 |
🌹النهاية 🌹 علشان انتو حبايب قلبي صدقوني مش بتأخر عليكم وبعمل زاي الناس التانيه الي بينزلو كل اسبوع بارت
بقلم ✍️ سلطان زماني
فضل يقل أدبه واقفل السكة ويتصل ويشتم لحد ما هدي واحترم نفسه وقالي
انتي عايزة ايه يافاطمة
قولتله شاطر أنا مش عايزة افضل ع زمة خروف ذيك يوم كمان
قالي أنا خروف قولت هووووس ولعلمك دي هتكون اخر
مكالمة بنا علشان هعملك بلوك ياعره الرجالة
انت خلتني خربت بيتي ب أيدي رغم اني كنت عايشة مع
راجل طفره ببلدك كلها
اهلي رفضوك وانا وقفت قصادهم رحت لقيت نفسي عايشة
في خرابه ورامي حاجتي ولا اكنك لقتها في الشارع
اتجوزتك ب قوضة نوم وانتريه حقير ذيك
معرفش شريه مستعمل ولا كنت شحته من حد صحبك
كل الي طلبته منك انك تشتغل وتخلي صحابك ميجوش
البيت بس
زعقت وخربت الدنيا وقولتلي دي شقتي
ومهنش عليك حتي تراضيني بكلمتين أو علي الاقل تمنعني
اني انزل
سبتني اتشندل بالعيال ياعديم الشرف والنخوه وكتير كتير
بس وحياة ولادك الي كنت عايز ترميهم قبلي في الشارع ل
اعملك الادب ..
دهبي يجي كله يا اما فلوسه وكل قرش دفعه خالي
يخده ..شقة لعيالك وتشكرني اني هربهملك وهخدمهم ببلاش
انترية واوضة نوم محترمة تيجي وخلي المعفنه دي ليك
وقبل ده كله تروح للمحامي تمضي إقرار ع نفسك انك في
حالة تخلف بند واحد من البنود دي ادفعك دم قلبك
قالي منكم لله ياكافره انتو كلكم عجينه وحده
قولتله ياريت اقدر اعمل زيها بس أخلاقي متسمحليش
ياديوث بقولك ايه انا هقفل علشان رايحه للكوافير هبعتلك
رقم المحامي ع الواتس تيكير يابيبي
المحامي كلمني وقالي أنه جاي بكره قولتله أنا عايزه تضمنلي
حقوق عيالي مش اكتر وحاجتي كلها ويطلقني غيابي مش
عايزة ابص في خلقته ولا اشوفه تاني
وفعلا الحمد لله اخدلي شقة وقاعدة بربي فيها ولادي وحمزة
بيجي خميس وجمعه يقضيهم معايا ومع اخواته
وانا كرهت بجد صنف الرجالة كله الا عمر وفضلت سنتين
عايشة علي أمل اني اكون ليه زوجة تانيه حته
ويكلمني بس فقدت الامل وبقيت بدعيله وانا بصلي اني ربنا
يهنيهم ويعوضني خير في ولادي
اخويا فتح محل ادوات منزلية وانا دخلت معه شريكة
ودخلنا كويس وعايشين مستورين والحمد لله وهيثم
بيشوف ولاده صور ع الفيس او الايمو ولسه عايش الحياة
الي كان عايشها ..
أنا حكيت حكايتي ل ابو السلاطين علشان يكتبهالكم
ومتظلموش نفسكم زاي كده وربنا يحميكم ويحفظكم من كل شر
انتظروني في قصص ممتعه وشيقه وحصريه مع البرنس محمد السبكي قصص وروايات كامله
تعليقات
إرسال تعليق