 |
#عوالم_الجن👿
القصة حقيقية
كام مرة تحس ان في حد معاك ف الاوضة ؟
كام مرة تقوم من النوم تلقي خرابيش وجروح علي جسمك ومن غير اي سبب ؟
كام مرة تحلم بي حلم ويتحقق ؟
كام مرة تبقا طالع علي السلم وتحس أن في حد وراك ؟
الحاجات دي بتحصل بي اسباب معينة زاي مثلآ أن البنت الي بتفضل تتكلم قدام المرايا أو مثلا تفضل تغني ف الحمام أو مثلا تنام عارية أو علي بطنها :
طبعا في بنات كتير بتعمل كده وبتقول ان الكلام ده تخاريف ومش حقيقي لكن بعد فوات الأوان البنات الي بتعمل كده ترجع وتقول يا ريتني كنت سمعت الكلام
ودي واحدة من ضمن البنات الي كانت بتغني ف الحمام وترقص قدام المرايا وتنام عارية طبعا يا جماعة انا مش هقول الاسم الحقيقي بس القصة حقيقية
في عام ( 2009 )
أنا اسمي نورهان و سني 23 سنة
خلصت الجامعة و فضلت قاعدة في البيت مستنيا ابن الحلال الي ياجي يتجوزني انا زاي بنات كتير مش بنزل الشارع الا عشان اجيب طلبات البيت غير كده انا في البيت علي طول وانا معنديش اخوات و ابويا موظف حكومي و عايشين في بيت بسيط والحمدلله على كل حال كل الي نفسي في اني اتجوز واحد محترم ومش مهم عندو الفلوس أو المستوي كل الي يهمني أن الي ياجي يتجوزني يبقا انسان شهم وطيب و محترم ومش عايزه أكتر من كده
لكن مش كل الظروف بتمشي زاي ما احنا عايزين ساعات الواحد بي يغلط وبعدها يندم علي الغلطة ويفضل ندمان طول العمر و هو ده الي انا عملتوا من غير ما احس طبعا عالم البشر وعالم الجن مع بعض و الجن موجود في كل مكان ومع الإنسان ف كل حاجة حتة التفكير والاحلام الجن مش بي يسيب الإنسان غير لم يكفر وهو ده الي الجن عايزوا :
نبدا الحكاية انا كل يوم اخش الحمام وأفضل اغني وامي تقول ليا
يا بنتي بلاش تغني ف الحمام
قولت لها
فيها أي يعني لم اغني ف الحمام يا ماما هو حرم يعني أغني ف الحمام
قالت ليا
يا بنتي الحمام مكان الشياطين ودول أهل البيت وده بتهم
قولت لها
يا ماما مفيش الكلام ده كله الكلام ده تخاريف
قالت ليا
يا بنتي صدقيني الجن مذكور في كل الديانات السماوية
قولت لها
يا ماما الجن مذكور اه. لكن مفيهاش حاجة يعني. لم اغني ف الحمام
قالت ليا
يا بنتي الجن موجود في كل مكان وفي كل بيت لي حراس والحراس دول اسمهم أهل البيت ودول مكنهم الأساسي الحمام وعشان كده قبل ما تخشي الحمام قالت اقول
اعوذ بالله من الخبث و الخباث وخشي برجليكي الشمال وانتي خارجة اخروجي بي اليمين وبلاش يا بنتي تغني في الحمام انا قولت ليكي اهو عشان لو حصليك حاجة تبقي انتي الي عملتي كده في نفسك
قولت لها
ماشي يا ماما
وبعدها روحت قدام المرايا وفضلت سرحانة وانا كالعادة بقعود قدام المرايا بي الساعات وبعدها انام.
و في يوم كنت قاعدة في البيت وكان ابويا هو الي موجود في البيت وامي نزلت تجيب طلبات لي البيت وانا وابويا قاعدين في البيت لوحدنا و انا دخلت الحمام وفضلت اغني وخرجت من الحمام وفتحت باب الاوضة بتعتي ودخلت الأوضة وفضلت قاعد علي السرير ولقيت مرة واحده النور قطع ولعت الكشاف لقيت قدامي عيون قطة و عيونها بتنور نور شديد جدآ كان النور الي طالع من عيون القطة كان اقوي من نور الكشاف رجعت لي وراء و فضلت اعيط و النور رجع ولقيت القطة قدامي ولونها اسود و عيونها بتنور بس بقا نور بسيط شوية وانا كنت واقفة علي السرير مش عارف اتحرك وخايفة جدآ و حتة مش عارفة انادي علي ابويا ومن كتر الخوف بعيط ولقيت القطة خرجت من الاوضة وراحت الاوضة التانية و انا خرجت من الاوضة بتعتي وروحت الاوضة بتعت بابا وقولت له الي حصل
وقال ليا
طيب أهدي يا نورهان متعيطيش :
وفضل بابا يدور علي القطة ومفيش اي اثر لي القطة في الشقة وبعد ساعة بابا قال ليا
يا نورهان مفيش حاجة في الشقة متخفيش يا بنتي شغلي القرآن الكريم وخليكي قاعدة انا هنزل بس نص ساعة وجاي تاني عشان في مشكلة في الشغل اخلصها واجاي بسرعة
قولت له
يا بابا متسبنيش لوحدي انا خايفة
قال ليا
يا بنتي متخفيش اقعودي و امك زمنها جيا دلوقتي متخفيش وانا مش هتاخر عليكي هي نص ساعة وجاي تاني
قولت له
خلاص يا بابا روح انت الشغل وانا هقعود ف الاوضة و اقفل علي نفسي :
وبعدها ابويا نزل وانا دخلت الاوضة بتعت ابويا وقفلت الباب وفضلت قاعدة علي السرير والسرير في مرايا قدام السرير وانا قاعدة لقيت عيون القطة في المرايا اول ما شوفت عيون القطة صرخت بي صوت عالي جدآ و لقيت القطة طلعت من تحت السرير و بتقرب عليا وانا من كتر الخوف بعيط وبصرخ ومفيش حد سمعني
والقطة بتقرب فضلت اقرأ قرآن و لقيت القطة وقفت مكنها و بصيت عليا و خرجت من الاوضة وانا قفلت الباب وفضلت قاعدة عمالة اعيط
و بعد شوية لقيت باب الشقة بيخبط قومت من السرير وكنت خايفة افتح باب الأوضة و فتحت باب الاوضة ولقيت القطة قاعدة في الاوضة التانية و فضلت باصة عليا وانا جريت بسرعة روحت فتحت باب الشقة لقيت امي اول ما امي شافتني قالت ليا
في اي يا بنتي ماليك
قولت لها
في قطة في الشقة وانا كنت عمالة اصرخ ومفيش حد سمعني
قالت ليا أهدي طيب هي فين القطة دي
قولت لها ف الاوضة بتعتي انا شوفتها جوة الاوضة وانا بفتح الباب
قالت ليا
طيب أهدي كده و امسحي و جهك وانا همشي القطة
قولت لها
خرجي القطة دي الأول من الشقة
قالت ليا
طيب حاضر :
وبعدها امي دخلت الاوضة بتعتي و شافت فعلآ القطة والقطة قاعدة في ركن البيت وقاعدة بي هدوء جدآ وامي فضلت تقول لي القطة هش هش من هنا
والقطة قاعدة بي هدوء ومش عايزه تتحرك
لقيت امي خرجت تجيب عصاية عشان تضرب القطة بصينا في الأوضة لقينا القطة اختفت
و انا و امي بقينا بندورا عليها ومش لقين القطة
وقولت لي امي
انا مش هنام ف الاوضة وهناك معاكي
قالت لي ماشي يا بنتي نامي معايا وبكرة نشوف القطة دي راحت فين ؟ :
وفعلاً نمت مع امي و تاني يوم وانا وامي فضلنا ندور علي القطة وبردو القطة مش موجودة في البيت
امي قالت لي
خلاص كده القطة مشيت من البيت وانتي بقا نامي في الأوضة بتعتك ومتخفيش انا هبقا هنا ومش هسيبك ابدان
قولت لها
لا انا مش هنام في الأوضة انا هنام معاكي
قالت ليا
يا بنتي متخفيش القطة مشيت خلاص
قولت لها
لا يا امي القطة في البيت
قالت ليا
يا بنتي ما البيت اهو ومفيش حاجة في البيت
قولت لها
انا خايفة اقعود لوحدي
قالت ليا
متخفيش انا معاكي بس سبيني انزل السوق اجيب باقي طلبات البيت وبعد كده مش هنزل تاني
قولت لها
هاجي معاكي انا مش هقعود لوحدي تاني
قالت لي
ماشي تعالي معايا :
ونزلت مع امي وروحنا السوق وكل ما اشوف قطة في الشارع امسك ف ايد امي جامد وامي تقول ليا
يا بنتي متخفيش وامسكي نفسك شوية انتي كده هتموتي من الخوف :
وبعدها انا وامي روحنا البيت و انا دخلت اغسل وشي في الحمام ولقيت في المرايا عيون لونها اسود اتفزعت من المنظر جيت اخرج من الحمام لقيت الباب اتقفل ولقيت دم نازل من المرايا ولقيت ورايا القطة فضلت تلف حوليا و بعدها القطة راحت عند شباك الحمام وفضلت قاعدة تبص عليا وانا بحاول افتح الباب ولقيت القطة طلع منها صوت غريب بصيت لي القطة لقيت القطة بتتحول لي أشخاص كتير وكلهم سوده العيون و وشهم مربع و اجسمهم غريبة جدا ولقيت دم نازل من الحيطان كلها ولقيت الأشخاص دي قربوا عليا وانا مش قدرة اتنفس او حتة اتحرك ولقيت الأشخاص دي بتقرب مني وسمعت صوت امي وهيا بتقول يا بنتي قولي اعوذ بالله من الخبث و الخباث
ولسه هقول اعوذ بك من الخبث و الخباث لقيت حد حط أيدوا علي أنفيّ و مابقتش عارفة أتنفس ولا عارفة اتكلم فقدت الوعي ولم فوقت لقيت نفسي ف الأوضة بتعتي و نايمة علي السرير ولقيت امي بتقول ليا يا نورهان يا نورهان انتي كويسة
قولت لها
اه يا ماما انا كويسة
قالت ليا
هو اي الي حصليك
قولت لها
انا مش فاكرة حاجة غير اني كنت ف الحمام ولقيت الباب مش راضي يفتح
قالت ليا
يعني مش فاكرة اي حاجة تاني
قولت لها
لا مش فاكرة اي حاجة هو في حاجة حصلت
قالت ليا
انا لقيتك اتاخرتي في الحمام وفضلت اخبط و قلقت عليكي فا كسرت الباب ولقيتك علي الأرض
قولت لها
مش عارفه يا ماما اي الي حصلي انا كل الي فاكرة اني كنت بحاول اخرج من الحمام
قالت ليا
الحمدلله يا بنتي انيك قومتي بي السلامة
وبكرة هجيب شيخ يقرأ قرآن في البيت عشان انا كدة بدأت أقلق عليكي
قولت لها
يا ماما الحكاية مش محتاجة شيخ ولا حاجة انا بس تلقيني دوخت ف الحمام ووقعت مش اكتر
قال ليا
يا بنتي بردو انتي متعرفيش انتي كنتي نايمة قد اي
قولت لها
معرفش اي يا ماما هو في اي يعني لم انام
قالت لي
يا بنتي انتي نايمة 7 ايام
قولت لها
اي نايمة 7 ايام ده ازاي
قالت ليا
انا جبت دكتور وقال انيك بخير بس عايزة ترتاحي شوية و انتي فضلتي نايمة 7 ايام وكنتي بتصحي بليل لوحدك وتخشي الحمام وانا كنت بقف واشوفيك هتعملي اي ولقيتك كذا مرة تقولي كلام غريب في الحمام وكنت شكة أن انتي فيكي حاجة غلط و فعلآ انتي فيكي حاجة يا بنتي مش طبيعية لازم نجيب شيخ يشوفيك وبعدها يحلها ربنا
قولت لها
اي الكلام ده يا ماما انا معملتش كده
قالت ليا ما ده مش انتي ده الي عليكي
قولت لها
عليا اي يا ماما انتي هتصدقي كلام الناس الدجالين
قالت ليا
يا بنتي ده مش كلام ناس دجالين ده شيطان وانتي وقعتي يا بنتي وهو عرف يسيطرة عليكي ودلوقتي انتي يعتبر لسه صاحية ومش فاكرة حاجة و السبع ايام الي فاتوا دول انتي متعرفيش انيك كنتي بتعملي حاجات غريبة لي درجة اني انا بليل شوفتك ماشيه علي الحيطة وبصتلي ورجعتي تاني علي السرير صدقني يا بنتي دة حقيقي مش تخاريف انتي مش حاسه ب حاجة
قولت لها
طب يا امي انا كده خايفة انا كده ممكن اعمل حاجة تأذيكي وانا مش حاسة بي حاجة امي ساعديني
قالت ليا
انا هنزل انا وابوكي نجيب شيخ وإن شاء الله ربنا يقدم الي في الخير
وفعلاً امي وابويا نزلوا من البيت وانا روحت عند الجيران وفضلت قاعدة معاهم لحد ما امي وابويا جوم البيت و معاهم الشيخ وطلعت الشقة بتعتنا مع امي و ابويا و الشيخ قال لي اشربي يا بنتي الميه دي
قولت لها
حاضر
وانا بشرب الميه لقيت واحد واقف ف الأوضة بتعتي و بيبتسم
ولقيت الشيخ قال لي انتي فيكي اي يا بنتي :
مردتش علي الشيخ وفضلت بصه علي الشخص الي واقف في الاوضة ولقيت الشيخ بصلي وفضل يقول اذكار و لقيت نفسي بترعش جامد ومعرفش اي الي بيحصل فيا و اخر حاجة فاكرها أن كنت قاعدة ف الصالة مع الشيخ وامي وابويا وبعدها فقدت الوعي
ولم فوقت لقيت اليشخ ربطني من ايدي ورجلي و قال لي حمدالله علي السلامة
قولت له
هو اي الي حصل
قال ليا
يا بنتي الي حصل انيك سلمتي نفسك لي الجن من غير ما تحسي وده بسبب انيك بعيدة عن ربنا و كمان يا بنتي امك قالت ليا انيك كنتي بتغني ف الحمام و بتقعودي قدام المرايا كتير وده يا بنتي بيقرب الشياطين منيك ويخليكي تفقدي الوعي وتفضلي تحت سيطرة الجن ياريت يا بنتي متعمليش كده تاني و الي حصليك ده مجرد درس صغير و تحمدي ربنا انيك لسه عايشة وبخير ومتنسيش يا بنتي الي مع ربنا ديمآ ف أمان الله والي بعيد عن ربنا ويعمل الحاجات الي انتي بتعمليها ممكن بفيضل تحت سيطرة الجن ويكفر بي الله يا بنتي انتي محظوظة أن ربنا بيحبك و من دلوقتي اوعي تسيبي الصلاة واوعي تسيبي القرآن الكريم
دول يا بنتي الدنيا والآخرة الصلاة يبارك فيكي والقرآن يحفظك من كل سوء وشر والله المستعان
يلا انا همشي واوعي تنسي كلامي :
وبعدها مشي الشيخ و التجربة دي فضلت معايا لحد دلوقتي حتة لم اتجوزت وخلفت فضلت احكي القصة دي الناس في منهم الي بيصدق وفي منهم الي مش بيصدق و في الي يخاف مني وفي الي يخاف من ربنا
و دلوقتي في عام 2021 عندي طفلين ومتجوزة الشخص الي كنت بتمناء وبردو قبل ما اتجوز قولت لي جوزي كل حاجة قبل الجواز وهو وافق وقال لي انا بحبك انتي و هفضل معاكي مهما حصل وعمري ما اخاف منيك :
و انا وافقت علي الجواز و الحمدلله بقيت احسن من الاول بس ده عشان انا لحقت نفسي قبل ما يفوت الأوان وياريت البنات الي بتغني في الحمام أو بتنام عارية أو الي بتفضل تتكلم قدام المرايا تبطل الكلام ده وتقوم تصلي وتقرب من ربنا قبل ما يفوت الأوان
يا ريت كل اب وأم تخلي بالها من الاولاد والبنات عشان ممكن في اي لحظة ابنك أو ابنتك تبقا تحت سيطرة الجن في اي لحظة. :
ياريت لو القصة عجبتكم اعملوا مشاركة عشان الكل يستفيد و متنسوش الايك 👍 والمتابعة لي الصفحة الشخصية ليصلك كل جديد
ولو قرات للآخر اكتب تم أو كمل او اذكر الله
تعليقات
إرسال تعليق