 |
#احببت_صغيرتى
البارت السابع
-وفجأة سمعوا صوت جرس الباب نظرت هنا إلى أمنية
-جه جه يلهوى مجهزتش نفسى
= ما انا عمالة اقولك البسى من الصبح
- اخرجى اخرجى افتحى
= حاضر اى براحة
خرجت أمنية من الغرفة وجدت والداها ذاهب لفتح الباب
-خليك انت ي بابا اقعد انا هفتح
جلس والداها وذهبت أمنيه وفتحته
- اهلا بالعسل ازيك
= ازيك ي جوز اختى مستقبلا اتفضل
دخل عدى وزين ومعهم يارا
- اهلا حضرة الظابط عدى
= استاذ هاشم واتقابلنا تانى اه احب اعرفك
-عارفه زين الكيلانى ده من أهم العملا عندنا فى الشركة بالاضافة ليك طبعا
=بالظبط كده والقمر دى مراته
- يااه ده انتى صغيرة اوى ازيك ي
=يارا أسمى يارا
- ماشى ي يارا اتفضلوا ي جماعة
جلسوا يارا همست لزين
- زين زين
= نعم
- هى اللى فتحتلنا دى العروسة
= لا انتى مش سامعها بتقولوا جوز اختى بطلى غباء واسكتى
- انا مش غبية
تدخل عدى
- جرا اى ي جماعة انتوا هتتخانقوا الراجل عمال يبصلنا الله يكسفكوا وانت ي عم زين ما تقول حاجة مش هنفضل نبص لبعض كتير
= انا مالى مش انت العريس
- اتكلم الله يكسفك دنيا واخرة ما انت يعتبر ولى امرى
= ليه وانا هخلف الشحط ده
- هديك على وشك ي عديم الدم ي بن ال
فجأة زين قاطعه
- احم طب احنا كنا جايين نطلب ايد مدام هنا
عدى خبطة على رجله
= اى قصدى آنسة هنا
- والله ي بنى انا عامة مش هلاقى احسن من عدى لبنتى بس اهم حاجة هى توافق
عدى تدخل
- لا ما هى هتوافق نقرا الفاتحة
أمنية تدخلت
- لا اصبر أما هنا تيجى
أما يارا كانت جالسة تكتم ضحكها على موقف زين وعدى
- اى ي ختى مالك منشكحة كداا ليه
= صراحة كان منظرك مسخرة وانت بتقول مدام
ويارا تحاول أن تكتم ضحكها ، وفجأة خرجت هنا من الغرفة
تحدث عدى
- البطل جت اهى العروسة ي يارا
نظرت يارا لها وجدتها فى غاية الجمال ترتدى فستان ازرق بأكمام يتوسطه حزام اسود من خصرها وهو من الطبقة الشيفون
جاءت وجلست بجانب والدها
-عدى طالب ايدك اى رأيك
ابتسمت ، عدى تدخل
- هى موافقة يلا نقرا الفاتحة
جلسوا وقرأوا الفاتحة جميعهم
- طب ي عنى بعد اذنك طبعاً كنت عاوز خطوبة مع كتب كتاب ويكون بعد اسبوع
هنا تدخلت
- لا قليل جدا
= بس انا موافق ي بنى على بركة الله
نظرت هنا لامنية بغيظ
امنية تحدثت
- انا مالى مش ابوكى اللى وافق
صمتت هنا
- مبروك ي عم عدى
= الله يبارك فيك ي زين اعبالك
يارا نظرت لعدى
- قصدى ربنا يخليلك يارا اى خلاص اتلغبطت
طب نستأذن احنا بقاا هتيجى معانا ي عدى ولا قاعد
- لا انا عاوز هنا فى موضوع كداا روحوا انتوا
= وانا مش عاوزة اتكلم معاك وذهبت هنا الى الغرفة ذهبت خلفها أمنية
- بعد كداا اما اقولك تعالى ي عدى تيجى معايا علطول متبقاش تحرج نفسك
عدى فى نفسه انا هعلمك ي هنا تقعدى معايا ازاى
- مع السلامة ي عمى
= مع السلامه ي ابنى ، وذهبوا من بيتها
يارا عندما خرجت ظلت تضحك كثيرا
- اى ي يارا واكلة لبان زغزغة ، يارا ضحكت أكثر
وفجأة زين تحدث بصوت جهورى
- ما خلااااااص ي يارا
يارا صمتت عدى نظر لهما
- طب انا هروح شقتى انا بقاا خلى بالك من يارا ي زين ومتزعلهاش هاا متزعلهاش
= حاضر
ذهب زين إلى السيارة دخلت يارا جلست فى المقعد الخلفي
استغرب زين أنها لم تأتى تجلس بجانبه ولكن تحرك بالسيارة
كانت صامتة أثناء الطريق ، ذهبوا إلى الفيلا صعدت إلى السلالم دخلت الغرفة احضرت ملابسها وذهبت تنام بغرفة اخرى رأها زين
- انتى واخدة الحاجات دى وراحة على فين
لم تعطيه اى رد وذهبت الى الغرفة واغلقت الباب بقوة
زين نظر إلى الغرفة ذهب بعصبية للباب
- افتحى ي يارا
ولم يجد اى رد
- فى واحد برة بيكلمك افتحى ي يارا
لم يجد رد
=تمام ي يارا ملكيش كلام معايا تانى وخالص ي يارا فاهمة
كانت يارا داخل الغرفة تستمع له ذهب زين إلى غرفته واغلقها
_____________________
فى الصباح ذهبت هنا إلى شركتها فتحت مكتبها ووجدت .......
#يتبع
تعليقات
إرسال تعليق