 |
اتجوزك ؟؟! انتى اتجننتى ولا اى يبنتى . فكرانى هتجوز واحده بتكلمنى من ورا اهلها و بتخرج معايا عادى . هأتمنك ازاى على شرفى وانتى خنتى ثقه اهلك . الى يخون ثقه اهله ملهوش امان
اتصدمت من كلامه و دموعى بدأت تنزل
- انت بتقول اى ؟؟! هى دى اخرتها . احنا بقالنا مع بعض ٤ سنين . جاى تقولى الكلام دا دلوقتى ؟؟! بعد م حبيتك واتعلقت بيك . انا عمرى م عملت حاجه من ورا اهلى غير انى ارتبطت بيك وانت عارف انك اول واحد ف حياتى
÷ لا مش عارف و بعدين اضمن منين انك مش بتكدبى
- انا ماشيه يا كريم وان شاءالله مشوفش وشك خالص تانى فحياتى . ربنا ينتقم منك
مشيت وانا مكسوره القلب والخاطر . معقول دا الانسان الى حبيته و قبلت ارتبطت بيه واكلمه من ورا اهلى
من بعدها قررت اتغير و اقرب من ربنا و مخونش ثقه اهلى تانى ابدا
وفعلا نجحت ف دا . ف ظرف سنه كنت اتغيرت تماما . قربت من ربنا وحفظت نص القرآن . مبقتش اكدب على اهلى ف اى حاجه و كنت حاسه انى مرتاحه نفسيا
*بعد سنه *
- يوووه ي اميره بقولك مش بحب الافراح
♤ دا فرح اختى يا ندى . لازم تحضرى 🥺🥺
- طب خلاص متبصليش كدا 😂😂 حاضر هحضره عشان خاطرك بس
♤ ايوا كدا ي قمر
- هغير رأيي !
♤ طب خلاص انتى وحشه😂
وفعلا اليوم الى بعدو لبست و رحت فرح اخت صحبتى
♤ ندى ،الشاب الى هناك دا بيبص عليكى من سعت مدخلنا القاعه . شكله واقع ف غرامك ولا اى ي عسل 😉
- انتى عارفه ان ميهمنيش الكلام دا وبطل بقا غلاسه
♤ المز جاى علينا اهو
= اسم القمر اى
- كلمى يا اميره دا بيكلمك
=لا بكلمك انتى
-طب معلش انا مش بكلم شباب . روح شوفلك واحده تانيه
=طيب ينفع رقم باباكى
- لا
♤ اكتب عندك ٠١١********
- يا اميره بتعملى اييي ؟!!!
= بكرا هاجى عندكم اشرب قهوه
ومشى بعدها
-اى الى عملتيه دا اميره
♤ دا عشان مصلحتك يبت . مش شايفاه مز ازاى
-استغفر الله العظيم يارب
*من ناحيه تانيه*
÷ اى يا مصطفى كنت فين
= مش هتصدق الى هقوله يا كريم . اخوك وقع فالحب من اول نظره 😂😂😂
÷ ياه اخيرا هتخطب . دا انت رافض خالص انك تتجوز مع انك اكبر منى ب ٥ سنين
÷ فينها بقا البنت الى خطفت قلبك
=اهى واقفه هناك مع صحبتها
كريم وشه بقا الوان
= اى رأيك فيها . قمر صح . عشان تعرف بس ان زوقى حلو😂😂
÷ مصط.. مصطفى . شايف الفرح فيه كام بنت . ملقيتش غير دى يعنى ؟!
=ليه مالها . انت تعرفها ولا اى
÷لا اعرفها منين يعنى
( كريم مرضيش يتكلم ويقول انه يعرفها وانه كان مرتبط بيها ٤ سنين عشان هو دايما بيمثل على اهله دور الشاب المؤدب الى عمره م كلم بنت ف مرضيش يبوظ صورته قدام اخوه خصوصا انه حرص طول فتره ارتباطه انه ميعرفش اى حد من اهله )
=طيب بقولك اى . تعالا معايا اروح اتقدملها بكرا
-طيب م تفكر تانى .القرارات الى زى كدا مش بتتاخد ف دقايق
=لا خلاص انا ارتحتلها وحبتها
*نرجع لندى و صحبتها *
♤ اى يا ندى الشاب القمر الى جنب جوزك المستقبلى دا
- اى جوزى المستقبلى دى ؟! وبعدين يا بنتى خفى معاكسه ف الشباب بقا ربنا يهديكى
ندى بصت عليه و تنحت
♤ قمر صح
- عن اذنك انا لازم امشى . اتأخرت واهلى هيبهدلونى . باى هكلمك بكرا
♤ يووه ملحقتيش تقعدى غير نص ساعه . باى
جريت بسرعه . كنت زى الهبله فالشارع وانا بجرى بالفستان . وقفت تاكسى و روحت البيت
متوقعتش ان ممكن نتقابل تانى . كان نفسى يتمحى من على وش الارض عشان مشفهوش تانى ولا المحه حتى . افتكرت كل حاجه قديمه و وجعى ف اخر مره اتقابلنا فيها .. قرأت قرآن و صليت ودعيت مشوفهوش تانى ونمت
*اليوم الى بعدو*
◇ قومى يبنتى فيه عريس كلم باباكى وجاى بعد ٣ ساعات . قوومى كفايه نوم
-حاضر يا ماما اهو قمت . مفيش مره تسيبونى انام براحتى 🤦♀️
*بعد ٣ ساعات*
◇ يلا ادخلى خديله القهوه . هو جاى النهارده عشان قرايه الفاتحه لو وافقتى وبعدها المره الجايه هيجيب اهله معاه . النهارده معاه اخوه بس
- اول لما دخلت اتصدمت . شفت كريم قاعد معاه ومن صدمتى القهوه وقعت عليا
= حاسبى يبنتى هتحرقى نفسك ؟؟؟! طب خدى المناديل دى و ادخلى بسرعه اغسلى بميه ساقعه عالحرق
دخلت جوا وغسلت الحرق ولبست لبس تانى
لازم اهدى . مش هقابله تانى خلاص دى اخر مره . اهدى بس مفيش حاجه هتحصل
÷ شكل عروستك متوتره يا مصطفى
= ان شاء الله بس متكنش اتحرقت جامد
بعد خمس دقايق خرجت وقعدت معاهم
÷ احنا جايين نطلب ايد بنت حضرتك ل اخويا الكبير مصطفى
= انا اسمى مصطفى عندى ٢٩ سنه بشتغل...
ندى قاطعته ب نبره حاده وغاضبه
- وانا مش موافقه ف مفيش داعى تضيعو وقتى او اضيع وقتكم واتفضلو اطلعو برا
= بس احنا حتى ملحقناش نتكلم ٥ دقايق
- وانا بقولك مش موافقه
دخلت جوا اوضتى وقفلت الباب جامد
مصطفى وكريم احرجو و مشيو
÷مش مشكله يعم . الف بنت تتمناك .. هشوفلك عروسه احلى منها كمان
= بس انا حبتها وعايزها وبعدين مين قالك انى هستسلم بالسهوله دى
كل يوم بيخبط الباب و بلاقى قدام الباب ورد ومعاه رساله
منكرش ان حبيت رسايله والورد الى بيجيبه واتعودت علي ان كل يوم الباب يرن و اخد الورق و الرساله من قدام الباب
عدى ٣٠ يوم بالظبط كل يوم الورد والرسايل بيخطفو قلبى
زوقه فالورد تحفه و بيعرف يكتب كلام حلو
اخر رساله ف اليوم ال ٣٠ كانت بتقول " ايتها الاميره انى اذوب فى حبك ف هل لقلبك ان يشفق على حالى )
عدى ١٠ ايام ومفيش اى ورد لا رساله جديده . الحقيقه انا شكلى حبيته
. انا كمان ارتحتله وقت لما شفته اول مره وكنت ناويه اوافق عليه بس لما اكتشفت ان اخوه كريم كنت عايزه مشفهمش هما الاتنين تانى بس هو فضل يحاول ويحاول وشكله بيحبنى بجد
فاليوم ال ١١ واناقاعده ف اوضتى وبقرأ رسايله من الاول اتخضيت لما حجر كسر زجاج البلكونه
لبست الاسدال ودخلت البلكونه ازعق للى كسر الزجاج بس شفت ناس كتير تحت و فجأه ظهر مصطفى ف وسطهم
= ندااااا لو موافقتيش ان اجى اخطبك النهارده ف انا هقطع شرايينى و انتى الى هتاخدى ذنبى
وكان فعلا ماسك مطوه ومقربها من معصم ايده
الناش صرخو بصوت واحد
"اقبلى يا ندى حرام عليكى عذبت الواد"
ضحكت من طريقته الى خطفت قلبى
- طيب ماشى خلاص متموتش نفسك . مستنياك النهارده بالليل
مصطفى بفرحه
= اخيراا وافقتى !!
انا عارفه ان المفروض كنت ارفضه مرتين و تلاته وعشرين حتى . المفروض كنت اتجاهل الاعجاب الى حاسه بيه ناحيته لان مينفعش نكون مع بعض . هفضل طول حياتى خايفه ان كريم يقوله ؟!
قررت ان اخد ال risk و اكمل معاه . مش هتنازل عن حبى عشان حد .
اتخطبنا وكانو احلى شهور ف حياتى . كان كل يوم يتصل بيا يقولى تعالى نخرج و يفسحنى . كنت احيانا بتمنى ان الزمان يتوقف ونفضل مع بعض دايما
الايام عدت بسرعه وجه يوم الفرح
وقتها كنت صاحيه بدرى و بغنى من الفرحه بس الباب رن
قمت فتحت واتفاجأت ب كريم
÷ اطلعى ثوانى هقولك حاجه
- عايز اى ؟!
÷ انا جاى احذرك واقولك متتجوزيش اخويا . هو يستاهل واحده احسن منك وانتى عارفه كدا كويس و بعدين انتى طلعتى ممثله شاطره وعرفتى تخدعيه . لو جيتى الفرح انهارده يبقا اعتبرى نفسك بدأتى حرب بينى وبينك
-امشى طيب من هنا بس . انت جاى تهددنى ب اى اصلا وبعدين انت جبان اصلا متقدرش تقوله . انا عارفاك كويس وعارفه انك مش عايز حد من اهلك يعرف اننا كنا مرتبطين . ف متجيش بقا تعملى فيها راجل وتهددنى انك هتقول لاخوك
وقفلت الباب ف وشه
من جوايا خفت جدا انه يدمرلى يوم فرحى . طب حتى لو عدى يوم الفرح هفضل كل يوم قلقانه من انه يقوله ؟! وانا حاولت كذا مره احكيله بس معرفتش . خايفه يكرهنى و يسبنى وانا فعلا حبيته
الفرح عدى على خير الحمدلله و زى مقولتلكم طلع جبان و مقالش لاخوه اى حاجه
*بعد شهرين من الفرح*
-بقولك يا حبيبى . هاتلى تشوكلت وانت جاى و مصاصه وشيبسى . مش هدخلك البيت من غيرهم هاا
= انتى تؤمرى . نص ساعه وهكون عندك
بعد مخلصت مكالمه للجرس رن
-معقوله وصل بالسرعه دى
-كريم !
÷ اى كنت مستنيه حد ولا اى
-امشى من هنا ي كريم . انت عارف الساعه كام ؟!؟! وبعدين اى ريحتك دى انت سكران ولا اى
جيت اقفل باب الشقه ف حط رجله بين الباب
÷ مش هتقوليلى اتفضل ولا اى . ولا انتى بتدخلى رجاله معينين بس
- اطلع برا !! مسمحلكش تقول حاجه عنى . اخوك جاى بعد نص ساعه
÷ خليه يجى عشان اقوله عن مراته الى كانت بتسهر للصبح واحنا بنتكلم ولا احكيله مثلا عن كام مره خرجنا مع بعض وكام مره مسكت ايدك ؟!
-اطلع برا بقولك
حاول يتهجم عليا بس ضربته بالكرسى على وشه واتجرح
÷انا هوريكى هعمل فيكى اى . هعيشك ف جحيم !
زقيته برا وقفلت الباب وانا بعيط و بدعى ربنا انه يساعدنى ف مشكلتى
بعدها ب نص ساعه مصطفى وصل
=اى دا انتى بتعيطى ؟! مالك يحبيبتى اى الى مزعلك
-مصطفى ينفع تحضنى من غير متقول اى حاجه
=بس كدا يستى
- ينفع توعدنى انك متسبنيش ابدا
= اى طلباتك الغريبه دى انهارده😂 اوعدك مسبكيش يا قمر
اطمنت شويه بعدها
*اليوم الى بعدو*
=اى ى كريم الى عمل ف وشك كدا !
رحت لمصطفى اقوله على الطلبات الى يجبها وهو جاى بس كان واقف قدام الباب مع كريم
÷لا ابدا دا فيه قطه خربشتنى و بصلى وغمز 😉
دخلت بسرعه عالمطبخ و شغلت نفسى ف تحضير الغدا
* بعد ٤ شهور *
حسيت ب دوخه وتعب . مرضتش اقول لمصطفى عشان ميقلقش و رحت كشفت عند الدكتوره
**مبروك يا مدام انتى حامل
-بجد ؟؟! متأكده يا دكتوره . معلش اتأكدى تانى يمكن حمل كاذب او حاجه
**ايوا بجد . متقلقيش انا شفت من السونار ولو عايزه تسمعى صوت دقات قلب البيبى تعالى اسمعك
-لا لا هبقا اجيلك بكرا مع جوزى ونسمعها مع بعض
**تمام . الف مبروك مره تانيه
روحت البيت و الفرحه مش سيعانى . كنت طايره من الفرحه
فضلت افكر ف احسن طريقه اقول بيها ل مصطفى انى حامل بس استقريت على رأى انى اعمل غدا رومانسى و اقوله واحنا بناكل
واستنيته يرجع من الشغل بفارغ الصبر
رن الباب وفتحت
حضنته كالعاده بس حسيت ان فيه حاجه متغيره فيه . دا حتى متفاجئش من الغدا الى كنت عاملاه ولا من جو الشموع . مش من عادته انه مينطقش ب اى كلمه من اول ميدخل الشقه
قلت يمكن ضغط الشغل
-مصطفى
= نعم
- انا حامل !!!!
بصلى ب برود
= يا ترى حامل من مين بقا
- انت بتقول اى يا مصطفى ؟؟!!!!
😥😥
#يتبع
الفصل الثاني اللي عايز الاخير يتفاعل معايا
مسكنى من دراعى و فتح باب الشقه و رمانى برا وقفل الباب
كنت لسا مصدومه ومش مصدقه
بعدها ب كام دقيقه فتح الباب تانى وكنت لسا واقفه مكانى ومفوقتش من الصدمه . رمى هدومى وحاجتى عليا
= مش عايز اشوف وشك تانى . انتى طالق بالتلاته
كلامه كأنه رصاص
كان هيقفل الباب بس حطيت رجلى عند الباب واتكلمت بعياط
- اسمعنى بس واهم منى كل حاجه . ارجوك متعملش كدا
= ابعدى رجلك عايز اقفل الباب . بقولك امشى مش عايز اشوف وشك تانى . خلى عندك كرامه وامشى بدل م اعملك فضيحه
اخدت هدومى ومشيت رحت عند بيت اهلى . معرفش هو قالهم حاجه ولا لا بس دا كان المكان الوحيد الى اقدر اروحه ف نص الليل
اول لما فتحولى الباب كنت بعيط
مسألونيش عن اى حاجه . اكيد لسا مقالهمش حاجه واكيد فاكرين انها مشكله بسيطه زى اى مشكله بتحصل ف اى بيت
&&&&&&&&&&&&&&&&
اليوم الى بعدو صحيت وانا مخضوضه . بابا كب كوبايه الميه الساقعه على وشى عشان اصحى
- فيه اى يا بابا اى حصل . ليه بتصحينى كدا
◇ هى دى اخره تربيتى !!!! ترتبطى بواحد من ورانا و فالاخر تتحوز اخوه وبعدها متتجوزيه كل يوم تجيبى رجاله عالبيت . طب كنتى احترمى جوزك حتى !!!
بدأت اعيط من قسوه كلامه و الظلم الى انا فيه
-بابا انت بتقول اى . الى قالك دا كله كداب . انا فعلا ارتبطت من وراكم وبعدها والله ندمت و رجعت ل ربنا تانى . كل واحد بيغلط يا بابا بس اقسم بالله يا بابا من بعد م تبت وانا متقيه ربنا . ازاى يقولولك ان بنتك بتدخل بيتها رجاله غريبه وانت تصدقهم يا بابا ازاى وانت عارفنى كويس !!
◇ اخرسى مسمعش صوتك
شدنى من شعرى و جاب الحزام و بدأ يضرب فيا . دى اول مره بابا يضربنى ف حياته . ماما كانت بتحاول تدافع عنى
♡ سيبها هتودى نفسك ف داهيه
فقدت الوعى ومحستش بنفسى غير وانا فالمستشفى
- انا فين
بعدها بدأت افتكر
-يا دكتور طمنى على الطفل ارجوك . هو كويس صح
😭
¥ اهدى بس يا مدام الطفل كويس . مع انه معجزه انه يعيش بعد كل الى حصلك دا . هو اى الى حصل . حد ضربك ؟؟لو حصل كدا قوليلى واصلا الشرطه برا مستنيه عشان بلغناهم ان احتمال تكونى اتعرضتى للعنف
فالوقت دا بابا وماما دخلو والظاهر انهم كانو سامعين كلامنا
◇ لا اطمن يا دكتور هى بس وقعت من على السلم
¥ تمام انا بس كنت حابب اتأكد
الدكتور خرج وسابونا وحدنا
◇ انا هحجزلك معاد بكرا مع دكتور عشان تجهضى الطفل دا يا خاينه . الله اعلم مين ابوه
-لا يا بابا لا الا ابنى ارجوك سبهولى . والله دا ابن مصطفى يا بابا
◇ طبعا هصدقك اومال اى
ومسكنى من شعرى جامد
◇ بقولك اى . الى بقوله هو الى هيحصل . مصطفى كلمنا وقال انه مش هيكتب الطفل ب اسمه و دا حقه اكيد . اظن اننا مش هنخليكى تجيبلينا فضايح اكتر من كدا و تجيبى الطفل دا عالدنيا من غير اب
- معقول مصطفى يقول كدا . طب فيه تحليل DNA يقدر يعمله لما اولد و وقتها هيتأكد انه ابنه . ارجوك يا بابا انا بترجاك تسبلى ابنى
وقتها دخلت دكتوره
£ يا مدام هو حضرتك عارفه انك حامل ف توأم ؟ ولد و بنت . المفروض تهتمى بنفسك اكتر من كدا عشان ميحصلهمش حاجه
-توأم ؟؟!
£ ايوه وياريت تاخدى بالك اكتر من كدا
مشيت وقفلت الباب وراها
- بابا انت كدا هتكون السبب ف قتل روحين ملهمش ذنب . انا هعمل اى حاجه تقولى عليها بس بليز متقتلش عيالى
◇ رفقا بس ب حالتك هغير حجز الدكتور للاسبوع الجاى وخلينى بس اسمع كلمه اعتراض
خرجت من المستشفى ورجعت البيت . كل يوم اهانات ليا . بطلت آكل او اعمل اى حاجه . الابتسامه فارقت وشى بعد م كنت معروفه ب ابتسامتى الدايمه
* بعد ٥ ايام *
فجأه دخل بابا عليا الاوضه
◇ بقولك اى . لو عايزه عيالك ميموتوش يبقا تتجوزى عماد بعد شهور العده . هو راضى يكتب العيال ب اسمه
-عماد !! عماد يا بابا الى معروف فالشارع كله انه سكران و بيشرب مخدرات و معذب اهل بيته ضرب وشتايم . اذا كان اهل بيته متقاش فيهم ربنا يبقى هيتقى ربنا فيا انا ؟؟!
◇ انا قولت الى عندى . يا اما ترضى تتجوزيه يا اما هاخدك للدكتور يجهض الى ف بطنك واصلا تعالى هنا . انتى خاينه و بتاعت رجاله وهو بيشرب و بيسكر . تستاهلو بعض وكويس اصلا ان لقيتى حد يرضى يتجوزك بعد الفضيحه دى
وقفل الباب جامد و خرج
فضلت اعيط جامد و صليت ودعيت ربنا
*باليوم الى بعده*
◇ ها اتخذتى قرارك ولا لا
بعياط -ايوه يا بابا موافقه اتجوزه
◇ تمام انا هروح ابلغه
شهور العده عدو بسرعه اووى و طبعا معملناش فرح ولا اى حاجه اصل بابا شاف انى مستاهلش فرح
كنت حامل فالشهر التامن
اول يومين بس كان كويس معايا
بعدها كل يوم بقا يببات برا و يسكر و يشرب مع اصحابه ويرجعلى بالليل ويتعصب عليا ويضربنى
كأنه بيستمتع بضربى كل يوم وشايفها متعه ليه . كنت بس خايفه على الطفلين الى ف بطنى . قررت اتجنبه خالص و بقيت اقعد ف اوضه وحدى يدوب اطلع منها اشرب و اكل وادخل تانى
*يوم ولادتى *
الساعه ٥ الفجر
-الحقنى يا عماد انا بموووت . شكلى بولد يعماد الحقنييي
☆ فيه اى ي وليه صوتك جايب اخر الدنيا . وبعدين متولدى اعملك اى يعنى
- بقووولك بولد اتصل بالاسعاف بسرعه
☆الستات بيولدو ف بيوتهم عادى عايزه ليه الاسعاف دلوقتى و لا انتى عايزه تخلينى اصرف فلوس وخلاص
- يعماد اخلص مش قادره استحمممل بسرعه ارجوك
☆ وانا بقولك مفيش مستشفيات ولا زفت
وقتها مسكت موبايلى واتصلت ب اميره . تقريبا كل الاخبار بينا اتقطعت من سعت م اتجوزت مصطفى
- الو يا اميره ارجوكى الحقينى انا بولد و مش راضى يودينى المستشفى
$ اى ؟؟؟! ازاى دا . طب هاتى مصطفى اكلمه
- لا مش مصطفى . تعالى بسرعه اتصرفى وتعالى خدينى مش راضى يخلينى اتصل بالاسعاف ارجوكى تعالى
$طب ابعتيلى اللوكيشن ف رساله وانا جايالك
١٠ دقايق وكانت اميره عندى ومعاها اخوها
اخوها مسك عماد عشان مكنش راضى يخلينى اخرج من الشقه واميره خدتنى المستشفى
£ مبرووك جبتى ولد وبنت زى القمر
$ الله يا ندى دول زى القمر . الولد شبه مصطفى اوووى بس تعالى هنا احكيلى ازاى اتطلقتى من مصطفى واتجوزتى الراجل الواطى دا
- تسلمى يا اميره بجد على المساعده . انا هحكيلك كل حاجه بس لما افوق شويه
$تمام استريحى شويه وانا هستناكى برا انا والاطفال الحلوين دول
وقتها محدش زارنى خالص . حتى عماد مجاش و لا ماما وبابا
محدش كان جمبى ف اكتر وقت كنت محتاجاهم فيه
قعدت اعيط وانا بفتكر كل حاجه . اد اى كانت حياتى سعيده و اتبدلت ف يوم واحد وبقت جحيم . مش عارفه هعمل اى فالمستقبل و لا مش عارفه هقدر اكمل حياتى فالجحيم دا ازاى
عدى خمس سنين من العذاب و الذل . خمس سنين مشفتش يوم فيهم كويس . خمس سنين وانا بستحمل كل انواع الذل والاهانه عشان ولادى . مصطفى مفكرش يجى ويشوفهم و لا حتى يعمل تحليل ال DNA كأنه متأكد ١٠٠ فالميه انى خونته وانهم مش عياله
كان كل الى مصبرنى على كل حاجه هما ولادى
☆ قومى يا وليه حضريلى الغدا انا جعان
- مفيش حاجه فالتلاجه . انزل هات خضار اعملك بيهم الغدا
مسكنى من شعرى
☆ مش انا لسا مديكى ٢٠٠ جنيه من شهر ؟؟ عملتى بيهم اى يا مفتريه . طبعا ،مش انتى الى بتتعبى وتجيبى الفلوس
-ارجوك سبنى العيال واقفين بيبصو عليا
☆ميبصو وانا مالى . انا هاجى بعد ساعتين و الاقيكى عملالى لحمه و رز وملوخيه و اكل يفتح النفس
-لحمه ازاى وانا مش معايا اجيب خيار حتى . يا راجل اتقى الله دا انا من سعت متجوزتك وانا مشترتش اى لبس لنفسى . حتى عيالى بجبلهم لبس من جمعيه خيريه . حس على دمك بقا . خليتنى اتحوج للناس بعد م كنت عايشه طول حياتى ملكه
☆ وحد ضربك على ايدك عشان تتجوزينى ؟؟ انتى الى خنتى جوزك و كنتى قاعده ف بيت ابوكى وكان هيجهض العيال وانا انقذتهم . المفروض تعيشى طول عمرك تحت رجلى بعد الى عملته معاكى
وبدأ يضربنى جامد قدام مالك و فريده
مالك وفريده بدأو يعيطو
□ يا بابا سيب ماما . اوعدك مش هناكل النهارده اى حاجه ولا حتى هنشغل نور اوضتنا بس ارجوك سيبها يا بابا
-حرام عليك خوفت العيال سيبنى بقا
سابنى وطلع برا
☆معاكى ساعتين اجى الاقيكى محضره الاكل الى قولت عليه
وقفل الباب وراه
وقتها العيال جريو عليا وحضنونى وهما بيعيطو
□ يا ماما انتى كويسه ؟! حصلتك حاجه يا مامتى
-اهدى يا فريده مفيش حاجه
■ يا ماما اوعدك لما اكبر مش هخليه يضربك تانى . انا بحبك اوى يا ماما
-وانا بحبك يا مالك
-بس متعيطوش . بصو بقا انا النهارده هاخدكم عند خالتكم اميره و تلعبو مع حور
□ بجد يا ماما . احنا بقالنا كتير مخرجناش ولا شفنا حور
-ايوه بجد يا قلب ماما . تعالى بقا نخرج
اخدتهم عند اميره الى بقت الوحيده الى جمبى ومسابتنيش يوم . كل لما بتزنق ف حاجه بروحلها وهى دايما تساعدنى
-اميره كنت عايزه منك ٢٠٠ جنيه . بصى خدى الخاتم دا . دى اخر حاجه معايا . كنت هبيعيه عند محلات الدهب بس ممكن يفتكرونى سرقاه من شكل لبسى الى اتبهدل واتقطع و كمان عماد قالى قدامك ساعتين بس و مش هلحق ابيعه فالساعتين دول ف خديه كأنك اشتريتيه وعايزه بس ٢٠٠ جنيه
$ لا يبنتى اى الى بتقوليه دا . خلى خاتمك معاكى و اهى ال ٢٠٠ جنيه . عيب تقولى كدا دا احنا اخوات و بعدين كفايه عليا انى اشوف مالك وفريده القمرات
- تسلمى بحد عمرى مهنسى وقفتك جمبى . انا مضطره امشى دلوقتى . هسيب العيال معاكى النهارده عشان الحق اجيب الطلبات و احضر الاكل
$ينورونى
اشتريت الطلبات وحضرت الاكل
☆ اى الريحه الجميله دى بس . شفتى ازاى كان معاكى فلوس من ال ٢٠٠ وكنتى عايزه تخليهم لنفسك . اهو حضرتى اكل زى الفل منغير م اديكى فلوس
عدى ٥ سنين تانيين عالحال دا . طاقتى خلصت و ملامحى بقت حزينه دايما وعجزت وانا لسا فأول التلاتينيات
قررت بعدها انزل اشتغل بم ان العيال كبرو وبقول يقدرو يقعدو وحدهم .بس اول حاجه قررت اعملها انى اتطلق من عماد . رفعت عليه قضيه طلاق وفعلا اتطلقت
بدأت حياتنا تبقا احسن فأحسن . اجرت شقه و بقيت بشتغل اغلب اليوم عشان اجيب لعيالى الى نفسهم فيه . بقا كل تفكيرى انى اسعدهم
كام شهر كانو كافيين ان حياتى تتغير ١٨٠ درجه للاحسن . مبقناش محتاجين حد و بقيت اجبلهم هدوم جديده ولعب كتير
فيوم واحنا قاعدين فجأه رن الجرس و مالك وفريده فتحو
■يا ماما فيه واحد غريب بيقول انه عايزك
رحت اشوف مين عالباب
- مصطفى ؟!؟!!
#يتبع
الفصل الأخير
. لازم اروحله وافهم منه كل حاجه واتفاوض معاه . يمكن عمل كدا عشان عايزنى اديله فلوس او حاجه . وانا الى افتكرت انى خلصت منه للابد لما اتطلقت منه
* الساعه ٨ الصبح*
- افتح يا عمااااد افتح يا واطى
☆ اى يا وليه صوتك جايب اخر الشارع . اى الى جايبك و لا حنيتى ليا
-احن ل اى يا واطى يا قذر . ازاى تاخد عيالى منى وانت عارف انهم روحى . انا عارفاك جلده و مش هتعرف تصرف عليهم . بتاخدهم ليه طالما مش عايز تصرف عليهم
☆مين قالك انى اخدتهم عشان اصرف عليهم . جوزك الاولانى جالى وقالى ارفع القضيه عشان اخد حضانتهم بعدها هو هياخدهم مقابل فيله ف التجمع الخامس و ربع مليون دولار . اكيد طبعا مكنتش عيزانى ارفض الفرصه الى مش بتيجى غير مره فالعمر . انا صرفت عليكى و على ولادك كتير و استحملتكم كتير و جه الوقت ان اعوض شويه من الى صرفته عليكم
-شويه يا كلب يا جلده . دا انت طول السنين دول مصرفتش علينا ١٠ تلاف على بعض . كنت تضربنا و تنيمنا و احنا جعانين و تستخسر فينا الهدوم حتى . قولى كدا كام مره اديتنى فلوس و قلتلى روحى اشترى حاجه لنفسك و للاولاد ؟؟؟! مش فاكر صح ؟!؟ طبعا لازم متفتكرتش اصلك عمرك معملت كدا
☆بقولك اى يا وليه . متصدعنيش . العيال مع ابوهم و مليش دعوه بالباقى . يلا لمى بعضك وامشى عشان عايز اجهز حاجتى وانقل للفيله الجديده و اه لعلمك هو رفع قضيه عشان يغير نسب الولاد ليه وكبعا بموافقتى هيقدر يخلصها بسرعه
مشيت وسبته و قعدت افكري يا ترى ممكن يكون فين هو واولادى
و قررت بعدها اروح للشقه الى اتجوزنا فيها من ١١ سنه
فتحت الباب واحده ست
- لو سمحتى مصطفى موجود
+ لا استاذ مصطفى باعلى الشقه دى من ساعتين و سافر
- سافر ؟؟؟! متعرفيش سافر فين
+ لا والله
- تمام شكرا
مشيت وانا منهاره من العياط ومش عارفه اروح فين ولا فين
قعدت عالرصيف وانا بعيط
معرفش عدى كام ساعه بس الى اعرفه انى قعدت عالرصيف لغايه الشمس م غربت
~ شايفك بتعيطى بقالك كذا ساعه . خدى المنديل دا و اهدى . كل حاجه ليها حل
بصيت عليه واخدت المنديل
بعياط - بس مشكلتى ملهاش حل
سكت دقيقتين بعدها كملت
-ولا اقولك ... هى ليها حل .. تقدر ترجعنى بالزمن ١١ سنه ورا و تمنع جوازى من مصطفى ؟؟!
اتصدم ومعرفش يقول اى
~ زى مقولتلك كل حاجه ليها حل . تقدرى تفضفضيلى وتحكيلى كل حاجه واوعدك انى اساعدك
قمت من مكانى
- بقولك اى. مش هتعرف تضحك عليا بكلمتين .. روح شوفلك بنت تانيه
~ لا اهدى بس انتى فهمتى اى
و طلعلى بطاقته
~ انا الرائد سليم
قعدت مكانى
- انا .. انا اسفه بس انا مبقاش عندى ثقه فالناس . افتكرتك من الناس الى بتنتهز الفرص وخلاص
~ لا متقلقيش انا مش منهم
~تعالى بس نشرب عصير و تحكيلى اى الى حاصل معاكى واشوفلك حل
اخدنى لاقرب كافيه و حكتله كل حاجه حصلت معايا
~ياه دا انتى استحملتى جامد . واحده غيرك كانت وقعت من بدرى .. اوعدك هلاقي اولادك و هرحعهم لحضنك ف اقرب وقت
بفرحه - بجد؟؟! مش بتقول كدا وخلاص صح
ضحك ~ لا مش بقول كدا وخلاص متقلقيش
~ بمعرفتك ب باباهم تتوقعى سافر فين
- هو غنى جدا عنده شركات و بيوت كتير . اتوقع انه اكيد اخدهم برا مصر عشان محدش يقدر يوصلهم
~ حتى لو فين بردو هجبهملك
ابتسمت - شكرا لحضرتك
~ اى دا و ابتسامتك طلعت حلوه اهيي . حد يشوفلى دكتور قلب 😂😂
ضحكت جامد و بقالى فتره طويله مضحكتش كدا
-دا عنوانى . لو عرفت اى اخبار تعال قولى . انا مضطره امشى دلوقتى عشان الوقت اتأخر
~تمام سلام
*من ناحيه تانيه*
=فريده بصى انا باباكى الحقيقى . مامتك اخدتكم بعيد عنى و خبت عنى انها انت حامل و بعدها اتجوزت عماد عشان كانت بتحبه . عماد كان دايما بيضربكم صح ؟ دا يثبتلك انه مش باباكى و الا مكنش ضربكم
□اه كان بيضربنا كل يوم . يعنى انت بابى ؟
= اه يا حبيبتى . بصى دى اوضتك
□واو يا بابا اى الاوضه الكبيره دى كلها . دا قد شقتنا كلها .و اى كل الالعاب والفساتين دول . بتوع مين
= كل حاجه فالاوضه دى بتاعتك يا حبيبتى
□ بجد يا بابى ؟! شكرا
وحضنته
□ بس يا بابى ليه مالك لسا نايم
=شويه وهيصحى متقلقيش . يلا اسيبك انا تشوفى اوضتك الجديده و اروح اشوف مالك
خرج من اوضه فريده وراح الاوضه الى جمبها
مالك كان نايم عالسرير . هو خدره عشان يقدر ياخده اصل كان بيقاوم جامد ( طبعا لاحظتو ان مالك اذكى من فريده بكتير )
بص عليه و قال
= انت شبهي جدا يا مالك . كأنك نسخه منى وانا صغير . انا بجد كنت عبيط لما صدقت انكم مش ولادى . انا حتى رفضت انى اشوفكم ولو لمره . كان قدامى التحليل كمان بس مرضتش اعمله . اتجننت وقتها لما شفت الصور و مقدرتش اشوف اى حاجه قدامى
فلاش باااك
÷ الدكتور قالك ان مفيش امل انى اعيش صح . انت سفرتنى كل دول العالم يا مصطفى بس كلهم بيقولو نفس الكلام . بقالى ٣ سنين بتعالج من السرطان ومفيش اى علاج جايب معايا نتيجه . كأن حد داعى عليا
= متقولش كدا يا كريم ان شاء الله هنلاقى حل وهتخف
÷ مصطفى انا ظلمت ندى جامد و اكيد ربنا عمل فيا كدا عشان الى عملته فيها
= ازاى بس ظلمتها . دا انا هفضل مدين ليك طول عمرى انك قلتلى وقتها انكم كنتو مرتبطين زمان و وريتنى صوركم فالكافيه و النادى و غيره .وكمان قولتلى انك بتشوف كل يوم راجل مختلف داخل لشقتنا . كان زمانى دلوقتى بربى عيال مش عيالى و فاكرهم عيالى
÷ هما عيالك فعلا . انا كدبت عليك وقتها . الحقد ملا عينى و رغبتى ف انى اوجعها سيطر عليا . احنا فعلا كنا مرتبطين زمان بس بعدها لما انتو اتخطبتو كانت متغيره . كانت ترفض تمسك ايدها ف فتره الخطوبه . ولما اتجوزتو معملتش اى حاجه . انا الى افتريت عليها وقتها و قلت انها بتخونك مع رجاله كتير
=كريم انت بتقول اى ؟؟! قول انك بتهزر يا كريم . انا كدا ظلمتها جامد و ظلمت ولادى . يا كريم ارجوك قول ان دا مش صح
بص عليه بس كان كريم مات
باااك
بس انا يا مالك رحت لمامتك و حاولت اصالحها . جربت كذا مره وكل مره هى كانت بترفض . طب م هى كمان كدبت و خبت عليا . احنا الاتنين غلطانين المفروض كانت تسامحنى ونعيش زى اى اسره طبيعيه بس برفضها ليا و رفضها انها تسامحنى انا عملت كدا . هى زى م عاشت معاكم ١٠ سنين و اتهنت بيكم و بحضنكم انا كمان من حقى اتهنى بيكم . انتو ولادى ومع ذلك منمتوش ف حضنى ولا يوم . من حقى تعيشو معايا عشر سنينزى م عشتو معاها و بعدها تبقو تقررو هتعيشو مع مين . مع باباكم الى معيشكم ف جنه و لا مع مامتكم الى معيشاكم ف جحيم و فقر وانا عملت لاحسن محامى ف مصر توكيل وقلتله يغير نسبكم ليا ف اقرب وقت
* نرجع ل ندى تانى *
دى اول مره انام وحدى فالشقه ومن غير ولادى . كل متحصل حاجه معايا بقول مش مشكله كل حاجه هتعدى المهم ان اولادى معايا . كان عندى حضنهم الى بستخبى فيه كل لما بزعل . دلوقتى هنام وحدى ازاى
*بعد خمس شهور*
- يا سليم انت بقالك خمس شهور بتقولى قربت اوصلهم . ليه خلتنى اتأمل عالفاضى يا سليم حرام عليك
~ استنى بس متعيطيش . انا فعلا قربت اوصلهم . يومين وهكون عرفت مكانهم
-توعدنى ؟؟!
ب ابتسامه ~ اوعدك
* بعد يومين*
الباب بيخبط جامد
~ يا نداااا يا نداااااا افتحى الباب بسرعه
- فيه اى يا سليم
~عرفت اوصل ل مالك وفريده
بفرحه- بجد؟؟؟!
طب استنى هجيب الشنطه ونروح نشترى تذكره للطياره
~ لا تذاكره اى . احنا هنروح بطيارتى الخاصه . يلا بقا عشان ميغيروش مكانهم
رحنا هناك ف باريس فالبيت الى كانو فيه
~ انت متهم بخطف اطفال . ياريت تيجى معايا من غير شوشره و تسلم الاولاد لمامتهم
مالك وفريده اول لماشافونى جريو عليا
بعياط - وحشتونى
■ انتى كمان يا مامتى
بعدها اتحكم على مصطفى بالسجن ٧ سنين
ورجعنا نعيش مع بعض تانى انا ومالك وفريده
كنت فرحانه جدا برجوعهم
* من ناحيه تانيه*
~ عارف يا مازن . انا مكنتش اتخيل فحياتى انى هقدر احب . انت عارف انى عندى عقده من ماما بسبب انها كانت دايما تسيبنى مع الداده و تروح تعمل شوبينج و تتفسح مع اصحابها كأنها مش ام . كنت مقرر انى مش هتجوز ابدا لغايه م قابلتها . احن انسانه فالكون . حبها لاولادها و ابتسامتها البريئه خلونى احبها واعشقها . تفتكر لو اتقدمتلها هتقبلنى
₩ عشت و شفتك واقع يا صاحبى 😂😂😂
انا لو مكانك اجرب و اشوف هتقبل ولا لا
*نرجع تانى ل ندى *
سليم صمم انه يعمل حفله بمناسبه رجوع مالك و فريده . لبست فستان كشمير و كنت زى الاميره
■ ماما فين يا فريده
- انا اهو يا مالك . انت معرفتنيش ولا اى 😂😂
■ الله يا ماما بقيت مزه
- ولد عييب 😂
■ اول مره اشوفك بفستان يا ماما
□ ماما انا عايزه زى فستانك
- بصى عمو سليم جابلك فستانين كتير ازاى . اختارى واحد منهم و انا هلبسهولك
□ واو حاضر
دخلت الحفله و الكل بيبص عليا
فجأه الانوار طفت و اشتغلت مكانها انوار خافته لونها احمر
سليم وقف على ركبته
~ اوعدك مزعلكيش ابدا و لا انيمك زعلانه ف اى يوم . اوعدك اعامل اولادك زى اولادى و احبكم لاخر يوم فعمرى ... تقبلى تتجوزينى؟؟!
بصتله ب فرحه
-ايوه
الكل سقف و فرحو
*يوح الفرح*
■تعرفى يا فريده ان مفيش ولاد كتير بيحضرو
فرح مامتهم 😂 😂
□ بص فستانى اد اى جميل
■ كل حياتك فساتين يا فريده . ربنا يعينك عالمهلبيه الى فدماغك 😂😂😂
* بعد ١٥ سنه *
النهارده فرح مالك على حور ( بنت اميره) . ربيت ابنى وبنتى كويس عشان ميكونوش سبب ف زعل وقهره اى حد فالدنيا و حقيقى بحسد حور على مالك 😂😂
□ مالك اى رأيك ف فستانى النهارده
■ يووووه يبنتى انتى مش هتعقلى ابدا . فيه مهندسه اد الدنيا مهووسه بالفساتين ؟؟!!!
□ اه فيه . انا 😂 ارقص معايا يا مالك
■ على فكره دا فرحى لو مش ملاحظه يعنى . هرقص مع حور
□ اه يا خاين 🤣
تمت
تعليقات
إرسال تعليق