 |
الفصل 11::12::13
العزف بشغف على الاوتار
الفصل الحادي عشر
كان يرتدي ملابسه متوجه لبيت ياسمين بعد علمه برجوعهم القاهرة و استقل سيارته وذهب لمنزلهاوطرق الباب وعندما فتحته شهقت بصدمة
ياسمين: مراد
مراد: ازيك يا ياسمين
ياسمين بتوتر: الحمد لله اتفضل .
دلف مراد وجلس وبعدها بقليل دلف ماجد
-أهلا وسهلا يا مراد
= أهلا وسهلا يا عمي
- وأنا اقول البيت منور ليه
= ده نورك يا عمي ... اكيد بتسأل سبب الزيارة ايه
- ده بيتك يا بني تيجي وقت ما تحب
= ده من ذوقك يا عمي .... في الحقيقة أنا جاي علشان أحدد معاد أجيب أهلي مش هي دي الأصول
- عداك العيب يا ابني
= ممكن العروسة في كلمتين
- طبعا يا ابني ... ياسمين ياسمين
ياسمين: أيوة يا بابا
-تعالي يا بنتي اقعدي
جلست ياسمين وقال ماجد : اسيبكم لوحدكوا شوية
وبعد أن خرج ماجد شهقت ياسمين عندما وجدت مراد يثني ذراعها خلف ظهرها
ياسمين: ايه اللي انت بتعمله ده
مراد بغضب: بتغفليني يا ياسمين
ياسمين: ايه اللي انت بتقوله ده
مراد : بقول هو أنا قولت حاجه.... بتضحكي عليا وتسرقي الملف لداليا هانم
ياسمين: انت فاهم غلط
مراد : ما هو يا ريت أكون فاهم غلط
ياسمين ببكاء: صدقني أنا مظلومة
مراد: تمام مظلومة يبقي تفهميني
والقي بها علي الأريكة وبدأت هي في سرد كل ما حدث لها وهو يستمع بصدمة
مراد بسخرية: وعمله لي فيها خضرة الشريفة
ياسمين: أقسم بالله شربني حاجه مكنتش في وعي
مراد: ومقولتيش لحد ليه وسبتيها تبتزك
ياسمين ببكاء: خوفت علي بابا عنده القلب
وفجأة دخل ماجد فمسحت ياسمين دموعها
ماجد : ها يا بني تشرب ايه بقي
مراد : لأ يا عمي مرة تانية
ماجد : لأ مينفعش سامية حالفة لتاكل معانا كده مش هناكل
مراد : لأ كله إلا طنط سامية
ماجد: ههههه يبقي أقعد
طوال النهار الذي جلسه مراد لاحظ العلاقة التي بين ماجد و ياسمين إنها علاقة رائعة لا حدود بينهم ... أب وابنته بالمعني الحرفي ... إذا نا الذي يضطرها لفعل هذا ... لطالما سمع أن من تقوم بهذا تفتقر لحنان والدها إذا لماذا وثقت في هذا سليم .
______ في بيت وتر _______
كانت تتحدث بفرحة بالهاتف
- الو ... أيوة يا حبيبي
نظر لها آسر ووتر عند نطقها لكلمة حبيبي
= أيوة يا شغف عاملة ايه .. انتي فين روحت القصر النهاردة حنان قالت لي انك مش موجودة
- مفيش يا بابا وتر عنده شغل بعيد فسافرت معاه
تفهم خالد أن شغف لا تريد أن يعلم مكانها
= طيب يا حبيبتي ربنا يوفقه
- ياسمين عاملة ايه هي وانكل ماجد هيرجعوا امتي
= رجعوا النهاردة
- بجد
= أيوة لسه راجعين أنا قلت لمراد وقولت اكيد هيقولك
- أكيد ملحقش
= مش مشكلة بقي
- طيب يا حبيبي خلي بالك من نفسك
= وانتي كمان لا اله إلا الله
- محمد رسول الله
وأغلقت الهاتف ثم توجهت نحو آسر وجلست بجانبه واندمجت في مشاهدة الفيلم .
كان وتر يعمل علي الحاسوب حتي استند برأسه للخلف على الكرسي وأغلق الحاسوب وعندما نظر نحوهم وجدهم مندمجين بشدة فتوجه نحوهم وجلس بجانب شغف
وتر : بتعملوا ايه
شغف وهي تشاهد الفيلم باندماج: انت شايف ايه
كان سيتحدث ولكن قاطعه صوت رنين الهاتف
وتر بضيق: الو
داليا : وحشتني اوي يا وتر
وتر : عاوزة ايه يا داليا
داليا : هو مينفعش أكلمك غير وأنا عاوزة حاجه
وتر : للأسف انتي مبتعمليش غير كده
داليا : طب أنا عايزاك تيجي لي النهاردة
وتر : للأسف مش فاضي
وأغلق الهاتف و القاه علي الطاولة واستدار وقبل أن يرحل استمع لصوت رسائل نصية وعندما فتحها وجدها بعض الصور من مجهول ... فتح الصور لينصدم أنها محادثات زوجته داليا مع احدهم لسرقة الملف
الخائنة.... أخذ مفاتيحه وخرج بينما نهضت شغف وهي تنادي عليه : وتر يا وتر رايح فين
لكنه رحل واستدارت هي بتعجب وتوجهت نحو آسر .
شغف: أعمل لك عصير
آسر : مانجا
قبلت خده وتوجهت للمطبخ لإعداد العصير .
______ في مكتب مراد _______
حاتم : كل ده في قلبك
مراد : شفت
حاتم : طب وهتعمل ايه
مراد : هساعدها وبعدين كل واحد يروح لحاله
حاتم : مالك بتقولها وانت مضايق كده ليه ... مصيبة لتكون حبيتها
مراد : مش عارف يا حاتم
حاتم : بص دي حياتك وكلنا بنغلط وبعدين دور ورا الموضوع
مراد : مش فاهم
حاتم : أصل اللي بيعملوا كده يا إما مزاج أو بيبقوا تبع حد
مراد : تقصد ايه .
حاتم : يعني أنا بكرهك فبعت لك حد يبتزك علشان تنفذ اللي أنا عايزة او علشان أكسر عينه
مراد: تقصد يعني ممكن يكون حد زقه عليها
حاتم : أيوة بس انت هتعمل ايه لوتر عرف
مراد : مش عارف يا حاتم أنا حكيت لك علشان تلاقي لي حل
حاتم : مش عارف يا مراد انت عارف العلاقة بينا اليومين دول متوترة
مراد : أنا مش عارف انتوا مكبرين الموضوع ليه
حاتم: وانت عارف الموضوع أصلا
مراد : لأ بس مهما كان ميستهلش أنتوا عشرة عمر ولا ناسي يا حتومي
حاتم : بس يلا متندهش عليا بالإسم ده
مراد : متخدهاش علي صدرك
حاتم : خلينا نشوف اللي ورانا
مراد : طب ماشي ثانية واحدة وجاي لك
وأمسك الهاتف وقام بإجراء مكالمة
- الو
= مراد باشا عاش من سمع صوتك
- اسمعني كويس يا احمد
= خير يا باشا
- في واحد عاوزك تيجبهولي من قفاه على بكرة
= الإسم
- سليم راضي اسماعيل
= ابن الدمنهوري
مراد بصدمة : ابن الدمنهوري
= أيوة أخو حامد الصغير
- بس إزاي أنا علي حسب علمي انه مات
= ده علشان كان عامل مصيبة فقالوا أنه مات وسافر بإسم الجديد ده
- بس ده في مصر
= مش عارف يا باشا أنا علي حسب معلوماتي أنه سافر
- طب شوف الموضوع ده وكلمني
= انت تؤمر يا باشا
وأغلق الهاتف وقال في نفسه: يعني ممكن تكون بتكدب..... بس مكنش باين عليها ... كل هيبان وساعتها الكداب مش هرحمه حتي لو كان انتي يا ياسمين .
_____ في قصر وتر الجارحي _____
كانت تجلس تتصفح إحدي المجلات حتي رأته يدلف بغضب ... نهضت نحوه
حنان: وتر يا حبيبي....
لكنه تركها وصعد للأعلي وفجأة سمعت صوت صراخ فهرولت للأعلي فوجدته يمسك داليا من شعرها
وتر : بتخونني انا يا بنت الك*ب
داليا ببكاء: أنا مش عارفة انت بتتكلم على ايه
ولكنه صفعها مرة اخري وحاولت حنان أن تفصل بينهم
حنان : اهدي يا حبيبي مش كده
وتر: ابعدي انت يا أمي
حنان: البت هتموت في ايدك
وتر : يا ريت أكون وتحصل اللي قبلها
خرجت منه زلة لسان ولكن داليا لم تكن في موقف يسمح لها بالتفكير .
حنان : اهدي كده واللي انت عايزه هيحصل
وتر : أنا عايز اعرف ليه عملت كده
قالها وهو يطلق شعرها حول يده لتصرخ هي من شدة الألم.
وتر : عملتي كده ليه ها انطقي
داليا بحقد : علشان اكسرك
صفعها مرة اخري وأمسكها من شعرها وسحبها للأسفل وهو يقول: الظاهر انك نسيتي نفسك يا بنت السويسي نسيتي ام أبوكي مان هيبقي شحات وأنا اللي أنقذته ولا نسيتي بعد ما مات سددت ديونه علشان سمعته بس الظاهر انك ****
والقاها أمام بوابة القصر وهو يقول : القصر ده الناس المحترمة ورجلك متخطيش هنا تاني سامعه انتي طالق بالتلاته يا هانم
وقفت هي وقالت بكل ما لديها من حقد : أقسم بالله لأدفعك التمن..... وهخليك تيجي راقع تتمني أرضي عنك ....مش أنا يا وتر .....أنا داليا السويسي
أغلق البوابة بوجهها وصعد لغرفته وبدأ بتكسير كل شئ وحنان تبكي وتندب حظ ولدها
______ في قصر حامد الدمنهوري _____
الخادمة: في واحدة مصرة تقابل حضرتك
ابتسم لمكر وهو يقول : دخليها
ذهبت الخادمة ودلفت بعدها داليا بكامل غضبها
داليا : انت بتستعبط يا حامد
حامد: معقول داليا هانم مجبتيش وتر بيه معاك ليه
داليا : متستفزنيش يا حامد ايه اللي انت هببته ده
حامد بخبث: عملت ايه
داليا بصراخ: حامد
حامد بغضب: متعليش صوتك يا داليا .. ده انا عملت كده علشان مصلحتك
داليا : مصلحة ايه
حامد: كنت عايز اخرجه ومكنتش عارف
داليا : تخرج مين ... ايه اللي انت بتقوله
حامد: بعدين بعدين
داليا : لأ عاوزة افهم دلوقتي
حامد : ما أنا قولتلك بعدين بس اقدر أطمنك كل اللي انتي عايزاه هتخديه وكمان بوسة.
داليا: انت بتقول ايه.
حامد: مش مهم دلوقتي المهم تغيري الفستان ده علشان شكلك بقي وحش اوي
رحلت بغضب وهي تسب اليوم الذي تعرفت عليه به بينما هو توعد لوتر بالعذاب طالما مازال يتنفس
_____ في منزل شغف ______
كانت تجلس علي الأرض وهو يجلس أمامها يحاولون حل اللغز الموضوع أمامهم
آسر : ده صعب اوي
شغف: معلش فكر شوية
آسر : طب تلعب أي حاجه تانية
شغف : لأ حلها علشان أعملك بانيه على الغدا
آسر : بجد ... انتي عرفتي منين أن أنا بحبه
شغف : علشان أنا بحبك فعارفة عنك كل حاجه
ارتمي آسر في حضنها وهو يقول : وأنا كمان بحبك أوي
شددت علي حضنه كم هو برىء حضن الأطفال يخلو من الخداع والكذب وكل ما يتسم به هو البراءة .
وفجأة صدع صوت الهاتف فقالت : خليك هنا لحد ما أجيلك ... عاوزة أجي القيك خلصت .
وعندما نظرت للمتصل وجدت أنها فيروز
- الو
= ايه يا رخمة لا حس ولا خبر خليتني ماما واختفيتي
- معلش ههههه
= بطلي برود واحكي لي مين الولد ده
- حاضر يا ستي
وقبل أن تتحدث قاطعها صوت طرقات علي الباب فقالت : اقفلي دلوقتي يا فيروز وتر شكله جه
__________ في غرفة وتر __________
كان يجلس وهو يضع يده علي راسه حتي دلفت حنان الغرفة
وتر : ماما لو سمحتي سيبيني دلوقتي
حنان : يا ابني قوم شوف ابنك ومراتك خطر يبقوا لوحدهم
وصعد صوت الهاتف فنظر لهوية المتصل وجد أنها شغف رمي الهاتف
حنان : يا ابني طب طمنها
امسك الهاتف وأجاب فنهض مفزوعا وهو يستمع لآسر يقول ببكاء: بابا الحق في ناس ضربت شغف وخدتها.
#يتبع
#العزف_بشغف_علي_الأوتار
#رقيةمحمد
الفصل الثاني عشر
أمسك الهاتف وأجاب فنهض مفزوعا وهو يستمع لآسر يقول ببكاء: الحق يا بابا في ناس ضربت شغف وخدتها
وتر : طب خليك عندك لحد ما آجي
كان يقولها وهو يستقل السيارة وظل علي الهاتف يهدىء من روع ابنه حتي وصل اليه
آسر ببكاء: خطفوها يا بابا
وتر : اهدي يا حبيبي هرجعها
آسر وهو ينظر له والدموع في عينيه: وعد
وتر: وعد يا آسر
واحتضنه ودفن آسر وجهه في بدلة والده يبكي ووتر ينظر حوله فمن حال المنزل وحال ابنه يبدو أنه حصلت معركة هنا.
أخذه وتر وتوجه نحو السيارة وهو يقول: اهدي كده خليك راجل
واستقل السيارة وهو يقوم بإجراء مكالمة هاتفية
وتر: سامعني يا احمد
احمد : وتر باشا أهلا وسهلا
وتر: مش وقته سلام .... عايزك في حوار
احمد : اؤمر يا باشا
وتر: شغف خالد الصياد..... اتخطفت من شقتي في المعادي طبعا عارفها
احمد : أيوة... المطلوب
وتر : في ظرف ساعتين مكانها ابقي عارفه
احمد : ساعتين قليل
وتر: اتصرف يا احمد مش صعبة واللي انت عايزه هتخده يا احمد
احمد : تمام يا باشا
أغلق وتر الهاتف وكان قد وصل للقصر
حنان : آسر .... في ايه يا وتر
آسر: خطفوا شغف يا تيتا
أخذته في أحضانها وظلت تبكي لا تعلم هل فرحا لحديث حفيدها ومناداته لها بجدتي أو حزنا على تلك الفتاة المختطفة...... بينما دلف وتر المكتب ورفع سماعة الهاتف وضغط بعض الأزرار ووضعها علي أذنه
وتر : شريف معايا
شريف: أيوة مين
وتر : أنا وتر القاسم يا شريف
شريف: ازيك يا وتر لعله خير
وتر: عاوز منك طلب
شريف: اؤمر
وتر: ٣ ، ٤ دواليب علي البيت علشان أمي وسارة
شريف: عاملين ازاي
وتر: ٦ ضرف الدولاب الواحد
شريف: امتي
وتر: دلوقتي يا شريف
شريف: حاضر يا وتر في ظرف نص ساعه يبقوا عندك
وتر : أسرع يا شريف
وأغلق الهاتف وتوجه نحو والدته
وتر: مراد فين
حنان: مراد في الشركة
وتر : و سارة فين
سارة: أنا اهو يا أبيه
وتر : رايحة فين كده يا هانم
سارة : رايحة الجامعة
وتر: مفيش جامعة
سارة: بس النهاردة أول يوم وو.. ..
وتر بصراخ : قولت مفيش جامعة
حنان: اهدي يا ابني
وتر : انتوا مش شايفين اللي احنا فيه
حنان: خلاص مش هتروح الجامعة كده كده رايحين عند خالتي
وتر : خالتي .... يا نهار أسود
حنان: في ايه
وتر : الواد بيقولك دخلوا البيت ودمروه وخطفوها وحضرتك مأمنه تخرجي بره البيت
حنان: ده كان عايز شغف
وتر: لأ يا ماما اللي عمل كده عايزني أنا ... استناني أخرج من عندهم واستغفلني
حنان : طب وهتعمل ايه
وتر: ولا حاجة ءامنكم الأول بعدين أشوف هعمل ايه
حنان : طب وأنت
وتر : متقلقيش عليا ....شريف هيبعتلك حراسة هنا محدش يعتب بره باب القصر سامعين
سارة وحنان وآسر في صوت واحد : سامعين
قبل رأس آسر وهمس في أذنه: هرجعها
ابتسم آسر في أثر والده وعندما أدار وجهه وجد سارة تبكي
آسر : مالك يا عمتو ... شوفي يا تيتا عمت.. .
كان سيستنجد بحنان لكن وجدها هي أيضا تبكي
آسر : متخافيش يا تيتا بابا وعدني انه هيرجعها
حنان وهي تحاوب التماسك: أكيد يا حبيبي بابا طول عمره قد كلمته
______ في مكتب مراد بالشركة _____
كان يجلس يفكر في تلك الفتاة التي خطفت قلبه يعترف بأنه أحبها لكن لا يعلم إذا كانت تكذب أم لا
حاتم وهو يغلق الحاسوب الذي امامه: مالك يا ولهان
مراد : اتريق اتريق ما أنت محبتش قبل كده
حاتم بوجع: عندك حق
مراد: تفتكر ياسمين بتكدب
حاتم : لأ ما أظنش
مراد : ليه يعني
حاتم : علشان.....
قاطعه صوت طرقات علي الباب
مراد : أدلف
حاتم : هههه جلالة السلطان
ولكن السكرتيرة طرقت الباب مرة اخري
مراد : أطرشت دي ولا ايه
حاتم : يا بني كلمها عدل هي بتفهم أفغاني
مراد : وده أفغاني
حاتم : يا عم دخلها خلص
مراد : أدخل
دلفت السكرتيرة بيدها باقة ورد
مراد : ده علشان ربنا يخليك يا رحمة
رحمة بصدمة: يا افندم ....
قاطعها مراد : وكل ده وكاتمة في قلبك
حاتم : ههههه اديها فرصة تتكلم
مراد : أكيد يا بنتي اتكلمي فضفضي مش هتلاقي صدر حنين غيري
حاتم: انت يا عم
مراد: من مين ده يا رحمة
قالها وهو يتفحصه ردت رحمة: مش عارفة واحد سابه لحضرتك ومشي
حاتم : طب روحي انتي
خرجت السكرتيرة بينما قال مراد :أكيد يعني معجبة
حاتم : وريني كده
أعطاه مراد الباقة وبدأ حاتم في البحث عن البطاقة حتي وجدها
حاتم: مع أطيب تمنياتي في إيجادها
مراد: إيجاد ايه
حاتم : وأنا ايش عرفني
مراد : في عندك حاجه مؤنثة ضايعة منك
حاتم : لأ
مراد : ولا أنا وريني كده
حاتم : خد
مراد : ده مضي د.د
حاتم : يعني ايه د.د
مراد : تقريبا كده شركة المفقودين المحدودة
حاتم : لأ والنبي
وفجأة تحدث وتر : بتصل بيك مبتردش
مراد بفزع: يا ابني حرام عليك بتدخلوا انتوا الاتنين ولا أكنها أملاك أبوكوا
نظر له الأثنين بغيظ فقال : ما هي صحيح أملاك أبوكوا
وتر : انت بتعمل هنا ايه يا حاتم
حاتم : تكون بعمل ايه بشتغل يا وتر
مراد: في ايه وتر
وتر : شغف اتخطفت
مراد بصدمة: ايه
حاتم بقلق لم يستطع مداراته : ايه مين اللي عمل كده
وتر بضيق من حاتم: مش عارف
مراد بصدمة: ايجادها
وتر : ايه ماله ده ... حاتم : مش عارف
مراد : يا ابني ايجادها
واخذالبطاقة وأعطاها لوتر
وتر : د الدمنهوري ود التانية دي
مراد : تفتكر لمين
وتر بغضب: أكيد للكلبة داليا
حاتم بذهول: داليا أختي وداليا اختي هتعمل كده ليه
وتر : أنا طلقت داليا يا حاتم
حاتم : ايه بتقول ايه
مراد بقلق من معرفة : عملت كده ليه
وتر : علشان داليا هي اللي سرقت ورق المناقصة
حاتم بدفاع عن أخته: بس مش داليا اللي ....
مراد وهو يداري على ياسمين: طب وسارة وحنان فين
وتر: في البيت كنت جاي أقولك روح لهم علشان تخلي بالك منهم
مراد : تمام
وخرج وتر وكان مراد سيرحل ولكنه استدار نحو حاتم
مراد بحزن: مكنتش عاوز اقولك
حاتم : وأنا اسألك وياسمين تعرف حامد منين تقولي معرفش
مراد : كنت خايف عليك
حاتم : انت كده كنت بتستغفلني يا مراد
مراد : كلنا بنغلط انت قولتها سامح اختك
خرج مراد وترك حاتم الذي انهار علي الكرسي يفكر بأخته الحمقاء وفجأة نهض وكأن افعي لدغته واخذ مفاتيحه وتحرك نحو سيارته بغضب عارم
_______ في قصر الدمنهوري ______
كانت شغف تشعر بأنها في غرفة سوداء وبعض اللقطات من حياتها تظهر فجأة وتختفي حتي شعرت بأنها تغرق فنهضت مفزوعة
حامد: حمد الله علي سلامتك يا جميل
شغف بأرهاق: انت مين
حامد : ده أنا مش عارفاني
شغف بسخرية: لأ والله اللي ميعرفك يجلهلك
حامد وهو يقترب بجرأة: كويس علشان اعرفك بنفسي
شغف بتوتر: انت عايز ايه
حامد وهو يحضر مقعد ويجلس عليه : الصراحة كنت عايز منه هو بس لما شوفتك غيرت المبدأ
شغف بقلق : تقصد ايه
حامد وهو يلامس وجنتيها: أقصد بقي المبتغي انتي
شغف وهي تبعد وجهها بقرف: انت اتجننت
حامد: الصراحة هو أنا لو سبتك ساعتها ابقي مجنون
شغف ببكاء: وتر لو جه هنا هيقتلك
حامد : وانتي فكرة أن وتر ميعرفش
شغف بصدمة: ايه
حامد: يعني عايزة تقنعيني أن وتر القاسم ميعرفش مراته فين
شغف وهو تحاول عدم تصديقه: أكيد لأ
حامد: عالعموم حبيت أمسي عليكي
وتركها ورحل وظلت هي تبكي وتحاول نفض فكرة ترك وتر لها هنا .
______ في قصر وتر القاسم _______
دلف مراد القصر وجدهم يبكون والصغير ينظر لهم بحزن
مراد : ايه يا جماعة في ايه
آسر ببكاء: بيعيطوا علشان شغف
مراد : وأنت كمان بتعيط
آسر وهو يمسح دموعه : لأ أنا مبعيطش يا مراد
مراد بسخرية: مراد حاف كده ده أنا مهزق حتي من العيال الصغيرة
سارة بصراخ : آه عااااا
مراد بفزع : يخربيتك
آسر بغضب : انت اتجننتي
نظر له الجميع بصدمة ثم انفجروا ضاحكين فيبدو أن الصغير أخذ الكثير من جينات والده
مراد بسخرية: السح الدح امبو الواد طالع لأبوه
حنان وهي تضرب مراد علي كتفه: ماله ابوه دي عسل
مراد بحزن : آه يا اختي طبعا مش ابنك ولا أكنها مخلفة غيره
سارة وهي تربت عليه : معلش يا مراد متزعلش
مراد وهي يضع يده علي عينيه: لأ يا سارة كله الا الاهتمام مبيطلبش
سارة: بس خلاص متزودش هم الواد
مراد بدهشة: هم ايه
سارة : كان هناك
مراد: كنت هناك لم خدوها
آسر وقد شرع في البكاء مرة أخري : أيوة قعدت تجري منهم وهم يكسروا في الشقة وضربوها على دماغها و ...
مراد : خلاص خلاص اهدي
حنان بغضب: عجبك كده
مراد وهي يحاول تلطيف الاجواء: وأنت حصلك حاجه
آسر وهو يمسح دموعه: لأ
مراد وهو يفحص قدمه وأذنه: لأ لازم اطمن انت سامعني سامعني
آسر : هههههه مش سامع
مراد : يا لهوي الواد اطرش
سارة : يا صغير علي الهم يا لوزه
وفجأة صدع صوت الهاتف فنظر لهوية المتصل بتوتر وابتعد وأجاب
مراد : الو يا جدي
عتمان: وعليكم السلام كيفك يا ولدي
مراد : الحمد الله... انتم عاملين اية
عتمان : احنا بخير طول ما انتم طيبين
مراد : يا رب دايما
عتمان : ووتر وشغف اخبارهم ايه
مراد : كويسين
عتمان : طب اديني وتر علشان برن عليه مبيردش وعايزه في حاجه ضروري
مراد : وتر في الشغل
عتمان: طب اديني شغف
مراد بتوتر : نايمة يا جدي
عتمان : صحيها بقولك عايزها ضروري
مراد باندفاع: من الآخر شغف اتخطفت
عتمان بصدمة : ايه
مراد: زي ما بقولك كده
عتمان : مين اتجرء وعمل كده
مراد : ابن الدمنهوري
عتمان : شكله مش ناوي يجبها لبر
مراد: متقلقش يا جدي ....
وعندما نظر للهاتف وجد أنه قد أغلق الهاتف فاستدار وهو يقول في نفسه: ربنا يستر
_____ في مكتب شريف______
كان وتر يتحدث في الهاتف بغضب
- يعني ايه يا احمد
= يا افندم لسه والله ملقتهاش
- فات أكتر من أربع ساعات و متعرفش مكانها
= حضرتك ده وقت مش هقدر اعمل فيه حاجة زي كده
- انت متفق مع حامد ولا ايه
= لأ والله ايه اللي بتقوله ده يا باشا
- انت مش شايف عمايلك
= يا باشا انت عارف ان ولائي ليك فوق الكل
- يمكن دفع اكتر ما انت كلب فلوس
شريف وهو يحاول تهدئته: يا وتر مش هينفع
= أنا اسف يا باشا والله هنشط البحث أكتر
- تمام يا احمد أي جديد يوصلني
وأغلق الهاتف فنظر له شريف بغضب وهو يقول: يا ابني مش هينفع كده
وتر بصراخ: مش عارف انت جايب البرود ده منين
شريف بهدوء: عمر العصبية مهتحل حاجه لازم تهدي علشان تفكر
وتر وهو يفك الجيرافت: عندك حق
شريف: أنا قولتلك قبل كده البنت دي مش هينفع تدخل حياتك
وتر وهو يزفر في الهواء : انت عارف اني مقدرش
شريف: طب روق كده واتكل على الله هو الوحيد اللي يقدر يرجعها
وتر : يا رب
_____ في قصر الدمنهوري _____
كانا يجلسان علي طاولة الطعام
داليا: مش هتقول لي ناوي علي ايه
حامد بمكر: ما أنا قولتلك بعدين
داليا : وهفضل هنا كتير
حامد وهو يبتلع الطعام: والله الباب يفوت جمل
داليا : انت عارف اني مليش حد
حامد : وحاتم ده ايه اباجورة
داليا بشرود : حاتم عمره ما كان أخويا طول عمره صاحب وتر لما وتر طلب ايدي كان بيقول لي لازم توافقي ده صاحب عمري عمره ما قال لي اعملي اللي انت عايزاه
حامد :طب ما وتر كان سايب الحبل
داليا : بس عمره ما اهتم بأي تفصيله من تفاصيلي ولا عمره قالي متكلميش ده او اعملي ده وده لأ
حامد بسخرية : أنا انتوا أمركم عجيب اللي بيهتم بيكو ده متحكم واللي مش مهتم ده مهمل
داليا : احنا عايزين الإهتمام و اللي يشجع مش يمنع
حامد : يا سلام
داليا : يا سلام ايه ... ما انتم كمان كده عاوزين الست تقعد تسمعكم وتهتهم بيكم بس متسألش روحت فين وجيت منين
حامد : خلاص الموضوع قلب حقوق مرأة
وصدع صوت الهاتف فنظر لهوية المتصل فابتعد
- الو
المجهولة: أيوة يا باشا
= ايه الأخبار يا جميل
المجهولة : والع ميعرفش هي فين
= حلو أوي أي حاجه جديدة تبلغيني
المجهولة: اوك باي
وفجأة استمع لصوت صراخ فنهض بفزع وخرج بعد أن أغلق الهاتف وتوجه للخارج وجد حاتم يصفع داليا بغضب وهي تصرخ
حاتم : بقي كل ده يطلع منك
داليا وهي تبعده عنها : ابعد عني واياك تقرب مني
حاتم وهو يلف شعرها حول يديه: الظاهر لن العام نسيت نفسها
حامد وهو يفتح ذراعه: حبيب قلبي ابو الصحاب
حاتم : أنا مش عايز اسمع صوتك والصحوبيه عمر ما كان ليها مكان بنا
وقام بسحبها من شعرها نحو السيارة وهو يقول: إذا كان إبراهيم السويسي معرفش يربي أربي أنا .
_____ في قصر وتر القاسم ______
كان يجلس بغضب وهو ينظر نحوها شرازا
سارة : في ايه يا مراد
مراد : في أنه مكنش ينفع تقولي ليها
فيروز : علفكرة أنا قاعدة
مراد : ايه يعني انتي قاعدة
شريف : اهدي كده يا مراد
مراد : أنا مش عارف ايه اللي جابك هنا
حنان : ولد عيب كده كلم ابن خالتك عدل
شريف: طب يحترم فرق السن
مراد : هتنزلني بالسنة اللي بنا .
وفجأة صدع صوت جرس الباب فذهب مراد فوجد خالد وماجد ومعهم ياسمين
خالد بقلق: فين شغف
مراد بصدمة: انتوا عرفتوا منين
ماجد : مش مهم البت فين لقيتوها ولا لأ
مراد : لأ لسه.... خشوا ارتاحوا يا عمي
خالد: ارتاح ايه أنا هروح ادور عليها
مراد وهو يمسك يده : هتدور عليها فين بس
خالد : في أي حته
مراد : اهدي بس وتر بيدور عليها
خالد : ما أنا مش هفضل قاعد حاطط ايدي علي خدي .
ورحل وذهب معه ماجد
مراد : اتفضل يا ياسمين
ياسمين بتوتر: لأ أنا همشي علشان ماما لوحدها
مراد : جيتي ليه من الاول
ياسمين بخجل وهي تنظر للأرض: أنا آسفة ... لازم امشي
يا الله لقد قام بطردها الآن هو لم يكن يقصد هذا فقط طريقتها في التعامل معه كأنها مخطئة.... اللعنة قلبه لا يري أنها مخطئة ربما لأنه علم أن القلوب ليست بيدينا.
استدارت لترحل ولكنه اوقفه: ياسمين
مسحت دموعها بكف يديها و استدارت : نعم
مراد : أدخلي
ياسمين بتوتر: بس
مراد بصراخ: أدخلي
ياسمين : في ايه
مراد : ما هو أنا مش ناقص تأنيب الضماير وكده
ياسمين : ضماير ايه
مراد بسخرية: ضماير الغائب أدخلي يا ماما ادخلي.
دلفت ياسمين وهي تبتسم ومراد يزفر في الهواء فيبدو أنه وقع في الفخ .
_____ في سيارة خالد _____
كان يتمسك بالمقعد بخوف
ماجد : هدي السرعة يا خالد
خالد : يا رب الأرض تنشق وتبلعني
ماجد بقلق من السرعة : طب اهدي وروق كده .
خالد : اهدي ازاي وشغف مش موجودة أنا اللي غلطان كنت اقدر أقف في وشه وأقول مش موافق
ماجد بتعجب: انت بتقول ايه .
خالد بتوتر: ولا حاجه يا ماجد .
وبدأ في البحث عنها في كل الشوارع وكأنها تائهة كان يعلم أنه لن يجدها لكن قلبه كان يحترق علي ابنته.
_____ في قصر وتر القاسم ______
كان يجلس وهو يضع يده علي راسه بإرهاق
حنان : يا بني اهدي مش كده
وتر : يعني ايه هفضل قاعد كده مش عارف هي فين
وفجأة دلف أحمد وهو يقول : وتر باشا عرفت هي فين
نهض الجميع وهم ينتظروا اجابته وهو يحاول أخذ أنفاسه
وتر: انطق
احمد: عنده في البيت
انطلق وتر ومراد وخلفهم شريف ولكن توقفوا عندما رأو شخص يدلف ويقول : أنا جاي معاكم
وتفاقمت الأمور عندما ارتمت ياسمين في أحضانه
ياسمين ببكاء: يوسف
مراد : يوسف مين
يوسف : ........
تفتكروا مين هو يوسف وكمان مين الجاسوس ...
#العزف_بشغف_علي_الأوتار
#رقيةمحمد
#يتبع
شكرا ليكم علي الدعم امبارح حقيقي كنت مكتئبة جدا ❤
وبارت طويل اهو 💃💖💖 ..... فولو يالا💃💃💃
الفصل الثالث عشر :
وتفاقمت الأمور عندما ارتمت ياسمين في أحضانه
ياسمين ببكاء: يوسف
مراد : يوسف مين
يوسف : أنا يوسف
مراد: بجد افتكرت يونس.... يوسف مين
ياسمين : ده اخويا
وتر : بطلوا رغي ويلا
شريف : استني لازم نبلغ الشرطة
وتر: مش هستنا بلغوها انتوا وحصلونا
شريف: تمام وتر ويوسف يروحوا هناك ومراد يفضل هنا وأنا هروح أجيب البوليس
وفي ظرف ساعة كان وتر ويوسف في قصر حامد الدمنهوري واقتحموا المخزن ولكن ماذا ... لحظة ... المكان فارغ ... ونظروا حولهم يفتقدون المكان وتقفوا عندما استمعوا لصوت تصفيق وعندما التفتوا
حامد : لأ برافو عليك يا وتر
وتر: شغف فين يا حيوان
حامد بمكر: شغف.... شغف ... شغف مين
يوسف: انت هتستعبط يا روح أمك
حامد : ليه بس يا يوسف
وتر بشك : انت تعرفه
حامد : يوسف ماجد الصياد مهندس بترول في شركة عالمية عايش فى أمريكا بعد موت مراته وابنه في حادثة عربية
وتر بسخرية : ده انتوا أخوات بقي
يوسف: والله ما أعرفه
حامد : يلا بقي علشان البوليس في السكة وكده هيبقي اسمه اقتحام
وتر : أقسم بالله لأدفعك التمن
وقام بضربه بقبضة يده في وجهه
حامد بألم: في ستين داهية
رحل وتر ويوسف وظل ينظر وتر ليوسف الذي دب الرعب في قلبه .
_____ في احدي المخازن بالأسكندرية ______
تستيقظ علي لمسات أحدهم علي يديها لتفزع عندما تجد هذا الغريب يجلس بالقرب منها
شغف: أنا بتعمل ايه
- ايه الجمال ده
شغف بتوتر: أنا فين
- أنا في الجنة
شغف: أنا بتقول ايه انت مين
- أنا سليم
تذكرت شغف عندما جعلتها ياسمين تشاهد بعض الصور لحبيبها إنه هو لكن ما علاقته بحامد
شغف: حامد فين
سليم : لحق وحشك ... عالعموم قال إنه هيشرف بعد يومين
شغف: يا رب وتر يعرف مكاني
شرد سليم في ايه وتر لطالما سمعه علي لسان حامد
سليم : هو لازم وتر لو حامد مينفعش سليم
شغف بخوف: لو سمحت ابعد عني .
سليم : ليه ما احنا كده حلوين
شغف : قولتلك ابعد عني
سليم وهو ينهض: عالعموم هو موصيني عليكي فأي حاجه تعوزيها قولي بس و أنا تحت أمرك
قالها وهو يغمز بوقاحة وخرج من المنزل وفجأة لاحظت وجود هاتف ملقي علي الأرض فأخذته وظلت تحاول فتحه لكنه كان مغلق فألقت به أرضا وجلست تبكي بحسرة
شغف: يا رب أنا خايفة اوي.
________ في قصر وتر القاسم _________
كان الجميع يقف بذهول يشاهد هذا الوحش الغاضب
يوسف: احترم نفسك يا وتر
وتر بصراخ: مش وتر القاسم اللي يتقال له يعمل ايه
حنان : يا ابني اخذي الشيطان
وتر : شيطان ايه ما الشيطان بينا
يوسف: قولتلك والله ما أعرفه
أحمد: يا باشا ممكن يكون غير المكان من غير ما يكون حد قال له لأنه مش غبي علشان يحطها في بيته.
شريف: اهو قالك اهدي بقي
وتر: بس ده ميمنعش أنه يعرفك
ياسمين بدفاع عن يوسف: طب ما هو يعرف شغف ويعرف داليا
لم تكن ياسمين تقصد أن تجرح وتر او حاتم ولكن أخاها يعلم وهي لن تسمح بهذا.
مراد بتحذير: ياسمين
يهددها ... نعم يهددها بفضحها صمتت هي بألم ولأول مرة تشعر بالخذلان حتي عندما فعل سليم معها ما فعله لم تشعر بهذا الشعور ربما لأنه لم تحبه قط بل كانت معجبة بالشاب الوسيم ذو المال الوافر .
شريف: يا جماعة مش علشان عرف شوية معلومات يبقي خلاص كده بقي حبيبته
سارة: ده وقت هزار
شريف: بحاول ألطف الاجواء
وتر: حتي لو مكنش يوسف الخاين بينا ومحدش هيمشي من هنا لحد ما نعرفه
حاتم: ايه اللي انت بتقوله ده
وتر : زي ما سمعت مش ممكن تكون متفق مع أختك
حاتم : أنا اتفق مع حامد عليك ..... انت اللي بتقول كده يا وتر
وتر : مش بعيد عليك تطلع زيها هتجيبه هيا منين
حنان: عيب كده يا وتر
حاتم: العيب مش عليه العيب عليا اني جيت بعد كل اللي حصل
ورحل حاتم وقررت فيروز الإنسحاب ولكن اوقفها وتر
وتر: هو انت مسمعتيش أنا قولت ايه
فيروز : تقصد ايه
وتر : قولت محدش هيمشي من هنا قبل ما نعرف مين الخاين
حنان : وتر ا....
وتر : أمي يا ريت حضرتك متدخليش في الموضوع ده
صمتت حنان فيبدو أن شغف أطاحت بعقله
فيروز: أيوة بس أنا لازم أروح علشان بابا وماما مينفعش أدني قاعدة
وتر : ماما وبابا ايه انت هتستعبطي ما احنا عرفين إن أبوكي في السجن علشان قتل أمك
أغمضت عينيها وترقرت الدموع بها وقالت بألم : أقصد يعني عمي ومرات عمي
شريف: في ايه يا وتر اللي عاوز يمشي يمشي
وتر : الكل هيتفتش الأول
حنان : لأ انت كده زودتها أوي
قاطعها صوت طرقات علي الباب وعندما فتحت الخادمة وجدت عتمان ومعه نبيل يدلفان
عتمان: هي فين لقيتوها
توجه الجميع لهم بينما انسحبت فيروز بهدوء وقال وتر بتعجب : هي مين دي اللي لقيناها
نبيل: شغف يا وتر حصلك ايه
وتر وهو ينظر لمراد الذي أدار وجهه: ومين بقي اللي قال لكم
عتمان: مش مهم مين المهم نطمن على البنت
وتر : لأ لسه وبعدين ملهاش لزوم مجيتكم الوقت ليل تقدروا تقولوا لي هترجعه إزاي دلوقتي
عتمان بحدة : انت بتطردني ولا إيه
حنان : هو أكيد مقصدش كده يا عمي
عتمان: المهم ايه اخر الاخبار
حنان : لسه منعرفش عنها حاجه
نبيل: طب وحامد
مراد: مش عارفين نمسك عليه حاجه
سارة : تعال يا جدو اتفضل .... خليني أدخلكم أوضة علشان ترتاحوا
أحمد: طب استأذن أنا
وتر : أي جديد تبلغني يا احمد
احمد: حاضر يا باشا
رحل احمد وذهب مراد لغرفته
حنان : تعال ورايا يا وتر عايزاك
ذهب وتر وراء والدته وكان شريف سيرحل ولكنه توقف علي صوت سارة : شريف
التفت شريف لها : نعم
سارة : مش هتتجوزني
شريف : ايه هتجوزك الصراحة انتي فاجئتيني يا سارة طب متخلينا أخوات
سارة : أنا مبهزرش
شريف: ولا أنا بهزر أنا مبحبكيش
سارة : هتحبني بعد الجواز
شريف: يا سلام ايه التغير الجذري اللي هيحصلك بعد الجواز يخليني احبك
سارة : شريف بطل استعباط
شريف: والله ما بستعبط طب قول لي ليه أصبح الصبح ألاقي خالتي بقيت حماتي ايه توفير
سارة: من سنة واحدة كنت عايز تتجوزني ايه اللي حصل
شريف:ياااه سنة كويس انك عارفة ان الموضوع فات عليه سنة
سارة : لحقت تناسني فيها
شريف: اسمعي يا بنت الناس الواقفة دي متنفعش أنا لو عندي أخت مرضهاش ليك أنا اتقدمتلك وانتي اللي رفضتي واتقدمت تاني وتالت ورابع بس في الآخر قولتي انك بتحبي واحد تاني صح
سارة : أنا قولت كده علشان كنت خايفة وبعدين أنا شوفتك معاها
شريف: وأنا قولتلك أن بحكم شغلي كظابط في للداخلية ممكن أدخل في علاقات زي كده
سارة : مكنتش فاهمة
شريف: حتي لو فات الآوان... وبعدين انا لازم امشي اخوك وثق فيا ودخلني بيته وأنا لازم ابقي قد الثقة دي .
وتركها ورحل أما هي فجلست تبكي وفجأة شعرت بيد أحد تربت علي كتفيها
سارة : مراد
أخذها في حضنه وهو يقول: بقي أنا أشتمك وأضربك واقتلك تقومي مطلعالي لسانك ويجي هو بقولك انا ماشي تفضلي تعيطي
ضحكت سارة ونظرت له وهي تقول : بس انت برضو ايدك تقيلة
مراد: معلش بهزر وبعدين سيبك منه أنا هجوزك سيد سيده
سارة : بس أنا عايزاه هو
مراد : أه يا بجحة فين الحياء وبعدين فيه ايه يعني حلو
سارة : مسمسم
مراد : مسمسم .....ايه القرف ده هو قرص
سارة : قرص يععععع.
مراد : ايه في ايه .
سارة : اسمها كرواسون
مراد :لا والله طب خلي شريف ينفعك
بكت سارة مرة اخري فاحتضتنها مراد : خلاص يا بت قطعتي قلبي هجوزو ليكي خلاص
سارة: بجد
مراد : أيوة
سارة : بس هو مش بيحبني
مراد : هو بيقول كده بس عارفه يا سارة
سارة: لأ مش عارفة
مراد : شوفي الرخامة... اقصد يعني إنه لو مكنش قال إنه مينفعش كده وسابك ومشي أنا كنت كسرت عضمه ودشدشت دماغ....
قاطعهم آسر: انتوا بتعملوا ايه
ابتعد مراد عن حضنها وهو يقول: يا فضحتي
سارة: ههههه... انت صحيت مش كنت نايم يا آسر .
اسر: ما أنا حلمت حلم وحش
سارة : خير الله ما اجعله خير
آسر: شفت ناس بيتلموا على بابا علشان بيحاول ياخد شغف وفجأة ضربوا نار
مراد: علي وتر..... سارة : ولا علي شغف .
آسر: لأ علي
مراد : ها قول
آسر: ما أنا هقول
مراد : طب يلا .
آسر : علي بابا
شهقت سارة بينما ابتسم مراد : بجد يلا
آسر بحزن : أيوة
مراد : أخيرا هنخلص منه
لكزته سارة في كتفه: أن شاء الله انت .... يلا يا آسر تعال انيمك
_________ في غرفة حنان __________
- بردو مصر علي اللي في دماغك
= يوووووه بقي يا ماما
- وتر انت عارف انه مينعش اللي انت عملته مع حاتم
= يا سلام بس اللي عملته اخته عادي
صدع صوت الهاتف فأجاب وتر : الو
حامد : ازيك يا باشا
وتر: عاوز ايه
حامد : أنا هقولك .... عاوز تنازل عن كل أملاكك
وتر: انت اتجننت
حامد: يبقي خلاص خليها عندي
وتر : طب استني هعملك اللي انت عاوزه
حامد : يبقي تجهز أوراقك لحد ما اتصل أبلغك
وأغلق الهاتف فتسائلت حنان : مين اللي كان بيكلمك
وتر: حامد
حنان : وده عاوز ايه
وتر : هبقي أقولك بعدين
_______ في مخزن اسكندرية _______
دلف سليم وبيده الطعام
سليم : يلا العشا
شغف: مش عاوزه اكل
سليم: مش هينفع قال عازوها عايشة
شغف ببكاء: قولتلك مش عاوزه
سليم : لأ لأ ليه ده أنا ضعيف قصادك مينفعش كده هتندمي
شغف : لو سمحت خرجني من هنا
سليم : كان علي عيني بس انت شايفة
وأمسك الهاتف وقام بإجراء مكالمة هاتفية
سليم : ايه يا ابو حميد
حامد : أيوة يا زفت
سليم : ايه المعاملة دي طب هاف علي الأمانه على الاقل
حامد : لأ يا روح أمك نا انت متعرفش تقرب منها
سليم : بحب ثقتك بنفسك
حامد : بس يلا هي عاملة ايه
سليم : كويسة وبتسلم عليك
حامد: ماشي يا حيوان ... بكرة هبعتلك حد يخدها
سليم وهو ينظر لها بشهوة: ليه ما تخليها يومين
حامد: سليم قولت لك دي شغل يا بابا سلام
سليم : سلام
_______ في مكتب وتر ________
كان يقوم بتجهيز سلاحه بينما أحمد يضع له أجهزة التجسس في الملابس والهاتف والساعة والسيارة
ودلف شريف ومراد ومعهم الملف
وتر : ها جهزتم الملف
مراد: اهو
وتر: تمام كده
مراد: أنا مش عارف إزاي عاوز تتنازل عن أملاكك للكلب ده
شريف: مش وقته الكلام ده
وتر : أي حركة مش طبيعية تبلغوا البوليس
مراد بقلق: طب ما نبلغه دلوقتي
احمد : مينفعش مدام منعرفش مكانها دلوقتي ممكن يكون بيكدب أو مأمن نفسه أو علي الأقل كمان نرجعها بأمان لو فيه أمل .
وتر : اهو قالك
صدع صوت هاتف احمد فابتعد وأجاب
أحمد : خير
- عرفت الباشا الصغير فين
احمد : مين
- سليم اخو حامد
احمد : وده هيفيد بإيه
- أنا هقولك مدام شغف مخطوفة والناس اللي مكلفها تراقبه شافته يتردد علي مخزن النهاردة بس أي بعد نقل مدام شغف
احمد : تمام فهمتك
اغلق الهاتف وتوجه نحو وتر وهو يقول: عرفنا مكان سليم
نظر له وتر وشريف بعدم فهم بينما ابتلع مراد لعابه ونظر لأحمد الذي تفهم الأمر فورا
احمد : سليم يبقي اخو حامد
وتر بصدمة: بس ده مات
احمد : لأ ومش وقته السبب بس ممكن شغف تبقي عنده
وتر : يبقي نروح له
احمد: مينفعش ده مجرد احتمال وبعدين لازم تروح له علشان ميحسش بأي حركة غريبة
في صباح اليوم التالي استعد الجميع منتظرين مكالمة حامد وفجأة صدع صوت الهاتف فأجاب وتر
- أيوة
= بص يا باشا هنخرج دلوقتي هتلاقي عربية مستنياك تحت تركبها وانت ساكت
- حاضر
وخرج وبالطبع كان الجميع يستمع له وعندما استقل السيارة قام السائق بجعله يرتدي قناع اسود علي وجهه حتي يصلوا لوجهتهم .
______ في مخزن اسكندرية ______
كانت نائمة حتي سمعت صوت طرقات علي الباب وعندما فتحت عينها وجدت سليم ينهض ليفتح الباب وفجأة
شغف بصدمة: فيروز.
#العزف_بشغف_علي_الأوتار
#يتبع
#رقيةمحمد
يلا فولو 💃💃
تعليقات
إرسال تعليق