مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

#منزل_فى_الريف 

الجزءالاول

انا عبدلله 18 سنه 

انا شخصيه فضوليه شويه..

لا فضوليه اووى..

بس تفتكروا فضولى ده ممكن يقتلنى فى المستقبل؟؟

تعالوا احكلكم حكايتى علشان تعرفوا تجوبونى على السؤال ده..

انا عائلتى من الريف وسكان القرئ..بس انا مولود فى المدن وكنت بسمع ناس كتير فى المدن بتتكلم عن القرئ الى فى الريف وبيقولوا عليه مسكونه بالعفاريت والجن والحاجات ديه ...

بس انا مكنتش قايلهم ان عائلتى من الريف ...ومن كتر ما سمعت الحكايات الى على القرئ الى هناك ..

مَبقتش اهتم ولا بخاف زى الاول..

انا وصاحبى عماد متعودين نتقابل فى يوم ونقعد نتكلم ونحكى لبعض قصص وكده

بس عماد جيه فى يوم وقالى سمعت قصة المنزل الى فى الريف الجديده ديه...

قولتلوا ياعم ما انت حكتلى قصص كتير عن الريف والحاجات الى هناك احكى حاجه تانيه احسن ..

قالى لا لا ديه قصه جامده اووى وفى ناس بتقول ان المنزل ده حقيقى والى بيروحوا مش بيرجع تانى وجابوا شهود ع الحكايه ديه 

قولتلوا وانت عرفت منين الحاجات ديه !!

قالى صاحبى صَحفى فى جريدة بتكتب عن الحاجات الى مش طبيعيه الى بتحصل زى ديه ..

قولتلوا واية الى مش طبيعى فى كده ما اكيد بيت مسكون بالعفاريت وكده...

قالى هى العفاريت بتأكل البشر بردوا !!

وبعد صمت لمده قليله نتيجة الصدمه ...

قولتلوا بكل حماس وفضول...

احكيلى...

قالى بص محدش يعرف الحكاية الاصليه للمنزل بس فى كذا محقق وناس بيعرفوا فى السحر راحوا هنااك وكل واحد كان بيقول حاجه مختلفه عن التانى ..

والناس مش عارفه مين الاصدق المحققين ولا الساحره..

قولتلوا المحققين قالوا اية ؟

قالى المحققين قالوا ان فى اشخاص مَوُتوا بعض هناك واكيد أرواحم هى الى بتقتل الى بيروح هناك...

قولتلوا هما قالوا كده على اساس اية جبوا الدليل منين يثبت كلامهم ده ..!!

قالى معرفش ولله بس هم لاقوا سكاكين هناك واعضاء بنائ أدمين متقطعه...

قولتلوا والساحره قالوا اية ؟

الساحره بقا قالوا ان البيت ده مسكون من الجن وكان فى حد بيحضرهم هناك بس كان بيحضر اعداد كبيره 

منهم الخير ومنهم الشرير فا كان عايز يدخلهم فى جسموا علشان يبقا قوى بس مقدرش يستحمل قوتهم ومات..فا روحوُا فضلت فى المكان ده لحد دلوقتى 

قولتلوا ليه روحوُا لسه هناك !! مش مفروض انوا مات موته عاديه !" 

قالى لا هم لاقوا مدبوح على الكرسى بتاعوا...

قولتلوا اومال اية حكاية البشر الى بيتكلوا دول !!

قالى هم بعتوا خمسه من الناس هناك وملاقُهمش خروج تانى ولما دخلوا لاقُهم متقطعين ودمغُهم عليها اثار اسنان ومتاكل من دماغهم حتت..

قولتلوا اية ياعم هو مين الى يقدر يروح المكان ده وهو عارف انوا هيموت ..

قالى الفلوس بتعمل اكتر من كده...

قولتلوا طب وهما مجبوش شيوخ ليه ؟؟

قالى ما هم كل لما يجيبوا شيخ يرفض يجى علشان عارف ان المكان ده مش مظبوط...

والشيخ الى مكنش يعرفوا حاجه عن المكان ده ..

كان اول لما يروح قبل لما يخش كان بيترعش ويقول لا لا لا مش هدخل...

يا عبدلله المنزل ده محدش عارف اية الى فيه

ومحدش هيعرف اية الى فيه ..

وبعد صمت طويل وتفكير عميق...

-عماد

-نعم

-احنا هنروح البيت ده

ههههههههه انت اتهبلت من الصدمه ولا اية يا عبدلله..

قولتلوا لا ياعم انا عايز اروح علشان اعرف اية الى هناك .

قالى يعنى الشيوخ والساحره والمحقيقين راحوا معرفوش حاجه وانت الى هتعرف !!

قالى مش انت قولت ان مفيش شيخ دخل جوه !!

قالى اه ..

قولتلوا خلاص يبقا احنا بقا الى نجرب الشيوخ 

قالى ازاى يعنى احنا هندخلهم !!

قولتلوا انا عارف شيخ كنت بحفظ عندوا قران وهروحلوا وهخلى يجى معانا..

والشيخ ده اصلا من الازهره وعارف فى الحاجات ديه كويس ..

قالى لا ياعم اكيد مش هيوافق ..

قولتلوا ملاكش دعوه بس انت هتيجى معايا ولا لا !!

سكت كده شويه وقالى اه ياعم هجى مش معقوله اسيبك لوحدك ..ولله شكلك هتودينا فى دهيه...

انا هروح المكان ده وهحاول اعرف ايه الى فيه ..ولو رجعت هكتبلكم اية الى حصل هناك..ولو الجزء التانى مكتبش يبقا اعرفوا انى مرجعتش...

                             يتبع

الجزء التاني

تعالى تعالى هندور عليهم جوه..

لا ياعم انا مش هخش جوه لانى بخاف..

-ياعم متخفش احنا هنشوف عبدلله والى معاه فين وهنخرج علي طول ..

-اية ده !! اية الورقه ديه 

-مش عارف 

- لالا استنا متمسكش حاجه 

-اية ياعم ديه ورقه عاديه ..

-طب هاتها و يلا نمشى من هنا ..

-ماشى يلا

__________________

- سلام عليكم

- وعليكم السلام اؤمر حضرتك ؟

-انا ابن خالت عماد صاحبك.

-اه اهلا وسهلا اتفضل ..

-شكرا بس انا كنت عايز اديك الورقه ديه .

-فيها اية الورقه ديه !!

-بص هى مضمون الرساله طويل فا اقراءها انت لوحدك احسن ..اه وعلي فكره الورقه ديه هتساعدك فى الموضوع الى انت بدور فيه...

______________________

انا احمد الصحفى فى جريده العالم الاخر .

انا صاحب عماد الى فى واحد غريب بيقول ان ابن خالتوا جابلى ورقه مكتوب فيها رساله ..

انا مكنتش عايز اقول الرسائل ديه لحد بس عبدلله كان كاتب ان الى يشوف الرساله ديه ينشرها على قد ما يقدر .....

(الرساله)

انا عبدلله فكرنى ؟

انا هبدا معاكم من ساعت ما فكرت اجى المكان الى انا فيه ده.....

انا بعد ما فكرت انى اروح البيت ده و قولت لعماد يجى معايا ..

روحت للشيخ الى كان بيحفظنى قرأن وحكتلوا على كل حاجه...

وقولتلوا انوا لازم يجى معايا علشان انا هأخف اروح انا وعماد لوحدينا ..

وانا اصلا مكنتش قادر اوقف فضولى انوا يعرف ايه الى هناك....

المهم الشيخ رفض يجى خالص ..

فا انا يأُست بس روحت لكذا شيخ تانى ..

بس بردوا محدش راضى يجى معانا ..

فقررت انى هروح مع عماد وبس ..

تانى يوم اتقبلنا انا وعماد وقولتلوا جاهز ؟

قالى اه انا كمان قولت لأبن خالتى واخويا انى هروح ..

قولتلوا ليه ياعم قولت لحد ؟

قالى ياعم احنا مش ضَمنين نرجع تانى ..قالى وهما هيعملوا اية يعنى ؟

قالى علي الاقل يعرفوا احنا هنكون فين ..

قولتلوا طيب ماشى يلا بينا ..

قالى استني استني يلا بينا فين ؟ فين الشيخ الى انت قولت هتجيبوا ؟

قولتلوا مش راضى يجى ..

قالى لا لا ياعم خلاص بلاش نروح احسن ..

قولتوا اية انت خايف ولا اية ؟..

اه ياعم خايف بلاش نروح احسن ..

قولتلوا خلاص يا عماد خليك انت هنا وانا هروح ..

حاول يمسك فيه بس انا رفضت اقعد معاه..

قالى خلاص اصبر انا هاجي معاك مش معقول اسيبك لوحدك يعنى ...

وكان كل واحد فين مجهز نفسوا انوا يروح هناك بس انا لسه شايف فى وش عماد القلق والخوف...

وبدات رحلتنا للبيت........

وصلنا ونزلنا فى مكان كده فى الشارع والمشكله ان احنا عقبال ما وصلنا هناك كان الليل جيه ..

بس مهتمتش ولما دخلنا قريه من القرئ الى هناك ..

ملاقناش حد خالص..

ولا انوار ولا بشر ولا حتى قطه...

هدؤؤه خالص ..

فضلنا مشين علشان نسأل حد علي مكان البيت..

بس بعد كده مكناش محتاجين حد يقولنا فين البيت ..

لاننا اول لما خلصنا مشىِ فى القريه لاقينا بيت بعيد وطالع منوا نور ..

ولاقينا هناك مسجد كده صغير فى نهاية القرية ..

بس عماد تقريبا مخدش بالوا منوا 

فا روحنا البيت.

وصف البيت :

هو عباره عن بيت كبير موجود فى النصف وحوليه سور حديد كبير..

وفى مساحه وسعه بين البيت والسور والارض ديه كان فيها زرع اصفر ..مش عارف ازاى بس كان زرع دَبلاَن كده ومش حلو..

وكانت البوابه بتعتوا عامله زى بوابة القصور كده يعنى عباره عن أسياخ حديد متركبين جمب بعض ...

ومقفول بقفل .. 

حَولنا نكسر القفل بس معرفناش ..

راح عماد قالى خلاص بقا مش هنعرف نخش يلا نمشى ..بصتلوا كده بَصت سخريه وقولتلوا انت عبيط يا عماد بعد لما جينا كل ده تقولى يلا نمشى !! اصبر ..

فقعدت افكر ..

لحد لما قولت لعماد احنا هَنط من فوق الباب ونخش ...

كان عايز يعترض بس معرفش ..

وفعلا نَطينا من فوق الباب ودخلنا ..

بس لاقينا باب القصر نفسوا من جوه مقفول ..

فا فكرت اننا هَنلف حولين القصر كده ممكن نلاقي حاجه نخش منها ..

بدانا نمشى براحه حولين القصر..

بس كنا شايفين تماثيل كتير فى القصر ده محطوطه جمب بعض من بره ...

بس وانا مركز فيهم تخيلت بواحد فيهم بيحرك عينوا ... انا قلَقت وقولت لعماد بص كده التمثال ده بيحرك عنيه ..

بص بس ملاقش حاجه ..قولت انا اكيد بتخيل ..

واحنا بنكمل مشىِ...

لاقينا حصان واقف قدامنا ..

اه حصان منعرفش جيه ازاى بس هو كان مربوط فى القصر وقاعد على الارض وبيبصلنا وعنيه كانت بيضه ..

بس لما قربنا شويه لاقينه تمثال مش بيتحرك ..

عماد عَمال يترعش وماسك فيا ..

وانا الصراحه ابتدايت اقلق ..

وكملنا مشىِ لحد لما لاقينا شباك الزُجاج بتاعوا مكسور فا دخلنا من الشبكه ده ..

دخلنا على اوضه من الأوض الى موجوده ..

لاقنها عاديه خالص مفيهاش حاجه وخرجنا من الاوضه ديه بس الغريب اننا اول لما خرجنا ...

كنا فى الدور التانى من القصر ..

يعنى القصر طلع فى دورين !!

والشباك الى احنا دخلنا منوا كان قريب اووى من الارض ..!!

يعنى....

يعنى تكملت القصر ده تحت الارض !!!

ولا بداية القصر من تحت الارض لفوق !!

مش عارف ..

نزلت انا وعماد تحت لاقينا تماثيل كتير اوى لكلاب وأُسود

وقطط وذئاب وحيوانات تانيه كتير !!

اه صحيح انا نسيت اقولكم ان احنا مشينا فى القصر بكشاف مش بنور ..

وكنا كل لما نروح لباب اوضه نلاقيه مقفول ..

الى باب واحد بس الى لاقينا مردود كده ..

واحنا بنفكر هنخشوا ولا لا ..

سمعنا صوت حاجه بتزووم ..

هو كان صوت منخفض بس بيعله تدريجينا ..

بس مهتمناش ..

وقررنا اننا نخشوا لان ده الباب الوحيد المفتوح وممكنيوصلنا لحاجه ..

ودخلنا برُاحه لجوه واول لما فتحنا ......

لاقينا راجل مدبوح على الكرسى ..

اكيد ده الراجل الى الناس قالت عليه ..

بس ده وشوا سليم !!

اكنوا كان ميت امبارح..

والمفروض ان الراجل ده ميت من زمان .. 

رحنالوا برُاحه كده علشان نتأكد انوا ميت ..

وفعلا كان ميت ..

ووسط ما انا كنت بتأمل الراجل

لاقيت عماد خبطتنى فى ضهرى وهو بيصرخ ..

قولت فى اية ؟؟

قالى فى ..فى حاجه بتتحرك جوه الصندوق ده ..

اه انا موصفتلكوش الاوضه ..

هو اول لما انا دخلت من الباب لاقيت الراجل مدبوح على الكرسى فى نص الاوضه ..

وعلى يمينوا تربيزة طويله عليها صناديق وعلى شمالوا تربيزه تانيه عليها كتب ..

ولما عماد خبطنى وقالى على الصندوق الى بيتحرك روحت علشان اشوف الصندوق..

ولاقيتوا فعلا بيتهز جامد ..

انا خوفت اقرب منوا او افتحوا..

ومن كتر هزتوا وقع على الارض واتفتح........

لاقينا طالع من ثعابين كتير وكبيره اوى ..

ومشيت وطلعت بره االاوضه ..

عماد بصلى برعب وخوف ..

بس انا افتكرت حاجه !!

انا لما عماد ضربنى فى ضهرى ..شوفت ورقه بيضه !!

اه اهى ..

ديه كانت ورقه واقعه وراء الكرسى الى الراجل كان ميت عليه ..

هو فى كذا ورقه فوق بعض وجمبيهم قلم بس هى الورقه ديه بس الى كان مكتوب عليه ..

بس الورقه كانت كبيره فى العرض والطول وكان مع الورقه ديه ورقه تانيه صغيره اوى مكتوب فيها كلام..

بس انا سبت الصغيره وبدات اقراء فى الكبيره

وهى تقريبا كانت قصه ..

وكان عنونها ( العنه فى الحيوان )

انا سعد حسين راجل كبيره فى الاربعينات كده ..

انا مش هتكلم عن نفسى كتير انا بس قولت هكتب وَصيِتى علشان اعرف الناس حقيقتى..

انا بأختصار كنت بحضر جن علشان يسعدونى فى حياتى لانى عايش لوحدى ومش مستحمل الوحده ...

فا قررت انى هحضر جن ..

انا عارف ان الموضوع ده غلط وحرام ..

بس انا اصلا زهقت من حياتى ..

المهم فعلا روحت وجبت كتب كتير عن تحضير الجن ..

واقولكوا على حاجه ...

انا مكنتش خايف وانا بعمل الموضوع ده ..

والكتاب الى انا جبتوا كان مكتوب فيه ان الجن بيتحضر على اجسام حيوانات ..

فا كنت لازم اجيب حيوانات ..

وفعلا خرجت فى يوم بليل ومعايا شوال كبير وسكينه ..

وبدات ادبح القطط واحطها فى الشوال ..عملت الحكايه ديه كذا مره مع اختلاف الحيوانات ..

مره كلب ومره ذئب ومره حصان وغيره...

طبعا هتقولوا عليه مجنون ..

وممكن متصدقونيش ..

بس الدليل الوحيد ان كلامى صح ..

هى التماثيل الى بره ديه ...

هههههه ديه مش تماثيل لا ..

ديه حقيقيه ..

انا عارف ان هيجى عليا يوم وهموت ..

لان الى انا عملتوا ده كان تَمنوا الوحيد هو الموت...

كنت منفصل عن العالم فى البيت بتاعى ..

لدرجة ان الناس عرفت ان البيت ده مسكون وبدوا يجوا علشان يستكشفوا ...

لكن الى كان بيخش هنا مكنش بيطلع تانى لان العنه الى فى الحيوانات كانت مبتحبش الغريب ..

وكانت بتكلوا ...

والكل احتار فى سر البيت ده ..

بس ادينى واضحة كل حاجه ..يمكن حد يبقا حظوا وحش ويشوف الكلام ده ...

بس ياريت الى يشوف الكلام ده ينشروا علشان الغلطه بتاعتى الى بندم عليه كل ثانيه متكنش سبب فى موت الناس ..

وياريت محدش يفكر يجى البيت ده لان انا مش ضامن هيعرف يخرج ولا لا ..

وانا مش فضلى كتير فى الدنيا ديه ..

لان انا بيجيلى تهديدات منهم علشان مبقتش انفذ الى بيطلبوا ...

كانوا بيطلبوا منى انى اجبلهم اجسام حيوانات تانيه علشان يدخلوا بقيت العشيره فيهم ..بس رفضت علشان اوقف التكاثر بتاعهم....

اه لو انت شوفت القصه ديه هتلاقى معاها ورقه صغيره..

احسنلك متقرهاش ولا تفكر تبص فيها ..لانهم....

وفجأه لاقيت عماد اترمى على الارض وبدا يترعش بهستريه والورقه فى ايدوا .. وعنيه بدات تبيض..

ديه حالت صرع تقريبا !!

بس عماد معندوش صرع !!..اول مره تحصلوا ..

رجعت اكمل بقيت الكلام ..

لاقيتوا بيقول *احسنلك متقرهاش ولا تفكر تبص فيها ..لانهم مش هيسبوك فى حالك..*

ولاقيت باب الاوضه اتقفل مره واحده ..

والصناديق كلها بدات تترمى على الارض ..وتتفتح ...

بس ..بس المره ديه كان بيخرج منها فئران كبيره وقطط ...

وفجأه صندوق من الصناديق وقع على الكشاف واقفلوا .........

انا دلوقتى بكتبلوكوا الكلام ده وانا ساند على شباك الاوضه الى اتفقلت عليا وبكتبلكم على نور القمر حكايتى ديه ..لانى كنت حاسس انى مش هطلع من البيت ده...وانا كنت لازم افهمكم لغز البيت... 

ممكن متلحقونيش لان الفئران بدات تمسك فى رجلى ...

ياريت الى يشوف الكلام ده ينشروا علشان فى حاجات كتير ممكن تتعلمها من الى انا كتبتوا ده...

*الفضول قد يكون قاتل*

                                  يتبع

الجزء التالت والاخير

اانا الشيخ عوض ..

الشيخ الى عبدلله جالوا قبل ما يروح البيت ده ..

انا بعد الى سمعتوا عن عبدلله وقراءة قصتوا ..

حسيت بالذنب ..

مش عارف ليه ممكن لو انا كنت روحت معاه كنت ساعدتوا ..

بس بعد تفكير كبير قررت انى هساعدوا بعد الموت ..

هتقولولى ازاى ؟؟

عبدلله وعماد مش ادفنوا بعد موتهم .

لا ده الجن اخد جثثهم ..

فا انا قررت انى هحاول على الاقل ارجع جثثهم علشان ندفنهم ..

ما هو اكرام الميت دفنوا ...

بس انا عارف ان المكان ده صعب نخشوا ونقعد فيه !!

بس انا قررت هاخد الشيخ حسين معايا لانوا الشيخ حسين من نوع الشيوخ الى مؤمنه ايمان كبير ان القران والايمان اقوه من اى حاجه على الارض ...

فا قولت اكيد هيساعدنى فى رحلتى ديه ...

روحت للشيخ حسين وفاهمتوا كل حاجه رفض فى الاول لكن انا فضلت اتفاهم معاها لحد لما اقنَعتوا يجى معايا..

تانى يوم صحيت وانا مستعد للرحله ديه ..

اخدت كتب قران وحاجات تانيه كده..

ورحت للشيخ حسين المسجد ..وبدانا رحلتنا للبيت....

الحمدلله وصلنا هناك بالنهاره ..

حسيت ان الموضوع هيبقا بالنهاره احسن من الليل ..

اه صحيح نسيت اقولكوا انى كلمت الظابط الى قفل البيت بالطريقه ديه وقولتلوا وهو جيه معانا وفتحلنا الباب بتاع مدخل البيت وفتحلنا بردوا بابا البيت نفسوا ...

بس مرداش يخش معانا ..

قال : خلاص كده يا شيخ عوض انا دورى انتهاء همشى انا بقا ..

ومشىِ..

ودخلت انا والشيخ حسين...

الشيخ حسين مكنش باين عليه الخوف خالص ..

وكان بيدينى الامل انى اكمل من غير قلقل..

دخلنا البيت وفعلا لاقيت دور تانى تحت قولت للشيخ حسين ننزل تحت !!"

قالى اه يلا يبنا..

مش عارف حاسس ان الشيخ حسين مش فارقه معاه ..

المهم نزلنا تحت ولاقينا نفس الاوضه الى عبدلله كان بيقول عليها ..

عرفت ازاى ؟

لانها كانت الوحيده الى مفتوح ..

مع ان مفروض الناس اخر مره جم هنا قفلوا كل البيبان ..

فا قولت للشيخ حسين هو الباب ده اتفتح ازاى !! مفروض انهم يكونوا قافلينوا !!

قالى مش عارف !! تعالى نشوفها ..

ودخلنا بكل حرص وحذر....

لكن ملاقناش حاجه خالص...

ايوه الاوضه كانت فاضيه تمام ..مفيهاش ولا كرسى ولا حد ميت ..

الشيخ حسين لاقيت برق مره واحده ..

قولتلوا اية فى اية ؟؟

قالى انت مش شايف الى انا شايفوا !!

بصيت على الناحيه الى الشيخ حسين كان باصص عليه...

لكن ملاقتش حاجه !!

قولتلوا انت متاكد ان فى حاجه ؟؟

قالى ايوه انا شايفهم واحد واحد ...

قولتلوا شايف اية ؟

قالى راجل اسود او خيال راجل اسود وماشى وراءه مجموعة ضلال كتيره ..

وشيلين تابوتين كبار....

قولتلوا هم رايحين فين ؟؟........

قالى دول.. دول جايين علينا........

طبعا خرجنا بره الاوضه وقفلنها ..

ووقفنا فى نصف المكان ..

ولاقيت الشيخ حسين بيطلع كذا برواز مكتوب فيهم قران...وطلع مسامير وشاكوش...وقالى :

دق المسامير ديه فى الحته ديه وعلق فيهم صور القران ديه..وهكذا فى كذا مكان تانى......

وبعد لما عملت كده الشيخ حسين قالى يلا اقعد ..وقعدنا على الارض وطلعنا مصحفين وفتحنهم والشيخ حسين قالى ..

بص احنا دلوقتى عملنا اية ..حطين سور القران فى كذا مكان علشان يسعدونا فى الي أحنا هنعملوا..

قولتلوا هنعمل اية ؟؟

قالى هم دلوقتى معاهم جثت عبدلله وعماد بس هم حولينا واحنا مش شايفنهم ويمكن يكونوا فى حته تانيه ..

بس احنا حطين السور ديه علشان هما لما يجوا علينا ويشوفوا الصور ديه يظهروا على حقيقتهم ونعرف نحرقهم ونعرف فين جثث عبدلله وعماد ...

قولتلوا ماشى تمام..

قالى بس فى حاجه عايز اقولهلك...

اى حاجه هتشوفها واحنا بنقراء متحاولش تركز فيها لان كل الى ممكن يحصل هيكون من وحى خيالك انت مش حقيقه...

وبدانا القراءه...................

قعدنا كتير بنقراء ومفيش اى حاجه حصلت ...

لحد لما لاقيت حد نازل من على السلم ...مش عارف انا عينى جت عليه مره واحده وهو نازل....

ولاقيتوا جى عليا..قولت لالا ده خيال انا مش هركز معاه وكملت قراءه...

بس وسط هدووء كبير..ابتديت اشم ريحه وحشه ونفس حد جمب ودانى..........

انا جسمى اترعش من جوه بس فضلت اقنع نفسى ان ديه تخيولات...

*وقف القراءه...وقف القراءه...وقف القراءه*

ولاقيت الكلام ده بيتقال جمبى...

ومن ورايا ومن بعيد ...

وبدا يعلَ ويعلَ ويعلَ ...

وبدات السور الى على الحيط تتهز وهواء شديد عمال يخبط فى ضهرى من وراء ....

انا كل ده وجسمى مشلول مش قادر يتحرك...

بس رفعت دماغى من القراءه وببص قدامى.........

لاقيت ذئب واقف قدامى ......

وعنيه فى عنيا...ونفسوا فى نفسى..

وبدا يفتح بوءه ..وسنانوا كانت كبيره اوى ........

ولاقيتوا بسنانوا وبدا يعض فى دماغى ..

ولاقتنى مره واحده فوقت على صوت شيخ حسين وهو بيقولى قوم بسرعه شيل جثث عبدلله وعماد واطلع بره ..

والمكان كان بيتكسر وبيقع ..

فتحت التوابيت واخت جثت عبدلله الاول وطلعت فوق وخرجتها بره ...

ونزلت علشان اخد جثت عماد ...

بس المره ديه مش هطلع لوحدى ..

روحت لشيخ حسين وقولتلوا يلا قوووم..

لاقتوا بيقولى مش قادر ...

قولتلو يعنى اية مش قادر !! 

قالى جسمى ثابت على الارض ومش قادر احركوااا امشى انت بالجثث ..

وبعض نقاش طويل انى احاول اقوم الشيخ حسين ...

معرفتش....

قالى امشى بسرعه قبل ما نموت كلنا......

خرجت بجثت عمااد بره

ووقع شوية طوب على مكان الخروج الوحيد ....

بس بعد تفكير طويل ........

قررت انى هدخل أجيب الشيخ حسين تاانى ...

شلت الطوب الى كان واقع بصعوب شديده بس فتحت حته كده ادخل منها ونزلت للشيخ...

بس وانا نازل لاقيت كلاب خارجه من الاوضه المفتوح ورايحه على الشيخ حسين........

انا فكرت ان لو روحت يبقا انا كمان هموت معاه.....

بس جتلى فكره..

مسكت طوبه صغيره من الطوب الى كان موجود وقاعدت احدفوا فى الاوضه الى خرجوا منها ...

واول لما سمعوا الصوت جريوا عليه ..

روحت انا استغليت الفرصه ديه وروحت للشيخ ..قالى اية الى جابك تانى.

قولتلوا احنا جينا مع بعض وهنمشى مع بعض .........

وبدات اقوم فى الشيخ واسندوا وقولتلوا يساعدنى انوا يحاول يرفع جثموا على قد ما يقدر...

بس مكنش عندوا اعصاب خااالص ...

وملاقتش حل غير انى اشيلوا...

صحيح مكنتش قادر ومكنتش هعرف...

بس ساعات ربنا بيدى للواحد اكتر من قوة علشان يعمل بيها حاجه كويسه...

وفعلا شيلتوا ابتديت اطلع بيه السلم...

بس وانا فى اخر السلم كده..

لاقيت الكلاب خرجت تانى من الاوضه ...

وجريت على السلم وكانت جيه عليه ..

بس لاقيتها جت من جمبى وحوليه..

وبدات تشمشم على الريحه..

بس انا لاحظت ان الكلاب ديه مش بتشوف......

بس لولا التراب الى كان مالى المكان كانوا زمنهم كَلوناا....

وابتديت اتحرك بالشيخ مره تانيه بس براحه ومن غير صوت...

بس المكان مكنش بيتهد براحه ...

وبدا السقف بتاع السلم يقع على السلم من اولوا ......

فا قولت ما انا كده لو ممتش من الكلاب هموت من الطوب ده....

فا جمعت طاقتى وسبتها على ربنا وسرعة فى الجرى بالشيخ حسين..

ولاقيت الكلاب ابتدت تحس بيه وانا بجرى وكانت هتجرى ورايا..

بس الطوب وقع عليهم ..

وصلت للمخرج وخرجت الشيخ حسين الاول وبعد كده انا ...

والحمدلله هخرجنا على خير..

ومعنا جثت عبدلله وعماد..

ودفناهم..

بس للاسف الشيخ حسين عاش بيقت حياتوا مش بيتحرك...

والحمدلله البيت الملعون ده اتهد خالص...

بس تفتكروا الشر الى فى البيت خلص ؟؟

انتظروني في قصص رعب أخرى لهواة قصص الرعب