 |
سمية: انتي يا زفتة فين هدومي
رنا : انا آسفة يا سمية هي لسة بتتغسل
سمية بغضب: كذا مرة يا حيوانة اقولك اني اسمي سمية هانم
رنا : بس انتي بنت عمي
سمية : آه صحيح عمي اللي رماكي عندنا
رنا وقد بدأت الدموع تتراكم في عينيها: أنا آسفة يا سمية هانم
داليا : إيه يا سمية صوتك جايب آخر الشارع فيه ايه
سمية بكذب : البنت الزبالة دي بتقل أدبها عليا
داليا بغضب: روحي انجري شوفي شغلك
لتسرع رنا الي عملها
سمية : احنا هنفضل مستحملنها لحد امتي
داليا بخبث: لحد ما ناخد كل فلوس أبوها
سمية : أبوها هو عايش
داليا : لا طبعا بس احنا وصيين عليها لحد ما تتم العشرين ولحد الوقت ده احنا عايشين من الفلوس دي ولازم نأمن مستقبلنا وكمان هي عايشة معانا خدامة
سمية بخبث: بيعجبني تفكيرك يا مامي
لتردف مرة أخرى: أما انا وقعت علي حتة واحد هيعيشني في نعيم بس يارب اعرف اوقعوا
داليا بخبث: هتوقعيه يا حبيبتي هتوقعيه
سمية : يارب انا هروح الجامعة بقي باي
داليا : باي يا روحي
لتردف مرة أخري : انتي يا بنت يا رنا
رنا : نعم يا مرات عمي
داليا : ايه مرات عمي دي اسمها مدام
رنا بحزن: نعم يا مدام
داليا : انزلي السوق وجيبي طلبات البيت عمي خميس ماجاش انهاردة
رنا : بس انا عندي شغل كتير
داليا : انا قولت كلمة ومش هقررها
رنا : حاضر يا مدام
لتنصرف رنا الي السوق وتشتري الطلبات
لترن عليها داليا
رنا : ألو يا مدام
داليا : روحي لسمية الجامعة واديها الفلوس اللي ادتهالك
رنا : بس انا مش هعرف اورح الجامعه كده
داليا : ايه يا بنتي انتي خدامة هتروحي ازاي يعني
لتغلق معها رنا المكالمة
رنا : يارب انا تعبت بجد !
في الجامعة
سمية بدلع: إزيك يا إسلام
إسلام بلا مبالاة : كويس فيه حاجة
سمية : انا ومامي كنا عاملين بارتي وعازمينك عليها
إسلام : سوري مش جاي
سمية : كده تكسفني
كان يكاد أن يتحدث الي أن سمع أصوات الضحك تعلوا
أحد الشباب ؛ جاية تبيعي طماطم في الجامعة
ليرد عليه الاخر: لا دي جاية تبيع خيار ههههه
لتسرع سمية الي رنا
سمية بغضب: الله يخربيتك فضحتيني جاية ليه
رنا بحزن : كنت جايبالك الفلوس نستيها
سمية : ماشي يلا هاتي وغوري
رنا : طب أنا كنت عاوزة اروح معاكي علشان الفلوس مش هتكفي
سمية : تروحي معايا ايه انتي اتجننتي
رنا : بس السكة طويلة
سمية بلامبالاة: وانا مالي
رنا بحزن: تمام
سمية بصوت عالي : معلش يا شباب دي الخدامة بتاعتنا
ليضحك الجميع عليها
ليذهب إسلام إليها
إسلام: ممكن أوصلك
رنا : مالوش لزوم
إسلام : انا عارف ان الطريق بعيد بس استني الأول كده
ليذهب الي الأشخاص الذين ضحكوا عليها
إسلام بغضب: كلوا يعتذرلها حالا
الشباب بخوف منه: حاضر
ليتقدم الجميع بالاعتذار الي رنا
إسلام : قابلة اعتذارهم
رنا : ها
إسلام: قابله الاعتذار
رنا : أيوة
إسلام : اتفضلي علشان أوصلك
سمية : أنا هاجي معاكم
إسلام : آسف فيه أشكال معينة بسمح ليها تدخل عربيتي
لتنظر رنا الي سمية بخوف
سمية : بس رنا هتيجي معايا
رنا : حاضر
إسلام بنفاذ صبر : إركبي معانا واخلصي
سمية : أوكيه
ليوصلهم إسلام الي البيت
سمية : أوعي تنسي البارتي
إسلام : تمام جاي
في الحفلة
كانت تعاني رنا من خدمة الجميع فهي أصبحت هزيلة وضعيفة
إسلام وهو يمسك الميكروفون : جماعة انا قررت أخطب
سمية بفرحة : أكيد انا
ليكمل إسلام: هخطب رنا
#الثانى
سمية بغضب: يعني انت تسيب ست الهانم وتبص لمساحة السلالم
إسلام وهو يتجاهلها ويقترب من رنا: تقبلي يارنا تتجوزيني
رنا بحزن: آسفة يا بيه بس انا مانفعش ليك
سمية : أيوة زي ماهي قالت كده
إسلام بابتسامة: أنا اتشرف بيكي قدام أي حد يا رنا
رنا بخجل: بس أنا
إسلام: ما بسش وافقي يارنا
رنا بابتسامة: وانا موافقة
سمية بغضب شديد: وانا مش موافقة
داليا ؛ ولا أنا موافقة انا مرات عمها وفي مقام والدتها
رنا بغضب: انتي عمرك ما هتبقي زي والدتي أبدا فاهمة
داليا بتمثيل : انا يا حبيبتي
رنا : أيوة انتي
إسلام: انا مش هسمح انك تقعدي هنا يلا نمشي
رنا بابتسامة: يلا
لتغادر هي وإسلام
في فيلا إسلام
إسلام : انا هوريكي أوضتك علشان تريحي شوية وبعدين عاوز اتكلم معاكي
رنا : أتكلم يا إسلام انا سامعاك
إسلام : أولا كده انا أعرفك من زمان اوي
رنا باستغراب: إزاي ؟!
إسلام: أنا إسلام ابن سيف باشا صديق والدك الله يرحمه ولما شوفتك في الجامعة عرفت قد ايه انك متبهدلة وبابا طلب مني اني أساعدك علشان ترجعي حقك
رنا بصدمة: يعني ايه يعني كل ده كان تمثيل
إسلام بحزن: أنا عملت كده علشان أساعدك بس والله
لتسمع صوت والد إسلام
سيف: انتي رنا ؟!
رنا بحزن: أيوة انا
سيف بفرحة: بنت الغالي عاملة ايه ؟!
رنا بابتسامة: الحمدلله
سيف : ايه يا اسلام وريها أوضتها علشان ترتاح
إسلام : حاضر يا بابا اتفضلي معايا يارنا ولتاني مرة بقررلك اعتذاري
رنا بحزن : عادي
إسلام : دي اوضتك يا رب تعجبك وانا خليت الدادة تجيبلك هدوم يارب تعجبك
رنا بابتسامة: شكرا
إسلام بابتسامة: العفو
لتجلس رنا في غرفتها وتستحم وترتدي الملابس الجديده
وكانت عبارة عن فستان باللون الوردي الذي أظهر جمالها ورونقها
لتسمع صوت الباب يصفق وتفتح
رنا : مين ؟!
لتجده إسلام
رنا : أهلا
إسلام باندهاش : رنا صح
رنا بضحك : أيوة انا
إسلام : طب يلا الغدا جاهز
رنا بابتسامة: يلا
ليجلس الجميع علي المائدة
سيف : نورتي يا رنوات
رنا بحزن: الاسم ده اللي بابا كان بيناديني بيه علي طول
سيف : الله يرحمه
ليردف :. يلا كلوا يا ولاد
ليبدأ الجميع بتناول الطعام
إسلام : بابا انا كنت عاوزك في موضوع بعد الاكل
سيف : تمام يا إسلام
ليردف : عن إذنك يا رنا البيت بيتك
رنا بابتسامة: ربنا يخليك يا عمو
لينصرف الجميع وتجلس رنا في الحديقة وتغني أغنيتها المفضلة وبصوتها الرائع لينسدل شعرها علي ظهرها بوضع جذاب
إسلام: صوتك حلو
رنا بخضة: مين
إسلام: انا آسف اني خضيتك
رنا : لا عادي انا تمام
إسلام: كنت عاوز أقولك حاجة
رنا باستغراب: اتفضل
إسلام: أنا آسف والله علي سوء التفاهم اللي حصل
رنا باحراج: لا عادي
إسلام: أنا عرفت أن سمية ومامتها واخدين فلوس باباكي لحد ماتتمي السن القانوني
رنا بصدمة : يعني بابا مش فقير
إسلام: لا باباكي كان مستواه المادي نفس مستوانا
رنا : طب وحقي هييجي إزاي
إسلام بابتسامة: بالقانون يا رنوات ولا بلاش اقولك كده
رنا بخجل '. لا عادي احنا اصحاب
إسلام: ده شرف ليا
حارس الأمن : انا آسف يا أستاذ اسلام بس فيه واحدة برة بتقول انها تعرف حضرتك
ميرا : أيوة انا يا سولي انا جايالك انا وابننا
إسلام بصدمة : ابننا ؟!
يتبع
البارت الثالث
#الثالث
إسلام بغضب: ابننا ايه انتي بتقولي ايه انتي انا عمري مالمستك
ميرا بحزن مصطنع : فاكر يوم ما كنا سهرانين مع بعض وشربنا اهو ده اللي حصل
إسلام بصوت عالي: ميرا انتي صاحبتي لو عاوزاني اساعدك قوليلي لكن تيجي تتبلي عليا فده اللي مش هرضي بيه
بقلم : مروة جلال سيف بضيق: ايه اللي انا سمعته ده يا إسلام
إسلام بتوتر : صدقني يا بابا انا معرفش حاجة عن الموضوع ده
ميرا بكذب: لا يا عمو يعرف ويعرف اوي كمان اللي في بطني يبقي ابنه
سيف بضيق: انا ماكنتش اعرف ان مخلف عيل كنت مفكرك راجل يعتمد عليه لكن خيبت ظني فيك "بقلم مروة جلال "
إسلام بمقاطعة: بابا صدقني مفيش حاجة حصلت بينا قولي حاجة يا ميرا قولي الحقيقة
ميرا بتوتر : الحقيقة انك ابو ابني
بقلم "مروة جلال "إسلام وهو يقترب منها: انا لحد الان كنت محترم معاكي لكن دلوقتي شكلي هعمل معاكي الغلط
سيف وهو يصفعه بشده: اسكت يا حيوان عملت العملة وخايف منها
إسلام بصدمة: انت بتضربني يا بابا
سيف بغضب: لما تبقي قليل الادب يبقي تنضرب يا إسلام وشكلي كنت غلطان معاك لما عاملتك كراجل انت لسة عيل
إسلام وهو ينظر لرنا : صدقيني انتي يا رنا انا مش كذاب
رنا بعيون مدمعه: انا ماليش دعوه
إسلام: لا ليكي دعوه لازما تصدقي يا رنا لازما
سيف بغضب: وبتلعب كمان علي رنا لا ده انت طلعت كمان مش سهل
إسلام بحزن: انا ماكنتش اعرف انك مش واثق فيا يا بابا ماكنتش اعرف كده خالص
لينصرف بسرعة خارج البيت
ميرا بخبث: سوري يا عمو علي اللي حصل بس انت عارف ان بنات الناس مش لعبه
سيف : عندك حق يا بنتي وانا هتكفل بكل مصاريف الولادة
ميرا بحزن مصطنع : بس ابني محتاج أبوه
رنا بغضب: انا هطلع أرتاح يا عمو
سيف بحزن: اطلعي يارنا
ليردف مرة أخرى: وانتي يا ميرا اتفضلي جوه حفيدي لازم يفضل معايا
ميرا بحزن مصطنع: شكرا يا عمو لانك ساعدتني انا ماكنتش اعرف ان إسلام كده خالص
سيف بضيق: ماتجيبيش سيرته يلا اتفضلي جوه
بقلم مروة جلال ميرا بحزن مصطنع: تمام
__________________________________________
إسلام: انا مش عارف هي عملت كده ليه
رامز: بس ممكن تكون فعلا صادقة يا إسلام
إسلام: حتي انت لا يمكن تكون صادقة انا فاكر اليوم ده كويس انا كنت بعمل نفسي بشرب ده انا حتي اللي وصلتها البيت اليوم ده
رامز باستغراب: وهي في بنت تشبه نفسها
إسلام بغضب؛ معرفش بس انا لازم اتصرف اعمل ايه ؟!
رامز : مفيش غير حل واحد انك تثبت كذبها
إسلام : وده ازاي بقي ؟!
رامز : تتجوزها
إسلام: انت عبيط يا رامز ده انا كده بثبت صدقها مش كذبها
رامز : زي ما بقولك كده وبعدين تراقبها وتراقب تصرفاتها وتشوف هي عملت كده ليه
إسلام: طب مفيش حل تاني
رامز بكذب: لا (ده طلعوا عصابه😐)
إسلام: وانا مش هتجوزها حتي لو اضطريت اني مرجعش البيت تاني
رامز بضيق: تمام يا صاحبي بس انا كنت حابب اساعد بس
إسلام بحزن: تشكر يلا بقي علشان عاوز انام
رامز بحنق: اتفضل نام جوه
ليدخل إسلام الغرفة
ليسرع رامز بألاتصال بميرا: بقولك ايه انتي طلعتي فاشلة خالص
ميرا : ليه بس ده الخطة ماشية الله اكبر
رامز: الواد فاكر اليوم وعارف انوا ماشربش حاجة شكلنا كده هنطلع من المولد بلا حمص
وهنا تستمع رنا الي كلماتها وتصدم بشدة
ميرا : ما تخافش الراجل العجوز هنا شايلني علي كفوف الراحة وبكرة اجيب الفلوس ونتجوز يا حبيبي
رامز بتهرب: أن شاء الله بس اقنعوا يتجوزك
ميرا: ماتخافش كده كل حاجة هتبقي احسن
رنا بخوف: يانهاري دي طلعت عصابة معني كده أن إسلام برئ انا لازم افضحها
_____________________________________________
في صباح اليوم التالي
رنا : انا هخرج شوية يا عمو انهاردة
سيف: تمام يارنا
رنا بخبث: ايه رأيك تخرجي معايا انتي كمان يا ميرا ونبقي أصحاب وكده
ميرا : اوك يا رنا
رنا : طب انا هروح اجهز انا بقي
ميرا : وانا كمان هجهز
رنا : تمام
في غرفة رنا
رنا: ألو يا إسلام انا عرفت انك برئ
إسلام : بجد
رنا : أيوة انا سمعتها امبارح بتكلم واحد اسمه رامز
إسلام بصدمة: رامز ؟!
رنا : ايوة انت تعرفه
إسلام:ايوة
رنا : المهم انا اخدتها علشان نخرج عاوزة اقابلك هناك في (............)
إسلام باستغراب: ليه ؟!
رنا : هفهمك هناك المهم تيجي ولو تعرف اللي اسمه رامز ده تجيبه معاك
إسلام : حاضر هجيبه شكرا يا رنا
رنا بخجل: العفو
___________________________________________
إسلام بضيق: بقولك ايه يا صاحبي ماتيجي معايا مشوار
رامز : مشوار ايه ده
إسلام بمكر : هتعرف لما نروح
رامز بتوتر : تمام يا صاحبي
إسلام: طب يلا بقي
رامز : اممممم يلا
_________________________________________
رنا : معلش يا ميرا هدخل الحمام هسيب الفون معاكي
ميرا؛ تمام يا حبيبتي اجي معاكي
رنا : لا خليكي علشان الحمل وكده
ميرا : حاضر
رنا : بس بس
لينتبه إسلام الي رنا وهي تناديه
إسلام: بقولك ايه يارامز انا هدخل الحمام
رامز : تمام هقعد علي لما تيجي
ليتجه إسلام الي رنا
رنا : بص بقي انا سيبت الفون بتاعي معاها بيسجل
إسلام بتساؤل: طب ايه اللي عرفك أنهم ممكن يتكلموا هناك
رنا بابتسامة: انا عارفة ثق فيا
إسلام بابتسامة وهو يقترب منها: واثق فيكي يا رنوات
رنا بخجل : طب ايه
إسلام: ايه ؟!.
رنا بخجل: ابعد شوية
إسلام: حاضر طب احنا هنروح امتي ليهم
رنا : أتصدق انا فكرت في كل حاجة الا الحاجة دي
إسلام: يعني انا وثقت في الشخص الغلط
رنا : استني بس هنعرف أن شاء الله
__________________________________________
رامز بضيق: انتي بتعملي ايه هنا ؟!
ميرا بفرحة: حبيبي عامل ايه ؟!
رامز: ردي عليا
ميرا : كنت جاية مع رنا ودخلت الحمام
رامز : شكلنا اتكشفنا يا متخلفة
ميرا : انا متخلفة ولا انت اللي واحد حيوان وواطي وخاين كمان
رامز : مش وقتك
ميرا بغضب: لا وقتي انا اللي غلطانة اني سلمتلك نفسي وانا عارفة انك عمرك ما هتتجوزني
رامز : ايوة عمري ماهتجوزك وهتجوز واحده شمال ليه انا أخري اطلع منك بمصلحة
ميرا : يعني ايه
رامز : يعني انا كنت بضحك عليكي علشان اطلع منك بمصلحة لكن طلعتي واحدة متخلفة
______________________________________
رنا : شكلها سخنت
إسلام بفخر : مش قولتلك أن الخطة هتنجح
رنا : يا شيخ اتنيل ده انت من خمس دقايق كنت عمال بتدعي عليا
إسلام: طب ايه هنعمل ايه دلوقتي
رنا : اتقل يا نهار احمر دول هربوا
#انت_حمايتي
#الاخير
رنا : يانهار أحمر ...دول هربوا بس مش مشكلة هاخد التسجيل بتاعهم وهوريه لعمو وهو أكيد هيصدقك .
إسلام بحزن: مش فارقة كتير يا رنوات .
رنا بابتسامة جميلة : مقدار الزعل من مقدار الغلاوة وبعدين انت ماشوفتش حالة باباك لما عرف الحوار ده بقولك ايه انت وهو مالكوش غير بعض .
إسلام : تفتكري هيصدقني وعلاقتنا هترجع زي الاول تاني
رنا بابتسامة: شور يا بني انت ما تعرفنيش ولا ايه ؟!
إسلام: انا مش عارف انا واثق فيكي ليه أصلا
رنا بخجل: يمكن مثلا علشان طيبة
إسلام: لا انا مش بمدح انا بقول انك واحدة هبلة وهتضيعينا
رنا بعصبية : طب أتصدق اني غلطانة
إسلام بضحك : خدي طب يا بنتي
رنا : اخلص يلا علشان نروح لعمو
إسلام : عليا الطلاق واحد صاحبي ...
في منزل إسلام
سيف بحزن وهو ينظر إلي صورة زوجته "شوفتي اسلام يا صوفي "
رنا بابتسامة: ماله اسلام يا باشا ما هو كويس اهو وطلع برئ كمان
سيف : انت ايه اللي جابك هنا
رنا : هدووء كدا لو سمحتم في القاعة
لتردف مرة أخري : اسمع كده يا عمو
ليستمع سيف بصدمة
رنا بحزن : شوفت بقي يا عمو أن إسلام برئ
سيف بحزن : انا عمري ما هكابر في الغلط يا بني أنا آسف وحقك عليا غصب عني
إسلام: لا يا بابا ما تقولش كده انت هتفضل جزمتك فوق رقبتي علطول
ليحتضنوا بعضهم البعض
رنا بابتسامة : بس البت المعصعصة دي طلعت حرباية
رنا وهي تقلدها بطريقة مضحكة: أنا حامل يا سولي
ليضحك الجميع عليها
إسلام : بابا انا قررت اتجوز رنا مش هلاقيها احسن منها
سيف: اللي هي تشوفه يا بني
رنا بخجل : سيبني افكر
إسلام بصدمة : نعم
رنا بابتسامة: خلاص يا عم انا وافقت اصلا من زمان
سيف : والفرح الاسبوع اللي جاي
بعد مرور أسبوع
رنا بحزن: ياريتك كنتي معايا يا ماما دلوقتي انتي وبابا
إسلام بابتسامة: ما ينفعش إسلام وبعدين فيه عروسة تزعل يوم فرحها يا رنوات
رنا بخجل: انت دخلت ازاي
إسلام: من الباب يا حبيبتي يعني منين يعني
رنا : لا والله أتصدق كنت بحسبك دخلت من الشباك
إسلام بضحك : سؤال غير منطقي بالمرة بس قوليلي هي ماما كانت نحلة
رنا باستغراب: ليه يا خفيف
إسلام: علشان تجيب العسل ده كله ...
رنا باحراج : إسلام بقي الله
إسلام: يلا ننزل بقي المعازيم هيضربونا
رنا بابتسامة: يلا ..
لينزل إسلام ورنا علي السلالم بطريقة فخمة وتحيط بهم العيون الحاقدة من كل مكان
رنا : انا خايفة
إسلام: ما تخافيش
إسلام وهو يمسك الميكروفون: النهاردة حابب اطلع ناس حرامية من الحفلة الانسة سمية ووالدتها
سمية بتوتر : حرامية ازاي يعني
إسلام بضحك : مش عارفه ازاي يا آنسة انا دلوقتي معايا كل الاوراق اللي تضمن حق مراتي من ميراث ابوها اللي انتوا نهبتوه منها
ليردف مرة أخرى : حبيت تكون رحلة القبض عليكم في فرحنا علشان يبقى اسعد يوم في حياتنا
سمية بدموع: بس انا ماليش دعوة ماما هي السبب
والدتها: انا وهي يا حضرة الظابط هي كمان اتفقت معايا
إسلام بغضب : انا بجد عمري ما شوفت اقذر منكم
ليردف: لو سمحت خدهم بسرعة
رنا بدموع : انت عملت كل ده علشاني
إسلام وهو يقبل رأسها : واعمل أكتر من كده كمان يا رنوات انا حمايتك واللي هحميكي من العالم كله
رنا بابتسامة : ربنا يباركلي فيك يا حبيبي ..
إسلام بمرح : هو كده الفرح باظ ولا ايه يلا ارقصوا
ليستمر الفرح بسعادة كبيرة
بعد مرور عام
رنا : يا إسلااااااام خد ابنك
إسلام بخضة : ايه سرينة واتفتحت انا انخدغت فيكي ما ينفعش ارجعك واخد خصم
رنا : ما هو ده اللي انت فالح فيه الهزار خد ابنك عاوزة انام شوية بقالي يومين ما نمتش
إسلام وهو يقبلها من خدودها؛ تعالي نامي في حضني يا رنوات يلا
رنا بابتسامة: طب و زين
إسلام وهو ينظر له بغضب : لو ما نمتش دلوقتي مش هترضع لمدة أسبوع ايه رايك
ليسكت زين وكأنه فهم مجري الحديث
إسلام بمرح؛ مسيطر انا
ليردف : يلا يا قلبي تعالي في حضني
لتنام رنا في حضنه وهي مبتسمة
"كنت انت الحماية لي عندما هاجمني الكثير "
تمت ....
بقلم : #مروة_جلال
اتفاعلو بعشر تعليقات ولايك وتفاعل كتير
تعليقات
إرسال تعليق