 |
#البارت الأول
هاتتأخر عليا
_اكيد لاا.. يابت دة احنا فرحنا بعد العيد يعنى بعد 3 شهور يدوب
=ارجع بسرعة
_ حاضر يانور عينى
حضنها جامد اوى حضن فيه مشاعر غريبة من الطرفين!
راح الجيش هو ظابط فى الجيش بيكلمها كل يوم ااه هى خطيبته بيحبها وبتحبه وكاتبين الكتاب
فى يوم كان بيكلمها:-
=لاء ليه
_كدا يانور
=يا مصطفى لو سمحت..
_انا قولت لاء يعنى لاء يانور
=وحياتى عندك يامصطفي بالله وافق صفاء صحبتى ولو محضرتش كتب كتابها هاتزعل
_انتى عايزة تسافرى سوهاج يانور عايزة تسافرى من اسكندرية لسوهاج انتى عارفة المسافة قد اي وانا ما اضمنش الطريق
=يا مصطفى انا هاروح انا وباقى اصحابى مش هاروح لوحدى يعنى
_ يانور والله انا خايف عليكى مش متطمن
= لا ماتخافش والله وحياتى عندك يامصطفي وافق بقاا
بتنهيدة: ماشى يانور بس وحياتى انا عندك خدى بالك من نفسك
= ياقلباااااي انت عارف انك قرة عينى ولا لاا والله تسلملى انا كنت عارفة ان حبيبى مش هايرفضلى طلب بحباااااك
ضحك: يامجنونة طب والله مجنونه هاا هاترجعى امتى
= صد رد على طول هى فرحها بكرة هانسافر النهاردة وهاكون فى البيت بعد بكرة
_ ماشى تروحى وتيجى بالسلامة يانور عينى
= اش اش اش اي الرومانسيه دى
اتنهد: بحبك اوى
قلبها دق بس المرادى بخوف: بحبك اكتر
حاول يكسر التوتر: المهم بقا عايزك تجهزيلى انا كلها اقل من شهر واكون عندك وانتى تكونى فى بيتى وتكونى بتاعتى لوحدى ونعيش مع بعض للأبد
بابتسامة= للأبد!؟
_حتى تفنى العوالم وتحترق النجوم
= مش بقولك رومانسى اوى النهارده.. عارف الشقة مقفولة من وقت ما سافرت وزى ما صممت محدش دخلها ابدا انت ليه مصمم ان محدش يدخلها
_ علشان عايز اول حد يدخلها من بعدى يكون انتى..ندخلها انا وانتى سوا
=وجهة نظر تحترم برضو ط..
قاطعها صوت حد بينادى عليه بفزع:مصطفى باشاا اللوا راضى عايز حضرتك
مصطفى:حاضر انا جاى وراك...حببتى انا مضطر اقفل دلوقتي
= ماشى ابقى كلمنى.. هاتوحشنى
_وانتى كمان ياقلبى
= لا اله إلا الله
_سيدنا محمد رسول الله
قفلوا مع بعض واحساس غريب اتملك منهم
سافرت سوهاج لفرح صاحبتها وكل شوية بترن عليه بس تليفونه مقفول خوف رهيب متملك منها ومعرفتش حتى تستمتع بالفرح ورجعت إسكندرية
عدا اسبوع وهى بترن عليه وتليفونه مقفول... » 🧡🦋
#البارت التانى
عدا اسبوع وهى بترن عليه وتليفونه مقفول..بس بس اخيرا اتفتح.. اتفتح بس هى اتمنت لو مكانش اتفتح
بعياط اول ما رد: اا..انت ليه بتعمل كدة..ليه بتعمل فيا كدة مش انا قولتلك ماتقفلش الفون ابدا حتى لو فيه حرب هاتدمر العالم..انت ليه رخ..
قاطعها صوت : لو سمحتى يا انسة اهدى انا مش صاحب التليفون
اترعبت اول مرة مايردش هو عليها دة كان بيتجنن لما رقم غريب يرن عليها وهى ترد ويطلع راجل: اا.. اومال..اومال فين مصطفى
: احم هو فى مستشفى "..." هو اتصاب كان فيه اشتباك بينا وبين الارهاب وهو اتصاب هو حا...
قاطعه صوت حاجة بتدب فى الارض:الو الو..يا انسة انتى معايا..الوو
دخلت امها تشوف اي صوت الدب دة لقيتها مرمية ع الارض
_نووور نور بنتى فى ايي قومى ياحببتى يا خاااالد ألحق اختك
دخل خالد الاوضة:فى اي يام...نور..نور مالها ياماما فى اي
_مش عارفة انا دخلت لقيتها كدة
شالها وحطها ع السرير وفوقوها
نور: مصطفى..اا..انا لازم اروح لمصطفى ف..فين تليفونى
مكانتش فاكرة حاجة من الصدمة وجابت الفون وفتحت آب التسجيل وجابت تسجيل اخر مكالمة وسمعت اسم المستشفى وخرجت من البيت جرى
خالد جرى وراها:يامجنونة هاتنزلى بشعرك
افتكرت انها بشعرها وبلبس البيت طلعت فتحت الدولاب ولبست دريس ع بيجامة البيت اللى كانت لبساها وحطت طرحة على شعرها ونزلت جرى وخالد راح معاها
طول الطريق فى العربية باصة بجمود فى اللا شئ مش بتعيط مش بترمش حتى
خالد:نور..نور انتى كويسة..لو سمحتى ماتخافيش هو ان شاء الله هايبقى كويس
ماتكلمتش لغاية ما وصلوا المستشفى اللى نقلوا مصطفى عليها من سينا مع باقى المصابين
وصلوا وهى نزلت و دخلت المستشفى بسرعة وخالد كان بيركن العربية
نور: اا.. فى مريض هنا بإسم مصطفى محمد العصامى
_ااه يافندم الدور التالت اخر غرفة فى الطرقة
طلعت جرى ع السلم حتى ماستنتش الاسانسير واول ما وصلت بصت للأوضة اللى فى اخر الطرقة.. بتقدم رجل وتأخر رجل خايفة توصل هناك لتشوف او تسمع حاجة هى مش عايزاها وخالد كان تحت بيركن العربية وعقبال ما ركنها كانت هى دخلت واختفت جوا المستشفى سأل على اوضة مصطفى وراح وراها
وهى شافت الدكتور خارج من عنده
نور برعب: هو..ه..هو اي اخباره
الدكتور: للأسف الرصاصة جت فى القلب بالظبط هم ااه خرجوها قبل ما يجيبوه هنا بس.. بس للأسف مكانها ماطهرش كويس البقاء لله
نور بتحاول تتماسك:اا..انت كداب ا..ايوة كداب..ع..على ا..اساس مفيش مستشفيات هناك علش..علشان يعالجوه
الدكتور بأسف:فيه طبعا بس هو اتنقل هنا قبل مايسعفوه هناك ويعملوله العملية بناءا على رغبته شكله كان حاسس ان ميعاده قرب
زقته بقوة وقعدت على الارض وحطت ايديها على ودانها وصرخت:بسسسسس باااااس اسكت مش عايزة اسمع صوت اسكت خااالص انت كداااب هو..هو..ع...عايش مص..مصطفى مش هايسيبنى هو كويس.. ه. هو قالى.. ان.. انه هايرجع لاا مش هاي.. هايسبنى انت كدااااب اخرس بقااا
كانت قاعدة فى الركن وضامة ركبتها لصدرها ودموعها نازلة وبتقول كلام مش مفهوم: ل.. لا مصطفى قالى انه هايرجعلى هانتجوز واول حد هايدخل الشقة هايبقى انا وهو.. ا.. احنا هانعيش فى سعادة للأبد هو قالى ك.. كدة.. م.. مصطفى مش بيكذب ابدا.. ابداا
ممرضة: هى مالها يادكتور
الدكتور: للاسف شكلها تعرف الشخص اللى اتوفى جوة
الممرضة:ربنا يصبرها يارب
الدكتور:روحى هاتى حقنة مهدئة بسرعة
الممرضة:حاضر
وفجأة نور صرخت بأعلى صوتها بإسمه: انا محتجاااالك انت ف..فين مصطفااااااااااااا
وفجأة لقيت اللى بيشدها لحضنه ...
يا ترى مين وايه اللى هايحصل ها تعرفوا فى البارت الأخير ❤️🤗
#البارت التالت والأخير
🤓❤️😇
وفجأة نور صرخت بأعلى صوتها بإسمه: انا محتجاااالك انت ف..فين مصطفااااااااااااا
وفجأة لقيت اللى بيشدها لحضنه اوى:انا جنبك ياروحى فى اي اهدى اهدى مالك يانور عينى
بصتله ودفنت نفسها فى حضنه:اا انت كنت فين ل..ليه سبتنى
وعيطت بحرقة اوى: بيقولوا انك مت الكدابين
وفجأة رفعت نفسها من حضنه ووقفت ومسكت ايده اوى خافت لتكون بتحلم
مصطفى:اهدى بس عايز اعرف مالك
نور بدموع:اا انت عايش بجد صح
مصطفى: ايوة ياحببتى فى اي
نور لفت للدكتور بقوة وعصبية وهى ماسكة ايد مصطفى:شوفت انه عايش ماكونتش مصدقنى وبتقول عليه مات
الدكتور:بس انا مش قصدى على دة انا اقصد شخص تانى خالص
نور استغربت ودموعها لسة على خدها بس مافكرتش كتير ماشغلتش نفسها بالتفكير ورجعت دفنت نفسها فى حضن مصطفى تانى وبدموع وشهقات : عارف انا كنت..ها موت كنت بموت اصلا والله انا من غيرك مش هاعيش
ضمها اوى: لو اعرف بس مالك ومين اللى وصلك للحالة دى
نور:قالولى انك مت وانى مش هاشوفك تانى
مصطفى بيحاول يهزر: طب ممكن نقعد شوية علشان زى م انتى شايفة واخد رصاصة فى كتفى ورجلى مكسورة وحالتى صعبة اوى انا مش عارف هاتجوز ازاى بعد اسبوعين
نور بخوف: انت تعبان اوى طب ي..يلا نروح المستشفى او..
مصطفى: اومال احنا فين ياهبلة
نور بدموع:ااه صح طب اقعد ارتاح
مصطفى بضحكة: طب اخرجى من حضنى الاول
نور بشهقات متتاليه:ط..طب اوعدنى انك مش هاتسيبنى
مصطفى: اوعدك ياقلبى انا مستحيل ابعد عنك
خرجت نور من حضنه ونزلوا الدور اللى تحت ودخلوا اوضة مصطفى ولقيوا خالد هناك
مصطفى: اهدى بقا وبطلى عياط واحكيلى بالظبط اي اللى حصل انا كنت قاعد فى الاوضة هنا وسمعت صوت صريخك فوق
بتحكي بدموع مش عارفة توقفها: اا انا كنت برن عليك والفون كان مقفول واول م اتفتح رد عليا واحد وقالى انك فى المستشفى جيت على طول وسألت فى الاستقبال تحت وقالولى الدور التالت اخر الطرقة طلعت "وهنا زاد عياطها" والزفت الدكتور ق.. قالى انك.. اانك..بعد الشر عليك.. مت
مصطفى بضحكة: ولما الاستقبال قالولك الدور التالت اي طلعك الدور الرابع
نور باستغراب: اي!!
مصطفى: انتى كنتى فى الدور الرابع ياهبلة قدام العمليات واللى مات دة واحد من الناس اللى كانوا معايا
نور بدهشة: انا طلعت الرابع
خالد ضحك: انتى دايما كدة عقلك ضايع منك يابقرة
ضحكت بدموع: مش عارفة والله اي دة.. ب.. بس عارف انا فى حياتى ما حسيت بوجع زى دة ابدا ابدا انا كنت.. كنت مرعوبة حسيت ان قلبى بيقف احساس ان انت ضعت منى خلانى كنت بتقطع وحسيت قلبى بيتفتفت حسيت.. حسيت انى مت روحى سابتنى بقيت جسد من غير روح
مصطفى: بعد الشر عليكي ياحببتى
نور: اوعى تبعد عنى يامصطفي ابدا
مصطفى: مستحيل يانور عيونى
«وإنى أراك بــعين قلبــى جـنة، يا مـن بــك مـر الحـياة يطـيب» 🧡🦋
#تمت
تعليقات
إرسال تعليق