 |
الثاني عشر والثالث عشر والرابع عشر 🔥🔥😲
فريسه لأربع ذئاب الفصل
التفاعل قليل جدا
التفاعل يا جماعه لو سمحتم
سها مندهشة .. انا معرفكش يا جدع انت ؟! وانا اصلا جيت هنا ازاي ؟! وايه اللي عمل فيا كدا ؟! انا مبقتش فاهمه حاجة خالص ؟! انا هاتجنن .. هاتجنن !!
حلمي .. اهدي بس يا قلبي
سها .. ابعد عني .. اوعي تقرب مني .. يخرب بيوتكم انتوا عايزين تجننوني ليه ؟! ليه ؟!
ثم تنهض من ع السرير مسرعة تبحث عن ملابسها اين وضعتها
سها .. هدومي فين ؟!
حلمي .. اهه
سها تأخذ ملابسها وتنطلق مسرعة دون ان ترتديها حتي ..
حلمي مندهشا .. عليا الطلاق البت دي اتجننت ؟!
سها تخرج الي الشارع بقميص النوم فيراها بواب العمارة فيتعجب ويستنكر ما يري بشدة قائلا
البواب .. لا حول ولا قوة الا بالله .. توب علينا يارب من العمارة النجسة دي !!
واثناء خروج سها الي الشارع وهي في حالة غضب شديد مستنكرة تماما كل ما يحدث لها تلمح بالصدفة سيارتها فتقترب تنحوها وتقول
سها .. ايه ده !! دي عربيتي !! ايه اللي جابها هنا ؟!
ثم تنظر في حقيبتها فتجد مفاتيح السيارة فتندهش اكثر وتقول
سها .. معقول اكون جيت بيها لحد هنا ؟! طب ازاي ؟!
ثم تفتح باب السيارة وتدخل وتغلق الباب خلفها ثم تقول
سها .. انا هاتجنن ياربي .. هاتجنن من كل اللي بيحصل ده .. هو فيه ايه ؟! فيه ايه ؟!
اللي بيحصلي ده امتي وازاي وليه ؟! انا مش فاهمه حاجة !! مش فاهمه حاجة !! حد يفهمني ؟!! معقولة اكون مش طبيعية زي ما بيقول حازم وماما ؟! ما هو اللي بيحصل ده بيدل علي اني فعلا مش طبيعية !!انا بعمل حاجات مش فاكراها اصلا ومش عارفة حصلت ازاي !! وبعدين انا ازاي اكون كده ؟! ( ثم تنظر الي ملابسها ) انا ازاي اعمل حاجة زي دي ؟! يبقي علي كده حازم مش كداب لما قال اني ..... لا .. لا .. مش معقول .. مش معقول اكون بالسفالة دي.. مش معقول .. مش معقول ( ثم تبكي بشدة ) .. وفجأة يطرق علي زجاج السيارة احد الضباط .. سها ترفع رأسها فتجده ضابط شرطة وخلفة اثنان من العساكر فتفتح الزجاج الكهربائي وتجفف دموعها قائلة
سها .. نعم ؟!
الضابط .. رخصك لو سمحتي
سها .. الرخص ؟!!
الضابط .. ايوه رخص العربية !! ايه مش معاكي رخص ولا ايه ؟!
سها .. لا معايا .. بس انا متوترة شوية معلش !!
الضابط ينظر الي ملابس سها فيندهش .. سها تبحث عن الرخص فتجدها
سها .. اتفضل
الضابط ينظر الي الرخص ويركز في وجه سها فيجدها سليمة
الضابط .. ممكن اعرف حضرتك بتعملي ايه هنا ؟!
سها .. يعني ايه بعمل ايه هنا ؟!
الضابط .. يعني واقفة هنا بتعملي ايه ؟! اولا حضرتك واقفة هنا في الممنوع ؟! وبعدين ايه اللي انتي لابساه ده ؟!
سها ترتبك .. اناااا .. انا .. انا متلخبطة معلش .. بس صدقني انا مش عرفة ركنت العربية هنا واصلا مش عرفة انا جيت هنا ازاي ؟!
الضابط .. هو انتي مش ساكنه هنا ولا ايه ؟!
سها .. لا
الضابط .. اومال انتي هنا بتعملي ايه ؟!
سها .. انااا .. من فضلك سيبني امشي بقي
الضابط .. تمشي فين بس ؟! دا انتي شكلك وراكي قصة كبيره اوي ولازم اعرفها .. هاتوها
العساكر يحاولون اخراج سها من السيارة
سها .. انتوا هتاخدوني علي فين ؟! انا عملت ايه طيب ؟!
يتجمع كثير من المارة من السيدات والرجال يشاهدون هذا الموقف مندهشين وتقول واحدة منهم بصوت عال تسمعه سها
السيدة باشمئزاز .. جاتكوا القرف مليتوا البلد ؟!
احد الرجال .. اعوذبالله من غضب .. طب استري نفسك؟! .. فين اهلك انتي ؟!
السيدة .. واللي زي دي ليها اهل ؟! دي لو ليها اهل كانوا عرفوا يربوها ؟!
الرجل .. ربنا يتوب عليها
السيدة .. قول ربنا ياخدها !! ان شاء الله هايسجنوكي عشان تتعلمي الادب يا قليلة الادب !!
سها تنظر اليهم وتسمع كلامهم في دهشة وحزن شديد ثم تصعد الي البوكس وتنطلق سيارة الشرطة وهناك تحدث مفاجأة .. تابعوني وحلقة اخري طويلة بعد شويه ..
تحياتي ..
الثالث عشر 😲😲🔥🔥
الضابط .. اسمك ايه ؟!
سها .. اسمي عندك في البطاقة !!
الضابط .. سها احمد علوان ؟!
سها .. ايوا بالظبط كده !!
الضابط .. بتشتغلي ايه بقي يا ست سها ؟!
سها .. وظيفتي مكتوبة عندك برده في البطاقة !!
الضابط .. اه .. محاسبه في بنك ؟
سها .. ايوا
الضابط .. قليلي بقي ايه حكايتك بالظبط ؟!
سها .. حكاية ايه يا حضرة الظابط اللي عايز تعرفها ؟! انا دلوقتي اللي عايزة اعرف حضرتك قابض عليا ليه ؟!
الضابط .. قابض عليكي عشان اللي انتي عملاه في نفسك ده ؟! فيه واحده محترمه تخرج الشارع بقميص نوم ؟!
سها مرتبكة .. اناااا .. انا كنت متعصبه جداا ومتنرفزة فما اخدتش لبالي اني خارجة للشارع بالمنظر ده ؟!
الضابط .. اها .. وايه بقي اللي كان معصبك ومنرفزك لدرجة تخليكي تنسي تلبسي هدومك وانتي خارجة برة ؟!
سارة .. حاجة شخصية مش هينفع اقولها لحضرتك
الضابط .. اه .. حاجة شخصية ؟! طيب .. قوليلي بقي انتي كنتي بتعملي ايه في المكان اللي مسكناكي فيه ؟!
سها .. مسكتوني ؟! انت محسسني انك قبضت عليا متلبسة بجريمة ؟! من فضلك يا كابتن اختار الفاظك لو سمحت !!
الضابط بسخرية .. اختار الفاظي كمان ؟! طيب يا ستي .. ممكن تقوليلي بقي حضرتك يا فندم كنتي بتعملي ايه في المكان اللي قابلنا سيادتك فيه ؟! حلو كده ؟!
سها مرتبكة .. انا.. انا .. انا مش عارفة ازاي وصلت للمكان ده بصراحة !! انا فجأة صحيت لقيت نفسي ...
الضابط .. لقيتي نفسك ايه بقي ؟!
سها .. من فضلك عايزة اتصل ب ماما .. ممكن ؟!
الضابط .. اتفضلي اتصلي ب ماما
سها .. شكرا ..
اللي مش متابع صفحتي الشخصية فايته قصص كتير #شروق_الشمس..اول اسم في بحث فيسبوك
سها تطلب امها ع المحمول والام تجيب
سها .. ايوا يا ماما .. من فضلك تجيلي بسرعة انا في القسم
الام مصدومة .. قسم !! قسم ايه يا بنتي كفالله الشر ؟!
سها .. مش عرفة انا فجأة لقيت نفسي في منطقة معرفهاش والظابط جه وقبض عليا !! من فضلك يا ماما تعاليلي بسرعة
الام .. حاضر يا بنتي اديني جاية اهوه
سها تغلق الخط ..
الضابط .. كلمتي ماما ؟!
سها .. وايوا وزمانها جاية علي هنا
الضابط .. طيب .. لحد ما تيجي بقي .. قليلي ايه حكايتك بالظبط ؟!
سها .. انت عمال تكرر السؤال ده ؟!حكاية ايه اللي انت عايز تعرفها مني ؟!
الظابط .. حكاية وجودك في المنطقة دي مع انها مش محل سكنك وكمان ماشية في الشارع بقميص النوم ؟!
سها .. قلتلك معرفش ازاي ده حصل !! انا نفسي مستغربة اللي حصل ده ومش قادرة استوعبه !!
الضابط مستنكرا .. يا سلام .. والمفروض اني اصدق كلامك ده ؟!
سها .. تصدق بقي ما تصدقش انت حر !! انا هاعملك ايه يعني ؟!
الضابط .. لا متعمليش حاجة .. انا اللي هاعمل .. انتي تعرفي ان العمارة اللي كنتي واقفة تحتها دي عمارة مشبوهه واليومين اللي فاتوا تم ضبط شقتين فيها بيتم بداخلهم ممارسة اعمال منافية للأداب !!
سها .. انت قصدك ايه بالكلام ده ؟! من فضلك احترم نفسك انا ست محترمه !!
الضابط .. هانشوف .. خد يابني اكشفلي ع البطاقة دي
الامين .. حاضر يا باشا
سها .. ممكن اقعد عشان مش قادرة اقف علي رجليا
الضابط .. اه طبعا اتفضلي .. ابعت اجيب لمون كمان
سها .. من فضلك متتريقش عليا
الضابط .. مين قالك اني بتريق انا فعلا هاجيبلك لمون عشان اعصابك تهدي شوية .. هات لمون هنا يابني .. اتفضلي ارتاحي
وتأتي ام سها ومعها حازم .. وبعد ان يتحدث حازم الي الضابط يتغير تماما
الضابط .. انا اسف جدا يا مدام سها .. ممكن حضرتك تتفضلي تمشي دلوقتي
سها مندهشة من تغير اسلول الضابط المفاجئ .. يعني هامشي خلاص ؟!
الضابط .. ايوة طبعا .. اتفضلي مع السلامة وياريت تسمعي الكلام وتروحي للدكتور اللي قالك عليه استاذ حازم عشان بس الامور ماتتطورش اكتر من كده
سها ل حازم .. انت قلتله ايه بالظبط ؟!
حازم .. لا مقلتلوش حاجة يا حبيبتي .. انا كل اللي قولته ان اعصابك تعبانه اليومين دول
الضابط .. اتفضلوا مع السلامة
وينصرف الجميع وتعود سها وزوجها الي منزلهما
سها غاضبة .. انت قلت للظابط ايه بالظبط عشان يسيبني امشي ؟!
حازم .. سألتيني السؤال ده هناك واظن اني جاوبتك عليه !!
سها .. انت رايح تقول للظابط اني مجنونة ؟!
حازم .. انا مقولتلوش كدا .. انا كل اللي قلته ان اعصابك تعبانه شوية ودي الحقيقة !!
سها .. انت بتشهر بمراتك قدام الناس يا حازم !!
حازم .. انا كان لازم اقول كده عشان يقتنع ويسيبك والا كان زمانك معروضة ع النيابة يا مدام !!
سها .. ايه ؟!
لضمان وصول باقي الرواية اليك اضغط علي زر متابعه لصفحتي الشخصيه #شروق_الشمس
حازم .. ايوه .. اومال انتي فاكرة ايه يا مدام .. واحدة مقبوض عليه بقميص النوم وواقفة تحت عمارة مشبوهه .. كنت عايزاهم يفكروا ايه بالظبط ؟! اكيد طبعا هيظنوا فيكي ظن مش كويس !! دلوقتي انا بقي اللي عايز اعرف انتي كنتي بتعملي ايه في المكان ده ؟! ها ؟! وامبارح سيبتي البيت وخرجتي وقلتي رايحة عند مامتك واحتمال تباتي هناك عشان افاجئ دلوقتي انك مبتيش عند مامتك ومروحتيش عندها من اساسه !! وفي الاخر يقبضوا عليكي تاني يوم الصبح تحت عمارة مشبوهه وانتي بقميص النوم !! انتي كنتي بايته فين يا مدام ؟! اياك الواد اللي ضحك عليكي قبل كدا وسلمتيلة نفسك ساكن في العمارة دي ؟!
سها .. هي حصلت يا حازم ؟!
حازم .. ما هو انا مش هاسكت بصراحة غير لما اعرف انتي بتخونيني مع مين بالظبط !!
سها .. طب خلي عندك دم وطلقني مادام شايفني انسانه خاينة !!
حازم .. قلتلك مش هطلقك يا سها .. ما هو مش بالسهوله دي انتك تستغفليني وفي الاخر تطلبي الطلاق!! .. لا يا مدام مش قبل ما اعرف كل حاجة وساعتها بقي هتشوفي رد فعلي هايكون ازاي !!
سها .. انا بكرهك علي فكرة
حازم .. وانا بحبك اوي علي فكرة .. اوي .. اوي .. اوي
ثم يتركها وينصرف خارج المنزل ويغلق باب الشقة بالمفتاح حتي يضمن انها لن تغادر الشفة ثم يرن المحمول الخاص به والمتصل حلمي رسلان
حلمي .. ايه يا عم الحكاية ما ترد علي امي بقي ؟!
حازم .. سوري .. اصل كنت مشغول
حلمي .. ايه حصل ايه ؟!
حازم .. لما اشوفك هاحكيلك كل حاجة
حلمي .. طيب انا ياسر اتصل بيا وبيقلك اوعي تنسي اتفاقنا
حازم .. قوله بطل استظراف انا مش ناسي حاجة
حلمي .. طيب ومتنساش سعيد كمان عشان اكيد هو كمان هيتصل .. اشوفك بقي في اقرب وقت .. سلام
الاحداث اشتعلت كثيرا ..
تابعوني والبارت التالي ..
الرابع عشر 🔥
سها تحادث امها في المحمول ويبدوا انها مفعله جدا
سها .. بقلك عايزة اطلق منه يا ماما .. خلاص مبقتش طايقاه .. مش عايزة تفهميني ليه ؟!
الام .. يابنتي هو حازم وحش في ايه بس ؟! دا بيحبك ورغم كل اللي حصل ما زال متمسك بيكي !!
سها .. وايه هو بقي اللي حصل ان شاء الله ؟! تكونيش مصدقة الهلفطة اللي هو بيقولها ؟! سكتي ليه ؟! يبقي صدقتي كلامه ؟!
الام .. انا يابنتي بقيت محتارة بينكم بصراحة !! ياريتني ما كنت جوزتك من الاول !! ياريتني كنت سيبتك عنستي ع الاقل كنت ارتحت من وجع الدماغ ده !!
سها .. متهربيش من الاجابة !! انا بسألك يا امي انتي مصدقة كلام حازم عليا ولا لا ؟!
الام .. لا يابنتي مش مصدقة طبعا .. مش سها بنتي اللي تعمل حاجة غلط ابدا !!
سها .. يعني انتي مقتنعه انه كذاب وبيتبلي عليا ؟!.
الام .. والله يا بنتي انا ما بقيت فاهمه حاجة خالص !! انتي بتقولي كلام وهو بيقول كلام والدكاترة بيقولوا كلام .. انا احترت والله ؟!
سها .. انتي لسة حالا بتقولي انك مقتنعه اني لا يمكن اعمل حاجة غلط ؟!
اللي مش متابع صفحتي فايته قصص وروايات كتيير
#شروق_الشمس
الام .. ايوة يا سها .. انتي متربية احسن تربية يا بنتي وياريت كل البنات في زيك ولا حتي ربعك!!
سها .. خلاص يبقي ده معناه ان حازم كذاب وخاض في شرفي واتبلي عليا بحاجات محصلتش واللي عمله ده كفيل انه يهد اي حاجة بينا مهما كانت .. عشان كده انا لازم اتطلق من حازم يا امي .. لازم ارجوكي
الام بأسي وحزن .. والله يابنتي اللي تشوفيه واللي يريحك اعمليه
سها .. خلاص انا هاسيب البيت دلوقتي حالا وهاجي عندك لحد ما يطلقني ولو مطلقش بالذوق انا هارفع عليه قضية خلع .. اوك يا ماما
الام .. لا حول ولا قوة الا بالله .. تعالي يا سها انا مستنياكي يابنتي
وتغلق سها الخط وتنهض لتجمع ملابسها داخل حقيبة سفر وعند مغادرتها للمنزل تجد الباب مغلق ..
سها .. ايه ده !! هو قفل الباب من برة ولا ايه ؟! بقي كده يا حازم بتقفل الباب عليا بالمفتاح عشان معرفش امشي ؟! طيب انا هاوريك
ثم تجلس علي كرسي الانترية وتتصل بالمحمول بصديقتها مي فتاه عشرينية تعمل معها موظفة بالبنك ..
سها .. الو .. ايوة يا مي ازيك ؟
مي .. ازيك انتي يا سها .. وحشتيني اوي يا حبيبتي
سها .. وانتي اكتر والله
مي .. ايه يابنتي من ساعة ما اتجوزتي وانا ماسمعتش صوتك !! هو الجواز بينسي الواحد اصحابة بالشكل ده ولا ايه ؟! اومال لو مكنتش صحبتك الانتيم !!
وبعد ثوان تعود مي لتتصل ب سها
سها .. ايه عملتي ايه ؟
مي .. كلمته هو جايلك دلوقتي في الطريق .. علي فكرة اسمه اسطي حسانين .. هو اللي صلح باب الشقة عندي لما القفل باظ واضطرينا نكسر الباب
سها .. اوك .. تمام .. انا في انتظارة
مي .. طب هاشوفك امتي يا سها ؟!
سها .. لما اخلص الاول من المصيبة اللي انا فيها دي !! يلا سلام
مي .. سلام .. طب ابقي كلميني وقليلي عملتي ايه
سها .. اوك .. باي
وتغلق سها الخط وتنظر الي الساعة وهي في حالة من القلق والتوتر الشديد تنتظر حضور النجار علي احر من الجمر وفجأة يرن جرس الباب .. سها تقترب نحو الباب وتقول
سها .. مين ؟!
حسانين .. انا حسانين النجار يا ست سها اللي بعتاني ليكي مدام مي
سها .. بس انت جيت بسرعة اوي يا عم حسانين ؟!
حسانين .. اه . ما انا اصلي في شغلانه جمبك هنا وسيبتها لما قالتلي مدام مي انك مستعجلة اوي
سها .. طيب اعملك همه بقي يا عم حسانين وافتح الباب بسرعة
حسانين .. بس الباب ده غالي اوي وحرام نكسر فيه!!
سها .. يبوظ بقي ولا يتنيل علي عينه.. خلصني بقي يا عم حسانين !!
حسانين .. حاضر من عنيا .. انا هاكسر في الباب اهوه
ويُخرج حسانين عدة الشغل ويبدأ تكسير في الباب وفجأة يتوقف عن الطرق فتتعجب سها
سها .. انت وقفت ليه يا عم حسانين ؟!
سها تحاول فتح الباب فتجده ما زال مغلقا
سها .. الباب لسة ما اتفتحش علي فكرة !! عم حسانين رد عليا من فضلك ؟!
حسانين لا يجيب
تابع فولو لصفحتي الشخصيه عشان توصلك باقي القصه فور نشرها
#شروق_الشمس
سها .. وبعدين بقي في اليوم ده اللي مش عايز يعدي ؟! عم حسانين انت واقف برة ولا مشيت .. رد عليا ؟!
حسانين لا يُجيب مطلقاً .. سها تعود لتأخذ الموبيل من ع الطربيزة لتتصل ب مي كي تتصل ب حسانين وتعرف اين ذهب
سها .. الو .. ايوة يا مي
مي .. ايه جالك اسطي حسانين ؟
سها .. ايوة جه وكان بيشتغل في الباب وفجأة وقف والباب لسة مفتحش وبكلمه مش بيرد عليا ؟! اتصلي بيه وحياتك وشفيه ليكون مشي ولا حاجة
مي .. حاضر .. هاكلمه وارجعلك تاني
سها تغلق الخط وتتأفف
سها .. اف . عدي اليوم ده علي خير يارب
وفجأة يُفتح باب الشقة امام سها فتندهش ثم تقترب نحوه في حذر
سها .. عم حسانين هو انت فتحت الباب خلاص ؟! رد عليا الله يخليك انا مش ناقصة رعب والنبي !!
حسانين لا يرد وسها تقترب اكثر من الباب حتي تصل اليه فتنظر فلم تجد احد بالخارج وفجأة تشاهد شي صادم ؟؟!!
ماذا رأت سها ؟؟
تعليقات
إرسال تعليق