 |
نوفيلا / امى عارفه - سمسمة سيد - كاملة
الفصل الاول
كانت اصوات سيارة الاسعاف والشرطة تدوى في جميع انحاء المكان
كان المارة متجمعين حول جثة تلك الفتاه
اقترب الشرطي ليلقي نظرة علي جثمان تلك الفتاه ليردف مردداً لمساعده :
_مين اللى بلغ يابني !!
اقترب احدى الاشخاص الواقفين مردداً :
_انا يابيه اللى بلغت !
نظر الشرطى اليه ليردف قائلاً :
_شوفت الواقعة!؟
الشخص وهو يسرد ماحدث معه :
_لا يابيه مشوفتهاش ، انا كنت راجع من شغلي ، ولقيت حاجه كبيرة نايمة علي الارض ولما قربت لقيت البنت دي قاطعه النفس وسايحه في دمها زي ماحضرتك شايف
الشرطي :
_يعني مشوفتش مين اللى عمل كده؟
الشخص بنفي :
_لا يابيه مشوفتش
هز الشرطي رأسه ليردف باامر الي مساعده :
_خد اقواله واللازم عشان لما نستدعيه
المساعد بااحترام :
_امرك ياماهر بيه
اتجه ماهر نحو الطبيب الجالس بجانب جثمان تلك الفتاه ليردف قائلاً :
_ها وصلتوا لحاجه !
الطبيب بتقرير :
_هو واضح انها مطعونه بآلة حادة بس مش هقدر احدد لحضرتك دلوقتي ايه نوعها ولا بقيت التفاصيل غير لما تتعرض علي الطب الشرعي ونكمل شغلنا!
هز ماهر راسه بتفهم ليشير الي مساعده مردداً :
_اعرفلي كل حاجه عن المجنى عليها واستدعيلي كل اللى كانت تعرفهم في اسرع وقت
المساعد :
_امرك ياماهر باشا
بعد مرور بعض الوقت ...
في احدى المنازل كانت تجلس احدي السيدات علي المقعد تبكي بقوة وبجوارها فتاة في بداية عقدها الثالث تحاول التخفيف عنها لتردف قائلة :
_خلاص ياخالتى ، زمانها جايه هتروح فين يعني ؟
اردفت السيدة وتدعي امنية :
_لا لا قلبي مش مطمن يادهب دي اول مرة تتاخر كده
اردفت والدة دهب بسخرية :
_مهو من كتر دلعك فيها ، هو اللى وصلها لكدة ، انتي ال بوظتيها بدلعك ده وجايه تندبي دلوقتي!!
نظرت دهب الي والدتها لتردف بضيق :
_مش وقته الكلام ده ياماما
اردفت امنيه بحسرة :
_هي من ساعة ماعرفت موضوع خطوبتك انتي واحمد وهي ياحبة عيني نفسيتها في النازل ، لو حصلها حاجه تبقي انتي السبب
ابتعدت دهب لتهب واقفه وهي تنظر اليها بذهول
اردفت والدة دهب بسخط :
_اااااة قولي كده بقى جايه ترمي الدلع والقرف اللى عملتيه في بنتك وكنتي سبب بواظنها علي بنتي
هبت امنية واقفت لتردف بهجوم :
_بنتي مش بايظه يانجاح ، وهو الدنيا ضاقت بالرجالة يعني عشان بنتك تتخطب لحبيب سمر ، اييه ملقتش غير اللى بنتي بتحبه !!
اردفت دهب بحدة :
_خلاص احنا مش هنتخانق مش وقته ، لما سمر ترجع اتخانقوا براحتكم ، وموضوع احمد موضوع مقفول ياخالتي ، انتي عارفه ومتاكده اني مش النوعيه دي من البنت ولاحتي ضربت احمد علي ايده عشان يخطبني!!
نظرت امنية اليها بسخط لتردف وهي تتجه نحو باب المنزل :
_لا والله انا مش قعدالكم فيها تقتلوا القتيل وتمشوا في جنازته صحيح
قامت بفتح باب المنزل وهمت بالخروج لتتفاجئ بذلك الشرطي يقف امامها ....
اردف الشرطي بتساؤل :
_فين امنية السيد ؟
امنية بخوف :
_انا امنية ياباشا اؤمر ؟
الشرطي :
_طب اتفضلي معايا
اقتربت نجاح ودهب ليقفوا خلف امنية لتردف امنية :
_لية ياباشا
الشرطي :
_ماهر بيه محتاج اقوالك في قضية قتل بنتك
صرخت امنية لتسقط مغشيا عليها مع تعالي شهقات دهب ونجاح بعدم تصديق
الفصل الثانى
في المستشفي ....
كانت نجاح ودهب يجلسون بجانب امنية المتسطحه علي الفراش وفاقدة للوعي بعد ان تم نقلها الي المستشفي ..
نظرت دهب الي والدتها لتردف بعدم تصديق :
_معقول ياماما ، سمر ماتت بجد ؟ وكمان ماتت مقتوله!!؟
نجاح بحزن :
_انا مش مصدقه لحد دلوقتي اللى حصل ربنا يصبرك ياامنية
قاطعهم صوت طرقات خفيفه علي باب الغرفة لتأذن نجاح بدخول الطارق
دلف ماهر بهيبته الي الداخل لتقف نجاح ودهب وهم ينظرون اليه
اردف بهدوء :
_انا ماهر الظابط اللى ماسك القضية
نجاح بحزن :
_اهلا بيك يابني
اردفت دهب بعدم تصديق :
_هي سمر ماتت بجد!!
ماهر ببرود :
_وتفتكري لو مش بجد هبقي هنا بعمل ايه!!؟
نظرت دهب اليه بضيق لتردف نجاح قائله :
_معلش يابني اعذرنا احنا لحد دلوقتي مش مستوعبين الخبر
ماهر :
_مفهوم ياحجه
صمت لينظر الي دهب ليردف قائلا بتساؤل :
_اخر مره شوفتي سمر امتي ؟
دهب بهدوء:
_من اسبوع
ماهر :
_مش غريبة انكم تبقوا عايشين في عمارة واحده ومشوفتهاش من اسبوع !!
دهب :
_عادي مش شرط يعني
نظر ماهر الي نجاح ليردف :
_وانتي ياحجه اخر مرة شوفتيها امتي!!
نجاح :
_والله يابني انا مشوفتهاش من اسبوع برضو من ساعة خطوبة دهب ، اصل هي زعلانه من دهب لانها فاكره انها سرقة حبيبها منها وخليته يجي يخطبها واحنا يابني ناس ملناش في الكلام ده وربنا يعلم
نظر ماهر الي دهب بتفحص ابتدءً من خمارها الذي ترتديه حتي ثيابها الفضفاضه للغايه ليهز رأسه بالموافقه مردداً :
_واضح فعلا ياحجه
قاطعهم دخول احمد الذى ركض اتجاه دهب وحاول امساك يدها لتبتعد الي الخلف
قطب حاجبيه باانزعاج ليردف قائلا :
_انتي كويسه ياحبيبتي؟
نظرت اليه دهب بضيق لتصمت اما عن نجاح فااردفت قائله :
_احنا كويسين يااحمد
نظر ماهر اليه ليردف قائلا :
_انت احمد!
نظر احمد اليه بلامبالاه ليردف قائلا :
_ايوة انا احمد مين انت؟
ماهر بهدوء :
_انا الظابط ماهر المسؤل عن قضية قتل سمر
ابتلع احمد لعابه بتوتر ليردف قائلا :
_اهلا وسهلا
ماهر :
_بينا كلام كتير اتفضل معايا
احمد :
_اتفضل معاك فين ، اتكلم هنا لو في حاجه دول اهلي
نظر ماهر اليه بااستهزاء ليردف قائلا :
_بس في حاجات مينفعش اهلك يعرفوها ولاانت ايه رايك
تدخلت دهب مردفه بتساؤل :
_حاجات ايه ؟ هو عمل ايه!؟
احمد :
_اللى عاوز تقوله ياباشا قوله قدامهم ، هما عارفين اني انا وسمر كنا مرتبطين
ماهر :
_وياتره العلاقه اللى بينك وبين سمر كانت ارتباط وبس؟
احمد :
_مش فاهم؟
ماهر بهدوء :
_يعني انا وصلني تقرير بتقول ان سمر متجوزتش ، بس اللى اكتشفناه انها مش بنت!!
شهقه صدرت عن دهب ونجاح وهم ينظرون الي احمد الذي بدء يتلعثم ويتصبب عرقاً :
_طب وانا مالي بحاجه زي دي يافندم ، انا انا سيبت سمر لاني عرفت انها بتكلم غيري ودي كل علاقتي بيها
رمقه ماهر بسخريه ليردف قائلا :
_انت هتتفضل معايا دلوقتي نكمل كلامنا في القسم ، اظن انهم مش هيحبوا اللي هيسمعوه نهائي
تقدم احمد ليتجه الي الخارج وخلفه ماهر الذي القي نظره اخيره علي دهب المصدومه ومن ثم اتجه الي الخارج
الفصل الثالث
كانت تجلس علي فراشها وهي تنظر الي الامام بشرود لتتذكر احدي الاحداث التي دارت بينها وبين سمر
"فلاش باك"
كانت تسير في حديقة الجامعه بعد ان انتهت من تقديم محاضرتها في تعمل بالجامعه كدكتوره لااحدي الاقسام
رأت دهب سمر تسير خلف احدى الشباب ممسكاً بيدها
اتجهت خلفها محاولة معرفة مايحدث ، ظلت تسير حتي رأت الشاب يجذب سمر خلف احدي المباني
هم الشاب بتقبيل سمر لتقترب دهب سريعاً مردده بقوة :
_انت بتعمل ايييه !!
انتفض الشاب وهو ينظر اليها بتوتر ليردف قائلا :
_د/دهب انا انا
دهب بصرامه :
_اتفضل امشي من هنا حالا ومشوفكش قدامي تاني
فر الشاب من امامها اما عن سمر فااخذت تنظر اليها بتوتر
دهب وهي تعقد ذراعيها امام صدرها مردده :
_ممكن افهم ايه اللى كان هيحصل دلوقتي يامحترمه ؟
نظرت سمر اليها بغيظ لتردف قائله :
_وانتي مالك انتي ! كنتي واصية عليا ولا حاجه ؟ انا بعيش حياتي زي ماانا عايزه براحتي ، اعمل اللى انا عوزاه ، ملكيش دخل ، وااه لو هتبدئي في جو هقول لاامك والكلام ده فاقوليلها هي عارفه اصلا ، بمعني تاني مااما عارفه كل اللى بعمله فاملكيش دخل يادهب
صرخت دهب في وجهها مردده :
_دكتوره دهب ياسمر ، وحياتك ايه اللى بتعيشيها ، حياتك انك تغضبي ربنا باافعال زبالة زي دي ، ولا حياتك انك تمشي مع شباب الجامعه كلها !! ، ولاحياتك انك تصاحبي ده وتحبي في ده ويطلع عليكي سمعه زي الزفت ، ولاتكونش حياتك انك تسقطي وتاخدي السنه في ااتنين ،ولا انك تتكبري علي الناس اكنك ملكة الدنيا ، هي دي حياتك!! حياة مقرفه وملهاش اي معني انا بجد شفقانه عليكي ، والاغرب من ده كله انك بتعملي كل اللى بتعمليه تحت مسمي "امي عارفه " بقت دي ستارتك لكل افعالك الزفت وكل استهتارك ، حقيقي انا ميشرفنيش ان يبقي في بيني وبينك صلة قرابة نهاائي
نظرت سمر اليها لتردف قائلة ببرود :
_سبنالك الشرف يادكتوره وسبنالك الصح تعمليه، الصح اللى من وجهت نظرك انى ابقي معقده والبس لبس مهرول عليا عشان ابقي صح وابقي محترمه ،الصح من وجهت نظرك ان ميبقاش ليا اختلاط حتي بزمايلي !! ، الاحترام اني اتكسف اتكلم مع الشباب ، انا عقلي متفتح يادكتوره مش معقده وكلي كلاكيع زيك ، ملكيش دخل بيا ، وانا ياستي مليش دخل بيكي وخلصت بقي
رمقتها دهب بااحتقار لتتركها وتذهب
"بااااااك"
افاقت من شرودها علي يد والدتها التي وضعت علي ذراعها
نظرت دهب اليها لتردف بتيه :
_قد ايه حياة الانسان متسواش ياماما !! ، هنستفاد ايه من الحياة دي لما نموت! هنستفاد ايه لما نتكبر علي الناس ونوجع في اقرب الناس لينا ونجرح فيهم ، هناخد ايه معانا القبر ! وهنسيب ايه هنا في الدنيا !!
ربتت نجاح علي ذراع ابنتها لتردف قائلة :
_احنا اتخلقنا يابنتي عشان حاجه معينه ، وهي تعمير الارض وعبادة ربنا ، حياة الانسان فعلا متسواش لما يعصي ربنا ويستباح كل الاعمال الحرام واللى ربنا حذرنا منها وامرنا بتجنبها ، حياتنا متسواش لما نبني حواجز بينا وبين اقرب الناس لينا لمجرد اننا شايفينه اقل منا او احسن منا ، متسواش لما الاخ يقاطع اخوه عشان فلوس او البنت تقاطع امها عشان بتنصحها او الابن يكره ابوه لمجرد انه خايف عليه بس مش قادر يوصله ده
صمتت لبرهه وهي تطلق زفير طويل ومن ثم تابعت :
_هناخد ايه معانا القبر ! هناخد عملنا الصالح في الدنيا سواء كلمه حلوه او عمل حلو ، صلة الرحم اللى وصلناها حتي لو الطرف التاني معملش ده ، سمعه طيبه سبناها وسيرة حلوه كله يفتكرنا بيها بعد موتنا
نظرت دهب الي والدتها لتردف قائله :
_انا زعلانه علي حياة سمر اووي ، في العزا محدش جه غير قرايبنا وبس اهل المنطقه مشوفتش حد منهم ولاحتي حد من صحابها اللى كانت بتقعد معاهم ، طب هي اخدت ايه من كل ده ؟
زفرت والدتها بضيق لتردف قائله :
_ربنا يرحمها ويغفرلها ، الشيطان لما بيتمكن من بني ادم يابتني مفيش حاجه تقدر تفوقه
اردفت دهب بحزن :
_ربنا يرحمها
..........
الفصل الرابع الاخيـــــــــــر
كانت تسير نحو مكتبه بعد ان قام بااستدعائها ..
طرقات باب الغرفة لتسمع اذنه بالدخول لتدلف الي الداخل تاركه باب الغرفة مفتوح
نظر ماهر اليها ليردف بترحيب :
_اهلاً ياانسة دهب ، اتفضلي اقعدى
جلست دهب وهي تنظر اليه بتوتر لتردف قائلة :
_خير حضرتك طلبتني!!
ماهر :
_انا اسف اني استدعيتك بالسرعه دي بس الموضوع يخص قضية سمر
دهب :
_وصلتوا للى عمل كده !!
اردف ماهر بدون مقدمات :
_احمد هو اللي عمل كده!!
نظرت دهب اليه بصدمه ليردف متابعاً حديثه وهو يسرد لها ماحدث
"فلاش باك"
ماهر ببرود وهو ينظر الي احمد المصاب :
_ها ياابوحميد مش ناوي تعترف بقي ولا الاستضافه عندنا عجبتك
احمد بتعب :
_هقول كل حاجه
اشار ماهر الي العسكري الممسك به ليتركه
جلس احمد علي المقعد المقابل لماهر ليردف :
_كح كح ، ايوه قتلتها كانت غبيه وعاوزه تقول لدهب كل حاجه بيني وبينها ودهب لو عرفت اللى بيني وبينها هتسيبني
ماهر :
_وايه اللي كان بينك وبينها !!
احمد بتعب :
_ورقتين عرفي قطعتهم بعد مااخدت منها اللى انا عاوزه
ماهر :
_واللى وصلك لقتلها انها كانت عايزه تقول لدهب بس ؟
احمد وهو يمسحه الدماء من انفه :
_اتصلت بيا وطلبت مني نتقابل والا هتروح تقول لدهب كل حاجه وتحكيلها عن علاقاتي القديمه ، وهتقولها كمان انها حامل مني ، مكنش قدامي حل غير اني اسكتها بالطريقه دي وارتاح واريح الناس من غرورها وقرفها
ماهر بهدوء :
_وطلاما انت ليك علاقات واخرهم مع سمر ليه مخطبتش سمر واشمعني دهب !
احمد باابتسامه ساخره :
_ياباشا النسوان اللى عرفتهم كلهم مينفعوش يشيلوا اسمي انا ايه ضمنى انهم ميكلموش غيري بعد الجواز ويخونوني ، دول خانوا ثقة اهلهم فيهم ، مش هيخونوا الراجل اللى هيتجوزوه !!
صمت بثوانٍ ومن ثم تابع :
_وبعدين دهب خام يعني اضمن انها ممشيتش مع حد ودي اللى ينفع تشيل اسمي مش حد تاني وهبقي مطمن انها متعرفش تخوني
ماهر بسخريه :
_وانت بقي اللى راجل متتسابش صح!!
احمد بتعب :
_انا مهما اعمل فاانا في الاول وفي الاخر راجل ياباشا معليش اللوم ، اللوم علي البنات اللي بتسلملي نفسها تحت مسمي اني بحبهم واني هتجوزهم ، متخلفين واغبيه
هب ماهر واقفاً ليسدد اليه عدة لكمات بغيظ من حديثه المستفز حتي تدخل العساكر ليفصلوا بينه وبين احمد الذي اخذ يلتقط انفاسه بصعوبه
"باااك"
نظرت دهب امامها بعينان ممتلئه بالدموع لتردف بااحتقار :
_اول مره اعرف ان في حد بالحقارة دي
ماهر بهدوء :
_في وفي كتير اووي ياانسة دهب ، بتحصل وبنسمع عنها كتير ان بسبب التربية الغلط لولادنا وخصوصا البنات لما اب او ام يفضلوا شادين عليهم وكل حاجه بحساب غصب عنهم بيلجؤا لااي كلمه حلوه تتقالهم من برة اي نظرة اعجاب او اي هدية بسيطه وده لمجرد انه يعوض النقص اللى جواهم اللى اهلهم كانوا السبب فيه ، وبالنسبه للشباب فالاهل برضو بيغلطوا انهم بيكبروهم انك راجل مهما عملت ومهما غلطت انت هتفضل راجل اغلط وصاحب بنات واغلط معاهم عادي مهو راجل ، مع ان كل التصرفات دي لاتمد للرجولة بصلة نهائي بس هنعمل ايه دي ثقافه مجتمع للاسف منقدرش نغيرها ، عمتا القضيه خلصت مفاضلش غير جلسة المحكمه والقضية هتتقفل
وقفت دهب لتردف قائله :
_انا متشكره اووي لحضرتك
ماهر :
_متشكرنيش ده واجبي
انهت كلماتها واتجهت الي الخارج
مرت الايام لتعلم دهب بصدور حكم الاعدام علي احمد ، فرحت قليلا لنيله جزئه ، واخذت تتابع حياتها وعملها وكانت تعتني بخالتها بعد اصابتها بجلطه مما تسببت لها بشلل ..
_تمت بحمدلله
تعليقات
إرسال تعليق