البارت ال 19_20 🖤🌑
#بنت اغاريس
اتوترت نارين و كانت هتدخل اوضتها شدها من ايديها و قرب اكتر منها وهو بيبص على شفايفها
نارين وهي بتغمض عينيها وصوت ضعيف : انت هتعمل ايه
ضحك و نظرته اتحولت لمكر و بعد عنها وهي لسه تحت تأثيرة
اياد وهو بيضحك : افتحي عينك يا حلوة
فتحت نارين عينيها و ضمت حواجبها بغضب و خجل : انت ..انت قليل الادب
ضحك اياد و مسك خدودها : جهزيلي اسمه و عنوانه يا حلوة عشان هموتهولك مبقاش في خطوبة
برقت نارين و نزلت أيده من على خدها : مبقاش في خطوبة بجد
اياد : اه و قولي عنوانة حالا
رجعت نارين خطوة لورا و بصت زي الاطفال و دخلت و قفلت الباب بالمفتاح : شكرا يا هتلر بيه بس انسى مفيش اسامي
ضحك على تصرفها وقال بمسخرة : اخر صبري هيكون لحد الصبح عشان عايز انام
دخل اوضته و قفل الباب
حسن : احم ..سهير انا مبعرفش اتكلم حقيقي بس انا عايز اقولك اني بحبك اكتر من اي حد في العالم ده يمكن اكتر من نفسي قبل ما اسافر بسنه جيتلك المستشفى و دخلتلك و كالعادة انتي متعرفتيش عليا قولتلك وقتها اني بحبك و هروح اشتغل عشان اقدر اجي و اتجوزك و تكوني كبرتي شويه بس ياريتني ما سافرت
زعلت و عينيها امتلئت دموع : يعني انت كنت هتتجوز واحده عقلها مش فيها واحده مكانتش بتفتكر نفسها
ابتسم حسن و مسك ايديها : انا كنت هفكرك بيا ليل و نهار عمري ما كنت همل
المهم
بعد ما عرفت اللي حصل قررت ارجع و اكون جنبك ..بس وقتها والدي قالي انكم سافرتوا و كل ده عشان يبعدني عنك و عن حبك بعد ما عرف اللي حصلك
بس بعديها ب 5 سنين اتصدمت لما امجد قالي أنه هيتجوز مروة وقتها اتعصبت عليه و سألته ليه خبيت عليا انت و بابا انكم عارفين مكانهم رد عليا أن بابا هدده لو قالي أنه ميتجوزش مروة بعديها كان لازم اتجوز عشان اخد الجنسية الامريكيه بس خلفت فارس ابني و أمه أطلقت و سابته معايا
زعلت سهير و كانت هتقوم مسك حسن ايديها : سهير انا بحبك و هفضل احبك حتى لو رفضتي انا مش عايز حاجه تانيه من الدنيا غير وجودك معايا عايز لما اكبر الاقيكي معايا اكمل حياتي اللي باقيه وانا شايفك معايا
ابتسمت و قعدت تاني : كلامك حلو جدا ..انا محدش حبني كده قبل كده
ضحك حسن : بس مفيش حد هيحبك كده قدي انا بس
طلع الصبح ليعلن عن حقوق جديدة و خبايا جديده قررت الظهور
صحيت نارين غسلت وجهها و اتوضأت و لبست فستان اسود و حجاب نبيتي و صلت وهي قاعدة على كرسي عشان رجليها و بصت لنفسها في المراية
نارين لنفسها وهي بتضحك : في طريقي لقهر المغرور
فتحت الباب و نزلت على تحت كانوا قاعدين كلهم على السفرة بيبصوا لبعض و كل واحد في باله حكايه و حدوته مخبيها
ايناس بحب : تعالي يا بنتي اقعدي جنبي وانتي حلوه كده
ادم بحب و هيام و هو سرحان في تفاصيلها : حلوه بس ..كلمه حلوه قليله عليها
اياد ببرود و غيرة : فين الحلاوه دي واحده رجليها فيها رصاصه
نارين ببرود اكتر : وانت بطنك فيها ايه فيها فيل
ضحك الكل على كلامها بس بصوت واطي
ايناس وهي بتضحك : تعالي اقعدي جنبي يا جميلة
نارين : خليه يقوم طيب مش هقعد جنبه
شد اياد ايديها قعدها بينه و بين إيناس : اقعدي وانتي ساكته اليوم طويل يا ..يا حلوه
ادم بهمس ل اياد : ممكن نبدل و تخليني اقعد جنبها دي حتى هتبقى خطيبتي
ادايق هتلر جدا بس مظهرش ده و ابتسم لأخوه و قام مشي خالص من غير ما ياكل
قعد ادم جنب نارين اللي عنيها كانت على اياد
ادم : نارين تحبي احطلك ايه اكل
قامت نارين وقفت : لا اصل انا اكلت قبل ما انزل بس كنت جايه اقعد معاكم كده عادي هروح ارتاح حسيت بوجع
مشيت نارين و بدأت سهير تفهم من نظرات انت في علاقه بينها و بين اياد و اتعصبت و قامت هي كمان من على الاكل
طلعت نارين على فوق كان قلبها بيدق جامد وهي بتبص على اوضه اياد راحت ناحيه الاوضه و اتنهدت : لازم أقوله ..مش قادرة استحمل
و لسه هتخبط فتح هو الباب
رجعت لورا و وشها اصفر
اياد بحزن : نارين في حاجه
نارين : امم .انا ...كن ...ت يعني
ركزت اكتر في لبسه كان لابس بدله و ببيونه و شعره ناعم و مرجعه لورا كأنه عريس
نارين : اياد انت لابس ..ليه كده
اياد : رايح فرح صديق ليا
جات سهير من وراها : نارين عايزة اكلمك ضروري مستنياكي في اوضتي
مشيت سهير وفضلت نارين واقفة : انت ..هترجع امتى كنت عايزة اقولك حاجه قبل ما تطلع
اياد بجفاء : اسف معنديش وقت لازم اطلع
سابها و مشي وهي محرجه و مدايقة جدا من رد فعله
نزل تحت وهو بيفكر في نفسه : ابعد عنها خلاص مبقاش ينفع اخوك بيحبها متعشمهاش بيك خلاص انتهى
خرج برا ركب عربيته و مشي وصل عند بيت صاحبه فضل قاعد عنده لحد ما خلصوا و كانوا هيطلعوا على القاعة اللي فيها الفرح اللي كان في فندق 5 نجوم و كل المعزومين شخصيات راقيه معروفة
كان اياد قاعد لوحده بيشرب عصير ليمون لحد ما جات جنبه نور اخت العريس
نور : قاعد لوحدك ليه يا بطلنا مفيش بنت عجبتك نجوزهالك ولا ايه
ضحك اياد و قام شدلها الكرسي و قعدت و بصلها و ابتسم : اتجوز ازاي و قلبي مشغول
نور بمكر : بمين ..استنى لتكون بتحبني انا
اياد : اللي بحبها بعيدة عني بيني و بينها جبال
نور : يا حرام طب و هتروح تعدي الجبال ولا هتقعد معايا عند البحر
ضحك بصوت عالي : هقعد معاكي عند البحر لاني حتى لو عديت الجبال هخسر لحمي و دمي
..
كان عمر في المستشفى عند الدكتور صديقه و امجد بيراقب تحركاته هو و حسن و عرفوا أنه كان متفق مع الدكتور رامي صاحبه و سمعوهم وهما بيتكلموا و بيقول أنه ندمان أنه اغتصبها وأنه كان شاب طايش
اتعصب حسن و كان هيدخل بس امجد مسكه و حذرة أنهم لازم ياخدوا التحليل اللي يثبت الابوه الأول و بعدين يعملوا اللي هما عايزينه و فعلا نفذوا الخطه و خدوا عينه من شعره كانت في المشط بتاعه و عينه نارين كانت موجودة و بعتوها تتحلل في مستشفى تانيه
.......في الفرح
نور : يلا قوم نرقص سلو يا اياد
اياد : روحي انتي انا مش هقوم
شدته من أيده بس برضوا مرضيش بس فضلت عينه مبرقه لما لقى نارين داخله الفرح لابسه فستان ازرق منفوش زي الأميرات بيلمع من كل مكان و جزمه بكعب بيضه و حجاب اوف وايت
بصت نور ناحيه نارين : ايدا مين دي اياد انت تعرفها
دخل ادم وراها ببدلته الزرقا وهو بيبتسم ليها و مشيوا سوا ناحيه اياد
جريت نور على ادم و سلمت عليه : يا آدم بيه ياللي ناسيني
سلم ادم عليها و فضل يهزر معاها و نارين مش راضيه تبص على اياد بسبب زعلها منه
قام اياد من مكانة و شدلها كرسي : اقعدي
نارين بجفاء : شكرا هقعد مع ادم
اياد بغرور : اللي يريحك انا هرقص مع نور و هخليهم يجيبولك جاتوا
شد اياد نور و راحوا يرقصوا
ادم : اقعدي يا نارين
قعدت و عينيها مليانة دموع من منظره وهو بيرقص معاها وهي عماله تضحك و تتمايل
نارين لادم : فين الحمام يا آدم
شاورلها عليه قامت راحت الحمام و قفلت الباب و فضلت تعيط و تضرب رأسها في الحيط : الله يلعن القلب اللي حب الله يلعنه
"لتذهب روحي للجحيم الذي جاءت منه ..ليأتي من يقتلع قلبي الممزق و يترك غيره لم اعد احتمل كل ذلك الألم يا الله "
كان اياد متابعها و باصص عليها
خرجت من الحمام لقيت ادم بيتكلم مع العريس و مشغول معاه محاولتش تدور على اياد و اتجهت لباب الخروج لقيت اللي بيشدها من ايديها
نارين بغضب : ابعد عني ..سيب ايدي
شدها بسرعة و دخلها قاعة فاضيه و قفل الباب كانت صاله رياضه
اياد : دلوقتي حالا هتقوليلي مين هو حبيبك يا نارين
نارين بغضب : وانت مالك فاكر نفسك مهم عندي عشان تعرف روح اسال اللي كنت بترقص معاها بتحب مين ايه دخلك بيا
اياد بعصبية : ملكيش دعوه بيها و جاوبيني
كانت هتمشي من القاعة شدها جامد من ايديها وصرخ : بقولك مش هتخرجي قبل ما تقولي بتحبي ميييييت
نارين بصريخ ووجع : و عايز تعرف لييييه
غمض عينه و قال بصريخ : عشان انا اتنيلت و حبيتك ...( زادت نبره صوته عصبيه وهو بيبص في عينيها المصدومة) ايوه انا بحبك يا نارين ........
كان عندي امتحان و الا مكنتش هتاخر عليكم الفترة دي كلها امتحانات ادعولي و محدش يزعل مني 💜
البارت ال 20 🖤🌑
" بدايتنا ...او لربما هي النهايه "
غمض عينه و قال بصريخ : عشان انا اتنيلت و حبيتك ( زادت نبره صوته عصبيه وهو بيبص في عينيها المصدومة ) ايوه انا بحبك يا ناررررين
فضلت عنيها تبربش مش مصدقة كلامه : ها ...انت ...بت..قول ايه
غمض عينه وندم أنه اتكلم و ساب ايديها و مشي قبل ما يسمع منها كلمه
قعدت نارين كانت رجليها مش شايلاها ضحكت ...و بعدها زادت ضحكتها و غمضت عينها تفتكر كلامه ضحكت اكتر و قامت فتحت الباب و خرجت تشوفه فين
لقيته عند باب الخروج راحت ناحيته و لسه هتتكلم لقيت ادم جاي عليهم سكتت
ادم بشك : انتوا الاتنين خرجتوا و سيبتوني كده في حاجه ولا ايه
اياد : روحوا انتوا الاتنين وانا هاجي وراكم
نارين بتسرع : لا انا هاجي معاك ..احم اقصد أن ...لازم اتكلم معاك عشان بابا انت يعني ..
استغرب ادم من كلامها المتقطع
اياد : انا مش قادر اتكلم هروح معاكم مش هروح في حته
ركبوا كلهم العربيه ادم بيسوق و اياد جنبه و نارين ورا
بص اياد في المرايه اللي في باب العربيه كانت نارين بتبص له و نبضات قلبهم بقت عاليه
" كيف سأجد طريق الهرب منكِ و قد ازداد قلبي تعلقاً بكِ "
ابتسمت نارين برقه له ولكنه أدار وجهه
وصلوا البيت كان حسن ماسك عمر بيضرب فيه و سهير قاعدة تعيط في الأرض و ماهر حاضنها هو سهير
دخل هتلر و بعدهم عن بعض
هتلر بعصبية : في ايه ...ازاي سايبهم يتخانقوا كده يا جدي
محمود الجد : خليه يضربه عمر يستاهل الضرب ده مش ابني
شافت نارين منظر امها جريت على عمر و مسكت فيه : انت عملت ايه في امي قولتلها ايه
شدها هتلر من عليه و مسك وشها بين كفيه : اهدي انا جنبك
دمعت عينها و راحت على امها قومتها : ايه اللي حصل عملك ايه
ضرب عمر حسن و جري على بره بسرعة ركب العربيه و مشي قبل ما يمسكوه
خدت نارين امها و طلعوا على اوضتها
هتلر لعمه حسن : حصل ايه اهدا كده و احكيلي
اتعصب حسن و طلع على اوضته
اتنهد هتلر و طلع وراه قفل الباب عليهم و قعد
هتلر : ها أنا سامع
حسن بعصبية و صريخ : الحيوان الحقير مغتصبهاش مرة واحده ده كمان كان عارف انها حامل في تؤام
اتصدم هتلر من كلامه : نارين ليها تؤام انت بتهزر طب فين تؤامها
دمعت عين حسن و انهار وفضل يكسر في اللي حوليه : لما عرف انها حامل سقطها و كل ده من غير ما حد يعرف ولا حتى هي نفسها تعرف و لما سقطت رجع يعمل قذارته تاني لمده 6 شهور وهو حقير معاها الحيووووووان
هتلر : انت عرفت كل ده منين
حسن : سمعته وهو بيكلم صاحبه الزبالة و بيقوله أن نارين مش بنته وأنه عارف ابوها مين
هتلر بغضب : مش بنته ازاي ..انت عملت تحليل
حسن بحزن و تعب : عملت و طلعت مش بنته بنسبه 99.99٪ مفيش اي علاقه بينهم و لحد دلوقتي مش راضي يقولي مين ابوها و سهير سمعتني وانا بواجهه بكلامه و قال إنه عمل كده و من وقتها وهي منهارة
قام هتلر بعصبية و خرج تليفونه : كفايه قرف الموضوع زاد عن حده هجيبه حتى لو راح المريخ
اتصل على رجالتة يدوروا على عمه عمر و يجيبوه حي او ميت
خرج من اوضه حسن راح اوضه سهير لقى ماهر واخدها في حضنه و بيعيط على عياطها و نارين ماسكه ايديها و مش فاهمة حاجه شاور لمروة
خرجت مروة برا وهي حزينة : نعم في ايه
هتلر : مين كان قريب ليكم غير أعمامي في الفترة دي
مروة بحزن : مكنش في حد غيرهم و عمي محمود كان دايما يزور سهير و يجيبلها حاجات حلوه انا اتصدمت من الكلام انا اختي اتعرضت لظلم كبير اوي ازاي طفله حملت و سقطت و حملت تاني من حد تاني ياربي على كسره القلب و الذل
كانت بتتكلم وهي بتعيط و منهارة
حط أيده على كتفها : كل واحد هياخد اللي يستاهله بس بالتفصيل انا محتاج عنوان المستشفى اللي كانت فيها و رقم التليفون ضروري
مروة : حاضر بس هتعمل ايه اساعدك
هتلر : هاتي دول وانتي كده تبقي ساعدتيني
وهو بيتكلم معاها جاله تليفون أنهم مسكو عمه عمر بس ميت ..عمل حادثه بالعربيه في الجبل و مات
غمض عينه بغضب و نزل لجده تحت قاله
في اليوم التالي
أدفن عمر في مدافن العيله و كلنا مراته قاعدة على كرسي مش مستوعبه اللي حصل هي و بناتها وعماله تعيط
مخرجتش سهير من اوضتها من وقت اللي سمعته جاتلها حاله هلع و رعب و كل اللي بتعمله بتعيط و نارين قاعدة جنبها
رجع الكل من الدفنه وهما مش عارفين هما زعلانين على موته ولا على أفعاله القذرة
طلع حسن لاوضه سهير فتح الباب اول ما شافته جريت عليه حضنته و انهارت
قامت نارين خرجت بره من امبارح وهي مغيرتش لبسها دخلت اوضتها لبست بنطلون واسع و بلوزه زرقة و حجاب اسود و خرجت تاني خبطت على اوضه هتلر مكنش في حد في الأوضه نزلت تحت لقيته واقف بيكلم حد في التليفون فضلت واقفة وراه
لف اياد : نارين انتي كويسه مالك واقفة ليه كده
نارين بتوهان : انا ..مبقتش فاهمة حاجه انا بقيت بنت مين كده
مسك ايديها قعدها على الكرسي و قعد قدامها : نارين مش مهم انتي بنت مين المهم انتي نفسك مين و ايه
نارين : وانا ايه ..ولا اي حاجه واحده مش متعلمه من غير اب جايه من الزنا انا بقيت ايه كده
زعل اياد من كلامها بس حاول ميبينش رفع ايديها و باسها : انتي اغلى حاجه عندي انتي البطله اللي مخافتش تموت انتي اللي دايما بتحمي امك من اي حاجه حتى علاقتك بربك تخليكي تبقي احسن مننا كلنا
نارين بتعب : اياد انا بحبك ..بحبك لدرجه اني عايزة احضنك واعيط وانا مبحبش اعيط مبحبش اكون ضعيفة بس مش هخاف اظهرلك ضعفي لاني بحبك
" لن ابكِ الا معك ..ف والله لا يستحق احدا سواك رؤية انهيار قلبي و كسرته و ضعفه وقله حيلتي لأنني اعلم انك الوحيد من سيحاول أن يجمع شتاتُ قلبي من جديد "
ابتسم اياد و قرب من ودنها وقال بهمس : طب لو قولتلك اني هحضنك في يوم من الايام و هقول دي بتاعتي لوحدي
ضحكت نارين بهدوء : قربك حلو اوي خليك قريب كده دايما
بعد عنها شويه و قرصها من دقنها : اضحكي كده وانتي قمر يا بنت القمر
عمر اخو اياد من وراهم قال بحده : اياد عايزك ضروري تعالى ورايا
خرج اياد مع اخوه و قامت نارين خرجت برا البيت تتمشى بره بعيد عن تعب البيت فضلت ماشيه كتير بعيد عن البيت لقيت
كرسي راحت قعدت عليه و كانت عايزة تعيط بس كل ما تفتكر كلامه اياد تبتسم و تيجي عليها راحه و هدوء غمضت عينهيا بس الغريب أنها حست أن في حد وراها الظل بتاعه فوق منها فتحت عينيها بس مقدرتش تشوف حاجه لانه ضربها على رأسها بالمسدس و شالها و مشي ......
جاهزين تشوفوا اغاريس ؟
البارت 21_22من هنا
تعليقات
إرسال تعليق