس علشان تعبان

= مصطفى ركب الاسانسير وطلع الشقه

المفروشه فى الدور التالت

وفتح الباب ودخل.

وقال : ايه الجمال ده انتى كل يوم بتحلوى

يا بنتى

مها.. انا حامل يا مصطفى 🤗

يتبع…

روايه المسمومه

الجزء الثانى عشر

الكاتبه // كوكى سامح

مها.. انا حامل يا مصطفى 🤗

جرى عليها وخدها فى حضنه

** انا مش مصدق نفسى بجد حامل

.. اه حامل واتأكدت كمان

وطلعت تيست الحمل وقالت : شوف بنفسك

بس ناقص الدكتور يأكد الخبر

بتحليل الدم بس انا متأكده يا حبيبى

** يااه اخيرا هبقى اب مش كفايه

متجوز سالى اللى مبتخلفش ومستحمل قرفها

وكل ده علشان شويه فلوس

خدته فى حضنها وضمته ليها بكل حنيه وقالت بهمس :

بحبك بحبك بحبك 💋

** انا مش مصدق نفسى بجد يا ريتنى

كنت عرفتك قبل سالى بوز الاخص دى

.. ههههههههه ههههههه ازاى يا حبيبى

ما هى سبب معرفتنا ببعض

لولا جواز رحمه من صالح مكناش عرفنا بعض

اصلا

فاكر ولا افكرك.؟؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟..

= صالح واقف مع البواب بيسأله والفون رن

وكانت المستشفى..

ولما رد كان بيفتكر ان بيكلموه عن حاله الداده

إنما كانت المفاجأه لما مدير المستشفى بلغه

انهم مسكوا سلمى وهى بتخنق مؤمنه

سمع الخبر واتفزع وطلبوا منه يكون موجود

فى المستشفى حالا

صالح قفل الفون وبص على العماره وقال :

مش هسيبك يا مصطفى انت ومها هرجعلكم

بس الصبر اروح بس اشوف المصيبه

دى عملت كده ليه؟

= ورجع ركب عربيته وطلع على المستشفى

ولما وصل دخل على المدير

بحكم معرفته ب الدكاتره

وشاف سلمى قاعده بتعيط

جرى عليها وقال : ايه اللى سمعته ده

ايه اللى حصل؟

مدير المستشفى قال بعصبيه:

المدام حاولت تقتل مؤمنه اللى فى العنايه

تبعك يا د. صالح

سلمى.. لازم تموت انا مش هسيبها

لازم تموت لازم تموت

قرب منها وقال :

مالك يا سلمى فى ايه

وبص شمال ويمين وقال : وبعدين ايه اللى جابك

هنا؟!!

مدير المستشفى.. الممرضه بتقول ان المريضه

لما فاقت طلبت تكلم

واحد اسمه خالد

بس المدام هى اللى رددت عليها

عموما المدام قدامك اتفضل استفسر

منها

صالح.. مؤمنه عاوزه خالد طيب ليه؟

الداده عاوزه خالد فى ايه يا سلمى

وليه كنتى عاوزه تقتليها

سلمى ضحكت بهستريه ضحكه تخوف

** ههههههههههههههههه هههههههههههه

لازم تموت الداده لازم تموت

انا هقتلها بإيدى دى

وقامت واقفت وكانت زى المتوحشه

ومحدش قادر عليها وزقت صالح

وجريت على غرفه مؤمنه

صالح جرى وراها ووراه مدير المستشفى

زقت الباب ودخلت وشدت جهاز التنفس

وحاولت تخنقها تانى

وكانت على صرخه واحده

هموتك يا مؤمنه قبل ما نضيع

لازم تموتى يا خدامه

صالح قرب منها ومسكها وزقها

الممرضين مسكوا سلمى من ايدها

وكتفوها لما حسوا انها مش فى وعيها

صالح.. مؤمنه مؤمنه

فى ايه بينك وبين سلمى

مؤمنه مش قادره تتنفس وقالت بصوت ضعيف:

انا انا انا عاوزه اشوف خالد ارجوك

نفسى اشوفوه واخده فى حضنى

خالد ابنى يا صالح والست الكبيره عارفه

صالح.. مش معقول خالد ابنك

لا لا مش معقول

مؤمنه.. والله ابنى انا كنت بموت لما الست

الكبيره كانت بتقول انه ابن بطنها

إنما خالد نن عينى ابنى

نفسى اشوفوا الله يراضيك

مؤمنه بتقطع النفس

صالح ركب لها جهاز التنفس

وخرج بره الغرفه لما شاف حالتها تدهورت

سلمى قربت من صالح والممرضين حواليها

ومكتفين ايدها

وقالت بهستريه : شوفت بقى كان لازم تموت

سبنى اخنقها يا دكتور

لو حد عرف انها ام خالد هتبقى مصيبه

صالح مسك ايدها بعنف..

.. يلا قدامى على البيت شكلك اتجننتى ولا ايه

مدير المستشفى.. د.صالح انا هسكت علشان

خاطرك بس

إنما غير كده لازم محضر دى كانت ممكن تموتها

صالح.. متشكر يا دكتور

بجد انا اسف وزى ما حضرتك شايف

هى شكلها مش طبيعى خالص

بس لو سمحت لو مؤمنه فاقت ياريت اى

حد يكلمنى ممكن

مدير المستشفى.. حاضر يا دكتور.

صالح.. عن اذنك وبعتذر ليك تانى

بجد انا متأسف على اللى حصل

مدير المستشفى.. ولا يهمك يا د. صالح

= صالح مسك سلمى من ايدها وخرج بيها

على العربيه بس كان شكلها مش طبيعى

ولما وصل الڤيلا

كانوا مصطفى ومروه قاعدين فى الجنينه

مصطفى.. فى ايه هى سلمى مالها!

مروه قاعده مش واخده وقالت : مالها يعنى

مصطفى قام وجرى عليهم

¬¬ فى ايه يا صالح مالها سلمى

مروة قالت فى سرها :

طول عمرك سلفه عقربه مش بتحبى غير نفسك

وبس علشان اقدر اتكلم معاكى

لازم اكون حقوده وبكرهه الناس كلها

غير كده لا يلا ربنا يديكى على قد نيتك

مصطفى.. فى ايه يا جماعه ما حد يرد فيكم

يرد عليه

سلمى ضحكت بهستريه وقالت :

هههههههههه ههههههههه خالد ابن مؤمنه

شوفت خالد ابن مؤمنه

ابن الخدامه

صاالح.. يا شيخه اسكتى

مصطفى.. هى بتقول ايه

ومال شكلها عامل كده ليه

مروه.. معقول خالد ابن مؤمنه

مصطفى قال بذهول : انتى اتجننتى هو

مين ده اللى ابن مؤمنه

هو كل يوم حكايه مؤمنه مؤمنه

فى ايه

انا عاوز اعرف ايه اللى بيحصل ده

مؤمنه مره تقول صالح ابنها

وبعدين خالد بجد انا مش فاهم حاجه!؟

صالح مسك دماغه وقال :

انا كمان تعبت ومبقتش عارف حاجه

ماما ماما مؤمنه قالت إن ماما عارفه

كل حاجه

ودخل الڤيلا وفى ايده سلمى

مصطفى ومروه دخلوا وراه

وقال بأعلى صوته يا ماما يا ماما

سالى نزلت مخضوضه..

فى ايه يا صالح

ولمحت شكل سلمى وقالت :

مالها سلمى

صالح.. يا ماما يا ماما

الام نزلت وخالد وراها

خالد شاف مراته

نزل جرى واتكعبل ووقع من على السلم

الام.. فى ايه يا صالح

خالد.. فى ايه يا صالح

مالك ماسك سلمى ليه كده

وقرب من سلمى وقال :

مالك يا سلمى

سلمى.. كله راح كله ضاع

بس بس بس بس اكيد انت كتبت كل حاجه

بأسمك صح

المحامى خلص الورق

صح يا خالد علشان ياسين

ومسكت بطنها..

وعشان النونو انا هجبلك 5 ولاد زى ما انت عاوز

وهيبقى عندك اكبر عيله

كلهم ولاد وهيبقوا عزوتك

اوعى تخاف يا خالد

هههه ههههه

خالد.. انتى بتقولى يا مجنونه

صالح.. محامى

هو انت ناوى تسرقنا يا خالد

مصطفى.. يا نهارك اسود ومنيل

انت كتبت كل حاجه بأسمك

خالد.. دى كذابه والله كذابه

الام.. مالكم فيكم ايه

صالح قرب منها وقال بأعلى صوته :

ماما مؤمنه قالت إن خالد ابنها وانتى عارفه

صح ولأ

ردى عليه ارجوكى الكلام ده مظبوط

خالد ابن مؤمنه

سالى.. ايه 🥺

خالد.. انت بتقول ايه

الوليه دى مجنونه انت ناسى

لما قالت عليك ابنها وطلعت بتكذب

الام عيطت وقالت : انا مش هقدر اخبى

لحد كده انا تعبت من الحمل اللى شيلاه

على قلبى طول السنين دى

وقربت من صوره جوزها

** انا تعبت يا عبد الرؤوف

خلاص مش قادره

اه يا ولاد خالد ابن مؤمنه

وشاورت على صوره جوزها وقالت :

الراجل ده كان السبب فى كل حاجه

هو السبب وقعدت على الأرض

وكملت كلامها

وقالت انا اتجوزت عبد الرؤوف

واتأخرنا فى الخلفه

وكان جدكم راجل كبير فى السن

بس كان شديد اوى

كان راجل ظالم بمعنى الكلمه

بعد سنه من جوزانا عمكم الله يرحمه

اتجوز وفى وقتها

جدكم جمعنا وقال انا مشفتش، خلفه منكم

وقدمكم سنه وعاوز منكم الأحفاد

لو مفيش أحفاد انا هتبرع بثروتى كلها

للجمعيات الخيريه

عمكم وابوكم اعترضوا

وقالوا ان كده ظلم

بس جدكم كان صعب وحلف وقال

انه مش هيرجع فى قراره

بس ابوكم وقتها قالى انه هيتجوز عليه

علشان يخلف وهفضل على ذمته

انا تعبت واضايقت وطلبت الطلاق

لحد ما فى يوم مرات عمكم قالت خبر

انها حامل

عبد الرؤوف ثار واتجنن

وطلب منى نتبنى طفل

ومش هيتجوز عليه بس نتبنى طفل واقول انى حامل

مع ان انا مكانش فيا حاجه كانت

مسأله وقت

بس جدكم منه لله كان ظالم

بس الصدفه بقى لما فى يوم مؤمنه

دخلت علينا وقالت إنها حامل

ومحتاجه مساعدتنا

عبد الرؤوف ضحك عليها وقالها

ان الراجل اللى غلطت معاه

هرب منها

وراح لحد بيته وهدده وطلب منه يمشى

خالص وفعلا ده اللى حصل

مؤمنه عرفت كده اتجننت وخافت من الفضيحه

بس عبد الرؤوف ضرب على الحديد

وهو سخن وعرض عليها

ناخد اللى فى بطنها منها

وخدها فى الڤيلا التانيه

شهور الحمل كلها وطلب منى اقعد معاها

واقول انى حامل

وفعلا قولت انى حامل ولما مؤمنه ولدت

قولت انى ولدت ولد زى القمر

وكان خالد

ربيته احسن تربيه

وكنا بنحبه لحد ما فى يوم ابوه

رجع وطلب مؤمنه

وكانت مبسوطه عبد الرؤوف حبسها

وضربها ومسكتش على كده

موته وسممه

وياريت على كده وبس

كمان طمع فى ثروه اخوه

موت اخوه ومراته وابنها فى حادثه

وانا متأكده ان هو اللى دبر الحادثه

منك لله منك لله

صالح.. معقول اومال ليه مؤمنه

قالت إن انا ابنها

الام.. علشان تحرق قلبى يا ابنى

خالد.. لا لا لا انا ابن الخدامه

لا لا لا

الام.. انا اللى ربيتك

صالح.. اهدى يا خالد

خالد.. لا لا لا

وزق صالح وجرى على بره الڤيلا

كلهم جريوا وراه

بس خد عربيته ومشى

سلمى.. هو مشى

مصطفى.. اطلعى اوضتك دلوقتى

وطلب من مروه تساعدها

سالى.. لا 😭😭

ايه اللى بيحصل لنا ده يارب

الام طلعت اوضتها منهاره تماما

والسكر كان عالى جدا

صالح قعد جمبها

الام سألتها على وائل

قالها انه سافر يومين الاسكندريه

مروه طلبت من مصطفى انها تروح بيت اهلها

وفعلا قال لصالح ان هيوصلها

ويرجع يقعد مع مامته

سالى قعده تحت رجل امها

وصالح قعد معاها

=فى الوقت نفسه مصطفى جوز سالى

وصل الڤيلا ووراه مها

مها طلعت على رحمه تطمن عليها

مصطفى طلع وعرف من سالى كل اللى حصل

ومثل قدامها انه زعلان

ولما سألته بيكنسل عليها ليه

قال انه مسك شغل جديد

وابتدى يعتمد ع نفسه

الام حالتها تعبانه ومش بتقول غير خالد

= دقت الساعه 1 بالليل وصالح مع أمه ومعاه

سالى

مها قاعده جمب رحمه

وجت لها رساله واتس

رحمه.. مها مروه حكت ليه بلاوى النهارده

وصالح قاعد جمب امه

علشان تعبانه

انا عاوزه اطمن على ماما

ممكن تاخدينى لحد الاوضه هناك

رحمه مدت ايدها وحسست على مها

وقالت : مها مها

شكلك نمتى

وقامت من جمبها

وبقت تحسس على الحيطان لحد ما خرجت

من الاوضه ولما سندت على الدرابزين

مها خرجت وراها وجت تزقها وتوقعها

رحمه بصت ورا ومسكت ايدها وقالت : انتى يا مها

مها قالت بذهول : انتى شايفه

رحمه.. اه شايفه 🥺

فى غرفة سلمى وكان معاها فون

مع خالد وقالت : خلاص انا حطيت السم فى الاگل كله

وأول ما يفطروا كلهم هيموتوا ونرتاح

وقفلت معاه وكانت

مجهزه شنطتها وماسكه ياسين ونازله

سالى خارجه من الاوضه وشافت

مها بتوقع رحمه من على الداربزين

وفى الاتجاه التانى سلمى بتتسحب وخده شنطتها وماشيه

وخرجت من غير ما حد يشوفها

وسابت الأكل كله مسمم

يا ترى حد هيلحق سلمى ويعرف ان الاكل فى سم ولا كلهم هيموتوا

لما ياكلوا من الاكل الموجود

وهل سالى هتنقذ رحمه ولا لأ

كل دى اسئله وحلها فى الجزء، القادم

يتبع..

روايه المسمومه

الجزء الثالث عشر

الكاتبه // كوكى سامح

ج. 13…#المسمومه

سلمى خرجت من غير ما حد يشوفها..

سالى شافت مها بتوقع رحمه من على الداربزين

وماسكين فى بعض

رحمه.. انتى تعملى فيه انا كده

مها.. موتى بقى يا شيخه

= سالى شافت منظرهم اتخضت وبكل سذاجه

جريت على اوضتها بسرررعه وفتحت

الباب على مصطفى جوزها

وقالت الحق مها ورحمه ماسكين فى بعض

مصطفى خرج جرررى وسلك مها من ايد رحمه

وغمز ل مها على باب الڤيلا

وقال : رحمه ايه ده انتى بتشوفى

رحمه.. سيب ايدى انا لازم اخد حقى منها

معقول انتى يا مها؟

= سالى جريت على اوضه مامتها تنده صالح

مصطفى بيحاول يشغل رحمه

وفجأه مها نزلت جرى وخرجت من باب الڤيلا

ولأنها فاهمه الڤيلا كويس فتحت البوابه وهربت

وطبعا لأنها حاسه بالأمان وفاهمه

ان مصطفى هيقدر يشغل رحمه

ومش هتلحقها

رحمه.. ايه ده دى هربت

اوعااا ايدك كده

وزقت ايده ونزلت جرى وهى بتقول بعلو صوتها :

وصوتها بيهز جميع أركان الڤيلا

صااالح يا صااالح يا صااالح

مصطفى.. يا نهار اسود شكلها اطينت على دماغنا

=صالح خرج ووراه سالى

وقال بخضه فين رحمه يا مصطفى

مصطفى شاور بإيده على

السلم وقال بارتباك وهو بيحاول يبلع

ريقه..

** رحمه ومها لقيتهم ماسكين فى بعض

بس مها هربت من ايدى

بنت الكلب دى

.. اومال فين رحمه؟

** الحقها بسرعه نزلت وراها

= صالح نزل ووراه سالى..

الكاتبه // كوكى سامح

=مصطفى قال فى سره.. اعمل ايه دلوقتى

كده انا هتفضح انا لازم اكلم مها تروح الشقه

بسرعه

ودخل جرى على اوضته وهو ملهوف وخايف

من اللى جاااى ومسك الفون

وبيتصل ب مها

وخرج بره على باب الاوضه يراقب

المكان علشان ياخد حذره لو حد فيهم

رجع

وهو ماشى فى الطرقه وبيرن على مها

الفون رن

وكان باب اوضه رحمه مفتوح وفجأه

سمع رنه فون مها خارجه من اوضه رحمه

وقال : ده فون مها

يبقى كده مش معاها انا لازم اخده

وقفل فونه بسررعه وجرى على اوضه رحمه

وشاف فون مها على السرير

خده بسرعه وحطه فى جيبه

اوبااا نسى يقفله 👍🏼

واطمن وقال لنفسه : الحمد لله

انى اتصلت بيها كنت هتفضح

لما رحمه تشوف تليفونها ووقتها

الكل هيعرف ان انا على علاقه بيها

وخصوصا من رسايلنا لبعض ع الواتس

ومكالماتنا مع بعض

ونزل وراهم بعد ما اتأكد انه فى امان

= صالح رجع وفى ايده رحمه وكانت منهاره

وبتقول.. شوفت يا صالح مها كانت عاوزه تموتنى

وانا اللى كنت فاكره انها قاعده

معايا علشان تحمينى

حسبى الله ونعم الوكيل فيها

انا مش هسيبها انا خلاص عرفت

مين اللى بيحط ليه السم

اكيد هى🥺

وقعدت على الكرسى وبتحاول تتنفس

وبصت لصالح وكملت كلامها.

¬¬ هى اللى بتحط ليه السم فى الأكل

انا متأكده بسسسس ازاى؟!

انا عطشانه ريقى ناشف مياه بسرعه

سالى جريت على المطبخ وجابت

مياه وقدمتها ل رحمه

رحمه شربتها بسرعه وقالت :

بس انا اتسممت قبل ما تيجى الڤيلا

وانا لقيت الملاحه الصينى

فى دولاب المطبخ

قبل بردوا ما تيجى

واترميت من فوق الداربزين

قبل ما تيجى

يبقى ازاى!؟؟

الكاتبه // كوكى سامح

اكيد حد من هنا بيساعدها

بس ليه انا عملت فيها ايه 🥺

ده انا لما عرفت بموضوع السم ملقتش حد

غيرها استنجد بيه

صالح قال بحزن:

**وانا كنت فين يا رحمه

ده انا معرفش انك شوفتى غير دلوقتى

وكمان اعرف انك اتسممتى

قبل موضوع الممرضه

يعنى السم بيتحطلك من قبل نور الممرضه

وانا اللى كنت اهبل ومعرفش حاجه

رحمه.. انا نظرى رجع

قبل ما ترجع من السفر بيوم

بعد موت بنات سلفتى مروه

اسفه بس غصب عنى

كنت بحاول اعرف مين عمل فيه كده؟

ومحدش عرف انى مفتحه

لانه كان عمى مؤقت ما انت دكتور وعارف

انه ممكن يرجع فى

اى وقت.

كنت براقب الكل وعارفه كل حاجه

اما موضوع السم محبتش تعيش فى قلق بسببى

مع ان بعد تسمم نور الممرضه انتى عرفت

ان انا المقصوده

يمكن كنت غبيه انى مقولتلكش على كل

حاجه

بس الحاجه الوحيده اللى مفكرتش فيها

ان مها خاينه وعاوزه تموتنى

دى كانت بتقعد جمبى وتقولى

ان عمرى مرتبط بيها

وانها فى ضهرى وسند ليه

وقامت من مكانها ومسكت فى صالح وقالت :

فى حد هنا بيساعد مها فى قتلى

وانت زعلان انى مستنجدتش بيك

وانا اهو بستنجد بيك وبقولك

مين يا دكتور صالح من أهلك

فى بيتك هنا فى الڤيلا دى عاوز يقتلنى

مين رد عليه؟

صالح واقف ساكت

سالى.. مين يعنى انتى قصدك ان حد مننا

احنا لا لا ابعدى تفكيرك عننا خالص

مصطفى..حد مننا لا طبعا

بس ممكن تكون الداده ما هى وراها بلاوى

ويمكن كانت عاوزه تاخد تار جوزها

اللى حمايا قتله

وقرب من سالى وقال :

ولا إيه يا سالى مش ده الكلام اللى انتى

قولتيلى عليه

ولا فى ايه بالظبط

وبان على وشه الارتباك وهو بيتكلم

رحمه.. مين يا دكتور صالح انا اهو بستنجد

بيك

يا ترى هتعرف مين بيساعد مها

صالح واقف مكانه ومش قادر يرد عليها

ومحتار

**اوبااااااا فون مها رن فى جيب مصطفى

رحمه.. ايه ده

دى رنه فون مها انا عارفاها كويس

مصطفى ارتبك وشه بان عليه الذعر

سالى قربت منه ومدت ايدها فى جيبه

وطلعت الفون

وقالت : ايه جاب تليفون مها فى جيبك

يا مصطفى وشدته من التيشيرت

ونزلت ضرب على جسمه

ومصطفى ابتدى يمسك فيها

صالح مسك فيه وبعد سالى عنه

.. وقاله انت يا مصطفى يا جوز اختى

يللى مطمرش خيرنا وخير اختى فيك

ده لحم اكتافك من خيرنا يا جدع

بدل ما تشكرنا

وتمد ايدك بالخير

تمدها بالسم..

مصطفى.. كذاب

صالح ضربه ومسكه من لاياقه التيشيرت

وقاله.. عاوز تقتل رحمه ليه

ها رد عليه يأما اموتك فى ايدى

سالى.. لا يا صالح انا انا انا عارفه مصطفى كويس

مستحيل يعمل كده

انت اكيد غلطان

اكيد مها ضحكت عليه

صالح مد ايده ل سالى وقال :

هاتى فون مها

وفعلا خده منها وفتحه وابتدى

يدور فيه وشاف مكالمات بينها وبين مصطفى

ولما فتح الواتس شاف كلام بينهم

من قبل ما تحاول تموت رحمه

وشاف رساله من مها بتقولوا فيها

انها قاعده فى الشقه مستنياه وفى مفاجأه

هتفرحه اوى

= وهنا بقى صالح قااال انا كده فهمت

انت كنت فى العماره مع مين

مها!

وانا كنت متحير ومش عارف انت طالع

العماره فى شقه مفروشه بتعمل ايه

بس موضوع سلمى

وتعب ماما هو ده اللى اخرنى عنك

وان اعرف حقيقتك وافضحك

وضربه بالقلم وقاله انت علاقتك ايه

ب مها يا كلب

رحمه.. انا مش مصدقه نفسى 😭

سالى منهاره

مصطفى.. انا هقول على كل حاجه

بس فى وجود مها

غير كده مش هتكلم

انا مش هروح فى داهيه لوحدى

رحمه.. مها هربت؟

مصطفى.. مها فى الشقه

سالى.. 😭😭😭😭😭

رحمه.. خلاص نروح كلنا على الشقه

وفعلا صالح وافق وخد مصطفى ورحمه

وطلب من سالى تقعد مع أمه لأنها لسه تعبانه

وكمان مروه وأخوه مصطفى عند حماته

= صالح خد مصطفى ورحمه وركبوا العربيه

وطلعوا على الشقه المفروشه المكان اللى بيتقابلوا فيه

ولما وصلوا مصطفى نزل ووراه رحمه وصالح

وطلعوا لحد فوق

مصطفى فتح الباب ولما دخل كانت مها

قاعده بترتعش على كنبه الانتريه

ولما شافته داخل عليها جريت عليه

وحضنته وقالت : شوفت

رحمه طلعت مفتحه

= رحمه دخلت بقوه ووراها صالح وقالت :

.. انتى يا مها سبب كل ده

مها سابت حضن مصطفى وجريت على صالح

وقالت : شوفت رحمه بتستغفلنا كلنا

وطلعت مفتحه

وقال ايه انت كنت خايف عليها

صالح.. انتى عملتى كده ليه فى رحمه

انتى والكلب ده وشاور على مصطفى

مها.. انا معملتش حاجه

هو السبب صدقنى

وجريت على رحمه ومسكت ايدها

والله هو السبب

كله منه صدقونى

مصطفى.. كذابه

مها.. انا انا انا؟

مصطفى.. والله دى كذابه

مها.. انت السبب

رحمه.. انتى عملتى فيه كده ليه يا صاحبتى

انا عملت فيكى ايه؟

ده انا جريت عليكى قبل جوزى

مها انهارت ومسكت رحمه بعنف وقالت :

ايوه عملتى فيه كل شر

لما حبيت اخوكى الوحيد

وهو كمان كان بيحبنى اوى

وروحنا كانت متعلقه ببعض

وانتى عامله عبيطه ومش شايفه انى بحبه

وهو كمان بيحبنى

ولما طلبت منه يتقدم ليه بعد خطوبتك

لصالح انتى رفضتى وقولتيلوا لأ

الا مها دى اخر واحده تتجوزها

وكل ده ليه علشان ذنب مش ذنبى

رحمه.. نعم مكانش ينفع يا مها

مها.. منك لله حرمتينى منه وخلتيه خد مامتك

وهاجر بره مصر

صالح.. انا مش فاهم حاجه

مها.. منك لله انتى لازم تموتى وارتاح منك

كل لما بشوفك قصادى بموت

وافتكر الماضى

منك لله 😭😭

ازاى تعملى فيه كده واسيبك تعيشى

بعد ما شوهتى صورة امى وصورتى قدام

اصحابى والناس كلها

رحمه… مش مصدقه نفسى 😭

ان كل ده بسبب ان اخويا سابك

لا لا لا مش معقول

مها.. اخوكى كان روحى

وانتى عارفه

بس يا خساره بعد عنى وسمع كلامك

لما رفضتى جوزانا

رحمه.. كان لازم يرفض

مكانش ينفع يا مها اخويا يتجوز

واحده امها ممسوكه فى شقه دعاره

ده ابوكى نفسه طلقها

ولما رجعها ع ذمته مقالش لحد

مكانش ينفع

مها.. مش ذنبى

وماما مظلومه مظلومه

وبعدين لما مكانش ينفع كنتى مستمره

فى صداقتى ليه؟

رحمه.. علشان كنت بحبك 😭

مها.. كذابه

صالح قرب من مها وقال :

معقول كل دى عداوه فى قلبك

ل رحمه

بس مكانش باين عليكى

انا كنت بحس انك اختها يا شيخه

مصطفى.. تمثيل كله تمثيل

رحمه.. سممتم البنات ليه

وبعدين لما انتى ومصطفى متفقين عليه

ليه سممتم البنات

وكمان انقذتى ياسين ليه

صالح.. ياسين؟

رحمه.. ايوه ياسين

مها قالت وهى مش حاسه بنفسها :

**فاكره اليوم اللى كلمتينى وقولتى ان مصطفى

بيعاكسك وعاوزه يبعد عنك

علشان انتى مش قد سالى ومشاكلها

وخايفه على صالح

انا اليوم ده طلبت منك رقمه

علشان اكلمه ويبعد عنك نهائى

انا بقى استغليت الموقف ده

وكلمته ع اساس انى بحذره

بس اول لما شافنى ريل عليه

وعرفت مدخله الشهوه والفلوس

وعرفت منه انه مش ببحب سالى

ومتجوزها علشان الفلوس وبس

وبصت ل صالح وقالت :

اصل اختك لامؤاخذه كانت بتاخده على السرير

بالعافيه

رسمت عليه الحب وطبعا علشان اوصل

لهدفى وبس ان رحمه تموت واخد حقى منها

وقبل موت حماكى بشهر

لقيت الأهبل ده جاى ومعاه وصيه

مكتوبه باليد ملهاش لازمه

ان الميراث كله هيتكتب لاحفاده الموجودين

واللى هيجوا وبس

وطبعا كان مرعوب ان سالى مش هتورث

لأنها عقيمه للأسف، مفيش منها رجا

انا بقى وبدراستى فى الحقوق

استعملت كل الوسائل ولعبت عليه

وفهمته ان الوصيه صح ميه فى الميه

وهو اهبل صدق يا عينى

وقربت من مصطفى وكملت كلامها وقالت :

خوفته ورعبته ان سنين عمره راحت هدر

مع سالى العقيمه

وكلت عقله وضربت ضربتى

لما قولتلوا ان رحمه هتقول لصالح وسالى

على اللى حصل منه

وطبعا لو سالى عرفت هتبهدله

وتطرده

ومش هيلحق يبيعها المزرعه والارض اللى ورثتهم

من جوزها السابق الله يرحمه

وكان هيتجنن مش كفايه أن حماه كتب الورث

للاحفاد وسالى لاً على حياه عينه

وكمان رحمه هتقول ان بيعاكسها

دى سالى تموت فيها وهتطرده طرده الكلاب

كان خايف وعامل زى الكتكوت المبلول هههه

وهنا بقى انا وسوست فى ودانه

وانتم عارفين الزن على الودان بقى

اقوى من السحر فعلا وجاب معاااه

عرفته ان الوصية سليمه

مع انها كانت فيييك

وانا متأكده ملهاش لازمه

صالح.. 🤦‍♂️🤦‍♂️هى فيييك فعلا

خالد كاتبها علشان كان عارف انه طمعان

فى ميراث سالى ولما يشوفها يطلقها

ويبان على حقيقته 🤦‍♂️

بس انا رفضت

معقول خالد نفذ اللى فى دماغه واهى جت

على دماغنا كلنا 🙆‍♂️!

وكملت مها كلامها وقالت :

ما انا متأكده انها فييك وكذب

بس علشان تتدخل عليه قولتلوا ان

ممكن يكون ليها نسخه تانيه عند محامى

العيله فلو ظهرت هتبقى مشكله

وهنا بقى ضربت ضربتى وعرفته

ان قلبى عليه

واتجوزنا عرفى وكل ده علشان

اوصل لهدفى قتل رحمه وبس

بس هو كان فاهم ان هدفنا واحد الفلوس

وطبعا ده بالنسبه لى إنما أنا

بالنسبه ليه أله بحركها وبس

بتنفذ اللى اطلبه

وفى يوم شاف بالصدفه صورى مع اخوه رحمه

وعرف اننا كنا بنحب بعض

وحكت له على كل حاجة

ولعبنا على المكشوف

وفهمته بإساليب رخيصه

ان لازم يتخلص من الأحفاد كلهم

علشان لو الوصيه ليها نسخه تانيه

مع محامى العيله

وهو كان زى الأهبل صدق كل حاجه

وودانا فى داهيه بغباءه ده

وكل ده علشان يقتل رحمه

قصاد مساعدتى لى فى قتل الاحفاد

حط السم غلط

وشالوا فى مكان غلط

كان سهل اى حد يشوفوا

وحتى الكمية اللى حطها ل رحمه

كانت قليله

وعاشت بعدها

ولما كلمتنى اتظاهرت انى معرفش

حاجه خالص

وحتى لما تعبت انا طلبت منها

تروح المستشفى

علشان متحسش انى متغيره

وعرفت انها بتتسمم

وكله من الغبى ده وبصت لمصطفى

مصطفى.. يعنى الوصيه كذب

يا مها

مها.. كله كذب فى كذب

يا خايب

ده حتى أجر اتنين ستات يوقعوها

علشان تموت وبردوا عاشت

وخايبين زيه

رحمه.. وانقذتى ياسين ليه

مها.. علشان الست مؤمنه كانت قاعده فى الصالون

فى عز الليل

وانا كنت نازلة شوفتها وهى شايفه الخايب

ده وطبعا خوفت نتفضح

عملت نفسى قلبى على الولد

وكمان الست مؤمنه لما شافتنى

دخلت اوضتها وعاشت فى دور انها نايمه

بس ده ميمنعش انها شافتنى وانا بحط السم

للبنات

الوليه دى خطيرة اوى

وعينها فى كل مكان كل مره كانت بتقفشنى

وايه وانا بكلمها ع ياسين كانت

مصدقانى ومصدقه نفسها

صالح.. نور بتموت بسببكم

وحسن الطباخ فى السجن

ورحمه كانت هتموت وامى تعبانه

وسالى هتدمر بسبب راجل خاين

وكل ده بسبب قلوبكم السوده

والعداوه اللى ماليه دماغكم وقلوبكم

ومسك الفون واتصل ب البوليس

وبعد ساعه كان البوليس موجود وتم القبض على مها ومصطفى

بتهمه القتل عمدا….

وبعد يوم شاق وطويل صالح خد رحمه

وراح الڤيلا وكلم المحامى علشان يحضر

معاه التحقيقات ويتابع التحقيق مع مها ومصطفى

جوز اخته سالى

ولما وصلوا الڤيلا كانت سالى قاعده بتعيط

وقالت : فين مصطفى

صالح.. مصطفى ده قاتل وابن كلب

وانا بطلب منك لازم تطلبى منه الطلاق

ده قاتل بنات اخوكى

وكان هيقتل ياسين

سالى.. لا لا

صالح.. انا حاسس بهبوط

رحمه انا تعبان

رحمه.. انت مأكلتش حاجه

من الصبح وده غلط عليك

انت ناسى ان القرحة المعده بتتعبك لما تكون

جعان ثوانى

ودخلت المطبخ تعمل سندوتشات

فى عز حزنها على اللى حصل لها

وفتحت التلاجه وجهزت أكل وعصير من الموجود

وخرجت وحطت الأكل على السفره

صالح قعد وكان تعبان ولازم ياكل اى حاجة

وفعلا قعد وابتدى ياكل من الاكل

ومد ايده وأكل رحمه

الفون رن ورحمه بتاكل

رد وكان المحامى وقاله ان مها هربت؟

سالى واقفه وشافت الداده

داخله وفى ايدها ياسين 😭

الداده.. بلاش تاكل يا صالح…

يتبع…لجزء الاخير

روايه المسمومه

الجزء الرابع عشر والاخيرررررررررررررررر

الكاتبه // كوكى سامح

ج. 14…. #المسمومه

دخلت الداده وقالت : بلاش تاكل يا صالح

صالح قال بعنف : انتى تانى يا مؤمنه

عاوزه ايه مننا

يا ست انتى!!

مش كفايه كل اللى حصل من تحت راسك

سالى جريت عليها وقالت :

ياسين ياسين

رحمه.. استنى بس يا صالح

.. فى ايه يا داده انتى بتقولى صالح مياكلش ليه

** بلاش ياكل ولا حد فيكم ياكل

الأكل في سم

سلمى قبل ما تهرب حطت سم فى الأكل كله

صالح.. هههههه كدبه جديده كمان

لما انتى خايفه اوى كده

سبتى مها تسمم بنات اخويا

اللى اتولدوا على ايدك

رددت مؤمنه والدموع نازله من عينها

.. غلطه يا ابنى وبدفع تمنها كنت بفتكر

ان بكده باخد حقى وحق ابو خالد

اللى عبد الرؤوف قتله وحرمنى منه

سامحونى 😭😭😭😭

صالح قام من على السفره وقال :

مش انتى تعبانه وفى المستشفى

ازاى خرجتى

رددت وهى مش قادره تتنفس وقالت:

لقيت خالد عندى فى المستشفى

لما شوفته قلبى طار من الفرحه

كنت بحسب انه خلاص عرف ان امه

وهيعيش فى حضنى

بس قالى انا لازم اخدك من هنا

حالا

وطلب من الدكتور انه ينقلنى مستشفى

تانيه وفعلا الدكتور وافق رغم ان حالتى مكانتش

تسمح وخرجت معاه

كان شكله تعبان ومش طبيعى

ولما سألته مردش عليه

ولا كلمنى

كانت كل نظراته ليه انى خدامه

وبس

لقيته واخدنى على شقه

مش مستشفى زى ما قال

وطلب انى اقعد فيها

حاولت اتكلم معاه بس رفض مكانش

راضى يتكلم ولا حتى اسمع صوته

بس سمعته بيكلمها فى الفون وقالها تهرب

صالح.. قصدك سلمى

الداده.. ايوه هى خرابه البيوت

ولما قفلت معاه

قعد مع نفسه وسبنى تعبانه

مرميه لوحدى

الام نازله تتسند على السلم وقالت :

.. اومال فاكره ايه يا مؤمنه

خالد طول عمره عاق

فكراه لما يعرف انك امه هيحن

عليكى

وضربت بإيدها على قلبها

الام اللى ربت مش اللى ولدت

انا امه اللى ربته وطول عمره قاسى معايا

يمكن عبدالرؤوف غلط وهو اللى عمل فينا كده

بس خالد مكانش يعرف انى مش امى

ورغم كده كرهنى فيه

عيل جاحد عااق

وقربت منها وقالت :

فاكره يا مؤمنه

كل ركن فى الڤيلا دى يشهد على خالد

لما مد ايده عليه لمجرد انه اتعصب

وزقنى من صغره وهو عاااق

مطمرش فيه تربيتى

انا امه اللى شلته فى عينى

يمكن مش من دمى

إنما عمرى ما فرقت بينه وبين ولادى

بس هو كان جاحد وحاقد

مبيحبش حد واخر المتمه سرق اخواته

وخد فلوسهم

وجايه تقولى انه شايفك خدامه

وعاوزاه يقولك يا ماما ويحن عليكى

صالح قرب منها وقال : ماما انتى تعبانه

الام.. ااااااه اااااه

رحمه.. تعالى معايا على فوق

سالى.. ماما انتى تعبانه

مؤمنه.. يا ست هانم انا خلاص

بودع ومش هعيش تانى

بعد ما شوفت ابنى مات قصاد عينى

صالح.. انتى بتقولى ايه خالد 😭

سالى.. لا لا 😭

رحمه.. خالد معقول

الام.. ابنى خالد ماله لا لا خالد مات

يا حبيبى يا ابنى

انتى اكيد كذابه

مؤمنه.. مات خلاص مات

مات وهو عارف ان الأكل فيه سم

مات وهو كان هيسرق اخواته

مات وهو غاضب ربنا

صالح.. خالد مات ازاى

مؤمنه بصت لياسين..

بعد ما اخدنى الشقه سمعته بيكلم سلمى

وقالها تهرب وخددت منه عنوان الشقه

وبعدها بكام ساعه وانا قاعده حزينه

تعبانه وهو ولا كلمنى ولا حتى بص فى عينى

لقينا خبط على الباب

قام فتح وكان عارف انها سلمى

وأول لما دخلت كانت شايله ياسين

ووشها مخطووف

سمعتها بتقولوا انها حطت سم فى الأكل

كله وهربت

وبموتكم هتكون خدت حقه وحقها منكم

بعد ما طردوه

وقالت كويس انه كتب كله حاجه

بأسمه علشان انه طلع ابن الخدامه

ومالوش حق فى الميراث

بس خالد قالها وهو حزين ان المحامى

وقف الإجراءات كلها

ومخدش حاجه

مسكت فيه وانهارت ورمت ياسين

ومكانتش مصدقه كلامه

وكذبته واتهمته انه هياخد كل الفلوس لوحده

كان بيحاول يفهمها بس هى مكانتش فى وعيها

نزلت تجرى على بيت المحامى

وهى مش فى وعيها

نزل وراها

قمت من مكانى خدت ياسين

وخليته فى حضنى

مكنتش عارفه اعمل ايه واروح فين

بصيت من الشباك وكل إللى سمعته

وكانت اخر مره اسمع صوته فيها

وهو بيقولها

بلاش يا سلمى

انتى رايحه فين

خلاص كل حاجه راحت

بس ركبت وركب معاها

خدت ياسين ونزلت علشان اجيبه على هنا

وركبت تاكسى وفى الطريق

السواق قال ان فى حادثه كبيره

نزل يشوف فى ايه

لمحت عربيه خالد

نزلت وراه وانا قلبى مقبوض

وشوفتهم الاتنين على الأرض

سلمى ميته

بس روح خالد كانت متعلقه

شوفت اخر نظره فى عينه

قربت منه وحاولت اخليه يتشاهد

بس مقدرش ينطقها ومات

مقدرش يا صالح

مقدرش يا ست هانم

ابنك وابنى مات وهو غاضب ربنا

واخواته وأمه إللى ربته

إنما أنا مسمحاااه مسمحاااه

وماتوا خالد وسلمى 😭😭😭😭😭

قابلوا اللى ما يغفل ولا ينام

وساوبوا ياسين

لوحده

وقربت من الام

ومدت ايدها ب ياسين وقالت :

خوديه ربيه يا ست هانم

ده مالوش غيرك

انا خلاص خلاص

ومسكت قلبها وقالت :

انا حاسه بنغزه جامده اااه اااه

سالى خدت ياسين

مؤمنه وقعت على الارض

ومش قادره تتنفس وقالت :

سامحونى وخلى مصطفى ومروه

يسامحونى انا شوفت مها وهى بتسمم

بناتهم ابوس ايدكم سامحونى

سالى..

سالى قربت منها وقالت :

نعم يا داده 😭😭😭😭

مؤمنه.. انا انا انا عارفه انك قلبك ابيض

ومصطفى ده كان طمعان فيكى

بس هو ميستهلكيش

ياسين امانه فى رقبتك

ده ابن اخوكى خالد

سالى : ياسين فى رقبتى

ياسين 😭

داده داده

وماتت مؤمنه

صالح مسك ايدها وشاف نبضها

وقال : للأسف ماتت

الام.. عليه العوض ومنه العوض

ان لله وان اليه راجعون

ربنا يسامحك يا مؤمنه

رحمه.. 😭😭😭😭

الام.. ادفن مؤمنه فى مقابرنا التانيه

اللى فى البلد

مش اللى هنا

انا مش عاوزه لما اموت ادفن معاها

وهنا تليفون صالح رن وكان

بلاغ بحادثه خالد وسلمى

وأنهم فى المشرحه

صالح قرب من أمه وقال

وخالد يا ماما

الام يدفن جنب مؤمنه يا صالح

صالح.. وسلمى

الام.. أهلها أولى بيها

= وهنا دخل وائل وشاف مؤمنه واقعه

على الارض

وقال : هى ماتت

وخالد وسلمى ماتوا فى حادثه

رحمه قالت فى سرها

هو وائل عرف منين؟!

صالح كلم مصطفى اخوه علشان يبلغه

بكل اللى حصل بس قاله

ان مروه نفسيتها تعبانه وخدها وسافر

تغير جو

= صالح عمل كل اتصالاته

وخلص كل الإجراءات دفن مؤمنه وخالد

وسلم جثه سلمى لأهلها

وتم دفن مؤمنه وخالد فى المقابر التانيه

فى البلد وكانت نهايتهم التراب

ودى كانت مقابر فى بلدهم

وبعد ما ادفنوا فى البلد

صالح ووائل بس وأهل البلد اللى حضروا

جنازه مؤمنه وخالد

إنما الام وباقى العيله

لأ

وخدوا العزاء على المقابر

= وبعد مرور 24 ساعه صالح وأخوه وائل

رجعوا الڤيلا

وكانت الام نايمه فى سريرها

وسالى قاعده ومعاها ياسين

ورحمة قاعده ومعاها المحامى

ولما دخل صالح

رحمه قامت وقالت بلهفه

**انت نسيت ان مها هربت

.. تهرب ولا تغور المهم تبعد عننا

احنا عملنا اللى علينا

وسلمناها للبوليس

المحامى.. الحمد لله حسن الطباخ خرج

وظهرت براءته

بس والله يا د. صالح حاولت معاه يرجع

الڤيلا بس رفض

رحمه.. انا خايفه من مها

المحامى.. حقك دى مجرمه

بالمناسبه يا دكتور صالح نور الممرضه فاقت وبقت

كويسه

انا سألت عليها بنفسى

صالح.. الحمد لله

سالى.. رحمه عندها حق يا جماعه

مها دى يتخاف منها وخصوصا بعد اللى شوفته

دى كانت عاوزه تموتها

لا لا يا صالح لازم تشوف حل

صالح بص للمحامى وقال :

فى حاجه عاوز اعرفها انت عرفت منين

ان خالد كان عاوز يسرقنا ب التوكيل اللى معاه

المحامى شاور بإيده على وائل

وائل.. هههه انا طبعا وراك رجاله

انا مكنتش مسافر انا بس عملت نفسى

من بنها زى ما بيقولوا وقولت انى مسافر

اصل انا سمعت سلمى بتكلم خالد

فى نفس المكان ده وهى واقفه

تقوموا علينا

وتقولوا ان يكتب كل حاجه بأسمه

ب التوكيل اللى معاه

وكمان ان ماما بتفرق ما بنا

وناويه تكتب كل حاجه بأسمى انا وانت

وكمان مصطفى

وبصراحه شكيت فى أمرها

وسألت ماما هى ناويه تكتب الميراث

لينا وخالد لأ

وللعلم مكنتش اعرف ان خالد

ابن الداده

بس ماما قالت إنها عامله توكيل بأسم

خالد وبس

وعمرها ما هتخالف شرع ربنا

صالح.. سبحان الله مع ان خالد مش ابنها

وائل.. ما انا مكنتش اعرف

ولا ماما قالت حاجه

بس انا قولت استفسر منها

وفهمت ان سلمى دى مش سهله

وناويه على خراب بيتنا

وضياع حقنا

وقرب من المحامى وحط ايده عليه وقال

** وكلمت المتر واتفقت معاه

والبركه فيه

وقولتلوا يوقف كل الإجراءات

بحجه اننا لغينا التوكيل

بس خالد انشغل لما عرف ان مؤمنه

امه واتجنن مكانش شايف قصاده

وانا كنت متابع كل حاجة

هنا من خلال سالى اختى

ومعرفش يكتب اى حاجه لنفسه

والشركه شركتنا يا اخويا

يا دكتور صالح يا محترم اوى

ربنا يخليك لينا

سالى.. كان نفسى يكون مصطفى معانا

مصطفى دخل ومعاااه مروة

وقال : انا اهووووووووووو

سالى.. حبيبى حمدالله على السلامه

وحضنته

مروه.. وانا مليش حضن

سالى.. ازاى بس

وخدتها فى حضنها وقالت :

انا اسفه والله اسفه

مكنتش اعرف انه هو اللى سمم بناتك

بس خد جزاءه ربنا ينتقم منه

مروه.. منه لله

صالح.. سالى خلاص

مصطفى.. انا حكيت كل حاجه لمروة

كان لازم تعرف

ان اللى قتل ولادنا مش من دمنا

يا صالح

منهم لله حسبى الله ونعم الوكيل

سالى.. اوعى تزعلى منى يا مروه

او من معاملتى ليكى

منها لله سلمى كانت بتزن فى ودانى

دايما وتقولى انك بتكرهينى

مروة.. انتى بس ما كانت بتزن فى ودانى

بردوا يلا اهى ماتت وربنا ريحنا من شرها

صالح.. الحمد لله كلنا بخير

= مصطفى ومروة طلعوا يشوفوا الام

سالى اخدت ياسين ودخلت اوضتها

رحمه طلعت اوضتها وسابت

صالح مع وائل والمحامى

=ولما طلعت دخلت الحمام وغيرت هدومها

وقالت : انا نسيت ان الأكل كله سم

على كلام الداده

لما انزل انضف التلاجه لحد ما اما نشوف

شغاله وطباخ جديد

وفجأه حست بحد بيختقها وبصت وراها

وكانت مها

لازم اموتك يا رحمه

موتك على ايدى

رحمه.. ابعدى عنى يا مجنونه

يا حقيره

مها بتخنقها وبتشد على رقبتها جامد

رحمه مش قادره تتنفس

وهنا دخل عليهم اتنين من رجاله الشرطه

ومسكوها

وصالح والمحامى

صالح جرى على رحمه وحضنها

وقال : حبيبتى انتى كويسه

رحمه.. اه الحمد لله

كنت هموت

مها.. يا بنت الكلب كان

نفسى اخد عمرى بإيدك

رحمه.. انتى تاخدى عمرى بإيدك

الظاهر انتى كفرتى كمان

انتى نسيتى كمان ربنا

عمرى فى ايد اللى خلقنى وبس

صالح.. كنت عارف انك جايه يا مها

مها.. مش هسيبكم

ورجال الشرطه قبضوا عليها

وهى على صرخه واحده

وبتقول مش هسيبك يا رحمه

وهحرمك من عمرك زى ما حرمتينى

من اخوكى

كان عمرى مرتبط بعمرى

صالح.. دى مجنونه ومش طبيعيه

سالى.. يلا يا بنت الكلب

من هنا

صالح.. خلاص يا حجه قلبك ابيض

اتقبض عليها 😂

سالى.. انت بتضحك كان نفسى اموتها

بإيدى

صالح.. خلى بالك من ياسين وبس

سالى.. يا ترى مروه زعلانه منى انى بربى ياسين

صالح.. لا بالعكس

مروه حنينه وفقدت بناتها

وده طفل مالوش ذنب

وبعدين سلمى وخالد مكانوش

سبب فى قتل بناتها

سالى.. يا صالح افهم

مصطفى الله يلعنه هو اللى سممهم

انا قصدى كده

صالح.. مصطفى غار فى داهيه

انسى بقى كفايه اللى هما فيه

رحمه مسكت بطنها وقالت :

اااه اااه بطنى بتتقطع الحقنى يا صالح

السم كلام مؤمنه صح ااااه ووقعت على الارض

صالح مسك بطنه وقال :

اه ايه ده ووقع على الأرض جمب رحمه

وائل والمحامى ومصطفى شالوهم

وخدوهم على اققرب مستشفى

وعملوا غسيل معده وتم انقاذهم

مصطفى.. اخويا ومراته يا دكتور

الدكتور.. الحاله مش معايا مع الدكتوره امينه

مصطفى جرى عليها وسألها :

قالت انهم كويسين يعدى عليهم 24 ساعه

ويخرجوا

= الدكتورة دخلت عليهم وكانت رحمه

فايقه وقالت : صالح فين

الدكتورة.. نايم فى السرير اللى جمبك اهو

رحمه بصت وحاولت تقوم

الدكتوره.. مش انتى كنتى قبل كده هنا مع

صاحبتك

وحالتك كانت تسمم

رحمه.. ايوه

الدكتوره.. ابقى خلى بالك منها

رحمه.. ليه

الدكتوره.. كنت هقولك انها مش كويسة

لان انا فاكره كويس اليوم

ده لما فضيتى الملاحه اللى كان فيها السم

وانا بقولك ده سم

بصت ليه اوى وغمزت علشان متكلمش

واقول انه سم

ومتلحقيش نفسك

بس انا قولت وغير نظرتها

ليكى كانت نظره مش قادره اعبر عنها

كلها كرهه وخيانة

حتى انا حاولت افهمك بالطريقه

واديتك الكارت بتاعى

علشان تكلمينى

بس للأسف انتى كنتى واثقه فيها

ومكلمتنيش

رحمه.. صاحبتى 😭😭😭

طلعت هى اس البلاوى

وقامت من سريرها وقعدت جمب صالح

تحت رجله

والدكتوره خرجت

رحمه مسكت ايده وقالت :

قوم يا صالح انا مليش غيرك

بحبك وهفضل احبك لحد ما اموت

كله بسببى

وبسبب الطمع والجشع والفلوس

صالح ابتدى يفوق وقال :

انتى كويسة

رحمه.. انا المسمومه 😭😂

صالح.. محدش احسن من حد

انا كمان بقيت مسموم بس الحمد لله

ربنا نقذنا

وقاموا بالسلامه والكل اطمن عليهم

= وبعد شهرين مروه قالت قدام الكل

انها حامل يااااه على فرحتهم بيها

صالح مسك ايد رحمه وطلب منها

يروح يكشف

علشان الخلفه

وفعلا كشف وكان عنده حاجه بسيطه

وعمل عملية صغيرة وبعدها

الدكتوره طمنت رحمه ان الحمل هيحصل

فى اى وقت

= وفى يوم وائل طلب من صالح انه عاوز يتقدم

لبنت جارته وفعلا

أتقدم لها

وعمل خطوبه كبيره

والعيلة كلها متجمعه فيها

وكانت العروسه ليها اخ أرمل

وعنده بنت

ولما شاف سالى أعجب بيها كتير

واتكلم معاها

فى الاول رفضت

وبعد ما خلصت الخطوبة

طلب يقابلها ويقنعها

وفعلا قابلته ومعاها يايسن

وهو معاه بنته وكانت زى القمر

ومن سن ياسين

ولما اتكلموا مع بعض صارحته

وقالت إنها مش بتخلف

رد وقالها وانا راضى

انا معايا بنتى ومحتاجة ام زيك

انا شوفت حبك ل ياسين

وعاوز نفس الحب لبنتى

ومش عاوز حاجه تانى

سالى.. وياسين عمرى

وخلى بالك اوعى فى يوم تقول

انه يبعد عنى

وقتها مش هينفع انى اعيش معاك

رد بكل سعاده وقال انتى بنت أصول

انك بتربى ابن اخوكى

وانا اتشرف ان ياسين يكون ابن ليه

وأخو بنتى تاليا

سالى 😍❤️

سالى فرحت جدا

وبعدها بشهر عملوا فرح كبير

بحضور كل العيله

واتكتب كتب كتاب وائل وخطيبته

وتم كتب كتاب سالى وأخو عروسة وائل

وائل وسالى بقوا عيله واحده

ياسين وتاليا عاشوا وسطهم فى سعاده

*** وفى صباح يوم جديد رحمه قامت

من النوم ماسكه بطنها وقالت اه بطنى بتتقطع

قرب منها صالح وقال :

اكيد مش سم 😂

ده ابننا اللى جاااى

رحمه.. مبروك يا حبيبى 👩‍❤️‍💋‍👨

صالح.. مبروك يا نور عينى

ومسك بطنها

وكان فرحان اوى

وبعد شهور مروه خلفت تؤام بنت وولد

وربنا عوضها بيهم

وعملوا اكبر سبوووع ❤️😍

وبعد شهور رحمه خلفت بنت

زى القمر

صالح.. البنت شبهك اوى

رحمه.. لأ شبهك انت

صالح.. دى قمر

هو انا قمر كده

رحمه.. هتختار اسم ليها ايه

صالح.. هسميها رحمه 😘

رحمه.. نعم!؟

صالح.. علشان بحبك واسمك يفضل ملازم

أسمى طول العمر

رحمه صالح عبد الرؤوف

البنت ❤️

والام.. الزوجه رحمه ❤️😘

رحمه.. مفيش مفر 😂😘

بحبك يا صالح

صالح.. وانا بموت فيكى يا اغلى رحمه

وبعد ايام عملوا اكبر سبوع بحضور العيله

كلها وأخو رحمه وولدتها وصلوا وحضروا السبوع

وكل العيله كانوا فرحانين بيهم

الجده شالت رحمه المولوده

وقالت : اخيرا شيلت عوضك يا صالح

الحمد لله اشكرك يارب

وضمت رحمه فى حضنها وكل العيله

حواليها ومع فرحتهم كلهم

بالمولوده الجديدة الفون رن

ولما صالح رد كان المحامى وقال :

ان المناقصة اللى كانوا داخلين فيها

نجحت وبقت من نصيبهم وكمان اتحكم

على مصطفى بالإعدام ومها ب 25 سنه

وقفل الفون وضم بنته فى حضنه

وقال رحمه الصغيرة وش السعد علينا كلنا

رحمه.. وانا لأ

صالح.. انتى السعاده كلها يا قلبى 😍

ومع فرحه العيله تمت القصه

فضلا منكم متابعه للمدونه واترك تعليق لنا وانتظروا قصص وروايات كامله جديده