 |
السابع والعشرون 😲😲
والثامن والعشرون 😲😲
فؤاد يسحل سهير ام نيفين علي الارض ويبدوا انه يجرها الي نفس الغرفة المظلمة اسفل القصر .. سهير يبدوا عليها اثار الضرب المبرح وتصرخ مستغيثة
سهير .. انت موديني فين ؟!
فؤاد ساخرا .. انتي مش قلتي عايزة الحلاوة ؟! انا هاديلك الحلاوة
سهير .. انا مش عايزة خلاص .. سيبني اروح لبناتي ابوس ايدك
فؤاد .. بقي ده اسمه كلام تروَّحي لبناتك كده وايدك فاضية من قبل ما تاخدي الحلاوة بتاعتك؟! .. انا ما يهونش عليا
سهير .. قلتلك مش عايزة حاجة .. والنبي تسيبني اروَّح لبناتي .. حد يلحقني يا ناس ؟!! الحقوني !!
فؤاد .. امشي اومال وبلاش تتعبيني معاكي
ونذهب الي رضوي حيث عادت الي منزلها حزينة بائسة بعد ان غادرت المصحة النفسية التي كانت تمكث بها
ويأتي اليها بناتها الثلاث بعدما علموا بخروجها
سلمي .. ماما حبيبتي .. حمدالله ع السلامة
تأخذها بالحضن وهكذا تفعل البنتان الاخريات
انهار .. وحشتيني اوي يا ماما .. حمد الله ع السلامة يا ست الكل
رضوي .. وانتوا كمان وحشتوني اوي يا بنات .. عاملين ايه ؟
سلمي .. تعبانين اكيد من غيرك يا ماما .. هو بجد اللي احنا سمعناه ده ؟!
رضوي .. ايه هو اللي سمعتوه ؟!
سلمي .. انك تعبانه اوي وانك مش هتعيشي كتير !!
رضوي .. ومين قالكم الكلام ده ؟! طنط ام نيفين .. صح ؟!
سلمي .. ايوه
رضوي .. ليه تعمل كده ؟! اومال لو مكنتش محلفاها ؟!
سلمي .. وانتي كنتي عايزاها تخبي علينا حاجة زي دي ازاي يا ماما ؟! ومعني كلامك كده ان اللي قالته طنط سهير صحيح ؟!
رضوي .. ايوه صحيح
سلمي .. طب ازاي ؟!
رضوي .. امر ربنا بقي .. انا مش كنت قبل كده بعاني من مغص بالبطن .. اهو طلع كانسر في الكبد .. وانتشر كمان في بطني كلها !!
سلمي .. بس انتي يا ماما كشفتي قبل كده والدكتور قالك ان معندكيش حاجة !! الورم ده بقي جه منين وانتشر ازاي بالسرعة دي ؟!
رضوي .. اكيد بسبب السحر اللي معمولي .. اهو ربنا انتقم من اللي كان السبب !!
سلمي .. قصدك مين ؟!
رضوي .. خلاص بقي راحت عند اللي خلقها واكيد هتتحاسب علي كل اللي عملته
فجأة يُطرق باب الشقة بطريقة مزعجة
رضوي .. ايه ده !! مين اللي بيخبط بالطريقة دي ؟! روحي شوفي مين يا سلمي
وتذهب سلمي لتفتح الباب فتجد نيفين ابنه سهير منزعجة بشدة وفي حالة من القلق والتوتر
نيفين .. ازيكم يا جماعة ؟ ازيك يا طنط حمد الله ع السلامة
رضوي .. الله يسلمك يا نيفين .. مالك وشك مخطوف ليه كده ؟!
نيفين .. ماما من ساعة ما خرجت امبارح وراحت عند حضرتك المستشفي .. مرجعتش البيت لدلوقتي ؟!
رضوي .. معقول ؟! طب هتكون راحت فين ؟!
نيفين .. معرفش .. وبرن ع التليفون المحمول مديلي مغلق او غير متاح .. متعرفيش يا طنط تكون راحت فين ؟!
رضوي .. انا امبارح طلبت منها انها تروح عند واحد اسمه فؤاد عشان تسلمه ورقة كانت عاوزها
نيفين .. فؤاد الراجل المليونير ده ابو شكل وحش ؟!
رضوي .. ايوة
نيفين .. يبقي اكيد حصلها حاجة هناك ؟! ده القط بتاعة بهدلني المرة اللي فاتت .. انسان غامض ومرعب !!
سلمي .. احترمي نفسك وبلاش تتكلمي بالطريقة دي علي اونكل فؤاد لو سمحتي ؟!
نيفين .. طبعا .. ما انتوا لازم تتدافعوا عنه عشان دلوقتي بقيتوا عايشين في القصر بتاعة ومتهنيين ع الاخر !! انا رايحة ادور علي امي
رضوي .. هتدوري عليها فين بس ؟!
نيفين .. هاروح عند الراجل ده واشوف امي عنده ولا لا
رضوي .. مش هيفتحولك دلوقتي ولا هيردوا عليكي من الاساس .. فيه ميعاد معين لازم تروحي فيه هناك !!
نيفين .. وانا هستني ميعاد معين عشان ادور علي امي فيه ؟! انا هاروح هناك وان شاء الله اهد القصر ع اللي فيه
ثم تتركهم وتنصرف..
ونذهب الي الدكتور سعد الغرابلي صاحب ومدير المصحة النفسية الخاص حيث قام بأستدعاء الدكتور سامي مرة اخري
سامي .. تحت امرك يا دكتور
سعد .. يعني مجبلتيش التحاليل والاشاعات اللي انا طلبتها منك اللي تخص مدام رضوي ؟!
سامي .. تصدق نسيت يا دكتور ؟! معلش انا اسف .. هاجيبهالك دلوقتي حالا من علي مكتبي
سعد .. طب اتفضل .. انا في انتظارك
ويخرج الدكتور سامي من مكتب الدكتور سعد ويبدوا انه في قمة الغضب ويحادث نفسه قائلا
سامي .. وبعدين بقي ؟! باين عليه مش عايز يجيبها لبر ؟! براحتك يا دكتور سعد دبور وزن علي خراب عشه !! ثم يتصل ب عاطف التمرجي قائلا
سامي .. ايوه يا عاطف .. نفذ اللي اتفقنا عليه ..
عاطف ينهي المكالمة ورد فعل علي وجه سامي ..
يتبع
الثامن والعشرون 🔴
وتذهب نيفين الي قصر فؤاد وتطرق الباب الحديد بقوة وهي تقول
نيفين .. انتوا يا جماعة ياللي هنا !! انت يا عم يا الغفير !!
لا احد يجيب نيفين
نيفين .. هو طرش ولا ايه ؟! انت يا جماعة ياللي هنا حد يرد عليا اومال !!
وفجأة يُفتح باب القصر من تلقاء نفسه ونيفين تتقدم الي داخل القصر ثم تقول بتعجب شديد
نيفين .. هو مفيش حد هنا ولا ايه ؟! اومال الباب ده فتح مع نفسه كده ؟!
ثم تنادي وتقول
نيفين .. يا اهل الله ياللي هنا .. حد يعبر امي بقي ايه ده !!
وفجأة يُغلق الباب مرة اخري من تلقاء نفسه أيضا ونيفين تراقب ذلك في دهشة شديدة ثم تقول
نيفين .. وبعدين بقي !! هي ايه الحكاية ؟!
ثم تظهر فجأة مجموعة من الكلاب الشرسة تلتف حول نيفين في شكل دائري ونيفين يصيبها الرعب الشديد
نيفين .. ايه ده ؟! هي الكلاب دي جت منين ؟! ومالهم اتلموا عليا ليه كده ؟!
نيفين تلاحظ ان الكلاب تلهث بشدة ويبدوا انهم يريدون التعرض لها
نيفين .. جر يا كلب انت وهو الله يخرب بيوتكم!! .. مفيش حتة خشبة ولا حاجة اهشهم بيها الملاعين دول ؟!
وفجأة تنبح الكلاب وتهجم جميعها علي نيفين ونيفين تصرخ وتقول وهي تستغيث
نيفين .. الحقوني يا ناس !!
ونذهب الي الدكتور سعد العرابلي الذي ما زال يجلس داخل مكتبه في انتظار عودة الدكتور سامي ومعه الاشعة والتحاليل التي طلبها منه والتي تخص رضوي ويدخل عليه فجأة عاطف التمرجي
بوجه عبوس غاضب
سعد مندهشا .. انت ازاي يابني تدخل مكتبي من غير ما تخبط ع الباب ؟! انت هتفضل لأمتي انسان همجي ومستهتر ؟!
عاطف .. انا اسف يا دكتور نسيت اخبط ع الباب قبل ما ادخل
عاطف .. ماشي يا سيدي .. عايز ايه ؟!
عاطف .. الدكتور سامي باعتلك معايا الاشعة والتحاليل اللي طلبتهم منه
سعد .. هما فين ؟!
عاطف .. اهم
عاطف يعطيه ظرف ابيض كبير بداخله اشعة مقطعية ع البطن وبعض التحاليل وسعد يناظرها ثم يقول
سعد متعجبا .. مش هي دي الاشعة والتحاليل اللي انا عايزها ؟! دول مش بتوع مدام رضوي ؟!
عاطف .. يبقي اداني ظرف غلط !!
سعد منزعجا بشدة وبنبرة غضب .. هو فين الدكتور سامي ؟! مجابهمش بنفسه ليه ؟!
عاطف .. هو قالي روح وديهم للدكتور سعد
سعد .. قوله مش هما دول وخليه يجي هنا ويكلمني !!
عاطف.. حاضر يا دكتور
سعد .. انا مش عارف ايه الاستهتار ده ؟!
ثم يخرج عاطف ليعود مرة اخري بعد مرور دقيقة واحدة
سعد متعجبا .. انت رجعت ليه تاني ؟! مرحتش ليه ونفذت اللي قلتلك عليه ؟!
عاطف .. ما انا رحت وقلتله اللي سيادتك قلتلي عليه
سعد .. ورد قالك ايه ؟! وليه مجاش معاك ؟! وفين الاشعة والتحاليل اللي انا طلبتها ؟!
عاطف .. هو قالي روح للدكتور سعد وقوله .....
ثم يقترب منه ويضربه علي غفلة منه بسكين في رقبته ويكمل عبارته قائلا
عاطف .. اسكت بقي صدعتنا يا اخي !!
سعد يمسك بالسكين والتي دخلت في رقبته من الامام ونفذت من الخلف وينظر بذهول الي هذا المنظر الفظيع ثم يسقط بعد ثوان علي الارض قتيلا .. عاطف ينظر اليه ساخرا ثم ينزع السكين من رقبته ويتوجه نحو باب المكتب ليفتحه فيدخل اسماعيل ومعه مريض بالجنون اسمه بهلول يبدوا من حركاته الغير طبيعية انه فعلا مجنون .. اسماعيل قائلا
اسماعيل .. ايه خلاص ؟!
عاطف .. ايوه خلاص .. امسك يا بهلول السكين دي
بهلول يقول .
بهول .. سكينة !! طب انا كده اتعور !!
عاطف .. لا متخفش مش هتتعور امسك بقي السكين وارقص كده كأنك في فرح ؟!
بهلول فرحا .. ارقص ؟!
عاطف .. ايوة ارقص يا بهلول
بهلول يمسك بالسكين ويرقص بالفعل وعاطف يمسح يده الملطخة بالدماء علي ملابس بهلول .. وفجأة يصرخ اسماعيل ويقول ..
اسماعيل .. يخرب بيتك يا بهلول !! هو انت قتلت الدكتور سعد ؟! الحقني يا دكتور اسامة .. بهلول قتل الدكتور سعد
ثم يجري مسرعا لأخبار الجميع
عاطف يضحك بسخرية قائلا
عاطف .. اغس عليك يا بهلول كده برضوا تقتل الدكتور سعد ؟!....
علق ب 20 ملصق ليصلك باقي أجزاء القصه تحياتي
تعليقات
إرسال تعليق