مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

قصة بعنوان " جريمة شرف ⛔🔞

قصة جميله جدا ورائعه وحقيقية💜💛💚💙❤💜💛 💙💙القصه كامله 💙💙

#جريمة_شرف

( من ورا قضبان الحديد.. قاعدة مع عشر نسوان.. كل وحدة تجاعيد وجها بتحكي قصتها ..الغصة و الالم و القهر يلي بينخفو ورا قناع كلمة "عادي.. تعودت' ..صعبة.. صعبة هي اللحظات يلي رح اتحاكم فيا والقاضي يطلق الحكم الاخير فيني..)

------

قبل 6 اشهر كنت بين عيلتي ..زوجي غيث وولادي محمد ومصطفى و ريم.... يااا اللله اديش اشتقتلن..

انا همسة.. بنت متوسطة الجمال عمري 24 تزوجت بعمر ال 17 لانو اهلي كانو شايفيني معنسة صار عمري 17 وماتزوجت..

تقدملي زوجي السابق غيث.. عمرو حاليا 30 .. طويل اسمراني عيونو خضر..كان طاير عقلي فيه لانو رح اخلص من كلمة معنسة..

مع اني ماكنت بشكي من شي بس ماكان ربي لسا كاتبلي نصيبي.. لحتى شافتني امو لغيث يلي بتكون سلفتا ل بنت احماها ل امي بجمعة نسوان بيعملوها كل شهر..

عجبتا وطلبتني وطبعا اهلي ما صدقو ومن دون مايرجعولي فورا قالو اي...

طبعا اهلي كانو بمدينة و غيث ساكن بمدينة تانية بحكم شغلو..

تمت الخطبة وانا كان طااير عقلي فيه.. ومو مسدقة حالي خصوصي اني خطيبي احلى من زوج اي وحدة من بنات عمي. . صار العرس فورا و انتقلت ل عندو عالمدينة يلي ساكن فيا..

يمكن ماتسدقوني لو قلتلكن قبل ما حط رجلي ببيتنا انا و غيث.. عصني قلبي .. حسيت بشي غريب مابعرف شو هو ..

فتت و فات وراي غيث وحامل الشناتي..

ما بادر و لا ب اي كلمة.. ولا حكا معي ابدا.. 

تغاضيت الموضوع وقلت مابدي اعكر ع حالي احلى يوم بعمري..

فتت اخدت دش وطلعت لبست تفريعة بيضا و حطيت شوية مكياج و رحت لعندو..

كان بلا اهتمام.. قاعد عم يتفرج عالتلفزيون ولا كانو حدا واقف قدامو..

رحت قعدت جنبو وحكيت معو

همسة : حبيبي

غيث : اي

همسة : دير وجهك علي شوي

غيث : ليكي همسة انتي اكيد تعبانة من السفر فوتي ارتاحي وبعدا منحكي..

همسة : طيب.. ع راحتك.. متل مابدك

فتت ع غرفتي انا و رح جن ومعصبة من يلي عملو..

نمت و فقت تاني يوم لجهز الفطور مالقيتو جمبي طلعت عالصالون مالقيتو.. ندهتلو ما في صوت بلبيت..

لاقيت في مصاري علطاولة وورقة..

رسالة غيث: انا صار عندي شغل ضروري رح غيب يومين وارجع تركتلك مصاري تكفيكي وبالبراد في اكل بيكفي لاسبوع..

همسة : يااا اديش قليل ذووق لك ليش هيك عمل معي 

ضليت النهار كلو عم روح و اجي بلبيت و ابكي .. لبست و قمت عزلت البيت كلو بس لاشغل حالي وما فكر.. بس طول الوقت عم ابكي ..

تعبت و نمت وماحسيت ع شي 

فقت تاني يوم شفت حالي ع تختي مع اني انا نمت بالصالون.. طلعت جمبي ملاقيت غيث .. قمت مشيت للصالون لقيت البيت كلو مزين ومحطوط اكل علطاولة..وكان عالارض في ورد ع امتداد كل الغرف ل غرفة ب اخر البيت.. رحت بدي افتحا.. لقيتا مقفولة.. صرت دق ما حدا رد..

ضليت دق دق لحتى تعبت وقعدت بلارض.. كنت سنعانة في صوت حركة جوا بس موعرفانة من شو..

بعد ب نص ساعة من قعدتي بينفتح الباب..

بيطلع منو غيث مع وحدة لافة ع حالا شرشف ومو لابسة شي تحتو..

انا لما شفت هلمنظر شهقت و ماعدت حس ع شي..

---------

بعد يومين.. 

لهلق عم ترن ب ادني ضحكتا..

كنت عم اتمنى فيق و يكون كلو منام.. بس للاسف كان حقيقة..

اجا غيث ل عندي

غيث: انا فاجأتك وماخبرتك قبل بوقت لانو هي كانت ليلة من ليالي العمر.. بدي تعرفي انك مابتعنيلي شي.. اطمني رح تاخدي حقوقك مني كاملة حتى ك زوج.. ومارح نقص عليكي بشي

همسة: .......

غيث: مابدك تحكي شي؟؟

همسة : ....

غيث: طيب ع راحتك بس لازم تعرفي انو بدك تتعودي عهلوضع كل يوم..و اصحك واوعك حدا يدرى بكل هلقصص لانو وقتا رح علق مشنقتك ب ايدي. 

لفت همسة راسا عالطرف التاني و صارت تبكي ..

همسة: انا شو ساويتلك حتى تعمل فيني هيييك فهمنني

انا شووذنبي

غيث: انتي ماذنبك شي بس انا هيك حياتي وماعندك خيار تاني..

-------------

قررت اكبس ع جرحي ملح و اسكت وصلي وادعي بلكي الله بيهديه وبيترك هالقصص وبيرجع لمرتو..

كنت كل يوم شوفو جاي مجنكل وحدة.. وكل يوم وحدة جديدة ووجه جديد..

بعد بشهر.. 

غيث: همسة.. ياااهمسة ويننك

همسة: بالمطبخ انا

غيث: حبيبتي اليوم مافي حدا.. اليوم الي و الك..

همسة : ....

انا ماكان بدي .. كنت قرفانتو وكرهانتو كتير ..

يمكن بسميها اغتصاب.. يمكن بسميها اعتداء.. بسميها اي شي غير انو برضاي صار يلي صار..

ومن وقتا مارجع قرب علي..

طلعت حامل ب صبي..فرحت كتير وقلت رح يعوضني عن يلي عشتو مع غيث بس اكلت هم هالولد كيف بدو يربى ببيت ابوه كل يوم عبيجيب وحدة.. 

فكرت كتير اني نزلو.. بس ايماني برب العالمين و كرمو خلاني امحي هالافكار من راسي واستغفر ربي و اعتني ب ابني يلي جاي علطريق..

بلشت انزل اشتريلو لبس وجهزلو تخت جمب تختي..

و غيث ماكان بيعرف و يمكن لو عرف رح يخليني نزلو..

صرت بالشهر السابع و صار بطني كبير .. وبين علي اثار الحمل متل العادة..

ل مرة فات غيث و هو معصب كتير

غيث: تعي ولييييييكك

لكك همممسسة الحقييررة

همسة : يارب تستر يارب

اييي انا هوون

غيث: حامل يا كلبة حااامل يااحقيرة ياااخااينة من ميين احكي بسررعة

مين ابوووه

#قضية_شرف

#الجزء_التاني

مابعرف كيف استجمعت قواي ووقفت قدامو وضربتو كف رن ب ادني صوتو..

همسة: احترم حالك احسنلك عبتفهم؟؟؟

مو اذا انت خاين معناتا انا بخونك .. ولا صحيح الوسخ بيشوف كل يلي حوليه وسخين..

حملت حالي وطلعت برا الغرفة لانو كنت بعرف رح يجي و يردلي الكف عشرة بدالو..

فتت عغرفة تانية وقفلت الباب من جوا..

بعد شوي سمعت صوت تخبيط وتكسير بلبيت انتفض جسمي نفض من الصوات.. قعدت بلغرفة وحطيت ايدي ع بطني و صرت غني ل ابني..

ضليت 3 ايام بلغرفة لاكنت اطلع منها ولا فوت غير ل ادخل علحمام.. حتى اكل ماكنت اكل.. تعبت كتير..

غيث حس علي لانو كان يجيب الاكل و يحطو قدام الباب يروح ويرجع يلاقيه متل ما هو..

بنص شهري السابع اجاني طلق.. صرت اصرخ اضرب بايدي علحيط بلكي يحس غيث علي..

كان يضرب الباب بس ما قادرة قوم افتحلو..

ولدت انا و بالغرفة.. عالارض.. طالعت ابني بايدي وشقفت قطعة من لبسي لفيتو فيه و تركتو علارض.. وماعدت حس ع شي..

صحيت انا وبلمشفى..

صرت اصرخ محمد محممدد..

اجت الممرضة ع صوتي

الممرضة: الحمدلله ع سلامتك مدام..

انتي بلمشفى و صحتك عال العال و البيبي مافي منو..

همسة : غيث وينووو

الممرضة:مين غيث؟؟

همسة:جوزي يلي جابني لهون..

الممرضة:بكون عند ابنو بالحاضنة عبيشوفو..

ضليت 3 ايام بلمشفى لا شفت غيث ولا جابولي محمد..

لقدرت امشي ع رجليي قمت وصرت اترجاها للمرضة تاخدني تورجيني ابني.. وافقت واخدتني

كان ملاك نازل من السما.. بريء.. حلو كيف ماكان.. كان صغير كتير بس بيجنن.. غرف قلبي عليه من دون ما شيلو..

رجعت ع غرفتي تشطحت بالتخت وحكيت للمرضة

همسة:رح اعطيكي مصاري كل يوم بس جيبيلي ابني شوفو وضمو لصدري..

الممرضة: طيب مدام متل ما بدك

صرت شوفو لابني بالليل بس. وكأني حرامية

كان غيث مصمم اني ما شوفو مابعرف شو كان هدفو..

اخر نهار الي بلمشفى قمت استجمعت قواي غيرت لبسي رحت اخدت ابني وطلعت برا المشفى وتوجهت ع بيتي..

فتت ولقيت المنظر يلي تعودت شوفو كل يوم

غيث : همسة!!! انتي ليش جيتي

همسة:جاي ع بيتي خير في شي؟؟ كمل يلي عبتعملو مارح قرب لعندك..

بتسدقو اذا بقلكن فتل ضهرو وفات عالغرفة نفسا وكمل القرف يلي بيعملو كل يوم..

كان كل همي ابني و بس

فتت ع غرفتي وسكرت الباب و ضميتو لصدري و بلشت رضعو غفلت انا و ياه .. فقت كان غيث جمبي و محمد بيناتنا..كنت كل ما طلع فيه حس بقرف..

همسة : انت ليش هوون؟؟ قوم فيق مابدي ابني ياخد جراثيم منك..

غيث : حبيبتي عيفيني.. يااا اللله اديش بحبكن..

اسبوع كامل مافي مرة دخلت ع بيتي..

كنت حس في شي غريب.. قول معقول غيث تاب لربو وبطل هالقصص..

بلش ريق حلو معي ويعاملني منيح.. ويجبلي الغرض قبل ما اطلبو..

اي صار احسن من قبل.. كنت حابة كيف صار بس بنفس الوقت خايفة يرجع للي كان يعملو..

ل مرة اتصلت فيه وقلتلو محمد مرتفعة حرارتو وبدي اخدو ع دكتور و بعدا رح عدي علسوق اشتري شوي غراض

غيث:ماشي حبيبتي بتحبي اجي؟؟

همسة:لا مافي داعي

غيث:همسة انا بحبك.. انا هلئ حسيت بقيمتك..

همسة...

غيث:رح تضلي ساكتة؟؟ خلص سامحيني انا تبت وماعاد اتصرف طياشة.. انا بدي مرتي وابني و بس

همسة:انشالله تكون رجعت لعقلك.. انا بدي روح علدكتور خايفة علولد

غيث:طيب روحي وبس رجعتي طمنيني

كانت اول مرة بسمع منو كلمة بحبك من سنة لهلئ.. حسيت بفرح جواتي حسيت ارتدتلي الروح..

رحت ع دكتور واتطمن ع ابني وعديت علسوق اشتريت شوية غراض لمحمد و ل الي ورجعت علبيت.. رجع غيث من شغلو

غيث:شو حبيبتي انتي هون طمنيني ع ابو حميد

همسة:ههه

غيث:دخيل هلضحكة انا ولووو 

همسة:الدكتور قال مافيو شي صار عمرو شهرين وهالاعراض بتصير مع كل الولاد

غيث:حبيبتي خلينا نرجع متل قبل

همسة :كيف يعني

غيث:يعني نطوي هالصفحة ونفتح صفحة جديدة ونضيفة مافيا غير انا ومرتي وابني

همسة:موافقة

غيث:لكن قومي نيميه لهالازعر وتعي لعندي

همسة بخجل : طيب يلا..

غيث كان لطيف كتير معي..قضينا ليلة حلوة يمكن هي كانت اول ليلة حقيقة بشعر فيا بحنان مع زوجي..

كنت مبسوطة كتير عهالحال يلي نحن فيه..

بعد شهر اكتشفت اني حامل.. و لما خبرتو لغيث طار عقلو ..

بس لما عرف انو حملي صعب ومابقا بصير يقرب علي طول فترة حملي لوقت اولد رجع لعاداتو القديمة.. رجع يجيب نسوان عالبيت ويقهرني ليش وثقت فيه..

خان ثقتي و خاني و خان ابنو و خان بيتو..

ضل عهالحالة لوقت ولدت وجبت بنتي ريم..

ولما ولدت و صرت اقدر اقوم واتحرك و قطعت ال40 يوم بعد ولادتي رجع بطل يجيب حدا علبيت..

غيث متناقض مع بعض..

حنون وقاسي بنفس الوقت.. عصبي وهادي..منيح و سيء..

مابعرف من شو مخلوق بس كنت متاكدة انو في جانب حلو بشخصيتو.. بس ماكنت عم اقدر اوصلها..

كنت شوفو كيف عم يجيبون ويدللن وصوات ضحكن لاخر الحارة بس ماكنت قادرة اعمل شي ..

اهلي بيعرفوه هيك وزوجوني الو مقابل يدفع حقي مصاري

ذا اهلي من لحمي ودمي طلع منن هيك .. شو مستنية من الغريب؟؟

يارب تنصرني يارب..

#قضية_شرف

#الجزء_الثالث

بيوم من الايام رجع و معو وحدة.. كنت معصبة ودايق خلقي وبنتي طول النهار عبتبكي

ماوقفت بكى ثانية وحدة ..

لما جيت وقلتلو .. صرخ بوشي و ضربني

مابعرف شو صرلي ما حسيت حالي غير شلت ايدي ورديتلو الكف..

اخدت ابني وبنتي ع غرفتي وقفلت الباب وبطلت اطلع او طالعن الا للضرورة.. ولما يطلع غيث من البيت اطلع من غرفتي ولما يرجع ارجع فوت عليها..

كنت انسانة جسد بلا روح..

خياناتو المتكررة ببيتي وقدام عيني حرقتني حرق كان كل همي كبر ولادي وعلمن وربين احلى ترباية..

ليوم من الايام رجع غيث علبيت مو ع بعضو.. وجهو مخنق وعيونو حمر متل الجمر..

غيث: همسة

همسة : نعم

غيث: سامحيني

همسة : ع شو و لا ع شو حدد ع شو بدي سامحك

غيث : ع كلشي انا وقعت بمصيبة كبيرة و الله نجاني منها باعجوبة انا تبت لربي وبدي اهتم بعيلتي و بس

سكتت وماحكيت ولاكلمة.. في احساس جواتي عبيقلي كذاب وعيون ولادي عبتقلي صدقيه..

همسة : شو الضمان انو ماترجع لهلقصص

غيث : هي مفتاح الغرفة والبيت وبحياة ولادي ماعندي نسخة عنن .. لاتفتحيلي الباب اذا معي حدا تاني

همسة : طيب

بالفعل جوزي رجع لعقلو ولشغلو وبيتو وكان يدللني ويدلل ولادي كتير

حبلت وجبت ابني محمود وكنا عيلة عن حق ومبسوطين..

-------

غيث: همسة

همسة: اي حبيبي

غيث : بدي مفتاح البيت شوي

تلبكت واتبدلت معالم وجهي

همسة : ليش؟؟

غيث : بدي اخد الولاد عند امي احطن عندا شوي وانتي زبطيلي سهرة ع كيف كيفك

همسة بخجل : طيب اوك

بكل غباء عطيتو المفتاح وعطيتو ولادي و راح .. فتت تحممت ولبست احلى شي عندي وتمكيجت وزينت البيت وحطيت ورود حمر بلارض للتخت..

كنت مبسوطةة كتير ومو مصدقة ع حالي..

فتت علمطبخ لحضر كم شغلة .. سمعت طقة الباب 

همسة؛ حبيبي جيت

......

همسة : حبيبي انا بلمطبخ شوي وبخلص فوت تحمم لوقت خلص..

.....

ماكان في صوت حدا ابدا..

كملت شغلي بعدم مبالاة لبعد دقيقتين نحط شي ع تمي وبطلت حس ع شي..

بعد ساعتين صحيت وانا بتختي وعلي شرشف ومو لابسة شي

صرت ابكي واصرخ وماكان في حدا بلغرفة والباب مسكر..

ضليت اصرخ

لوقت انفتح الباب وهون كان الصاعقة علي..

زوجي ومعو رجال تاني غريب اول مرة بشوفو بحياتي..

كانو عم يحكو ويضحكو..

المجهول؛ بربي عندك مرة شي الف.. يازلمة انا بحياتي ما نبسطت هيك..

غيث: ولو يا ابو شريك انت غالي علي الف طلب متل هلطلب وايمت مابدك جاهزة المحروسة

كنت عم طلع عليهن وانا دموعي معبية الفرشة والمخدة كلا

زوجي قدمني لرفيقو..

تمنيت موت ولا فيق ولاقي حالي بهالوضع..

راح غيث وصل رفيقو علباب ورجع لعندي

غيث : ولله طلعتي ما اشبك شي.. شي الف يا مرة

قمت من الفرشة وانا مغطية حالي بشرشف .. اتجهت لعند زوجي وقلتلو

همسة : مبسوط؟

غيث: طاير من الفرحة بتعرفي بهلعملية جبتيلنا مبلغ محرز

قربت ع ادنو وهمستلو

همسة : وانت مابدك تدوق وتنبسط متل رفيقك؟

غيث: ولله مالك قليلة يا همسة.. الحقيني لشوف..

همسة : اسبقني علتخت جاييتك ورح ابسطك بسط اكتر من رفيقك

رحت علمطبخ وطالعت احد واكبر سكينة بلمطبخ خبيتا ورا ضهري وفتت علغرفة لقيت غيث متمدد علتخت وبايدو المصاري يلي استلمن من رفيقو من ندالتو..

صرت اتدلعلو وانا عببكي واتجهت لعندو

همسة : رح ابسطك بسط ماشفتو بكل هلسنين يلي قضيتا معي ومع غيري

قربت عليه ووطيت لعندو سحبت السكينة من ورا ضهري وطعنتا ببطنو.. ضليت اطعنو واطعنو لوقت صفي دمو .. ما شفي غليلي بس طفيت شوية نار من يلي كانت شاعلة جواتي حملت الشرشف يلي كنت متغطية فيه وغطيت غيث فيه.. طالعت لبس الي وفتت تحممت المي عبتنزل علي بقوة وانا عببكي ودموعي والمي نفس القوة عبينزلو ع جسمي.خلصت وطلعت نشفت حالي ولبست تيابي واتصلت بلشرطة

همسة: قسم الشرطة؟

.. تفضلي

همسة : حابة قدم بلاغ ع قضية قتل

.. وين المكان

همسة : ..........

... دقيقة ومنكون بلعنوان..

بعد 10 دقايق اجت الشرطة كسرت الباب وفاتت

الشرطي: مين المقتول

همسة : ليكو علتخت خدوه دفنوه

الشرطي: مين حضرتك

همسة : انا زوجتو

الشرطي: كيف صارت الحادثة

همسة: هي مو حادثة ..انا قتلتو بايدي

بلحظة الشرطة كانو مكبلين ايدي وساحبيني علمخفر 

ماكنت حاسة بشي وقتا ..كنت مبسوطة اني خلصت العالم من واحد قذر متل غيث..

حكموني مؤبد وانا مبسوطة بس ضل في غصة ع ولادي شو رح يصير فين من بعدي وشو رح يواجهو حكي بلمجتمع.. ابوكن زير نساء وامكم مجرمة

-----

سكرت الدفتر يلي عم اكتب عليه ذكرياتي.. مسحت دموعي.. وتغطيت بتختي..

انا هلئ ع فراش الموت..صابني مرض الايدز من رفيق الوسخ غيث.. 

باقيلي كم يوم بهلدنيا عم صلي وادعي ربي فيهن انو يحميلي ولادي ويدلهن ع الناس المناح ويبعد عنن الانجاس متل غيث ورفيقو وغيرو وغيراتو..

بتمنى تدعولي وتدعو لولادي انو ما يتعرضولن ناس ولادين حرام ويكونو بخير ..

#انتهت

مع البرنس قصص روووعه وممتعه وكامله

💕🌷🎗️🔮🌿🏓برنس 🏓🌿🌺🌺💖