مجمع الروايات الكامله والحصريه فقط اضغط على اسم الروايه موجوده كامله في موسوعة القصص والروايات جميع الفصول مع البرنس محمد السبكي قصص وروايات كامله يسعدني تواجدكم معنا في المدونه

_قومى ي هند من علياا واغزى الشيطان هموت والله 

كنت فوقه وماسكة فى ياقة قميصه وعينى بتطلع شرار 

_هقتلك ي مصطفى والله هقتلك بقاا انا تخونى

_ خونتك فين ي مجنونة ما انا هموت فعلاً قومى بقاااا 

وفجأة زقنى وقعت على الارض قام وقف وبيحاول يتنفس 

قومت انا كمان ومسكته من ياقة قميصه وهو واقف 

_عملتلك اى عاشان تخونى هاااا قولى عملتلك اى 

_ هو القميص مدايقك فى اى هقلعه والله وبعدين خونتك انا فين وازاى

_ ده انا سامعاك وانت فى نص الليل بتكلمها ويتقولها ي حبيبتى 

سكت ومردش 

_ شوفت انت ساكت ازاى يبقا أنا صح 

_ بت بقولك اى انا رايح الشغل مش فايق لجنانك ده

فك ايدى من عليه ومشى وسابنى انا مش مجنونة والله انا سمعته بيقولها حبيبتى 

_ لازم تتأكدى ي هند متحكميش من مجرد مكالمة مصطفى بيحبك 

_ ما انت اخوه ولازم تدافع عنه

فجأة ضحك على كلامى 

_ ي ستى مبدافعش انا بقول الحقيقة 

_ احمد انت صاحبى وزى اخويا صح 

_صح

_ خلاص ساعدني 

_ عاوزة اى وانا اعمله 

_ كلم مصطفى شوفه فعلاً بيخونى ولا لا

بصلى كداا 

_ هو لو بيخونك مثلا هيقولى بذكائك ده ما عارف ان احنا الاتنين بنكلم بعض

_ خلاص راقبوا 

_ اراقب أخويا ي هند لا 

بصتله جامد كداا 

_ اى انتى بتبصيلى كداا لى هتقتلينى ولا اى 

_ لا بس انت لو منفذتش كلامى هقولوا على ١٠٠جنيه اللى خدتها من بنطلونه وهو قعد يدور عليها وقتها

_ قولتلو عليها وقالى عادى 

_ طب اى رأيك هديك انا ١٠٠ وتراقبوا

_ لا مبترشيش خليهم ٥٠٠ واجبلك قراروا 

_ مرتشى حقير 

_ هنغلط خلاص لوحدك وجه يقوم 

_خلاص خلاص هديك ٥٠٠جنيه بس تساعدنى فى كل حاجة 

_ موافق

مشى احمد بعد ما حد الفلوس طبعاً واتفقنا على كل حاجة 

لقيت فونى بيرن ولقيت أحمد هو اللى بيرن وطبعاً مصطفى لسة مجاش وهو هيسأل عنى لى 

_ اى ي احمد 

_ هند البسى وتعالى دلوقتى مصطفى رايح يقابل حد فى الكافيه 

_ كنت متأكدة الخاين الغشاش والله لوريه واطلق منه 

_ انتى لسة هتقعدى تولولى اخلصى انا مستنيكى 

لبست ونزلت لقيت احمد تحت 

_ اى ده اى اللى انتى لابساه ده احنا رايحين كافيه ي هند لبسالى احمر 

_ ايواا عاشان الدم 

_ دم اى انتى هتقتلى اخويا ولا اى 

_ امشى انت ملكش دعوة يلا  

روحنا الكافيه 

_هو فين ي احمد اخوك ده مش شايفاه 

_ مش عارفة معقولة نكون اتأخرنا وعمل المقابلة ومشى ما انتى السبب بالاحمر بتاعك ده 

جيت ارد لقيت اللى واقف فى وشنا قولنا فى صوت واحد مصطفى 

_ انتوا بتعملوا اى هناا 

_ جيت اشوفك وانت بتخونى هى فين 

_هى مين 

_اللى بتخونى معاها 

_ بخونك اى انا كنت بعمل مقابلة للشغل 

_ احمد هو اللى قالى انك هتقابلها هنا 

وبصيت جمبى ملقتش احمد هرب الجبان 

لقيت مصطفى بينادى على حد وجه 

_ اعرفك ي هند استاذ نادر اللى كنت بعمل معاه المقابلة 

اتحرجت شويه 

_ احم طب كمل شغلك انا ماشية انا ... وجيت امشى لقيته مسكنى 

_ اصبرى انا خلصت انا جاى معاكى 

وقفت استنيته أما خلص كان بيبصلى وساكت وفجأة اتكلم 

_ هو اى اللى انتى عملاه فى نفسك ده 

بصيت لنفسى 

_ اى فى اى مالو 

_ فستان احمر وشنطة حمرة وطرحة حمرة اى ده طب نوعى حتى البسى اسود ابيض اى حاجة 

_ والله مش عاجبك أمشى لوحدى لو مكسوف تمشى معايا

مسكنى من ايدى ومشانى معاه لحد ما روحنا 

فضل يبصلى كتير 

_ اى بتبصلى كداا لى 

_ مش هتبطلى شغل العيال ده ي هند 

_ انا مش عيلة ي مصطفى 

_ لا عيلة وطفلة وعمرك ما هتتغيرى 

_عاشان بحبك وبغير عليك 

_ طب ما انا كمان بحبك 

بصتله لثوانى كداا 

_محصلش 

_حصل 

_ انت بتخونى ي مصطفى صح 

_ محصلش 

_ لا انا سمعتك سمعتك بتقولها حبيبتى 

طلعلى فونه وادهولى 

_ افتحى شوفى مين كان بيكلمنى الوقت ده 

فتحت فونه لقيتها نورا اخته 

اتحرجت اكثر واديتله الفون 

_ لا خليه معاكى قلبى فيه براحتك لتكونى لسة شاكة انى بخونك 

_ لا خلاص انا اسفة 

_ اسفة على أن دى المرة الميه تشكى فياا ولا على انك مديه احمد فلوس وتخليه يراقبنى ولا على خروجك من غير اذنى ولا على اى ولا اى 

كنت ساكتة وبسمعه ما هرد اقول اى 

_ عارفة ي هند انتى ناقصك اى ناقصك تثقى فى نفسك بصى لنفسك فى المراية هل هيبقاا معايا واحدة بجاملك وابص لغيرك 

دخل الأوضة وسابنى وانا واقفة مكانى يعنى حاسة بالذنب انى كل مرة بظلمه وبشك فيه وفى الاخر بيطلع حاجة غير اللى فى دماغى 

_ روحتله الاوضة كان رايح ينام فكيت الطرحة وبصتله لقيته نايم بصيت فى المراية للحظة فكرت فى كلامه انى فعلاً عمرى ما شوفت نفسى جميلة زى ما الناس شايفانى انا فعلاً انا معنديش ثقة بنفسى يمكن هى دى الحاجة اللى سبب كل مشاكلى طب اعمل اى اللى هو انا بحاول اتغير ومش عارفة لحد ما اكتشفت أن ده طبع فياا يمكن اللى مخلينى قوية شوية هو وجود مصطفى فى حياتى ورغم كل ده هخسره لقيت نفسى دموعى بتنزل على خدى روحت وقعدت جمب مصطفى وبصيت عليه اللى هو فعلا انا بحبه اوى لقيت نفسى قربت منو لحد ما دمعة نزلت على خدو فتح عيونه واتعدل 

_ اى ده انتى بتعيطى لى ي هند انتى كل حاجة تعيطى يخربيت الحساسية بتاعتك 

_ انا بعيط عاشان انت هتسبنى وانا بحبك وخايفة تسبنى 

_ وانا قولت هسيبك ... هزيت راسى بمعنى لا مسح دموعى 

_ طب وتفتكرى مصطفى ممكن يسيب القمر ده وواحدة قلبها ابيض زيك ده انا ابقا حمار حتى 

_ لا متقولش على نفسك كداا 

ضحك 

_ نفسى تتغيرى ي نود نفسى تثقى فى نفسك وتبطلى تشكى فياا صدقينى عاشان ترتاحى 

_ هحاول اتغير والله 

_ بحبك خلاص بقااا 

بصتله بحب

_ بحبك اكتر والله 

" الشك بيبوظ العلاقات بلاش نحكم على حد من مجرد موقف حصل اتأكدوا قبل ما تحكموا ده حتى إن بعد الظن اثم " 

#الثقة_بالنفس_اهم_حاجة

#ان_بعد_الظن_اثم 

حكايات هند 

#هند_الحجار