 |
#خدمه_العملاء_
الوقوع_في_المحظور
( #الجزء_الاول_والتاني
...
اسمي ساره عندي 24 سنه بشتغل ف خدمة العملا ف احد شركات المحمول المشهوره ..من حوالي شهر كده اتصل بيا عميل ولحسن حظي وسوءه ف نفس الوقت كنت انا اللي رديت عليه وكانت المكالمه كالأتي
احمد : الو
انا : مساء الخير يا فندم معاك ساره من خدمه العملا اقدر اساعدك
احمد : اه لو سمحتى الرقم ده مش عارف محظور والاتصالات والبيانات وقفت خالص من عليه
انا : طب ثانيه يا فندم اشوف لحضرتك المشكله
( مانكرش انه صوته كان جذاب جدا وطريقته ف الكلام كانت حلوه بشكل يخض كل كلمه كان بيقولها كانت بتأسرني ولظروف غامضه ماكنتش حابه اقفل المكالمه بسرعه وحبيت اخليه معايا ع الخط اطول مده معينه )
ساره : اسم حضرتك احمد يا فندم ؟
احمد : اه يا قمر اسمي احمد ..الخط بإسمي
ساره : تمام .. حضرتك انا حلبت المشكله تقدر معلش تقفل تليفونك وتفتحه تاني وهيشتغل معاك
احمد : طب ولو ماشتغلش بقي .. ارجع تاني اتصل بيكو وحد غير حضرتك يكلمني ويقولي نفس الكلام
ساره : هههههههه لا ان شاء الله هتلافيه يشتغل .. وانا هنا اللي سهرانه ف الشفت بتاعي ومحدش من زملائي معايا تقدر تتثل تاني لو المشكله ماتحلتش
احمد : تمام يا انسه ساره .. مش انسه بردو ؟
ساره : اه يا فندم تحت خدمه حضرتك
احمد : تمام متشكر ..
ساره : اي خدمه تاتيه
احمد : متشكر عن اذنك
( للحظه كده حسيت انه ممكن بتصل عليا تاني او هو كان بيعاكس وكان بيتصل ويشوف مين يرد عليه ويجيب معاه سكه ... بس للاسف ماتصلش ... معرفش ليه حفظت الرقم عندي علي تليفوني وانا مش مالكه اعصابي وبمسك نفسي بالعافيه اني ماتصلش عليه واقوله المشكله اتحلت ولا لا .. تلكيكه يعني عشان اكلمه وخلاص )
عدا اليوم وخلصت شغلي وروحت ف ميعادي عادي .. وانا صوته بيرن ف ودني ومش عاوز يطلع من دماغي .. كل شويه ابص ع الرقم والاسم واقول اتصل عليه وفضلت امنع نفسي واحاول .. لغاية ما نمت ف اليوم ده وصوته بيرن ف ودني وعقلي .....تاني يوم الضهر كده صاحبتي عدت عليا وقالتلي تعالي نشترى شويه حاجات ..خرجت معاها وروحنا قعدنا ف كافيه متعودين نروحه وحكيتلها عن الوضع اللي انا فيه وكان حوارنا كالاتي :
اماني : احيه عليكي طب ماتصلتيش ليه تاني طالما بتقولي ان صوته حلو يمكن يكون قدر يابت ووقعه ف طريقك ويكون الواد مز ..
ساره : لا خلاص فكك بقي تلاقيه كان زهفان وبيتصل بالصدفه عشان يلاغي وخلاص
اماني : ياعبيطه ماهو لو كان قصده يلاغي كان اتصل عليك تاني ..مش اتتي بتقولي انه ماتصلش
ساره : اه
اماني : طيب كان لازم انتي تاخدي الخطوه دي ..ليه لا
ساره : مش عارفه بقي طب اعمل ايه
اماني : هقولك ..النعارده ف الشفت بتاعك وانتي قاعده ترني عليه من تليفون الخدمه وتساليه اذا كانت المشكله اتحلت ولا لا
ساره : مش عارفه يا موني انا مكسوفه ومتلخبطه ومش عارفه اعمل ايه
اماني : اسمعي كلامي واعملي كده
الجرسون : تؤمروا بحاجه يا فندم
اماني : اه ياريت لو سمحت اتنين عصير فريش
الجرسون : تمام حاضر .. عن اذنكوا
..
اماني : هيييي روحتي فين
ساره : مش عارفه .. صوت الواد ده كأني سمعته قبل كده
اماني : اه ماهو شغال هنا بشوفه دايما هنا .. هو واد عسل الصراحه
ساره : لا .. حاسه اني سمعت صوته وكلمته قبل كده
اماني : ما علينا خلينا ف موضوعنا .. هتعملي اللي قولتلك عليه النهارده
ساره : حاضر هشوف كده
اماني : تمام .المهم لو ظبطتى مع الواد ده وطلع مز تبقي تظبطيلي معاه انا كمان الله يحرقك .. هرموناتي بايظه انا كمان وعاوزه اللي يعدلها ..
ساره : طول عمرك سافله هههههههه حاضر بس يطلع واد حلو بس ..
( رجعت البيت اتغدي وارتاح شويه وانا بستعد للمكالمه دي وبفكر من دلوقتي هقوله ايه وهتكلم معاه اقوله ايه واحاول اجذبه ليا )
الساعه بقت 1 بالليل
قاعده زهقانه ف الشغل بطريقه بشعه
فاضل ساعه علي ميعاد خروجى . وقولت ليه لا ...
هكلمه وهقوله واللي يحصل يحصل
ساره : احححم الووو مساء الخير يا فندم
احمد : تصدقي اني كنت مستني المكالمه دي طول اليوم
ساره : ليه ؟ المفروض اني ماتصلش اصلا
احمد : بس قلبي كان حاسس اتك هتتصلي .. وع فكره كنتي زي القمر النهارده والفستان اللي كنتي لابساه كان يجنن عليك
ساره : يعني ايه ؟ انت عارفني ؟
الووو ! الوو انت روحت فين ..
( تليفونه اتقفل وانا راسي ابتدت تودي وتجيب ومش عارفه اعمل ايه وايه اللي بيحصل ده )
لغايه تاني يوم فضلت محتاره ورنيت ع اماني صاحبتي عشان نتقابل وروحنا الكافيه وهناك حصلت حاجه غريبه اوي
يتبع ....
خدمه العملاء #الجزء_الثانى
( تليفونه اتقفل وانا راسي ابتدت تودي وتجيب ومش عارفه اعمل ايه وايه اللي بيحصل ده )
لغايه تاني يوم فضلت محتاره
ورنيت ع اماني صاحبتي
عشان نتقابل وروحنا الكافيه وهناك حصلت حاجه غريبه اوي … الشاب اللى شغال ف الكافيه
ده كان مرتبك جدااا وكان
كل ما يقرب ويعدى من جنبنا
بحس انه مش عاوزنى اشوفه .. كلمت صاحبتى عشان تاخد بالها معايا .
ساره : امانى بقولك ايه
. شوفتى الواد اللى شغال ده .. مش مريحنى والله ونظراته مُريبه
امانى : ايه بيقل ادبه بنظراته عليكى ولا ايه ؟
ساره : بالعكس ده مرتبك
ومش عاوزنى ابصله
وبيقلق كل ما عينى
تيجى ف عينه بالصدفه
امانى : طب استنى انا هركز
معاه وانتى حاولي ماتبصليش
وركزى ف تليفونك كانك
بتلعبى فيه وانا هبص من غير ما ياخد باله
…
( بعد 5 دقايق )
امانى : انا مش فاهمه حاجه يا سوسو
ساره : ليه ؟
امانى : الواد ده مُريب فعلا …
كل ما يروح يقف ع الكاونتر
بتاع الارودرات ويستنى
حاجه تطلعله يبصلك ويسرح …
اقسم بالله نظراته ليكى حاجه كده توهان
ساره : يعنى انا كنت صح ؟ بيبصلى صح
امانى : جداااا والغريب انه
بيبصلك وبيبتسم ومش
عاوز حاجه غير انه يفضل
باصصلك .. انا مش فاهمه حاجه
ساره : انا بدات اتوتر بصراحه .
الواد ده بيشدنى كل يوم ليه
من رإكشناته والحاجات اللى
بيعملها دى … عارفه يا مونى
اقولك حاجه يمكن تستغربيها ؟
امانى : خير يا حبي
ساره : بقيت بحس بالامان وانا قاعده هنا .. وشايفاه رايح جاى حواليا
بقيت اهرب من دنيتى للمكان ده ..
انا مابجيش هنا عشان اشرب
او اريح اعصابي وخلاص . انا باجى عشان ابقي جنبه
محسسنى بامان رهيب ومش
عارفه ليه ؟ والغريب ان عمره
ما حاول يفتح معايا حوار بره
حوار الشغل بتاعه وتطلبى ايه وتشربي ايه
انا مش عارفه مالى … وبردو
مش عارفه انا ليه اتشديت
بالشكل ده للواد اللى بيكلمنى
على التليفون واللى مخى ساح
بسببه لما قالى امبارح ان الفستان
اللى كنت لابساه كان حلو وزى
القمر عليا …. انا مش فاهمه
بيجرالى ايه ؟ وليه احس بنفس
الاحساس ناحية شخصين
مختلفين … ليه بجد ؟ انا لما
اتشديت للواد اللى هنا ده
زعلت اوى من نفسي لما لقتنى
مشدوده لغيره وحابه اعرف التانى … حسيت انى بخونه
امانى : فوقى يا ساره انتى قربتى تتجننى
ساره : والله ما متجننه بس بجد حسيت انى بخونه
امانى : تخونيه ازاى دانتى
اساسا ماكلمتيهوش كلمه
واحده .. ومافيش اى كلام
بينه وبينك غير تشربي ايه وتحت امرك .. ايه يا بنتى ماتصحصحى شويه
ساره : مش عارفه … مش عااارفه …
انا مش هكلم الواد اللى بيتصل
عليا ده تانى وهمسح رقمه ولو اتصل عليا بالليل همسح
بكرامته الارض .. انا راضيه بالامان اللى حاساه هنا .. يمكن
ييجى ف يوم ويكلمنى او يفتح معايا حوار . انا راضيه والله بس ييجى
امانى : طب بقولك ايه .
. هاتيلى انا الرقم وانا هلاغيه انا .
. اهو اطلع منك بأى منفعه
وخليكى انتى ف الحليوه بتاعك
اللى هنا اللى لحس مخك
ساره : هههههه ماشي هديهولك
امانى : احكيلى بقي قولتيله
ايه بالظبط عشان لما ارن عليه
واكلمه اكون عارفه كل حاجه
ساره : يعنى ايه
امانى : هههه منا هكلمه على انى انتى .
ساره : وتلبسينى مصيبه هه
امانى : انتى مالك بقا مانتى لا تعرفيه ولا هو يعرفك
ساره : يابنتى بقولك قالى انى زى القمر وكنت حلوه ف
الفستان اللى كنت لابساه . تفسرى ده بإيه
امانى : ههههه لا دى حركات
بيعملوها الشباب كده اهو حظ …
لو شبكت يبقي خير وبركه
ماشبكتش عادى هيدور على
غيرك . يابنتى اسمعى منى وهاتى ام الرقم
ساره : خدى ياحتى …
سجليه عندك بقي عشان همسحه من عندى انا …
امانى : ايوه امسحيه من
عندك عشان بغير عليه من دلوقتى
ساره : يلا يا مجنونه ….
امانى : الواد لسا عيونه عليكى
على فكره وف الرايحه
والجايه يبص ناحيتنا .. نظرته
بتلبشنى اقسم بالله . بيبصلك
كأنك اخته ولا بنته وخايف
عليك … ليكى حق تحسي
بالامان يا ساره .. مافيش
واحده فينا مابتحبش كده
ومابتحبش تحس الاحساس ده
ساره : شوفتى بقي . يعنى
عندى حق .. استنى هطلب منه طلب
امانى : ورينى
ساره : احححم لو سمحت
الجرسون : افندم تحت امرك
ساره : ممكن العصير بتاعى اللى بتعملهولى بنفسك
الجرسون : تحت امرك
حاضر .. عجب حضرتك يعنى ؟
ساره : جداااا . انا باجى هنا
مخصوص عشان اشربه من ايدك
الجرسون : اححم . تمام …
عن اذنكو .. تشربي حاجه يا فندم
امانى : لا متشكره .. انا لسا بشرب النسكافيه
الجرسون : تمام . عن اذنكو
…
امانى : يا لهووووى يانا على بصاته ليكى . ابن الجزمه ده
ساره : هههههههههههه ماتشتميهوش يا بت اهو انتى
امانى : يلا يا واطيه .. المهم يلا خلصى العصير بتاعك اللى
هيعملهولك يا ست محن انتى عشان نمشي . ماليش انا ف جو
المحن ده انا عاوزه اتدلع بس هههههههههه
ساره : والله ما هتسكتى غير لما تقعى ف واحد يخزوقك احلى
خازوق من كتر الشباب اللى انتى عرفتيهم دول
امانى : الولاد بقت مزز يا اوختى بقت موزز هنلاحق على مين
ولا على مين . انا ماليش دعوه انا عاوزه اتباس هههههههه
ساره : ههههههههههههههههه الله يحرقك … طب وطى صوتك عشان جاى بقا
…………..
( الساعه 1 بالليل )
احمد : الو
ساره : الو ! مع حضرتك ساره من خدمه العملا اقدر اساعد حضرتك ؟
احمد : ازيك يا ساره
ساره : هو انت !
احمد : ايه نسيتى صوتى ؟
ساره : الشغل بقا وانت عارف … المهم اللى بنعمله ده غلط
وماينفعش تكلمنى تانى بعد اذنك
احمد : ليه بس انا عملتلك ايه ؟ انا مش عاوز غير انى اسمع
صوتك بس . لا عاوز نمرتك ولا حتى ارغى معاك .. دقيقه
واحده اسمع صوتك فيهم وامشي واروح لحالى
ساره : ماينفعش لو سمحت وغلط
احمد : خلاص متاسف . حقك عليا … وعلى فكره بقا الروج
الاحمر الهادى اللى كنتى حاطاه النهارده كان ملفت اوى ..
ياريت ماتحطيهوش تانى .. سلام
ساره : انت يا اخينا انت .. الو .يا عم رد عليا ماتطلعش عين
امى معاك انت مين ؟. الووو..
فضلا وليس امرا ١٥ ملصق علشان نكمل👇👇👇
#خدمة_العملا
#الوقوع_في_المحظور
#الجزء_الثالث_والرابع)
...
احمد : خلاص متاسف . حقك عليا ... وعلى فكره بقا الروج الاحمر الهادى اللى كنتى حاطاه النهارده كان ملفت اوى .. ياريت ماتحطيهوش تانى .. سلام
ساره : انت يا اخينا انت .. الو .يا عم رد عليا ماتطلعش عين امى معاك انت مين ؟. الووو
( قفل السكه ف وشى بعد ما حرق دمى ولتانى مره والفضول كاد أن يقتلنى .. انت مين وعاوز منى ايه وفيه ايه ؟ انا مابقتش فاهمه ولا مستوعبه اللى بيحصل ....وللمره التالته اتوه ف دنيا غير الدنيا وعالم غير العالم .... كاللعاده تانى يوم صاحبتى عدت عليا ف البيت بعد ما هى اتصلت بيا قالتلى تعالى ننزل قولتلها مش قادره .....
امانى : ايه بقي ؟ الجميل ماله النهارده . مقريفه ليه ومش مركزه
ساره : اسكتى والنبى يا مونى انا على اخرى ومش فاهمه حاجه
امانى : ليه تانى ايه اللى حصل . مش قولنا انك هتنهى الحوار بتاع الواد اللى بيكلمك ده ولا ايه
ساره : ماهو فعلا اتصل عليا امبارح ولسا بكلمه وبقوله ماتتصلش تانى ولا ليك علاقه بيا وغلط اللى بتعمله ده وماينفعش . لقيته بيقولى اسف ومش هعملها تانى . بس على فكره الرو اللى كنتى حاطاه ده كان مُلفت وماعدتيش تحطي منه تانى
امانى : احيييييه .. انتى بتهزرى
ساره : وحياة امى حصل ... احححم اسكتى استنى ماما جايه
ماما : ايه يا بنات بتتودودو ف ايه
امانى : ولا حاجه يا طنط كنت جنبكو هنا وقولت اجى اتطمن على سوسو
ماما : ماشي يا حبيبتى تتغدى معانا النهارده
امانى : ولا اقدر والله . وبعدين بعد اذنك انا هاخد ساره وننزل شويه
....
خدتنى من ايدى ونزلنا اتمشينا شويه وفجأه لقينا نفسنا احنا الاتنين عند الكافيه بتاعنا ..
دخلنا وقعدنا وجه صاحبنا وهو مكلضم ووشه باين عليه الزعل او الغضب
الجرسون : تشربو ايه
امانى : طب مش ناخد نفسنا الاول
الجرسون : اه متاسف خدوا وقتكو وانا جنبكو اهو وفت ماتحبوا تطلبو حاجه نادونى
ساره : تمام ... هو انت اسمك ايه صحيح
الجرسون : احمد ... عن اذنكوا
..
امانى : ايه ده ماله ده
ساره : مش عارفه..
امانى : بس حلو اوى الروج اللي حطيتيه . مش ده بتاع امبارح
ساره : اه .. حطيته تانى لسبب ف دماغى
امانى : سبب ايه
ساره : بعدين تعرفي ... احممممد لو سمحت تعالي بعد اذنك
الجرسون : تحت امركو .. عرفتو هتشربوا ايه
ساره : اححححم .! اه ..انا عاوزه العصير بتاعي .. تشربي ايه يا اماني
اماني : قهوه مظبوطه بعد اذنك
الجرسون : تمام .. عن اذنكوا
.....
ساره : ههههههههههه
اماني : بتضحكي ع ايه يا نيله انتي
ساره : مالكيش دعوه 😅😅 بس شكله حلو اوي وهو غيران
اماني : غيران ؟ غيران ع ايه ومين ؟
ساره : هقولك ! واحنا داخلين ..كنت مركزه معاه وكان مبسوط وبيضحك مع زمايله ..لما شافني حسيته اتغير كده واتضايق
امانى : اتضايق ليه
ساره : بعدين هقولك
........
الجرسون : اعمل ياعم واحد عصير وقهوه مظبوطه واديهم لحسام ينزلهم علي ترابيزه 7
الشيف : مالك يابا عمال تنفخ وشايل طاجن ستك ليه
الجرسون : دى شغلانه بنت كلب تقرف ..
الشيف : ياعم مالك
الجرسون : اخلص بقي واطلع من دماغى انا مش طايق نفسي ولا طايق حد
الشيف : مانت كنت حلو من شويه ايه اللي حصل
الجرسون : عالم مستفزه مابتسمعش الكلام .. هاين عليا اروح اولع فيها دلوقتي
الشيف : هما مين
الجرسون : مالكش فيه .. اخلص وابعته مع حسام لترابيزه زفت 7
ساره : مونى ممكن ترنى ع الرقم بتاع الواد اياه دلوقتى
امانى : ليه
ساره : هتعرفي بعدين رنى بس
اماني : طب استني ...!
يتبع
الوقوع_في_المحظور +18
( الجزء الرابع )
...
ساره : مونى ممكن ترنى ع الرقم بتاع الواد اياه دلوقتى
امانى : ليه
ساره : هتعرفي بعدين رنى بس
اماني : طب استني ...!
...
امانى : تليفونه بيرن ومابيردش
ساره : الله ! طب وبعدين . ده باينه مطلعش هو وكنت غلطانه
امانى : هو مين اللى طلع هو
ساره : وبعدين بقا ف الحيره دى ..دنا خلاص كنت بدات اتأكد انه هو .. ليه الحيره دى من تانى يا ربي
امانى : بت ! هتفهمينى فيه ايه ولا لا
ساره : بقولك ايه والنبى يا مونى سيبينى ف حالى دلوقتى
امانى : لا مش هسيبك . انا معاكى ف الحكايه دى من اولها لاخرها تبقي تفهيمنى بقا ايه اللى بيحصل
ساره : احححم بصراحه ! انا كنت شاكه ان الواد احمد ده هو هو الشخص اللى بيكلمنى
امانى : ايه الافلام العربي دى .. لا اكيد طبعا مش هو
ساره : ياسلام ! وايه اللى ماكدلك اوى انه مش هو
امانى : يا اذكى اخواتك انتى مانتى بتقولى انك كلمتيه بدل المره اتنين وسمعتى صوته ... هل صوته وهو بيكلمنا دلوقتى باين ان هو ولا لا
ساره : بصراحه مش عارفه .. صوته ف الفون مختلف كتيييير عن صوته وهو بيكلمنا
بس انا ف حيره والله ... مين ممكن يكون متابعنى ومراقبنى وشايفنى . وعارف بلبس ايه وبحط روج ايه . غير واحد زى احمد مثلا بما انى بروح وباجى قدامه كل يوم
امانى : بصى ! هو هيبان ... وهيبان اوى لما صاحبنا اياه ده يرد على رنتى او على الاقل يبعتلى مسج يسال فيها انا مين .. وساعتها بقا هااخده على حجرى هههههه
ساره : بت انا شاكه فيك يا بت ههههههههه انتى ناويه على قلة ادب صح
امانى : بصراحه ! اه هههههههه مش يمكن يكون واد حلو وعسل كده وأهيم به شوقا هههههههههه حلو اللغه الفصحى دى
ساره : لا حلوه ! طب افرضي انه مثلا يعنى طلع الواد احمد ده
امانى : ياريت ههههههههه والنبى كنت اغتصبته واد ارموط كده وحلو ف نفسه وعنده عضلات .. ده ينفع اوى ده .. بس انا متأكده مليون ف الميه انه مش هو .. وهيكون واحد تانى مايخطرش على بالك ولا على بالى
ساره : انا مش عارفه اعمل ايه
..
حسام : معلش اتأخرت عليكو
ساره : ولا يهمك ... اومال فين احمد
حسام : بياخد اوردر ترابيزه تانيه تحبى حضرتك ابلغه حاجه
ساره : لا ابدا اصل هو اللى واخد الاوردر وقولت ان هو اللى هيجيبه يعنى . ع العموم تسلم ايدك
حسام : متشكر .. عن اذنكو
...
( بعد عشر دقايق احمد بيقف عند الشيف ومافيش شغل .. بيلعب ف تليفونه )
ساره : مونى مونى رنى تانى بسرعه والنبى
امانى : ليه بس
ساره : رنى بس والنبى تانى بسرعه دلوقتى عضشان خاطرى
امانى : حاضر استنى اهو
...
امانى : برن اهو مافيش حاجه
ساره : بيرن يعنى ولا مقفول
امانى : لا بيرن بيدينى جرس
ساره : يووووووه . ده طلع مش هو بجد .. وتليفونه مرنش وواقف بيلعب بيه
امانى : يابنتى منا قولتلك متأكده مليون ف الميه انه مش هو .. بيبان يا حبيبتى ههههههههه
......
حسام : البنتين دول كانو بيسالو عليك يا عظمه هههههه ايه الصناره شبكانه ولا ايه
الجرسون : مالكش دعوه وخليك ف شغللك يا نطع
حسام : ههههههههه حتتين ابطال عليا النعمه .. يابختك يابا
احمد : *** ماتخلنيش اتغابي عليك يا حسام . انت مش جاى غير لدول وهتقل ادبك .. ***
حسام : انت زعلت ؟ والله بهزر ؟ هما يخصوك ؟
احمد : اخلص واخفى من وشى بقا مش طايق اهلك
حسام : حاضر يا عمنا . ومعلش ماكنتش اعرف انهم تبعك
احمد : خلصنا ياعم دى ايه الشغلانه دى ...
.......
ساره : مونى تعالى نمشي بقي
امانى : يلا ! ماتيجى نتغدى
ساره : لا تعالى نتغدى ف البيت ماما عامله محشي النهارده وحاجه ف اخر الاستفزاز والله .. عارفه انى بعشق المحشي وعملته النهارده .. احححم احممممد لو سمحت الحساب
احمد : 30 جنيه
ساره : هو انا ممكن اسالك سؤال ؟
احمد : افندم
ساره : انت زعلان من حاجه النهارده ؟
احمد : خير يعنى ليه ؟ كويس انا اهو
ساره : كده كويس ؟ انت عمال تنفخ من بدرى وشكلك متخانق مع حد
اححمد : لا ابدااا . اصل بعيد عنك فيه ناس كده بتبقي مستفزه .. بتبقي بارده ومابتسمعش الكلام .. خصوصا لو الحد ده بتحبه او بتغير عليه
ساره : لا انت شكلك حكايتك حكايه . ممكن تحكيهالى
احمد : احكى ايه ! لا مابحكيش حاجه معلش ... وبعدين ابقي غيرى ال
ساره : ايه ؟
احمد : لا ابدا
ساره : ايه ايه قول انت قولت اغير ايه ؟
احمد : لا ابدا انا قصدى على .. على .. مافيش والله عادى .. نورتو المكان
امانى : انت بتطردنا ولا ايه
احمد : لا ابدا هو انا اقدر . انتو صحاب المكان وزباينه ووجودكو بيسعدنى بيسعدنا يعنى كلنا هنا اللى شغالين
ساره : طيب ايه مش ناوى تقولى حكايتك
احمد : ولا حكايه ولا حاجه . ادعى بس ان الحكايه بتاعتى دى تتحل لاحسن هى متعقده
ساره : طب ما تفكر تحلها انت
احمد : بهيمه مابتفهمش .. ومابتسمعش الكلام . وكنت هتخانق النهارده بسببها
ساره : ازاى ؟
احمد : مافيش حاجه .. المهم عن اذنكو بقا عشان فيه اوردرات كتير
ساره : اوكى بس اسمع ! بكره هتحكيلى حكايتك
احمد : ان شاء الله .. عن اذنكو
..........
احمد : امسك تليفونك ياخويا ظبتطهولك اهو ونزلتلك الواتس من تانى ... ناولنى تليفونى من جوه بقا .. ناولنى تليفونى يا شيف محمد من عندك
يتبع .....
نكمل بعد التفاعل 🥰
فضلا وليس امرا ١٥ ملصق
#خدمة_العملاء
#الوقوع_في_المحظور
#الجزء_الخامس_والسادس 👇👇
احمد : امسك تليفونك ياخويا
ظبتطهولك اهو ونزلتلك
الواتس من تانى … ناولنى
تليفونى من جوه بقا .
. ناولنى تليفونى يا شيف محمد من عندك
محمد : امسك ياعم عمال يرن
من بدرى لما صدع دماغ اللى خلفونا
احمد : هات ياعم وماتبرطمش .
. ده تليفون احمد باشا ده …
وايه الارقام الكتيره اللى
رنت عليا دى انا نفسي اعرف
حسام : ايه ؟ مصالح ولا ايه
احمد : يابنى هو انت حياتك
كلها مصالح ؟ ماتخفى بقي .
استنى ارن اما اشوف ده رقم مين
حسام : لو طلعت مزايه حلوه كده
لاغينى الدنيا ناشفه خاالص
اليومين دول يا صاحبي
احمد : اهو شوفت . عشان
نيتك مش سلكانه مافيش
رصيد معايا . يلا غور . وهو
يبقي يرن عليا تانى بقي او
هرن عليه انا كمان شويه
لما اشحن المهم انا هخلع
انا وهاجى على الساعه 6 كده
صفحه محمد خلف صالح..
اول اسم في بحث فيس بوك
امانى : مالك يا سوسو . تايهه ف ايه
ساره : ف اللى بيحصلى
ده يا مونى . مش عارفه مالى
! خلاص قولت هستريح طلعت
تعبت اكتر من الاول ..
طب لو مطلعش هو ؟ هيكون
مين يعنى ؟ هيكون حد شايفنى
دلوقتى مثلا ومراقبنى ؟
وعارف انا فين ومع مين
ولابسه ايه ؟ طب يقول هو
مين ؟ بدل ماهو تاعبنى كده ؟
امانى : الموضوع فعلا على
قد ماهو بايخ فعلا على
قد ما انتى حظك حلو يا
سوسو ان حد بيحبك بالشكل
العظيم ده … لو فعلا هو طلب
منك انه يسمع صوتك بس
انشالله دقيقه كل يوم ف
ده فعلا انسان عظيم وبيحبك
ساره : طب هو مين طيب ؟
مابيقوليش ليه على اسمه على ظروفه على نفسه . ليه مطلبش يقابلنى مثلا
امانى : ماهو ده اللغز اللى
هنعرفه .. ليه هو مكتفى
بمراقبتك من بعيد ومش
عاوز يظهر او يطلب يشوفك
ساره : هلكاااااااااااااااااانه هموت
وانام . هروح انام عشان ابقي فايقه وانا نازله الشغل
امانى : تعالى نتفرج على
الفاترينات دى نشوف الفستان بتاعك اللى كل يوم تروحى
تبصى عليه وتبصى على تمنه تلاقيه ب 4500 جنيه تتخضى
وتمشي هههههههههه
ساره : ماتعقدنيش بقي . انا هموت واشترى الفستان ده …
تعرفى انى بقالى 3 ايام بعدى من هنا وانا رايحه الشغل
المغرب ابص على الفستان ده اسلم عليه وامشي هههههههه
4499 جنيه . ماشاء الله عليهم ف الدقه يعنى
امانى : اه والله . ايه ده ؟
ساره : ايه ده ؟ احيييييييييييييييه . عرض ايه ؟ الفستان
عليه عرض بيتباع ب 150 جنيه ؟ نهار اسود الحقى … (
بتجرى ع المحل بتشترى الفستان ومش مصدقه اللى بيحصل )
امانى : يا بنت القرده … انا اقسم بالله مش مصدقه … من 4
الاف ونص جنيه ل 150 جنيه ؟ ازااااااااااااى وماتباعش ليه
ده يتخطف يا ماما . يتخطف
ساره : انا مبسوطه اوى هههههههههههه هروح البسه وانام بيه
امانى : انا مش عارفه انتى فيكى ايه هههههههه نص حظك ف
الفساتين والولاد يارب هههههههههههههه
ساره : نيتى سليمه يا ماما
امانى : ياشيخه اجرى !
ساره : انا مش مصدقه نفسي والله يا مونى انى شايله
وماسكه الفستان اللى بقالى 4 ايام بحلم اشتريه .. ومش
مصدقه انه ب 150 جنيه
امانى : فعلا انتى نيتك سليمه .
.المهم روحى نامى شويه بقي
ساره : انام ايه ؟ انا هروح
افضل البس الفستان واقلعه
واتأكد انه على مقاسي
وحلو ولا لا وبيرقص ولا لا هههههههههه وبعدين ممكن انام بيه
امانى : حقك يا باشا … طب
يلا عشان تلحقى تمشي بقي …
وبعدين الفستان كأنه هديه
عيد ميلادك والله اللى هو بعد يومين ده
ساره : هههههههههههه منا فرحانه
عشان كده …. هلبسه بقا ف
العزومه اللى هعملها وهعزم
كل اصحابنا فيه ….. عشان
يشوفوا البرنسيس ساره
وهى متألقه بالفستان ده
امانى : هيبقي فاجر عليكى فعلا .. يلا يلا نمشي
ساره : يلا بينا
………….
( الساعه 1 بالليل )
احمد : الو !
ساره : الو ! مساء الخير يا فندم معاك ساره من
خدمة العملا
ف
خدمة حضرتك
احمد : ساره
ساره : هو انت ؟ انا عاوزه اتكلم معاك من فضلك ماتقفلش
احمد : بجد عاوزه تتكلمى معايا
ساره : اه ! هرن عليك من رقمى عشان اكلمك مش من رقم الشغل
احمد : خلاص هرن عليكى على رقمك
ساره : انت عارف رقمى ؟
احمد : اه طبعا . ثوانى وهرن
ساره: .......
رواية خدمة العملاء
#الجزء_السادس
احمد : خلاص هرن عليكى على رقمك
ساره : انت عارف رقمى ؟
احمد : اه طبعا . ثوانى وهرن
..
ساره : ايه بقا حكايتك . عاوز منى ايه ؟
احمد : ولا حاجه
ساره : ازاى ولا حاجه ؟ اى
حد بيكون متابع شخص
معين او بيراقبه بيكون
عاوز منه حاجه .. قولى
انت عاوز منى ايه يمكن
اقدر افيدك واريحك واريح
قلبك واريح قلبى انا كمان
احمد : صدقينى ولا حاجه !
مش عاوز غير انى اشوفك
مبسوطه والضحكه على وشك
ساره : من غير مقابل يا استاذ احمد ؟
احمد : من غير مقابل يا استاذه ساره . بس ليا طلب عندك
ساره : خير
احمد : بلاش الروج اللى قولتلك عليه … شكلك بيكون حلو فيه
ساره : ( مكسوفه ) ليه ؟
احمد : بتكونى حلوه فيه وشكلك مُلفت
ساره : حاضر مش هحطه تانى
احمد : وطلب تانى
ساره : خير
احمد : ياريت تحسنى من
مشيتك وانتى ماشيه ..
بدل مانتى كنتى ماشيه زى
الرقاصه النهاره وعماله تكركرى
انتى وصاحبتك .. كنت هاجى
واخبطكو باى حاجه ف وشكو
انتو الاتنين بس قولت لنفسي خلينى بعيد
ساره : ههههههههههههه حاضر
. هتلاقى بعد كده عسكرى ماشي
احمد : تمام ! والبنطلون
ساره : ماله بقا البنطلون .. هاا ماله ؟
احمد : مايتلبسش تانى .
. البنطلون ده مايتلبس تاااااانى
ومش عاوز اقل ادبى اكتر
من كده كان محزق وكان ملزق ..
ساره : لا انا هلبسه بقا بكره
وكون انى سمعت كلامك ف
حاجه ف ده من باب الفضول
مش اكتر . مايديلكش الحق
انك تقولى البسي ده وماتلبسيش ده ؟
احمد : طيب ابقي ورينى هتلبسيه بكره ازاى ؟
ساره : هلبسه يا احمد . عشان
اغيظك واضايقك ف عيشتك
وتيجى تتخانق معايا واعرف انت مين
احمد : عارفه ! بجد انتى
لو لبتسيه ولقيتك ماشيه بيه
بكره هختفى من حياتك .. وبجد
ساره : بطل اسلوب التهديد ده … انا مايفرقش معايا
احمد : عن اذنك سلام
ساره : سلام …
( بقفل السكه وبتعصب وبفضل
طول الليييييييل سهرانه .
مسهمه وبفتكر كلامى معاه
وبفتكر كل كلمه اتقالت .
. بضحك وبسرح وبقول ايه
الواد ده ؟ هو غيران عليا
بجد ولا حركه بيعملها .
صدقونى انا واصله معاه
لاحلى احساس ممكن
اى بنت تحسه ف الدنيا …
حد محاوطنى ومشقلبلى
كيانى من غير ما اعرف
شكله ولا ملامحه ولا هو مين .
. معرفش غير يدوب اسم
ممكن اوى مايكونش ده اسمه اصلا )
…..
( تانى يوم )
ساره : الو ! مونى فينك
امانى : خارجه م البنك ده كنت بسحب فلوس . انتى فينك
ساره : جنب الكافيه . هتيجى ندخل سوا
امانى : اه ثوانى وجايه . اسبقينى انتى
ساره : لا هنخش مع بعض ..
عشان عاوزه اعرف حاجه
امانى : ههههههههههههه يادى
المفتش كورمبو اللى متقمصك ده .
يابنتى مش هو . مش هووووووو ماتجننينش بقي
ساره : اخلصى بس . عشان
فضلت اتكلم معاه اكتر من ساعه امبارح
امانى : يابنت الجزممممممممه . طب استنى انا خلاص جايالك اهو داخله عليك
………..
امانى : ايش ايش ايه الطقم الحلو ده
ساره : عجبك ؟
امانى : جدا ! اومال فين بنطلون امبارح الطقم كان حلو
ساره : احححم قولت اغيره بقي مش ناقصين جرسه
امانى : جرسة ايه بقي
ساره : تعالى بس ندخل واحكيلك
امانى : يلا
……………..
( لقيت الجرسون داخل مبتسم
ومبسوط جداااااااااا وهو بيكلمنا
وبياخد اوردرنا ) \
الجرسون : اهلاااااا الدنيا كلها نورت يا اساتذه
ساره : اححححم متشكره يا احمد
امانى : الحقنى بكوباية قهوه
بقي يا احمد من فضلك عشان دماغى هتقلب
احمد : عيونى … وانتى يا
استاذه ساره احلى كوباية
عصير فريش لاجل عيونك
النهارده .. طلبكو النهارده مجانى على حسابنا
ساره : ايه ده ؟ ليه ؟
احمد : هههههههههههه مافيش
بس زبايننا بنعمل معاهم
كده كل فتره .. والنهارده بالذات انا قلبى مبسوط
ساره : اشمعنى النهارده ؟
وبعدين مش ناوى تحكيلى حكايتك ؟
احمد : بعدين بعدين ..
عن اذنكو بقا هروح اظبطلكو الاوردر
امانى : اوكاى
…………
ساره : ياختااااااااااااى انا
دماغى قربت تسيح اكتر ماهى
سايحه .. انا مش عارفه افكر .
هتجنن اقسم بالله اللى
كنت شاكه فيه لقيته بيحصل . ايه اللى انا فيه ده
فضلا وليس امرا ١٥ ملصق علشان نكمل 👉
#خدمخ_العملاء
#الوقوع_في_المحظور
#الجزء_السابع_والثامن👇👇
( الجزء السابع 👉🤭❤❤
ساره : ياختااااااااااااى انا دماغى قربت تسيح اكتر ماهى
سايحه .. انا مش عارفه افكر .
هتجنن اقسم بالله اللى
كنت شاكه فيه لقيته
بيحصل . ايه اللى انا فيه ده
امانى : ايه يا سوسو بتكلمى نفسك ليه
ساره : سيبينى ف حالى
انا مخى ساح خلاص .
. شويه اقتنع انه هو وشويه
اقتنع انه مش هو انا مش عارفه فيه ايه
امانى : طب اهدى اهدى واحكيلى
………
احمد : بقولك ايه يا شيف محمد .. اظبطلى احلى عصير
فريش عندك وظبط فنجان قهوه
محمد : عيونى .. للجماعه اياهم ولا ايه
احمد : بالظبط هههههههههه حلوين اوى النهارده
محمد : اشمعنى النهارده
احمد : ما علينا هههههههههه خلص بس اللى قولتلك عليه
وبسرعه والنبى .
محمد : بقولك ايه بقا مش ناوى
تقولى حكايتك . انت منين يابنى .
انت فجاه لقيناك اشتغلت
هنا معانا بقالك حوالي 3 شهور .
. مانعرفش انت ساكن فين
ولا منين . بتيجى فجأه وتختفى
فجاه . والغريب ان صاحب
الكافيه متصاحب عليك كأنه صاحبك
احمد : اهو ربك بيعدلها بقي يا ابو حميد … انا لقيت انكو
طالبين شغل قومت داخل
محمد : بس الوقت اللى انت
جيت تشتغل فيه ماكناش
طالبين عمال ولا ناس تشتغل .
انا فاكر كويس لان الراجل
صاحب الكافيه راجل نمكى
اوى ومش بسهوله يشغل
حد عنده ولا بيولف على
حد اصلا زى ما مولف عليك ..
وبعدين انت بتخرج انت
وهو بتروحو فين بالليل
انا دايما بشوفك ماشي معاه
احمد : ايه ؟ لا ياعم دى مره
ولا اتنين وهتلاقيها صدفه
ماتشغلش بالك … المهم
اخلص بقي وحياة ابوك البنات هتمشي
محمد : هههههههههههه مسيرى اعرف حكايتك
احمد : على الله
امانى : اييييييه روحتى فين مسهمه وسرحانه ف ايه وعماله
تبصى ع الواد وهو بيشتغل . بالراحه هياخد باله
ساره : بركز ف تفاصيله . بركز ف عيونه …
العيون عمرها ما بتكدب
امانى : وعيونه قالتلك ايه بقا
ساره : بتقولى كلام كتير منها انه
عاوز يقرب بس خايف
امانى : ليه خايف ؟ حاولى تعرفى
حكايته يا سوسو .
لو فعلا بيحبك ليه لا ؟
انتى ممكن تفكرى ترتبطى بيه
رغم انه ممكن يكون على
قده وحالته صعبه ويكون بيصرف على اهله مثلا
ساره : لو اللى ف دماغى
طلع صح هوافق طبعا وجدااااا بس
مش عارفه اعمل ايه وازاى واتأكد ازاى
امانى : سيبينى النهارده انا
هخطط للموضوع ولازم نوصل لحل
ساره : ياريت والنبى لان انا دماغى
هتضرب .. المهم هتيجى البيت
امتى عشان اجهز للحفله
امانى : انا جايه معاكى ياختى ..
مش هسيبك طول اليوم .
عزمتى مين ومين
ساره : معظم اصحابنا …
قولتلهم سبعه بالدقيقه يكونو موجودين
امانى : عزمتى البت اسراء ؟
ساره : اه … ليه ؟
امانى : مافيش خلاص
ساره : امانى .. ده عيد ميلادى
ومابصدق نتلم كلنا سوا زى زمان ..
الخلاف اللى بينك وبين اسراء
حاولى تجنبيه النهارده عشان انا عاوزه افرح . انا محتاجه افرح
امانى : حاضر يا روحى …
نفسي اشوف الفستان عليكى عامل ازاى هههههههه
ساره : اووووووف .
فااااجر انتى هتشوفى بنفسك …
اسكتى مش حصلت حاجه فضلت
اضحك عليها للصبح واقول ايه الحظ الحلو ده
امانى : حاجه ايه ؟
ساره : لقيت ف بطانة الفستان
كارت مكتوب عليه كلام حلو هههههههههه
امانى : بجججججد ؟ مكتوب ايه
ساره : انا قريته ييجى عشر مرات ”
الى صاحبة السعاده وفرحتى
ف حياتى المليئه بكل ماهو
انطفاء وحزن ..أحببتك
كما لم يفعل أى إنسان من قبلى ..
وأحببتك كما ينبغى أن يليق بكى ..
فلا يليق بكِ إلا كل ماهو عظيم . وأنتِ عظيمتى “
امانى : اووووف . يابخت اللى
مكتوبلها الكلام ده اقسم بالله
ساره : تعرفى انى نفسي الواد
احمد ده يحضر عيد ميلادى النهارده
امانى : انهى احمد فيهم ههههههههههه
ساره : ده .. بتاع المطعم ..
التانى لغز بالنسبالى لسا مفكتش شفرته
امانى : طب ما تعزميه
ساره : ادينى سبب كويس اقدر
ادخل بيه عليه واعزمه .. ماهو ماينفعش
امانى : استنى هفكر ! مين اللى باعتلك رساله دلوقتى
ساره : استنى اشوف …. ده اكونت غريب ده
امانى : اسمه ايه !
ساره : ” ده شكله اكونت فيك حتى ماعليهوش صوره واحده
ولسا معمول من ساعتين
امانى : باعتلك بيقولك ايه
ساره : استنى ..! احييييييييييه
امانى : فيه ايه ؟
ساره : كل سنه وانتى طيبه يا عظيمتى
امانى : نعععععععععععععم ؟ جاب عظيمتى دى منين
ساره : امانى ! هو يقصد ايه ؟
يقصد ان هو اللى باعتلى الكارت ؟
هو اللى اشترالى الفستان
وانا دخلت زى العبيطه اشتريه
وصدقت الخصم اللى معموله ؟ لا بقا انا هيجرالى حاجه
امانى : ردى عليه !
ساره : عينك ع الواد احمد هو راح فين
امانى : مش عارفه ! اهو اهو هناك بينزل اوردر
ساره : طب انا هكتب عينك عليه لو اتحرك ولا اختفى بلغينى بسرعه
امانى : طيب يلا !
ساره : ( بكتب ) انت مين ؟ انت احمد ؟
احمد : ( typing )
امانى : ها رد عليك
ساره : لسا بيكتب
امانى : بيكتب ؟ يعنى هو دلوقتى حالا بيكتب ؟
ساره : اه باين انه بيكتب ..
وبيكتب وبيمسح كمان يعنى فعلا بيكتب
امانى : طب بقولك ايه .
. اكيد اكيد هو مش الواد احمد .
. لان عينى عليه اهو وبينزل اوردر وبيتكلم مع الزباين
……
( بعد 20 ثانيه )
احمد : حسام ! بسرعه خد مكانى
ونزل اوردر ترابيزه 3 على ما ادخل الحمام واجى
حسام : عيونى
….
احمد : هات هات التليفون عملت اللى قولتلك عليه
الشيف عمرو : اه . امسك ياعم اتعامل انت بقا صوباعى ورم الله يحرقك
روايةخدمه العملاء.
…الجزء الثامن
احمد : هات هات التليفون عملت اللى قولتلك عليه
الشيف عمرو : اه . امسك ياعم
اتعامل انت بقا صوباعى ورم الله يحرقك
…….
ساره : انت يا أخينا كل ده بتكتب ايه
مجهول : معلش النت كان بيقطع
ساره : كويس .. قول بقا انت مين . انت احمد صح اللى
بيكلمنى ؟
احمد : اه
ساره : وعرفت منين ان عيد ميلادى النهارده .. وجبت منين
كلمة عظيمتى دى
احمد : تعرفى انى مبسوط جدا يا ساره النهارده
ساره : خير
احمد : انك سمعتى كلامى ومالبستيش
البنطلون اللى قولتلك عليه
ساره : لا عادى انا لبسته لانى
كنت لابساه امبارح مش عشان
خاطرك يعنى ولا حاجه وبعدين
حرام عليك يا اخى انت خلتنى
اشك ف نفسي اشك ف كل حد حواليا
احمد : ليه ؟
ساره : مش مهم … لكن بجد انت مين ؟
انت شايفنى دلوقتى ؟
احمد : مش مهم
ساره : لا مهم بالنسبالى لازم تحط
نهاية للعلاقه دى انا بدات اتوتر
وبدات اخاف واقلق منك
احمد : تخافى مني ؟ منى انا ؟
انتى مضايقك انى حواليك ؟
ساره : انت اللى عملت حركة
الفستان والخصم بتاع المحل ابو 150 جنيه ده ؟
احمد : ولو طلعت انا ؟ هتروحى ترجعيه يعنى ؟
ساره : اه طبعا .. وانا هقبل منك هدايا ليه ان شاء الله ؟
احمد : ( بيسكت )
ساره : ايه سكتت يعنى
….
الشيف محمد : يا ابو حميد اخلص انت
بقالك كتير ف الحمام الصاله هتقع
من حسام لوحده وفيه اوردرات كتير
احمد : حاااااااضر جاى اهو خلاص طالع
…
ساره : يا استاذ لو سمحت ماتسكتش واكتب كمل كلامك
احمد : ( typing )
…….
احمد : ايه يا حسام الدنيا
حسام : خليك معايا بقا الدنيا زحمت مره واحده
……
امانى : ايه يا بنتى سكتتى ليه كنتى بتتكلمى
ساره : ماهو اتزفت سكت معرفش ليه بيكتب .. جايلى انه
بيكتب دلوقتى
امانى : طيب انا هطلب فنجان قهوه تانى
ساره : اطلبيلى معاك . احمد فين ؟
امانى : اهو اهو هناك ..
احمممد لو سمحت من فضلك
احمد : اؤمرينى ..
( بيبص على ساره وهى ماسكه تليفونها ومستنيه الرساله وزعلانه )
امانى : اتنين قهوه مظبوط من فضلك
احمد : حاضر عيونى
…….
احمد : شيف محمد اتنين قهوه مظبوط
محمد : عيونى .. ياعم سيب ام التليفون ده من ايدك وركز ف الشغل
احمد : ياعم اخلص منا بتزفت اهو .. مستنى الاوردر بتاعك
………..
احمد : معلش النت زفت اوى النهاره معرفش ليه
ساره : طب اخلص ورد على سؤالى .. انت اللى عملت حركه الفستان ؟
احمد : اه يا ساره انا ! فيه حاجه ؟ ياشيخه سيبينى اهاديكى .
خلينى احس انى عايش
ساره : ماينفعش يا احمد ..
ماينفعش على الاقل عاوزه اشوفك
احمد : هتشوفينى والله بس
استنى عليا عشان خاطرى
ساره : استنى عليك ليه ؟
ايه اللى يمنع انك تظهر دلوقتى
وتورينى نفسك وتقعد معايا
ونتكلم ونشوف ايه الحكايه . انت موترنى بجد ومش عارفه
اركز ف اى حاجه حواليا غير انى
افكر فيك وف اللى بتعمله .
. وجاى دلوقتى تقولى انك انت
اللى مشتريلى الفستان اللى بقالى اسبوع هموت عليه
احمد : مهانش عليا ا……
ساره : مهانش عليك ايه ؟
يا عم
الو
يا عم رد انت فين
احممممد
يا اخ رحت فين مانت متنيل فاتح اهو
…..
احمد : معلش اتأخرت عليكو احلى فنجانين قهوه
امانى : متشكره جدا .. انت بتعرق كده ليه
احمد : منفوخ . اقسم بالله منفوخ … مالك يا انسه ساره مش ف المود ليه
امانى : سيبها دلوقتى ههههههههههه
احمد : لا بجد مالك فيه حاجه مضايقاكى
ساره : ( بتبصله وبتبدا تشغل دماغها وتقلق )
هو انا ممكن اطلب منك طلب
احمد : رقبتى
ساره : انا عاوزه اكتب كارت بمناسبة عيد ميلادى لاصحابي
وخطى وحش ممكن تكتبهولى انت بخط ايدك
احمد : ايه … خط ايدى انا ؟
ساره : اه . بخط ايدك انت
فضلا وليس امرا ٢٠ ملصق علشان نكمل 👇👇👇
#خدمه_العملاء
#الوقوع_في_المحظور
#الجزء_التاسع_والعاشر👇👇
الجزء التاسع
...🌺🌺🌺🌺
ساره : انا عاوزه اكتب كارت بمناسبة عيد ميلادى لاصحابي
وخطى وحش ممكن تكتبهولى انت بخط ايدك
احمد : ايه ... خط ايدى انا ؟
ساره : اه . بخط ايدك انت
احمد : حاضر . تحبى اكتبلك ايه ؟
ساره : اكتب مثلا بحبك وحشتينى اشتقتلك .. اكتب مثلا عظيمتى . اى حاجه
احمد : عظيمتى ؟
ساره : اه ! فيها حاجه الكلمه ؟
احمد : ( لقيته بيعرق ) لا ابدا اصل الكلمه حلوه يعنى ..
خلاص معاكى قلم ولا ادخل اجيب من جوه
ساره : لا لا معايا .. معلش هتعبك
احمد : تعبك راحه ... ( بيكتب بايده الشمال )
ساره : انت بتعمل ايه ؟
احمد : ايه ؟ بكتب ؟
ساره : هو انت بتكتب بالشمال ولا باليمين ؟
احمد : لا باليمين . بس صوباعى
اليمين ده مسكت بيه حاجه
سخنه وحارقنى من ساعتها .
وبعدين ماتقلقيش انا خطى حلو بالايد دى وبالايد دى
امانى : ( بتبصله وبتبدا تشك هى كمان ) بججججد ؟ طب
اكتب كده بالشمال ورينى خطك
احمد : حاضر اهو .... ايه رأيكو
ساره : لا فعلا خطك حلو ... متشكره جدا
احمد : تحبى اكتبلك كم كارت
ساره : لا هو واحد بس ومتشكره جدااا وسلامة ايدك
احمد : الله يسلمك .. عن اذنكوا هشوف اللى ورايا
ساره : اه طبعا اتفضل
............
الشيف محمد : ايه يا حاج واقف مسهم ليه
احمد : مافيش . بس بقلبها ف دماغى كده .
الشيف : طب خد خد اوردر ترابيزه 1 جاهز
...........
( ع الشات )
ساره : احممممد !
الو !
ياعم رد بقا
الوووووو !
.........
الشيف عمرو : اووووف بقا على رنات ورسايل الواد ده .. طب
ما يمسك ام تليفونه معاه بدل ماهو خايلنا كده
الشيف محمد : سيب تليفونه ياعم ..
ولا اقولك ! اعمله صامت اريح
اهو يريحنا من ام الصداع ده
الشيف عمرو : ايوه احسن ...
خلاص عملته صامت
الشيف محمد : اديه ل حسام يديه لاحمد ..
مش عاوزين خيله هنا ماتخليش تليفونه هنا
عمرو : تمام ... حسام . ادى
التليفون ده لاحمد ..
. مزهق امنا رسايل يا عم وخليه
يشوف كده لاحسن يكون حد
ضرورى ولا مهم بيرن عليه
حسام : تمام . هات
............
حسام : بقولك ايه يا ريس ... تليفونك اهو .
احمد : ( مش واخد باله من الكلام ) ماله تليفونى
حسام : حطيته ف جيبك فيه حد عمال يبعتلك رسايل ورنات
احمد : تمام
...........
امانى : ساره ! انا خدت بالى من حاجه
ساره : حاجة ايه ..
امانى : الواد ده تليفونه مكنش
معاه وزميله ف الشغل
لسا مديله تليفونه دلوقتى حالا .
. استنى انا هندهله يجيبلنا طلب
وانتى رنى عليه وهو واقف معانا ..
لو تليفونه رن . يبقي هو هو نفس
الشخص يا حلوه . دنا هطلع
ميتينه لو طلع هو هههههههههههه
ساره : بججججججد ؟ طب يلا اندهيله وانا هجهز نمرته يدوبك على الرنه
امانى : تمام ...... احممممممد . لو سمحت
احمد : عيونى يا استاذه
امانى : معلش زهقناك
احمد : ماتقوليش الكلام ده تانى ... تشربوا حاجه ؟
امانى : اه .. عاوزين حاجه جديده كده
احمد : خلاص هعملكو كوكتيل حلو كده
امانى : تمام . متشكره
احمد : ( بيبص ل ساره اللى مركزه ف تليفونها )
عاوزه حاجه معينه يا انسه ساره
ساره : لا يا احمد شكرا ...
ومعلش تاعبينك معانا النهارده
بجهز بقا لعيد ميلادى وكده
احمد : لا ابدا وان شاء الله يكون
عيد ميلاد سعيد وتفرحى وتبقي ليله حلوه ...
ساره : اححححم ! بقولك ايه ؟
عندك مانع اعزمك ؟
احمد : ايه ؟ تعزمينى انا ؟
ساره : اه ! ليه لا . انا مستجدعاك على فكره
احمد : يعنى بجد عاوزانى احضر عيد ميلادك ؟
ساره : اه يا احمد فيها ايه احنا اخوات
احمد : احنا ايه ؟
ساره : اخوااات
احمد : هما مين دول ؟
ساره : احنا
احمد : مين احنا
ساره : يعنى انا وانت وامانى
احمد : مالنا
ساره : اخوات
احمد : هما مين دول ؟
امانى : ( بتتف القهوه من بؤها من كتر الضحك )
احمد : ( بيتكلم بقرف ) عن اذنكوا هشوف الاوردرات
امانى : انا مش قااااااااادره اقسم بالله
. الواد ده عليه شوية رإكشنات تودى ف داهيه ههههههههههههههههههه
ساره : هههههههههههههههههههه انا اللى كنت بموت
من جوايا .. وكله كوم ولما
كلمنى بقرف ف الاخر كوم .. .
اقسم بالله عسل .
وسواء طلع هو ولا مش هو فأنا
هعزمه النهارده وهييجى عيد الميلاد بتاعى
..........
احمد : بقولك ايه يا شيف محمد
. اعملى احلى كوكتيلين
الشيف : تمام للجماعه اياهم
احمد : اه ! وحطلى فيهم شويه شطا .
. خلينى اخلص .. ال اخوات ال . دى سنة سوده انا عارف
رواية خدمة العملاء
الجزء العاشر
احمد : بقولك ايه يا شيف محمد .
اعملى احلى كوكتيلين
الشيف : تمام للجماعه اياهم
احمد : اه ! وحطلى فيهم شويه شطا .
. خلينى اخلص .. ال اخوات ال .
دى سنة سوده انا عارف
الشيف : هههههههههههه يلا يا فقر ...
اعملك كوكتيلين ايه
احمد : انت فاكرنى بهزر ؟
والمصحف هتحطلى فيهم شطا .
. ولا اقولك . اعملهم انت وانا اللى هحط الشطه
الشيف : بقولك ايه ماهيش ناقصه جنانك دلوقتى
احمد : جنان ايه ياعم سيبنى
...........
امانى : الواد عمال يبصلنا بقرف طول ماهو رايح جاى اعوذ بالله
ساره : ههههههههههههه احسن .. يستاهل ... ودينى لاطلع عينه بس اصبرى عليا
امانى : يابنتى ليه ؟
مش تتأكدى الاول انه هو الواد التانى
ساره : منا قولتلك سواء هو
ولا مش هو انا قررت انى
اطلع عين الواد احمد ده اللى
شايفاه ده انا حابه كده
امانى : طيب وطى صوتك
اححم جاى علينا وجايب العصير
ساره : بقولك ايه اضحكى
بصوت عالى كأنى قولتلك
حاجه وبصيله هو واسكتى
كاننا كنا بنضحك عليه هو
امانى : هههههههههههه اشطا . استنى
امانى : ( بتضحك ضحكه
عاليه اوى ضحكة رقاصات
وبعدها بتبص ل احمد وبتسكت )
احمد : هو ايه اصله ده ؟
امانى : سورى يا احمد
معلش هههههههه البت دى فقر
احمد : ( بيبص ل ساره )
ساره : ماتصدقهاش يا احمد هى
اللى فشتها عايمه على طول وبتحب تضحك كده عمال على بطال
احمد : والله ؟ طيب تمام . اتفضلو العصير
ساره : تسلم ايدك شكله حلو فعلا
احمد : لا ولسا لما تدوقوه ... حكايه
ساره : انا عارفه ومتأكده انه حكايه . تسلم ايدك مقدما
احمد : الله يسلمك
....
ساره : ( بتتف العصير ) يابن الجزززززمه
امانى : ( بتطلع لسانها من بؤها ) احححححححح ايه القرف ده .. هو حاطط ايه
ساره : ( بتبص ناحية الاستاند بتاع المطبخ بتلاقى احمد
واقف بيضحك بطريقه حلوه اوى وماسك بطنه ..... بتنسي
اللى هى فيه وقلبها بينشرح من منظر ضحكته )
امانى : هو فين .. هو فيييييييييين وربنا لمطلعه عين امه
ساره : ( بتكلم احمد بالاشارات والهمسات من بعيد ل بعيد ) ماشي يا احمد والله لمورياك
احمد : ( بيرد عليها بالاشارات والهمسات ) معلش بقا العين بالعين
ساره : ماشي ماشي
امانى : انا قايمه اضرب الواد ده
ساره : ههههههههههه لا خلاص قلبك ابيض . مردوده ... وحياة
امى وامك لازم ييجى النهارده عيد ميلادى
.........
امانى : بتسرحى ف ايه يا سوسو
ساره : انا بدات احب اللى انا فيه
امانى : ازاى
ساره : مبسوطه اوى بالجو اللى انا فيه ده .. سواء كانو
شخصيتين مختلفين او كان شخص واحد ... عظيم اوى انك
تحس انك مُلهم لحد وانه شايفك عظيم
عارفه !
وانا ببص لاحمد وهو بيشتغل بنسي تعبى وبنسي حزنى وبنسي اى حزن مريت بيه ف
حياتى طول منا قاعده قصاده .
حتى من قبل الموضوع إياه وان حد بدا يشغلنى ويكلمنى ف التليفون
عارفه !
انا فعلا كنت محتاجه علاقه زى دى ف حياتى
علاقه تنسينى العلاقه اللى
فاتت اللى خدت نفسي وروحى وخلتنى افقد الثقه ف العالم كله
انا طلعت من العلاقه اللى
فاتت مدمره .. انسان كنت
مدياله كل حاجه ف حياتى
ومسخراله كل ماهو صعب
اننا نكون لبعض وهو بكل انانيه
مفكرش يتعب نفسه نص التعب اللى انا تعبته عشانه
مكنش عنده استعداد يحاول
علشانى
ولا كان عنده استعداد يخسر
قصادى حاجاات بسيطه
هيكون تمنها اننا نكون مع بعض
عيشت معاه سنتين وانا كنت فاكره انى ف الجنه
لكن دول طلعوا ايام عجاف ..
ايام ف الجحيم . لما بقعد مع
نفسي كده وافكر ف ايامى
زمان بلاقى نفسي بضحك على
خيبتى وبضحك على عبطى
وبضحك على التضحيات اللى
كنت بضحيها وعلى انى فضلت
متمسكه بحد مكنش متمسك بيا
بعدها على طول لقيت
الكافيه ده دخلته مره واتنين وتلاته .
.. بعدها ظهر احمد ده
لقيت حد مهتم بيا
لقيت حد كأن ربنا بعتهولى يطبطب عليا
كان دايما بلاقيه ماشي رايح
جاى حواليا ويبصلى ويضحك
حتى ف الاوقات اللى مابيكونش
فيها زباين من اساسه والترابيزات فاضيه .. وانا كنت بتعمد انى اجى ف الوقت ده
صدقينى انا اللى متعلقه ب
احمد مش هو اللى بيحاول يلفت نظرى ...
بس كنت بحس احساس غريب ف كل مره كان بيجيبلى حاجه اشربها
امانى : حاجه ايه
ساره : عيونه ! عيونه كانت بتطبطب عليا .. عيونه كأنه
بيقولى ماتزعليش وادى لقلبك فرصه تانيه
تشربى حاجه تانيه يا ست البنات .؟
دايما كان يقولى الجمله دى وانا قاعده مسهمه وسرحانه
اقوله متشكره .. معلش تعبتك
كان يقولى تعب ايه بس ياريت تتعبينى انا راضي
كنت الاول بقول انه ويتر شاطر بيعرف
يشد الزباين للمكان وليه هو
شخصيا بس لما تابعته لقيته
عادى جدا مع الزباين التانيه
اللى هو تشربوا ايه يا فندم وحاضر وشكرا
هههههههههههههههه ده حتى
اول ما اشتغل هنا كانت الصينيه
على طول تقع منه وكان بيبقى شكله مسخره ...
هههههههههههه تحسيه انه اول مره يشيل صينيه ف حياته
بحسه ابن ناس مش عارفه ليه مش واحد شايل هموم حد ولا
بيصرف على حد . بالعكس انا بحس انه جاى يتفسح هنا .
لسبب معين ف دماغه .. وهو ده اللى اعرفه النهارده لما ييجى العيد ميلاد
امانى : عرفتى هتعزميه ازاى ؟
ساره : اه .. هقوله وهييجى وهستناه ... استنى خليكى معايا .... احمممممممد
احمد : عيونى
ساره : الحساب من فضلك
احمد : خلى علينا يا ست البنات
امانى : ( بتبص ف عيون ساره بتلاقيها مبسوطه وفرحانه )
كام يا احمد الحساب لاحسن نمسك ف الكلمه وتتدبس ف تمنها
احمد : اعتبريها حصل والله ومش مجامله
امانى : هههههههههه قدها وقدود يا باشا كام بجد
احمد : 30 جنيه
ساره : ماتنساش بقا عيد ميلادى ... هستناك النهارده
احمد : استنى بس عيد ميلاد ايه هاجى بصفتى ايه انا
ساره : بصفتك واحد جدع وانا مستجدعاك
احمد : معلش . انا كفايه عليا ال ... ال .. اللى هو يعنى بتيجى هنا
ساره : طب بص .... والله يا احمد لو ما جيت عيد ميلادى
النهارده ماعدت معتبه عتبة الكافيه بتاعكوا طول العمر ومش
هتشوفنى تانى ... انا قولتلك اهو بقي .... احنا ماشيين
.......
( ف الشارع )
ساره : اما انا غبيه بشكل
امانى : ايه ؟ فيه ايه ؟
ساره : انا قولت ل احمد ييجى
عيد ميلادى وماقولتلوش على
عنوان بيتنا .. ده ايه الحزن ده ؟
امانى : ( بتفكر ل ثوانى )
سبحان الله جات من عند ربنا
ساره : هى ايه يا فالحه
امانى : لو ماجاش وقالك بكره
انك نسيتى تقوليله العنوان يبقي
كده اتأكدنا انه مش احمد اللى بيكلمك ف التليفون
ساره : اوبااااا قصدك يعنى
انه لو جه . هيكون هو الشخص
اللى مراقبنى وعارف انا مين وفين وساكنه فين وكده ؟
امانى : بالظبط
ساره : شفايفك ابوسها هههههههههههه الله
الله ! شكله هيقع ... يارب يطلع هو يارب وينسي انى
ماقولتلوش العنوان ويتهف ف عقله وييجى
#فضلا_وليس_امرا ٢٠ #ملصق_علشان_نكمل👇👇
#رواية_خدمه_العملاء
#الوقوع_في_المحظور
#الجزء_الحادي_عشر_والثاني_عشر
الجزء الحادي عشر
…
ساره : شفايفك ابوسها هههههههههههه الله
الله ! شكله هيقع … يارب يطلع هو يارب وينسي
انى ماقولتلوش العنوان ويتهف ف عقله وييجى
………
احمد : بقولك ايه يا ناصر انا ماشي
ناصر ( الكاشير ) : على فين
احمد : شويه وجاى . وبعدين انت هتعمل مدير عليا ههههههههه
انا بمشى وباجى بمزاجى يا بابا
ناصر : هههههههههههه الله يكرمه
بقا استاذ محمود صاحب الكافيه مديلك حريتك دانت
لو ابنه مش هيعمل معاك كده ويعاملك بالدلع ده
احمد : قر ف امها بقا .. على العموم
انا ممكن ساعه كده وجاى
ولو ماجيتش بعد ساعه ييبقي مش هاجى معلش
ناصر : ماشي يا حب اتكل انت
احمد : اه نسيت .. ال 80 جنيه حساب البنتين عندك ف الفاتوره
ناصر : ودفعت من جيبك كام المرادى هههههههههه يابنى
فلوسك يابنى ماتقولهم
الحساب ب 80 هما هيحتاجوا منك يعنى
احمد : ولاااه . ماتفتحش السيره دى
تانى انت مالك مش ليك
فلوسك تاخدها مظبوط انت مالك
ناصر : هههههههههههههه والله وراك حكايه وهعرفها قريب
احمد : يلا سلام
………….
( ف الشارع )
مجهول : ايه يا مزز رايحين فين
امانى : فيه حاجه يا أخ
مجهول : احنا حابين نخدم بس .. وراكو مشوار
ساره : ما تحترم نفسك يا أخينا
مجهول : ما تيجى اعزمكوا على حاجه نشربها ونحترمها سوا
امانى : انت قليل الادب ومش متربي
( ساره وامانى بيدخلوا من
شارع جنبهم .. بيختفى الشخص
اللى بيعاكسهم ده وبيسمعوا صوت
ضرب وحد بيتخانق معاه ..
بيخافوا وبيكملوا ف طريقهم )
….
امانى : عالم مستفزه بنت كلب
ساره : انا عارفه ايه القرف ده
امانى : ده عيل شكله وحش اعوذ بالله … وواخد ييجى
بشلتين ف وشه ههههههههههه
ساره : بس شكل الناس اتلمت عليه وضربوه
امانى : اه انا سمعت صوت ضرب . وسمعت الواد ده وهو
بيزعق وبيقول انت مالك يا أخينا
ساره : لسا فيه ناس ولاد حلال
…….
( بعد نص ساعه ف البيت بتيجى رساله من أحمد ( اللى
بيكلمها ) )
احمد : انتى وصلتى البيت ؟
ساره : اه . اشمعنى
احمد : كويسه يعنى ؟
ساره : اه .. ليه بردو ؟
احمد : مافيش بس بتطمن ان
الحيوان اللى عاكسكوا ده مقلش أدبه عليكو تانى
ساره : انت كنت شايف ؟
احمد : اه
ساره : وانت اللى اتخانقت معاه ؟
احمد : ايه ؟ لا . اه .. انا كنت واقف والناس اتلمت عليه
ساره : هههههههههه كداب …. بس بقولك ايه ! ماتيجى عيد ميلادى النهارده
احمد : ياريت بس مش هعرف ورايا شغل
ساره : بتكلم بجد . تعالى واعرفك على اصحابي واهلى واهو
نفك حوار اللغز ده وتيجى
احمد : هنتقابل والله وهنقعد
وشنا ف وش بعض وهقولك كل
حاجه بس ادينى وقتى معلش
ساره : ليه ؟ ليه خايف تقرب
وتكشفلى على شخصيتك
الحقيقيه
احمد : لسا مأنش الاوان ..
ساره : وامتى الاوان ده ؟
احمد : قريب …معلش هقفل عشان ورايا حاجه
ساره : اوكى يا احمد .. اوكى
احمد : سلام
ساره : باى
……………
احمد ( الجرسون ) : بالراحه يا دكتور طيب
الدكتور : بالراحه اهو … دراعك محتاج 5 غرز
احمد : اتفضل
الدكتور : كويس ان الخبطه ماجتش ف وشك اوى يدوب
كدمات عشان ماتبانش ف وشك على طول
احمد : الحمد لله … عيل مؤذى ابن كلب …
الدكتور : واتخانقت معاه ليه … باين عليك ابن ناس
احمد : اهو بقا النصيب
الدكتور : طيب اخلع قميصك عشان اعرف اشوف شغلى
احمد : حاضر
..
الدكتور : ايه كل الخبطات اللى ف جسمك دى ؟
احمد : مافيش . اهى الدنيا
الدكتور : دنيا ايه ؟ انت ضهرك متخرشم وعندك كذا غرزه ف
كذا مكان .. انت ايه حكايتك
احمد : كنت ف الجيش يا دكتور
الدكتور : اها . ربنا يعينك كنت بتخدم فين ؟
احمد : ف العريش ههههههههه بؤره الاحداث
الدكتور : والحاجات دى كلها من هناك
احمد : اه … كان بينضرب علينا نار زى السلام عليكو كده ….
الدكتور : وحصلتلك ازاى الحاجات دى
احمد : اهو مره شظايا تدخل فيا ومره تانيه انضرب علينا نار واتعاملنا معاها
الدكتور : كنت عسكرى ولا ظابط ؟
احمد : لا ظابط .. سنتين
الدكتور : ربنا يعينكو ؟
احمد : ادعيلهم الرجاله هناك شايله المرار
الدكتور : يارب … مخلص جيش من امتى
احمد : من حوالي 5 شهور
الدكتور : تمام . انا خيطتلك الجرح اهو .. ماتجهدش نفسك
بس ولا تحرك دراعك من فوق كتير مش عاوزين الخيط يتفك
احمد : حاضر ….
الدكتور : استنى امسحلك وشك
احمد : وشي متخرشم اوى ؟
الدكتور : هههههههههه اه لو وراك مقابله ولا حاجه مع بنت
ياريت تأجلها
احمد : هههههههههه مش هينفع … انا مأجل حياتى كلها بقالى 3 سنين
الدكتور : ياااااه ودى تبقي مين بقي اللى تخلى حضرت الظابط يحبها بالشكل ده خطيبتك ؟
احمد : قريب ان شاء الله هههههههه وبعدين بلاش حضرت
الظابط دى .. دى بقالها 5 شهور وخلاص خلصنا فترة تجنيدنا
الدكتور : ربنا يوفقك … يلا اتفضل يا سيدى انا خلصت
احمد : متشكر جدااااا
……….
( الساعه 8 )
امانى : سوسو ! يعنى الواد ماجاش يعنى
ساره : يبقي زى مانتى قولتى بقا مش هو …. ماهو فعلا انا
ماديتلوش العنوان هييجى ازاى يعنى .. انا غبيه اوى …. فيه
رقم غريب اوى عمال يرن عليا
امانى : طب ما تردى يابنتى … بس اطلعى ف البلكونه بعيد
عن زيطة البنات عشان تعرفى تسمعى
ساره : طب استنى !
الو !
احمد : على فكره انا ماتأخرتش ولا حاجه بس انا معرفش
العنوان يا حلوه
ساره : انت مين ؟
احمد : ههههههههههههه احمد .. الويتر . نسيتينى ولا رجعتى ف العزومه
ساره : ههههههههههه طب جبت رقمى ازاى وانا فاكره انى ماديتهولكش
احمد : لا منا جبته من الكافيه …. كان فيه مره ادولك ورقه
كده تكتبى رأيك ف الكافيه وخدماته وطلبو منك رقم تليفونك صح
ساره : اه فعلا صح
احمد : خدته من هناك بقي عشان اعرف اكلمك واسالك عن العنوان
ساره : يابن الجنيه
احمد : بتقولى ايه ؟
ساره : ههههههههههههههه اقسم بالله انت ما سهل
احمد : ليه ؟ عادى جدا انى افكر ف الحل ده .. وده عشان
خاطر ماتزعليش بس
ساره : احمد هو انت بتغير صوتك ازاى
احمد : يعنى ايه
ساره : يعنى صوتك بيتغير ازاى ف كل مره اكلمك فيها
احمد : ازاى ! انا اول مره اكلمك على الفون اهو
ساره : متأكد ؟
احمد : اه
ساره : اووووف ! انا اعصابي تعبانه معلش .. المهم هتيجى ؟
احمد : اه ادينى العنوان
ساره : طيب اكتب عندك
………..
( بعد 10 دقايق )
ساره : اهلاااااااااا نورت المكان يا أحمد اتفضل
احمد : ده نورك ( بيشوفها بالفستان ) ايه القمر ده
ساره : متشكره جداااا .. ( بتبص ل وشه اللى متخرشم )
امانى : اهلاااااااااا تعالى يا احمد تعالى . تعالى ماتتكسفش
دول اصحابنا ( اسراء وليلى وعلياء وهاجر ومى وشادى وامير
وعلى ومحمد ومحمد تانى ههههههههههه
احمد : اهلا بحضراتكو يا جماعه …. وكل سنه والجميل بتاعكو بكل خير
ساره : ( تايهه ومركزه ف وشه وبتكلم نفسها وماسكه راسها
بايديها ) هو ولا مش هو ياربي ؟
خدمه العملاء 👈
الجزء الثانى عشر
.....🌹🌹🌹🌹🌹🌹
احمد : اهلا بحضراتكو يا جماعه .... وكل سنه والجميل بتاعكو بكل خير
ساره : ( تايهه ومركزه ف وشه وبتكلم نفسها وماسكه راسها بايديها ) هو ولا مش هو ياربي ؟
...
ساره : تعرف انى مبسوطه اوى انك جيت
احمد : منا ماكنتش هاجى لولا انى شغلت دماغى وجبت رقمك والا كنت روحت ف داهيه هههههههههه
ساره : يعنى ايه
احمد : لا ماتاخديش بالك ... الفستان حلو عليك بالظبط
ساره : انا جايباه ب 150 جنيه
احمد : احححم . يعنى ايه ؟ بس بجد حلو عليك وتحفه جدا .. مخليكى برنسيسه وعظيمه كده
ساره : عظيمه ؟
احمد : احححم اه حاجه اخر عظمه كده ههههههه ( بيفرك ف ايده )
ساره : ايه حكايه الخرشمه اللى ف وشك دى انت اتخانقت النهارده
احمد : ربنا ما يجيب خناق . دنا وقعت
ساره : وقعت ايه يا احمد ؟ دى خناقه
احمد : خناقة ايه بس انا مش بحب اتخانق مع حد انا ف حالى صدقينى وقعت
ساره : وقعت ؟ طب وقعت فين ؟
احمد : على سلم بيتنا وانا طالع
ساره : وقعت ازاى ؟
احمد : ايه يا انسه ساره الاسئله دى كلها ( بيفرك ف ايده )
ساره : ايه انسه دى مش احنا اخوات تبقي تقولى يا ساره على طول
احمد : طيب ! انا هقوم امشي بقي
ساره : هههههههههههه هو انت لسا قعدت
احمد : اه احسن ما يحصلى حاجه
ساره : طب خلاص اقعد مش هسئلك على حاجه تاني .. بس انا ليه حاساك غامض يا احمد
احمد : ولا غامض ولا حاجه انا واضح والله
ساره : غامض يا احمد .. غامض وحاسه ان عندك كلام كتير عاوز تقوله وخايف
احمد : اخاف من ايه ؟
ساره : مش عارفه ! ليه دايما شايفه عينك مليانه حزن وبتتحول ل فرح وابتسامه لما تكون بتبصيلى
احمد : مش عارف
ساره : ليه دايما محاوطنى ف الكافيه وعلى طول رايح جاى قدامى
احمد : مش عارف . يمكن عشان بشوف لو احتاجتى حاجه
ساره : ولااااه . مش عاوزه استعباط .... انا اصلا جايباك هنا عشان اعرف اللى انا عاوزه اعرفه ... ومش هتمشي غير لما افهم
احمد : عاوزه تفهمى ايه ؟
ساره : كل حاجه . انت مين
احمد : اسمى احمد وبشتغل ف كافيه وكنت بشوفك هناك دايما وباستمرار وشدنى رقتك وهدوءك ف كنت بحس انى عاوز افضل حواليك ... بس ..
ساره : لا مش بس ... كمل
احمد : صدقينى بس ....
ساره : طب قولى ايه سبب الخرشمه اللى ف وشك ..
احمد : وقعت ع السلم وانا رايح ازور واحد صاحبي
ساره : انت قولت من شويه انك وقعت على سلم بيتكو وانت مروح
احمد : ايوه منا قولت كده
ساره : انت قولت وانت طالع على سلم بيتكو
احمد : ماهو صاحبي ساكن معايا ف نفس العماره .... نفس البيت وجارى
ساره : بص ! انت يإما فعلا مش هو .. يإما انت ووراك حكايه ومش عاوز تقولها
احمد : هو ؟ هو مين ؟
ساره : ههههههههههههه مش عارفه ! انت تليفونك معاك ؟
احمد : اه طبعا
ساره : طب افتحه بعد اذنك
احمد : هو انا ف استجواب ولا ايه انا جاى اقولك كل سنه وانتى طيبه وماشي ههههههههههههه هو انا محبوس ؟
ساره : هههههههههههه يلا بقا . انا سايبه العيال وسايبه عيد ميلادى وقاعده معاك
احمد : طب ماهو ماينفعش .. تعالى نطفى الشمع بقا عشان اتأخرت ولازم امشي والله
ساره : اتأخرت على ايه مش خلصت شغلك انت ف الكافيه
احمد : ايه ! اه ! لا قصدى لازم اكون ف البيت يعنى ...
ساره : طيب طلع تليفونك . هبص عليه بصه واحده
احمد : اتفضلى يا ستى . ال يعنى هتعرفى تطلعى حاجه ههههههههههه
ساره : مأمن نفسك يعنى
احمد : مافيش ولد مابيكونش مأمن نفسه ومامن تليفونه هههههههههههه
ساره : ( بتمسك تليفونه وبتفتح الفيس بتاعه بتلاقيه فعلا باسم مختلف وبتفتح الاستوديو ومابتلاقيش حاجه بس بتاخد بالها من حاجه تانيه )
.............
( الساعه 12 )
ساره : امانى خليكى معايا النهارده باتى معايا
امانى : لازم يعنى ؟
ساره : اه والنبى انا دماغى هتضرب من ساعتها
امانى : ايه اللى حصل اتكلمتى مع الواد قولتى ايه انا حاسه انك من ساعتها مش متظبطه؟
ساره : محتاره حيره ما بعدها حيره .. قعدت واتكلمت معاه .. حسيت ان مش هو
امانى : تمام وبعدين
ساره : مسكت تليفونه لقيت حاجتين مبرجلين نافوخى ومخلينى هتجنن دلوقتى
امانى : حاجتين ايه
ساره : لقيته كاتب على شاشة التليفون My greatness
امانى : يعنى ايه
ساره : " عظيمتى "
امانى : اححححححححيه ؟ والحاجه التانيه
ساره : لقيت برنامج عارفاه بتاع تغيير صوت المتحدث
فضلا وليس امرا ١٥ ملصق علشان نكمل 👇🏿👇🏿
خدمه العملاء👈 الجزء الثالث عشر ( الأخيـــــر )
.....
ساره : لقيته كاتب على شاشة التليفون My greatness
امانى : يعنى ايه
ساره : " عظيمتى "
امانى : اححححححححيه ؟ والحاجه التانيه
ساره : لقيت برنامج عارفاه بتاع تغيير صوت المتحدث
امانى : طب وبعدين ...!
ساره : مش عارفه .. مش
عااااااارفه انا تعبت وزهقت ومش عارفه اعمل ايه .. انا ماعدتش رايحه الكافيه ده
وهغير رقم تليفونى ..
انا بجد مش قادره اكمل حياتى كده وانا ف التوتر ده ...
امانى : يا حبيبتى اهدى .
. طب بقولك ايه ..
. انتى فعلا ماتروحيش
الكافيه ده يومين كده اما نشوف رد فعله هيكون ايه
ساره : هيعمل ايه يعنى ؟
امانى : خلينا نستنى
..........
( بعد 3 ايام )
ساره : ايه يا مونى فيه جديد ؟
امانى : لا ! الواد مابقاش
يروح الكافيه . كنت هناك النهارده
وسالت زمايله قولتلهم فين احمد ؟ قالولى ماجاش بقاله 3 ايام
ساره : يعنى ايه ؟ هو كان عارف انى مش هروح
امانى : تقريبا لا ... وتقريبا
عنده ظروف خليته مايجيش
ساره : طب انا هلبس ونروح ..
. لو كان مراقبنى بقا ولا حاجه هيظهر
امانى : طيب تمام .
. حرام عليك انا بقيت متوتره اكتر منك مش عارفه ايه نهاية العلاقه دى هههههههههههه
يلا يلا تعالى ننزل تغيرى
جو شويه انتى بقالك 3 ايام
حتى مانزلتيش روحتى الشغل
ساره : كلمتهم وقولتلهم
انى تعبانه ومش قادره انزل
امانى : طب يلا .. وعلى رأيك
. لو كان مراقبنا هيظهر
ساره : ماشي
..............
( ف الكافيه )
ساره : يعنى بقالنا ساعه
قاعدين اهو ومظهرش ... وحتى تليفون احمد التانى ده مقفول ومابيكلمنيش
امانى : انا بدات اشك انهم شخص واحد ...
ساره : انا متاكده من زمان ..
مش لسا هشك .. بس بردو
عاوزه اشوفه .. واحشنى ( عينيها بتدمع )
امانى : ايه ده ايه ده ؟ انتى
بتعيطى ؟ للدرجادى يا سوسو
ساره : اه والله ...
انا قايمه مروحه مش قادره اقعد هنا دقيقه زياده
............
( بعد 4 ايام )
( احمد اللى بيكلمها ... بيرن على ساره )
ساره : الووو ! اخيرا ! انت فين ؟
بقالك اسبوع مختفى فيييين ؟
تليفونك مقفول .. فيه ايه ما ترد . ساكت ليه ؟
احمد ( الجرسون ) : ساره !
ساره : ايه ده ؟ ده مش صوتك .. ده صوت واحد تانى . صوت الويتر
احمد : اه يا ساره انا ...
عاوز اشوفك ( بيكلمها بصوت حزين واشبه بالعياط )
ساره : مالك ؟
احمد : عاوز اشوفك
ساره : فين وامتى ؟
احمد : انا ف الكافيه قاعد مستنيك
ساره : 10 دقايق وهكون عندك ماتمشيش
احمد : ماتتأخريش
..............
( بعد ربع ساعه )
احمد : ( قاعد ساند بايده على الترابيزه ومغطى وشه .. وشه ف الارض )
ساره : احمممد ! قاعد كده ليه
احمد : ( بيطلع وشه ... اللى مليانه دموع ) حمد الله على السلامه
ساره : ايه الحكايه يا احمد .. مالك ؟ حزين ليه ؟ بتعيط لييييييييييييه ( بتبدا ايديها تترعش من الخوف ومن منظر احمد )
احمد : ساره ! اسمعينى للاخر وماتقاطعنيش
ساره : ياريت ... قولى ايه الحكايه
احمد : حاضر
الحكايه بدات من 3 سنين
دخلت الجيش ظابط خدمتى كانت سنتين
اول يوم ليا ف الوحده بتاعتى ف الجيش
كنت قلقان وخايف وانا سامع عن القلق اللى هناك وضرب النار والحرب اللى هناك
لغاية ما لقيت قائد الكتيبه بتاعى بيهدينى وبيتصاحب عليا
وبيطمنى وبيقولى كلام حلو عن الفداء وعن القتال وانك ازاى تكون راجل وماتخافش من اعدائك وانك تخليهم هما اللى يهابوك
وبالفعل بدات اتعامل على الاساس ده
لغاية ما لقيت نفسي شويه شويه بدوس ف الحديد ومابخافش من الموت
رغم ان كان كل فتره واحد مننا يقع ونحزن ... بس كنا نحلف اننا هناخد حقهم ونكمل مشوارنا
القائد بتاعى كان دايما ييجى يحكيلى واحكيله عن حياتنا ومشاكلنا
بقينا اكتر من اخوات واصحاب
كان دايما يحكيلى عن بنوته حلوه بيحبها وهيمان بيها
وأنها بالنسباله اعظم انجاز وانه كلها كام شهر هينزل اجازه ويطلب ايديها وتكون ليه وبتاعته
وانه مكنش راضى يلمحلها باى حاجه لما عرف انها مرتبطه
بس هو كان متأكد ان موضوع ارتباطها ده مش هيدوم لان استحاله كان حد ف الدنيا دى هيحبها قده
كان يقولى انه مراقبها ومحاوطها
وكانت اى مشكله تقع فيها من بعيد او من قريب كان هو اللى يحلهالها من ورا الستار
من غير ما هى تاخد بالها او تعرف مين اللى حلها
كان بيحبها بشكل اول مره اشوفه
كان يقولى عارف لما تكون وسط النار والموت ومش شايف حد غيرها ؟
كان يقولى هى بالنسبالى آمان وملجأ ليا
كنت اقوله بتحب فيها ايه يا قائد
كان يقولى عامله زى شربة ماء ف نهار طويل مليان عطش
كانت بتروى روحى قبل ما تسر عينى
كانت بتجلى الحزن والهم مجرد ما اشوف ضحكتها
كان يقولى انه يعرفها من وهى عندها 11 سنه
كان جارها .. كان يستناها كل يوم وهى رايحه او جايه من
المدرسه عشان بس يبص عليها وكان يمشى وراها يحرسها
حتى كان معاه صورتها ف محفظته
اكتر من صوره
صوره ليها وهى 11 سنه
صوره ليها وهى 14 سنه
صوره ليها وهى 19 سنه
صوره ليها وهى 24 سنه
كنت دايما اقوله انا ف خدمتك يا قائد لو احتاجت منى اى
حاجه او اى مساعده ولو تحب اخفيلك اللى هى مرتبطه بيه ده عرفنى
كان يضحك ويقولى لا ... ده رهان بالنسبالى .
وهشوفها هى هتنهى علاقتها بيه لوحدها ولا لا
انا كان ممكن ادخل حياتها واقتحمها بس لا ... هى هتعرفنى لوحدها
وهتحبنى زى منا بحبها واكتر
بس انا مش عاوز اكسر قلبها
اقوله ليه يا قائد ؟
يقولى يابنى احنا ارواحنا على كفنا
لو البت اتعلقت بيا .. وف يوم سمعت خبرى .. وجالها خبر ان
حبيبها مات واستشهد هيجرالها ايه ؟؟؟ ممكن تروح فيها لانها ارق واطعم بنوته ف الدنيا
وقلبها من براءته ممكن مايستحملش
( بيمسح دموعه )
بعد حوالي شهرين كنا ف مداهمه
ركبنا عربياتنا والمفروض اننا كنا رايحين نجيب ناس ونتعامل معاهم
وحسب حسابتنا كانو مجموعه صغيره حوالي 4 افراد
لكن واحنا ف وسط المكان اتفاجأنا ان عددهم اكتر من 30
واحنا اتنين ظباط . انا والقائد و 12 عسكرى
اتفتحت علينا النار من كل ناحيه واترمت علينا قنابل من كل ناحيه
محدش من العساكر فضل عايش ( بيحكى وعيونه منزله شلالات دموع )
خدنا ساتر وتبه انا والقائد وفضلنا نضرب
بس ..!
اتفاجات واحنا واخدين ساتر انه ورايا .. ببص عليه لقيت رجليه الاتنين اتقطعوا
ايده اليمين اتبترت هى كمان
من المنظر فتحت على العيال دى النار بكل غل وبكل حزن
وبكل انتقام
جريت على المدفع وانا بتشاهد ف كل خطوه ان ربنا
مايكتبلنيش الذل واخد بحق زمايلى والقائد بتاعى
فتحت عليهم النار صفيتهم كلهم ف دقيقه
رجعت جرى على القائد لقيته بيقولى سيبنى يا احمد واهرب ..
خد ساتر الناس دى مخلصتش وهييجى غيرهم خلال 5 دقايق
قولتله يا نعيش سوا يا نموت سوا .. انا كلمت الدعم بتاعنا وهما على وصول
زقنى وقالى اسمع الكلام يا جندى . سيبنى وخدلك ساتر
شيلته من مكانه ومشيت بيه ف الصحرا
حوالي 4 كيلو ماشي وشايله
كل شويه يقولى سيبنى ونزلنى وامشي انت ...
كنت اعيط وانا ماشي واقوله لا .. يا هنعيش سوا يا هنموت سوا
ربنا اكرمنى ونجدنى ولقيت الدعم وصل ... نزلته ف العربيه ..
وركبت ف عربيات الدعم وجيت معاهم اخد بحق زمايلى وصحابي
صفينا كل المجرمين دول ومشطنا المكان كله ونضفناه
جريت على المستشفى اشوفه
لقيتهم خلاص ... بتروله رجليه الاتنين وايديه اليمين خلاص
وفيه شويه شظايا ف جسمه خلاته استحاله هيقدر يعيش بيها
العمر كله وكلها شهور وهيموت
من حوالي 5 شهور
حكالى عن البنوته بتاعته
وانه لسا لغاية دلوقتى مهتم بيها وبيسال عنها
وطلب منى اغرب طلب ممكن حد يطلبه منى ف حياتى
ساره : ( بتعيط بطريقه رهيبه ) طلب ايه يا احمد ؟
احمد : طلب منى انى انا اللى اتجوزها واحافظ عليها
قولتله لا انت اللى هتقوم وتتجوزها وهى هتوافق لما تعرف اد
ايه حد كان بيحبها بالشكل ده
يقولى لا ... هى مش هتتجوز واحد متهالك وبينتهى
انا عاوز اجوزها احلى وارجل بنى ادم ف الدنيا
ومافيش غيرك
اللى يشيل صاحبه ويمشى بيه ف صحرا وحواليه الموت من
كل ناحيه يبقي راجل ويستاهل حاجه حلوه .. ومافيش احلى
منها اكافئك بيها .. ومافيش احلى منك اكافئها بيها
اتفقنا انا وهو على الموضوع
كنت اروح اراقبها .. وارجع اقوله كانت بتعمل ايه النهارده وقعدت فين وراحت فين
قالى هنبدا ننكشها ونجننها شويه
قالى انا هكلمها وهكون معاها ف الفون
وانت هتشوفها وتكلمها من غير ما تعرف انت مين
الكافيه اللى انا شغال فيه ده ... ده بتاعه هو وملكه ... وهو
اللى كلم مدير الكافيه انى اشتغل فيه واكون على راحتى فيه
عشان اعرف اراقبها .. لأنها كانت بتروح هناك دايما
مره قولتله دى عاجبها فستان بتروح كل شويه تروح تبص عليه وتمشي
قالى اشتريهولها ....
اعمل عليه خصم واتفق مع صحاب المكان انهم يكتبوا عليه
خصم وخليه مثلا ب 150 او 200 جنيه عشان ماتشكش ف الموضوع
مره روحت قولتله ياعم صاحبتك دى مجنونه
قالى ليه
قولتله دى بتقولى اننا اخوات
فضل يضحك كتيييييييير وكانت اول مره اشوفه بيضحك من زمان
قالى تبقي دخلت دماغها ....
كانت مره قاعده ف الكافيه .. كلمته وقولتله الجماعه هنا ..
ابعتلها الرساله وابعتلى انك بعتتلها وانا هختفى
.. عشان تشك اكتر وتتجنن اكتر
وفعلا ... جنناها اكتر ف اليوم ده .. وياعينى كان منظرها يشرح القلب وهى تايهه وسرحانه
كنت لما اروح البيت ..
اروح اقعد معاه احكيله كل حاجه وكل كلمه حصلت عشان يبقي عارف
هو بيقول ايه وهو بيكلمها ... والفستان والروج والبنطلون ومعرفش ايه
لما واحد طلع عليها يعاكسها
هى وصاحبتها كنت انا اللى ماشي وراها .. بهدلته وكنت هموته ف ايدى
لما روحتله وحكيتله ..
ماكتفاش بالضرب اللى ضربته للواد
واتصل على المديريه وقبضوا على الواد ... ساعتها هو اللى كلمها بنفسه وقالها انتى كويسه ولا لا ؟
وانا روحتلها عيد ميلادها وانا متخرشم
بس كنت واخد تليفونه هو معايا
وهى شافت كلمه My greatness
عشان نخليها تشك اكتر واكتر
كنا حابين اوى اللى بنعمله واحنا شايفينها متجننه
وده اللى كنا نقدر نعمله ... من ناحية ان القائد بتاعى مش
عاوز ذرة حزن تمس قلبها ومن ناحيه تانيه كان عاوز يتأكد على رهان عمره
ويعرف هى هتميز صوته ولا لا
... وهتعرف ان فيه قلب بيحس بيها ولا لا
لكن ...! من اسبوع بالظبط
لقيت الدكتور بيتصل عليا وبيقولى تعالى بسرعه
جريت زى المجنون عليه
دخلت اكلمه
قالى انه خلاص ميعاده وصل
ووصانى علي العظيمه بتاعته اكتر ما وصانى على اهله
وقالى لو بتحب القائد بتاعك يبقي انت اللى تتجوزها
وتحافظ عليها
وسابلي رساله وقالى ماتفتحهاش ...
.. اديهالها هى وخليها تقراها وهى قاعده قصادك بعد ما تحكيلها حكايتى
ساره : ( بتعيط وعينيها غرقاااااااانه )
فين الرساله يا احمد !
احمد : اتفضلي
ساره : ( بتقرى بعينيها اللى غرقانه دموع )
" الى صاحبة السعاده . عظيمتى ومُحبتى وحبيبتى وطفلتى المدلله ... يعلم ربنا انى ماكنتش
عاوز احيرك الحيره اللى انتى فيها دى بقالك فتره .... بس غصب عنى
كنت بشبع منك ف اخر ايامى .
. انا اسمى احمد .. قائد الكتيبه اللى انضربت ف العريش من حوالي سنتين .
.. واللى قاعد قدامك احمد بردو .
صاحبى واخويا وارجل بنى ادم عرفته ف حياتى .... طالما بتقرى رسالتى دى .
. يبقي انا مش موجود ف الدنيا وف مكان ان شاء الله افضل بكتير .. لكن اللى هيعصرنى وفارق معايا انتى ..
. انتى حلمى اللى الدنيا استكترته عليا بس انا راضي الحمد لله .
.. خليكى عارفه انى بحبك من قبل انتى ماتعرفى يعنى ايه حب ..
. بحبك من ساعة ما كان شعرك لسا بضفاير . بحبك من ساعة
ماكنتى بتعدى عليا كل يوم وانتى رايحه مدرستك وتقوليلى
صباح الخير يا عمو . ماكنتيش تعرفى انى كنت بمشي وراكى
كل يوم واقف ف المكان ده كل
يوم عشان تيجى تقوليلى صباح الخير
هتلومينى انى مظهرتش ف حياتك ليه ؟
هقولك ذنبك ايه تكملى
حياتك مع واحد مبتوره اطرافه .. حتى لو ساعتها حبتينى بجد .
لكن انا مارضالكيش غير كل الحب والجمال
احمد اللى قاعد قدامك ده بيحبك .
.. حبك من كتر حبى ليك ومن كتر كلامى عنك .. ومش
هتلاقى حد يحبك بعدى قده .... بس اوعو تنسونى وخليكو دايما فاكرينى
ودلوقتى بس هتعرفى معنى
الرساله اللى كتبتهالك بخط ايدى انا ف الكارت بتاع الفستان
" الى صاحبة السعاده وفرحتى
ف حياتى المليئه بكل ماهو انطفاء وحزن ..أحببتك كما لم
يفعل أى إنسان من قبلى ..
وأحببتك كما ينبغى أن يليق
بكى .. فلا يليق بكِ إلا كل ماهو عظيم . وأنتِ عظيمتى "
احمد : تتجوزينى يا ساره ...!
فضلا وليس امرا ١٥ ملصق 👇🏿👇🏿
تمت
تم جميلة جدااا
ردحذف