 |
بتبدأ القصة مع واحد شايل عروسته وداخل بيها الأوضة ....
وقرب بيها من السرير ..... 🙈🙈
وفجأة سابها وقعت على السرير 😳
ومن غير كلام دخلت العروسة تغير فستان الفرح
_طب ليه المعاملة دي ؟؟ ومين دول ؟؟ ده محتاج نعمله فلاش باك _
## فلاش باك >>>>
-مين البنت اللي قاعدة بره دي يا ماما
فريدة اترددت تقول ل طارق ولا لأ
--دي .... بنت خالك يا طارق
-خالي مين ؟؟
--وانت عندك كام خال
طارق وشه قلب وصوته علي
-وايه اللي جابها هنا 😠😠😠
فريدة راحت بسرعة قفلت الباب
--وطي صوتك يا طارق البنت تسمعك
-ما تسمع ولا تتنيل مش كفاية اللي الراجل ده ومراته عملوه فينا دول طردونا من بيت جدو وخلونا ننقل لمنطقة منعرفش فيها حد وملناش فيها بيت .. باعتلنا بنته دلوقتي ننيل بيها ايه
--يا طارق البنت محتاجانا دي هربانة من باباها ومراته اللي واكلة دماغه دي عشان عايزين يجوزوها لراجل اكبر منها بكتير
-واحنا مالنا تتصرف هي
--مالنا ازاي يا طارق انا عمتها برضو 😡😡
هنا دخل فهمي بابا طارق
~طارق صوتك عالي يا ابني
-تعالى يا بابا شوف ماما بتعمل ايه
~انا عارف كل حاجة يا طارق وموافق مامتك اننا لازم نساعد البنت
-حتى انت يا بابا
~انا عارف يا طارق انك بتكره الراجل ده بس البنت ملهاش ذنب
-خلاص اعملوا اللي انتوا عايزينه
وراح متعصب قعد على كنبة جنبها شباك بيطل ع الجنينة ومن الشباك ده شاف سارة مع اخوه الصغير وهو بيوريها لعبه وهي بتتجاوب معاه وبتضحك راح قافل الشباك
~هتعملي ايه يا فريدة
--انا بقول نقعدها معانا هنا
~بس انتي كده محليتيش حاجة ما هو مسير باباها هيعرف انها هنا وييجي ياخدها ومش هنقدر نمنعه
--اومال هنعمل ايه
~لازم يكون ليها حد هنا يقدر يمنعه ياخدها
--مش فاهمة قصدك ايه
~تتجوز
--تتجوز !!
~ايوة جوزها هو الشخص الوحيد اللي يقدر يمنع باباها ياخدها
فريدة فكرت شوية بعدين
--معاك حق بس هنجوزها لمين هنا
فهمي بص يمينه على طارق اللي مش مركز معاهم وباصص في الموبايل
فريدة بصوت واطي
--مستحيل انت مش شايف كان متعصب ازاي لمجرد انها جت هنا ازاي عايزه يتجوزها
~نحاول
--طب انا هطلع اقترح على سارة وانت حاول تقنعه
خرجت فريدة
~تعرف يا طارق انك خاطب من زمان
-نعم مين ده اللي خاطب ؟؟!🤨🤨
~انت ... جدك من وانت صغير وهو خاطبلك بنت حلوة حتى كاتب في وصيته انكوا لازم تتجوزوا
-ودي مين دي انشاءالله
_طبعا كلنا عارفين مين اللي فهمي قصده عليها فطبعا طارق اتعصب وعمل مظاهرة كبيرة بس في الاخر زي ما شوفنا في الاول فهمي عرف يقنعه واتجوزوا سارة وطارق _
## باك من الفلاش باك >>>>
سارة خرجت من الحمام لابسة بيجامة عادي
طارق من غير ما يبصلها حتى راح اخد مخدة من ع السرير وراح ع الكنبة ونام
وفي اوضة فريدة وفهمي
--تفتكر هيعاملها وحش كتير
~معتقدش ابنك مش قاسي اوي كده يمكن في الاول بس عشان الموضوع حازز في نفسيته بس بعد كده انا متأكد انه هيحبها
--ليه متأكد
~يعني .. البنت حلوة مفهاش عيب احنا اه لسه منعرفهاش كويس بس باين عليها هتطلع مناسبة اوي ل طارق غير باباكي اللي كان مصمم انهم يتجوزوا بعض ... الكبار دول بيبقى ليهم نظرة برضو متنسيش ان هو اللي مجوزنا 😉😉
الجزء__التاني 👇🏻👇🏻
في تاني يوم صحي طارق بيتاوب ونزل المطبخ
-صباح الخير يا ما .....
وقطع كلامه لانه لقاها سارة اللي في المطبخ مش مامته
=صباح الخير
طارق مردش وراح فتح التلاجة اخد منها لبن عشان يعمل النيسكافيه المتعود عليه وسارة كمان كانت بتعمل نيسكافيه
--صباح الخير يا عرسان
طارق بص ل مامته ومقالش حاجة بعد كده خلص النيسكافيه وطلع الأوضة
وهناك اول ما داقه
-ايه ده ؟؟!
لقاه تقيل وهو متعود عليه مسكر ومتأكد انه حط عليه سكر
=انت اخدت النيسكافيه بتاعي بالغلط
لف طارق لقاها سارة فراح وهو متضايق اخد منها النيسكافيه بسرعة وبسبب السرعة دي اتهز في ايده وادلق منه شوية على ايده
-اااه
سارة مسكت ايده
=انت كويس 😲😲
سحب طارق ايده من ايديها بسرعة
-كويس 😡
راحت سارة جابت علبة الاسعافات الاولية وطلعت مرهم وراحت جنب طارق اللي ماسك ايده وواجعاه
=هات ايدك
-لا 😡
=لازم تحط عليها حاجة عشان متورمش
-مش عايزك تحطيلي حاجة
اتضايقت سارة فقامت ونزلت تحت
وشوية وطلعت فريدة
--طارق ايه اللي حصل ؟؟
وشافت ايده
--مش تخلي بالك .. هاتي يا سارة المرهم
سارة ادت المرهم ل فريدة وطارق بصلها لثواني بعد كده رجع بص ل مامته
--مش لازم تروح التدريب النهارده بقى
-مش هينفع يا ماما عندي ماتش اخر الاسبوع مينفعش افوت ولا تدريب
--طب وايدك يا طارق
-هاخد بالي متقلقيش ... سلام بقى عشان متأخرش
ومشي بسرعة
--عِندي اوي الولد ده
=معاه حق بصراحة يا عمتو الماتش بتاع اخر الاسبوع ده مهم اوي
--ايه ده انتي ليكي في الملاكمة
=مش اوي بس ... كنت بتابع اخبار طارق على طول ☺☺
واتكسفت
--😂😂😂 ماشي يا ستي تعالي بقى نروح ع المطبخ نحضر الغدا ونتكلم شوية
وهما في المطبخ
--احكيلي بقى يا سارة انتي دخلتي الكلية ؟؟
=اه طبعا يا عمتو انا كنت في هندسة زي طارق
--كنتي وايه اللي حصل
سارة وشها بان عليه الحزن
=مرات بابا بقى ربنا يسامحها مش عارفة ازاي اقنعته يقعدني من الكلية عشان الجوازة السودا اللي كانوا عايزينهالي
--معلش يا حبيبتي بصراحة انا مش عارفة ازاي الست دي واكلة دماغ باباكي كده بس مش مشكلة ايه رأيك ننقل ورقك هنا وتروحي الجامعة مع طارق
سارة فرحت اوي
=بجد 🤩.. بس .. طارق .. هيوافق
--وميوافقش ليه انا هقنعه وتروحي الجامعة مع بداية الترم التاني
=ميرسي اوي يا عمتو
وحضنتها
في وقت الغدا كان طارق رجع من التدريب ووهما قاعدين ع السفرة
--يا جماعة احب اقولكم ان سارة هي اللي عملت الاكل النهارده مخلتنيش اعمل اي حاجة
~بجد يا سارة تسلم ايدك الاكل حلو اوي
--بصراحة يا سارة انا كنت فاكراكي مش اد كده في الطبخ بس طلعتي شاطرة
سارة بصت ل طارق وكذلك باباه ومامته مستنيينه يقول حاجة بس مقالش ف
--طارق ايه رأيك في الاكل
-....... حلو
--طب ايه مفيش تسلم ايدك لمراتك
طارق سكت شوية بعد كده
-انا شبعت
وطلع على أوضته
سارة زعلت بس
*طنط سارة طنط سارة انا ممكن ادوق من الكيكة دي
نزلت سارة على ركبها قدام كريم اخو طارق الصغير
-ايه ده ايه طنط دي انا سارة وبس ... وطبعا ممكن تدوق بس كل الاول وبعد كده خدها كلها لو عايز
بعد الغدا كانت سارة في الأوضة ماسكة البوم صور قاعدة بتتفرج عليه
الالبوم ده كان كله صور ل طارق سارة مجمعاهم من المجلات
سارة من زمان وهي بتحب طارق ودايما تتابع اخباره وتفرح اوي لما يكسب ماتش ولما هربت من بيت باباها مجاتش هنا عشان بيت عمتها بس لا جت ل طارق اللي بتحبه وساعة ما فريدة قالتلها انها تتجوز طارق وافقت على طول من غير تفكير ده حلم من احلامها وبيتحقق
قطع افكارها طارق اللي دخل الأوضة فخبت الالبوم بسرعة تحت المخدة
سارة مش عايزة طارق يعرف انها بتحبه هي عايزاه هو اللي يحبها بجد
راح طارق قعد قدام اللابتوب بتاعه وشوية وجه كريم
*سارة سارة سارة يلا نلعب
=بص يا حبيبي انا تعبانة شوية روح انت العب وانا هحصلك بعد شوية
*لا لا انا عايزك تلعبي معايا دلوقتي اصل ...
ووطى صوته
*انا سمعت ماما بتقول ان انتي هتروحي مع طارق
طارق طبعا سامع كريم فاول ما سمع حكاية انها هتيجي معاه عنيه برقت
=هروح معاه فين
*الجامعة
طارق سمع ده كمان عنيه برقت اكتر
*فانا عايز الحق العب معاكي قبل الترم التاني
سارة فرحت لانها هتروح مع طارق
=يبقى يلا نلعب
*هييييييه يلا يلا
وسحبها من ايدها وع السلم قابلوا فريدة
--رايحين فين يا حلوين
*هنلعب في الجنينة
--ماشي يا روحي ... سارة فهمي اتصل بعميد الكلية ووافق انك تروحي الجامعة من الترم الجديد وانا طالعة دلوقتي اقول ل طارق
=اه ما كريم قاللي .... انا متشكرة اوي يا عمتو
--العفو يا حبيبتي
*يلا بينا يا سارة
وسحبها من ايديها
طلعت فريدة الأوضة عند طارق
-ايه اللي كريم بيقولوا ده يا ماما جامعة ايه اللي هتيجي معايا فيها دي
--وايه المشكلة يا طارق
-ماما انا وافقت اتجوزها عشان زي ما قولتولي ننقذها من اللي مرات ابوها عايزة تعمله فيها لكن الجامعة اتدبس فيها هناك ليه
--يا طارق هتقعد في البيت تعمل ايه اكيد هتزهق خليها تشغل وقتها في الدراسة
-انا ايه ذنبي برضو
--ذنبك انك جوزها دلوقتي
راح طارق عند الشباك وهو متعصب وبيقول
-يوووه جوزها جوزها يعني انا اتجوزتها بمزاجي
قربت منه فريدة وحطت ايدها على كتفه
--انا مش عارفة انت كارهها ليه ....... عشان خاطري يا حبيبي متاخدهاش بذنب باباها حاول تفهمها تتأقلم معاها
وبصت شافت سارة وكريم في الجنينة
--بص .... البنت بريئة وتتحب حاول تبصلها بنظرة تانية غير انها بنت خالك اللي بتكرهه
بص طارق فعلا على سارة اللي بتضحك وبتلعب مع كريم وكأنها عيلة صغيرة ......
فجأة الدنيا مطرت
--كريم ادخل بسرعة
جري كريم ع البيت ونزلتله فريدة لكن سارة فضلت واقفة في المطرة مغمضة عنيها باصة للسما ومبتسمة وطارق لسه برضو باصص عليه
الجزء_التالت
بعد شوية طلعت سارة وكانت مبلولة ع الاخر حاولت تدور على حاجة تتنشف بيها نفسها بس ملقيتش
فقام طارق وبكل سهولة لانه عارف اماكن الحاجات طلعلها فوطة واداهالها
=شكرا
ودخلت نور خدت دوش سخن ولما خرجت نامت على طول
تاني يوم
صحي طارق كانت سارة لسه نايمة
دخل الحمام وجهز عشان يروح التدريب بتاعه وجت مامته
--ايه ده سارة لسه مصحيتش
وراحت تصحيها
--ايه ده دي سخنة اوي
طارق افتكر وقفتها في المطرة والدش السخن بعد كده
-اكيد جالها برد
--سارة ... سارة
صحيت سارة بس كانت تعبانة
--خليكي مكانك هجيبلك دوا
=هاتشي 😷
طارق نزل وقابل مامته
--طارق الدوا مش لاقياه
-اعمل ايه يعني
--متعرفش مكانه
-لا
--طب ممكن يا حبيبي تروح تشتري بسرعة معلش
-ماما هتأخر
ونزل خرج من البيت
فريدة دورت تاني بعد كده راحت الأوضة كانت سارة قامت
--ايه اللي قومك من السرير
=انا كويسة يا عمتو ... هاتشي 😷
--ماهو باين روحي اقعدي ع السرير واتغطي كويس وانا .....
-.... الدوا اهوه
--طارق تسلم ايدك يا حبيبي هات
واخدت الدوا تديه ل سارة
=لااااااا انا مش بحب الدوا
--سارة ....
-انتي عيلة صغيرة خدي الدوا وانتي ساكتة
سارة سكتت زي العيال الصغيرة فعلاً لما بابهم بيزعق واخدت الدوا غصب عنها وهي قافلة مناخيرها وفريدة بتضحك
وراح طارق ع التدريب بتاعه
رجع طارق متأخر من التدريب وطلع الاوضة وشوية وجت سارة
=انت جيت
-.............
=تتعشى
-مش عايز
=مش جعان يعني
-اكلت 😡
=........ هاتشي 😷
-عشان تقفي في المطرة كويس
=بتكلمني
-ايوة بكلمك فيه حد عاقل يقف في المطرة كده لا وكمان تاخدي دش سخن بعد كده
=انا بحب المطرة من وانا صغيرة وبعدين محذرتنيش ليه
-وانا مالي انا
جت فريدة
--سارة ......
وشافت طارق
--ايه ده جيت امتى يا طارق
-لسه جاي
--حمدلله على السلامة ... سارة اخدتي الدوا
=🙄🙄🙄🙄
--لا انا هسبهالك يا طارق انت اللي عرفت تتعامل معاها الصبح خليها تاخد الدوا
ومشيت
قام طارق وهو بينفخ جاب الدوا
=لاااااا طعمه وحش اوي
-خلاص متاخديهوش وخليكي بتعطسي كده
=خليني ..... هاتشي 😷
ولفت الناحية التانية
طارق فكر شوية بعد كده
-انا لاحظت ان انتي بتحبي النسكافيه زيي الصبح
سارة هزت راسها بمعنى اه
-طيب لمعلوماتك النسكافيه اللي في البيت ده بتاعي فلو مخدتيش الدوا ده دلوقتي مفيش نسكافيه تاني
=لا 😵
-يبقى خدي الدوا
=😤😤😤😤 هات
وخدت الدوا
تاني يوم
صحيت سارة وكان طارق يدوب لسه صاحي برضو
راحت وقفت قدامه بعد ما غسلت وشها
=بما انك هددتني بالنسكافيه امبارح ....
رفع طارق حاجبه 🤨
=اعملك معايا ☺
-........ ماشي
نزلت سارة وشوية وجت مع اتنين نسكافيه
داق طارق
-هو .... انتي عرفتي منين انا بشربه ازاي
=اول امبارح انت عملته قدامي
-......... اممم عموما شكرا
=العفو ☺
نزل طارق رايح تدريبه
--طارق سارة فيه حاجات عايزة تشتريها خدها في سكتك وصلها
-وانا مالي انا
--يا طارق البنت متعرفش المنطقة هنا افرض تاهت وبعدين المحل اللي عايزة تروحه جنب النادي
-اوففففف ماشي
--سارة تعالي ... طارق هيوصلك في طريقه
راحوا هما الاتنين على موتسيكل طارق
سارة مركبتش موتسيكل قبل كده عشان كده كان فيه معاناة عقبال ما عرفت تقعد
ومن اول الطريق كانت هتقع فمسكت بسرعة في وسط طارق
=اسفة
وبعدت ايديها عنه
-انتي ممكنن ........ تمسكي في كتفي
حطت سارة ايديها فعلا على كتف طارق
وصلوا المكان بس للاسف المحل اللي كانت عايزاه طلع قافل
=ايه ده
-مكتوب هيفتح بكرا
=طب هعمل ايه دلوقتي ؟؟
-يعني هتعملي ايه روّحي خدي تاكسي من هنا
وسابها ودخل النادي اللي بيتدرب فيه
سارة وقفت تستنى تاكسي بس مفيش فقرب منها شاب
؛واقف لوحدك ليه يا حلو
سارة مردتش
؛طب تحبي اوصلك
سارة مردتش برضو وبعدت عنه فجه وراها
؛متقلقيش هوصلك مكان ما انتي عايزة ومش هاخد منك فلوس هاخد حاجة تانية
وغمزلها
سارة معرفتش تعمل ايه ولا تروح فين مكانش قدامها غير النادي فدخلت فيه
جوه النادي الدنيا كانت دوشة وكل اللي فيه شباب بيتدربوا هي البنت الوحيدة واضح ان قسم البنات في حتة تانية
سارة متوترة مش عارفة حد في المكان واللي زاد توترها ان الشاب اللي كان بيضايقها دخل هو كمان النادي
وفجأة شافت سارة طارق وكانه النور الوحيد وسط ضلمة وطارق كمان شافها فجه عندها
-انتي ايه اللي دخلك هنا مروحتيش ليه
=اصل ... مفيش تاكس .... وشاب و .... دخل ورايا و ....
-اهدي اهدي انا مش فاهم حاجة
سارة خدت نفس عميق واطمنت بوجوده وبعد كده حكتله اللي حصل
-انتي بتقولي دخل هنا مين هو ؟؟
=مش عارفة راح فين
-طب استنيني هنا انا قربت اخلص
=اوكي
*طارق يلا
قبل ما يروح طارق عشان يكمل تدريبه سارة مسكت ايده فجأة
=اهوه هو ده اللي طلع الحلبة
بص طارق شاف الشاب اللي واضح ان هو اللي هيلاعبه
طلع طارق هو كمان الحلبة ومستحلف للواد ده
فضربه بغل حبتين وقبل ما يضربه اخر ضربة قاله في ودنه
-خلي بالك تضايق بنات تاني لان فيه كتير زيي في البلد هيقفولك ويأدبوك فاهم
وضربه وطلع من الحلبة
*طارق تعالى
وقف طارق مع المدرب بتاعه شوية بعد كده راح غير هدومه وراح عند سارة
=حصلك مشاكل
-ليه بتقولي كده
=المدرب بتاعك شكله متضايق
-هو فعلا متضايق بس مش مني لاني قولتله اللي عمله الواد ده زائد اني مضربتوش اوي يعني
=كده ومضربتوش ده مش حاسس بحاجة حواليه
-دي اقل حاجة عندي 😎😎 ويلا بقى نمشي
ورجعوا البيت
عدى كام يوم وفي يوم كان طارق في الجنينة بيولع نار عشان هيشوي اكل وكان طلب من سارة نسكافيه فجابته بس حطته بعيد
-متجيبي يا بنتي النسكافيه هنا
=لا خده انت
-مش هينفع اسيب النار هنولع كلنا
قربت سارة النسكافيه شوية وبعدت بسرعة
ففهم طارق ان فيه حاجة فبعد ما خلص
-مالك
=بصراحة ...... انا بخاف من النار اوي
-اشمعنا
=وانا صغيرة حصلت حريقة كبيرة في بيتنا وكل العيلة خرجت ونسيوا خالص اني كنت جوه .. النار كانت محاوطاني من كل ناحية .. الموقف ده كفيل يخوف اقوى راجل ما بالك بقى ببنت عندها 4،5 سنين
عدى كام يوم كمان طارق بدأ يتعود على وجود سارة
وفي مرة الباب خبط فتحت نور لقيت في وشها مرات باباها
:اهيه اهيه بنتك اهيه انا قولتلك هنلاقيها هنا
@بقى بتهربي من البيت يا سارة
سارة بترجع لورا فمسك باباها ايديها بعنف وقال بصوت عالي
@بتهربي من باباكي
--اهلا يا نبيل بالراحة على البنت وسيب ايديها
:ملكيش دعوة انتي ده بينها وبين باباها
--وانتي كمان ملكيش دعوة ده بيني وبين اخويا
كريم اللي شاف اللي بيحصل ده راح جري على أوضة طارق
*طارق طارق فيه واحد غريب عايز ياخد سارة متخليهوش ياخدها
نزل طارق بسرعة في نفس الوقت
@تعالي معايا يا سارة
~اهدى بس يا نبيل نتكلم
@نتكلم في ايه انا جاي اخد بنتي محدش يقدر يمنعني
~بس هي مش عايزة تيجي معاك
:هتيجي مش بمزاجها هو
فريدة كانت باصة ل طارق عايزاه يتكلم هو اللي من حقه يمنعه وكريم كمان ماسك ايد طارق عمال يشدها ويقوله يمنعه ياخدها
نبيل ماسك ايد سارة وبدأ يسحبها وهي مستسلمة مش هتقدر تتكلم من غير ما يتكلم طارق وقبل ما تخرج من البيت حد مسك ايدها التانية
*لا متاخدش سارة
وده كان كريم
@انت يا ولد ابعد من هنا
نزلت سارة على ركبها قدام كريم وحضنته
فرجع باباها سحبها تاني ولتاني مرة قبل ما تخرج حد يمسك ايدها التانية بس المرة دي مش كريم
-انا مسمحلكش تاخدها
وسحب سارة من ايد نبيل خلاها وراه وهي كانها مصدقت فاستخبت فيه
@انت مين انت
-اكيد مش عارفني انا ابن اختك يا استاذ نبيل افتكرتني ؟؟ ايوة انا اللي كان عندي 5 سنين لما طردتنا من بيت جدي
@مش مهم .. انت مين بقى عشان تسمحلي او متسمحليش اخدها انا ابوها
-وانا جوزها
الكلمة رنت في البيت وفي قلب سارة خلتها انبسطت اوي برغم الموقف
@انت بتقول ايه انا بنتي مش متجوزة
-لا يا استاذ نبيل بنتك مراتي بقالها اسبوعين واعتقد من حقي مسمحلكش تاخدها
:اه يا قليلة الادب
وكانت هتضرب سارة بالقلم بس مسك طارق ايديها قبل ما تلمسها
-انا اكيد مش هسمحلك تضربيها كمان
@الكلام ده حقيقي يا سارة
=ااايوة يا بابا
@ده انا طلعت معرفتش اربي خالص بقى بتتجوزي من ورايا
هنا سارة اتجرأت تتكلم وتقول اللي جواها
=انت اللي خلتني اعمل كده يا بابا انا ياما اشتكتلك من تصرفات مراتك معايا بس كنت على طول تكدبني وتصدقها هي ومش بس كده كنت ساعات تعاقبني على حاجات انا معملتهاش بسببها مع انها بتكون بتتبلى عليا كان لازم اهرب يا اما كنت هلاقي نفسي متجوزة واحد اكبر منك مش ده اللي كنتوا عايزين تعملوه فيا انا سمعتكوا
@ياااه ده انتي شايلة مني اوي ... بس برضو الجواز ده انا مش معترف بيه وهتيجي معايا
=لا يا بابا ده جوزي وده بيت جوزي مش همشي من هنا
@كده يا سارة ماشي على راحتك خليهم ينفعوكي ... اما انتي يا فريدة فمش مسامحك عاللي حصل ده اكيد انتي السبب .... يلا يا سهير
ومشي ووراه مراته اما سارة فطلعت ع الأوضة بتعيط وطلعلها طارق شافها نايمة ع السرير بتعيط
-سارة ......
بس قبل ما يقول اي حاجة لقى سارة بتقوم وبتجري بتحضنه وبتعيط في حضنه
طارق مش عارف يقول ايه ولا يعمل ايه بس لقى نفسه واحدة واحدة بيضم ايده على سارة في حضنه عشان يطمنها ويهديها
الجزء___الرابع👉 قبل الاخير
🌹🌹
تاني يوم كان بداية الترم التاني اللي المفروض سارة هتروح مع طارق فيه الجامعة
طارق صحي ومش عارف سارة بعد الموقف اللي حصل امبارح هتروح ولا لأ بس دخل يلبس ولما خرج كانت سارة صحيت
=البس ؟؟
طارق وقف قدامها مستغرب انها مش متضايقة ولا مكتئبة بالعكس بتبتسم وباين عليها الحماس للجامعة فقرر يغلس عليها شوية وقال
-شوفي طالما هتيجي معايا احب اقولك اني ملتزم جدا في مواعيدي مبحبش اتأخر ابدا 🤥🤥 عشان كده معاكي خمس دقايق جهزتي هتيجي معايا مجهزتيش همشي
=خمس دقايق !!
وراحت ع الحمام غسلت وشها بسرعة وفكت شعرها فكانت منكوشة
-😂😂😂😂😂😂
ضحكة طارق حلوة اوي بغمازاته دي وده اللي دار في بال سارة في اللحظة دي بس قالت
=متضحكش عليا
-براحتى ...... وعلى فكرة الخمس دقايق عدى منهم دقيقتين
=😳😳
راحت سارة ع الحمام تاني بسرعة وطارق نزل تحت
عدى عشر دقايق وسارة نزلت من الأوضة وهي مستعجلة اوي لدرجة انها كانت بتربط الكوتش وهي نازلة ع السلم
وفي الاخر لقيت طارق زي الباشا قاعد بيشرب في النسكافيه
=ايه ده مانت قاعد اهوه اومال استعجلتني ليه
-عشان عارفكوا يا بنات لو سبتكوا براحتكوا هتجهزوا في ساعتين
=انا مش من النوع ده على فكرة
وكانت رايحة ع المطبخ
-ايه ايه رايحة فين
=هعمل نسكافيه انا كمان
-لا معناش وقت احنا
=لا بليييز انت عارف اني بحب اشرب نسكافيه الصبح
-يا ستي ابقى جيبي من الكاڤيتريا
=😭😭😭 لاااااا انا عايزة دلوقتي
-😂😂 خلاص خلاص روحي بسرعة
جريت سارة ع المطبخ
-معاكي نفس الخمس دقايق هه
بعد الخمس دقايق
-انا ماشي
جت سارة بسرعة
-يلا
وراحوا على موتسيكل طارق
ونفس المعاناة في القاعدة برضو
-يا بنتي انتي مش ركبتي معايا قبل كده مش عارفة تقعدي ليه
=محسسني انه مريح اوي
-مش عاجبك اركبي تاكسي سهلة
=خلاص قعدت
اتحرك طارق ووصلوا الجامعة
داخل طارق وسارة جنبه وفجأة جت بنت من بعيد بسرعة بتنده باسم طارق ونطت عليه حضنته
طارق بص ل سارة شافها اتضايقت وبعدت عنه
# طارق حبيبي وحشتني اوي اوي بقى كده متكلمنيش ولا مرة طول الاجازة .. عندي كلام كتير اوي عايزة اقولهولك تعالى
وسحبته من ايده
سارة عرفت تتعامل عادي في الجامعة واتعرفت على بنتين
وبعد المحاضرة الاولى كانت قاعدة مع البنتين في الكاڤيتريا وع الترابيزة اللي قدامهم طارق وأسما واصحابه
_اه الكل عارف الي بين طارق وأسما بس مكانش ينفع تحضنه قدام الجامعة كلها ..... ولا انتي ايه رأيك يا سارة
=........... معرفش
خلص اليوم وسارة كانت مستنية طارق عند الموتسيكل بتاعه وشافته جاي مع أسما فالغيرة قعدت تاكل فيها
سلم طارق على أسما وجه عند سارة اللي من غير كلام ركبت الموتسيكل
فركب طارق هو كمان واتحركوا ع البيت وانشغلوا هي مع مامته وهو في الاوضة فمتكلموش لحد بالليل
طارق عايز يفتح كلام عشان يوضح اللي حصل وسارة كمان الغيرة جواها عمالة تاكلها عايزة تتخانق معاه
-بسس ..... ايه رأيك في الجامعة بتاعتنا
=حلوة ... والبنات اللي فيها حلوين كمان خصوصا أسما 😤😤
-بما انك جبتي سيرتها بقى عايز اقولك على حاجة
وراح قعد قدامها ع السرير
-انا وأسما اصحاب من سنة اولى والجامعة كلها فاكرة اننا بنحب بعض هي بتحبني و ......
قاطعته سارة
=بتحبها ؟؟!
-.......... مممم عموما هو مش هينفع اصلا
=ليه
-عشان متجوزك دلوقتي مثلا
=مانت ممكن تسبني
طارق سكت لحظة بعد كده
-خلي القرار ده على جنب دلوقتي المهم يعني انا مش هعرف اقولها دلوقتي ان احنا متجوزين مجنونة ومعرفش ممكن تتصرف ازاي مش بعيد تعمل حاجة في نفسها ف هستنى شوية عشان كده لو سمعتي او شفتي اي حاجة زي النهارده كده متضايقيش هه
=وانا اتضايق ليه
-يعني غيرة وكده
=وانا اغير عليك ليه
-صح تغيري ليه عموما انا قولت اقولك
وراح نام ع الكنبة وسارة مبتسمة عشان فكر فيها وانها ممكن تكون متضايقة بس هي مش متضايقة خالص دي بتولع
عدى كام يوم وفي يوم سارة وطارق راحوا الجامعة لسه مفيش اي حد يعرف انهم متجوزين
# طارق ايه حكاية البنت اللي بتيجي معاك دي
-دي ..... بنت خالي
# خالك مين انت من امتى عندك خال
-ناس بتظهر فجأة بقى نعمل ايه
# ماشي
-انا هروح الحمام بسرعة
راح طارق وشوية وهوب 💥
(حريقة حريقة 🔥🔥🔥🔥 كله يخرج من الكاڤيتريا )
الكل خرج وفجأة
# طارق طارق مخرجش
سارة سمعت كده
=ايه طارق جوه
# ايوة مخرجش
=طارق
وجريت عند باب الكاڤيتريا في الاول خوفها منعها بس عشان طارق اتشجعت ودخلت
=طارق طارق انت فين
وقعدت تبص حواليها مش شايفاه ولما شافته
=طارق
وجريت عليه
-انتي مجنونة ايه اللي جابك هنا
وكان هيقع حاجة من السقف عليها فسحبها طارق ناحيته ولف بيها بقى هو اللي ناحية الباب وهي اللي من جوه
=انت مخرجتش وانا مفكرتش لقتني بدخل الحقك
كانت هتقع خشبة تاني بس المرة دي على طارق فزقته سارة بعيد عنها بسرعة ونزلت الخشبة مابينهم
-سارة
بقت النار محاوطة سارة من كل ناحية ما عدا فتحة صغيرة
هنا افتكرت موقفها وهي صغيرة وخوفها من النار اتغلب على عقلها
=ااااااااااااااااااااا
طارق افتكر كمان
-سارة متبصيش للنار
سارة مردتش
-سارة متبصيش
برضو مردتش
-سارة بصيلي
بصتله
-فيه حتة مفهاش نار اهيه عدي
=انا خايفة
-متخافيش انا معاكي
=طارق اخرج
-لا مش هسيبك عدي يا سارة يا اما هعديلك انا ونموت احنا الاتنين وسط النار
سارة برغم خوفها بس حبها لطارق شجعها وعدت بسرعة واول ما وصلتله حضنته وهو كمان حضنها بقوة خرج كل خوفه وقلقه عليها
وقلع الجاكت بتاعه حطه على كتافها عشان يحميها من النار وخرجوا هما الاتنين
اصحاب سارة اتلموا حواليها يتطمنوا عليها وكذلك بالنسبة ل طارق
# طارق حبيبي انت كويس
-اه
بس سارة كانت استنفذت طاقة كبيرة جواها عشان تتغلب على خوفها وتقدر تدخل ل طارق غير كمية الدخان اللي شمتها جوه النار وده خلاها في اللحظة دي داخت ووقعت
-سارة
وراح لها بسرعة وعلى طول شالها على دكتور الجامعة
بعد ما فاقت
-انتي كويسة
=الحمدلله
-والله انا ماشفت جنان كده يعني انتي بتخافي من النار تدخلي فيها
=عشــــانك .... خوفت يحصلك حاجة فمفكرتش في خوفي ولقيت نفسي بدخلك
-..............
_حمدلله ع السلامة يا سارة
=الله يسلمك يا غادة
-يلا نروّح يا سارة
# ايه ده انتوا ساكنين مع بعض
-اه
# طب هبقى اكلمك افهم ايه الحكاية دي
طارق مهتمش ب أسما
-يلا يا سارة
ومد ايده عشان تسند عليها وروحوا مع بعض
عدى ايام كمان وفي يوم طارق شاف سارة داخلة الكاڤيتريا وهي متضايقة ودخل وراها واحد اسمه يوسف وقعد معاها بس كان واضح ان سارة مخنوقة منه
وشوية وجه يوسف عند طارق
*طارق شوفلي حل مع بنت خالك دي
-فيه ايه
# اه اه احكيلنا يا يوسف انا اكتر من مرة اشوفكوا مع بعض ايه 😉
*بصراحة يا طروق بنت خالك دي حلوة اوي مجنناني
-ايه ده ما تحترم نفسك
*ايه يا عم مالك هي مراتك
طارق سكت متعصب من يوسف بس مش عارف يقول حاجة
# اه صح يا طارق متعصب ليه
-بببنت خالي بيعاكسها قدامي
# استنى نسمعه بس
*بص بقى انا حاولت معاها كتير لكنها عندية اوي
-حاولت معاها ايه بالظبط 🤬🤬
*قولتلها اكتر من مرة اني معجب بيها وعايزين نتصاحب في الاول رفضت على طول بس انا مسكتش فضلت وراها بس برضو منشفة دماغها والنهارده مسكتها قبل المحاضرة وقولتلها اني بحبها ومش هسيبها لحقتها من ايدي صاحبتها غادة دي فعايزك بقى تكلمهالي تحن عليا شوية
# متقلقش يا يوسف هنكلمهالك
طارق طول كلام يوسف ماسك نفسه بالعافية هيموت ويطبق في زمارة رقبته بس
-بقولك ايه يا يوسف تعالى معايا
# خدوني معاكو
-خليكي يا أسما انا هقوله حاجة بس
واخده معاه خرجوا برا الكاڤيتريا وراحوا مكان مفهوش ناس
-بقولك ايه يا يوسف ابعد عن سارة
*ليه هي مرتبطة ولا حاجة
-حاجة زي كده
*مرتبطة بمين انشاءالله
-بيا
*افندم
-بص بصراحة كده سارة تبقى مراتي
*ايه مراتك ازاي
-زي ما بقولك كده فابعد عنها احسنلك لاني لو شوفتك بتقربلها صدقني مش هعرف امسك نفسي
*صدقتك انا كده عايز تشقطها مني قول لكن الكدبة دي مش محبوكة
-انا مبكدبش
*طب امتى وازاي دي حتى مش لابسة دبلة
-عايز تصدق صدق مش عايز بلاش انا قولت اقولك عشان ابقى حذرتك متقربش منها تاني تمام
وسابه ومشي
في البيت بالليل
-انتي مقولتليش ليه على حكاية يوسف
=ماله يوسف
-سارة 🤨🤨
=اوكي كنت عايزني اعمل ايه اجي اقولك فتتجنن وتروح تضربه مثلا وتسبب لنفسك مشكلة
-لا تسيبيه لحد ما يتعدى حدوده معاكي
=وانت متضايق ليه
طارق من غير ما يفكر رد على طول
-انتي مراتي ازاي مش عايزاني اتضايق
سارة سكتت بس من جواها مبسوطة جدا ان طارق بيغير عليها
-لو قرب منك تاني قوليلي ماشي
=ماشى
التعليق بعشرين ملصق علشان انزل بالبارت الاخير
"مش_من_النظرة_الاولى 😉😉 "
الجزء_الخامس
و
الاخييييييييييييير 😲
عدى ايام وفي يوم طارق كان عنده ماتش في الجامعة واحد اتحداه
بدأت المباراة وفي نصها تقريبا
=غادة انا هروح الحمام بسرعة
_اوكي متتأخريش
=تمام
وراحت سارة
بس وهي رايحة قابلت في السكة يوسف
*هاي سارة
=هاي يوسف
*رايحة فين مستعجلة كده
=الحمام ومستعجلة اوي عشان الحق ارجع ومتفوتنيش حاجة من الماتش
*ماتش طارق
=ايوة
*هو انتي ايه علاقتك بطارق بالظبط
سارة متعرفش ان طارق قال ليوسف انها مراته عشان كده
=ابن عمتي
*بس ؟؟
=قصدك ايه
*قصدي انه اكتر من كده مش معقولة ابن عمتك هتدخلي في النار عشانه وتحضنيه في وسطها انا شوفتكوا
=يوسف لو سمحت عديني
يوسف حط ايده قدامها ع الحيطة حاولت ترجع من الناحية التانية حط ايده التانية قدامها
وهناك عند طارق الماتش خلص
-غادة اومال فين سارة
_مش عارفة يا طارق هي راحت الحمام من بدري ولسه مرجعتش لحد دلوقتي
نرجع تاني عند سارة
=ايه اللي انت بتعمله ده
*اشمعنا طارق
=انت اتجننت اوعى
وحاولت تزوقه
*مش هسيبك انا حاولت معاكي بالذوق وانتي اللي مش عايزة
=ابعد عني والا مش هيحصلك طيب
*ايه هتندهي طارق مشغول مش هيعرف يلحقك ومش هو بس الجامعة كلها
وزقته جامد وحاولت تجري بس مسك ايديها
=يوسف سيب ايدي
*انا مش فاهم ايه اللي عاجبك في طارق انا احسن منه
سارة زعقت
=يوسف سيب ايدي
فزعق هو كمان
*مش هسيبها
هنا حد مسك ايده
-لا هتسيبها
وده كان طارق اللي راح ضارب يوسف حتة بوكس بكل الغضب اللي جواه
-انت ازاي تسمح لنفسك تعمل معاها كده
الجامعة اتلمت على طارق ويوسف اللي قام وهو بيقول
*اشمعنا انت
طارق مسك في القميص بتاع يوسف وهو بيقول ومتعصب جدا
-انت اتجننت ماقولتلك انها مراتي
الجامعة كلها سمعت الكلمة دي
# طارق
زقه يوسف وقال
*مش مصدق انها مراتك وحتى لو مراتك انا متأكد انك مبتحبهاش وانا بحبها ومش هسيبها
ضربه طارق بوكس كمان بسبب كلامه اللي يعصب فالمرة دي قام يوسف وضربه هو كمان
وزادت الخناقة لحد ما جم امن الجامعة مسكوهم واخدوهم عند عميد الكلية ولما خرجوا
=طارق ايه اللي حصل
-خدت فصل اسبوع
=انا اسفة يا طارق
-وانتي ايه ذنبك
=مانت اتخانقت مع يوسف بسببي
-هو كان عايز يتضرب من بدري كان لازم اضربه من اول مرة اتكلم عنك بس انا قولت احترمه واقوله الحقيقة بس هو مبيفهمش يمكن كده يفهم
رجعوا البيت وهناك
~ايه اللي حصل يا طارق سمعت انك خدت فصل من الجامعة اسبوع
-اه يا بابا
~ليه
-هحكيلك
وحكاله اللي حصل
~ويوسف ده اخد فصل هو كمان
-اه بس ٣ ايام بس العميد شايف اني غلطان اكتر منه عشان ضربته
~يستاهل الضرب ... انتي كويسة يا سارة ؟؟
هزت سارة راسها بمعنى اه
~طب الحمدلله
في نفس اليوم بالليل
=انا مش هروح الجامعة بكرا
-ليه انا خدت فصل انتي متروحيش ليه
=متعودتش اروح من غيرك
طارق ابتسم
-مينفعش تضيعي محاضراتك روحي وانا كلها اسبوع وهرجع اروح معاكي .... بس اسمعي متمشيش في الجامعة لوحدك ويوسف ده لو قربلك كلميني على طول
سارة ابتسمت وهزت راسها بمعنى ماشي
تاني يوم
-سارة سارة هتتأخري ع الجامعة
=انت صاحي
-اه مانا رايح مشوار هوصلك في طريقي
وراحوا هما الاتنين وعند الجامعة
-خلي بالك من نفسك
=وانت كمان .. باي
ومشيت سارة وطارق باصص عليها
# طارق عايزة اتكلم معاك
-وانا كمان يا أسما
راحوا كافيه وقعدوا اتكلموا
# يعني انت متجوزها غصب عنك
-اه بس ....
# خلاص يبقى تسيبها
طارق سكت فمسكت ايده وهي عاملة فيها بتعيط ومنهارة
# طارق انا بحبك انت مش متخيل لما سمعتك بتقول انها مراتك اتجننت ازاي انت بتحبني صح مش هتسيبني مش كده هتسيبها هي
طارق عشان يهديها حط ايده التانية على ايديها
وغمض عينه فلقى نفسه بيتخيل سارة قدامه فقال
-بحبك وعمري ابدا ما هسيبك وهسيبها هي عشانك
وفتح عيونه لقى أسما فبعد ايده
-يلا بقى هتتأخري على محاضرتك
ورجعها الجامعة
دخلت أسما وشوية وجت واحدة صاحبتها
# عرفتي تعملي اللي قلتلك عليه
*عيب عليكي صوركوا معايا وواضحة اوي وكمان الڤيديو اللي بيقولك فيه بحبك ... ابعتلها دلوقتي
# اه اه ابعتي بسرعة
وراح طارق ع البيت بعد التدريب كانت سارة لسه مرجعتش من الجامعة
دخل طارق الاوضة ووهو بيقلع الچاكت شاف حاجة تحت مخدة السرير
راح جابها ودي كانت البوم صور طارق بتاع سارة
فتحه طارق واتفاجئ بصوره اللي فيه وبدأ يقرا الكلام اللي مكتوب تحت كل صورة واللي عرف منه ان سارة بتحبه من قبل ما يتجوزوا
طارق من جواه فرح اوي ان سارة بتحبه واتأكد ان المشاعر اللي جواه مش من ناحيته هو وبس
وكان مستنيها على نار ترجع من الجامعة
رجعت سارة وطلعت ع الاوضة على طول
-سارة انا ....
=طارق انت طلعت بتحب أسما
-مين قالك كده
=وكمان بتقابلها ومش عامل اي احترام لوجودي في حياتك
-سارة .....
=للدرجة دي انا مش فارقة معاك
-فهميني بس جبتي الكلام ده منين
طلعتله سارة موبايلها ووريته صوره مع أسما وهو ماسك ايديها والڤيديو اللي بيقول لها فيه بحبك وانه هيسيب سارة عشانها مع انه كان قصده العكس
-سارة اسمعيني
=لا مش هسمع انا كنت فاكرة اننا قربنا وانك ...
وسكتت وهي في عنيها الدموع وكانت هتطلع من الاوضة بس طارق مسك ايديها
-سارة انا روحت اقعد معاها عشان افهمها اني مش هقدر اكمل معاها بس لقيتها منهارة معرفتش اقولها لو مكنتش قولتلها كده مش عارف كانت ممكن تعمل ايه والله انا كنت مغمض عيني اصلا وانا بقول كده كنت متخيلك انتي قدامي انا ب....
قاطعهم كريم اللي جه بيقول
*سارة الراجل اللي كان عايز ياخدك قبل كده تحت
=بابا
ونزلت وطارق وراها
@سارة
=انت هنا
@ايوة يا سارة انا رجعتلك
=قصدك ايه
@انا عرفت الحقيقة
اتجمعت العيلة كلها
@سهير طلعت بتخدعني وكانت عايزة تخلص منك وبعد كده مني عشان تاخد هي الفلوس والبيت
--شفت يا نبيل
@كان عندك حق يا فريدة انا اسف ... بس خلاص انا طلقتها وجاي ارجعك البيت يا سارة ... خلاص مبقيتيش مضطرة تقعدي هنا
سارة بصت ل طارق اللي بان على وشه الحزن ان سارة اكيد هتسيبه حتى لو بتحبه هي فاكرة انه بيحب أسما بس اللي مزعله اكتر انه كان خلاص هيقولها انه كمان بيحبها بس ملحقش
-لا مش هتاخدها
--سيبها هي تقرر يا طارق
-بس .....
سكت طارق وبص ل سارة بعد كده طلع أوضته وهو متضايق وشوية وطلعت سارة
=طارق
طارق مديها ضهره
=هو انت كنت هتقولي ايه قبل ما كريم يدخل علينا
لف طارق وشافت في ايده الالبوم
=ايه ده انت شفته
وقربت تاخده منه بس هو مسك ايديها
-اه شفته وبحبك
=ايه
-بحبـــــــك ... ده اللي كنت عايز اقولهولك بحبك ومقدرش اعيش من غيرك بس خلاص انا متأكد انك نفسك ترجعي مع بابكي وتعيشي حبه اللي اتحرمتي منه سنين زي ما قريت في اول صفحة في الالبوم انا مش هقدر امنعك
وساب ايديها ولف بص ناحية الشباك وهو متوقعها هتلم هدومها وتنزل بهدوء بس لقاها بتمسك ايده وتلفه ناحيتها
=حب بابا اللي اتحرمت منه سنين انت عوضتني عنه ومش بجوازنا لا من قبل كده كمان انا لما كنت ازعل من بابا كنت بهرب على صورك اشتكيلك كان حبك مخليني استحمل ولما لقتني هبقى لحد غيرك هنا بقى مروحتش لصورك هربت من البيت عشان اجيلك انت شخصيا كنت عارفة انك هتساعدني وفعلا اتجوزتني وده كان اسعد يوم في حياتي
-طب بعد الكلام الحلو ده كله اللي مش هعرف ارد عليه هتقعدي ولا هتمشي
ضحكت سارة وسحبته من ايده ل تحت
=بابا انا بحبك اوي حتى برغم اللي حصلي من مراتك فضلت احبك وكان نفسي ارجع معاك دلوقتي بس ... فيه حد تاني بقى بيشاركك في قلبي
وبصت ل طارق وهي ماسكة ايده
=انا بحب جوزي
وبصت لمامة طارق وباباه وكريم
=وبحب اهل جوزي
وبصت ع البيت كله
=وبحب بيت جوزي كله ومش مضطرة اقعد فيه ... انا بمزاجي قاعدة وهقعد فيه
سحبها طارق قدامه وحط ايده على خدودها وقال
-وانا بحبك جدا يا احلى حاجة حصلتلي في حياتي
وحضنها جامد اوي ولف بيها
@ربنا يوفقك يا حبيبتي بس ابقي زوريني بقى ولا هتمنعها يا طارق
-هجيلك معاها انشاء الله
@فريدة هتسامحي اخوكي وتبقي تيجي بيت ابونا
دمعت فريدة وراحت حضنت نبيل
@انا اسف يا فريدة
وبص ل فهمي
@سامحني انت كمان يا فهمي
ابتسم فهمي
باقي اسبوع فصل طارق سارة مراحتش الجامعة وقضوه هما الاتنين مع بعض في فسح وانبساط
وبعد ما خلص الاسبوع
كان طارق نايم ع السرير وسارة جت تصحيه بمنبه الموبايل في ودنه
-سارة بطلي غلاسة
=يلا يا طارق الجامعة
وكانت هتقوم بس طارق مسك ايديها
-مينفعش نعتبر اني خدت شهر فصل مش اسبوع
=لا مينفعش ويلا قوم بسرعة
-😤😤😤😤
وقام طارق ونزلوا ماسكين ايد بعض على موتسيكل طارق
-هتعرفي تركبي ولا لسه صعب الموضوع
=هبهرك
ووهي بتركب خبطت طارق
-ايه ده .... لا بصراحة انبهرت
=حاسة انك بتتريق عليا
-حاسة ؟؟! 😂😂😂
وهما ماشيين بالموتسيكل سارة كانت اتعودت تمسك في كتف طارق بس دلوقتي الوضع اتغير بالنسبة له مبقتش واحدة مجبر عليها اللي راكبة وراه دي بقت مراته وحبيبته فمسك ايديها ونزلها على وسطه
فرحت سارة ونزلت ايديها التانية وكأنها ماصدقت فكلبشت فيه
وفي الجامعة اول حد قابلهم كان أسما
-أسما انا هقولك الحقيقة خلاص اللي انتي عملتيه ده كان غلط بس ده ساعدني اعترف ل سارة اني بحبها انا اسف بس انا وانتي خلاص اصحاب وبس
# كده يا طارق ماشي وبلاها اصحاب احسن
طارق استغرب من رد فعلها
-ايه ده انا كنت فاكرها هتنهار ده انا مكنتش عايز اقولها قبل كده احسن تعمل حاجة في نفسها
=اوڨر انت بصراحة تعمل حاجة في نفسها ليه واحد وراح عادي
-ايه ده وانا ميتزعلش عليا
=لا عادي يعني
-كده طب لينا بيت نتكلم فيه
=ايه هتجري ورايا تاني وفي الاخر تلاقيني مستخبية في الدولاب
-لا ممكن نعمل المرة دي حرب المخدات ونملى الأوضة قطن
=😂😂😂😂😂
-😂😂😂😂
النهاية
تعليقات
إرسال تعليق