 |
بعدما اقترحت عليا سهام
...باننا نكرر جريمة القتل
وطلبت مني...
اني اتزوج من شخص يدعي شوقي...
وشخص اخر يدعي صلاح
والمفروض اني بعد ما اتزوج منهم
هقتل كل واحد فيهم علي حدة
بنفس الطريقة الي مات بيها عماد
لكن طبعا انا رفضت
فقامت سهام.... ومعها
(هند حقنة ) بتهديدي ....
وقالوا بانهم سيقمن بالابلاغ عني
ليعيد البوليس ... النبش في مقتل عماد
مما اضطرني.... اني اوافق علي الاشتراك معهن
في التخطيط لمقتل
شوقي..... وصلاح
ولما لقيتني مش هخلص من اذاهم استسلمت
وسالتهم؟؟؟؟
هنبدء بمين؟
وهتزوج مين فيهم اولا؟
واتفاجئت بردهن
لما طلبن مني
للكاتبة حنان حسن
اني اتزوج من شوقي... وصلاح
في وقت واحد
فا اندهشت ...
للطلب الغريب ده
وسالتهم
قلت...
يعني ازاي اتزوج من رجلان
في نفس الوقت؟
ده لا شرع ولا قانون يسمح
بكده
ردت هند معللة
وقالت...
لازم تتجوزي منهم... وبسرعة
عشان مفيش وقت
وسالتها
قلت
ليه بسرعة يعني؟
ردت سهام
وقالت..
لاننا اكتشفنا بالصدفة...
ان صلاح ...وشوقي
كل واحد مسافر في شغل خاص بيه
وكل واحد فيهم مسافر
علي بلد مختلف عن التاني
لكن الاتنين مسافرين
الاسبوع الجاي
ومنعرفش هيرجعوا امتي؟
ده غير ...ان دكتور عوني الي هيساعدنا في استخراج تصاريح الدفن
بياخد مبلغ وقدرة
ولما هنستخرج
التصريحين مع بعض هيعمل لنا تخفيض في الاسعار
وكمان حارس المقبرة هندفعلة مره واحده بدل ما ندفع علي مرتين
بصيتلها باندهاش
وقلت...
يعني انتوا بتطلبوا مني
اني اجمع بين زوجين....
واعرض نفسي للسجن.... وغضب ربنا
عشان توفروا اجرة المحروق عوني
واجرة حارس المقبرة؟
وبصتلها بغيظ
وقلت بسخرية
تصدقي فعلا انا كده اقتنعت؟
بصيتلي هند بغضب
بعد ما اتدايقت من غبائي
وبدات تفهمني بالراحة
قالت..
اولا.... انتي مش هتتجوزي
بحق وحقيقي
للكاتبة حنان حسن
قلت.. امال ايه؟
قالت...
احنا هنجيب شخص وندعي بانه ماذون
وهنوهم الضحية ان الكتاب اتكتب
والزواج تم بالفعل
وطبعا الجواز هيبقي بالاسم فقط
ومفيش حد فيهم هيلمسك
لان في ليلة الدخلة
هيكون معاكي العقار
الي بمجرد ما هياخد منه العريس
هيصاب بالجلطة ...
والجلطة هتؤدي لشلل نصفي
وساعتها بقي هتقدري تخدعي الضحية بطريقتك ...
وتخلية يوقع علي ورق ابيض
وبكده ...هينتهي نهاية عماد
وبعدها تورثية
ونقسم الميراث بينا احنا الثلاثة فيما بعد
قلت..
كل ده تمام
لكن ازاي انا هجتمع مع شوقي وصلاح...
وهتجوزهم واشلهم واجلطهم
في يوم واحد؟
ردت هند
وقالت
ومين قالك انك هتتجوزي الاتنين في يوم واحد؟
قلت..مش انتوا الي بتقولوا؟
ردت هند وقالت..
انتي هتتجوزي كل واحد في يوم
وعلي ثالث يوم
هيكونوا الاتنين وقعوا علي ممتلكتهم ليكي
وبمجرد ما يوقعوا
سيبي الباقي عليا انا وسهام
قلت..طيب ما في وقت ادامنا اهوه
وعندنا اسبوع بحالة قبل ما يسافروا
ايه لزمتها بقي
اننا نكتب الكتاب علي الاتنين في يومين فقط؟
ردت سهام
وقالت...لان حضرتك عندك مهمة اصعب من الجواز نفسة


للكاتبة حنان حسن
قلت مهمة ايه؟
قالت...المهمة انك توقعي كل واحدفيهم
في خلال الاسبوع ده
وتخلية يجي يتقدملك
بصيتلها بدهشة
وسالتها
قلت...مش انتوا قلتوا انهم هيجوا يتقدمولي ؟
بصيتلي سهام باندهاش
وسالتني
وقالت..ايه ؟
هما مين دول الي هيتقدمولك
قلت...يتقدمولي زي ما اي عريس بيتقدم لعروسة
ردت هند
وقالت...صلاح وشوقي
الاتنين
بيعتبروا من اثرياء البلد
والمفروض انك انتي الي توقعي كل واحد فيهم ...
لغاية ما يجي لغاية عندك ويتقدملك
قلت...لا استني معلش
انتي عايزة تقوليلي اني مطلوب مني
اني اغرر بصلاح ...وشوقي ...واوقعهم في غرامي....
واتمم جوازي علي الاتنين.... واجلطهم ......واشلهم .....وامضيهم علي املاكهم ... وادفنهم
وكل ده في اسبوع؟؟؟
دي ملكة جمال السويد.. متقدرش تعمل كده في سنة ونصف
فما بالك بقي بعمك جمال الي
الي واقف ادامك
ردت هند
قائلة....
مشكلتك ان عماد افقدك ثقتك بنفسك ...وبجمالك ...لدرجة انك مش عارفة قيمة نفسك
قلت...
لكن انا فعلا اهملت نفسي وعارفة ...
ان مفيش حد فيهم هيبصلي اصلا
ردت هند
وقالت
للكاتبة حنان حسن
متخافيش ما احنا هنساعدك...
وهنلفت نظر كل واحد فيهم ليكي
وهنقربك كمان... من كل واحد فيهم
قلت..علي العموم
انا لفت نظركم لاستحالة المهمة وانتوا احرار
ردت سهام
وقالت
اهم حاجة بس دلوقتي
انك لازم تتزبطي.... وتتجهزي عشان....
تبقي مزة ....ومغرية
وخصوصا اننا هنبدء بزواجك بشوقي
قلت...اشمعني شوقي يعني؟
قالت..اصل شوقي محروم حرفيا
من الجنس اللطيف
بقالة زمن
بسبب انه كان متزوج واحدة من سن امة...
وعشان كده
لازم يشوف ادامة فرسة ...
و واحدة ست مزة و فرتيكة
عشان تحرك الوحش الي جواه
وميقدرش يقاومها
قلت.. وحش لما ينهشك
و سالتها
قلت...
والمفروض بقي ان شوقي محروم ومنيل علي عينة
وكمان هيبقي فاهم اني مراتة ...
وحلالة
وانا هروح العب مع الاسد
....
و احرك الوحش الي جواه؟
للكاتبة حنان حسن
وسالتها بغضب
قلت...
انتي هبلة يا بت ولا بتستهبلي؟
ردت هند حقنة بحماس
وقالت
ايوه لازم تحركي الوحش الي جواه
وتخلية يجري وراكي كمان
قلت..اللهي تمسكك سلوك الكهرباء وماتلحقي تتحركي يا بعيدة
وبصيت للاتنين
وقلتلهم
مش عارفة ليه؟
حاسة اني نهايتي هتبقي علي ايديكم
و هي نهاية من الاتنين
يا اما هيتكشف امرنا ونتعزم كلنا علي طبلية عشماوي
ويا اما هتفضح لوحدي مع شوقي ...وصلاح
و هتنتهي سمعتي في بوكس في مباحث الاداب
ده لو ما احترفتش الرزيلة عن اقتناع بعد كده
بصيتلي سهام بضيق
وقالت.....
طيب بطلي رغي في الفاضي
و اتفضلي بقي
عشان انا حجزتلك عند اكبر بيوتي سنتر....
في مصر
وسالتها
وده عشان ايه
قالت..عشان يلبسك و يظبطك ويخليكي مزه بجد
قلت طيب وليه كل ده؟
قالت...لان االاهم من الشغل تظبيط الشغل
وبالفعل...روحت لاكبر واغلي كوافير
وخرجت من تحت ايده واحده شيك وجميلة جدا
لدرجة اني مقدرتش اصدق اني دي انا
المهم..قعدتني سهام ادامها واتفقت معايا علي الي هعملة
ونبهت عليا
وقالتلي..
خلي بالك يا فريدة
شوقي راجل تقيل جدا...
وعامل لنفسة وضع ...وبرستيج
عشان
يرسم الهيبة علي ملامحة
حتي هتلاقية ملتحي ...وعامل فبها شيخ
لكن ولا يهمك من الكلام ده
كلة
اقتحمي وادخلي بتقلك...
واكسري جبل الجليد الي علي مشاعرة
وساعتها هتلاقي شوقي سلم لجمالك.... وانوثتك
قلت تمام ...فهمت
وكان المخطط...عشان اوصل للدكتور شوقي
ان حد يعرفة بيا ....ويوصلة اني ارملة ثرية جدا
عشان ياخد بالة مني و الفت نظرة
وده كان مهمة سهام

لان سهام وصت كام ممرضة زميلة ليها ...
انهم يصيتوني ادام الدكتور شوقي
بمجرد ما يشوفني
ويفهموه اني بمتلك فلوس ملهاش عدد
عشان ريقة يجري عليا
للكاتبة حنان حسن
لاننا كنا داخلين لشوقي من نقطة الطمع
وظبطت سهام وقت دخولي للمستشفي
مع ميعاد وصول الدكتور شوقي
وطلبت مني اني اقابل شوقي ادام باب المصعد...
علي انها صدفة
واتفقنا اني احط سماعة في وداني عشان اسمع بيها التعليمات من سهام وهند
وبالفعل..اول ما دخلت للمستشفي
استمعت لتعليمات سهام
واتوجهت للمصعد...
عشان اقابل الدكتور شوقي
وتبان انها صدفة
وطبعا في الاسانسير...
هاحاول اتعرف علي شوقي...
والفت نظرة ليا ....
واتقرب منه
وبالفعل اول ما اقتربت من المصعد
لمحت شاب في منتصف الثلاثنيات
وكان ملتحي .. ويبان عليه الهيبة والوسامة
ولما لقيتة هيدخل الاسانسير
مديت في الخطوة
عشان الحقة قبل ما يطلع في المصعد
وبالفعل دخلت مع الدكتور شوقي في الاسانسير
وكنت عايزة استمع لتعليمات سهام..
لكن للاسف
مكنش في شبكة للموبيل في المصعد
وخوفت اني اضيع فرصة اني اتقابلت معاه لوحدنا
لان دي كانت احسن فرصة عشان
اغري الدكتور شوقي
وكان لازم اتصرف من دماغي
ولما شوفت شوقي ادامي في الاسانسير
للكاتبة حنان حسن
فضلت ابصلة
لكن هو
مكنش بيبصلي
وافتكرت كلام سهام
لما قالتلي....
اني لازم ادمر جبل الجليد الي علي مشاعرة
فا قربت منه
وقلت...امسك ايدي لو سمحت احسن حاسة اني دايخة
وبسرعة مسك ايدي
وقالي...مالك حاسة باية؟
قلت...حاسة اني اعرفك من زمان
رد الدكتور شوقي
وقال...
لا انا اقصد انتي ايه الي تاعبك دلوقتي؟
قلت...
قلبي تاعبني طول عمره
وسالني
قال..انتي مريضة قلب؟
قلت... انا تعبانة اوي يا دكتور
وكنت طالعة عند دكتور شوقي
يكشف عليا
وكنت منتظرة انه يعرفني بنفسة
ويقولي...
ان هو الدكتور شوقي
لكن التزم الصمت
وفضل متنحلي وهو بيبص في عنيا اوي
وفي الاخر قالي
...
الف سلامة عليكي
قلت...انا تعبانة اوي
ومفيش حد هيريح قلبي غيرك
وسالتة
قلت..هو انت هتكشف هنا ولا لما ندخل جوه
للكاتبة حنان حسن
رد الدكتور شوقي بتعجب
وقال....اكشف ايه ؟
وجوه فين؟
وقبل ما ارد عليه
توقف المصعد ....
ولقيتة بيسالني
وقال...قادرة تمشي ولا تحبي تسندي عليا و اوصلك
اتشبست بايده
وقلت... عايزة اسند عليك
ممكن تسندني؟
قال...اه طبعا اتفضلي
ولف الدكتور شوقي ذراعة حول خصري
وانتهزت انا كمان الفرصة دي ولفيت ذراعي حول رقبتة
وخرجنا انا وهو من الاسانسير
وكان الي يشوفنا يقول اننا اتنين عشاق
وكانت الخطة ماشية زي السكينة في الحلاوة
وحسيت اني خلاص
لفت نظرة ليا...
وممكن فعلا انال اعجابة... وقربت اوصل للمراد
لكن في اللحظة دي
بمجرد ما خرجت من بره الاسانسير
حصلت مفاجئة غير متوقعة......
لو عايز تعرف باقي احداث القصة ضع عشر ملصق
تعليقات
إرسال تعليق