 |
_ كان لازم يعنى يشوفنى بفستان الفرح انا عارفه
انه فال وحش اوى يا ضحى
= خرج باسل وقفل الباب وراه لما اتحرج من كلام
خطيبته دنيا
ضحى بضيق.. معقول واحده متعلمه زيك وعايشه
فى عصر التكنولوجيا ولسه دقه قديمه
وبتفكر بالطريقه دى!
=دنيا مسكت الفستان وقعدت على البوف وعينها
كلها دموع
_ صدقينى ده فال وحش انا متأكده ادعى بس
ربنا يسترها علينا بكره
ويتمم لنا خطوبتنا بخير
انتى متعرفيش حاجه والله يا بنتى جارتى
نسرين كانت بتحب خطيبها لدرجه الجنون وهو كمان ويوم ما راحت تأجر الفستان
كان معاها وشافها وهى لبساه ويوم كتب الكتاب اختلفوا
والفرح اتفشكل من يومها وانا بحس ان الموضوع ده حقيقى
وكملت كلامها بتنهيده.. انا بحب باسل اوى
لدرجه الجنون متخيلش اعيش من غيره لحظه واحده
= باسل من ورا الباب
دنيا حبيبتى انا رايح المصنع وهبقى اكلمك لما
تروحى البيت علشان طلبونى فى شغل
دنيا بخنقه.. مصنع تانى! ماشى لما توصل كلمنى
باسل.. لا اله الا الله يا حبيبتى
دنيا.. محمد رسول الله
باسل.. خلى بالك من نفسك
بت يا ضحى
ضحى.. نعم يا قلب اختك
باسل.. العروسه امانه فى رقبتك
ضحى.. دى فى عنيه
باسل.. سلام
ضحى.. ربنا يكفيك شر طريقك يا حبيبى
= باسل خرج من محل الفساتين واخد أوبر
وطيران على المصنع
.. باسل بيشتغل امين مخازن فى مصانع ابوالوفا
للفوم والبلاستيك وهى اكبر مصانع
فوم فى مصر وغير ليها فروع فى جميع المحافظات.
السكرتيره.. باسل انت وصلت طيب يلا بسرعه
على مكتب فارس بيه لانه عاوزك ضرورى
_ فى حاجه حصلت يا ندا
.. معرفش بس من ساعه ما وصل
وهو عمال يزعق ويشخط وطايح فى الكل
_ يبقى اكيد خسرنا المناقصه
السكرتيره حطت ايدها على بوقها
.. ده لو خسر المناقصه ممكن يجراله حاجه
دى تبقى مصيبه فعلا وطبلت على دماغ الكل
_ ربنا يسترها
.. صحيح يا باسل مش انت خطوبتك بكره
ايه اللى جابك
_ ايه الذكاء ده المدير اتصل بيه وقالى ان فارس
بيه عاوزانى ضرورى
.. انا عارفه بس كنت اقصد تتهرب اقل شئ متردش على الفون انت عريس يا باشا
ربنا يكملك ع خير
باسل بفرحه.. يارب
وبص على مكتب فارس..
ما هو كمان دخلته بكره متعرفيش ايه اللى جابه
ده المفروض يكون فى الصعيد عند العروسه
دلوقتى
ندا بحيره.. معرفش وحياتك انا اتفجأت بيه
بس بصراحه الله يكون فى عونها اللى هتتجوزا
ده محدش يطيقه
باسل.. هههههه انتى صح بس ملناش دعوه
= فارس قاعد فى المكتب وماسك الفون
**الباب بيخبط
وكان باسل وفتح الباب ودخل
_ خير يا فارس بيه حصل حاجه
.. تعالى اقعد يا عريس
باسل قعد بس شايف ان فارس شكله كان مضايق
وكان وشه مخطوف واصفر غير عادته
لانه فارس طبعه صعب والأصعب ان اى حد يفهمه
= فارس ابن ابو الوفا الوحيد من زوجته التانيه
ومسؤل عن اداره المصانع كلها
ولى من باباه 3 بنات اخواته اتنين متجوزين
وواحده لسه بتدرس فى رابعه جامعه
باسل ب ارتباك.. حضرتك مسافرتش الصعيد
ليه مش بكره بردوا دخله حضرتك
فارس مسك ايده.. انا عاوزك فى موضوع ضرورى
باسل.. قول يا فارس بيه خير؟؟؟
= فى الصعيد محافظه قنا قصر وهيب ابو العلم
فى غرفه لينا..
الشباك مفتوح والشمس ساطعه على فستانها
الأبيض وهى واقفه وبتلمسه بإيدها
والقرآن شغال على سوره يس ❤️
الباب اتفتح عليها
.. صباح الورد على عروستنا ست البنته
_ عمه فتنه صباح الفل على عيونك
.. مالك يا بت واقفه كده ليه
وماسكه الفستان بيدك هتموتى على الجواز خلاص
لينا بكسوف.. لا والله يا عمه انا كنت بس
بطمن عليه ههههه
_ بتطمنى عليه؟! اه منكم يا بنات اليومين
دول مفيش فى وشكم خشى ولا حيا
ده الواحده منينا مكانتش بتشوف جوزها
غير يوم الدخله
_ كان زمان الكلام ده يا عمه
إنما دلوجت الدنيا اتغيرت غير زمان
دلوجت فى سوشيال ميديا يوتيوب وفيس بوك
وحاجات تانى كتير جوى جوى
.. الحمد لله يا بت أخوى انى مش من الزمن ده
والا كانت خربت ههههههه
اه صح يا بت يا لينا جدتك سعديه تحت عاوزه
تشوفك قبل الفرح
لينا نسيت نفسها ونزلت جرى وكانت لابسه
تيشرت حمالات وشورت
_ جدتى وحشتينى جوى
وباست ايدها
.. ايه ده يا لينا!؟
_ فى ايه يما
.. اطلعى البسى حاجه وغطتى جسمك العريان دى وانزلى
= بصت لنفسها
_ هو فى حد غيرنا يما دى جدتى وبسس
.. جولتلك اطلعى يا بت مش عاوزه كلام كتير
لينا طلعت وهى مضايقه
.. شوفتى يا حماتى البت مش عاوزه تنسى انها
بنت الوليه اليونانيه اسمها ايه دى
مش كفايه لحد دلوجت مبعرفش أنطق اسمها
_ ايه يا جليله انتى بتغيرى من واحده ميته
.. ايوه يما بغير وجوى كمان دى ضرتى اللى
اتجوزها عليه وحبها وكان فاكر نفسه هيخلف
منها الواد انما ربنا كسر عينه وخلف بت
وانا جبت الواد وبقى راجل وسيد الرجاله كمان
.. انتى بتجولى على ابنى ربنا كسر عينه
وورابت وشها الناحيه التانيه بزعل
_ والله يما ما اقصد
وادى يدك اهى وقامت باستها
.. خلاص يا بت انا مش، زعلانه
كل اللى مزعلنى ان لينا بتحبك وبتعتبرك
زى امها وانتى لأ
_ لاه يما انا بحبها واكتر من بناتى كمان
بس القهره وحشه جوى جوى
كل لما اشوفها واشوف جمالها
افتكر امها الله يرحمها
لما خدت وهيب منى
كانت النار بتقطع جلبى ومحدش حاسس بيه
.. يا وليه يا موكوسه ضرتك ماتت
ولينا هتتجوز فى مصر
والقصر هيفضى ليكى ولبناتك وابنك
وانتى بقى عليكى وعلى وهيب
البسى وادلعى يا بت انتى لسه حلوه وصغار
_ يو يما مقدرش الواد كبر والبنات كمان
دى البت چود اتقدم لها عريس من الناحيه
التانيه
لو وافقت واتجوزته هبقى جده زيك كده قريب
هههههههههههه
=لينا طلعت اوضتها والدموع فى عينها
ولما شافت عمتها فتنه حضنتها
وقعدت تعيط
.. اكيد جليله سمت بدنك ما انا عارفاها
متزعليش يا بنت اخوى
بصت بحسره وعينها فى عين عمتها
_ انا هتجوز فارس بسببها هى علشان
ترتاح منى ومن سيرتى وسيرة وامى
انا تعبت يا عمتى وانا كان ذنبى ايه
ان ابوى اتجوز امى وفضلها عليها
.. امك الله يرحمها كانت زى لهطه الجشطه
علشان أكده النار بتاكلها منها
وهيب حبها رغم أنها مش مصريه
بس الحق يتقال ان امك كانت ست الصبايا
كانت زينه صحيح
وكان نفسها تشوفك عروسه يا حبيبتى
=لينا بتعيط والدموع نازله من عينها
الله يرحمك يا أمى 😢
.. يا بت افرحى بكره دخلتك وهتسافرى مصر
وهترتاحى من جليله ومن سمها
الباب اتفتح عليهم..
لينا بحب.. ابوى وجريت عليه
وهيب خدها فى حضنه
تعالى يا بتى والله وكبرتى وهتبقى عروسه
عروسه بس لاه وست العرايس كمان
وضمها اوى وعينه كلها دموع
وحط كف ايده على خدها ومسح دموعها
.. فرحانه يا جلب ابوكى
_ ايوه يا بوى فرحانه فارس انسان كويس
ومتعلم زي وابن ناس صحيح ومحترم
من الاخر يا ابوى فارس راجل زين ❤️
وهيب بضحك.. فارس راجل زين يا بوى هههههههه
ربنا يوفقك يا بنت الجلب من جوه
فتنه بحب.. ربنا يخليكم لبعض وتفرح
بذريتها وتكون صالحه مصلحه
قولوا امين 🤲
لينا وابوها وهيب.. أمين 🤲
وهيب.. بحق سوره يس اللى تشرح القلب دى ارزق بنتى الهنا والسعاده وراحه البال يارب 🙏
فتنه بحب.. يارب يا أخوى وحضنتهم
5.00 :pm
=الحنانه وصلت وكان معاها أصدقاء لينا من البلد
ورسمت الحنه للعروسه والبنات معاها
لينا اختارت ترسم حنه على كل جسمها
وبتحلم بعريسها زى كل عروسه يوم حنتها
والأهم انها تمشى من البلد وتروح مصر وترتاح
من سم مرات ابوها جليله
7.00:pm
= بنات البلد وستاتها اتجمعوا كلهم فى القصر
وابتدى الاحتفال بليله الحنه
نزلت لينا ومعاها اصحابها واخواتها
وعلى صوت الموسيقى ورقص البنات
مع العروسه وضرب النار عدت الليله
على خير
وكانت ليله كبيره تليق ب الملكات
=وهيب رجل أعمال كبير فى الصعيد
ولى وضعه ومكانته وبيحب لينا حب مختلف
لأنها اتربت يتيمه مع مرات اب قاسيه
فكان ده بيخليه يهتم بيها اكتر ويحبها
ويفضلها عن بناته وحتى ابنه الوحيد
كان الكل بيغير منها
لأنها كانت طوع ابوها
وجميله زى امها اليونانيه
كان الكل بيقول عليها خوجايه
لجمال بشرتها وبياضها الفاقع وعيونها العسلى الفاتح
وشعرها الأصفر الملفت
= فى صباح اليوم التالى يوم الفرح
6.00:am
فارس وعائلته وصلوا قنا ليحتفلوا بفرح ابنهم الوحيد وياخدوا العروسه بعد مراسم الزفاف على مصر
ولما وصلوا القصر وهيب واخواته وكل الاهل
قابلوهم احسن مقابله
لينا نازله ولما شافت فارس بان على وشها
الكسوف
وهيب.. سلمى على عريسك يا لينا
لينا مدت ايدها بكسوف.. ازيك يا فارس
.. كويس ازيك انتى يا لينا
وهيب.. مالكم مكسوفين يا ولاد كلها ساعات وتبقى حلالك وفى دارك يا ولدى
ابوالوفا.. خلاص بقينا نسايب يا وهيب
وهيب.. خلاص يا ابو الوفا
هنبقى نسايب وكمان العيال عجزونا
وهيب.. خد عروستك يا ولدى واطلعوا الجنينه
فارس.. معلش يا وهيب بيه انا تعبان وعاوز انام
اريح شويه
لينا باحراج.. ايوه يا بوى لازم يستريح بردك
وهيب.. بت يا حسنه
.. نعم يا بيه
روحى يا بت وخودى الضيوف معاكى
وطلعيهم على الدور اللى فوق
= وفعلا حسنه خدتهم وطلعت بيهم
ودخلوا يستريحوا من السفر
5.00:pm
=وبعد ساعات الميك اب ارتيست وصلت القصر
وعملت ميك اب ل لينا بعد ما لابست الفستان
والميك اب كان رقيق وكله بدرجات الكاشمير
ولما مسكت المرايا شافت نفسها ملكه
فستان لينا كان سيمبل والاسترس كان هادى اوى
الفستان ابيض فضى وكان لى ديل طويل
اما شعرها كان ملموم وسيمبل خالص يدوب
تاج وطرحه طويله زى الفستان
لينا جهزت وجنينه القصر جاهزه للملك والملكه
لينا وفارس❤️
وفى نفس الوقت فارس كان جهز وبقى أجمل
عريس 💖..
فى مصر...
نرجع بقى لحكايه باسل ودنيا ❤️
فى حى شبرا
الدى چى شغال والمعازيم وصلوا والكوشه
جاهزه لاستقبال دنيا وباسل
= الميك اب ارتيست خلصت العروسه
وكانت دنيا جميله
لابسه فستان بيبى بلو قصير من قدام وطويل من
ورا وشعرها كان لونه اسود مرفوع بتاج مرصع
بالالماظ والميك كان رقيق جدا
8.00 :pm
دنيا ماسكه الفون وبتتصل ب باسل وكان الفون مغلق
الباب اتفتح عليها
دنيا بلهفه.. باسل وصل
ضحى.. لا لسه مجاش بس اكيد بيجهز
هو قالى انه هيلبس عند احمد صحبه
دنيا.. اقسم بالله ده بيستعبط الساعه
8 والأستاذ لسه مجاش والميك اب هيبوظ كده
ضحى.. اتصلى بيه طيب
دنيا.. يعنى هو انا هستنى اتصلت طبعاً
واخوكى قافل الفون
مش عارفه هو اتأخر ليه انا قلبى مقبوض
انا قولتلك بلاش يشوفنى بالفستان انا عارفه
انه فال نحس كله منك انتى اللى دخلتيه عليه
😡😡😡😡😡😡
ضحى.. صلى على النبى فى قلبك نحس ايه بس
الليله هتبقى زى الفل والله
اخويا وبيدلع الراجل عاوز يكون باشا
جمب الملكه دنيا
* الصعيد *
= فى قصر وهيب..
لينا نزلت فى ايد فارس وكانت ملكه متوجه
ولما قعدوا على الكوشه كان فارس ساكت
ولينا مكسوفه
بعد ساعه من الرقص والاحتفال
لينا قامت تصلح الميك اب..
* مصر *
فى حى شبرا
دنيا قاعده بتعيط والميك اب ساح وباظ
وباسل مجاش والفرح اتقلب حزن
والكل كان بيدور على العريس
دنيا كانت فى موقف حرج جدا قدام
أهلها وأهل منطقتها
وقامت والدموع نازله والكحل مغرق وشها
ودخلت المطبخ وشربت مبيد حشرات..
* الصعيد *
= فى جنينه القصر فارس قاعد على الكوشه
ولينا اتأخرت اكتر من ساعه
ولما سأل عليها
طلعت عمتها فتنه تستعجلها
بس لقت باب الاوضه مفتوح ولينا مش موجوده
ولمحت الطرحه على السرير
مسكتها بإيدها ونزلت وهى بتصوت وتقول
لينا هربت يا أخوى...
= فى مكان ما وكان طريق صحرواى
لينا.. انا فين وانتم مين وايه اللى جابنى اهنيه!؟
تن تن تن تن تن البارت خلص يا حلوين 💜
يتبع..
#الجزء_الاول
#ممنوع_فى_الحب
#بقلمى_كوكى_سامح
تابعونى ب 20 ملصق 🔖 علشان يوصلك اشعار الجزء الثانى
#الجزء_التانى
لينا.. انتوا مين وايه اللى جابنى هنيه
_ وكان فى اتنين رجاله طول وعرض وخرجوا
لما شافتهم
= بصت لنفسها وكانت شبهه عريانه وفستان الفرح جمبها وملطخ بالدم وفى ايد باسل
باسل نايم ومش حاسس بيها
لينا مسكته بقوه.. يخربيتك عملت فيا ايه
وبقت تلطم على وشها
وبعد دقايق ابتدى يفوق
ولما فاق وشافها كان مسطول وبيكلمها
وكأنه شارب وبصلها من فوق لتحت
ومد ايده على جسمها
.. ابعد يدك عنى يا ولد الحرام انت
= خدها فى حضنه ومش حاسس باللى بيعمله
.. الحقووونى يا خلج يا هووو انتوا يللى هنيه
ولما فلتت منه جريت وفتحت الباب ومكانش
فى غيرهم بقت تلبس فستان الفرح
وعينها على باسل لا يخرج من الاوضه
ولابست الفستان وكان فى بقع دم
_ انا ضعت خلاص يا فضيحتى وسط الخلج
سمعتك وشرفك راحوا يا وهيب بيه
بنتك ضيعتهم
لاه لاه هما اللى خطفونى يوم فرحى
والحيوان اللى جوه ده هو اللى اغتصبنى
وفتحت باب البيت وخرجت وشافت انها
فى صحراء مفيهاش اى حد
غير اتنين رجاله قاعدين جمب البيت
باسل خرج وراها بيطمطوح وكأنه مخمور
باسل.. رايحه فين يا مدام
لينا.. يا مصيبتى الله يخربيتك
ومسكت فيه وبقت تضربه على جسمه
وهو يضحك بصوت عالى وهى تتجنن اكتر
وفجأه نور كشاف عربيه ضرب فى وشهم..؟
فى قصر وهيب..
فتنه.. البت هربت يا أخوى
وهيب.. بت مين دى اللى هربت يا فتنه
فتنه.. العروسة يا أخوى
يا فضحتنا وسط الناس
جليله ضربت ايدها على صدرها.. يا مصيبتى
البت هربت
قربت منه ومسكته من العبايه وعينها فى عينه
_ مش جولتلك بت الخوجايه هضيعنا
يا فضيحتك يا وهيب
.. ابعدى عنى يا وليه يا شوم انتى
انا بتى متهربش ابداً
وكمل كلامه ب ارتباك.. اكيد فتنه فهمت غلط
فتنه.. انا طلعت علشان اشوفها اتأخرت ملقتش
غير الطرحه يا ابن ابوى
وهيب طلع جرى وكان زى المجنون وبيدور
عليها ومش مصدق نفسه
جليله انتهزت الفرصه وعملت زى العقربه اللى بتلسع وخرجت قدام الكل
وجريت على العريس فارس
.. عروستك طفشت
_ انتى بتقولى ايه
لينا لا لا انا مش مصدق
.. بجولك طفشت وفضحتنا كلنا
وهيب نزل فيها ضرب ب الأقلام على وشها
سليم.. لاه يا ابوى بلاش تضرب امى
بدل ما تشوف البت راحت فين جاى تضرب امى
هو ده اللى ربنا قدرك عليه
وهيب بغضب.. امك دى عقربه وانا بس اللى اعرفها على حقيقتها
سليم.. دى امى يا بوى
فتنه.. هتعمل ايه يا وهيب
وهيب.. كله منك يا مصيبه انتى
فارس.. يا وهيب بيه معقول اللى بسمعه ده
لينا هربت طيب ليه تهرب ده انا بحبها
وبتمنلها الرضا ترضى
ابو الوفا.. لو البنت مكانتش موافقه
كنا نفضها من الاول بدل الفضايح دى يا وهيب
وهيب بدموع.. انا بنتى ست البنته
انا واثق ان بنتى حصل لها حاجه
وبص للقصر وبعلو صوته فينك يا بنتى
فينك يا جلب ابوكى
وجرى على الاسطبل وكان وراه سليم ابنه
وأمن القصر
وركب فرسته وطلع يدور عليها
سليم خد فرسته وخرج وراه
وكان وراهم كل رجالتهم
واكتر من ساعه بيدورا ومش لقيناها
الفرس وقف عند الزراعه
.. يا بوى هو اللى اسمه فارس ده
مش المفروض يكون معانا وبيدور على مرته
_ مش مهم المهم تكون البت كويسه وبخير
وبقى يبص شمال ويمين
وسكت لحظه.
وهيب.. سليم خليك هنيه هروح ادور فى مكان
تانى ولو ظهرت كلمنى يا ولدى
وخد الفرسه وجرى وسط الزرع
ولما خرج على الطريق
نزل من على الفرس وسابه
وعدى الناحيه التانيه وكان موجود بيت صغير
يشبهه الكوخ صغير وبسيط
وخبط وكانت الدموع فى عينه
فتحتله ست وكان مغطى شعرها البياض
ولما شافته دخلت وقعدت على الأرض
رمى السلام وقعد جمبها
وهيب.. خالتى ام الخير ابوس يدك عاوز اعرف
بتى فين
.. ههههه دلوج جاى لحد هنيه يا وهيب بيه
_ انا بجولك ابوس يدك عاوز اعرف فين بنتى
بنتى ضاعت يوم فرحها
وانا اتفضحت قدام الخلق كلك
.. هههه بت مين فيهم الخوجايه ولا الصعيديه
_ بت حبيبه الجلب من جوه
ضى العين ونورها
.. لسه بتحبها حتى بعد ما ماتت 😭
_ انا عمرى ما نسيتها
ولا هنساها يا ام الخير
ام الخير بصتلها حتته بصه كلها لووم
.. واللى يحب حد يقتله
_ انا مقتلتهاش هى اللى عملت فى نفسها اكده
.. شاطر يا وهيب طول عمرك تقتل القتيل وتمشى
فى جنازته طالع لابوك الله يرحمه
وهيب بغضب.. بجولك فين بتى
لاقتلك وارميكى للديابه
.. تعملها يا ابن ابو العلم
من يوم ما جيت قنا هربان من بلدك وانت
مش مرتاح ولا هتشوف راحه
وغمضت عينها لدقايق ولما فتحتها
.. لينا راجعه بفضيحه كبيره يا وهيب
ومش هتقدر تلمها
مهما عملت هتتفضح وسط الخلج
ومش هتلاقى اللى يسترك
ما هو اللى زيك لازم يتفضح
زى ما فضح غيره ولا افكرك
_ اسكتى يا وليه انتى
ربنا ياخدك ويريح الخلق منك قال فضيحه
قال
وقام وخرج وقفل الباب وراه
.. ياخدنى يا وهيب بعد ما سترت عليك
طول السنين دى منك لله 😭
= ولما خرج وهيب ورجع لفرسته
شاف قدامه عربيه مرسيدس
قرب منها والظاهر انه يعرفهم
زعق فيهم وقال مش وقته دلوج
انا بتى ضاعت ومش لقيها
.. بتك ضاعت يا وهيب يوم فرحها
ازاى يحصل كده فين الأمن والغفر فينكم كلكم
_ احب ع يدك يا جلال بيه بلاش الليله
.. مش ده اتفاقك معانا يوم فرح بنتك
تسلم وتستلم
_ بجولك بتى ضاعت انتم ايه معندكمش رحمه
.. اللى يشتغل شغلتنا دى ميعرفش رحمه
يا وهيب ولا عندك كلام تانى
_ معنديش كلام تانى اجولوا
يا جلال بيه بس الاقى البت وارجعلك
.. فى انتظارك معاك ساعتين من دلوقت اوك
_ حاضر
والعربيه طلعت ووهيب خد الفرسه
وكل إللى فى دماغه كلام ام الخير ورجع
مكان ما سليم واقف
سليم.. ها لقيتاها يا ابوى
وهيب بخوف.. اختك هترجع بفضيحه
سليم.. فضيحه ايه
وهيب.. معرفش
وقال فى سره.. المرى الشوم اللى اسمها ام الخير
كلمتها متنزلش الأرض ابدا
استرها يارب
.. فى مصر..
فى حى شبرا
.. نرجع لدنيا خطيبه باسل 😢
= ضحى دخلت عليها وكانت مرميه على الأرض
وكأنها ميته وكان جمبها المبيد الحشرى اللى شربته
ضحى خرجت تصوت
وخدوا دنيا على المستشفى
ولما الدكتور كشف عليها قال إنها حاله انتحار
بس هى بخير واللى نقذها ان المبيد كانت
مده صلاحيته منتهيه وفاسد
فى غرفه رقم 14..
دنيا نايمه ورايحه فى دنيا تانيه خالص
ومتركب لها الكانيولا
قامت تصرخ.. مش راجل انت مش راجل يا باسل
منك لله فضحتنى قدام أهلى وناسى
وكسرت قلبى لما هربت يوم خطوبتنا
ضحى جريت ودخلت عليها
.. حبيبتى اهدى ان شاء الله كله هيبقى بخير
_ بعد ما اتفضحت قدام أهلى اللى وقفت ضدهم
علشانه دى اخرتها منه لله
فعلا زى ما بابا قالى باسل مش بتاع جواز ومش راجل
ضحى بغضب.. اخويا راجل يا دنيا
وسيد الرجاله كمان وانتى عارفه كويس الكلام
ده مش علشان ...! وسكتت؟
دنيا بانهيار.. مش علشان ايه ما تكملى
علشان محضرش فرحنا يبقى مش راجل
ده واطى انا كنت عارفه انه مش بيحبنى
ولسه باصص لفوق وبيحب بنت البيه قصدى بنت
الباشا اللى بيشتغل عنده
بنت ابو الوفا المليونير إنما أنا صدقته لما قال
انه نساها
وشالت من ايدها الكانيولا وانهارت
وقامت تكسر فى الغرفه
ضحى خرجت ونادت الدكتور والممرضين
ودخلوا وحاولوا يهدوها
وخدت حقنه مهدئه
ونامت فى الحال وبتخرف بأسم باسل 💔
ضحى.. هتبقى كويسه يا دكتور
.. للأسف حاله انهيار وهتدخل فى اكتئاب حاد
هى محتاجه علاج نفسى
وخرج وسابها
ضحى قعدت على الأرض جمب سرير دنيا
وباست ايدها
.. ليه كده يا باسل
ومسكت الفون وكلمته وكان مغلق
فى الصعيد..
= سليم ووهيب خدوا الفرس وراجعوا على القصر
هما ورجالتهم مكسورين الخاطر
راجعين من غير لينا
فارس.. لينا مرجعتش يا عمى
سليم.. سيب ابوى دلوج يا فارس
هو فيه اللى مكفيه
فارس.. انا بسأله ع خطيبتى وعاووز اعرف راحت
فين
سليم.. خطيبتك صح لما هى غاليه عليك أكده مكلفتش خاطرك وتيجى تدور معانا ليه
كل إللى عملته قاعد هنيه ومكبر دماغك
هو ده اللى ربنا قدرك عليه
فارس ب ارتباك.. انا كنت مستنى هنا
يمكن ترجع
فتنه واخوات لينا البنات واقفين فى بلكونه
القصر بيعيطوا
جليله ماسكه وشها.. بتضربنى يا وهيب
واللى خلق الخلق لا أعرف مقامك
واعرفك ازاى تمد يدك على جليله
بسبب البت دى
بت الخوجايه المايصه المايعه
اللى ملهاش كبير
حماتها.. انتى بتجولى ايه يا مرى انتى
جليله بخوف.. حماتى انتى هنيه
وجريت عليها ومسكت ايدها
.. شوفتى وهيب ضربنى علشان بدافع عن لينا
_ اللى فى القلوب بان وظهر يا مرت ولدى
عيب الشوم عليكى تفضحى بت جوزك قدام الخلق كلك
بدل ما تسترى عليها
.. ما تقوليش بس بت جوزك
انتى عارفه ان لينا بتى وبحبها اكتر من بناتى
_ كذابه يا مرى يلا غورى من هنيه
.. حتى انتى يما
وقعدت على الأرض تلطم لما اتحرجت
وبقت تبص لحماتها بخباثه
.. يا جهرتك يا جليله حتى حماتك
اللى بقول عليها امى ومليش غيرها
تقسى عليه
_ يلا يا مرى من هنيه
مش عاوزه اسمع حسك خالص
.. كده يما 😭😭😭😭😭
وخرجت من الاوضه وهى بتندب وتلطم
ووصلت لباب القصر وخرجت الجنينه
بس واقفه من بعيد وبتتفرج على سليم
وهو بيكلم فارس
وشايفه بعينها كسره وهيب
.. تستاهل كسرتك دى قدام الناس
اتفضحت بسبب بت حبيبه الجلب
ياكش تغور وتريحنا
يا ترى روحتى فين يا لينا
= لينا رجعت ولابسه فستان الفرح من غير طرحه
ومتلطخ بالدم وعينها فى الأرض
وبتجر رجلها بالعافيه وكأنها مضروبه علقه موت
باسل ماشى قدامها وأيده ممدوده لورا
وهى ماسكه ايده
ودخلوا القصر
الكل بص فى ذهول
جليله.. البت رجعت
ولما دققت شافت باسل ماسك ايدها
.. يا جهرى مين اللى معاها ده
وهيب قرب منها بفرحه.. لينا بتى
كنتى فين يا حبيبتى
وبصلها وشاف الفستان متلطخ بالدم
كبار البلد موجودين علشان يطمنوا على العروسه
وكلهم مستغربين من رجعوها بالمنظر ده
وهيب خدها فى حضنه
لينا فى حضنه بس مذهوله وكأنها خرساء
ولسانها متلجم
وهيب.. كنتى فين؟؟
ولا اجولك حمدالله على سلامتك
فارس.. ايه ده باسل انت هنا بتعمل ايه
باسل كأنه مخمور مش فى وعيه
.. انا هنا انا هنا انت مين!
وهيب.. مين دى
فارس ساكت ومش بيتكلم
باسل واقف مش ع بعضه
وهيب.. ما تنطق يا ابنى انت مين
باسل ساكت..
وبص لفارس طيب انت تعرفه منين يا ولدى
فارس بقرف.. ده امين المخازن عندنا فى المصنع
عامل بيشتغل عندنا
وهيب بسخريه.. عامل وايه اللى جابه هنيه
فارس.. وانا اعرف منين ما تسأل بنتك
اللى جايه فى ايده
وهيب بص ل لينا
ومسك فستانها..
.. ايه الدم ده يا بت جلبى
ومين الراجل ده
_ خلاص يا ابوى كله راح
= مسك دراعتها بقوه
.. مين الراجل ده وايه اللى راح يا بت الخوجايه
_ كله راح يا ابوى ووطت راسها فى الارض
.. مين الراجل ده يا بت
ولسه هيضربها بالقلم
باسل مسك ايده بقوه
- ايدك يا باشا اوعاااا تمد ايدك على مراتى
ومسكها وخباها وراااه......
يتبع...
تن تن تن تن تن البارات خلص يا حلوين 💜💜
تابعونى ب 20 ملصق 🔖 علشان يوصلك اشعار الجزء الثالث
..
#الجزء_الثالث
لينا وقفت ورااه والدموع نازله من عينها
وهيب.. بقولك اوعاا يدك دى بتى
باسل.. وانا بقولك انها مراتى يا عمى
وهيب.. عمك دبب ومد ايده وجر لينا
مرت مين يا واد انت تعالى هنيه يا فاجره
ومسك دراعها بقوه
وهيب بغضب.. انتى اتجوزتى يا لينا
لينا عينها فى عينه
.. انطقى يا بت
_ ايوه يا ابوى انا مراته
فارس بخباثه.. نعم مراته يعنى الواد ده مش كذاب
معقول انتى تعملى فيه انا كده يا لينا
ده النهارده كانت دخلتنا لا لا انا مش مصدق
انا حاسس انى هتجنن من اللى سمعته ده
وشاور بإيده على باسل وكمل كلامه
بقى لينا بنت الحسب والنسب بنت وهيب
بيه ابو العلم تتجوز حته واد موظف عندى
ميسواش وتفضله عليه
وقرب منها وزقها ووقعت على الارض
وهنا بقى باسل مسكتش مسكه ونزل ضرب
فيه قدام الكل
سليم رفع المسدس وضرب طلقه فى الهوا
فارس.. مش هسيبك يا كلب
وحسك عينك اشوف وشك فى المصنع او الشركه
تانى
باسل بسخريه.. هههههه انا عارف الحمقه دى
باين كده انى وجعتك اوى
وهيب.. خلاص انا مش عاوز اسمع ولا كلمه
لينا بتحاول تقوم من على الأرض ومدت ايدها
علشان وهيب يمسكها بس وارب وشه الناحيه
التانيه
باسل مسك ايدها وقومها من على الأرض
بس عينها على ابوها وكل إللى حساه انها
كسرته وقالت فى سرها
انا عارفه انى كسرتك وفضحتك يا ابوى
بس غصب عنى انا خلاص روحت وشرفى
ضاع راح معايا.
= جليله شافت المنظر وطلعت جرى على فوق وهى
بتلطم على وشها ودخلت الاوضه
.. اتفضحنا خلاص يما الست لينا اللى وهيب
ابنك شايلها على راسه هربت علشان تتجوز
من حته واد بيشتغل عند خطيبها
يا فضحتنا وسط البلد
يا فضيحتك بين الناس يا وهيب
حماتها.. اخرسى يا مرى شوم انتى
_ حاضر حاضر يما انا سكت اهو
ما انا ع طول غلطانه
بس انا قبل أكده قولتلكم ان البت دى بكره
تجيب لينا المصايب
واهو جابتها واتفضحنا
فتنه والبنات دخلوا من البلكونه
_ فى ايه يا مرت أخوى ومين ده اللى راجع
مع لينا
جليله.. جوزها يا اختى اللى ضحكت علينا
وهربت معاه
جود.. جوز لينا اختى يا نهار مش فايت
فتنه بقت تلطم لما سمعت كلام جليله
ونزلت الجنينه
وخرجت جرى على لينا ومسكتها بقوه قدام
كل الموجودين
.. انتى يا بت أخوى تعملى فينا اكده
تفضحى ابوكى واخواتك البنات
_ فين الفضيحه يا مدام حضرتك احنا متجوزين
.. اسكت انت خالص ما كله بسببك
اكيد ضحكت على البت وكلت عقلها
وهيب بغضب.. خلاص يا فتنه
وبص لينا وعينه كلها دموع وكسره
_ خد مراتك وامشى من هنيه
فارس.. نعم انت هتسبها تمشى معاه يا عمى
وهيب قرب من لينا
_ مش عاوز اشوف وشك هنيه تانى
وانا غضبان عليكى ليوم الدين
حتى جنازتى اتحرمت عليكى يا بت الخوجايه
لينا حست بدوخه
باسل قرب منها وخدها فى حضنه
وهيب.. يلا خدها وامشى من هنيه
ولو بتموت مش عاوز اعرف عنها حاجه
قلبى وربى غضبان عليكى ليوم الدين
باسل خدها ومشى
وهى ماشيه معاه وبتجر رجليها بالعافيه
وهيب.. قلبى وربى غضبان عليكى يا لينا
انا من النهارده مش، ابوكى ولا اعرفك
لينا بصت وراها وقعدت تعيط
وخرجت من القصر
.. ابعد يدك عنى
_ انتى تعبانه ومش قادره تمشى
.. انت مين يا راجل انت وعاوز منى ايه
_ انا قدرك يا لينا
.. انت مش قدرى
انت حيوان اغتصبتنى وخدت شرفى منى
وفضحتنى قدام أهلى والبلد كلها
منك لله
باسل متجاهل كلامها خالص
_ بقولك ايه هنلاقى قطار سكه حديد دلوقتى
.. قطار ايه؟ ده وليه ان شاء الله
_ علشان نمشى من هنا ونسافر على مصر
بلدى وبلد جوزك يا لينا هانم
.. وليه وحد قالك انى مش مصريه
_ مش وهيب بيقولك يا بنت الخوجايه
.. اسمه وهيب بيه اوعا تتعدى حدودك
وتعمل نفسك قيمه بينا
انت متسواش حاجه فاهم ولا ولأ
_ من الواضح كده انى بحرق معاكى
انا هعرف فى قطار ولا ولأ
ومسك الفون وفتح نت وابتدى يشوف
مواعيد قطار السكه الحديد
فى القصر..
فتنه طلعت جرى وبتلطم وقالت إن لينا
مشيت مع جوزها
.. يما يما لينا مشيت خلاص
احنا اتفضحنا يما
الام قاعده على الكرسى ومش بترد
فتنه مدت ايدها ولقيتها مش بتتنفس
فتنه بصراخ.. امى ماتت 😭 😭 😭
جليله.. حماتى يا قهرى منك لله يا لينا
وهيب سمع الصراخ دخل جرى
ووراه باسل وابوالوفا وسليم
وهيب.. فى ايه يا فتنه
وعينه على امه
جليله.. امك ماتت يا وهيب
وهيب.. لاه اكيد غيبوبه السكر
امى عايشه انا عارف
هى قالت إنها مش هتسبنى لوحدى ابداً
واتصل بالدكتور
وكان بيحاول يفوقها ومستبعد انها ماتت
كل اللى فى دماغه انها غيبوبه سكر
ولما الدكتور وصل
دخل الاوضه عليها وطلب من الكل يخرج
الا وهيب
وهيب قلبه بيدق بسرعه من الخوف
فى الطريق..
لينا مسكت قلبها ااااه
باسل بخضه.. فى ايه مالك
.. قلبى قلبى قلبى
_ انتى تعبانه ولا ايه
.. قلبى بيدق جامد ضربات سريعه
انا خايفه على ابوى
فى حاجه حصلت
باسل.. يااه كل ده علشان قلبك بيدق بسرعه
يمكن عندك انيميا او الضغط واطى
لينا.. أخرس
انا لازم ارجع القصر
باسل.. مش هينفع كلها ربع ساعه والقطر يطلع
ومسك ايدها
لينا.. انا مش همشى من هنيه
انت فاهم
باسل.. يعنى نقعد فى الشارع
ايه الشغلانه الزفت دى
لينا.. انت اللى جبته لنفسك
انت عاوز منى ايه
وتعرفنى منين؟
باسل مسك ايدها وجرجرها لحد المحطه
لينا بصراخ.. ابعد عنى يا حيوان
باسل قطع تذكرتين وخدها وقعدوا يستنوا القطر
وهى قعدت غصب عنها
وايدها على قلبها
فى القصر..
الدكتور.. البقاء لله الحجه إتوفت بسكته قلبيه
مفاجئه
وهيب رجع لورا مش قادر يصلب طوله
وقرب من جثمان امه
وبقى يبوس ايدها ويبكى عليها
.. ليه يما انتى قولتى انك مش هتسبينى
لوحدى فى الدنيا دى
يما يما ابوس يدك اصحى
الدكتور خرج وبلغهم خبر الوفاه
والقصر كله اتقلب من زغاريط وفرح
لصراخ وحزن
المحطه..
.. يلا قومى القطار وصل
_ انا مش همشى من هنيه
= باسل شدها من ايدها وركب القطر وهى معاه
وكانت منهاره وقعدت جمبه
وايدها على قلبها
وعينها فى عين باسل
.. ليه عملت فيه كده
حرام عليك
_ ممكن تسكتى دلوقتى علشان انا فعلا حاسس
ان دماغى هتنفجر من الصداع
واتعصب عليها
لينا قالت فى سرها.. اكيد عرفنى من فارس
لانه بيشتغل عنده بس ليه يعمل فيه كده
ويغتصبنى لو مكانش اغتصبنى مكنتش اتجوزته
ربنا ينتقم منه خلانى اتجوزته غصب عنى
وسندت راسها على الشباك ومن كتر الحيره
والتفكير نامت
وفى صباح اليوم التالى
لما وصلوا محافظه القاهره
خد أوبر وطلع بيها على شقته
كانت تعبانه ومرهقه وجسمها كله وجعها
بس لما جه يطلع المفاتيح علشان يفتح
افتكر انها فى البيت
خدها وطلع بيها على حى البساتين
وكأنه ناسى كل حاجه
وصل العماره وطلع ورن الجرس
الام فتحت الباب وقالت بلهفه..
باسل ابنى كنت فين يا حبيب امك
وحضنته وفضلت تبوس فيه
ولمحت لينا
.. مين دى يا باسل
_ دى لينا مراتى يا ماما
حطت ايدها على قلبها
.. يا مصيبتى انت اتجوزت
وخطيبتك اللى مرميه فى المستشفى بسببك
دى بعد ما فضحتها رايح تتجوز واحده غيرها
لينا.. خطيبته
الام.. ايوه خطيبته يا اختى يا خطافه الرجالة
باسل.. ماما انا مش عاوز كلام انا تعبان
وجاى من سفر ومتبهدلين على الآخر
ودخل ولينا فى ايده على اوضته
لينا مسكت جسمها وهى مرعوبه
ودخلت معاه وهى مذهوله من اللى بيحصل لها
الام.. يا نهار اسود على دماغنا اتجوزت يا باسل
من واحده انا معرفهاش ولا اعرف ليها اصل من فصل
يا عينى عليكى يا دنيا وعلى اللى نابك يا بنتى
فى الاوضه..
شدها من ايدها وقفل الباب
.. براحه وجعتنى
_ بصى يا بنت الناس انا كنت عاوز اقولك؟
رزع وخبط على الباب..
باسل.. ثوانى وارجعلك
وفتح الباب وخرج
الام.. مين دى واتجوزتها ازاى
انا مش هسيبك غير لما اعرف
باسل.. اتجوزتها زى الناس
ماما انا تعبان دلوقتى بعدين نتكلم
.. انا همشى من هنا خالص لو مقولتش
انت اتجوزتها ازاى
_ بقولك تعبان يا أمى
الام دخلت اوضتها ولبست عبايه
ومشيت على بيت خالته
باسل ولا كأنه شايفها قصاده
ودخل على اوضه ضحى وخد من دولابها
بيجامة ستان
ودخل على لينا
كانت قاعده على السرير وماسكه جسمها
ومنهاره
باسل.. خودى دى البسيها لحد ما اتصرف
لينا.. انا عاوزه أمشى من هنيه
باسل.. بقولك البسى دى
لينا.. يا وقعتى السوده
انت عاوز ايه منى يا زفت انت
باسل قرب منها وحط أيده على شفايفها
_ غلط مش عاوز فاهمه ولا لأ
فى المستشفى..
دنيا نايمه مكانها ونفسيتها مدمره
وضحى قاعده جمبها من بعد ما تعبت
فون ضحى رن وكانت مامتها
ولما رددت عليها الام كانت منهاره
وقالت لها انها عند خالتها
ومشيت من البيت لما باسل رجع ومعاه مراته
وانه اتجوز غير دنيا
ضحى استغربت من كلامها ومش مستوعبه
وقفلت معاها..
ضحى.. معقول باسل اتجوز ورجع البيت ومعاه
مراته
انا مش فاهمه حاجه؟
انا لازم اروح عند خالتو افهم من ماما
ومشيت ونسيت شنطتها على سرير دنيا
وخرجت وهى متلغبطه
دنيا.. باسل رجع البيت ومعاه مراته
يعنى اتجوز واحده غيرى
اكيد هى بنت ابو الوفا..
فى البساتين..
لينا لابست البيچامه وقعدت على السرير
وباسل قاعد ع كنبه الانتريه فى الصاله
وقام من مكانه ودخل اوضته خد ترنج من الدولاب
لينا.. هو انت عملت فيه كده ليه
باسل.. انا تعبان بجد ممكن تسكتى
وقلع قصادها
لينا.. ايه ده وخبت وشها
باسل.. انا جوزك ع فكره
لينا.. على الورق وبس
ولابس الترنج وخرج الصاله
لينا قعدت مكانها على السرير
وهو قاعد فى الصاله ونام على نفسه
وعدى وقت طويل وكانت الساعه 10 مساءا
لينا نامت من التعب والجوع
لان باسل مهتمش بأكلها ولا حتى سألها اكلت
ولا لأ
= دنيا طالعه على السلم وحالتها النفسيه زفت
وفتحت باب الشقه على باسل
وهو مش حاسس
بصتله وعينها كلها شرار ومش حاسه بنفسها
دخلت المطبخ وجابت سكينه من الدرج
وخرجت وبصت لباسل اوى وقالت
انا عديت أهلى بسببك يا كلب
يا خاين فضلت عليه بنت البهاوات
وسبتنى وفضحتنى قدام أهلى
ووجعت قلبى يا باسل انت كمان لازم يتوجع
قلبك ورفعت السكينه وطعنته فى قلبه
وطلعت السكينه وهى منهاره وبتضحك
ضحكه غريبه
ودخلت زى المجنونه فى كل اوضه تدور على العروسة
ولما دخلت اوضه باسل شافت لينا نايمه
الغيره دبت فى قلبها اكتر
وقربت منها
.. انتى بقى العروسه اللى فضلها عليه💔
وشافت فستان فرح لينا مرمى على الأرض
وطت عليه ومسكته
وشافته ملطخ بالدم
رمته مكانه وقامت وبصت فى وشها جامد
والسكينه فى ايدها
ومن غيرتها رفعت السكينه...
يتبع..
تن تن تن تن تن البارت خلص يا حلوين 💜💜
تابعونى ب 20 ملصق 🔖 علشان يوصلك اشعار الجزء الرابع
.#الجزء_الرابع_الخامس
= دنيا رفعت السكينه عليها ونزله بيها على جسمها
وهى نايمه وفى نفس اللحظه لينا اتحركت
والسكينه نزلت على السرير
لينا بفزع.. ايه ده انتى مين يا ست انتى
وعاوزه منى ايه.. يخربيتك معاكى سكينه
فى يدك وزقتها على الأرض
دنيا قامت من على الأرض بسرعه
.. انا الموت يا عروسه ولازم اقتلك
لينا.. انتى مجنونه ولا ايه؟
دنيا قربت منها ومسكت السكينه وبتحاول تضربها
لينا بتحاول تاخد منها السكينه
والاتنين ماسكين فى بعض
وفجأه دنيا زقت لينا جامد واتخطبت فى الدولاب
واغمى عليها
= دنيا بصتلها وعينها كلها شر وكانت زى المجنونه
لما اغمى عليها
وبصت لسكينه اوى وكانت متغرقه بدم باسل
ولسه هتضرب. وقفت لحظه واستوعبت بتعمل
ايه وكأنها كانت مغيبه وفاقت
.. لأ انا مش هموتك كفايه هو مات وخد نصيبه
من عملته السوده معايا إنما انتى بقى هسيبك
عايشه علشان تلبسيها وبكده اكون خدت حقى
بالكامل منك ومنه يا عروسه ياللى عامله زى لهطه
القشطه يا بنت الاكابر
ووطت زى المجنونه وخدت فستان الفرح
اوباااااااااااااااااا...
وابتدت تمسح بيه بصامتها من على السكينه
ومن كل مكان هى لمسته بإيدها
وخرجت ومسحت بالفستان باب الشقه
وكمان الاوكرا ورجعت حطت السكينه
فى ايد لينا علشان التهمه تثبت عليها
وخرجت من الاوضه
ومفتاح الشقه كان واقع منها على الأرض
خدته
وخرجت زى المجنونه ولما شافت باسل غرقان فى دمه وجسمه بيتحرك
فى لحظه مسكت الفازه وضربته على دماغه
علشان تأكد موته
وخرجت وسابت باب الشقه موارب
ولما نزلت محدش شافها خالص
خدت تاكسى وركبته وهى قاعده
الشباك كان مقفول فتحته وبصت منه
وبقت تستنشق الهواء وحست بالمفتاح فى ايدها
وضغطت عليه وابتدت تستوعب الجريمه اللى
عملتها وبقت تتكلم فى سرها
وهى ايدها ضاغطه على المفتاح جامد لدرجه
انها عرقت
.. انا قاتله انا قتلت حبيبى خلاص
مبقاش ليه حد ما هو كان الضهر والسند
باسل كان ليه كل حاجه
وبصت لسماء اوى
يارب انا خدت حقى وبس ورمت المفتاح من الشباك
وابتدت ترجع لحالتها لما افتكرت ايدها
وهى ملطخه بدم باسل
وكانت نظراتها كلها خوف وفزع
التاكسى وقف قدام المستشفى ونزلت منه
وكان فى مشكله مع الأمن ومن الواضح
انها كبيره
وقفت وسط الأمن وكان فى راجل بيتخانق
علشان عاوز يشوف ابنه ومراته كانوا
عاملين حادثه والوقت متأخر ومينفعش
يدخل لان ممنوع والمفروض فى وقت للزيارة
وهى واقفه ومستعمه بس الراجل كان معاه
اتنين رجاله أصحابه كبروا الموضوع
ومسكوا فى بعض وهى انتهزت الفرصه
ودخلت من غير ما حد يحس بيها
وفتحت باب غرفتها
ونامت على السرير وعلشان الوقت كان متأخر
مكانش حد دخل غرفتها من وقت ما خرجت منها
ونامت وكأنها ارتاحت انها خدت حقها
وبصت شافت شنطه ضحى
قالت بفزع.. يا نهار اسود انا نسيت شنطه ضحى
ومسكتها زى المجنونه وخرجت من غرفتها
ولما شافت ممرضه معديه دخلت الحمام
وقفلت على نفسها وفتحت شباك الحمام
وكان بيبص على مقلب زباله
ولسه هترمى الشنطه
فكرت لحظه انها لو رمتها ضحى هتشك فيها
وقررت تتدخل غرفتها تنام والشنطة تسبها
مكانها وبكده ضحى هتستبعدها
مش هتشك فيها من الأساس لانها تعبانه
نفسياً وبتتعالج من صدمه هروب باسل من فرحهم
= وفعلا دخلت الغرفه وسابت الشنطه مكانها
ونامت مرتاحه معتقده انها
بقتلها لباسل خدت حقها منه...
فى الشقه..
باسل نايم مطعون فى قلبه ومضروب على
دماااغه
لينا مغمى عليها ومرميه على الأرض
فى المعادى....
شقه خاله باسل..
ضحى.. يا ماما بجد كل اللى سمعته ده
الام.. بجد يا بنتى هو الكلام ده فى هزار
.. معقول باسل اخويا الراجل الجدع يضحك
على دنيا ويتجوز واحده غيرها
انا مش مصدقه نفسى
_ لأ صدقى يا اختى اخوكى اتجوز
ومراته معاه فى الشقه دلوقتى
.. يا نهار اسود يا ماما دى لو دنيا عرفت تبقى
مصيبه والله البنت فى المستشفى حالتها زى الزفت
وانا مش عارفه اعمل ايه
وضربت بإيدها على دماغها
.. اه دى دنيا لوحدها فى المستشفى
ومحدش معاها
_ ليه وفين وجيده يا ضحى
.. طنط وجيده حالتها زى الزفت وطبعا بعد
فضيحه المحروس ابنك والبومبه اللى أداها
ل دنيا
ولما شوفتها تعبانه طلبت منها تروح وانا هبات
معاها بس بعد ما كلمتينى سبتها ومشيت
وحتى نسيت الشنطه فى المستشفى
_ خلاص يا بنتى روحلها ينوبك ثواب
=، ضحى بصت فى ساعه الفون
.. مش هينفع يا ماما الوقت اتأخر
انا هروحلها الصبح بدرى ان شاء الله
وانتى يا ماما
_ انا مالى يا ضحى
.. قومى نروح بيتنا ونشوف الدنيا فيها ايه
_ لا مش هروح انا حلفت على باسل
انى همشى من البيت لو مقالش اتجوزها ازاى
بس مقالش وسبنى أمشى
انا باسل يعمل فيه كده
وقعدت تعيط.
اخوكى كأنه اتبدل 180 درجه
وكل ده من يوم واحد جواز اومال
لو عاش معاها باقى عمرها كله هيعمل فينا ايه
ده اكيد هيتبرى مننا
البت كلت بعقله حلاوه اه ما هى حلوه
اكيد ضحكت عليه واتجوزته
.. هى حلوه يا ماما
_ اه حلوه وزى القمر كمان
واللى يشوفها يقول عليها بنت ناس
إنما تلاقيها بنت من الياهم اللى عاوزه تتجوز
وخلاص
اكيد البت دى معيوبه
.. ليه بتقولى كده يا ماما
_ يا بنتى ما هو بالعقل كده
واحد مشى يوم خطوبته وكمان راجع بيها
على بيتنا والاتنين لوحدهم
ومعهاش اى حد من عيلتها
وجايه بطولها
ده حتى ايدها فاضيه معهاش شنطه هدومها
يبقى اكيد فى سر
وانا عارفه الأشكال دى كويس
ما تصدق تشوف شاب زى القمر
وراجل زى ابنى كده علشان تدبسه فيها
بس كل اللى محيرنى حاجه واحده
.. ايه هى يا ماما
_ انها لابسه فستان فرح وشكله غالى كمان
.. وده معناه ايه بقى يا ست الكل
_ معناه ان باسل عمل فرح
بس عمله فين
ولو عمل فرح فين أهلها
وبعدين دى ظهرت فى يوم وليله
انا عمرى ما شوفتها ولا حتى سمعت اسمها
قبل كده
.. ايه ده هو انتى تعرفى اسمها؟
_ اه ما انا لما سألته عليها
قالى دى دى دى؟؟؟
.. دى ايه يا ست الكل شكلك نسيتى
_ اسمها كده غريب
ومسكت دماغها وقعدت تفكر
وقالت.. افتكرت قالى لينا
اه قالى لينا مراتى
ضحى.. لينا ممممممممم
ليه كده بس يا باسل
كسرت قلب دنيا وعلشان مين
واحده عمرنا ما شوفناها ولا نعرف حاجه عنها
يا ترى عرفتها منين يا اخويا؟؟!
ماما انا لازم اروح لباسل دلوقتى اعرف منه
هو ليه عمل كده
وليه كسر قلب دنيا
ومين البنت اللى اتجوزها دى
_ بلاش دلوقتى تلاقيهم مش فاضيين
.. لا يا ماما انا هقوم اروح بيتنا
ولو الاستاذ باسل مش فاضى
يفضى غصب عنه
وانتى كمان لازم تيجى معايا
_ لا حد الله بينى وما بينه
.. اومال نسيب باسل اخويا للعقربه دى
علشان تستفرض بيه
_ بقولك انا مش رايحه يشبع بيها
ضحى قامت وقفت وقررت تروح شقتهم
رغم تأخير الوقت
الام.. ولا اقولك انا جايه معاكى
علشان انا عارفاه مش هيسكت لو سمع كلمه منك
وممكن تحصل ما بينكم مشكله كبيره
اصل اخوكى فاتح صدره على الآخر
= وقاموا ونزلوا من بيت اختها
على شقتهم عند باسل
فى الشقه..
لينا ماسكه دماغها وقامت مفزوعه
ومسكت جسمها
_ انا عايشه الحمد لله
هو انا كنت فى حلم ولا حقيقه
اكيد كنت بحلم
بس انا على الأرض وافتكرت دنيا
اومال مين البنت اللى كانت عاوزه تقتلنى دى
انا معرفهاش ولا عمرى شوفتها
والسكينه فى ايدها وهى مش مركزه
وقامت وقفت وبصت لسكينه فى ايدها
وكلها دم
_ ايه ده يا نهار مطين بطين
ايه اللى جاب السكينه دى فى يدى
وخرجت بره الاوضه وهى بتقول
يا جدع انت
انت يا زفت ياللى اسمك باسل
وشافته مرمى على الكنبه سايح فى دمه
قربت منه وهى متنحه وبص لسكينه فى ايدها
ونغزته بيها
انت يا زفت مالك فيك ايه
= الباب اتفتح وكانت ضحى ومامته
ولما دخلوا شافوا لينا
لينا واقفه والدموع نازله من عينها
وبصت عليهم وشاورت على باسل
_ ده مضروب بالسكينه 😭😭😭
الام جريت عليه وبقت تحضن فيه
ابنى قوم يا باسل
قتلتك يا ضنايا
ضحى مسكتها بقوه.. انتى قتلتى اخويا
يا بنت الكلب انتى
انا هوديكى فى داهيه
لينا بخوف ورعب.. انا قتلته لاه.......
................
نقف بقى كده لحظه واحده ✋
الجزء الرابع خلص تنزلوا تعملوا كومنتات الأول
علشان ده دعمكم ليه احبايييب قلبى
وحظر اللينكات يتفك بليز انا عاوزه تفاعل بجد
❤️ 🙏 علشان اقدر انزل لينك المدونه
وبعد ما تعملوا الكومنتات تتفصلوا تكملوا
#الجزء_الخامس
لينا.. لاه انا معملتش أكده انا مش قاتله
فى واحده كانت هنيه اه والله العظيم
انا شوفتها وكمان كانت عاوزه تضربنى بالسكينه
دى وبصت لإيدها
ضحى.. دى السكينه اللى قتلتى بيها باسل أخويا
يا حبيبى يا اخويا 😭😭😭
وخرجت من الشقه وهى بتصرخ
الحقونا يا ناس
اخويا باسل اتقتل
لينا واقفه ومش عارفه تعمل ايه
الام قربت منها وبقت تضربها على وشها بالاقلام
لينا واقفه متسمره والدموع نازله من عينها
وبقت تاخد كل قلم وقلم وهى عارفه
انه ظلم
وبعد دقايق من صراخ ضحى والام
الجيران اتلمت والشارع كله اتقلب
على خبر قتل باسل...
: محمود جارهم دخل الشقه جرى يشوف ايه اللى
بيحصل ولما دخل مكنش مصدق
قرب من باسل وطلب من كل الموجودين
انهم ينزلوا حتى مامته واخته ضحى
الام شاورت على لينا
دى اللى قتلت باسل يا محمود
محمود واقف مذهول
= نتعرف بشخصيه محمود الزينى
محمود شاب طويل ووسيم عنده 30 سنه
محامى وجارهم فى العماره اللى قصادهم
شاب طموح ومحترم وكون نفسه بنفسه
لحد ما بقى عنده مكتب محاماه كويس
وصيته مسمع
ضحى معجبه بيه بس هو عمره ما فكر فيها
وقبل ما تتعلق بيه وتحبه صارحها ان مفيش
نصيب ما بينهم.
= لينا واقفه مكانها وفى ايدها السكينه
وعينيها كلها دموع
محمود عينه فى عينها واول لما شافها
قلبه دق ومن الظاهر انه أعجب بجمالها
قرب من باسل
ولما شافه كله دم ومضروب فى قلبه
مسك الفون وبلغ الإسعاف والشرطه بسرعه
وعلشان مهنته ده كان سهل عليه جداً
وقرب من باسل ووطى عليه ومد كف ايده عند
أنفه وحس بنفس خارج منه
محمود بفرحه.. ده عايش
لينا.. عايش باسل عايش
محمود.. ايوه الحمد لله بس شكله
نزف كتير لازم اتصرف واروح أقرب مستشفى
ده انا لو استنيت الإسعاف هيكون جراله حاجه
= ومسك الفون ورن على اخوه ايمن وطلب منه يطلع بسرعه
وقاله ياخد عربيته ويروح ب باسل على
المستشفى
وفعلا ايمن طلع ومعاه أصحابه وشالوا باسل
ايمن.. وانت مش هتروح معانا تطمن ع باسل
محمود.. انا قاعد مستنى الشرطه علشان اسلم
المتهمه وبص ل لينا
وفعلا ايمن واصحابه خدوا باسل وراحوا على اققرب مستشفى..
والام وضحى راحوا وراهم
لينا.. هو بجد عايش يا استاذ
محمود.. ايوه الحمد لله بس يارب
يلحقوه
= وطبعا ا نتم عارفين وصول الشرطه
بياخد وقت وما بين الوقت ده محمود ابتدى
يتكلم مع لينا
محمود.. هو انتى مين؟
لينا.. انا اللى بيقولوا عليها قاتله
بس والله العظيم ما قتلته
محمود.. لا حول ولا قوة الا بالله
على فكره انا محامى واقدر اقولك ان موقفك
صعب جدا
بس هو عايش وان شاء الله يبقى كويس
بس اللى قلقان منه النزيف
لينا بقت تجرى فى الشقه ودخلت اوضه باسل
ومحمود مستغرب منها ودخل وراها
وشاف الاوضه متلغبطه
وفستان الفرح مرمى على الأرض وكله دم
لينا.. انا كنت نايمه على السرير
وجت واحده كانت عاوزه تضربنى بالسكينه
ومسكنا فى بعض،
بس انا وقعت ومحستش بنفسى
وقومت لقيت السكينه فى يدى
وهو مضروب بيها بس معرفش
حصل ازاى
ووطت على رجل محمود
انا غريبه هنيه ساعدنى ابوس يدك
محمود بضعف.. انتى مش من مصر صح
لهجتك بتقول انك صعيديه!؟
= الشرطه وصلت وهجموا على الشقه
والشقه بقت كلها عساكر وظباط
محمود خرج من الاوضه ووراه لينا
_ ازيك يا حسام بيه
الظابط حسام.. تمام
ازيك يا اجدع محامى ايه النظام
وايه اللى حصل
فى ايه بالظبط
محمود ابتدى يحكى اللى حصل ولينا واقفه
متسمره مكانه وشبهه منهاره وعلى كلمه واحده
مش انا اللى ضربته
الظابط حسام بذهول.. هو فين القتيل ده
محمود.. اسف حضرتك عارف ان وصول الإسعاف
بياخد وقت وهو كان فى الروح وقولنا نلحقه
ودلوقتى هو فى المستشفى سيادتك
الظابط حسام.. دى المتهمه
محمود بضعف.. ايوه
الظابط حسام أمر العساكر يقبضوا عليها
بعدما ما حرزوا السكينه وخدوا البصمات كلها
لينا عينها فى عين محمود وكلها دموع
متسبنيش انا مقتلتوش
والله ما قتلته
ونزلت البوكس واتقبض عليها
محمود راح المستشفى يطمن على حاله
باسل علشان يتابع قضيه لينا
وكان كل تفكيره فيها وفى رقتها وجمالها
وانها اكيد مظلومه
وصوتها بيرن فى ودانه وهى بتقول
متسبنيش انا مقتلتوش
واتصل بالظابط حسام وطلب منه
يعامل لينا معامله خاصه وخصوصا ان شكلها يدل
انها بنت ناس وهو عنده خلفيه عن المجرمين
ويعرفهم كويس
وان لينا مش منهم
وبعد ما قفل معاه
خرج الدكتور المتابع لحاله باسل
وكان تقريره انه اضرب جمب قلبه ومضروب
على راسه
واللى نقذه انها كانت طعنه واحده جمب القلب
بس الطعنه كانت عميقه ومحتاج عمليه
الام.. باسل كويس يا محمود
محمود.. ان شاءالله هيبقى كويس هو دخل العمليات دلوقتى
محمود.. هى مين لينا دى يا خالتى
وعرفتوا منين انها اللى ضربت باسل
الام.. يا حبيبى يا باسل 😭😭😭
ضحى.. لينا دى تبقى مراته
محمود بذهول.. هو باسل اتجوز
امتى؟
ضحى.. اه ما انت من يوم المشكله
وانتم متخاصمين ومتعرفش عنه حاجه
باسل المفروض انه خاطب والجوازه دى
احنا منعرفش عنها حاجه
محمود.. ازاى مش فاهم
ضحى.. اه والله زينا زيك بالظبط
لما يقوم بالسلامه ابقى اسأله انت
محمود.. ان شاءالله
= الام وضحى قاعدين مستنين خروج باسل
من العمليات
ومحمود قاعد بيفكر فى لينا وازاى مرات باسل
وليه ضربته بالسكينه
وبعد ساعتين باسل خرج من العمليات
على غرفه العنايه المركزه
لحد ما الحاله تستقر ويعدى عليها 24 ساعه..
فى قسم الشرطة..
لينا قاعده مستنيه مصيرها
وبتدعى ربنا ان باسل يعيش ويبقى كويس
وبصت حواليها وكان احساسها انها لوحدها فى
بلد غريبه عنها
وشافت عسكرى وطلبت منه فون
تعمل منه مكالمه
فى دخله المحامى محمود..
لينا بلهفه.. استاذ محمود
باسل عامل ايه اتكلم وبقى كويس
محمود.. اكيد لأ هو فى العنايه
يا مدام وبعد 24 ساعه لو حالته استقرت
النيابه هتطلب التحقيق معاه وان شاء الله
يدل على اللى ضربه بالشكل ده
لينا.. ممكن تليفون
محمود.. اتفضلى
لينا مسكت الفون واتصلت ب عمتها فتنه
فى الصعيد...
القصر كله حزن على موت الجده
وهيب بيعيط على فراق امه
وطلع تصريح الدفن
وفارس وابوالوفا موجودين لحضور الجنازه
فون فتنه بيرن وكانت عملاه سايلنت
لينا زهقت بعد كذا اتصال
واتصلت ب چود اختها
لأنها كانت احن واحده عليها
وفعلا چود رددت وكانت بتعيط
لينا.. چود انا اختك لينا
الحقينى قولى لابوى يلحقنى
بلغيه انى متهمه فى قضيه قتل
چود بتعيط ومن صوت الصراخ فى القصر
مسمعتش وقفلت لانه رقم غريب ومهتمتش
فتنه.. كله منك يا لينا
ياريت كنتى انتى
جليله.. يا حبيبتى يما هتوحشينى والله
سليم قرب من چود
.. بت انتى
_ نعم يا سليم 😭
.. كنتى بتكلمى مين دلوقت
_ ده رقم غلط
فى قسم الشرطة...
بعد ما لينا قفلت مع چود
يارب تبلغ ابوى علشان يلحقنى من المصيبه دى
......
محمود.. كويس انك بلغتى حد من أهلك
لينا بحزن.. اه كويس
وقعدت مكانها وهى بتعيط
= وبعد يوم كامل باسل خرج من العناية
وكانت حالته مستقره
ولما النيابه طلبت تحقق الدكتور رفض
وقال بعد يومين ممكن يحققوا معاه
........
فى مستشفى..
دنيا حالتها بتسوء كل لما تفتكر انها قتلت باسل
وفى نفس الوقت لسه متعرفش اى اخبار
........
وبعد مرور يومين...
الام وضحى فى المستشفى جمب باسل
محمود بيتابع حاله باسل
والتحقيق مع لينا وبعد ما خبير البصمات
طلع تقرير بإن السلاح المستخدم عليه بصمات
لينا..
بس محمود كان عون وسند ليها وجمبها
فى شدتها وكأن ربنا بعته نجده ليها
كان مهتم بيها جدا بأكلها وملابسها
وطول الوقت مكانش بيسألها عن تفاصيل
علشان متضايقش منه
اما لينا مستنيه ان باسل يفوق ويتكلم
ويظهر برائتها ويطلقها وتمشى خالص
رغم أنها متعرفش انه اضرب وهو نايم
والله اعلم بقى شاف دنيا ولا لأ
القضيه صعبه على لينا والدليل مع دنيا
وضحى...
وطبعا ضحى اتلهت فى باسل ونسيت
دنيا والشنطة دليل براءه لينا
وكل إللى تعرفه ان لينا قتلت اخوها
وخرابه بيوت ومستبعده دنياه خالص
لسوء حالتها النفسيه وطبعا ده كلام الدكتور
اما چود مهتمتش بالرقم اللى اتصل بيها
لما لينا كلمتها ومش عارفه اى حاجه عنها
كل اللى تعرفه انها اتطردت هى وباسل من القصر
اما ابو الوفا وفارس وعائلته رجعوا مصر..
لينا بتكلم نفسها فى الحجز..
كده يا ابوى بنتك تهون عليك 😭😭😭😭
بنتك بنت الاكابر مرميه فى الحبس
وانت سايبها زى المقاطيع
انا عارفه انى غلطانه بس مش بيدى
انا اغتصبت وانا متخدره
وكان لازم اتجوز اللى اسمه باسل ده
كله منه
ربنا ينتقم من الظالم
...........
وجاءت اللحظه الحاسمه
وان النيابه طلبت لينا علشان تواجهه
باسل فى المستشفى
علشان يشوفها بعد ما حققوا معاها وعرفوا انها
مراته بس مفيش دليل
لان القسيمه كانت لسه مطلعتش
وده فى حد ذاته كان تشكيك فى أقوال
لينا وانه مش زوجته
وان الام اتفجأت بزواجه وكذبت لينا
= لينا وصلت المستشفى
وكان معاها الحراسه ووكيل النيابه
ومحمود كان متابع معاها
ولما دخلت غرفه باسل
كان نايم على السرير وراسه متربطه
وكيل النيابه طلب منه يشوف لينا
ويقول انها هى القاتله ولا لأ
وهل هى زوجته وعلى ذمته
ولا لأ
بس باسل كان ساكت
ودخلت عليه لينا
ولما سألها وكيل النيابه ده زوجك
لينا جريت عليه
باسل حمدالله على السلامه
قولهم انى مضربتكش بالسكينه
ابوس يدك قولهم مين اللى عمل فيك أكده
باسل بذهول.. انتى مين وبص لظابط
وكان محمود واقف..
انا معرفهاش يا فندم انا اول مره اشوفها.
لينا.. بتقول ايه انا لينا مراتك يا باسل مش فاكرنى
باسل.. ابعدى عنى يا بنت انتى
والله يا فندم انا اول مره اشوفها..
لينا.. روحت فى داهيه خلاص😭😭😭😭
يتبع...
تن تن تن تن تن البارتين خلصوا يا حلوين 💜💜
وطولتهم جدا علشان خاطركم 🤗🙈
انا عاوزه اكمل الروايه قبل رمضان ان شاء الله
بس علشان أكملها لازم حظر اللينكات يتفك
لاستمرار النشر 👍🏼 وده هيتم بالتفاعل ثم التفاعل
تابعونى ب 20 ملصق 🔖 علشان يوصلك اشعار الجزء السادس
انا نزلت جزئين علشان خاطركم 🤗
.#الجزء_السادس_والسابع
= قدام وكيل النيابه باسل قال انه ميعرفش لينا
وقفت مكانها مش مستوعبه انه ينكر
محمود.. باسل معقول انت متعرفش مراتك
باسل.. هو انت مين؟
محمود.. انت مش عارفنى ولا ايه
انا جارك وصاحبك محمود
هز راسه ب لأ
انا اول مره اشوفك
وكيل النيابه.. اخر مره هسألك يا استاذ باسل
وشاور على لينا
= انت تعرفها ولا لأ
_ انا اول مره اشوفها بجد معرفهاش
قربت منه وقعدت تحت رجله
.. انا لينا بتاعه الصعيد فاكر
وحياه ابوك افتكر بكلامك ده انا ممكن اروح
فى داهيه
_ يا بنت انتى عاوزه منى ايه؟!
ابعدى عنى انا تعبان ومسك دماغه
.. انت بتنكر ليه حرام عليك
والدموع نزلت من عينها
.. انت بتعمل فيا ليه أكده مره تضحك عليه
وتتجوزنى غصب وخلتنى عصيت أهلى
وفضحتهم ودلوقت عامل نفسك مش عارفنى
وقامت وقفت ومسكته بقوه
.. انت عاوز منى ايه وليه عملت فيه أكده
قولى مين وزك عليه
محمود.. مش هينفع كده الكلام ده يا مدام
ومسك ايدها بحنيه وعينه فى عينها
- انا هطلع اشوف الدكتور واسأل على حالته
وكيل النيابه.. الظاهر كده انه فقد الذاكره
تقريباً
محمود.. ثوانى طيب
وخرج بره الغرفه وكانت ضحى ومامته قاعدين
ضحى والام.. باسل كويس فى حاجه ولا ايه
محمود بلهفه.. تعالوا معايا باسل عاوز يشوفكم
الام.. بجد
= ودخلوا الغرفه وكان ماسك دماغه وبيتألم
مكان ما لينا مسكته
الام.. باسل ابنى حمدالله على السلامه يا حبيبى
ضحى.. اخويا الحمد لله انك قومت بالسلامه
وقربوا منه
باسل.. انتم مين انتوا كمان ايه اليوم الغريب ده
الام.. انا امك يا حبيبى
ضحى.. انا اختك يا باسل
باسل.. لا حول ولا قوة الا بالله انا معرفش
حد فيكم خالص انا بجد ناسى مش فاكر
حد ومسك راسه
_ صداع صداع جامد انا تعبان الصداع هيموتنى
لينا بدموع.. انا روحت فى داهيه خلاص
محمود.. انا خارج اجيب دكتور
وفعلا خرج ورجع ومعاه الدكتور
الدكتور قدم التقرير لوكيل النيابه بحاله باسل
وكانت حالته فقدان ذاكره
الام.. يعنى ابنى فعلا مش عارفنى
لينا.. يعنى هو تعبان فعلا
الدكتور.. استاذ باسل فقد الذاكره اثر الضربه
بالفازه على دماغه
وكيل النيابه.. وحالته صعبه ولا فقدان مؤقت
الدكتور.. هو مؤقت بس مقدرش احدد هترجع
امتى لازم علاج والعلاج هيكون من اهله اولا
يفكروه كتير باللى فات من حياته
يتكلموا معاه عن أحداث مهمه حصلت معاه
يروح معاهم أماكن هو بيحب يروحها
مع الوقت ان شاء الله هيفتكر بس امتى معرفش
لينا.. يا مصيبتى
وكيل النيابه للأم.. هى المدام زوجه الاستاذ باسل
الام.. بيقولوا
وكيل النيابه.. انا عاوز رد محدد مراته ولا لأ
الام.. ايوه مراته
بس انا معرفش حاجه عن الجوازه دى
وكفايه انها كانت هتموته منها لله
لينا.. والله ما عملت حاجه
كل اللى فكراه ان بنت كانت واقفه قصاد السرير
زى الشيطان وفى يدها السكينه
وقالت انتى العروسة اللى خدتيه منى
وجت تضربنى بالسكينه
انا مسكت يدها واتخانقنا مع بعض
وزقتنى واتخبطت فى الدولاب ومحستش
بنفسى غير وانا فى يدى السكينه
ضحى.. بنت مين دى يا ترى؟
لينا.. معرفش بس كانت عينها بطق شرار
ضحى.. شكلها ايه
لينا.. مش فاكره بس فى حاجه غريبه
انا اخدت بالى منها
محمود.. ايه هى قولى بسرعه
ضحى.. ايه ؟؟
لينا.. كانت لابسه فى رقبتها سلسله بحرف الB
والحرف كان كبير جدا وواضح
ضحى قالت فى سرها.. السلسه دى كانت هديه
باسل لدنيا يوم عيد ميلادها
بس مش معقول تكون هى دى تعبانه فى المستشفى
وحالته سيئه جدا
و كمان دى بتعشق باسل
مش معقول تأذيه
ورجعت قالت لنفسها
وليه لأ ما هو اذاها واتجوز غيرها
لا لا مش معقول دنيا تعمل كده
محمود.. عرفتيها يا ضحى
ضحى بسخريه.. وانا اعرفها ازاى بتقولك
مش عارفه شكلها كل اللى تعرفه الحرف
وبسسس انا بقى هعرفها منين!
........
= بعد ما وكيل النيابه خد اقوال باسل
أمر العساكر تاخد لينا على البوكس
لينا.. منك لله يا باسل
الام.. يلا يا قتاله القتله من هنا
إعدام ان شاء الله
ضحى.. ماما لو سمحت اسكتى
إعدام ايه واخويا عايش وزى الفل
لينا خارجه مع العساكر وعينها على محمود
.. انا مظلومه متسبنيش انا لوحدى فى البلد دى
وخرجت معاهم وهى منهاره من أقوال باسل
الام.. انا ماما يا قلب امك
باسل.. بجد انتى امى بس ازاى امى وانا اول
مره اشوفك
ضحى.. لو سمحت يا ماما اسكتى دلوقتى
وخدتها وطلعت بره الغرفه
وهما منهارين على حاله باسل
محمود قرب منه واتكلم معاه وكان بيحاول يفكره إنما باسل مش فاكر اى أحداث
وخرج محمود من غرفته وكانت ضحى
ومامتها قاعدين مستنين يطمنوا على باسل
ضحى.. محمود هو عامل ايه دلوقتى
محمود.. هيبقى كويس متقلقيش
بس هو مش فاكر حاجه خالص
انا حاولت اتكلم معاه ولكن معرفنيش
الام.. يا حبيبى يا ابنى
محمود.. انا هتابع حالته مع الدكتور وان شاء الله خير
بس المشكله فى البنت اللى هتروح هدر دى
انا حاسس انها بريئه
ضحى بتلقائيه.. اه بس لو اللى فى بالى طلع صح
هتبقى بريئه
محمود.. انتى تعرفى حاجه
ضحى.. لا لا معرفش انا بس بقول انها
شكلها ميقتلش ابدا
محمود قال فى سره.. الظاهر كده ان ضحى تعرف
حاجه ومهمه كمان وخايفه تقول
محمود.. هستأذن انا محتاجين اى حاجه
علشان بس عندى شغل كتير فى المكتب
وعينه فى عين ضحى...
.. بقولك معاكى رقمى يا ضحى
_ لا مش معايا
.. طيب هاتى رقمك انا هكلمك علشان
اطمن ع باسل
وفعلا خد رقمها واستأذن ومشى
الام.. يااه لو الواد ده يقع فى قرعتك
شاب زى القمر ومحامى وسمعته سبقاه
ضحى.. نفسى يا ماما بس النصيب بقى
.....
فى القسم..
= وكيل النيابه امر باستمرار حبس لينا
اربع ايام على ذمه التحقيق
لينا قاعده فى الحجز وبتعيط على اللى جرالها
وبتفكر فى عيلتها فى الصعيد
.. معقول ابوى يعرف انى مسجونه
وواقعه فى ورطه ويسبنى أكده
...
محمود اشترى أكل وراح القسم يطمن على لينا
وطلب يقابلها علشان يفهم منها شويه تفاصيل
وفعلا لينا قابلته وقعدت معاه
.. هو انتى اسمك الحقيقى لينا
_ انا اسمى لينادرا وهيب ابو العلم
ماما يونانيه بس بابا مصرى وصعيدى كمان
.. ازاى اتجوزتى باسل؟
_ قبل ما اتكلم ممكن سؤال
.. طبعا اتفضلى
_ انت ازاى صاحب باسل وهدافع عنى
انا عرفت انك كمان جارهم يعنى المفروض
تقف معاه هو مش انا
.. انا بقف مع الحق وبس
ومن الواضح انك بريئه مستحيل اللى زيك
يقتل ابدا
انا محامى يا مدام ودى طبيعه شغلى
_ ياريت تعرف مين القاتل بسرعه
علشان انا تعبانه هنيه
مش طايقه المكان ولا طايقه حتى نفسى
ابوس يدك خلصنى
.. وعد منى يا لينا الزياره الجايه تكونى بره
السجن والقاتل مشرف مكانك
_ يارب
.. انتى اتجوزتى باسل ازاى ممكن تحكى معايا
كل حاجه
وابتدت لينا تحكى ل محمود كل اللى حصل
من يوم الفرح لما شافت باسل واغتصبها
لحد ما اتهمت فى قتله
محمود.. ياااه كل ده حصل فى الوقت البسيط
ده وكمان انتى متعرفيش باسل
من الأساس
_ والله ما اعرفه حتى لما خدنى على بيتهم
كان بيكلمنى بطريقه غريبه
لدرجه انى شكيت فى قواه العقليه
.. من كلامك معايا انك كنتى مخطوبه لفارس
صاحب مصانع الفوم
اللى بيشتغل عنده باسل
يبقى اكيد فى لينك بينهم بس محدش يعرفه
عموما انا هعمل كل جهدى لحد ما تعدى الازمه دى
على خيررررر
.. انا حاسه ان ربنا بعتك نجده ليه
انا عمرى ما أذيت حد يا استاذ محمود
ياريت تقف جمبى وتساعدنى والدموع نزلت
من عينها
فون محمود رن وكانت ضحى
رد عليها بلهفه.. مش كان الرقم مش معاكى
ضحى.. ده كلام قدام ماما وبس
محمود عينه فى عين لينا
وفى نفس الوقت بيكلم ضحى..
انتى فين؟
ضحى.. لسه فى المستشفى
محمود.. عاوز اشوفك
ضحى.. ماشى
انا هخرج دلوقتى اوصل ماما عند خالته
وهعدى عليك فى المكتب
محمود.. هستناكى باااى
وقفل معاها وودع لينا ومشى لما الزياره انتهت
لينا دخلت الحبس وكانت مضايقه
من مكالمه محمود
_ شكله مرتبط وبيحب كمان
يا بختها اللى من بخته
راجل صح
فى الصعيد..
چود قاعده فى الصالون مع مامتها وماسكه الفون
وفاتحه فيس بوك
وشافت خبر نازل اعلان قناه يوتيوب بصوره لينا
#عروسه_حاولت _تقتل_ عريسها_ ليله_دخلتها
والسبب مجهول
نقف بقى كده لحظه واحده ✋
الجزء السادس خلص تنزلوا تعملوا كومنتات الأول
علشان ده دعمكم ليه احبايييب قلبى
وحظر اللينكات يتفك بليز انا عاوزه تفاعل بجد
❤️ 🙏 علشان اقدر انزل لينك المدونه
وبعد ما تعملوا الكومنتات تتفصلوا تكملوا
هااااااانت
#الجزء_السابع
= چود لما شافت الخبر قامت جرى على عمتها
فتنه وبلغتها
فتنه.. يا مصيبتى لينا بت أخوى محبوسه
چود.. ايوه يا عمه انا متأكده الخبر نازل
على الفيس وافتكرت الرقم اللى كلمها
.. يبقى لينا هى اللى كلمتنى يا حبيبتى يا اختى
انا لازم ابلغ ابوى علشان يتصرف
فتنه.. لاه بلاش وهيب دلوقت
انا عارفه أخوى كويس ده شايل منها
وصعب يصفى عموما عاوزاكى تسكتى
خالص وانا هتصرف
چود.. حاضر يا عمه وخرجت وسابتها
= وهيب قاعد فى اوضته والدنيا واقفه
بعد غياب اعز اتنين عنه لينا وامه
وبيكلم نفسه..
.. خلاص الحضن الحنين راح وحشتينى يما
وانتى كمان يا لينا حضنك وحشنى يا قلب ابوكى
لاه لينا ماتت خلاص واللى مات مبيرجعش ابداً
الفون رن وكان شغل
الباب بيخبط وكانت فتنه
.. وهيب اخبارك ايه
قفل الفون
_ انا كويس وقام من مكانه
.. الموت علينا حق يا ولد ابوى
والحاجه كان مسيرها تموت وكلنا هنموت
والأمر لله وحده
_ انا حاسس انى مش قادر استحمل فراقها
يا فتنه
.. معلش يا أخوى احمد ربنا انها ميته راضيه عنك
_ امى اتقتلت يا فتنه وبيد مين
بيد بت ابنها لينا
إنما متقوليش ماتت علشان هى اتقتلت
فتنه قالت فى سرها.. يا نهار اسود
انا مش هتكلم معاه دلوقت غير بعد ما يهدى
.. المهم انت كويس يا أخوى
_ الحمد لله
.. طيب يا حبيبى انا هسيبك تنام شويه
وانا كمان هروح انام
وخرجت من الاوضه وهى فى حيره تقول
ما بين انها تحكى ولا لأ
.......
فى مصر..
فى حى البساتين فى مكتب محمود
= محمود وصل المكتب وقرر انه يلعب على
ضحى لما حس انها تعرف حاجه ومخبيه
ولما وصلت قابلها غير العاده بكل حب واهتمام
ضحى.. معقول انت محمود اللى كان رافضنى
محمود.. انا عمرى ما رفضتك
بس كنت خارج من قصه حب فاشله
وخوفت أظلمك
ولما شوفتك النهارده حسيت انك وحشانى
ضحى.. بجد يا محمود
.. ايوه بجد ❤️ 💔
_ يعنى هتخطبنى
.. اه بس بعد موضوع باسل لما يخلص
على الاقل لما الذاكره ترجعله يشوفنى
وقفت جمبه وجدع وخدت حقه
ويوافق بسرعه ع جوازنا
وينسى المشاكل اللى بينا بقى
_ عندك حق بس عاوزه اقولك حاجه
.. قولى خير
_ البت اللى اتجوزها دى انا حاسه انها ملهاش
يد فى الموضوع ده وخصوصاً
لما قالت إن فى واحده كانت عاوزه تموتها
انا صدقتها بجد
.. ليه ؟ انتى تعرفى البنت دى! ؟
ضحى قعدت على الكرسى ولفت بيه لفه طويله
_ أصلها قالت حاجه ودليل انا واثقه منه كويس
قالت إن البنت لابسه سلسله فيها حرف ال B
فى رقبتها وكان الحرف كبير
.. طيب ومال السلسه بالموضوع
_ ايه يا متر وانا اللى بقول عليك شاطر
الحرف ده مش بيفكرك بحاجه
.. مش فاهم؟
_ الحرف ده بتاع باسل اول حرف من اسمه
وانا كنت عامله السلسه
دى عموله عند الجواهرجى هديه عيد ميلاد
دنيا خطيبته وانا شكيت فيها انها هى البنت
المقصوده
قرب منها بخضه.. معقول عارفه كل ده يا ضحى
وساكته!؟
_ اللى مسكتنى ان دنيا من يوم فرحها
على باسل والبومبه اللى خدتها وهى تعبانه
فى المستشفى
نفسيتها تعبانه ده حتى الدكتور قالى انها
عاوزه علاج نفسى وداخله فى حاله اكتئاب
.. بومبه ايه دى؟؟؟
= وابتدت ضحى تحكى بالتفصيل عن خطوبه
دنيا وباسل واللى حصل لحد ما لينا وصلت معاه
على بيتهم
.. يعنى باسل كان خاطب وانا معرفش
_ ايوة ما انت ع طول مسافر يا محمود
.. شغل يا ضحى بقى وكمل كلامه
يبقى اكيد هى وده دليل قاطع
على عملتها الغيظ والغيره والفضيحه اللى حصلت
لها قدام أهلها والناس
كافى انها تنتقم من باسل
_ بس هى متعرفش انه اتجوز
.. بس اتفضحت قدام الناس لما باسل محضرش
ومستحملتش وحاولت تنتحر
بصى انا عاوزك تروحى المستشفى شوفى حالتها
ايه وعامله ازاى دلوقتى
وكمان اتكلمى معاها وحاولى تعرفى منها اى حاجه
ماشى
_ حاضر انا لازم اروح انا نسيت شنطتى هناك
هروح بحجتها لان بصراحه من يوم تعب
باسل وانا اتلهيت عنها خالص
وبعد ما خلصوا كلام
نزلت ضحى على المستشفى وكانت مستعجله
ولما وصلت عرفت ان دنيا خرجت ورجعت بيتها
واتصلت بيها بس مردتش
وبعد يومين...
وطبعا كان محمود بيكلم ضحى فون طول الوقت
علشان يسيطر عليها وتساعده فى براءه لينا
وطلب منها تروح لها البيت
وفعلا ضحى راحت لها البيت
ولما طلعت ودخلت مامت دنيا قابلت ضحى
بطريقه مش كويسه
ضحى حاولت تعتذر على اللى حصل من باسل
وطلبت تشوف دنيا
ودخلت عليها اوضتها
وكانت قاعده على السرير
وقابلت ضحى كويس لأنها عارفه ان ملهاش ذنب
وبعد ما اتكلموا ضحى لاحظت انها متجاهله تعرف
اى اخبار عن باسل
بس طريقه كلامها كان فيها حاجه مش مفهومه
وطلبت منها الشنطه وخدتها ومشيت
ولما نزلت اتصلت ب محمود وحكت كل اللى حصل
وقفل معاها وضحى روحت ع بيت خالتها
وبعد ما روحت وغيرت هدومها فتحت الشنطه
واكتشفت ان المفتاح مش موجود
واتصلت بمحمود وقالتله ع موضوع المفتاح
قبل ما تسأل دنيا
وبخبرته عرف ان دنيا هى اللى قامت ب الجريمه
وطلب منها متكلمهاش غير لما يطلب منها
وهنا بقى محمود راح النيابه وطلب سؤال
دنيا خطيبته وخصوصا انها قامت بالجريمه
بدافع الانتقام وكمان مفتاح الشقه
مش موجود فى شنطه ضحى واكيد هى اخدته
وطبعا بعد ما قال
كل اللى يعرفه لان مكانش عارف ان باسل خاطب
وفعلا وكيل النيابه استدعى دنيا
ولما راحت النيابه واجهت ضحى وقالت
لها ع موضوع المفتاح وشدوا مع بعض
ومحمود طلب لينا علشان تشوف دنيا
وفعلا شافتها وعرفتها وجريت زى الأطفال
على السلسه فعلا الغريق بيتعلق بقشايه
بس دنيا انكرت كل حاجه
وقالت إنها كانت فالمستشفى وياريت يسألوا
قبل ما يتهموه الناس ظلم
وهنا محمود قام بدوره صح وطلب ياخدوا
بصمات دنيا وتم
وبعد ما خدوا البصمات تطابقت مع البصمات اللى
على الفازه وانهارت دنيا واعترفت بكل حاجه
وانها سمعت ضحى وعرفت ان باسل اتجوز
ولما ضحى مشيت نسيت الشنطه خدت المفتاح
ولما سألوها
عليه قالت إنها رمته
وتم الإفراج عن لينا
والقبض على
دنيا بتهمه القتل عمداً
.....
وظهرت براءه لينا 😍
= وبعد ما خرجت من القسم..
_ الحمد لله والشكر لله شكرا يا استاذ محمود
انا مش عارفه اقولك ايه
.. الشكر لله وحده الف مبروك
_ الله يبارك فيك
.. تحبى اوصلك ع فين
_ انا معرفش حد هنيه غير باسل وبس
.. باسل مش فاكرك يا لينا
_ وهعمل ايه دلوقت
.. نروح المستشفى لباسل ونشوف حل معااه
_ ياريت مع ان مش طايقه اشوفه
= وخد لينا وطلع بعربيته على المستشفى
ولما وصلوا طلعوا على غرفته
وحاول محمود يتكلم معاه
وقاله ان دنيا هى اللى عملت فيك كده
بس هو مش فاكر حاجه خالص
ضحى وصلت تطمن على باسل
وشافت لينا واقفه مع محمود
والغيره دبت فى قلبها
ضحى.. مبروك يا عروسه
مع ان مفكرتش لحظه ان دنيا هى اللى تعمل كده
بس الحمد لله
شكرا ع تعبك معانا يا متر
ومسكت لينا من ايدها
.. جوزك خارج النهاردة يلا تعالى معانا
محمود.. ع فين
ضحى.. ع شقه جوزها
محمود.. يا بنتى باسل تعبان ومش فاكر لينا
ضحى.. لما يشوف القمر دى مش هيتعب
محمود واقف ومتجنن
والغيره بانت ع وشه
لينا.. انا عاوزه اتطلق
ضحى.. جوزك تعبان يا حبيبتى ولازمه خدمه
لما يقوم بالسلامه يبقى يطلقك
والست الاصيله المفروض تقف جمب جوزها
فى محنته وواضح كده انك بنت أصول
ماشى يا حلوه انا هروح اخد اذن خروج باسل
وارجع لكم
لينا.. يا مصيبتى انا مش عاوزاه اتصرف يا استاذ
محمود
محمود.. ده جوزك يا لينا
عموما هو تعبان روحى معاه دلوقتى
وبعدين نتكلم هو كده كده زى عدمه
لينا.. متسبنيش
محمود.. عمرى ما هسيبك وطلع كارت مكتبه
.. خودى يا لينا ده تليفونى ابقى كلمينى ضرورى
_ حاضر
وخدته منه بسرعه
= باسل خارج فى ايد ضحى وسلمته ل لينا
وركبوا عربيه محمود وطلعوا ع البساتين
بس ضحى قالت يروح ع مصر الجديده
شقه باسل بتاعه الزوجيه
وان مامتها قاعده هناك لان شقه البساتين
بعد الجريمه محدش راح فيها
محمود غيران ومضايق ولينا نفس الوضع
لينا مسكت ايد باسل وطلعت معاه
على الشقه وكانت مامته قعده مستنياهم
ولما شافته حضنته وبقت تعيط
لينا واقفه مكسوفه
اما باسل كان مذهول ومش عارف حد
الام.. المطبخ قدامك اهو يا عروسه ابنى
ادخلى اعملى لقمه لجوزك خليه يفرح بيكى
كدة
لينا.. لقمه
الام.. ايوه لقمه
لينا دخلت المطبخ ومش عارف تعمل فيه اى
حاجه وخرجت
.. يا طنط انا مش عارفه حاجه فى المطبخ خالص
_ عندك كل حاجه فى التلاجه
اعملى حتى سندوتشات وخلاص
لينا دخلت وهى بتبرطم
.. ايه الغلب ده يارب انا غريبه وحاسه انى مش.
واهلى ولا ده جوزى
وفتحت التلاجه وابتدت تتعامل
فى نفس الوقت ضحى ودعت محمود وطلعت
ودخلت المطبخ وفتحت الكاتيل وعملت شاى تقيل جدا
لينا.. انا بعمل سندوتشات شاى ايه دلوقت
ضحى.. معلش اصل عاوزه انام وتعبانه وحاسه
انى دماغى تقيله وعاوزه كوبايه شاى
وخرجت وسابت لينا فى المطبخ
وطلعت برشام وحطته فى الشاى من غير ما حد
يشوفها
وخرجت وخدت باسل من ايده ع اوضه النوم
وحطت الشاى جمبه
هى عارفه ان باسل بيعشق الشاى
ومتأكده انه هيشربه
وفعلا شربه ودخلت خدت الكوبايه وغسلتها
ودخلت اوضتها نامت
اما لينا عملت السندوتشات وخرجت وحاسه
انها مش مرتاحه
الام.. انا داخله انام بس ونبى قبل ما تنامى
ابقى امسحى الشقه وروقيها هى مفيهاش
حاجه بس انا بحب النضافه
وياريت السلالم كمان وسابتها ودخلت
لينا.. انا اعمل أكده
ده انا برنسيسه فى قصر ابوى
ودخلت وفى ايدها السندوتشات وسابتها
على الكومود وسألت باسل انت عارفنى ولا لأ
.. انا اول مره اشوف يا اسمك ايه
_ انا أسمى لينا
.. يا لينا
_ انا عاوزه منك كلمه واحده بس
.. ايه هى ؟؟؟
_ قولى انتى طالق وخلصنى
باسل بتجاهل.. انا جعان اوى
لينا بقرف.. الأكل قدامك
= باسل خد سندوتش واحد بس
والفون رن وكان فارس ولما لينا رددت عرفت صوته
وقفل فى وشها بسرعه
مسكت الفون وجت تتصل
وفجأه باسل حصله حاجه غريبه
قلع التيشيرت وقام قفل باب الاوضه بالمفتاح
لينا.. انت بتعمل ايه
باسل.. مش انتى مراتى
وقرب منها وكان بيتهجم عليها
لينا.. بتعمل ايه يخربيتك
ورماها على السرير ونام فى حضنها
وهى بتقاومه
وفلتت منه وبقت تصوت بس
شدها عليه والتهم شفايفها...
تن تن تن تن تن البارتين خلصوا يا حلوين 💜💜
وطولتهم جدا علشان خاطركم 🤗🙈
انا عاوزه اكمل الروايه قبل رمضان ان شاء الله
بس علشان أكملها لازم حظر اللينكات يتفك
لاستمرار النشر 👍🏼 وده هيتم بالتفاعل ثم التفاعل
تابعونى ب 20 ملصق 🔖 علشان يوصلك اشعار الجزء
#الجزء_الثامن_و_الجزء_التاسع
= والتهم شفتيها وكان غير طبيعى بالمره
-من وراء الباب
ضحى واقفه بتتسنط عليهم ومش سامعه اى
صوت وكانت بتكلم نفسها
_ اكيد الحبايه اشتغلت وعملت مفعول معاه
وبكده يقدر يعمل معاها علاقه وممكن تحمل منه
فى اى وقت
علشان انا حسيت ان محمود معجب بيها
لازم ابعدها عنه بأى شكل
وطبعا تفكير ضحى ان باسل فاقد الذاكره
وحالته سيئه ومش هيفكر يقرب من لينا
وهى كانت لازم تتصرف بعد ما حست ان محمود
قرب منها وغير معاملته معاها
فى الاوضه..
لينا بتحاول تبعد عنه وهو بيحاول معاها
ومش حاسس بنفسه
الفون رن وباسل اتخض من صوته وبعد شفايفه
عنها
قامت جرى من جمبه ووقفت عند الباب
حاولت تفتحه معرفتش
باسل مسك الفون ولما رد كان رقم غلط
لينا.. طلقنى يا باسل وسبنى امشى من هنيه
انا مش حملك خالص
باسل.. انا تعبان بجد ودماغى تقيله
مش المفروض انتى مراتى
ساعدينى
لينا.. مراتك بالغصب بقولك طلقنى وريحنى
من اللى انا فيه
باسل جسمه عريان ونام على السرير وايده
على دماغه وعينه فى السقف
وبص على يمينه وشاور بإيده لينا
لينا واقفه عند الباب خايفه منه ومرعوبه من اللى
عمله وقعدت على الأرض وهى بتعيط
باسل وهو عينه عليها راح فى النوم من التعب
لينا نامت مكانها على الأرض لا حول ليها ولا قوه
- وراء الباب
ضحى واقفه بتكلم نفسها وبردوا مفيش صوت
حاولت تخبط بس اترددت وبصت من الخرم
ومفيش حاجه باينه
الام بدهشه.. ايه ده يا ضحى انتى واقفه كده
ليه
ضحى.. عادى يا ماما كنت رايحه الحمام
الام.. حمام ورا باب اوضه اخوكى
يا نهارك مش فايت ده لو شافك هيقطعك
ضحى.. مين ده يا ماما باسل
هو حاسس بحاجه ده مش دريان بنفسه
ولا فاكر حتى اسمه ده نسينا يا ماما
الام.. انتى شمتانا فى مرض اخوكى يا بت
ضحى.. لا والله هو انا ليه غيره انا بس بقولك
انه تعبان وبعدين انا واقفه بطمن عليه
وكنت بشوفه عاوز حاجة ولا لأ
الام.. اه قلبك عليه اوى يا اختى
يلا يا بت قدامى ع اوضتك
ضحى.. حاضر
= ودخلوا على اوضتهم علشان يناموا
وفى صباح اليوم التالى..
الباب بيخبط ولينا اتفزعت ولما فتحت
كانت حماتها
_ صباح الخير يا عروسه
وعينها جوه الاوضه وشافت باسل نايم على السرير
لينا.. صباح الخير
_ يلا تعالى حضرى الفطار لجوزك يا اسمك ايه
انتى
- أسمى لينا
_ طيب تعالى يا لينا ورايا
وخرجت وراها ولسه هتدخل المطبخ تحضر فطار
الام.. قبل الأكل يلا نضفى الشقه
انا امبارح طلبت منك تعمليها بس شكلك كده
طنشتى
لينا.. انضفها ازاى
حماتها.. زى الناس يا لينا
وقربت منها وقعدت على كنبه الانتريه
واتكلمت بالعين والحاجب
_ بقى مش عارفه تنضفى الشقه ازاى
ده انتى حتى باين من كلامك انك من الصعيد
وانا اعرف الصعايده شاطرين ونضاف
والواحد منهم بتبقى لهلوبه
لينا.. انا مش أكده انا فى قصرنا ست البنته
وعندنا شغالين بيعملوا الحاجات دى يا ام باسل
حماتها.. قصر هو انتى عندك قصر وكمان خدامين
لينا.. اومال فاكره ايه ان انا من الشارع
حماتها.. لما انتى بنت قصور
اتجوزتى ابنى ليه وخربتى عليه
لينا بعصبيه.. ابنك ده هو اللى ضحك عليه
وجابنى هنيه
واتجوزنى غصب وخد شرفى منى
وفضحنى قدام أهلى وناسى
حماتها.. انا اعرف انك مراته وانا حماتك وبس
وبقولك يلا نضفى الشقه
واللى اقولك عليه تسمعيه فاهمه ولا لأ
لينا.. مش هنضف يا حماتى
باسل خرج من الاوضه..
لما أمه شافته.
_اه اه يا ميلة بختك فى مرات ابنك يا عديله
وبقت تمثل انها بتعيط والدموع نزلت منها
زى الحنفيه
لينا واقفه مستغربه
باسل.. فى ايه مالك يا ماما
الام.. شوفت مراتك بقولها تروق الشقه
اكمنى تعبانه والسكر عالى عليه
زقتنى يا ابنى وكان ناقص تضربنى
باسل مسك ايدها بقوه وزقها
ووقعت على الأرض وعينه فى عينها
وضربها برجله ونزل جابها من شعرها
لينا.. اوعى يدك ابعد عنى
باسل بقى يضربها بكل قوته وهى تصرخ
من ألم الضرب
الام.. ايوه كده ربيها ابن امك صحيح
راجل وسيد الرجاله
هو يسمع الكلام ده والدم يجرى فى عروقه
من تسخين امه لى
وينزل ضرب فى لينا وهى تصرخ
_ انت مش بنى آدم منك لله
منك لله انت وامك العقربه دى
باسل ماسك شعرها
- مش عاوز اسمع حسك واللى تقولك عليه
اعمليه
وبكل قوته وبأعلى صوته.. يلا خلصى
لينا منهاره وبتشهق من كتر العياط
_ اعمل ايه يا حماتى
- تنفضى الشقه كلها وتغيرى الملايات
وتكنسيها كويس بالمقشه مش بالمكنسه
علشان مش بتنضف وتمسحى السلم
الدور بتاعنا بسسس
وبعد كده حضرى الغدا
لينا بكسره.. حاضر 😭
باسل.. انا جعان
الام.. يلا ادخلى حضرى فطار لجوزك
لينا.. حاضر
ودخلت المطبخ وهى منهاره ومش مصدقه
نفسها واللى بيحصل لها
بقى لينا بنت الحسب والنسب تتضرب من واد
هى متستعناش يشتغل عندها سواق
وابتدت تجهز الفطار
وحست بألم فى جسمها ودخلت الحمام
وقلعت وشافت مكان الضرب وكان كل جسمها
ازرق
كارت محمود وقع منها وخدته
وقررت تكلمه علشان يخلصها من اللى هى فيه
وخرجت من الحمام ع المطبخ
وعملت فطار وبعد ما حضرته
كانت ضحى صحيت من النوم
وقعدوا يفطروا
ضحى.. تعالى افطرى يا عروسه
صباحيه مباركه يا عرسان
الام.. كلى وانتى ساكته
ضحى.. فى ايه يا ماما مش بطمن ع العرسان
الام.. بقولك اسكتى
باسل.. هو انا هفضل فاقد الذاكره لحد امتى
انا حاسس انى تايهه
ضحى.. انت مش فاكرنى يا قلب اختك
باسل.. بحاول افتكر بس وش ماما مألوف ليه
مش غريب عنى
لينا ابتدت تروق الشقه وهما بيفطروا
وبتكلم نفسها..
_ ليه يارب بيحصل معايا أكده
انا ايه اللى جابنى هنيه وليه
انا لينا اقعد مع الناس دى واعيش مع راجل
بلا قلب انا بكرهه
بس وحيات ابوى هوريك يا باسل الكلب
بحق ما ضربتنى بيدك دى
هعرفك قيمتك بس اخرج من هنيه
لازم اكلم محمود بس انا مش معايا فون
مفيش حل غير انى اكلمه من فون باسل
= وبعد ما خلصوا فطار وقاموا
لينا حست بالجوع وقعدت تفطر
وكلت لقمه فى السريع وقامت تروق الشقه
الام.. اوعى تنسى تمسحى السلم
لينا.. لاه مش همسح سلالم انا
الام.. بقولك امسحيه ومش عاوزه اسمع منك كلمه
لأ دى تانى
لينا.. حاضر 😭😭😭😭
فى الصعيد..
= وهيب خرج فى عز النهار وراح لأم الخير
ولما وصل لعندها ودخل عليها
ام الخير.. تعالى يا وهيب
البقاء لله تعيش وتفتكر
وهيب.. انتى يا وليه انا عاوز منك طلب
ام الخير.. قول يا وهيب بيه
وهيب.. عاوزك معانا النهارده
ام الخير.. انا بطلت من زمان يا وهيب بيه
وهيب.. مش لاقى حد غيرك
الراجل اللى مكان معانا راح فى حادثه
ام الخير.. تانى قولتلك لاه
انا بطلت يا وهيب مش كفايه اللى حصل لبتى
وهيب.. النهارده الساعه 12 بالليل هستناكى
ع اول الطريق ولو مجتيش هموتك بيدى
وقام وسابها ومشى
وخد الفرسه وطلع ع القصر وهو مضايق
لان امه لسه متوفيه وشغله مينفعش يقف
لازم ينفذه زى ما هو مطلوب
واى تأخير بموته..
فى مصر فى ڤيلا ابوالوفا..
.. خلاص وهيب وقع يا بابا ومحدش سمى عليه
_ مين قالك انه وقع الراجل لسه بصحته
ولو ع موضوع بنته فهى اتجوزت وخلاص
.. ههههههه اتجوزت بعد ما اتفضح فى البلد
كلها ده راجل صعيدى وسمعته اهم شئ عنده
ابو الوفا.. يا ترى هيقدر يكمل الشغل ولا لأ
فارس قرب منه.. انت عاوز ايه يا حج
ابو الوفا.. انا عاوز اكون لوحدى وبس
انت عارف انى زى الفريك مبحبش شريك
فارس.. هيحصل يا باشا
الفون رن وكان وهيب
ابو الوفا.. ده وهيب
ورد عليه وقاله ان الشغل هيخلص فى الميعاد
ولما قفل معاه
ابو الوفا.. ايه ده الراجل ده بسبع ترواح
بنته طفشت وفضحته وامه ماتت
ولسه بيعافر ده انا قولت هيموت بالساكته
ونرتاح منه..
فى شقه باسل..
= لينا خلصت الشقه وشافت ضحى بتكلم فون
وبعد ما قفلت قعدت مع اخوها باسل
وابتدت تفكره بحاجات حصلت ما بينهم
قبل الحادثه..
ونزلت تمسح السلم
وفكرت انها تهرب ونزلت جرى وفتحت باب
العماره وخرجت....
#يتبع
الجزء الثامن خلص ياريت الناس اللى بتابع
تتفاعل بلايك وكومنتات علشان حظر اللينكات
يتفك ساعدونى يا بشر
علشان اكمل الروايه بجد فين الناس المتابعه
فى صمت ياريت لايك وكومنتات ساعدونى
لفك الحظر بليززز 😁
لما انتم مش هتساعدونى علشان الحظر
مين بقى هيساعدنى 🙄
ده انا بنزل جزئين علشان خاطركم 🤗
انزلوا كملوا قراءه 👇
.
.
.
#الجزء_التاسع
= لينا فتحت باب العماره وخرجت
وبقت تجرى فى الشارع زى المجنونه بملابس
البيت وكان شكلها تعبان جداً
ومش عارفه تروح فين
وكان الليل دخل والشوارع هاديه جدا ومفيهاش
اى حد غير على الطريق عربيات ماشيه وبس
ولمحت بعينها كافيه
جريت عليه وكانت عطشانه اوى من الجرى
وطلبت مياه وقعدت ع كرسى بره الكافيه
خرج شاب وفى ايده كوبايه مياه وخدتها منه
بلهفه وشربتها مره واحده
وطلبت منه فون تعمل مكالمه
وفعلا خدت منه الفون واتصلت ب محمود
وقالت على مكانها وطلبت منه المساعده
طلب منها تروح قبل ما حد يكتشف انها هربت
بس هى انهارت ورفضت
صعبت عليه
وطلب منها تقعد مكانها وتطلب حاجه تشربها
وتستناه
وقفل معاها
وهى قعدت فى الكافيه وطلبت شاى
ومنتظره محمود
وكانت قاعده قلقانه ومتوتره جدا
فى الصعيد..
= ام الخير قاعده مكانها وبتفكر ازاى تخلص من
وهيب لأنها بطلت تشتغل معاه
ام الخير ست معروفه بانها عليها جن وتقدر
تكتشف مكان اى مقبره وتقدر تعرف عليها
حارس ولا لأ ولو عليها حارس
بتعرف طلباته وتبلغ وهيب وشركاه فى الشغل
وكانت بتشتغل معاه فى الاول وبطلت
فى قصر وهيب..
سليم.. عملت ايه يا بوى كلمت الوليه اللى اسمها
ام الخير دى
_ ايوه كلمتها بس قلقان وخايف منها؟
.. خايف ليه يا بوى هى مش كانت بتشتغل
الأول معاكم وعارفه الشغل كويس
_ أصلها بطلت من سنين وحلفت وقالت
ان عمرها ما هترجع لشغل ده تانى بعد بنتها
الوحيده ما ماتت
قالت إنها ماتت والسبب بتاكل من الحرام
وتشوف الطالع
وكان موت بتها عقاب ربنا ليها يا ولدى
علشان أكده خايف
.. متخافش يا بوى هى متقدرش، تكسر كلمتك
_ محدش يعرفها قدى يا ابن جليله
فى مصر..
- الكافيه..
عربيه محمود وقفت ونزل منها
ولما لينا شافته فرحت اوى وكان وشها
باين عليه الخوف والتوتر
محمود شد الكرسى وقعد.
_ ازيك يا لينا عامله ايه
.. انا مش كويسه خالص
انا كنت هموت يا محمود
_ اهدى بس يا بنتى فى ايه
اتكلمى بالراحه علشان افهم ومسك ايدها
.. فى ان مامت باسل ست مفتريه
دى مش بنى ادمه خالص
وزته عليه وضربنى وكان هيموتنى
_ ضربك
.. بقولك كان هيموتنى ده بنى آدم صعب
_ فى حاجه غلط انا حاسس ان باسل
مش طبيعى
.. انا عاوزه اطلق مش انت محامى ارجوك ساعدنى
_ حاضر
بس علشان اساعدك لازم تروحى دلوقتى حالا
قبل ما يكتشفوا هروبك
.. لاه انا مش عاوز اروح عندهم تانى
انت متعرفش حصلى ايه
ضرب واهانه وانا مقدرش ع أكده ارجوك
طلقنى منه نفسى ارتاح
= محمود قام وقف ومسك ايدها وخدها
وركبت معاه العربيه
وطلب منها تروح البيت عند باسل وكان بيحاول
يقنعها علشان يقدر يساعدها
وفعلا اقتنعت
وقالها انه هيوصلها ولو حد اكتشف هروبها
وسألها قابلته فين
تسيبه هو اللى هيتكلم
ومتردش على اى حد خالص ووافقت
ولما وصل لحد العماره كانت هاديه جدا
.. انا خايفه جدا لا تكون امه العقربه حست بهروبى
_ متخافيش
.. انت هتطلع معايا فوق
_ ايوه علشان اشوف الدنيا فيها ايه
.. لو سألوك عنى هتقول ايه
_ انا هتصرف بس انتى متكلميش خالص
.. حاضر
= ولما دخلوا العماره طلع مع لينا فوق
رن الجرس ومحدش فتح
بس محمود شاف حاجه غريبه المفتاح فى الباب
لسه بيفتح
لينا مسكت ايده
.. اوعى تفتح لا تكون مؤامره
وفى مصيبه جوه
_ سبيها ع الله وفتح ودخل
وكانت الشقه فاضيه
لينا.. اومال راحوا فين
ودخلت تدور فى كل اوضه ومكانش حد موجود
منهم
_ اكيد اكتشفوا انك هربتى وبيدورا عليكى
.. يا نهار اسود يبقى باسل هيموتنى يا محمود
- اوباااا النور قطع
.. ايه ده انا خايفه يا محمود واترمت فى حضنه
محمود حس بحضنها اوى
_ متخافيش انا معاكى
وكانت حضناه جامد من الخوف
.. انا بخاف من الضلمه جدا
محمود قرب منها ولف ايده حوالين وسطها
لينا حست بحنيته عليها
.. انا هدخل اشوف شمع فى المطبخ وحاولت تبعد
_ انا معايا ولاعه
لينا بعدت عنه ومحمود بيدور على الولاعه
وفجأه سمعوا صوت قط مخيف
لينا حضنته جامد
.. انا خايفه بجد هو فى ايه
_ متخافيش يا لينا دى قطه
.. صوتها وحش وفظيع
لمس شعرها بحنيه
٦
_ انا معاكى وقرب شفايفه من شفايفها
وحضنها والتهم وجنتيها وشفتيها بقبله كلها حب
والنور جه وهما مش حاسين غير بحضنهم لبعض
- أوبر وقف قصاد باب العمارة
ونزل منها ضحى وباسل من غير الأم
ضحى طلعت العماره ووراها باسل
وكان الباب مفتوح
وشافت لينا فى حضن محمود
الدموع نزلت من عينها
باسل شاف نفس المنظر هما الاتنين فى حضن بعض
باسل.. ايه ده يا هانم
محمود بعد عن لينا واتسمر مكانه
لينا لما شافت باسل وقعت من طولها اغمى عليها.
= فى الصعيد..
الساعه 12 بعد منتصف الليل
وهيب خرج بالفرسه ومعاه سليم ورجالته
وراح لحد المقبره
وكل واحد فيهم نزل من ع فرسته وبص فى الساعه
وكان فى غفير بيحرس المقبره
سأله ع ام الخير
رد وقاله انها مجاتش
وفى نفس الوقت أصحاب الشغل وصلوا
ومن ضمنهم جلال وكان كبيرهم فى الشغلانه
_ فين السلاح يا وهيب
.. جاهز يا جلال بيه
_ ايوة كده انا عاوزك مصحصح معانا
وترجع وهيب بتاع زمان
.. ان شاء الله يا جلال بيه
_ فين الست اللى كلمتنى عليها
انت عارف انا مسافر ومعنديش وقت خالص
وعاوزين نفتح المقبره
وهيب بخوف.. الله يخربيتك يا ام الخير
جلال.. فى حاجه
وهيب.. الست مجاتش يا جلال بيه
انا اسف ممكن بس اطلب منك تأجل موضوع
المقبرة بعد ما ترجع من السفر
جلال بغضب.. تانى انا ماشى يا وهيب
وبرطم وهو ماشى بالكلام
_ كان عنده حق ابو الوفا لما قالى انه كذاب
ومفيش دجاله ولا غيره
وقال انا كنت مصدقه
وركب عربيته ومشى
= وهيب خد رجالته ومشى وعدى ع ام الخير
وكانت اوضتها فاضيه وهى مش موجوده
- عدى الوقت وهيب خد رجالته وراح ع القصر
وطلع اوضته وهو مخنوق
فى مصر..
فى فيلا ابو الوفا..
فارس ماسك الفون وبيتصل ب باسل وكان الفون
مغلق
ابو الوفا دخل عليه
_ الشغل باظ ووهيب طلع كذاب زى ما قولتلهم
.. بجد يا بابا
_ ايوه وجلال ناوى ع نيه سوده
وكمل كلامه فارس هو انت ليك يد فى اللى حصل
لخطيبتك لينا
.. هههههه طبعا
_ يعنى باسل امين المخازن عمل كده بأمر منك
..مش بالظبط بس هحكيلك يا باشا.....
..............
فى الصعيد..
القصر منور نور خافت
وكلهم نايمين الا وهيب كان فى مكتبه
بيفكر فى مصيبته
دخلوا اتنين ملثمين ومعاهم رشاش
على اوض نومهم
وكانت اولها اوضه چود واختها
فتح الاوضه عليهم والاتنين نايمين
رفع الرشاش عليهم....
يتبع...
تن تن تن تن تن البارتين خلصوا يا حلوين 💜💜
وطولتهم جدا علشان خاطركم 🤗🙈
انا عاوزه اكمل الروايه قبل رمضان ان شاء الله
وانزل لكم الجزء الأخير بكره
بس علشان أكملها لازم حظر اللينكات يتفك
لاستمرار النشر 👍🏼 وده هيتم بالتفاعل ثم التفاعل
تابعونى ب 20 ملصق 🔖 علشان يوصلك اشعار الجزء
.#الجزء_العاشر(الجزء الأول)
انا اسفه على التأخير بس انا عندى حظر لينكات ومش عارفه انزل لينك المدونه خالص ومازلت عندى حظر بس والله علشان خاطر اللى كلمونى وعاوزين الروايه انا هنزلها علشان خاطركم وارجو التفاعل علشان الحظر يترفع واقدر اكمل نشر
انا قسمت الجزء العاشر على جزئين تمام هنزل جزء دلوقتى وبكره ان شاء الله هنزل الخاتمه 😍
ونبدأ أحداث روايتنا..
طبعا انتم فاكرين احنا وقنا لحد فين
باسل شاف لينا فى حضن محمود وفى الصعيد اتنين ملثمين
دخلوا على بنات وهيب وهيقتلوهم
#الجزء_العاشر
فى الصعيد..
وهيب فى مكتبه وفى نفس الوقت اتنين ملثمين
دخلوا على اوضه چود واختها ورفع عليهم الرشاش..
دخل عليهم سليم ورجالته ومسكوهم ونزلوا فيهم ضرب
سليم بغضب.. انتم مين يا ولاد الكلب وعاوزين مننا ايييييه.
چود.. ايه ده فى ايه يا سليم
سليم.. يا ولاد الكلب يلا قدامى
جليله خرجت من اوضتها لما سمعت الدوشه
.. فى ايه يا ولاد نهار اسود عليه وعلى سنينى
ايه ده مين دول يا سليم
_ معرفش يما
وخدهم ونزل على تحت...
جليله نزلت وراه ووراها فتنه والبنات وباين على
وشهم الخضه.
وهيب حس بصوت وخرج من مكتبه
وشاف سليم ابنه ورجالته ماسكين الرجاله الملثمه
وهيب بخضه.. ايه ده ايه ده يا سليم مين دول
يا ولدى
سليم.. معرفش يا بوى
بس انا كنت قاعد سهران انا والرجاله وشوفتهم
داخلين الڤيلا وشكلهم غريب
فى الاول قولت حراميه سبتهم يدخلوا
يسرقوا وقولت نمسكم متلبسين
ما هو الحرامى بشيلته إنما اللى حصل كان غير
أكده لقيتهم طالعين على اوضه اخواتى البنات
ولما دخلت عليهم انا والرجاله شوفتهم رافعين
الرشاش على اخواتى مسكتهم انا والرجاله
ونزلنا فيهم ضرب زى ما انت شايف أكده يا بوى
فتنه ضربت بإيدها على قلبها.. يا مصيبتى
جليله.. بناتى هى حصلت لكده يا وهيب بيه
وقربت منه وعينها فى عينه وقالت بكل غضب
مين ده اللى عاوز يقتل بناتى يا وهيب
ويحرمنى منهم
وهيب.. مش عاوز كلام يلا كلكم ع فوق
جليله.. رد عليه الاول مين ده اللى عاوز يقتل بناتى
وهيب بعصبيه.. بناتك بناتك انتى اتجننتى
يا مرى انتى ولا ايه ما هما بناتى بردك
يلا اطلعى على فوق قبل ما مد يدى عليكى
فتنه.. فى ايه يا ابن ابوى دى امهم بردك
ومن حقها تعرف مين اللى عاوز يقتل بناتها
وهيب بزعيق.. مش عاوز اسمع حس
يلا كلكم على فوق
= وفعلا فتنه خدت جليله والبنات وطلعوا
على اوضهم والرعب مالى قلوبهم
وهيب قرب من الرجاله الملثمه وشال من على
وشهم القناع بس كانوا بالنسبه لى ولسليم
ناس مجهوله
وهيب بغضب.. انتم مين؟
ونزل فيهم ضرب
وبردوا مش عاوزين يتكلموا
وبعد ما وهيب غلب معاهم طلب من سليم
ياخدهم على المخزن ويقررهم بطريقته..
فى مصر..
= لينا وقعت من طولها اغمى عليها
ومحمود وقف متسمر مكانه مش مستوعب
اللى حصل ان باسل شاف مراته فى حضنه
ضحى بدموع.. انت يا محمود تعمل كده
معقول انت انت انا مش مصدقه نفسى
ده انت صاحب باسل الوحيد لا لا مش صاحبه
انت اخوه يا جدع
_باسل ماسك دماغه ومش قادر يفتكر
حاجه ولا قادر يفتكر ان محمود صاحبه زى
ما ضحى بتقول
بس كل اللى باله حاجه واحده وبسسس
ان لينا مراته وشافها وهى بتخونه ولازم ياخد
موقف
محمود.. باسل ارجوك افهم انا ولينا كنا كنا
باسل.. كنتم ايه يا صاحبى زى ما بيقولوا
انا فاكر انى شوفتك فى المستشفى
وكنت جمبى لحد ما خرجت
بجد صدقت انك صاحبى
بس دلوقتى شوفتك فى حضن مراتى
وبان على وشه الغضب وعينه على لينا
محمود.. انا هقولك اللى حصل
النور قطع وهى كانت خايفه!.
ضحى.. هههه يا سلام النور قطع وهى كانت خايفه
اه وعلشان كده انت خدتها فى حضنك واستغفر
الله العظيم يارب مش قادره اكمل اللى شوفته
باسل بان على وشه الغضب وقرب من لينا
وضربها بالرجل فى بطنها
محمود.. ايه ده انت مجنون
وجرى عليه ومسك فيه وكان بيحاول
يدافع عن لينا
بس كان باسل أقوى منه وضربه على دماغه
وكانت الضربه قوية
وقع جمب لينا واغمى عليه...
ڤيلا ابو الوفا..
ابو الوفا قاعد فى مكتبه وباين على وشه القلق
الفون رن ولما رد كان راجل من رجاله جلال
وبلغه ان عمليه قتل وهيب وولاده فشلت
قفل بغضب واتعصب جدا
وخرج من مكتبه وطلع على اوضه فارس
وفتح الباب بقوه
فارس.. ايه ده بابا فى حاجه ولا ايه
ابو الوفا.. الزفت اللى اسمه وهيب ده انا مش عارف اخلص منه
فارس.. مش انت قولت ان جلال كان ناوى على نيه
ابو الوفا.. اه انا عرفت من رجاله جلال انه كان
هيقتله هو وعيلته كلها ونخلص منهم
فارس بلهفه.. قتل؟!
ابو الوفا.. اومال فاكر ايه ايوه قتل
فارس.. معقول يا بابا قتل!!! ؟
حضرتك قولت جلال
ناوى على نيه انا قولت هيضربه فى شغله
إنما توصل للقتل مستحيل
ابو الوفا.. فى الشغل مفيش حاجه اسمها مستحيل
فارس..بابا نفسى اعرف ايه سر العداوة بينك وبين
وهيب
ابو الوفا ب ارتباك... الشغل هيكون ايه يعنى!
فارس.. الشغل وبسسس
انا حاسس ان فى حاجه اكبر من كده
من يوم ما طلبت منى اخطب لينا غصب عنى
واقنعها انى بحبها وانا نفسى اعرف فى ايه
ما بينكم وخصوصاً لما طلبت منى افضحهم
ابو الوفا.. انا كان نفسى فضيحه من نوع تانى
مش تروح تسلط عليها حته واد وياخدها ويهرب
بيها بعد ما اتجوزها وكانت فين الفضيحه دى
ما هو اتجوزها وخلاص
علشان كده وهيب حاطط فى بطنه بطيخه صيفى
وضرب بإيده على الكرسى
عارف يا فارس انا كنت بحسب، باسل
بيحب لينا بجد لما دخل وفتح صدره قصاد وهيب
وقاله دى مراتى مفكرتش لحظه انك ورا الخطه
دى غير لما سألتك
واتأكدت منك أنك متفق مع باسل
فارس.. خطه متخرش المياه صح يا بابا
ابو الوفا.. وهى دى خطه ده اسمه عبط
انا غلطان انى اعتمدت عليك من الاول
انا قولت انك محضر فضيحه لوهيب
تكسر عينه قدام البلد كلها
إنما رايج تجوز بنته
فارس.. ومين قالك انها مش فضيحه
دى فضيحه وكبيره كمان
انت عارف ان باسل متجوزش لينا اصلا
وزمانه دخل عليها من غير جواز
ابو الوفا.. يعنى لينا مش مرات باسل معقول
فارس.. ههههههه شوفت بقى
بس قولى يا بابا ايه اللى بينك وبين وهيب يخليك تكرهه لدرجه دى
ابو الوفا.. اللى بينى وبينه يتلف بلاد
وكمل كلامه بعصبيه
هى لينا فين دلوقت
فارس.. عند باسل فى بيته اكيد
ابو الوفا.. طيب كلمه انا عاوز اشوفها ضرورى
فارس ب استغراب.. تشوف لينا
ابو الوفا.. ايوه
فارس مسك الفون واتصل بباسل..
فى شقه باسل..
محمود وقع على الأرض اغمى عليه
ولينا نفس الوضع
ضحى جريت على محمود علشان تفوقه
وقعدت جمبه على الأرض والدموع نازله
من عينها وكل إللى على لسانها
انا خايفه يكون مات يا باسل
باسل.. اخرسى ما هو لازم يموت
وهى كمان ما انتى شوفتى بعينك منظرهم
وهما فى حضن بعض
= فون باسل بيرن وكان فارس
ورد عليه وكان ناسي اللى بينهم
بس فارس كان بيحاول يفكره بالأتفاق
وهو ناسى تماما
ولما نطق اسم فارس
ضحى خدت منه الفون ترد عليه وبكل غباء
قالت بانهيار.. باسل هيروح فى داهيه
شاف مراته فى حضن صاحبه وناوى على قتلهم
وفارس سألها هما فين دلوقت؟؟
قالت فى شقه باسل
اللى كان هيتجوز فيها
وباسل خد منها الفون واضايق من تصرفها
ومد ايده عليها
وكان منظره مش طبيعى
خافت منه ونزلت جرى ونزل وراها
ولما نزلت وخرجت من باب العماره
بقت تجرى زى المجنونه وهو وراها
ولما وصلت لآخر الشارع
وطلعت على الطريق وبعد ما عدت
باسل وراها ولسه بيعدى الطريق
كانت عربيه جايه بسرعه البرق
خبطته....
وقع على الأرض سايح فى دمه
ضحى بصت وراها وشافت باسل
سايح فى دمه
ضحى.. بااااااسل 😭😭😭😭...
فى ڤيلا ابو الوفا...
فارس قفل الفون
ابو الوفا.. فين لينا ؟!
فارس.. عند باسل فى شقته انا هروح اجيبها
ابو الوفا.. روح وطمنى عليك لما توصل
وفعلا فارس خرج بسرعه وخد عربيته وطيران
على شقه باسل
ولما وصل طلع بسرعه لان عارف ان فى مشكله
زى ما ضحى كلمته
بس شاف باب الشقه مفتوح
ولما دخل الشقه شاف لينا واقعه على الأرض،
وجمبها محمود
استغرب وبقى يكلم نفسه ويقول
فين ضحى وفين باسل
وقرب من لينا وشالها ونزل بيها
وركب العربيه وطلع على فيلتهم
وفى الطريق
الفون رن وكان ابو الوفا وطلب منه
ان ياخد لينا على الڤيلا الفاضية التانيه
علشان محدش يعرف طريقها
ويزوال بيها وهيب
وفعلا سمع كلامه وراح الڤيلا التانيه
ودخل بيها الفيلا وفتح اوضه النوم فى الدور
الأرضى ونيمها على السرير
ولما حاول يفوقها فجأه لقى ايد بتمسكه
من كتفه
باسل.. ايه ده بابا
ابو الوفا.. ايه اتخضيت
باسل.. صراحه اه؟؟
بس حضرتك جيت ليه؟!
ابو الوفا.. علشان فى شغل كبير
انا عاوزك تمشى دلوقتى وبعدين هفهمك
فارس بلهفه.. طيب ولينا دى مغمى عليها
ومش حاسه بحاجه خالص
ابو الوفا.. انا هتصرف بس روح على الڤيلا
ولو حد سألك عليه قول فى شغل
انا ساعه واكون عندك
فارس.. حاضر
وخرج فارس من الڤيلا وهو مستغرب من تصرف
باباه
ولما خرج وقفل البوابه وراه
ابو الوفا عينه على لينا وقرب منها
لينا ابتدت تفوق وماسكه دماغها
اه اه اه انا حاسه ان دماغى تقيله
وبصت شمال ويمين وقالت.. محمود محمود
وشافت قصادها ابو الوفا.. ايه ده عمو ابو الوفا
انا فين وجيت اهنيه ازاى
ابو الوفا قرب منها وقعد على السرير
ومد ايده على رجليها وحسس عليها
انتى حلوه اوى يا لينا
لينا.. ايه ده انت بتعمل ايه يا راجل انت
وبقت تبعد عنه
ابو الوفا.. بحبك يا لينا وحضنها....
يتبع..
انتظرونى بكره الخاتمه
تابعونى ب 20 ملصق 🔖 علشان الحظر
انا عندى حظر لينكات ولازم يتفك علشان
اكمل نشر واخلص الروايه
يلا تفاعل 🤗 لو مفيش تفاعل محدش يسألنى اتأخرتى ليه 🤔🙄
.
تعليقات
إرسال تعليق