 |
.الحلقه الاولى والثانيه 💦 حنين💦
تقف أمامه تبكي وترتجف وتنتحب
حنين ببكاء وانهيار: يا باشا والله انا معرفش انا ازاي كنت هناك طب ابوس ايدك انا عاوزه هدوم غير دي انا محجبه ياباشا ابوس رجلك
غيث بعصبيه: بطلي رغي ياروح امك ده احنا جايبينك تلبس من شقه مشبوهه هتعمليلي شريفه
حنين: والله والله ياباشا انا جالي تليفون بيقولي ان صح....
قاطعها غيث بغضب: ما تخرسي يا بنت *** انتي هتحكيلي قصه حياتك.... ياشاااويش
دخل الشاويش مسرعا وادي التحيه
الشاويش:تمام يا فندم
غيث: خد الشمال دي ارميها في الحجز ووصي عليها
ادي العسكري التحيه واخذ يجر حنين حتي الحجز والقاها بعنف علي الارض
جلست حنين تبكي وترتجف في اخدي زوايا الحجز حتي اقتربت منها امرأه و....
ــــــــــــ ـــــــــ ــــــــــ ـــــــــــ ـــــــــــ ـــــــــــــ
في مكان اخر يجلس شاب وفتاه يدخنون داخل احدي الشقق
شهد بضحك: هههههههه والله وزمانك مرميه علي البرش يا ست حنين هههههههههه(بتضحك ضحكه معفنه عشان مش بتغسل سنانها)
الشاب ويدعي اشرف: بس انتي عملتيها ازاي يعني قصدي ازاي خلتيها توصل للشقه
شهد بلا مبالاه: عادي خليت واحده حبيبتي تكلمها وتقولها ان فيه واحد خدرني وتلفوني وقع ولما مشيت ورانا شافته طلع بيا العماره فكلمتها بلغتها وبس
(تفوووو عليكي يا واطيه)
اشرف: يابنت اللذينه بس وهي صدقت ازاي
شهد: حنين دي هبله وعشان بتحبني خافت عليا وصدقت متعرفش ان انااللي خططت لكل ده هههههههههه
اشرف:غريبه بتقولي انها بتحبك ليه تعملي كده
شهد بغل: عشان بكرهها هي دايما أحسن مني وأشطر مني دايما هي تنجح وتطلع الاولي وانا اجيب مجموع وحش حتي في الثانويه هي دخلت طب زي ما هي كانت عاوزه وانا دخلت خدمه اجتماعيه أمها وابوها ماتو وهي زي ما هي متغيرتش كل حاجه حلال وحرام وكل حاجه بعملها تفضل تقولي ده مينفعش وده حرام حتي سليم الشخص الوحيد اللي حبيته سابني بسببها وبقي يقارني بيها ويقولي شوفي حنين لبسها محتشم ازاي وانتي لبسك عامل ازاي بصي حنين حنين حنين لغاية ما كرهتها كان لازم اعمل كده كان لازم يعرفو انها مش كويسه زي ما بتوريهم
اشرف بصدمه: يخربيتك ده انتي شيطان 👿 اي ده
شهد: بقولك اي انت مال اهلك
أشرف: خلاص ي ست اهدي
____ ____ ____ ____ ______
حنين؟!!
رفعت حنين رأسها والدموع في عينها لتصدم مما رأت
حنين بدموع ولهفه: مروه انتي بتعملي اي هنا جيتي ازاي
مروه: اهدي اهدي مسكوني وانا ببيع البضاعه في المترو وشديت مع الظابط جابني علي هنا قوليلي انتي اي اللي جابك هنا واي الهدوم اللي انتي لبساها دي
ازداد بكاء حنين وتحدثت بكلام غير مفهوم: انا والله التلفون شششهد مخخخطوفه وروحت اشوفها بس انا انا
مروه وهي تهدئها: اهدي بس وفهميني واحده واحده خدي نفسك كده
حنين:
flash back
تجلس حنين تقرأ وردها اليومي بصوت يريح القلب قبل الاذن بعد انتهائها من صلاة العشاء فقاطع تلاوتها صوت رنين هاتفها فصدقت وقامت بوضع المصحف في مكانه المخصص وقامت وجدت صديقتها شهد تتصل عليها اجابت حنين
حنين: السلام عليكم يا قمر القمرات
فتاه: الو انتي حنين
حنين: ايون انتي مين ده تليفون شهد هي فين
الفتاه: اهدي بس الفون ده وقع من واحده كان فيه شاب حط حاجه علي مناخيرها ووقعت وشالها وطلع بيها عماره في عنوان*************
حنين بفزع: اي انتي بتكدبي اكيد
الفتاه: انا قولت اقولك يمكن تلحقيها
واغلقت في وجهها
لم تجد حنين حل سوي انها قامت بتبديل ملابسها وارتدت ادنائها وحجابها ونزلت مهروعه حتي تنقذ صديقتها
وصلت حنين المكان المنشود وبمجرد دخولها باب العماره وجدت شخص يضع منديل علي انفها به مخدر وفقدت وعيها
حنين: ومحسيتش بنفسي غير والعساكر بيجرجروني
مروه بعتاب: شهد تانى يا حنين كام مره قولتلك ملكيش دعوه بيها دي مش من توبك وطول عمرها حقوده
حنين بطيبه: حرام يا مروه هي طيبه والله هي طايشه شويه بس
مروه بمقاطعه: بس اي والله تلاقيها هي اللي مخططه لده كله دي شيطانه وانا عارفاها كو
قاطع حديثهم صوت احدي النساء
فتحيه: جرا اي ي بت منك ليها عمالين لوك لوك لوك جرا ي ختي هو حجز ابوكو
مروه: جرا اي ي ست حد داسلك علي طرف ولا هو شكل للبيع
فتحيه: انا بقول شكل للبيع يا روح امك
حنين: احنا اسفين معلش حقك عليا والله
فتحيه: مالك ي ختي سهتانه كده ليه وعملالي مؤدبه ده انتي شكلك جايه اداب ربوها يا نسوان عشان تتطاول علي الست فتحيه تاني
قامت السيدات في الحجز بالاعتداء علي حنين بالضرب ومروه تحاول الدفاع عنها وهي تصرخ بأن ينجدهم احد
في مكتب غيث يجلس وفجأه يقوم العسكري بالخبط علي الباب والدخول وتأديه التحيه
العسكري: الحق ياباشا المساجين بيتخانقو تحت ومحدش قادر يسكتهم
وقف غيث بغضب وذهب ليري ماذا يحدث
وصل غيث الحجز وقام العسكري بغتح الباب
غيث: مكانك ي مرا منك ليها
فتحيه: اهلا ياباشا
غيث: جرا اي ي فتحيه انتي ملكيش كبير
كادت ان ترد لكن اوقفهم صوت ارتطام قووي التفتو ليجدوا حنين فاقدة للوعي
حاولت مروه ايفاقتها لكن بلا جدوي
حملها غيث واثناء خروجه
مروه: ابوس ايدك ياباشا خليني اطمن عليها دي يتيمه وملهاش حد
خرج وصعد الي مكتبه
ووضعها علي الكنبه بالمكتب وحاول ايفاقتها لكن بلا جدوي ايضا ظل يتأمل وجهها كيف تلك الجميله ان تكون هكذا
فحنين ناصعه البياض وقصيره بعض الشئ ذات جسد منصوق بروعه وعيناها التي تشبه العشب الناضج المختفيه اسفل اهدابها الكثيفه وشعرها الذهبي الذي يصل الي اخر ظهرها
فاق من شروده وابعد نظره عنها واحضر كوب ماء وسكبه عليها فاقت حنين مفزوعه
غيث: اهدي لكن دون فائده
فهي لم تستوعب بعد اين هي
غيث بصريخ: اثبتي اهدي بقولك
حنين بخوف: انا انا اسفه ابوس ايدك انا عاوزه اروح انا خايفه اووووي انا عاوزه هدوم ابوس ايدك
شعر غيث بالألم من منظرها اعطاها جاكيت البدله الخاص به اخذته حنين بلهفه وقامت وقامت تغطية ذراعيها وشعرها
غيث بهدوء: هديتي؟
هزت حنين رأسها بنعم
غيث: احكيلي اي اللي حصل
حنين والله هما اللي ضربوني
غيث لا قصدي اي اللي خلاكي تيجي هنا
حنين ببكاء: والله انا بريئة هحكي كل حاجه
قصت له حنين كل شئ حدث وبعد ان انتهت نظرت له
وقالت: والله دي الحقيقه انا كنت رايحه انقذ صحبتي
غيث بغضب: انتي غبيه ازاي مفكرتيش انه ملعوب وانها تمثيليه
حنين: انا كل اللي فكرت فيه صحبتي وبس والله ده اللي حصل
وبدأت بالارتجاف والبكاء مجددا
حاول غيث تهدئتها ولكن لم يقدر ولم يشعر بنفسه الا وهو محتضنها وبدون اراده منها تشبثت به اكثر وظلت تبكي بشده وفجأه انتبهت انها داخل احضان رجل غريب رفعت نظرها فالتقت خضرتها برماديته وبدون شعور من غيث
##يتبع.
الحلقه الثانيه
نوڤيلا (حنين)
أقترب غيث منها دون شعور وفجأة
بوووووم تررااااااخ (يا وجعتك السوده يا حنين يا بنت ام حنين)😂😂
ضربته حنين علي وجهه
غيث بصدمه وغضب: يابنت*** بتمدي ايدك عليا ده هيبقي أخر يوم في عمرك ده انا هخلي عيشتك أسود من قرن الخروب
حنين ببكاء: مش معني اني ضعيفه اني اسمح لحد يستغلني او يضيع تربية أهلي ليا في الارض
غيث بعصبيه: تربيه؟ سلامات يا تربيه أومال لو مكنتيش جايه في قضيه اداب كنتي عملتي اي ومين اللي كانت في حضني لسه خيالك
حنين ببكاء وهي تقول في بالها(انا ازاي سمحتله يلمسني وليه حسيت اني في حضن أبويا انتي غبيه يا حنين غبيه ده مش ابوكي انتي ابوكي مات خلاص ومحدش هييجي زيه ابدا)😢💔
حنين: انا قولت لحضرتك اني مظلومه ولو مش عاوز تصدقني أرجوك رجعني الحجز
غيث: يااشاااااويش الزفت
دخل الشاويش مسرعا وادي التحيه
غيث: خلي حد يجهز لي العربيه
قام ليث بجذب حنين من يدها بقوه حتي كادت تنكسر في يديه
حنين بأنين: سيب ايدي حرام عليك انت واخدني علي فين
غيث: امشي وانتي ساكته بدل ورحمة ابويا ادفنك مكانك
جرها غيث خارج القسم وألقاها غصبا داخل سيارته ودخل مسرعا حاولت النزول لكنه اغلق الباب اوتوماتيكيا
بقيت تحاول مرارا وتكرارا فتح الباب لكن دون جدوي
نظرت له وثم
حنين ببكاء وعصبيه: افتح الباب يا حيوان انت واخدني علي فين
لم تتلقي سوي صفعه من يده القويه علي وجنتها الناعمه
نظرت له في صدمه والدموع متحجره في عينيها من صدمتها فهذه أول مره يضرب شخص في حياتها حتي والداها لم يفعلاها
غيث بعصبيه: متبصليش كده انتي لسه مشوفتيش حاجه ده انا هوريكي النجوم في عز الظهر عشان تبقي تمدي ايدك علي غيث الفيشاوي وتطولي لسانك انا هدفعك عمرك تمن القلم اللي اديتهولي
حنين: ما انت مش راجل وعيب انك تنول شرف الرجوله اللي يفرض قوته علي الاضعف منه عمره ما يبقي راجل انت واحد....
قاطعها غيث صارخا في وجهها
: انا هوريكي اللي مش راجل ده هيعمل اي
واكمل قياده حتي وقف أمام عماره في احدي الاحياء المتوسطه الحال نزل وفتح الباب وسحبها خلفه حاولت الصراخ والافلات منه لكنه احكم احدي يداه علي فمها والاخري امسك بها يدها
غيث بفحيح: متفكريش إن حد ممكن يسمعك او ينقذك مني لو ممشتيش زي الشاطره كده مش هيطلع عليكي نهار
هزت حنين رأسها في خوف بالموافقه وركبت معه المصعد وهي ما زالت ترتجف
وصلو للطابق المنشود جرها وادخلها داخل الشقه
دخلت حنين وظلت تتطلع حولها بخوف ودموعها تأبي التوقف
غيث: شايفه الأوضه اللي هناك دي (اشار الي احدي الغرف) تدخليها ومشوفش وشك براها لحد ما يجيلي مزاج تخرجي منها
حاولت حنين الرد لكنه اوققها وهو يصرخ بها: اتحركي
هربت من امامه الي الغرفه واغلقت الباب خلفها خوفا من ان يلحقها لكنها سمعت صوت اغلاق باب الشقه
فتحت الباب بهدوء واخرجت رأسها تأكدت من عدم تواجده هرعت الي باب الشقه حاولت فتحه لكنه كان موصدا بالمفتاح بدأت بالتجول في الشقه أملا في ايجاد مخرج دخلت احدي الغرف وجدتها ممتلئة بصور لسيده في الستين من عمرها وبعض الصور لها مع غيث فخمنت انها غرفة والدته فهي تشبهه تماما فهو لديه شعر اسود ناعم جدا يصففه علي الطريقه الشبابيه وحاجبان كثيفان ورموش كثيفه وطويله تغطي عيناه الرماديه الحاده كعين الصقر يختلف عن والدته في لون البشره فهي ناصعه البياض لكن هو ذو بشره قمحيه فاقت من شرودها في صورتهم
عندما جال الي خاطرها فكره وهي ان تبحث عن احدي ملابس والدته ترتديها
قامت بالبحث حتي وجدت اسدال صلاه كبير وواسع ارتدته وقامت بلف الحجاب الخاص به لتغطي خصلاتها الرائعه خرجت من الغرفه واتجهت نحو الحمام (عرفت مكانه عشان لفت في الشقه عشان تحاول تهرب وكمان دي شقه مش متاهه)
قامت بغسل وجهها وتوضأت وقالت
: انا احسن حاجه اتوضي عشان لو قتلني ابقي ميته علي وضوء😂😂
انتهت ورجعت ادراجها الي الغرفه مره اخري واغلقت الباب وجدت سجاده صلاة فانتهزت الفرصه وقامت لتصلي وتشكو حزنها لخالقها ظلت دموعها تهطل كالأمطار وهي تتوسل الله ان يحفظها
انتهت من الصلاه وجلست تتلو ايات الله التي تحفظها عن ظهر قلب حتي انها لم تشعر بذلك الذي يقف ينظر لها بنظره غير مفهومه اهي دهشه ام غضب ام اعجاب
غيث بصدمه: ينهار ابوكي اسود
حنين بفزع: اعوذ بالله انت ازاي تدخل من غير استئذان انت متخلف
غيث:انتي ازاي تسمحي لنفسك تمدي ايدك علي هدوم امي
حنين بتهتهة: انا اصل انا كنت بردانه اه اه كنت بردانه وعاوزه اصلي
ثم حاولت اخفاء توترها:وبعدين انت ازاي تسمح لنفسك تدخل عليا من غير ما تخبط الباب
غيث ببرود: أولا ده بيتي وادخل مكان ما احب وقت ما احب ثانيا بقي بلاش دور الست رابعه العدويه اللي انتي عايشه فيه ده
حنين بدموع وانهيار: انت ليه مش مصدقني ليه عاوز تشوفني وحشه واني واحده مش محترمه حرام عليك انا اهلي تعبو في تربيتي انا عمر ما حد قال عني كلمه وحشه انت ليه كده
احس غيث بألم في صدره من دموعها تمني لو ان يمسحها
لها ويضمها الي صدره ويزيح عنها ألمها
عقله: اي انت اتجننت دي واحده مش محترمه
قلبه:بس انا حاسس انها مبتكدبش
قاطع شروده صوت حنين وهي تقول بلهفه وكأنها تذكرت شئ
حنين: تليفوني صح فين تليفوني انا هثبتلك اني بريئه انا تليفوني في خاصيه تسجيل المكالمات بشكل تلقائي ايوه صح انا سيبته يومها في البيت عشان كنت مستعجله ابوس ايدك يا باشا خليني اروح اجيبه
غيث: حد قالك اني مغفل ولا مختوم علي قفايا عشان اسيبك تمشي وانا اضمن منين انك هترجعي
حنين: والله والله هرجع ياباشا طب بص انت ممكن توصلني
صمت غيث يفكر
عقله:انا مش عارف انت ليه شاغل نفسك بيها
قلبه:انا حاسس انها مظلومه
عقله:والنبي اقعد ي مهزق انت علي جمب وانت مالك مظلومه ولا لا
قلبه: ها؟ اصل اصل.. انت مالك وملكش دعوه انا عاوز اعرف اذا كانت مظلومه ولالا
(وكالعاده يفوز الاحمق الصغير)
غيث: هروح معاكي بس اي حركه نداله او انك تصرخي او تلفتي الانتباه هيبقي اخر يوم في عمرك
حنين بأمل: والله يا باشا أبدا ولو عملت اي حاجه احبسني
ذهبت حنين وغيث الي المنطقه التي تعيش بها
حنين:ي باشا ازاي تطلع معايا طب والجيران يقولو عليا اي وازاي تدخل الشقه عندي وانا عايشه لوحدي دي كده خلوه وحرام انا كنت في شقتك لوحدنا عشان ده كان اجبار منك
غيث بسخريه: صدقتك انا كده قدامي بدل ما ارجع في كلامي واقولك مفيش ادله واعلي ما في خيلك اركبيه
حنين بهمس غير مسموع لكنه استطاع سماعه: يا اخي كتك القرف
غيث: بطلي برطمه وقدامي
صعدت حنين شقتها واخذت المفتاح من العداد المتواجد امام شقتها وجائت تفتح الباب أوقفها صوت انثوي وهو يقول بصدمه
شهد: حنين؟!!!!!
التفتت حنين لتجد شهد نسيت تماما امر غيث وجرت ناحيتها واخذت تحضنها وتبكي
حنين: ببكاء شهد انتي كويسه انتي مش مخطوفه انا كنت هموت من الرعب عليكي
شهد بتوتر واستغراب: ها؟ مخطوفه مخطوفه اي بس انتي سخنه واستغلت وجود غيث مع شهد لتلهيها عن اسألتها
صحيح مين ده يا حنين ثم اكملت بضحك اسخفاف: هي الشيخه حنين بقت ليها في الولاد ولا اي ههههههه
حنين: اي اللي انتي بتقوليه ده ازاي تقولي كده يا شهد انتي اكتر واحده تعرفيني
شهد وهي تتدعي البراءه: طبعا يا حبيبتي مش قصدي بهزر معاكي اصل غريب لما راجل ييجي شقه لواحده وهي لوحدها
تدخلت أم سيد وهي جاره حنين في الشقه المجاوره (الدور فيه شقتين وشهد ساكنه فوق حنين بدور) فهي استمعت لكلمات شهد وهي لا تحب حنين لانها رفضت الزواج من ابنها سيد
ام سيد: شوف شوف البجاحه البت ال**** جايبه رجاله البيت وعامله فيها ست خاضره الشريفه بطلو ده واسمعو ده شوفي يا ختي انتي وهي اللي عامله متربيه وقال اي بترفض ابني اللي كان هيسترها اتريها عاوزه تمشي علي حل شعرها وتترمي في حضن الرجاله
تجمع الجيران علي صوت ام سيد
حنين بصدمه: اي اللي بتقوليه ده يا ست انتي كل ده عشان رفضت ابنك اللي متجوز وعنده 3 عيال ده قد ابويا وانتي ازاي تتهميني بحاجه زي كده انتي اكيد جرا لعقلك حاجه
ام سيد: اتهمك ازاي يا حلوه الراجل قدامنا اهو تقدري تقوليلنا مين ده بسلامته
حنين بتوتر:ده ده يبقي يبقي
... أنا جوزها؟
😵😵
تكمله الحلقه الثالثه والاخيره من هنا
تعليقات
إرسال تعليق