 |
#الحلقات_7___8 احببتها ولكن
سيلا ببرود:كنت عند صحبتي اللي قولتلك عليها
كوثر بغضب:كدابه علي اساس انا مش عارفه انك روحتي عند خالتك
سيلا:طب م انتي عارفه اهو بتسأليني ليه
كوثر بغضب:احترمي نفسك ونتي بتكلميني ي سيلا انا امك
سيلا:امي اللي رمت بنتها ف الشارع مش كدا
كوثر:محصلش
سيلا بغضب:لا حصل..حصل ومازن قالي علي كل حاجه وقالي انك انتي اللي مخلياه يرميها ويخلص عليها بعد م خدرتيها...معقوله كل دا محصلش ومازن بيفتري عليكي
كوثر باستعطاف:ي سيلا ي حبيبتي الموضوع مش كدا
سيلا بمقاطعه:لا هو كدا ونا نزلت ادور عليها وهلاقيها ي ماما
كوثر بتهكم:وهتلاقيها ازاي بقي ي قلب امك
سيلا بابتسامه:شئ ميخصكيش المهم اني الاقيها
صعدت سيلا الي غرفتها وتركت والدتها تستشيط غضبا منها
كوثر:انا لازم اتصرف قبل م تعمل حاجه وتلاقيها فعلا
بمنزل ام مازن
ام مازن:حاضر جايه يلي بتخبط حاضر
فتحت ام مازن الباب وكان مازن دخل واغلقت الباب بتعجب من هيئته جلس بتعب علي الأريكه وهي جلست بجانبه
ام مازن:مالك ي مازن في اي
مازن:مفيش حاجه ي امي
ام مازن:وديت سيلا للمكان اللي رميت فيه روز
مازن:ايوه
ام مازن:طيب وبعدين عملتوا اي
مازن:نزلتني ف المكان اللي رميت فيه روز وقالتلي زي م رميت اختي انا كمان رميتك
ام مازن:تستاهل عشان تمشي ورا خالتك العقربه دي
مازن:انا هدخل اوضتي
دخل مازن غرفته بحزن ودمعه هربت منه علي حاله وعلي الذي فعله ب روز وندمه الشديد انه استمع الي خالته
بقصر ليل وبالتحديد بالحديقه
ذهبت غاده الي الحديقه وجدت روز تجلس شارده ذهبت اليها وجلست بجانبها
غاده:مالك ي روز سرحانه ف اي
روز:مفيش ي غاده عادي
غاده:بردوا مش ناويه تحكيلي حاجه عنك
روز:اعذريني ي غاده بس حقيقي مش عاوزه افتكر
غاده:ليه هي حاجه كبيره اوي كدا؟؟
روز بشرود:اوي ي غاده اوي
غاده:طيب احكيلي عن نفسك بتدرسي اي كام سنه كدا يعني
روز:انا كليه تجاره عندي 20 سنه
غاده:ونا كليه هندسه عندي 22 سنه....متتكسفيش عادي انتي اول بنت تكسر قاعده ان البنات اللي من عيله اغنيه ميدخلوش كليات عاليه اوي كلنا واحد
روز:عادي انا حابه المجال اللي انا فيه
غاده:اممم وناويه تشتغلي بعد م تخلصي
روز بضحك:اكيد مش بعد دا كلوا اقعد ف البيت
غاده بخفوت:م انتي هتقعدي ف البيت فعلا ف الاخر
روز:بتقولي حاجه ي غاده
غاده بابتسامه:لا ي حبيبتي مبقولش بدعيلك
روز:اومال خالتو فين
غاده:ماما راحت تتمشي ف النادي شويه لانها بتزهق من قاعده البيت ومفيش حد يونسها ف قعدتها ف بتخرج النادي هي وصحبتها الانتيم يتمشوا
روز:اهه....ممكن اسألك سؤال
غاده:اسألي ي ستي انا قاعده فاضيه
روز:هما اخواتك طبعهم كدا وتعاملهم مع الغريب كدا
غاده:قصدك علي سامح وحمزه لا خالص....هما بس متصاحبين علي شله مقولكيش وطبعا صحابهم دول مصاحبنهم عشان هما اغنيه ومعاهم فلوس مش اكتر
روز:وهما مش شايفين انهم وحشين
غاده:اكيد لا...مره هما اللي صرفوا عليهم اكل وشرب وكلوا وليل عرف قعد يزعقلهم وساعتها هما ردوا عليه وليل جنو وعفريتوا اللي يرد عليه الكلمه بكلمه او يعارض معاه ف حاجه يلهوي بيبقي يوموا مش معدي ساعتها خالو جه وحل الموضوع وفهمهم انهم لازم يسمعوا كلام ليل لانه الكبير وكدا بقي
روز:يااااه...دا كويس انه مموتهمش
غاده:طب ولله كان هيعملها علي اخر لحظه انتي لو شوفتي اخويا ليل ف عز غضبه تخافي تتعاملي معاه طول عمرك
روز:خوفتيني منه
غاده بضحك:لا متخافيش علي قد انه عصبي وكدا بس طيب جدا اصل اخويا مبيحبش الحال المايل زي م بيقولوا كدا
روز:هو انتي الصغيره؟؟
غاده:لا ليل الكبير وبعديه انا وسامح وحمزه تؤام بس حمزه هو الصغير يعني
روز:اهه...انا ولله حبيتك انتي ومامتك اوي من اول م شفتكوا حسيتكوا طيبين اوي
غاده:فعلا عندك حق مش غرور بس دي حقيقه
روز بضحك:في حاجه اسمها تواضع
غاده بابتسامه:مانا متواضعه اهو
روز:غاده انا كنت بفكر ف موضوع كدا بس متردده فيه وعاوزه حد يشجعني
غاده باهتمام:موضوع اي
روز:كنت يعني بفكر اني اتحجب بس متردده
غاده بفرحه:بجد طب دي حاجه حلوه اوي عارفه هتكوني قمر بالحجاب
روز:بجد...اصل انا يعني معنديش الصاحبه اللي تشجعني اني البسوا ولا الام اللي تديني دافع ليه واختي مسافره بقالها سنه ف شغل ف ملقتش اللي يشجعني
غاده:انا هشجعك دا الحجاب جميل اوي وهتبقي حلوه اوي فيه
روز بأمل:بجد
غاده:طبعا...قومي تعالي معايا ونجرب مش هنخسر حاجه
بالمكتب عند ليل
دلف صقر صديقه الي المكتب بعدما سمح له ليل بابتسامه
صقر:صباح الخير
ليل:صباح النور...قولي الشغل ايه اخباره معاك
صقر:زي الفل وكل حاجه احنا مخططنها ماشيه زي الفل
ليل:حلو اوي...صقر مش عاوز اي غلطه
صقر:متقلقش من حاجه لو عاوز تأكد عليهم انت بنفسك قولي
ليل:طب روح جمعهوملي ونا جاي وراك
صقر:تمم
ذهب صقر كي يجمع له الرجال وذهب ليل لهم وقف وبجانبه صقر
ليل:طبعا انا واخدكوا انتوا بالذات عشان عارف انكوا قدها ومش هتخيبوا ظني بيكوا...للاسف الشخص اللي هيتمسك دا كان موجود معانا ف يوم من الايام بس للاسف راح لحال سبيله بس اصبح خطر علينا لانه عارف كل حاجه عننا وكمان الشخص دا كان قريب مني انا شخصياً يعني هيكون عاوزني انا ف لازم تكونوا معايا اول ب اول عشان الموضوع ميطولش معانا ويخلص بسرعه وبدون خساير
_تمم ي فندم
ليل:تقدروا تمشوا
ذهبوا وبقي ليل وصقر بمكانهم
صقر:تسلم دماغك ولله فكرت وظبطها صح
ليل:لايق عليا الدور مش كدا
صقر:جدا يعني...تخيل كدا لو فعلا انت ظابط
ليل:هموت شهيد وامي تحزن عليا العمر كلوا
صقر بضيق:انت ليه كئيب ي ابني..فصلتني
ليل:اخلص يلا عشان اخلص واشوف شغلي
صقر:طب هتنفذ امتي عشان اقولهم وبعد كدا كل واحد يروح يشوف مصالحه
ليل:بعد بكرا بليل
صقر:ماشي هجيلك بكرا
ليل:تمم
ذهب صقر وبقي ليل يقف مكانه وهو يبتسم بنصر ف اخيرا سيحقق انتقامه بعد سنين انتظار
ليل بابتسامه:نهايتك قربت ي فهمي وهتبقي عبره للكل
بقصر الدهشان
كانت سيلا تجلس وتفكر ب أختها حتي قاطعها رنين هاتفها
نهضت ووجدت رقم مجهول ذهبت واغلقت الباب سريعاً وعادت مره اخري واجابت علي المتصل
سيلا:الوو مين معايا
راضي:ايوه ي بنتي انا عمك راضي صاحب الكشك اللي ف الموقف اللي كنتي فيه امبارح
سيلا بأمل:ايوه يعم راضي اتفضل
راضي:انتي كنتي بتسألي علي بنت كانت موجوده هنا من يومين مش كدا وحطيتي وعملتي اعلان وحطيتي رقمك ومبلغ مادي كبير
سيلا:ايوه انا انت شوفتها يعم راضي
راضي:ايوه ي بنتي شوفتها كانت هنا
سيلا بلهفه:طيب انا جيالك يعم راضي حالا
اغلقت سيلا مع عم راضي واتصلت ب تامر سريعاً
سيلا:الو ايوه ي تامر
تامر:اي ي سيلا في حاجه ولا اي
سيلا:ايوه واحد من الموقف اللي كنا فيه من شويه اتصل بيا دلوقتي وقالي انه شاف روز
تامر:طيب حلو اوي اجيلك
سيلا:ياريت بسرعه ونا هكون مستنياك
تامر:تمم ربع ساعه واكون عندك
سيلا:ماشي
بقصر ليل
روز:ايه رأيك ي غاده حلوه
غاده بفرحه:زي القمر ي حبيبتي شكلك حلو بيه اوي
روز وهي تنظر لنفسها بالمرأه بأعجاب ورضا
روز:عندك حق ي غاده انا حبيت شكلي بيه اوي...خلاص انا هلبسوا
غاده:اخر كلام
روز بابتسامه:اخر كلام
غاده:تمم يلا تعالي معايا نروح المول نشتري فساتين وطرح كتير
روز بحرج:احم ممكن اروح بيهم
غاده بابتسامه:خديهم ليكي ميغلوش عليكي
ابتسمت روز لها واخذتها وهبطوا الي اسفل وجدوا ليل قد عاد من الخارج وعندما رأي روز ذُهل فكانت جميله بالحجاب
غاده:احم...ليل عن اذنك هنخرج انا وروز عشان تشتري فساتين وطرح عشان قررت تتحجب
ليل بأعجاب:بجد...شكلك حلو اوي بيه
روز بحرج:شكرا لحضرتك
غاده:يلا ي روز عشان نمشي
ليل:استنوا
غاده بتعجب:اي ي ليل في حاجه ولا اي
ليل:استنوني دقيقه وراجع
ذهب ليل الي مكتبه وبعد خمس دقائق عاد مره اخري
ليل:خدي الكريدت كارد دي وهاتوا منها اللي انتوا عاوزينوا
غاده:معايا بتاعتي
ليل:طيب مش هتخسري حاجه لما تخليها معاكي
غاده بابتسامه:شكرا ي حبيبي ربنا يخليك ليا
ليل بابتسامه:يلا روحوا
ذهبت غاده وروز الي المول وبقي ليل ينظر ل اثر روز بأعجاب
بقصر الدهشان
كوثر:رايحه فين ي ست هانم انتي مش لسه جايه من برا من شويه
سيلا:رايحه مطرح م هروح
كوثر:ماشي انا هوريكي
خرجت سيلا وجدت تامر ينتظرها بالخارج صعدت الي السياره وتحركت الي موقف الميكروباصات
بعد ساعه وصلت سيلا الي الموقف وبدءت بالبحث عن ذلك الكشك حتي وجدته ذهبوا اليه
سيلا:لو سمحت حضرتك عم راضي
راضي:ايوه ي بنتي
سيلا:انا البنت اللي حضرتك كلمتها بخصوص اختي اللي جت هنا من يومين
راضي:ايوه افتكرت ي بنتي
سيلا:طيب حضرتك تعرف عنها حاجه
راضي:اهه هي جت من يومين كدا وقعدت جنب الكشك هنا كتير وكانت خايفه وبتعيط وعرفت انها روز الدهشان بنت حالد الدهشان وكانت رافضه تاخد مني اي حاجه وكانت خايفه جدا ومرديتش تتكلم
سيلا:طيب متعرفش ي عم راضي راحت فين
راضي:في واحده ست جت هنا وافتكرتها بتشحت وكانت بتديها فلوس وهي رفضت وقعدت تتكلم معاها شويه وخدتها معاها ومشيوا
تامر:طيب متعرفش مين الست دي
راضي:اهه اعرفها دي ست غنيه جدا
سيلا:طيب اسمها اي او اي حاجه تعرفها عنها قولها
راضي:هي مرات سالم الدمنهوري
سيلا:سالم الدمنهوري؟؟؟
تامر:انتي تعرفيهم
سيلا:سمعت الاسم دا كتير قبل كدا
تامر:طيب متيجي ندور عليها ممكن تكون عندهم
سيلا:عندك حق....اتفضل يعم راضي الفلوس اهي
راضي برفض:لا ي بنتي انا قولتلك مش عشان الفلوس عشان اعتبرتها بنتي ومستحيل اكون شايفها وهي بتتاخد وانتي بتدوري عليها واسكت...خلي فلوسك معاكي ي بنتي
سيلا:معلش حتي لو مبلغ صغير ي عم راضي
راضي:معلش ي بنتي مش هقدر اخد حاجه روحي شوفيها ربنا يطمنك عليها وتلاقيها
سيلا:ي رب ي راجل ي طيب مش عارفه اشكرك ازاي
راضي بابتسامه:روحي ربنا يوفقكوا
ذهب سيلا وتامر كي يبحثوا عنها
بالمول
غاده:تعالي ي روز شوفي الفساتين دي كدا
روز:حلوه اوي ي غاده
غاده:تعالي نشوفهم
بقصر ليل مساءاً
عادت روز وغاده الي القصر وروز سعيده كثيرا بالفساتين التي اشترتها
ليل:حمدلله علي السلامه
غاده بابتسامه:الله يسلمك ي ليل
ليل بابتسامه:جبتوا الفساتين
غاده بابتسامه:اهه جبنا فساتين حلوه اوي تمشي مع روز ما شاء كل حاجه حلوه عليها
صفيه بفرحه:انتي اتحجبتي ي روز
روز بابتسامه:ايوه ي خالتو
ذهبت صفيه واحتضنتها بسعاده وفرحه
صفيه:مبارك ي حبيبتي شكلك زي القمر
روز بابتسامه:بجد ي خالتو
صفيه:بجد ي روح خالتو
ليل بابتسامه:مبارك ي روز شكلك حلو اوي
خجلت روز ولم تجيب بينما ضحكت غاده عليها ونظرت بخبث ل ليل
غاده:يلا عن اذنكوا بقي عشان نرص الفساتين ف الدولاب
صعدت روز وغاده وصفيه الي الاعلي وذهب ليل الي مكتبه
الثانيه عشر ليلاً
عاد كل من حمزه وسامح وهم ليسوا بوعيهم
اضاء ليل النور بالمكان كله وكان يجلس وكان يجلس علي الأريكه وينظر لهم ببرود
ليل بهدوء:كنتوا فين
لم يتلقي من احد منهم رد
ليل بغضب:بقول كنتوا فين ردوا
اتت صفيه وغاده وروز علي صوته العالي
صفيه:في اي ي ليل بتزعق ليه
ليل:ردوا علياااا
لم يجيبه سامح وذهب ووقف امام روز وهو ليس بوعيه
سامح:ايدا...مين القمر دي احنا من امتي وعندنا واحده حلوه
ذهب ليل ووقف امامه وضربه بغضب شديد
ليل:.......
ليل بغضب:كلامك معايا انا واظبط احسنلك
سامح:اي يعم مالك متعصب كدا ليه هي كانت تخصك ف حاجه
صفيه:اي ي سامح في اي انت ازاي تكلم اخوك بالطريقه دي وبالأسلوب دا
ليل بشك:انت شارب ياض انت
سامح بدون وعي:انا...لا انا زي الفل وميه ميه
حمزه:مالك ي عم ليل هي كانت من بقيه اهلك
ضربه ليل بغضب شديد وصفيه شهقت بصدمه وخوف روز خافت ورجعت خطوتين الي الخلف
ليل بغضب:تبقوا شاربين...دانتوا ليلتكوا سوده
صفيه بندب:يلهوي عليا علي اخر الزمن عيالي بقوا يموتوا ف بعض
ليل:اطلعوا فوق
صفيه:ي ابني...
ليل بمقاطعه:بقول اطلعوا فووووووق انا هربيهم من اول وجديد
صفيه:ي ليل ي ابني فهمهم براحه دول اخواتك
ليل بحده:لو سمحتي ي امي انا عارف هتصرف معاهم ازاي
صعدت صفيه وراء غاده وروز بقلق الي الغرفه وجلسوا بقلق
صفيه بخوف:انا خايفه اوي ي غاده خايفه علي اخواتك
غاده بخوف:ربنا يسترها
بالاسفل
ليل:ردوا عليا احسنلكوا عشان لو غضبي طالكوا هتندموا
سامح:انت شكلك فايق علينا بقي وانا مش قادر بكرا نتكلم
ليل بحده:لو حد اتحرك هقطعلوا رجلوا
حمزه بضيق:يووووووه بقي متخلص ي عم ليل بقي
ليل بغضب:متظبط ياض في اي لسه مخلصتش
سامح:انا طالع وابقي سلملي علي القمر اللي هنا
امسكه ليل بغضب وضربه بالبوكس بقوه جعلت الدماء تتناثر من فمه
ليل:اتمسي وقول ي مسا ولله انا ساكت بالعافيه
حمزه:لخص ي ليل وقول عاوز اي
ليل بهدوء مخيف:كنتوا فين؟؟؟
حمزه:كنا سهرانين مع صحابنا ايه الجديد يعني م انت عارف
سامح:استني ي عم حمزه باااااس انت مالك اصلا نروح ونيجي انت مالك هو احنا عيال صغيره
ليل بغضب مكتوم:اسكت احسنلك
سامح بغضب:لا مش هسكت ي ليل احنا مش صغيرين عشان تعرف عننا كل حاجه اشمعنا مبنسألكش يعني ولا هو حلو ليك ووحش لينا
وقف ليل امامه مباشراً بهدوء ولكن تبدلت ملامحه بالقسوه والغضب ونظرته اصبحت حاده تدب الرعب
ليل بهدوء:حلوه كميه الاسأله اللي طلعت فجأه دي وفتحت الصدر دي لا بجد جدع....اكمل بصوت عالي غاضب:جدع راااجل اوي ياض علِي صوتك اكتر يلا واتعصب اكتر يلااااااا
سامح ببرود:انت اللي استفزتني ي ليل
ليل:تمم حلو اوي الكلام دا...حااااااااااااافظ
حافظ:امرك ي ليل بيه
ليل:خدهم علي المخزن ونا جاي وراك
حافظ:امرك ي ليل بيه
اخذهم حافظ الي المخزن تحت اعتراضهم الشديد وظل ليل يقف مكانه بتعب وارهاق
بمنزل ام مازن
ام مازن:وبعدين معاك ي مازن ي ابني هتفضل علي الحال دا كتير انا ابتديت اخاف عليك ي ابني
مازن بتعب:سبيني ي امي لو سمحتي مع نفسي انا مش عايز اشوف حد ولا حد يشوفني
ام مازن:طيب عاوزه اتكلم معاك شويه
فتح لها مازن الباب وعاد الي مكانه مجدداً وذهبت ام مازن وجلست بجانبه
ام مازن بهدوء:هتفضل كدا كتير ي مازن حرام عليك ي ابني
مازن:عادي بقي مش فارقه معايا
ام مازن:لا طبعا انت اللي بتدمر نفسك بنفسك ي مازن انت اللي سمحت ل خالتك انها تمشيك علي مزاجها وادي النتيجه ودتك ورا الشمس...هانت عليك اوي ي مازن اديك انت اللي بتتعذب دلوقتي مش هي
مازن بحزن:عارف...عارف اني غلط من الاول وعارف ان مكنش ينفع امشي ورا خالتي من الاول بس اعمل اي...انا غبي مكنش ينفع اعمل كدا انتي عارفه اني بحبها ي ماما بس انا مش عارف ازاي كان هيجيلي كمان الجرأه اني اقتلها
ام مازن بحزن:اللي حصل حصل ي مازن خلاص ومنقدرش نغير فيه حاجه والحمد لله انك سبتها ومقتلتهاش والا كان زماني غضبانه عليك
مازن بدموع:تفتكري هتسامحني
ام مازن:الله اعلم...هي متعرفش الحقيقه اصلا
مازن بأمل:كدا هلاقيها وهتكون معايا
ام مازن:بس سيلا هتقولها ي مازن وتعرفها وساعتها روز مش هتسامحك
مازن:لا ان شاء الله مش هتعرف حاجه
ام مازن:اما نشوف يلا قوم كُلك لقمه يلا
بقصر ليل وبالتحديد بالمخزن
دخل ليل ببرود وهو يراهم مكتفوا الأيادي
سامح:وربنا لما تفكني لوريك ي ليل عشان تربطني كدا
ليل ببرود:تصدق خفت انا كدا
امسك ليل طبق كبير به ماء وسكبه عليه بغضب بينما شهق سامح بخضه وهو يسعل بشده ذهب ليل وفعل المثل مع حمزه ايضاً وظلوا يسعلوا بشده ولا يستطيعون ان يأخذوا انفاسهم
ليل بهدوء:ي تري فوقتوا ولا لسه
لم يتلقي منهم رد ضرب كل واحد منهم بقوه في وجهه
ليل بغضب:فوقتوا ولا لسه هااااا علي اخر الزمن تفضحونا دا جزاتي منكوا ف الاخر هااااا ردوا دا جزاتي...ابوكوا سابنا من وانتوا صغيرين وبقيتوا مسئولين مني انا...عارفين ليه عشان خاطر الأرف دا مات بسببوا مات وانا فجأه بقيت مسئول عن كل حاجه ونا لسه 19 سنه...بقيت مسئول من بيت وشغل وكل حاجه....انا حرمت نفسي من حاجات كتير اوي عشان خاطركوا...كنت باجي علي نفسي كتير اوي عشانكوا...انا اللي عامل كل دا بمجهودي مش هو انا اللي موقف الشركات دي علي رجليها انا اللي خليتكوا تلبسوا احسن لبس ويكون معاكوا فلوس كتير عشان خاطر متتحرموش من حاجه وعشان متبصوش لغيركوا وتحسوا انكم اقل منهم...كل دا بتعبي ومجهودي ي بيه انت وهو مش تعب حد تاني...انا لحد دلوقتي مسئول عنكوا كلكوا كبير وصغير....كنت فاكر انكوا هتشرفوني وترفعوا راسي وتخلوني فخور بيكوا وانكوا حاجه كويسه...بس فين؟؟فين كل دا...مفيش....تعبي ف السنين دي كلها راح علي الفاضي...ي خساره...بجد ي خساره...فكوهم
ذهب ليل سريعاً بينما ظلوا بمكانهم ينظرون لأثره بحزن
ف اليوم التالي التاسعه صباحاً
عند سيلا
تامر:انتي تعرفيهم الناس دي؟؟؟
سيلا:ايوه سمعت عنهم كتير...ي رب الاقيها بس
تامر:هتلاقيها ان شاء الله انا حاسس
سيلا بأمل:ان شاء الله
ذهبت سيلا وظلت تبحث عنهم كثيرا هي وتامر حتي دلتها سيده عليهم وذهبت الي ذلك المكان الذي دلتها عليه
وصلت سيلا الي تلك الفيلا الكبيره وقف امام ذلك الباب الضخم
الحارس:خير ي انسه مين حضرتك
سيلا:سيلا خالد الدهشان مش دي فيلا ليل سالم الدمنهوري
الحارس:ايوه ي فندم خير
سيلا:كل خير الاستاذ ليل موجود
الحارس:ايوه موجود
سيلا:ممكن تبلغه اني محتاجه اقابله ضروري
الحارس:دقيقه ي فندم ابلغه وارجع لحضرتك
اومأت سيلا وذهب الحارس كي يخبر رئيسه ان هناك احد يريد ان يراه
الحارس:ليل بيه
ليل:خير ي علي في حاجه ول اي
علي:في واحده بره اسمها سيلا خالد الدهشان طالبه تقابل سعتك
ليل باستغراب:تقابلني انا...تمم خليها تدخل
علي:امرك ي ليل بيه
ذهب علي وسمح لها بالدخول دخلت سيلا وركنت سيارتها وذهبت هي وتامر ودقت الباب وانتظرت حتي يفتح لها احد
ذهبت نعمه وفتحت لهم الباب
نعمه بتعجب:ايوه مين حضرتك
سيلا:سيلا خالد الدهشان الاستاذ ليل موجود
صفيه:مين ي نعمه
ذهبت وجدت فتاه وشاب نظرت لهم بتعجب وامرت نعمه ب ان تذهب لتكمل عملها
صفيه بتعجب:ايوه ي بنتي انتي مين
ازالت سيلا نظارتها الشمسيه ونظرت ل صفيه بابتسامه
سيلا:سيلا خالد الدهشان بنت رجل الاعمال خالد الدهشان
بقصر الدهشان
كوثر:اهلا ي حمدان تعالي
دخل حمدان وجلس وهي جلست امامه
حمدان:فكرتي
كوثر:ف اي
حمدان بتعجب:موضوع جوازنا
كوثر:اهه فكرت
حمدان بترقب:ونتي قررتي اي
كوثر بخبث:مش موافقه
حمدان بصدمه:ازاي
كوثر ببرود:هو كدا مش موافقه خلص الكلام خلاص
حمدان بحده:ودا ليه بقي ان شاء الله ناقص ايد او رجل
كوثر:لا بس انا مش هعمل نفس غلطه ميادة
حمدان بتوتر:قصدك اي؟؟؟
كوثر:يعني مش موافقه...مش هكرر نفس غلطه ميادة لما اتجوزت اخوك عشان يمضيها علي الورث ي حمدان
حمدان بغضب:بس انا مبفكرش ف الورث ي كوثر
كوثر ببرود:ايوه مانا عارفه طبعا
حمدان:يعني دا اخر كلام ي كوثر
كوثر بعدم اهتمام:ايوه اخر كلام
حمدان:تمم...انا ماشي
ذهب حمدان بغضب بينما ضحكت كوثر بتهكم وذهبت الي النادي
بمنزل سيدرا صديقه روز
سيدرا:ماما متعرفيش حاجه عن روز
جليله:لا ي سيدرا ليه
سيدرا بقلق:بتصل بيها بقالي اربع ايام مبتردش عليا
جليله:طب جربتي تكلمي مامتها تسأليها عليها
سيدرا:مش بترد عليا بردوا
جليله:ليكون حصلهم حاجه ي سيدرا واحنا منعرفش
سيدرا بخوف:مش عارفه انا خايفه اوي عليها
جليله:طب قومي نروح النادي نتمشي شويه عشان مخنوقه من قاعده البيت وبالمره نتصل بيها او نعدي عليهم نطمن
سيدرا:ماشي يلا بينا
بقصر ليل
غاده:ي روز اصحي يلا
لم تتلقي منها رد دخلت وجدتها نائمه ذهبت كي توقظها
غاده:روز....روزي قومي يلا ي كسوله بقي
روز بضيق:شويه طيب وهقوم
غاده:لا ويلا قومي عشان في ضيوف تحت وهموت واعرف مين هما
نهضت روز بكسل وضيق ونظرت ل غاده بغضب
روز:اديني قومت اهو ي ريت تكوني ارتحتي
غاده بضحك:قومي يلا اجهزي بسرعه عشان ننزل نشوف مين اللي تحت دول
روز بحنق:حاضر قايمه اهو
في النادي
سيدرا وجليله وصلوا وجلسوا قليلاً وجدوا كوثر تجلس بالقرب منهم
سيدرا:ماما الحقي خالتي كوثر اهي
جليله:تعالي نشوفها طيب ونطمن علي روز ذهبوا وجلسوا مع كوثر بهدوء
سيدرا بابتسامه:ازيك ي طنط كوثر
كوثر بقرف:كويسه
نظرت سيدرا الي أمها بغضب وذهول
جليله: إلا قوليلي ي كوثر اومال روز مختفيه فين كدا هي كويسه
كوثر ببرود:هو انتي متعرفيش
نظرت جليله الي سيدرا بتعجب ونظرت لها مجددا
جليله بتعجب:معرفش اي ي كوثر
كوثر:مش روز سابت البيت وهربت
بالاسفل
صفيه بذهول:اهلا وسهلا ي بنتي اتفضلي
جلست سيلا وتامر وصفيه واتي ليل ونظر لهم بتعجب
بالاعلي
غاده:يلا ي روز بقي فضولي هيموتني اخلصي
اتت روز بضيق:خلاص خلصت ي ست غاده يلا اتفضلي
اخذتها غاده ونزلوا الي الاسفل سريعاً
ليل:ايوه مين حضرتك
سيلا:انا سيلا خالد الدهشان مش حضرتك بردوا الاستاذ ليل
ليل:ايوه انا اتفضلي
روز بصراخ وصدمه:سيلاااااااااااااا
#يتبع...
#احببتها_ولكن 8
بقلمي:بيسو وليد
رايكوا ي شباب....التفاعل وحش اوي. 😡
تعليقات
إرسال تعليق