 |
رواية حب غامض 🖤✨
البارت السادس
يونس لف بالكرسى وبص للى واقفة قدامه...انا كنت واقفة ومش قادرة ابصله وموطية راسى
ما ترفعى راسك يا هند يعنى مش هعرفك أما توطى راسك
رفعت راسى وبصتله
-احم اتفضل حضرتك الملف بتاعى
طب اقعدى طيب ...قعدت قصاده لقيته قام من على المكتب اى ده هو هيضربنى ولا اى بدأ يقرب منى لحد ما جه للكرسى بتاعى ونزل لمستوى الكرسى وعينه قصاد عينى ينهر اسود هى ناقصة ارتباك
-اى يا يونس هتضرب ولا اى
أسمى الاستاذ يونس فى الشغل اسمى اى يا هند
-استاذ يونس حاضر بس ممكن تبعد
ليه
-لو حد دخل وشافك كداا يقول اى
محدش يقدر يدخل من غير اذنى
- اه حاضر يعنى انا هشتغل معاك ولا لا
فضل باصص ليا كتير كأنه بيحفظ ملامحى
-يلهوى اى الجمال ده ازاى كنتى عايشة معايا ومش واخد بالى انك حلوة كدااا
احم استاذ يونس انت كويس بقولك هتشغلنى معاك ولا لا
-تعرفى يا هند مشوفتش شعرك لحد دلوقتي ديما بتقعدى قدامى بطرحة ...فضلت بصاله وساكتة مستغربة اللى بيعمله ده بعد فترة قررت اتكلم تانى
-هبقا اوريك حاضر ممكن بقاا اعرف هتشغلنى معاك ولا لا
-هشغلك
بجد
-والله
عااا انا فرحانة اوى
برة عند ادهم
-مستر ادهم مش واخد بالك ان استاذ يونس طول اوى جواا
وانتى اى مدايقك ي فيروز
- فى اى ي مستر هو انا مش السكرتيرة بتاعته يعنى وفى ناس تانى لازم يشوفهم
لا مشى الناس دول خلاص هند اللى هتتعين ...فيروز بصت بغل
بس حضرتك مش ملاحظ انكم مهتمين بهند دى زيادة
ما تخليكى فى حالك ممكن واعملى زى ما بقولك
فيروز مشيت من قدامه وهى مدايقة ...فون ادهم رن وكانت حور
-هااا اى اللى حصل يونس شاف هند
يا بت اصبرى اجيلك وهحكيلك كل حاجة
-الله ي ادهم وانا هستنى لحد ما تيجى
ليه بتعملى اى ي قمر
بعمل اكل لاحمد قولت اكلمك اشوف حصل اى
احمد هو الواد ده ناسى اخوه خالص كداا ليه أما اشوفه بس
والنبى سيبه انت عارفه فى ثانوية عامة وعارف انها صعبة ربنا معاه
يا قلبك الحنين اه طبعا ما انتوا بقيتوا اصحاب ... وفجأة احمد دخل على حور وهى بتتكلم
ما يلا يا حور هتاخر على الدرس
ثانية بس ي احمد اعرف اى اللى حصل
خلاص ي حور انا ماشى مش عاوز حاجه ..ادهم اتكلم
حور افتحى الاسبيكر ..حور فتحته ادهم اتكلم
اى ي عم احمد مش كفاية انت مش بتكلمنا ولا حد بيشوفك
الدروس يا ادهم والله
طب لينا قعدة مع بعض أما تيجى وأنا اجى وانتى ي حور اعمليلوا اللى هو عاوزه وأما اجى احكيلك وقفل السكة مع حور مدهاش فرصة ترد
ادهم انت قفلت شوفت اخوك انت السبب كنت عاوزة اعرف اى اللى حصل
ههههههه احسن خاصة بقاا عاوز امشى
حاضر
عند يونس وهند
- هشتغل اى
راح قعد على المكتب تانى
مساعده للسكرتيرة بتاعتى
- نعم وليه انا مبقاش سكرتيرتك ليه ابقاا مساعدة
علشان فيروز هنا من زمان ي هند مينفعش اعملها واقولها هند مكانك
حاضر اللى تشوفه وفجأة الباب خبط وكانت فيروز ...دخلت قدامى
استاذ يونس انا مشيت الباقى زى ما مستر ادهم قالى
-طب كويس اعرفك هند هتبقى المساعدة بتاعتك
بس انا مطلبتش مساعدة والله انا صاحب الشغل مش عاجبك هى تبقا مكانك
فيروز بصتلها بغل
حاضر تعالى اوريكى مكتبك ..كنت قايمة معاها بس يونس اتكلم
لا هند هتقعد حبة معايا هقولها حبة حاجات
هو مش المفروض اعمل كداا
على مكتبك يا فيروز
بس
انا قولت على مكتبك ...خرجت فيروز وهى متعصبه
هى لابسة كداا ليه
كداا ازاى يعنى ي هند
يعنى قصير وضيق وبشعرها هى جاية تشتغل ولا جاية كباريه ...يونس ضحك عليها
ما انتى ما تعرفيش بتعمل كداا ليه
علشان تغريك مثلا
ما انتى حلوة وبتفهم اهو
بفهم اه بعينها بص بعد كداا انا اللى هدخلك
هههه حاضر يلا قومى بقاا ورايا شغل كتير
اروح فين
اخرجى لفيروز وهى هتقولك
يارب مقتلكش فيروز دى بعدين اى كل الملفات دى انت بتشتغل اى
انا المدير ي هند وبطلى رغى وقومى يلا
حاضر بس محدش يعرف انى مراتك
ليه يعني
كداا وخلاص محدش يعرف وانا قولت لادهم كداا برضوا
اه صح لو شوفتيه ابعتيه
حاضر
خرجت لقيت ادهم فى وشى وكانت هتخبط فيه
اى يا هند متسربعة ليه
خارجة اشوف الهانم اللى هبقا مساعدتها
اه فيروز فكك منها
يونس عاوزك على فكرة
ليه
اش عرفنى ادخله
حاضر مشيت وكنت هخبط فى واحد تانى
حاسبى. ي قمر اى مش مركزة ليه
انا آسفة معلش مش مركزة
اى ده انتى جديدة
اه
انا ايمن مدير قسم الحسابات ... سلمت عليه
اتشرفت بمعرفتك لازم امشى عن اذنك ...مسكنى من دراعى
ما تعرفتش بيكى ...يونس كان خارج هو وأدهم
وشاف اللى بيحصل و
#يتبع
ممكن ريأكت لو عجبك وياريت كومنت لطيف 💛🦋
حكايات هند
#هند_الحجار
رواية حب غامض 🖤✨
البارت السابع
يونس وادهم كانوا خارجين وشافوا اللى بيحصل ...يونس راح ناحيتهم
تؤ تؤ تؤ هو اللى عاوز يتعرف على حد يمسك حد من أيده كداا .. ادهم بص ليونس واتدخل
-معلش يا يونس اكيد ميقصدش ..يونس مسمعهوش وفجأة اتكلم
- بص يا ايمن هند دى خط احمر فاهم فجأة على صوته إياك أشوف ايدك بتلمسها هقطعهالك وحول نظره ليا
-انتى يلا على مكتبك واقفة ليه ...فيروز كانت واقفة فرحانة انو زعقلها تقريباً كل الشركة كانت واقفة وشايفة اللى بيحصل ...مشيت من قدامه ازاى يزعقلى قدام الناس دى كلها شايفنى اى ماشى يا يونس أما اروح بس ...ادهم اتكلم
-كل واحد على شغله واقفين ليه يلا الكل على شغله الكل مشى يونس لسة واقف متعصب
اى يا يونس يلهوى مش للدرجادى
-اى مش للدرجادى يا ادهم شوفته مسكها ازاى
مكنتش أعرف انك بتحبها اوى كده ...يونس بصله
-يلا ي ادهم علشان منتأخرش
عند فيروز وهند
فيروز كانت ماشية وبتعرفنى هعمل اى وبتتكلم بقرف
-بس فهمتى ي ست انتى هتعملى اى
ست انا مش ست أسمى هند لو مش فاكرة بعدين يا ختى قرفانة اوى كداا ليه ما تتكلمى عدل ...بصتلى من فوق لتحت وقالت
اقولك ست بلبسك ده وحاطة اى على شعرك معرفش الكل مهتم بيكى على اى
- مالوا لبسى واللى على شعرى ده طرحة ولابسة دريس اى مش احسن ما البس ديق وقصير وامشى استعرض جسمى للناس
انتى يتتريقى عليا
بصى بقولك ايه انا مجتش جمبك انتى اللى اتكلمتى الاول فى موضوع اللبس تمام وكل واحد حر
-تمام ي هند بس فى حاجة كمان
اى هى
-انا اللى هدخل ليونس
يونس حاف كداا اى شايفكى مهتمة اوى بيه وبعدين انا اتفقت معاه ان انا اللى هدخله لو فى اى حاجة وهو وافق
- اه يونس حاف متعرفيش اننا بنحب بعض
لا والله بتحبوا بعض اه ي سكر كملى قوليلى قصة الحب دى حصلت ازاى ومراته فين
-بيقول انو مجبور عليها وهيطلقها قريب
اه وبعدين
-يتجوزنى بقااا مشوفتيهوش عامل ازاى
شوفت يا ختى شوفت بس عاوزاكى تقوليلى عامل ازاى
قمر ولا شعره وعيونه وغمازاته أما بيضحك مفيهوش غلطة
يا صلاة العيد طب بقولك اى ما تروحى على مكتبك بقاا
-اى ده مالك فى اى
لا مفيش
-تمام أما اناديكى تعالى
طيب ...مشيت من قدامى وانا قعدت اكلم نفسى قمر وبعضلات وغمازات ده انا مراته ومخدتش باله انو عندو غمازات وهى خدت بالها قعدت على المكتب وفضلت افكر فى كلامها وانا حاسة انى بغلى من جوايا
-هند يونس عاوزك جوه
ليه
-معرفش شوفى شكلك هتطردى من أول يوم
طب اوعى من قدامى دخلت وانا ساكتة وباصة فى الأرض
-طمنينى عنك مرتاحة
الحمد لله
-تمام قولت اشوفك بس روحى على شغلك ...بصتله واضح انو لسة متعصب من الصبح وواضح أن اليوم مش هيعدى على خير لا هبقاا اتصل بحور اخليها تيجى عندى احسن
وانا ماشية حسيت بدوغة اتكعبلت .. يونس جرى عليا
-انتى كويسة فى اى اجبلك دكتور قومى ...قومت معاه
ممكن اروح يا يونس وأبدأ من بكراا
تمام اللى يريحك ...اصبرى هجهزلك عربية توصلك بصتله مش هاين عليه يجى يوصلني
- وبصى فى الارض وانتى ماشية ماشى
هو فى اى
- كلامى يتسمع ي هند يلا روحى
مالك عاوزنى اروح ليه كأنك ما صدقت ما اه علشان يفضالك الجو
- يفضالى الجو مع مين امشى ي هند أنا دماغى مصدعة ومش ناقصك
خلاص روح معايا
-لا ورايا شغل وانا أروح وقت ما احب فاهمة يلا على البيت وبصى فى الارض ومترديش على حد وحسابك معايا بعدين
مشيت من قدامه واضح انو بجد متعصب روحت البيت واتصلت بحور تجيلى تقعد معايا
- كل ده حصل فى يوم و فيروز دى مالها بيكى
شوفتى بقاا لا وهو اللى زعلان ده فيروز دى لوحدها خناقة
-لا ي هند اعقلى شوفتى بعدين انتى بتدوخى ومش مركزة
اقعدى فى بيتك احسن
اه واسيبه معاها لوحدهم اسكتى حور .. فجأة يونس فتح الباب ولقا هند وحور قاعدين
-ازيك يا حور عاملة اى
الحمدالله كويسة ينهر اسود
فى اى ي بت
يلهوى ي هند زمان ادهم روح ملقانيش هو روح يا يونس
اه كان ماشى معايا ده كمان سبقنى حور طارت من قدامهم
يونس فجأة رمى المفاتيح وبصلى وقعد يقرب و....
عند حور روحت دخلت لقت ادهم قاعد و
#يتبع
حكايات هند
#هند_الحجار
ممكن ريأكت لو عجبك وياريت كومنت لطيف 💛🦋
رواية حب غامض 🖤✨
البارت التامن
حور روحت وفتحت الباب لقت ادهم قاعد وشافت نظراته
- كنتى فين
عند هند ...قام وقف ادهم وراح عندها مسكها من دراعها وقال
-هو انا قولت كام مرة مفيش خروج من غير اذنى
والله ي ادهم انا نسيت ...ادهم سابها ودخل الاوضة
عند هند ويونس
يونس رمى المفاتيح وبدأ يقرب
انتى اى اللى انتى عملتيه فى فيروز ده
عملت اى
ازاى تتريقى على لبسها وتجرحيها
انا مجرحتهاش هى اللى اتريقت على لبسى
البنت كانت منهارة
لا والله منهارة اه ومقالتلكش انها قالتلى انكم بتحبوا بعض وهتسبنى وتطلقنى وهتتجوزها
نعم
هى اللى قالت كداا وهى اللى اتريقت عليا الاول واتريقت على لبسى وانا مجرحتهاش بكلمة واحدة
وايمن وقفتى معاه ليه
كنت ماشية خبطت فيه من غير قصدى وعمل كداا انا مالى ليه كل حاجة تيجى عليا فيها مش احنا اخوات
لا مش اخوات انتى مراتى فاهمة
اه مراتك واضح بعد كل اللى عملته فيا مراتك
هند متقلبيش فى القديم موضوع وعدى خلاص خلصت
لعلمك بقاا انا مبقلبش انت اللى جيت عندى وعاوز تتخانق ومفيش اى مبرر انت ليه كل حاجة تيجى عليا ماشى يا يونس مش انا مراتك تطرد فيروز
البنت مغلطتش ي هند
غلطت فيا انا ي يونس بص مش عاوزنى قولتلك طلقنى وريح دماغك اى جابرك تعيش معايا
جابرنى اللى جابرنى انى بحبك ي هند بحبك
واضح الحب يا يونس واضح اوى عن اذنك ...طلعت فوق الاوضة مدايقة حب حب اى كل حاجة يزعق ويجى عليا فيها مبيفكرش حتى يسالنى قبل ما يتسرع ويحكم التسرع والشك غالبا بيدمر اى علاقة ويونس فى التسرع والشك معندهوش يا اما ارحمينى
-طب انا جعان افتحى الباب
لا جيب اكل لنفسك
افتحى ي هند
بغير هدومى يا يونس
عادى بردو افتحى اشوف
تشوف اى بطل قلة ادب
افتحى طيب
عاوز اى
عاوز اقولك بحبك
لا والله
اه والله افتحى بقاا ... قومت فتحت وروحت قعدت تانى على السرير قعد قصادى
متزعليش بقاا
مش زعلانة انت اخويا ازعل منك ازاى
ام الكلمة دى هند متخلنيش اقربلك مش عاشان سايبك براحتك يبقا اخوكى انا جوزك تحب اثبتلك
مالك قليل الادب النهاردة ليه مش عاوزة اثباتات وروح نام فى اوضتك
لا هنام هنا وقام يغير هدومه
انت هتعمل اى ..يونس كان بيفك زراير القميص
بغير هدومى
احم طب انا خارجة
تؤ مفيش خروج اقعدى عاوزك فى موضوع
بصتله فى حاجة ولا اى
كنت عاوز أسألك سؤال
اسأل
بتحبينى زى ما بحبك ... في فضلت بصاله وساكتة
بتحبينى يا هند
لا مش بحبك ...وطئت راسى فى الارض وانا بقولها
بس انتى قولتى بتحبينى
وبطلت
بطلتى اى
احبك يونس البعيد عن العين بعيد عن القلب وانا مشوفتش غير بعد
بس انتى طلبتى منى اقرب ومقربتش
المفروض دى حاجة منك انت تعملها اه بغير عليك لأن بمعنى أصح حساك انك ليا لوحدى يمكن حبيت فيك احترامك معايا اسلوبك لكن انى حاسة انى بحبك مش عارفة
اه وانتى بتحبى حد تانى
لا ي يونس انت جوزى وانا بقولك بحبك بس اللى مش للدرجة يعنى ... معرفش ليه قولت كداا وقتها بس حبيت استفزه
لقيته خرج من سكات يونس دخل الاوضة بتاعته ورزع الباب وراه
عند ادهم وحور
ادهم فى الاوضة بيدور على التيشرت بتاعه ومش عاوز يسال حور عنه
-بدور على حاجة ...ادهم مردش
ادهم بدور على اى
التيشرت الاصفر فين
اه هجبهولك حور راحت جابته وادتهوله يلبسه
ادهم جه ياخده منهااا حور كانت مسكاه
لسة زعلان منى
طب هتعيطى ليه دلوقتى طب
علشان انت زعلان منى
خلاص مش زعلان
بجد لا انت زعلان
لا والله ما زعلان
خلاص خد التيشرت البسه
خليه
لا خده لا خليه وجه بقرب منها فجأة احمد دخل
حور انا جعان أى ده انتوا بتعملوا اى و
#يتبع
مش هطول عليكم كلها بارتين وتخلص علشان متزهقوش
ممكن ريأكت لو عجبك وياريت كومنت لطيف 💛🦋
رواية حب غامض 🖤✨
البارت التاسع
ادهم جه يقرب منها وفجأة احمد دخل
-حور انا جعان أى ده انتوا بتعملوا اى
مش تخبط ي احمد
-اى ي ادهم بتزعق ليه كنت بحسب حور لوحدها
حتى لو لوحدها تخبط برضوا قدر بتغير هدومها اى حاجه فى حاجة اسمها احترام هاتى ي حور التيشرت روحى انتى جهزى الاكل
- حاضر تعالى ي احمد وانت ي ادهم يلا علشان تاكل انت كمان
حاضر هعمل حاجة وجاى
حور فى المطبخ بتجهز الاكل واحمد واقف بيبص عليها وزعلان حور بصتله واتكلمت
هو عنده حق الصراحة المفروض كنت تخبط ي احمد متزعلش
-مش زعلان بس انا بجد نسيت والله وكنت جاى من الدرس تعبان وانتى عارفة ي حور امتحاناتى على الابواب كل ده فى بالى حاجات كتير بنساها والله ما بأيدى اعذروني انا آسف بجد لو وجودى مدايقكم ومش واخدين راحتكم ممكن اخد اى اودة فى اوتيل واسف مرة تانية
حور راحت عنده
- يلهوى ي احمد كل ده حد قالك حاجة اى تروح فى اوتيل ده انت اللى مسلينى ومين يزاكرلك اى مش انا حور صاحبتك ادهم لو سمعك هيزعل جامد
ما انا سمعته فعلا ..حور بصت لقت ادهم واقف ورا احمد
-تعالى ي احمد عاوزك .. احمد راح معاه
اقعد ي حبيبى تعالى جمبى .. احمد جه جمبه
-كداا تزعلنى منك يولا انا ابوك مش اخوك انا اللى ربيتك بعد ماما وبابا ماتوا عاوز تسبنى وتبعد وتقعد لوحدك ها فاكر نفسك بقيت راجل لا انت لسة صغير وصغير اوى كمان
احمد كان ساكت ادهم كمل كلامه
اى يعنى فى ثانوية عامة هى نهاية العالم طول ما بتتعب ربنا بيكفائك على تعبك لكل مجتهد نصيب ومش كل حاجة مزاكرة ودروس لازم يكون عندك وقت للرفاهية عاشان تريح مخك وجسمك بعدين انت متبقاش على طول الوقت متوتر ومرتبك كداا على فكرة ده غلط على قلبك ليه تبقا خايف وتبقا مرتبك خليك واثق فى نفسك واول ما تثق فى نفسك ثق فى ربنا ليه لان عمره ما هيخذلك اهم حاجة تبقا معاه ديما "من يتق الله يجعل له مخرجا و يرزقه من حيث لا يحتسب" فخليك ديما مع ربنا وربنا هينصرك اكيد واياك اسمعك تقول اروح اقعد لوحدى ده بيتك قبل ما يبقى بيتى فاهم ي احمد
احمد بصله وحضنه
-انا مقدرش ابعد عنك انا آسف بجد زعلان انى عملت كداا بس نسيت والله انا بحبك اوى ي ادهم
وانا بحبك ي قلب ادهم اقولك اى رأيك تيجى بكرة معايا الشركة موافق
احمد هز راسه بمعنى اه ...حور كانت واقفة بتسمعهم وضحكت
مش يلا ناكل بقاا
يلا ... خلصوا اكل فى الاوضة عند حور وادهم حور قاعدة بتبص لادهم وبتبتسم ادهم مكنش مركز معاها كان باصص للاب اللى فى ايده فجأة ادهم بصلها
-ده انتى متابعينى من زمان بقاا
هاا لا والله عادى يعنى بشوفك بتعمل اى
تعالى يا بت هنا جمبى
لا اشتغل انا هنام
مفيش نوم النهاردة
ليه بس
عاوزين نجيب حور صغيرة كداا تكون زى القمر زيك
اى بس مش انت كنت مأجل موضوع الخلفة
لا كفاية تأجيل لحد كدااا انا بس كنتى عاوزك تتعودى عليا عاشان جوازنا حصل بسرعة وكداا واديمى اتعودتى
-وحبيتك ... ادهم بصلها
نعم انتى قولتى اى
بحبك والله
وانا كمان بحبك اوى وراح عندها
ربنا يخليكي ليا يارب بجد انا اه بزعل منك فى حكاية بتخرجى من غير اذنى بس عارف انك بتنسى
حور حضنته وقالت وانت حنين اوى وبحبك اوى
لا ده انت بقيت جرئ اهو وبتحضن ما تيجي نبوس
ادهم بطل قلة ادب
هش اسكتى وشالها ونسبهم بقاا
حلت الشمس على الجميع تعلن ببداية يوم جديد
كنت بخبط على يونس اللى كان نايم خالص
- يونس افتح الساعة بقت ١٠ يلهوى هو مات ولا اى يونس ...بجد قلبى اترعب وبدأ خبطى يعلى يا يونس يلا افتح فجاة يونس فتح الباب
اى فى اى كل ده خبط ما براحة ...يونس كان خارج وقالع التيشرت شوفته قلبى بدأ يدق اتكلمت
الساعة بقت ١٠ بس انا راحة شغلى قولت اصحيك انا اسفة
- طيب روحى انتى ملكيش دعوة بيا ...تقريبا كان متعصب اوى لدرجة انا خوفت منه جدا
حاضر انا ماشية ... دخل ورزع الباب اول مرة اشوفه كداا طريقته معاملته حتى يعنى مقالش نروح مع بعض يتظاهر كلامى ليه امبارح دايقه وخلاه بالمنظر ده
عند حور وادهم ...حور صحيت بصت فى الساعة لقتها متأخر
- يلهوى ادهم اصحا الشغل قوم يونس مبيحبش حد يتأخر
اى ده فى اى مالك
الساعة ١١ي ادهم
ايه ادهم قام بسرعة وبيلبس هدومه
أهدى براحة هتقع
هاتى يا حور الجاكت مش براحه يونس مبيحبش حد يتأخر كله منك
اى ده وانا مالى انت اللى خلتنا نسهر انا مقولتش حاجة
-والله تحبى افكرك كنتى عاملة ازاى امبارح
ما خلاص يا أدهم بقاا يلا امشى .. ادهم ضحك يلا ابقى قولى لاحمد هاخده يوم تانى معايا وخلاص سلام
سلام
فى الشركة
يونس راح الشركة وكان متعصب جداا
فين ادهم ي فيروز
-لسة مجاش والله
- شوفوا فين وهاتوه...انا كنت برة سامعه عصبيته وبقول يارب ما ينادينى وفجأة سمعته
فيروز ابعتيلى هند هنا ...ينهر اسود اى يا ابويا دعيت عليا امبارح
- عاوزك جوة استلقى وعدك ...فيروز خرجت تقولى كداا
دخلت وفتحت المكتب ولقيت
#يتبع
حكايات هند
ممكن ريأكت لو عجبك وياريت كومنت لطيف 💛🦋
#هند_الحجار
رواية حب غامض 🖤✨
البارت العاشر والأخير
دخلت عليه المكتب لقيته واقف متعصب كان واقف بضهره فاتكلمت وقولت
-احم حضرتك طلبتنى ي فندم
شوفيلى ادهم فين رنى عليه أو اى حاجة خدى الورق ده خلال ربع ساعة يخلص ..كانت طريقته جافة معايا جداا
حاضر
-يلا على مكتبك ...مشيت من قدامه وانا قلبى بيوجعنى جداا معرفش بس أحيانا أما بتتعود على طريقة من حد وفجأة تتغير بتحس بوجع قلب ويونس عمره ما عاملنى كداا
وانا خارجة لقيت ادهم فى وشى
-انت جيت ده قالب عليك الدنيا
اى ينهر اسود ربنا يستر
-ادخله بقاا ...كنت بكلمه وانا زعلانة غالبا دموعى كان ماليها الدموع بس مبتنزلش
حاضر بس انتى مالك هو حصل حاجة تانى
- لا محصلش ولقيت دمعة نزلت
يلهوى يا هند انتى بتعيطى اهدى طيب ممكن متعيطيش
-هيفرق معاه اوى ولا هيفرق إذا كنت زعلت أو عيطت حتى عن اذنك ...مشيت من قدام ادهم
ادهم دخل ليونس
-اهلا بالباشا ما كنت متجيش احسن
اى يا يونس براحة ...يونس دب بأيده على المكتب وقال
-انا نفسى اعرف انت ليه مهمل فى شغلك ازاى تتأخر انت عارف كويس أنى بكره اى حد يتأخر
يونس متزعقش
-ازعق براحتى شركتى وانا حر فيها
خلى بالك انت بتغلط وانا شريك معاك فى الشركة دى واحنا اللى كبرناها مع بعض وانا مدير زيك هنا وانت بتتأخر وعمرى ما عملت اى حاجة مجاش من يوم أتأخر فيه فوق لنفسك يا يونس انت بتغلط كتير وكلنا بنسامحك انا وهند وحور وبنستحملك بس انت طول عمرك فارد شخصيتك علينا كلنا تزعق وعاوزنا نسكت شكيت فى هند واتجوزت عليها وسامحتك كذا مرة تقفل فى وشى وتعاملنى بالطريقة دى واقول يا ادهم صاحبك متزعلهوش لكن لحد هنا وكفاية لازم تعرف أنك غلطان وهند خارجة من عندك بتعيط وواضح انك مزعلها جامد وكل ما تتكلم انا بحبها الحب مش كداا على فكرة الحب ثقة واهتمام الحب قلب بيعرف يسامح حبيبه الحب يا يونس متزعلش حبيبتك ابدا لكن انت ولا عملت كل ده ورغم كداا هند صابرة ومستحمله عارف ليه يا يونس لانها بتحبك هو ده الحب اللى بجد الحب فعل يا يونس وعمره ما كان قول أتمنى تفوق لنفسك بقا فوووق ... وفجأة ادهم خرج برة المكتب يونس جرى وراه
ادهم استنى استنى بس ...شوفت اللى بيحصل مشيت ورا يونس
ادهم ركب عربيته ومشى
يونس فى الشارع وبيناديه وهند وراه ... يونس كان واقف وكان شكله انو فعلا ندمان على كل حاجة عملها جريت عليه
-فى اى اى اللى حصل
ادهم زعل منى ي هند انا غلطان غلطان فيكوا كلكم ايوا سامحينى يا هند والله انا بحبك بجد بس والله انا مش كنت عارف يعنى اى حب مش كنت بعرف اعبر مش كنت عارف احتويكى لكن أنا بحس انى بحبك ي هند سامحينى على اى حاجة سامحينى
-اهدى طيب انا مسمحاك يا يونس والله مسمحاك متعملش كداا فى نفسك
ي هند أنا طول عمرى ماشوفتش غير قسى ماما فرضت عليا حاجات كتير مش عاوزاها انا اتولدت لقيت نفسى عندى أملاك ومسؤولية انا وحيد ماما معنديش اخوات بابا مات وانا عندى ست سنين ادهم كان صاحبى من أيام المدرسة انا مش وحش والله بس المسؤولية والضغط اللى انا فيه مبقتش بعرف احتوى حد مبقتش عارف يعنى قلب يكون حنين ماما كانت معاملتها مقاسينى وفجأة اترمى فى حضنى وقال
لكن انا والله انتى احلى حاجة حصلتلى فى حياتى يمكن دى الحاجة الصح اللى ماما قالتلى اعملها عارف انك بتحبينى اسف يا هند من النهاردة هتغير وهتشوفى يونس تانى خالص وفجأة طلع من حضنى وبص فى عيوني انا كنت بعيط على حالته دى مسح دموعى وقال
بالله عليكى دموعك غالية عندى اوى بلاش تعيطى بحبك ي هند بحبك اوى واترمى فى حضنى تانى
-وانا كمان بحبك ومسامحك وانا بحبك يا يونس
بجد بتحبينى ي هند
- كل ده ومش بحبك اضحك بقاا خلاص
طب وادهم
هنروحله بيته ونصالحه
-طب يلا نروحله
طب اصبر طيب تعالى عاوزاك فى حاجة
-اى هنروح فين ... تعالى بس
ودخلوا الشركة وراحوا شافوا ايمن وفيروز قاعدين مع بعض
بقولك يا فيروز كنتى بتقولى ان يونس مجبر على مراته وهيطلقها وهيتجوزك صح
فيروز بصتلها وسكتت وفجأة اتكلمت
انا عارفة انك مراته من اول ما جيتى وانا مبحبش يونس ي هند اسفة على طريقتى معاكى بس انا بحب ايمن وايمن جوزى كمان وكانت فيه مشاكل بينا وانفصلنا بس كنا ديما بنحب بعض كنا عاوزين نثبت لنفسنا كداا فكنا بنغيظ بعض بيكوا يعنى كان هو بيراقبنى وانا بقولك الكلام ده وانا كنت براقبه أما مسك ايدك بس ودلوقتى عرفنا أن بجد بنحب بعض ورجعنا الحمد لله أنا آسفة على طريقتى معاكى
- طب كويس انكم رجعتوا والله الف مبروك
الله يبارك فيكى بس يعنى خلاص مسامحنى
طبعا انتى زى اختى
اكيد ...يونس طب يا فيروز خلى ايمن مكانى النهاردة واقفلوا الشركة فى ميعادها عاشان هنروح مشوار
فيروز ردت
حاضر ي فندم
ركبوا هند ويونس العربية يونس اتكلم وهو بيسوق
-الحمل تاعبك ولا اى مالك شايفك حاطة ايدك على بطنك
اه حبه بس
-تحبى نروح لدكتور
لا بكرة هنروح للدكتورة بتاعتى
عملت اى بقاا
-فى اى
الليلة اللى كنت سكران فيها عملت اى
- اى ي يونس ودى حاجة تتحكى
الله ما انا اللى عملت قولى والنبى
-انت مالك فرحان كداا ليه
مش عارف بس عاوز اعرف عملت اى
-هقولك بعدين
ماشى ووصلوا عند بيت ادهم
حور فتحت الباب لقت هند ويونس قصادها
نودا حبيبه قلبى اتفضلى اول مرة تجيلى من ساعة الفرح بتاعى
- اممم جيتلك اهو انا ويونس فين ادهم
جوة قاعد تعالوا تعالى يا يونس ودخلوا عندهم
ادهم شاف يونس دور وشه
-طب تعالى احنا يهند نخش جوة ونسبهم
هند دخلت مع حور
يونس جه جمب ادهم
-اعمل نفسك زعلان بقاا ...ادهم مردش
ي دومى يولا ده انا اخوك تزعل منى حقك عليا يا سيدى وفجأة ضربه على كتفه ادهم ضحك
- طب انت جاى تتضربنى ولا تصالحنى
الاتنين
اممم وانا هسكتلك وفجأة قعدوا يضربوا فى بعض ويضحكوا
.. فجأة لقوا الباب بيخبط
قوم افتح الباب
-هو بيتى ولا بيتك قوم افتحه انت
قوم بقا يا يونس
يونس قام فتح وكان احمد
احمد شافه حضنه
يونس وحشتنى اوى
- احمد قلب يونس اى كداا انا مبشوفكش خالص خلاص نستنى ... ادهم اتكلم
انا اللى اخوه مش بشوفه
دخل وقعد معاهم وقعدوا مع بعض كلهم وكانوا فرحانين
بعد مرور تسع شهور
-يووووووونس عاااا الحقننننى بولد
يونس كان فى المطبخ بيشرب سمع صوتى جرى عليها
اى اى مالك
شايفنى مالى يا حيوان انا بولد
-حيوان ماشى ي هند
اخلص يا بارد اعمل حاجة
حيوان وبارد ده انتى لسانك طول اوى
يلهووووووى هيشلنى اتصل بادهم ولا حور امشى مش عاوزاك
-كمان مش عاوزانى ...صوتت فجأة
خلاص خلاص هتصل بالدكتورة تجيلك
-بسررررعة بقااااااااا منك لله
حاضر يونس طلع تليفونه واتصل بالدكتورة وبحور وادهم جاهم
يلا اطلعك فوق
-لا ابعدوا عنى تعالى يا حور ساعدينى انتى
كمان مش عاوزانى اقربلك
ادهم اتكلم
اسكت يا يونس انت مش شايف حالتها الدكتورة جت ودخلت لهند الأوضة وحور معاها يونس وادهم برة
-انا معرفش اى البرود اللى فيك ده
اعمل اى يعنى ي ادهم
-متعملش حاجة ده هند ليها حق وفجأة سمعوا صوت اول مولود
حور خرجت بنت جابت بنت
فجأة سمعوا صوت عياط تانى ... يونس أتكلم هو لسة فى عيال تانى
حور دخلت وجت تانى
ولد جابت ولد ادهم بص ليونس
شوفوا فيه تانى ولا لا خلينا نخلص
يونس ضحك ودخلوا عند هند وحور
-حبايب بابى يخراسى صغنين خالص انا اللى هربيكوا
اتكلمت وقتها
لا انا اللى هربيهم هعلمهم ميشكوش فى حد هعلمهم ميتسرعوش مهما كان هعلمهم مينفعلوش على اى حاجة يسمعوا من الطرف التانى هعلمهم قلبهم يكون ابيض زى المنديل الورق علشان ميجوش على حد هعلمهم الدنيا ماشية ازاى هقولهم ان الدنيا ما هى الا تجارب بنتعلم منها فى حياتنا الدنيا حلوة على فكرة بس احنا اللى نعيشها صح مفيش حد بيفضل زعلان علطول ولا حد بيفضل فرحان هتفرحوا وهتزعلوا وهتبكوا بس فى النهاية كل شيء بيعدى هقولهم ازاى يحبوا بجد ازاى يحبوا الناس هعلمهم يحبوا الدنيا فى النهاية احب اقول مفتاح السعادة لقلبك ولحياتك ولدنيتك هو قربك من ربك .
احببتك رغم قسوتك احببتك وظهرت لك غموضى وسميت روايتانا حب غامض
حكايات هند
#هند_الحجار
ممكن ريأكت لو عجبك وياريت كومنت لطيف 💛🦋
تعليقات
إرسال تعليق