 |
#الجزء_الاول✋
#قصة_أحمد_وأمه✋👇
احمد اصحى يا احمد
= ايه يا ماما فى ايه
- الأستاذ محمود ابو صاحبك محمد بيقولوا مش لاقيينه من امبارح والدنيا مقلوبه
= ماشى يا ماما اطفى النور وانا شويه وهصحى
- يابنى اقف يابنى دور معاهم وشوف الراجل فين
= ياستى انشالله عن امه ما رجع سيبينى انام
- ياعنى اييييييييه *بصوت غليظ*
= الحقووووووووونااااااااااااى
(بيتفتح باب اوضته بخبطه جامد)
وبتدخل خالته واخواته البنات مريم وشيرين
خالته : مالك يابنى فى ايه
احمد : امى يا خالتو كانت قاعده هنا دلوقتى وكلمتنى بصوت تخين .. تخين اوى
شيرين : بس يا احمد ماما تعيش انت
مريم : اكيد ده كابوس يا حبيبى احنا عارفين انك كنت متعلق بيها جامد
وفجأه باب الأوضه اترزع جامد وسمعوا صوت حد ماشى حواليهم وصوت همس كتير فى الاوضه وهما قاعدين مرعوبين ولازقين فى بعض من الرعب وبيبصوا لأحمد
احمد : صدقتونى !!
خالته : خرجنا من هنا يا احمد هنموت
احمد : لا مش هنموت لو هنتأذى كنا اتأذينا من بدرى
وبعدين حشو بنقط مايه بتقع على دماغهم بيبصوا لفوق لقيوا السقف مليان دم وبينقط عليهم فضل خالة احمد واخواته يصرخوا بطريقه هستيريه لغاية لما الناس اتلمت وكسروا باب الشقه وحاولوا يكسروا باب الأوضه لكن واجهتهم صعوبه جامده فى كسره على عكس باب الشقه فضلوا يحاولوا يكسروه لكن مقدروش .. لكن الباب اتفتح لواحده .. اتفتح ومكنش فى اى حاجه تستاهل الصريخ .. البيت منظم والأوضه مترتبه ومفيش وساخه ولا فى اى حاجه
فضلوا الناس يتطمنوا على احمد واخواته وخالته ويسألوا عن سبب صراخهم بس محدش فيهم بينطق كلهم الصدمه مش مخلياهم عارفين يتجاوبوا مع الناس
دخل سالم صاحب احمد وخطيب اخته مريم وشكر الناس .. واخد احمد واخواته وخالته نزلهم عند امه علشان يهدوا شويه واخد احمد ونزلوا على القهوه .. وهما ماشيين فى الطريق احمد حكى لسالم كل حاجه
*فى القهوه*
سالم : طبعا لو حكيت ﻷى حد الكلام ده هيقول عليك مجنون
احمد : اكيد بس والله هو ده اللى حصل
سالم : طيب انا عارف يا احمد ان والدتك الله يرحمها كانت غاليه اوى عندكوا مش يمكن موتها فى الظروف الغامضه اللى حصلت يكون عاملكوا صدمه او تهيؤات من كتر حبكوا ليها ؟؟
احمد : صدمه وتهيؤات ايه بس ده احنا ال4 شوفنا نفس الحاجات طب والناس اللى معرفوش يكسروا الباب و ال...
سالم : انا مصدقك جدآ يا احمد بوص لفوق كده وركز على سطح بيتكوا .. اهو باين هناك اهو
بيبص احمد على سطح البيت هو وسالم لقيو حبل متشعلق فى الهوا وفيه قط اسود كبير مشنوق
جرى احمد وسالم على البيت بسرعه وطلعوا على السطح ملقيوش حاجه بس سمعوا صوت حد فى العشه على السطح واصلا العشه دى متفتحتش بقالها سنين وكان عليها قفل بس لما قربوا منها كانت من غير قفل قرب سالم من العشه وفتح الباب فتحه صغيره قام الباب اتشد جامد من ايد سالم وقع سالم على الارض من الخضه واحمد جرى عليه وقفوا بس العشه ضلمه وخايفين يبصوا جواها وفى نفس الوقت مفيش حاجه خرجت من العشه
سالم : طيب بوص يا احمد انا شاكك فى حاجه .. تعالى نقف بعيد عن الزفته دى وهعمل مكالمه وبعدين نشوف فى ايه فى العشه
احمد : مكالمه لمين ؟؟
سالم : هتعرف
سالم : الوووو ايوه يا محمد اخبارك ايه
محمد : زفت يا سالم ابويا مرجعش البيت من امبارح
سالم : طيب انت فين
محمد : فى البيت
سالم : ماشى احنا شويه وهنجيلك . سلام
سالم : يا احمد انت كل كلامك صح ومحمد ابوه مرجع من امبارح يبقى امك كانت بتبلغك رساله .. احمد انت باصص ورايا ليه .. اوعى يكون فى حاجه ورايا
احمد : بوص
بيبص سالم وراه ويلاقى ست خارجه من العشه وشعرها منعكش وعلى وشها دم كتير وعلى اديها دم لدرجة ان الدم بينقط منها ولابسه جلابيه بيضا مقطعه ومش نضيفه وعليها بقع دم قديمه وكفوف رجليها كبيره وقطعه واحده مفيهاش صوابع ووشها متشوه وباين منه اللى والعضم كأن حد راشش عليها ماية نار وجمبها قط اسود كبير ماسك كبد بنى ادم فى بوقه
سالم : هو احنا هنجرى امتى
احمد : دلوقتى ... اجريييييييييى
جرى احمد وسالم وهما بيتكركبوا على السلم ويقعوا ويقفوا ويقعوا تانى لغاية لما وصلوا الشارع .. فضلوا يجروا لغاية لما وصلوا بيت محمد .. ومحمد ده ملهوش اهل او قرايب غير ابوه اصلا .. طلعوله وقعدوا معاه وفهموه كل حاجه وحكوله بالتفصيل
محمد : طب تمام استفدت انا ايه بقى بحكاويكوا دى ؟!
احمد : معرفش بس فى حاجه بتحصل وابوك فى الحاجه دى
محمد : انتوا شكلكوا شاربين حاجه وجايين تهلوسوا عليا .. هتيجوا معايا ندور فى المستشفيات والاقسام على ابويا ولا لا
سالم : والله ما شاربين حاجه .. على العموم يلا بينا نشوف ابوك فين
(اتصل احمد بخالته)
احمد : ايوه يا خالتى ايه الاخبار
خالته : اهو الحمد لله بس اخواتك خايفين اووووى
احمد : بوصوا خليكوا عند ام سالم وباتوا عندها ومتخافوش من حاجه .. مفيش حاجه هتحصل
خالته : حاضر يابنى خلى بالك من نفسك
احمد : ماشى يا خالتى سلام
نزلوا التلاته يلفوا على المستشفيات كلهاش مش لاقين للأستاذ محمود ابو محمد اثر وابتدت رحلة البحث فى الاقسام .. فضلوا يلفوا على الاقسام ويراجعوا القوائم والاسامى المحجوزه فى الاقسام وبردو مفيش فايده وهما فى اخر قسم هيدخلوه وبعدين هيروحوا ﻷن الساعه كانت 1 بالليل وخلاص شبه دوروا فى كل مكان .. وهما فى مكتب الظابط موبايل احمد رن صوت رساله
طلع محمد الموبايل وفتح الرساله كان مكتوب فيها كلمه واحده بس #come
الظابط : خير يا كابتن فى ايه
احمد : مبعوتلى الرساله دى حالآ يا باشا
اخد الظابط الموبايل .. وبصله بتعجب وقال لأحمد .. مكتوب ان المرسل #Grave وبحثت عن الاسم ده وسط الاسماء اللى عندك لكن مش موجود . . معنى كده ان دى مبعوته من شركه او حاجه تجاريه اللى هى بتتبعت بأسم مش رقم
احمد : طيب يا باشا ده معناه ايه
الظابط : كملوا تدوير على اسم ابو صاحبكوا وانا هكلم واحد صاحبى فى الشركة واعرف ﻷن انا شاكك فى حاجه
سالم : حضرتك شاكك ف ايه
الظابط : انا شاكك ان حد يكون خطف ابو صاحبكوا وبيبعتلكوا رساله زى دى علشان يساومكوا واظن ان هو هيتصل بيكو من نفس الاسم قريب
المهم فعلا فضلوا يدوروا على اسم ابو صاحبهم وملقيوهوش وبعد ربع ساعه دخل الظابط ووشه قالب الوان
محمد : خير يا باشا فى ايه
الظابط : فى حاجه غريبه .. الأسم اللى بعتلكوا الرساله مش موجود على سيستم اى شركة اتصالات فى مصر وحاولت على الأقل احدد موقعه لكن صاحبى قالى انه ملهوش وجود اصلا ومش متسجل على سيستم الشركه ان فى رساله وصلتلك يا احمد
سالم : كتر خيرك يا باشا تعبناك معانا
الظابط : انا مش متطمن
احمد : خير يا باشا بأذن الله احنا هنستأذن طيب جايز ابو محمد رجع البيت دلوقتى
الظابط : انا اخدت رقمك يا احمد وموضوعكم معلق معايا اوى لو عرفت اى حاجه هتصل بيك ولو والد صديقكم ظهر فى اى مستشفى او قسم هبلغكوا بنفسى انا اخدت اسمه رباعه
محمد : شكرآ جدآ يا باشا تعبناك معانا
سلااااااام
خرجوا برا القسم .. وقعدوا على الرصيف بيفحروا هيعملوا ايه
محمد : هو يعنى ايه #Grave اللى بعتلنا الرساله دى
سالم : يعنى القبر
احمد : وقالنا #Come ده معناه اننا لازم نروح حالآ
محمد : هنروح فين !!
احمد : قبر امى .. فى حاجه هناك هتخلينا نفهم .. هو انتوا ناسيين امى ماتت ازاى !!
سالم : يا عم وحد الله بقى مش كل شويه تفتكر الحوار ده .. يلا نروح المقابر جايز نفهم فى ايه
اتصلوا بواحد صاحبهم اسمه عبده وجه اخدهم بالعربيه ووداهم المقابر وهما فى الطريق حكوله على اللى حصل وكان باين عليه الرعب
وصلوا المقابر ونزلوا كلهم من العربيه ومشيوا فى وسط الجبانات اللى هى القبور لغاية ما وصلوا عند #مقبرة_ام_احمد
سمعوا صوت فى وسط القبور كانوا هيموتوا من الرعب بس مهتموش ركزوا شويه لقيوا فى صراخ جاى من جوه #قبر_ام_احمد
وفجأه سكت صوت الصريخ لكن حسوا بهوا وان فى حد واقف وراهم بصوا وراهم وصرخوا جامد اوووووى
#الجزء_الثاني✋
#قصة_أحمد_وأمه 😱😱👇
و فجاه سكت صوت الصريخ لكن حسوا بهوا وان في حد واقف وراهم بصوا وراهم وصرخوا جامد اوووووي لما شافو ابو محمد وجنبو القط الكبير اللي كان مع الست اللي علي السطوح وابو احمد كان علي هدومو دم كتير وطبعا محدش هيسالو اي اللي حصل لانو معاه الزهايمر واخدو ورجعو علي البيت
سالم: احمد تعال معاي
احمد: هنروح فين
سالم: البيت عندك
احمد: نروح نعمل اي انت نسيت اللي حصل
سالم : تعالي بس
وسالم اخد احمد وراحو علي البيت واحمد لقا سالم بيرتب السراير عشان ينامو في البيت
احمد:انت اتجنيت مش معنه اني دخلت معاك البيت هبقا انام هنا
سالم: استهده بالله كده بس ومفيش حاجه
وقدر سالم انو يقنع احمد انو ينام معاه في البيت وجات الساعه2بليل ولقم حاجه بتشيل الغطا من عليهم وحاجه بتمسكهم من رجليهم وحسو ان الشقه بتولع والنور اتطفي من الخوف عملو نفسهم نايمين وفعلا نامو بس لما صحيو ملقوش حاجه من دي وسمعو صوت همس في البيت بس المره دي قدر سالم واحمد انهم يسيطرو علي الخوف اللي جواهم ويمشو ورا الصوت ده وفجاء ظهرت قدمهم الست العجوز بتبصلهم وقلتلهم Côme واختفت
سالم:هنروح هناك
احمد:مش عارف
واتصل سالم علي محمد يسال علي ابو ملقهوش في البيت واخد سالم احمد وراحو علي المقابر ولما وصلو لقيو حاجه اكثر من الخيال ابو محمد مقطوعه رقبته وكلو دم فوق قبر ام احمد
انهار احمد و سالم من العياط
وفجئه سمعو صووت عالي قوي بصو حواليهم ملقيوش حاجه وفضل الصوت يعلا ويقرب اكتر
احمد .احنا هنموت يا سالم صح احنا هنموووت خلاص
سالم فضل يعيط وفضل ينطق الشاهدتين ويعطو
الصوت بدا يبقي أصوات كتير وبدأت تظهرلهم حاجات وتختفي
الصوت قرب قرب اكتر سالم وقع علي الارض واغمي عليه احمد. سالم فوق يا سالم الصوت بداء يقرب من احمد احمد فوق يا يا سالم بسرعه فوق
احمد بيبص وراه وهنا كانت المفاجآه الكبري
#الجزء_الثالث✋
#قصة_أحمد_وامه👇👇😱
( الجزء الثالث )👇
الصوت قرب قرب اكتر سالم وقع علي الارض واغمي عليه احمد. سالم فوق يا سالم الصوت بداء يقرب من احمد احمد فوق يا يا سالم بسرعه فوق
احمد بيبص وراه وهنا كانت المفاجآه الكبري
لقي عفريت جسمه مقطع ووشه قبيح جداوبيجيب دم من كل مكان
وجاي عليهم وبصوت غريب جدا يقول انتو كلكم هتموتو كلكم هتتعزبو
احمد بيفوق سالم فوق يا سالم فوووق هنموت
العفريت قرب منهم قوي ويقول هتموتو مهما هربتو
سالم يفوق ويشوف المنظر ويفضل يسوط جامد
احمد ..يلا نجري بسرعه ياسالم
سالم انا مش حاسس ب رجلي يا احمد انا اتشليت ويعيط
العفريت بيقرب منهم قوي وبصوت قبيح وعالي جدا انتو تعديتو عليا وازتوني وانا مش هسيبكم ابدا وقرب منهم جدا
احمد سالم قوم يا سالم بسرعه هنموت علشان خاطري حاول
سالم في آخر لحظه قام ومسكو ايد بعض وفضلو يجرو
وفعلا هربو
احمد يعيط..احنا ايه اللي بيحصلنا دا يا سالم
سالم يحضن احمد متخفش احنا بخير ومفيش حاجه هتحصل تاني متخفش
احمد. طيب الأستاذ محمود مين اللي عمل فيه كده وقتله
سالم . انا حاسس ان في حد بيعمل فينا كده
احمد .طيب ومين ليه مصلحه في كده
سالم معرفش معرفش مهو هوا دا اللي هيجنني
احمد .تفتكر يا سالم هيحكا ايه
سالم معرفش انا مش مطمن من اللي بيحصل دا يا احمد احنا نروح ونطمن اهلنا تلاقيهم قلقانين علينا
احمد و سالم يروحو
سالم بيخبط علي الباب
خالته مين
انا احمد يا خالتي افتحي
خالته تجري تفتح الباب تاخد احمد في حضنها لقيتو الأستاذ محمود
احمد وسالم بيبصو علي بعض
سالم لا ملقنهوش
احمد هيا مريم و شرين فين يا خالتي
خالته كانو تعبانين شويه ودخلو ينامو انا هروح اشوفهم نامو ولا لسه تفتح الباب وتصووت وتقع علي الأرض
احمد وسالم جريو يشوفو في ايه
لقيو مريم و شرين
( وهنا المفاجآه الكبري )😱
(انتظرو الجزء الاخير)😱😱
تفاااااااعل لوسمحتوا😱😱😱😱
#الجزء_الرابع_والأخير
#قصة_أحمد_وأمه✋👇😱
فتحت باب الاوضه وصرخت بصوت عالي
جري احمد وسالم لقيوا دم بينزل م السقف وبيتكتب ع الارض بيه الموت ليكم جميعاوفجاه الدم اتمسح ومالقيوش حاجه كلهم وقفوا مكانهم مرعوبين مش عارفين يتحركوا ماعادا سالم
سالم جاب مصحف وقعد يقرا ايه الكرسي وكل اما يقرا يحس بهوا شديد ف الشقه لدرجه انه حس ان الشبابيك هتتخلع والابواب م شده الهوا سالم خاف ووقف القراءه وفجاه جسم كبير وشكله وحش خطف خالت احمد من وسطهم
وبعدها بدقيقه خالته اترمت وسطيهم ومكتوب علي وشها انتظروني الموت للجميع جريوا ع عليها غسلوا وشها م الدم وقعدوا يفوقوا فيها قعدت تقول كلام مش مفهوم مافهموش منها غير 3 كلمات "اختي العذاب الموت "
قعدوا يسالوها روحتي فين وشوفتي ايه وحصل ايه تقول الموت العذاب
وفجاه نور البيت اطفي وهوا جامد وعفش البيت بيلف حواليهم وصوت رعد شديد, وصوت تخين بيقول الموت قادم للكل استعدوا
وسقف البيت بينزل دم فضلوا يصوتوا كلهم لحد مالجيران اتلمت حاولو يفتحوا الباب مااتفتحش ف نفس الوقت كان محمد جاي يجري بينادي ع احمد وسالم واول مامحمد وقف عند الباب كل حاجه اختفت والباب اتفتح دخل محمد والجيران لقيوهم واقفين مصدومين ومش بيتكلموا محمد كان ف ايده حاجه غريبه مجرد ماحطها ع الارض الصدمه ال عندهم راحت وبقوا طبيعين جدا لدرجه انهم نسوا ال حصل م شويه محمد قرب م احمد وقاله الحقني يااحمد انا كنت في اوضه ابويا لقيت برواز كبير شكله غريب اول مره اشوفه ورا البرواز لقيت خزنه كبيره فتحتها لقيت كتاب قديم ولقيت السلسله دي جنبه وشاور ع سلسله لابسها ف رقبته وقال اول مامسكت الكتاب لقيته بينزل منه دم فتحت الكتاب لقيت الكتاب بيكتب كل حاجه حصلتلكم لوحده بالدم وفوق كل صفحه م الكتاب بيتكتب الموت للكل واخر حاجه اتكتبت ان الموت قادم بعد 20 دقيقه استعدوا
واول مامسكت السلسله الكتاب نشف م الدم ووقف ع الكتابه والكلام اتبدل بكلام تاني مفهمتش منه حاجه الا صفحه واحده مكتوب فيها "
"#حرمه الموت وانت انتهكتها وجزاءكم الموت"
قلبت الصفحه لقيت صور بتتحرك لقيت صوره ابويا وابوك يااحمد وهما بيفتحوا قبر وفهمت م الصور انهم كانوا بينبشوا القبور بعد الدفن
وشوفت صوره لقط كبير فاتح بطن ابويا وبياكل كبده وامك قاعده تضحك وتقول ده جزاءك يانابش القبور والسلسله دي شوفت امك لابساها يااحمد وقلع السلسله لبسها لاحمد احمد بص ع السلسله لقي مكتوب عليها حفظك الله وصانك م ذنب فعله اباك
واخر صوره شوفتها يااحمد شوفت ابويا وخالتك بيقتلو امك وفتحوا بطنها وطلعوا كبدها
فجاه خالته وشها اتغير. وقعدت تردد كلام مش مفهوم وفجاه شعرها ابتدي يقع ولحمها بيتاكل وينزل ع الارض قدامهم وهي بتصرخ وتقول ده ذنب اختي لحد مابقت هيكل عظمي واتحولت ف ثانيه ل تراب واتكتب بالتراب ده ع الارض الظلم ظلمات يوم القيامه جه عاصفه هوا شديده اخدت التراب والسلسه م رقبت احمد وفجاه الجو اتعدل وكلهم حاسوا براحه نفسيه ودي النهايه يارب تكون عجبتكم وانتظرونا ف القصه القادمه
تفاعلكم معي يجعلني استمر
تحياتي الكاتب✍محمد السبكي✍ أحد كبار شخصيات الفيس بوك
اضغط لايك ضع 20ملصقا شير في مجموعه بتحبها عشان الكل يتابع مثلك منشنن حد بتحبوا يقراء ويتابع معاك عشان يدخل يعمل متابعه للبروفيلي مثلك #تفاعلوا متابعيني
شكرا شكرا شكرا علي المتابعه والدعم المستمر😍😍للمزيد من القصص انضموا معنا واضف اصدقائكم لتعم الفائده على الجميع 👇👇
💜💙💚💛❤ برنس 💚💛❤💜💖
جميلة جدا بس معرفناش السبب ليه الاخت قتلت اختها
ردحذفجميله اوي اوي
ردحذفروعه
ردحذف