 |
انا عندي 32 سنه من اسكندريه. والحمد لله جميله بشكل حلو . طول عمري مهتمه بشعرى و بمظهرى الداخلي والخارجي بجيب اي حاجه تساعد اني افضل حلوه وجميله زي كريمات وماسكات وبرفانات والذي منه . اتجوزت من 7 سنين وعندي ولد وبنت دلوقتي .. ف ليله من الليالي جوزي اضطر يسافر تبع شغله وينزل القاهره وقالي مأموريه ع السريع ولو خلصت هرجع ابات هنا ف البيت بس هتأخر شويه ... جينا ع الساعه 12 بالليل . عشيت العيال ونيمتهم . ودخلت اخد الشاور بتاعي .. اتأخرت ف الحمام شويه كنت داهنه جسمي وكنت بعمل سويت . انا متعوده اعمل كده اول بأول .. عندي وسواس نضافه .. غسلت شعرى كويس .. وكنت عامله ماسك قبل ما ادخل الحمام وشيلته ودهنت جسمي كريم مرطب . لفيت الفوطه علي جسمي ودخلت اوضتي ادور علي حاجه ألبسها .. حسيت لحظه ان فيه حد مراقبني .. حد شايفني او صوت أرجل بتتبعني .. تمتمات بسمعها ف ودني او زي ماتكون همسات خفيفه .. انا مهتمتش وقولت دي تهيؤات عشان اتأخرت ف الحمام وكده ... كلمت جوزي قولتله ها خلصت ولا لسا قالي قدامي نص ساعه وبعدها هركب واجي .. الموضوع قدامه بتاع 3 ساعات لسا ... سرحت شعرى وسشورته ولبست قميص نوم حلو وحطيت برفان اللي جوزي بيحبه وقولت استناه لغاية ما يرجع ...شغلت التلفزيون اللي ف اوضتي وفردت ضهرى شويه .. وغلبني النعاس .. حسيت بحركة صوابع بتتمشي علي جسمي بتمشي علي كل جسمي وانا كأني واخده بنج مش قادره حتي افتح عيني واشوف فيه ايه ... عقلي الباطن قالي دي تهيؤات ونامي مافيش حاجه .. بعدها حسيت ان التلفزيون بينطفي .. حد بيطفيه بايده .. وحسيت جنب مني ان فيه حركه رجلين بتمشي ف الاوضه ناحيتي .. رجلي اتسحبت مره واحده وبشكل غبي فتحت عيني مالقتش اي حاجه ولا اي حد بس الغريب اني لقيت التلفزيون فعلا مطفي . انا سايباه شغال ونمت .. لقيت حمالة القميص نازله لكتفي وشعري كان مريوط لما سرحته لقيته مفكوك ومفرود جنب مني .. حسيت ان فيه عيون بتبص عليا .. كل واحده بتحس اذا كان حد بيبص عليها ولا لا .. والله حسيت جدا ان حد باصص عليا .. جيت ازعق واصرخ وانادي علي سلفتي اللي قصادنا لقيت صوتي رايح .. مش قادره اصرخ كأن صوتي اتحشر فيه قنفد بشوكه .. جيت اجري ناحية باب الاوضه حسيت بشعرى بيتسحب واترميت ع السرير ..
وفجأه ..........
الجزء الثاني...
انا سايباه شغال ونمت .. لقيت حمالة القميص نازله لكتفي وشعري كان مريوط لما سرحته لقيته مفكوك ومفرود جنب مني .. حسيت ان فيه عيون بتبص عليا .. كل واحده بتحس اذا كان حد بيبص عليها ولا لا .. والله حسيت جدا ان حد باصص عليا .. جيت ازعق واصرخ وانادي علي سلفتي اللي قصادنا لقيت صوتي رايح .. مش قادره اصرخ كأن صوتي اتحشر فيه قنفد بشوكه .. جيت اجري ناحية باب الاوضه حسيت بشعرى بيتسحب واترميت ع السرير ..
وفجأه شوفت ظل بيدخل ف الحيط ويخرج منها من حته تانيه ... جسمي كله كان بيترعش لا اراديا مني ومش قادره اسيطر عليه .. اتهبدت تاني ع السرير نفس الهبده الاولي وكأن حد بيكتفني .. ايديا اتفردت علي السرير من فوق مني وشعرت بنفس حركة الصوابع علي جسمي بس المرادي وانا صاحيه مش نايمه .. وشوفت الظل بيخرج من الحيط من المكان اللي متعلق فيه شاشة التلفزيون ... ظل مخيف اوي .. وحسيت زي نار بتتحرك جوه جسمي .. ماليش حول ولا قوة اني اعمل اي حاجه غير اني احاول اصرخ تاني وتالت ورابع وبردو مش عارفه .. صوتي مكلوم اوي ... حسيت زي ما يكون لسان بيتحرك علي جسمي .. ولعابه سايل علي صدرى وبطني وبدأت حمالة القميص التانيه تتحرك لتحت وبدأت احس برعشان ف جسمي كله بس المرادي بطريقه بشعه .. حسيت اني بغرق ف بحر لدرجة اني شوفت علي جسمي اثار مياه معرفش انا بيحصلي ايه حرفيا .. كل ده وانا ايدي ورجلي متكتفين وجسمي ثاير عليا .. فجأه سمعت صوت ابني الصغير ييعيط ف الاوضه التانيه وبينادي عليا بيقولي مامااااااا .ف ظرف جزء اقل من الثانيه لقيت نور الاوضة رجع تاني والتلفزيون اشتغل وايديا اتفكت ورجع صوتي من تاني وانا بجري بلهفه علي ابني خوفت يكون حصل مع العيال نفس اللي حصل معايا بس لقيته كويس ..صحيت البنت التانيه وخدتهم وقعدت ف حضنهم بره ف الصاله نستني جوزى االي رجع بسرعه بعد ما كلمته وحكتله الموضوع ... وعدي ع الموضوع ده 45 يوم بالظبط من غير ما احس بحاجه تانيه وكان جوزي قدر يشيل فكرة اننا نعزل من راسي لاني كنت مصره اننا نمشي من البيت ده ... بس دايما كنت قلقانه ومضطربه مش عارفه من ايه ....
لغاية مره من المرات كنت انا وجوزي مع بعض ف اوضتنا وبعد ما خلصنا علاقتنا الزوجيه سوا مباشره جاله تليفون الساعه 1 بالليل فجأه لقيت جوزي لبس هدومه من غير اي كلام ونزل جري ... سألته وهو بيقفل باب الشقه وماشي فيه ايه ؟! قالي مافيش حاجه اقفلي ع نفسك انتي والعيال وماتفتحوش لحد ... دخلت اوضتي اخد غيارات ليا وحاجه البسها عشان هدخل اخد دش بعد العلاقه اللي عملناها .. دخلت الحمام ظبطت الميه بين السخن والبارد وكانت الميه حلوه اوي .. ساعتها قررت املي البانيو واقعد واغسل شعرى واعمل سويت لاني ماكنتش منتظمه ف عمايله طوال ال 45 يوم اللي فاتو من الخوف .. وكنت متطمنه جدا مش عارفه ليه .. جالي رغبه شديده اني انام ف البانيو بعد ما مليت البانيو جيل شاور وكان فيه رغوه كتييييير .. ونمت .. فجأه النور بدأ يبهت شويه بشويه وانا مش مركزه انا مغمضه عيني
حسيت زي ما يكون حد واقف علي حافة البانيو وبيقرب ظله مني . حسيت ان وشه هو اللي بيقرب مني . والله حسيت بصوت انفاس حاره جدا بتقرب عليا .. قومت مخضوضه وانا بجري علي باب الحمام عشان اخد الفوطه الفها علي جسمي . مالقيتش لا الهدوم ولا الفوطه وانا عريانه وبحاول ادارى جسمي بايدي وكأن فعلا حد بييص عليا .. وساعتها حصل اللي عمرى ما هنساه ف حياتي ...
..................
الجزء الثالث والاخير
مالقيتش لا الهدوم ولا الفوطه وانا عريانه وبحاول ادارى جسمي بايدي وكأن فعلا حد بييص عليا .. وساعتها حصل اللي عمرى ما هنساه ف حياتي ..ابني ابو 4 سنين لقيته بيزق باب الحمام ولا كأنها خبطة راجل كبير وانا مش مستوعبه اللي بيحصل بقوله خليك عندك اوعي تدخل .. سمعت زي ما يكون صوت عواء ديب بس بصوت هادي والصوت ده طالع من ابني .. مديت ايديا ف الغساله جيبت لبس ليا مش نضيف ألبسه واخرج بسرعه اشوف ابني . لقيته واقف علي الشباك بييصيلي وبيضحك وعينه كلها بيضا مافيهاش سواد .. انا صوتت بصوت عااااااالي جدا وبجري عليه عشان ألحقه ومش فاهمه ايه اللي ييحصل .. جريت عليه ولحقته فعلا وفضلت حاضناه كتير اوي من الخوف ومغمضه عيني ومش مستوعبه .. فتحت عيني ابص عليه لما لقيته هدا شويه مالقيتوش ابني .. لقيته اعوذ بالله قطه سوده شكلها مرعب اوي وعينيها مرعبه اووووووووي . اتنفضت ورميتها وجريت ع اوضة العيال اشوفهم كل ده وانا ف حاله هيستيريه من اللي انا فيه ..
بجري ع الاوضه لقيتها بتبعد ويكأني ف متاهه مش عارفه انا رايحه فين ولا جايه منين ورجلي بتمشيني لورا مش لقدام وكل شويه اقع ع الارض وانا بمشي .. الخوف والرعب اللي كنت فيهم خلو رجليا مش قادره تشيلني .. سمعت صوت جاي من بره الشقه بينادي عليا بإسمي زي ما يكون صوت جوزي .. ابتديت يرجعلي الامل من تاني وجريت ع باب الشقه مالقيتش حد ولقيت حتي نور السلم مطفي وكان فيه اكتر من 10 عيون بتبص عليا زي ماتكون عيون القطط اللي بتلمع ف الضلمه .. قفلت الباب وانا كل همي العيال .. فين العيال .. ؟!
عاوزه اوصل لاوضتهم ومش عارفه ولا قادره . كمية الهيستيريا اللي انا كنت فيها كانت موصلاني لمرحله اني مابقتش شايفه وجسمي بيترعش . وصلت للاوضة بتاعة الولاد .. لقيت الولد واقف ع السرير والبنت التانيه مرعوبه وكفرانه من العياط وبتشاور ناحيتي بصابعها .. مش فاهمه هي بتعيط ليه ولا بتشاور علي ايه بس كانت بتشاور ورايا .. فيه حاجه واقفه وراك يا مامي ! سمعت الكلمه دي جتتي اتلبشت والدم برد ف عروقي وماكنتش قادره اخد نفسي .. ببص بشويش وبالراحه خالص ورايا لقيت حاجه واقفه ومغطيه نفسها بعبايه سوده ولها اسنان زي انياب كده بارزه من تحت العبايه.. ماحستش بنفسي واغمي عليا .. بعد 5 دقايق بالظبط فوقت لقيت العيال مطرحها زي ماهي والبنت بتترعش م الخوف والواد زي ماهو واقف ع السرير ... ببص ناحية الباب اتاأكد فيه حد ولا لا مالقيتش حد .. جريت ع البنت مسكتها وشيلتها وجيت ابص علي ابني مالقيتوش ولقيت الحاجه اللي كانت واقفه ورايا واققه مكانه وبردو مستخبيه وبتقرب عليا شديت البنت وجريت بره الاوضه لقيت الباب اتقفل .. فضلت اقرا قرأن وازعق واناا بزعق زبقول عااااااااوز مني اييييييه . انت ميييييييييين .. فيييييين ابني . وانا اسم الله علي لساني وبتشاهد .. فجأه لقيت نور الشقه نور من تاني وسمعت جوزي بيكسر الباب وبينادي عليا وجه حضني ولقي ابني فاقد الوعي تحت السرير ولقيته جاي معاه شيخ . فضل الشيخ يقرا قرأن بصوت عالي ف كل الشقه ... دخلت ف نوبه اغماء من الرعب وصحيت بعد ساعه لقيت الشيخ بيقرا عليا . وبيقولي انا وجوزي ده جن عاشق وللأسف عشق مراتك ولازم تطلعو م الشقه باسرع وقت ... الشيخ ده كان جوزي كلمه وحكاله ع اللي حصل قبل كده وهو اللي كلمه وقاله لازم تيجي اسألك علي حاجه . وجابه ورجعوا بسرعه لما لقاني مابردش علي تليفوني ..
تجربه مرعبه عيشت فيها اسوأ فتره ف عمرى كله ..
عزلنا م البيت وطلب الشيخ مننا اننا نسيب كل هدومي واي هدوم لبستها انا واي حاجه فيها عرقي ..
وسألته ليه ابني حصله كده ومحصلش للبنت
قالي البنت ف رقبتها سلسله فيه اسم الله والواد كان دايما يلعب بهدومك ويمسكها عشان كده الجن كان قرب يتمكن منه
ربنا ما يعودها ايام واهو بقالنا سنتين عايشين كويس وكل شهر الشيخ ييجي يقرا علينا ويطهر المكاان
#النهايه
تعليقات
إرسال تعليق