 |
بارت 20/21 اختطاف ولكن للكبار 🔥🔥 قبل الا خير
ماتنسوش التفاعل ومتابعتي ليصلكم الجديد
دفعها بعنف علي الفراش وهو يقول : حسابك معايا لماارجع....نظر اليها ثم اكمل بوعيد : لو رجلك عتبت برا البيت متلوميش غير نفسك....
غادر بخطي غاضبه والدماء تغلي بعروقة كلما تذكر كلمات هذا الحقير لها... ..
كانت حور تبكي بشدة كلما فكرت بما سيحدث فسليم لن يتهاون في قتل ادم وبالرغم ممافعله الا انه لايستحق القتل فقد كانت لحظة ضعف منه وقد نال عقابه...
مسحت دموعها بظهر يدها تنظر حولها تفكر ماذا ستفعل لمنع تلك الكارثة....
ثم بحثت عن هاتفها لتتذكر انها تركته لدي والدها لتستند بيدها علي سور الدرج تنزل ببطء والم قدمها يزداد حتي وصلت للاسفل لتفتح الباب تنادي الحارس.... اسرع حسين تجاه حور بسرعه فقد رأي سليم يغادر قبل قليل ووجهه لايبشر بالخير ليحاول اتباعه ولكن هدر به سليم بغضب : مكانك ومحدش يطلع ولا يدخل البيت...
اومأ قائلا : اوامرك ياسليم بيه
لابد وان هناك شئ، ما..حدث حسين نفسه وهو يري حور الباكية.... لتقول حور :اطلبلي عمي رسلان بسرعه
امتثل حسين لطلبها ليخرج هاتفه من جيبه طالبا رسلان لتأخذ الهاتف قائلة ببكاء : الحق ياعمي سليم بسرعه راح لادم وعاوز يقتله
انتفض رسلان من مكانه قائلا بهلع :انتي بتقولي اية ياحور... اية اللي حصل؟
قالت ببكاء : المهم الحقه الأول ياعمي..
اسرع رسلان يتناول عباءته ويركض تجاه الباب لتسرع وفاء نحوه بقلق : في أية ياحج
لم يجب عليها هادرا في سائقه : عبد الصمد... انت ياواد اتحرك بسرعه
اسرع عبد الصمد يستقل السيارة ليركب رسلان قائلا : بسرعه علي قصر سلطان
...
فركت وفاء يدها بقلق من خروج رسلان بتلك الطريقة بعد مهاتفه حور له لتحاول الاتصال علي هاتفها ولكن لم يجيب احد.....
.....
اقتحم سليم بوابة قصر عمه ليندفع خارج سيارته والغضب يعميه..... ماان راه سلطان الذي كان واقف بانتظاره بعد ان رأي حاله ابنه الذي اوصله احد حراس قصر عدنان ليهلع حينما راه غارق بدمائة... اية اللي حصل ؟
قال الحارس باقتضاب : اتخانق مع سليم بيه زم سلطان شفتيه فما خشاه قد حدث ولابد ان ادم قد فعل شئ نكر حتي يفعل به سليم هذا ليأمر رجاله بحمله للاعلي واستدعاء الطبيب الذي ضمد جراحة وجبر يده ...
نظر سلطان لابنه بغضب : برضه عملت اللي في دماغك ورحت
ظل ادم صامت ليندفع اليه سلطان مزمجرا بغضب : عملت اية خليت سليم يعمل فيك كدة.... اوعي تكون جبت سيره مراته
نظر له ادم بسخريه قائلا : جبت سيرتها..!! لا انا قلتلها تسيبه وتيجي تسافر معايا
اطلق سلطان السباب من بين شفتيه :يا نهار ابوك اسود.... ازاي تهبب كدة انت اتجننت
قال ادم بجنون : اه اتجننت هو حلال ليه يخطفها وهي خطيبتي وتجوزوها ليه وانا حرام..... قاطعه ابيه : أخرس... دي مراته عارف يعني اية مراته...
ازاي تتجرأ وترفع عينك فيها وكمان تقولها كلان زي ده.....
وبعدين لما انت راجل اوي كدة موقفتلوش لية يومها واخدتها منه بدل مانت رايح زي ال..... تبص لمرات ابن عمك... نظر اليه باشمئزاز : أخص عليك وعلي تربيتك... والله لولا انك ابني كنت انا خلصت عليك بأيدي ...
التفت تجاه احد رجاله الذي هرع نحوه : الحق ياسلطان بيه سليم بيه جاي علي هنا
: افتحوا له البوابة ومحدش يقربله انا نازل
التفت الي ادم الذي هم بالنزول ليقول بغضب : رايح فين يا.....
قال بغل : نازل لسليم وواحد فينا يخلص علي التاني
أمره والده بحدة : مكانك.... مانت عارف ان هو اللي هيخلص عليك.. مش شايف عمل فيك اية... اقترب منه قائلا بتحذير : انا اللي هنزله وانت تفضل هنا وإياك تنزل انت فاهم
: هستخبي زي النسوان..
قال والده باشمئزاز وهو يغادر : ماهو اللي عملته.. مش عمله راجل..
تركه ونزل مسرعا تجاه سليم الذي اقتحم البوابة.... ماان نزل سليم حتي أشهر سلاحه مزمجرا بغضب : ابنك فين؟
أشار سلطان لحراسه بالتراجع ثم قال مهدئا : نزل سلاحك ياسليم وتعالي نتكلم
قال سليم بغضب : مفيش بينا كلام.. ابنك غلط وهيدفع تمن غلطته
اقترب منه سلطان قائلا : عارف ياسليم انه غلطان وغلط كبير اوي كمان... حقك عندي بس نزل السلاح وتعالي نتكلم
اقترب سلطان منه يحاول اخذ سلاحه ليبعد سليم يده بعصبيه فيقول سلطان مهدئا : مكنش يقصد ياسليم..
زمجرا بغضب : يقول لمراتي الكلام ده وتقولي مكنش يقصد ده انا هشرب من دمه انه فكر بس يقرب ناحيتها
وصل رسلان بنفس اللحظة لينزل مسرعا من سيارته تجاه سليم الذي وقف امام عمه ليقول سلطان : كويس انك جيت يارسلان... خلي سليم ينزل سلاحه ونتكلم
التفت اليه رسلان : في أية ياسليم؟
زم سليم شفتاه بغضب ليخبر سلطان رسلان بماحدث ليهدر رسلان بغضب : ده اتجنن علي الاخر...
قال سلطان : عيل طايش وهي وقفته عند حده...
قال رسلان باستنكار : وهو ازاي يفكر يقرب لها اصلا
قال سلطان بهدوء :عارف يارسلان انه غلطان ويستاهل الدبح كمان.
قال سليم بعنفوان : يبقي توسع ياعمي من طريقي
قال سلطان برجاء : كفاية اللي عملته فيه ياسليم ... عشان عمك سامحه
بس ده ابني برضه ومينفعش اسيبك تأذيه اكتر من كدة
هز سليم راسه بغضب لاشئ قادر علي اخماد هذا الغضب سوي قتل هذا الحقير الذي تجرأ علي لمسها
تابع عمه :هو خلاص كلها كام يوم وهيتجوز ويسافر مع مراته ومش هتشوف وشه تاني ياسليم..
قالت عاليه التي استمعت لهذا الحوار : لا ياسلطان ابنك هيسافر لوحده..
التفت اليها باستفهمام لتكمل : بعد اللي ابنك عمله خلاص الخطوبة انتهت
قال سلطان : ياعاليه متكبريش الموضوع
قالت بحزم : الموضوع خلص.. انا مش هجوز بنتي لواحد بيفكر في غيرها.... خليه يسافر وبشوف حياته بعيد عن بنتي وهي ربنا يبعتلها واحد عاوزها..
انصرفت عاليه وقلبها يتمزق لكسر فرحة ابنتها ولكنها فعلت الصواب فالان افضل من المستقبل...
احني سلطان راسه بخيبه امل بأبنه الذي صغره امام الجميع ليكتفي سليم بأن
يهدر بغضب محذر : المرة دي كفاية عليه اللي حصله بس المرة اللي جاية يبقي يفكر بس يهوب ناحيتها عشان هخلص عليه في ساعتها..
اومأ له سلطان ليقول رسلان : مفيش داعي حد يعرف حاجة عن اللي حصل مش ناقصين فهد وفارس يكملوا عليه...
انصرف سليم بخطوات تنفث النيران ليشير رسلان لعبد الصمد باتباعه ليستقل سيارة سليم الذي كان يقود وكل عروقة مازالت تنتفض بالغضب..
اخذ رسلان نفس عميق ثم قال : خلاص ياسليم محصلش حاجة.. عيل وعرف غلطته
نظر له سليم بطرف عيناه قائلا بحدة:ابن الكلب ده لو مكنتش جيت وقتها كان عمل اية
قال رسلان بغضب : مكنش عمل حاجة... هو كان يقدر يقربلها
قال باندفاع : وهو كان اية وقفها معاه اصلا...
قاطعه رسلان.. سليم.. انت اتجننت.. البنت كانت في بيت ابوها وهو اللي أتعرض لها ومراتك صدته...
مرر سليم يده علي وجهه بعصبيه ليزجرة رسلان : اوعي تكون عملتها حاجة...
ظل صامت ليقول رسلان : انا جاي معاك لما اشوف عملتلها اية.. والله ياسليم لو قالت انك اتعرضت ليها لو بكلمة لانا اللي هقفلك
ظل سليم صامت لايجيب فهو قد غاب تعقله بمجرد رؤيه ذلك الحقير واقف معها يمسك يدها بتلك الطريقة.. ولكنه بالتاكيد لم يقصد اتهامها بشئ فقط أعمته الغيرة ... اوقف السيارة وخرج منها ليتبعه رسلان الذي قال : اطلع لها وراضيها بكلمتين يلا...
زفر سليم بضيق وصعد تجاه الغرفة يهديء من غضبه الذي لم يلبث واستعر بضراوه
حينما لم يراها بالغرفة... لقد نفذت تهديدها وتركت المنزل... نزل وعيناه تومض شرزا فهو لن يمرر لها كسرها لكلمته
قطب رسلان جبينه ناظرا اليه وهو يهدر بحسين بغضب : انت يازفت... الست فين
قال حسين متعلثم... مش عارف ياسليم بيه
امسكه سليم من تلابيبه صائحا : انا مش قلتلك محدش يطلع ولايدخل..
نكس راسه فازاحه سليم من امامه مزمجرا ; مشغل نسوان اوعي من قدامي..
: رايح فين؟
قال سليم بعنفوان : رايح اجيبها واوريها ازاي تسيب البيت من ورايا...
استقل رسلان بجواره السيارة قائلا باستنكار : يعني بعد الكلام الماسخ اللي قلته ليها عاوزها تقعد تستناك..
قال سليم بحدة : اه تقعد عشان.. انا قلت كده
..................
قبل قليل كان القلق قد
بلغ مبلغه لوفاء التي اسرعت أمره السائق باخذها لبيت سليم فلااحد يجيب عليها ومكالمه حور لرسلان وخروجه بتلك الطريقة يخبرها بأن شيئا ليس جيدا حدث لابنها....
تعكزت حور علي المقاعد وهي تتجه لفتح الباب الذي تعالي رنينه لتتفاجيء بوفاء التي ارتسم الهلع علي وجهها لرؤية حور باكية بهذا الشكل... اية اللي حصل.. فين سليم...
بشهقات متلاحقه اخبرتها حور بماحدث لتتنفس وفاء الصعداء بعد ان اطمانت ان ابنها بخير هو فقط سيعطي درس لادم لتجرأه علي فعلته قائلة : متقلقيش.. رسلان اكيد حصله ومش هيخليه يعمله حاجة... مع انه يستحق الدبح.. ازاي يفكر يقولك كدة اصلا..
...
كانت فرح تفرك يداها بتوتر تريد أن تعرف ماحدث بينهم تموت قلقا علي حور
ليقول فهد بقلق ; مالك يافرح.. من ساعه مارجعت وانتي مش علي بعضك
اخذت نفس عميق ثم قالت بتوجس: فهد... بصراحة.. كنت عاوزة اقولك
قال فهد بنفاك صبر ; قولي في أية يافرح
: اصل حور راحت تطمن علي المهرة وفجأه سمعت صوت خناق طلعت اجري لقيت سليم بيضرب ادم و.... قاطعها وقد انتفض من مكانه : ادم..
هزت راسها ليقول : وحور... كانت فين
قالت بتوتر : كانت واقفة بتعيط وسليم اخدها ومشي
اندفع فهد خارجا لتركض فرح خلفه : استني يافهد انت رايح فين؟
قال بغضب : رايح اشوف في أية؟
....
طوال الطريق الي منزل عدنان وسليم يتوعدها بأشد عقاب علي خروجها وكسرها كلمته وقد فشلت محاولات رسلان بتهدئته... كان فهد يندفع خارجا بنفس لحظة دلوف سليم للقصر ليقف فهد امام سليم الذي قال بغضب : حور فين؟
اتسعت عينا فهد بصدمه : انت بتقول اية؟
قال سليم بغضب : بقول فين حور.... اختك سابت البيت من ورايا
قال فهد بلا فهم: حور معاك.... انت اخدتها من هنا
انصدمت ملامح سليم وفهد للحظات قبل ان
يندفع كلاهما يهدر برجاله للبحث عنها حينما اتجهوا تجاه قصر فواز الذي انصدم كليا بما سمعه عن اختفاء حور.... طار عقله كليا.. فهي ليست عند والدها ولا عند جدها.. الي اين ذهبت.. سيجن بالتاكيد..!!
قال رسلان وهو يري سليم سيجن : اهدي ياسليم خلينا نعرف نتصرف
قال بجنون : انا هشرب من دمها.... قاطعه رسلان محذرا : وبعدين ياسليم
: وبعدين اية.... راحت فين..؟ سابت البيت في نص الليل وراحت فين...
اكمل متوعدا : هجيبها لو كانت فين... بس ساعتها هتشوف مني اللي عمرها ماشافته.....
...........
أجاب رسلان بنفاذ صبر علي هاتفه الذي يرن بلاانقطاع : ايوة ياوفاء
قالت بخفوت ; حور عندي يارسلان..
قال : انتي بتقولي اية...؟
: اللي سمعته...
حبت تأدب سليم وتخليه يتجنن لما يعرف انها سابت البيت ومش عند ابوها كمان.. هاته وتعالي
..... اعلموا الجميع بأن حور بخير وأنها مع وفاء...
وصل رسلان ليتجه نحو وفاء قائلا : اية اللي حصل
أخبرته وفاء بماحدث حينما ذهبت لحور للاطمئنان عليها ولكنها أصرت علي ترك المنزل بعد حديث سليم لها بتلك الطريقة واتهامه لها لتقول : حكمت دماغها وانا شايفة عندها حق.. قلتلها بدل ماتروح لابوها والموضوع يكبر تيجي هنا وانا وانت هنجيب حقها...
قال بعدم رضي : برضه مكنش ينفع تسيب البيت من وراه
قالت مدافعه ; ابنك زودها.. وهي واخده علي خاطرها وليها حق.. وبعدين هي جت معايا يعني مراحتش لحد غريب
اومأ لها رسلان قائلا : المهم ابنك يعرف كدة ....
قالت : كلمه انت وفمهه انه مكنش يصح يقول لمراته اللي قاله
اومأ لها موافقا لتقول : انا هطلع اشوفهم
....
اندفع سليم تجاه الغرفة بغضب مشتعل ليفتح الباب بقوة ناظرا اليها... اجفلت حور من نظرته ولكنها تظاهرت بالشجاعه وهي تقول : انت اية اللي جابك هنا..؟
صفق الباب خلفه متجها نحوها ليقول بغضب : انتي ازاي تخرجي من ورايا
قالت بغضب : وانت كنت عاوزني اقعد معاك بعد اللي قلته
قال بحدة : اه تقعدي... طالما انا قلت كدة
احتقن وجهها بالدماء قائلة بغضب : لا طبعا انا مش خدامه عندك عشان تذلني... هزت راسها وقد تجمهت الدموع في عيونها : انت اتهمتني مع اني حكتلك اللي حصل ... قاطعها حينما اختنق صوتها بالدموع قائلا : كنتي عاوزني اعمل اية لما اشوف الحيوان ده ماسكك كدة...
اشاحت بوجهها قائلة بغضب: من دلوقتي ملكش دعوة بيا... وتطلقني فورا..
اتسعت عيناه بصدمه لتكرر بغضب : طلقني ياسليم
بلحظة كان يقبض علي ذراعيها بعنف وقد اعماه الغضب فور نطقها بتلك الكلمه في هذا الوقت تحديدا ليقول بفحيح مرعب: قلتي اية؟
قالت بتحدي : اللي سمعته... مش انت بتشك فيا يبقي تطلقني..
دفعها بقوة لتقع علي الفراش وهو يقول بغضب : اخر مرة تنطقي الكلمه دي علي لسانك..
طفرت الدموع من عيونها من معاملته القاسية لها علي هذا النحو لتصرخ بألم من قدمها التي ساءت حالتها كثيرا....
قبض علي يده بغضب واوجعه قلبه حينما رأي دموعها المتالمه ليقترب نحوها وينحني نحو قدمها يحاول رؤيتها لتجذبها من يده بقوة قائلة من بين دموعها : متلمسنيش...
تجاهل رفضها وامسك بقدمها يتفحصها لتصرخ من الألم
مرر يده علي وجهه بعصبيه يلعن غضبه وقسوته عليها حينما رأي قدمها وقد تورمت بشده.. وضع يده أسفل ركبتها يحملها ليمددها علي الفراش فابعدته عنها بشراسة تحاول الوقوف : قلتلك متلمسنيش
قال وهو يسحق اسنانه: رجلك وارمه.. مش هتقدري تدوسي عليها
هدرت بغضب ودموعها تحرق وجنتيها : ملكش دعوة بيا.... ازدادت دموعها انهمارا وهي تتذكر جذبه لها بقوة ودفعه لها لتقول :وبعدين ماهو كل ده بسببك...
تذكر قسوته عليها لتلين نبرته يتطلع لدموعها المنهمرة قائلا ; مكنش قصدي.... انا اتجننت ومشفتش قدامي... مرر يده علي شعرها بحنان لتدفع يده بعيدا : ابعد عني..
تجاهل غضبها ورفضها واحكم قبضته حولها يحملها حينما رآها وقد حاولت التحرك خطوة لتصرخ من الألم.... مددها برفق علي الفراش
ثم خرج من الغرفة صاءحا بازهار لتحضر الطبيبه.....
...
اخذ فهد يذرع الغرفة ذهابا وايابا منذ عودته لايستطيع المكوث اكثر يريد الاطمئان علي حور لتربت فرح علي كتفه برفق قائلة :انت قلقان لية يا حبيبي ..مش هي عند ماما وبابا وانت كلمتها ولقيتها كويسة
اومأ لها قائلا : خايف سليم يضايقها
هزت راسها : لا طبعا سليم هيعمل كدة لية
قبض يده بغل : ابن الكلب ادم ده والله لاوريه ازاي يفكر يقرب من اخت فهد الهاشمي
ربتت علي كتفه قائلة : اهدي ياحبيبي... خلاص ده سليم كسر عضمه
قال بحدة : يستاهل... ده لو وقع تحت ايدي..
جذبته من يده برفق لتجلس علي الفراش وتضع راسه علي صدرها قائلة : فهد حبيبي ممكن تهدي....
أحاطها بذراعه القوية واستلقي علي صدرها يستشغر الهدوء فيما تمرر يداها بخصلات شعره...
انتهت الطبيبة من فحص حور لتقول بعدم رضا : الهانم ضغطت كتير اوي علي رجلها وطبعا ده زود الحالة سوء .... دلوقتي هديها شوية مسكنات عشان الوجع يروح.. والدهان ده تدهن منه تلات مرات وممنوع الحركة تماما لمدة أسبوع ..
اومأ لها سليم الذي ما أن انصرفت الطبيبه
حتي حاولت النهوض ليوقفها مقطبا جبينه : انتي مسمعتش الدكتورة قالت اية
قالت بحدة :ملكش دعوة بيا...
توجهه نحوها يعيدها للفراش بنفاذ صبر لتقول بغضب ; سبيني عاوزة اغير هدومي..
إعادتها للفراش ثم توجهه للخزانه لإحضار ملابس لها واتجه ناحيتها قائلا : خليكي مكانك وانا هساعدك
مد يده لمساعدتها لتجذب الملابس من يده بقوة قائلة بجفاء : سيبهم واطلع برا
: هساعدك
قالت بحدة : مش عاوزة منك حاجة
طرقت وفاء الباب ودخلت وخلفها الخادمه لتضع الطعام علي الطاولة قائلة : يلا ياحور اتعشي ياحبيبتي عشان تاخدي الدوا
اومات لها لتقول وفاء : عاوزة حاجة تاني يابنتي
قالت حور بتردد: طنط لوسمحتي ممكن تساعديني اغير هدومي
قالت وفاء بترحيب ; طبعا...
جز سليم علي أسنانه من عنادها لتقترب منها وفاء تساعدها لتعتدل... لتوقفها حور قائلة : خليه يطلع برا الاول
اغتاظ سليم من كلماتها ليهز راسه قائلا بتصميم : مش هخرج
قالت وفاء : ريحها ياسليم واسمع الكلام...
زفر بضيق لا يستطيع الغضب عليها أكثر مما فعل اليوم كما أن والدته تحميها ليتناول ملابسه من الخزانه متجها بغضب للحمام..... ماان دخل حتي التفتت لها وفاء تساعدها قائلة : زي مافهمتك ياحور تاخدي حقك منه... بس خدي بالك و متزوديهاش
اومات لها حور لتتذكر حينما أصرت علي ترك المنزل فيما تدخلت وفاء واقفة بصفها لكنها ايضا لاتريد خلق فجوة بينهم....لتخبرها بكيفيه اخذ حقها منه ومعاقبته علي مافعل معها... فابنها عنيد وابدا لن يعترف بخطأه..
ربتت وفاء علي يدها قائلة : واهو جه موضوع رجلك ده في الوقت المناسب... عشان يحس بالذنب..
يلا تصبحي علي خير.... انا هخلي منيرة صاحية عشان لو احتاجتي حاجة...
ماان رأته يخرج من الحمام حتي اشاحت بوجهها بعيدا لتجده يتجه نحوها ويجلس قبالتها... مال بجسده يلتقط احد الوسادات الصغيرة الموضوعه بجانبها ثم وضعها بجواره وامسك بقدمها لتسرع محاولة نزعها منه ولكنه امسك بها بحذر قائلا بصوت اجش : اثبتي خليني ادهنلك رجلك زي مالدكتورة قالت...
لم تستمع لكلامه وحاولت مجددا سحب قدها ليميل نحوها يثبت ركبتها بجسده فيما التقط علبه الدهان من جواره وبدء بوضعها علي قدمها لتعض علي شفتيها مضطرة للاستسلام بعد ان اتعبها ثقل جسده... لاحظ استلامها ليعتدل ويبعد جسده عنها ويبدء بتدليك قدمها بحركات دائرية ناعمه... ماان لمس قدمها حتي شعر بسخونه جسده فيما تتحرك عيناه علي قدمها التي اظهرتها منامتها بسخاء كما حرصت وفاء لتجعلها فاتنه بعفوية فتدفعه ليزيل الجفاء بينهم لحبه ورغبته بها..... اغمضت عيناها تحاول الهاء تفكيرها عن لمسته الناعمه لها..
. فأستغل سليم الفرصة ليمرر يده بحرية علي قدمها الناعمة لتثقل انفاسة مقتربا منها....فتحت عيناها مسرعه علي حركته تلك لتنظر اليه بارتباك وهووينظر اليها بنظراته الراغبة... سحبت قدمها من يده بقوة قائلة بحدة: كفاية انا بقيت كويسة
تحرك ليغسل يده من آثار الدهان ثم عاد نحوها ليضع الطعام امامها ولكن دون قول شئ،... تناولت بضع لقيمات من يده علي مضض ليبعده ثم يعود اليها ليضع بين شفتيها حبه الدواء... خفضت راسها نحو يده الممدوده تتناول حبه الدواء لتلامس شفتاها أطراف اصابعه لتشعل النيران بجسده اكثر.... حرك جسده سريعا يلتقط كوب الماء يعطيه لها لتشرب الدواء...
ثم أعاد الكوب لمكانه قائلا : عاوزة حاجة تاني هزت راسها دون قول شئ
لتجده يلتف حول الفراش ليجلس بجوارها ..لتقول حور بحدة ; انت بتعمل اية؟
فتح الغطاء قائلا : هنام
قالت بحدة : ومين قالك انك هتنام جنبي اصلا؟
قال بأستهجان ; نعم... امال عاوزاني انام فين؟
قالت ببرود : في اي حته بعيد عني...اوعي تكون فاكر اني عشان مردتش لأهلي كدة الموضوع خلص.. لا انا بس سكت عشان الموضوع ميكبرش بس انا مش عاوزة اشوفك اصلا بعد اللي عملته فاتفضل بقي شوفلك اي مكان بعيد عن هنا والا همشي انا
قال بحدة : تمشي تروحي فين ان شاء الله
قالت بغضب : اي حته متكنش فيها
زفر بنفاذ صبر : بقولك اية ياحور احسنلك تبطلي تستفزيني عشان انتي عارفة ان عصبيتي وحشة وانا مش عاوز اعمل حاجة تضايقك... مش عشان اتعصبت عليكي بكلمتين هتسوقي فيها... انا مغلطتش اية كنتي عاوزاني اعمل اية وانا شايف الحيوان ده جنبك.
احتفن وجهها بالغضب قائلة : لا غلطان... عشان انت المفروض واثق فيا
قطب جبينه قائلا ; طبعا واثق فيكي والا مكنتيش، هتبقي علي ذمتي لحظة....
: ولما انت واثق فيا قلتلي الكلام ده لية
قال بنفاذ صبر : قلتلك اتجننت ومفكرتش... اقترب منها ومازال محتفظ بنبرته الغاضبه : اشكري ربنا اني مقتلتكوش انتوا الاتنين.... انا ممكن استحمل اي حاجة... الا ان حد يبصلك بس بصة.. ساعاتها ههد الدنيا
اشاحت بوجهها : ميهمنبش اللي بتقوله... انت دلوقتي تشوف حته تنام فيها عشان انا تعبانه وعاوزة انام بدل مااقوم انا
بارت 21***
اشاحت بوجهها : ميهمنيش اللي بتقوله... انت دلوقتي تشوف حته تنام فيها عشان انا تعبانه وعاوزة انام بدل مااقوم انا....
قال بتحذير : حور بطلي جنان
هتفت باندفاع : مش هبطل جنان طول مانت مش معترف انك غلطت في حقي
قال بغضب اعمي : ولا هعترف..عشان انا مغلطتش.... واسمعي بقي انا مش طايق نفسي فبلاش تستفزيني اكتر من كدة..
اختقن وجهها بالغضب قائلة : وانا مش طايقاك...
اقترب منها ممسك يدها بقوة قائلا : انا مش هحاسبك علي الجنان ده عشان انتي تعبانه.. بس مسيري اقصلك لسانك ده ياحور..
اشاحت وجهها عنه قائلة ببرود : يلا بقي اتفضل اطلع برا عشان انا تعبانه وعاوزة انام..
ترك يدها بغيظ قائلا : انا هطلع بس عشان جبت اخري ومش عاوز اتهور عليكي.......
انصرف وكل انش به ينفر بالغضب فهو يغار وبشده وهي تفهم غيرتها بأنها عدم ثقة..... ربما هي محقة ولكن اي ذره عقل لدية قد اختفت امام نيران غيرته..... وهي لم تكن بأقل منه غضب من شخصيته الصعبه وراسه اليابس الذي يابي الاعتراف بخطأه........
دفن فارس راسه بعنق وهج يطبع عليه قبله منتشيه بعد ان هدات وتيره أنفاسه بعد لقائهم الشغوف لتمرر وهج يدها علي صدره العاري مغمغه : بحبك اوي...
ضمها اليه قائلا : وانا بموت فيكي...
همست له : بجد يافارس
داعب وجنتيها قائلا :طبعا ياقلب فارس
اعتدلت قليلا مستنده بمرفقها علي صدره قائلة : هو انا لو طلبت منك حاجة هتوافق
ابتسمت لها.. اطلبي اللي انتي عاوزاه...
عضت علي شفتها السفلي ثم مالت تجاه اذنه تهمس ببعض الكلمات..... جعلت ابتسامه فارس تتلاشي ببطء حتي اختفت وتحولت ملامح وجهه...
ابتعدت ناظره اليه برجاء ليعتدل جالسا مقطب جبينه قائلا : لا ياوهج... انتي عارفة رأي في الموضوع ده..
احاطت عنقه بذراعيها في محاولة منها التأثير عليه : عشان خاطري ياحبيبي...
قال محاولا التحكم بنبرته : لا يعني لا ياوهج.. احنا حياتنا كويسة والحمد لله عندنا سليم.. والموضوع ده قفلناه خلاص
ضيقت المسافة بين حاجبيها : بس انا نفسي يبقي لسليم اخ او اخت....
قال بتحذير : وهج...!!
هددت دموعها بالانهمار ليقترب منها قائلا بصوت رفيق : وهج حبيتي بصيلي...
رفعت اليه عيونها ليقول بهدوء : انا مش مستعد اعرضك للوجع اللي حستيه قبل كدة عشان اي حاجة في الدنيا... وحتي لو مكنش عندنا سليم.. كنت هبقي مبسوط كفاية عليا انتي في حياتي
انهمرت دموعها لتقول بصوت مختنق : وانا بحبك ونفسي يبقي عندي ولاد كتير منك
ضمها اليه قائلا بحنان: مش علي حساب صحتك
: مايمكن ميحصلش حاجة وربنا يكرمنا..
هز راسه قائلا : مش هغامر ياوهج... مش مستعد اشوفك في الحالة دي تاني
قالت باصرار : انا عاوزة اغامر... انا موافقة..
الدكتور قالي ممكن احاول تاني لية بقي عاوز تحرمني من الفرصة دي..
اقتربت منه راجيه : عشان خاطري يافارس واوعدك اني لو محصلش مش هزعل وهنسي الموضوع خالص ومش هتكلم فيه ابدا
قال بنفاذ صبر : لا ياوهج
: لا لية
: عشان انا مش موافق وده اخر كلام عندي... حمل تاني مش هسمح بيه ياوهج فاهمه
قال كلماته وانصرف بغضب لتبكي وهج بحزن وهي تتذكر ماحدث..... فقد حملت بعد ولادتها لسليم ولكن لم يكتمل الحمل واجهضت وقد تكرر هذا الأمر مرتين بعد ذلك خلال العامان الماضيان كلما حملت لايكتمل الحمل لذا قرر فارس ان يكتفوا بسليم خاصة بعد سؤ حالتها الصحية والنفسية بعد كل ماتعرضت له.. انها تعلم قلقه وخوفه عليها لأنها كانت بكل مرة تنهار ولكنها ايضا تريد أن يصبح لها أطفال اخرين... تحبه وتريد ان تسعده وتنجب له الكثير من الأطفال.... لقد أخبرها الطبيب بأنها يمكنها المحاولة... لماذا يرفض ان يتركها تحاول...............
طرقت وفاء الباب ثم دخلت لتجد حور قد استيقظت : صباح الخير ياحور
ابتسمت لها : صباح الخير ياماما..
نظرت وفاء حولها قائلة : امال فين سليم؟
زمت حور شفتيها قائلة : نام في اوضة تانية..
قطبت وفاء جبينها قائلة : هو سابلك الأوضة..
هزت حور راسها : لا انا اللي قلتله يمشي
لوت وفاء شفتيها بعدم رضي : انا مش قالتلك متزوديهاس ياحور....
هتفت مبررة : يا ماما اهو اللي حصل بقي.
.... كانت علي وشك التحدث ليفتح سليم الباب ويدخل.... تجاهل حور قائلا : صباح الخير ياماما..
: صباح الخير ياحبيبي
اتجه للخزانه ليتناول ملابسه ثم توجهه للحمام لتلتفت لها وفاء بصوت خفيض : اية اللي معصبه كدة اية اللي حصل ؟
اخبرتها بماحدث لتزم وفاء شفتيها قائلة : معلش ياحور... هو بس دمه حامي وزودها بس ده حب
قالت حور باستنكار : حب!
قالت وفاء مؤكدة : ايوة طبعا.. بيحبك وبيغير عليكي..
: بس ده مش واثق فيا..
: ثقة اية وكلام عبيط اية .. ياحور ياحبيتي سليم متعصب ومش عارف بيقول اية... وكلها كام يوم ويهدي ويصالحك..
...
...
بلحظة اندفاع غاضبه تركت وهج المنزل واتجهت لمنزل ابيها لتستقبلها وفاء بقلق وهي تري الدموع في عيونها.......
: وهج... مالك؟
استمعت وفاء لابنتها التي كانت تبكي لتضمها اليها تربت علي كتفها غير مصدقه ان كل هذا تحملته ابنتها
وهي بعيدة عنها... : بس ياحبيتي.. اهدي وكل حاجة هتبقي كويسة...
: هتبقي كويسة ازاي وهو رافض اي كلام في الموضوع ده...وانا هتجنن ونفسي اجيب اخ أو اخت لسليم... ده انا حتي بطلت اخد الحبوب من ساعة مارجعنا وقلت هيفرح اوي لما اقوله اني نفسي نخلف تاني الاقيه يقولي اللي قاله.. انا عاوزة اتطلق
هتفت وفاء بهلع : تطلقي اية... تفي من بوقك... فارس بيحبك وخايف عليكي...
: خايف من اية... الدكتور طمني..
صمتت وفاء بضع لحظات تفكر ثم قالت : طيب اهدي دلوقتي واصبري لما نشوف هيعمل اية لما يعرف انك سبتي البيت... ..
......
.......
.. ؟
عاد فارس ليجدها قد تركت المنزل وغادرت ليجن جنونه... نزل الدرج بخطوات غاضبه ليقول فهد بقلق : في أية يافارس مالك؟
قال بغضب : وهج سابت البيت
قطب جبينه... لية اية اللي حصل ؟
اخبره بماحدث ليقول فهد : طيب يافارس طالما الدكتور قالها مفيش مشكلة من محاولة تانية متوافق يااخي
قال باندفاع : أوافق علي اية.. افرض مكملش الحمل ده كمان..افف اتفرج عليها وهي بتنهار وتدمر تاني... لا يعني لا
قال في محاولة لاقناعه : مايمكن ربنا يريد المرة دي..
يافارس حقها تخلف حرام تمنعها
قال بنفاذ صبر : خايف عليها.
: طيب تعالي نروح لعمك نجيبها وانت تفهمها انك خايف عليها
: وانت فاكرها هتقتنع.. دي مراتي مربيها علي أيدي، وعارف انها مش هتهدي غير لما تنفذ اللي في دماغها..
زم فهد شفتيه قائلا : وانت ناوي علي اية
قال فارس بجمود : هي مش سابت البيت... خليها بقي عند ابوها تبقي توريني هتخلف ازاي..
افلتت من فهد ضحكة ليلكمه فارس بكتفه:بتضحك علي اية ياحيوان انت..
كتم فهد ضحكته قائلا : ولاحاجة... بس ميصحش تسيبها غضبانه
قال متظاهرا بالبرود : براحتها..
...
نظر سلطان لعالية قائلا : يعني ده اخر كلام عندك ياعاليه..
قالت عاليه : متزعلش مني ياسلطان انت عارف غلاوتك وغلاوة ابنك عندي .. بس ده الأحسن لينا كلنا...
قال سلطان : ياعاليه ادم طايش ومكنش يقصد حاجة غير انه يرد لسليم اللي عمله... بس حور طلعها من دماغه من زمان... وسما بنت عمته وعمره ماهيأذيها
هزت راسها قائلة : معلش ياسلطان... انا اخدت قرار ومش هرجع فيه وبعدين سما لسة صغيرة وانا مش ناوية اجوزها دلوقتي
: طيب خليهم مخطوبين ولما يرجع الاجازة اللي جاية يتجوزوا
قالت باصرار ;خلي ابنك يسافر ويشوف حياته ومستقبله.. ولما يرجع يحلها ربنا..
: يعني هتستناه
هزت راسها قائلة : ولاتستناه ولا يستناها. لو ليهم نصيب هيحصل... واديك شفت النصيب اللي خلي فرح لفهد وحور لسليم
هز سلطان راسه باستسلام قائلا : اللي تشوفيه ياعاليه
........
دخلت عاليه غرفة ابنتها التي قالت فور رؤيتها لوالدها بهجوم : عملتي اللي في دماغك وارتحتي ياماما
قالت عاليه بحزم : عملت الصح وبكرة تشكريني عليه.... انتي لسة صغيرة ومش فاهمه يعني اية تتجوزي واحد مش بيحبك.
هتفت باعتراض: كان هيحبني.... هي حور فيها اية احسن مني عشان تتجوز سليم وتاخد قلب ادم
قطبت عاليه جبينها بانفعال : مفيهاش... وطول ماتفكيرك كدة بعرف اني عملت الصح .. انتي كنتي عاوزة تتجوزي ادم عشان تغيظي حور وخلاص... بس متعرفش انك كنتي بتدمري حياتك وهي مش فارق معاها... هي جوزها بيحبها إنما انتي كنتي هتبقي متجوزة واحد مبيحبكيش
خفضت سما عيناها لتقارب منها عاليه قائلة : انا امك واكتر واحده عارفة مصلحتك...اللي عملته هو الصح وهو لو عاوزك هيرجعلك
.......
جلس سلطان في الحديقة ينفث دخان سيكارته حينما نزل ادم واتجه نحوه ليتجاهله سلطان... فقال ادم بغيظ : انت هتفضل بتعاملي كدة كتير يابابا .
لم يجب عليه ليندفع ادم ; كل ده عشان سليم...
قال والده باحتقار : لا مش عشان سليم... عشان عملتك اللي خلتني مش قادر ارفع عيني في حد..
هتف بتبرير: وهو لما كان خطفها كان عمي عمل زيك..
قال سلطان بحدة : ارجل منك خطفها قدامنا كلنا ومحدش قدر ياخدها منه... مراحش في نصاص الليالي يقول لبنت عمه المتجوزة اهربي معايا... علت نبره صوته وهو يكمل :غور من وشي دمي بيفور كل ماافتكر اللي عملته...
هز ادم راسه وأشار للحارس بحمل حقائبة ووضعها بالسيارة لينطلق مغادرا وسط نظرات سلطان الغير راضيه...
.....
جلس سليم خلف مكتبه ينظر في بعض الأوراق التي وضعها اسماعيل محاسبه امامه : كدة حسابات السنه تمام ياسليم بيه هز سليم رأسة قائلا : طيب سيبهم هبقي اراجعهم وامضيهم
: اللي تشوفه يابيه
.... رفع راسه تجاه الطرقات علي الباب ليقول بصوته الاجش : ادخل
دخل مساعده عامر قائلا : طارق بيه السيوفي برا
قال سليم : دخله...
استأذن اسماعيل مغادرا ليقف سليم مرحبا بطارق الذي دخل مبتسما : ازيك ياسليم.. اية ياراجل بقالي يومين مشفتكش
أشار له ليجلس بأحد المقاعد قائلا : كنت مشغول شوية
قال طارق معاتبا : طبعا مشغول ونسيت الطلب بتاعي
استدرك سليم قائلا : في دي بصراحة عندك حق... بس متقلقش النهاردة هتكلم معاها في الموضوع ده وابلغك ردها
اتسعت ابتسامة طارق قائلا : متشكر ياسليم.. اصل انا عندي شغل كتير ومضطر ارجع القاهرة خلال ايام ومش عاوز ارجع قبل مااكون متمم كل حاجة...
اومأ له سليم : اكيد يا طارق...
دخل متولي يحمل القهوة وضعها أمامهم ليقول طارق : اخبار المصنع اية..؟
تناول سليم رشفة من قهوته قائلا : تمام المكن وصل والمهندسين هتبدأ تركبه من بكرة
: عظيم... وانا كمان خلاص كلها اسبوع واسلمك المباني بتاعة المدرسة كامله.. قبل مااسافر
: متشكر ياطارق... تعبتك...
وقع علي احد الشيكات ومد يده تجاه طارق قائلا : ودي آخر دفعه..
هز طارق رأسة : لا لما تستلم الأول وتشوف الشغل.
أصر سليم قائلا : مش محتاج اشوف وراك..
.....
بعد انصراف طارق انغمس سليم في مراجعه أوراق الحسابات الخاصة بشركاته ليدخل آلية حسين.. رفع اليه راسه قائلا باهتمام: عملت اية؟
قال حسين : كله تمام ياسليم بيه... اخرج ورقة من جيبه قائلا : اسم وعنوان الفندق عند سيادتك في الورقة دي..
امسك سليم الورقة متطلع اليها لبضع لحظات ثم وضعها بجيب سترته... قائلا : تمام ياحسين.. روح انت
انصرف حسين ليأخذ سليم نفسا عميقا مسندا راسه للخلف ونظرة وعيد في عيناه..!!
.
...
....
لم تستطع حور ان تخفي نظراتها الغيورة تجاه سميحة التي جاءت مع والدتها لزيارة وفاء....واستأذنت في الصعود اليها....
كانت جالسة تلاعب سليم الصغير مع وهج لتدخل إليهم نعمه قائلة : الست سميحة عاوزة تطلع تطمن عليكي ياست حور
اومأت لها فهي كانت تريد رؤية تلك المرشحة لتكون زوجه سليم قبلها.... نظرت لها وهج قائلة : علي فكرة ياحور سميحة لطيفة اوي
اغتصبت ابتسامة زائفة : اكيد
هزت وهج راسها قائلة : لا فعلا لما تتعرفي عليها هتحبيها... سيبك من اي حاجة سمعتيها قبل كدة دي بنت طيبة اوي..
طرقت الباب تلك الفتاة بعيونها العسلية المرحة قائلة : ممكن ادخل
اومات لها حور قائلة : اتفضلي..
احتضنها وهج بحب فيما حاولت حور ان تصافحها ببرود ولكن سميحة لم تعطي لها فرصة امام سلامها الحار... قضوا بعض الوقت لتجد حور الجليد يذوب وان برودها لا داعي منه امام تلك الفتاة الودودة التي لم تنفك تضحك وتتحدث بعفوية....!
قالت راوية بعدم رضي : لا يا وفاء اوعي تخلي وهج توافق علي حاجة زي دي... يعني اية مش عاوز عيل تاني... ده اللي قدها عندها بدل العيل اربعه وخمسه
: خايف عليها... وانا كمان مكدبش عليكي ياراوية خايفة عليها..
قالت راوية ناصحة : بصي احنا ناخدها ونروح لدكتور كبير من مصر وهو اللي يقرر... لو مفيش ضرر ليها خلاص يبقي جوزها يرفض لية
اومات لها وفاء قائلة : مانا قلت كدة مستنيه بس افاتح رسلان في الموضوع... بصراحة خايفة يشيل من فارس انه مزعل البنت
: هو ميعرفش
هزت راسها : لا ولا هو ولا سليم.. قلت بلاش اكبر الموضوع.... ووهج تحل مشكلتها مع جوزها براحتهم.
: عين العقل ياوفاء..
بعد قليل التفتت وفاء لتجد وهج وسميحة يساعدون حور لنزول الدرج لتقول سميحة : احنا قلنا ننزل نقعد معاكم
ابتسمت وفاء : تعالوا ياحبيتي.. اهو احسن من حابسة حور في اوضتها.. ساعدتها وفاء لتجلس عي الاريكة وتمدد قدمها فيما
رمقتها راوية بنظرة متفحصة لتغمز سميحة والدتها بخفوت : ماما.. لو سمحتي
لكمتها راوية بكتفها : اخرسي انتي ياخايبة
قالت وهي تصك أسنانها : لو ضايقتيها هقوم وامشي
قالت راوية : طيب.. خلاص
دخل سليم من الباب لتشير له وفاء : تعالي ياسليم خالتك وسميحة هنا...
اتجه سليم حيث هم جالسون ليري ان حور جالسة معهم... رفعت اليه عيونها لتتسع ابتسامته فمالبثت ان بادلته الابتسامه لتتلاشي فورا حينما وجدته يتجه نحو سميحة بابتسامة واسعه قائلا : ازيك ياسميحة
احتضنته راوية بحب قائلة بعتاب :اية ياسليم ملكش خاله تسأل عليها
قالت وفاء : مانتي عارفة علي طول مشغول
قالت راوية بمغزي : مدافعيش عنه ياوفاء.... ده حتي لما وصل سميحة من كام يوم مدخلش يسلم عليا.. اية معندوش دقيقة يشوف خالته
اشتعلت النيران بكيان حور من كلمات راوية التي نظرت لها وفاء بتحذير فيما اكتسي وجه سميحة بالغضب من تصرفات والدتها التي قصدت بها مضايقة حور واشعال غيرتها
رفعت حور عيناها الغاضبة اليه ليتجاهلها سليم تماما مما أشعل نيران الغضب بها ... وماهي الا لحظة حتي استعرت نيرانها اكثر حينما قال : تعالي ياسميحة عاوز اتكلم معاكي في موضوع
نظرت اليه سميحة بارتباك وقد تجمدت جميع العيون عليها وخاصة عيون حور التي احترقت غابات عيونها...هل يمزح...؟. يريد سميحة بأمر ما .. و كان يوصلها منذ بضعه ايام ... لا لا صرخ عقلها ان مايحدث اكثر من استعابها..ماذا يمكنه ان يكون بينهما ليتحدث معها بشانه.. .. ؟!
نظرت وفاء ووهج لبعضهما لااحد يستطيع تفسير تصرف سليم... هل قصد إشعال تلك النيران.. وماذا فعلت حور ليريد احراقها بتلك الطريقة تساؤل الجميع فيما
وقفت حور مكانها وتعكزت تحاول الصعود لغرفتها... اسرعت نحوها وهج.. : استني ياحور انا هطلعك
هزت راسها : لا خليكي.. انا هعرف اطلع..
قالت وفاء : ازهار...بت يا ازهار
اسرعت نحوها ازهار : نعم..
: ساعدي الست حور تطلع اوضتها مع ستك وهج
انصرفت الفتيات لتنظر وفاء لرواية التي جلست مترقبه... : اسمعي بقي ياراوية عشان انتي اختي انا هبقي صريحة معاكي.... لو سليم عاوز يتجوز بنتك انا اللي هقفله
قالت راوية باستنكار: انتي ياوفاء ؟!
هزت راسها : ايوة انا... وعشان تبقي عارفة سليم بيحب مراته هو بس متشاكل معاها اليومين دول فعاوز يغيظها وانا عشان بحب سميحة مش هرضي تبقي ضره وخصوصا لو ابني مش بيحبها
هزت راوية راسها قائلة : ولاانا ياوفاء ارضاها لبنتي... انا بس نفسي تتجوز واطمن عليها...
عم الصمت المكان حينما انفتح باب المكتب وخرجت سميحة بابتسامة ملئ وجهها.... اندفعت وفاء تجاه مكتب سليم تنوي بشراسة إيقافه عما انتواه فيما قالت راوية بلهفة : كان عاوزك لية؟...
نظرت لوالدتها قائلة بمكر : انتي مش عوزاني اتجوز
قالت راوية بلهفة : ايوة... اية هيتجوزك
هزت راسها بانفعال : لا طبعا قلتلك مستحيل....
: انتي مش بتقولي... قاطعتها قائلة : ايوة هتجوز.... بس مش سليم... ده واحد صاحبه..... المهندس طارق
استطردت تحكي لرواية عن طارق ليتهلل وجهها : انتي بتتكلمي بجد ياسميحة
هزت راسها بخجل لتقول راوية : انا الفرحة مش سيعاني ياسميحة.. اخيرا هتتجوزي
قطبت سميحة جبينها : قصدك اية ياماما.... مكنش بيجلي عرسان
: لا.. ابدا... انا بس فرحانه ومش مصدقة نفسي
نظرت لها بعبث قائلة : اللي يشوفك دلوقتي ميشوفيميش وانتي عاوزة تجوزيني سليم
ضحكت راوية قائلة : انا كنت عاوزة اجوزك وخلاص....
...............
نظر سليم لوفاء التي اقتحمت المكتب هادرة : بقولك اية؟ انت تنسي اللي في دماغك ده خالص..
نظر لها بعدم فهم لتكمل : ايوة... هي البت كانت عملتلك اية عشان تتجوز عليها
قطب جبينه باستفهمام : اتجوز عليها..!
قالت وفاء باندفاع : ايوة... اية فكرك اني مش فاهمه.. انك عاوز تتجوز سميحة عشان تكيد حور... لا انا اللي هقفلك
ضحك سليم عاليا لتغتاظ وفاء : انت بتضحك علي اية؟
هز كتفه قائلا : علي اللي بتقوليه... سمحية اية وجواز اية... انا حور كرهتني في الجواز اساسا
قطبت وفاء جبينها قائلة : امال في أية؟
..................
......................
خرجت وفاء بوجهه متهلل تبارك لسميحة التي تستحق كل خير وراوية التي تحمل قلب طيب ولكن بلا تفكير تريد كاي ام لابنتها الزواج ... فيما ظل سليم بمكتبه قليلا يعمل ثم قرر ان يتسلي قليلا فليري رد فعل حور التي بالتاكيد ظنته ينوي الزواج عليها.... حدث نفسه بوعيد : عشان تبقي تطرديني من الأوضه كويس...
كانت تقضم شفتها السفلي بعنف حينما دخل للغرفة لتندفع قائلة : ممكن اعرف موضوع اية اللي كنت عاوزها فيه؟
قال ببرود : هي مين؟
هتفت بحدة : سميحة
تابع ببرود : يهمك في أية؟
هتفت بغيظ : يهمني اني مراتك ولازم اعرف كنت عاوزها في أية
هز كتفه قائلا : حاجة متخصكيش
تابع طريقه وهو متجاهلها تماما متجها نحو الخزانة لاستبدال ملابسه... شعر بنظراتها خلفه تكاد تحرقه وهو يوليها ظهره فهو يستطيع سماع أنفاسها الغاضبه من مكانه..... قررت تجاهله مثلما يفعل هو فتحركت بغيظ وعنف تنوي النوم لتصطدم قدمها بطرف الفراش بقوة فتصرخ متألمه... اتجه نحوها بسرعه لتميل تجاه قدمها تتفحصها بنفس لحظة اقتراب سليم نحوها لتجد نفسها تتنفس أنفاسه الساخنه ناظرة في عيناه ليتبخر كل غضبها بلحظة تريد أن ترتمي في احضانه التي افتقدتها.... تمالك سليم نفسه بصعوبه متظاهرا بالجمود امامها فهو لن يمررها لها ككل أفعالها السابقة...فهي يجب أن تتعلم ان تكف عن عنادها وتحديها له ولا تهدده ببعدها بكل مشكله بينهم...
مدد قدمها برفق علي احد الوسائد ثم تناول علبه الدهان الخاصة بقدمها دون قول شئ وبدأ بتوزيع القليل منه علي قدمها وتدليكه ليقضي علي مابقي من اعصابها التي مالبثت ان اشتعلت حينما استمعت لتلك الزغاريد القادمه من الأسفل..... لتسحب قدمها من يده وقد تحولت ملامح وجهها لاخري مرعبه غاضبه وهي تنظر اليه قائلة : اية الصوت ده..؟
هز كتفيه قائلا : معرفش
صكت أسنانها قائلة باندفاع : متعرفش ولا بتستغفلني وناوي تتجوز عليا
مجرد نطقها للكلمه جعلت الغيرة تنهش بقلبها ليحمر وجهها وتكمل بتهديد : يكون في علمك انا مستحيل اقبل حاجة زي دي
...لو انت بتغير قيراط انا بغير اربعه وعشرين .... انت لو عملت كدة انا .... اقترب منها ببطء وهو مسمتمع برؤية غضبها ليهمس باذنها :هتعملي اية ؟....... هتحرميني منك زي مابتعملي !؟
رفعت اليه عيناها لتري مقدار غضبه منها الذي يخيفيه ببروده لتقول مدافعه عن نفسها : انت اللي خلتني اعمل كدة لما غلطت فيا.. ومش عاوز تعترف
رفع حاجبه قائلا بتحدي : ومش هعترف ياحور.... ابعدي زي مانتي عاوزة انا مبيتلويش دراعي...
نظر اليها وقد تعالت أنفاسها الغاضبه ليكمل ببرود : وعموما اطمني سميحة هتتجوز واحد تاني
ابتلعت لعابها ببطء ونظرت في عيناه تبحث عن حبه لها ليقترب منها اكثر فيما تتغلغل رائحه عطره الرجولي القوي انفها وتلفحها أنفاسه الساخنه لتغمض عيناها باستلام وقد اقترب لشفتيها التي تغريه بالتهامها.....
مرت لحظة بعدها فتحت عيونها بصدمه حينما وجدته يهمس ببرود امام شفتيها : انا رايح انام في الاوضة التانية
لقد انقلب السحر علي الساحر فهاهو قد فهم لعبتها التي تضغط بها عليه وهو من أصبح يبتعد ويتلاعب بها ولم تعد المسيطرة..!!
سحقت حور أسنانها بغيظ حينما تركها وابتعد بعد ان رأي ضعفها امامه.....
.........
في الصباح التالي
دخلت اليها وفاء لتنظر بارجاء الغرفة باستنكار قائلة : هو انتوا هتفضلوا كل واحد في اوضة كتير ولااية...
اخبرتها حور بما دار بينهم لتقول وفاء : انا مش قلتلك ياحور متزوديهاش... كان لازم تحكمي رايك وتخليه ينام بعيد عنك اهو عاند معاكي
: كنت فاكراه هيعرف غلطته... لقيته بيعاند زيادة
طفرت وفاء بضيق تفكر بطريقة تجعلها تعيده اليه ويتخلي عن عناده....
.........
لم يكن سليم وحده هو الذي يعاند ويأخذ ابتعادها علي كرامته فقد شاركه فارس نفس الاحساس حينما تركته وهج لتضغط عليه ليقرر كلاهما المضي قدما بهذا العناد...!
كانت جالسة علي طرف الفراش تصفف شعرها بعد ان استيقظت حينما دخل صباحا للغرفة... ظل بحالته المتجاهله ليأخذ ملابسة ويدخل للاستحمام.....
خرج يجفف شعره بالمنشفه لتهتف حور برقة :سليم حبيبي وحشتني
نزع المنشفه من علي وجهه ليصطدم بهذا الصغير الذي ركض نحوها لتنحني نحوه تحمله: سليم حبيبي وحشتني ..
القي المنشفة من يده بغيظ فقد ظنها تراجعت عن عنادها..!! ولكن نظرتها اليه أخبرته بأنه يحلم ان ظنها ستتراجع عن موقفها خاصة بعد ما فعله بها امس...!
اخذت تطبع العديد من القبلات علي وجهه سليم الناعم لتتعالي ضحكة الصغير الذي ماان فتح له سليم ذراعيه حتي تركها وركض نحوه ليرفعه سليم عاليا يدغدغه ويضعه فوق اكتافه... ليتمتم الصغير باسمه ويتعلق بعنقه... قالت حور بغيظ : سليم حبيبي تعالي لعمتو
هز الصغير راسه واحتضن سليم بقوة ليظل يلاعبه لفترة طويلة وحور تقضم شفتيها بغيظ من برود سليم وتجاهله لها.... لتتوعد له بأنها ستعذبه كما يعذبها الان..... . اخيرا وضع قبله حنونه علي جبين الطفل واقترب منها ليضع الصغير بجوارها مداعب شعره بمرح قائلا : لماارجع بليل نكمل لعبنا يابطل
اومأ له سليم واندثر بحضن حور التي ماان التفت سليم ليغادر حتي قالت لسليم : اسمع بقي ياسليم... انت تبطل تضحك وتلعب معاه انت تلعب معايا انا وبس...انا صاحبتك و هو وحش
التحم حاجبي سليم الدقيقين اعلي عيونه الواسعه ناظرا اليها باستغراب وكانه يفهمها لينفحر باكيا بلحظة .... ضمته اليها : لا ياحبيبي متعيطش... ضمته اليها ولكن تعالي صراخه لتأتي وهج اليها وتحمله تحاول اسكاته لتقول حور بغيظ : ابنك بيحب سليم اكتر مني
ضحكت وهج علي غيرتها حينما اخبرتها بماحدث... : معلش ياستي لو جبت اخ او اخت ليه هخليه يحبك انتي اكتر..
ابتسمت لها حور وربتت علي كتفها قائلة : ان شاء الله هيحصل وهتجيبي بيبي زي القمر
شردت وهج بحزن فهاهو قد مرت ثلاثة أيام وفارس لم يأتي اليها... لتقول حور بتردد : اقولك حاجة يا هج..
: قولي ياحور
: بصراحة انتي غلطتي لما مشيتي وسبتي البيت... انتي عارفة انا خايف عليكي عشان كدة كنتي حاولتي معاه مرة تانية بس من غير ماتسبيي البيت...
ضمت شفتيها قائلة : انا عارفة اني اتسرعت بس خلاص اللي حصل حصل
قالت حور ببساطة : يبقي ترجعي
قالت وهج باستنكار : ارجع
: ايوة ياوهج.. انتي كنتي متضايقة شوية عشان كدة جيتي لاهلك ودلوقتي خلاص بقيتي كويسة يبقي ترجعي.. وانتي عارفة ان فارس عمره ماهيزعلك.......
كان كلام حور لوهج لنفسها ايضا فربما ليس عليها ان تتمسك بعنادها طالما انها متأكدة منه حبه لها.. اخطيء واخبرها انه يغار لماذا اذن لم تسامح..!!
عادت لغرفتها تزفر بضيق فقد انتظرت عودته طويلا وهاهو الفجر قد قارب علي البزوغ ولم يعد.... أين ذهب طوال الليل؟ ضايقتها فكرة قضاءه الليل خارج المنزل ولاتعرف الي اين ذهب؟... ولم تكن وفاء بأقل منها قلقا.. لتوقظ رسلان باكرا : قوم ياحج شوف ابنك
قطب رسلان جبينه : في أية علي الصبح ياوفاء؟ابنك بايت برا البيت
هتف بها بحدة : وهو عيل صغير تلاقي عنده شغل
لوت شفتيها بعدم رضي : شغل..؟! ماشي يا رسلان.
أوقف السائق السيارة بفناء القصر لتترجل منها وهج التي حزمت أمرها واقتنعت بكلام حور.... دخلت وهي
لو في تفاعل هنزل باقي القصة
تعليقات
إرسال تعليق