 |
رواية فضيحة طبيب الجزء الثامن
للكاتبة/حنان حسن
بعدما ما اتفتح الباسورد
الخاص بالموبيل....
الي اتبادل بموبيلي
ساعتها... قدرت ادخل علي الموبيل
عشان اعرف مين صاحبة
وبمجرد ما فتحت الاستوديوا وشوفت الصور
اتصدمت لاني شوفت صور صاحب الموبيل
ومش هتصدقوا....
الصور الي لقيتها في الموبيل طلعت بتاعة مين؟
لان للاسف
الصور طلعت( لنوال)
الممرضة المساعدة ليا
الي كانت معايا في اخر يوم ليا في المستشفي
للكاتبة حنان حسن
ساعة ما حصلتلي التهيؤات
كنت واقف ادام صورتها
وانا مستغرب
وبسال نفسي؟
ايه الي جاب موبيل نوال
الي فيه صورها
لغاية عندي؟
والملفت في الامر
اني شوفت اكتر من صورة لنوال....
مع سماح زوجتي
واستغربت ...
لان...
خلفية الصورة
بتقول.... انهم علي علاقة قريبة ببعض
واندهشت .. لاني اول مره اعرف
ان سماح تعرف نوال اصلا
وفضلت ابص للصور
وانا مش فاهم حاجة
وسالت نفسي
هي نوال تعرف نوال من امتي؟
و ايه علاقة الممرضة نوال بالمتصل
الي عايز يورطني في جرائم قتل
ويوديني في داهية
وهل ...هي الي ورا اتصالة بيا ؟
وهي كمان الي مديالة معلومات عني؟
طيب نوال بتعمل معايا كده ليه؟
وايه مصلحتها ؟
وهتستفاد ايه لما اقتل
زوجاتي ؟
يمكن لو كان المتصل... طلب مني فلوس
كنت قلت ان نوال هي الي مسلطاه عليا
عشان عايزة تبتزني
لكن الغريبة ان المتصل مطلبش اي فلوس
وكل الي طلبة... اني اقتل فثط
وواضح جدا انه عايز يوديني في مصيبة ...
وسالت نفسي
ليه نوال تشترك مع شخص زي ده عشان تاذيني
انا مفيش بيني وبينها اي عداوة؟
ولا بيني وبين اي حد عداوة
طيب لية نوال تعمل معايا كده؟
وفضلت محتار وبردوا مش فاهم حاجة
وكان لازم اروح لنوال
عشان اعرف حكايتها ايه؟
وكمان ....لان نوال
كانت الامل الوحيد
الي هيوصلني لطرف الخيط
عشان اقدر احل اللغز الي انا فيه ده
وبالفعل روحت بسرعة علي المستشفي
ولما سالت علي نوال
ملقتهاش ...
و قالوا ...انها بتشتغل باليل..
للكاتبة حنان حسن
فا افتكرت اني عارف مكان بيتها
لانها كانت قالتلي
عن المنطقة الي هي ساكنة فيها قبل كده
وبدون اي تفكير
لقيت نفسي بروح لها علي عنوان سكنها
وبعد ما سالت اكثر من شخص عن مكان بيتها
عرفت اوصلها اخيرا
وكانت ساكنة في دور ارضي
المهم بعد ما وصلت لبيتها... ووقفت ادام شقتها...
رنيت الجرس
وبعد شوية...
سمعت صوت.. جاي من داخل الشقة
والصوت كان لامرة
بتسالني
قالت..مين؟
قلت...انا الدكتور عمرو يا نوال افتحي
ردت المراة
وسالتني مره اخري
وقالت...بتقول مين؟
قلت..بقولك انا الدكتور عمرو
الي كنت بشتغل معاكي في المستشفي يا نوال
افتحي
عشان عايزك في موضوع مهم
التزمت المراة الصمت
وغابت صوتها بعض الوقت
فا قلت في نفسي
اكيد بتحط طرحة علي شعرها عشان تفتحلي
وفضلت منتظر فترة
علي الباب
عشان تفتح
لكن ولا فتحت ....ولا سالت فيا
اصلا
فا حاولت اخبط عليها تاني
لكن المره دي مردتش عليا
واعتقدت... ان نوال لما سمعت صوتي خافت..
و بتحاول ...بتتهرب مني
فا رجعت اخبط عليها تاني
وقلت..افتحي يا نوال
انا مش هاذيكي....
انا عايز اسالك كام سؤال
مش اكتر
وفضلت منتظر ردها
لكن بردوا مسمعتش رد علي كلامي
وكانها كانت عايزاني اياس وامشي
لكن انا فضلت واقف اخبط علي الباب
وانا مصمم علي اني اقابلها
وقلتلها بصوت مسموع
اسمعي يا نوال
للكاتبة حنان حسن
ان كنتي فاكره لما مترديش انا هياس وهمشي ؟
تبقي غلطانة لاني لازم اقابلك...
واحسنلك متتهربيش مني بدل ما الجا للبوليس وساعتها هتندمي
وانتي فاهمة كويس اوي انا اقصد ايه؟
وكنت فاكر اني بعد ما اهددها بالبوليس
هتخاف وتفتح الباب
لكن الغريبة بردوا مفتحتش
فا اتعصبت
وقلت لنفسي...
انا مش همشي من هنا مهما حصل
لغاية ما تخرج واقابلها
عشان هي الي هتوصلني للمجرم الي بيتصل بيا
فا اوهمتها باني مشيت من علي الباب والتزمت الصمت
عشان تطمن وتفتح
و جلست علي السلم امام باب شقتها
وانا بترقب اللحظة الي هتفتح فيها الباب
لكن...مرت اكتر من ساعة
وهي ما زالت مختفية
بالداخل
ومش عايزة تفتح
فا قررت ...اني اقوم اهددها
با اني هعملها فضيحة
في البيت الي هي ساكنة فيه
لو مردتش عليا
وبالفعل قمت واعدت الخبط مره اخري علي الباب
وسمعت صوتها بيسال من الداخل بتردد
بيقول...مين؟
قلت..انا الدكتور عمرو و افتحي يا نوال احسنلك بدل ما.....
وقبل ما ابدء بتهديدها
سمعت صوت امراة جاي من خلفي
بتسالني..
خير يا دكتور عمرو في حاجة؟
التفت للخلف بسرعة باتجاه مصدر الصوت
ولقيتني واقف ادام نوال
واستغربت..
ازاي نوال جاية من الشارع
امال مين الي بترد عليا من الشقة جوة؟
لكن قلت لنفسي
انا مليش دعوة بالي بره والي جوه ...
اهم حاجة اني اتقابلت في نوال
ووقفت ادام نوال
وطلبت منها عشر دقايق من وقتها
عشان عايز اتكلم معاها في موضوع مهم
فقالتلي ... اتفضل
وبالفعل دخلت معاها لشقتها
وبمجرد ما فتحت بمفتاحها
دخلت معاها لغرفة الصالون ..
وفي الشقة...
فضلت ابص حواليا
عشان اشوف مين الي كان بيرد عليا من شوية
لكن مشوفتش حد
وفي اثناء ما كنت ببحث بعيني في الشقة
سمعت نوال بتسالني
قالت...
خير يا دكتور عمرو في حاجة؟
وفي اللحظة دي
كنت ناوي اخرج موبيلها من جيبي
واواجها بيه ...
لكن لقيت انها فكره ساذجة
لان الموبيل..
مفيهوش اي دليل علي ان نوال شريكة للمتصل
وكل الي كان في الموبيل
شوية صور عادية جدا
فا مرضتش اعرفها اني عرفت حقيقتها من خلال موبيلها
للكاتبة حنان حسن
وفكرت افهمها.. اني عارف كل حاجة عنها ...وعن شريكها
من مصادر مؤكدة
عشان... اوقعها في الكلام
المهم..
بصيتلها بغضب
وسالتها..
قلت.. هو انتي تعرفي سماح مراتي يا نوال؟
اضطربت نوال بمجرد ما سمعت سؤالي
وقالت.. سماح مين؟
انا اول مره اعرف
ان حضرتك متزوج واحدة اسمها سماح؟
صرخت في وجهها
وقلت...كدابة
ردت نوال بعدما زاد عليها التوتر
وقالت
في ايه يا دكتور؟
انت لية.. بتقول عليا كدابة؟
رديت بثقة
وقلت..ايوه انتي كدابة
يا نوال
انا متاكد انك تعرفي سماح مراتي
بصتلي نوال بتوتر
وسالتني؟؟
قالت.. وايه الي مخليك متاكد اوي كده يعني؟
قلت..متاكد
لاني عرفت الحقيقة كلها
وعارف انك انتي وسماح اصحاب ...
وعارف كل الي انتوا عملتوه....
وبتعملوه لغاية دلوقتي
وعندي دليل علي كل كلمة بقولها
والادلة الي معايا هتدخلكم السجن انتوا الاتنين
كان واضح من تعبيرات وجه نوال
بعد ما سمعت تهديدي لها
انها...
صدقت اني فعلا عرفت الحقيقة
ولقيتها ..بدات تعيط
وهي بتحاول الدفاع عن نفسها
وقالت..
انا فعلا اعرف سماح
بس انا معملتش حاجة استاهل عليها العقاب
فاسالتها؟؟
قلت...لا يسلام ؟
بقي كل الي انتوا عملتوه ده
ميستهلش السجن والعقاب؟
ردن نوال وهي بتستعطفني
وقالت...
لا والنبي يا دكتور
الا السجن
انا عندي اختي عروسة علي وش جواز
انا الي بربيها
وملهاش حد غيري
يعني لو حبستني اختي هتتبهدل من بعدي
قلت...يبقي تقولي علي كل حاجة بالتفصيل
وتعرفيني مين هو علي الراجل الي حرضتية عليا
عشان يكلمني
في الموبيل؟
وليه عايزين تجبروني علي القتل يا مجرمين؟
ردت نوال
وقالت..لالا لا
ايه الكلام الي حضرتك بتقولة ده يا دكتور؟
راجل مين الي انا حرضتة عليك؟
وقتل ايه الي بتتكلم عنة؟
للكاتبة حنان حسن
ولما حاولت تنكر..
فهمت انها عايزة تستعبط وترجع في اعترافها
فا بصيتلها بغضب
وقلت..اسمعي يا بت انتي
انا مش عايز استهبال
انتي هتقولي... وديتوا سماح وتغريد فين؟
ولا ابلغ عنكم فورا انتي والمجرم شريكك؟
ردت نوال
وهي ما زالت بتنكر
وقالت..
اقسملك اني ما اعرف انت بتتكلم عن ايه؟
قلت..انا مش هصدقك مهما اقسمتي
ولازم دلوقتي حالا
تقولي... فين مكان سماح وتغريد
بدل ما اسلمك للشرطة
ونصيحة مني
انك تعترفي ليا هنا افضل
ما تروحي القسم الشرطة وينتزعوا منك الاعتراف بطريقتهم
وفي اللحظة دي
بصيتلي نوال
وسالتني باستسلام
وقالت...
يعني انت يا دكتور
كل الي انت عايزة
انك توصل لمكان سماح بس؟
قلت... ايوه
عايز اعرف مكانها ...هي وتغريد
قالت..حاضر
اتفضل معايا
وانا هوصلك لغاية عندهم
وبالفعل ...خرجت معاها من الشقة
واتوجهنا لاول الشارع واستقلينا تاكسي
وطلبت نوال من سائق التاكسي
انه يطلعنا علي مكان اسمة الموقف الجديد
وبالفعل وصلنا سواق التاكسي للموقف الجديد
ولما وصلنا لقيت المكان عبارة عن موقف للسيارات
فا سالتها
قلت..انتي جايبانا فين هنا

قالت...
انا جايباك للموقف لانتا لسة هنركب تاني
اصل الطريق طويل شوية
ومكنش ادامي في الوقت ده بديل تاني
عن اني اطاوعها...
وامشي وراها
وبعدها...ركبنا سيارة تانية
بالفعل
وطلبت نوال من السواق يوصلنا لبلد جنبنا
وبعد ما العربية طلعت بينا
فضلنا قاعدين في العربية مده طويلة ...
وشوية
ولقيت نوال عمالة تتقيئ
في العربية
لغاية ما ملابسها اتسخت والعربية كمان اتسخت
مما اضطر سائق السيارة انه يتوقف بجانب قهوة كبيرة
علي الطريق
(استراحة)
للكاتبة حنان حسن
وطلب منها السواق تدخل الحمام
الي في القهوة
عشان تغتسل ...
علي ما هو ينضف السيارة
وطبعا ...خوفت لا نوال تهرب مني
فا نزلت معاها
لغاية ما وصلت للحمام
وفضلت انا واقف منتظرها بره
وعدي وقت طويل
وانا منتظر انها تخرج
لكن مخرجتش من الحمام
فا شكيت... انها تكون ماتت جوه ولا جرالها حاجة
في الحمام
و استاذنت... من صاحب القهوة
اني ادخل اخبط علي الحمام
عشان اطمن علي الست الي جوه
فا دخل معايا صاحب القهوة لغاية الحمام
وفضلنا نخبط علي باب الحمام
لكن نوال مكنتش بترد
فا اضطر صاحب القهوة
يكسر باب الحمام
عشان نشوفها ماتت ولا جرالها ايه؟
وبعد محاولة مع الباب
اتفتح اخيرا
لكن لما الباب اتفتح...
ملقناش حد في الحمام
واتفاجئنا ...بان شباك الحمام
كان مفتوح
وفهمت ساعتها
ان نوال كانت بتمثل عليا ... وبتدعي المرض
عشان تقدر تهرب مني..
وكان واضح
انها كانت بتحاول تبعدني
عن بيتها
عشان القضيحة
واستدرجتني لغاية هنا
عشان تقدر تهرب مني
ولقيتني بقول لنفسي
يعني كانت بتمثل لغاية ما نخرج من بيتها وتهرب مني؟
اه صحيح....
ده كان في صوت واحده ست جوه....
عندها في الشقة
ومعني كده
ان من المحتمل جدا
يكونوا زوجاتي عندها في بيتها
ولقيتني بسال نفسي بندم
انا ازاي فاتت عليا دي؟
و ازاي مدخلتش
اشوف الست الي كانت بتكلمني من ورا الباب؟
للكاتبة حنان حسن
وعرفت ساعتها اني طلعت اكبر غبي
وفي اللحظة دي
رجعت بسرعة علي سواق العربية
وطلبت منه انه يرجعني علي المكان
الي اخدني منه
وهو الشارع... الي ساكنة فيه نوال
عشان الحقها
قبل ما تاخد زوجاتي وتهرب بيهم من شقتها
وبالفعل وصلني السواق لغاية باب بيت نوال
ودخلت بسرعة جوه البيت
ووقفت امام شقتها في الدور الارضي
وتصادف في الوقت ده ان كان في
طفلتين كانوا بيلعبوا في مدخل البيت
المهم....رنيت الجرس
وكنت ياس
لاني كنت عارف اني مش هلاقي حد جوه...
لان نوال ... زمانها رجعت قبل مني
واخدت زوجاتي وهربت بيهم
ولقيتني رجعت تاني...
لاحساسي بالاحباط ...والحيرة... والعجز
ومتوقعتش ان حد يرد عليا بعد ما رنيت الجرس
لاني كنت فقدت الامل خلاص
وقعدت علي السلم وانا بضرب راسي بايدي
لكن في اللحظة دي
سمعت صوت نفس المراة الي في الداخل
بترد...من خلف الباب
وبتقول..
مين؟؟؟؟
فا التزمت الصمت
ومردتش عليها
عشان لما بقولها اني انا عمرو
مش بترضي تفتح
وفي اللحظة دي
بصيت علي الطفلتين الي كانوا بيلعبوا في مدخل البيت
وجتني فكرة
فا قربت من الطفلة الصغيرة الي كانت واقفة جنبي
وخرجت من جيبي عشرة جنية
وطلبت من البنت انها تاخد الفلوس
وتجيب لنفسها حاجة حلوه
فرحت البنت بالفلوس
وشكرتني ...
وكانت هترجع تلعب مع صاحبتها
لكن قبل ما ترجع للعب
طلبت منها انها تنتظر لما ارن الجرس
ولما الست الي جوه تقول مين؟
ترد علي الست
وتقولها انا يا طنط افتحي بسرعة
وبالفعل..
سمعت البنت كلامي
وبعد ما رنيت الجرس
سمعت صوت نفس المراة
بتسال...مين؟
فا ردت البنت علي الست
وقالت..
انا ياطنط افتحي بسرعة
للكاتبة حنان حسن
وبالفعل...
اتفتح الباب
وظهرت امامي المراة
الي كانت بترد ...
واصابني الهلع
بمجرد ما شوفتها
لانها مكنتش سماح ....ولا تغريد... ولا حتي نوال
دي كانت اخر واحدة ممكن اتوقع انها تكون هنا
عارفين مين الي كانت في شقة نوال ؟..........
يتبع
تعليقات
إرسال تعليق