 |
الاولي والثانيه والثالثه
المدمنه
الحلقه الأولي
بقلم دوداا حوده
انا هاله عندي ٢٨سنه عايشه لوحدي بابا متجوز وماما كمان متجوزه بس انا مش حابه اقعد مع حد فيهم المهم اني باخد فلوس منهم وخالص عايشه حياتي براحتي محدش بيقولي رايحه فين ولا جايه منين ودي اكتر حاجه مريحه دماغي ليا صحبتي وفاء بعتبرها اختي وظروفها مقاربه لظروفي باباها متجوز ومامتها متجوزه وصحبتنا مني من ايام الدراسه انا مش بحبها بس يعني كان وجودها في حياتنا علشان تقف معانا في الامتحانات بس بعد ما خلصنا وفاء فضلت رشقها في حياتنا دي بقي باباها ومامتها متوفين وعايشه يوم معي عمتها ويوم معي خلتها ورغم أنها كانت متفوقه جدا ومعاها بكاليورس تجاره زينا بس مش لاقيه شغل كويس وفي يوم كانت عندي هي ووفاء
وفاء :اي يا مني برضه مش لاقيه شغل
مني :لا والله هو انتي مش عندك في الشركه طالبين ناس
وفاء :لا والله يا مني
مني :وانتي يا هاله مش عايزين في شركتك برضه
هاله: هههههههههههه انتي بتظهري صح تيجي فين انتي مش شايفه لبسك اقصد لبسي القديم انتي كنتي وخدا مني امتي ده من ٤سنين صح عندي كام طقم ابقي خديهم بس انتي تشتغلي معايا مينفعش
مني :بعد اذنكم انا لازم امشي من هنا
ومشيت مني وهي معيطه
وفاء :انتي معندكيش دم والله يا هاله ليه كده
هاله :انا بجد مش بحب البيت دي وانتي اللي غاويه تخليها معانا
وفاء: هي غلبانه والله وانتي مفتريه بجد انا ماشيه
هاله : ماشيه فين استني معايا حاجه جديده هنجربها سوه
وفاء :لا المره دي بجد انا هبطل
هاله :تبطلي اي يا عبيطه انتي هو سهل كده
وفاء :ايوه وناويه اروح مصحه كمان
هاله : هههههههههههه مصحه هههههههههههه اقعدي اقعدي بس والله هنجرب سوا وفعلا قعدت وفاء ومني روحت البيت عند عمتها
العمه :يوووو انتي جيتي ليه خالتك محبتش انك تباتي عندها
مني :انا مروحتش عند خالتي اصلا كنت بدور علي شغل وبعدين روحت عند صحبتي شويه
عمتها :ولقيتي شغل ياختي
مني :لا للاسف
عمتها :طيب ادخلي ياختي ادخلي ودخلت مني وهي عامله تعيط ونامت وصحيت الصبح ونزلت تاني علشان تدور علي شغل لقت هاله قصاد بيت عمتها بالعربيه
هاله :مني تعالي اركبي
مني : صباح الخير يا هاله عامله اي
هاله :تمام الحمد لله اوعي تكوني زعلانه مني
مني :لا خالص مافيش حاجه
هاله :انتي اختي وانا بتكلم معاكي زي اختي كنت بهزر يعني
مني :خلاص والله مافيش حاجه
هاله :طيب عايزه اقولك حاجه مش عارفه هتوافقي ولا لا
مني :خير فيه اي
هاله :انا محتاجه حد ينظف ليا البيت بمرتب عالي ٤٠٠٠جنيه في الشهر وقولت انتي اولا اهو منك تساعدني وبرضه يبقي معاكي فلوس كل شهر قولتي اي
مني :شغاله يعني
هاله :متقوليش كده اسمك بتساعديني
مني :فكرت شويه والمعامله اللي عمتها بتعاملها بيها طيب هشوف وارد عليكي
هاله : اه بس مش كتير علشان انا محتاجه وحده بسرعه لو مش موافقه اجيب وحده
مني :لا هرد علي طول وروحت البيت
عمتها :اي اللي رجعك بسرعه كده
مني :تصدقي يا عمتي صحبتي عايزني اشتغل عندها
عمتها :واي يعني مش احسن مانا عامله اصرف عليكي بقولك اي يابت الحلال انا خلاص من هنا ورايح مافيش فلوس تاني وروحي بقي عند خالتك انا زهقت مني مشيت وهي معيطه وراحت عند هاله وفتحت وفاء
وفاء :مني انا عارفه أن قلبك ابيض وكنتي هتيجي تاني ودخلت مني
مني :انا وفقت يا هاله
هاله:اه تمام طيب روحي عالمطبخ اعملي لينا نسكافيه واسمي من هنا ورايح استاذه هاله
مني :تحت امرك
وفاء :اي ده فيه اي
هاله :ابدا بقت شغاله عندي وكله بثوابه
يتبع
_______________________
المدمنه
الحلقه الثانيه
بقلم دوداا حوده
وفاء : هو انتي طبيعيه يابنتي انتي بتكسريها علشان عارفه يعني أنها مش هتقدر تقولك لا
هاله :ابدا والله شوفتي انك فهماني غلط دي صعبت عليا وقولت بدل ما انا قاعده لوحدي تيجي تقعد معايا وبدلةما اجي اديها فلوس وهي يعني يكون صعبان عليها نفسها اقولها انها شغاله بيهم كمرتب يعني شوفتي بقي انك ظالمه ومفتريه ازاي
وفاء :هاله انا حفظاكي كويس اوي بس خليكي فاكره ربنا مش بيسيب والله واللي هتعملي في الغلبانه دي ربنا هيردو ليكي دي يتيمه
هاله :ااااه ابتدينا موشح النكد كملي كملي انا عارفه أنك مش هتسكتي
ودخلت مني :اتفضلوا النسكافيه
هاله :ميرسي يا حبيبة قلبي خدي يا مني
مني :اي دول
هاله :مرتب شهر مقدم يمكن تحبي تجيبي حاجه نفسك فيها خليهم معاكي
مني :كتر خيرك لا خلي المرتب اخر الشهر احسن وانا مش محتاجه حاجه دلوقتي
هاله :اسمعي الكلام وبعدين احنا طالعين العين السخنه وانتي طبعا هتكوني معانا علشان تنظفي الشاليه هناك
مني :اصل انا مقولتش لعمتو
هاله :هقولك حاجه اتعودي طلما محدش بيصرف عليكي جنيه اعملي اللي في مصلحتك فيه
وفاء :لا طبعا انتي صح يا مني روحي وعرفي عمتك
مني :ممكن يا استاذه هاله
هاله :ماشي ساعه وتبقي هنا وفعلا راحت مني
عمتها :اي فيه اي لحقتي سبتي الشغل
مني :لا زملتي عايزه اني اسافر معاها العين السخنه واكيد مش هنيجي دلوقتي
عمتها :ماتروحي حد طايل
مني :سوال بجد هو انتي قلبك مش بيوجعك علشاني يعني لو اتاخرت برا عادي لو اشتغلت خدامه عادي لو سافرت اسبوع وانتي متعرفيش عني حاجه عادي ده انا بنت اخوكي المفروض تخافي عليا اكتر من كده انا فاكره اوي يوم ما بابا مات كنتي انتي اللي معاه في الاوضه وطلب منك انك تخدي بالك مني وانتي قولتي دي في عيني يعني لا قدر الله لو حصلي حاجه لما تروحي لبابا هتقولي ليه اي
عمتها :انتي بتقولي اي يا بت انتي بعد ما كبرتك وعلمتك وخليت معاكي موهل عالي اخرتها بتقولي كده
مني :انا كنت عايزه احس بحنان كان نفسي القيكي بتخافي عليا تزعقي ليا لو خرجت ورجعت متاخر والله حرام عليكي يا عمتي
عمتها :حرمه عليكي عيشتك امشي يابت انا غلطانه اني كبرتك وعلمتك وخليتك تقفي تردي عليا برا وخرجت شروق من الاوضه
شروق :اي ده فيه يا ماما في اي يا مني
مني :مافيش شكرا ليكي يا عمتي اوعدك انك مش هتشوفي وشي تاني ومشيت وشروق نزلت وراها
شروق :خدي بس رايحه فين
مني :رايحه شغلي خدامه في البيوت
شروق :اي انتي تشتغلي خدامه
مني :عمتي عايزه كده والنبي سبيني
شروق :اقسم بالله ما هسيبك كده تعالي نتمشي شويه
مني :مينفعش انا وخدا اذن ساعه من شغلي
شروق :طيب والنبي استني هنا دقيقه وحده هنزلك عالطول وطلعت جابت موبيلها ونزلت خدي يا مني
مني :اي ده
شروق :موبيلي خلي معاكي علشان اعرف اطمن عليكي
مني :لا والله معايا فلوس هجيب موبيل
شروق :لا خلي معاكي الفلوس انا كده كده كنت عايز موبيل جديد
مني :ده تلفونك جديد والنبي لا خدي وانا علقي اجيب واحد
شروق :اخلصي يالا وهنزل بليل اجيب موبيل جديد وهبقي اتصل بيكي علشان تخلي الرقم معاكي
مني :والله انتي ونعم الاخت ربنا يخليكي ليا وبستها
شروق :بقولك اي انا عارفه أن بنت خالي راجل اي حد يعاكسك كده وكده اتصلي بيا بس
مني :وانتي هتعملي اي يعني
شروق :هقوله عيب يا نوتي ابعد عنها هههههههههههه
مني : هههههههههههه
شروق :ايوه كده اضحكي ربنا يخليكي ليا
مني :ويخليكي ليا يارب عايزه حاجه
شروق :اه شميلي شويه هواء بالله عليكي 😭😭
مني :هو انتي فاكره اني رايحه اشم هواء ده انا هيطلع عيني
شروق :معاش ولا كان معلش استحملي شويه يلا علشان متتاخريش ومشيت مني وطلعت شروق
ام شروق :ودعيتها ياختي
شروق :انا مستغرباكي يا ماما والله دي بنت اخوكي
ام شروق :بس بت ادخلي اوضتك يلا
شروق :عجبك كده يا بابا
ابو شروق :ادخلي اوضتك بس دلوقتي ودخلت شروق واتكلم حاتم ابو شروق مع مراته عزه
حاتم :يعني انتي وخدا فلوس ابوها وفي الاخر تعملي فيها كده
عزه :دي فلوسي يا حبيبي انت ناسي أن اخويا كان واكل عليا ورثي
حاتم :يا وليه بامفتريه يوم ما ابوكي مات طلبتي تبيعي البيت واخوكي قالك لا هديكي انا فلوسه
عزه :اه ادني اي ٢٥الف جنيه ولما جه يبيع البيت باعه ب٥٠٠الف جنيه
حاتم :واحنا مالنا هو تمن البيت زمان زي تمنه لما اخوكي مات وبعدين هو ورثك كان ٥٠٠الف
عزه :وهو انا مش علمتلو بنته تحمد ربنا بقي ودي فلوس جهاز شروق
حاتم :تحرم عليا الفلوس دي اقسم بالله ما اجوز بيها بنتي انتي حره بيهم انتي
عزه :برحتك وريني هتجوز البت ازاي
حاتم ملكيش دعوه انتي وذنب البت دي في رقبتك والله
عزه :هو انت اللي عمها ولا انا اللي عمتها انت مالك
حاتم :الرحمه يا منزوعه الرحمه وفي بيت هاله
هاله :مني يا مني
مني :نعم يا استاذه
هاله : حضرتي الشنط
مني :ايوه خلصت
هاله :بس اي الطقم الجامد ده حلو اوي
مني :بجد انا لسه شاريه
هاله :طيب نزلي الشنط علشان هنروح هناخد ابله وفاء من بيتها ونزلوا وسافرو هما التلاته وهناك قابله عماد وهاني وعادل وهاله بتحب عادل جدا ومعجبه بيه اوي لكن هو ولا فيه دماغه
هاني :الله مين الحلوه دي اول مره اشوفها معاكوا
وفاء :زميلتنا بي مكنش ليها في الخروج
عماد :واي اللي حصل
وفاء :بقولك اي خف عليها وكانت مني عامله تحضر السفره علشان الغدا وخلصت وقالت ليهم الغدا جاهز كلهم قاعدو عالاكل وعادل منزلش عينه من علي مني
عادل :اي ده رايحه فين مش هتكلي معانا
مني :اصل....
هاله :لا اكلها في المطبخ اصل مني شغاله هنا بس كنا مش عايزين نقول
الكل أنصدم لأنهم الاول كانو فاكرين أنهم زمايل مع بعض ومني اتكسفت ودخلت المطبخ
يتبع
___________________________
المدمنه
الحلقه الثالثه
بقلم دوداا حوده
عادل :عالفكره انتي احرجتيها
هاله :والله مش اقصد يا عادل ربنا يعلم اصلا لما جت وطلبت مني تشتغل عني انا مكنتش موافقه بس هي حساسه اوي ربنا يعلم انا كنت بعمل اي علشان ترضي تاخد فلوس مني بس هي بقت تصعب عليها نفسها
وفاء :بصت ليها باستغراب وعادل قام من عالاكل انا برا عقبال ما تخلصي
هاني :ريحي نفسك يا هاله مش بيفكر يخطب من بعد ما خطبته ما ماتت
وفاء :ملكش دعوه انت
وفاء :اقسم بالله يا هاله لو فضلتي تعملي مني كده لامشي واسيبك
هاله :انا عملت اي انتي ناسيه انها شغاله عندي وازاي تقعد تاكل في وسطينا وكان عادل بيتمشي قدام الشاليه ولقي مني قاعده بتاكل قدام باب المطبخ من برا ناحيه البحر
عادل :ممكن اقعد معاكي
مني :طبعا اتفضل
عادل :انتي اللي عامله الاكل لوحدك
مني :ايوه أنا
عادل :بس تسلم ايدك اي نعم مكلتش بس لما دوقت الاكل عجبني اوي
مني :طيب اتفضل كل معايا
عادل :بجد مش هيضيقك يعني
مني :لا اتفضل وقعد كل معاها وعينه عليها
عادل :انتي معاكي مؤهل اي
مني : بكالوريوس تجاره
عادل :نعم وازاي تشتغلي كده
مني :هاله صحبتي ويعتبر بسعدها عقبال ما القي شغل انما لو كان حد غريب عمري ما كنت هشتغل كده
عادل :انتي شكلك طيبه اوي
مني :ربنا يخليك ده من ذوقك
عادل :انا اسمي عادل بشتغل في شركه مقاولات
مني :وانا اسمي مني
عادل :بس ممكن سوال ومن غير زعل
مني :طبعا تحت امرك
عادل :هو بابا موافق تشتغلي كده
مني :بابا وماما متوفين وعايشه يوم عند عمتي ويوم عند خالتو بس عمتو مش كانت موافقه فضلت أقنعها علشان اساعد شويه بصراحه عمتو مش بتحرمني من. حاجه بس قولت حرام
عادل :طيب والله كويس وامك قدرتي يبقي معاكي مؤهل عالي ربنا يخليها ليكي
مني :ربنا يخليك
عادل :هو ينفع اخد رقمك لو لقيت شغل اكلمك
مني :اي رقمي لا أصل ..... معلش لو فيه حاجه ممكن تكلمني لما تيجي هنا او تكلم هاله وهي هتقول ليا
عادل :عالفكره انتي لسه متعرفنيش انا مش من النوع اللي بحب اعاكس البنات اي نعم انتي حلوه اوي وتتعاكسي بس انا مش كده
مني :بعد اذنك ولكن الاكل ومشيت وراح عادل لزميله
هاني:مش يلا بينا
عادل :لي ما احنا قاعدين شويه
هاله :ده بجد انت حابب تقعد
عادل :اه يعني هنروح نعمل اي
وهاله كانت فرحانه جدا وفاكره أنه قاعد علشانها بعد اذنكم دقيقه واحده وطلعت الاوضه وطلعت كيس البودره من شنتطها وشافتها مني
مني :انتي بتعملي اي
هاله :وانتي مالك وازاي تدخلي كده اطلعي برا
مني :حرام عليكي نفسك ليه بتاذي نفسك بايدك
هاله :تاني مكليش دعوه بايه ومتدخليش في اللي ميخصكيش
مني :لا يخصني لما اشوفك بتاذي نفسك يبقي لازم اوقفك
هاله :بت انتي انا محدش قدر يتكلم معايا كده ابعدي عني
مني :هاتي الكيس ده وخدت الكيس من أيدها
هاله :مني والنبي هاتي الكيس بلاش كده الله يخليكي والنبي يا مني هاتي
مني :بالله عليكي انتي بلاش تاذي نفسك
هاله :نفسي وانا نفسي مهمه عند حد محدش بيفكر فيا اصلا متعمليش فيها حبيبتي محدش بيحبني بابا وماما كل همهم اني اكون بعيده عنهم علشان متحصلش مشاكل ليهم في حياتهم واصاحبي مافيش الا وفاء وهي زي برضه والكل بيبقي عرفني مصلحه محدش بيحبني
مني :اسلوبك اللي مخلي الناس بعيده عنك وانا لو مش بحبك مش هتكلم معاكي كتير كده
هاله :طيب هاتي الكيس دلوقتي وبعدين نتكلم
مني :لا وادي الكيس اهو وفضت الكيس عالارض
هاله :انتي غبيه انتي عارفه اللي
رمتيه دي بكام ونزلت عالارض تلم البودره وقامت
انتي غبيه والله اطلعي برا
مني :لا يا هاله مش بمزاجك
هاله :بقولك اطلعي برا وزقت مني جامد في الحيطعده وقعت عالارض دماغها اتفتحت وجابت دم والكل دخل لقي هاله وافقه ومني واقعه في الارض شالها عادل وخدها في العربيه وودها علي المستشفي
يتبع
البارت الرابع والخامس والسادس من هنا
تعليقات
إرسال تعليق