 |
#البارت الأول
وانا أخليه يحبنى ازاى؟
- خلى عندك كرامه وهوا هيحبك، عارفه الكرامه؟.
- أيوه مقولتليش أخليه يحبنى إزاى؟.
- هوا مفيش غيره!.
- وانا مالى قلبى هوا اللى ساب كل الناس ووقع فيه هوا، مهزء بقى اعمل ايه!.
- دا قلبك بردو؟.
- عارفه لو ساعدتينى وخلتينى اعرف اخليه يحبنى هعزمك ع فرحنا.
- إبعدى عنى..
- هأكلك من تورته الفرح!.
- ولا أقولك اقطعى علاقتك بيا.
- هقولك احنا هنقول إيه واحنا بنرقص سلو وقتها طيب!.
- أنا ماشيه.
- طيب جوزينى الواد وبعدين إمشى طيب!.
أحيانا بنبقى عاقلين بناخد كل خطوه في حياتنا وبنستخدم عقلنا وفجاه وبدون اى مقدمات بنلاقى عقلنا وقف وبدأ القلب يدق وهوا اللى يشتغل ويتحكم ، ودا مبيبقاش بإرادتنا.
- بتعملى إيه؟
- بعمل أكل ل مصطفى.
- اللى مبياخدوش!.
- هيجى وقت وياخده وهيحبه وهيحبنى.
- نص صبرك عليه يارب نص صبرك بس.
- إبتسمت وانا بتكلم.. قوليلى بقى الساعه كام؟.
- سبعه و...
- يلهوى و.. كمان. اتاخرت.، اتاخرت.
أخدت شنطتى وطلعت أجرى عشان ألحقه بس كان سابنى ومشى. هوا مبيهتمش اذا كنت جيت او لا ، مجرد شخص بيوصله معاه الشغل بس او بالاصح مجرد عبء ، بيحاول بأقصى جهد وفعل يتخلص منه وانا بحاول من الناحيه التانيه اقرب عشان قلبى بيوجعنى لو محاولتش.، بيوجعنى اوى، وانا مبقدرش ع الوجع دا.
وصلت الشركه وانا بنهج ومكنتش قادره اخد نفسى وكانت عربيته برا إبتسمت وبعدها عدلت لبسى ودخلت.
- مشيت وسبتنى ليه؟.
- مرفعش عينه وكان لسه مركز في ال لاب.
- قربت وحطيت الاكل قدامه... دا الاكل ، والمره الجايه هنزل بدرى.
- مردش عليا فطلعت من المكتب.
ميردش عادى، المهم انى معاه وجمبه والله ما عايزه غير كدا مجرد وجودى جنبه دا عندى بالدنيا برغم انه مش طايقنى بس لسه جمبه، مش دا الاهم!!.
- انتى ماسكه الاكل بتاع مصطفى ليه؟
- بشمهندس مصطفى طلب انى اديه لاى حد برا.
- تمام انا هاخده.
هوا بيعمل كدا ليه؟، هوا لو أكله هيحصله حاجه؟، طيب ما يجبر بخاطرى حتى هوا انا مش بنت عمه، مبيقدرش مجهودى ليه!، انا مش هكلمه تانى أبدًا.
كان طالع من المكتب.حطيت الاكل ع مكتبى وطلعت جرى وراه.
- مصطفى استنانى
كان داخل مكتب عمى ، دخل وقفل الباب وراه ، بس مقفلش لا دا لبس في وشى هه.
-
٠٨٠٠ كومنت لو عايزين البارت التانى أو لو عايزنى أكملها 🙂💔
؟
- ♥✨"
# شخابيط
#حنان محمد
#البارت التانى
كان داخل مكتب عمى ، دخل وقفل الباب وراه ، بس مقفلش لا دا لبس في وشى هه.
فتحته ودخلت كانوا بيتكلموا في حاجات مهمه وانا واقفه وببص ع كل جوانب السقف فوقت ع صوت عمى.
- حنان فيه حاجه؟.
- انا!، لا مفيش...، اقصد لا فيه، انا عايز أخد إذن عشان هشترى شويه حاجات.
- تمام ، وصلها يا مصطفى وخليك معاها.
- بص ليا بغضب وسكت.
طلعنا وتقريبا كان عايز يمسك راسى ويرزعها في اقرب حيطه تقابله ، هوا مش طايقنى ليه؟، حد يطول يلاقى حد يدخله في تفاصيل تفاصيل تفاصيل تفاصيل حياته زى ما انا بعمل!، طيب والله ما هيلاقى!.
كان سايق وهوا متعصب زى العاده اتنهدت وبصيت من الشباك.
- وصلنا.، خلصى وابقى اتصلى عليا.
- مش هتنزل تختار معايا؟.
- مش فاضى.
- بس انا...
- إنزلى عشان مش فاضى.
نزلت ورزعت الباب وهوا مشى، انا مكنتش جايه عشان اشترى حاجه انا كنت عايزه أخليه يفضل معايا.، بعدها بشويه اتصلت عليا وروحنا.
- هوا مصطفى مش هياكل.
- لا بيشتغل فوق.
أخدت ليه أكل وطلعتله، كان مكشر زى عادته وباصص في الورق.
- أنت زعلان ليه؟.
- رفع عينه لما انتبه لوجودى.. شويه مشاكل في الشغل بس.
- عارف لو حبيتنى كل المشاكل هتتحل.
- إزاى؟.
- حبنى وانا هقولك.
- رجع بص في الورق تانى، تمام.
- إيه، هتحبنى؟.
- لا.
- أنت متبتحبنيش ليه، هوا انا متحبش يعنى!.
- لا أنا اللى معنديش نظر.
- اه ما دى عارفينها من زمان غيره بقى؟
- بتقولى ايه انتى ؟.
- بقول هتحبنى إمتا؟.
- أنا عندى شغل يلا أمشى عشان أعرف اركز .
- لا وجودى هيخليك تركز أكتر.
- اشمعنا؟.
- عشان بتحبنى.
- بس انا مبحبكيش!
- أيوه، هتتغير بقى وتحبنى إمتا؟ ، الناس كلها بتحب بعض، انت مبتحبنيش ليه؟.
- هوا الحب بالعافيه؟.
- دلوقت اه.
- وانا لما أحبك إيه هيتغير.
- هقف جمبك دايما وأبقى في ضهرك.
- ع اساس انك دلوقت بتسيبنى اتنفس!.
- هحل كل مشاكلك واساعدك ف انك تتخلص من كل التوتر.
- بس انتى سبب التوتر اصلا.
- هخلى عمى يرفدك من الشغل!.
- لا... إيه!!
- بصيتله وانا ببتسم.. حبنى بقى.
- إطلعى واقفلى الباب وراكى.
- وهتحبنى؟.
- إطلعى يابنتى بقى!.
- هقولك وحشتنى كل يوم وهقولك انى بحبك.
- بجد!.
- اه والله وهقولك يا حبيبى كمان.
- كتر خيرك والله ع المجهود دا كله.، ممكن تطلعى برا بقى.
- كدا حبيتنى صح!.
- بصلى وسكت.
- إشطا يبقى حبيتنى.
طلعت وقفلت الباب ولفيت حوالين نفسى ورجعت فتحت الباب تانى.
- مصطفى.
- يادى النيله عليا، خير؟.
- هتحبنى إمتى؟
هوا مش لما بنحب حد بيبقى من الواجب الطرف التانى يحبنا تقديرا للمجهود اللى بنبذله معاه عشان يحبنا!، من يوم ما وعيت ع الدنيا وانا بحبه وانا مش شايفه غيره في حياتى ، عيونى مليانه بيه هوا عيونه مش مليانه بيا ليه! اخزئله عينيه دلوقت!
بيجى عليا وقت واشتم نفسى لانى رفضت طلب عمى لما قالى هتتخطبوا لبعض وتتجوزوا.، بس انا رفضت، انا مش عايزه حد مبيحبنيش ، ودلوقت بقنعه يحبنى.عشان نتجوز، وتقريبا هنقتنع لما نموت ، انا عايزه أله زمن ترجعنى واوافق ، ووقتها هقنعه يحبنى بمعرفتى.
- واقفه في البلكونه متأخر ليه؟.
- قلبى دق جامد اول ما سمعت صوته.، قرب ووقف جمبى وكان ماسك مج القهوه في إيده ، كان لابس تيشرت اسود وكانت إيده حلوه اوى تنفع تتحضن بكفى و... حنان فوقى انتى بتقولى إيه؟.
- بتفكرى في إيه؟
- رديت بتلقائيه ، فيك.
- الجو برد ادخلى لتاخدى برد.
- خايف عليا؟
- إدخلى يا حنان.
أحيانا مبفهومش ، بيعاملنى بلطف واوقات بيتعامل بقسوه لدرجه انى معرفوش، بحس انه شخصيتين مع بعض ، اتغير من وقتها ، كان في الثانويه شخص لطيف بنتعامل مع بعض ك ولاد عم ونضحك ، يومى كان عباره عنه وضحكتنا سوا، وهزارنا اللى مبيقلش ، احيانا لما بشوفه دلوقت بحس انه شخص معرفوش ، شخص غريب ، بس بردو حبى ليه مقلش.
- إنتى بتعملى إيه؟
- القميص دا يليق أكتر ولا دا؟.
- قولتلك مليون مره متدخليش اوضتى ولا تختارى لبسى.
- ما أنت ذوقك زباله ومبتعرفش تنسق لبسك.
- دا أنا!!.
- أمال انا؟، أكذب عليك وأغشك يعنى.، أكذب عليك وابقى كيذابه يرضيك؟
- كيذابه ازاى؟.
- القميص الابيض يتلبس ع البنطلون الكافيه دا وتلبس كوتشى ابيض إياك تلبس جزمه خليك شيك كدا.
- ممكن تطلعى من الاوضه؟
- البرفيوم اللى بحبه بقى بالمره.
- إحنا رايحين شغل ولا حنه شيماء.
- شيماء مين؟، انت بتخونى!.
- إطلعى يابنتى.
- متنساش الساعه بقى بالله عليك وابقى ارفع شعرك.
- تمام خليكى.. فتح اول زرار من التيشرت.
- طلعت جرى من الاوضه.. هستناك في العربيه متتاخرش.
كنت قاعده ببص ليه وهوا لابس قميص لونه بيبى بلو وبنطلون ابيض ومش لابس ساعه ولا البرفيوم اللى قولتله عليه ولا رافع شعره!.
اخدت نفس كبير وطلعته وانا بردد جوايا.
- متتعصبيش ياحنون هوا واحد مهزء متتعصبيش.
- فيه حاجه؟
- ابتسمت ببرود... لا يلا عشان هنتاخر.
مش أول مره يعملها يعنى كنت عايزه البس الاكل في وشه او اضربه بالشنطه ع راسه او أكرهبه بالصاعق بس مسكت أعصابى دا في النهايه إبن عمى.
- في إجتماع النهارده مع شركه......
حد يناولتى مفك أدبه في بطنه واخلص منه معلش.
- مش عايز مشاكل ماشى.
- بصيتله ببراءه. وانا من إمتا وانا بعمل مشاكل.
- حنان انا مش عايز التصرفات الطفوليه دى تحصل ، احنا في شغل اتحكمى في نفسك شويه.
- ......
- تمام.
- سرع شويه عشان اتاخرنا.
هوا ممكن حد يتحكم في غيرته؟، يعنى ممكن ادخل جوايا واقولها متغيريش!، لو بطلنا نغير معناها اننا بطلنا نحب ، معنى كدا هوا بيطلب منى انى ابطل أحبه صح؟.
انا مش عايزه حد يشاركنى فيه حتى لو بهزار، بس دى مبتهزرش هيا بتحاول تستفزنى غصب عشان اتعصب عليها واجيبها من شعرها اللى فرحانه بيه دا.
كنت قاعده وكل ما اشوفها بتكلمه اخد شهيق وزفير واشرب مايه وابتسم ، كان بيضحك معاها.، انا نسيت هوا كان بيضحك ازاى، شكله، تفاصيل وشه وهيا بتتغير عينه اللى بتغمض وايده اللى بتلمس جبهته من غير ما يحس عشان يدارى عيونه ، تفاصيل كانت غايبه من زمان هيا خلتها تيجى وانا فشلت ل دا، كنت قاعده وعايزه اعيط.
- الملف اللى جمبك يا حنان.
- كنت ببص عليهم وبضغط ع القلم.
- حنان!!!.
- فوقت لما لقيت القلم اتكسر في إيدى... هاا.
- فيه حاجه؟.
- حاولت ادارى وشى.. اه لا مفيش تعبانه شويه، انا هامشى
#البارت التالت هينزل بعد ٥٠٠ كومنت أقل من كده لاا
ومعلش نزلته دلوقتى عشان مش فاضيه بكره 💝 كومنتات كتير يا قمرات ☺️ 💖 .
♥✨"
# شخابيط
#حنان محمد
#البارت التالت
- الملف اللى جمبك يا حنان.
- كنت ببص عليهم وبضغط ع القلم.
- حنان!!!.
- فوقت لما لقيت القلم اتكسر في إيدى... هاا.
- فيه حاجه؟.
- حاولت ادارى وشى.. اه لا مفيش تعبانه شويه، انا همشى.
أسوء احساس ممكن الشخص يحسه انه مش متشاف ، بيحاول سنين يبنى في علاقه ويجى شخص من يوم وليله يبنى واحده تانيه وتنجح وتهدم اللى بنيته انت ، وقتها بتقعد بنفس عدد السنين تسال نفسك هوا انا كنت غلط في إيه، وبتخاف تقرب او تحب ليحصل نفس المشكله ف تعيش طول عمرك وحيد، بس انا مش عايزه اوصل لكدا، هوا مش عايز يفهم دا ليه، عايزاه يحبنى بقى ، لو قولتله حبنى.، هيسمع كلامى ويحبنى!.
- بطلى عياط يا حنان حرام عليكى نفسك.
- هيحبها صح، هيحبها وانا قلبى هيوجعنى صح!.
- وانتى كدا مرتاحه وقلبك مش بيوجعك.
- لا بس اللى انا فيه اهون من انه يحبها، انت متخيله يعنى ايه يحبها يعنى مش هيبقى ليا اى حق فيه، مش هينفع احاول معاه تانى ، مش هقدر اقوله حبنى.
مسحت دموعى بكُم التيشرت.. مش هعرف اعمله الاكل تانى.
- أكل ايه، دا وقته!.
- قوليلى انه مش هيحبها وانا هصدقك.
- حنان فوقى.
- قوليلى بالله وطمنى قلبك، قوليها.
- مش هيحبها يا حنان، مش هيحبها، اهدى بقى عينيكى ورمت من العياط.
أحيانا بنحتاج للكذب عشان نرتاح ، أحيانا الحقيقه بتبقى مؤذيه وممكن تقضى ع الشخص ، الكذب بيهون ، بس العقل بيجى ويفكرنا بالحقيقه فبنضطر ننام عشان ننسى.
كنا قاعدين وكانوا بيتكلموا ع الشركه بتاعت باباها وجابوا سيرتها، كان بيتكلم عليها بطريقه غريبه.
- بس بنت شاطره.
- اكتر منه يا بابا.
- عمى بصلى وهوا بيتكلم.. وبنت حلوه كمان.
- و مثقفه ومتحضره وشيك في كلامها ولبسها، فيها صفات صعب تتجمع في شخص واحد بس هيا جمعتهم.
كنت بضغط بالشوكه ع اللحمه.
- مبتاكليش ليه يا حنون.
- رزعت الشوكه ع الطبق... شبعت.
دخلت وبصيت في المرايه وانا بفتكر كلامه...
هيا فيها ايه ازيد منى، كل الصفات اللى قالها فيا.
- هيا مثقفه طيب ما أنا بقرأ روايه كامله في يوم.
- ولو ع التحضر ، ف هوا لو حد قرب منى ممكن اعلقه من صرصور ودنه.
- ولو ع انها كلامها حلو ، ف انا مفيش حد بيقول كلام حلو قدى بس هوا اللى طور.
- ولو ع اللبس!، لفيت قدام المرايه.. مفيش حد في اناقتى اصلا.
- طيب اشفطى بس كرشك دا الاول كدا و ارفعى كمك المدلدل دا ، وسرحى شعرك المعفن دا كمان!.
- انتى هنا من امتا.
- من ساعه ما كنتى بتذمى في نفسك ومفكره انك بتمدحيها وانك بتقولى ايجابيات وانتى غبيه ونازله تعكى وخلاص.
- بصيتلها بغضب.. يعنى انا مش حلوه؟.
- لا.
- نورا!!!
- انا رايحه انام.
هوا انا مش حلوه فعلا، هيا أحلى منى!.
فضلت طول الليل قاعده قدام المرايه وانا بفكر ، طلعت كل لبسى وكان كله شبه لبس عمى يفرق عنه انه الوان بنات بس وكل اللبس البناتى ركناه عشان هوا دا اللبس اللى برتاح فيه اكتر.، مبحبش لبس البنات خالص.
صحيت من الصبح بدرى وتقريبا منمتش وبقالى ساعه واقفه قدام الدولاب وبختار لبسى واخيرا خلصت ولما نزلت لقيته مشى ودا المتوقع طلعت عربيتى المركونه من ايام الهكسوس وركبتها.
- هيا اتاخرت يلا نبدأ الاجتماع يا بابا.
- نستنى بس كمان خمس دقايق.
- احنا استنينا كتير.
- طيب يلا.
فتحت الباب ودخلت وانا بنهج استنوتى انا جيت ، وقفت اخد نفسى ولما رفعت عينى لقيتهم كلهم بيبصوا عليا، شكلى متغير يمكن.حاطه ميك اب لابسه فستان، وشعرى مفرود حاجه محصلتش من ايام ما بابا كان عايش لانه كان بيحبه مفرود دايما ولما اتوفى بقيت مبفردوش خالص .
- إيه القمر دا؟.
- تسلملى يا عمى، عيونك الحلوه.، يلا نبدأ.
كنت عارفه انه بيبص عليا، بحس بنظرته ليا.، وكنت بتاكد وعمى كل شويه بينادى عليه وهوا بيكون تايهه، معقول أكون حلوه للدرجه دى؟.
خلصنا وطلعنا ولقيته واقف قدامى، كنت ببتسم ومستنيه يقول انبهاره بيا.
- وبعدين؟
- ابتسامتى اختفت.. وبعدين ايه!
- انتى مفكره انك كدا هتبقى شبها؟.
- بس انا مش عايزه ابقى شبه حد.
- امال ايه بقى الزفت اللى انتى لابساه دا، هوا محدش قالك انها شركه محترمه ولازم تلبسى لبس كويس!.
- اتكلمت بهدوء عكس الغضب اللى جوايا .. وهوا حد قالك ان لبسى مش كويس؟
- ايوه دا اللى انا شايفه.
- يبقى حضرتك مبتشوفش.
- حنان متعصبنيش وكفايه بقى.
- صرخت فيه.. انتى اللى كفايه بقى ياخى، كفايه حرام عليك، هوا انت شايفنى ايه ، بحاول معاك لحد ما كرهتنى في نفسى، شكرا انك خلتنى اكرهك بسبب افعالك خليك معاها. وخليك منبهر بيها هيا شبهك فعلا وانا عمرى ما كنت شبهك ، عن اذنك.
هيا ليه الناس بتبوظ مكانتها بإيديها، ليه بيلمونا ع حاجه واحنا بنكون عملناها عشانهم هما ، ليه مبنتشكرش ع مجهودنا او بنلاقى رد فعل يخلينا نفرح.، هوا ليه كرهنى فيه كدا!.
كنت قاعده مكانى بعيط من امبارح معرفش النهار طلع امتا.، حسيت بخطوته من قدام الباب ، دا المعاد اللى بعمله فيه الاكل!.
رجعت نمت وكملت عياط تانى، انا مستحيل اسامحه تانى كفايه اللى عمله فيا كل السنين دى وانا كنت غبيه وبعدى، بعدى عشان بحبه.، بس انا دلوقت....
لسه بحبه بس مينفعش اتعامل ولا كأن فيه حاجه حصلت.
عدى يومين وانا مروحتش الشركه وهوا ولا حتى سأل عليا، معقول اكون كنت مجرد عبء كبير عليه مش أكتر، هوا انا كنت كتير عليه!، هوا ميستحقنيش اصلا.
أحيانا بنحس اننا قاسيين بس بيكون عشان مصلحتنا، يمكن لو حد كان جيه وقالى انى هبطل ازن فوق دماغه في يوم مكنتش هصدق ، بس جيه وصدقت وانا قاعده بقالى اسبوع مبشفهوش ولا اعرف عامل ايه بمنع نفسى واقعد اعيط ع سريرى.
- عينك مش وجعتك؟
- انا هسيب الشغل.
- ♥✨"
اول ما البارت يعمل ٦٠٠ كومنت هانزل البارت الجاى وعد عشان اقل من كده مش هاينزل 💖🥺
# شخابيط
#حنان محمد
#البارت الرابع والأخير
انشاء الله اخلص امتحانات وانزل روايه جديده انا نزلت ده قبل ما اقفل عشان أنهى بيه الروايه وخلاص 💖😇
- عينك مش وجعتك؟
- انا هسيب الشغل.
- طيب اقعدى واهدى.
- انا بكرهه يا نورا.
- كل حاجه هتتصلح بس اهدى.
- ووحشنى اوى.، هوا مجاش واعتذر ليه؟.
هوا طبيعى يبقى جوانا الشعور وعكسه، عادى اكونه بكرهه ، بس وحشنى.، ووحشنى صوته وحركاته وافعاله!، هوا دا طبيعى!.
- أخيرا طلعتى من اوضتك.
- عمى انا عايزه اقدم استقالتى.
- انتى بتقولى ايه؟
- عايزه اسيب الشركه.
- دى شركتك.يا حنان.
- وانا مبفهمش في الشغل وانت عارف كويس انا كنت هناك ليه ودلوقت مبقاش فيه داعى افضل هناك.
- انتو متخانقين وهتتصالحوا زى ما بتتصالحوا دايما.
- لا المره دى كل حاجه انتهت.
- بس يابنتى....
- دا العلاج اللى طلبته.
- انت تعبان ولا إيه، وليه مقولتليش!.
- لا مش انا.
- اتكلمت وانا قلبى بيدق من الخوف.. امال مين.
- مصطفى تعبان بقاله اسبوع وعنده حمى و...
الشخص اللى من دقيقه بس كان بيقول ان كل حاجه انتهت مش هوا نفس الشخص اللى.بيجرى ع اوضته دلوقت خالص عشان يطمن عليه، احنا ليه بنتغير اوى كدا.
دخلت اوضته كان نايم ع السرير لمست جبهته كانت ساخنه اوى.
كان جمبه كمدات وجسمه بيعرق ، كان لونه باهت وغريب ، كنت خايفه عليه اوى ، مسكت ايده وانا بعيط.
- انت تعبان ليه، انت مغمض ليه، فوق يا مصطفى، بالله عليك فوق، مبتحملش اشوفك تعبان ، كنت بتقولى كدا وانا صغيره لما ببقى تعبانه وكنت بخف بسرعه، خف انت بسرعه بقى ، خف وانا هسامحك.
سندت راسى ع طرف السرير.. بالله فوق وابقى كويس وانا هسامحك.
- حسيت بإيده بتضغط ع ايدى فرفعت عينى لقيته بيفتح عينه ببطء.
- مصطفى انت كويس؟.
- وحشتينى.
- حاولت متأثرش بالكلمه... متتكلمش وخد اشرب العصير دا والادويه دى.
سندته لحد ما اخدهم وكنت هطلع لقيته مسك إيدى ولما التفت عشان اشيلها كانت عينه غمضت.فقعدت جمبه.
كان بيخطرف بكلام مش مفهوم قربت منه كان بيقول إسمى بعدت عنه تانى.
- أنا بحبك ، أنا أسف.
كان مش فى وعيه معرفش كنت أعمل ايه فسكت.
- كان بيتكلم وهوا مغمض ... كنت مفكر ان الحياه هتبقى كويسه.وهنفضل صحاب ولما نخلص الجامعه هتجوزك عشان انتى بنت عمى اللى بحبها، بس....
- كنت مستغربه ومصدومه من كلامه... بس إيه؟.
- بس اللى حصل في تانيه ثانوى غير كل حاجه، كل حاجه اتبدلت بعد ما كنت السبب في موت باباكى!.
هوا فيه حد بيحب واحد كان السبب في موت باباه، انتى بتكرهينى صح، انا لحد دلوقت بعيط وانا بفتكر الموضوع انا أسف، مكنش لازم اخليه يروح يجبلى الكتاب بتاعتى، لو مكنش راح مكنش عمل حادثه ومات.
من وقتها وانا بعاملك وحش عشان تكرهينى ، بس مش بتكرهينى ولما كرهتينى وجعى زاد، انا مش عارف اعمل ايه بس انا كنت عايش ع كلامك ووجودك معايا مجرد ما غيبتى عنى انتى وزنك عليا يوم تعبت حسيت ان الدنيا ملهاش لازمه.
لما شوفتك وانتى بتقلديها استغربت.، كنتى بتقلديها في حاجات غلط، مفكره انى بحبها وانا بحبك انتى، ورفضت اتجوزها عشانك وعشان مش قادر اشوف غيرك.
هوا ممكن تسامحينى ؟
حنان....
- قربت منه.. نعم.
- هوا ممكن تحبينى؟.
هيا الحياه ممكن تتقلب في لحظه كدا، هوا العالم ممكن يقف عند حدث معين؟، هوا ان قلبى بيلين ليه!.
هوا ليه حاسس بالذنب، هوا ليه بيعمل في نفسه كدا، هوا ازاى كان بيفكر في كدا، دا انا مبحسش بالامان غير في وجوده بعد بابا.، دا انا عايشه عشانه وبيه، مبتمناش من الدنيا قده!، هوا ليه كان غبى للدرجه دى، اكره ازاى وانا كل يوم بقوله بحبك صبح وليل وع الاكل وكل ما اشوف وشه!.
طلعت من الاوضه وانا بفكر في كلامه ووقفت لما افتكرت كلمه..
هوا قال انه بيحبنى من ايام ما كنا اطفال، هوا قال انا بحبك؟
- رجعت تانى وفتحت الاوضه وبصيت عليه وابتسمت ورجعت لاوضتى ووقفت قدام المرايه.. هوا بيحبنى، هوا بيحبنى انا، يعنى هوا بيحبنى، هوا قالى بحبك ولا انا كنت بحلم؟
ضحكت وخبيت وشى بإيدى وانا بلف..
- ياربى دا طلع بيحبنى.
كنت واقفه في المطبخ بعمله لمون واتخضيت من صوته.
- انتى كنتى في اوضتى امبارح.
- صباح النور.
- انتى كنتى ماسكه ايدى وجمبى وانا مكنتش بحلم صح!.
- يسعد صباحك.
- حنان!!.
- اشرب اللمون دا قبل ما يبرد.
مسك اللمون وكان بيكلم نفسه مشيت خطوتين وبعدين رجعت تانى.
- متحملش نفسك ذنب ملكش دخل فيه، بابا مماتش بسببك.
ودخلت الاوضه كنت قاعده وببتسم وبعد لتلاته.
- واحد... اتنين... تلاته..
- يعنى انتى كنتى معايا ومكنتش بحلم!.
- ابتسمت بنصر وبعدها خفيت ابتسامتى ورفعت حاجبى.. هوا محدش قالك انك تدخل اوضه بنت دا عيب!.
- اتنهد. حنان بالله جاوبى.
- اه يا مصطفى كنت معاك.وانت حكيت كل حاجه مخبيها من سنين.
- مش مسمحانى صح، حقك والله، انا....
- هوا انت غبى!!.
- ايه.
- لا غبى ايه انت متخلف ، هوا انا لو هكرهك ومحملاك ذنب موت بابا كنت هكلمك ولا هقرب منك!، كنت هقولك انى بحبك!.
- لا بس انتى هتحسى ب دا بعدين.
- مش هحس انا جيالك من بعدين وبقولك مش هحس يا مصطفى، مش هحس لانك الشخص الوحيد اللى بتعوضنى عن بابا ومعاك بحس انى مرتاحه.
- يعنى انتى مش بتكرهينى.
- هيا الحمى خلتك غبى ولا انت كنت غبى من البدايه.
- إبتسمت.. هترجعى تعمليلى سندوتشات تانى؟.
- هفكر.
- هترجعى تقوليلى بحبك تانى ومتغبيش عنى!.
- لا انا مبحبكش اصلا.
- هلبس ع ذوقك وهسمع الكلام.
- وهتاكل الاكل اللى هعمله.
- كله كله.
- وهتلبس ع ذوقى وترفع شعرك وتلبس ساعه.
- وهحط البرفيوم اللى هتختاريه.
- وهتستنانى اروح معاك الشركه.
- مش هتحرك من غيرك والله.
- تمام يبقى هفكر وهرد عليك.
- متتاخريش بقى.
خرج من باب الاوضه وبعدها فتح ورجع تانى
- حنان...
- يادى النيله عليا ، خير؟
- هتتجوزينى إمتى؟.
" وحياه هادئه بك ومعك وسلاما ع الدنيا ومافيها ♥✨"
# شخابيط
#حنان محمد
تعليقات
إرسال تعليق