 |
؛ #زوجي_هو_زوج_اختي
#الجزء_الثالث والرابع الأخير
ماما: مع مين كنتي عم تحكي
كنت مسكرة الجوال وصافنه
سما:
ماما: شو بنتي
سما: حماتي قال بدها ياني روح احضر معا حفلة خطوبة بنت اختها
ماما: ماغيرها هالة الضرسانة
سما: ايه
ماما: روحي واقهرينه
سما؛ مابدى اقهر حد
ماما: بدك تروحى كرمال زوجك
وقتها بس ذكرتني اني متزوجة 15 يوم مرق مسافر مابحكى بس بحكى مع ماما كل يوم ماما صارت متقبله الامر الواقع متقبله انه انا صرت مرت عامر بس اخ ياوجعي
ماما: قليلي بحكي معك عامر شي
وقتها سكتت
مسكتني من معصمي
ماما: كرمال امك حبي عيشي بسعادة لتعيشيني بعقدة الذنب
كتفت ايديها وكفت حكيا
ماما: عامر متل شي غريب غالى سهل يطير من ايدك ويصفي بايد تانية ووقتها بنصير نقول ياريت الى جرا ماكان
....
ماما كان معا حق بس كان الشي صعب صعب كتير عليا صعب اتخيله واتخيل شو ممكن يصير
يعني صرت لا انا مزوجه ولا انا بنت
هالمرة كان لازم ارجع بيتي اختار شي فستان البسه للسهرة
راحت معي ماما كانت حاسة بذنب كبيربجهتي بتحاول تدعمني
فتت البيت فتحت فواحة العطر كانت حلا نايمة بالكوتة
ماما:تعالى ياعمري معي
سما:..
طلعت معي ماما عل غرفة النوم فتحت الخزانة واختارت فستان اخضر طويل من وراء قصير من قدام كتير حلو بكرستال عل الصدر والظهر مفتوح
ماما: هادا حلو
قعدت عل طرف السرير مسكت الفستان بين ايدى اطلعت بوش ماما قديش صعب عليها كنت حاسة برجفة ايدها بدمعة عينة الى بتزيحها كل شوى باصبعها حتى ماشوفها وانا كنت زيح دمعتى باصبعي حتى ماما ماتشوفني
بس ماما قربت مني قعدت عل ركبها عل الارض
ماما: احكيلي
سما: شو
رفعت شعري بايدها عن وشي وصرت ابكى انزلت ضمتني وصرنا نبكي
ماما: هادا نصيبنا لازم نسعد حالنا
سما: بس
سحبت وشي بين ايديها وقالت مش صعب عليا اعرف انه عامر لسه مالمسك بس راح قلك اختك حبت عامر
ولفت وشها واطلعت عل الشباك
سما: وهوا حبها
ماما: عامر حب حبها اله
مسحت وشها بايدها وقالت بعد مااخدت نفسها بصعوبة
كانت دايما تقلي بحبه وبحس انه اختارني بس لانه كان شايف جنوني عليه كانت تقلي بحبه اكتر بكتير ما حبني حبني لاني مرته احترم كرامتي قدام اهله عل الرغم كنت حس حبه شفقة
سما: بعرف انت بتحكي هيك كرمال
ماما: كرمال شو تحبي
سما: اه
ماما: الايام راح تثبتلك كل شي
ماما: يالله نروح تعملي شعرك
سما: بعمل هون
ماما: لا مرت كابتن عامر مالازم يكون زيها حد
يالله كان قلبي بنزف وجع عليها ماما بتحاول تسعدني
..
كانت عم تعمل شعري وعم تتغزل بجمالي بس كنت بفكر بكلام ماما
ماما حاملة حلا وواقفة جنبي
الكوافير: ماشاء الله بنتك شبهك
اطلعت بماما
لقيتها بتطلع بالصغيرة برضا
كان هدفي اسعد ماما وبابا بكفي جرح
بس كيف ممكن ابدا انا وعامر كيف صعب مستحيل
واحنا راجعين البيت حتى جهز حالى
ماما: وقت تصيري الامور تمام بينك وبين عامر بدى تروحي قبر اختك تحتي اكليل فل
اطلعت بماما
ماما: راح اعرف وقتها انه اختك ارتاحت بقبرها
سما:...
وصلنا البيت
سما: ماما كيف راح روح لحالى
ماما: كيف لحالك
سما: حماتي اكيد هناك
بس قبل ماكمل كلمتي كان الجرس برن
ضحكت ماما وقالت بالمعاد
اطلعت بالمراية اول مرة شوف حالى قديش حلوة خاصة المكياج الخفيف
كنت بدى اسال ماما مين اجا
بس لفيت وشي كان عامر واقف وماما حاملة الصغيرة
اطلعت فيه بخجل
كان ماسك زر جاكيته فكه وريح البدله السودة الى بتجنن ومعطيا رجولة بتسحر حسيت خدودى متل النار الشاعلة فيهم
...
ماما: ماحتسلمي عل جوزيك
قربت منه ومديت ايدى
اول مرة ايدى تيجي بايده حسيت حالى عم لف من لمسته كان في بلمسته حرارة فيها تشعل بلد
ماما: راح تتاخروا مابدى حماتك تزعل
ضحك عامر نص ضحكة
سما: ماشي
طلعت جنب عامر
ماما: خلوا الصغيرة عندى الليلة
اطلع فيا عامر ولف وشه ومشي
كلام ماما احرجني كتير وخجلني كمان اطلعت بمام بعصبية
طلعت جنبه بالسيارة السودة
كان ساكت وانا ساكتة
بس بالاخير نطق
عامر: الاخضر جاى عل عيونك
اطلعت فيه وماحكيت منتبه انه لون عيونى خضر يعني
سما: متي جيت
اطلع جهتي
عامر: بهمك
كان نفسي قله لا بس مسكت اعصابي وقلت منظرى بشع
قطع كلامي
عامر: منظرك بشع
ضحك باستهزاء
عامر: ليه امك مش عارفة انك تزوجتي كرمال الصغيرة بس
سكتت وهالمرة حسيت انه هزنى بجد
....
وصلنا الحفلة وقت نزلت من السيارة
قرب مني وهمس
عامر: اسف مضطر ازعجك وامسك ايدك
مانطر رد
حط ايدى تحت ايده ومشي كان ماشي مبتسم وقت وصلنا وفتنا العيون علينا كانه نحنا العرسان كان ماشي وايدى بايده ماشي بكبرياء لفيت وشي واطلعت فيه من الجنب حسيت قديش انا محظوظة انى مرته محظوظة اني فتت هالحفلة وانا ايدى بايده بس كل ماكنت بقرب من الكوشة كنت ببلع ريقي حسيت جسمي برد فجاءة رجليا ماعاد شالونى
عامر: انتي بخير
سما: ام
هزيت براسي وقت قلتها ماقدرت حتي انطقها
عامر: مبروك هالة
مد ايده وسلم
وسلمت عليه
بس الصعوبة وقت سلمت عل العريس الى ماكان غير زياد زياد بس كيف جمعه بهالة شو بصير
سلمنا وقعدنا عل طاولة حماتي
وبناتها
حماتي: لا حلوة
عامر: اطلع بامه كانه بترجاها ماتعلق
بس كانت ايدى اسيرة ايده ولاول مرة حس اني محتاجة سند متل عامر جنبي بحركة غير ارادية ضغطت عل ايده
لف وشه جهتي واطلع بوشي بس كنت بطلع بكاسة العصير قدامي
....
عيون زياد كانت معلقة عليا مااطلعت ناحيته ولو مرة ماكنت بدي بين ضعفي هلا انا عل ذمة رجل تاني وترباية اهلي بتمنعني فكر تفكير بس بغيره مش تفكير
......
كنت كل السهرة شاردة وغيري محروق
هالة: عجبتك سما
زياد: شو
هالة: منظرى بشع وانت عم تطلع بمرتة ابن خالتي
زياد: لك شو مين الي عم اطلع فيها
لفت هالة وشها عنه بحرد
هالة: انا احلى
زياد بعقله: الله يحرق قلبه الى حرمني منها والله متل ملكة وكلكم جواري ماشي وكامش ايدها كأنه بدها تهرب مابدو يتركها
....
ام عامر: شو ابني انت قديش قاعد
اطلع فيا وقال شوى
ام عامر بقلبها: ملكت قلبك بنت سوسن بس انا بورجيها
سما: خلينا نمشي
عامر: يالله
ام عامر: شو قالت بدنا نمشي عل طول مشيت كلمتها
عامر: ماما راجع من سفر
وقف وكان عم يعمل زرار الجاكيت
ام عامر: بكرة غداكم عندى
عامر: انشاء الله
روحنا نودع العرسان بس هالمرة كان زياد وقح ضغط عل ايدى بقوة بطريقة ازعجت عامر
اطلع فيه بعصبية وفك ايده من ايدى كنت عم اطلع بوش عامر وهوا بخلص ايدى من ايد زياد
هالحركة لفتت انتباه الكل لنظرات زياد
واحنا بالطريق كان عامر معصب كتير كتير
عامر : بتعرفي
ماكان فيا اكذب
سما: دكتورى بالجامعة
اطلع فيا بغيظ
عامر: شكله بعزك
ماكان فيا احكي شي بقيت ساكته لانه ماكان في مجال للحكي
...
فتت عل البيت شالح الجاكيت ورما عل اقرب كنبه
وقعد وحط ايدى عل وشه فتت قعدت قباله
رفع عيونة واطلع فيا
...
هاللحظة حسيت ليش اختي كانت تحبه
عامر: عل العموم احنا عصبين بطبعنا الرجال
سما:...
عامر: بنخنق
سما: علمر انا
عامر: لا تحكي شي
بهالليلة نمنا بغرفة وحدة بس مالمسني لمسة وحدة وكنا حسين انه بينا حاجز
....
طول الليل كنت معطيا ظهرى وحاسة فيه عم يتقلب بفراشة يمين وشمال
بس ماحكا معي شي
...
فقت بدري عملت فطور
عامر : راح روح جيب شوية اغراض جهزى حالك نمرق ناخد الصغيرة ونروح لماما
سما: ماشي
لبس وطلع وانا كنت عم رتب البيت سمعت رنة مسج عل الماسنجر مسكت جوالى قريتها حطيت ايدى عل تمي ..
يتبع.....https://www.facebook.com
#زوجي_هو_زوج_اختي
#الجزء_الرابع_والاخير
كانت الرسالة من زياد وكان مضمونها غريب
( كنت عاملة متل البدر . بس انه البدر يكون ببلدك ويشرق ببلد تاني هالشي مستحيل مافي ارض بتعيش اذا غاب قمرها وبدرها ومافي عين بتنام بليلة ظلمة بيختفي فيها البدر لهيك ارضي ماحتتنازل عن بدرها)
حسيت بخنقها قعدت عل الكنبة حطيت ايدى عل جبيني
وهالمرة انا الى عملت بلوك لزياد
حاولت ارجع طبيعية بس ماكان فيا
بعد شي ساعة رجع عامر كان حامل كياس فات عل المطبخ فتت رتب الاغراض معه
كنت حاسة عل حالى اني مش طبيعية
كان عم يطلع الغراض رفع راسه
عامر: في شي
هزيت راسي بالنفي
عامر: روحي اجهزى
سما: بس نخلص ضب الاغراض
ابتسم ضحكة بينت الغمزة الى بخده وهاي اول مرة بشوفها وقال لا انا بضبها
هزيت راسي ورحت
بصراحة رجليا ماكانوا شايليني كنت حاسة برعب بخوف شي صعب انه تكوني متزوجة وشايلة اسم حد وهيك شي يصير
....
فتحت الخزانة كنت ماسكة باب الخزانة بايدى وعم حاول ركز تفكيري اختار شي فستان
بس حسيت بشي كهربا عم تمشي بجسمي وقت ايده اجت عل ايدى
عامر: راح اختار انا
مرق جسمي لدرجة كان راح يلزق فيا
حسيت بشي غريب
لف وشه بعد مااختار فستان
وشي كان بوشي
عامر: راح يطلع حلو عليك
كنت سرحانة
عامر: وين وصلتي
سما: ولاشي
اخدت الفستان كان زهر فاتح وفي ورود بيضاء وفتت عل الحمام
لزقت ظهري عل باب الحمام وصرت ابكى
كنت بلوم حالى عل لحظة اني ميل اله
تذكرت سنا شو كانت تغني
وقت كانت عاشقة لعامر
....
راح تفكيري وكنت باول ثانوى وقت فاتت من جامعتها عم
تغني ( انا مين لو سالوني انا مين بقلن انت انا من ضلعك شالوني من يوم الى تكونت)
وقتها وقفت قبالها وقلت
سما: مين
سنا: بحبه
ومسكت كتافي وصارت تلف
سما: مين
سنا: طيار بشوفه بيته قبال الجامعة يالله شو حلو ببدلة الطيار بجنن
سما: له له راح يطق عقلك
رمت حالها عل السرير واطلعت بالسقف
وغمضت عيونها
سما: شو بدك تنامي
هزيت ايدها
سنا: لا بس مابدى شوف شي بعد صورته
...
رجعت وصرت ابكي وامسح وشي بايدى غسلت وشي والبست الفستان الى اختاره
مابعرف ليه رددت كلمة
( انا من ضلعك شالوني)
طلعت من الحمام كان ناطرني لابسه قميص سبور زهر وبنطلون جينز
وقف وضحك
معقول كون عشقته
بس اختي
لاول مرة ابكى قدامه
قرب مني
عامر: شو ليه البكى
سما: لا
عامر: لا شو
كنت عم حاول انكر اني عشقته
ومسح دموعي بكفه
حسيت بحرارته مابعرف ليه حسيت انه نفسي ارمي حالى بحضنه وقله تعبانة
عامر: مدايقة منى
سما: لا
عامر: لكان
لفيت وشي عنه وغطيت وشي بايدى قعدت عل الارض وصرت ابكى
نزل وحط ايده عل شعري
سؤاله صدمنى
عامر: في حد بحياتك
كان نفسي قله كنت بفكر انه في حد بحياتي كنت بعتقد اني مغرومة بحد بس طلع لا
طلع الحب الى الله بحطه بقلب الزوجين شي تاني كان نفسي قله نار عم تحرقني غيرة من وحدة من لحمي صارت تحت التراب
كنت حاسة احساس غريب ربنا اله حكمة بزرع الحب والمودة
وكان بطريقة غريبة
....
اخدنا الصغيرة من عند ماما كل شوي اسرق نظرات اله شعره الى متل الحرير كنت احسد ايده وقت تنغرس فيه
وقت وصلنا عند حماتي اللقاء كان مزعج كتير
كانت متعمدة تلقح كلام عن المرحومة شي
كانها بتذكرني انه عامر كان لحد تاني
كان نفسي قلها اختي صارت ضرتي بحب عامر بس سكتت وماحكيت
ام عامر: متى الك سفرية جديدة
عامر: بكرة الصبح
اطلعت فيه حسيت بدقات قلبه عم تعلا
كيف لسه مبارح قال راح يقعد
....
نيمت الصغيرة بسريرها اطلعت فيها وضحكت
فتت اوضتي لاول مرة بفتح ضلفة التياب الداخلي
كنت راح اختار قطعة بس سكرتها وسندت ظهري للخزانة
طلعت بيجامة سيتان زهر ورفعت شعري وحطيت شوية عطر فات عامر الاوضة
اطلع فيا ضحك
قرب مسك دقني
عامر: انت حلوة كتير
لفيت وشي خجل
عامر: اطلعي فيا
ولف وشي مقابيل وشه واطلع بعيوني
يالله شو انه بجنن
عامر ضمني كان اول مرة بحس هيك احساس
هالمرة قلت انا من ضلعك شالونى من يوم الى تكونت
الغريب ولا كانه زياد كان بحياتي
اطلع فيا كانه بقلي يالله نبلش حياتنا سوا
كنت حاسة بنار الغيرة من اكتر مخلوقة حبيتها وصارت تحت التراب
حسيت برجفة بجسمي
عامر: بتجنني
عامر: مابعمري حسيت هيك احساس
بلعت ريقي وقلت
سما؛ احساس شو
عامر: تكون مجنون وملهوف عل حد هيك
كنت راح اساله وسنا بس بلعت سؤالي الغبي وسكتت
قرب شفايفه مني بس قبل ماياخدها رن جواله
اطلع وحاول يتجاهل بس
راح رد
بس هالمرة كان زياد احقر الخلق عم يخبره انه اخد وحدة مابتحبه كان بطلع فيا بقهر كانوا عيونة متل الشرار
عم يطلع فيا وعم يضغط عل ايده
سكر ورما الجوال عل طول ايده
عامر بصوت خلاني ارتعب: ليش
سما:..
كل الحكي تاه
كله راح
عامر: ليش حتى هوا يخبرني انك مابدك ياني
صرت ابكى بس كانه شي سحر فيا مش قادرة احكي شي
عامر مسك معصمي وكان راح يكسرة
عامر: لك قلبي دق اول مرة الك
فتحت عيوني
عامر: مابنكر حبيت سنا بس لانها مرتي بس قلبي دق لحبيبة الك سنا حبتني بس هالمرة انا الى حبيتك
بكيت عليها وكنت راح جن بس ماتوقعت حب هيك بس ليكنى حبيت وحدة خلت حبيبها برغبتها انها تتركنى
عامر: هلا عرفت سبب دموعك
هلا عرفت
قالها وطلع
تركني ضايعة
صرت صرخ نادى عليه بس كان رايح
....
كنت ببيت اهلي باوضتي ساندة دقني بركبي وببكي وقت رن الجوال بس رميته وقت ماكان اسمه
دفنت راسي بمخدتي
ماما فاتت عل صوتي
ماما: بسم الله
اطلعت فيها ورميت راسي عل كتفها
سما: 10 ايام مابعرف عنه شي
ماما: اهدى
سما: ماخلاني دافع عن حالى
ماما: روقي
اطلعت فيا
ماما: بتحبيه لهدرجة
كنت خجلانة اعترف بهالشي كرمال اختى الله يرحمها
بس ماما اخدت نفس وطلعت كنت حاسة بالدمعة بعيونها
...
كنت قاعدة بالاوضة وحلا نايمة جنبي كنت بحكي معها ملامحي كلهاةتغيرت 20 يوم مابعرفه عن شي
سواد تحت عيوني نحفانة ارهاق كنت بطلع فيها ونفسي اشكيلها من ابوها
وقت اندق الباب مرة
استغربت ماما بالعادة مابدق وبتنطر افتح
قمت جريت افتح
قلبي بدق ايدى برجفوا حاسة جسمي متل التلج
وقت فتحت وشفته قدامي
ضحك
عامر: كيفك
لفيت وشي عنه
رجعت اطلعو فيه
بلعت دموعي ومسحت انفي بايدى
سما: ليش هيك
عامر: غيرة العاشق خلتني صدق
رميت حالى بحضنه
عامر: بحبك
ضمني صرت ابكى بصوت عالى
عامر: اسف
رفعت راسي وقلت مين قلك الحقيقة
عامر: امك
صرت ابكى
سما: مش حق حس بهالمشاعر
عامر: حقك وحقي عليكي تحسي فيها
سما: حبي الك غير عن
عامر: حط ايده عل تمي
عامر: لا تحكي بغار
سما: والله ماكان حب
رجع ضمني
وهمس: يالله نرجع عل بيتنا
اطلعت فيه بخجل
عامر: همس هالليلة لازم تكون ليلتنا
رجعت رميت حالى بحضنه
...
مش سهل انك تتزوجي زوج اختك بس الله خلق المودة بين الزوجين ماقدرت انسا بس كنت ادعي الله يصبرني عل احساس الغيرة
زياد ترك خطيبته لانه كانه هدف يتقرب مني ويخرب حياتي بس عامر وقفه عند حده وسافر زياد لعند اهله جبت لعامر بنوته مابنكر اعطاني كل الحب الى بتتمنا اي بنت بس مااعطاني كون اول بنت بحياته ...
#انتههههههههت رايكم بهمني💙💙?
تعليقات
إرسال تعليق