مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

علاقه علي الماسنجر

قصه للموعظه قمه الاثاره والمتعه جدااا

الجزء الثالث عشر 😱😱😱

حازم : قصدك بسببك  عارف انا حصلي إيه بسببك أنا شتمت امى لأول مرة   وكنت هموت اختي وصاحبي كان هيروح فيها كل ده بسببك  غير تعطيل الشغل ولقمة العيش جرب شوي تشوف ربع اللي انا شوفته بسببك 

هشام: حازم أنا أمي بتموت من إمبارح مش عايزه تأكل ورافضه كل حاجه حالتها تصعب على الكافر 

حازم: والمفروض أعمل إيه 

هشام: انا عملت الي انت عاوزه ومسحت صورة اختك أنت كمان المفروض تمسح صور اختي وترجعها البيت 

حازم: ولو رفضت اعمل كده هيحصل إيه 

هشام: أمي هتموت وهيبقي ذنبها في رقبتك 

مصطفى: ياعم سيب ام التلفونات وكمل اكلك 

ماما: وآلله يابني انا تعبت حازم اتغير وخس النص مش هو ده حازم ابني 

مصطفى: معلش يا خالتي فتره وتعدي 

حازم: بقولكم إيه بما أننا متجمعين كده انا عايز افاتحكم في موضوع 

ماما: خير يا بني

صفحة مصطفي الصعيدي 

 

نرمين: اكيد موضوع جواز اخيرا هنفرح بيك يا زووومه لولولوي 

مصطفى: ههههههههههه جواز معتقدش 

حازم: اتلمي يابت قال الجواز قال 

نرمين: لي هو انت مش هتتجوز 

حازم: لسه متخلقتش الي تسرق قلب اخوكي  

مصطفى: أنا مش عارف هما بيحبوك على إيه هههههه

ماما: قصدك ايه انا ابني الف واحده تتمناه 

مصطفى: مش قصدي والله بس أنا بضحك معاه 

حازم: بطلو رغي كتير هقول الموضوع ولا اسيبكم 

ماما: خير موضوع إيه 

حازم: دلوقتي انا أخت هشام معايا وهو بيقول امه مموته نفسها من العياط ومش راضيه تحط حاجه في بوقها ولو استمرت على الوضع ده هتموت ويبقي ذنبها في رقبتي وانا كلامه وجعني ومش عارف أعمل إيه 

ماما: انا أم وحاسه بيها ومن راءي ترجعها بيتهم 

حازم: ها وانتي يانرمين 

نرمين: أنا شايفه ماما عندها حق 

 

حازم: وأنت ياعم الرخم 

مصطفى: كلامي مش هيعجبكم 

حازم: يهمني أعرف 

مصطفى: أنا شايف إن هشام بني آدم مش سهل وممكن يكون بيفكر في حاجه كده مش ولابد 

حازم: أنا بقول كده برضو 

ماما: طب والحل يا اولاد 

حازم: مفيش غير حل واحد 

مصطفى: أوعي يكون الي في بالي 

حازم: عندك حل تاني 

مصطفى: لا معنديش بس لازم ناخد بالنا من الخطوه الي جايه وخصوصا اخته معانا دي لوحدها مصيبه 

ماما: هي اخته فين 

مصطفى: عندي فوق في الشقه 

ماما: يامصيبتي جبتوها اذاي هنا وامتي حصل الكلام ده انتو اكيد اتجننتو استر يارب 

حازم بنظرات قاتله يوجها إلي مصطفى علشان فضح مكان شيماء وخصوصا هو مكنش عايز حد يعرف مكانها ثم يقول اهدي ممكن تهدي اولا ابنك مش صغير انا عندي عقل يوزن بلد و أنا عارف بعمل ايه كويس ثانيا مصيبة ايه الي بتقولي عليها حتي لو الي أسمه هشام ده بلغ الشرطه انا هقول لظابط دي حبيبتي وجبتها تتعرف على امي 

مصطفى: وتفتكر هي مش هتقول الحقيقه 

حازم: متقدرش انا عندي صورها تخليها تعمل اي حاجه انا عايزها انت نسيت ولا إيه 

ماما: صور إيه انا مش فاهمه 

مصطفى: صور ياخالتي بت…..قاطعه حازم بصوت عالي وبعدين يامصطفي انت عايزني ارجعك المستشفي ولا إيه 

مصطفى: لا ياعم انا مبسوط هنا 

حازم: ام خفة الدم دي الي مش بحبها 

نرمين: ممكن اقول كلمه 

مصطفى: اتفضلي يا نيرو 

حازم: شاف الخوف في عيون امه حاول يخليها تضحك وتنسي موضوع شيماء هههه في حد يدلع خطيبتو ويقولها نيرو 

مصطفى: اش عرفك أنت 

حازم: اتلهي علي عينك جاتك وكسه توكسك ياموكوس ههههههههههه 

ماما: ههههههههههه لسه فاكرها 

حازم: وانا اقدر انسي كلامك ياست الكل  

 

مصطفى: طيب استنو خلينا نشوف نرمين عايزه تقول ايه ها يانيرو عايزه تقولي ايه 

حازم: تاني نيرو طيب سكوت احكي يا شهر ذاد 

ماما: وآلله أنتو مش حاسين بالمصيبة إلي احنا فيها 

نرمين: انا بقول إطلع اطمن عليها تلاقيها خايفه 

مصطفى:  عندك حق يا نونا وأنا اطلع معاكي 

حازم: أيوه كده نونا مش نيرو ههههههههههه 

مصطفى: عجبتك اوي نونا 

حازم: بطل ياض أحسن أتحول عليك 

نرمين: تتحول علي مين ده خطيبي 

حازم: تصدقي شكلي هتحول عليكم أنتو الإتنين 

مصطفى: متخلقش إلي يزعل خطيبتي وأنا علي وش الدنيا ولا إيه ياخالتي 

حازم نراه يقف بسكوت ثم يتجه إلى نرمين يمسكها من شعر رأسها وهي تصرخ من الألم ثم يقول ها فين إلي عامل فيها عم الأسد 

مصطفى: ههههههههههه أنت صدقت يابو نسب أنا بضحك معاك بس أبوس إيدك سيبها 

ماما: خلاصيابني سيبها عشان خاطري 

حازم: أيوه كده اتعدل ثم ينظر إلى نرمين ههههههههههه قال خطيبي قال 

نرمين: خلاص حرمت سيبني بقي ثم تجري إلي شقة مصطفى وهناك تجد باب الشقه مقفول ثم ترجع تطلب المفتاح من مصطفى 

مصطفى: المفتاح مش معايا مع اخوكي

نرمين: هات المفتاح ياحازم اطمن عليها 

حازم: أنا طالع معاكي يمكن تهرب منك 

ماما: خوديني معاكي يابنتي ربنا يستر وتكون عايشه 

في شقة مصطفى نراها حزينه والدموع على خدها 

نرمين: أنتي شيماء صح انا نرمين انتي مش عارفاني 

شيماء: تمسح دموعها مش واخده بالي 

ماما: بسم اللة ما شاء اللة  قمر ياولاد 

شيماء: ربنا يخليكي بس انا عايزه أروح أمي وحشتني 

حازم: هخليكي تطمني عليها ثواني اكلم الكلب اخوكي 

نرمين: أنا نرمين إلي كنت بكلمك علي الفيس افتكرتي 

مصطفى: بس يانرمين يظهر أنها مرت بظروف صعبه 

شيماء: أصل إمبارح حازم قتل واحد وأنا من ساعة ما شوفت الدم وانا خايفه وكمان قلقانه على أمي 

ماما : قتل واحد الكلام ده صحيح يابني 

حازم: قتل إيه بس ياست الكل 

ماما: وأنا جايبه حاجه من عندي المسكينه دي هي إلي بتقول رد عليا من غير كدب كلامها صح 

حازم: أولا انا مليش في الكدب وأنتي عارفه كده كويس ولو كدبت على الناس كلها مش هكدب عليكي ثانيا ده كان حتة سواق معفن حاول يغتصبها كنت عايزه أبنك يعمل إيه يقعد يتفرج 

مصطفى: بس مش لدرجة إنك تقتل 

نرمين: هو أنت فعلا قتلت 

حازم: ههههههههههه اقتل إيه بس ده كان جرح بسيط في الدماغ هي بس إلي مكبره الحكايه 

ماما: حازم 

حازم:  وآلله ابدا وبعدين لو مات كانت الدنيا خربت أنا ضربته بالمطوه في الشارع الي ورانا 

ماما: الحمد لله طمنت قلبي 

مصطفى: أهم حاجه علمت عليه 

حازم: عيب عليك يا زميل ده خدها قبل ما يخلص كلامه لا وإيه خدها شحط محط 

مصطفى: ههههههههههه يخرب مطنك خلفتي اذاي ده ياخالتي 

نرمين: أنا هاخد شيماء تعمل الشاي معايا 

حازم: استني الأول تطمن على مامتها 

مصطفى: هو فاتح 

حازم: ههههههههههه اه وباعت رسائل كتير 

مصطفى: طيب رد 

حازم: اتقل علي الرز لحد ما يستوي 

مصطفى: يابني ده من كلامه شكله استوي على الآخر 

حازم: تصدق انا الأول مكنتش بحب المسنجر كنت بنشر الجزء وقضيها تعليقات بس حبيت المسنجر بسبب الزفت ده ههههههههههه 

مصطفى: وغلاوة امك بجد صعب عليا

ارجع واقولكم تاني اضغط علي زر متابعه لصفحتي الشخصيه عشان توصلك الحلقات الجايه فور نشرها

صفحة مصطفي الصعيدي 

حازم: ماشي هرد بس مش عشانه عشان الغلبانه دي وامها الي موته نفسها من العياط 

هشام: أنت شايف الرسايل مش بترد لي ياخي ارحمني 

حازم: معلش أصلي مكسل أرد عليك ههههههههههه 

هشام:  اخيرا رديت أبوس إيدك أمي تطمن على اختي

حازم: ده إيه حكاية البوس دي كل شويه حد يقولي ابوس إيدك ابوس إيدك الواحد اتخنق يقطع البوس على الي بيبوسوه ههههههههههه 

هشام: موتني أنا بس بلاش تأذي أمي 

حازم: طب قول انا مره 

هشام: أنا مره وعيل وجزمه ارتحت كده ها اكلم اختي 

حازم: بغيظ ماشي رن ياجزمه ياعيل يامره 

هشام الجيزاوي يتصل بك 

حازم: عايزه إيه ياوسخه يالي بتتشطري بس ع البنات 

يالي اخرك تعمل راجل علي البنات 

هشام: عايز أكلم اختي 

حازم: اممممم هفكر 

هشام: عشان خاطر الست الغلبانه دي 

حازم: ماشي ادهاني اخليها تكلم شيماء 

هشام: ماما يا ماما خدي شيماء ع التليفون 

أم هشام: الو ألو انتي فين ياشيماء 

حازم: خدي كلمي أمك 

شيماء: ألو ايوه ياماما أنتي كويسه 

أم هشام: ………..؟

يتبع

علاقه علي الماسنجر

قصه للموعظه قمة الإثارة والمتعه جدااا

الجزء الرابع عشر 😱😱😱

 هشام: عشان خاطر الست الغلبانه دي 

حازم: ماشي ادهاني اخليها تكلم شيماء 

هشام: ماما يا ماما خدي شيماء ع التليفون 

أم هشام: الو ألو انتي فين يا شيماء

حازم: خدي كلمي أمك 

شيماء: ألو ايوه ياماما أنتي كويسه 

أم هشام:  أنا كويسه المهم انتي بخير 

حازم يخطف التلفون من يد  شيماء 

حازم: اطمنتي علي بنتك وسمعتي صوتها 

أم هشام: يابني إحنا ناس علي قد حالنا لو خاطفين بنتي علشان الفلوس إحنا والله بنقضي عشانا نوم ده غير إيجار البيت إلي متأخر وصاحب البيت عايز يطردنا خلي عندك رحمه في قلبك ورجعها 

حازم: حضرتك غلطانه أنا مخطفتش بنتك علشان الفلوس 

أم هشام: أومال خطفتها لي بس 

حازم: هو أبنك بسلامته خايف يقولك ولا مكسوف 

أم هشام: إبني هو هشام عمل ايه معاك ده حتي إبني كل الناس بتحبه وبتشكر فيه ده هو كبير العيله بعد المرحوم ابوه وبيحاول يساعد في العيشه معانا 

حازم: ههههههههههه ضحكتيني وآلله 

أم هشام: قولي يابني في ايه بس طب أنت عايز إيه وحنا نعملو 

حازم: عايز أبنك ولو هو راجل من ضهر راجل يجيني وأنا في انتظار سعاته بس عارفه لو بلغتي الحكومه 

هرش على وش بنتك ماية نار وخليها جنبك العمر كله 

أم هشام: لا لا يابني وعلي إيه أنا جايه ومعايا هشام بس ابوس إيدك يابني متأذيش بنتي 

حازم: تمام ع العموم العنوان ميتوهش اسكندريه منطقة سيدي بشر شارع 30 توصلو رنو عليا وأنا هقولكم على العماره 

أم هشام: حاضر يابني هنعمل كل إلي هتقول عليه وخلي بالك على شيماء دي مكسورة الجناح ويتيمه 

حازم: متخفيش علي بنتك بس قولي لأبنك لو حصلت منك حاجه كده ولا كده أنت عارف حازم ممكن يعمل إيه مفهوم 

أم هشام: لا لا متخفش هو مش هيعمل حاجه من دماغه بس إديني شيماء اكلمها ارحم قلب أم 

حازم: أولا انا مبخفش وابنك عارف كده كويس وخدي بنتك كلميها اعملي حسابك دقيقة واحده وهقفل 

 

شيماء: أيوه ياماما متخفيش بنتك بخير هما ناس كويسين أبنك هو السبب هو ال  ثم تاخد أم حازم التلفون منها وتقولها هاتي أنا اطمنها بنفسي 

ماما: مساء الخير يا أم شيماء 

أم هشام: مساء النور مين 

ماما: أنا أم حازم بنتك بخير متخفيش عليها هي ذي بنتي واكتر 

أم هشام: ينفع كده يا أم حازم تخطفو بنات الناس 

ماما: وينفع أبنك ياخد صورة بنتي ويهددها تروح معاه شقة مفروشه ولو معملتش كده هيفضحها 

أم هشام: أنا ابني مستحيل يعمل كده 

ماما: هو لو جنبك تقدري تسألي بنفسك ولو أنكر كلامي ليكي عليا اجيبلك شيماء لحد البيت وبوس على رأسك وقولك إحنا آسفين 

أم هشام: وأبني يعرف بنتك منين 

ماما: عن طريق حاجه كده إسمها فيس بوك بيلعبو بيها العيال والله انا كرهت البتاع ده بسبب الي حصل 

أم هشام: طيب بنتي جرالها حاجه هي كويسه 

ماما: هي بخير متخفيش إحنا بس عايزين نقرص الواد هشام علشان يحرم يلعب ببنات الناس 

أم هشام: يا خسارة تربيتي فيه دحنا بنتشعلق في رضا ربنا وعندنا ولايه لسه متسترتش وانت تعمل كده طب خاف على أختك منك لله يابن بطني حسبي الله ونعم الوكيل لي كده بس يابني حرام عليك 

ماما: بس متعمليش في نفسك كده أنتي ست مؤمنه إن شاء ينصلح حاله ويبقي كويس 

نجده واقف يضحك مع صاحبه مصطفى ههههههههههه موت يا حمار ديل الكلب عمره ما يتعدل 

ماما: بس عيب الست معايا علي التلفون تسمعك 

حازم: ما تسمعني ولا تتحرق بستين داهيه هاتي ام التلفون ده عشان معملش جنايه ع الصبح 

حازم: اسمعي ياست انتي أبنك لو مجاش معاكي مش هتشوفي بنتك العمر كله انتي فاهمه 

أم هشام: اهدا بس يابني انا عازراك ومقدره مشاعرك اي حد مكانك ممكن يعمل اكتر من كده 

حازم: أنا كنت هقتل اختي الوحيده بسبب ابني عارفه يعني إيه اقتل اختي الوحيده 

أم هشام: عارفه ومقدره بس اهدأ 

حازم: طب عارفه أنا صاحب عمري كان هيموت نفسه بسبب عدم تربيتك لأبنك 

أم هشام: ممكن تهدا كل مشكلة وليها حل وانا ذي مامتك وهشام ده ذي اخوك 

حازم: ههههههههههه أنتي غلبانه أوي 

أم هشام: وآلله يابني إحنا غلابه 

 

حازم: عارفه بقولك أنتي غلبانه لي عشان متعرفيش يعني إيه حازم الهواري 

أم هشام: أن شاء اللة نيجي بكره عندكم وتعرف عليك انت ومامتك والله من طريقة كلامها  شكلها ست تعرف ربنا كويس ربنا يطولك في عمرها 

حازم: هي ربتني كويس وانا عمري ما زعلتها غير مره واحده بسبب أبنك 

أم هشام: معلش الي اتكسر يتصلح 

حازم: هيتصلح ان شاء اللة بس أنتي عارفه هيتصلح اذاي ولا اقولك 

أم هشام: وآلله يابني كل الي اعرفه ان ربنا بيسامح 

حازم: ربنا بس هو إلي بيسامح نيجي إيه إحنا جنب ربنا إحنا بشر مش وقت الزعل مش بنتحكم في نفسنا 

أم هشام: شوف أنت عايز إيه وانا اعملهولك ولو عايز اضرب هشام بالشبب قدامك انا معنديش مانع 

حازم: ههههههههههه والله شكلك ست علي نياتك 

بصي هو عنده كام سنه دلوقتي 

أم هشام: هو تقريبا معاد الجيش بتاعه قرب 

حازم: يعني عنده عشرين سنة 

أم هشام: تقريبا كده 

حازم: طيب في العشرين سنة انتي معرفتيش تربي أبنك وإلا مكنش عمل الي عمله صح ولا انا غلطان 

أم هشام: وآلله يابني عندك حق في كل كلمه انت قولتها فعلا أنا معرفتش اربي كويس 

حازم: خلاص يبقي تسيبي للي يعرف يربي وانا هعلمو درس يعيش طول عمره موطي راسه 

أم هشام: يرضيك تعمل كده هو ذي اخوك اعتبره اخوك الصغير وغلط وانت الكبير المفروض تسامح 

حازم: أنا هقفل دلوقتي سلام وع فكره انا لو لي اخ ذي أبنك أنا كنت قتلته وشربت من دمه سلاام 

مصطفى: هما جاين بكرا 

حازم : ايوه خلي شباب المنطقه  تجهز 

ماما: أنت ناوي على ايه يابني أنا مسامحه في حق بنتي وهي كمان مسامحه بلاش فضايح ولم الموضوع 

حازم ينظر إلى عيون نرمين انتي فعلا مسامحه الواد ده بعد كل الي عملو 

نرمين: انا لو هسامحو هسامح بس عشان خاطر امه واخته لو كان عليه هو انا اتمنالو الحرق والشنق 

حازم: يعني مسامحه ولا لا مبحبش كتر الكلام 

نرمين بخوف مسامحه 

حازم  : كويس وانت يا مصطفى 

مصطفى: أنا شايف خالتي عندها حق 

حازم: طيب كل واحد حر في نفسه 

مصطفى: يعني إيه 

حازم: يعني لو الدنيا كلها قالت سامح يا حازم أنا مش هسامح والواد ده هيتعلق ذي ما امه جابتو وفي نص المنطقه عشان يعرف ان الله حق وربنا اساس العدل 

ماما: بس ربنا مقالش تعمل كده 

حازم اتعصب وقعد يزعق بصوت عالي وكمان ربنا مقالش لهشام ياخد صورة اختي عشان يفضحها 

مصطفى: اهدا بس ياصاحبي وانتي ياخالتي سبيه دلوقتي يهدا ونتكلم معاه 

حازم: بقولك ايه اقسم بالله مش هسامح في حقي ولو اطبقت السما ع الارض الواد ده لازم يتربي انت فاهم 

مصطفى: فاهم فاهم والله فاهم وحاسس بيك بس ممكن تهدي وتبطل تزعق عشان خاطري 

شيماء: أنا منكرش إن أخويا إنسان تافه وبعد إلي عملو وإلي كان بيفكر يعملو  مينفعش اقول عليه غير حيوان ثم قربت من حازم وحطت ايدها علي كتف حازم هتصدقني لو قولتلك حرام تضيع نفسك علشان كلب ذي ده صدقني يا حازم هو اخويا بس انت عندي دفر رجلك برقبته والله العظيم مش بكدب عليك في كل كلمه قولتها 

حازم: أنتي بتقولي كده علشان اخوكي ميتفضحش الحيه عمرها ما تجيب تعبان بس طالما جابت تعبان تجيب عقربا ذيها 

 

شيماء وهي تبكي ربنا يسامحك والله العظيم مش فارق معايا يموت ولا يعيش مش فارق معايا إلا أنت وحياة ربنا بقول الحقيقه 

ماما : معلش يابنتي خشي جوه اغسلي وشك ومسحي دموعك ومتزعليش من حازم هو قلبه ابيض بس عصبي شويه 

شيماء: حاضر يا خالتي بس انا والله كرهت هشام بعد الي عمله ومش عايزه اشوف وشه وانت يا حازم لو شايف إني كدابه اعمل إلي انت عاوزه في هشام بس انا مش كدابه ياحازم انا فعلا خايفه عليك بخاف عليك اكتر من خوفي على نفسي عارف لي 

حازم نظر إلى شيماء دون أن يتكلم ثم يرجع نظره إلي اسفل ويضع يده علي رأسه رافض الكلام 

شيماء: علشان بحبك وحياة ربنا يا حازم انا بحبك

حازم: والمفروض إني أصدق 

شيماء وهي تبكي والدموع على خدها  لازم تصدق  حبيتك لما لقيتك بتأكلني السمك بيدك وانا اخويا إلي حب يطعنك  في ضهرك وحبيتك اكتر وأكتر لما كنت نايمه عريانه في حضنك وأنت خوفت تغضب ربك 

ولما ضربت السواق وقتها عرفت مستحيل حد يأذيني وانا جنبك وآلله العظيم بحبك 😢

مصطفى: نرمين خدي شيماء ودخلي اوضتك وأنتي ياخالتي متخفيش كل حاجه هتبقي كويسه ان شاء اللة بس أنتي ادخلي صلي ركعتين لله وانا وحازم هنقعد شويه مع بعض 

حازم: لا أنا نازل القهوه 

مصطفى: خلاص يبقي أجي معاك 

حازم: لا خليك أنت تعبان وكمان أنا حابب اتمشي لوحدي شويه ع البحر 

مصطفى: انت مش بتقول نازل القهوه 

حازم: غيرت رأيي 

مصطفى: طب خد رايح فين انت معاك فلوس 

حازم: اه معايا 

مصطفى: خلي بالك من نفسك ياصاحبي 

نزلت حسيت بخنقه مش عارف لي أول مرة أحس إني  تايه في الزحمه  وحواليا دوشه من كل ناحيه فقررت اسيب الشقه وانزل اتمشي ع البحر لوحدي شويه دي عادتي من وانا اصغير لما بكون مخنوق اروح افضفض للبحر والنجوم ولما قربت من البحر حسيت ان البحر عارف كل حاجه بس ساكت 

حاولت أتكلم معاه رفض الكلام بصراحة عنده حق

طيب يا بحر أنا عندي سؤال لو جاوبتني عليه يمكن ألاقي لمشكلتي حل لقيت البحر بيقولي سؤال ايه إلي إجابته تحل مشكلة ذي مشكلتك  قولتلو هو سؤال سهل بس إجابته صعبه قالي قول يمكن اقدر اجاوبك عليه قولتلو بس انا عارف إنك مش هتقدر تجاوبني عليه قالي جرب هتخسر إيه قولتلو هو انا لو سامحت هشام ورجعت اخته للبيت من غير ما حتي يشوفني ولا الست الغلبانه تيجي عندنا البيت وبعدها هشام عمل علاقه على الفيس مع واحده واتنين وأصبحت عدد ضحايا كتير ياتري هيكون ذنبهم عند مين قولي يابحر عند مين ااااه ياربي حيوان مفترس  وغرس أنيابه في صدري والناس مش عايزني اتألم وأنا مش قادر أرضي الناس غصبن عني بتألم وأخاف أسيب الحيوان المفترس يأكل اعراض ناس تانيه  بعد مني

هو ياربي انيابه تفضح ونظراته ترسل وتفكيرو شيطاني يلعب عليهم مثل الأغاني 

يارب اغفرلي ودبرني في حل مشكلتي   

اااااه يا بحر لو تحس بالي حازم حاسس بي جوايا بركان صعب ميتك تتطفيه صدقني انا جوايا خير كتير بس البشر مش بيحبو الطيبين ولي قالت بحبك ومقدرتش ارد عليها مش هي دي اللي حلمت بيها  كان نفسي أسمعها ذي ما حلمت بيها كانت يابحر حوريه من الجنه ونظراتها ليا بتقول أطلب وتمني وفي حبها كان قلبي بيتهني وكنت حاسس ان قلبي في الجنه معقول يابحر اصحي علي جرح وأنا إلي كنت فاكرو فرح ياااه يابحر انت موجك عالي أوي عيشتني دنيا الخيال وخلتني اصدق إني طائر الأحلام وصحيت على صوت بنت بتقول بحبك من تحت موجه كلها أحزان …

يتبع..

القصه قمه الروعه والباقي احلى بكتير من اللي فات 

تكملة الروايه بعد قليل 

 البارت 15_16من هنا