 |
البارت ال15 🖤🌑 ليه تفاعل اقل اجدعان
#بنت_اغاريس
ضحك اياد و مسك وشها بين كفيه : طلعتي شجاعة يا لمضة
نارين بحزن وفرحه وعينيها مليانة دموع : شجاعة عشان كنت معاك
جريت سهير عليها و جد اياد و ادم راحوا وراه لانه كان تعبان
سهير وهي بتحاول تقوم بنتها : نارين مينفعش كده ارجعي سريرك و ارتاحي و انت كمان ارجع سريرك
قرب ادم منه و قومه و هو مستغرب العلاقه اللي بقيت بينهم بس طرد الفكره من راسه مهما كان ده اخوه
فضلت نارين باصه ل اياد غمضت عينيها و حضنته قدام الكل وهو كمان ضمها ليه اكتر
خافت سهير من نظراتهم راحت شدت بنتها و قعدتها على السرير و خد ادم اخوه و رجع بيه على اوضته و كل اللي حصل كان تحت نظرات عمر اخوهم الكبير
قفلت سهير الباب
سهير بغضب : نارين مينفعش كده عيب
نارين بتعب و حزن : انتي مشوفتيش اللي احنا شوفناه احنا كنا بنموت اياد مكنش هيعيش خلاص
سهير بحزن : خلاص متفكريش في حاجه و ارتاحي وانا هروح اشوف خالتك فين و جدك
خرجت سهير فضلت تدور على مروة
حسن : احم ..اختك برا مع والدكم
بصتلوا سهير بخجل : تمام هروحلها ..بس كنت عايزة اقول ..انا ..انا اسفة لما ضربتك في الفيلا
ضحك حسن : ولا يهمك ضربك كان هين عليا و لين جدا يا سهير
ابتسمت بتردد و مشيت خرجت برا تدور على مروة لقيتها واقفة مع امجد اللي كان متعصب استخبت ووقفت تسمع كلامهم
مروة : انت أحقر انسان انا ممكن اشوفوا في حياتي
امجد بعصبية : اخرسي انتي اللي خاينة ناسيه ولا افكرك
مروة : خاينه ..انا عمري ما خونتك يا حقير ياللي اغتصبت اختي انا بكرهك و هفضل اكرهك طول عمري
امجد بغضب : انا ملمستش اختك انا مش زيك بوشين اروح احبك و بعدين اغتصب اختك لا انا فضلت وفي ليكي لحد اخر نفس لحد ما قولت هي دي اللي هتبقى ام عيالي و مراتي و طلبت ايدك و اتكتب كتابنا بس اكتشف أن انتي خاينه و فا***
عيطت مروة من كلامه و رفعت ايديها ضربته بالقلم : مش عايزة اشوف وشك تاني انا بكرهك
جريت من قدامه و فضل هو واقف و عينه اتملت دموع مش عارف ده ندم على كلامه ولا حزن على فراقهم بس كل اللي حاسس بيه أنه بيحبها و اكتر من الاول
دخلت سهير وهي زعلانة على اختها
كان هتلر قاعد في أوضته هو و حسن سوا لوحدهم
هتلر ل عمه حسن : طلعت بنت مين
حسن : بنت امجد يابني بس هو بينكر الحيوان
هتلر بمكر : فين عمي عمر
حسن : تلاقيه بره ليه
هتلر : انا عايزهم يحللو تاني بس من غير ما يعرفو عمي امجد لما يقول معملتش يبقى معملش
حسن بعصبية : لا التحليل قال إن هو يا هتلر و انا مش هرحمه
دخل عمر اخوه فجأة : حمدالله على سلامتك يا بطل
ضحك هتلر : حاسس انك ناوي على شر اهدا كده انا لسه تعبان و بعدين انا هتلر برضوا
عمر ابتسم بهدوء : ماشي يا ابن ابويا هستنى أما تخف الأول و بعدين نتحاسب و هتلر على نفسك خف بس و هنشوف
ضحك هتلر و غمز ل حسن عشان يسكت و ميتكلمش
هتلر بخبث : انت شوفت العيله الحلوه اللي بره يا اخويا يا كبير
عمر بخبث اكتر : لا وحياتك انا شوفتك وانت بتحضن الكتكوته الصغيرة
حسن بمسخرة : الاخ الكبير يضرب ولا يبالي اسيبكم انا اشوفلي كتكوته كبيرة ولا حاجه
خرج حسن وقف يتكلم مع الدكتور و يسأله هتلر هيخرج امتى
الدكتور : هو محتاج راحه اسبوع على الأقل
سهير من وراه : و بنتي يا دكتور
الدكتور : الانسه ممكن تكمل علاجها و راحتها في البيت عادي
لف حسن فضل باصص لسهير : الف سلامه على بنتك أن شاء الله تقوم بالسلامه
سهير بخجل : شكرا جدا و شكرا على مساعدتك
حسن : بلاش كلمه شكرا و اذا امكن ممكن نقعد نتكلم في الكافيتريا سوا
سهير : ممكن طبعا هطمن على نارين و اجيلك
دخلت أوضه نارين كانت نارين قاعدة في ملل
نارين بملل : ماما احنا هنمشي امتى
سهير : انهاردة لو تحبي
نارين بخبث : و ...و اياد انهاردة برضوا
قربت سهير منها مسكتها من ودنها و ضحكت : لا هيقعد اسبوع
صرخت جامد : اه اااااه رجلي بتوجعني محتاجه اقعد اسبوع
دخل ماهر عليهم وهو قلقان : احنا لازم نمشي دلوقتي من هنا
استغربت سهير من دخوله : ليه يا بابا في حاجه
ماهر : لا مفيش بس لازم نرجع القاهرة و متقولوش لحد اننا راجعين فاهمين
نارين بحزن : انا تعبانة و محتاجة ارتاح في المستشفى هنا
ماهر بحنان مزيف : هنوديكي مستشفى في القاهرة متقلقيش
اتعصبت نارين و لفت وشها
خرج ماهر و دخلت مروة وهي مخضوضه : سمعتوا كلام بابا ...هو مالو خايف ليه
سهير : مش عارفة بس يلا نلم حاجاتنا و نمشي احسن ما يتعصب
الدكتور بغضب : مينفعش يا هتلر بيه تقوم و تمشي جرحك خطير
اتعصب هتلر : انت هتعرف اكتر مني ولا ايه انا مش تعبان ابعد كده
كانت سهير و مروة جهزوا كل حاجه و مروة مسنده نارين و خارجين برا الأوضه
خرج هتلر في نفس الوقت من أوضته استغرب لما لقاهم مجهزين كل حاجه قرب منهم
هتلر وهو بيبص لنارين بقلق : رايحين فين
نارين بسرعة : جدو ..عايزنا نرجع القاهرة دلوقتي
ابتسم هتلر و خرج معاهم لبرا وهو تعبان شويه كان ماهر اجر عربيه يرجعوا بيها
هتلر : الغي العربيه يا عمي انتو مش هترجعوا غير بعد ما نارين تتعافى
ماهر بغضب : وانت مالك
محمود من ورا هتلر : كلام حفيدي لازم يتنفذ لان اللي مش بينفذه بيطلع فوق في السما ده واحد راح عمل انفجار في تل ابيب و مطلوب دولياً هتيجي انت تقوله لا اسمع الكلام يا ماهر كلها اسبوع و امشوا
بص هتلر لجده و ابتسم و رجع بص لماهر : عربياتنا جايه تاخدكم للفيلا
ماهر : اسبوع بس و هنمشي
ركبوا كلهم ووصلوا للفيلا دخلت نارين في الجنينة تشم هوا و ترتاح و طلع هتلر اوضته اترمى على السرير من التعب والوجع الفظيع
كانت نارين مغمضه عينيها جه واحد من وراها حط أيده على عينيها ضحكت وقالت : اياااد
شال أيده و فتحت عينيها وقال بحزن : انا ادم ..عامله ايه دلوقتي
نارين باحراج : كويسه الحمدلله هو اياد فين
ادم : مش عارف بس نارين انا كنت عايز اقولك حاجه
ابتسمت نارين بارتباك : اتفضل قول
راح قعد جنبها : احم ...انا ..انا بحبك و عرضت عليكي الجواز قبل كده انا كنت هستنى أما تخفي شويه بس جدك بيقول بعد اسبوع هتمشوا نعمل خطوبه بس و نخلي الجواز وقت ما تحبي
ارتبكت نارين اكتر وهي حاطه في بالها أنه ساعدها و ساعد أمها وخالتها كتير
نارين بخجل اكتر : ادم انا ...مش عارفة ..يعني ...
سهير من وراها قاطعت كلامها وقالت : وهي موافقة يابني احنا مش هنلاقي الاحسن منك لنارين ........
#بنت_اغاريس
#SomayaAmer
البارت ال 16 🖤🌑
#بنت_اغاريس
لفت نارين بصت لأمها بغضب : ماما انتي بتقولي ايه انا لسه ...
سهير وهي بتقاطعها : لسه بتكسفي زي زمان عارفة تعالي بقى ادخلي جوا عشان احدد معاد الخطوبة مع عريسك
ضحك ادم بخجل و كان طاير من الفرحه مش شايف حاجه راح شال نارين و لفها وهو بيضحك
اتخضت و اتعصبت من اللي عمله و نزلت بسرعة و جريت على جوا
سهير بفرحه : ابني شوف وقت ما تحب الخطوبه امتى وانا مش هعترض
ابتسم ادم و حضن سهير : شكرا جدا
طلعت نارين اوضتها و قفلت الباب جامد و راحت وقفت في البلكونة و عيطت و بصت للسما وقالت لنفسها : طب انتي بتعيطي ليه دلوقتي مهو ادم ساعدك انتي وأهلك كتير ..بس انا مبحبوش انا قلبي رافضه ...قلبي مش عايز حد ..غير ..
كان هتلر سامع صوتها من البلكونة بتاعته قرب اكتر عشان يسمع بس فجأة لقاها بتعيط
هتلر بابتسامه : في حد اتحدى اليهو* و بيعيط غالبا كانت شجاعة مؤقته
اتصدمت نارين و وقفت على السور بصعوبه بسبب رجليها لقيته واقف بيضحك
بص عليها برق من منظرها السور رفيع جدا وهي ممكن تقع
هتلر : انتي بتعملي ايه يا هبلة انزلي هتقعي و رجلك فيها رصاصه هتتكسري هتبقي مش نافعة
نارين : بتفرج عليك وانت بتضحك على أحزاني و عادي اتكسر
مد اياد أيده : انزلي يلا
نارين بحزن : لا مش هنزل مفيش حد مهتم انا عايزة ايه ولا بفكر في ايه انا حزينة جدا
قرب منها اكتر و شدها من ايديها برقت وهي بتقع عليه : ينهار اسود يخربيييييتك
وقعت عليه وهو وقع على الأرض و أتألم جدا
حاولت تقوم و اتسندت على السور ووقفت و مدت ايديها عشان تساعده : قوم انت غاوي تعب يا سي هتلر ال هتلر ال
مسك ايديها و قام و قرب منها : اعتقد ان لسانك طول عليا اوي
اتكسفت من قربه و رجعت لورا كانت خدودها شبه الطماطم
ابتسم و قرب من ودنها : شكلك خايفة ولا ايه
زقته جامد عمل نفسه تعبان و بيتوجع قربت منه تاني بقلق : انت كويس انا اسفة بس انت اللي عملت كده و ...و ...
ضحك بمسخرة و قرب منها اكتر : قدامك دقيقه تقولي مين زعلك لاني بصراحة لو تعبتيني و مقولتيش هزعلك و تخلصي عشان مش فاضيلك
كشرت في وشه : انت كده رومانسي مثلا بدل ما تقعدني و تقولي احكيلي و انت بتبص بحنان كده مفيش حد فاهمني اصلا وانا كنت فاكرة انك الاقرب ليا
مسك ايديها و قعدها و قعد قدامها و بصلها بحنان : احكيلي يا نارين
اتوترت و فضلت باصه في عينه :انا ...انهاردة ادم ..
قاطع كلامها حد بيخبط على اوضه هتلر و بيتكلم : افتح يا اياد انا ادم عايز احكيلك حاجه
قامت نارين وقفت و جريت استخبت في البلكونة استغرب هتلر من رد فعلها هي ليه عملت كده لما سمعت صوت ادم
فتح الباب دخل ادم حضنه جامد : انهاردة انا مش هقولك هتلر لا هقولك اياد لاني فرحان جدا ..جدا
ابتسم هتلر لفرحه اخوه : طب ايه مش هتفرحني معاك
ادم : انا طلبت ايد نارين و وافقت و خطوبتنا بعد 3 أيام قبل ما يمشوا
اتصدم هتلر و اتغيرت ملامح وشه بدأ قلبه يدق جامد و نار شغالة جواه
" كيف سيمُر ..لوهله اعتقدُ انكِ لي ولكن كيف سيمر كل ذلك الألم ..كيف سيمُر انقباضُ قلبي "
بلع اياد ريقه و رجع لورا شويه : نارين وافقت
ادم بفرحه : اه والله وافقت انا مش عارف اقولك ايه شكرا يا اياد انت اللي ساعدتني و خليتها تحبني
( قصده أنه خلاه في نظرهم البطل اللي ساعدهم وقت احتياجهم ) انا عمري ما هنسالك ده انا هروح اشوف نارين شكلها متوترة
خرج ادم و قفل الباب وراه
فضل هتلر واقف في نص الاوضه نظرته بقت جفاء جسمه كله اتشنج غمض عينه و جز على سنانه
راحت سهير ل ماهر تقوله على الخطوبه
سهير : بابا ..ادم طلب ايد نارين و بيقولك عايز يعمل خطوبه
ماهر بعصبية : بعد اللي حصلك عايزة تجوزيها واحد من العيله دي انتي اتجننتي يا سهير يجي يوم دخلتهم يقولها انتي كذا و كذا زي اختك
(بقلم سمية عامر )
سهير بحزن : ادم مش زيهم انا عارفة ده ساعدني انا و مروة كتير اوي افضاله عليا كتير يا بابا و نارين معجبة بيه وهو شاريها
ماهر : نعمل خطوبه مؤقته و لو شاريها يجي يعيش في القاهرة معانا انا مش هسيبها ليهم
سهير ابتسمت : شكرا يا بابا ربنا يخليك ليا هو بيحبها و اكيد هيوافق
خرجت نارين من البلكونة وهي بتتنهد : ياربي الحمدلله أنه خرج
نارين وهي بتقرب من اياد : انا ده اللي كنت عايزة اقولهولك بس انا مكنتش موافقه و مش عايزة اتجوز
فتح هتلر عينه و بصلها و ابتسم : انا محتاج انام و الف مبروك يا نارين
وشها اصفر و فضلت واقفة متنحه : مبروك ؟! ...بس انا كنت فاكرة اننا
ضحك هتلر و قعد على السرير : اننا ايه ...ادم بيحبك و انتي بتحبيه ربنا يجمعكم بس معلش اخرجي لان وجودك هنا غلط وانا محتاج انام
اتعصبت و راحت ناحيته ضربته جامد في صدرة : بس انا مبحبوش و مش عايزة اتجوز ادم ..
هتلر : وايه السبب .؟!
نارين بعصبية و تلقائية و عيون مليانة دموع : لاني بحب واحد تاني .......... التفاعل بدأ ينزل وده حاجه مزعلني😞😞
#بنت_اغاريس
بقلم SomayaAmer
علشان يوصلك اشعار باقى الاجزاء علقي ب20 ملصق 🔖
لن يصل الجزء 17الا بعد تعليق ب 20ملصق فضلا وليس أمرا
تعليقات
إرسال تعليق