مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

-: مبروك يا حبيبتي 

-: الله يبارك فيك 

-: طب هاتي ايدك عشان نلبس الدبل... 

-: معلش ممكن اختك تلبسهاني ؟

-: ليه هو انتي هتتخطبي لأختي ولا ليه!! 

-: معلش بس حرام تمسك ايدي ....

-: الله ما طولك يا روح ماشي يا زهرة برحتك ، تعالي يا هنا لبسيها... 

هنا باستغراب : ماتلبسها انت. 

حاتم باستهزاء : لا اصلو طلع حرام... 

      طبعا كنت محرجه جدا قدام الناس ، بس انا مش غلطانه انا بصون نفسي ، حتي لو كان خطيبي مينفعش يمسك ايدي غير بعد كتب الكتاب عالاقل ....

( اسمي زهرة والي جنبي ده يبقى خطيبي حاتم ، كان بيحبني من ايام الجامعة وانا كنت ديما بصده وعمري ما سمحتله انه يتعدى حدوده ، كان المعيد بتاعي ، وكنت مضطره اتعامل معاه ولكن كان في حدود الدراسه وبس ، ولما الظروف سمحت ليه انه يجي يخطبني جه اتقدم واتخطابنا ، بس انا عندي امل انه يتغير ويلتزم ويقرب من ربنا ، نفسي اوي ناخد بايد بعض ، نفسي نكون مع بعض فالجنه) 

  -: مبرووووك يا حبايبي يلا عشان تتصوروا مع بعض... 

    وقفنا وانا خليت في مسافه صغيرة بنا بس لقيت مامته بتشاورله وبتقول 

_: ما تتحرك كده وحط ايدك على كتفها هو انا الي هعلمك يا حاتم... 

    كنت مستغربه ازاي مامته كده عادي ، انا شفت اخته مع خطبها بتسمحله بيهزر بايده ويحط ايده علي كتفها ، ده كمان ماسك ايدها طول الوقت ، انا طبعا رفضت انه يتعدى حدوده معايا حتي لو كانت صوره فانا مش مستعده اشيل الذنب العمر كله  ...

    

        بعد اسبوع 

-: انا زهقت يا زهره كل حاجه حرام حرام حرام ، انتي محسساني اني  واحد من الشارع... 

-: يا حاتم  انا كل الي عاوزاك تفهوا اننا لازم مننساش ان ربنا رقيب لكل أفعالنا ، وبعدين انت لازم تحافظ عليه اكتر من نفسي ، مينفعش نخرج لوحدنا ، مينفعش تمسك ايدي كل الحاجات دي حرام وربنا مش راضي عنها... 

-: اقفلي يا زهرة انا اتخنقت منك... 

     قفل التليفون في وشي ، بقيت محتاره هو انا فعلا غلطانة اني بحافظ على نفسي و اني فعلا مزوداها وخنقته ، طب ده ممكن يسبني ، ما هو بردو هيجي عليه يوم ويزهق ، الشيطان كان بيلعب ديما بيه ويقولي عادي ده هيكون جوزك ، هو بيحبني واكيد هيتجوزني ، وبعدين انا هتنازل هعمل ايه يعني فيها ايه لما يمسك ايدي مره نخرج سوا مرة  ، ما كل المخطوبين بيعملوا كده... 

  نفس اليوم استأذنت بابا اني هروح لحاتم الشغل تاني يوم  بابا مكنش موافق بس انا اتحايلت عليه ووعدته اني مش هعد كتير معاه مش اكتر من ربع ساعة وارجع بسرعة عالبيت، وفالأخر وافق بعد معاناه .... 

    طبعا حاولت اتصل بحاتم أكتر من مرة عشان اقوله اني هروحله الشغل كان تليفونه مقفول، فقررت اعمله مفاجأه..... 

     صحيت تاني يوم بدري ورحت الجامعه مكان شغل حاتم ماهو لسه معيد وحاليا شغال على الدكتوراه ، الكليه فعلا وحشتني المدرجات السكاشن كل حاجة زي ما هي متغيرتش ، سالت على مكتبه ووصلت ، خبط عالباب وفتحت عشان ادخل بس اتصدمت من الي شوفته ، شوفت حاتم قاعد ورا مكتبه وفي بنت قاعده على ايد الكرسي بتاعه تقريبا لازقه فيه ، الغريبه اني لما دخلت البنت متحركتش بس حاتم هو الي ملامحه اتغيرت ولقيت وشه جاب 100 لون.. 

بصيت للبنت وبصتله وهو بيقوم من على الكرسي وبيبعد عنها 

زهرة : ممكن أفهم ايه ده وازاي تسمح لواحده انها تعد كده قريب منك ... 

حاتم : ........

حاتم مكنش بيرد او بمعنى اصح مش لاقي كلام يقوله لقيت البنت جات لغايه عندي و لفت حواليا وسالته 

-: مين دي يا حاتم ؟

   

    حاتم بردو مكنش بيرد بس تعبير وشه كانت بتأكد ان فيه حاجه وحاجه مش هينه كمان ، انا كنت همشي بس عالاقل افهم ايه الي كان بيحصل من ورايا.... 

البنت لقيتها بتقوله 

-: هي دي هنا اختك يا حاتم... 

   وكأن حاتم ساعتها جاتله النجده لقيته بيهز راسه وبيقولها 

_: اه هيا..  هيا 

زهرة : هيا ايه انا مش أخته انا خطبته... 

البنت : هههههههههه خطبته خطبته ازاي انتي مجنونة... 

     اتعصبت ولقيت نفسي بصرخ فيه وبقوله 

-: انطق يا حاتم قولها انا مين 

حاتم : أمشي دلوقتي  بعدين بعدين انا هبقى اكلمك... 

زهرة : لا مش همشي انا لازم افهم في ايه ومين دي ؟

البنت : انا خطبته يا حبيبتي ياريت بقى توضحي كلامك وتقوليلي انتي بقى تبقى مين ؟

                              يتبع 

                           بقلمي روني محمد 

  اسكريبت ..... زهرة

           وانتظروني بالجزء الثاني

اسكريبت زهرة ج2

بقلمي روني محمد 

  -: طلع خاين 

-: يالاهوي خاين ازاي ، اهدي كده بطلي عياط وقوليلي ايه حصل... 

-: طلع خاين يا ماما ، رحتله الجامعه ولما دخلت مكتبه لقيت واحده قعده معاه و.... 

    

      كنت منهاره من العياط كل ما اتخيل الي حصل بلاقي الدم بيغلي في عروقي ، مصدومة بجد مش قادره اتصور ازاي كان خادعني كده.. 

-: اهدي بس كده يا زهرة واحكيلي ايه الي حصل ، ما يمكن يا بنتي انتي فاهمة غلط... 

-: فاهمة غلط .... بعد ما ادخل المكتب والاقي واحده اعده على رجله تقريبا ابقى فاهمة غلط!! 

-: لا حول ولا قوة إلا بالله ، معقول حاتم يعمل كده.. 

-: اه وبكل بجاحه جت تقولي في وشي انها خطيبته....  طلعت خطيبته يا ماما .... طلع بيضحك عليه... 

   انهرت مبقتش قادرة اكمل كلام وماما وخداني في حضنها وبتواسيني..... 

-: اهدي يا زهرة هو ميستهلش دموعك يا بنتي والحمد لله ان ربنا كشفه بدري علي حقيقته ، عمره ما كان هيلاقي واحده زيك تخاف ربنا وتحفظ بيته وتصونه... 

     كلمه ماما رنت في وداني فعلا هو مكنش يستاهل ، من البدايه مكنش مناسب ليه ، مش هو ده الي هيصوني ويحافظ عليه ، مسحت دموعي وقررت ان مهما يبرر الي حصل انا خلاص لازم انهي الموضوع.... 

                ************************

-: كل شئ قسمة ونصيب 

-: يا عمي الكلام اخد وعطا والامور مش بتتاخد كده... 

-: انا قولتلك كل الي عندي يا بني وادي حاجتك أهيي وكل واحد يروح لحاله.. 

-: بس انا مظلوم انت مش مديني فرصة ادافع عن نفسي.. 

-: تدافع ايه يابني مش محتاجة دفاع ، هي واضحه زي الشمس انت بتدخل بيوت الناس عشان تلعب بيهم ، ربنا كشفك على حقيقتك روح ربنا يوعدك بالي شبهك وزيك ، واتفضل بقى يابني من غير مطرود.. 

-: يا عمي انا.. 

-: امشي يا بني الله لايسيئك انا مش فاضيلك عشان نعد طول لليل نتساير... 

    

       كنت واقفه ورا الباب بسمعهم ، قلبي كان موجوع معقول حاتم يخوني وانا يا دوب كنت خطيبته ، امال لما نتجوز هيعمل ايه... 

     حاتم مشى وخلاص مشت معاه اخر حاجه ممكن تربطني بيه.... 

 فاتت ايام واسابيع ، وانا حاسه اني قلبي لسه موجوع مش متعوده على فراقه للأسف انا كنت بحبه وبحبه أوي كمان ، قربت من ربنا اكتر وكنت بدعيه يطلع حبه من قلبي لغاية في يوم كنت رايحه ازور اختي  وركبت تاكسي ومخدتش بالي من السواق... 

     بعد ما ركبت قولتله عالعنوان الي ريحاله ، بعد وقت لفت انتباهي انه بيمشي من طريق غلط نبهته ان ده مش الطريق الصح الي مفروض بيوصل لبيت اختي، زعقت وحاولت أفتح الباب بس لقيته مقفول ، صرخت عشان استنجد بحد لف وشه ليه واتفاجأت لما شال الكاب من على راسه والنضاره الي لابسها انه طلع حاتم 

حاتم : اهدي كده يا زهرة وتصوتيش 

زهرة بخوف : سبني امشي يا حاتم أرجوك سبني امشي.... 

    مكملتش كلامي ولقته رش عليه حاجه ومقدرتش اقاوم ولا انطق وغبت عن الوعي... 

   فقت بعد وقت مش عارفه اد ايه ولقيته واقف قدامي و.....

          يتبع 

               روني محمد 

    اسكريبت زهرة 

ياريت الي عجبه يقولي رايه  ويضغط لايك و 10 ملصقات 😍

اسكريبت زهرة ج3 والاخير 

روني محمد 

  مكملتش كلامي ولقيته رش عليه حاجه ومقدرتش اقاوم ولا انطق وغبت عن الوعي... 

   فقت بعد وقت مش عارفه اد ايه ولقيته واقف قدامي كنت مرعوبة... 

-: انت عاوز مني ايه ؟

_: عاوزك تسمعيني. 

-: انت اتجننت يعني تخطفني وفالاخر تقولي اسمعك... 

-: اه يا زهرة انا لو كنت عرفت اخطفك من زمان كنت خطفتك انتي رافضة انك تسمعيني وابوكي كمان رافض حتى اني ادافع عن نفسي مش بعد الحب الي حبتهولك ده كله تروحي مني... 

_: ههههه حب حب ايه بذمتك انت مش مكسوف من نفسك ، حب ايه الي حبتهولي يا كداب يا خاين... 

-: انا مش كداب يا زهرة ومش خاين انتي الي فهمتي غلط الي كانت عندي فالمكتب دي تبقى بنت العميد .... 

-: هههههههه اوعى تقولي ان ابوها ارغمك انك تخطبها غصب عنك وكده اصل الحوار ده بقى قديم... 

-: لا مش دي الحقيقه ، الحقيقه انها مريضه نفسيه وانا جزء من علاجها  ...

-: لا بجد انا انبهرت قصه جديده اول مره اسمعها ، ها قولي ازاي بقى كانت بتحب واحد مثلا ومات محروق وانت طلعت شبهه فحبتك صح.. 

-: زهرة اسمعيني متعصبنيش سبيني اكمل كلامي.. 

-: روحني يا حاتم عشان انا ولا عاوزه اسمعك ولا هسامحك على الي حصل... 

-: انتي مش هتمشي من هنا يا زهرة غير لما تسمعيني ، البنت دي مريضه نفسيا وهي جزء من رسالة الماجستير بتاعي ، انا ولا خاطبها ولا حاجه كل الحكايه انها كانت طالبة عندي ومن كتر ما كانت وخداني مثل أعلى ليها جالها هوس ، وبقيت تمشي تقول اننا خاطبها... 

-: وانت بقى فاكرني هصدق الكلام ده على اساس اني عيله صغيرة هتضحك عليه... 

-: زهرة انا بحبك ، وعمري ما حبيت ولا هحب غيرك  ، انا عفرت وتعبت كتير عشان أوصلك ، ومش بعد ده كله تروحي مني... 

-: وانا مش مصدقاك يا حاتم ، ايه الي يثبتلي انك مش بتكدب !!

-: شوفي انتي عوزاني اعملك ايه وانا هنفذه حالا... 

-: روحني.. 

_: ماشي بس ليه شرطين 

-: انت كمان هتتشرط ، قول وخلصني !!

-: اولا تنسي الي فات ونفتح صفحه جديدة وانا هاخدك بنفسي لأبوها يحكيلك الحقيقة... 

-: طب وثانيا 

-: نتجوز 

-: لا مش موافقه 

-: خلاص  خلينا اعدين هنا انا مش ورايا حاجه ....

-: منا ممكن اصوت وألم عليك الناس... 

-: صوتي ميهمنيش وساعتها اتصل بابوكي يجيب المأذون ونلم الموضوع ...

-: انت مستفز.. 

-: وانا بحبك... 

-: ماشي يا حاتم انا موافقة ، بس بابا مش هيوافق بعد الي حصل ده مبقاش طايقك.. 

-: ماهو انتي السبب عموما سبهولي خالص انا هعرف اخليه يوافق 

-: اده هتخطفه!!! 

-: لا هو ابوكي ده يتخطف ازاي طب انتي خفيفه وشلتك بسهوله ، انما هو ميتخطفش ده هو الي يخطفني  ...

-: اتلم يا حاتم متتكلمش على بابا كده ، ويلا روحني... 

-: ماشي يا قلب حاتم ، احلا حاتم سمعتها في حياتي..  

بعد أسبوعين 

     حاتم صلح كل حاجة واخدني انا وبابا ورحنا للعميد وعرفنا الحقيقة ،  والنهادره حددنا ميعاد كتب الكتاب .....

   المأذون : بارك الله لكما وبارك عليكما وجمع بينكما في خير 

    قلبي كان بيدق جامد وانا اعده جنب بابا لقيت حاتم قام وقف وقرب مني مسك ايدي وباس دماغي 

حاتم : مبروك يا حبيبتي ....

زهرة : الله يبارك فيك... 

بعد سنة 

 زهرة : حاتم...  يا حاتم انا حاسة انك متغير معايا مبقتش تحبني زي الاول... 

حاتم : ليه يا زهرة انا عملت ايه ؟

زهرة : مش عارفة بس حاسة انك متغير وخلاص  .

-: هرمونات يا حبيبتي هرمونات 

-: قصدك ان انا مجنونه 

-: لا انا الي مجنون وابن المجانين.. 

-: طلقني يا حاتم.. 

-: حاضر يا حبيبتي اولدي بس الواد الي مطلع عينينا ده وانا هطلقك على طول.. 

-: عاااااااا انت ناوي تطلقني فعلا مبقتش تحبني 

-: قصيده كل يوم  ، طب دانا محبتش في حياتي زيك ، ولو رجع بيه الزمن كنت هحبك بردو اكتر ما بحبك دلوقتي 

_: بجد يا حاتم 

-: بجد يا عيون حاتم... 

      اذا احب الرجل بصدق ماتت بعينه جميع النساء... 

        روني محمد 

متنسوش تقولولي رايكم وكل عام وانتم الى الله اقرب