 |
اسكريبت
_هتفضلي قاعده كده من غير ما تعملي حاجه
_عايزني اعمل اي يا ادهم ؟!
_و كمان مش فاهمه ....مش كفايه اني خطبتك وانتي كده
_كده ازاي مش فاهمه يعني
_معاكي دبلوم ولا شغله ولا مشغله
_عايزني اعمل اي ....انت عارف اني معايا دبلوم من وقت ما اتخطبنا صح
_انا قولت تعملي اي انجاز في حياتك
_انجاز؟!!
_اها .....بقولك اي انتي لازم تتغيري يا ايمان ...يا اما مش هكمل معاكي
_يعني اي
_يعني انا خدتك وانتي معاكي دبلوم .....لو معملتيش اي انجاز الجوازه دي مش هتكمل
_مش هتكمل
_طبعا
_ده اخر كلام
_و معنديش غيره
"قفل السكه في وشي .....كنت مستغربه اووي من رد فعله انا ايمان ٢٠سنه ....معايا دبلوم ....و ده ادهم شافني مره و اتقدملي خريج تربيه ....بيشتغل مدرس ....فضلت افكر ....اكيد مش هعيط لان هو كده كده خطبني و عارف اني معايا دبلوم .....معرفش اعمل اي او اتصرف ازاي ... كل اللي في دماغي ازاي اعمل كيان أو انجاز في حياتي يغير كل ده .....يغيرني ....هو انا محتاجه تغير بجد
"كنت قاعده في اوضتي مشتته مش عارفه افكر ....معقول هو ده ادهم ..اللي اول ما جه يخطوبني قالي اهم حاجه اخلاقك و ميفرقش معايا تعليمك !!!هو ده ادهم ...اللي قاعد يقولي اهم حاجه تقراي و تكتبي عشان تعلمي اولادنا. .تفكيره وصل بيه انه يقولي كده ..
"بعد شويه ماما دخلت قالتلي تعالي ساعديني في المطبخ. ....عشان ادهم و أهله جايين ....مرتضتش اقولها حاجه و اصغره في نظرهم ....دخلت ساعدتها وبعد كده ...دخلت اوضتي و لبست و خرجت ليهم وكان امه و أبوه معاه ....سلمت عليهم ...وبعدها اتكلمت وانا واقفه مبتسمه.
_قبل اي حاجه انا هجيب الاكل يا طنط
_لا يا حبيبتي متعبيش نفسك
_مفيش لي تعب ولا حاجه ...انا جهزته
لاقيت ادهم بيرد بسخريه _خليها تجيبه يا ماما ....هي بتعرف تعمل حاجه يعني غير الاكل
ردت مامته عليه _ادهم اي اللي بتقوله ده؟!
_بقول اي يعني يا ماما
ابتسمت بهدوء _بعد اذنك يا طنط هجيب الاكل
"سيبتهم و طلعت وكان بابا دخل وقعد معاهم ...حطيت الاكل ليهم
_تسلم ايدك يا حبيبتي بجد براڤوا عليكي الاكل تحفه يا ايمان
_تسلمي يا طنط
_يعني مش عايزاها تعمل اكل كويس ....هتبقي لا نفعه في حاجه
_ادهم !!!
ابتسم بسماجه _اي يا ماما انا بهزر مع ايمان ..صح يا ايمان
"بصيت عليه شويه ...وانا بحاول اكون هاديه ...بعد شويه شيلت الاكل و دخلت بالعصير ...وهما قاموا عشان يمشوا
_عايزه اشوفك يا ايمان
_ان شاء الله يا طنط
"هي خرجت وادهم كان خارج وراها و قفته
_ادهم استني
_في اي يا ايمان ...انا مش فاضيلك
"قربت منه بهدوء وخلعت الدبله و ادتهاله
_اتفضل دبلتك اهي ....ويلا ورا مامتك عشان متتاخرش علي مواعيدك
_انتي بتعملي كده يا ايمان
_اها يا ادهم ....انا مستحيل استحمل اهاناتك ليه ....انا استحملت شويه ...بس احنا دلوقتي في الخطوبه بعد الجواز هتعمل اي !!!
_ده اخر كلام عندك
ربعت ايدي _ومعنديش كلام غيره يا يا مستر
"سابني و طلع وهو بيخبط في نفسه بابا بصلي و طبطب عليا و خرج ...انا عارفه أنه زعلان بس كان لازم اعمل كده ...انا عندي كرامه طلع وانا قعدت وانا مستغربه نفسي ازاي جبت كل القوي دي من عندي ...بس اكتشفت أن كتر الوجع بيقوي القلب وبيفتح قوي زياده عليها !
"كنت قاعده في الاوضه بقلب في الورق قدامي .....انا كنت مقدمه في جامعه مفتوحه و خلاص كنت هدخل الامتحان ...وقولت اعملها مفاجاه ل ادهم بس للاسف اكتشفت أنه إنسان سئ مش مناسب ليه .....هو انا لازم اكون تعليم عالي عشان الايق بيه !!!ما انا ممكن اكون تعليم متوسط واخد تعليم عالي ....بس انا حبيت اكون معايا جامعه ...حبيت اكون تعليمي عالي و افرحه. ...وابني نفسي كمان ....لما لقيته بيهني كده مرتضتش أقوله .....و كمان هوريه ازاي اني هكون نفسي ....و تعليم عالي كمان ....دخلت كليه تجاره و دلوقتي بمتحن ..لازم اثبت اني قويه ....مش ست بيت بس ...لا انا اقدر اعمل كل حاجه ....لازم اكون قويه ب تعليمي و اقدر اكون ست بيت شاطره كمان ....
"كنت قاعده علي مكتبي و مرهقه جدا ....ماما دخلت عليا
_ايمان
_نعم يا ماما
_ادهم خطب يا دعاء
_بجد
_اها والله
_الف مبروك
_اي يا بنتي البرود ده مش كان دلوقتي متجوزك
_وبعدين يا ماما ....يعني اتجوزه و اي حاجه يهني بيها ....مستحيل ...ادهم عنده نقص يا ماما ...هيفضل دايما شايفني قليله ...حتي لو كملت الجامعه ...اي حاجه هيهين كرامتي وانا كرامتي فوق كل شئ
_كرامتك !!!بسبب كرامتك ضايعتي مدرس اد الدنيا
_وحتي لو لواء ...المناصب عمرها ما ترجع كرامتي
"بصتلي شويه و بعدها خرجت و انا حطيت راسي علي المكتب و عيطت ....انا حقيقي موجوعه اوي ...انا عمري ما فتحت قلبي لحد ...ولما حسيت ان حبيته كان خطيبي بس للاسف مش ده اللي هيناسبني انا لو سكت هيفضل يزلني طول عمري ...ما ينفعش اسكت علي حاجه ...انا دائما لما كانو حد من أصحابي يقولي خطيبي زعقلي او ضربني بهزار. كنت ازعقلها و اقولها خلي عندك كرامه ...حتي لو هزار مينفعش اعملي لنفسك كرامك عشان تقدري تكملي معاه حياتك ...اقوم أنا اسكت ...انا مش ضعيفه عشان اسكت علي حاجه زي كده ....نمت علي السرير و صحيت لقيت ماما بتقومني ....كنت بقوم بالعافيه و رأسي بتوجعني و عيوني حمره ...ماما بصتلي بقلق
_مالك يا ايمان
_تعبانه ....تعبانه اوي يا ماما
"بصتلي بخضه و سندتني ...وبعدها ما فوقتش غير و انا علي السرير فتحت عيني لقيتني في مكان غريب ...لفت وشي لقيت محلول عرفت اني في مستشفى ...بصيت لقيت ماما واقفه و بتعيط وبابا زعلان و بصه و قربه عليا اول ما لاقوني فتحت
_ايمان
_ماما انتي بتعيطي لي
_لا مفيش حاجه يا ايمان انتي كويسه
_اها يا ماما ...هو انا انا بعمل اي هنا
_لا مفيش تعبتي شويه و جبناكي هنا
_ماشي
"كنت لسه بشوف مين واقف جنبي ...بصيت لقيت الدكتور باين عليه لابس بالطو و واقف مبتسم ...قرب شويه
_حمدالله علي سلامتك
_الله يسلمك يا دكتور .
_ها يا دكتور ايمان ينفع تخرج دلوقتي
_اها ...بس لازم تاخد العلاج ده ب انتظام لانها عندها ضعف ....كمل وهو مبتسم ....تمام يا ايمان ....
_تمام
"بعد شويه خرجت مع ماما ....فضلت يومين في السرير .. .باكل بالعافيه و باخد العلاج ....عديت فتره و رجعت الجامعه تاني ..امتحنت و نجحت في الامتحان الحمدلله و بقيت سنه تانيه ....كنت فرحانه و فخوره بنفسي اووي .....بدات انمي موهبتي الكتابه عندي ....و بدات اكتب روايات لاني من عشاق الروايات جدا ....بحسها عالم تاني مختلف عن الحياه اللي بنعيشها ...بكتب فيها كل اللي عايزاه يتحقق بس للاسف الواقع شي تاني مختلف خالص ....كنت في طريق و مروحه ...لقيت حد واقف بيكلمني
_يا انسه
_نعم ...هو حضرتك
_احم اها ....ممكن رقم والدك
بصتله باستغراب _لي يا دكتور
_محتاجه ...ممكن
_اكيد ....اتفضل
"اديته الرقم و مشيت وانا مش عارفه هو عايزه في اي ....هو نفس الدكتور بتاع المستشفي ....روحت نمت شويه و بعدها لقيت ماما بتقولي الدكتور اياد جاي بليل يطلب ايدك
_انا
_هو عندنا بنت غيرك يا ايمان
_لا يا ماما بس
_مفيش بس ....يلا جهزي نفسك لحد ما يجي
_لما نشوف اخرتها يا ماما
"كنت مستغربه ....ازاي طلب ايدي و شافني امتي ....هو اي الحصل !؟
"لبست و طلعت بره و قابلته قعدت وانا مكسوفه و فيه أسأله كتيره في دماغي فوقت علي صوته
_احم ازيك
_الحمدلله و حضرتك
_تمام جدا
_هو حضرتك جاي ليه
ضحك _انتي متعرفيش
اتوترت _لا عارفه بس
_مالك
_حضرتك مشوفتنيش غير مره واحده
_وهي المره دي قليله
_طبعا
هز رأسه _لا مش قليله
_ازاي بقي
_انا شوفتك مره واحده في المستشفى .....وبعدها كنتي بتيجي في دماغي دايما ....لقيت نفسي بفكر فيكي ....لما شوفتك في الشارع ...فرحت اوي ...قولت بس هي قدر ربنا ليا و بعدها جتلك .
_بس حضرتك متعرفش حاجه عني
ابتسم _احب اعرف منك
_حضرتك دكتور مش كده
_اها زي ما انتي شايفه و عندي اخ و اخت
_بس انا معايا دبلوم ....هتبقي عايز تكمل برضه
سكت شويه و بعدها اتكلم
_معاكي دبلوم !؟
_اها مصر برضه انك تكمل .
قومت و قفت
_تشرفت بمعرفت حضرتك يا دكتور
_استني
_نعم
_الخطوبه الاسبوع الجاي اي رايك
_نعم!!!
_ولا اقولك خليها بعد يومين
_انت بتقول اي
_بحبك
"بعد يومين بالظبط عملنا الخطوبه و انا مقولتش ليه اني في الجامعه ....انا عايزه اعرف هيقدر يكمل معايا ولا لا ...كان كويس و معاملته كويسه وفيه حاجات كنت بسأله فيها كان بيجاوبني بهدوء
_ادهم انت فين
_انا في المستشفى يا ايمان لي
_بطمن عليك
_اطمني يا حبيبتي ....انا في المستشفى و قربت اروح
_هو انت بتسامح اللي بيكذب يا اياد
_انا بكره الكذابين يا ايمان ...بس بتسألي لي
_هه لا ولا حاجه
_ماشي يا حبيبتي ...انا جاي بليل
_وانا منتظراك
"قفلت معاه و انا زعلانه اني كذبت عليه بس مش عارفه أقوله ازاي ....
دخل عندنا وانا كنت واقفه سلمت عليه و قعدنا
_اياد يعني اي عولمه
_عولمه يستي يعني الدول الفقيره ماديا أو ثقافيا بتاخد الثقافه من الدول الغنيه ...بمعني زي مصر كده لما بتشوف حاجه من أوروبا ولا امريكه بتقلدها تقليد اعمى ....من غير ما تفكر إذا كان صح ولا غلط
_طيب و ده صح
_لا طبعا .....احنا لينا عادات وتقاليد مينفعش نقلدهم. ...لأننا مسلمين هما بيبقوا عايزين احنا ناخد منهم حاجاتهم زي مثلا عارفين أن إحنا نادر جدا من البنات أنهم يلبسوا بنطلون ف عشان يخلوا المحجبات زيهم ....قرروا يحطوا بصمتهم يعني زي الدريسات بتاعتكم كده ...هما عملوها ميني دريس عشان تبقي شيك للبنات و بعد شويه يسبوها و يلبسوا بنطلون و وضع المسلمين يتدني ...هو ده معني العولمه
ابتسمت _معلش زهقتك من اسألتي
_انتي تسألي زي ما انتي عايزه و انا هجاوب
_انت مش هتيجي في يوم تضايق انك اتجوزت واحده معاها دبلوم
_عمري ما ازهق
"بعد كلامه ده اكدلي انه انسان كويس وانا ضميري بيأنبني جدا جدا. ..اني كذبت عليه
"بعد فتره كان قاعد معايا
_اياد ممكن اقولك حاجه
_اكيد قولي
_بصراحه كده انا في تانيه جامعه
_اي
_والله كنت عايزه اقولك من الاول بس بس كنت خايفه ل تكون زي خطيبي الاول ....انا فسخت الخطوبه بسبب كده ....وبعدها قولت هعمل مستقبل ليا ولما جيت اتقدمتلي ....قولت اشوف معملتك الاول
_و اتاكدتي
_اها
_وانا دلوقتي ليا حق الاختيار
"هزيت راسي بوجع و غمضت عيني..وانا مستنيه قراره ....فتحت عيني علي صوت ضحكته
_انت بتضحك على اي
_هههه عشان عارف انك في جامعه
_اي ده ازاي
_وانا خارج من هنا في مره لقيت الورق بتاعك وانا خارج ....المهم زعلت في الاول ولما سألت عمي ....قالي و بعدها اتفقت معاه اني اكتب كتابي عليكي وانتي في تالته عشان تبقي علي اسمي وبعد ما تخلصي نتجوز
_بجد يا اياد
_بجد يا ايمي ..
"كنت فرحانه جدا منهم. . ....فضل معايا و يساعدني لحد ما خلصت سنه تانيه و كتبنا الكتاب و كنت فرحانه اووي اووي ...
_و اخيرا كتبنا الكتاب
_مبروك يا دكتور
_مبارك عليا انا يا باش محاسبه
_هو انا قولتلك قبل كده اني وقعت فيك
"طلعت من الجامعه و روحت البيت و هو كان قاعد مستنيني
_كل ده تأخير يا ايمان
_انا اسف والله بس المحاضرات
_ماشي هعديها .... حمدالله على السلامه
ضحكت _الله يسلمك يا دكتور
_قلب الدكتور
_اها انت شكلك رومانسي خالص النهارده
_لي هو انا مش رومانسي
_لا ازاي انت طول عمرك رومانسي
_ما انا بقول كده برضه ههه
_المهم انت متشيك كده و رايح فين
_جايلك
_لا و غير كده
_انا طول عمري شيك
_اياد
_يا عمره
_مش هتثبت لا ...رايح فين
_في كاتبه رايح اقابلها النهارده بقرالها بقالي فتره ....
_يا سلام وانت متشيك كده
_تعالي معايا ....انا عايز اعرفك عليها بما انك بتحبي الروايات
_لا يا عم ....انا عندي مزكره
_هتندمي ...ده حتي اسمها علي اسمك
_لا مش هندم ...مش مهم الاسم هي حلوه
_هو انا شوفتها قبل كده
"قربت منه و مسكت الچاكت بتاعه
_اياك عينك تبص عليها ل احسن
_والله عيني ما تقدر تشوف غيرك
_اتثبت خلاص
_ههههه سلام يا حبيبتي
"كنت ماشي و بفكر فيها ....من ساعه ما شوفتها وانا وقعت فيها ....روحت مكان الكاتبه و كنت عايز اشوفها بحب كتابتها جدا ....دخلت المكان و لقيتها قاعده في التربيزه اللي قالت عليها ...غريبه نفس المكان اللي بروحه انا و ايمان مراتي. ...قربت منها
_حضرتك الكاتبه ايمان صالح
حركت نفسها و ابتسمت _ايوه يا افندم
بصتلها بصدمه _ايمان !!!!بتعملي اي هنا
_احم بصراحه انا ايمان صالح كاتبه الروايات
_ازاي ده احلفي
_والله انا تعالي اقعد
بصلي بعتاب_ينفع تخبي عليا حاجه زي كده
_والله ...انا كنت هقولك بس كنت عايزه اعملهالك مفاجاه ...بس بالله عليك مش حلوه
_لا
_بجد
_ايوه عشان مقولتليش من الاول
_كان نفسي اعملها لك مفاجاه والله مكنش قصدي حاجه ...سامحني بقي انا اسفه
قرب مني و قرص ودني من فوق الطرحه _هسامحك بس توعديني انك عمرك ما تخبي عليا حاجه ابدا
_عمري ما هخبي عليك اياد والله ا
"لسه بكمل كلامي سمعت صوت من ورايا انا عارفه الصوت ده كويس
_ايمان اخيرا لقيتك
_ادهم !!
_ايمان انا جاي عشان اقولك اني عايز اتجوزك. انا عرفت بالنجاح اللي وصلتيله .....انا اسف علي اللي عملته ...
_انت رجعت ليه مش كنت خاطب
_طلعت مش كويسه يا ايمان .....عارفه انا غلطت لما اقولت اخد واحده معاها جامعه والله انتي برقبتها ....طلعت مش محترمه و مش كويسه و
_كفايه انت دلوقتي بتقولي ارجع
_اتمني
_حضرتك ممكن تمشي لميحصلكش كويس
_هو مين ده يا ايمان
_انا جوزها يا استاذ
_جوزها
_اها طبعا جوزي و كل ما ليا الدكتور اياد يا استاذ ادهم ....انت بتتكلم عن واحده كانت هتشيل اسمك ...انت عمرك ما هتتغير ...اتمني تشيل كل الافكار دي من دماغك ....البنت اهم حاجه فيها اخلاقها ...لا بالجمال ولا المال
"بصلي بحزن و سابني ومشي ...بصيت ل اياد
_انا اسفه علي اللي حصل
_محصلش حاجه ...انتي لسه بت
_اوعي تقول ...عايزه اقولك اني من ساعه ما شوفتك وانا حبيتك و ادهم ده كان صفحه وقفلتها ....انتا حبيتك لاني عرفت فيك معني الرجوله الحقيقي و الانسانيه
_وانا كمان حبيتك جدا
ضحكت _طيب تعالي نقرا روايه
_اسمها ايه
_حكايات ايمي
بغيره _ومين بقي البطل يا ايمي
_مفيش غيرك ....انت بطلي في كل خيالي و واقعي
"انتهت"
جماعه التفاعل وحش اووي عايزاه تفاعل كتير جدا ❤❤
تعليقات
إرسال تعليق