 |
زوجي والسكرتيره 5/4/3
الحلقه الثالثه
ونزل شادي اسف اتاخرت
دعاء ابدا خالص
شادي كنتي بتكلمي مين
دعاء ده بابا لاني اتاخرت
شادي تمام يلا هروحك واروح عالطول
دعاء ينهار ابيض الساعه١١تصدق الوقت جري اوي معاك
شادي اه ووصلها للبيت لو عايزه تخدي اجازه بكره معنديش مانع انا اخرتك اوي انهارده واكيد بابا مس هيسكت
دعاء اجازه انا بقيت بحب الشغل اوي ومقدرش اخد اجازه
شادي بصراحه انا كمان مش بقيت اقدر استغني عنك في الشغل خالص
دعاء تصبح علي خير ممكن اطلب منك طلب
شادي اكيد
دعاء تروح تنام عالطول وياريت متشربش سجاير او قهوه خلاص انهارده
شادي حاضر تصبحي علي خير
دعاء وانت من اهله
ومشي شادي ولما روح البيت فضل يرن علي شيماء مش بترد عليه رن علي مامتها
شادي ابو ازيك يا ماما عامله اي
ام شيماء الحمد لله يا حبيبي انت اخبارك ايه
شادي تمام هي شيماء نامت
ام شيماء لا قاعده ثواني خدها اهي
شيماء الو
شادي معلش كان موبيلي نسيته في الشركه ولسه راجع جايبه
شيماء براحتك انا كلمتك في حاجه
شادي جايه امتي
شيماء مش عارفه ماما تعبانه وانا همشي لما تكون تمام تصبح علي خير لاني عايزه انام
شادي الو الو كده ياشيماء ماشي براحتك بتقفلي السكه في وشي
شويه وتيجي رساله من دعاء
دعاء انت لسه صاحي
شادي ايوه لسه داخل البيت
دعاء معرفتش انام الا لما اطمن عليك
شادي وانتي اخبارك اي
دعاء بابا زعلقي شويه عالتاخير بس عدت
شادي انا اسف بجد
دعاء عالشانك انا يحصلي اي شي بس اشوف دائما الابتسامه في وشك
شادي سكت شويه
دعاء انا اسفه مش عارفه اي اللي بقوله ده
شادي اسفه على اي شكرا ليكي عالاهتمام ده
دعاء ارن عليك اصحيك الصبح لان عارفه أن شيماء مش موجوده
شادي ياريت لان شكل كده هتروح عليا نومه
دعاء تصبح علي خير
شادي وانتي من اهله
وتاني يوم رنت دعاء صباحك زي الفل يلا عالشان متتاخرش انا هجيب فطار وانا جايه عالشان نفطر سوا
وراحوا الشغل
دعاء انا كنت عايزه اروح ازور مامت شيماء
شادي ومالو انا كمان لازم اروح ليها
دعاء خلاص هكلمها وبعد الشغل نروح سوا
شادي ماشي
وكلمت شيماء ازيك يا شوشو
شيماء الحمد لله يا حبيبتي انتي عامله اي
دعاء بخير انا عرفت أن مامتك تعبانه ينفع اجي ازورها انهارده
شيماء ينهار ابيض ده بيتك يا حبيبتي تنوري في اي وقت
دعاء تمام انا مش عارفه البيت ينفع اجي مع شادي
شيماء هو شادي جاي
دعاء انا كلمته والله وقولته كان بيقول عالشان الشغل بس اكيد هيجي
شيماء الشغل طيب ماشي
ونزلو رواحو سوا
شادي انا هركن عند سوبر ماركت اجيب سجائر عايزه حاجه
دعاء لا مافيش سجائر خد بالك شويه من صحتك انت بتشرب سجائر كتير اوي
شادي مش هعرف أبطالها
دعاء انا قولت خفها مش بطلها وصلوا لبيت وفتحت شيماء
شيماء اي ده انتي قلعتي الحجاب
دعاء ايوه بقالي فتره
شيماء ده ليه
دعاء حباه اللبسه علي اقتناع
وبعدها الف سلامه عليكي يا طنطت
وشادي قاعد ساكت مش بيتكلم شايف شيماء اللي قاعده لابساه عبايه ومن غير مكيب وشكلها بقي اكبر من سنها في اي دي شيماء حبيبتي هي عامله ليه كده ليه يا شيماء مش بقيتي وخده بالك من نفسك
دعاء انا لازم امشي
شادي استني هوصلك
مامت شيماء لا ثواني عايزك يا شادي
ونزلت دعاء وهي مخنوقه
وشادي قاعد مخنوق لانه كان عايز يوصلها نعم يا طنط
مامت شيماء قومي البسي ياشيماء
شادي ليه يا ماما متخليها لحد ما تبقي كويسه
مامت شيماء انا بقيت كويسه الحمد لله ولازم تروح بيتها بقي يابني عالشان تشوف طلباتك ودخلت مامت شيماء الاوضه مامت شيماء خدي بالك من صحبتك دي
شيماء ليه بتقولي كده ياماما دي كويسه جدا
مامت شيماء نظرتها مش مريحاني لجوزها
شادي قاعد برا بعت رساله لدعاء روحتي
دعاء اه وياريتني ما روحت
شادي خير في اي
زميل بابا هنا وبيتكلم مع بابا عايز يخطبني لابنه
.................
الحقله الرابعه
....
شادي اي بتقولي اي وانتي موافقه
دعاء مش هعرف اقول لا انت عارف ان وضع البنت لما تكون مطلقه بيبقي صعب اوي ازاي مش بيبقي ليها راي ده كفايه أن بابا سايبني انزل شغل
شادي يعني اي تتجوزي واحد متعرفيش عنه اي حاجه
دعاء هعمل اي بعد اذنك بقي عالشان بابا بينادي لو عرف ان بتكلم في التلفون هيزعق وقفلت السكه وبعدين ضحكت ضحكه وزميلتها منار كانت معاها
منار يخربيتك انتي مصيبه
دعاء بس اي رايك
منار طيب لو عرف ان مافيش عريس جالك هتعملي اي
دعاء عادي ماما معايا هظبت الدنيا معاها بس عايزه اشوف نظرتو لما يعرف اني هتخطب
منار انتي مش سهله
دعاء اصلك مش شوفتي ولا شوفتي العيشه اللي شيماء عايشه فيها ومع ذلك مش صاينه النعمه تصدقي مش بتخلف وعالطول منكده عليه وهو أسلوبه معاها اي
منار بس لو حصل اعرفي أن وشي حلو عليكي لان انا اللي قولتك انزلي اشتغلي
دعاء اكيد ياروحي
وفيه العربيه شيماء عامله تكلم شادي وهو مش بيرد
شيماء فيه اي ياشادي عامله اكلمك
شادي عايزه اي دلوقتي
شيماء اي الأسلوب ده انت بتتكلم معايا كده لي
شادي يووووو هو انتي نزلتي عالشان تنكدي عليا
شيماء انابنكد عليك
شادي شيماء بالله عليكي انا عندي مشاكل كتير في الشغل ارجوكي مش عايز اي كلام دلوقتي
شيماء ولا دلوقتي ولا بعدين وروحوا
شيماء هتتعشا
شادي مش عايز اطفح ودخل الأوضه وفضل يبعد رسايل لدعاء تشوفها ومش بترد
والصبح صحي لبس ونزل الشغل ووصل الشركه ودعاء مجتش اتصل بيها
شادي الو ازيك يا دعاء عامله اي
دعاء الحمد لله
شادي هو انتي مش جايه الشغل
دعاء لا تعبانه شويه مش هقدر اجي
شادي عملتي اي في الموضوع
دعاء لسه بنفكر
شادي وانتي بتفكري
دعاء قولتك مبقاش بايدي بابا عايز يجوزني وخلاص بعد ازنك ماما داخله
وراحت لشيماء
شيماء دعاء خير فيه حاجه
دعاء لا جايه اقعد معاكي شويه في مشكله
شيماء لا يا حبيبتي خالص اتفضلي
دعاء انا متقدم ليا عريس
شيماء مبروك الف مبروك مين
دعاء ابن واحد زميل بابا
شيماء ربنا يهنيكي ياقلبي ويوفقك يارب انتي بنت حلال ولازم ربنا يعوضك
دعاء حبيبتي ربنا يخليكي
شيماء انتي مروحتيش الشركه انهارده
دعاء لا لأنهم مشيوا متاخر مش قدرت اقوم وصحيت جتلك حتي والله مكسوفه من استاذ شادي لان مش كلمته اعتزر ليه
شيماء هههههههههههه شكله بيجي عالسيره بيتصل الو ايوه يا شادي
شادي عامله اي
شيماء الحمد لله دعاء عندي
شادي خير فيه حاجه
شيماء تعالي بارك ليها ياسيدي هتتجوز
شادي مبروك الف مبروك انا قدامي ربع ساعه واكون في البيت وصل شادي ازيك يا دعاء
دعاء الحمد لله انت اخبارك اي لقيت نفسي مخنوقه جيت اقعد مع شيماء
شادي ومالو هي فين
دعاء في المطبخ
شادي تمام
دعاء انا كنت عايزه اقولك حاجه بصراحه ومش عارفه
شادي اوعي تقولي انك مش جايه الشغل
دعاء لا بصراحه انا بحب واحد اوي اوي ومش عايزه اتجوز غيرو بس مش عارفه أقوله
شادي ليه يمكن لما يعرف الأمور تتغير
دعاء صعب هو بالذات صعب اوي اوي وعيطت وبعدين مسحت دموعها وكملت شيماء انا نازله يا شيماء بابا رن عليا
ونزلت جري شبماء خرجت من المطبخ اي ده هوفبه اي
شادي معرفش وبعدين انا جاي ريح ساعه لقيها هنا دي بقت عيشه تقرف ودخل الاوضه وبعت رساله لدعاء
شادي الإنسان اللي بتحبي ده انا
دعاء معرفش
شادي تتجوزني ؟
صفحة مصطفي الصعيدي
......
الحقله الخامسه
....
دعاء شافت الرساله وقفلت الفون وبعدها شادي نزل عالشغل فضل يرن عليها مقفول عالطول بقي مش طايق نفسه هو انا اتسرعت اي اللي قولته ده بس انا حاسس انها مهتميه بيا وبتحبني طيب ليه عملت كده وتاني يوم راح الشغل وكان فرحان جدا لما شاف دعاء عالمكتب دخل مكتبه وبعدها هي ورا
شادي انا اسف على اللي قولته امبارح بس بجد مش عارف اي اللي حصلي لما عرفت انك ممكن تتجوزي مش عارف انتي عملتي ليا اي
دعاء انت متعرفش انا بحب شيماء ازاي ولو قلبي غلط واختارك انا لازم أوقفه عند حده لان شيماء دي مش زملتي بس لا دي اختي
شادي وانا عارف بس شيماء بجد اتغيرت معايا انا محتاج وحده تحبني وانتي كمان محتاجه واحد يعوضك اللي شوفتي
دعاء ارجوك يا استاذ شادي متصعبش عليا الموضوع انا بجد كنت بفكر مجيش الشغل تاني عالشان اقدر انساك مع أن حاسه اني عمري ما هقدر انساك
شادي بوصي احنا مش هنعمل حاجه غلط احنا هنتجوز علي سنه الله ورسوله ولو علي شيماء لو مش عجباه وعايزه تطلق هي حره
دعاء لا طبعا انا لو وافقت مش هينفع تطلق شيماء انا عمري ما هبني سعادتي علي تعاسه شيماء وبعدين لو حصل ياريت شيماء متعرفش عالشان نفسيتها متتعبش
شادي قد اي انتي بنت ناس ومتربيه
دعاء المهم لما تيجي تقابل بابا متعرفوش انك عارف بموضوع العريس اللي جه اتقدم
وفعلا راح شادي اتقدم وباباها كان رافض لحد ما عرف أن شادي هيدفع مبلغ كبير ليه مهر وشبكه
وجه يوم الفرح
شادي انا اسف ياحبيبتي عالشان مش هقدر اعمل فرح
دعاء حبيبي عيب لما تقولي كده انا مقدره ظروفك وكفايه انك هتدويني شهر عسل عندي بالدنيا
شادي الدنيا كلها تحت رجلك
دعاء انت قولت لشيماء اي
شادي قولتها أن عندي شغل في اسكندريه وطبعا عالشان انا مش في الدماغ هي ولا اتكلمت يعني عادي ساعت بحس أن وجودي مع شيماء زي عدمه مش بتزعل لو انا مش موجود او مش بتكون فرحنا وانا معاها
شادي عبيطه بقي فيه وحده تكون معاها واحد زيك وتعمل كده
شادي المهم هنتكب الكتاب ونسافر عالطول
دعاء حبيبي من انهارده انا من ايدك دي لايدك دي وتحت امرك
شيماء راحت تقعد عند مامتها لحد ما شادي يرجع
ام شيماء مالك يابنتي بقيتي عالطول زعلانه وشكلك عامل كده ليه
شيماء تعبت يا ماما شادي بقي متغير اوي مش بقي طبيعي عالطول سرحان ومش بقي يعقد معايا زي الاول
ام شيماء طيب ما تشوفي مالو يابنتي اشركي نفسك في مشاكله خليكي معاه خطوه بخطوه
شيماء كنت بعمل كده لحد ما بقي في تصرفات غريبه بتحصل منه وانا اعصابي تعباني اصلا
الام اهو سافر يومين فرصه ليكي يا حبيبتي تغيري من نفسك وشكلك ومودك كمان يكون اتغير عالشان لما يرجع يلاقيكي وحده تانيه والحياه ترجع بينكم كويسه
شيماء انشالله يا ماما
الام انتي اتصلي بيه تعرفي هو وصل ولا لا
شيماء لا
الام وده ينفع مش جوزك علي سفر ولازم تطمني عليه
شيماء والنبي يا ماما اسكتي
الام الراجل بيفرح باهتمام مراته ليه عملي دائما انو ابنك مش جوزك وهتشوفي هو هيتغير معاكي ازاي
شيماء انشاله ياماما
الام هي صحبتك اللي كانت شغاله معاه دي بتتصل بيكي
شيماء ينهار ابيض المفروض انا اللي اكلمها دي كان متقدم ليها عريس وانا نسيت خالص اتابع معاها دلوقتي هتكون زعلانه مني
دعاء وشادي قاعدين عالبحر تلفون دعاء بيرن
ينهار ابيض دي شيماء مراتك
يتبع...تعليقات كتير لكمل...
تعليقات
إرسال تعليق