 |
ج. 6.... عشق_محرم
.. بتقولى ايه صورى على الفيس وبقميص نوم يا نهار اسود مين اللى عمل كده وقفلت معاها
.. فى ايه يا الهام صور مين اللى على الفيس
.. صورى يا أدهم نازله على الفيس وبقميص نوم
=أدهم قال فى سره معقول يكون وليد هو اللى عمل كده وربط الأحداث ببعضها وفهم لما كلمه وقاله شوف الفيس ضرورى
الهام.. يادى الفضيحه وانا ناقصه يارب مش كفايه اللى بيحصلى ده كتير عليه اوى 😭
أدهم.. اهدى وبلاش عياط
= ومسك الفون وفتح الفيس ولما فتحه شاف اكونت باعت طلب صداقه وبصوره الهام وقال معقول ده بنفس الروب والقميص اللى كانت بيهم النهارده لما كانت عندى
الهام.. عاوزه اشوف هات التليفون
أدهم.. بلاش
الهام.. بقولك هات
= وخدت الفون وشافت نفسها بالروب والقميص اللى كانت لابساهم واتجننت ومبقتش عارفه تعمل ايه
.. يا نهار اسود دى حتى الصوره دى فى الجنينه يبقى اكيد حد من الڤيلا يا أدهم ومعنى كده انه شافنى وانا خارجه من عندك
.. انا هتصرف
= وخد العربيه وطيران على الڤيلا واول لما وصلوا نزلوا وكانت بتعرج وخطواتها بطيئه وماسكه فى ايد أدهم ودخلوا الڤيلا
= ساره قالت بصوت عالى
.. شايفه يا هانم يا كبيره يا عاقله فضيحتنا عالفيس وكل أهلنا وقرايبنا واصحابنا شافوها وبقت فضايح
.. انا معرفش حاجه واتفجأت منك باللى حصل
.. اه اتفجأتى وكنتى بقميص النوم وفى اوضه أدهم بيه بتعملى ايه
.. بتقولى ايه
.. اللى سمعتيه يا عاقله
ادهم.. ثوانى انتى بتقولى ايه يا ساره
.. بقول يا أدهم بيه ان اختى الكبيره العاقله كانت عندك بالليل فى اوضتك
.. وعرفتى منين هى الصوره اللى عالفيس بتتكلم وقالت إنها كانت معايا 😂
.. اه انت بتضحك كمان😁 لا يا استاذ مش بتتكلم كل الموضوع ان الڤيديو جالى على الواتس برقم غريب انا وكل اخواتى حتى بابا وماما وكل العيله شوفت المفجأه😂
. وبالمناسبة زمانهم فى الطريق وجايين علشان يشوفوا الفضيحه دى
.. عيب تتكلمى عنى وعن اختك كده
=وما بين شد وجذب ما بينهم عمران وصل هو الام وأولاده ودخل منهار وقرب من أدهم وقال
= انت بتخون الأمانه يا كلب ورفع ايده عليه
.. اوعى ايدك يا عمى ولا اقولك يا عمران بيه انا والهام معملناش حاجه لكل ده
.. يلا يا كلب خد اخواتك وامشوا من هنا انا اللى شيلتكم لما الكل رماكم
جلال.. بفلوسنا يا عمى
عمران.. فلوسكم انتم لسه مصدقين نفسكم
جلال.. مش دى مشكلتنا دلوقتى المهم المشكله الأكبر ان صور الهام وفيديوهاتها هى وأدهم تتشال من على الفيس
= عمران قرب منها وقال فضحتينا يا بنت الكلب وضربها بالقلم
= وليد دخل وقال انا اعرف هكر وممكن يشيل كل ده وبص بخباثه وقال بس المشكله بقى ان الهام كده وقف حالها
عمران.. بنتى انا يقف حالها دى بنت عمران صاحب اكبر شركات استيراد وتصدير فى البلد والكل يتمنى يناسبنى
الهام قالت فى سرها بعد ايه بعد ما كل حاجه راحت انت متعرفش يا بابا انا فيه ايه 😭
أدهم.. المهم اتصرف يا وليد
=وفعلا وليد كلم هكر واتفق يشيل كل الفيديوهات والصور بس قال انه طلب منه 10 الف جنيه وعمران دفع والصور اتشالت والفيديوهات فى وقتها..
أدهم.. عمى انا عاوز اتجوز الهام
= الخبر نزل كالصاعقه على عمران والام واخواتها وقال تتجوز الهام بنتى انا رد وقاله ايوه انا عاوز اتجوزها والهام راحت واقفت جمبه وقالت وانا موافقه
عمران.. تتجوزى مين يا بنت الكلب وقرب منها بس الام قربت وقالت تعالى عاوزك
= والام طلعت اوضتها وعمران طلع وراها وقالت
لازم تتجوزوا انت مش عارف احنا اتفضحنا ازاى رد وقال ومش هنتفضح لما بنتك تتجوز أدهم بيه
.. ده قريبك ويمكن انا مش بطيقهم بس الظروف غصبتنا😁 وبعدين انت ناسى ولا ايه ده لى هو واخواته نص ارباح الشركات
.. ده تعبى وشقايا يا هانم أرباح ايه وبتاع ايه
.. انت هتعمل معايا انا الحركات دى يا عمران ده انا مراتك عشره 43 سنه وفاكره كويس ابن عمك لما جه الشقه القديمه واتفق معاك يعمل المشروع ولأنه كان اشطر منك ومتعلم وانت مكانش معاك فلوس ولا شهاده قالك هعمل شركه ديكورات وتصميم مبانى وهو بالفلوس وانت بالأداره والأرباح تتقسم ما بينكم اكمل؟
.. بقولك اسكتى متكمليش
.. ودفع الفلوس وابتدى يعمل الشركه وفى يوم وهو فى الموقع بيشتغل انت زقيته وقع مات فى ساعتها
.. اه موته وانتى عارفه ليه طول عمرك بتحبيه يا خاينه
جلال.. عمران قتل ابويا...
رأيكم يهمنى
ج. 7و8....عشق_محرم
وجلال سمع ان قتل ابوه ومسك اعصابه علشان يسمع كلامهم
الام.. انا كنت بحبه! ده وهم فى دماغك انت
.. وهم ايه يا مدام ده انتى كنتى لما بتشوفيه كنت بشوف فى عينك فرحه عمرى ما شوفتها
.. انت مجنون علشان كنت حاسس بالنقص عارف ليه. لأنه كان معاه فلوس وانت معاكش غير الفقر وكان احسن منك فى كل حاجه تعليم وحتى شكله وطيبته 🥺
.. كملى يا مدام وايه كمان
.. المهم الهام هتتجوز أدهم انا بقولك اهو البنت اتفضحت خلاص ومفيش غير الحل ده انهم يتجوزوا وبعدين كمان البنت اه هى جميله بس عدت التلاتين سنه وداخله فى سن حرج! رد وقالها وهو مضايق ومتعصب يعنى علشان عدت التلاتين نجوزها لأى حد
.. ده مش اى حد ده فى مقام ابن اخوك يا عمران بيه والمال ماله برضه رفع ايده عليها
.. ايه ده انت عاوز تضربنى بعد العمر ده يا عمران وبعد ما داريت على مصايبك وعمايلك السوده وبصت وفى عنيها الخباثه وقالت صحيح صدق اللى قال اللى مالوش خير فى اهله هيبقى لى خير فيه يا قاتل رد وقال وانتى راضيه انك تكونى مرات قاتل ليه؟! عارفه ليه علشان خليتك هانم وانا وانتى زى بعض منفرقش عن بعض حاجه رددت وقالت ههههههه عندك حق المهم ان البنت لازم تتجوز وهتعيش فى اوضتها هنا معانا
جلال.. يا ولاد الكلب ده انتوا عصابه
الام.. يلا انزل واقولهم انك موافق
عمران.. بس ده ميمنعش انه يكتب مؤخر ومهر وشبكه
الام.. اعمل اللى تعمله المهم البنت تتجوز علشان ندارى الفضايح.
الباب خبط وكان جلال
= عمران فتح الباب
جلال.. فى تليفون من الشركه الالمانيه علشان حضرتك
عمران.. انا مش قولت بلاش تعامل مع الشركه دى تانى
.. يا عمى قصدى يا عمران بيه ده متعهد جديد
.. اه انا بحسب نفس الشركه القديمه
.. لا حضرتك احنا فسخنا العقد من فتره
.. خلاص يا جلال ابقى اتفق بس خلى احمد فى الصوره
.. حاضر
الام.. انا نازله
= والام نزلت ووراها عمران وجلال واول لما نزلوا الهام واقفه جمب أدهم
.. انا هتجوز أدهم يا بابا
.. خلاص بابا موافق يا الهام
.. بجد يا ماما
أدهم.. شكرا يا عمى
عمران... من اولها كده احنا لسه حتى متفقناش
جلال قال فى سره يا ابن الكلب يا قاتل يا حرامى وغلاوتك عندى هتكون مدفون جمب ابويا قريب بعد ما حسرتنا عليه وسرقت فلوسه وفضلنا عايشين أيتام وفى الاخر عامل بتعطف علينا
جلال.. مبروك يا أدهم مبروك يا الهام
= وليد قرب منهم وقال بكل خباثه مبروك للعروسين وحط ايده على كتفه وقال مبروك يا اخويا.
أدهم.. الله يبارك فيك
الهام.. الله يبارك فيك عقبالك
. وليد قال فى سره معقول الهام هتتجوز خلاص
وليد.. ادعيلى بقى الاقى بنت الحلال بس تكون حلوه زيك يا عروسه
ساره.. مبروك يا الهام
الام.. أدهم اعمل حسابك انكم هتتجوزوا هنا معانا فى الڤيلا وفى اوضه الهام وان شاء الله من بكره هغيرها خالص وانزلوا اختاروا اوضه نوم جديده
الهام.. لأ يا ماما انا هعيش مع جوزى فى المكان اللى يختاره
عمران.. ههههه وهو حيلته ايه يعنى غير الاوضه اللى فى الجنينه
أدهم.. انا مقدرش اتكلم بعد كلامك يا الهام
عمران.. يعنى ايه بنت عمران تعيش فى الجنينه زى الخادمين قصدى مينفعش
الام.. لأ يا الهام هتعيشوا معانا هنا اتفقنا يا عرايس
أدهم.. اتفقنا يا طنط
الهام.. حاضر اللى تشوفيه يا ماما
= والهام طلعت اوضتها
وليد.. يخربيت جسمك وجمالك يا بختك يا أدهم
أدهم.. بتقول حاجه
وليد.. بكح انا خارج الجنينه
جلال.. خودنى معاك
الام.. خلاص يا أدهم جهز نفسك يوم الخميس كتب كتابك ودخلتك على الهام
أدهم مش مصدق نفسه وحاسس انه أمتلك الكون
أدهم.. ان شاء الله
عمران.. خوذ الفلوس دى
أدهم.. بتاعه ايه الفلوس دى يا عمى
عمران.. جهز نفسك واشترى شويه حاجات ليك لزوم الجواز
أدهم.. شكرا بس انا معايا
الام.. خودهم يا أدهم وياريت تشترى شويه بدل وقمصان غاليه
أدهم بص وعينه مكسوره وقال حاضر 💔 وخد بعضه وخرج الجنينه بس راح على اوضته وفضل يفكر فى الهام
= وليد دخل عليه وقال مبروك يا عريس
أدهم بكل عصبيه مسكه من القميص وقال
.. انت اللى عملت كده وصورتنى انا والهام وشيرت الصور على الفيس وغير الفيديوهات
.. اه انا اللى عملت كده علشان تتجوزها وده الحل الوحيد اللى هنقدر ناخد بيه حقنا من عمران
= ودخل جلال وقال لازم ناخد حقنا منه الكلب ده
.. حتى انت كمان يا جلال مصدق اخوك الطايش المجنون
... هههههههههه انا طايش ومجنون اه شكلك نسيت الوعد وحبيت الهام
.. انا منستش حاجه بس كل اللى بقولوا مفيش إثبات على عمكم انه سرق ابوكم
جلال.. ههههه هو سرق بس يا ابن ابويا ده كمان قتل ابوك
.. بابا وقع ومات لما كان شغال فى الموقع
.. ده اللى احنا نعرفه انا سمعتهم هو ومراته وهى بتعايره وبتقولوا انه سرق ابونا وقتله وهو اللى زقه
.. مش معقول 🥺
وليد.. مش معقول ايه يا اخويا انه قتل ولا ابو الهام قاتل
جلال.. مالك يا أدهم
أدهم.. لازم نتأكد
جلال قرب منه ومسكه بكل قوه وعصبيه وقال انا بقولك سرق فلوسنا وقتل ابونا وموته وكل العز ده بتاعنا احنا انت مالك فيك ايه ولا حبيت البت بقى زى ما وليد بيقول
أدهم.. اطلعوا بره دلوقتى 💔
وليد.. مش هنسيب حقنا ليهم ان شالله اولع فى الڤيلا دى فيها هى واصحابها انت فاهم يا أدهم بيه
جلال.. يلا يا وليد
= وفعلاً خرجوا وأدهم نام مكانه وهو تعبان ومضايق من كلامهم وخايف من اللى هيحصل وافتكر العهد بينه وبين اخواته انهم لازم ياخدوا حقهم بس خايف على الهام
داخل الڤيلا..
= وعدت ساعات لحد ما الساعه دقت 12 بالليل والهام قاعده فى اوضتها وبتفكر فى جوازها من أدهم وبتكلم نفسها
.. انا لازم اتجوزوا علشان يساعدنى وبصت فى المرايا وبتكلم نفسها وقالت بس لو عرف انك مش بنت هتبقى فضيحه رددت وقالت لنفسها بس انا مغلطتش مع حد ان كل اللى بيحصلى كان غصب عنى وكله وانا نايمه ومش حاسه وراحت على السرير ونامت عليه وتليفونها رن وشافت انه رقم غريب وكنسلت وحاولت تنام واول لما غمضت عينيها وابتدت تروح فى النوم جت رساله واتس مسكت الفون وفتحت الرساله وابتدت تقراها والرساله مكتوب فيها!
.. لو عاوزه تعرفى مين اللى بيعمل فيكى كده وخد عرضك وشرفك وبيستمتع بيكى وانتى مش حاسه شوفى اخر مكالمه فى تليفون أمينه..
يتبع
تعليقات
إرسال تعليق