 |
بعدما وجدت الرسالة علي باب شقتي
ولقيت ان المتصل كاتب وبيقولي ....
اني لازم اخد قرار ..
في موضوع القتل
وعشان المتصل عارف
اني مش معايا موبيل...
ومفيش وسيلة ارد عليه من خلالها
فا كتبلي وقالي...
ان لو انا موافق اني اقتل
سماح .. وتغريد
اديلة اشارة بالموافقة عن طريق
اني.. ارمي الرسالة الي هو باعتهالي من الشباك
للكاتبة حنان حسن
و لو مرمتش الرسالة
من الشباك
هيعتبرني برفض طلبة
وساعتها ..... هيبلغ عني.... وهتسجن بالادلة الي معاه
وفضلت افكر
هعمل ايه؟؟؟؟
لغاية ما اهتديت لفكرة ذكية
وهي اني استغل طلبة ده
واضرب عصفورين بحجر واحد
اولا.... اتوصل لشخصية المتصل
وثانيا.... امسك عليه دليل بخط ايده
وهو بيحرضني علي القتل
وهقولكم ازاي ....
انا فكرت ولقيت ان
تحت بيتنا محل موبيلات
والمحل ده مركب كاميرات مراقبة للشارع
وقررت احتفظ بالرسالة
الي المتصل بعتهالي
واجيب ورقة فاضية وارميها من الشباك
بدل ما ارمي الرسالة
وطبعا ...انا لما هرمي الورقة وابعد عن البيت
هيجي المتصل بعد ما انا امشي
وهياخد الورقة الفاضية من تحت الشباك
و ساعتها الكاميرات هترصد المتصل
وهو بيستعيد الورقة
وطبعا...انا لما ارجع
هفرغ الكاميرات الي في محل الموبيلات
وهشوف مين الي اخد الورقة من الارض
وساعتها .....
هتوصل لمعرفة شخصية ذلك المجرم
الي بيتصل بيا
وهقدر ابلغ عنة
وخصوصا.... اني هيبقي معايا دليل بخط ايده
علي انه بيحرضني علي القتل
وده من خلال رسالتة
الي هتحفظ بيها كا دليل ادانة عليه
وبالفعل...
دخلت.... وجيبت ورقة بيضاء وطبقتها
ورميتها من الشباك...
ونزلت بعدها بسرعة
علي بيت نوال
عشان اقابل سكر
للكاتبة حنان حسن
وبعد ما الساعة عدت١٢ بعد منتصف الليل...
كنت واقف علي باب بيت نوال....
وسكر .....وبخبط
وشوية..
وسمعت صوت سكر كالعادة من خلف الباب
بيقول...
مين؟؟؟
قلت بصوت منخفض
انا الدكتور عمرو يا سكر اقصد يا رانيا ... افتحي
وبمجرد ما سكر سمعت صوتي
فتحت ودخلتني بسرعة
ولما دخلت وجلست معها
سالتها...
قلت...
ايه هو الشيئ الخطير الي الي حصل؟
وخلاكي اتصلتي بيا عشان تقوليلي عليه؟
ردت سكر بقلق
وقالت...
انا عرفت امبارح بس
انك فعلا بريئ من تهمة التحرش
قلت...ازاي؟
انتي مش قولتي
اني انا الي اتحرشت بالبنت فعلا
وانا تحت تاثير المخدرات؟
ردت سكر
وقالت
منا كتت معتقدة زيك كده
لكن امبارح ...
سمعت نوال ....
وهي بتتكلم في الموبيل
بدون ما تعرف اني بسمعها طبعا
لاني كنت بسمع ...
من ورا باب اوضتي...
وعرفت انهم
بيدبروا ليك مصيبة جديدة
ومن خلال كلامها مع بعض الاشخاص...
الي استمر لاكتر من ساعة
فهمت شوية حاجات
خطيرة
فا قولت احذرك
وسالتها بلهفة
هما مين دول الي بيتفقوا عليا؟
وايه الي سمعتية بالظبط؟
ردت سكر
وقالت...
اول واحده هي( سماح زوجتك)
قلت ... معقولة ؟
سماح هي الي ؟؟؟
ردت سكر
قائلة
للكاتبة حنان حسن
للاسف .. ايوه
انا عرفت يا دكتور....
ان سماح ....
هي الي دبرتلك الفضيحة الي انت اتعرضتلها
قلت...مش معقولة
سماح تعمل معايا كده ؟
طيب ليه؟
وازاي؟
ردت سكر
وقالت...
هقولك ازاي
وبدات سكر تشرح كيف تم التدبير...
لالصاق تهمة التحرش بي
حيث قالت
الي فهمتة من الكلام ان...
زوجتك سماح
هي الي دبرتلك الفضيحة دي
وهي الي اتفقت مع البنت الي اتهمتك بالتحرش
مقابل مبلغ من المال
قلت...كل ده عشان كانت شاكة اني بخونها؟
ردت سكر
وقالت...
استني لما اكمل كلامي
قلت ..كملي بسرعة
استمرت سكر في سرد الحقيقة
قائلة
للاسف...يا دكتور
سماح مكنتش عايزة تعملك فضيحة
لمجرد انها تادبك ..
وينتهي الموضوع بجزا او لفت نظر فقط
لا...
دي كانت عايزاك تتسجن ...
ويضيع مستقبلك
وساعتها تطلب هي الطلاق زي ما حصل بالظبط
وسالتها بحيرة
قلت..بس ازاي ؟
دنا كان علي ملابسي ساعتها دليل ادانتي
ردت سكر
وقالت...
مهو عشان تهمة زي دي تثبت عليك
فا كان لازم دليل ياكد عليك
تهمة التحرش
وبالفعل اعطت سماح للبنت دليل ادانتك بايديها
قلت...ازاي ؟
ردت سكر بخجل
وقالت
سماح اقامت معاك قبل الحادثة علاقة شرعية
كا اي زوج وزوجة
عشان تقدر تحصل منك علي دليل ادانتك
الي اعطتة بدورها للبنت الي اتهمتك بالتحرش
وعشان كده
الطب الشرعي اثبت انك مذنب فعلا
قلت...لكن ايه الدافع الي يخلي سماح تعمل معايا كده؟
دي كانت تقريبا زوجة مثالية؟
وانا معملتش معاها حاجة وحشة
للكاتبة حنان حسن
عشان.... تاذيني وتضيع مستقبلي؟
ردت سكر
وقالت...منا قلتلك انها كانت بتنتقم منك عشان اكتشفت خيانتك ليها
وده طبعا غير ال؟؟؟؟ .......
بصيت لسكر الي كانت متردده تقولي باقي الحقيقة
وسالتها؟؟
قلت...غير ايه؟
اتكلمي يا سكر؟؟
ردت سكر باسف
وقالتلي
غير انها كانت( زوجة خاينة)
واضافت سكر موضحة
للاسف سماح كانت علي علاقة براجل تاني يا عمرو
والمصيبة
...
انها كانت عامله معاه علاقة غير شريفة
نتج عنها الحمل الي في بطنها
وكل ده حصل ااثناء ما كانت علي ذمتك
بعد ما سمعت سكر
اتصدمت ... من المعلومة الي قالتهالي
لاني اتاكدت دلوقتي
ان الكلام الي قالهولي المتصل طلع صح فعلا...
وسالت سكر
للكاتبة حنان حسن
مين الشخص الي سماح خانتني معاه؟
ردت سكر
وقالت...
معرفش
فسالتها بغضب
وقلت...ازاي متعرفيش؟
ردت سكر
وقالت....
انا سمعتهم بيتكلموا عن تفاصيل الفضيحة الي دبروها ليك وسمعتهم بيتكلموا عن خيانتها ليك
وانها عملت فيك كل الي عملتة ده
لانة كان معشمها بالجواز
لكن مذكروش ادامي اسم الشخص الي خانتك معاه
وسالتها؟؟؟
قلت....
طيب وتغريد؟
قالت..مالها؟
قلت... مين الراجل الي خانتني معاه هي كمان؟
ردت سكر بثقة
وقالت...
ومين قالك ان تغريد خانتك؟
قلت...تغريد حملت بعد جوازنا بفترة صغيرة
ولما شكيت فيها ....
و اخدتها....
عشان تعمل تحليل
دي... ان... ايه
للكاتبة حنان حسن
هربت مع سماح من المستشفي
تقدري تقوليلي لو تغريد بريئة هتهرب ليه؟
ردت سكر مدافعة
وقالت...
حرام عليك ...متظلمش تغريد
لان...لولا اني كنت عارفة..... ومتاكدة
ان تغريد مظلومة...
وبتحبك فعلا
مكنتش جيتلك البيت وعملت تمثيلية القرين....
عشان تتجوزها
وهنا تذكرت موضوع تمثيلية القرين
الي عملتها سكر عليا
وسالتها
قلت..اه صحيح
انتي ايه الي خلاكي توهميني بموضوع القرين ده؟
وازاي كنتي بتدخلي لشقتي
بدون ما حد يشوفك؟
وعلي اساس ايه بتاكديلي ان تغريد بريئة اصلا؟
ردت سكر
وقالت....
اصبر بس وانا هفهمك كل حاجة
واضافت سكر
قائلة
اولا ...انا قبل ما اعرف تغريد
سمعت مكالمة بين سماح ونوال
عرفت منها ...
ان سماح هي الي وضعت اكتر من عمل بالسحر....
في شقتكم
عشان توهمك
ان تغريد وامها هما الي بيعملوا لكم الاعمال والسحر
عشان تكيد لتغريد وتخليك تكرهها
وسالتها؟؟؟
قلت ...
وسماح ليه كانت بتكره تغريد اوي كده؟؟
ردت سكر
وقالت...
لان سماح..... كانت عارفة
ان تغريد خطييبتك السابقة
وكانت فاهمة... انك كنت بتحبها
وامك هي الي اجبرتك انك تسيبها غصب عنك
وعشان كده كانت سماح ديما بتكيد لتغريد
بث بمنتهي الخبث
للكاتبة حنان حسن
ومن لحظة....
ما عرفت ان سماح شخصية زبالة
بتظلم غيرها...
وبتفتري كذبا علي الناس
وعرفت كمان انك صدقتها...
و لما اتعرضت
للفضيحة..

اتهمت تغريد ظلما
وقلت بان هي السبب في الي حصلك
وان الاعمال الي عملتهالك هي الي وصلتك لكده
بصراحة....
الظلم الي اتعرضتلة تغريد خلاني اتعاطف معاها
فا روحتلها...
واتعرفت عليها ....
وبعد ما بقينا اصحاب
انا وهي
عرفتها عن قرب
وعرفت انها انسانة طيبة... وبتحبك
بدليل انها كانت عايزة تقف جنبك في محنتك
بعدما ما الناس كانوا بيهربوا منك
بسبب الفضيحة الي حصلتلك
وكمان بعدما سماح طلبت الطلاق
المهم اني ...لما لقيتها انسانة طيبة كده ...
اتفقت معاها
اني....
اساعدها انها تتجوزك
....وتخرجك من محنتك
واضطرينا اننا نوهمك بموضوع القرين
عشان اقربك من تغريد
لانك انت كنت كاره تغريد في الايام دي
وسالتها ...
قلت...بردوا مردتيش علي سؤالي..
ليه تغريد هربت من المستشفي
لما عرفت اني هعملها
تحليل دي.. ان ...ايه؟
ردت سكر مبرره
وقالت..
تغريد مهربتش..
تغريد سابت المستشفي بسبب
كيد النسا
قلت.. مش فاهم؟
للكاتبة حنان حسن
ردت سكر موضحة
وقالت...
للاسف ...يا دكتور عمرو
الي عرفتة .....
ان سماح هي الي خدعت تغريد
واتبعت اسلوب الحيلة
عشان تجبر تغريد انها تمشي يومها معاها من المستشفي
عشان.....
لو سماح كانت مشيت لوحدها...
كنت انت هتفهم ان سماح هي الخاينة لوحيده في زوجاتك الاتنين
وعشان كده هربت
وطبعا حياتك كانت هتستقيم بعد كده مع تغريد
لكن سماح اتبعت كيد النسا
واقنعت تغريد
بانها تخرج معاها من المستشفي
بحجة انهم ها يتصلوا بدكتور قريبها
يحل لهم المشكلة
بدل فضيحة الدي... ان... اية
وادعت بان شبكة الموبيل ضعيفة في المستشفي
وطلبت سماح من تغريد انها تخرج معاها ... يمكن يلاقوا شبكة للموبيل بره
وطبعا ...سماح كانت بتستدرجها
عشان تخرجها من المستشفي
وبالخارج ....
كان عشيق سماح منتظر بالعربية
عشان يساعد سماح
ويدخلوا تغريد في العربية بالعافية
بعد ما سمعت كلام سكر
حسيت بندم رهيب
وقلت لنفسي
ياااااه
يعني انا كنت ظالم تغريد كل ده؟
وفي اللحظة دي انتبهت للخطر
وقلت...
قلت..يا نهار اسود
معني كده ان تغريد في خطر دلوقتي؟
وبسرعة سالت سكر
قلت...
وتغريد فين دلوقتي؟
ردت سكر
وقالت
معرفش...مكانها
بس هي فعلا ممكن تكون في خطر دلوقتي
لاني سمعتهم.... بيتكلموا عن جريمة قتل هتحصل
وعشان كده....
اتصلت بيك
لاجل ما تاخد بالك من نفسك
قلت...ارحوكي يا سكر افتكري لو كانوا قالوا مكان تغريد
عشان الحقها قبل ما يعملوا فيها حاجة
ردت سكر
وقالت...
انا كل الي سمعتة قولتهولك
و معرفش اكتر من كده
للكاتبة حنان حسن
وفي اللحظة دي
فكرت بيني وبين نفسي
وجمعت الخيوط مع بعض
وقلت..
ليه ميكنش الراجل الي بيتصل بيا
وعايزني اقتل سماح وتغريد
اكيد يعرف مكان تغريد
وانا لو روحت لمحل الموبيلات دلوقتي
وفرغت الكاميرات
هعرف مين هو المتصل؟
وساعتها هقدر اوصل لتغريد
وبسرعة ....
تركت سكر ....ورجعت علي الشارع بتاعنا
وبالرغم من اننا كنا قربنا علي الفجر
لكن انا اتصلت بصاحب المحل وصحيتة من النوم
وفهمتة انها مسالة حياة
او موت
وبالفعل ...
استيقظ صاحب محل
الموبيلات
ونزل معايا.... وفرغنا الكاميرات
وفي اثناء ما كنا بندور
علي ما سجلتة الكاميرة
من ساعة ما خرجت من البيت
لغاية ما رجعت
لقينا الكاميرة رصدت شخص كان بينحني
ليلتقط شيئ من علي الارض
وفي اللحظة دي
طلبت من صاحب المحل ان يقف علي تلك الصورة
وبالفعل.... توقف الرجل بالصورة
وعمل عليها زوم
للكاتبة حنان حسن
عشان يقربها كمان
وقربت راسي من الصورة
اوي
عشان اكتشف...
ان الي بيلتقط الورقة من الارض ....
والي بيهددني ليل... نهار ...
وعايز يلبسني جريمة قتل
للاسف هو..........؟؟؟؟
يتبع
تعليقات
إرسال تعليق