مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

#بوست_في_حب_الصلاة_وتنظيمها 😊

عايز تحب صلاتك؟😊.❤. اقرا الكلام ده #بقلبك <3

بص امشي بمبدأ إن الصلاة دي مش حاجة روتينية إنت مجبر تعملها .. لاء خالص علي فكرة إنت رايح تقعد مع ربنا شوية .. تقعد معاه خمس دقايق .. كتير عليه؟ كتير علي الي خلقك؟ الي إداك كل حاجة؟😊.❤.

إستعد للصلاة كإنك رايح تقابل حد بتحبه .. روح و إنت متلهف أووووي .. الي يسألك رايح فين قوله (رايح أقعد مع ربنا شوية) .. خليه إحساس داخلي جواك .. 😊

أول ما ترفع إيدك و تقول الله أكبر .. إبتسم إبتسامة متلهف بيقابل حد بيحبه .. قول الله أكبر .. و جواك صوت , "جتلك يا حبيبي خمس دقايق أصلك واحشني," .. علي فكرة مش جنان إنك تكلم ربنا .. ده الي خلقك .. ده أقرب ليك من أبوك و أمك .. إقراء كل كلمة بالراحة أووووي "الحمد لله رب العالمين" فحبيبك الي خلقك يرد عليك يقولك "حمدني عبدي - عبدي شكرني و عرف إن النعمة الي معاه من عندي، خد يا عبدي نعم كمان" الله :)) تكمل .. "الرحمن الرحيم" حبيبك يرد يقول "شهد لي عبدي إني رحمن رحيم خد يا عبدي من رحمتي كمان" و إسمع ربك بيرد عليك فتبتسم و تكمل طب "مالك يوم الدين" ربنا يتباهي بيك قدام الملايكة يقولهم "عبدي شهد إني مالك يوم الدين - خففوا عنه في يوم الحساب حسابه" يا حبيبي :)) "إياك نعبد و إياك نستعين" .. يرد ربنا "صدق عبدي .. عبدي صادق هو بيعبدني .. خد يا عبدي حسنات .. و بيستعين بيا؟ أنا معاك يا عبدي" .. فتبتسم أكتر و تيجي لآخر جزء "إهدنا الصراط المستقيم" فحبيبك يرد "بس كده يا عبدي؟ عبدي طلب مني طلب و له ما طلب .. الصراط المستقيم ده الي هتمشي عليه يوم القيامة كلما كان مستقيم كان وصولك للجنه أسهل فتخيل ربنا بعزته و جلاله يرد يقولك حاضر يا عبدي لك ما طلبت" الله :))

إقراها بالراحة .. إسمع صوت بيهمس جواك..😊.❤.

بعدين في مرحلة الإعتدال من الركوع لما بتقول (سمع الله لمن حمده) إحمده إنت بطريقتك .. قوله (ربنا لك الحمد و الشكر كما ينبغي بجلال وجهك و عظيم سلطانك .. شكراً علي كل النعم الي مديهالي) كلمه بطريقتك ده ربك ..

وقت السجوووود .. الله :)) لما تهمس في بطن الأرض فيسمعك من في السماء .. قوله (أنا بحبك) قوله (خليك معايا في المحنة الفلانية) قوله (أنا محتار) قوله (عايز أقولك حاجة و فضفضله) ..😊.❤.

أيوا والله إحكي مع ربك و كلمه باللغة العامية (بص يارب عايز أحكيلك حاجة أنا حصلي موقف .. ) طبعاً ربنا عارف كل دابة نملة علي ظهر الأرض .. فعارف الموقف الي إنت هتحكيه .. فإنت هترتبك و هتتلغبط .. بعدين هتتكلم تاني فهتبتسم .. فتخلص كلامك فتفرح ..

بعد ما تخلص صلاة .. سلم عليه مش السلام التقليدي لاء ده حبيبك .. تخيل إنت بتسلم علي حد بتحبه هتقعد تقوله (كان نفسي تقعد معايا شوية كمان .. طب خليك شوية .. هتوحشني .. هشوفك تاني أكيد) طب ده ربك .. عارف يعني إيه ربك؟ خلصت قاعدة معاه و بتقوله (هشوفك تاني يا حبيبي .. عشان عايز أكمل كلامي معاك في مواضيع كتيرة أوي مقلتهلكش .. هجيلك في صلاة العشاء .. بعدين لما أروح في قيام الليل لينا قاعدة طويلة أوي .. بحبك يالي إدتلي كل حاجة في حياتي ..) و تمشي و إنت حاسس إن مافيش زيك في الدنيا دي كلها .. مش غرور بس فخر و سعادة و راحة و طمأنينة .. ده أنا كنت قاعد مع ربنا :)) بعدين أي مشكلة تقابلك ولا هتهزلك شعرة .. عارف ليه؟ ما إنت هتجري تشتكي لرب العالمين :)) فاكر لما كنت صغير فكان في مشكلة في المدرسة فقلت لماما تيجي معاك و طول الطريق و هي معاك إنت مطمن جداً .. إحساسك إن مامتك هتجبلك حقك .. هو ده الإحساس بالظبط في أي مشكلة .. تكلم نفسك من جواك (طب والله هحكي لربنا لما قابله - الي هي الصلاة الجاية) و تحس برااااحة أوي .. يا بختك إنت بتكلم ربنا؟ 😊برنس.❤.